THE CONTRACT CHPTER THIRTY FIVE

THE CONTRACT CHPTER THIRTY FIVE

Zanin chu Intoxicate kha ka rawn dah hman dawn loh hmel khawp mai, naktukzan The contract chhuahloh zanah ka rawn dah mai dawn nia, ka buai hi ala reh thei tak tak lo a a buaithlâk anih hi, chuan fakna awm kha kan theih hmeh vek tum chhin ang aw, a rem chan dan ang a piangin, a lawm awm ngawt ang.

RICHARD....




Ka khawng thut a, ka hmui leh bottle chu a inthen phawk nghal a, ka thinlung chhung a ngaihtuahna awm te pawh chu a chawmawlh vek tawh, chuti anga ngaihtuahna ni mup mup puak darh mai tura inmung mek chu dan zawh rual.loh hian a puak keh zo ta a.





Ka bulhnai vela boruak rit lût in a mi hual vel rebg ang hian ka inhria, ka pik up up bawk, chuti ang yhil chu zo lo in ka ṭhutna ngaiah bawk chuan ka ṭhu thla leh hnawk a, ka thil intur ka la inbangzawng ka dah pawh chu ka inchhunzawm peih tawh lo. Nichin lawk a ka thusawi chhuah zawngi ti a ka sawi kha a ni keh lo, chubakah min kalsan tur pawhin ka duh chuang lo; hetah ka bulah ngei awm turin ka duh, a aw zawi sap te khan zawhna atthlák tak tak pawh nimahse min zawt leh sela ka duh!




Min fiam laia a nui ri te keh a nuihmel te jha hmuh leh a hriat nawn leh ka duh. A mitko mi san khum âk pah go fuck your self ti a min chhan dan te kha leh ka idea ṭha ti tak a min fakna te kha ka mamawh leh; tháwk ka la ri hràwk a, chu room vawt ruih leh thawm engmah awmlo reh ruih hnuaiah chuan ka thawri ringawt pawh chu a ring ṭha hle, a bula mut a zing ka ṭhanharh pawh a a pangtilum ham hamin a min nghenna nen a thawh leh te chu ka duh, ka life a rawn inrawlhin ka thunlung thi tawh hnu a tih nun leh dan te hi! A hma deuh hlek a vawikhat inhnialna kan neih ṭum kha ka ngaihtuah let leh a, ka rilru hneh a tum dan te kha....hmangaihna hi thil tha lo a nilo a, thil ṭha lampang a ni ti a ka rilru sak tak tih nem tuma mi thlemthluk sak a tum dan te kha, eng emaw kawng zawng tak chyan keimah ah feeling alo nei ve reng tihna emaw ni dawn chu le aw.... a ni thei mai ang em, over tawk a chet lâk tum suh ti a ka khak lai te khan hreawm tih hmelzetin a mit tui te kha a tlingpam phah a ni si a, a ṭawng kam chhuak a rilru na tih hriat ngawih ngawihna lang chhuak te kha.




'A tawk, kei pawhin sawi sawi hi ka kham tawh' ti a min chhan dan te kha leh hmel hlimlo zet a put dan te chen khan. Kei zawk hian he thil a intulut tur hian ka nawr lui zawk a, tumahin hreswm an tuar dawn lo, Grahamin hnathawh ṭha deuh a hmu dawn a, Penny lahin awmna tur hmun ṭha deuh a neih theih phah bawk ang a, Katharine lah chuan tuna a nundan aia sang leh chang kangin a nun theih ohah bawk dawn a, kei erawh ka kaldan pangngaiin ka kal anga a, tumah an na dawn lo, engkim a ṭha vekang, tumah pawh tihnat ka tum lo. Ti a ka,sawi dan te kha, ka va han sawi diklo teh lul em, tunah tak hi chuan kan dawt phuahchawp a vang khan kan pahnih hian kan tuar bera, hreawm pawh kan ti ber ni in ka hre tawh; ka nupui hi ka life ah lo kir leh se ka duh. Tun ṭum zet chu a tak tak anga ka life a sengluh ka duh tawh, mahse engtin nge tih tur tihlah ka hre mang bawk si lo.





Ka glass chu hum reng chung chuan dar kar eng emaw zah ka vei kual a, ka intur a katih scotch bottle pawhin min hlat ngailo kher mai, chuti ang chuan darkar eng emaw zah a liam tawh, chuti anga ka vah kual hun chhung darkar engzah chiah nge a nihtawh tih lah ka hre hek lo, zing lam dar hnih velah chuan rilṭam avangin ka pum chu a ri ta ruk ruk a, chutah chuan ka ril aṭam tawh zia ka hre chhuak ve chauh, rei tak chhung engmah pawh ka ei lo tih ka hria,refrigerator awmna lam chu ka pan phei a, spaghetti ei bαng awm chu counter lamah keng pheiin ka inchhawp a, pasta vawt tawh tak a ṭhing bawk pawh chu la chhuakin, tihlum lam pawh ngaihtuah lo chuan spoon in ka chawk kawi sauh sauh a, pasta leh spaghetti vawt zet chu ka ei ta bawrh bawrh a, vawt viau mah se ka ei tui tho, Katharine thil siam hrim hrim eng pawh mai chu ka kâ ah chuan a tui em em vek, chutia a thilsiam ka ei mawlh mawlh lai chuan hmanzana a ei tur siam filet leh asparagus ka ei tur a tan a min siam sak kha ka hre chhuak a,  béarnaise sauce nen tui ti zetin ka ei a nih kha, khatiang thil tui lutuk kha chu finley ah pawh ka ei ka la hre ngai lo.





Khami zana ka fakna ṭawngka kha ka rilru leh tih tak zet nena ka sawi chhuah a ni a, a zâm chhiat dan lah kha ka duh dan tak a la ni zui bawk, a zám chhiat dan hi a dangdai katih nachhan em em chu thil sa emaw thil vawt emaw a vang chuan a sen chhuak tho ṭhin a, mahse tuna ka sawi erawh chu chuti ang lam nilo in a skin colour nen a inhmeh tawp ṭhin! A thinrim chang erawh chuan a biang chu senduk tak lam pang rawng a pu a, a zâm chhiatna biangsen erawh seno deuh chek ang hi a ni a, ka duh dan tak a ni bawk, chuti anga rawng senno a bianga ahan awm chu a inhmeh tawp ṭhin! A hmui a rawng senno a inhnawih ṭhin te kha nalh ka ti a, a mah ina rawng senno a hmang anih loh chuan thildangah erawh rawng senno chu ka haw thung viau lawi.



Kan inbiakna te chu ka chhuikir leh a, thil eng emaw ngaihtuah vung vung pah a sawi chhuakin, "Ka duh e."




"A enga chu maw?"





"I zám laia i biang senno chek ṭhin kha maw le, i tilang ngai lem lo a chu, mahse ka han fak deuh chang che hi chuan i ti ve ziah ṭhin!"





"Uhh, min fak tawk ṭhin lo a niang chu."




"I sawi dik khawp mai, ka lo fak tawk lo thun che pawh a niang e."




A kut chu a thinhnun zawna dahin leh a thinlung taka sawi chhuak ang hisn min fiam pah zauh a, "E, min fak bawk a, ka thusawi min âwih pui bawk a, VanRyan ina nimak zet mai rawn thleng ah kan puang thei hial ang." Nui pah rah rah chung chuan a meng kal deuh ralh a.




Ka nui nasa lutuk chu dâk pahin ka nui chhuak hial mai, ka wine glass chu la in ka hmui lamah chuan ka chawikang a, ka no tlang a ṭang a Katharine chu chík zeta hian ka va melh pah vung vung chung hian,"Ka naupan laia hun reilo te chhung ka dessert duh ber chu ice cream a strawberyy  sauce telh a ni ṭhin a."




"Reilo te chhung chauh maw ni a?"




"Nana in min siam sak ṭhin a, mahse kan in a ṭanga bân anih tawh hnu chuan ka hmu tawh ngai lo."




"Oh, Richard." Tiin a ohun chhuak sap a, kei chu ka ding chhuak nghal vat a, achhan pawh a mi lainatna ṭawngkam chhuak chu ngaihthlαk ka duh loh a vangin.





Katharine lam chu melh chhuk lehin, "Nana chuan ice cream hlang leh strawberry sauce chu ka kutah min pe tawp ṭhin a, keiin lo pawlh kual vel kha nuam ka ti thei hle a, mahni a thil ti thei tawh lutuk anga inngaihna ka nei bawk ṭhin, ka kut chuan bowl a ice cream awm leh strawberry sauce ka pawlh chu ka thâi pawlh a, a rawng chu a senno ta chek ṭhin a, chuti ang chi i zah changa i hmel landan ṭhin chu a ni."




Engmah sawi leh tawhlo in a rawn ding chhuak ve a, ka bulah rawn kal hnaiin ka nghawng ah chuan a kutin min kuai kun a , ka chalah chuan min fawhsak ta ri ngawt a, chumi hnu chuan "Ka lawm e." Tiin a phun chhuak sap a.




Kei pawhin, "Yep." Tiin ka chhαng tawi tuk.




Nuih zat hmel zet leh mitmeng hriam lam lek lek nena mi rawn melh chhoh leh pah chung hian, "He'ng i thusawi thlum tak te avang a thlengsil lam pang ka awl che i ring dawn a nih chuan theinghilh hmak rawh, keiin a siam lam ka tum tawh a, nangin a sengfel leh tihfai lam i tum tur ani  tih hi i hre dawn nia."





Ka nui chhuak hawk hawk a, ani chuan kitchen chu a chhuahsan zui nghal bawk a.



******         *******         ********



Katharine ka fawh lai khan, ka kâ chhung a thlen hma in a tâwp deuh chaih a, khatih lai pawh khan, ka lo hmangaih tawh reng a lo ni.




Thil eng emaw sawi a kan han indem fiam velna te leh kan fiamthu thawh dan kual dan hrim hrimah te pawh chuan a mah ah ka awm tawh ani tih reng ka lo hre lo, chuti ang rilru put ngaihna pawh ka hre lo hrim hrim bawk; hmangaihna hi ka tawngngai lo a, ka hriatthiam thil a ni bawk silo nen, ka pasta vawt eina ka kuta ka ken fork chu ka thleng lamah chuan thlauh thla in, ka plate chu nawr sawn nghal bawk  a, achhan pawh ka rilṭamna a bo zawh tawh avang in.



Kitchen chu ka melh kual a, Katharine sûlhnu ho chu ka chhui kual char char bawk a, ka condo chhung zawng zawng chu a kut thlákna hnu leh a sulhnu hlirin a khat a, ka condo chhung chu hmun dang daih angin a thlâk danglam vek a, Katharine chuan ka condo chhung chu in pangngai dik tak leh luahtlakah min siam sak a, kan pahnih inah min siam sak a, he in hi a tello chuan engtihna mah a nilo a, kei pawh hi a tello chuan engtihna mah ka ni chuang lo.




  ******          ******          *******


"Richard hetah eng nge i tih?"

Ka hawi let a, nidang ang tho a atihdan pangngai chuan ka boss chu a rawn lut a.




"Hetah te eng nge i rawn tih a?" Tiin a zawhna ngai chu min zawt nawn leh a.




Ka thil pack fel lai chu a en reng a, ka kutah lah kan inneih thlalâk ka keng reng bawk a.




Hun kal tawh hnu ngaihtuah letin darkar engzah fako nge ka kut a thlalak chu kenga ka lo din tawh tih lah ka hre hek lo.




Graham bawk chu a rawn ṭawng chhuak leh a, "Tunlai chu Katy bulah hun hmang tam.deuh turin leh office pawh la rawn kal rih lo turin ka hrilh che a ni lo'm ni?"




Ka bula box tè chu melhin, ngaihṭhatloh hmel zet a mi en chung chuan, "Eng nge nita, eng thil nge thleng a?"





"Thil sawi dun pui lawk tur che ka nei a."




"Khawiah nge Katy ?"



A mitah tak en chungin, "Ka hrelo, min kalsan daih." Tiin ka chháng a.




A tawlhhnung deuh dawr a, a hmelah lah mak atih zia hai rual a nilo, a kut chuan a kekawr pocket chu zemin phone a phawrh chhuak nghal a, a phone chu hmang nghalin, "Sarah vawiin ni a appointment ka neih zawng zawng cancel nghal vek ang che."




"Aw, nangma'n tih dan ngaihtuah mai rawh, tihfel dan tur i lo ngaihven mai dawn nia, vawiin nileng chhung chu office ka chhuahsan dawn." Tiin a phone chu a cut ta hmak a.





Phone a dah hnu chuan ka lam chu a rawn hawi phei leh a, "Vawiin chu inhnuai lamah i motor ka va hmu lo ve?"




Ka lu thin khum nawk chung chuan, "Cab in ka rawn kal a."




"Thlalak kha a awmna ngaiah dah leh la hmun dangah kalin fianrial hmuna inbiak dun kan ngai niin ka hria."




A thusawi chu lo hnial pahin, "A ngai lo, helaiah hian thil tam ka dah lo hrim hrim a, hei ka la zo ṭep tawh a lawm."




"Eng nge thilawmzia, ban i tum tihna a mi?"



Rilru hah zeta thâwk chhuah hawk pah chuan, "Nilo ve, i bula ka thil ka sawi hnuah chuan hna ka nei tawh lovang, chuvang chuan hetia ka tih hi a awlsam zawk."





A mit chu min men nur khum nawng a, a aw lah a thûm in a chang ṭha hle bawk a, "Thlalak kha desk ah dah thla la, tichuan i thusawi chu kan ngaithla ang a, chumi hnu ah chuan eng nge tih tur leh tihloh tur tih chu kan ngaihtuah dawn nia."




Ka kut khur deuh dur dur chuan thlalâk chu ka en ngawih ngawih a, "Tunah." A rawn tih leh hrâwk ták avang chuan a sawi ang chuan kati ta nghal a.




A ma'n ka coat hâk ka phelh chu ka lama mi rawn pèk pah chuan chîk deuh hlek zawk hian min en leh a, "I vahan chhe tak e aw, i lang bawrchhawr kher mai."




Za lo zeta nuih khum suk pah chuan, "Kei pawhin ka in ti a sin." Ka lo ti liam ve puat a .





"Aw le, kal chhuak phawt teh ang."




Car kan luh hnu chuan ngawi rengin a car chu a khalh a, kan in be miah lo; car tukverh aṭang chuan ka dâk chhuak a, khawpui chhung chu ka thlir kual a, he khawpui hi ka chhuahsan tawh hmel, Katharine leh ka hna duh ber tello chuan he khua Victoria hi ka tan engtihna mah ani tawh lo.




Katharine leh Graham nen a thil kan tihfel hnu ah chuan Toronto lamah ka daih tawh ang. Toronto city hi khawpui ropui zet mai leh midang te ngaihven lohna hmun a ni a, chu hmunah chuan ka pilbo thei ngei ang.




"Richard." Grahama'n ka hminga min rawn koh ták avang chuan a lam chu hawiin ka melh pah vung vung a, "Kan thleng tawh e." A ti nawn leh sup a.




Ka ngaihtuahna leh ka suangtuahna avang a ka rilru buai lutuk a leiah khawilai nge kan thlen tawh tih pawh chiangin ka lo hre mumal lo a, ngaihven thei pawhin ka awm hek lo, ka han hawi chhuah nák chuan a chenna hmun kawtah kan lo ding reng tawh hi a lo ni a, ka rilru a buai em a vang chuan khawi lamah nge kan kal tih lah ka ngaihtuah lo, a in ka hmu chu mak ti zeta melh chung hian, "Hetah hian fianrial chu kan nei thei berin ka ring, inbiakna hun ṭha tak pawh kan nei thei ber ang, Laura chu inah a awm nânga chu kan inbiakna ah hian a rawn inrawlh lo ang."




Ka chil lem khawlh pah chuan, "A ni pawhin ka thusawi tur hi a ngaihthlâk ve a ngai ang."



"Ok, a hnu deuh hlekah a ni pawh a rawn tel ve mai turah ngai ila, tunah erawh kan pahnihin kan inbiak fel phawt a ngai ang."




Motor kawngkhar hawn pah chuan, "Okay." Tiin ka chhang ve mai a, ka rilru hah lutuk leh ka beidawng lutuk chuan hnialbuai  pawh ka peih lo.





Chu inzau ṭha tak mai compound zau tak nei ka hmuh chuan hunkal tawh hnu ka ngaihtuahna ah chuan a rawn thar keh a, heti lai hmuna Katharine ka hruai ni hmasa ber kha ka hre chhuak thar leh a, kan zám dun zia leh kan buai rúk dun zia te kha, ka mitthla ah chuan a rawn lang nawn leh uar uar a.




A ni kha chuan a lemchan tur part kha khami ni paeh khan a hnensawh takzet a nih kha.... deck lam ka melh phei leh lai chuan kan inneih ni kha ka hre chhuak leh bawk a, ka awm a ṭanga ka hrawk thleng mai chuan hnawhtu awm ang mai hian a rawn tâwt chho mup mup nghal a, kha kan inneih ni kha chuan Katharine kha a lang duhawm.tak zet zet, chuan nuamti zetin kan lám dun bawk a ni kha, chuti ang thil thleng chuan ka hrechhuak zut zut bawk a, ka memory chu bo hmak se ka ti kher mai.




Ka kut leh a kut chu rem takin a inbawh thuah zaih a, kan taksa pawh churi ang bawk ani tih te lam chuan ka hrechhuak tel a, khatiang ni mai mai pawh nimahse kha ta ṭang tawh khan ka tan chuan ni pawimawh tak leh ni hlimawm tak  a ni tih ka hrechiang hle, khatih lai aṭang tawh khan em ni ka hmangaihna chu a lo inṭan daih tawh?




"Richard." Graham lampang ka hawi phei chu coffee nen a lo inchhawp a, "I thilsawi tur tih awlsam na turin coffee hi i hmang theu ang chu!"




Coffee lák pah chuan ka bûk khum nghut a, tukverh lam bawk chu ka hawi leh ta a.




Ka rilru chu a buai kher mai, ka ngaihtuahna lah chuan kil tin kil tang a daplawrin, a vákkual ruai mai bawk a, eng aṭangin nge ka sawi chhuah ṭan ang? Tiin in ka thusawi tur ho chu ka ngaihtuah a, sawi ṭanna tur mai pawh ka hre lo; mahse a hmasa berah chuan he ka black board hi ka hrufai hmasa phawt ang a, chumi hnu ah chuan thil thar vekin tihfel dan tur ka ngaihtuah leh ang.




Boruak chu muangchanga hip lut chungin Graham lam chu ka hawi ta a, a ni chu a desk ah chuan ṭhu in, a ke chu a khawkherhin a coffee chu a inpah bawk a, a awmdan chu a chiai lem lo a, a pangngai reng a, mahse a hmelah erawh ka thusawi tur hriat chák lutuk hmel a phu thung!




"Eng tin nge ka han sawi ṭan ang le!" Ka ti a.



"A tir hi a tha ber ṭhin in ka hria." Ti in min lo chhâng a.




Heti ang thilah hi chuan eng ber kha nge a tir ni anga, a ṭanna pawh ni ang tih lah ka hrethiam.der mai si lo. Anderson Ink ka thlahna chhan ber kha nge, Katharine nena contract kan neih tirh ber kha nge ni ang, chumi hnu a dawt leh bumna zawng zawng a a khah ták te kha nge ni ang eng ber kha nge ka sawi dawn? Ti a ka nhaihtuah vang vang lai tak chuan Graham bawk chu ṭawng chhuak lehin, "Nga ti nge Katy khan a kalsan chhan ringawt che?" Ti in min zawt a.




Ka mitko chu san zauhin leh ṭanpui tu neilo ang zet hian, "Ka hre miah lo. A laka ka tilru put dan a hriatloh vang anih ka ring." Ti in ka chhang a.



"Chu chu eng thil nge ni a, min hrilhfiah thei deuh ang em?" A meng nur deuh nûng bawk.a.



"Ka hmangaih a."



"I nupui in i hmangaih tih a hre lo va maw?"


"Aw."




"A nih chuan ka ngaihdanah i thusawi ṭan hun tur chu i hre tawh ni in ka hria."




Nui suk chung hian, a thusawi chu a dik a ni ti a pawmpui nan ka bûk khum nghut bawk a .




Harsa ti zet hian, "Dawt ka hrilh che." Ka ti ta a.




"Eng berah chuan maw?"




Thutthleng awmna lam chu panin ka ṭhu thla a, ka coffee mug ken lai pawh chu desk lamah chuan ka hung thla ve nghal bawk a, a chhan chu ka hmer nat lutuk nalamah ka hum keh mai ang tih te pawh ka hláu emaw bang lamah ka paih keh mai amg tih ka hlau, heti ang thu pawimawh tak mai sawi lai hian, ṭhing zeta ka chet ka hlauthâwng a ni, mahse thu puitling ka sawi dawn nge dawn lo tih erawh ka hre chuang lo.




"A englai pawh nilo in, a engkim mai kha dawt muhlum.vek a ni."




Ka hma ah chiah rawn rawn ṭhu thla ve in a bawp chu a khawkherh leh nghal a, a kekawr hák chuar lai chu zut mar thuak thuak ah chuan, min rawn melh leh ta a, "Gavins group ah hian hna neihna'n dawt min lo hrilh a maw?"