TESPNAYA REAKSIYA LOST CHAPTER 11&12

TESPNAYA REAKSIYA LOST CHAPTER 11 & 12

A sei ṭha viau e, fakna milem awm kha hmetin second sawm lek nghah ve leh vek tum ang aw.



THE ROMANO MANSION...

LUCA...


Zing ka tho kawr pawh pawh ha lem lo chuan truck kekawr ka inthawlh tawp a, kitchen lamah ka chhuk thla zui nghal a, kawngkhar bul ka thlen a ka thil va hmuh chuan ka zing thawh ṭhat zawng zawng a ti chhe leh nghal vek, ka tum nghal bur, ka thil va hmuh chu ka duh lo kher mai, kan signorinna chuan ka thusawi pakhat te mah pawm a nei hauh lo zu nia.


Thinrim zet hian ka pa leh signorinna inbia chu ka thlir run reng a, an ni lah chu an la ti ti tui zui hrep leh ta nghal.


"Ka hrilh tawp ang che, Mr Romano, thil nuihzatthlak ber a nih ngei pawh ka ring." A nui chhuak hak hak a.


Ka pa pawh chu za fe hian a nui chhuak ve bawk a, an thusawi chu ka va hre hman chiah lem lo; lo hre hman pawh ni ta ang i la, ka nuih a zat ve pawh ka ring hrep lo.


Ka pa nui zo a nuihna a vanga a mittui a kut a hruk hul mawlh mawlh pah hian, "Tesoro, Giovanni ti in min ko dawn nia." A ti a .
Ka pa hian a mi nel tak te bulah chiah hetianga ko tur hian a ti ṭhin, chumi awmzia chu kan signorinna chu a ngaina tihna , hrep tak chuan leh.


"Luca nen a inhlim viau a ni tih ka hriat hian ka lawm khawp mai." Ka pa chuan a ti vei luam bawk a.



"A nelawm em a lawm."


"Luca hi a nelawm e i ti elo? I chiang chiah maw Tesoro, tuna i mipa sawi lai hi Luca chu a ni tak zet a maw?" Ka pa chuan mit zim deuh sun pah hian a bula ding hmeichhia chu chik zet a en in a thil tih lai chu a chawlh phah hial a .

Signorinna chu a nui chhuak leh hak hak .
He hmeichhia hian nelawm min ti a maw, oh hrep tak chuan, ka mawng a nih chu! Ka that duh hial zawk awm e.


Thu dang an sawi leh hma ngei chuan ka va inlan ve ta nghal a, chuti a nih loh zawngin, signorinna hian ka pa lakah chuan tuai ah te pawh min chhuah hial in nia ka rin ni, "Morning." Tih ve hmuk pahin no ka la chhuak a,  black coffee ka inthlit nghal bawk a .



"Good,moring Figlio." Ka pa chuan ti in, min nuih pah suk a.



Signorinna chuan a thil tihlai chu dahin min rawn kuah nghal chaih chaih a, ka bianga mi fawh sak zauh pah hian, "Babe good morning." Ka pa laka a thusawi te kha thu dik taka lantir tum a vang chuan a ti zui nghal a.

A rilru put hmang chu ka hriat chian em a vangin, ka haw ru hle bawk, he uipui hi ka that duh hial mai, hrep tak zet chuan...


"I pa nen breakfast kan lo siam dun a."

"Ka hmu reng a lawm." Ka thinrimna chu thup hram hram ka tum bawk.


"Figlio engtiang chiahin nge he bella donna hi i nuna a rawn luh ve reng reng tih pawh engvanga min hrilh ngailo nge i nih ?"



"Ka um...ka ...hrilh che chu ka...." sawi tur mai pawh ka hre lo, ka ṭawng buh deuh nuai mai, engvanga chhuanlam ṭha tak ngaihtuah chhuak theilo nge maw ka nih hrep le?


"Min zahpui vang maw le." Chu nu chuan a lo ti leh hmanhmawh. Ka haw kher mai, ka haw ngat ngat lutuk, ka luak te a ti chhuak hial mai, ka thinrimna erawh thup hram hram a ngai tih chu hriat ran ka ngai thung.


"Hey, ka zahpui vang che a ni lo. Dad nimin khan hrilh che ka tum mek a, mahse khatiang thil kha ka beisei loh lutukin a thleng chawp chilh leh ta si a, chuvang chuan i hnenah  sawina hun ka nei ta lo a ni e."


Ka pa chuan a khabe dawm.meuhin min rawn melh run run phawt a, ka thusawi chu a pawm hmel kher mai kan signorinna chimawm zeti hian thil dang a rawn sawi leh hma zawng kha chu, "Khawi hmunah mah min kalpui ngai lo a, a sawi dan chuan ka tibuai ṭhin a ti a." A rawn ti leh zauh pek a.


A thusawi chhuah hrep ho chu, f*ck me, ka kap zawt chak lutuk, thawk ka la hawk a, ka pa chuan ka lam chu lungawiloh hmel zet hian a rawn hawi a, "Zanin hian meeting kan nei dawn a, mahse chumi hma vawiin ni leng chhung zawng chu i free ang Figlio." Signorinna thusawi chuan ngaihven a hlawh hle tih ka hre nghal.



Kei erawh ka pa thu sawi chhuah leh chuan min ti tum zual sauh, "He i signorinna hi hruai chhuak la, lunch te va ei dun rawh u, inpahnihin hun thawl ṭha tak neiin inkawm hlimnan va hmang dun ang che u."


"Ka theilo ang, hnathawh tur dang ka ngah lutuk." Ka pa rawtna chu ka hnial chiang hle.



"Ka phût tlat che, Figlio, vawiin i duty chu keiman ka lo ti mai ang."



"Kan inhmuhkhawmna hmun te leh  kan inzawmna te pawh eng nge a an a, engtiangin nge kan kalpui zel tih ka hre duh hran pa ve hrim hrim." Ti in ka pa chu a kal sawn ta nghal a.


Ka pa in min kalsan hnu chuan signorinna zam hmel chu rum zet hian ka melh chhuk a, "Tunah pawnlamah kal nghal rawh."


Ka inher vut a, pawn lamah chuan ka chhuak ta nghal a, pawn kan siwming pool awmna hmunah chuan thinrim zet hian ka lo nghak run a, a rawn lang har hrep mai leh nghal, ka thin chuan a tuar dawn lo chiang a lawm, he nu in a min runluih zel dawn a nih ngat chuan.


Inchhung lam chu ka melh phei zawk a, a rawn lang ve ta hram e, chuti khawpa inchhuanna turin a taksa chu a mawi em em a zeng lah a ni lo a, a hmel pawh a ṭha teh lua hek lo, ka chunga induh na tur pakhat te mah a nei lo, chuvang chuan engtin emaw tak a ka tih ngei chu a ngai ngei ang.


Leh lam ka hawi leh nghut a, ka cigar chu ka kekawr ipte a ṭang chuan phawrh chhuakin ka ṭan ta nghal a, "Eng nge ni ta?" Ka hnunglam a ṭang chuan aw dam raih hian a rawn ti a.


Ka inher nghut a, a hmel chu ka melh chhuk run a, engmah ka sawi lo, ka mit ka meng zim pah sun bawk a, ka cigar zuk lai chauh chu ka ngaihven, "Kha ti khan meng nur vak vak zel suh, i chal kha a chuar hlen ang a, i duh lo viau mai tur a nia."


"Eng thil nge maw i ngaihtuah teh hrep le eh?"



"Kan pahniha relationship nei a lem chang tura min tih ang tak khan ka ti mai chauh ."



Ka pan hnai pah hrut a, "A bula awm tam lo tur khan ka hrilh hrep sa tawh che a ni lo vem ni? A bul a awm a breakfast te siam pui turin ka ti reng reng lo che."


"Khatin min ân khum vak vak zel suh, eng nge ti se min duh a?"



Ka nui chhuak hawk, a za hran lem lo khawp mai, "Ti tur a ka duh che nang hian min zawt a maw, ka duh chu kan hrilh ang che, ka life a ṭang hian chhuak la ka duh a, i kal chhuah hi ka duh, a chhan chu nang hian min tibuai zual hle bawk, chu chu i hria em?"


"Chuti a nih te chuan min pet chhuak  mai la ti nia, kei pawhin ka life ah hian ka mamawh vak bik hleinem che."



"Nang pawh khatianga a uchuak zeta i lan kha ka mamawh hrep bik lo."


Min chhan leh tuma a ân ziau lai chuan Isabella chuan min rawn kuah ta chawt a, "Mi sei mancata." A ti hliam hliam bawk. Kan unau zinga hmeichhe awmchhun kan duat em em Riccardo phir pui a ni a, Riccardo ai in a chhuah hmasak a vangin u zawk nihna a chang ta thung a ni.


"Kei pawhin ka ngai lutuk tawh che." Ti in ka chhang let ve nghal a, signorinna ka melhna ka mit erawh ka lak sawn phah chuang lo.



Isabella chu ka namsawn deuh hlek a, Signorinna nen chuan ka inhmelhriat tir nghal a, "Hei hi ka unaunu Isabella a nih hi!"



"Hi, kan inhmu chu ka lawm tak zet." A ban a phar chhuak pah zauh a.


"Ciao, chuan nang le?"


Isabella in a hming a zawh chuan hnuailam a melh nghal raih, ka lo chhan sak nghal vat a, "Isabella ka girlfriend a nih hi, chuan zawhna za chuang zet zawt turin tunah tak hi chuan a mood ah pawh ka awm rih lo,si?"



"I girlftiend maw?" A phu chiang lutuk, ni e, a tak a ka girlfriend chu a ni hauh lo, kei hian girlfriend ka nei ngai lo ang.


"Girlfriend i nei ngai si lo a, i dam ṭha chiah maw, i nuamsam manglo te hi a ni zawk hial lo maw?"


Ka menkual khum rulh, a ngai te bawkin zawhna chihran hran a zawt leh ṭan dawn ta.


"Ok, a tawk e, Isabella thil pakhat min tihsak ta che."



"Eng maw?" A hmela mak tihna chu a la reh chiah lo.


"Ka signorinna hi vawiin a lunch eina a ahak tur kawr lei turin i lo kal pui thei ang em?"


"Luca lunch eina a hak tur kawr mai mai te chu a mah pawhin a lei ve thei reng tih hi ka chiang lutuk tlat."


"Yeah, chutiang lam zawnga i ngaihtuah dawn a nih chuan a ṭha e, mahse he nu min tibuai em em tu hian lunch eina hmunah saruaka a kal mai a ngai dawn tihna a nih hrep chu."


"Chutiang i duh loh a thil danga min tih thinur belh zel i duh te a nih loh chuan lo va lei pui ringawt mai teh!"


An pahnih chuan min melh rum ngang mai, ka tum dan erawh tih tlang a awm tir ka duh.


Ka chal dawm khum ruih chung hian, "Lunch ei hun a la nilo bawk a, chumi hma chuan intur ka mamawh tak zet tawh." Ti a sawi in hmeichhe pahnih te chu ka kalsan ta nghal a.


ALEXANDRA....


"Khang zawng zawng kha eng nge a awmzia?" Luca kal tak hnu chuan a ti a .


"Sorry, i rawn kal hma lawk khan eng emaw thilah inhnialna kan lo nei a."


A nui chhuak nasa mai, tuna mi zawk hi a unaunu a nih chuan a hma a hmeichhe nalh zet ka hmuh kha tu nge ni ta ang, tuna mi hi chu Luca anglo takin a inchei dan a pangngai hle a, Riccardo ang mai a casual ngaina tak pawh a nih ka ring, a sam rawng chu a uk kharh a, a ngil hle bawk a, a dye te pawh a ni maithei, mahse an unau chu anmitmu rawng a in ang vek, rawng uk vek a ni a, chumai pawh nilo in an vun rawng mawlh chu a nalh lutuk tlat, "Luca relationship neih hi chu rangkachak ang maia hlu ni hialin ka hria." A nui chhuak leh hak hak a.



Ka lam chu a rawn melh leh ralh a, "Bet kan neih ngei angai dawn in ka hria, a chhan chu hetiang hian engtianga rei nge a awm theih chiah ang tih ah hian, a ni hi chuan nun zalen tak a awm hi a duh dan a ni miau si a."


Ka nui chhuak ve hak hak a, a unaupa relationship nei ta thut chuan a ṭhawng hle ni hian ka hria, mak pawh ka ti zawk, Luca chuan ngaihzawng a la nei ngai miah lo tihna a ni ngei ang a, mahse a duh chuan hmeichhe tih vel chu a thiam ngawt ang.


"Ok, insiam ṭan ila, i thawmhnaw lei tur chuan kan in peih fel vat a ngai in ka hria....."


"Chuan i hming kha ka la hre miah lo a, pawi i tih lem loh chuan."



Ka ngaihtuah deuh vang vang a, ka hming a tan a han sawi mai tur lah ka hre hek lo, ka film en ṭhin a a changtu nu hming chu a rawn lang zawk. "Em a ni mai."


"Em â?"


"Emma a nia, Em ti hian min ko mai ṭhin a." Ka ti ta ringawt a.



"Ok, Emma, kan insiam ṭan tawh dawn em ni ang?"


Ka buk khum nghat nghat hnu chuan inchhung lamah kan inzui lut dun ta a, ka room lama insiam tura Bella ka hruai luh chuan mak a tih hmel hle a, "Engvanga heta awm nge i nih?"


A thusawi chu ka hre thiam hauh lo, "Eng nge i sawi awm zia?"


"Luca room lamah i riak velo em ni? A room chu mi panga chen na a tan pawh a tawk viau si a."

"Uhh, heta awm hi ka duh zawk a, mahse zan tin deuh thaw chu Luca room lamah ka riak ṭhin tho a lawm."

"Ka hrethiam e."


"A mah a ṭang a tlanbo theihna tur chu awm se, ka ti ngei ngei ang, a chang hi chuan a ti deuh ṭhin mah mah hian ka hre ṭhin."



A nui chhuak hak hak a.


"Uhh, i ngaihdan chu ka hriatthiam pui khawp mai che."


"A nih leh, a closet a alut hi i hmu ṭhin tawh em?"


"Ka hrethiam hauh lo." Ka meng nur deuh nang a.


"I ti tak tak em, mipa pakhat chauhin a thawmhnaw inbel tur khi ti zo zai a mamawh thei ang tih pawh hi rinngaihna ka nei ngai lo."


"Ka hria a lawm, a âtthlak viau ti raw?" Luca chuan thawmhnaw eng ang zah nge a neih ang tih chu ka la hmu hauh lo a, chu chu thuhran ni se, a room chhung tehlam pawh ka la hmuhsak lo.



"Ka hrilh tawp ang che, he pa hian thawmhnaw leh car baka atchilh a nei lo ang tih ka chiang."


"Car a duh viau bawk a maw?"


A phu deuh zawk, "A car neih ho pawh i la hmu lo tihna maw ni a?"


"Ka hmu ti a ka sawi theih chiah ka ring lo." Nuamlo ti zet hian ka ti chhuak sap a, a chhan pawh ka boyfriend ni ve si a chung chang engmah hriat ka neihloh a vang chuan a awm ang lo deuh hlek a lawm.



"Ka pa sawi dan phei chuan Luca hian a car duh zawng pakhat te pawh a lei hmaih a nih chuan a thin a rim nghal ringawt zel a ti a sin."


Ka lo nui nasa mai a, "Chu chauh pawh a ni hleinem, an tan garage a bik takin an nei bawk a nia."


Ka thawmhnaw ka thlak zawh hnu chuan Bella nen chuan kan in zui chhuak a. Ti ti chung zelin kan awmna hmun a ṭanga hla vaklo a thawmhnaw zawrhna awmah chuan min luh pui a, "Eng pawh ni se, Luca nen a lunch in ei dun na tur thawmhnaw chu i han thlang chhuak phawt teh ang." Thawmhnaw chu a keu lawr ṭan ta a.


"Sawta saw thawmhnaw pathum i tan ka dah chhuak a, i duh ber va ha rawh."


Ka boyfriend tak tak pawh nilo tan a ni bawk a, engpawh mai chu a dik vek ang, mahse thawmhnaw taksa lang tam thei zet ang chi kha chu a tih chi vak tawh lo ang, Isabella thawmhnaw dah khawm zinga a chung ber lak awlsam tak chu la in trail room lam ka pan pui a, chu thawmhnaw ka ha zo darthlalang hma a ka in en chu ka phu deuh zawk, kawrfual a ni a, ka mal te thleng ṭawng ṭawng chauh leh bahna pakhatmah neilo a ni tlat, hetiang ka hak te chuan Luca thin ka ti ur leh ngei ngei ang.


Chu kawr nen chuan Isabella lo dinna lam chu ka pan phei a, min lo hmu chiah a nui var var, "Wow, i inhmeh lutuk, a nalh tak zet."


"I lang hot lutuk a nia aw."



"A chung lam pang hi rinai in taksa a lang tam mah mah i ti ve lo maw?" Chiang ngam chiah lo deuh hian ka zawt sap.


"Tiang thawmhnaw te chu Luca duh zawng a ni dawn em ni?" Ka tih zawm leh nghal a.



A nui nasa mai, "Luca duh loh ber zawk chu he thawmhnaw ha a mipa dangin mit tla lek lek a an en che kha a duh lo zawk ang."



Ka nui zui ve mai a, chutiang chu a ni dawn em ni le, tih erawh ka ngaihtuah. "Chutiang a nih dawn chuan kan ha a niang chu."


"I langṭha lutuk a nia."


"Luca in a duh ang tih i chiang chiah maw?"



"A duh ngawt ang, min ring rawh, ka unaupa te chu ka hre chiang lutuk."



Ka bing deuh mup mup, "Engmaw?"


"Ka unaupa a ni a, ka hre chiang tih ka sawi a nia."

Ka lu a rawn hai a, a na ngut ngut bawk, ka khaw hmuh a fiah lo vek bawk a, thil eng emaw hre than hian ka inhria, "Hey khawvel a ka unaupa duh ber."



"Khawvel pumpui a ka unaupa duh ber." Chu thil ka sawi chu ka hre chhuak nawn a, chu thil chu ka sawi tawh chiang lutuk, mahse khawiah nge ni a, eng hmunah nge tih ka hre thei lo, ka lu chu nat namen loh hian a nat tluk tluk bawk a vang chuan ka kutin ka dawm pah vang vang a, "I ṭha maw?"


Thawk ka la halh, ka thil ngaihtuah chhuah chu ka ngaihtuah zawm duh ta lo a, ka luna pawh a ziaawm nghal, thawk ka la pah halh a.

"Sorry, lu nat zeuh zeuh ka ching a, tun mai khan a rawn chhuak deuh thut a lawm maw le."


"Luca min rawn hruai turin ka ti dawn mi niang, car hi ka la khalh zei chiah lo a, chumi vang te chu a ni mai lo maw?" Inthlahrun hmel zet hian a ti a.


"Nilo, nilo, hei chu a ni ve hrim hrim ṭhin a lawm, tunah chuan a dam leh tawh e." Ka ti nghal sawk sawk.


"I chiang takzet maw?"


"Chiang mah mah." Ka nuih zui sak.


"Ok, a nih chuan helai bul maiah hian sam siamna leh hmai cheina hmun a awm a, tah chuan i sam kha kan siam leh lawk anga kan haw tawh mai dawn nia."


Kan inzui chhuak ta nghal a.

LUCA.....

Warehouse lama ka office chhungah chuan ka awm ta reng a, lunch ei lam kha chu ka rilruah a lang leh tawh hauh lo, chu ai chuan ka hna lamah ka buai fe zawk.


"Hetiang hian tunge maw dah hrep ṭhin le, ka thil mamawh pawh ka hmu thei hleinem." Ti a phun nung nung chung chuan kan lehkha tiang khawm ur ho chu ka hai kual chiam a.


Ka office chhung coach a ka pa ngawi reng a ṭhu ve run chuan thawk a la ri hawk, "Figlio inbengdai ve teh, kha ai chuan i signorinna kha lunch ei tur chuan hruai chhuak tawh zawk rawh."


"Lo ngawi rih teh dad, ka inpeihfel hunah chuan ka la hruai chhuak em em ang." Ka ti hlur a.


He ka thluak tibuai tu hi ka hmu ngailo a nih chuan a la hma viau tihna ani ang.




"Luca biak lawk che ka duh." Dante chu a rawn lang ve nghal a.



"Nang chauh nilo midang pawhin an duh vek a ni lo'm ni."



"Khawiah nge maw ka phone pawh hi a awm hrep chu le?"



"LUCA." Dante chuan a ti chhuak hrawih.


A lam chu hawiin ka inher nghal vut a, rum mangkheng hian ka melh ta run a, a ni chuan thawk a la ri hawk.



"What Dante, eng thil pawimawh nge maw i neih leh hrep tak chu le?"



"Um... Bronze Dragons ho ka hmu a."

"Hetah Sicily ah hian..."


"Eng chung chang nge maw i sawi hrep le?"


Ka pa chu a ṭhutna ṭang hian a rawn tho chhuak a, "Calm down Luca, hei hi i beih tur nilo keima beih tur zawk a nih hi!"


"Engvang hrep chuan nge ka theihloh hrep ang a? Ka patea that tu te an nih hi!"

"I patea kha mifel tak a nilo tih pawh i hriat ve reng kha, thi tlak a nih vang emaw a phu vang hrim hrim pawh a ni maithei a sin."


Dante chuan engvanga ka pa hriat tura rawn sawi chhuak nge maw a nih le, a lam chu rum zet hian ka melh a,  a lam chu hawi lehin, "An mah ni an ni tih i chiang maw?" Ka ti nawn leh ngat.



A bu nghut nghut, "Aw, Bailey leh a pawl zinga mi pahnih in an rawn zui ngei a lawm."


"A pa nge ni a a fapa zawk?"


"An boss ber Bailey a ni tih ka chiang."


"A nih chuan a rawn hruai te zinga pakhat chu Detroit Brown a nih ngei dawn chu, a under boss tello in boss ber chu khawiah mah a kal hauh lo ang."  Tih pah chuan ka sam chu ka tuai chho pah pawk a.


"Ngun deuhin ka thusawi hi ngaithla rawh Luca, Bronze Dragons nen a indona i ti chhuak anih vaih chuan ka under boss i nihna a ṭang hian ka paihthla nghal ang che. Chuan capo nihna title ka pek che pawh hi ka hlip nghal bawk ang, chuti khawp chuan Bronze Dragons hi inbeih pui lo la ka duh, i patea that tu pawh nirawh se, a ni khan zirlo tihna a ni mai, Bronze Dragons ho hi ka hre chiang a, an kawng dal tu leh an pawisawi tu nilo chu an khawih ngai miah lo a nia, chu chu hre reng ang che." Ka pa chuan a rawn ti chhuak a.



A lam chu mak ti tak leh thinrim ṭun chung chuan ka hawi phei zawk a, "Eng thil nge maw i ngaihtuah tih pawh hi ka hre hrep lo ve."



"Figlio ka lakah i ṭawngkam hman dan kha fimkhur hle ang che. He hmuna boss ber hi ka la ni reng a nia."


"Chuan i patea thihna ah khan phuba la duh ni ila chuan khang kum 20 hma lam khan ka ti daih tawh ang."


"A nih leh nimina kan mansion a thil thleng te kha an mahni an ni lo ang tih kan sawi thei bik em ni? An mahni pawh an lo ni reng thei a sin, eng nge chumi chung changah chuan hriat i neih?"


"Ka hre lo le, mahse ka lo ngaihven dawn nia, chuan heihi hria la ka duh, nang ni lo in keima buaina zawk a ni tih hi."


Ka menkual khum rulh a, "Ok, i duh dan ang chuan ti mawlh ang che."


Ka inher vut a, "Dante, nang pawh hre rawh, Luca hian thil atthlak zet a tih lohna turin veng ang che."


Ka in her leh zawk, "Naupang chhia ka ni tawh lo a, min awm tu pawh ka mamawh bawk hek lo."


"Dante ka thusawi chu i hria maw?"


"Yes boss."


"Cazzo." Ka chhuahsan ta daih a.



Thinrim zetin inlam pan chuan chak zet hian ka inkhalh chhuak a, in zawn ka thlen chuan ka car ka break ri tuar, ka car chu park ṭhat pawh ka peih lo, inchhungah lutin living room lamah chuan ka vei tawn sek a, ka thinrimna so bawrh bawrh chu bengdaih tum zet hian thawk ka la pah kawk kawk bawk, he Trey f*ucking Bailey hian ka ngaihtuahna zawng zawng a tibuai nuai vek mai. Eng thil hrep chuan nge Sicily rawn hruai thleng ta?


Please God, he signorinna hi lunch eina a hmuna ka thahloh hramna turin min pui dawn nia.


Bella te ṭawng thawm ka hriat chuan a hun tawh tak zet e, ti chung chuan thawk ka la huai a, aw rawn chhuahna lam ah chuan ka phei zui ta nghal a, signorinna chu rum zeta melh chung hian an hma ah chuan ka ding run a, a ni chu a zam hmel kher mai, "I inpeih tawh maw?" Ka ti nghal hrawih.



"Bro, eng nge i ngaidan le, Emma hi a langṭha i ti ve viau lo maw?" Isabella chu a nui pah var var a.


Emma â ni? Eng hming nge ni ta hrep?


"A lan ṭhat hrep kha le, kal ang, nileng hun ka nei lo." Ka ti nghal hmuk, nghah khawmuan buai pawh tum lo chuan car lam ka hman nghal nal nal.


"Engah mah ngai duh suh, i thawmhnaw hak kha i inhmeh lutuk, ka u nih dan ve reng a nih kha." Ti a Issabella thusawi ka hriat chuan ka ding deuh chawt.


Signorinna chu a ṭawng chhuak ve a, "Ngaihtuah duh suh honey, ka tuar thei viau a nia." An nui chhuak dun hak hak a.


F*ck my *ss a nih mai chu, ka car lam ka pan nghal nal nal.


Rei pawh ka ṭhu hman lo ang, a rawn lut ve nghal a, "Khawi lamah nge min hruai i tum deuh?"


A lam chu ka hawi a, "Thil pakhat ti teh ang, rulse number one, kan pahnih a kan awm dun hian zawhna min zawt vak vak zel suh ang che, number two zawhna inzawh chiam chiam.hi ka ngaithei vak lo, a hmun kan thlen hunah i hre mai ang, chuan mi hi be buai reng lo turin i hmui kha chip hmak la, kan pahnih tan pawh a ṭhat ka ring."


Chu thu ka sawi zawh hnu chuan kan ngawi dun ta vang vang a, hmeichhe dang ka hruaina ṭhin hotel chang kang tak tak 5 star chin bak ka hriat loh a vang chuan chumi zinga pakhat hnai ber chu ka pan pui ta tawp a, boring ka ti kher mai, ei tur tui hnai zet zet chu ka order ve takna a chu ka mut a ti chhuak mah, kan la inbe chuang hauh lo, chu chu ka duh dan a ni miau a, lunch kan ei zawh hnu chuan a phun chhuak sap a, "Lunch min ei pui a vangin ka lawm e."



"Min hriat tir kher a ngai lo ang ."



"Engvanga thinrim reng ṭhin nge i nih?"


"Ka rindanin hetiang thil ho lam mai mai a tan hian hun ka neihloh vang te pawh a ni thei bawk, si?"



Thawk lak halh pahin hnuai lam chu a melh raih a, a,mittui far thla ta fap fap chu ka hmu nghal, ka thaw pah hawk, "Ka ân khum vak vak che a vang khan pawi ka ti lutuk, ka buai lutuk a, chuvang chuan a lawm." Aw,dam deuh zawk chuan ka ti leh a .


A mittui chu a hru zauh a, "Eng lam pangah nge i buai a?"


"Hna ah."


"Eng hna nge i thawh ṭhin a?"


"A pawimawh ber lo."


"A pawimawh vaklo a nih chuan engvanga buaipui em em nge i nih si a?"


"Ka buai a ni tawp mai."

"Mahse engvangin?"


Zawhna a ngah leh ta mah mah, ka incontrol leh thei tawh lo, "Cazzo i ngawi ve hle hle theilo em ni eh?"



"Kan ei zo tawh a nih chuan kir leh nghal.ka ngai, lokal rawh le." Kan eina bill ka hnut chhiah hnu chuan ka ding chhuak nghal a.



"Kei chu helai velah hian ka awm khawmuang dawn emaw ni ka lo ti a sin, beach a te kal in hlim taka awm rih ka duh."

"Ngaithla teh Amore, i games hi ka khel peih hauh lo, mipa buai tak ka nih hi!"


"Games engmah ka khel lo."


"Chuan nangpawhin he hmun a mi lenkual pui a min fankual pui ngei pawh ka ring, beach ah kal in sunbath te kan ti ang a, sand castle te kan siam bawk ang a, a nuam ngawt ang." Hmel hlim sarh hian a ti a.


A va naupanchhiat thlak ve le, Luca Romano a hnuai a mi te pawhin a an hlauh em.em ṭhin leh an nel em em loh ro rum zet mai silai nena infiam ṭhin chu tuipui kamah ṭiauvut hmang a infiamin castle te a sa ang a maw, a nuihzatthlak loh kher mai, chutiang ti tur chuan ka mumang lamah pawh ka la ngaihtuah chhin ngai lo hrim hrim.


A mah erawh chu he signorinna hi swimsuit nen keima mit hmuh ah chiah a awm tur chuan kawng leh lamah min ti phur viau mai, a taksa nalh tak zen zaih mai siwmsuit ha a nisa hnuai a a han mu ar ar tur ngaih tuahna chuan ka khat liam a, ka mengkual rulh what the f*ck Luca, khatiang thil kha i ngaihtuah ngai em ni, hmeichhia leh zawhte chu ang khatah i ngaih ṭhin kha.



"No sorry." Ka ti ta hmuk a.


"Ok, min ṭanpui i duh ni in ka lo ngai a."


"Eng nge chu chu a awmzia." Ka melhrum leh tawh kher mai.


"Hun reilo te chhung chu min hruai chhuak in min vahkual pui theila kati. Chu chuan ka hriatna neih let leh chung changah pawh min puih theih ngei ka ring."



"Ok, chutiang lam zawng a nih chuan a ṭha a lawm." Ka ti ve ta sup a .

"I ti tak tak em ni?" A mitmeng chu a hlim nghal siah, a de nghal sar sar bawk.


"Ok, i hmui kha i chip thei a nih ngat chuan thil eng pawh tih kan tum a niang chu."


Ka melh chhuk rulh a, "Come on, trouble, beach ah chuan kal ang hmiang." Ka inher vut a, ka kalsan nghal daih.


"Hey, trouble chu ka ni kher lo aw." Ka nui ve suk, ka hawi let tawh chuang lem lo.


Ka private beach lamah ka hruai a, chuta hruai chu ka tan pawh a ṭha ber bawk.


Reilo teah beach chu kan thleng thuai a, car a ṭanga a chhuk chiah, a,mit a lenkual ruai a, "A nalh lutuk ringawt." A pheikhawk bun chu a phelh sawk sawk a,Tuipui lam pan chuan a tlan phei ta mai a, muang chang hian a hnungah ka zui phei ve a, a pian a hnu lama tuipui la hmu ngailo ang mai chuan a en ngawih ngawih, a hawi deuh vang vang hnu chuan, "Mi dang ho hi khawiah nge an awm veka?"



"Tu midang maw, ka hre thiam hauh lo?"


"Beach hi thlaler ramro ang mai a tumah an awmloh chhan hi maw le."


"Private beach a nihvang a nih hi!" Tih sup pahin ka inher a, khi a hnung a mi khi ka villa a ni a, chu vang chuan he hmun hi mimal ta tihna a nih chu!"


"Wow, private beach a awm ngai tih pawh ka lo hre ve hleinem."


"Tunah chuan i hriat tawh ngei ka beisei."


"Ka la hre ngai chuang hauh lo, mahse ka hre ve tawh turah ngai ang."


"Ka ringhlel lo ve."


Tui puilama thli thaw in a sam buang uk lam pang ngil siau mai a rawn chhem chet hlap hlap chu ngaitheilo in a bengah chuan a zep a, "I duh chuan ka villa lamah kir lehin swimsuit i inbel thei reng a nia."


"Nah, swimsuit hmeichhia ka ni chiah lo."

Ka mengkual rulh, ka thil hmuh chak ber chu a inthuam duhna a ni ta hauh lo, ka hmelah erawh lanchhuahtir loh hram ka tum thung, "A nih leh engvangin nge beach ah hian i kal si?"



"Kei chu saruaka tui cheng ṭhin ka nia."


"Uhh, chu zawng chu maw nangma chung changa i la hriat reng awmchhun chu, a ni em?"


"Nilo ve, mahse ka la hre chhawmzel turah ka ngai tlat, tian ka thil chak a piang ka ti zel ang a, chu chuan min pui theih ngei ka beisei, tunah tak hi tu nge ka nih chiah pawh ka la hre thei lo."


A nui sak a, "Tunah tak hi chuan chick pakhat ve mai, hming pawh neilo ka ni a, chumi chhung chuan thil âtthlak deuh deuh ti a hlim taka awm hi ka phu ve in i hre lo maw?"


Ka rum chhuak nghut, "Chutianga thil atthlak zet zet i tih chuan man i tawk mailo ang maw?"


"Ka ring." A mit chu min siai khum zauh a, a thawmhnaw chu a phelh ta mai a, a tih ngam tak tak ringlo tu ka nih a vangin ka mengphawk nasa mai, "Cazzo." Ka ti chhuak hruih.


A taksa nalh zet chu ka en lo thei lo, khawdang ka hawiphal lo hrim hrim, chutiang khawp a hmeichhe saruak nalh ti taka en a mitkhapna chang hre lo a ka awm pawh ka hre ngai hrep lo ve.


Tui lamah chuan tlanin a dive lut ta pawp a, "Come on big baby." Ti te chuan min rawn la au zui.


He nu hi a â deuh chu a ni mai lo maw?

"Come on Luca."


Noway, saruak chuan ka lut ve thei lo ang, ka luck ah a tlak hlauh chuan a chiloh viau ang, tu emaw camera keng ten min lo hmu fuh ta ang se, Capo bastone ve meuh an chanchin bu hma lam lang sar tak a saruak thlalak a chuang kulh a naktuka kan hmu nih ngat chuan ....


Ka ngaihtuah thui ngam lo, ka pa chu a lawm viau ang.



Ka thawmhnaw chu ka phelh ve mawlh mawlh a, ka boxer erawh ka phelh lo thung! Tui chhunga ka luh ve hnu chuan min lo nuih rah rah a, "Kei ang pitar tawh bulah big bad Luca hian saruak a awm a hlau chu a nia."



"Nilo e, Big bad Luca hian saruak a a awm lai canera a an hmeh sak palh a hlau zawk a ni e." Ka ti ket ve sup .

A nui nasa mai, "Amore  nuihzathlak a a awm a mi?"


"Aw, i hmel kha."

A nui nasa zual sauh, ka nuih a za ve lek lek, chutiang khawp a ka hmel a hlimpui a nih chuan, ka pan hnai nghal a, "Luca kha lam pang tih kha chu ngaihtuah hlek suh." A aw hriam hraih chuan min ti harh zawk! Eng ti tih a pan hnai ringawt nge maw ka nih hrep le?


"Amore tunah chuan i huaisenna te kha a bo zo leh tawh elo?"


Ka pawm kang thut, a tal nasa ngang mai, "Luca min dah thla leh vat rawh." A au chiam chiam a, ka hrelo der tlat, a taksa nem tak nal han mai chu khawih reng chakna ka nei thut, ka awm a bei tur chuan ka pawm hnai nghal zat, ka taksa leh a taksa an hi si chiah chu tih danglam in ka awm chiang kher mai, chu nu taksa te reuh chuan min hip tlat!


Thawk ka la kawk a, "Luca min dahthla rang rawh."


"Ok." Ka thlauh pawp.


A in ring lo chu tuiah a pil nghal bawrh a , a rawn dak chhuak leh chu a khuh barh barh nasa zet hian ka nui ve ta a, kum engzah chhung chiah nge chutiang chuan ka nuih tawh loh ang tih pawh ka hre lo, engtik lai pawh a thutak run reng ka ni si a.


"Hey, i tenawm hle mai, tuiah hian ka pil thei a sin."


Huat hmel zet hian min melh ram ram a, ka nuih a za sauh, "Im sorry Amore." A biangah chuan ka zu fawh sak zauh a.


Mak a tih hmel kher mai keipawhin ka awm dan chu ka hrethiam bik lo,  he nu hian ka pa bula a sawi ang tak mipa belawm zet kha ka ang ta tlat, chitiang a min tih theih dan chu a ni hian a thiam tlat, ni e, a bulah hi chuan ka thutak run thei lo.



TREY.....


Kan pathum chuan Alex car khalh an track na hmun lam pan chuan kan tlan mek a, a hlat tawh em a vang chuan ka dawhtheihlohna in a tlin lo leh ṭep tawh, "Kawng dikah kan kalin i ring chiah maw?" Rinhlelh zet hian Detroit chu ka zawt a.



"Aw, car neitu in a tracking a tih a a hmuh dan chu a nia lawm."


"Chu car rental neitu chuan dawt min hrilh anih vaih chuan  ka that chiang viau ang maw le." Tiin ka phun nung nung reng a.


"Trey inbengdaih tum ve teh, he track infomation kan neih hi a diklo a nih ngat chuan keimah zawkin ka kap hlum ngei dawn nia."


"Kan va thleng ang a, engmah hmuh tur a awm lo a nih vaih zawngin, keimah ngeiin ka duh dan takin ka ti zawk ngei ang." Ti a ka sawi leh kher a vang chuan min men kual khum rulh, "Aw le, car awmna location chu kan hma a veilam penah sawn a nia." Detroit chuan tiin car ngawi reng a khalh tu Hunter chu veilam kawng ah zawk peng tur chuan a hrilh a.


Kan kalna hmun chu car chhe ho paihna hmun hi a lo ni a, thawk ka la hawk, "WTF Detroit?" Rum.zet hian ka melh khur a.


"Tracker in a sawi dan chuan car awmna hmun chu helai hi ti miau hek."



"A nih khawnge?" Ka thinrim lutuk ka insum hram hram.


"Khi a chunglam a khi."



"What the...." Hunter chuan chunglam a hawi chhoh chuan a ti nghal ṭhawt.



"Man ka hrethiam bik tawh lo." Detroit chuan a ti chhuak ruih.


"Detroit hetah hian khawlla ang tluk ah chauh ka innghat in ka hria." Oa tih khum.hrawih.


."Trey eng nge ka hrilh ang che tih pawh hi ka hrethiam biklo tak zet zet."


"A car chu khi a chunga mi ngei khi a ni si a."


"He hmun bawlhhlawh zet neitu hi min rawn zawn sak vat mai rawh." Ka thin tuar lo chuan Detroit chu ka vin mghal hrawk.


"Mi tu emaw ka thahlohna turin Pathianin min pui hram teh se." Ja beidWng lutuk chu awm ngaihna pawh ka hre tawh lo, ka ngaihtuahna lah ka hmang theih tawh hek lo.


"Hunter, kal la , midang tu emaw biak tur an awm em va en thli thlai rawh." Detroit chuan a ti ve sup, Hunter chu rang zet hian a che chhuak nghal thuai a, kan bula awm reng ai chuan a thlang zawk ngei ang le.


Chu hmuna hnathawk pakhat thu hmel ve tak hi a rawn hruai a, "Eng nge buaina in nei deuh em ni?"


Ka pan hnai nghal hrut, "Chutiang zawng pawh chuan i sawi thei ang."


"Enteh kan hnunglam panga car pakhat chung lama i dah khi tu rawn dah nge a nih leh khawi a ṭanga i hmuh nge min heilh thei em?"


"Emgvangin nge ka hrilh rikmgawt che u a nga, chumi ah chuan eng nge buaina awm?"



"Hmela ....." Detroit chuan min lo dang nghal vat, "Tu rawn dah nge kan hre duh."



"Hei chu ka sawi chhuak theilo ang, kei ni ho hian hetiang thil hi kan zep tlat ṭhin, a chhan chu an car rawn dah ho te hi a ṭhen chu la ṭha tak tak vek a ni a, tih chhiat lam aiamah in kan chei ṭha deuh a, man tlawm zawk a kan hralh chhuah leh hi a tam zawk mah, chuvang chuan ka hrilh theih kher che u ka ring lo."


"Hunter." Ka ti nghal ṭhawt.


Hunter chu a che chhuak vat a, chupa chu silai a tin run.pah hian, "A nih leh he zawhna hi i chhang duh zawk tihna mi?"




Chu pa ina silai hmel a hmuh chuan a dawih nghal zul zul a, "Ok, calm down."


"Ok, ṭha takin aw ni ang, ka zawt nawn leh ang che, he car hi tunge rawn dah?"



"Ka hre mai lo, kan CCTV lam a ka en leh loh phei chuan tunge tih pawh ka hre tawh lo." A ti chul a.


"A nih chuan a awlsam lam zawng zelin aw, kan za vai hian CCTV chu i va en vek ang u." Ka tih laia ka mit meng chu hlauhhmel zet hian a en a.


"Ka theih ang tawk a puih che u ka tum ang, mahse khawngaih takin ka nunna chu min lak sak lo hram rawh u." A ti khur dur dur a, ka nui sul duh chauh.




"Chutianga ṭha te te a i ti dawn a nih chuan a lawm awm ngawt ang, keini pawhin duhlo chung chung a tual kan thah a ngai dawn lo tihna a nih chu i kal ang u le, pu a nangin hma hruai ta che."


Chu pa chuan CCTV a dahna lam chu min pan pui a, chumi ni a car an rawn dah chu kan en ta hlawm a, ka mi hriat ngai a ni hauh lo mai, mipa tleirawl te hi a ni nghe nghe a, kan hmelma lah a ni hek lo. A in chei duh dan en chuan tleirawl hawk lak pawisa mamawh tak in a kal kawnga car awm tawp helai hmuna rawn hralh tum hi a ang ber, chu car lah chu a la ṭha vek bawk si a, eng nge a chhan ka hre thiam ta hauh lo.


Chu tleirawl pa tih chu a ni lo chiang ang, "Tu nge le?"



"Ka hre lo, mahse ka hmuh hnu ni chuan ka hria."



A lam chu ka hawi nghal zawk, rum lutuk a melh khurin, "Thih i duh tihna mi?" Ka ti vawt ruih a.



A khur leh titih nghal der, "Duhlo, tunge a nih ka hre lo tak tak, mahse ka zawng chhuak thei ngei ang."


"Aw le, hei hi lastwarning ah pawm hmiah rawh, naktuk zing chhung zawng chauh hun i nei."



"Naktuk zingkar chhung ngei a he car rawn dah tu hming leh address hi i lo nei hman lo a nih chuan, ka that nghal ang che."



"Ok , ok, ka hria e, naktuk zingah chuan ka lo neo hman ngei ngei ang."


"Min bum te kha ngaihtuah miah suh ang che, ka hrilh dawt ang che, tumah hian min bum ngam ngailo a nia." Ti a ka sawi hnu in kan pathum chuan chu hmun chu kan chhuahsan leh ta a.