TESPNAYA REAKSIYA LOST CHAPTER 14

TESPNAYA REAKSIYA LOST CHAPTER 14

Fakna milem kha hmeh leh vek tum ang aw, chuan second sawm chhung vel lek kan nghak ve hram hram.dawn nia.

ALEXANDRA....


Luca nena inchhung kan luh leh hnu chuan kitchen lamah min kal pui a, chef hnenah chuan zanin dinner chu keiman ka siam tur thu min sawi sak a, ka mamawh ang ho tur chu kitchenah a awm vek tur thu leh chef min puih ka duh pawhin ka tan a awm reng tur thu sawiin min chhuahsan ta a, eng ang nge siam ila ṭha ber ang ka zam kher mai, ka ding ngawi reng a, ka rilru a awm chu kei ngei pawhin ka ring ngam chiah lo.


Mahse Italian food chu ka siam chak tlat bawk si, tunhma lama a ka tuina zawng tak a nih ring chuan ka inpuah chah ve ta tawp a, ka mamawh tur ang te chu ka la khawm ṭan ta a, an kitchen chu a zau hle a, restaurant ang chi hi ka tehkhin ber , ei tur siam vel pawh a nuam khawp ang le, chutiang tur chuan engkim mai hmanrua tin deuh thaw chu a awm kim vek bawk.


Ei tur siam a ka lo buai malh malh lai chuan Riccardo kitchen lamah a rawn lut hlawl mai a. "Luca hi i lo hmu mial lo maw?"


A lam hawia inher in, "Hmu hauh lo." Banga sana intar chu ka melh pah zauh a, "Ka hmuhlohna a rei tawh lutuk." Ka thilsiam pawh ka zo fel ve ta.


"Eirawng i bawl em ni?" A mengphawk deuh hru bawk.



Engtin mah chhang lemlo chuan ka buk khum ve nghat, "Kan zavaia poison a min hrai hlawmloh hram ka beisei, chutiang chu i ti lo ang ti raw?"

A thusawi chuan min ti nui nasa ngang mai, chutiang thil chu ka hnenah Luca ngei pawhin a sawi chhuak tawh bawk.

"Lo nghak la, i hre mai ang."


Min men kual khum pah rulh, "Hey." Isabella pawh kitchen lamah a rawn lut ve nghal a, a rawn inthlak fel leh vek tawh.


"Lunch chu eng nge a an?" Ka thil tih lai chu ka tih chhunzawm leh nghal a .



"A nuam lutuk."


"Khatiang thawmhnaw ha chung  chuan Luca in a hmu duh hauh lo ang che." Riccardo chuan a lo ti zauh pek a.


"Hey, Luca hi ka boss a ni ve lo." Isabella pawh a duai duh hauh bik lo.

Riccardo chu a nui chhuak chiam a, "Ok, a nih chutiang chuan hrilh la."


"Ka hrilh ang che, kum 18 ka ni tawh a, ka duh dan angin ka inchei thiang."


"Chuti leh bawk maw, chu pawh chu hrilh ang che."


"Inpahnih ah hian tunge upa zawk?" Ka lo ti ve a, an in hnial peih dan a ṭang hian an kum pawh a inthlau vak in ka ring hran lo.


"Phir kan nia." Riccardo zawk chuan a ti a.


Ka menghawk chiang kher mai. "Phir maw?"


"Mahse phir pawh nimah ila tunge kan pahnih ah hian hmelṭha zawk?" Issabella chuan a lo ti a.

"Si, keimah hi maw le." Issabella chuan a unaupa chu rum zet hian a melh ram ram a.


"Inpahnih khan inṭha ve ve."


An nui dun ta a, "Inchung lamah kalin shower ka hmang ang a, ka thawmhnaw te hi ka han thlak pah bawk ang, dinner pawh darkar chanve hnuah a eitheih ang, chumi chhung chuan in pa leh Luca inlo hrilh ve thei ang em?"


"Kan lo ti dawn nia." Riccardo chuan a lo ti ve mai bawk a, inchung ka room awmna lamah chuan ka chhohsan ta a.


Ka room ka thlen hnu chuan ka thawmhnaw inbel te chu ka hlip sawk sawk a, bathroom lam chu ka pan ve ta thuai a, inhnuai chhuk leh pawh ka inthlahrun phah hial, ka thilsiam kha eng angin nge an ngaih dawn tih lah ka hre der mai silo, chu chu thuhran, Italian thil te chu ka la siam leh ta nghal, an ni phei chuan chef thilsiam sa hlir an ei a ni a, ka thilsiam ve te chu eng angin nge an ngaih ang? Thawk ka la halh a, engvanga eitur ka siam dawn ti a sawi chhuak nge maw ka nih reng reng le?


Bathtub ah chuan ka lut ta nghal a, Riccardo leh Issabella te pahnih chu an duhawm dun hle hian ka hria, mahse tumahin phir an ni tih an hre hauhin ka ring lo, an hmelah in an na reng hmuh tur a awm lo.

Bathtub a ṭang chuan chhuakin towel ka ban nghal a, eng thawmhnaw nge ka hak tak ang tih ah ka buai leh ta, nalh thei ang ber a Luca min hmuh theihnan lan ka duh, oh, engvanga Luca chu ngaihven ta viau nge maw ka nih le? Nilo, nilo, Luca hi ka ngaihven miah lo, a lakah eng ang mah a lan ka tum bawk hek lo; Giovanni ngaihdan hlui lutuk neih vang chauh zawk a ni, chu chu ka zah sak pawh a ṭul ngei ang.



Oh, tu ber chu nge maw i ngaihsak a hetiang ngaihdan te i put tak vak vak mai le? Ka ti leh hnu hnawh a, ka rilru put dan pawh chu ka hrethiam chiah lo. Khawngaihtakin Luca hi ka ngaizawng a ni ti chuan min hrilh lo hram.rawh. ka chhing pah sawk.


Kan dinner ei tur te kha a lo kan chhiat hma ngei a ka inpeih vat chu a ṭha ber. A tawp a tawpah zawng kawr fual khup thleng vel tur peach rawng dal raih no nalh zet chu ka thlang chhuak ta a, a tlang chu silk puan in a in coaf zai zai bawk a, chu chuan ka vun ngo ve tak chu a ti lang paw pheu bawk, ka sam mam taka khuihin ka thlah zan a, ka kawr hak rem tur takin flat phei khawk ka bun chhuak bawk a, ka thawmhnaw thlanchhuah chu nalh ti zeta thlek chung hian darthlalanga ka hmel lo lang chu ka thlek leh zauh.


Inhnuai lamah pawh kal thlak a hun ta e, thawk ka la leh hak a, ka che chhuak ta nghal a.


HUNTER....


Ka riahna hotel ka thlen hnu chuan shower ka hmang phawt a, ka awm hahdam vang vang hnu chuan ka phone phawrhin Trey ka be ta a, "Fabio Bruno awmna location chu ka nei tawh e, tunah kalin ka va ngaihven chhin dawn em ni ka ti deuh a."


"Lo va en thlitlai ringawt ang che, kan tello chuan lo va hnaih hauh suh."


"Ok, boss."


"Chuan Hunter, fimkhur hle rawh aw, nangmah chauh i ni tih kha hria la, tumah backup tu i neilo tih kha hre reng bawk ang che."


"Awwww boss, min ngaihtuah viau elo?" Ka nui chhuak hawk hawk.


"Hero anga awm kha bansanin a mah hlat thei ang berah khan awm la a dik ber."

"Ka hria e, boss." Ka rum pah nghut.

Phone chu ka cut ta nghal a, ka thawmhnaw ka inbel vat vat a, kal ka inpeih leh ta reng mai, hetiang hunah tak hian a lawm Clegg kha la awm ve se ka tih thin, ka ngai ṭhin khawp mai, thawk ka la ri hawk a.


Ka kal chhuak ta nghal a, pawn a ka car hawh inhung lam chu ka pan zui , ka tlan chhuak ta nghal a, rei vaklo ka tlan hnu chuan ka phone chu ka bih a,  ka phone a location lan danah chuan a hmun ka thleng hnai viau tawh tih ka hria, ka car khalh lai pawh chu ka ti ding ta a, ke in Fabio awmna lam chu fimkhur zet hian ka pan phei a, hnimbuk phen pah zelin cabin ni ang tak ramhnuaia in pakhat ding chu ka hnaih phei pah hret hret bawk a, ṭawngri ni ang tak ka hriat chuan ka ding nghal chawt, ka beng ka chhi nghal a, ka la pan hnai zel bawk ; mahse ṭawng erawh ka hrechiang thei rih tlat lo. Thawm dim tak bawkin ka pan hnai leh hrat, tah chian ka hre thei ta deuh a, Fabio chuan phone a be mek a nih hmel khawp mai, "Yeah, tunah chuan ka lo kir leh tawh e, aw le, ka thawh tur ang chi i neih ang zawng zawng ho kha min rawn thawn leh tawh la."


Duh ai chuan ka la hnaih lo deuh hlek, ka pan hnai leh tur chiah thingbul ah ka inchhuih ta hlauh a, ka inrin hman hma chuan ka kâ a ṭangin aw ka chhuah hlauh bawk, "Fuck."


Fabio chuan a hre chiang hle mai. A hnathawh ṭhin a vang in a fimkhur hle tih a hriat reng bawk, ka lamah chuan a silai a rawn hmet puak de ta zawk zawk mai a, ka insa seng thuai a ngai ang, ka ban bul ka dar lam chu a thip nghal zawk, mahse ka ngaih ven hman tawh lo, engti ang chiahin nge a kah fuh tih lah ka ngaihven hman hek lo.



MEANWHILE BACK IN NEWYORK...

TREY...


Callie te nufa chu inhnuai lamah ka chhukthlak san leh a, Theo leh Zara pawh  kitchen lama dining table ah an lo ṭhu a, Sofia chuan an ei tur alo siam vel mek bawk a, Theo te bula ka ṭhut thlak ve hnu chuan Sofia chuan an ei tur chu a rawn chhawp a, "Trey eng emaw eitur i duh ve ang em?" Ti in a kalsawn zui leh nghal a.


"Aih, ka ei rih lo ang, ka lawm e."


"Sofia i fanu hi dawhkanah a bawk vâk leh vak vak tawh a nia."

"Well, a nih te chuan lo hlangthla ve mai la Theo."


"Zara dawhkan a ṭang khan chhukthla hrep teh!" A thaw pah hawk.


"Aih." A la infiam mial mial a.


"For f*ck sake."


 Zara chuan a pa tihdan chu a zir ve nghal a. "For f*ck sake."


"ZARA." Theo chuan.a vinkhum hrawk a, ka nuihza insum theilo chu ka nui chhuak ta a.


"Zara Bailey khatiang ṭawngkam mawilo kha min ngaihthlak nawn tir tawh lo ang che." Sifia chuan a rawn ti a.


"Khatin naupang an dem ringawt ngailo, a pa tihdan a zir a nih kha." Ka lo ti ve a.


Thildang kan sawi leh hma chuan Callie a rawn lut a, Tori pawh a muhil ve ta hram e." A rawn ti lut a, "Eitur te i duh ve em?" Sofia chuan a lo ti vat.


"A ngailo ang ka lawm e, doctor in entir ka ngai dawn a, ka kal mai a ngai ang, nau neih hnuah ka va hmuh hrim hrim a ngai dawn a."


"Ka kalpui che i duh em?" Callie lam chu ka hawi ve nghal a.


"A ngailo ang, va in en fel a ni mai a, engmah hlauhthawn awm lah a awm hek lo, chu ai chuan ka kal chhungin Tori khi lo enkawl la ka duh."


"Ni e, hna lam sawi hun ni in ka hria, kei pawhin Cornor Airport lamah ka va lam a ngai dawn a  nia."

Theo chuan a thil ei hakin a khuh nghal bawrh bawrh, Sofia lam chu hawi chungin, "Zara i hruai tel ngei ka beisei."


Ka nui nasa mai, "Dad." A rawn ti deuh hmuk.


Callie a rawn ṭawng chhuak leh a,"Theo darkar reilo te chhung i pa nena naupang lo enkawl chu inbuai phah hauhin ka ring hran lo."


"Nilo, ka lu a ti na leh viau dawn tihna a nih chu!" A thaw chhuak leh ruih a.


Ka lam chu rum zet hian Theo chuan a rawn melh a, ka nui lai chu ka tawp zui nghal, "Theo i dam khawchhuak em em ang tih hi ka chiang lutuk." Callie bawk chuan a ti leh a.


Ka lam a rawn melh leh a, "Trey nangpawh Cori khi lo ngaihven reng la, i beng lo chhi kar ang che, hei dar nga a ri mai dawn a, dar nga ah hnute pek a ngai dawn a nia."


Callie chu a kal sawn zui leh ta nghal a, "Zara dawhkan a tang khan chhuk vat rawh." Theo aw chu a vin ṭha kher mai, Zara erawh chuan apa chu a ngaih pawimawh loh hmel nasa mai, a melh kal mai a.

"Aih."

"Ka beidawng." Theo chuan a ti chhuak ruih.


Zara chuan a tihdan alo zir khum leh nghal, "Ka beidawng."



Ka thutna a tang chuan ka tho chhuak a, kan room lam chu ka pan chho ve ta a, kawngka ka hawng Callie aw ka hre nghal, "Ok, thanks kan inhmu vat dawn nia."



"I tha em?"


"Aw, tha e, doctor khan vawiin chawhnu lam a appointment ka neih ah khan ka kal dawn nge dawn lo tih a hre duh mai a nia."


A hmel chu a nguai ru riau a hriatna hi ka nei a.



"Cal, zanin hian kei pawh Sicily lamah kir leh tawh ka lo rilruk deuh a sin, a chhan chu Alexandra hi zawn hmuh vat ka duh dawn si a." Ka ti chhuak ve sup.


"A chhan chu hetianga Alexandra chin chang hrelo a awm reng hi nuam ka ti theilo."



"Ka hrethiam a lawm, kei pawhin Tori ka pawm chang hian chutiang tho chu darkar tina ka ngaihtuah dan a ni a lawm."


Thawk ka la ri hawk a, "Heng mumang rapthlak zet zet hi engtikah nge a tawp theih ang le?" Callie chuan a ti leh sep a.


"A tawp vat tawh ang tih ka hrilh ang che, kan fanu Alexandra pawh ka zawng hmu ngei ngei ang tih ka tiam.bawk a che."


"Ok, ka lawm eTrey, ka kal vat a ngai ang, muangchanna hun ka nei tawh lo." A kawr chung khuma a dah chu la in a ha mawlh mawlh a, bag a ah leh hnu chuan min rawn pan leh a, ka kutin ka lo pawt hnai ve nghal, "Ka rawn haw leh hunah chuan ka bulah ngei Alexandra chu a rawn haw ve tawh ngei ang tih ka tiam a che."


A hmuiah fawh sak leh zauh pahin, "Ka hmangaih che tih kha i hria ti raw?"


"Ka hria e, Trey kei pawhin ka hmangaih che."


A heh no zetah chuan duhthawh zet hian ka fawh sak leh a, kan han inthlah meuh chuan boruak kan hip lut dun ham ham, "Ka rawn kir leh veleh Sicily lama in kal chhuah leh hma ngeiin eitur tui deuh ka siam sak dawn che nia."



"Ok, baby."

Callie chuan min kalsan hnu chuan thawk ka la huai a, inhnuai lama ka chhuk thlak leh hnu chuan eitur la bang Sofia in siamsa a dah chu tui lo zet hian ka ei lui ve hram a, khua a tlai lam Tori ngaihven tur chuan ka chho leh ta a, Tori bawnghnute chu ka pe nghal, a zun te ka thlak fel sak hnu chuan a ni pawh a muhil zui leh ta mai a, chutihlai tak chuan Theo a rawn lut ve a, " Dad, police pahnih kawngka bulah an ding reng a nia."


"Engvang hrep chuan maw?"


"Biak che an duh thu an sawi a, Alex chung chang a nih i ring em?"


Engtin nge an hriat hrep le, rindan ka nei hauh lo, ka lu thaklo pui chu ka hiat nauh nauh a, "Ka hre bik hauh lo, anni chu ka zu hmachhawn hnuah chauh kan hre thei ang."


Inhnuai lamah chuan ka chhukthla ve ta a, kawngkapui bula police pahnih lo ding lam chu ka pan phei nghal a, hmeichhia zawk chuan, "Mr.Bailey maw?"


"Aw, a dik a lawm."



"MrBailey i tan chanchin thalo tak kan nei ang tih hi kan hlau khawp mai."

"Eng chung chang nge maw ni hrep le, han sawi ta poh che u."

"Pawi kan ti ngawt mai MrBailey, ni chin deuh lawk khan i nupui car chuang lai chu motor lian breakfail in a su a, damdawiin kan pan pui ve tak na a chu a hmunah khan ka pawh chhawn lo in a boral ta a ni."


Ka thuhriat chuan min ṭhawng kher mai, ka nghing lawih bawk, thudik a nih ka ring thei lo, a dik teuh ber a nih pawhin, ka nupui chu an hresual a ni ngei ang, chuti maiin Callie chuan min kalsan hauh lo ang.

"Shut up, shut the f*ck up." Ti in thinrim zet hian ka au chhuak tuar a, "Inthusawi pakhat te mah kha rin ka nei lo." Ka ti chhuak leh tun tun a.


"Dad, engkim a ṭha maw?" Theo zawhna chhang tur pawhin engmah ka ngaihtuah thei lo, ka rilru chu a ruak nghal vek.


"MrBailey kan thu rawn thlen che hi a chiang viau a nia, engmah thil tih dikloh a awm lo."


Ka tliak hnawp ni hian ka hria, ka thu hriat chu a dik ngai a nih chuan ka tan damin awm zia a nei ta bik lo e, khawvela ka hmeichhe hmangaih ber tello hian ka nung thei bik tawh lo ang.


Ka ṭhingṭhi hniam rawp a, a nat dan chu ka sawi fiah thiam lo, ka nun reng lai hian ka thinlung hi a laiah tak min zai thler sak ta ang se chutiang vel chu a nih ka ring, Callie tello chuan engtin nge ka nun chhoh ang, ka bing mup mup a, ka khawhmuh a phe nghal vek, ka ṭap chhuak theilo a, chu chuan thawk a ti harsa a, tunah tak hi chuan thi daih ila ka tan a nuam zawk ngei ang, he ka thu hriat a vanga ka tawrhna hi thihna ai pawhin a nep bik chuang awm lo ve.


A hmuia duhthawh zeta ka fawhna te kha nichin lawk a ni, a la rei hauh lo, tun mai a thleng ang mai khan a heh nel thep te kha ka la feel thei a sin, Cal min kalsan theilo ang, i tello chuan ka nungzo lo ang, i kalna hmun chu ka kalna hmun a ni, ka khur hlawk hlawk a, ka taksa ka controll theihloh ang bawkin ka ngaihtuahna ka seng thei hek lo, ka kâ ka âng a, ka kâ a ṭang chuan a lum chhuak pup pup a, thlanfimin min bual a, ka thinhnun zawn tak ka awm chhung chu a na ngawih ngawih bawk a, ṭawng chhuak tur pawhin chakna ka nei lo.

Mittui a vangin ka khawhmuh a phe vek a, mu leh mal pawh ka nei lo, engtia rei nge ka ṭhing ṭhit pawh ka hre lo, ka kun tlawk tlawk a, ka thin zawn na lutuk chu dawmin ṭap thei silo rilru na tak chuan ka awm a,  ka mittui erawh ka dang thei lo, chhungrilah ka ṭap a, ka rum bawk a, heng natna ka neih te hi ka thih ve hma chu a tawp tawh lo ang.

Ka thuhriat hi thudik ni a tan ka pawm lo, ka pawm thei hrep lo.

Ngaihtuahna mumal pawh neilo in ka tho chhuak thut a, ka car awmna lam ka pan nghal vut bawk, ka hma bak chu thim chhah mup ni a hriatna ka nei a, pan tur lam ber lah ka hre hek lo.

Ka mittui hnam ṭuam ṭuam reng chuan ka khawhmuh a ti fiahlo zo a, kal kawng lah ka hmu chiang thei hek lo, kalkawng hmuh theihloh a vangin accident pawh tawk mah ila pawi ka ti ther te lo, accident ka tawh leh ka tan a nuam hma ting a ni mai.


ALEXANDRA.....


Ka thawmhnaw inthuamna chu Luca duhzawng a nilo ang tih hlauthawng zet chuan inhnuailam ka pan thla leh a , Giovanni vangah puh tum teh mah ila Luca tih lungawiloh ka hlauhna a nih zia erawh ka pha thei tak tak chuang lo.


Ka zu chhuk chu dining table lian pui kil chuan an lo ṭhu kim vek tawh a, keimah chiah min lo nghak tawh tih ka hmuh chuan ka zam phah zual sauh bawk, hnathawk ho chuan ka thilsiam te chu an rawn chhawp ṭan ta a, ka thil siam thlai lam ka telh nasa hle a, a chhan chu Italian food ka siam miau a vangin cheese ka telh nasa hle bawk, lamb spaghetti ka siam tel bawk a, an duh zawng a nih hram ka bei sei, chumi rem a tan chuan meet ball soup ka siam a, thlai tharlam tak tak salad siam in cheese tam tawk telh pasta ka siam tel bawk a, mahse an ngainat zawng a ni ang em erawh ka hre chiah lo.



Luca ṭhutna bul chair an lo dah awl lam chu ka pan chhat chhat a, ṭhuthmun ka rem ve ta nghal a, ka zam lutuk vang nge pawh ka hre lo, ka thil ei te chu a tuiloh phah zo vek.

Kan thil ei zawh hnu ah chuan an ni chu an ti ti chhun zawm a, kei erawh chuan Luca phone  ka lo khalh sak thung, camera hmet chhuakin thla ka lo inlak sak nasa mai a, ka thil tih chu a atthlak ka ti viau bawk, mahse a nuihzatthlak ve hrim hrim, Luca tum hmuk reng mai thlalak pui chu a hlimawm ru riau, "I thil hmeh kha duh tawk la, phone kha min pe let tawh rawh." A ti ta hmuk a.


"Eng emaw tak ngainobei takin han sawi ve phawt la maw le, chuan ka pe let dawn che nia."


"Khatia, thil tih khawloh tum taka awm kha bansan phawt mai teh, phone kha min pe let la a ni mai."


"Ka sawi chu maw le, nelawm tak leh ṭawngkam mawi ve deuh hlek te hmang ve la, tichuan ka pelet dawn che nia."


"Heti khawp a min tibuai tu chungah hian engtin nge maw ṭawngkam nelawm tak ka hman theih teh lul ang le? Phone kha min pe vat mai rawh."


Min rawn melhrum ngang mai, a aw pawh a rum leh tawh hle, "Khati vut vut lo deuh khan maw le, big boy."


"Inselfie phawt ila." Ka nuih pah sang.


Camera chu ka hmet chhuak leh a, kan thla chu ka la nawn leh a, a la mengrum ul tho a, a hmel chu a nelawm lo kher mai.


"Luca nuihmel i put hma chu kan la nawn char char ang." Ka tih khum ve ngat.


Kan la dun leh, a la tum bur tho. A lam chu ka hawi a, "Photo lak na ringawtah pawh i nui ve thei hlawl lo em ni a?" Ka melh thip ve ngang mai.


A lam hawi chung chuan a mah lang tel thei tur si in ka hmet nawn leh ngat, ka rinloh lutukin ka biangah chuan a rawn fawp ta thut a, ka mengphawk kher mai, chutihlai tak chuan ka la hmet zui.


A thil tih a vang chuan ka zam kher mai, a ni pawhin thawk a la ri ve hawk, reilo teah a hmel chu a inthlak leh nghal vat a, rum zeta mi rawn melh chung hian, "Phone chu le?" A ti ta hrawih a. Pek loh ngam chi pawh a a ni tawh lo.



Giovanni chu a rawn hawi chhuak ve a, "Tesoro dinner tui tak a vang hian ka lawm e, eirawng bawl thiam tak i ni in ka hria."



"Ni e, Emma ka pa sawi ang khan a tui lutuk ringawt, kan chef siam ai mah pawhin ka ei tui." Riccardo chuan a rawn ti ve bawk a.


Zam deuh tak si nuam ti ru tak  hian, "Ka lawm e." Ka ti ve sep a, a ruk tak chuan nuam ka ti ngawih ngawih, an duhzawng a nihloh ka hlauh zia kha.


Luca lam chu ka melh ralh a, a ni erawh chu a ngawi run run thung, hnuailam ka melh ta ralh a, mahse a thu rawn sawi chhuah chuan min ti phu zawk, "An sawi dikin ka hria, a tui lutuk ringawt."


"Figlio nichin deuh lawk khan i nu nen kan inbia a, i signorina hmu tur hian a ni pawh a rawn kal ve dawn a nih chu!"



"Eng maw?" Luca chuan a maktihna chu a thup hman lo, a phu pah zawk bawk, kei pawhin ka huphurh nghal ringawt, a nu chu a pa ang a tih awlsam a ni hauh lo ang le, Lalpa min ṭanpui hram rawh.

"I nungchang kha, i nu hian a tlawh pawh lemlo che u tih ka hria, mahse innu a nihna a bo chuang hauh lo a nia."


"Ka nu a ni emaw nilo emaw, hemi chung chang thil hi chu i hrilh rih loh ka lo ring a sin." Thawk lak hawk pah leh a chal dawm pah ruih chungin Luca chuan a ti chhuak hruih a.


A pa lam chu rum zeta melh nawn lehin, "Kan relationship neih hi ala hlim chhawn lutuk tih pawh i hre reng, engvanga Ma chu hrilh nge maw i nih le, hrilh miahlo tur i ni a sin."


Chu thu Luca in sawi chiah ka awmdan chu a dik leh ta lo a, eng emaw hriat chhuah ka nei leh tlat, naupang te kum tam pawh la nilo nen hian kan lo awm dun a, "Sweetie vawiin hian eng nge tih i duh ber?"


"Parkah ka kal duh."



"Ok, parkah chuan.kan kal ngei ang."


Chutah thildang ka hriat belh leh a, ka luna lutuk pawh ka hre chang tawh lo, "I date neih chu eng nge a an a?"


"Mum, a hlimawm lutuk ringawt, chuan maw, tunkar tawp hian movie enna ah min hruai leh a intiam a sin." Phur zet hian ka lo ti nghe nghe a, mahse ka nu ti a ka koh ber hmel erawh ka hmu thei chuang lo, ka mibiak ho hrim hrim te hmel chu ka mitthla ah an lang thei lo.


"A tha lutuk, sweetie, ka lawmpui tak zet che."


Thildang ka hre leh a, ka ṭap nasa mai, ka nu ni a ka hriat aw bawk chuan min lo beleh a, "Thil diklo a awm em ni?"


"Thil engkim min hrilh thei tih pawh i hriat kha sweetie."


Ka lu na ta lutuk chu ka dawmnghal thuai a, ka ngaihtuah zawm ngam tawh lo, ka thluak bur chu a puakdarh mai dawn hian ka hria, "I ṭha maw?" Luca chuan ngaihṭhatloh hmel zet mitmeng zim sun chung hian min lo thlir reng a.


Nu ka nei tihna maw? Ka buai nuai hian ka hria, "Thil diklo a awm em ni Em?"


Ka ṭap chhuak ta a, hetianga awm hi hreawm ka ti tawh, tinge engmah ka la hriat chhuah theihloh a, ka chhungte hmel pakhatmah ka mithla theih loh, ka beidawng zo tawh, "Em?" Luca aw ah chuan inthiamlohna hi a lang tel a.


A lam chu ka hawi chhuak a, ka mittui ka hru hul sawk sawk a, ka kal a ngai. Ka ding chhuak nghal a, "Pawi kati tak zet, min lo hrethiam hram rawh u." Tih leh ka room lama tlan chhoh ka rual ta a.


Luca in a "Em...." ti a min auhzuina pawh chu ka bengkhawn tawh lo.


Ka room ka thlen chuan lungchhe zetin ka ṭap nghal hliam hliam a, ka ṭah a chhuak em em a, insum karna pawh awm lo in chhuak em em hian ka ṭap hliam hliam ringawt mai a ni.


Khawvelah hian ka mal em em a, tunge ka chhung leh khat te tihlah ka hre hek lo; nitin chanchinbu chhuak leh news chu beiseina sang tak nen ka thlir ziah a, mahse ka chung chang thu puanna emaw hmeichhe bo tih sawi thawm pawh a awmngai lo, keilah chuan tunge ka nih leh ka chhung te hi tu te nge tih lah ka hre chhuak zo der mai si lo, ka ṭap khur ngawt ngawt a, he inah hian an chhung zing a mi angin ka awm a, mahse hun a rawn kal zel anga, an bulah awm theihloh chin ka nei ngei ang, chu chu thuhran, an zinga relationship ka neih pui Luca chu hmangaihin ka inhre tlat tawh bawk; a ni chuan hetiang hian a lakah rilru ka pu a ni tih hria se chuan mi ba han hmusit dawn em.


Kawngka inhawng thawm a vang chuan ka phu deuh zawk, ka lo fimkhur tawklo deuh a ni. Kawngka kha kalh tur ka ni a sin, ka hnunglam a ṭang chuan pen thawm ka hre nghal a, ka mittui ka hru hul nghal sawk sawk, Eng nge thil awm zia hi?" Luca aw ngei mai chuan a rawn ti lut a.

Ka ngawi ran thung, engtin chiah nge ka chhan dawn ka hre lo.
"Min chhang dawn na nge?" A ti nawn leh.


Thawk ka la hraih a, aw khur deuh dar dar chuan ka ṭawng chhuak a, "Pawi ka ti lutuk, mahse engmah a ni lo."  Ka aw chhuak chu thunun tum viau mah ila ka thei tlat lo, a khur dar dar tho.


"Em min han en teh!"

A rawn ṭawng chhuah danah chuan a ti mai mai lo tlat, aṭawngkam chhuak reng reng chu a nghet churh bawk.

Zawimuangin leh hreh ru zet hian a lam hawi chuan ka inher ve a, "He in hi chhuahsan tawh ila ṭha in ka hria." Ka ti chhuak ta sep a, mahse khawi hmun nge ka pan ang tih erawh ngaihdan ka nei chuang lo.


"Engvangin, thil hriat chhuah i nei tawh tihna mi?"

"Ka .....aih.... ni chiah lo."

"I thil hriat te min hrilh ve lo a nih chuan ka pui thei dawn hauh lo che a nia." A dar a chhin pah uk a.


He ka thil hriat chhuah ṭan hi Luca chu ka hrilh hre ve tawh dawn em ni ang, a ni hian ka chan chin te chu hriat a phu ve reng em? A hriat chuan min puih a duh tak tak ang em? Zawhna tam tak ka ngaihtuahna ah a rawn luh a vang chuan eng tin nge ka tih ang tih erawh ka hre mai lo.

Mahse tun dinhmunah hi chuan tu emaw tak ti ti pui tur ka mamawh lai tak a ni.

"Thil eng emaw hriat chhuah ka nei a." Ka ti ta nge nge a, a hmel ka en na chuan a lakah engmah zep neilo a sawi turin min ti lui tlat hian ka hria.


"Eng lampang nge?"

"Beach lama kal pah mai mai i duh chuan ka kal pui thei reng che a nia, chu chuan i awm pawh a tih nawm phah deuh ngei ang."

Ka bu ve nghat nghat a, "Come on."

A in her vut a, ka room a ṭang chuan a chhuak ta nghal a. Beach kan va thlen hnu chuan ka ding vang vang a, tuipui lam a ṭang a thlifim rawn thaw heuh heuh chu ka hip lut raih raih phawt a, "Helai hmun hi chu a mawi chiang a lawm ti raw?"


"Si, ka rindan chuan keipawn a mawi ni in ka hria."


"Inbiak chu i inpeih tawh em?"


Thawk ka la halh phawt a, "Unaupa neia inhriatna ka nei." Ka ti chhuak ta a.


"Chu thil ka hriatna chhan chu Isabella rawn thlen tirh lai vel kha a ni a, tah chuan unaupa nei ni in eng emaw ni ka hun kal tawh hnu hriat chhuah ka nei a, mahse ka unaupa chu eng ang hmel pu nge a nih erawh ka hre chuang lo."


"Nih leh a hming tal i la hria em?"


"Aih, a hming chu thuhran, a hmel tehlam pawh ka hre chhuak zo tawh lo. Ka hriat zawng chu kan pahnih a inbiakna chauh a ni mai." Beidawng zet hian ka ti a.


"Nih leh, i thil hriat te chu a tak ni in i hria a,maw?"

Ka bu nghat a, "Chuan vawiin tlai dinner kan ei zawh hnu deuh khan ka nu nena kan inbiakna ka hre chhuak leh a, naute pakhat nen, ka rindanin chu hmeichhe naupang chu kan chhung hnai tak a nih ka ring, kan inbiakna ho zawng zawng chu maw Luca a tak tak vek ni in hriatna ka nei, a hmel kha hmu thei ni ilang chuan kan inchhun dun viau pawh ka ring."

"A chhan chu kan pahnih khan kan inhmangaih dun viauin ka hre bawk." Ka ti nawn leh sep a.


"Chan chin lawm awm tak a nih chu Amore, mahse engvanga hlimloh phah daih nge i nih erawh ka hre thiam lo."



"Tinge an ni ho hian zawn pawh min rawn zawn loh tih hi ka ngaihtuahna a awm chu a nia lawm."


"I bo thu hi an la hre chhuak rih lo pawh a nimai thei, zaninah mibo hrim hrim zawng chhuak turin Dante ka lo ti ang e.'


"Chuan i chhung te pawhin i bo thu report an thehluh veleh kan hmu thei nghal vat bawk ang."


"Nileh tinge report pawh report lo leh file pawh tunthlenga an la siam loh chhan hi? Engvanga ka chung chang thu hi file pawh file lo nge an nih?" Mang ang tak hian ka ti nghal hlap hlap.


"Engvanga ka chung chang hi hre chhuak vek theilo nge ka nih le?" Ka mittui chu a tling leh nghal pam a.

"Em i la hre chhuak thuai mai ang."



"An ni ho hian min duh tawh lo ang a, kan in a ṭanga chhuakin chutiang thil te chu ka tawk zawk a nimai lo maw? Chuvang chuan zawn pawh min lo zawng duh tawh lo ta ang sela?" Ka ṭap chhuak ta a.



"Khatiang chung chang kha i ngaihtuah chuan i buai telh telh mai ang, chulam chu i tan ngaihtuah a ṭhat ka ring lo."


Lungchhe zeta ka ṭap hlap hlap chu min rawn kuah a, ka lo kuah let ve vat, "Luca ka hlauthawng tak zet."


"Ka hria e, ka hria a lawm Em." Ka beng bul maiah chuan a ṭawng chhuah zawng chuan a thawlum ham ham a.


"Hawh, inchhung lamah kan lut dun tawh dawn em ni ang? Boruak pawh a vawt ṭan tawh."



"Aw le."


Inchhung lamah chuan kan in kai lut leh ta a, Luca chuan ka room thleng min rawn thlah a, kal chhuah a tumlai tak chuan ka phun chhuak sap, "Ka thusawi min ngaihthlaksak a vangin ka lawm e."


"Lawmthusawi a ngailo, tui deuha mutthilh i tum dawn nia."


A in her leh nghut a, "Luca...."



Ka lam a rawn hawi zui leh a, "Yeah?"



"Ka...bulah...um i ...awm thei rih ang em?"



"Ka mutthilh hma chhung chauh...."


LUCA POV....


Pawn lam beach ah chuan Emma chu ka chhuah pui a, a hmel hlim loh zia chu ka en pawhin ka hre thei, engvanga a ni hlimloh mai a vanga hreawm ti ve ringawt nge ka nih ka hrethiam tlat lo, he nu hian eng emawti tak a mi hneh dan a thiam riau bawk; a luhlul ṭhin hle a, mahse khawngaihthla la taka awm dan a thiam hle , Dante sawi dan ang mai khan a ṭah phei hi chuan a bula awm tan pawh hreawm tih ve na tham a tling tlat; a thil hriat chhuah chung chang min hrilh malh malh a, ka lainat kher mai.


Tumah an rilru nawmnan ka ṭawng thlamuanin ka hnem ngailo. Ka thiam zawng lah a ni bawk hek lo; mahse he nu ka bula ding hmeichhe khawngaihtlak tak erawh hi chu ka theihna zawng zawng leh ka thiam dan ang tawka hnem a ṭawngthlamuan ka duh viau lawi si.


A chhungten a mah chu zawng duhlo leh tuithlar tawh ang hialin a in ngai a, mal ngawih ngawih ah a inchan a, chutiang anga a han indah ngat phei chu ka tuar thei lo.


Khawvelah hian a mah chauh a nih loh zia lantir chakna in ka khat a, engtik lai pawhin a tan ka awm reng ang tih lantir ka duh bawk, ka kuah a, a taksa nel thep ka kuta ka tawhsak lai chuan a mah fawh chakna hlirin ka khat, mahse a hma ang bawk khan midang hreawm tawrh lai a remchanga lo hman chu ka duh dan a ni ngai lo, kan taksa nawmna kan chen tawn duh a nih chuan hetiang hunah nilo in hun dang ka thlang zawk ngei tur a ni.


A ni pawh lungchhe zeta a ṭap chu a bang ve ta mai a, "Inchhunglamah kan lut tawh dawn em ni ang? Khua pawh a vawt ṭan tawh hi!" Ka tih chuan a bu ve nghat, inlam chu ka pan pui ta a, engvangin nge he nu hian ka thil tih duhloh lutuk pawh thiam taka mi tih tir dan a thiam tlat zel pawh hi ka hrethiam lo.



Inchhung lamah chuan kan in kai lut leh ta a, Emma chu a room thleng ka thlah a,  a mut hma in a room ah chuan a him tawk em tih ka hriat a ngai tlat hian ka hre bawk, kal chhuah ka tumlai tak chuan a phun chhuak sep, "Ka thusawi min ngaihthlaksak a vangin ka lawm e."


"Lawmthusawi a ngailo, tui deuha mutthilh i tum dawn nia."


Ka in her leh vut a, "Luca...."



A lam ka hawi zui leh vat a, "Yeah?"



"Ka...bulah...um i ...awm thei rih ang em?" A hmelah chuan chutiang sawi chhuah chu a inthiamlo hle hian ka hria, a hmel put dan pawh a ṭi dai bawk a, ka bulah churiang thu chu a la sawi chhuak ngai hek lo.



"Ka mutthilh hma chhung chauh...." a tih zawm leh sap a.



Ka ngawi deuh run run a, thil ṭha tak ni in ka hre lo; thil dik ber lah a ni hek lo, a chhan pawh he nu hi vawi engzah fakau nge fawh chakna ka neih ṭhin tawh hi, ka insum mai mai chauh a ni zawk ṭhin si a, a bula chutianga rei tak chhung ka awm chuan ka incontrol na zawng zawng te hi a keh chhe vek mai lo ang maw?


Luca aih ti in chhang rawh, aih ti ri ngawt rawh.


"Yeah, ok." Mahse ka ṭawngchhuah dan erawh ka rilru put dan a ni hauh lo, hrep tak chuan.



"Ka lawm e."


Inthlak turin a kal sawn ta nghal a, ka mit ka chhung sawk, thawk ka la pah hawk, Luca i thil thlan kha a ṭha lo tak zet, a tha lo lutuk ringawt ka rilru chuan ka ti pah mawlh mawlh.



MEAN WHILE BACKIN NEWYORK...

DETROIT HOUSE..


DETROIT....


Chhuatah Noah chu a toys nen a infiam a, ka nupui duh tak nen chuan sofa ah kan awm a, a ni chuan ka mal khamin sofa ah chuan a mu zal a, chutih lai tak chuan ka phone a rawn ri a, a screen ka en chuan Hunter a lo ni a, Tanaeya lu ka mala a nghah chu dah sawn sakin, "Hei chu ka lak a ngai tlat babe, tawlh lawk teh." Ka tho chhuak a, ka kal hrang ta nghal a.


"Hey, what's up?"



Hunter thu rawn sawi chuan min ṭhawng kher mai, "F*ck, i ṭha maw?"


"Ka ṭha e, ka ban bul chung deuh ka dar lamah min kap fuh a, mahse min hmu hman lo, ka tlanbo hman e, kan hotel riahna ka thlen hnu in, Russo khan doctor min koh sak a, hospital pan ngailo in hotelah engkim kan ti fel thei e." A rawn ti a, kan awmloh hlan a chutiang thil Hunter in a han tawk chu hreawm ka ti kher mai.



"Kan rawn thlen leh hma chu engmah lo tihzawm tawh lo ang che, i awmhmunah khan lo awm tawp tawh rawh, chu loah zan in hian Trey nen rawn thlawh kir leh kan tum dun hrim hrim a."



"Trey pawh chan chin hrilh tumin a number ka dial hmasa a, mahse min chhang miah lo."



"Tak tak maw? A phone hrim hrim hi chhang lo in a awm ngailo a sin."



"Ok, phone ka lo tum ve dawn nia, zanin pawh hian engtikah nge kal kan tum tih hriat pawh ka ngai hrim hrim, chan chin kan inhrilh tawn zel dawn nia, ti khan hotelah khan engmah tilo in lo awm rih tawp tawh rawh."


"Ok, Trey chu kan phone ve chhin ang e, nakinah ka rawn be leh dawn che nia."



Phone ka dah hnu chuan engvanga Trey chuan a phone chu chhang lo nge a nih ang tih ka ngaihtuah nghal rauh rauh a, hetianga a awm hi ka vawikhat hriatna a ni bawk.


Trey number chu ka dial a, ka phone pawh a chhang hauh lo, Theo number ah chuan ka dial leh a, a chhang chuang lo, ka ngaih a ṭha lo ta kher mai, ka nupui te awmna lamah chuan hmanhmawh zetin ka phei leh a, Trey te awm danin ka ngaih a tih ṭhat loh thu chu ka hrilh nghal a, Tanaeya chuan mangang hmel zet hian min lo en a, "Va fimkhur viau ang che."


"Ok, ka lo ti dawn nia, eng nge chan chin, an chungah engthil nge thleng tih ka hriat hunah ka rawn hrilh ve dawn che nia."


A ni chu a lo bu nghat a, ka kawr chung sofa a awm chu banin ka ha nghal sawk sawk a, ka inkhalh chhuak ta nghal a.



Kar lo ah Trey te chenna hmu chu ka thleng phei thuai a, ka car pawh park ṭha hmanlo in inchhunglam ka pan nghal, door bell ka hmet, tumah min chhang tu an awm lo, ka silai pai chu ka phawrh chhuak , fimkhur zet hian inchhungah chuan ka lut ta a, inchhung chu a reh ṭhuap mai leh nghal a, ka veikual thual thuak, kitchen lamah chuan inhnit ri ka hre ta a, chulam chu fimkhur zet hian ka pan phei a, Sofia a ni reng mai, "Khawiah nge midang ho hi?"


Ka lam a rawn hawi a, a la ṭap zui hlap hlap, "I chungah Theo an eng thil nge a tih leh tak a?"


A la ṭap hlap hlap tho, "Tihpalh ka tifiam mai mai a nih kha." Ka ti leh nghal thuai a.


A ngaihna hre lo leh rilru pangkhing zet chuan a tap chu ka nghak ngawt ngawt, tlema a ziaawm deuh hnu chuan a rawn ṭawng chhuak ve ta a, "Theo nilo in Callie zawk a nia ."


"Eng nge Callie chu, eng nge thil diklo thleng a awm em ni?"


"A thi tawh."


"Eng maw?"


Chu thu tawi te chu a nghnawng a va nasa em, fanu a hrinna lah a la rei lo em em leh nghal, chuan a thi mai a maw, ka rilru ah Trey a kang nghal a, khawiah nge a awm ang, a nupui thih thu chu a hre tawh chiang mai, chuvanga ka phone leh Hunter phone pawh chhang theilo a ni tih ka hre chiang ta hle bawk, thilawm dan zawng zawng chu hrilhfiah pawh ngai hran lo in ka hre thiam ta vek a.



"Sofia eng thil chiah nge thleng hi?"


"Vawiin tlai khan Callie chu doctor hnenah appointment a neih a vangin a carin a inkhalh chhuak a, chu chu motor lian breakfailin a su a, a ni pawh a hmunah ngei a boral ve nghal."


"A nih Trey hi khawiah nge a awm?"



"Police ten chan chin an rawn hriat tir zawh hnu khan a kal chhuak nghal a, khawiah nge a kal erawh ka hre lo." A in hnit zui leh ta faih faih a.



"Trey ber chu va kala ka va ngaihven a ngai ang, nang chu i lo ṭha chhunzawm turah ngai ang aw, Trey chuan thil atthlak tak a ti ang tih a hlauhawm tlat."



"Ni e, ka ṭha leh mai ang, kei chu min ngaihtuah duh suh, Theo leh Zara leh Tori te eng nge an an ka lo han ngaihven ang e." Ti a sawi in intih pachan tum zet hian a heh a pet fan a, ka lainat reuh kher mai, mahse tiang lamah hi chuan Sofia hi a fakawm ngawih ngawih, thil hi a ṭha lam zawngin a tuar thiam zel thei mai hi, hei vang hian a lawm Alexandra pawh khan a ngainata Callie ngei pawhin a fanu ang maia a en theih chhan pawh, Alexandra khawiah nge i awm?



Eng dang ngaihtuah khawmuang leh tawhlo chuan ka tlan chhuak ta thuai a, ka car chhungah chuan rang takin ka lut a, Trey chuan hmun pakhat chiah kalna tur a nei, tah chuan a awm ngei bawk ang tih chu ka chiang hle bawk, chulam pan chuan ka tlan ta char char a; rilru hmanhmawh bawk nen, ka thuhriatin min ṭhawng bawk, ka motor khalh pawh fimkhur hle a ngaiin ka hria, inlama Tanaeya chu ka phone nghal a, a rawn chhang vat, "Honey ka thusawi hi ngun takin ngaithla rawh, Noah kha a pi te bulah dah la, Callie te inah kal nghal ang che, Callie kha car accident ah a thi a nih chu, hei tunah Trey ngaihven turin ka kal mek a, midang ṭhiantha leh chhungkhat laina te pawh kha i lo hrilh zung zung dawn nia, chuan inlamah Theo leh Sofia hnem turin lo va awm la, Trey pawh a duh hunah ka rawn hruai haw dawn nia."


"Aw le, ka hrethiam e, ka lo ti nghal ang."


Phone chu ka cut a, Trey chu ka ngaihtuahna ah a awm reng, engvanga vanduai em em nge maw a nih le? A nu leh pa a chân tawh a, chuan a hnuah a nau, chumi zawh ah pa ang maia a enṭhin a pa ṭhianpa a chan leh a, tunah a nupui a hmangaih em.em a ni leh a, khawvel chu a tan chuan a fair hauh lo ang maw le.


A kalna hmuna ka rinna lam chu ka thleng ta a, hmana an inhlui kha a ni, gate chu a lo inhawng a, tunah chuan.he in hi tumah a luah tir tawh ngai lo a, a enkawl ṭha em em tho, he in hi a nei tih hi Callie lo chuan a hriat pui lo a, a fate tumahin an hre lo, hman deuh khan Callie erawh a hrilh ve tawh thung a ni.


Huan lamah chuan ka phei a, garden light dim taka lo inchhi eng bula Trey ruang am chelo chang lo a lo ding khawng reng lam chu ka pan phei ta a.


A bul ka va thlen chuan , "Trey." Ti in ka phun chhuak sup a.


"A tello chuan engtin nge maw ka awm tak ang le?" A aw te chu a tham zual sauh, a hmel en pawh chu ka hreh hle, eng tin nge a thusawi chu ka chhan ang tih lah ka hre hek lo.


"Boss ka hre lo le."


"Detroit tunah chuan ka tawp vek tawh, dam thlakhlelhna pawh ka nei tawh lo." A kut chuan a indawm.kun tlawk tlawk a.


"Nilo, khatiang chuan sawi lo hram rawh."


"Ka tan dam chhan tur leh dam chakna pakhatmah a awm tawh hleinem." Ka lam a rawn hawi a, a hmel chu ka rin ang ngeiin en hreawm khawp in a thim bawk, a kehchhe chiang hle.


"Boss naupang ho tan i intih chak a, i tuarchhel a ngaiin ka hria."


A au chhuak tuar a, a ṭap chhuak ta a, ka lo kuah vat, a tan a anat tur zia chu ka hriatthiampui kher mai, engvanga he khawvela a hmangaih ber te laksaka a awm zel le? Pathian pawi a sawi bik nge engati nge a ni kher, engvanga a hmangaih te laksaka a awm bik ziah chhan hi?

SEDUCTIVE II CHAPTER 14

SEDUCTIVE II CHAPTER 14

Fakna kha hmet vek ang aw, inthlahrung tawkin ka rawn sawi.




WESLEY...

LOS ANGELES, UNITED STATES



Eleanor kal chhuak ta chu thawk la ri hawk chungin a hnungah ka zui ve nghal a, kan bungrua ka tih fel lai chuan a ṭhiannu Sam in a lo auhna lam chu a pan mek, "Eleanor."




Uh, Sam a ni reng mai." Sam lo din na lam chu a pan phei nghal a, an ni pahnih inbiakna chu ka dinna a ṭang chuan a hla teh ual lo a, an ṭawngri pawh ka hre ṭha thei viau.



Kan bungrua pawh a thleng kim.hma khawp mai, bungrua em em pawh kan nei lem lo, kan naute thil leh Eleanor bungrua a ni deuh mai, ka driver chuan min rawn hmuh chuan kan bungrua ho chu car lama dah phei turin min laksak nghal bawk a, kut ruakin Sam lo dinna lam chu ka pan phei ve ta chauh a.



"Hey hetah te eng nge i rawn tih a." Eleanor chu a nui ri hak hak.




"Wesley an min rawn text a, vawiin ah in rawn thleng dawn tih thu a rawn sawi a lawm, tunah chuan kan dam chhung ni te hi a tawp thei tawh ngai dawn lo ni ang zia zangin kan pahnih hian nuam kan chen dun ve thei tawh dawn tihna a nih chu." Sam chuan hlim.zeta ti chung hian raipuar lung chung chuan a su pah auh auh a.



An thusawi hre hman lo ang mai chuan Eleanor hnungah chuan ka va ding ve a, Sam chuan kan fanu hmel chu a en mek, "Oh, Rosie chu a cute hle mai." A nui pah var var a.




"Kal ila Eleanor, thil tih dun tur kan ngah lutuk." Min melh chho a, "Wesley, i girlfriend hi darkar rei vak lo chhung ka lo ru chhuak thei ang em?" La nui pah sang chung hian a ti a.




"Tehreng mai, a ni phalna i lak kher a ngai lo ang."




A kal tau leh ta ngat ngat a, Sam nui hmel pawh a reh nghal hmak, hmel buai deuh nak hian min en chho a, "Eng buaina nge a neih leh tak?" A nui leh ta a.





Nuih chhuah ve hawk hawk pah hian, "Melissa vangin a thinrim leh pek tawh a nih kha."






"Ka hrethiam...." a khabe chu a kuta a dawm in a kut zungchal chuan a hmui chu a tuai deuh neuh neuh a. "Engpawh ni se, zaninah ka rawn hruai kir leh dawn nia, chuan a laka kan thil zép kha a nih ngei pawh ka ring, ka lo thawidam sak dawn che nia." A ti ta a.





Ka buk khum nghut, "Tommy nen chuan nuam ti takin hna inthawk dun dawn nia."




"Hnathawh te a nuam ngai em maw ni le?" Ka mengkual.pah rulh.




Nui chung chuan min kalsawn san ta nghal a, kei pawh ka driver min lo nghahna lam ka an ve nghal, tun a ṭanga dar kar khat leh a chanve hnu ah Tommy nen kan inhmu tawh mai dawn.a, chumi hma a in lo va tlawh a kan bungrua te chu lo va dah hman ka duh.




Kei pawh chuan airport kal sanin ka car awmna lam chu ka pan ve ta a.


ELEANOR....




Wesley leh Sam ka kalsan hnu reilo te ah chuan Sam pawh ka bulah a rawn lang ve leh nghal vat a, Wesley chung chang engmah sawi zawm ta lo in, shopping kan nei dun ta zawk a.






"Helai a pawnfen hi a nalh lutuk." Sam in a pawnfen khawi lai thlek kual pah chuan a ti sarh sarh a, kei erawh chian Rosie lam chauh ka ngaihtuah thung, "Min han hrilh teh le?" A tih takah chuan ka phu deuh zawk, ka hawi chhuak a, nuihmel pu sang hian a thusawi chu a chhunzawm leh nghal a, "Eng tik a ṭang chiah khan nge Wesley hi i hmangaih a ni tih i hriat chhuah?"






Thawk ka la halh, "Oh, khawngaihin tunah chuan a hming hi min hriat chhuah tir rih lo hram rawh." Ka ti chuai raih, a hming ringawt pawh in a ka ngaihtuahna a tihbuai ṭhin zia te kha.





"Reilo chhung te tal chu theihnghilh rih ka duh." Ka ti nawn leh sep.




Sam chu a nui chhuak leh ar ar a, "I theihnghilh thei ngawt in ka ring, a chhan chu i chen pui tawh dawn leh nghal a nia."





"Khatianga ka awm nachhan kha a hrilh che em?"





"Eleanor ngaihtuah buai duh reng reng suh, ka hrilh tawh ṭhin che ang khan, Melissa chungah hian Wesley hian engmah a ti duhlo ang tih ka chiang, ka thusawi hi ring ringawt mai rawh." A ti a .





"Nihleh tinge tun thleng hian ...
Melissa chung chang ka sawipui a pianga a mizia a inthlak daih zel chhan hi? Chuvang chuan a lawm a chungah eng emaw tak a tih ka rin na chhan pawh , Melissa lah hmeichhe chhe zawk zawk a lo nilo bawk nen, Wesley a endan  lah hi a duh hmel ropui leh nghal si a, chutiang bawkin Wesley a ni bawk a, Melissa a be lai ka hmuh fuh chang hian mak deuhin a awm ṭhin bawk nen." Ti in ka rilru a awm.zawng zawng leh Wesley ka rinhlelh rukna te chu ka hrilh ta vek a .




"Ngawi lawk teh, chumi awmzia chu Wesley hi ka tan a rinawmlo tihna a ni mai lo maw?"





"Teuhlo lutuk Eleanor." Mak tih hmel zet hian min en a.





"I ngaihtuahna vak kual velin Wesley hi i,lakah a rinawm lo anga a ngaih tir vang mai mai a nih kha."




"Thil ṭul lo i ngaihtuah nasa mah mah nizawkin ka hria." A chal a dawm pah raih a, "Enteh i bestfriend ka ni a, thawmhnaw leina hun ṭha tak min neih pui turin ka duh bawk che a, chumi chhung tal chu Melissa chung chang hi theihnghilh tum rawh."




"Oh, Sam hetah in lo awm ve reng a ni maw?"




"Hello Melissa." Kan piah deuh hlekah chuan a chan chin kan sawi mek lai Melissa chu a lo awm ve a, kan lam a rawn pan mek bawk.




"Michhe sawi chu koh ai pawhin a hnai." Sam beng bulah chuan ka ti sa sa.





"Oh, lo ngawi mai mai teh!" Sam nuih chu a za khawp mai, thinrimna tilang lo a Melissa lo hmachhawn chu ka thei dawn em ni? ka mi huat tak bulah a mah haw lo ang takin eng tin nge ka awm theih ang? Lemchan a ngai dawn tih ka hriat chuan thawk ka la pah hak a.




"Hello Eleanor." Mengkual ralh phawtin, zawimuang hian Melissa lam chu ka hmachhawn ve ta a.



"Girls hetah te eng nge in tih a?"



"Kan naute tan thawmhnaw kan en e kan tia, chuan kan thawmhnaw tur kan en pah bawk.a, hei hi Eleanor nena kan tihdan ṭhin leh kan nuam tih ber pawh a ni ṭhin." Sam chuan a ti nghal vat, ka chhan ngailo a min lo chhan sak thuai a vang chuan ka lawm kher mai.





"Oh, ngaihthlak a nuam kher mai." A meng no hnap a, ka eilo ngei mai, ka hmela a lanchhuahlohna tur erawhin ka bei nasa hle thung.


"Nang hetah eng nge i tih ve Melissa." Ka aw chhuak chu a hriam deuh viau, ka thunun thei tak tak lo, ka khuh pah kharh ringawt.





"Oh, Wesley leh Tommy te tan ka thawk tawh a lawm, chuvang chuan company thil a kan project neih ṭhenkhat te chu helamah tih a ngai dawn ta si a..." a thusawi hrethiam tur a mi ti ang deuh hian min melh pah ralh a.




"Oh, hei Wesley fanu chu em ni?"



Tih chul.pahin a rawn hnaih phei nghal a.



A hmel a rawn en hnu chuan, "Naute duhawm leh ṭha zet a nih hi." A ti ve luam a.





Nui chung chuan ka en let ve a, Lola ang chu a ni chiah lo.....hmeichhe fel tak ni in ka hria,  ṭawngkam ṭha lah a ui hek lo; mahse chhungrilah erawh ka ṭhiannu ang, ka ṭhiannu hlui ang mai a ni ang tih ka hlau thung! Chuvang tak chuan ka ring ngam mai tawh tur a ni lo, chuan ka pawh vak tur lah a ni hek lo.


"Intur in duh em, kan intlamg dawn em ni?" Sam chuan a rawn ti leh a.





Sam chu ka haw ru kher mai, mahse vanneihthlak zeta Melissa chhanna chuan min ti hlim nghal lutuk, "Oh, ka theih ka ring lo." Hreawm.tih hmel zet hian a rawn ti a.



"Hna ka thawk dawn a, Lola pawh he mall ah hian a awm ve a lawm, ka rindanin nangni pahnih intur inpui che u chu a hnial lo khawp ang."




"Kan inhmu leh vat dawn nia." A kalsawn nghal ta vat a, chutia a kalsawn.hnu chuan ka thaw huai mai.





"Hawh, Lola chu thil ei dun pui tur chuan i va sawm ang hmiang."




Rum zet hian Sam chu ka melh hmasa phawt a, "Khatianga ka chunga a chet tawh hnu ah khan maw, i ti tak tak lo ang ti raw?"





"Ka ti mai mai a nih kha, lokal rawh le." A nui nasa mai.




"A nuihzatthlak hauh lo a nia, Rosie ngei pawhin a nuihzatthlak a ti bik lo." Rosie lo rak ve vak vak chu ka zu melh a.






"Thil ei phawt teh ang, pizza ṭam in ka ṭam leh huam huam tawh, hei hi a lawm raiin a ken tel chu!" A ner sak a, a bag khai chu la lawkin a kal nghal nal nal, keiin Rosie pawm chung chuan ka zui ve nghal bawk a, mahse a til ṭam tawh vang nge a kal chak phian mai, mall a ṭanga ka chhuak chu Sam hmel reng ka hmu pha lo, mahse chumi mall bula coffee dawr awm chu ka hre chhuak zawk, tah chuan a kal ngei pawh ka ring nghal a, chulam pan chuan hawi pawh hawi chhuak lo hian ka kal ve ta nghal a.




Chutia khawdang pawh hawi lek lo a ka kal lai chuan mi pakhat ka su thawi thuak, "Ka tihpalh lutuk." Ti a,sawi a ka hawi chhuak chiah ka mipa hmuh chuan min ti phu chiang kher mai, a ni chu ka hun kal tawh hnu lama mipa kha a ni teh tlat.





A hming pawh Ryan Coldwell a ni tih ka la hrechiang kher mai, highschool Sam nena kan kal dun ṭhin laia ka boyfriend kha a ni.





"Eleanor Garcia maw, veteh hlawl che chuan." A hmela maktihna chu ka hmuhhmaih bik lo, chutiang bawkin kei ngei pawhin he hmunah hian ka tawn ka ring chuang lo, ka hmelah pawh chuan maktihna a langchhuak ve tho ang.





"Ry.....Ryan." ka ti bah nak, nui hmel erawh ka pu zui nghal.





"Oh, God, engtia rei nge kan inhmuh tawh loh hi!" A ti ve chul a.





"Min han hrilh teh, eng ti tih a helam daih daih a, eng nge hetah te i rawn tih ve tak?"




"Hetah hian ka cheng ve tawh a."





"Uhh, a ṭha hle mai." A nui pah suk a.





"Pasal i....nei tawh tihna mi?" Ka naute pawh chu a melh chhuk zauh a.





"Uh?" A thusawi chu ka hrethiam leh vat, "Naute vang hian em ni i sawi?"





"Well, pasal chu ka la nei chiah lo, mahse ka nunah mipa erawh an awm thung....."





A sak hmelṭha zet mai chu a ngui deuh hlek hian ka hria a, a chhan pawh mipa an awm tih ka sawi vang a ni maithei bawk, mahse a nui chhuak leh ta hawk hawk a, a hmel puthmang pawh a pangngai leh nghal, min rawn hnaih leh deuh a, "He beautiful angel hi eng nge a hming?"




"Rosie a nih hi!" Nui sang chung hian ka chhang a, Ryan chu tunhma ai daih khan a hmel.pawh a ṭha zual sauh tawh tih ka hmuh hmaih hauh lo.






"A hmelṭha hle mai, mahse a nu hi a la ṭha mah zawkin ka hria."





"Kha chu ka pawm.hauh lo, kei aiin a ṭha zawk mah." Ka nui chhuak ve hak hak a.





A mitmu hring da riai chuan min melh chhuk reng a, a vun mawlh mai chu! Tunhma pawh khan a vun rawng chu Sam nena kan awh ber ṭhin a ni reng ṭhin a, a hnar ngul chu a sang ṭha in a sam chu a khuih pial leh hle a, a sam buang uk kharh leh a vun rawng chu a inhmeh thei hle a nih kha, a ni pawh hi Wesley ang zeta palian a ni a, a sang ṭha hle bawk, a ha var rual ṭhah lang chuan a nui chhuak ve a, a hmel chu tun hma ai mah pawh khan a ṭha tawh zawk tih pawh ka hria, tunah tak ohei hi chuan mipa hmelṭha zet leh thil tih theih hmel tak a pu tawh bawk.





"Chuan Ryan, hetah te eng nge i tih ve a?"


"Ka ṭhiannu nen kan awm dun ve ren rawn a, mahse min chhuahsan leh ta a nih kha."




A thusawi hrethiam zet chuan, "Ka hrethiam e.... zan in kan dinner eikhawmna ah i lo kal duh ve ang em? Kan inthar lawm kan tum a sin, chuan ka mipa nen pawh inhmelhriatna te ka neihtir bawk dawn che u nia."





Chutianga Wesley 'ka mipa' ti a ka han sawi tak mai a vang chuan ka thin a phu nghal zaih zaih. A vawikhatna a tan ka ta bil anga ka sawi ve na a ni hial ang. Ka mipa ti a ka sawi na chu!






Zawi te te in Melissa ka huatna leh Wesley chunga ka thinrimna pawh a reh tial tial a, Sam chungah chuan ka lawm hle bawk.





"A lawmawm khawp ang, i massage ka lo chang dawn nia." Zam hmel zet hian a nghawng hnunglam a tuai ve nauh nauh a.





A nui chhuak leh hawk, "Ka number thar hi i la neih ka ring lo."





Kan number te kan inpek tawn hnu chuan zan lama dinner eina hmuna inhmu tur a in ti in kan inkal san ta a.




Kei pawhin ka kalna tur hmun lam chu ka pan ve ta a, a chhung ka va luh chuan Sam pawh ka rin ang ngeiin dawhkan pakhat kil hian ka va hmu a, pizza a chah pakhat zawk chu a chan ve dawn a lo ei tawh bawk, a bulah chuan ka va ṭhu ve nghal a, pizza,box thar pakhat hi min lo kawhhmuh nghal a, a bula latte foam tel zinga no khat chu a rawn nawr phei nghal bawk, chuti chung chuan a bulah latte cup pathum ngawt a la awm.





"Tu nge ka hmuh hre thei rawh." Ka ti zauh.





A pizza lam chauh ngaihtuah tih hriat zet hian pizza a kuta slice khat a ken chu a keih leh te te phawt a, latte chu in leh khalh pahin napkin chuan a hmui a hru zauh a, chumi hnu ah chuah chuan a rawn hawi chhuak a, "Tunge a?"





"Nui chung hian, "Ryan Coldwell maw le."





"Oh, God, i ex maw ni a?"





"Yeah, kan inhmuh dun lohna kha a rei ve tawh viau a sin, highschool hunlai daih tawh kha a ni si a." Ka ei tur ho chu ka hawng ve rak rak a,  Rosie pawh a hnute ka pe pah nghal bawk a, "A la hmelṭha in a la pa reng em?" Sam chu a nui chhuak ve hak hak zui a.





"Chu aia nasa tawh zawk chuan maw le." Ka nui ve nghal a.





"Ka hmuh dan chuan maw wine ang mai a addict theih chi ni in ka hria, a hma ai daih khan a hmel pawh a that belh tawh zawk a, a taksa pawh a nalh zual tawh zawk bawk."





A lo nui ve nasa mai, "Elo, fimkhur rawh aw, chutianga i ngaih te chuan Wesley hian a thik mai tur che a nia."






"Uhh, Wesley te chu ka hmangaih a, a ni te chu ṭha ka ti mai chauh a lawm, zanin hian inthar lawm nan dinner min ei pui turin ka sawm a, Tommy nen pawh inrawn kal ve dawn nia, i hriat kha, a nuam ngawt ang, kan highschool life te kha kan sawi leh hlawm ang a."






"He hmunah hian a cheng tih chu ka hria a lawm, mahse LA a ka awm chhung hian ka la hmu miah lo, business lam thil a khawih a, a hlawh tling lutuk an tih te kha i hre ve em? Hman deuh hlek khan Tommy pawhin a sumdawnna chung changa a hlawhtlin zia ka bulah a sawi chhuak tawh a, ka hmelhriat a nih thu ka hrilh nghe nghe a sin."






"Ṭha lutuk, dinner ei huna sawi tlan tur an nei tihna anih chu !" Nui chung hian ka ti ve a.





"A nihchuan vawiin a kan thawmhnaw lei zinga mi hi zanin ah ka rawn ha ang."





Sam nen a kan in ei puar hnu chuan mall lam bawk kan pan leh ta a, zanin a dinner kan neihna a mi tur eitur te pawh a hun taka rawn dah turin kan order sa nghal bawk a, khua a thim ṭep ang tih chuan kan inlamah Sam car chuan kan inkhalh haw ta a .





Kan inkawt kan thlen dawn chuan min melh zauh pah hian, "A tlai tawh viau a chu, kan chenna hmuna haw leh na hun ka la nei in ka hria, ka in tifai ang a, ka thawmhnaw te ka thlak phawt ang a, chumi hnu ah Tommy nen chuan kan rawn kal dawn nia."





"Wesley leh Tonmmy chuan hna an la thawh ka ring a, mahse an rawn haw ve vat tawh ka ring, an rawn la haw ta lo cheu a nih pawhin Tommy message ka lo thawn mai ang a, in inah dinner neih a nih tur thu ka lo hrilh dawn nia."





"Ṭha lutuk, kan in hmu leh thuai dawn nia." Ti a sawiin Rosie chu ka pawm chhuak a, rem leh remlo in ka thil ken ho chu ka khai chhuak bawk a, Sam nen chuan kan in manngṭha ta rih a.









"Rosie inchhungah lut ang aw." Sam kal ta ka thlir liam hnu chuan ka fanu chu melh chhukin ka be pah sap a, mahse a ni erawh a muthilh tui hmel kher mai, a thaw pah sak sak bawk a, vawiin lam a chau ve ngang a ni ang.






Kan in chahbi Wesleyan NY lama min pek tawh chu lak chhuah tumin rem leh rem lo hian ka bag ah chu ka zen pah rak rak a, vanneihthlak zetin zawn rei pawh ngai lo chuan ka dap fu vat, kawngka ka hawng a, ka kut a indaihloh a vang chuan kalh leh lam pawh ngaihven tawh lo hian ka ke in ka tlawh khar a, ka kut lah chu a kham na ut ut tawh mai leh nghal .





Rosie chu la zang hle pawh nise, nileng deuh thaw a han pawm zet chuan kut a kham ve duh kher mai.





Inchhung vel en chuan ka hawikual a, hei hi duhthusam tihpuitlinna chu a ni thei mai ang em? Innuam zet leh chang kang tak mai, beach awm tel bawk....






A hma Wesley nena kan kal hmasak lai khan beach a awm ang tih rinngaihna pawh ka hre lo a, chu lam pang chu ka ngaihtuah tello hrim hrim bawk, mahse tunah hian ka hmu ve chiah a, a hmun hma hrim hrim hian min hip hle a ni.





A chhan tak chu mansion ropui tak a nih bakah inman to zet mai, mihausa tak luah hi leh an duhthusam kimna hmun a nih miau a vangin.






Chulam pang chu ngaihtuah tawh lo chuan ka kut a nat tak em a vangin living room a sofa chungah ka thil khai lai chu ka nghat hlawm a, Rosie chu a room lamah mut turin ka pawm chho ta a.





"Rosie....i la mu tihna mi?" Dim te a a hmuia ka zu fawhsak zeuh lai chuan hnute zawng ang mai hian a ka a rawn âng chap chap a, hnute a zawng tih ka hre mai, ka nuih pah sak, dimte in a khum nalh takah chuan nghat riai riai in, tih harh hlau zetin ka muttir a.





"Ti khan nangpawh chawl hahdam vang vang ang che....mommy pawh hian a kut kham lutuk hi a tih reh ve deuh a ngai ang."





A room nalh tak chu ka chhuahsan a, bathroom lam ka pan ta nghal a, thil ka hre chhuak zawk, inhnuai lamah ka chhukthla leh a, ka thil lei ho nen ka room lam ka pan a, inbual tur chuan bathroom lam chu towel nen ka pan ta a.






Chu in chu a zauin kawngkhar a tam bawk nen, ka room lam pana bathroom lam pan tum corridor ka kal lai chuan ka bo ṭhelh leh nghal a.





A tawp a tawpah zawng, bathroom zau ṭha zetah chuan ka lut ve ta hram, bathtub a awm chung chuan zan thim hnuai a Los Angeles khawpui nalh zet leh eng pe un chu ka thlir pah a, ka chau deuh bawk nen ka inbualna tui lum nuam bawk ka chhing ta riai riai a, chutiang chuan eng tia rei nge ka awm chiah ka hre lo.






"Eleanor, inah i awm tawh em?" Tih ri Wesley aw ngei mai chuan min ti harh zawk.







"Oh, Wesley a lo haw tawh." Ka phu deuh zawk, ka taksa chu saruak vek a ni bawk si, "Shit." Ka awmna lamah a rawn kal chiang tih lah ka hai der bawk si lo.






Engvang chiah nge tih pawh ka hre lo, mahse ka thin erawh a phu rang zaih zaih kher mai, Wesley ka bul hnaiah a awm tih ka hriat vang te pawh ani mai thei, ka zam viau chhan hi.




He pa hi ka hmangaih tak zet zet ni in ka hria.



Tui a ṭang chuan ka chhuak vat a, towel chuan ka inhru hul sawk sawk a, hun ka nei tam tawh lo tih lah ka hai hek lo. Ka underwear chu ka ha leh nghal vat a, chu bak ka keng lut si lo, ka taksa chu towel chuan ka tuam ta ringawt a.





Chutiang chuan ka che hman ṭawk tihin Wesley hu bathroom chhungah chuan rawn lutin ka lakah a mitmeng chu a fu nghal chat.




"Elo, heta hi i lo awm a lawm." Aw thawp set sawt tak hian a ti pah sup bawk a, a mit menga ka taksa a melhna erawh lasawn hauhlo in, ka taksa chu a la melh kual dun dun tho.







A mitmeng thimruih leh thil tihtheih hmel zetin ka taksa a melhkualna chuan ka biang a ti sa nghal hat hat a, chutah muang chang hian min rawn dinhnaih zui leh ta nghal zui.





"Bathroom hi chhuahsan ka ....ka lo tum ve chiah a." Ka ti bah nak.





"Tak tak maw, engvanga tum nge i nih tih erawh min hrilh ve ngei a ngai ang."





Wesley chuan min rawn dinhnaih leh zual sauh a, a mit a ka melh chhoh zauh lai chuan a mitmeng chi a rum hauh lo, a phi deuh chuai hian ka hria, chu thil ka hmuh a vang chuan hnuailam ka melh leh vat, mahse kan taksa erawh a inhnaihchilh dun kher mai, chuvang chuan a cologne manto zet hmanrim te chu ka hre thei hial a, a rimtui inkah rimah chuan fresh mint a nam ram ram a, a rimtui kher mai, chu mai pawh nilo , a thaw lum ham ham pawh ka hre thei hial, a thawrim pawh chu a cologne hman rim ang tho a ni a, chung rim chuan ka taksa pum pui hi a iakhaih hneh lutuk, che sawn tur pawhin thahruih ka neih meuh pawh ka ring tawh lo.




A kut chu a phar chhuak a, zawi te hian hnuailam ka melhna a ta ka khabe ah dawmin a mah entur chuan ka khabe ah a dawm sang a, chu a mitmu thim ruih mai leh thuk ruih chuan a ni chaklo ni a min inngaih tir ṭhin tu chu!





"Tui a i inchiah huh lai hi ka hmu duh." A ti thawp leh sut a.





"A chhan chu a ti lang duhawm em che a vangin."





Ka mit chuan a hmui nalh leh sexy zet mai, senno lam pang chu ka thlir lo thei lo, chu a hmui nalh zet chuan a mah fawh chakna min neih tir a, tunah tak hi chuan engtiang chiaha nasa in nge a hmuiah hian fawh ka chak tih pawh ka hrethiam chiah lo, ka fawp chak ngawih ngawih ringawt, chumi thilah chuan ka insum zo lo ṭep a ni e.





Ka châkna tihpuitlina a awm theihna turin ka kut chu ka chet chhuah tir ta nge nge a, va dinhnaih leh hrat pahin, ka kuy chuan a ngawngah ka kuah sak a, ka taksa chu a zawi deuh vek tawh a vangin, a nghawng chu ka uai a nimah zawk, ti chuan a fawh rem tur tak hian ka dak chhuak ve ta a, a ni pawh chuan ka awmdan chu hrethiam zetin a hnar leh ka hnar chu kun hniam chung hian a rawn chuktuah a, ka heh bul setah chuan a rawn ṭawng chhuak lum ta ham ham a.




"Ka lo haw hun i lo nghak reng em ni?"




Awmngaihna pawh ka hre chiah tawh lo, ka ká a ṭang chuan thil engmah ka sawichhuah theih ka ring tawh lo. A taksa ka mamawhna a vang chuan ka khur deuh dar dar a, chumi chung chuan ka lu ka bu ve pah nghat a.



"Good girl." Ti tham ṭuak chung chuan ka heh chu a hmuia nawr kauin duhthawh zet hian min fawp ṭan ta a, Wesley an a tawpa min han fawp ta zet chu ka lungphu nasa lutuk chu ka awm a ṭang hian a zuang chhuak mai dawn a hriatna ka neih phah hial.




Chutia duhthawh zet leh zei tak mai a min fawh chhung zawng chuan khawvelah hian engmah duh dang leh mamawh dang neilo ang mai a inhriatna ka neih phah a, a chhan pawh chu a hmui nalh leh sexy zet chuan ka hmuia min fawhsak a vangin.




Ka towel chu a kut lum thar thar chuan dam zet hian min pawh phelh sak a, chhuat lamah chuan a tla thla nghal hnalh, ka hnute chu khuh tu awmlo in a lang var nghal hai, chu thil a hmu zet chu a rum chhuak nghal hawk, a taksa ringa mi pawm chung hian ka hnute lamah chuan a hmui chu a bur nghal chat, Wesley hmui lum thar thar in a ka hnute a fawh zet chuan awm ngaihna reng min hriat tir tawh lo.





Mahmi tawkah phur zet hian thawk ka la ve halh halh, a lei sa ṭha zet hian ka hnute hmur chu a hawl kual nak nak a, ka thaw chhuak hraih, chutia kan phurna a sosan dun lai tak chuan kawngka pui lama door bell chu a rawn ri ta tlang tlang a, kan inthlah dun chiang kher mai, hnunglamah chuan ka pai deuh dat dat a, ka tlu ṭep, Wesley kut tha chak tak chuan min rawn man hman lo sela chuan bathroom chhungah chuan ka tlu chiang ngawt ang.




"Ngawi lawk rawh, hawngturin ka zu kal lawk ang e."





Thawk ka la pah halh, zam tak leh ngaihtuahna la buai niai chung hian Wesley kal ta chu ka thlir liam a, pangngai taka thawk ka lak leh theihna tur chuan ka bei nasa hle bawk, ngawi lawk teh, doorbell rawn hmet tu kha Ryan a ni mai tawh lo maw? Crap.






"Thawmhnaw ka hak vat a ngai ang." Ka chal chu ka chum deuh dat a, ka thawmhnaw inbel tur chuan bathroom chu ka chhuahsan ta nghal a.





WESLEY....




Eleanor chuan mi tih phur dan a thiam.kher mai, a sam la hnawng chap chuan a ti lang sexy leh zual a, tun ang tluka hmangaihna chen dun mamawh a ka awm pawh hi ka la hre ngai lo, ka chak pawh nilo in ka mamawh ngawih ngawih, a intuamna towel ka phelh sak chiah a hnute mum nalh tak leh bial karh mai lian em em lo, rawn lang phir thaih chuan ka ngaihtuahna zawng zawng a ti mu nghal churh churh, eng thil nge ka tih pawh hre hmanlo in, a hnute lamah ka bur nghal chat, a taksa reng reng chu cotton ang tluka nem leh tawh nuam hi a ni a, a hnute hmur ka lei a ka hawl sak lai ngei pawh chuan ka tla lo chauh, a nawm dan a dang zar, he nu hi engtik lai mahin ka kham.theih ngai pawh ka ring lo.






Engtik lai mai pawh hian a mah mamawh ngawih nngawih a min siam dan a thiam tlat, a mah a awm sexy vang pawh nilo in, a mah hrim hrim hi engtiklai pawh hian a sexy reng ṭhin a vangin, a **** zawnah chuan ka ******* chuan ka do lui ngat, thawk a la ve hak, ka taksa rinchhan tur chuan ka kuah hnai pah sauh bawk, a taksa pum pui chuan phurna namenlo hi min pe a, ka châkna zawng zawng te chu upbeh reng lo a tih zalen thuai thuai chakna hlirin ka khat bawk.




Inhnuailam pang kawngka pui door bell rawn ri deuh thut chuan min inṭhen tir dun phawk, Eleanor pawh chu a chiang bik chaih lo, meng dava riai chung hian hnunglamah a pai dat dat a, a tlu ang tuh hlauin nghet zet hian a kawngah ka man nghal chawt. Chutiang kan pahnih hun fal kan neih.lai rawn tibuai tu chu tunge maw a nih chiah le?




"Ngawi lawk rawh, keiman kawngka chu ka zu hawng ang e."




Ka inher vut a, bathroom chhung chu ka chhuahsan ta nghal a.




Inhnuailam chu ka thlengthla vat, kawngka ka hawng ka kum ang rual vel tur mipa sambuang uk lam hi kawngka bulah chuan a lo ding reng tawh a, ka hriat zawng mi lah a ni hek lo.





Ka melh rum nghal hle mai, Eleanor nena boruak ṭha tak kan neihlai rawn tibuai tu kha a ni miau a, chuvang chuan ka melh vawt hle bawk, a lakah chuan nelawmna chhuah tehual pawh ka tum duh buailo ting tang.





"Goodnight, Eleanor chenna hmun a ni em?"





A mah pawh en lem lo chuan, "Tu nge i nih?" Ka tih khum ve hmuk a, a zawhna chu ka chhan turah pawh ka ruat lo.




"Oh, tihpalh lutuk, ka lo la inhriat tir lo tak che." Hawihawm zeta ti in, nuihmel hi a pu sang bawk a.







"Ngawi lawk.....Wesley Cooper i ni tiraw?" Chu pa chu a ṭhawnghmel kher mai.





Tu nge a nih chiah pawh la hre chuang lo chuan ka buk khum nghut a, a ni chuan min hriat chian hmel kher mai, kei erawh chuan a inhmelhriat tirna a neih hma chu tunge a nih pawh ka hre lo.






"Ryan Coldwell ka ni a, Eleanor naupan lai ṭhian kawm ṭhin ka ni." A ti ve ta a.





"Darkar tam pawh la liam loah khan mall ah ka inhmu a, he hmuna dinner ei tur hian min sawm ta a ni." Atih zawm leh nghal a.





Ka la ngawi run reng a, ka thin erawh a rim ru viau, zanin kan dinnner. Eina turah hian he pa hi a tel ve dawn tih ka hre hauh lo.




"A mah hi a awm hrim hrim em?" A rawn ti leh sup a.




Ka chhan hma chuan Sam chuan kan bul a rawn thleng phei ve nghal, "Hello, Wesley."






"Night Sam."





Ka bula ding Ryan in ti Samin a han hmu chu hlim a vangin a hmel a eng chhuak nghal, "Ryan, goodnight, kan inhmuhlohna a rei ta hle mai tiraw?" A nui chhuak var var a.







"Oh, Wesley Eleanorin dinner a buatsaih tak a sin, kan lo lut thei ang em?"





"Uh, tehreng mai, Tommy an min hrilh tawh a lawm." Ti in kawng ka kian ta nghal a.





Kei pawh pawnah chuan ka chhuak ve a, ka bengbulah mi rawn hrilh ruk zauh pah hian, "Tommy chuan car a rawn park fel a, a lo thleng ṭep tawh ang." Ti in Ryan chu inchhung lamah a luh pui ta nghal a.





An hriat phak pawh ring tawh vak lem lo hian, "All right." Ka ti chhuak sup.





Pawna ka din a ṭanga rei vaklo hnu ah chuan Tommy motor park zo pawh arawn lang ve ta hlawl a, "Hey man." Chauh hmel zeta mi rawn en pah hian, "Melissa nen kan project pahnih ngawt kan tih zawh leh tak kha."





Ka la ngawi run reng a, "I ngeiawm ve hle chuan ka hria, i lo va haw hma bik daih a." A phun leh nung nung, ka haw hma chang leh ka hna a ka kal loh chang a a tihtura ka dah hian ti ang chuan a phun nung nung ziah.






Ka nui chhuak ta hawk a, "Tunah te chuan ka hmeichhia leh ka fanu an rawn awm ve tawh tih hre ta che, chuvang chuan haw tlai tih ang reng kha ka duh tawh hleinem."






"A la thinrim khum reng che a ni lo'm ni?"





"A awmdan a ṭang chuan a thinrim tawh lo a nih hmel, a chhan chu ina ka haw khan Melissa chung chang pawh a sawi lang tawh lo hrim hrim."





"Chu a ṭhat leh mai i ring tihna maw?" A nui chhuak ve a.





Ka nui chu tawpin Eleanor laka ka thil zep tlat chu ka ngaihtuah pah neuh neuh a. Sam in Eleanor hian a birthday a lawm ngai loh thu min hrilh a, a chhan pawh a pa khan a kalbosan zan kha Eleanor birthday ni tak a nih a vangin, khatia a pa in a rilru a hliam sak hnu a ṭang khan a birthday hrim hrim hi a lawm leh ta ngailo reng reng ti in min hrilh a ni.





Chutianga mahni birthday pawh hlim taka lawm thei ngailo a a han awm mai chu ka tawrhtheih zawng a ni hauh lo; engti ang chiahin nge a pa chuan a rilru a tih natsak chu ka hre chiah lo a, mahse ka hriatthiam sak thung in ka hria, chuvang chuan a tan thil eng emaw tak tih sak ka rilruk ta a , Sam leh Melissa min puihna a zarah Eleanor chu a birthday lo thleng tura tan hian hlim taka a,awm theihna tur ka buatsaih sak ta a ni, he thu hi tumahin a hun hma chu Eleanor hrilh hre lo turin kan in tiam thlap bawk.





"Hey, Ryan Coldwell hi tunge tih i hre mial lo maw?" Tommy lam chu ka,melh pah zauh a .







"Coldwell i ti em ni?" A khabe chu a kuta dawmin a hmui chu ka kut ṭang chuan a khawng deuh kauh kauh a, chutia a tih tawh chuan thil ngaihtuah chhuah tur a nei ziah bawk.





"Oh, God yes, sumdawnna khawvela businessman lar tak a rawn nih chhoh ṭan mek hi, a thil tih tawh ah reng reng a hlawhtling viau bawk ṭhin."





Thawk ka la deuh hawk a, "A mak hle mai, tunthleng hian a hming pawh ka lo la hre miah lo chu a nia le."





"Boys lo lut ve tawh u la ."





Sam chuan min rawn au ta lang lang a, "Honey kan lo kal chiah e." Tommy chuan a lo ti nghal vat.




ELEANOR....

Dinner eina turah chuan eng ang kawr nge maw ka hak ang le ti ah ka la buai kher mai, Sam chu rawn kal vat sela min rawn thlanpui mai se tih te hial ka ngaih tuah, Eleanor hmun dangah pawh i kal dawn a zeng pawh nilo, engvanga thawmhnaw hak tur mai mai hre lo a i han awm tak mai le, Ryan vang te kha a nithei mai ang em? Nilo, ni lul lo mai, Wesley ta chauh ka ni tawh, chuvang chuan thawmhnaw nalh hranpa vak hak pawh ṭulin ka hre ta lo a.





Thawmhnaw pangngai tak ka thlang chhuak a, kawr chhing bahna awm lo, sen lar duk lam leh kekawr tlawn ka pian rem zaih chu ka la chhuak a, a rem tur takin pheikhawk keartui sang lo tak ka kekawr hak ang mai a dum hlarh chu ka thlang chhuak a, chung te chu ka inbel nghal ta sawk sawk a, inhnuailam ka chhuk hma in Rosie room lam ka pan hmasa leh phawt a, a ni chu a lo la mutui phian mai, dinner kan neih zawh hnu lamah chiah a harh tawh ka ring, kawngka chu dim te a khar lehin inhnuailam ka pan thla ve ta a.





Inhnuai ka thleng thla chu an lo ṭhu thap hlawm tawh hi a lo ni a, kan eitur te pawh a lo thleng fel vek tawh, chu chu Tommy leh Wesley chuan an lo buaipui mek, table chungah chuan kan thil eina turin fork leh knife leh plate an lo chhawp zo chiah, an thil tih an zawh hnu chuan Tommy chu Sam bulah a ṭhu thla leh nghal a, kei pawh Wesley ep chiah a ṭhutna ruakah chuan ṭhuthmun ka rem ve nghal a, chutia ka ṭhut chuan Ryan nen kan inhma tawn chiah bawk.





"Elo ...khatiang thawmhnaw kha ha lo tur i ni a sin."





Nuamlo ti zet chuan Wesley chu ka melh zauh a, "Ngati maw?"





Wesley chuan a hmui hnuailam a leia sexy zeta liah huh zauh pah hian, chimawm zet hian min melh pah hmasa te te phawt a, "A chhan chu he dinner atthlak zet hi kalsan pui che duhna thinlung min neih tir a vangin maw le." A nui chhuak pah hawk bawk.





"Wesley thuawih takin awm mai mai rih teh."  Ka nui chhuak nasa mai.





Kan ngawi tlang leh ta a, kan eitur chah ho te chu a tui hlawm kher mai, tu te pawh chuan kan ei ṭeuh vek nimai hian ka hria, ka lawm ru viau bawk; Ryan chuan a fork leh chemte hman chu dahin ka lam a rawn hawi chhuak a, "Eleanor tunlai i pi eng nge a an, a damṭha maw?"





Chu thu a rawn sawi a vang chuan ka ngaui nghal raih raih, a thusawi lai chu a chhunzawm leh nghal a, "Ka la hriat reng chu, i lunch box i theinghilh a vanga school a a rawn pek thlap ṭum che kha." A nui pah suk bawk a.





"A ni chu......" nui hmel put luih hram hram ka tum bawk a.





Ka pi chung chang thu min zawh pawh ka lo ring lo a sin.






Ryan leh ka pi kha an in nel in an in kawm tam hle a, a chhan pawh kan in lamah hun a rawn hmang nasa a, a ni nen khan homework kan tih dun loh leh film kan en dun nasa a, chuvang a ka pi nen pawh a inkawm tlangnel an ni reng bawk.





Ka pi ka hriat chhuah a vang chuan ka thinphu pawh chu a pangngai leh tawh lo, a phu nghal dawt dawt a, chutianga ka awm chu Wesley chuan a lo hrethiam nghal vat, a chhan pawh ka pi thihna ka tawrhnat zia leh min nghawng nasat zia hria a hmu tu a nih miau a vangin.





Dawhkan hnuaia ka kut dah chu mi thlamuan tum takin a kut lum thar thar chuan a rawn hmer pah vawng vawng a, chutianga tih pah chuan a mitmeng rilruih chuan min melh bawk a, ka tan a awm reng a ni tih min hriat chian tir hle bawk.





Chu chuan he khawvelah han keimah chiah ka ni tawh loh zia a  min hriat tir a, a chhan chu a ni hi ka neih tawh miau a vangin.





"Kan bulah a cheng rei ve thei ta lo a ni e." Ti in ka phun chhuak ta sep a.




"Oh, pawi ka ti lutuk Eleanor." A hmelah chuan a thu hriat chuan a ṭhawng hle tih a hriat vek a, nuam lo a tih hmel hle bawk, "A pawi lo ve." Ka nui lui sak a.





"Tawrhthiam hram hram ka tum a lawm, chu bak duhthlantur dang ka nei lo miau a, a nilo'm ni?" Dawhkan lam ka melh chhuk raih a, ka thil ei te thleng chuan a tawp chiang hle.



Wesley lam chu hawiin ka nuih leh sak a, a ni pawh chuan nelawm zeta mi melh chung hian min lo nuih let ve a.




He a nui hmel mawi lutuk hi a lawm a mah addict thei hial a min siam.tu ngei mai chu, he a nui hmel hian engtik lai pawhin a mah addict thei turin min siam reng ṭhin! Dinner eikham hnu dessert kan ei lai chuan thildang sawi in kan la ri mam mam reng a, Sam, kei leh Ryan chuan kan tun hma hun te sawi chhuakin kan ti ti zui zel a, kan hlim.tlang leh tawh khawp mai.



"Party nei ila a ṭha viauin ka hria." Sam ngei chuan a thil addict te zinga a tih nasat ber chu a rawn sawi chhuak leh ta a.





"Ryan chu chu i ngaihtuah ve lo em ni?" Hlim hmel pu zetin Ryan lam chu a hawi phei a.





"Yeah." A lo ti ve mai bawk.





Ka nui chhuak ta hak hak a, "Zan dar sawmpahnih lai a ri tawh a, mut lam te in la rilruk lo tihna em ni?"




"Oh, God, Eleanor kan kum hman lai ah hian i cheng ve lo tihna em ni?" A mengrang kual vel a.




"Khawngaihin, hun hlimawm tak kan hmang ngei ang tih hi ka chiang a nia."




"Sam, alcohol lam i in theilo tih kha hre reng ang che." Tommy chuan a lo ti ve khauh a.





"Ka hria a lawm, ka mawl viau duh i ring reng reng em ni?" A zawt let ve zawk mah a.




"Nilo e, sweetie." Tommy pawh chu za zet hian a nui chhuak a.




Wesley lam chu ka melh zeuh a, "Wesley i lo kal ve dawn em?"





"Kal lo ang, inlamah Rosie hi ka lo awmpui zawk ang e." A ti deuh hmuk.





"Mahse nanny kan koh sak thei reng si a...." ka la ti deuh fan, Wesley tello a han kal chhuah em chu dikin ka hre zan bik lo.





A ding chhuak nghal a, "Kal chakna pawh ka nei lem lo, Rosie enkawl pahin hetah Tommy nen hian hna kan lo thawk zo zawk ang e."






"Hna te chu i thawh nasat em hi, i thawk nasa mah zawk a lawm." Ka tum deuh ti tih a.






A rawn kun hniam a, ka bengbul maiah chuan midang hriat ve loh tura rawn phun sup pah hian"Sweetheart i kal chhuak tur chu a pawi khawp mai, nakinah kan thil tih kha kan chhunzawm leh ang ka lo ti rauh rauh a sin."






Chu a thusawi sexy lutuk chuan ka awmdan a ti danglam nghal vek, a hrethiam.kher mai, a mit min siai khum zauh a, "In lama hruai haw i duh hunah chuan min rawn call mai dawn nia."






Ka ding chhuak ve nghal a, "Ngaihtuah duh suh, i chau dawn si a, lo mu hahdam zawk la a that ka ring, a chhan chu Sam hian min rawn drop mai dawn a lawm."




Dingdihlip pah ak ak chung chuan a hmuiah ka fawhsak zauh a, Sam, Ryan kan patthum chuan kan kal chhuak ta nghal a.




WESLEY POV




Eleanori'n ka hmui a arawn fawh zeuh a, chutia kan pahniha hmui a han insik rual chiah chuan ka taksa pumpuiah phurna hian a fan chhuak nghal vek a, chu mai pawh nilo in a za chhuak nghal chuai, zanin ber kher chuan a taksa kha ka mamawh tak zet, chutiang bawkin ka bula awm mai tura hrilh ka chak zek zek bawk..... mahse a hmel landanah kha chuan a ṭhian te hnena hun hman kha a chak hmel bawk si a, leh kha ...... a naupan hun laia a a mipa kha.... chu vang chuan ka bula awmturin ka hrilh theihloh phah a ni.





Khatiang thil a vang khan ngaihtuahna mak zet zet ka rilru ah a lut zut zut bawk a, a chhan chu kha mipa khan Eleanor hi kei aia pawh a hrechiang zawka hriatna ka neih tlat a vangin. Nilo, chulam thil chu ka ngaihtuah tur a ni hauh lo, a chhan pawh tunhma zawng te kha chuan tuna Eleanor nena kan neih specialna thil a tan pawh ka tan pawh special ve ve a kan inngaih tawnna ang hi kha pa nen khan an nei ve lo tih hi ka hre tur a ni.






Chu chuan Eleanor hi ka tan chauh leh ka ta chauh tura piang a nih zia min hriat tir a, mahse chu thil chu a ni tak zet ang em nge ni lo ang, tih ah erawh ka chiang ngam choah chuang lo.




A chhan chu ka ta chauh ni turin ka sawmin ka la zawt ngai miah lo tih ka hre chhuak tel tlat.

TESPNAYA REAKSIYA LOST CHAPTER 13

TESPNAYA REAKSIYA LOST CHAPTER 13

FAKNA MILEM AWM KHA HMET VE NGEI NGEI ANG AW, KAN THEIH CHUAN SECOND SAWM LEK KAN NGHAK VE ZEL DAWN NIA.


TREY....




Kan thlenna hotel room lam kan thlen leh hnu chuan ka ṭhu tum bur, ei tur pawh hmun danga kal chhuak lo in chu hotel ah chian kan ei mai ṭhin a, Sicily kan cham chhung zawng chuan Alexandra zawnga kan vak chhuak tih loh chu kan chhuak vâk ngai lo, kan tan a him ber chu chhuah tam loh a nih miau a vangin, kan khawvel hman a zim duh khawp mai.





Hotel room kan thlen chuan hma taka dinner ei a mut thilh vata a tuk a kan hna thawh tur ah insawr bing kan ngaih a vangin Hunter chu eitur te lam turin kan tir chhuak a, a kal chhuak chu a rei ta phian nge Detroit ril a ṭam tawh vang ka hre lo, "Hunter chu khawiah hrep chuan ei tur la turin kal ang maw?" Ti in a phun nung nung reng mai a, ei in lamah berkher hi chuan a dawhtheihlohna pawl tak a nih ka ring, nghah lam hi a ti thei vak ngailo ve hrim hrim.




Kei erawh chian thudang daih ka sawi chhuak thung. "Kha car a ṭang khan thil ṭangkai lo zet kan hmu chhuak dawn a ngaihna ka nei tlat pek." Ka thil ngaihtuah lai chu ka sawi chhuak daih a.



"Ngati maw?"




"Ka hre bik lo, thil ṭul lo tak tak kan hai lang mai mai ni a ngaihna ka nei, chumi a vang erawh chuan Alexandra hi kan zawn loh phah dawn tihna a ni chuang hauh lo, kan la zawng zel ang."



Ka thinrim em a vang chuan thawk ka la ri hrawih a, "I sawi dik ni in ka hria." Detroit pawh chuan a rawn ti ve sup.




Ka phone ah lai chu a rik a vangin ka phawrh chhuak nghal a, "Hunter em ni?" A ti keh hman hmawh, a eitur ringawt a buai pui tawh.




"Nilo e, inlam phone a nih hi, Callie a nih ngei ka ring, pawn lamah ka va bia ang e." Ka kal sawn ta nghal a.




"Ril ṭamin kan thih duh hmel khawp mai." Tia a sawina chuan ka nuih a ti za ṭep.




Pawn lamah chuan chhuakin, ka phone chu ka chhang a, "Callie?"





"Dad keimah ka nia."





"Theo, naktuk hian rawn call che a cham chin rawn hrilh che ka lo rilruk sa hrim hrim a, eng nge ni ta ?"




"Umh, ka nu a nia, naute a nei tawh e."



A thusawi chuan min ṭhawng kher mai, ka phu deuh zawk, "Engtik ah, a mah a ṭha maw?"




"Aw ṭha e, rawn a rawn hrilh hman tak loh che a vangin hre awm a ti lutuk a, mahse a thleng thut a ni mai, rawn hrilh tur che pawhin hun a awm lo."





"Zanin ah kan rawn chhuak ang a, naktuk chuan kan rawn thleng tawh ang."




"Alex chung chang hriat tur a awm tawh em?"





"La awm rih lo, mahse kan hriat thuai tawh ka ring, Hunter kan rawn hnut chhiah dawn a, a ni in zawn hna a lo chhunzawm zel ang."






Thawk a la ri hrawih a, "Ok, a nih kan inhmu vat dawn nia."





"Bye son." Ka tih hnu chuan phone ka cut a, thawk ka la ri hawk, "In lam pang an ṭha maw?" Ti a ka hnunglam a ṭang a Deroit zawhna chhang tur chuan ka inher a, ka hmel hlim lo hmel a hmuh chuan a cigar zuk lai paihin min rawn pan phei nghal thuai a, "Trey engkim a ṭha vek maw?"





"Callie khan naute a nei tawh a." Chuti bak a sawi chhuah dan ka hre lo, ka tello a nau a hring ta mai hi hreawm atih dan tur pawh ka hria, kei lah a bulah pawh awm theilo in mel sang tam tak danah ka la awm daih zui bawk nen.






"I ti tak tak em ni boss?" Detroit pawh chu a aw a ṭang chuan a thu hriat chuan a ṭhawn ve hmel kher mai.





Buk khum nghut nghut pah hian, Theo rawn sawi dan chuan a nia lawm, a ni thut a ti a, Callie chuan inah a nei a ni awm e, hospital pawh an pan hman lo, chuan fanu a nei a nih chu!"



"Fanu maw?" A nui chhuak sung a.





Ka buk khum leh nghut, "Aw, hmeichhe dang leh bawk maw le, mahse ka lawm loh phah huang hauh lo."




"Congratulation boss."




"I thil te pack fel la, hun rei vaklo chhung chu kan thlawk haw leh rih phawt ang."





"I ti tak tak em ni?" A hmelah chuan a chian chiah hmel loh viau.





"Ti tak tak e, Hunter a lo awm thei a lawm, a ni in a lo zawn chhunzawm thei reng a."




"Lo awmpui ve pawh pawi ka ti hran lo a nia."



"Nilo e, Detroit, nang pawhin Noah i hmuh ve a ngai a lawm, a la te si a, rei tak chhung zin san thei chi i ni bik lo."





"Zanin ah kan thlawk haw ang a, hun rei vaklo chhung inlamah hun hmang hnuah kan kir leh dawn nia."





A bu ve ta nghut nghut a, Hunter pawh ei tur keng chungin a rawn lut ve chiah, "Eng thil nge lo thleng?" A rawn ti lut a, kan thusawi tlem a zawnga rawn hrethawi tih a hriat mai.




"Nichin deuh lawk khan Callie fa a nei tih Detriot hi ka lo hrilh zo chiah a." Ka ti a.




"I ti tak tak em ni?" A meng tang ve hru a.




Buk khum leh zauh pah hian, "Zanin hian Detroit nen ni reilo te cham turin kan thlawk haw ang a, heta lo awm hi pawi i ti ang em, nangin zawn hna i lo chhunzawm zel anga ka ti deuh a?"




"Tehreng mai, Callie chuan eng ang nge a neih?"




"Hmeichhia."




"Congratulation man." A nui chhuak a.




"Ka lawm e, Hunter, tunah kan kal nghal mai a ngai dawn a, i khua a lo har em em lo turah ngai ang aw."





"Teuhlo mai, keimah chauh pawhin ka lo ti thei em em ang tih hi ka chiang."




Ok, Detroit i inpeih tawh chuan Bert kan phone ang e, jet kha lo peih rawh se." Phone chu ka hmang ta nghal a .





THE NEXT DAY....

ROMANO MANSION...

ALEXANDRA...



"Ka unaupa duh tak, khawvela ka unaipa neih chhun."



"Khawvel pum puia i unaupa neih chhun ka ni reng a lawm."




"Khawvel pum puia i unaupa neih chhun ka ni reng a lawm."





Ka lu na ngut ngut chuan ka mu lai chu min ti harh a, ka harh chhuah chuan ka lu ka dawm nghal vang vang, ka mit bul thleng chuan a na vel vek, ka mumang neih kha a tak em a vangin ka lu chu a na viau a nih ka ring a, ka mumang kha a tak tak em ni zawk? Zawhna tam tak ka nei, mahse chung ka zawhna min chhan sak tu chu an awm bawk si lo.




"Unaupa ka nei tihna maw?"




Ka mumangah chuan unaua ka nei tlat, ni e, unaupa ka nei ṭhin reng em ni ang? A hmel lah ka hmu thei si lo, a aw chiah ka hre thei ṭhin a, ka tan chuan a ngaihna hriat a har kher mai.




Ka room kawngka chu an rawn kik karh karh a, "Lo lut rawh."




"Hi Emma." Kawngka chu inhawngin Isabella a rawn lut a.




"Hey, whats up?"




"Ka ṭhian te lunch neih pahin ka hmu dawn a, i lo kal ve duh em?"




"Min hrilh a vangin ka lawm e, mahse vawiin chu inah awm mai mai ka lo tum a."




"Luca pawh biak ka ngai dawn a, tukin lamah i hmu tawh hrim hrim em?"





"Aw, ka rindanin tunah chuan a office room ah a awm leh tawh ang, a nih chuan zanlamah dinner ei hunah kan inhmu leh dawn nia."




"Tehreng mai, zanin dinner tur chu keiman tui deuhin ka lo siam dawn nia."




"Eirawng i bawl thiam maw?" A phu deuh zawk.



Ka thiam leh thiamloh ka hre bik chiah lo, engvang a sawi chhuak nge ka nih reng ka hre lo, "Luca chuan artui chhum tak ngial pawh a thiam hleinem." A nui nasa mai a.




Kei pawh ka nuih a ti za viau, ka eirawng bawl thiam leh thiamloh lam chu thuhran ni se, artui chhum mai mai te zawng a harsa dawn si lo a.



"Ok, eirawng i bawl duh a nih chuan chef kha i hrilh hre dawn nia."




"Ok, ka lo ti ang." Ka bu pah nghat.





"A nih, tlailam dinner eina ah ka hmu leh dawn che nia."




"Bye, hlim takin hun va hmang ang che." Ka tih hnu chuan a chhuak ta nghal a, Isabella kal chhuah hnu chuan ka inngaihtuah nasa kher mai, engvanga eirawng ka bawl tur thu sawi chhuak ve ngawt nge ka nih ang? A thiam pawh ka thiam reng reng em maw ni, an ni chuan chef an nei leh nghal a, tui lo deuh a ka chhuah vaih chuan a chi loh viau ang, mahse hmanni zinga a pa nena breakfast kan siam dunzet kha chu a pa pawhin min fak a nih kha, khatiang breakfast tuihnai kha khawi a ṭanga ka thiam nge tih awh ka hre lo, ka thluakah khan siamdan tur a awm tawp a, Luca pa in a min fak pawh khan ei in siam lam ka zir ṭhin ka ti tawp a nih kha, tun hma in ka tui viau ṭhin pawh ani maithei.




Mahse tun ṭum hi chu breakfast mai mai a ni lo tlat, eirawng bawl a ni, eirawng chu ka bawl thiam chiah em? Nge thiam lo, ka bawlthiam beisei phawt teh ang. Thawk ka la halh a, chulam chu ngaihtuah loh rih phawt mai ka tum ta zawk a.




Vawiin ni chhuak chu a lum kher mai, shower hmangin breakfast te ka ei te te phawt ang a, chumi hnu ah Luca chu ka zawnga niang chu, sana ka en zauh a, dar sarih chauh a lo la ri a, he inchhung a mi te ho hi an tho hma vek ṭhin hlawm ni ah ka ngai.





HUNTER....



Trey te kal ta ka thlir liam hnu chuan mahni chauhin kan dinner ka lam sa chu ka ei a, khua erawh a har duh viau, dinner ka ei zawh hnu chuan thil dang pawh ti tawh lem lo in inlam ka phone a, Brandon ka be leh a, chumi hnu chuan ka mu ta daih a, zing ka tho breakfast ka ei vat vat a, chumi hnu ah shower ka hmang a, ka insiam leh vat a, dar riat a rik chuan ka,kal na hmun tur lam pantur in ka inpeih fel vek tawh.





Kan car hawh chuan ka inkhalh chhuak ta nghal a, Trey awmloh chhung pawh ni se, kan hna chu a mit tlung taka tih ngei ka tum, vawiin chhun lamah chuan an ni pawhin New York an thleng fel leh tawh ang a, chumi hunah chuan chan chin a hre duh ngei ang.





Ka kalna tur hmun ka thlen chuan Kurt chumi hmun neitu pa chu min hnungchhawn zawmg hian a lo ding vung vung tawh a, min lo nghah ai mahin lo kal lo se min tih hmel mah zawk; thawm pawh nei lem lo in a bul chu ka va thleng phei a, "I hun a tawp." Ka ti nghut a.





A phu zawk, min beisei lo chiang tih ka nemnghet nghal, zam hmel zet chuan min melh dui a, "Kan thil duh chu i lo nei tawh em?"





"Aw, nei tawh." A aw a khur leh nghal der.





"Chhanna ṭha tak a nih chu, a chhan chu ka kawr tihbalh hi ka duh vak bik lo."





Thawk a la ve huai a, "A hming le?" Ka tih zawm nghal.




"A ti tu tak chu Fabio Bruno a ni a, kha car rawn dah tu kha chu a mi chhawr veleh chhawng tleirawl pawisa duh engmah hriat neilo a nih kha."



"A nih leh Fabio chu khawiah nge ka hmuh theih ang?"




"I hmu theilo ang, tun angah ngat phei chuan."




"Engvamgin maw?" Ka tih khum nghal hrawk.




"Fabio chuan he tiang hna a tih hnu ah ngat phei chuan lei hnuaiah kar reilo te chhung chu a bi bo ṭhin."





"Eng hna maw?" Ka khabe ka dawm pah deuh vut a.





"Tual thahna ang chi leh accident hnu hma reng reng police in an hriat chhuah hma in a lo thian fai ṭhin a lawm, chutiang ti tur chuan  an ruai fo ṭhin!"





Hei zet chu a ṭha lo lam a ni ta tlat.




"Tu tan nge a thawh ṭhin?" Ka ti leh nghut a, chu pa chu rum zet hian ka melh bawk a.




"Ka hre lo, tu tana han thawh na vak pawh a neih ka hre lo, mi tam tak tan a thawk ṭhin! Mi ho in an ruai a nih ber chu!"




A ṭha lo telh telh mai.




 "Chutiang mi an hna a thawh sak ho chu i hmuh chi a nih pawh ka ring chiah lo." A tih zawm leh a.




"Kha chu ka ngaihtuah tur ni in ka hria, i lo ngaihtuah tur nilo in, ka hun hlu tak hi ka bawhpelh hauh lo ang, an hming chu sawi rawh le."




"Kei chuan ka hre lo tak zet zet, Fabio kha i zawt thei ang, i tana ka tih theih zawng chu a rawn chhuah hun a rawn hrilh nghal chauh che hi a ni."




Tih theih dang ka nei tawh lo, "Ok, min rawn hrilh vat ka beisei." Chu pa chu ka kalsan ta nghal.





NEW YORK, DOWNTOWN CITY PARK ....

TREY...


Jet a ṭanga kan ṭum chiah Hunter phone call rawn kal chu ka pickup nghal a, "Aw Hunter?"




"Tunah New York kan ṭum ve chiah."




"A ni kha i ring tihna mi?"



"Ok, chan chin min rawn hrilh zel dawn nia, zanin ah ka rawn bia ang che."



"Eng emaw hriat chhuah a nei tawh tihna mi?" Phone ka cut chiah ka bula kal Detroit chuan a rawn ti ve a.




"La nei chiah lo deuh, zanin warehouse lamah meeting lo ko ang che." Car chhungah chuan ka ṭhu lut ta nghal a.





A ni pawh ṭhu lut ve in, Meeting kan neih chuan eng nge kan sawi chuan ang?"




"Kan rel fel ang chu!"



Detroit chuan kan inlam ah min rawn thlah hnu chuan an in lam panin a tlan leh ta a, inchhung ka lut Theo ka hmu hmasa ber a, ka thawmah a rawn hawi chhuak ve nghal a, "A hun tawh hle a ni."a ti chhuak sup.




"Ngaihtuah ve la, darkar kua lai rawn thlawh nan hun kan rawn hmang a sin son."




"Khawiah nge i nu chu?"




"Inchung lamah a awm ang, a muhil a nih ka ring."





"Ok, ka han hmu hmasa ve phawt ang e, chumi hnu ah engkim hrilh fiah tur che in ka rawn kir lrh dawn nia."




Inchung lamah chuan ka chho ta nghal a, kan room ka thleng kawngka ka hawng chiah naute ṭap ngak ngak thawm ka hre nghal, thawk ka la ri hawk a, "Ka rawn thleng ve ta ṭawk e, baby, eng nge i lo an?"  Callie chuan kan fanu chu a lo awi darh darh a, a chauh hmel kher mai.




"Trey i lo thleng tawh maw?" A hmel chu hmuh theih khawpin a eng chhuak nghal a .





"Hey, baby i ti ṭha lutuk a nia aw."
A hmuiah chuan ka fawh sak zauh.




"Alexandra chu in zawng hmu thei ta em?"





"Nakinah ka la hrilhfiah vek dawn che u nia." Ka pan hnai leh sauh a, ka nupui rimtui zet chu hnim vang vang pah hian, "I lang duhawm lutuk." A chalah chuan ka tih ṭhin dan angin ka fawh sak leh zauh.




A naute pawmlai chu ka en chhuk leh a, "Damn, sam a ngah kher mai."




"Theo a chhun lutuk ringawt, Theo nausen lai ang chiah chiah." A lo ti ve bawk a .




Ka zu kun hniam leh zual a, naute pawh a ṭap tawh lo , a pa chu a hre ve hle hian ka hria, a mitmeng fiah ṭha zet pawl ram chuan min rawn melh chho ve kar leh nghal a, "Hello beautiful." A chala fawh sak zauh pah hian, "Daddy in a pawm ang che aw." Callie kut a ṭang chuan ka la a, Callie chu a ham leh ṭhin a, melh pheih zauh pah hian, "I chau a nih kha, hetia ka awmpui chhung chu engvangin nge i lo mut rih mai loh ang?"




"Ka lo awmpui theih mai.....ka ring, mut hahdam tum rawh.'





"Chuan a hming hi phuah sak vat a ngai lo maw, han kohna tur mai a awm lo a lawm." Ka tih zawm nghal a.




"Hming phuah sa chu ka nei tawh a."

"Tak tak maw?"




"A pian hnu deuh lawk khan a nia, mahse i duhzawng a nih loh chuan thildang pawh i thlang thei tho."




"Uhh, eng nge kha le, ka theihnghilh leh daih."


"Thlak leh mai pawh pawi ka ti lo."

"Han ngaihtuah leh deuh phawt la maw le." Ka lo ti ve vat.




LUCA....

Zing ka tho chhuak kitchen lam ka pan thla a, Riccardo ka hmu ve tehkhiah, chutiang a zinga a thawh pawh ka hre ngailo, ka pa lo kal vang a ni ngei ang, unaupa phakar zet mai ka nei hi chu a pawi a ni, chutah a hmeichhe rawn hruai haw chu ka kutah a la innghat hrep zui leh nghal, f*ck my life.




A ni chuan zing kar pawh sawilo in pizza a lo ei mial mial mai a, chutiang nun awlsam zet ang chu ka nei ve thei lo, engkim timing ka duh a, ei in hun bi pawh a hun thlap thlap, chu mai pawh nilo in, pizza lek phei chu breakfast ah ka hmang ngai hauh lo, "I thil ei lai kha i tawp thei dawn lo a nih hmel." A pizza ei lai chu ka ner khum sawk a, black coffee ka inthlit nghal bawk a.




"Nope, slice dang hi i duh ve tihna mi?"


"Hrep tak che chuan Rick, darkar eng emaw zah chhung gym ah hun ka hmang a, khatiang thil ṭullo zet kha ka ei duhin i ring em ni?"





Thawk a la huai a, "Bro, i in thlahdul ve deuh hi chu a ngaiin ka hria, hetianga thu tak run leh timing tak vek a i awmdan ang hi i tan pawh a hreawm ngawt ang."





"Chuan namgpawhin heng thil tlak tlai lo zet zet i ei ṭhinna hi bansana gym lama i hun i hman ve deuh a ngai ngei ang." Rum zet a melh chung hian ka tih khum ve hrawih.



"Tu maw, keimah maw?" A phu deuh zuk.



"Aw nangmah hi ni e, mi mawlpa." Ka melh chhuk khur a.




"Kei te chuan greek Pathian taksa a kawm le ka neih a, en ta che." A kut chu chunglamah dahin a ti sek a, a nui sawng leh nghal, thawk lak hawl pah chuan ka menkual khum rulh, a beidawn thlak ngawih ngawih ni hian ka hria, heti em em a unaupa nun ho neih hi.




"Brother, puih i mamawh ni in ka hria."




"Nimin lam lunch te eng nge a an?"
Min la siai khum suk zui bawk a.




"F*ck off Riccardo."



Ka room lamah ka black coffee nen ka kalsan ta daih a, chuti lo zawng za taka a nui lai sakhmelah khan ka nau a ni tih ngaihtuah miahlo in ka black coffee chu ka theh phei duh mai ang tih ka hlau.




Ka room ah chuan ka lut a, eng ang ka nun dan chung chang nge Riccardo chuan a sawi ang tih ka ngaihtuah nuap nuap a, a chhan pawh khatiang a nun ho zeta nun kha ka thuam zawng a ni ve lo, kei chuan nundan zahawm tak ka hnuai a mite zah tura nun chu ka duh dan a ni.



Ka coffee in lai chu ka tlak pawp a, ka khum bula side table ah chuan noruak chu hungin bathroom lam ka pan ta nghal a.



Rick anga mipa nun hawk lak leh ngaihtuah em em pawh neilo khaupharthawven hi ka duh zawng a ni hek lo.



Insiam peihsa atin ka office lam chu ka pan leh ta a, corridor ka pan lai chuan "Luca." Ti a min au tu Isabella lam chu mengkual rulh chung hian ka hawi a.




"Nimin lam lunch chu eng nge a an?"



"Si, a ṭha e, chuan kan hlim dun viau bawk, thawmhnaw nalhtak i lo thlansak a vangin ka lawm e, ti chuan i zawhna zawng zawng leh zawhna leh tur thlenga ka chhang zo a nih chuan ka office lamah kal ka ngai, a tha em si?"




A mengkual ve ralh, engmah sawi leh tawh lo chuan Signorinna room lam chu a pan ta nghal a.



Ka office room ka lut Dante a lo awm leh der tawh, ka pan phei nghal a, a ruk taka Bronze Dragons rawn kal chhan chu ngaihven ru tho tur chuan ka hrilh ta tho a.




"Eng emaw hriat chhuah te i nei tawh em?" Ka pa leh Riccardo in ka office chhung an rawn rap chiah ka lo zawt nghal vat a.





"Tunah chuan la nei rih lo, mahse ka nei vat ang."




"Ka hrilh ang che, Bronze Dragons ho hian eng emaw tak tih an nei hrim hrim ang."




"Kei chuan vacation an rawn hmang a nih ka ring mah zawk." Riccardo chuan a lo ti ve khauh a.




A ṭawngkkam rawn hman chuan ka thin a ti rim leh der tawh, "Yeah, Riccardo, tiang boss ho hi an mipa te ho nen vacation hmang turin an kal reng ṭhin a lawm ti raw?"






Dante chu a nui nasa mai, "Ka hrilh ang che, Trey Bailey hian he lai hmun rawn kal chhan hi a nei ngei ngei ang, â viau lo mai rawh Riccardo, nang anga vacation lawm tak pawh a ni hek lo, chuan ka he ka island hmuna Bronze Dragons rawn kal hi ka duh lo."





"Bronz Dragons maw, eng lam nge chu chu... sorry rawn tihbuai che u tuma rawn kal ka ni miahlo a nia."





Chu hmeichhe rawn ṭawngchhuahna lam chu kan zavai chuan kan hawi phei nghal vek, oh hrep tak chuan a thawmhnaw rawn inbel hrep tak chu, he signorinna hian ka thusawi ho kha a hrethiam hauh lo a nih dawn hi, thawk ka la pah hawk a, inbeng daih hram hram ka tum bawk, engvang tehhrep a thawmhnaw dawrawm zet zet rawn inbel ṭhin nge maw a nih le?




"Mamawh i nei deuh em ni.....um...Emma?" A thawmhnaw inbel chu ka melh pah rulh bawk a.




"Biak lawk che ka duh mai a nia." A hmelah chuan a inthlahrun hmel hle a, keimah chauh a ka awm a ring nge ka hre lo.




"Tunah chuan hun ka nei rih lo, mahse ka hman veleh ka rawn hmu dawn che nia si?"




A bu ve nghat nghat a, hmel ngui zet chuan a chhuak leh ta a.




"Eng chung chang nge ni leh ta?"




Ka pa lam melh chung hian ka dar ka san khum zauh a, "Engtin nge ka hriat bik hrep ang a?"




"A lan dan ah khan a hlimloh hmel riauin ka hria, kalin va ngaihven la a ṭha in ka hria Figlio."




"For f*ck's sake dad, a tin a ti tliak palh mai mai a ni ang, Luca ka ni a, hmeichhe problem ah ka inhnamhawih ngai lo, chu ai chuan helaia kan thil sawi lai kha a pawimawh daih zawk."




"He tiang thil hriatpui tu tura i nu he hmuna a awm ve lo hi chu i vannei ve ngawt chuan ka hria, chuti nilo sela chuan...."




Thawk lo lak hawk pah hian ka kawng ka dawm a, ka men kual khum rulh duh chauh.





Signorinna Emma in ti ta chu ka hmu ta chuang lem hlei lo a, kan thil rel kan zawh fel hnu chuan khua pawh a tlai lam ve ruih tawh, ka hne kher mai, ka pa leh Riccardo thu a inhmuh viau laiin ka pa erawh chuan ka thusawi reng reng a hnial zel ringawt a, chu chu kan meeting kan rei chhan pawh a ni, kan han zo fel chu ka thaw huai ringawt.




Chutiang boruak rit zet a ṭanga inla hrang tur chuan intur tak ṭha zet ka inthlit a, kan inbul huan lam chu ka pan ta a, kan inbul pawh hi tuipui kam a ni a, khawtlir pawh a nuam phian, hetiang lam hi ka ngainat zawng a nih a vangin ka kalna hmun khawiah pawh mai hian beach hi awm mai sela ka ti ṭhin, kan inbul huan pan chuan ka in tur no dawm chung chuan ka kal chhuak ta nghal a.




ALEXANDRA....



Luca office ka va lut an lo awm khawm deuh ṭaih chuan min ti zam hle a, Bronze Dragons chung chang an sawi khan eng emaw hriat chian chakna min neih tir bawk, a chhan chu kha hming kha ka hriat hnu nitlata hriatna ka nei tlat pek, mahse ka zawt thui ngam ta si lo, an hmelma lam pang an sawina nge ni ang hel pawl lam tih pawh hrelo In a ka va zawh ve vak kha a dik ber lo tlat a ni.




A chhan chu chuti ang mi leh sa angah min lo ngai ta ang se ka chan chhiat dan tur pawh ka hre vek, Bronze Dragons hming ka sawi lai ringawt pawh khan Luca khan eng ang hmel nge a put tih ka hai hauh lo.




"I ṭha em?" Ka hnung lawk a ṭang a mipa aw ril ruih mai tham lek lek thum chhakin a rawn tih chuan ka phu deuh zawk, ka suangtuahna a ṭang chuan ka harh chhuak zawk a, zawimuanga a lam hawi phei chung hian, "Ka hre lo." Ti chauhin ka chhang.




 "Eng nge diklo a awm em ni?"



Chik zet hian mi rawn en chhuk a, a lama ka inher a vang chuan kan in dinhnaih sauh, kan taksa chu a inhnaih mah mah, a thawrim a a whisky in nam rum rum leh a cigar zuk rim nam te pawh ka hre thei hial, mahse a rimtui tlat, chu chu a  perfume hman rim manto hmel tak lime leh pine rim inpawlh nen chuan a in chawih lutuk bawk.




Chu thil chuan ka thawk a ti sak vek, ka melh chho leh zauh a, a hmel chu a pa in a ṭha em em mai leh nghal, ka chhanna a nghak reng tih a mit ko chuar deuh nawng a ṭang chuan ka hmu a, ka inngaihtuah harh vat, mahse engtin nge ka sawi ang, eng a ṭangin nge ka ṭan tak ang, sawi dan tur pawh hre lo chuan ka ṭap ta ringawt a.





"Thil eng emaw thleng a awm em ni?" A aw dam ruih mai thawp deuh sut chuan ka lung a ti chhe telh telh, a rawn thaw lum hawk, "Ngaithla teh Emma min sawipui duh lo a nih chuan thuhran ni rawh se, i rilru hreawmna te ngaihthlak sak tur che a Isabella i duh a nih chuan ka rawn tir dawn em ni ang?"




"Engvanga Emma ti a min ko nge i nih?" Ka ti let ve sap.




"Ka hre bik lo, mahse Isabella bula i hming anga i sawi kha a ni si a, chutianga ka koh ve mai loh che chuan." A kut a ph
ar chhuak zauh a.




"Ka hming hi Emma a nih tak tak i ring em, chuvanga sawi chhuak chu ka ni ang em?"


"Tu nge hria, ka ring ve tho mai."




"Thil eng emaw tal hriat chhuah i nei tawh em?"




"La....la nei lo." Thawk ka la ve hak a, chu pa chuan min dinhnaih em a vangin thawk pawh ka thaw ṭha ngam lo.




"Mal ngawih ngawiha inhriatna leh mahni chauh ni a inhriatna te hi ka nei ṭhin." Hnuailam ka melh leh raih a.




"Eng a ti nge engmah ka hriatchhuah theihloh mai le?"
Ka ṭap leh ta hlap hlap a, a ni erawh thawk a la hawk, min rawn kuah a, a awm thir ang maia chang ruh ṭha takah chuan min bei tir a, a kut tha chak zet chuan min kuah bet tlat bawk, "Nangmah chiah i ni lo, Amore."




"He hmunah hian i duh chen chen leh i awm duh hun chhung chu i awm dawn nia."




A awma bei chu nuam ka ti kher mai, ka him ngawih ngawih ni in ka hria, tunah tak hi chuan Luca mipa thinchhe zet leh dawh theilo tak, nelawmloh zet kha a ni hauh lo, a awma bei reng chung chuan ka dak chho a, "Tak tak em ni?"




"Tehreng mai."


"Ka lawm e."




"I zia awm tawh tiraw?" Tlemin min nam sawn deuh a, kan taksa erawh a la inhnaih kher mai, mahse a awmah erawh ka bei tawh lo thung.




A mah en chuan ka bu nghat nghat a, "Aw, ziaawm deuh tawh."




"A nih chuan kir leh tawh ila a ṭha ang."




A mah chu ka melh chho reng a, a rim te chu ka la hnim kham lo, a hmel hrim hrim pawh chuan min hip tak zet, a hot ngawih ngawih, a sam dum hlap sei ve lam pang chu a chal lamah a tla thla chhap bawk a, a ti lang sexy kher mai, fawh chakna ka nei nghal, chu feelings chu eng ti tih a nei ringawt nge ka nih ka hre lo, zah pawh ka dawn thei hek lo, ka hnaih leh zual a, mahmi inti huaisen chawp chung chuan a nghawngah kuahin ka fawp ta a, a hmui nel thup lum vang vang chu fawh a nuam kher mai, ka taksa a ti khur zaih zaih, a tan chuan ka engmah ui lo a hlan tawp duhna min neih tir, mahse min chhang let ve hauh lo, min namsawn hek lo; a ka chhung chu ka lei chuan ka hawl sak a, min chhanlet pawh ka phut tlat bawk, mahse eng thil nge thleng, min namsawn a, thawk lak hawk pah hian, "Amore he thil hi kan ti theilo ang, nakinah i hriatna i neih let leh hunah eng tin nge i awm dawn i hre lo, pasal hual emaw boyfriend te pawh i nei mai thei, kei chu chutiang mipa chu ka ni velo."




A thusawi chuan min deng dawt dawt, ni e, a sawi dik tak zet, kha thil kha ti tur ka ni lo a sin, pasal hual lo nei ta ang i la, ngaih pawh ka ngaihtuah thui ngam lo, chutiang thil chu ka neih loh ring phawt mai ang.




"Ka lawm e, Luca, kha thil min hriat chhuah tir a vang khan, ni e, i sawi dikin ka hria."




"Lawmthu i sawi kher a ngai lo, zanin tan dinner i siam dawn ni in ka lo hria a."




Buk khum zeuh pahin, "Nia, tihchhin ka chak thut a."




A nui chhuak ta hawk hawk a, "Aw le, eirawng i bawl theih chu han beisei phawt ila, si."


Ka mengkual deuh ralh, "Khatiang chuan min en lo mai teh Amore, dinner poison tan chuan ka hun ka seng duh hauh lo ."



Min siai khum deuh zauh a. "Lut tawh ang le, chuti lo chu dinner tui tak i siam theilo palh hlauh ang." A in her vut a, mahse tun ṭum chu ka rualin a kal ve teh khiah.

Naktuk hian ka inentir dawn a, zanah ka rawn dah hman lo ang aw, ka la dam chianh theilo a.