SEDUCTIVE SII CHAPTER 13

SEDUCTIVE SII CHAPTER 13

Hospital a ka pi room ah chuan ni hnih aia tam ka riak tawh a, ka fanu leh Wesley pawh ka ngaihven thei lo, ka pi roomah chuan ka tàp chawt, a thihna chu ka tuar ngawih ngawih, doctor pawh min ngaihven turin a rawn kal ziah a, mi pangngai ang chu ni ila chu room ah chuan ka awm a thiang tawh hauh lo ang, Wesley nupui hual ka nih vang chauh tih ka hria, a chungah pawh ka lawm hle.


Doctor chu a dan pangngaiin a rawn lut leh a, "Miss Eleanor i zia awm deuh tawh em?" A rawn ti lut nghal a.



"Aw, ziaawm a ni mai, mut theihna turin number pakhat a ṭanga sawm thleng kan chhiar kauh kauh mai a nih hi!"


"Tuna i tawrhna hi ka hriathiampui lutuk che a nia, midang pawhin hetiang hi an tuar ve vek tih hi hria la ka duh."


"Ni e, granny kha ka pi chauh a ni mai lo a, ka ṭhianṭha tak, ka nu , ka nutei a ni kawp vek a, ka engkim a ni tawp mai, mahah khan ka chhungte chu an kim vek, chuvang chuan he natna ka neih hi engtikah mah a bo thei lo ang."


"I chan nasa hle mai, pawi ka tih pui lutuk che."


"Vawiin a ka rawn kal nachhan chu i pi vuina hun hman dan chung chang sawi dun i inpeih tawh chuan a hun tawh viau in ka hria a...."


"Ok, han sawi ta poh che." Thawk ka la halh a, pachan ka tum ru hle.



"I pi vuina a kan sen zawng zawng kha $ 5000 a ni a, a damdawi in awmman kha bill kan ti fel tawh bawk a, kha nen khan $20000 a nih chu!"


"$20000 i ti em ni?"


Ka meng nghal kawl kawl, "Engtin che chutiang zozai te ka pek theih ang?"


"Ka card ah hian i lo tifel mai dawn nia." Wesley chu kawngka bulah a lo ding ve reng tawh a, kawngka kan khar loh a vangin a rawn kal a a kawngka hawngri pawh a hriat loh.


"Nilo Wesley, min pek sak turin ka duh hleinem che." Ka ti ve vat nghal a.

Doctor chu a kal sawn.ta nghal a.

"Eleanor, pawisa lam kha chu theihnghilh rawh, pawisa lam ka ngai paeimawh lo, ngai i awh lehna hi ka duh ber."


"Ka theih veleh pek kir leh vat che ka tum dawn nia."


"Ka sawi tawh ang khan ngai i awh leh theihna hi ka duh a ni mai."


"Ngai ka awh leh thei mai ang em tih pawh ka hre lo." Hnuailam ka melh pah raih a, ka mittui a tling nghal pam bawk


"Lo kal rawh, boruak thiang dawn i mawh in ka hria, hetin hospitalah lungngai takin mahni chauhin i in khung reng theilo ang."



Ka bantekah chuan min hmer sak nghal a, "Nilo, Wesley ka kal chhuak duh lo." Ti in a thu sawi chu ka hnial nghal.



"Ka hrilh ang che, i pi hi i lak a ta,a hlat telh telh chuan i thinlung chhungah a Cheng telh telh thung ang."


"Kal tawh ang le."

Kalpui min duhna lamah chuan min kai chhuak ta a, kei pawhin ka hnial buai ta lem lo.


A car rawn ken chhungah chuan min ṭhut luh tir a, khawi lam nge min pan pui dawn tih lah a sawi hek lo, kei lah in zawh chakna pawh ka nei lem lo bawk nen, car a tlan chung chuan kan ṭhu dun chawrh chawrh ri ngawt.


Car ah chuan eng tianga rei nge kan chuan tawh ka hre lo, ka pi ngaihtuahna a vangin Wesley chu ka bulah a awm tih pawh ka theihnghilh phah hial a, ka dam chhunga ka pi hmel hmu leh thei tawh lo tur a ka han indah rik ngawt na pawh chuan  min ti lung ngai ngawih ngawih, a,tello hian he khawvel hi ka hmang thei ang em? Ka ti rilru hial.


Car a din tak datah chuan ka ngaihtuahna muk tak a ṭang chuan ka harh chhuak ve chiah, ka hawi chhuak chu ni pawh a lo tla daih tawh a, khua pawh a thim fel der tawh, ka ṭhutna a ṭang a tho chhuakin tuipui kam reh raih lam chu ka pan phei a, ka chunglam van a,arsi pe tiarh chu hmuhnawm ti zet hian ka thlir chho vang vang a, tlem chuan he hmun hian min ti thawveng ve deuh hlek ni hian ka hria.


Zan dang ai mahin zan in phei chu thla a eng zual ni hian ka hre nghe nghe a, thawk lak halh pah chuan Wesley ka bula rawn ding ve lam chu ka hawi chho a, "Wesley ka pi laka promise ka neih kha ka ti hlawhtling thei ta lo." Chuai raih hian ka ti chhuak sap.


"Eng promise maw?"



"Rosie ka lak veleh ka pi kha hmuh tir nghal ka tiam a."  Ka mittui chu koh chhuah chawp pawh ngailo hian a tling leh nghal pam a.


Ṭah aw ṭiau hian, "A bula ka hruai hun kha a nghahhlel tehreng nen...."


"Khami zan khan lokal ni ila ṭha tur a nia.... tunah lah chuan engtikah mah ka hmuh tir thei tawh dawn si lo...." ka ṭah chhuak lutuk thaw ipik bawk si chuan thawk ka la leh hak a.


"Chu vang chuan ka ti diklo ngawih ngawih ni hian ka inhre tawh...." ka ṭap chhuak leh ta phawng a .


Min rawn kuah nghal vat, a awmah chuan min kuah bet a, a awma bei chung chuan lungchhe zet hian ka inhnit nghal hlap hlap, "Ssh... Engah mah khan i diklohna a awm lo. Thihna hi engtikah nge a lo thlen dawn tih tumahin an hre lawk lo; chuvang chuan i thiamlohah dah reng reng suh, chuan Eleanor nangmah i inmawhpuh tawh dawn lo tiin min tiam rawh."



"Ka tih dikloh a nilo tih i chiang em ni?"



"Ka life ah hei baka chian hi ka la nei ngai lo."

"Chuvang chuan min tiam tawh rawh le."


"Ka tiam a che." Ti in ka phun chhuak ve ta sep a.



Wesley ka kuah lai chhung zawng leh a ni pawhin a min kuahlai chhung zawng chuan him ta ngawih ngawih a inhriatna hi ka nei a, tumahin ka rilru chu min tihnat sak thei leh dawn tawh lo a inngaihna ka neih phah hial.


"I tawrhna hi ka hriatthiampui che lutuk che"


"Nilo, Wesley i hrethiam lo ang."


WESLEY COOPER...


Engmah sawi leh tawh lo chuan hospital kan chhuah hnu a ṭang chuan a ngawi ran reng a, chutiang chuan kal kawnga kan tlan chhung zawng chuan a awm bawk a, kei pawhin biak buai chi ah ka ngai lo, nidang chu ni se zawng a,leili hriam zet chu a hmang leh tawh anga, khawihmunah nge hruai ka tum tih te min zawt cham chi leh tawh awm si a, mahse tunah chuan a dang tawh, chu chuan ka ngaih a ti ṭha lo zawk fe, he natna hi ka hriat thiam pui em em a, eng ang chiahin nge a tawrh dawn tih pawh ka hriat pui hle.


Tuna ka kalpui natur hmun a hruai ka tum nachhan pakhat pawh hi, tlemte tal a he a natna a ṭanga ka chhawk zang khai ve theih tak mialin ka tih vang a ni, chu pawh minute reilo te chhung tal.


Tuipui kam kan thlen hnu car a ṭanga chhukin tuipui awmna lam chu a pan phei a, van lam a hawi chho nghal vang vang a, ngawirenga pan hnai pahin a awm dan chu ka mit mei ru reng bawk, a tawrh ai tawth theih a a natna chu chhawk ka duh tak zet zet; a nat ka phal lo a, mahse he a natna ah hian tih theih ka neiiloh a vang erawh chuan ka chungah ngei ka thin a rim ṭun bawk, chutianga hmu reng tur chuan ka tuar thei lo ang.



A rilru natna chu a rawn sawi chhuak a, Rosie a pi a hmuh tir hman tak loh a vangin, ni e, hmuh tir kha a tum ruh hle a nih kha, a thiamloh a nih loh zia thu hrilh pah leh mahni inmawhpuh lo tura hrilh chung hian a ṭap chhuak chu ka kuah nghal tlawp a, mittui kar a ṭang a rawn dak chho in, "Ka thiamloh a nilo tih i chiang takzet em?" Ti in hriat tham chang chang chauh hian a phun chhuak sep.


Ka chhang nghal thuai, "Ka life ah hei baka chian hi ka la nei ngai lo."

"Chuvang chuan min tiam tawh rawh le." Ka ti a.


"Ka tiam a che." A ti ve ta sep, ka thaw huai mai.



"I tawrhna hi ka hriatthiampui lutuk che"


"Nilo, Wesley i hrethiam lo ang."



"Ka hriatthiampui che tih hi ring mai rawh, kan life hi a hrang viau a, mahse a inang hle, kan hun tawn te pawh a hrang hlak a, mahse a in ang dun em em a, ka nu in min boral san ni phei kha chuan ka khawvel zawng zawng hi a keh chhe tel ve vek ni in ka hre hial, ka nu khan natna a vangin min boral san a, chuvang chuan he khawvel a kan hmangaih tak te an thih a a nat zia leh engtiang takin nge kan tawrh tih chu ka hriatthiam phah a ni. Chumi ah chuan kan chhungte thihna hian eng angtakin nge min nghawng ṭhin tih expirience ka nei phah bawk a."


"Chuan he ngaihtuahna na hi tun hnu ah chauh ka nei thei bawk a ni, ka nu kha keimah vang nilo in natna a vangin a boral ta tih hi, a hma te kha chuan i in ngaih ang tho hian keimah vangah ka ngai ve ṭhin!"



"Chuan hei hi chu ka pha lo ang, a na lutuk dawn tih hi ka hriatthiam pui che a, i hringnun hman chhoh zel turah pawh ani kha a awm dawn tawh loh a vangin i tan pawh a harsa chho telh telh ang, a chhan chu a hma ang kha a nih tawh dawn loh a vangin."


"Ka lawm e, Wesley."


"Lawmthu min hrilhna tur pakhatmah a awm lo, tuna min hrilh tur a ka duh zawk chu i ṭha tawh em tih zawk hi a ni e." Ka ti leh sup a.




"Ok, ka ṭha chhawm ve maiin ka ring."


Ka kun hniam a, a heh nel thep mai ah chuan ka fawh sak a, a tawrhna a vanga a mittui tla chuan a ti hnawng chap bawk a, amah a inngaih ai pawhin a chak zawk tih ka hria, chu thil chu ka lakah pawh a lantir cham chi ṭhin a nih kha, chu thil chu tunah mai pawh hian chawp leh chilhin a lantir leh bawk.



TWO WEEKS LATER....


ELEANOR.....

Ka pi kan vui hnu ah pawh karhnih chhung ngawt chu ka la sûn a, hospital lamah erawh ka awm tawh lo a, a mah vui tura kan kal bak kha chu ka pi tlawhturin thlanmual lamah pawh ka la kal duh chuang lo.


Chumi chhung zawng chuan ka tan Wesley chu a in pe zo em em a, ka pi boral hnu a ṭng khan ka fanu Rosie pawh ka la awmpui tgei tak tak loh laiin a ni ve thung chu Rosie tan pa nih a tlin hle bawk a, a hna lamah ni se boss nih a tlin em em bawk, ka lungngaihna min hnem turin ka mamawh hunah a awm thei reng bawk a, chutiang em em a ka tana a in pe zo chu ka chhuang ru hle.


Karhnih a vei hnu chuan tlemin ka ziaawm ve ta deuh bawk a, Sam party neihna a pawh ka kal theih tak loh a vang khan ka inthiamlo hle , thupha chawi pah a va biak ve hrim hrim pawh a ṭha in ka hria, ka phone chu ka khawih malh malh a, ka beng lamah chuan ka lek kang ta nghal a, "Hey Sam."


"Eleanor, i ṭha maw, eng nge i an tawh?"


"Ka ṭha chhawm ve zel.... khami ni khan Wesley an engkim ka theihnghilh theihna turin min pui a."


"Hey, i party neihna a ka rawn kal theih tak loh a vang khan pawi ka ti lutuk.... rawn kal ka duh viau a, mahse thil thlen dan kha a rang teh thut ta si a, ka fanu tan ngei pawh hun ka la pe thei ruh meuh lo."


"Ok, ngaihtuah hah vak duh suh aw, mahse kawng lehlamah ve thung chuan i tello a kha party kan neih kha chu party neih a zawng nuamlo ber a la ni ngei ang."



"Mahse, Los Angeles naute pian hnu hian inneihna kan la tinleh dawn tho a, Wesley sawi dan in chu lanah chuan a ni pawh chen a tum ni in a sawi bawk a....nang pawh engvangin nge chu lamah chuan i chen ve mai loh ang ni?"


"A chhan chu kha ta New York a Goerge bula chen ai kha chuan a nuam daih tawh zawk bawk ang."



Ka ngawi deuh vang vang a, "Ni e, i ti dik mai thei...." ka ti ve ta a.


"I awm chuan a nuam.ngawt ang, a chhan chu kan pahnihin shopping te kan ti reng thei tawh ang a, chumai oawh nilo in, pajama party te kan ti thei reng ang a, chuan club ah te pawh kan kal dun reng thei tawh dawn a, hun nuam tak kan hmang dun dawn a, i lunglenna te pawh i theihnghilh thuai mai ang." Phur hmel zet hian a ti chhuak a.



"Chuan i naute leh ka naute thawmhnaw te pawh kan lei dun thei ṭhin ang a." Ka nui chhuak ve hak a.


"Oh, a nuam dawn lutuk ringawt, chu chu a lawm ka chak."

"I naupai lai kha mipa nge hmeichhia a nih i hre tawh em?" Ka tih zawm leh nghal a.


"Ka hre lo, tuna lo hriatsa chu dikin la hre chiah lo a, nakinah kan nei anga, min han ṭhawng thut se a nuam ve a lawm."

 "A nih chuan kan ring chhin....mipa a nih kei chuan ka ring."


"Chuan thla engzah chiah nge ni tawh kha?"


"Thlariat leh a chanve a ni tawh, mahse naute hmel hmuh ka chak rual rualin neih lam erawh ka huphurh khawp mai, ka neih hun lah chu a hnai tulh tulh tawh leh nghal."  A aw a ṭang pawh chuan a huphurh hmel kher mai.

"Chuan nu nihna dinhmun a han din hi ka la zam deuh hlek bawk."


Thawk ka lo la ve hak a, "Sam thil engkim hi a awlsam zawngin lak tum la, a tih a tih a hma a huphurh nghal mailo in Sam i nih na kha ti lang la, i tan pawh a awlsam phah ngei ang."

"Ok, Elo, ka lo tum dawn nia, chuan nang hi ka neilo ang che tih ka hlauhna chhan em em pawh hei vang hi a lawm." A nui ta hak hak a .


"Kei paw'n."



"Elo?"

Ka hnunglam a ṭang chuan Wesley chuan min rawn ko a.



"A nih Sam, ka dah rih phawt mai ang, Wesley an min rawn au tlat."


"Oh, tehreng mai, tehrengmai, ngaihtuah duh suh ka rawn ti buai tawh rihlo ang che, i boyfriend chuan.eng thil nge mamawh a neih tih i hriat theihna'n ." A nui chhuak har har a.


"Chuan a,tawp berah heihi lo ngaihtuah bawk ang che, helama rawn chen ve chu lo ngaihtuah ang che, hun hlim awm tak i nei ngei ang tih hi ka chiang a nia Elo."


"Ok, duh chu ka thlangfel nghal in ka hria, kan inhmu vat dawn nia, Sam, bye phawt aw."


Ka phone ka hangup chiah, Wesley chu a rawn lang nghal a, a inthuamna chuan min ti phu chiang lutuk, ka pi kan vui lai a thawmhnaw dum kan hak a vang khan thawmhnaw dum suit chuan min la ti phu tlat zel, "Eng thil nge thleng?" Ka ti chhuak chul a.


"Nau awmtu in naute chu a lo ngaihven dawn a, LA lama kan kal hma in i pi thlahna hun nei lawk la ka ti a."


"Thlanmual lamah maw?" Ka zam chhe leh nghal der tawh, ka pi chu direct tawp a be tur chuan ka la inpeih chiah lo.


A bu deuh nghut, "Nilo, chutin keimah chuan ka va hmachhawn hauh lo ang." Ka ti chhuak nghal hlar a, tun thleng hian ka pi thlahna ṭawngka keimah a ṭang hian a chhuak.theilo tih hre tu pawh Wesley hi a ni.


"Wes ka kal duh lo."


Min rawn melh chhuk a, ka khabe ah mi dawm kan sakin, "Elo, thlakhat a tling ṭep tawh, i ka a ṭang hian.i pi thlahna ṭawngka a la ri chhuak lo hrim hrim, hetianga i pi goodbye i ti theilo a nih chuan a ni pawh a kalna hmun turah a kal theih ka ring lo, ka tih awmzia chu hreawm takin he khawvelah hian i cham tir tihna a niang a, i rilru pawh a dam thei tak tak lo ang."



"Eleanor min ring rawh, he thu hi i sawi vat a nih chuan i rilru pawh a dam nghal sawng sawng mai ang."


"Thawmhnaw pangngai rawn ha la, tichuan car ah ka lo nghak dawn che nia."


Nawirengin inlamah chuan ka kal a, ka room chhungah lut chho in thawmhnaw chu ka inbel ve ta a, darthlalanga ka hmel lo lang chu ka melh deuh vang vang a, ka rilru in Pathian hnenah lawmthu ka sawi pah mawlh mawlh, a chhan chu khatiang ang pi a ma fanu ang maia min en thei tu min pek a vang khan.


"Ka chunga a thil tih tawh zawng zawng kha ka hre reng ṭhin ang....."

Ka thawmhnaw lo pack fel sa tawhna suitcase nen zawimuangin ka inher a, inhnuailamah chuan ka chhuk thla ve ta hram a, "Va hmu turin i kal dawn em ni?"


"Aw." 

Ka hmazawn a ding Goerge chu ka melh chho a.
"Goerge thil hrilh tur che ka nei a,  LA lama Wesley chenna hmunah khan ka fin ve tawh dawn."


A nu boral tawh hnu a ṭang hian a hma ang khan min treat tawh ngai lo a, chu mai pawh nilo in, kan inbe vak tawh ngailo hrim hrim, a ni pawhin alcohol bawih lak a ta a nu thih hnu chuan a talchhuaka, a nghei nghal hmak bawk, tunah chuan hnathawh tur te hial a zawng ṭan ve tawh a ni.


"Hna thawh tur i zawng tih ka hriat hian, ka lawmpui lutuk che a nia." Ka nui pah sak a. "Chuan alcohol i thlah pawh hi ka lawmpui hle bawk che, i nghei theih pawh kha ka ring tawh lo hial a nia."


"Kei pawhin ka ring ṭhin a lawm, mahse tunah chuan hmalam hun eng tak ka nei ve tawh ni in ka hria ." Min nuih ve sun sun a.



A hmel chu a ngui nghal a, "I pi hian ka zu in kha a duh lo thei lutuk a, chuvang chuan a tan ngheihlen ka tum ang e ."


Ka bu nghat a, thawk ka la raih raih bawk a, "Uh, Eleanor....
"

A tih chuan ka melh chho nghal.a, "He ina i rawn chen ve hmasak ber ṭum a i chunga ka thil tih ah khan.ka inchhir hle a, thinlung takin i ngaihdam ka dil ngawih ngawih bawk e."


Chu thu a rawn sawi chhuah leh tak a vang chuan ka insehruh sauh a, vawt zet hian ka melh chho a, he thil hi sawi chhuah pawh ka duh tawh lo, mahse tunah chuan Goerge chu ka hlau tawh lo a, chuvang chuan ka thil duh ho chu ka hrilh vek thei tawh ang.



"Kha thil kha theihnghilhin a bul a ṭangin nun tharin kan ṭan leh thei ang em?"


"Goerge ka theih ka ring lo, ka tum ṭhin tawh a lawm, mahse chutiang thil ti leh tur chuan a beisei awm lo, khatiang thil thlen tawh hnu ah ngat phei kha chuan ka patea ti pawh a koh che hi ka zak ṭhin a sin, ka thinlungah hian ka patea i ni tak tak em tih pawh hi ka tan pawm a harsa a, chuvang chuan a bul a ṭanga kan tih ṭhat leh theih chu ka ring lo."


"Ka pa in a min kalsan hnu a he hmuna ka riah zan kha ka hringnun a ka hun tawn tawh zawng zawng a rapthlak ber pawl.a la ni ngei bawk ang, chu vang chuan tuna i thu sawi chhuah kha chu ka lak a ṭang hian i hmuh inring duh tawh suh." Ka ti ta khawl a, he thil hi chu kei leh ka patea chauhin kan hria a, ka pi minhmangaihtu ngei pawh kha ka hrilh ngam ngai lo.



"Ka hrilh tawp mai ang che, khatih lai khan mipa pakhat mah ka la fawp ngai lo a, nang kha ka mipa fawh hmasak ber i ni a, boyfriend pawh ka la neih hma a ka hnute duh tawka min khawih sak tu chu nang ka patea a pawh nitlak lo hi i ni a sin, ka pi a rawn kal hman ta hlauh zawk a, i thil tih lai kha i tawp ta chauh kha a ni a, Pathian lakah lawmthu awm mawlh teh se, ka pi kha a hun takah rawn kal hman lo se zawng ka chungah khan engtiangin nge chet i lak chhunzawm.zel ang tih pawh hi ka ngaihtuah thui ngam lo ve, hetiang khawp a bawraw hian i thisen zawmpui ngawih ngawih i chhungte lakah i chet duh hi ka ring thei lo zawk hial ṭhin a,sin. Mahse i che miau bawk si." Ten hmel zet chuan ner khum deuh sak a.



"Chuan han sawi teh le, chung ang thil ho chu engtin nge ka theihnghilh theih teh lul ang?"


Chung thil zawng zawng thinrim.insehruh zet chunga ka sawi chhuah lai chhung zawng chuan a hmela inchhirna nasa tak lang chung hian chhuat lam a melh char char a, chu chuan a puih theih deuh a ring te pawh a niang e.


Pawi a tih zia thu chu ka hre nameuh mai, mahse ka ring leh thei tawh ngai lo ang, a mi tih dan kha kum tlinglo oral sex hmanpui tluk a ni a, ka rilru thleng a khawih a vangin engtikah mah ka rin ngam leh theih pawh ka ring lo, ka ring leh a nih chuan a mak viau ang.


"Kan chhungkaw zing a mi ni turin ka duh mai che a, mahse nang chuan chung zawng zawng chu i ti chhe ta vek si a.... chuan min fawpin min khawih ringawt a, thil pawi tham tak tak i tih hmanloh a vang khan tun thleng hian Pathian lakah lawmthu ka la sawi ṭhin a sin, chuti nilo se zawng engkim mai hi  a khawlo zo vek awm si a, chuan a aia chhe leh zual nau pai in fa lo nei ta i la, ka patea a fa... ugh, I nu engkim ka hrilh loh a vang khan lawm viau zawk tur i ni."

"Kha chu kan deal neihah a tel kha."  A rawn dak chhuak chu a mengrum ve hle a.


"Khatianga ka zu ruih a vanga ka khawihna che kha tumah bulah i sawi chhuak lo ang a, chuan kei pawhin i pa awmna ka hrilh ve thung ang che tiin deal kan neih vek kha le, chu pawh i rem tihna thlap in."


"A chhan i hria em?" Ka nui chhuak a, "Ka hrilh tawh che ang khan, tunah chuan khawiah nge ka pa hi a awm tih hriat chhuah pawh ka duh tawh lo, tun a ṭang chuan engmah min tih ṭhaihna tur leh min ngawih tir na tur i nei thei tawh lo tihna a nih chu, tunah chuan ka hlau tawh ngai bawk lo che a, report i duhlo a nih chuan min ti thinrim tawh ngai bawk hek suh!"


"Eleanor i pa zawn lam a ni hauh lo, a mah zawk hian a rawn zawn hmuh che hi nghah i tum tawh zawk tih ka chiang, chuan min report tur hian engmah evidence i neilo."


Ka melh ram ram a, ni e a sawi dik, eng video mah ka nei lo a, ka testemony chiah chu ka neih tawk a ni, khatih laia rawn lut rawn hmu thawi tu ber ka pi lah a awm tawh bawk si lo.


Tunah lah ka pi chu chutiang ti tur chuan a dam reilo leh ta zel bawk si a, chuan khami ṭum khan ka pi chuan min zawt chik viau a, he pa hian min lo vau lawk tawh a vangin, engtin mah min khawih hmanlo a, engtin mah min tih a tum lo tiin ka hrilh leh zel bawk a, a chhan chu ka pi chuan engtiang chiahin nge a fapa chu a hmangaih tih lah ka hre chiang hle.


"Oh, ka hria e, min tihṭhaih i tum leh tih pawh ka hmu thiam.vek , chuan ti hian min hrilh leh ang a, ti raw, i thisen zawm pui i unaupa fanu ngei ngei i ngaihzawn tlat a vang hian Wesley hi kalsan turin min duh, chu chu i rilru dik tak chu a ni ti raw? Chu thil chu engvangin nge ka tih ngawt ang, a ni chuan hlimna ka la tawn ngailoh min thlen ṭhin a sin."


"Eleanor i hmel hi i en chik lo a nih hi, Wesley hian a phu hlawl lo che, Wesley aia ṭha hi i phu a sin, mipa tu pawh hmu la, an ngaihzawn theih tur ang chi i ni tih hi hre ta che."


"Nilo ve, Wesley hi ka tan a ṭha mah mah ka phu lo a, a ni hian min phu mah mah zawk a ni, ka hmangaih a, a ni pawhin min hmangaih bawk, chuvang chuan ka chung chang thu ah hian lo inrawlh tawh lo la, a ṭha zawk ang, goodbye Goerge." Ti a sawi in ka suitcase chu ka nawr chhuak ta a, ka hnunglam ka hawi let leh tawh lo, ka patea bula ka thusawi ah khan ka lungawu viau a, ka thaw pawh a ti veng huaiin ka hria.



Wesley awmna ka thlen chuan a car hnung lamah ka suitcase chu min dah luh sak a, chumi hnu ah thlanmual lam kan pan dun ta a, a hmun kan thleng Wesley chu a chhuak nghal a, kei erawh ka ṭhutna hmunah ka la ṭhu ran reng a.

"Come on my girl i ti thei tih hi ka hria a nia." Wesley hmel ṭha vawr mai chuan nui hmel pu deuh hlek hian min rawn en a, a sam dumhlap mai chu nisa ina chhun a vang chuan a tle sat bawk a, a lang ṭha ngawih ngawih, a mah en ran chung chuan car a ṭang chuan zawi muang hian ka pen chhuak ve ta a, Wesley chuan min lo kuah vat a, "Hahdam taka awm tum rawh, i ṭha em em ang, min mamawhna i neih chuan min rawn ko dawn nia, car lamah sawn ka lo nghak ang che." Ka hmuiah chuan min fawh sak zauh a. Min kalsan ta nghal a, koh kir leh a ka bula awm tir ve mai chu ka chak a, mahse ka ti ta em lo;


Thawk ka lak deuh vang vang hnu chuan ka pi an phumna lam chu ka pan phei ve ta chhat chhat a, a thlan bul ka thlen chuan a lung an phunna bulah chuan ka ṭhu thla a, "Vawiin ni chhuak chu a mawi hle mai ti raw ka pi, i ti ve em?"


"An sawi dan chuan chhum chhah tak a kiang ang a, khawthiang ṭha tak leh ni eng mawi tak a rawn lang ṭhin an tih ṭhin kha...."


"Ka hmangaihna che hi i lakah ka chhak chhuak tam lo mah mah ṭhin ni in ka hria, mahse ka thinlung erawh min hmuhtlang sak thung a lawm ti raw, tah chuan eng ang chiahin nge ka hmangaihna che hi a nasat i hrethiam mai ang."


"Chuan a tawp nan, KA HMANGAIH CHE, KA HMANGAIH RENG FO ANG CHE, MANGṬHA LE."


Ka mittui vawt raih chu a hnam chhuak ṭiam ṭiam a, ka biangah chuan a luang thla vawt ngiai ngiai a, chu chuan ka natna thuk tak te chu a len fai thei ve ta.

 Tun a ṭang chuan thinrimna nasa tak ka neih ṭhin te kha a tawp tawh ang a, he natna ka neih ṭhin lak a ṭang pawh hian ka zalen tawh ang tih hi ka ngaihdan a ni. Chuti ang chuan hlauhna ka neih te pawh hi a reh hlen tawh ngei bawk ang.


Ka thinlung hi sual lam ngaihtuahna a vangin a phutna chawl khawpin a awm tawh ngai bawk hek lo ang.


Tunah chuan he ka thinlungah hian hmangaihna tan chauh pindan ruak a awm tawh, a tawpah zawng ka zalen ve ta e, tuna ṭang chuan khang ka hreawmna zawng zawng te kha ka hnungchhawn vek thei tawh ang.


Ka ṭhutna a ṭang chuan ka tho  chhuak a, rilru engthawl zetin Wesley min lo nghahna lam chu ka pan phei ta a, "Wesley ka pi chu a kal tawh a, chuan kha inah khan ka kir leh duh tawh lo."


A nui pah suk a, "Chumi awmzia chu LA lama kan inah khan i rawn cheng hlen ve tawh dawn i tihna ah ka ngai, a ni em?"


"Ka rindan chu a nia...." ka nuo chhuak ve sak a.


"Ok, i thlang dik e, nang leh kei....kan fanu nen inkhatah duhthusam phur awm zet a ni chiang a lawm." A nui chhuak hawk hawk a, mahse intihelna lam erawh oakhatmah a lang lo thung!



"Nia, i ngaihdan ang chu."


"Ka rindanin Sam leh Tommy pawh L.A lamah rawn chen ve an tum.bawkin ka hria, oh, Tommy nen pawh khan thla hmasa khan hna thawhdun kan neih tak kha maw le."


"Aw, ka hria e, kei pawhin kha lamah hna thawh tur ka zawn ve a ngai ang."


Mak ti zet leh meng nur deuh nung hian min rawn en zauh a, "Han â? A ngailo ang, kha tah khan branch ka nei a, tah chuan i thawk ve thei nghal ang."



"Nilo ve, i puihna tello a hna hi thawh ve ka duh vang zawk a nia, he ka thiamna hmang hian mahni ngei a hna zawn ve ka duh." Ka ti nghal thuai a.


Thawk a la hawk a, "Ok, headstrong..... chu chu i duh dan a nih chuan le."


"Hmm, chu chu ka duh dan ngei a ni e."


"Kan inlam kan pan hma in, Rosie kha kan lam ah lawk a ngai ang, a nany bulah ka rawn hnut chhiah a. A nih loh pawhin hetah hian kan lo nghak thei tho bawk, an ni chu limo in a rawn lam ang a, tah chuan ṭhu lutin airport lam kan pan hlawm mai dawn nia, chu chu ṭha i ti zawk em?"


"Ok, i tih dan dan kha ka pawm vek e." Ka nui chhuak leh seih a.


Airport kan thlen hnu chuan Wesley private jet ah chuan kan chuang a, LA lama kan inthlen nan darkar ruk ngawt angai dawn zui, ka muhil.ta char char a, naute ṭe chuan min ti harh a, tho chhuakin mut tir leh tum chuan ka bei a, "Shh, mu leh rawh bawih te." Chutih lai tak chuan Wesley an phone a Melissa a be lai chu ka hria a, "Aw, Melissa min ring rawh, Eleanor chuan engmah hriat a nei ve lo."


"Khalamah khan engkim hawh fel sa vek tawh a ni em? A chhan chu kan chuanna flight hi reilo te hnu ah a ṭum tawh mai dawn a, company lamah rawn hmuh nghal che ka tum dawn nia."


"Melissa em ni?" Wesley an phone a biak hnu chuan ka ti ve a.


"Ka lam a rawn hawi a, a zam ve hmel kher mai, "I lo harh tawh a ni maw?"


"Melissa kha eng chung changah nge i biak?" Rosie pawm chung chuan Wesley ṭhutna lam chu kan pan phei a .

"I hriat tawh angin tunah chuan Tommy tan a thawk tawh a, chumi ah chuan kei nen pawh kan inbiak zeuh zeuh a ngai tawh ṭhin a lawm. Chuan eng emaw thil... ah ka pui ve bawk a."


"Ka â bik hauh lo, ka hming in sawi leh engmah hriat ka neihloh thu i sawi kha ka hre ve reng a lawm, Wesley chu thil chu eng nge? Ka hriatloh thil eng nge awm tih chu min hrilh ve rawh."



"Eleanor...." thawk a la hawk a.


"Okay, min hrilh leh suh, ka hriat ve chi a nilo a niang e."


Ka ṭhutna lam ka pan leh a, thlawhna a ṭum chiah Rosie pawm chung chuan ka chhuak nghal ta vat a, Wesley chu melh pawh ka melh chhin tawh lo hrim hrim, a zawn ka thlen laia a thaw ri deuh hawk chu ka hre reng, ka ngaihven zui duh ta lo.