THE CONTRACT CHAPTER FOURTY ONE

THE CONTRACT CHAPTER FOURTY ONE

KATHARINE....


Tuifinriat kam hi chu a lo nuam a ni. Rilru te pawh a tihahdam sawng sawng nghalin ka hria. Tui fawn rawn inchhawk te chu hmuhnawm ka ti in ka mit a ti tlai hle bawk.




Tuipui sava vâr ka lu chung lam sang vaklo a thláwk sung sung en pah chuan ka ding reng a, tui finriat tui fawn nasa tak ka ennna chuan ka rilru a ti thlamuang huai bawkin ka hria, tui fawn chuan ka rilru hahna zawng zawng te chu la bo ve ta duak a hriatna hi ka nei a, chu chuan ka thaw a ti veng huai bawk.





Tlema rilru nawmlohna ka la neih pakhat chu Penny ka bula awm tawhlo leh ka ngai lutuk chu a ni. A thil min hrilh ṭhin te leh a kut a ka hnar min rawn piai sak zauh ṭhinna te chu eng tikah mah ka tawng leh tawh ngai dawn si lo.





Mahse thil pakhat  ka ngaihtuahna erawh chuan min ti hlim thung! A taksa a hreawm a tawh zawng zawng teleh a kum upat tawh a vang a a chaklohna te, a natna khirh khan tak a vanga thil a theinghilh ṭhinna a vanga rilru buai taka a awm ṭhinna te chuan an tibuai leh tawh ngai dawn si lo a, a dam chhung zawng khan kha natma khan tibuai in hreawm.ti tak chungin a hringnun a hman phah a nih kha, mahse chung zawng zawng te chu ngaihtuah mah ila, duat zeta ka chala min fawh sak na te, ka hnar min piai sak ṭhinna te leh a kut a ka biang min khuap sak ṭhinna te kha ka ngai a ni.





Tunah te hian la damin ka bulah la awm ni se chu, tun ngei a ka rilru hahna neih te pawh hi eng tia tih tur nge tih thuhrawn min pe thei tur hi a nia, ka pasal hian a mah ka hmangaih tawh tih hi hria ni sela chu a ṭha bawk tur, a ni lah chu hmangaihna lampang ngaisang lo chi leh duhlo chi ni in, hmangaihna lampanga dawih chi, hmangaihna hian engmah thlen a nei lo a, min ti chaklo tu chu hmangaihna hi a ni ti chi! A chhungril a hmangaihna a neih ve pawh chu rilru nat a hlauh a vangin khar khumin a dah tlat ang chu! Chuti ang a kharkhuma a dah tlat tawh chhan pawh chu a hun tawng tawh hreawm tak vangin, hmangaihna tan hun a pe duh tawh ngai lo, tih a mah ngeiin a sawi ka hre tawh a ni.





Nupui leh pasal lema kan chan tirh hun lai ngaihtuahin tunah te hi chuan a mizia leh rilru put hmang chu thlâk danglam tawh tak hi a ni tawh a. A hma aṭanga a lo up beh ṭhin a rilru a midang a care ṭhinna te chu tam tawh tak a ni tawh ringawt.





Chubakah Graham pawhin hna reng reng hi a hlawkna lampang chauh ngaihtuah lo a, midang ṭanpui pah chunga thawh theih dan tur a kawhhmuh bawk a, chu chauh pawh nilo Graham chhungte ho pawhin mahni chiah inngaihtuah lo a, chhungleh khat pawimawhna an kawhhmuh ve bawk a, chung zawng zawng te a ṭang chuan a mizia chu hmuh theih khawpin a inthlâk danglam ve in ka hria, chu mai bákah hmangaihna awmzia pawh a hre ve ṭan tulh tulh tawh ni a hriatna ka nei bawk.





Heti anga a inthlâk danglam lai tak hian ka tan thil eng emaw lam a hlawkpui theih ve na kawng eng emaw tal a awm theihna tur a hman ṭangkai ka duh rilru lutuk a, chubakah hmangaihna hi natna nilo in midang a ṭanpui thei tih leh hmangaihna hi a chhe lutuk hran.lo a ni tih ka bula a chen chhung zawng kha chuan a hre chhuak ve tawh em em in ka ring, keimah nen kher a hmangaihna nei tur chuan ka phût let hran lem lo a, a maherawh chu hmangaihna hian thil a tih theih zia hi chu a hrethiam tawh ngei ang tih erawh ka beisei.





Engtiklai a ṭang khan nge Richard hi ka lo hmangaih ṭan tawh tih pawh ka hre lo reng reng, kan pahnih a kan inneih ni khan keimah ah hmangaihna chi chu a intuh ṭan tawh ang a, chuan ka chunga a ngilneihna a lan tir chang leh a felna te ka hmuhsak chang leh khati ang khawp a Penny chunga a han inpèk ṭum teleh, Gavins group a a ṭhatna a lanchhuahtir ṭum te a ṭangin keimah ahmangaihna chi tuh a awm tawh chu tui in a chawm chho char char ang a, ti chuan chu thlai chi chu lo ṭiak a rawn ṭhanglianin thlai kung puitling a chhuah der tawh ni a hriatna ka nei tel bawk.





A mah ka hmangaih ṭanna hi chu a rei tawh a ni maithei a chhan pawh tunah chuan ka taksa peng tin ah hian cancer zung zâm ang maiin a ṭai darh tawh niberin ka hria. Chuan hetianga a chunga ka rilru put dan hi engtikah mah pawh ka thlâk danglam thei tawh dawn lo tih pawh ka inhre chiang hle bawk.





Jenna kan bula a rawn chèn lai a ṭang tawh khan, khami ni aṭang tawh khân Richard ka hmangaihna hi a inṭan chho daih tawh ni in ka hria, a lu nat lai a ka enkawl sak a phal dan leh ka buaipui nuam a tih dan te kha, chubakah khami zan a ka chunga ngaihdam a dilna te kha, a hma a ka laka a awmdan nunrawng takah ngaihdam min la dil chhin ngailo reng reng a, mahse khami zanah erawh thung kha chuan a ti tak zet ni a hriatna ka nei. Keilah chuan ngaihdam min dil hma daih tawh khan ka ngaihdamna a rei tawh si a, a ni chu thuhran ka ngaihdamna kha a thla a thla tel a ni daih tawh.





Khami zan ngaihdam min dil hnu a ṭang kha chuan min ngaihsakin min duat thiam tawh em em a, ka nu leh pa ten min boralsan hnu a thlamuang taka ka awm lehna leh rilru eng thawl tak a ka awm lehna hmasa ber ni in ka hre tel bawk.





Chu chauh pawh nilo in khami zan thil thlen hnu zing a lo nih a ka taksa khan chiala a mut dan teleh a ma mizia a sexy berna ka laka a tihlan dan te kha, Jenna rawn lut thiam tak mai a min chhuahsan tur a chhuanlam a siamna ṭawngkam te kha, khâng thil ka ngaihtuah kha chuan min ti phûr a, ka taksa pumpui zawng zawng te hi a ti zâ vek niberin ka hria.





A aw thum chhak mai leh mutkhamlo aw pu tak chung a thâm lam lek lek thatchhiat hmel tak ri te kha, chu chauh pawh nilo a, sex lam pang chung chang a ṭawngkam fiamthu ti tak deuh si a ahan phuh chhuak zauh teleh kan pahnih chung chang thu a kan contract siam hi tih záu deuh a ngai ang ti a kan contract huam chin hi kan tih zauh deuh a ngai ang ti a a aw sexy zetin a sawi chhuah paha mitmeng sexy thei ang ber in a min melh pah na te khân ka thin hi a ti phu nasa dawt dawt lutuk a ni tih te hi han hre ngat sela chuan.....





Chung thil zawng zawng ngaihtuah a min ti lungngai tu ber chu he ka hmangaihna hi engtikah mah pawh a life ah a la lut duhlo ang, a ni chuan ka hmangaihna hi a mamawh lo hrim hrim bawk, chu ai chuan tuna kan awmdan hi chu ṭhianṭha tak ang maiin kan awm dûn zawk a ni si a.





Mi a fiam.dan ṭhin teleh mi a chhaihdan te ngaihtuah chuan a ṭhianṭha takah min ngai a, chu bak chu a life ah thildang engmah beisei pawh ka beisei ngam lo, a ṭhianṭha tak leh a hreawmna engkim a hrilh ngamna nih hi ka chantawk a ni. Chubak engmah a lakah beiseina ka nei ngam lo.





Thâwk ka la hraih a, ka ke chu tuipui kam a ṭiauvut vawt tak ah chuan ka tih pil belh sauh a, khua pawh a vawt ṭan tawh dawn, a chhan chu ni a tlâk tawh mai dawn a vangin, chuloah kei pawhin vawt ka ti ṭan tawh hrim hrim; jacket ha chung pawhin ka taksa te chu a vawt zo vek tawh ni in ka hria a, duhlo pawh nimah ila khawvawh a vangin inchhung lamah ka luh ngei ngei chu a ngai tho tho.





Zan in pawh hi he ka cottage bulah hian veikualin hun ka hmang leh ang, tlema zan a rei deuh hlek tawh hnu ah tun a ka hâk aia lum thawmhnaw inbel chungin ka chhuak leh ang a, mut chhuaklo pui ti chhuak chawp turin hah takin ka kal ṭan leh ang; chuti ang chuan zantin he hmun ka thlen hnu a ṭang hian ka la ti ngar ngar a, ka mut hnu te chuan ka taksa zawng zawng te chu a na vek zel a, chung a vang chuan harsa ti takin ka mu ve thei ṭawk ṭhin, mahse Richard hi chu ka ngaihtuahna aṭangin engtiklai mahin ka paih chhuah theih erawh ka inring tawh lo.





Ka mit thîp lutuk chu hreawm tak a ni, chu thil ka ngaihtuah zawng ringawt pawh chuan ka mittui a tla dawn a hriatna ka nei. Richarda'n min ngaihtuah theih ṭhin zia te leh min care thiam zia te kha, Penny boral hnu ah leh lek phei kha chuan darthlalang keh thei ang maiin kehthei dawm takin min dawm kha, khum lama min hruai danah te pawh khan min ngaihtuah zia chetzia in a tilang hle a, khati ang thil ka ngaihtuah phei chuan hreawm tihna hlirin ka khat.





 Khatih lai aṭang daih tawh khan Richard hi ka kalsan a ngai ang tihna rilru nei in kalsan dan tur ka ngaihtuah daih tawh a, a mahzawk khatiang a ngui tak leh hreawm tih hmel zet a pu reng kha ka hmu peihlo hrim hrim bawk.






Khatihlai a ṭang tawh khan a ni kha ka hmangaih tawh a ni tih ka lantirna a rei tawh bawk nen, a mahzawkin a hrethiamlo mai mai zawk tih ka hre vek, ka hmangaihna kha hrethiam tur chuan leh midang hmangaihna hrethiam tur chuan a mah hi a inhmangaih hmasak zet phawt a ngai ang; mahni leh mahni pawh inhmangaih theilo chuan midang hmangaihna tur chuan engtin nge a rilru ah hmun a pek theih ang ni? Midang hmangaih a midang hmangaihna hrethiam tur chuan a mah hi a hmasa berah a inhmangaih phawt a ngai ang.





Rilru hreawm tak leh ipik zeta awmin rang tak chuan ka mittui tla tur chu ka kutin ka hru hul nghal sawk sawk a, ka khupah chuan ka kut suihin ka ṭhu reng a, chumi pah chuan khua rawn thim ṭan a thla rawn chhuak chu ka thlir reng ringawt a.





Ka life a ka thil neih hlu ber chu a mah ka hlán tawh si a, chu bâk thil hlu dang han hlan leh chuan tur pawh ka nei tawh lo.





Min la rawn hrechhuak ve ṭhin te a nih ngai chuan mahni hmasial thlαk viauah a ngai pawh a ni mai thei e, mahse kei pawhin nâ ka ti ve tho, amarawh chu khuarei in a la hném ve mai turah ka ngai, chulo ah Richard hi ka hmangaih a, ka nei theih dawn chuang loh chuan ka hmangaih a ni tih lantir nan ka thil neih hlu ber a mah ka hriat reng theihna tur ka hlân mai chauh a ni. A ni lo chu tumah hlan tur âwm ang an awm leh tawh chuan pawh ka ring tawh lo.





Hun a rei ang a, ka rilru hliam te hi chu a dam veleh mai ang a, chumi tidam tu tur leh hnemtu tur pawh chu min kuahna teleh lungchim tak leh duhthawh zeta min fawhna te, ka taksa thlahlel zeta min pawm vawng vawng na te kha a ni dawn a ni. A laka ka taksa a ka neihchhun hlu ber ka hlanna leh phûr tak a ka taksa a nawm a chenna te kha, kha chauh kha kei chuan inhnemna tur ka neih a ni tawh dawn si a.....






Chuti ang thil zawng zawng ngaihtuah chungin leh rilru na tak chung chuan ka ṭhutna hmun khawvawt tak lak a ta chu ka ding chhuak a, ka ṭhutna ka kekawr a ṭiauvut kai bengfai a ka hawi chhuak chiah mai chu ka khawng zawt nghal. Thla eng hnuaiah a ni pawh chelo châng lo hian khawng zetin a lo ding ve rûn a, a kut chu a suit hâk kekawr ipteah chuan a zen lut a, ti chuan chet pawh chesawn lo leh ngawireng chung hian Richard chuan min lo en ve reng hi a lo ni a.