TESPNAYA REAKSIYA LOST CHAPTER 10
Fakna milem awm.kha hmetin second sawm vel tal kan nghak leh vek dawn nia.
LUCA...
"Luca harh rawh."
"LUCA."
"WTF Dante, hrep tak chuan i vawikhat min kohna kha ka hria e." Tho phang zet hian ka ti bak hluk.
"Giovanni pawh tun a ṭanga minute reilo te hnuah a lo thleng tawh mai dawn a, i lo thawh chhuah sa tawh a ngai ang."
Ka pa hming a sawi chuan peihlo zet hian ka thawh chhuah phah a, "Eng hun nge ni tawh?"
"I thawh hun maw le."
Nizan lamah intur ka lem hnem deuh em a vanga thawh hrelo ka ni tih ka hrethiam mai, ka bula tui bottle inchhawp sa chu a chhin ka hawng a, ka dang a ro huam huam a vang chuan ka innghal khawlh khawlh, chumi hnu chuan ka ding chhuak a, Dante chu a dan pangngai ang chiahin suit nen a lo inthuam leh ap hman tawh.
"Nizana ka thusawi chung chang kha i lo ngaihtuah ve hrim hrim em?"
"Yeah, mahse a thlen phah chuang lo ang." Ti a ngaihsam zet a chhangin ka kut ka phar chhuak nghal duai a.
Dante chuan min rawn pan hnai nghal a, hnai set sawt takah hian mi rawn en in, "Luca eng nge buaina awm? He nu hi hriat pawh kan hre lo a nih hi!"
"Lo hre ta pawh ni ila ka ngaihven hrep lo, chhan sawi tur awm si lo a he signorita hi kan that a nih chuan pangngai takin ka awm theih phah ka in ring lo, ka dam chhung zawngin ka inthiamlo tawh ang."
"A hma te kha chuan i ngaihven loh teh reng nen, chhia leh ṭha hriatna lamah hian i puitling ta thut nge ni a, thildang vang zawk?" Mak tih hmel zet hian min en bawk a.
"Chhan awmlo a thah chung chang ka sawi chu mawle aw Dante, he hmeichhia hi that turin kan chungah engmah thil tihsual a nei lo, keini zawk hian a pawi kan sawi zawk a ni tih te hi hre ve hrep ta che." Ti in ka ṭawng khum hrawih.
Engmah a sawi leh tawh lo a, mahse min melh vung vung thung, kei pawh ka ngawi hmak bawk, chutia rei vaklo chhung kan din dun reng hnu chuan a mah zawk chu ṭawng chhuak ah a ṭang leh ta a, "A nih tunah eng nge ni zel dawn?"
"Ka hre bik lo." Ka kut ṭang chuan ka hmui ka khawng deuh kauh kauh a, thil ṭha tak chu ka ngaihtuah chhuah ngei a ngai ang.
"Helai hmuna Giovanni a awm ve chhung chuan dinhmun hniam takah kan dah theilo tih pawh i hriat kha."
"Yeah, ka hria a lawm, mipa ho in an tana fresh meat an hmu a nih ngat chuan an mamawh nghal dawn a."
"Mahse a ni hi chu khawih ve thiang a nilo ti a kan vau lawk chuan an ti chuang hauh lo ang."
"Nilo." Ka aw ka thian hruih a, "Mipa ho chuan ti ti naah an sawi lang ngei ngei dawn, chung an ti ti na aṭanga ka pa in a hriat chhuah chu ka duh hauh lo."
"A nih leh Riccardo hmeichhe kawp lai angin kan lantir mai dawn em ni ang?" A tihngaihna hre biklo chuan a khabe a dawm.deuh run run pah a.
Ka nui chhuak hawk, "Oh yeah, ka pa duh zawng tak a ni ngei ang, a fapa kum 18 mi chu a aia upa signorina in a veh thlem vel a vangin a zunah a uaitir dawn a nia."
"He nu hi kum engzah nge a nih tawh i rin?"
"A lo berah pawh kum 20 tal chu a tling tawh ngei ang."
"Ngaithla teh Dante, nangma girlfriend angin kan sawi thei reng a nia, a rem chang hle bawk, tiang chuan kan ti mai dawn em niang?!
A phu deuh zawk, "Noway Luca, he nu hian min huat zia kha i hre lo'm ni, kei lahin ka lo ngaina vak em em lo bawk nen, kan lemchan tur chu ṭha taka kan tih dun theuh pawh ka ring lo."
"Nang zawk hi, midang i nei te a nih loh chuan...."
"Kha chu sawi hauh suh Dante."
"Oh, come on, nang chu a duh sa che a, a ngaina nghal sa che a nih kha, i tan pawh a awlsam ngawt bawkin ka ring ."
"Not a f*ck chance, ka girl friend ni turin lem ka chantir ang a maw, a teuh lo mai."
"Chu lo chu tun dinhmun a duh han thlan theih tur awm ang i nei lo miau si a lawm le. Nge Giovanni in a hriat chhuah a, tiang thil tihfel chhuanlama heta rei tak awm tir i duh zawk? Kha chu i duh thlanna a ni e."
Ka ngawi deuh vung vung a, Dante thusawi chu a diklohna lai awm reng reng ka hre lo, mahse kei engtik lai mah a girlfriend nei ngai lo leh hmeichhe ngainep zet hian girlfriend nei angin ka thang ang a maw, ka ngaihtuah ringawt pawhin ka nuih a za thei hlawl lo.
"Luca he hmeichhia hi thah nge i duh a, i girlfriend anga hun reilo te chhung ṭan tir rih, chumi pahnih chu nangma duhthlanna ah a in nghat e, chuti lo chu i pa hriat chhuah i duh bawk silo nen, a mah vuina hun kan hman mai a ngai ang."
TREY....
Kan room chhung lungchhiat thlak zetah ka harh chhuak leh a, chu pawh Hunter phone a be ring lutuk vang hrep leh nghalin, ka tho chhuak a, a awmna lam chu ka pan phei ve nghal a.
"Ok, nakinah ka rawn beleh dawn che nia." A phone a dah nghal.
"Inlam chu engkim a ṭha vek e." Thawk ka la nghal huai a, nizan lama Callie ka biak a kan thlen.tawh thu ka hrilh khan Alexandra chan chin min zawt nghal a, hmeichhe ho cheng chung ṭhin hi chu, thil hi an pawng paw ngaih awlaam leh ṭhin lutuk a, kan thleng chiah a, zan thim hnuaia kan zawn nghal chuk chuk a ring emaw ni, chutiang turah chuan a dah a ni ngei ang, chutiang chuan ka tih ka ring hauh lo, thil tih reng reng in an arkhawthim dai chuk chuk a nih chuan rorelna fel tak an neilo a, eng teh ual a nih theih ṭhin lo tih ka hre chiang hle bawk; kei pawhin Alex chu hmuh ka duh lutuk, mahse fel fai taka thil a nih theih na tur a tih erawh ka tum tlat thung!
Ka buk khum nghut nghut a, bathroom lam ka pan ta nghal a, an bathroom te pawh chu an room chhiat ang ang a hman phur awmlo hi a ni a, ka chhuak leh vat bawk.
Suit han inbel zun chu nithei hian ka hre lo a, thawmhnaw pangngai ve deuh tak ka ken chu ka inbel ta zawk a, chutianga ka tih chuan tourist satliah mai maiah tu pawhin min ngai dawn a ni.
Mahse thawmhnaw pangngai inbel pawh ni ila rawng dum tho, a colour chu a danglam phah chuang lo.
"Detroit hnan hmawh ve deuh rawh kan che chhuak ṭan dawn." An bathroom ṭawp ṭawp nen a awm rei peih ka ti zawk ngawt mai.
"Ni sensa zet hnuai a kan vak kual vel tur hian min ti chau sa nghal ringawt." Ka la ham deuh bui bui a .
"Thawmhnaw dang deuh hlek te hak chhuah tum vela maw le, rawng dum hi chuan a ti lang hot vaklo che a nia."
Ka hnunglam a ṭang chuan Detroit chuan a rawn ti a.
Ka hawilet a, ka hmel a thutak run a hmuh chuan fiamthu dang a thawh zawm ngam tawh lem lo.
"Aw le, hna kan ṭan nghal ang, hetah plan chu kan siam mai ang a, Hunter nangin Alex hnathawhna hmuna a neitu ber kha be turin i kal anga, eng thil nge thleng, eng ang zah chiah nge Alex chung chang hriat a neih i rawn hre dawn nia."
Detriot lam chu ka hawi veleh thung a, "Nangin car rental hmun lam i pan thung ang a, kha mi ni chung chang kha rawn hriat tum ang che, Alex car hawh ah khan tracker a awm nge awm lo tih pawh rawn hriat tum bawk la."
"Keiin realtor kha zawng chhuakin ka lo va be ve ang e, Alex chung chang engzah chiah nge a hriat tih leh an inbiak hnu hnun ber hun te, hriat ka va tum ang e, chuta ṭang chuan hmalak dan a awm theih tak hlauhin."
"Chung thil kan tih fel hunah, heta ṭanga hla vaklo tui pui kam awmah khan dar kar hnih hnuah kan inhmu khawm leh vek bawk dawn nia, chu chu a ṭha em?"
An bu dun nghut nghut a, kan za vai chuan kan tih tur hran.ṭheuh neiin kan kal chhuak ta hlawm a.
ALEXANDRA....
Nizan a ṭang khan ka mutna khum ka sawn tawh a, tu room ṭhin ah nge ka mut ang tih chu ka ngaihtuah lo thei lo, a chhan pawh zing ka tho ka mutna siam bedsheet vel ka pawt mar tha a, lukham te ka tih fel pah naah, lukham hnuaiah chuan silai ka hmu tlat, heng ho hi eng mi nge ni ta ang? Kut khur dar darin silai chu ka la chhuak a, ka rap hle bawk, ka pian a hnu lamah silai tih vel hi chu ka la khawih ngailoh hram ka beisei, a chhan chu min rap em a vangin.
Chu silai chu ṭih zet hian ka en kual a, eng ti ti ti in nge ka tih pawh hre lo in silai mu en dan ka thiam tlat, silai mu pakhat mah la kah chhuah loh hi a la ni zui.
Ṭha taka a awmna ngai a ka dah leh hnu chuan shower hmang turin bathroom lam ka pan ta a. Ka chhuah leh hnu chuan Riccardo thawmhnaw min rawn ken sak zinga mi pakhat kekawr bul chhing tei tawi zet leh crop top chu hak a tan ka la chhuak a, ka inbel nghal mawlh mawlh bawk; ka sam chu ka tukhum lamah ka bawk bawk a, ka inpeih deuh awrh room kawng khar a rawn inhawng rawp.a.
Luca hmel ka hmu nghal, a mitmeng vawt zet chuan mi eiloh hmel zet hian min rawn melh nghal run a, ka haider khum hmak, "A leh pekah chuan he kawngkhar hi i kik ṭhin tawh ngei ka beisei."
"Nang pawhin ka mit hmuh ah hetiang thawmhnaw hmeichhe naupang kum ruk mi vel lek anga lan tum na a i inthuam tawh loh ngei ka beisei."
"Hetiang thawmhnaw ha chung te chuan khawlaiah pawh i kal chhuak ngam dawn em ni?"
"Nang hian min hrilh zawk la, ka hming pawh ka hriat chhuah theih tawh hrep loh chuan, engtin nge ka thawmhnaw hak ṭhin ka wardrobe a awm te chu ka hriat chhuah zawh tawh teh lul ang ni." Cho zeta melh chho ve khar chung chuan ka ti ve a .
"Amore i vanneihna hi i nawr lui deuh mah mah ṭhin." A ti vawt nghal ruih.
Ka mit ko ka san khum ve ak a, min rawn pan hnai a, rum zeta mi melh chhuk run chung hian, "Khang i thawmhnaw inbel taksa langtam thei zet a min thlem thluk i duh a nih chuan a harsa viau ang tih hria ang che, chuan vawiin chu ka ngaidam bawk ang che ." Rum zet hian a ti chhuak leh hrawih a.
"Oh, nilo ka hlau ....Leh lo."
"Hrep tak che chuan."
"A lehlamah chuan i hriatloh tâkin ka han hrilh ang che, heng thawmhnaw te hi ka lei pawh nilo in, Riccardo min rawn lei sak a ni a, chuvang chuan ka duh zawng ni ang a sawiturin mawh min phur tir thei lo ang."
"Dam i la duh ang chu ti raw?"
Ka melh rum kher mai, nilo, mi hlauhawm.zet chu an ni ngei ang.
"Well?"
Ka mengkual khum ralh a, "yes, ka tihpalh." A hmelah chuan mi han tikual vel chi a ni hauh lo, a thusawi ho chu a ti tak tak vek a nih duh hmel hle bawk.
"A nih chuan hei hi kan pahnih inkar a deal chu a ni e, keiin tunge i nih tih i hriatchhuahna kawngah ka pui che ang a."
"Mahse?"
"Mahse vawiin hian ka pa leh ka unaunu chu tun a ṭanga rei vaklo hnu ah he hmuna ni reilo te cham turin an rawn kal dawn a vangin, mi naran anga awm turin ka duh che a ni."
"Mi naran a?"
"Yes, Amore, tuna i awm dan ang nilo hian, chuan ka pa hlat thei dan bera awm tum la, i theih tawp a kan zing a lan tam loh i tum bawk dawn nia."
"Ka thusawi tè tham tak tak te kha i man ang chu ti raw?"
"Mi mawl ka ni hleinem."
Thawk lak deuh hawk pah hian, "Ka pa he ina a awm chhung chu biru deuh ngawt ngawt pawh ni la, emaw i room ah lo tawm rih mah la a pawina a awm lo khawp ang."
"Chutiang thil chu i titheilo mai thei a, achhan pawh ei lehin te i mamawh a, chutiangah chuan i inlan a ngai dawn si a, chuvang chuan kan pahnih a inkawp anga lem kan chan rih mai a ngai bawk ang."
"Kan pahnihin a? Nang leh kei hian maw?" Mak ti zet hian ka meng bial kawl kawl.
"A tak nilo in lemchanna chung chang thu ka sawi Amore, nge chumi awmzia pawh chu i theihnghilh tel ve?"
"Nilo e, asshole, vanneihthlak takin chumi awmzia chu ka la hre ve ṭawk ṭawk e."
"Chuan hemi chung chang thil ah hian idea hmangin ka lakah chance neih tum miah suh ang che, ka sawi tawh ang khan lemchan mai a ni tih hi hre reng bawk rawh."
"Oh, big boy ka tlawn turah che ngai duh miah suh, chance chu ka la hauh lo ang, a chhan pawh ka mipa duh chi i ni hauh lo."
Min melh leh run run a, "Mhhmm chu mipa eng ang nge i duh tih chu i la hre thei reng tihna a ni maw, a ni em?" A khabe a dawm.pah run bawk a.
"Hre thei hauh lo, mahse ka mipa duhzawng i nilo tih erawh ka hre thei mai zawk a ni e." Thip zet hian ka melh chho ve a .
"Ṭha lutuk. A nih leh chuti ang chuan awm zel i la a ṭha ber ang."
Room kawngkhar lam chu a pan leh a, pawnlam.a ṭang chuan plastic bag lian ṭha nelh nawlh tak hi a rawn khai lut a, ka ke bula rawn nghah pah chuan, "Heta hi i thawmhnaw tur a awm a, hetiang thawmhnaw hi i ha ngailo a nih pawhin, ka pa awm chhung lek chu hak tum rih hram ang che, hetiang thawmhnaw inbela a bula i rawn kal a nih ngat chuan i lang zahawm ngei ang tih hi ka chiang."
Ngawi reng hian a thusawi lai chhung zawng chu thip zetin ka melh ram ram reng a, "Zawhna dang a la awm em?"
"Awm lo."
"Good."
A in her vut a, a kal chhuak leh ta nghal a.
Asshole.
TREY....
Inhmuh khawmna tur kan tih hmun lam chu thinrim zet hian ka pan a, ka thinrimna chu a lang chhuak ang tih ka hlauh lutuk luatah ka mit pawh a kham na urh a, ka biang ruh te thleng chuan a kham na ut ut vek, ka va thleng chuan Detroit leh Hunter pawh an lo awm der tawh a, mahse an ni pawh an thlenna a la rei lutuk bik lo tih ka hre thei.
Kan kalna chan chin ṭheuh chu kan sawi liam liam hlawm a, thinrimna mai chauh ka hlawh chhuak, kan bul velah chuan midang an awm lem lo bawk a, ka thinrim in up bet tawh chu ka puah chhuah tir phawng phawng a ni ber.
"Engtin nge tumah hian an hriat theih loh zawk chu le?"
"Kha hmuna restaurant neitupa sawi dan chuan New York a chhuahsan hnu a ṭangin vawikhatmah an in be lo hrim hrim a ni awm e." Hunter chuan ti in a kalna chung chang chu a sawi chhuak a.
"A nih leh Detroit car rental lam pang ve thung le?" Detroit ah chuan ka innghat tawp tawh.
"Ka va kal lai khan a neitupa ber a lo awm lo a, a hnuai a hna thawkin a ai a lo awh a, a sawi dan chuan an car te chuan tracker a neih leh neih loh a hriat chiah loh thu in min chhang."
"Mahse ka number chu pa hnenah chuan ka hnut chiah a, naktukah min rawn call tir tur thu a sawi."
"Realtor lam ve thung eng nge a an?"
"Inluahna hmunah chuan Alexandra chu a kal ngei a, a hma lawk pawhin an inbe bawk a, chuan a hnu lawkah ruah a sur tak a vangin realtor chu a kal thei nghal mailo a, ruah sur ban hnu a a va kal chuan chu hmuna Alexandra bungraw dah ho kawngka bula mi chauh chu a va hmu ta a ni. Call a tum lahin a number a in switch off tlat tawh mai bawk si, tihngaihna a hre bik lo a ni awm e, min hrilh turin kan number lah a nei bawk si lo." Rilru hah a vanga thawk chhuah deuh kawk pah hian ka sawi chhuak.a.
"Hei zet chu ka rinai daihin buai pui a ngai thui dawn tlat mai a." Dwtroit chuan a ti ve sup.
"Ok, car rental lam chuan chan chin an neih beisei phawt rih ang, an car ten trackers a nei a nih hlauh chuan hma lamah kan ke kan pen thei dawn a ni, chumi tih loh chu he hmuna kan kal chhan a beisei tur dang kan neih ka hre ta lo."
THE NEXT MORNING.....
Kan bathroom neih chhun hremhmun tluk zeta hreawm a ṭang chuan ka chhuak thuai a, Detroit chuan phone a lo be mek, beiseina sang tak nen ka pan phei ve nghal a, "Thank you, inhmuh kan tum dawn nia."
A dah hnu chuan ka lam a rawn hawi a, "Well?" Min chhanna tur chu ka nghakhlel hle bawk.
"Ka biak zawh chiah kha car rental hmun nei tu a nia."
"Chuan?"
"A sawi dan chuan an car neih zawng zawngin tracker a nei vek tih thu a sawi, zaninah inbiak na hun kan nei thei ang."
"Engvangin nge zan lamah daih daih? Tunah ka hmu duh." Ka ti nghut a.
"Tunah chuan hetah a awmlo a lawm, a sawi danin zaninah a rawn thleng thei chauh ang."
Thawk ka la hawk a, "Callie kan be ve ang e."
Ka kal hrang nghal a, Callie number dial in ka phone chu ka bengbulah ka dah a, a in ring chu ka ngai thla vang vang, rei oawh a inring hman lo, Callie aw ngei chuan min rawn chhang a.
"Hey baby."
"Trey khawngaihin chanchin ṭha lo i hriat a vangin min rawn call tih hi sawi hauh suh."
"Chanchin ṭha lo lam a ni lo baby, kan thil tih ah hmasawnna kan hmu zawk dawn a lawm."
"Eng nge i an zawk?"
"Kei chu min ngaihtuah duh suh Trey, chu ai chuan Alexandra i zawnna lamah khan i rilru pe zawk rawh."
"Callie ngaithla teh, naute pian dawn hunah chuan min rawn hrilh ngei ngei ang che, naute pianlaiin i bulah ka awm duh a nia."
"Ka ti ngei ang, ka tiam a che."
"Ok, naktukah ka rawn call leh dawn che nia, ka hmangaih che."
"Trey, kei pawhin ka hmangaih che."
Phone ka cut hnu chuan thawk ka la ri hawk a, Princess khawiah nge i awm?
THE ROMANO FAMILY MANSION...
ALEXANDRA....
Bathroom lam chu ka pan leh a, a girlfriend anga lem han chan mai chu, ka awih thei lo zawk hial mai, thawk ka la raih raih a, ka au chhuah mai lohna turin inbengdaih ka tum hram hram.
Eng vanga a pa chuan tunge ka nih tih hriat duh viau nge a nih le? A chhan awm reng ka hrethiam lo.
Chuan engvanga ka thawmhnaw inbel a vanga mi hmusit ngam nge a nih reng reng? Chutah ka thawmhnaw inbel turah a duh zawng tak inbel turin order min la pe zui bawk a, chu chuan ka lang danah ka zahawm tur thu a la sawi zui leh ta nghal.
A thin ti rim leh zual turin ka room a ṭang a bikini nen chauh a ka chhuah nghal loh. Nge ni chu chuan ka laka hla takah a awm tir ang, a thawmhnaw rawn dah luh ho chu ka phawrh chhuak a, thawmhnaw chu a tam tham hle a, ball room ah leh party zahawm tak neihna hmuna hak awm tak tak vek designer thawmhnaw vek hi a ni a.
Kawr hring nghalh mai ka mitmu rawng ang tak chu ka thlang chhuak a, ka inthawlh ta nghal a, ka hma darthlalanga ka thla lo lang chu ka thlir vang vang a, "Hei chu keiman complaint kan siam ang e, a chhing mah mah lutuk lo ."
"Hei pawh hian a thin ka ti so bawrh bawrh thei nge ang." Ka nui chhuak pah hak a.
Ka sam ka phiar tawp a, powder tlem inhnawihin ka innuih pah sak bawk a, ka thawmhnaw hak lai chu ka duhzawng tak a ni a, mahse a ni tan erawh thunrimna tham a ni lrh ang em tih erawh ka hre lo.
Ka awmna mansion chu fangkual ve hrim hrim ka tum ta a, eng ang chiah nge a nih hre turin room pathum bak ka la hmu lo a, bed room pahnih leh dining room bak hmuh ka ka nei lo, lukham hnuai a silai ka dah chu ka la a, eng ang mi nge an nih tih ka hriat miau loh a vangin, ka tih ngei a ngai, mahni in humna te pawh a ni thei bawk. Silai chu ka malah ka hreng bet mawlh mawlh a.
Ka thawmhnaw ka thlak tawh bawka, ka room a ṭang chuan ka chhuak ve ta a, corridor pawh ka la kal chhuak lo ang, hmeichhe pakhat sam buang thang mai, bawk fel nalh, makeup hmang nasa zet leh thawmhnaw senlar man tam hmel zet inbel hi ka tawk thut a, a ni pawh chu room pakhat a ṭang a rawn chhuak ve chiah hi a ni a, min hmu chu min melh thip nghal hle bawk.
Hawihawm chuah takin, "Hello." Ka ti chhuak sap a, ka nui sak bawk.
"Tu nge maw i nih hrep chu le?" A hmelah chuan khak na hlir bak hmuh ka nei lo, a meng thip hle bawk.
Shit, he nu hi em ni Luca in ka unaunu a tih chu ni ang, hmeichhe nelawm lo tak zawng a ni ngei ang le, mahse ṭha taka ka biak loh chuan Luca ka chungah a thinrim leh dawn chiang.
"Zawhna ka zawt che a ni lo'm ni?" A ti leh hmarh a.
"Tihpalh lutuk, ka khawvela ka lo chen vang a nia, pawi ka ti ngawt mai."
"Luca girlfriend ka nia."
"Luca ..... eng maw i nih a?" A meng phar nasa mai.
"A girlfriend maw le, kan inhmuh a vangin ka lawm e." Ka nui pah sang bawk.
"Tunge maw i nih chiah le, tun maia i thusawi kha ka awih i ring em ni, security ka ko dawn a nia."
"Oh, kal ta che, a pawi hleinem, mahse Luca in a hriat chhuah hunah erawh chuan pawi a ti khawp ang le."
"He thil a tana Giovani an rawn hruai luh i ni tihna em ni?"
"Giovanni maw?"
"Aw, Giovanni Romano maw le, i boyfriend pa hming pawh i hre na nge?" A ti vin hlar a.
Ronano maw ni a, chu hming chu ka hriat tawh hnu ang ka ti kher mai, mahse khawiah tak nge Romano tih chung chang hi ka hriat erawh ka hre chhuak thei lo.
"Oh, Mr Romano hi maw, vawiin hi ka vawikhat hmuhna tur chiah a nia." Ti in ka hriatlohna chu ka khuh mawi leh vat.
"Min lo hrethiam la, Luca in min lo nghak reng tawh ni in ka hria." Ti a sawi in eng dang sawi leh tawh lo in chu nu in thip zeta min en na lak a ta ka kalsan ta daih a.
Inhnuai lamah ka chhuk thla a, ṭawngthawm ka hriatna lam living room niawm tak chu ka pan ta a.
LUCA ....
Ka pa te airport a ṭang a va hruai buai vel ngailo tur chu ka lawm kher mai, chutiang tur chuan ka hman bawk hek lo, ka pa chu ka lo ṭhutna hmun living room lamah chuan a mah chauh hian a rawn lut a, a hmel ka lo hmuh veleh chuan ka ṭhutna a ta ding chhuak nghalin, "Isabella a rawn kal tel ve dawn emaw ka ti a."
"A rawn kal tel a lawm, pawnah Luca nen an inbe lawk a nih kha."
"Dad engvanga rawn kal deuh phut maw i nih a?"
"Eng chung chang ah maw?"
"Thil ho mai mai ti tura rawn kal chu i nih Ka ring hauh lo."
"Tunah tak hi chuan hriatthiam ka mamawh rih, chuan ka fapa chhuanvawr te pahnih hian eng angin nge hna an thawh tih ka rawn thli thlai duh vang te pawh a ni mai thei bawk, chumi thil ah chuan eng nge an tih hre turin ka rawn kal theilo tih na mi a?"
Ka pa hmel chu rei vaklo chhung ka melh deuh vung vung phawt a, "Thil eng emaw takin a tibuai che ni a hriatna ka nei in ka hria."
"Figlio i â tawh a nih hi! Capo ka la nireng tih hi hria la, chu vang chuan engtin chiah nge hna hi a kal tih ka hmuh duh vang te pawh a ni ang chu!"
Kan pahnih chiahin kan awm lo tih ka hawi chhuak chuan ka va hmu nghal, Signorina bawk maw, thawk ka la hawk, "Hi." Inthlahrun hmel zet hian a rawn ti a.
"Chuan he bella donna(pretty woman) hi tu nge ni a?"
Signorina in ka pa a melh dan chu a hlauthawng thut ni hian ka hria, khawi a ṭangin nge silai a neih tih pawh hriatloh chu a phawi dawk zawk a, kan lam hawi zawng chuan a kap ta ṭhiai thiai mai a, kei min kah loh pawhin ka pa zawk chu a kâp fuh ngei ang le.
"Eng thil nge maw i tih hrep Amore?" Tih thu ka sawi chhuak hman ṭawk, ka che chhuak phut a, a lamah chuan ka zuan phei nghal bawk, ka bawh thlu chiang hle, mahse thil chu a nih tur ang a ni vek tawh.
Kan hnunglam tukverh glass a kap keh chuai a, mipakhat natuar au thawm kan hre nghal bawk; lei lamah a tla thum ṭawk thawmin a zui nghal.a, ka tho chhuak vat, ka pa nen chuan kan hawi phawk dun nasa mai.
"Ka che chhuak vat a, tukverh glass keh a ṭang chuan ka va dak chhuak a, ka pa nen chuan mak ti zetin hnuai lama mipa khat lei lama a thi tawh tih hriat zet mai let reng chu kan thlir chhuk tlawk tlawk.
"Cazzo." Ka ti chhuak pah hruih a.
Signorina lam chu ka hawi phei a, "Eng thil hrep nge?" Ka ti chhuak hrawih bawk.
"Babe nangmah chhan tu che ka nih hi." A nui var var hrep tak chuan, hmeichhia chu a ni ve si a maw?
A mit te chu mi la siai khum pah deuh deuh, ka that duh hial awm e.
Kan bul a rawn pan phei a, "Mr Romano kan inhmu chu ka lawm kher mai." A la nui sang a.
Ka pa chuan signorina chu chik zet hian a melh vung vung a, a thil tawn chuan a shock hle hian ka hre bawk.
"Tunah chuan tiang em em a Luca a ṭhat chhan leh mi a hip theih zia chhan hi hre thei ta ta in ka inhria."
"Ka lawm e Tesoro(treasure) chuan tunge i nih tih hi ka zawt thei che ang em?"
Chutihlai tak chuan hmanhmawh zet hian Riccardo leh Dante pawh an silai nen an rawn tlan lut ve nghal a.
"Silai kah rik thawm kan hria a." Dante chuan a rawn ti lut a .
"Helai hmun rawn thlennan invuai cha dun hle mai." Ka pa chuan a lo tih khum sup.
"Nangni pahnih hian tu emaw lak a ṭanga inzir leh deuh in la ngai ngei ang."
Ka pa in thudang a sawi leh hma chuan ka lo ṭawng khalh vat nghal a, "Rick Bella leh ka pa hi an room turah hruai tawh rawh."
"Figlio he thil hi engvang a rawn thleng nge a nih tih ka hriat chhuah hma chu khawiah mah ka kal dawn lo hrim hrim.
"Dad, naktuk lamah kan sawi dun dawn nia." Kan signorita awm ve laia engkim.sawi chhuah chu ka duh dan a ni hauh lo, chu mai pawh nilo in, Signorina ka ngaihdan chu a danglam zo vek tawh, hmeichhe innocent tak chu a ni lem lo khawp mai.
"A chhan chu kha zawngchhia kha tunge a nih tih leh engtin nge ka security dah a rawn pelh theih tih hi ka hriat chhuah hmasak phawt a ngai ang."
"Very well, chuti a nih chuan hah dam takin ka mu thei dawn a nih chu, naktuk ah kan sawifel dun ngei ka beisei." Ti a a sawi hnu chuan Signorina lam chu a hawi phei leh a.
"Chuan Tersoro nang pawh naktuk hian kan inbiak chhunzawm leh ngei ka beisei."
"Tehreng mai Mr.Romano." ka pa chu a kal sawn ta nghal a.
ALEXANDRA.....
Oh my God, mi ka that ta ringawt tihna chu a nia le, eng ka ti zo ta nge ? Nilo, he thil a vang hian ka chiai mai tur a ni lo, pangai taka awmin ka lemchan lai hi ṭha taka ka chhunzawm ngei a ngai ang, chuti a nih loh chian hemi zawh a thi tur chu keimah chiah hi ka ni.
Luca lam chu ka pan phei a, min melh rum ngang mai, ka lakah a thinur hle tih pawh ka hria, eng thil nge ka hriat a engvanga kha pa kha kap nge ka nih reng reng, an mahni kha kap dawn pawh ni se, ka au chhuak thei mai lo em ni? Engtin nge silai kah dan ka thiam? Zawhna tam tak keimah ah a awm reng bawk, mahse khatiang tihna hun kha ni in ka hre silo, lo au chhuak ringawt ta ang ni ila, kan zinga mi tu emaw ber khan an nunna chu an chan ngei ang le.
Ka tun hma nun hriat chhuah ka chak kher mai, eng ang mi chiah nge ka nih, misual tak khawngaihna pawh neilo tual thah hrat tak em ni ka nih ? Thawk ka la halh a, "Eng thil hrep nge?" Luca chuan ka rin ang ngei in a ti chhuak nghal tuar.
Ni e, pangngai taka ka awm ngei a ngai ang, ka aw pawh a khur hauh tur a ni lo.
"Babe nangmah chhan tu che ka nih hi." Ka nui lui hram hram bawk, ka awm ti nuam tu a tan ka siai khum pah sak bawk.
Min riloh hmel kher mai, Luca pa lam chu ka hawi phei a, a ni pawh a thil tawn chuan a thawng hle tih a hmelah chuan a hriat reng mai.
"MR.Romano a tawp a tawp ah zawng kan inhmu ve ta chu ka lawm hle mai." Eng mah thleng lo ang taka awm ka tum lui hram hram bawk.
"Tunah chuan heti em em a Luca a thatna leh hmeichhia a hip theihna chhan hi hre tawhin ka inhria."Ka ti nawn leh ngat a.
"Ka lawm e, Tesoro, tunge i nih tih hi ka zawt thei ang em?"
Sawi tur mai ka hre lo, tunge ka nih ka hriat miau loh a vangin engmah ka chan chin sawi tur ka hre lo a, tun maia ka awmdan lah kha a chhan ka hre heklo, engvanga silai hmangthiam nghal ringawt nge ka nih lah ka hre hek lo.
Mr.Romano ka chhan hma chuan Dante te rawn kal chian min rawn chhan ta hlauh a, ka thaw deuh huai mai, "Silai kah ti kan hria a." An rawn ti a, tumah na tuar ka awm.lo tih an hriat chuan an thaw ve huai hian ka hria.
Luca pa chuan chumi te pahnih ṭuanmuan zia thu a lo sawi khum.a, nuamlo ka ti kher mai, eng ang mi chiah nge an nih ka hre bawk silo nen, an zinga awm reng pawh chu nuam ka ti lo kher mai.
Chutih lai tak chuan Luca a rawn inrawlh ve vat a, Riccardo bulah chuan a pa leh a unaunu chu an room lamah hruai turin a ti ta nghal a, mahse a pa chuan a lo hnial tlat thung, "
"Figlio he thil hi engvang a rawn thleng nge a nih tih ka hriat chhuah hma chu khawiah mah ka kal dawn lo hrim hrim." A ti mauh mai.
Luca chu a thaw hawk a, "Dad, naktuk lamah kan sawi dun dawn nia." Ti a sawiin a rum chhuak.pah nghut bawk.
A thusawilai chu a chhunzawm leh a.
"A chhan chu kha zawngchhia kha tunge a nih tih leh engtin nge ka security dah a rawn pelh theih tih hi ka hriat chhuah hmasak phawt a ngai ang."
"Very well, chuti a nih chuan hah dam takin ka mu thei dawn a nih chu, naktuk ah kan sawifel dun ngei ka beisei." Ti a Mr.Romano in a sawi hnu chuan ka lam a rawn hawi a, "Chuan Tersoro nang pawh naktuk hian kan inbiak chhunzawm leh ngei ka beisei." A rawn ti a, a hmelah chian ti ti dun a duh zia pawh a tilang chiang hle.
"Tehreng mai Mr.Romano." ti a ka chhan hnu chuan Mr.Romano chu a kal sawn ta nghal a.
Tunah chuan Dante leh Luca chiah ka bulah an awm ta, a pa a kal chhuak chiah tih chuan Luca chuan rum zet hian min melh chhuk a, "Eng thil nge ni hrep?" A ti chhuak ṭhawt bawk.
Thawk ka la deuh hak a, pangngai taka awm ka tum .
"Eng thil nge thleng hrep hi?"
Ka phu deuh zawk, ka menkual khum ralh a, "Kha pa kha balcony a silai nena a rawn lawn chho lai ka hmu a, chu vang chuan ka remhriatna in ka kap ta mai a nih kha, pawi ka ti lutuk.
"Khawi a ṭangin nge silai kha i neih?" A aw reng reng chu a vin loh lai reng ka hre lo.
"Ka room chhung lukham hnuaiah a awm a ."
Thawk a la ri hawk, "Buaina namen lo tak i ni in ka hria mitmeng hring nu, i room lamah lo va kal rih phawt mai teh, nakinah nang chu ka la buaipui ang che."
Ka bu nghat a, engmah sawi leh tawh lo in ka room lam.ka pansan ta a, mitmeng hringnu ti a min kohna chhan reng reng ka hre lo , a thinrim vangin min ko ah ka ngai hmiah.
LUCA....
Signorina kal tak hnu chuan ka bula ngawi renga ding ve reng Dante chu a rawn ṭawng chhuak ve a, "Buaina mai a ni ti in ka hrilh tawh che kha."
"Buaina a ni emaw nilo emaw, ka nunna min chhan him sak thung a lawm."
"A hmasa ber a tan tu tana thawk ṭhin nge a nih tih hi hriat chhuah vat tum ang che, chuan a kah hlum tak pa pawh kha engtin nge ka security a rawn pal tlang theih tih hi zawng chhuak nghal bawk rawh."
A bu nghut nghut a, "Ok, ka lo ti nghal dawn nia, chuan biak lawk duhna che ka nei a."
Ka chal ka dawm ruih phawt a, "Dante nakinah, vawikhatah thil pakhat tih fel phawt ka duh." Ka ti chhuak hrawih.
"Aw le." A in her a, min kalsan ve ta nghal a.
Rilru hah zetin ka room lam.ka pan chho a, ka thil tawn zozai a vang chuan ka ngaihtuahna thluak a buai mup mup hian ka hria, tunah tak phei chuan eng thil mah ka ngaihtuah theih pawh ka ring lo, shower ka hman zet hnu ah chauh fel fai takin ka ngaihtuah ve thei chauh ang.
Engmah ngaihtuah duh rihlo in bathroom lam ka pan ta a, tui vawt ka hmang lui ngat bawk, ka inbual zo chu ka harh huai hian ka hria, ka thil tawn ho chu ka ngaih tuah ṭan ta a, ka rilru a rawn lut hmasa ber chu kha sihnorina kha a ni.
He signorina ah hian eng emaw mak danglam tak chu awm hian ka hria, a,silai kah thiam dan em em te kha, Dante leh Riccardo ang mai a ni tih a lang chiang hle bawk .
Chuan in fight lah a hneh em em bawk a, khatiang khawp a hmeichhe fight thiam kha ka hmuh pawh ka la inhre ngai lo, Dante leh Riccardo ai pawhin a hneh daih zawk ngei ang.
He signorina hian tunhma in train tha tak a nei tih a hriat chian hle bawk.
Mahse engvang nge ni ang, tu tan nge chuti khawpa training a lak?
Chung thil hre chhuak tur chuan engtin chiah nge ka tih ang tih erawh ka hre mai bik lo.
Fakna milem awm.kha hmetin second sawm vel tal kan nghak leh vek dawn nia.
LUCA...
"Luca harh rawh."
"LUCA."
"WTF Dante, hrep tak chuan i vawikhat min kohna kha ka hria e." Tho phang zet hian ka ti bak hluk.
"Giovanni pawh tun a ṭanga minute reilo te hnuah a lo thleng tawh mai dawn a, i lo thawh chhuah sa tawh a ngai ang."
Ka pa hming a sawi chuan peihlo zet hian ka thawh chhuah phah a, "Eng hun nge ni tawh?"
"I thawh hun maw le."
Nizan lamah intur ka lem hnem deuh em a vanga thawh hrelo ka ni tih ka hrethiam mai, ka bula tui bottle inchhawp sa chu a chhin ka hawng a, ka dang a ro huam huam a vang chuan ka innghal khawlh khawlh, chumi hnu chuan ka ding chhuak a, Dante chu a dan pangngai ang chiahin suit nen a lo inthuam leh ap hman tawh.
"Nizana ka thusawi chung chang kha i lo ngaihtuah ve hrim hrim em?"
"Yeah, mahse a thlen phah chuang lo ang." Ti a ngaihsam zet a chhangin ka kut ka phar chhuak nghal duai a.
Dante chuan min rawn pan hnai nghal a, hnai set sawt takah hian mi rawn en in, "Luca eng nge buaina awm? He nu hi hriat pawh kan hre lo a nih hi!"
"Lo hre ta pawh ni ila ka ngaihven hrep lo, chhan sawi tur awm si lo a he signorita hi kan that a nih chuan pangngai takin ka awm theih phah ka in ring lo, ka dam chhung zawngin ka inthiamlo tawh ang."
"A hma te kha chuan i ngaihven loh teh reng nen, chhia leh ṭha hriatna lamah hian i puitling ta thut nge ni a, thildang vang zawk?" Mak tih hmel zet hian min en bawk a.
"Chhan awmlo a thah chung chang ka sawi chu mawle aw Dante, he hmeichhia hi that turin kan chungah engmah thil tihsual a nei lo, keini zawk hian a pawi kan sawi zawk a ni tih te hi hre ve hrep ta che." Ti in ka ṭawng khum hrawih.
Engmah a sawi leh tawh lo a, mahse min melh vung vung thung, kei pawh ka ngawi hmak bawk, chutia rei vaklo chhung kan din dun reng hnu chuan a mah zawk chu ṭawng chhuak ah a ṭang leh ta a, "A nih tunah eng nge ni zel dawn?"
"Ka hre bik lo." Ka kut ṭang chuan ka hmui ka khawng deuh kauh kauh a, thil ṭha tak chu ka ngaihtuah chhuah ngei a ngai ang.
"Helai hmuna Giovanni a awm ve chhung chuan dinhmun hniam takah kan dah theilo tih pawh i hriat kha."
"Yeah, ka hria a lawm, mipa ho in an tana fresh meat an hmu a nih ngat chuan an mamawh nghal dawn a."
"Mahse a ni hi chu khawih ve thiang a nilo ti a kan vau lawk chuan an ti chuang hauh lo ang."
"Nilo." Ka aw ka thian hruih a, "Mipa ho chuan ti ti naah an sawi lang ngei ngei dawn, chung an ti ti na aṭanga ka pa in a hriat chhuah chu ka duh hauh lo."
"A nih leh Riccardo hmeichhe kawp lai angin kan lantir mai dawn em ni ang?" A tihngaihna hre biklo chuan a khabe a dawm.deuh run run pah a.
Ka nui chhuak hawk, "Oh yeah, ka pa duh zawng tak a ni ngei ang, a fapa kum 18 mi chu a aia upa signorina in a veh thlem vel a vangin a zunah a uaitir dawn a nia."
"He nu hi kum engzah nge a nih tawh i rin?"
"A lo berah pawh kum 20 tal chu a tling tawh ngei ang."
"Ngaithla teh Dante, nangma girlfriend angin kan sawi thei reng a nia, a rem chang hle bawk, tiang chuan kan ti mai dawn em niang?!
A phu deuh zawk, "Noway Luca, he nu hian min huat zia kha i hre lo'm ni, kei lahin ka lo ngaina vak em em lo bawk nen, kan lemchan tur chu ṭha taka kan tih dun theuh pawh ka ring lo."
"Nang zawk hi, midang i nei te a nih loh chuan...."
"Kha chu sawi hauh suh Dante."
"Oh, come on, nang chu a duh sa che a, a ngaina nghal sa che a nih kha, i tan pawh a awlsam ngawt bawkin ka ring ."
"Not a f*ck chance, ka girl friend ni turin lem ka chantir ang a maw, a teuh lo mai."
"Chu lo chu tun dinhmun a duh han thlan theih tur awm ang i nei lo miau si a lawm le. Nge Giovanni in a hriat chhuah a, tiang thil tihfel chhuanlama heta rei tak awm tir i duh zawk? Kha chu i duh thlanna a ni e."
Ka ngawi deuh vung vung a, Dante thusawi chu a diklohna lai awm reng reng ka hre lo, mahse kei engtik lai mah a girlfriend nei ngai lo leh hmeichhe ngainep zet hian girlfriend nei angin ka thang ang a maw, ka ngaihtuah ringawt pawhin ka nuih a za thei hlawl lo.
"Luca he hmeichhia hi thah nge i duh a, i girlfriend anga hun reilo te chhung ṭan tir rih, chumi pahnih chu nangma duhthlanna ah a in nghat e, chuti lo chu i pa hriat chhuah i duh bawk silo nen, a mah vuina hun kan hman mai a ngai ang."
TREY....
Kan room chhung lungchhiat thlak zetah ka harh chhuak leh a, chu pawh Hunter phone a be ring lutuk vang hrep leh nghalin, ka tho chhuak a, a awmna lam chu ka pan phei ve nghal a.
"Ok, nakinah ka rawn beleh dawn che nia." A phone a dah nghal.
"Inlam chu engkim a ṭha vek e." Thawk ka la nghal huai a, nizan lama Callie ka biak a kan thlen.tawh thu ka hrilh khan Alexandra chan chin min zawt nghal a, hmeichhe ho cheng chung ṭhin hi chu, thil hi an pawng paw ngaih awlaam leh ṭhin lutuk a, kan thleng chiah a, zan thim hnuaia kan zawn nghal chuk chuk a ring emaw ni, chutiang turah chuan a dah a ni ngei ang, chutiang chuan ka tih ka ring hauh lo, thil tih reng reng in an arkhawthim dai chuk chuk a nih chuan rorelna fel tak an neilo a, eng teh ual a nih theih ṭhin lo tih ka hre chiang hle bawk; kei pawhin Alex chu hmuh ka duh lutuk, mahse fel fai taka thil a nih theih na tur a tih erawh ka tum tlat thung!
Ka buk khum nghut nghut a, bathroom lam ka pan ta nghal a, an bathroom te pawh chu an room chhiat ang ang a hman phur awmlo hi a ni a, ka chhuak leh vat bawk.
Suit han inbel zun chu nithei hian ka hre lo a, thawmhnaw pangngai ve deuh tak ka ken chu ka inbel ta zawk a, chutianga ka tih chuan tourist satliah mai maiah tu pawhin min ngai dawn a ni.
Mahse thawmhnaw pangngai inbel pawh ni ila rawng dum tho, a colour chu a danglam phah chuang lo.
"Detroit hnan hmawh ve deuh rawh kan che chhuak ṭan dawn." An bathroom ṭawp ṭawp nen a awm rei peih ka ti zawk ngawt mai.
"Ni sensa zet hnuai a kan vak kual vel tur hian min ti chau sa nghal ringawt." Ka la ham deuh bui bui a .
"Thawmhnaw dang deuh hlek te hak chhuah tum vela maw le, rawng dum hi chuan a ti lang hot vaklo che a nia."
Ka hnunglam a ṭang chuan Detroit chuan a rawn ti a.
Ka hawilet a, ka hmel a thutak run a hmuh chuan fiamthu dang a thawh zawm ngam tawh lem lo.
"Aw le, hna kan ṭan nghal ang, hetah plan chu kan siam mai ang a, Hunter nangin Alex hnathawhna hmuna a neitu ber kha be turin i kal anga, eng thil nge thleng, eng ang zah chiah nge Alex chung chang hriat a neih i rawn hre dawn nia."
Detriot lam chu ka hawi veleh thung a, "Nangin car rental hmun lam i pan thung ang a, kha mi ni chung chang kha rawn hriat tum ang che, Alex car hawh ah khan tracker a awm nge awm lo tih pawh rawn hriat tum bawk la."
"Keiin realtor kha zawng chhuakin ka lo va be ve ang e, Alex chung chang engzah chiah nge a hriat tih leh an inbiak hnu hnun ber hun te, hriat ka va tum ang e, chuta ṭang chuan hmalak dan a awm theih tak hlauhin."
"Chung thil kan tih fel hunah, heta ṭanga hla vaklo tui pui kam awmah khan dar kar hnih hnuah kan inhmu khawm leh vek bawk dawn nia, chu chu a ṭha em?"
An bu dun nghut nghut a, kan za vai chuan kan tih tur hran.ṭheuh neiin kan kal chhuak ta hlawm a.
ALEXANDRA....
Nizan a ṭang khan ka mutna khum ka sawn tawh a, tu room ṭhin ah nge ka mut ang tih chu ka ngaihtuah lo thei lo, a chhan pawh zing ka tho ka mutna siam bedsheet vel ka pawt mar tha a, lukham te ka tih fel pah naah, lukham hnuaiah chuan silai ka hmu tlat, heng ho hi eng mi nge ni ta ang? Kut khur dar darin silai chu ka la chhuak a, ka rap hle bawk, ka pian a hnu lamah silai tih vel hi chu ka la khawih ngailoh hram ka beisei, a chhan chu min rap em a vangin.
Chu silai chu ṭih zet hian ka en kual a, eng ti ti ti in nge ka tih pawh hre lo in silai mu en dan ka thiam tlat, silai mu pakhat mah la kah chhuah loh hi a la ni zui.
Ṭha taka a awmna ngai a ka dah leh hnu chuan shower hmang turin bathroom lam ka pan ta a. Ka chhuah leh hnu chuan Riccardo thawmhnaw min rawn ken sak zinga mi pakhat kekawr bul chhing tei tawi zet leh crop top chu hak a tan ka la chhuak a, ka inbel nghal mawlh mawlh bawk; ka sam chu ka tukhum lamah ka bawk bawk a, ka inpeih deuh awrh room kawng khar a rawn inhawng rawp.a.
Luca hmel ka hmu nghal, a mitmeng vawt zet chuan mi eiloh hmel zet hian min rawn melh nghal run a, ka haider khum hmak, "A leh pekah chuan he kawngkhar hi i kik ṭhin tawh ngei ka beisei."
"Nang pawhin ka mit hmuh ah hetiang thawmhnaw hmeichhe naupang kum ruk mi vel lek anga lan tum na a i inthuam tawh loh ngei ka beisei."
"Hetiang thawmhnaw ha chung te chuan khawlaiah pawh i kal chhuak ngam dawn em ni?"
"Nang hian min hrilh zawk la, ka hming pawh ka hriat chhuah theih tawh hrep loh chuan, engtin nge ka thawmhnaw hak ṭhin ka wardrobe a awm te chu ka hriat chhuah zawh tawh teh lul ang ni." Cho zeta melh chho ve khar chung chuan ka ti ve a .
"Amore i vanneihna hi i nawr lui deuh mah mah ṭhin." A ti vawt nghal ruih.
Ka mit ko ka san khum ve ak a, min rawn pan hnai a, rum zeta mi melh chhuk run chung hian, "Khang i thawmhnaw inbel taksa langtam thei zet a min thlem thluk i duh a nih chuan a harsa viau ang tih hria ang che, chuan vawiin chu ka ngaidam bawk ang che ." Rum zet hian a ti chhuak leh hrawih a.
"Oh, nilo ka hlau ....Leh lo."
"Hrep tak che chuan."
"A lehlamah chuan i hriatloh tâkin ka han hrilh ang che, heng thawmhnaw te hi ka lei pawh nilo in, Riccardo min rawn lei sak a ni a, chuvang chuan ka duh zawng ni ang a sawiturin mawh min phur tir thei lo ang."
"Dam i la duh ang chu ti raw?"
Ka melh rum kher mai, nilo, mi hlauhawm.zet chu an ni ngei ang.
"Well?"
Ka mengkual khum ralh a, "yes, ka tihpalh." A hmelah chuan mi han tikual vel chi a ni hauh lo, a thusawi ho chu a ti tak tak vek a nih duh hmel hle bawk.
"A nih chuan hei hi kan pahnih inkar a deal chu a ni e, keiin tunge i nih tih i hriatchhuahna kawngah ka pui che ang a."
"Mahse?"
"Mahse vawiin hian ka pa leh ka unaunu chu tun a ṭanga rei vaklo hnu ah he hmuna ni reilo te cham turin an rawn kal dawn a vangin, mi naran anga awm turin ka duh che a ni."
"Mi naran a?"
"Yes, Amore, tuna i awm dan ang nilo hian, chuan ka pa hlat thei dan bera awm tum la, i theih tawp a kan zing a lan tam loh i tum bawk dawn nia."
"Ka thusawi tè tham tak tak te kha i man ang chu ti raw?"
"Mi mawl ka ni hleinem."
Thawk lak deuh hawk pah hian, "Ka pa he ina a awm chhung chu biru deuh ngawt ngawt pawh ni la, emaw i room ah lo tawm rih mah la a pawina a awm lo khawp ang."
"Chutiang thil chu i titheilo mai thei a, achhan pawh ei lehin te i mamawh a, chutiangah chuan i inlan a ngai dawn si a, chuvang chuan kan pahnih a inkawp anga lem kan chan rih mai a ngai bawk ang."
"Kan pahnihin a? Nang leh kei hian maw?" Mak ti zet hian ka meng bial kawl kawl.
"A tak nilo in lemchanna chung chang thu ka sawi Amore, nge chumi awmzia pawh chu i theihnghilh tel ve?"
"Nilo e, asshole, vanneihthlak takin chumi awmzia chu ka la hre ve ṭawk ṭawk e."
"Chuan hemi chung chang thil ah hian idea hmangin ka lakah chance neih tum miah suh ang che, ka sawi tawh ang khan lemchan mai a ni tih hi hre reng bawk rawh."
"Oh, big boy ka tlawn turah che ngai duh miah suh, chance chu ka la hauh lo ang, a chhan pawh ka mipa duh chi i ni hauh lo."
Min melh leh run run a, "Mhhmm chu mipa eng ang nge i duh tih chu i la hre thei reng tihna a ni maw, a ni em?" A khabe a dawm.pah run bawk a.
"Hre thei hauh lo, mahse ka mipa duhzawng i nilo tih erawh ka hre thei mai zawk a ni e." Thip zet hian ka melh chho ve a .
"Ṭha lutuk. A nih leh chuti ang chuan awm zel i la a ṭha ber ang."
Room kawngkhar lam chu a pan leh a, pawnlam.a ṭang chuan plastic bag lian ṭha nelh nawlh tak hi a rawn khai lut a, ka ke bula rawn nghah pah chuan, "Heta hi i thawmhnaw tur a awm a, hetiang thawmhnaw hi i ha ngailo a nih pawhin, ka pa awm chhung lek chu hak tum rih hram ang che, hetiang thawmhnaw inbela a bula i rawn kal a nih ngat chuan i lang zahawm ngei ang tih hi ka chiang."
Ngawi reng hian a thusawi lai chhung zawng chu thip zetin ka melh ram ram reng a, "Zawhna dang a la awm em?"
"Awm lo."
"Good."
A in her vut a, a kal chhuak leh ta nghal a.
Asshole.
TREY....
Inhmuh khawmna tur kan tih hmun lam chu thinrim zet hian ka pan a, ka thinrimna chu a lang chhuak ang tih ka hlauh lutuk luatah ka mit pawh a kham na urh a, ka biang ruh te thleng chuan a kham na ut ut vek, ka va thleng chuan Detroit leh Hunter pawh an lo awm der tawh a, mahse an ni pawh an thlenna a la rei lutuk bik lo tih ka hre thei.
Kan kalna chan chin ṭheuh chu kan sawi liam liam hlawm a, thinrimna mai chauh ka hlawh chhuak, kan bul velah chuan midang an awm lem lo bawk a, ka thinrim in up bet tawh chu ka puah chhuah tir phawng phawng a ni ber.
"Engtin nge tumah hian an hriat theih loh zawk chu le?"
"Kha hmuna restaurant neitupa sawi dan chuan New York a chhuahsan hnu a ṭangin vawikhatmah an in be lo hrim hrim a ni awm e." Hunter chuan ti in a kalna chung chang chu a sawi chhuak a.
"A nih leh Detroit car rental lam pang ve thung le?" Detroit ah chuan ka innghat tawp tawh.
"Ka va kal lai khan a neitupa ber a lo awm lo a, a hnuai a hna thawkin a ai a lo awh a, a sawi dan chuan an car te chuan tracker a neih leh neih loh a hriat chiah loh thu in min chhang."
"Mahse ka number chu pa hnenah chuan ka hnut chiah a, naktukah min rawn call tir tur thu a sawi."
"Realtor lam ve thung eng nge a an?"
"Inluahna hmunah chuan Alexandra chu a kal ngei a, a hma lawk pawhin an inbe bawk a, chuan a hnu lawkah ruah a sur tak a vangin realtor chu a kal thei nghal mailo a, ruah sur ban hnu a a va kal chuan chu hmuna Alexandra bungraw dah ho kawngka bula mi chauh chu a va hmu ta a ni. Call a tum lahin a number a in switch off tlat tawh mai bawk si, tihngaihna a hre bik lo a ni awm e, min hrilh turin kan number lah a nei bawk si lo." Rilru hah a vanga thawk chhuah deuh kawk pah hian ka sawi chhuak.a.
"Hei zet chu ka rinai daihin buai pui a ngai thui dawn tlat mai a." Dwtroit chuan a ti ve sup.
"Ok, car rental lam chuan chan chin an neih beisei phawt rih ang, an car ten trackers a nei a nih hlauh chuan hma lamah kan ke kan pen thei dawn a ni, chumi tih loh chu he hmuna kan kal chhan a beisei tur dang kan neih ka hre ta lo."
THE NEXT MORNING.....
Kan bathroom neih chhun hremhmun tluk zeta hreawm a ṭang chuan ka chhuak thuai a, Detroit chuan phone a lo be mek, beiseina sang tak nen ka pan phei ve nghal a, "Thank you, inhmuh kan tum dawn nia."
A dah hnu chuan ka lam a rawn hawi a, "Well?" Min chhanna tur chu ka nghakhlel hle bawk.
"Ka biak zawh chiah kha car rental hmun nei tu a nia."
"Chuan?"
"A sawi dan chuan an car neih zawng zawngin tracker a nei vek tih thu a sawi, zaninah inbiak na hun kan nei thei ang."
"Engvangin nge zan lamah daih daih? Tunah ka hmu duh." Ka ti nghut a.
"Tunah chuan hetah a awmlo a lawm, a sawi danin zaninah a rawn thleng thei chauh ang."
Thawk ka la hawk a, "Callie kan be ve ang e."
Ka kal hrang nghal a, Callie number dial in ka phone chu ka bengbulah ka dah a, a in ring chu ka ngai thla vang vang, rei oawh a inring hman lo, Callie aw ngei chuan min rawn chhang a.
"Hey baby."
"Trey khawngaihin chanchin ṭha lo i hriat a vangin min rawn call tih hi sawi hauh suh."
"Chanchin ṭha lo lam a ni lo baby, kan thil tih ah hmasawnna kan hmu zawk dawn a lawm."
"Eng nge i an zawk?"
"Kei chu min ngaihtuah duh suh Trey, chu ai chuan Alexandra i zawnna lamah khan i rilru pe zawk rawh."
"Callie ngaithla teh, naute pian dawn hunah chuan min rawn hrilh ngei ngei ang che, naute pianlaiin i bulah ka awm duh a nia."
"Ka ti ngei ang, ka tiam a che."
"Ok, naktukah ka rawn call leh dawn che nia, ka hmangaih che."
"Trey, kei pawhin ka hmangaih che."
Phone ka cut hnu chuan thawk ka la ri hawk a, Princess khawiah nge i awm?
THE ROMANO FAMILY MANSION...
ALEXANDRA....
Bathroom lam chu ka pan leh a, a girlfriend anga lem han chan mai chu, ka awih thei lo zawk hial mai, thawk ka la raih raih a, ka au chhuah mai lohna turin inbengdaih ka tum hram hram.
Eng vanga a pa chuan tunge ka nih tih hriat duh viau nge a nih le? A chhan awm reng ka hrethiam lo.
Chuan engvanga ka thawmhnaw inbel a vanga mi hmusit ngam nge a nih reng reng? Chutah ka thawmhnaw inbel turah a duh zawng tak inbel turin order min la pe zui bawk a, chu chuan ka lang danah ka zahawm tur thu a la sawi zui leh ta nghal.
A thin ti rim leh zual turin ka room a ṭang a bikini nen chauh a ka chhuah nghal loh. Nge ni chu chuan ka laka hla takah a awm tir ang, a thawmhnaw rawn dah luh ho chu ka phawrh chhuak a, thawmhnaw chu a tam tham hle a, ball room ah leh party zahawm tak neihna hmuna hak awm tak tak vek designer thawmhnaw vek hi a ni a.
Kawr hring nghalh mai ka mitmu rawng ang tak chu ka thlang chhuak a, ka inthawlh ta nghal a, ka hma darthlalanga ka thla lo lang chu ka thlir vang vang a, "Hei chu keiman complaint kan siam ang e, a chhing mah mah lutuk lo ."
"Hei pawh hian a thin ka ti so bawrh bawrh thei nge ang." Ka nui chhuak pah hak a.
Ka sam ka phiar tawp a, powder tlem inhnawihin ka innuih pah sak bawk a, ka thawmhnaw hak lai chu ka duhzawng tak a ni a, mahse a ni tan erawh thunrimna tham a ni lrh ang em tih erawh ka hre lo.
Ka awmna mansion chu fangkual ve hrim hrim ka tum ta a, eng ang chiah nge a nih hre turin room pathum bak ka la hmu lo a, bed room pahnih leh dining room bak hmuh ka ka nei lo, lukham hnuai a silai ka dah chu ka la a, eng ang mi nge an nih tih ka hriat miau loh a vangin, ka tih ngei a ngai, mahni in humna te pawh a ni thei bawk. Silai chu ka malah ka hreng bet mawlh mawlh a.
Ka thawmhnaw ka thlak tawh bawka, ka room a ṭang chuan ka chhuak ve ta a, corridor pawh ka la kal chhuak lo ang, hmeichhe pakhat sam buang thang mai, bawk fel nalh, makeup hmang nasa zet leh thawmhnaw senlar man tam hmel zet inbel hi ka tawk thut a, a ni pawh chu room pakhat a ṭang a rawn chhuak ve chiah hi a ni a, min hmu chu min melh thip nghal hle bawk.
Hawihawm chuah takin, "Hello." Ka ti chhuak sap a, ka nui sak bawk.
"Tu nge maw i nih hrep chu le?" A hmelah chuan khak na hlir bak hmuh ka nei lo, a meng thip hle bawk.
Shit, he nu hi em ni Luca in ka unaunu a tih chu ni ang, hmeichhe nelawm lo tak zawng a ni ngei ang le, mahse ṭha taka ka biak loh chuan Luca ka chungah a thinrim leh dawn chiang.
"Zawhna ka zawt che a ni lo'm ni?" A ti leh hmarh a.
"Tihpalh lutuk, ka khawvela ka lo chen vang a nia, pawi ka ti ngawt mai."
"Luca girlfriend ka nia."
"Luca ..... eng maw i nih a?" A meng phar nasa mai.
"A girlfriend maw le, kan inhmuh a vangin ka lawm e." Ka nui pah sang bawk.
"Tunge maw i nih chiah le, tun maia i thusawi kha ka awih i ring em ni, security ka ko dawn a nia."
"Oh, kal ta che, a pawi hleinem, mahse Luca in a hriat chhuah hunah erawh chuan pawi a ti khawp ang le."
"He thil a tana Giovani an rawn hruai luh i ni tihna em ni?"
"Giovanni maw?"
"Aw, Giovanni Romano maw le, i boyfriend pa hming pawh i hre na nge?" A ti vin hlar a.
Ronano maw ni a, chu hming chu ka hriat tawh hnu ang ka ti kher mai, mahse khawiah tak nge Romano tih chung chang hi ka hriat erawh ka hre chhuak thei lo.
"Oh, Mr Romano hi maw, vawiin hi ka vawikhat hmuhna tur chiah a nia." Ti in ka hriatlohna chu ka khuh mawi leh vat.
"Min lo hrethiam la, Luca in min lo nghak reng tawh ni in ka hria." Ti a sawi in eng dang sawi leh tawh lo in chu nu in thip zeta min en na lak a ta ka kalsan ta daih a.
Inhnuai lamah ka chhuk thla a, ṭawngthawm ka hriatna lam living room niawm tak chu ka pan ta a.
LUCA ....
Ka pa te airport a ṭang a va hruai buai vel ngailo tur chu ka lawm kher mai, chutiang tur chuan ka hman bawk hek lo, ka pa chu ka lo ṭhutna hmun living room lamah chuan a mah chauh hian a rawn lut a, a hmel ka lo hmuh veleh chuan ka ṭhutna a ta ding chhuak nghalin, "Isabella a rawn kal tel ve dawn emaw ka ti a."
"A rawn kal tel a lawm, pawnah Luca nen an inbe lawk a nih kha."
"Dad engvanga rawn kal deuh phut maw i nih a?"
"Eng chung chang ah maw?"
"Thil ho mai mai ti tura rawn kal chu i nih Ka ring hauh lo."
"Tunah tak hi chuan hriatthiam ka mamawh rih, chuan ka fapa chhuanvawr te pahnih hian eng angin nge hna an thawh tih ka rawn thli thlai duh vang te pawh a ni mai thei bawk, chumi thil ah chuan eng nge an tih hre turin ka rawn kal theilo tih na mi a?"
Ka pa hmel chu rei vaklo chhung ka melh deuh vung vung phawt a, "Thil eng emaw takin a tibuai che ni a hriatna ka nei in ka hria."
"Figlio i â tawh a nih hi! Capo ka la nireng tih hi hria la, chu vang chuan engtin chiah nge hna hi a kal tih ka hmuh duh vang te pawh a ni ang chu!"
Kan pahnih chiahin kan awm lo tih ka hawi chhuak chuan ka va hmu nghal, Signorina bawk maw, thawk ka la hawk, "Hi." Inthlahrun hmel zet hian a rawn ti a.
"Chuan he bella donna(pretty woman) hi tu nge ni a?"
Signorina in ka pa a melh dan chu a hlauthawng thut ni hian ka hria, khawi a ṭangin nge silai a neih tih pawh hriatloh chu a phawi dawk zawk a, kan lam hawi zawng chuan a kap ta ṭhiai thiai mai a, kei min kah loh pawhin ka pa zawk chu a kâp fuh ngei ang le.
"Eng thil nge maw i tih hrep Amore?" Tih thu ka sawi chhuak hman ṭawk, ka che chhuak phut a, a lamah chuan ka zuan phei nghal bawk, ka bawh thlu chiang hle, mahse thil chu a nih tur ang a ni vek tawh.
Kan hnunglam tukverh glass a kap keh chuai a, mipakhat natuar au thawm kan hre nghal bawk; lei lamah a tla thum ṭawk thawmin a zui nghal.a, ka tho chhuak vat, ka pa nen chuan kan hawi phawk dun nasa mai.
"Ka che chhuak vat a, tukverh glass keh a ṭang chuan ka va dak chhuak a, ka pa nen chuan mak ti zetin hnuai lama mipa khat lei lama a thi tawh tih hriat zet mai let reng chu kan thlir chhuk tlawk tlawk.
"Cazzo." Ka ti chhuak pah hruih a.
Signorina lam chu ka hawi phei a, "Eng thil hrep nge?" Ka ti chhuak hrawih bawk.
"Babe nangmah chhan tu che ka nih hi." A nui var var hrep tak chuan, hmeichhia chu a ni ve si a maw?
A mit te chu mi la siai khum pah deuh deuh, ka that duh hial awm e.
Kan bul a rawn pan phei a, "Mr Romano kan inhmu chu ka lawm kher mai." A la nui sang a.
Ka pa chuan signorina chu chik zet hian a melh vung vung a, a thil tawn chuan a shock hle hian ka hre bawk.
"Tunah chuan tiang em em a Luca a ṭhat chhan leh mi a hip theih zia chhan hi hre thei ta ta in ka inhria."
"Ka lawm e Tesoro(treasure) chuan tunge i nih tih hi ka zawt thei che ang em?"
Chutihlai tak chuan hmanhmawh zet hian Riccardo leh Dante pawh an silai nen an rawn tlan lut ve nghal a.
"Silai kah rik thawm kan hria a." Dante chuan a rawn ti lut a .
"Helai hmun rawn thlennan invuai cha dun hle mai." Ka pa chuan a lo tih khum sup.
"Nangni pahnih hian tu emaw lak a ṭanga inzir leh deuh in la ngai ngei ang."
Ka pa in thudang a sawi leh hma chuan ka lo ṭawng khalh vat nghal a, "Rick Bella leh ka pa hi an room turah hruai tawh rawh."
"Figlio he thil hi engvang a rawn thleng nge a nih tih ka hriat chhuah hma chu khawiah mah ka kal dawn lo hrim hrim.
"Dad, naktuk lamah kan sawi dun dawn nia." Kan signorita awm ve laia engkim.sawi chhuah chu ka duh dan a ni hauh lo, chu mai pawh nilo in, Signorina ka ngaihdan chu a danglam zo vek tawh, hmeichhe innocent tak chu a ni lem lo khawp mai.
"A chhan chu kha zawngchhia kha tunge a nih tih leh engtin nge ka security dah a rawn pelh theih tih hi ka hriat chhuah hmasak phawt a ngai ang."
"Very well, chuti a nih chuan hah dam takin ka mu thei dawn a nih chu, naktuk ah kan sawifel dun ngei ka beisei." Ti a a sawi hnu chuan Signorina lam chu a hawi phei leh a.
"Chuan Tersoro nang pawh naktuk hian kan inbiak chhunzawm leh ngei ka beisei."
"Tehreng mai Mr.Romano." ka pa chu a kal sawn ta nghal a.
ALEXANDRA.....
Oh my God, mi ka that ta ringawt tihna chu a nia le, eng ka ti zo ta nge ? Nilo, he thil a vang hian ka chiai mai tur a ni lo, pangai taka awmin ka lemchan lai hi ṭha taka ka chhunzawm ngei a ngai ang, chuti a nih loh chian hemi zawh a thi tur chu keimah chiah hi ka ni.
Luca lam chu ka pan phei a, min melh rum ngang mai, ka lakah a thinur hle tih pawh ka hria, eng thil nge ka hriat a engvanga kha pa kha kap nge ka nih reng reng, an mahni kha kap dawn pawh ni se, ka au chhuak thei mai lo em ni? Engtin nge silai kah dan ka thiam? Zawhna tam tak keimah ah a awm reng bawk, mahse khatiang tihna hun kha ni in ka hre silo, lo au chhuak ringawt ta ang ni ila, kan zinga mi tu emaw ber khan an nunna chu an chan ngei ang le.
Ka tun hma nun hriat chhuah ka chak kher mai, eng ang mi chiah nge ka nih, misual tak khawngaihna pawh neilo tual thah hrat tak em ni ka nih ? Thawk ka la halh a, "Eng thil hrep nge?" Luca chuan ka rin ang ngei in a ti chhuak nghal tuar.
Ni e, pangngai taka ka awm ngei a ngai ang, ka aw pawh a khur hauh tur a ni lo.
"Babe nangmah chhan tu che ka nih hi." Ka nui lui hram hram bawk, ka awm ti nuam tu a tan ka siai khum pah sak bawk.
Min riloh hmel kher mai, Luca pa lam chu ka hawi phei a, a ni pawh a thil tawn chuan a thawng hle tih a hmelah chuan a hriat reng mai.
"MR.Romano a tawp a tawp ah zawng kan inhmu ve ta chu ka lawm hle mai." Eng mah thleng lo ang taka awm ka tum lui hram hram bawk.
"Tunah chuan heti em em a Luca a thatna leh hmeichhia a hip theihna chhan hi hre tawhin ka inhria."Ka ti nawn leh ngat a.
"Ka lawm e, Tesoro, tunge i nih tih hi ka zawt thei ang em?"
Sawi tur mai ka hre lo, tunge ka nih ka hriat miau loh a vangin engmah ka chan chin sawi tur ka hre lo a, tun maia ka awmdan lah kha a chhan ka hre heklo, engvanga silai hmangthiam nghal ringawt nge ka nih lah ka hre hek lo.
Mr.Romano ka chhan hma chuan Dante te rawn kal chian min rawn chhan ta hlauh a, ka thaw deuh huai mai, "Silai kah ti kan hria a." An rawn ti a, tumah na tuar ka awm.lo tih an hriat chuan an thaw ve huai hian ka hria.
Luca pa chuan chumi te pahnih ṭuanmuan zia thu a lo sawi khum.a, nuamlo ka ti kher mai, eng ang mi chiah nge an nih ka hre bawk silo nen, an zinga awm reng pawh chu nuam ka ti lo kher mai.
Chutih lai tak chuan Luca a rawn inrawlh ve vat a, Riccardo bulah chuan a pa leh a unaunu chu an room lamah hruai turin a ti ta nghal a, mahse a pa chuan a lo hnial tlat thung, "
"Figlio he thil hi engvang a rawn thleng nge a nih tih ka hriat chhuah hma chu khawiah mah ka kal dawn lo hrim hrim." A ti mauh mai.
Luca chu a thaw hawk a, "Dad, naktuk lamah kan sawi dun dawn nia." Ti a sawiin a rum chhuak.pah nghut bawk.
A thusawilai chu a chhunzawm leh a.
"A chhan chu kha zawngchhia kha tunge a nih tih leh engtin nge ka security dah a rawn pelh theih tih hi ka hriat chhuah hmasak phawt a ngai ang."
"Very well, chuti a nih chuan hah dam takin ka mu thei dawn a nih chu, naktuk ah kan sawifel dun ngei ka beisei." Ti a Mr.Romano in a sawi hnu chuan ka lam a rawn hawi a, "Chuan Tersoro nang pawh naktuk hian kan inbiak chhunzawm leh ngei ka beisei." A rawn ti a, a hmelah chian ti ti dun a duh zia pawh a tilang chiang hle.
"Tehreng mai Mr.Romano." ti a ka chhan hnu chuan Mr.Romano chu a kal sawn ta nghal a.
Tunah chuan Dante leh Luca chiah ka bulah an awm ta, a pa a kal chhuak chiah tih chuan Luca chuan rum zet hian min melh chhuk a, "Eng thil nge ni hrep?" A ti chhuak ṭhawt bawk.
Thawk ka la deuh hak a, pangngai taka awm ka tum .
"Eng thil nge thleng hrep hi?"
Ka phu deuh zawk, ka menkual khum ralh a, "Kha pa kha balcony a silai nena a rawn lawn chho lai ka hmu a, chu vang chuan ka remhriatna in ka kap ta mai a nih kha, pawi ka ti lutuk.
"Khawi a ṭangin nge silai kha i neih?" A aw reng reng chu a vin loh lai reng ka hre lo.
"Ka room chhung lukham hnuaiah a awm a ."
Thawk a la ri hawk, "Buaina namen lo tak i ni in ka hria mitmeng hring nu, i room lamah lo va kal rih phawt mai teh, nakinah nang chu ka la buaipui ang che."
Ka bu nghat a, engmah sawi leh tawh lo in ka room lam.ka pansan ta a, mitmeng hringnu ti a min kohna chhan reng reng ka hre lo , a thinrim vangin min ko ah ka ngai hmiah.
LUCA....
Signorina kal tak hnu chuan ka bula ngawi renga ding ve reng Dante chu a rawn ṭawng chhuak ve a, "Buaina mai a ni ti in ka hrilh tawh che kha."
"Buaina a ni emaw nilo emaw, ka nunna min chhan him sak thung a lawm."
"A hmasa ber a tan tu tana thawk ṭhin nge a nih tih hi hriat chhuah vat tum ang che, chuan a kah hlum tak pa pawh kha engtin nge ka security a rawn pal tlang theih tih hi zawng chhuak nghal bawk rawh."
A bu nghut nghut a, "Ok, ka lo ti nghal dawn nia, chuan biak lawk duhna che ka nei a."
Ka chal ka dawm ruih phawt a, "Dante nakinah, vawikhatah thil pakhat tih fel phawt ka duh." Ka ti chhuak hrawih.
"Aw le." A in her a, min kalsan ve ta nghal a.
Rilru hah zetin ka room lam.ka pan chho a, ka thil tawn zozai a vang chuan ka ngaihtuahna thluak a buai mup mup hian ka hria, tunah tak phei chuan eng thil mah ka ngaihtuah theih pawh ka ring lo, shower ka hman zet hnu ah chauh fel fai takin ka ngaihtuah ve thei chauh ang.
Engmah ngaihtuah duh rihlo in bathroom lam ka pan ta a, tui vawt ka hmang lui ngat bawk, ka inbual zo chu ka harh huai hian ka hria, ka thil tawn ho chu ka ngaih tuah ṭan ta a, ka rilru a rawn lut hmasa ber chu kha sihnorina kha a ni.
He signorina ah hian eng emaw mak danglam tak chu awm hian ka hria, a,silai kah thiam dan em em te kha, Dante leh Riccardo ang mai a ni tih a lang chiang hle bawk .
Chuan in fight lah a hneh em em bawk a, khatiang khawp a hmeichhe fight thiam kha ka hmuh pawh ka la inhre ngai lo, Dante leh Riccardo ai pawhin a hneh daih zawk ngei ang.
He signorina hian tunhma in train tha tak a nei tih a hriat chian hle bawk.
Mahse engvang nge ni ang, tu tan nge chuti khawpa training a lak?
Chung thil hre chhuak tur chuan engtin chiah nge ka tih ang tih erawh ka hre mai bik lo.
No comments:
Post a Comment