SEDUCTIVE S II CHAPTER 12

SEDUCTIVE S II CHAPTER 12

Fakna milem awm kha hmet leh vek ang aw, chuan second sawm vel lek kan nghak ve hram.hram dawn nia, a vaiin word 7203 a ni e, a sei ṭhat viau ka beisei, tih tawpna mai tur ka hre lawk lo a.😂😂😂

"Ok, a nih Miss Garcia, press hma ah chuan kan hlim dun zia kan sawi dawn nia, chumi hnu ah chuan ka thu thu in i awm tawh ang ti raw?"


Ka bu ve nghat nghat a.


Ka inrinloh lai chuan a che chhuak thut a, min pawm kang ta nawlh a, a chet chhuah dan chuan min ṭhawng viau, mahse ka hnial lem lo a, a chhan pawh kan pahnih a inhmangaihna chu zep lo in a lang chhuak tawh a, midang bulah pawh thilnih dan dik tak chu lang chhuak se pawi tihna pawh kan nei tawh lo.


Kan inhualna chu a lemla ni mahse kan inhmangaihnaerawh a taka nih tawh miau a vangin.



Press hma ah chuan min pawmlut a, midang min en dan pawh a dang nghal zak, ka zak viau a, Wesley hmelah erawh a hlim zawk mah hian ka hria, mipui ho lo au dur dur pawh chu an thiam awm e, tunah tak phei chuan mi tu pawhin kan inhual nghet loh reng ring an awm tawh lo ang, mahse keini pahnih erawh kan la inhual chiah lo a, kan inhmangaih thar ve chauh a ni zawk si a.


Eng teh chiam mipui hma ah chuan sawi tur a awm lem lo. Kan inhmangaihna leh kan hlim dun zia te tih vel chu a ni deuh mai.


Interview kan neih zawh hnu chuan kan inthar lamah kan nau awmtu te nen kan kir ta hlawm a, Rosie chu kal kawnga a mutthilh a vangin nau awm tu chuan a mut fel hnu ah muturin a room tur lam min pan san a, Wesley nen chuan kan fanu room chhung nalh taka a khuma tui taka mu bam chunga thawsak sak chu inkuah chial hian kan thlir dun reng a, "Wesley kan fanu duhawm zia hi." Ti in ka phun chhuak sep a .



A rawn kun hniam a, ka hmuia mi rawn fawh sak zauh pah hian, "A nu anga hmeichhe duhawm leh huaisen tak a rawn ni chho ngei dawn tih hi ka chiang." Ti a a sawi zawh hnu chuan min pawm kang nawlh a room lam chu min pan pui ta a.


Khumah chuan dim te hian min nghat a, nui hmel put deuh hlek pah hian, "Miss Garcia interview neih hma a ka tusawi kha kan chhunzawm leh tawh dawn em ni ang?"


Hriat pawh ka lo hre leh tawh lo, Wesley erawh chuan a la hre chiang hle thung!




A shirt hak lai chu a phelh mawlh mawlh a, ka lo thlir reng, a chet zawnga a tihrawl in phiar vel chu hmuhnawm ka ti kher mai, a kekawr hak a phelh leh chiah a boxer a phelh leh nghal a mipatna khawng ve deuh ṭan la khawng chiang vak lo chu ka en lo thei lo.


Ka kut a rawn la a, min hum tir vang vang a, ka kut chu la sawn lehin zawi muang hian ka thawmhnaw inbel chu a phelh leh ṭan ta a, "Wesley." Ka ti deuh hlap hlap.


Min melh chhuk vang vang phawt a, "Eng nge ni ta Eleanor, tunah chuan ka nei tawh che a, i taksa pum pui hi ka ta vek a ni tawh."


"Nilo, tawp teh Wesley."

"Ka theilo Mon Amour, he hun rawn thlen leh hun tur hi ka lo nghahna a rei lutuk tawh." A aw thleng chuan a khur deuh dur dur a hmela tawrhna lang chu ka hmuh sak thei hial.


A rawn kun hniam a, ka kut pahnih hian a biang tawn tawnah chuan lo dawm sakin dam zet hian ka fawh sak zauh, khawvela ka mipa hmangaih ber chu Wesley hi a ni a, engtikah mah kei ngei pawh hian ka chân phal leh tawh ngai lo ang.


"Hmangaihna chen dun chu rem iti em?" A ti tham deuh ṭuak a, min melh chhuk vang vang bawk.


Ka bu nghat a, ṭawngka a sawi lo in ka mitmeng chuan thu ka sawi ta zawk a, muang chang hian chet a la ṭan leh ta a, ka kawr hak lai chu min phelhsak phawt a, ka taksa chu a hmui lum.ham ham chuan a fawpkual ṭan ta a, a hmui in a min tawhna a piang chu a,sa ham ham nghal hian ka hria, chuti taka mipa min hip theitu chu ka tawng leh tawh ngai in ka ring lo.


"Wesley ka hmangaih che."

"Kei pawhin ka hmangaih che."

Ka taksa chu a khawih chhunzawm leh nghal a, a hma a kan mut dun ang kha a ni tawh lo, tunah chuan kan inhmangaih tawh a, a tan engkim chu ka phal vek bawk, chutiang bawkin a ta ka ni a,a ni pawh ka ta a ni tawh, chutiang chuan kan pahnih inhmangaihna chu kan lan chhuah tir tawh a ni.


"Ka tuar thei tawh lo." A ti chhang ṭuak a, a inpeih tawh hle tih pawh a hriat vek.


Chu tiang bawkin kei pawh a chhungrila a rawn luh hun chu ka nghakhlel ve tawh tak zet, chutiang tur a tan chuan ka inpeih tawh hle.


Ka chungah a rawn bawk ta a, hnuailam a ṭang chuan ka lo melh kal a, zawi muanga ti lutin chet a la zui nghal bawk, min dim hle a, min dimdawih thiam zia leh min ngaihven zia ka hriat chuan nuam lo ka ti lek lek zawk, a mitmu grey chuan min melh chhuk reng a, ka lo nuih sak takah chuan a aia na chuan a bei ah salh, min ngai chang leh deuh hlek a, engmah ka sawi tak lo ah chuan chet a lak chhunzawm leh ta nghal a, ka kut pahnih chuan nghet zet hian a darah ka lo vawn sak ve a, nawmna chu ka tawng ṭan dawn chauh ni hian ka hria, thawk ka la ri hak a, a che rang sauh, kei ngei pawh chuan a dara vawn sak mai chu duh tawk zo lo in, a hnunglamah ka kut ka la sawn a, a hnungzang chu ka ṭham sak tawn tawn a, ka bawpin nghet zet hian ka kherh ve chial bawk;  ka ti a ni tih ka hriat miah lohin ka kutin ka lo ham ve tawn tawn bawk a, hre awm tih tak a ruangin nuam a ti pawh a ni maithei, a rum chhuak ve hawk thawm chuan min ti phur zual sauh, ka kut chu ka awm mai mai tir thei bik lo.




A chang leh a hnungzang thla chu ka kut ṭangin ka chhui thlak sak ve riak riak a, "Eleanor ka thleeng." A rum chhuak leh hawk thawmin a zui nghal a, a taksa chu a khur zaih zaih, a bawl nghal ṭak ṭak, a zo tih ka hriat veleh hnuailam a ṭang chuan chet ka la uar ve sauh, ka do chho ve at at a, kei pawh ka thleng ve chawp chilh nghal, kan zo hnu chuan ka zawi nghal raih raih, tun maia kan thil tih dun kha  vanram thuah sarih ai pawhin a nawmlohna chhan tur reng ka hre lo.


Ka chunga a bawhna a ṭang chuan a let thla a, ka sir lamah chuan a rawn mu ve ta a, a lam hawi ka taksa kuai sai sir in ka hmuiah chuan a rawn fawp pah zauh a, "Ka lawm e." Ti a sawiin ka hnute hnuaiah chiah chuan a ban dahin min kuah a, a maimitchhing zui ta nghal a.


THE NEXT MORNING....


Zing ka ṭhangharh ka bul chu ka en vat Wesley chu a lo mu leh tawh hauh lo a, engvanga hetia awm ziah nge a nih le? A thil tihah khan a inthiamlo leh ta tihna em ni ang? Ka mutna a ṭang chuan ka tho chhuak nghal vat a, saruak vekin ka lo la mu a ni tih ka hriat chhuah chuan ka thawmhnaw ka hre chhuak vat, chhuatlam chu ka melh hmasa phawt a, hmuh tur a awm lo, ka hawi zau deuh hlek a, ka mutna bul dawhkanah chuan thleh fel sa vek hian ka va hmu ta a; Wesley chu mipa cheng vawng zet leh invawngfel tak a ni tih a hriat theih hle.



Ka thawmhnaw ho chu la in ka inbel nghal a, hak erawh a nuam chiah lem lo, achhan chu nimin lamah chu kawr chu nilengin ka hak tawh vang pawh a ni maithei.


Ka thawh chhuah hnu chuan bathroom lamah ka lut nghal thuai a, Wesley a awm ka rin nen a awm hauh lo; ka in tih fai lai chuan zanlam.thil thleng kha ka ngaihtuah chhuak a, ka sen nghal ṭan ṭan, ka intihfai hnu chuan Rosie mutna room lam.ka pan nghal thuai a, a khum ka va en chu a lo awm tawh hauh lo, ka mang ang ṭan ta, "Khawiah nge Rosie a awm?"


"Wesley pawh hi khawiah nge?"

Ka zawn ngei a ngai ang, khawiah nge a awm tak ang? Nge nau awmtu bulah khan a la awm reng zawk?


Naute room chu chhuahsan leh nghal vatin ka fanu zawng tur chuan ka kal ta nghal a.



Kitchen lamah ka chhuk thla a, chutah chuan naute thawm ka hre ta nghal a, ka thaw nghal huai, ka pan hnai a, Wesley chuan kan fanu chu a lo pawm ve a, zeilo zet hian a lo awi ve a.



Chu thil ka hmuh chuan ka thinlung chu ka awm a ṭanga zuanchhuah tum ang hial ni hian ka hre ber, a chhan pawh Wedley leh Rosie ka rin lohna lutuk a ka hmuh a vangin.


"Ta hi an awm e." Tih pahin thawk ka ka pah huai a.


"Morning." Hmel hlim zet leh mitmeng de sawr sawr hian min lo en a, Rose a kuta a pawm lam chu melh chhuk lehin, "I nu hi morning ti ve ta che." Ti in naute chu a be pah sup bawk a.



"Min ti mang ang zia hi."


"I ṭha em?"


"Thih hlauhawm khawpin min ti hlauthawng a lawm..... dar engzah nge ri tawh?" Ka tih zawm nghal zat.


"Dar sarih a ri tawh ."


"Oh no." Ka phu deuh zawk a.


"Eng nge ni ta thut? Ṭhu la breakfast ei phawt teh."



"Ka hman tawh lo, hospital lamah kalin granma hmuh ngei ngei ka ngai, nimin lam khan ka rawn hruai ang ti in ka tiam tawh a, mahse kan buai tak em a vang khan ka theihnghilh daih leh nghal."


Wesley hmel ka hmuh chuan nimin lama kan awm dan chu ka hre chhuak leh a, ka sen leh nghal ṭawn ṭawn a ni ngei ang, ka biang a sa nghat hat hat.


Wesley erawh chuan hmel hlim zet hian kan naute chu a melh chhuk leh tawh a, naute chu a lawm pah bawk a, ka mit hmuh a Wesleya'n naute a pawm tih  ka vawikhat hriatna a ni hial ang; a hmel put hmang reng reng chu a hahdam hmel hliah hliah bawk, chhungkaw inngeih tak leh hlim zet te pawh kan ang ngawih ngawih.


"Hey, khatin lungnilo hmel chu pu mai bik lo teh Elo, vawiin chhunga Risie i hruai thei a nih chuan i pi chuan pawi a ti hauh lo ang, hmanhmawh chuk chuk a ngaih nachhan kher ka hre lo, chu pawh breakfast ei hman lo khawp khawp tur ang ngat phei chuan."



"Ka bei sei...." ka ti chhuak ve sep a.


"A nih chuan shower hmang turin ka han chho leh lawk ang e."


"All right, i kawr hak thlak tur pawh i room a chair awmah khan ka dah sak tawh che kha, Paris a mi ho kha i kalsan deuh vek a vangin, khang kha ka chah sak che a, pawi i ti hran lo ang chu!"



"Ti lo e, ka lawm e, hna a kal hi i tum miah na nge?" Makti zet chuan ka melh chho kal a.


A nui suk phawt a, "Miss Garcia boss ka ni a lawm, ka kal dawn leh dawn loh chu ka la thlang fel a ni ang chu!"



Engtin mah a chhang chhang let keh talo chuan ka inher nghat a, "Naute awm tu khan nizan thleng khan a awm chilh a, tukin zing khan a haw ve ta a nih kha, a thawmhnaw te pawh a va la ve dawn a ni ang e, chutia naute kal chhuah pui i tum a nih chuan nauawmtu chu ka lo be mai ang, hahdamnan hun lo hmang ve rawh se.


"A nih ka han insiam ang e." In chung lama chhoh chu ka rual nghal a, Shower ka hmang phawt a, ka thawmhnaw ka thlak nghal a, ka. Inpeih hnu chuan inhnuai lam ka pan thla leh a, naute hnu te ka siam sak leh hnu chuan Wesley chu insiam turin a kal chho veleh ta a .



Wesley insiam peih sa a suit dak ṭha tak ha a a rawn chhuk leh lai chuan Rosie pawm chungin chu inchhung chu ka lo melh kual pah a, inlian zet chu a ni chiabg a lawm.



Wesley pa leh a nuhrawn pawh he hmunah hian an cheng ve a, mahse inhranah a ni thung! Wesley hian heng thil zawng zawng hi a hma a ṭang khan a lo ruahman lawk vek tihna em ni ni dawn, A tawp a tawp a Wesley nena relationship kan han neo dun thei ta chu tun thleng hian ka la ring thei chuang lo hial.


Ka heh hnuailam chu ka pet lo thei lo; a chhan pawh a chung chamg thu ka ngaihtuah leh tlat tawh miau a lawm, hei chauh hi kan oah ih tawpna ni turin ka duh lo, kan pathum hian chhungkaw hlim thei tak din ka duh, broken family nih hi ka thil duh loh ber te zinga mi a ni bawk, chutiang chhungkua a ṭanga Rosie enkawl seilen chu ka duh nfai bawk hek lo, khatiang a hun harsa tak ka tawh tawh hnu ah khan tunah hlimna ka tawng ve ta chu a nia, a tawp a tawpah zawng ka hlim ve thei ta e. Ti pawhin ka sawi thei tawh ngei ang nge ni dawn ka glim.ka beisei tiin ka sawi zawk ang tih erawh ka la hre chiah lo.


Wesley rawn lan leh tak hnu ah chuan naute chu ka hlan leh a, vawiin a tan a ṭul tur ang zawng zawng chu bagah ka khung khawm nghal sawk sawk a, Granny hnena hun ka hman dawn a vangin naute thil hrim hrim ho ken hmaih neih ka duh lo.


Chung ka tifel zawh hnu chuan Wesley kut a ṭangin naute chu ka la leh a, goodbye tih ka sawi hnu chuan hmanhmawh zetin Rosie chu ka chhuah pui ta nghal a .


A chhan pawh rei tak chhung ka pi in nghah tir chu ka duh lo, Wesley car pakhat zawk bulah chuan chafuer a lo ding reng tawh a, chibai min buk khum zauh hnu chuan Airport lam ka pan ta nghal a, tunah chuan ka pi ka hmuh nan dar kar nga chiah a ngai tawh e, jet chhungah chuan kan lut nghal a, Rosie chu naute fel tak a ni tih a chiang reng mai, a nu mi tibuai zawng in a khawsa lo hrim hrim, a zung a a tui a hal emaw a ril a ṭam emaw  a inthiar te a nih loh chuan a ṭap zen zen lo, a mu deuh reng a, chutianga naute fel ni tur chuan ka buai pui reng bawk.



Darkar nga ngawt mai Wesley private jeta hun kan hman hnu chuan New York Airport kan thleng ve ta hram a, limosine car a lo awm sa a, tah chuan kan lut leh nghal a, Rosie pawh a rawn harh ve ta hlawl a, a feeding bottle a milk awm sa chu ka hnek tir nghal thuai a, nausen chum chiap a nih tawh loh a vangin en kawl pawh a awlsam tawh khawp mai, "Granny kan hmu ṭep tawh a nia, a ni pawhin a hmu chak tawh lutuk che." Ti in Rosie chu ka be pah mawlh mawlh a, car chuan inlam kan pan hmasa phawt a, ka chahbi kawl a kawng khar ka hawn hnu chuan ka room lam chu ka pan chho a, khum ah chuan Rosie chu mut tirin a diaper ka thlak sak leh a, chumi hnu chuan ka phone theinghilh khum a awm chu ka la a, ka cherge loh a vangin a screen ka ti eng chiah tih ah a inswitch off nghal daih, missed call tam tak a awm tih chu ka hmu hman thuak a, tu a ṭangin nge tih erawh ka hre hman ta lo.

Ka phone chu a charger nen ka bag kenah chuan ka hnawh lut nawk nawk a, Ka patea ina a awm lo ve tehkhiah chu mak ka ti viau bawk, tun ang hunah te hi chuan TV ṭhut chilhin inah a awm ve ziah ṭhin si a.

"Ka pi i hmu tawh dawn e, a ni oawhin hmuh che a nghakhlel tawh lutuk che a nia." Nui chhuah sak pahin Rosie chu ka pawm kang leh a, "I inpeih tawh em Rosie?"


A nih chuan kal ang aw, ta ṭang chuan a hla tawh vak lo a nia."

Pawn kan chhuah leh hnu chuan car chu ka hawng a, Hospital lam pan chuan kan tlan leh ta nghal a.
Ka pi awmna Perls Hospital chu kar lovah kan thleng ta hram a. Phur zet hian limo a ṭanga chhuak nghal vatin, ka kut lehlamin Rosie chu ka pawm a, ka dar lehlamah bag ka ak a, hospital chhungah chuan ka lut ta a. Ka pi awmna room chu ka pan ding nghal thuai a, corridor ka kal lai te chuan ka pi hlim hmel tur ringawt ka suang tuah bawk.


Phur zet hian room kawngka chu ka hawng a. Ka thil va hmuh chuan min ṭhawng kher mai.


Uncle George chu ka pi khum ruak a indawm kun chung hian ka va hmu a, ka bag khai chu ka nghat thla rawp, zawhna tam zet hi a rawn lut nghal zing zung, Rosie chu ka kuah nghet sauh a, "Goerge ?"


Ka kohna a vangin hmel ngui lup hian a rawn dak chhuak a.


"Hetah te eng nge i rawn tih a?"

A zawhna chu awm anglo ka ti khee mai, Wesley bula ka chen tawh mai a vangin ka pi a nihna a la bo chuang lo a, ka ngaihsakloh lah a ni hek lo.



"Grandma hi khawnge?"


"A mah hmu turin leh ka fanu hmuh tir ve turin ka rawn kal a."



Goerge chuan min chhang hauh lo, a ngawi reng a, a ngaihna reng reng ka hre lo, a rui em maw ni chu aw ka ti ta hial.



"Khawiah nge ka pi chu a awm Goerge?"


Goerge chu a mittui a luang chhuak ta nguai nguai a, mak ka ti kher mai, hlauhthawnna nasa zet hi ka nei tel bawk a, ka lung chu a phu nghal dawt dawt a, ka awm a ṭang chuan a zuang chhuak mai ang tih hlauh awm khawpin a phu nasa bawk.


Goerge chu ka melh chhuk leh a, ka mitah pawh min rawn en lo hrim hrim, a la ngawi run a, a kut lehlamin a mittui tla chu a hru pah zauh bawk a.



"KHAWIAH NGE KA PI A AWM, KA TI A NI LO'M NI?"


"GOERGE KA ZAWHNA CHE CHU MIN CHHANG VAT RAWH."


A rawn ding chhuak a, "Eleanor khawiah nge Wesley?"


"Ngati maw, engvangin nge Wesley chu i zawn a, i ngaina ngailo a ni lo'm ni?"


"Khawngaihin call phawt rawh....naute pa a nih angin naute kha a lo enkawl thei ber ang ka ring."


"Ka pi hi khawiah nge a awm tih min hrilh hma chuan ka hrilh bik hauh lo ang, chu loah ka phone battery a awm lo, nimon lam khan ka room ah ka theinghilh a, tukin a ka en leh chuan a inswitchoff daih tawh."


"Ok, a nihchuan a number chu min lo pe dawn em ni? Keiman ka lo be zawk ang."


"Goerge ka pi awmna chu sawi vat mai rawh." Tih pahin a phone rawn phawrh chhuahah chuan Wesley office number chu ka chhut kai sak nghal a.


"Eleanor ka sawi....."


Kan hnunglam a ṭang chuan "Miss Garcia." ti a min rawn ko tu an awm a vangin ka inher nghal thuai a, ka pi enkawl tunu doctor kha a lo ni a, "Khawngaihin min rawn zui thei ang em?"


"Eng thil nge thleng doctor, khawngaih takin ka pi hi khawnge a awm min hrilh thei em?"


Ka ṭah aw deuh ṭiau tawh a, ka pi chu a na zual ta thut ang a, emergency room lamah an dah ta tihna em ni ang?



"Doctor khawngaihin....." Ṭawng pawh ka ṭawng chhuak thei tawh lo, au chhuah tuar tuar pah a tlan chunga ka pi zawn tak chu ka nap tawh a, an mi tihdan chu ka nghah theihloh zawng tak a ni.



Nurse pakhat hi a rawn lut ve nghal a, aw dam thlap hian "Nurse hian i naute chu a lo enkawl sak rih ang che."


A sawi angchuan Rosie chu ka pe ve mai bawk a, chumi hnu chuan doctor kalna lamah chuan ka zui ve ta nghal a.



GOERGE....

Eleanor leh doctor in zui chhuah hnu chuan ka phone number Eleanor in min chhut kai sak chu ka en a, dial in ka beng bulah ka dah ta nghal a, "Cooper's company a ni e. Puih theihna che ka nei em?"


"Hello, Mr.Cooper biak lawk ka duh a, a biak theih lawk ang em?"



"Boss zawk hi i tihna em ni?"


"Aw ni e, Wesley Cooper ka tihna."


"Tu nge i nih tih ka hre thei ang em sir?"


"Khawngaihin a mah biak pawh theihna tur min pek theih chuan ka lawm viau ang, a nupuihual chung chang a nia."


"Boss chu tunah hian office alo la thleng lo a, thu chah duh i neih chian min hrilh la, a rawn thlen veleh ka lo hrilh nghal vat dawn nia."


"Ok, MrCooper chu a rawn thlen veleh Perl hospital lamah a nupuihual leh naute ngaihven a ngai tih lo hrilh la, hospital lamah lo kal vat turin i lo hrilh dawn nia."


"Ok, a lo thlen veleh ka lo hrilh ang."


Phone chu ka dah a, thawk ka la huai a, mahse Wesley chuan eng tikah nge a hriat dawn tih erawh chu ka hre lo.



ELRANOR....

Doctor chuan room pakhat ah hian min luh pui a, ka lam hawi a rawn in her pah hian, "I pi kha he damdawiin a in rawn dah luh a ṭang khan a ṭha chho chak viau a...."


"Eng vanga chutia boral tawh ang mai a ka pi chung chang chu sawi ta mai nge i nih?" Ka ti nghal vat.


"A chhan chu a boral tawh a vangin."


"A tar tawh em a vangin, a takaa a chak ṭha tawh lo a, thih dan pangngai tak in a thi ti pawhin kan sawi thei ang."



Chu doctor thusawi ka hre chiah ka lungphu te chu a tawp nghal vek ni hian ka hria, he hmun ka rawn kal khan ka hlim em em a, mahse tunah lah tawrhna nasa tak ka neih a vangin ka taksa chuan hreawm a ti a, a khurh phah ta hlawk hlawk si a.


Nihnuh kal ta mai khan ka pi chu dam ṭha takin ka bia kha a ni si a, tunah a nithumna ah he tiang a a han awm ta phit hi ka hre thiam thei lo, mitkhap kar lek chhung a ka nunna lak bo ang mai hian ka awm a, ka bing mup mup a, ka taksa chu a khur hlawk hlawk bawk a, ka tha a zawi nghal vek bawk, nghet lo zeta ka din a vang chuan tlu mai dawn a inhriatna ka nei a, ka hnung lama bang chu ka ngheng nghal dawt a, ka lu chu a vir nghal muai muai a, ka luak a chhuak hle bawk, ka pi thihna ka han hre zet chu thil awihawmlo ber te zinga mi ni hian ka hria, a nitheilo, ka pi kha ka hmuh tawp ver ni khan a dam ṭha hle a, TV te en peihin a mutna a tang pawhin a tho chhuak peih a nih kha, ngati teh thut nge ni ta?


"Kha chu thudik a ni hauh lo." Ka ti chuai raih a, ka aw ri chhuak te chu hla tak a mi ni mai a hriatna ka nei, "Nilo, i thusawi pakhat te mah kga ka awih lo."


"Khawiah nge ka pi hi doctor?"


"Miss Garcia in bengdai phawt la, ti chuan i pi kan dahna ah chuan ka hruai dawn che nia."



"Oh, heng i thu tlaktlai lo zet sawi te a vang hian engtin nge maw ka inbengdaih theuh hrep ang le? Khawiah nge ka pi chu a awm sawi vat mai rawh."



"Ka pi chu khawiah nge a awm min hrilh rawh."


"Min han hrilh teh....."


Ka ṭap chhuak ta a.


"Lokal rawh, i pi kan dahna hmunah chuan ka hruai ang che.'


Ka mittui chu ka hru hul sawk sawk a, ka pi chu a la dam tlat rinna nen,  beisei na sang tak nei chung chuan doctor chu ka zui keh ta a, kan kal leh deuh a, doctor chuan room pakhat hi a hawng a, chulai hmun chu a vawt kher mai, ka hawi chhuak a, ruang dahna a ni tih ka hre thei nghal kawngkhar bulah chuan ka tawi hrat a, "Ka theilo, he hmunah hian ka pi chu ka hmu thei lo ang." Lungchhe zet hian ka ṭap chhuak leh ta a, ka pi chu a thi tawh tih ka hria, mahse ka awih thei chuang lo, ka rilru chuan a thi tawh tih a pawm thei tlat lo.


"A mah a ni lo, a mah a ni hauh lo."



"Doctor khawngaihtakin he thil hi fiamthu a ni tiin min han hrilh hram teh, nilo, fiamthu râpthlak tak a va han ni chiang tak em."


"Tikhan i pi bulah khan awm la, a bulah i hun hnu hnung hmangturin hun reilo te chhung ka pe ang che."


"Nilo, Hei hi a mah a ni hauh lo."


Ka pi hmel pawh en duh lo in ka tlan chhuak a, a mah a nih chu ka ring thei hlawl lo.


Chutiang tak a tawrhna nasa tak nei a ka ṭah chhuah pawh ka la hre ngai lo, mahse tunah hi chuan chutiang chuan ka ṭap miau si a ni.


Ka khawvel, ka engkim ka neih chhun, ka rohlu ni bawk chuan min kalsan thei ngai lo ang, kal tir turin turin ka la inpeih hek lo.

Ka mittui a vang chuan khua lah ka hmufiah thei tawh hek lo. Kil khatah hian ka ṭhu thla hnawk a, zah pawh dawn lo in naupang chhe ṭah tak hian ka ṭap chhuak ta chiam a, ka pi chu ka ngai em em a, chutianga ring taka ka ṭah a vang chuan ka koh kir leh theih ka inring pawh a ni mah na le.


"Eleanor....."


Wesley chuan ka darah mi rawn dawm sakin min din chhuah tir a, mitui kar a ṭang chuan Wesley hmel ngui lup chu fiah lo riai hian ka hmu a, engtikin nge a rawn thlen tih vel ngaihtuah turin ka rilru ah engmah a awm lo.


Mittui la tla zawih zawih chung hian ka hnai phei hrat a, "I diklohna a nih hi i hria em? Engkim hi i tih dikloh vek a ni, nimin lam te khan lokal chu ni ila chuan ka pi hian Rosie hi a hmu hman anga, ka tan tawrh pawh a ziaawm deuh tur." Ṭap chung chuan ka  au khum a,  ka mittui tla chu hru faiin pawn lamah ka tlanchhuah san leh ta daih a.


Vanneih thlak zetin pawn lamah chuan ruah a lo sur hlauh a, ti chuan tumahin ka ṭap tih an hre thei lo ang. Ni e, a van neih thlak lutuk, a vanneih thlak tak zet zet....



Hospital hung chhung ni si tlema hmun fal lam chu pan pheiin thun tawt tak chung hian ka au chhuak vak a, chutia ka tih chakna chu a rei tawh hle, tlem chuan.ka thawl phah deuh huai ni hian ka hria .



Kha mi ni ka pi ka hmuh tawp ber ṭum kha ka ngaihtuahna ah chuan a rawn lang nawn leh a, mittui la tla zawih zawih chung chuan chumi ni chu ka ngaihtuah kir a, khami ni ni hnih hmalam panga ka pi nen a hlim.taka kan in biakna ni ngei mai kha.


FLASH BACK 2 DAYS A GO...


"A nih chuan naute chu min rawn hmuh tir ngei dawn tih min tiam em?"


Buk nghat nghat pah hian, "Yes, ka tiam a che."


Nui chhuah var var pah chuan ka pi kut ṭang leh ka kut ṭang chu tih belhbawmin ka tiam a nih kha, kan thil tiam chu ti ang chuan kan ti ṭhin reng a, chutianga kan tih tawh chu kan ti dun lo ngai lo .


Kha ka pi laka ka promise kha ka fullfill thei ta si lo a, chu chuan nakin ka nun hman chhoh zel na ah pawh inthiamlohna lian tak min neih tir zel ṭhin ang.


Engvang nge, ka thiamloh pawh a ni dawn em ni, Wesley thoamlohna vek a ni, nilo, tumah ka thoamlohna ah hian ka mawh puh theilo ang, keimah zawk hi ka ni, hetiang hian ka pi ka tiam nghet tih pawh Wesley chu ka hrilh reng reng hleinem, wngvamga nimin te kgan ka pi chu theihnghilh thei nge ka nih?


Wesley thiamlohna pakhat mah a awm lo, a ni chuan min hmangaih a ka tana ṭha tur thil hlir chauh min tih sal ṭhin, ka pi damreina chhan pawh hi a mah vang bawk a ni, a ni chuan damdawiin ṭha bera ngaih te zinga pakhatah min dah luh sak a, ka pi nunna chu pawhseiin a awm phah bawk a, chuti nilo se zawng ka pi khan min kalsan na a rei tawh ang .



"Hetah i lo awm a." Wesley aw bawk chuan ka hnunglam a ṭang chuan a rawn ti leh a.


A lam hawi pah chuan ngaihdam dil ngei ṭha hian ka hria a, "Ka tihpalh." Ti in ka phun chhuak sep a.


A mah chu melh chho chung hian, "Ka pi boralna hian hreawm min tih tir em em a, ka rilru put a mumal baqk si lo a, i thiamlohna ah ka puh ta ngawt a nih kha, Wesley ka mirin tak pakhat hian thudik tak min hrilh se ka duh a..... chu chu ka pi hi a la dam a ni tiraw?"




WESLEY COOPER......




Eleanor te nufa an kal chhuah hnu chuan kei pawh kan inah chuan tih tur vak a awm ta silo nen, office lama kal mai chu ka rilruk ta a, jet ka la a, New York lam pan chuan ka kal veleh ta nghal a, office ka kal hma chuan kan inpui lamah ka kal hmasa phawt a, ka thawmhnaw te thlakin shower ka hmang hmasa phawt, vawiin ni ka plan danah chuan office ka kal phawt ang a, chumi hnu ah hooital lamah Eleanor re nufa lam lehin chumi hnu ah kan pathum bawkin LA lamah kan kir leh ang.




Chu tanga tih chu a ṭha dawn hle huan ka hria, kei chuan Eleanor chu nupui a neih a hun hlimaw tak pek zela chhungkaw hlim tak nih ka duh a, mahse ka nawr lui duh chuang lo, a chhan chu a hmangaih thu min hrilhin ka lakah engmah ui neilo a ataksa min pe tawh pawh ni sela, ka nupui niduh tur khawp erawh chuan ka la ring chuah lem lo.





Office kal tura chhuah ka tum lai tak chuan ka office a ṭangin phone call a lo kal a, ka chhang chiah hreawm ti zet hian ka ngaithla chawrh chawrh, "Ka hrethiam e." Chumi hnu chuan phone ka cut ve ṭawk, ka thuhriat chuan ka thawk a ti harsa a,  hringnun hi thil harsa tak ni in ka hre bawk, ka phone ken lai chu khum lamah ka thehthla ṭhuai a, ka kut chu ruh zet hian ka hum bawk a, thawk lak zawmna chang pawh ka hre lawk lo.





A hma lawk te kha chuan hlim takin i awm a, ngaihtuahna hlimawm tak pawh i nei hman a nih kha, mahse phone call pakhat lek dawn a vangin chung hlimna zawng zawng te chu thawk lehkhatah tih chhiat vekin a awm leh ta si.


Kan hringnun ah eng thil nge lo thleng dawn tih kan hre lawk theilo hian min tibuai ṭhin, engvangin nge hahdam taka ka awm theih ngailohna chhan? A chhan chu heti ang case dang dai lutuk a thlen ṭhin vang hi a lawm.



Rangtakin ka room chu ka chhuahsan nghal a, pawna ka car ah chuan ka ṭhu lut vat a, ka theih tawp a chakin leh eng thil nge ka chungah thleng thei tih pawh ngaihtuah lo chung chuan ka dawk chhuak nghal zawt.


Ka hmeichhe hmangaih tak bulah ka awm ngei a ngai, a lungngaihna hnem tur leh tawrh pui tura a bula ka awm vat a ngai tih bak lo chu thildang engmah ka rilru ah a lut thei lo.




Ka office lama ka assisttant chuan min rawn call a, ka nupui hual patea thil pawimawh taka call nghal a ngauh thu min rawn hrilh a, a number hnutchhiah chu min pe bawk a, ka va call ka thu hriat rapthlak zet chuan min ṭhawng kher mai, hetiang thil a thlen lai hian ka hmeichhia chu ka thlahthlam theilo ang, ka bula a patea thu min hrilh kha, engtin nge ka hrilhfiah tak ang?




Khua lah chu a dur khuih khuih a, ruahmal a tla phuar phuar bawk, chhum a zing a, kal kawng pawh hmuh fiah a har kher mai, chutiang oawh chu nimahse ka car khalh lai chu ka tih zawih phah chuang der lo.



Vanneih thlak zet leh ka car khalh chak a vanga engmah buaina leh tawhsual pawh tawklo a nospital ka thlen hnu chuan ka car pawh park ṭha hman lo in ka zuang chhuak deuh thaw a, hmanhmawh zet chuan hospital chhung chu ka lut a, ka mit chuan Eleanor a zawng kual pah ruai bawk, corridor sei zet chu ka zawh phei a, midang reng reng ka mit chuan a hmu lo, Eleanor hmuh inbeisei tak chuan hmanhmawh zet hian ka pen pah pawk pawk a, a tawp atawpah zawng ka hmu ta hram e, kil khatah hian a kut pahnih a a hmai hup chung hian a lo indawm kun tlat a, a landanah chuan a ṭap ni hian ka hria, a kut a hmai hupna chu a che dat dat a, a ṭap ri chiah lo a, a tawrhnat tur zia erawh ka hriatthiampui em em, a pi nunna chu a nunna a ngaih pawimawh tluk zetin a ngai pawimawh si a.



Engtin nge ka hnem anga engtin nge ka ṭawngthlamuan ang, ka thil tih ngailoh a ni, chuvang chuan engtiang chiahin nge bul ka han ṭan ang ka hre thiam lo.


"Eleanor...."


A darah chuan dawm sakin ka tung tho a, a ṭah nasat a vangin a mit a sen ram a, a bui lak tawh, a mittui erawh a la far zung zung reng a, mittui kar a ṭanga mi rawn melh chho chung hian, a heh chu a pet fan fan a, a pet duk ṭhelh tawh tih pawh ka hria, a tawrhna ah chuan ka lainat ngawih ngawih.





Thawk a lak hak pah chuan a awm bawr chu a che pah dat a, a mittui luang chu a kuta hru hul chung hian, min melhchho nawn leh a,
"I diklohna a nih hi i hria em? Engkim hi i tih dikloh vek a ni, nimin lam te khan lokal chu ni ila chuan ka pi hian Rosie hi a hmu hman anga, ka tan tawrh pawh a ziaawm deuh tur." Ti a min aukhumna chuan ka thinlung a deng na nghal zawr hian ka hria, a thusawi chuan ka sawi tur zawng zawng min ṭhulh tir nghal vek.





Eleanor chuan min haw gle ni hian.ka hria, a pi thihna a mawhphurtu ah min dah a ni tih ka hriat chuan ka na ngawih ngawih, ka thawk a sak a, ka awmah hian thil rit tak delh tu awm ang maiin thawk pawh a ti harsa vek bawk.




A ni chuan chu thu a sawi zawh hnu chuan ṭap chungin pawn lamah a tlan chhuak ta daih a, hetiang thil hi a chunga thleng turin ka duh ngailo ang. Ka theih ang tawk chuan a pi dam chhuah lehna tur pawhin ka bei a sin, mahse chung ka lo beihna zawng zawng te chu engmahlo mai an ni ta si, chu chauh pawh nilo in Elaenor chuan min mawhpuh a, ka hmangaih a vanga a natma tur ka duh loh zia te hi min hriat sak duh lo a, tunah chuan min haw leh tawh tih pawh hai rual lah a ni hek lo.


Ka rilru ah chuan chutia kal tir mai chu ka duh lo a, mahse va umzui ta ang ni ila, a mi huat ber ni ang hiala min ngaihtawh a vang chuan a rilru ka tihnat belh mai mai ang tih ka hlau hnu hnawh bawk.





Engtia tih tur nge tih pawh hre lo in ka dinna ngaiah ka la ding run reng a, a ngaihna pawh ka hre bik chiah lo.





Ka darah hian kut pakhat hian a rawn dawm a, ka phu deuh zawk, ka inher nghat vut a, Goerge a lo ni a, "Va kal la a rilruma chu va hnem rawh, nang hian i hnem thei ber ang." A ni pawh chu a mengsen ve rum a.





"I rawn hmu velo a nih kha,  kei ngei pawh hi min hua a sin, a pi thuhna ah hian ka thiamlihah vek a puh a lawm." Za lo zet huan ka ṭ5en deuh sawk a.





"Ka lo hmu ve reng a lawm, kha chu a beidawn vang mai mai leh a pi boralna a tawrh em vang chauh anih kha, a haw tak tak lo che, a hmangaih lutuk zawk che tih ja hria a lawm." Chutiang thu ka laka Goerge an a han sawi ringawt chu mak ka ti kher mai, Eleanor kut thlak a chin ṭhin a vang khan kan inhaw dun hle a, mahse tuna a ṭawngkam.erawh a dang daih thung.




Ngawi reng chuan ka inher vut a, pawnlam ruah sur buan buan hnuaiah chuan kal chhuakin Eleanor chu ka zawng ṭan ta a, khua a thim chhulh chhulh tawh bawk a vang chuan hmuh mai a har hle a, khawuah nge a kal tih lah ka hre bawk si lo, ruah a sur nasat em a vang chuan tumah mihring hmuh tur an awm tawh lo a, pawna awm chhun chu Eleanor bak niturah ka ruat lo ve ringawt bawk.




Chutia a mah zawng a ruahsur hnuai a ka vei thuak thuak hlai chuan ka awmna a ṭanga hla ve deuh taka mihring ding niawm.zet chu ka hmu ta hlauh a, ka pan hnai nghal vat, ka rin amg ngeiin Eleanor a lo ni ngei a, "Hetah i lo awm a." Ti a phunchhuah sup pahin, ka hmai a ruah tui cham bang chu ka kutin ka hui deuh pawk a, a ni chu a rawn dak chho a, "Ka tihpalh." Tih hi a sawi chhuak sep a, tlemin a harh fim ta deuh ni in ka hria.




"Ka pi boralna hian hreawm min tih tir em em a, ka rilru put a mumal baqk si lo a, i thiamlohna ah ka puh ta ngawt a nih kha, Wesley ka mirin tak pakhat hian thudik tak min hrilh se ka duh a..... chu chu ka pi hi a la dam a ni tiraw?" A ti leh sep sep.a.





Eleanor chu ka melh chhuk a, a ni chuan beiseina sang tak nen hian min lo en kar bawk, ka tan chuan awmdan thiam.a har kher mai.
A pi hi a la dam a, engmah buaina leh rilru natna tur pawh a awm lo ti in sawi thei ni ila chu ṭha tur hi a nia.......mahse chu thu ka hrilh a nih chuan a lakah dawt ka sawi dawn si a...


Mahse ka thu hriat hrilh chhawng tur hian dam thei ang bera ka sawi erawh a ngai ang, a chhan chu chhungrilah natna thuk tak a nei ngei dawn si a....


Ka pan hnai a, ka awma bei tura kuah pah chungin he thu hi ka sawi chhuak ta a, "Eleanor kan thinlinhah engtik lai pawhin i pi hi a nung reng tawh dawn a lawm."


"I thusawi awmzia chu a thi tawh i tuhna em ni?"


"Nghet tak khan min han kuah ve phawt teh."


A kuahna mamawh lutuk ang hian lem ka chang a, a chhan pawh a rilru natna zawng zawng chu ka chungah nghat tawp se ka duh a vangin, a natna tawrh zawng zawng te chu a tawrh ai tawrh sak thei ni ila zawng, pawituhna neo gauhlo in leh lawm takin ka tuar zawk tur.


A chhan chu midangin an tihnat hlauhna a vangin a tan ka hun pum pui ka hmang a, hetiang khawp a a rilru an tihnat sakna ah hian engmah ti theilo in ka awm ang tih erawh ka ngaihtuah ngai hauh lo.


A chhan chu thihna hi ka thuhnuaia a awm miau loh a vangin.


Ka awmah chuan a hmai a phim chial a, a inhnit chhunzawm hlap hlap bawk a, chutia a ṭah pah a a insut a piang chuan ka chhungrila ka thlarau awm pawh chuan hreawm a ti tel ve zel.


Ka duh ber chu a tuar ti chhel a, hetiang hreawmna nasa tak laka ata talchhuak a, he tawrhna na tak hi hrethiam thei turin rilru huaisen taka awm turin ka duh a ka beisei bawk.


TWO DAYS  LATER....


Eleanor awm loh chhung zawng chu ka bulah Rosie chu ka mut pui a, ka muttui lutuk a vangin a ṭap ri ka hre theilo ang tih ka hlauh vang a ni ber, mahse Rosie chu chutiang naute a ni hauh lo, a fel em em a, naute fing tak pawh a ni bawk.


"I nu pawh hospital lama a riah luh a ṭanga nihnih lai chu a ni ta."


"I bulah a rawn mu ve leh vat tawh ang tih hi ka tiam thei ang che, i tan hun pawh a pe leh thei ṭep tawh che a nia."


"Zanin chu nanny bulah i lo awm mai angai ang, achhan chu i nu eng nge a na tih va ngaihven tura ka kal a ngai dawn a vangin."  Ti a sawiin Rosie chu ka ve mawlh mawlh a, a chalah chuan ka zu fawhsak zauh a, ka kalsan dawn a ni tih hre ve niawm tak chuan a ṭap chhuak ve reuh a.


"Ka khawvel ṭap lo hram rawh."



"Khawvela lungngaihna kan neih zawng zawngah kan ṭap ṭhin a, chumi awmzia chu kan dam chhung zawngin kan ṭap dawn tihna a nih chu, chuvang chuan nui rawh le."