TESPNAYA REAKSIYA LOST CHAPTER 9

TESPNAYA REAKSIYA LOST CHAPTER 9

Fakna milem awm kha hmet ve zel ang aw, hmun.khatah chiah awmlo in a insem darh nasa tawh mai a nia , kan hmuh theih ṭheuh ka beisei, a thawnthu chhungah hian hmun nga vel lai ah a awm tawh kha.

LUCA....

Chu hmeichhia ṭah ban thleng chu ngawi reng hian ka nghak chawrh chawrh a, ka life ah hetiang thil ka tawn pawh hi ka inring ngai lo.

Mihring chu ka that teh meuh mai, ka that nasa lutuk tawh, mahse chung ho chu ka hmelma leh ka pawisawi tu ho te chauh an ni ṭhin.

Riccardo vang hrepin he hmeichhe pawisawi lo leh hmalam hun ṭha tak nei tur a mah hmangaihtu leh thla hlel ngawih ngawih tu nu leh pa pawh a nei mai thei bawk, chu tiang mipangngai chuan a tuar ta chu a nia le, tunah chuan engtin nge ka tih tak ang, engrin nge a chuung te pawh ka zawn chhuahsak theih tak ang? Hrep tak chuan Rick chu ka unaupa pawh ni rawh se ka that duh hial mai, hetiang thil pawi lutuk a tih a vang hian ka ngaidam thei hauh lo ang.

"Ṭap tawh suh, ka theih ang tawk a puihdan che ngaihtuah ka tum dawn nia." Ti a ka sawi zawh hnu in chu room chu thinrim engphiarin ka chhuahsan nghal a, room ka chhuak kawngka ka khar leh chiah ka room lam panin ka khuma silai ka dah chu ka la chhuak nghal a, khawi lai nge ka pan dawn ka ngaihtuah lo, silai chu ka hum.ruh em em ringawt.

Ka kalna tur ka thleng ka harh chhuak Ricardo awmna a ni. A ni chu min hnungchhawn zawng hian a lo ding a, a tukhum zawn takah chuan ka silai ka tin run a, ka load ri rap nghal chu veleh Riccardo pawh a phu zawk, a in her zawk a silai a phawrh chhuak ve nghal kan in tin hnai set sawt dun kher mai, a rawn inher ka hmel a hmu, keimah ka ni tih a hriat chuan a hmela  maktihna  hlir hian a khat a, a silai hum lai chu a dah thla nghal a, kei erawh chuan ka la tin run thung.

"F*ck Luca, eng ngaihtuahna diklo nge maw i put leh hrep tawh a?"

"Rick he i thluakbur hmantlak loh zet ka kah darhsak vek lohna tur che chhan ṭha tawk tak min pe rawh."

Kan thawmah chuan Dante a rawn lang ve nghal vat a, "Riccardo eng thil atthlak nge i lo tih leh pek tawh a?" 

Kan pahnih chuan min en tawn zak zak bawk a.

"Ka hre hrep bik lo."

"Eng thil nge thleng leh tawh?" Min rawn melh leh a.

"Kha signorina khan tu nge a nih pawh a hre tawh reng reng hleinem." Ka au chhuak hi a ni mah zawk, ka thinrim lutuk thin tawt chu a puak darh niber hian ka hria.

"Hrep tak chuan Luca, i silai ken kha dah thla ve phawt teh?" Rick thusawi a vang chuan ka silai in a ni chu ka lo la tin reng tih ka hre chhuak leh chauh.

"Heng thil zawng zawng thlenna chhan hi i diklohna leh nangma thiamlohna vek a nih hi Rick."

"Chung thil chu eng tin nge i hriat chhuah theih a?" Dante chuan a lo ti ve sup a.

Dante chu rum zet hian ka melh run run a, ka silai hum lai chu ka dah thla ve hram.

He thil hi i ngaihtuah chhin tawh hrim hrim em? A nih dan dik tak hi chhut ve phawt rawh, ka ngaihdan chuan he hmeichhia hian a chhaih kual vel mai mai che a nilo maw Luca?" Dante bawk chuan a ti leh a.

"Amnesia maw? Tak tak pawh a ni dawn emaw ni le? Ka tan chuan remchanga lak a tum vang mai maiah ka ngai."

"He hmeichhia hian engvanga amnesia chu nei anga langder nge a nih ang a Dante?"

"Oh, ka hre bik nang, ka rindanin he hmuna a awm duh vang te pawh a niang chu, a nihloh vek leh, Sicily ram chhunga pasal a tana awh awm ber mipa duhawm zet leh hausa bawk si, hnaih theihna anih vang te pawh a niang chu!"

"Dante khatiang kha ngaihtuah buai duh hrep suh, kha i suangtuahna tenawm zet a ṭang khan harh chhuak vat zawk rawh." Ka vin nghal ṭhawt.

"Ka hrilh ang che Dante, he hmeichhia hian ka rilru hneh a he hmuna awm hi a duh hauh lo, a duh zawk tak chu a kal chhuah hma a nangni pahnih tih hreawm phawt che u a tum zawk.a nih hi."

"Ka sawi tum zawk tak chu, a chung chang thil engmah hriat kan nei lo hrep zawk hi a ni e." A ti leh sup a.

"Mahse Luca, he nu hian thiam thil eng emaw a nei tlat, chu thil chu a ṭah hian eng emaw ti riau a mipa rilru hneh dan a thiam lutuk tih hi i hre reng dawn nia."

"He nu kal chhuah hi ka duh ber a, chu chu i tih theih dan ber a chet la turin ka duh bawk ang che Dante." Ka tih khum leh hrawih.

Ka hmai ka kuta tuai pawk pah hian, 

"Tunah chuan kan doctor chu ko leh rih phawt mai rawh u." Ti a sawi chhuakin ka rum pah nghut bawk a.

Ka phone ah a rawn ri a, a screen ka en chuan anchhia ka lawh nghal sup, 

"Ṭha lutuk, he thil hi tuna ka mamawh chu a nih hrep hi!"

Phone chu pickin ka bengzawnah chuan ka dah a, "Dad?"

"Sei serio."

"Per cazzo, Ngaihven chuan a ṭha zawk tur hi a nia."

"Nilo, hemi chung changah ber kher chuan ka nu min biak tir tum duh ting tang s..... teuhlo mai, ka nu chu ka be thei rih lo ang, ka buai lutuk, ka dah nghal a ngai, a nih phawt." Phone chu ka cut nghal hmak bawk.

Rilru buainuai chung chuan thawk ka la deuh hawk a, "Eng thil nge ni leh ta pek."

Dante lam chu ka hawi phei a, "Naktuk hian Dad leh Issabella pawhan rawn thleng tawh dawn a nih chu."

"Bella a lo kal dawn a maw?" Riccardo chuan maktih hmel zet hian a ti chhuak chul a.

"Aw, ka buaina dang leh bawk maw le."  Thawk hrawih pah hian ka tih khum a, Reccardo tih tawk mahnak a laiin, a buaina pawh kan la chinfel.sak hma hma a Issabella leh ka pa in an rawn.belh leh tur chu thawk pawh ka thaw ṭha thei tawh dawn em.ni?

"A nih Ma hi a lo kal tel ve dawn em?"

"Dawn lo, thank God."

"Doctor chu ko vat ta che u, ka pa rawn thlen hma ngei in signorina hi he in a ṭanga kan chhuah tir nghal vat a ngai, chuan a rawn thlen hunah min rawn hrilh dawn nia, gym ah ka awm ang."

"Ok." Ti a Dante chu buk nghut pahin a phone chu a phawrh chhuak nghal a, kei erawh ka in her vut a, gym awmna lam ka pan ta ve ta nghal a.

MEANWHILE BACK IN NEW YORK...

CALLIE....

Dad i inpeih tawh em?" Theo chu kitchen lamah a rawn lut phei ve nghal a.

Trey nen chuan inhmachhawn zawngin kan ding dun ran a, a hmel chu mittui tling pam hian ka melh chho ngar bawk a, a ni pawh a hlim chuang hauh lo; nau lah ka nei ṭep.tawh bawk nen chuti ang huna min han kalsan tur chu a ngai ngam bik chiah lo ni in a lang, a mah erawh chu kan fanu bo zawnga a kal chhuah a ngai tlat bawk si.

Dan rualloh a ka mittui dir thla ta zung zung chu a kut chuan min hruk fai sak a, "I lo ṭha ang ti raw?" A ti chhuak sup a, min ngaihtuah hle tih pawh ka hai lo.

Thawk ka ka halh a, "Aw, ka tha em em ang, khawngaihin Alexandra chu rawn zawng hmu la, inah hian rawn hruai haw leh hram ang che."

"Ka rawn tum ang Callie."

"Ka kal chhungin engtia rei pawh thang dawn mah ila Theo in a rawn awmpui dawn che a, engmah ngaihtuah hah tur a awm lo a nia, ṭul ber chu lo in en kawl ṭha la, i rilru lo ti hah vak lo bawk ang che."

"Sofia leh Zara hi nih leh engtin nge ni dawn?"

"Sofia leh Zara pawh hetah an rawn awm ve dawn a lawm, chu chuan i khawharna pawh a hnem phah em em ang."

"Ok, a nih leh Sicily lamah chuan tu tu in nge zui ang che?"

"Detroit leh Hunter a ni ang, ni chin deuh lawk khan Warehouse lamah ka rawn hmu tawh a."

"Kan thlen hunah ka theih anga  hma a rawn biak che ka tum dawn nia, a ṭha em?"

"Ok, mahse fimkhur viau ang che aw Trey."

"Ka rawn ti ngei ang, ka hmangaih che." Ka hmuiah chuan min fawh sak zauh a, a chang chuan kan dinhmun hlauhthawn awma a han awm reng thin te leh thlamuang leh ngaihngam taka kan awm thei tak tak ṭhin lo hi nin chang ka ngah mai, mahse Trey hi ka pasal ka fa te pa a nih ang ngeiin kawng engkimah ka thlawp a ngai a, ka hriat thiam pawh a ngai bawk, mahse ka fa te dinhmun thleng thlenga hlauhthawn awm a a awm reng leh eng emaw thil ni thut ang chi a reh thei lo hi chu ka la hrethiam thei tak tak chuang lo.

Trey chu uar taka chhanglet ve in tluang taka engkim.a kal theihna tur a vanneihna ka hlan leh sap hnu chuan a in her vut a, pawn lamah chuan a kal chhuak ta nghal a, kei pawh ka mittui luang te hru hulin living room lama Zara thawm ka hriat avang chuan chu lam chu ka pan phei ve ta nghal a.

Theo leh Zara lo inchhaih Zara hlim khek raih raih thawm chuan tlemin ka thaw a ti veng deuh ni hianka hria, Sofia ka hmuh chuan ka nuih sak a, "Chhunchaw ka lo siam a, Trey chuan a ei tawh a, keiin in lo thlen hun ka lo nghak thung a."

"A ṭhat hlauh chu, inlamah ka rawn siam.hman ta si lo a, Zara chuan a ei tawh tho a chu a eina a rei leh deuh tawh a, a ei leh duh tawhin ka ring."

"A nih chuan kan siam nghal mai dawn em.niang?" kitchen lam chu ka melh pah ralh a.

"A tih chi khawp ang, ka lo siampui ang che." Theo te pafa chu kitchen lamah chuan kan pheisan zui a.

Eitur ho chu plate ah ka suak chhuak mawlh mawlh a, Sofia chuan table lamah a lo chhawp ve zel bawk a, 

"Callie, lungngai duh suh, Alex chu an rawn zawng hmu leh em em ang.." Sofia chu ka melh zauh a, ka appron hren chu ka phelh pah nghal bawk a.

Thawk lak halh pah hian, "Ka beisei, a chhan chu Alexandra a bo a ni tih hre chung chuan he naute hi ka neih theih pawh ka inring lo."

"Engtik nge i nau neih hun tur kha?"

"Kar hnih vel chauh a ngai tawh, doctor chuan a tia lawm."

"Nih leh Alex zawn chung changah hian Trey hian police lam pang te biak a ril ruk em?"

"Aih, Trey chuan police lam inrawlh chu a duh hauhlo ang, a chhan chu police lam.aimahin hetia Bronze Dragons in ngawi renga an zawn hian an hmuh hma theih zawk a ring a."

HUNTER'S HOUSE....

HUNTER....

"Dad, ka lo kal ve ang."

Brandon chuan a hma ni daih tawh a ṭangin Alex a bo tih a hriat chuan zawng tura kal a tum ruh bur a, ka la khap dai rih hram hram, tunah a mah zawng turin kan dawn a ni tih a han hriat leh lek phei hi chuan kal a tum.bur mai a ni.

"Brandon i lo kal hauh lo ang, chu chu ka thu tawp a ni e, inlamah i unaunu leh i nu lo enkawl la i tan a ṭha zawk ang."

"Chutin i ti thei lo ang, Alex kha ka girlfriend ....emaw ka nupui hual a ni tawh a sin, hell, tunah tak hian ka eng nge a nih pawh ka hre ta hrep lo ve." Thawk a la ri hawk a.

"Pawi ka ti khawp mai Brandon, chan chin kan hriat ang ang ka rawn hrilh ve zel ṭhin dawn che nia."

"Mahse i rawn kal tel ve theilo ang tih erawh hria ka ka duh."

"Engvang chuan nge ka rawn kal ve theih loh hrep ang a?"

"A hmasa ber a tan chuan Bronz Dragons zinga mi i nih ve loh a vangin, chuan ka awm loh chhungin i nu leh i unaunu lo enkawl turin ka duh bawk che."

A rum chhuak nghut a, "Jaden a awm dawn tho a lawm."

"Jaden te chu warehouse lamah a hun tam zawk a hman reng a ngai dawn a lawm, chu loah kan pathum a kan kal chhuak a nih chuan helamah tih tur a tam dawn lutuk tih te pawh ngaih tuah ve la."

"Nilo, ka kal ve a ngai in ka hria dad, ka kal ngei tur a ni, Alex hi engtin nge a awm tih hi ka hriat ve ngei a ṭul ang."

"Sorry son, eng emaw thu thar kan hria a nih chuan ka rawn hrilh ve nghal thuai zawk ang che."

Thawk a la huai a, "A nih leh le, Alex in hmuh veleh inbula hmun him china a awm hunah min rawn biak tir ngei ngei dawn nia." A tih hnu chuan ka buk khum nghut a, in chu ka chhuahsan ta nghal a .

DOWNTOWN WAREHOUSE...

TREY...

Kal tura kan inpeih hnu chuan midang chungah tih tur te hrilh a engkim tifelin pawn lamah ka private jet awmna lam pan tur chuan Detroit nen kan chhuak dun a, Hunter a rawn la lang ve hauh lo a ni tih ka hriat chuan, "Khawnge Hunter hi?" Car kawngkhar chu ka hawng pah nghal a.

"Kan rualin a rawn kal ve lo ang, min rawn call a, a sawi dan chuan inlam a ṭangin airport hmun a pan nghal tur thu a rawn sawi." Tih pahin car chhungah chuan a ṭhu lur nghal a.

"A nih leh nang Sicily a i rawn kal ve tur chung changah hian Tanaeya in eng angin nge a ngaih ve?" Detroit chu ka melh pah zauh a, car chu ka ti nung nghal bawk a .

"A hrethiam khawp a mai, pawi a ti hran lem lo."

Mahse a hmel lan dan erawh a diklo deuh riau hian ka hria, a ngui deuh lup tho a, a lam va melh zauh chung hian, "Nih leh chuti si i va ngui hmel si ve?".

"Noah mangṭha na hun ka nei lo va, ka kal chhuah dawn khan Tanaeya nu keh pa te bula a kal chhuah lai a ni si a, tukin zing breakfast ei zawh hnu a ṭang kha chuan ka la hmu leh lo reng reng, a rawn haw anga ka hmel a hmu dawn silo a, a ngaihdan a nili khawp ang, i hriat kha, Noah hian min ngai thei si a, ka kalsan dawn a ni tih hre miah lo a min hmuh dawn tak siloh ah chuan a nu hian a lo thlem lungawi thei mai ang em tih pawh ka hre lo." Ti in a fapa kum 7 mi lek a kalma tur pawh hrilh lova a kal san tur hre awm.a tih zia thu chu a sawi chhuak a.

"A rawn haw hun lo nghak turin hun ka nei bawk si lo." A ti nawn leh sup.a.

"A nih leh tunah inah a awm tawh ang em?"

"Yeah."

"Ok, airport lam pana kan kal pah hian, in inbulah kan ding pah lawk dawn nia."

"I ti tak tak em ni?"

Mak ti zet leh mi rinhlelh hmel zet chuan a rawn ti ve hru a.

"Tehreng mai, i fapa a ni miau a lawm." Ka ti sam et, kei ngei pawh ni ila Theo tetlai khan khawilo la kal dawn reng reng chuan thlahna thu sawi lo in khawiah mah ka kalsan ngai lo a nih kha, Chuvang chuan Detroit in a fapa bula mangṭha thu a sawi tum chu ka ngaih pawimawh sak hle, Sicily lamah eng ang boruak nge kan va tawn dawn tih lah kan hre lawk der bawk si lo.

"Engtin nge ka tih dawn pawh ka hre thiam lo ve, ka hmu a nih chuan kalsan pawh a harsa ṭalh ṭalh khawp ang tih hi ka hre chiang hle si a." A ti ve nuap nuap a.

"Kha chu i ngaih dan ni rawh se." Ka tih khum leh sup.

A ngawi deuh run run a, "Ok, ka hmu ang e, chumi hnu ah chuan eng ang pawhin min ngen ni se, a nu in a lo thlem.lungawi ve thei mai turah ngai ang, a mah hmu miah lo a hmun hla taka kal san zawng kei hian hreawm ka ti dawn lutuk." A ti ve ta a.

Detroit chuan Hunter chu a be nghal bawk a, an in bulah an din dawn thu leh chumi hmuna rawn kal zawk mai tur chuan a hrilh bawk a, minute sawm.panga vel.kan tlan leh hnu chuan Detroit te chenna hmun chu kan thleng ta a, Hunter keh Detroit hi awmna hi a inhlat vak lem loh a vangin Hunter pawh a hmunah a lo ding reng tawh a, car ka tuh din hnu chuan, " Kal rawh le, mahse rawn tlai lutuk lo la."

"Ka rawn tum ang." Detroit chu a chhuak a, Hunter q rawn lut ve nghal a, "Kal kan inpeih tawh rihna mi?"

"Peih lo deuh hlek, Detroit khan A fapa va hmuh ve lawk a tum.a." ka lo ti a.

DETROIT HOUSE ....

DETROIT...

Kan chenna ka thlen hnu chuan Car chu ka chhuahsan a, Trey cguan reilo tura min chah a vangin Noah hmuh zuai a let leh nghal var pawh ka tum, ka fqpa hmu lo tawp chuan khawiah mah nuam ti takin ka kal tgei dawn lo tihoawh ka hria, kawngka chu a lo inkalh loh a vangin inchhung lamah ka lut tlang nghal a, kitchen lamah ka phei a, Tanaeya chuan zanruah tur a lo buatsaih ṭan leh der tawh, a chhan chu Noah hian chaw ei tlai hi a duh ngailo a, keini nupa pawhin chaw kan ei hma phah hle ṭhin.

"Hey, honey, Noah hi a rawn hawng tawh em?"

Tanaeya chu a phu chiang kher mai, ka luh khan thawm ka nei bawk silo a, ka kal daih tawh a ring a niang, chura ka han veleh thut chu a ṭawng chiang hle, ka lam a rawn inher zawk pah hian, ohawk zetin a mitmu lian kel kawl zet chuan min melh a, "Detroit, hrep tak chuan min ti hlau hman lutuk."

"Noah chu a rawn kir tawh em?"

"Ngati maw, a hma a i kal chhuah kha chuan thlahna tur thu sawi chung changah pawh ngaih pawimawh hmel.loh zetin nih kha i kal chhuahsan, tuntaka ngaihtuah leh em em ang zia zanga i rawn chet leh si a?" Min tih khum nghal khar khar.

"Ṭan lo teh, Tanayea, Noah chu inah a awm tawh nge tawh lo, ka zawt mai chauh che a ni e, dawhtheihna ka nei pan viau a nia."

"Oh, ka ṭan hauh lo, Trey hian a kut zung ṭang a tih phut zeuh tawh chuan Detroit chu a che chhuak nghal vat ṭhin tih te chu kan hriat chian dun hle kha maw."

"Yep, babe, i sawi dik chiah." Ka kut ka phar chhuak pah zauh a, "Chu chu a right hand tihdan tur diktak pawh a ni reng a lawm, chu tiang ti tur chuan ka dam chuung atan thu ka tiam tawh tih pawh kan hriat kha, tunah chuan kan fapa chu a awm nge awm lo tih i sawi thei tawh em?"

"Ka hmuh hnuhnun ber chuan huan lamah a awm kha."

"Well, tunah chuan a awm tawh lo pawh a ni maithei e." Ka ti ve sup, a chhan pawh kan in lut tur hian huan paltlang hmasak a ngai a, Noah chu ka rawn hmu tlat lo.

"Well, a nih chuan a roomah va en la, idiot."

A inher hmak a, a thil tihlai bawk chu min tihsan leh ta daih a, ka nupui awmdan chuan ka thin a ti ur kher mai, mahse ka thunrimna erawh ka beng dai hram hram thung, Trey pawhin ka duh chuan ka kal a ngaihloh thu leh min hriatthiam tur thu a sawi tawh a, mahse ka ngaingam tlat lo, tu hma a ṭang tawh khan Trey hi ka theih tawpin ka lo escort ve tawh ṭhin a, a kalna hmun a piangah kal theilo khawpa hliam ka tuar te a nih loh chuan ka zui ziah ṭhin, chu chu ka thu tiam lak a ni tlat, Tanaeya lung awilohna pawh hi awm.ka tihsak viau, Noah hi hmun hla taka kalsan tur chuan a la naupang nah mah rih pawh ka hria a, mahse ka tello a chin chang pawh hriatlihna hmunah leh kan hmwlma kum hlun awmna ah hian Trey chu ka kal tur thei talt lo, Tanayea pawh hi ka laka a lungawi loh chhan pakhat chu min ngaihtuah vang tih lah ka hai hek lo.

Ngawih chuh hram hram chungin Noah room lam chu ka pan phei ta vut a, kawngka ka hawng ja fapa hmangaih em em.hmel chu ka hmu nghal a.

"Hey son." A ni chu a khuma ṭhu in cartoon a lo thlir dauh dauh a.

"Daddy, i lo kir leh tawh maw?" Khum a ṭang chuan a rawn ṭum.thla tharh a, min rawn kuah nghal a.

"Ka la kal reng reng hleinem, nang leh i nu hi ka ngai em a, goodbye tih thu sawi turin ka rawn kir leh lawk a nih hi." Ka fapa chu pawm kang nawlhin a khumah chuqn ja nghat leh a, ka ṭhu thla ve nghal bawk a.

Min endan chu a dang tlat, a hmel.a ngui nghal chawp chilh tih ka hmuh chuan ka meng kual rulh, ka kal tur chu a hrethiam lwh dawn lo a ang khawp mai.

"Eng thil nge ni ta Noah?"

"Daddy kal turin ka duh lo che."

"Kei pawhin kal ka duh bik hleinem, mahse ka kal ngei a ngai bawk si a lawm."

Noah chu a ṭap chhuak ta a, "Daddy kal suh."

"Come here Noah." Ka kut chuan ka ban a, ka malchungah chuan ka ṭhut tir a .

"He thil hi hrilh fiah che ila ṭha in ka hria."

"Alex khan buaina a tawk a, a mah pui tura kan kal a ngai."

"Ka hria."

"A nih a hnu, nihleh eng nge buaina awm a, Alex kha i ngaina viau a ni lo'm ni?"

"Ngaina e, mahse i bulah lokal ve ka duh a lawm."

"Kei chuan heta i lo awm hi ṭha in ka hria, i nu i lo awmpui a ngai a lawm, chuan ka awmloh chhungin he inah hian mipa anga lo awmturin ka duh bawk che, ka ai i lo awh dawn tuhna a nih chu."

"Tak tak?"

A hmelah chuan a phur thar leh nghal a, a chhan pawh mipa puitling nih hi a chak.thei em em a, chhungkaw pa anha a han awm.vel tur chu a phurna zawng tak a ni bawk.

"Ok, tikhan kan fel tawh ang ti raw, mipa takin inchhung hi lo enkawl la, i nu oawh ṭha takin lo enkawl bawk ang che, le tunah ka kal san hma che in min han kuah phawt teh le."

Phur zetin Noah chuan min rawn kuah ta vat a, room kawngkhar chu a rawn inhawng a, Tanayea thinrim hmel rum zet chu a rawn lang nghal a,  "Boss man in hmanhmawh tur che in a ti che a nih chu."

Noah ka fawh leh zauh hnu chuan Tanayea chu ka zui chhuak ve nghal a, kitchen lama a kal leh tur chu a banrekah lo chelh sakin ka lamah ka pawt hnai nghal a, thawk a la pah hraih, "I tum zo tawh maw?"

A hmel ngui raih mai meng khup lap chunga ka hmel pawh enlo a lei lam a bih ngar chu ka kutin a khabe a dawm chhoh sak chung hian a mitah tak ka melh chhuk a, "Kan kalna hmun tur kan thlen veleh ka rawn be nghal vat dawn che nia."

"Ok." A ti sep a.

Ka hmui chuan a heh chu tawh sakin inthlahnan duh thawh zet chuan a ka fawh sak ta a.

TREY....

Detroit a rawn kir leh hnu chuan hmanhmawh tak leh khawiah mah ding khawmuang tawh lo in airport lam kan pan ta nghal a, Jet chhung kan luh a ṭanga kan ṭhut hmun kan luah fel chuan kan thlawk chhuak.ta nghal a, Detroit chu ka dinglqmah a ṭhu a, Hunter erawh ka veilamah a ṭhu thung! Ka aw then deuh khurh pah hian Detroit lam chu ka hawi a, "Khalamah khan kan awmna turin hotel chu i lo book fel ta maw?"

"Russo khan kan pathum tan awmna tur min hmuhsak tawh thu a rawn sawi a lawm."

"A sawi dan chuan hotel man tlawm tak leh pui lem lo, pang ngai taka kan awm.theihna tur leh hriatchhuah kan awlsam loh na tur Sicily kan rawn kal a ni tih pawh mi in a an hriat theihlohna tur ang chi min ngaihtuah sak tawh thu a sawi a."

"Ṭha turah ngai phawt teh ang, tih theih dang lah kan neihloh hmel ropui leh nghal, chu hmun chu sazu te tual chaina a nih loh hram beisei bawk ila." Hmalam a awn phei zauh pahin ka sam chu ka tuai chho pah zauh bawk a.

"Trey kan kal tumna hi kan thu neihna a ni pha miau si lo a lawm le, a tawp bera a tan leh tun dinhmuna kan mamawh ber tur pawh hei tho hi, Italian mafia lak a ṭanga zahngaihna kan dawn ngei a ngai tih pawh hi kan thluakah kan dah reng a ngai ang."

"A pahnih hnih chuan ka tih theihloh tur te vek an ni Detroit." Ka ti chhuak hrawih a, ka kuta ka khabe dawm.meuhin ka ngaih tuah let a, "A lehlamah ve thung chuan Italian ho hian eng angin nge dan an siama an kalpui kan hre bawk si lo." Ka chal ka dawm pah zauh a.

"Ni e, engmah chulam thil hriat kan nei tlat lo, chuan keini lah pathum.chauh kan ni leh nghal zui."

A thusawi pawmpui zet chuan ka bu ve nghut, a ni chuan a sawi chhunzawm.leh nghal a, "Thil ṭha ber chu tumahin kan awmna hriat chhuah loh theih na ber tura kan awm hi a ṭul ber ang, ti chuan kan tih tur ang ang te midamg hriat lohin kan tih theih ohah bawk ngei ang."

MEANWHILE BACKIN SICILY.....

LUCA....

Dante chu gym lama ka kal a ṭanga  rei vaklo hnuah a rawn lang a, "Doc a rawn thleng tawh e, a ni pawhin biak lawk che a duh."

Treademill chu ka ti tawp a, a bula ka towel dah chu la nghalin, ka thlan tla hru mawlh mawlh chung chuan Dante lam chu ka pan phei a, 

"Signorina chu a be tawh tihna mi?"

A lu min buk khum nghut a, "Chuan?"

"Engmah a sawi lo, a sawi zawng chu nangmah biak che a duh tih zawng chauh a ni e."

"Nakinah kan inhmu keh dawn nia, min rawn zawng a nih chuan inhnuai lamah ka awm ang."

Ka buk khum ve nghut hnu chuan Dante pawh chu a kal sawn ve ta nghal a.

Ka room lamah ka kal phawt a, shower ka hmang zuai a, thawmhnaw oangngai takin belin doctor hmu tur chuan living room lam chu ka pan phei a, "Ka innghah tir che a vanfin pawika ti ngawt mai doc." A hmel ka hmuh veleh chuan ka ti nghal a.

A lo ṭhutna sofa hma taka soda awmah chuan ka ṭhu thla ve nghal a.

"A pawi hleinem Mr.Romano." a nui pah suk a.

"A nih leh signorina kha i be tawh ni in ka lo hria a, eng nge hrilh tur min neih le."

"Ka be tawh a lawm, a lu kha a sawh nat deuh hlek a vang leh a hlauh luat tuk na a tangin retrograde amnesia a neih phah ni in ka hria."

"Doctor ṭawng hriat theih te hmang vela maw le, ka hre thiam hauh lo."

"Retrograde amnesia tih awmzia chu accident a tawh hma a a hun hman dan zawng zawng te kha engmah hriat a nei tawh lo a, a hriatrengna a hloh tihna a nih ber chu."

"Nih leh chutiang chu a ni hlen ṭhin em?"

A sawi chian fak theih loh, mahse ṭhenkhat chu reilo te chhung a ni thei a, ṭhenkhat erawh a,rei a vanga chutiang a awm hlen ta te pawh an awm bawk, an memory zawng zawng qn hlih a, mithar ang maia awm chang ang nei bawk ṭhin."

"Chuan a ngaihdan min hrilh a, nang hi a hmel hriat hnu ni tlat a, hriatna a neih thu a sawi tel bawk.'

"Hetiang thil hi i rin zawng a nilo maithei, mahse,accident tawk ho hian tiang hi an vei chawk a nia, an lu lam an sawhin a thleng duh viau bawk, a hriat hnu ni a,angaihtlat a vangin, nang pawhin ṭanpui a a hun kal tawh hnu te hriat tir leh thei tu i  nih hlauh chuan a lawm awm ngawt ang."

"Chu chu a ṭha lam pang tihna mi?"

A,awmzia chu tunah tak hian.thil la hre chhuak rihlo mah se a hriatna chu tawp mai lo in a vak kual te pawh a ni thei bawk."

"Tunah tak hi chuan chung a hriatreng na bo tawh hnu a ṭanga i hruai chhuah leh theih hi a tan chuan ṭanpuina nasa tak a nih ka ring."

"Mahse tunge a nih pawh kan hre silo a, a hriatna nei let leh tur chuan kan puih theih ka va ring lo."

"Kei pawhin ka hrethiam bik tlat lo, mahse thurawn ka pek theih chhun che chu, tunge a nih hi hriat chhuah sak tum rawh, chuan a chhungte bulah hruai kir leh ngei thei la a lawm awm ngawt ang."

"Thil eng emaw danglam deuh a awm a nih chuan min rawn hrilh nghal bawk dawn nia."

Ka buk khum nghut a, hreh zet hian, 

"Doc ka lawm e." Tih chu ka sawi chhuak sup a, Doctor pawh chu a kal chhuak leh ta nghal a, thawk ka la hawk, engtin chuan ka ti dawn chu ni maw, kan signorina chuan dawt chu a sawi lo chiang e, mahse engtin nge ni ta ang, ka pa bulah engtin nge he inchhunga a rawn awm ve ngawt theuh chhan hi ka sawi fiah tak ang ke? An ni lah chu naktuk mai hian rawn kal a tum.a ni si a le, ka rilru a hah kher mai.

ROM ITALIA SICILY....

TREY .....

Jet a ṭanga kan chhuk hnu chuan car 

pakhat in Russo hotel min book sakna lam pan chuan kan tlan a, Car pawh chu Russo lo bool tho hi a ni a, car pangngai taxi cap ve mai a ni bawk, chu chu ka la hre thiam hotel hmun kan thleng chiah ka ngaihdan a nilo kher mai, khawpawn lam pang a hotel tih tlak loh zet nimai hian ka hria a, hotel man tlawm pawl tih hi a hriat ngawih ngawih bawk, chu thil ka hmu zet chu ka lung a awi thei ta der lo. Rum zet hian Detroit chu rum.zet hian ka en a, "Eng hoyel nge ni ngai Detroit, i fiamthu duhna  te hi a chhuak a nih chuan a tih chi koh viau ang tih hi hre ri ngawt mai rawh."

"A hmun vel hrim hrim hi a ṭawp vel vek ni in ka hria." Hunter pawh chuan a lo ti ve sup a, khum a an puan phah te chu a hlui tawh hle a, a uk lam pang mah tawh, chu chu thuhran ni sela, banga rawng hnawih hrim  hrim te chu a khawk nual tawh a, chu mai pawh nilo in room khatah kan la riak ho zui dawn leh ta nghal, room chhungah chuan thawmhnaw khaina tur in wadrobe a awm tawp a, dressing table lakhat leh chair pahnih leh side table pakhat chu zaqng bak hmuh tur a awmlo, bang mai chauh pawh nilo chhuat phah te thleng mai chuan a khawk tawh a, gremhmun tenau kan tuar dawn hi a ni ringawt.

Chung thil ka hmuh a vang chuan ka ner deuh sawk a, "Tuna hriat loh tur a kan awm a ngai si a lawm le." Detroit chuan a ti ve sup a dik viau mai, hotel chang kang book na ila zawng kan chan tur pawh silaia inkahna mai a ni.

Thawk ka ka hrawih a, "Kan remchan hmasak berah kan zawng nghal dawn nia."  Ka ti chuuak nghal hraqih, chu hmun ṭawp taka awm reng tur chuan ka in ui.

"Zanin erawh kan chawl ang a, naktuk a ṭang erawh chuan kan phe buai char char thung ang."

An pahnih chuan a an bu nghut a, hotu ka nihna ang ngeiin tih tur ka,sawi nghal zar zar, "Nangni pahnih hian double bed in chang ang a, keiin single bed ka chang thung ang, tun dinhmuna khum ṭawmpui tur che chu chuan ka tib theih ka ring lo." Ka chal ka dawm.pah ruih a, ka chau hle bawk.

Ka thusawi chu chhunzawm leh in, "Ka khum ka ṭawmpui duhlihna chhan che u pakhat dang leh chu, in mutthilh hlanin inhrawkah ka rek hlum.thut duh mai ang che u tih ka hlau.'

Thawk ka la leh hawk, inbual harh ila tlemin ka ziawm mai thei, "Shower ka hmang dawn nia, an tui herh haw na kua ah te hian tuilum a chhuak thei ve ang chu maw?"

"Kan room share pui tur chu a huhphurh awm hle mai, engtiang a rei nge a nih ang tih lah chu Pathian chiahin a hre leh nghal."
Ti a ka hriat tham loh khawp tuta zawi a Hunter thu sawi chu ka hre reng.

"Oh, Hunter sawi zel rawh." A ngawi Chiang hle mai, bathroom awmna. Lam chu ka pan ta nghal a.

LUCA.....

Kan tihdan pangai angin club chhungah chuan kan awm a, vawiin lama doctor thu min hrilh khan ka rilru a ti buai kher mai, bar lamah pheiin whisky ka lama ka tlak nghal pawp pawp, chu chuan min ti zia awm deuh ni hian ka hria, ka duh tawk ka in hnu chuan lu lamah a kai deuh chhalh ka duh tawk ve ta a.

Ka piah lama Rick leh Dante din dunna lam chu ka pan phei a, "Riccardo minute reilo te chhung  min lo kal sawn san lawk ta che."

"Engvangin maw?"

"A chhan chu ka sawi a nih hrep a vangin, min ring rawh, ka thu sawi chhuah turah hian i awm duh hauhin ka ring lo."

A meng kal rulh a ngawi reng chuan min kal sawn san ve ta nghal a. "Doc chuan eng nge i bulah a sawi?" A kuta a khabe dawm deuh run run chhung hian Rick kal tak hnu chuan a ti sup a.

"Kha accident thlen laia a hlauhthawn em a vang khan retrograde amnesia in a awm a ti a nih chu."

"A eng berah chuan maw?"  A intur dawm lai chu a dah sawn a.

Ka chal ka dawm khum ruih phawt a, "Accident a tawh hma a hun hman dan kha maw le, a tunhma hun engmah hriat chhuah a nei tawh lo a ni awm e." Ka thaw pah hawk.

"Pawnlam police station lamah kan dah thei bawk silo a ti raw?" Thawk a la ve hawk.

"Lo dah ta ila, kan chung chang thu hi police ho bulah eng nge a sawi chuan ang a?"

"Well, a nih chuan kal chhuah tir tur pawhin, duh kan thlang theilo ni ta berin a lang."

"Chuti a nih chuan engtin nge a chungah kan tih ang eh?"

"Kan that tawh mai a niang chu, chu bak duhthlan tur dang kan neilo a ni lo'm ni?" Dante chuan a ti chhuak ta a.

Chulam pang berkher chu ka ngaihtuah lo hrim hrim, mahse ka ngaihtuah fe pawhin kawng dang a awm lo tlat, chuvang a chu thu chu sawi chhuak a ni tih pawh ka hre chiang hle.