SEDUCTIVE S II CHAPTER 11

SEDUCTIVE S II CHAPTER 11

ELEANOR....

Inchung lamah chu hmun a room awm ho fangkual tur chuan ka chho a, room tin mai chu a pui em em vek a, khaw hawi lah a nuam hle, room tin mai chu an chei dan a nalh em em vek a, tunlai a room chei nanna a hman manto vee chi vek an hmang vawk, furniture tunlai ber ber lwh cartian ah ringawt pawh disigner kut chhuak ngat hman vek a ni a, ke pen a rinlohna turin hmuntinah chuan carpet dup man to chi vek hman a ni bawk, room chhung hrim hrim ho chu uluk taka chei a ni tih hi a hriat hliah hliah, tu emaw chhung kaw nu mawlmang zet chei chu a ni hauh lo ang le.

Well a mawi mai pawh a nilo a ropui tel tlat.

Chu inchhung chu magazine a ka in lo hmuh tawh thlalak ang mai a ni tih ka hre mai a, chu pawh mipawi mawh tak tak chenna in ah bak chu tiang hmun chu ka hmu ngai hek lo.

Chu ka ngaihtuahna chuan ka awmna hmun tur ah ka awm lo a inngaihna min neih tel tir bawk.

Kei ve chu cabin ang mai ṭhing zetah ka cheng a, tunah lah mihausa leh lar ho chenna hmun ang chi mansion diktakah chuan kaawm ta chu a nia...... thawk ka la halh a.

He tiang ang hi ka mumang lamah pawh ka la mang phak ngai lo.

Chung room ka en kual nual hnu chuan Wesley awmna lam inhnuai lamah chuan ka chhukthla lehta a, "Wesley." Min hnungchhawn zawnga ding chu a rawn inher a.

"I en kual zo tawh tihna mi?"

"Yeah, well, hetiang khawp a hmun zai hi zan in angah te chuan ka fang chhuak thei dawn em ni a, a zau in a lian tham bawk si, chuan a pui em em leh nghal."

"A ni maw, a nih lo kal teh, i la hmuh miahloh tur room pakhatah ka hruai ang che."

"Mahse a hmasa in i maimitchhin erawh a ngai thung ang."

Ka en deuh char char a, a ti fiam ah ka ngai mahse a hmel chu a thutak tlat.

A hmela thutak runna chauh ka hmuh a vang chuan, "Wesley naupangchhia pawh kan nih tawh lih hi, ka mit ka chhin daih te chuan ka kalna ka hmu theilo ang a, ka tlu palh mai ang a sin."

" Oh, ka thusawi chu ngaihven mai teh, a hlim awm phian ang, chuan indap chawpin i kal dawn hauh hleinem, keiman ka hruai dawn che a lawm."

Ni e, a ṭha ve phian ang, hlimna tlem chu ka siam sak ve tur a lawm,a lungngai hmel leh a lawm lo hmel hmuhhreawm ka ti anih chuan.....

Ka maimitchhing ta a, Wesley an a ka kuta a rawn vuan chiah ka taksa  chu electrict current chak tak man ang mai hian a pumin a hik chhuak nghal chaui.

Chutih chhung reilo te chuan he thil hi ka ngaihtuah hman hmawh a, mipahnih inkawp tur tak te hlim taka awm dun, innuam leh ropui zetah inngeih taka cheng dun angah ka in chan hman hial.

Room kawngkhar pakhat kalhna chu a hawng a, kei chuan ka namhawng nghal a, inchhunglamah chuan ka lut ta nghal a, "Wesley ka meng duh tawh."

"Khawiah nge i awm?"

"I hnungah ka awm, i meng thei tawh e."

Ka meng chiah , He room chu...."
sawi tur hrelo hian ka kâ ka âng hau a, reilo te chhung chu sawi tur pawh hrelo in ka ngawi tawp, "Kan naute room tur tihna....." ka mittui chu a tling nghal pam a, room chhung chu mitui tilng pam chung hian ka melh kual a, hetiang khawp a room nalhah hian kan naute chu a ṭhanglian dawn chu a nia.

"He hmun hi ka lo suangtuah ṭhn dan ai pawhin a mawi daih."

"Wesley a nalh lutuk ringawt, sawifiah dan pawh ka thiam lo...."

Wesley ka hnunga ngawi renga ding lam chu melhturin ka inher a, a hmel thutak zet nuihzatna pakhat mah lang lo chu ka melh chho a.

WESLEY COOPER....

Eleanor chu ka lam hawi chuan a rawn inher a, a mit meng mawi zet  vawi sangkhat chuang ka lung ti phu thei tu ngei chuan mittui tlin a vanga meng de sar chung hian min melh chho bawk a, ka kut chu mi lak sakin ka dar lamah chuan a chul chho in, a chil a lem pah khalh a.

A heh nalh zet sen siahah chuan chonlem awm lo a  fawh vawng vawng mai ka chak tak zet, mahni ka inhmangaihna ai mah pawhin a ni chu ka hmangaih tawh zawk.

Mahse tunah chuan ka fawh theih ka ring lo, a chhan chu a mah ngeiin a ṭawngka chhuak hmanga a mah fawp tura min sawm.hma lo chu ka fawp leh thei tawh lo ang.

A mitmeng de sar chuan ka hmui lam chu a melh reng tih ka hai lo, kei chuan a mit ah tak ka mit chu ka fuk tir thung.

Chu boruak  karah chuan nasa tak leh duh thawh taka infawh kan duhtawn ve ve tih pawh ka hai hek lo, "Min la hmangaih em em ang, i tan a ka tih theih zawng zawng hi min hmangaih ve theihna turin ka la entir zel dawn che Eleanor."

Thawk a la halh a, hnuailam a melh pah ralh a, a ka chu a ang deuh chap a, thil eng emaw sawi a tum tih a landan a ṭang chuan a hriat a, mahse engmah erawh a sawi chhuak lo in a ngawi leh daih, "Pawi ka ti takzet, i rilru ngaihtuahna kha nawr luih ka tum vang a ni hauhlo a nia." Ka ti chhuak sup a, ka lo nawr lui leh mah mah ta em ni?

"Its....okay ....Wes."

Khaw dang ka hawisawn nghal a, "Well, room chu i duhzawng a ni em?"

"Ka duh lutuk ringawt."


"Naute pawh... a hlim viau ang."

"Ni e, a hlim khawp ang ." Eleanor hmel chu melh loh hram hram ka tum,achhan pawh ka insum theihna zawng zawng te chu a kehchhia ang tih ka hlau, a feelings lah tihluih ka tum tawh hek lo.

"I room turah ka hruai ang che."

"Zanin a ṭangin tah hian kan riak nghal tawh ang."

"Ok." Ti a min chhangin ka kal chhuak chu min rawn zui ve nghal mau bawk a, a room tura ka hruai luh hnu chuan, "Hei hi i room tur a ni a, vei lam pang a mi saw keimah ka a ni ang, kan pahnih room inkarah Rose room a awm dWn tihna a nih chu, he hmuna i rawn kal chang a paingin hei hi i roomtur a ni ang."

"A nalh tak zet, ka lawm lutuk."

"Kei hi a sin lawm turzawk chu Eleanor." A chhan chu i tello chuan ka awm thei tawh lo. Tih erawh ka ka a ṭangin a ri chhuakthei rih lo.

Kan in melh deuh leh ren rawn a, "Good night Eleanor." Ka in her vut a, ka room tur lam ka pan san ta nghal a.

THE NEXT MORNING....

Nizan lamah Elranor chu a muhil ṭa lo nge zingah pawh kan tho rual dun a, a room pawn a rawn chhuak chu a inaiam peih fel ap nghal, "Thil eng emaw ei turin kan chhuak dawn mi, ka ril a ṭap hle mai."

"Ok, heta ṭanga hla lo te ah hian hollywood inziak thlir theihna nibawk hmun mawi leh nuam.tak a awm a lawm, tah chuan kan kal dun dawn nia."

"Nilo, restaurant changkang tak tui sik glass no khat ringawt pawh $,15 a nihna hmunah chuan kan ksl hauh lo ang."

"A nih leh khawi hmunah nge kal i la i tih deuh a?"

"Lokal rawn, ka entir dawn che nia." Ka kutah chuan min kai dar dat a, khawi hmunah tak min hruai dawn chu ni maw, pawna car inhungah chuan kan lut nghal a, a ni chian a thil ei duhna hmun a thleng tawh nge tawh lo en a tum nge maw ni tukverh lamah chuan a dakchhuak char char bawk a.

Rei pawh kan tlan leh hman hma chuan Eleanor chuan car chu a ti ding ta a, "LA ah hian i la kal ngai lo ni in ka hre si a." Car a ṭanga chhuah pah chuan ka ti a.

"La kal ngai nang." A nui chhuak zui hak hak a. Ka mengkual khum rulh, mahse a nui hmel erawh hmuh nuam ka ti kher mai.

Kawng kama coffee dawr pakhatah chuan min luh pui nghal, ṭhutna ruak awmah chuan ṭhuthmun kan rem a, kan thil order pawh rang takin a rawn thleng nghal bawk, "Hei hi em ni i sawi chu?" Ka nuo pah suk, ka coffee no chu ka la kang nghal a, ka in pah zauh bawk.

"Khatin hriatthiamloh hmel te chu pu lo mai teh, an donut hi a tui em a sin." A keih pah hmak hmak a.

"Ka napkin hi ka la, i khabe leh i hmui vel kha hrufai rawh, a frost kha a kai nasa mai ."

Ka nui chhuak pah hawk hawk a, donut a duh tih chu ka hria, tiang em em a a ei nasat erawh ka ring hauh lo.

A ni pawh chu za zet a nui chung hian ka napkin pek chu la in a inhru fai ve malh malh a, a nui hmel chu a tawp thut a, "Uh, Beatrice hming chung chamg kha....."

"Kha hming kan naute hming a tana ohuah kha pawi i tilo chiah ang maw?" Inthlahrun hmel zet hian a ti chhuak a .

"Chu chu i hming duh a ni lo'm ni, ka tan chuan a ṭha vek."

"A nih vawiin hian kan va la hman awm lo ve?!

"Ngaihtuah duh suh, naute lak hma in inkha en hmasak tir phawt che ja duh si a, chuvangin naktuka lak theih mai turin ka ti ta zawk a nih kha, an ni kam.pawhin enfkim fel sa in an lo dah ang a, kan thlen hunah chian kab hming chiah sign in awlsam.takin kan nei tawh mai dawn a lawm."

"I thusawi a mumal lo ve thei ropui tih hi i hria em?"

"Oh, ka hria , ka hria." A kun deuh ngaih a, a sam buang  ngil tle siau chuan a hmai a hliah nghal vek, a kut chuan hnunglamah a hui kiang pah zauh a, "Amarawh chu engkim ṭha famkim turin ka duh si a lawm, kan naute hming turah pawh hian a tana mawi leh ṭha ber tur ka ngaihtuah a ngai tel bawk, nakinah hmeichhe chak leh huaisen taka a rawn ṭhanlen chhoh theihna turin."

"I sawi awmzia chu.....nangmah ang hi i tihna mi, a ni em?" Ka nui chhuak pah hawk.

Engtin mah min chhang lo, kan thil ei lai kan zawh hnu chuan ka ṭhutna a ṭangin ka ding chhuak a, ka thawmhnaw ben fai deuh thuak thuak pah hian, "Ka kal tawh ang e, tun a ṭanga minute sawmthum hnuah hi chuan meeting ka neih a ngai dawn a."

"Zan lamah chiah ka rawn haw hman ang, nang erawh chu ka carah khan chuangin airport lamah i kal ang a, NY lamah i lo va haw thei tawh ang, lo chawl hahdam ang che, naktuk addopt center kan kal leh hma zawmg chu." Ti a sawi in a chalah chuan ka fawh sak zauh a.

"Ok."

Ka in her vut a, ka hawi let leh nghal, "Oh, chuan New York i thlen hunah message min rawn thawndawn nia."

"Ok, ka lo ti dawn nia."

Ka phone chu ka beng bulah dah nghalin ka inher let leh a, chu coffee shop chu ka chhuahsan ta nghal a, ka jet pilot ka bia a, Eleanor vawiin lama NY lama thlah turin leh chumi hnu ah kei pawh zing lama ka haw dawn a vanga rawn kir leh turin ka hrilh a.

Taxi ka koh fel hnu chuan ka ṭhu lut a, ka car driver chu ka phone nghal a, Eleanor chu airport a ka jet awmna lama thlah tur a ka tih fel hnu chuan meeting neihna hmun lam chu ka thleng ka lut ta nghal a.

Melissa pawh a lo awm der tawh, "Oh, i rawn thlen hmanpawh ka lo ring hleinem." A nui pah sak.

"Min lo nghahna a rei tawh tihna mi?"

"Rei vak lem lo e."

"A nih chuan kan meeting neihna chhan tur hi Canada company lama investment i pek chung chang kha a ni lo'm ni?"

A nui chhuak hak hak a, "Wesley kha chu zanin meeting neihna a tan dah rih ang, tunah chuan kan thil plan zawk kha sawi chhunzawm ila a ṭha lo maw?"

"Kha thil kha a tih theih tak tak dawn em tih hi ka hre tawh lo a ni." Ka chal tuai chhoh pah zauh chung hian ka ti chhuak ve ruih a.


"Ngati maw?"

"Eleanor nen naute enkawl lamah kan buai rih dawn em a vangin, kan naute lah chu nausen mai a la ni bawk nen....."

"Uhh, plan ṭha tak a ni a sin, naute vang chuan chan tum miah suh, okay?"

ELEANOR HOUSE NEW YORK....

Tlai lam dar li bawr velah NY ka thleng leh hman a, Wesley private carin min lo hmuak reng tawh a, ka ṭhutluh hnu chuan ka chenna hmun ka hrilh a, chulam pan chuan kan tlan chhuak ta nghal a, jet a kan chuan chhung zawng khan ka mut chhuak ka muhil char char a, chuvang chuan mahni a chuan pawh a khawhar thlak vak lo.

Chau zetin kan in ka thlen hnu chuan kawngkhar ka nam hawng a, George couch a lo ṭhu chu ka hmu nghal bawk.

Min hmuh veleh a ding chhuak a, ka bul a rawn pan nghal a, a hmel chu a hlimlo in a ngui ruih tih ka hmu, "Eng nge ni ta?" A ngui hmel em a vang chuan min ti hlauthawng lek lek.

"Engmah a ni lo."

"Hey, George, naktuk hian naute ka kutah a awm tawh dawn tih hi hrilh duh che a, min ti hlim tak zet." Ka nui chhuak sang a, ka hlim em a vang chuan tu pawh ka hmuh ho chu hrilh zel mai tak hi ka nap a.

"Ka hria e..."

"Chuan Wesley nen kan enkawl dun ka ring."

"Ka hria, NY interview programe kha ka lo en ve a lawm."

"Well, kha zwwng kha a ni e....."

Ka room lama chhohsan mai tuma ka inher lai tak chuan a rawn ṭawng chhuak leh a, "Ngawi lawk teh, he mi chung chang thil hi i pi in a hre ve em ang chu ti raw?"

"Yeah, naktuk hian naute pawh a bulah hruai theih ngei ka tum."

A ngawih leh tak a vang chuan ka room lam chu ka pan chho ta nghal a, ka room kawngka khar pah chuan zan in bak hi mahni chauh ka mut na hnu hnung ber a ni tawh ang tih chu ka ngaihtuah bawk a, a chhan chu tuna ṭang chuan ka pi ang a hmangaih tur ka chhung leh khat nitur naute ka neih tawh dawn a vangin.

Wesley pawh meeting a neihna ah a chauh viau loh beisei ang, chuti lo chu naktuk a naute lak tur ni hi a sawn leh palh hlaih ang tih ka hlau. A chhan chu kan pahnih a chanvo kan tih ngei ngei tur a nih tawh a vangin, khami ni a Paris a ṭanga ka pi bula ka kal dawn ṭuma a letter min pek kha ka hre chhuak a, tun thleng ka la chhiar hauh lo, ka tho chhuak.thuai a, ka khum bula drawer chu ka hawng nghal a, he tah hian ka dah in ka hria, engtia chhuar theinghilh thei nge maw ka nih zawk chu le?

Ka dahna hmunah chuan a ngai ang ang hian a lo la awm.tih ka hmuh chuan.ka nui chhuak var var, "Heta hi le."

Letter chu ka phawrh chhuak.a, ka hawng dawn nge ni a hawng rih lo ang, hetiang thil a tih a piang hian Wesley thu ziak chuan min vel ṭap ṭhin zia pawh ka hai lo.

Nghak khawmuang buai tawhlo a chhiar nghal mai chu ṭha ka ti ta a.

Fimkhur takin lehkha inthlep hi invelope chhung a ṭang chian ka phawrh chhuak a, a chhunga hawrawp nalh tak leh fel fai zet chuan Wesley min hriat chhuah tir, a hawrawp a nalh ṭhin zia hre tu pawh ka ni.

Thawk ka la te te phawt a, chu lehkha chhiar tur chuan ka intin tuah ta a.

He thil hi i chhiar dawn leh dawn loh chu ka hre lo a, mahse thil pakhat chauh hriat ka duh.

I tello a nun hman hi ka tum nasa tawh a, mahse ka hlawhchham chiang hle, i tello chuan ka awm thei tak tak lo a, i tello a nun hman tum chu thil theihloh tluk a ni tih min hriatchhuah tir tu lek a ni.

Ka tum a lawm min ring rawh, mahse ka ngaihtuahna a ṭang erawh ka paihchhuak thei ngailo che.

Ka rilru ang i pu ve lo a ni tih ka hriat hian chhungrilah ka na ngawih ngawih a, min that thei hiala hriatna ka bei ṭhin, chu thil hre rebg chung chuan he thil erawh hi chu i lakah ka sawi a ngai bawk si.

Eng thil nge i duh chiah tih hre turin ka nawr lui lo che a, ka tur hmahmawh hek lo che, a chhan chu ka chung changah ngaihtuahna diklo tak i nei ang tih hi ka hlau a, i lakah rilru diktak ka put zia hrilh tum mai chauh che ka ni.

Hmangaihna hi ka rin zawng a nilo tih thu ka hrilh che khan dawt ka hrilh che a anih kha, keimah a thil thlen dan dik tak zawk chu hmangaihna khura rluk luh leh a beidawnna ko tlanga dah nawn leh ka hlauh vang zawk a ni e.

Chutiang khawp a ka chungah thil.a thlen tawh a vang chuan hmangaihna khur a tluk luh nawn leh a thih duhna rilru hial ka put leh ka hlauh vang a ni.

Hun rei tawh tak liam.ta khan hmeuchhia pakhat hmangaih ka nei tawh ṭhin a, mahse engkim mai chu a kal diklo zo vek a, kei chauh pawh nilo in ka ka company thlenfin a tlak chhiat phah a, keimah ngei ah pawh chhiatna nasa tak ka tawk a, mahni in thah duh na thinlung ka put phah hial a, chutiang love story chu neih leh ka duh tawh ngai lo.

Chu vang chuan mahni heti lamah hian chak ka duh a, hmangaihna hneh duhna rilru ka put phah ta a ni.

Engkimah chak ber ni thei turin ka ding chhuak leh a, hmangaihna ah hian tluk luh leh ka tum tawh ngailo, mahse tun ṭum erawh a dang lam leh si.

Nang chuan hmangaihna neih nawn leh dan min zir tir ta a ni. I takda pian phung mawina a vangin ka hmangaih lo che a, ka thinlung mitah hian hmeichhe dang zawng zawng aiin i mawi zawk em em.a ni. Ka fanu enkawl tu tur nu i nih a vangin ka hmangaih hek lo che a, i thinlung thianghlim tak kha ka hmangaih zawk tak chu a ni.

Nangmah a chhungrila awm hmuhtheihloh i thlarau kha ka hmangaih a, i mize mawi tak leh i nui hmel nalh tak zawk kha ka hmangaih chu a ni.

Nang nena huaisen taka kan hma hun lo thleng tur chu hmachgawn dun chakna min neih tir a, kan oahnih chian eng pawh lo thleng se huaisen takin kan bei dun thei ang tih rinna min neih tir bawk.

Mahse chutiang chu ni oawh ni sela, eng rilru nge i put ve a, eng ang mipa anginnge min en ve rih hi i rilru diktak hriat ve ka duh, chu chu sawi chhuak nghal tur lin ka duh lo che a, kei man a ka rawn control theih lah a ni hek lo, mahni a inngaihtuahin i thinlunga thusawi tu chu tu nge a nih chiah hria la ka duh mai zawk a ni.

Eleamor ka hmangaih che a, i mi chhan let ve na ka phut bawk, a chhan chu he ka hmangaihna che hi ka la bei zel dawn nge ka kalsan anga hmangaihna hriat reng tlak memory ah ka chan tir zawk dawn tih hi ka hre duh.

Keiin ka hmangaih che a nangin min hmangaih ve chuan loh chuan ja tan tuhngaihna vak a awm lo a, mahse chutianga a hma anfa buai taka nun hman leh kha ka duh tawh lo, chuvang chuan i rilru dil tak min hrilh theila ka duh a ni, mixed signal min pek lih hram ka beisei.

P.S Nang nena naute kan enkawl hun tur hi ka nghak theilo rakzet tawh, kan naute tana nu ṭha tak i nih hi ka ring tlat a, nangmah a awm huausenna leh chakna kha kan fanu lakah pawh chi anga i tuh tel ve ngei ka beisei, kan naute tan nu ṭha tak i ni ang a, kei pawh pa sexy tak ka ni ang.x

"Sexy father." Ti a sawi in ka nui chhuak hak a.

"Ṭhil ṭhalo tak chu a sawi dik lutuk a vang hian." Ka chal ka dawm pah zauh a.

Ka lehkha chhiar chuan min hnem.em.a vang chuan ka mittui a tla phang mai a, tunah chuan chan ta anga ka inhriatna leh chiang ngam chiah lo dinhmuna ka dinna ṭhin zawng zawng te kha a reh tawh ang.

Tuna ṭang chuan engpawh ni se a lamah ka ke pen anga, a mahnen hmalam pana ke pen rual dun tawh turin ka rilru ka siam.ve thei ta e. Eng tianga man tam leh eng pawh tawrh ngai dawn mah se.

"Naktuk zingah hian a bula hun hman theihna hun ka beih veleh ka rilru put dik tak leh eng angin nge ka ngaih ka hrilh ve tawh ngei ngei ang."

"A tawp a tawpah zawng kan hlim dun ve tawh dawn e...."

Ka chauh em a vang chuan khum lamah ka bawk thlawrh ka, la nui var car rebg chung chuan rilru thawveng takin tui zet chuN ka muhil ta bawrh bawrh a.

THE NEXT MORNING....

Zing ka tho thil hriat chhuah thut ka nei, vawiin ni hi Sam tana party neihna hmun tur buaipui hun a ka ruat ni a lo thleng der tawh tih ka hriat chuan chet chhuah var vat a ngai tih ka hre bawk .

A nih loh chuan Wesley nen a naute la chhuak tura kan kal hun a thleng leh mai ang.

Khatih lai a school a kan ṭhian hlui te ho chu ka sawm ngei an ngai ang a, a hma ni khan kan ṭhian kawm ve ṭhin pakhat chutiang thil buaipui ṭhin Lily chu ka be tawh a, a nin engkim a buaipui mai ang, Sam duh dan hre tu ber ka ni a, chung thil a hrilh chuan a hmun hna chei dan tur leh sawng bawl dan engkim a kutah ka nghat vek tawh ang, chu chu Sam nen pawha kan rem tih dunna a ni

Ka phone a timing chu ka en zauh a,


"A lo thleng ṭep tawh ang."

A rawn thlen hma ngei a ka mut kawr te thlak a ka lo intih fai chu a ngai ang.

Hmanhmawh zet chuan bathroom lam ka pan a, ka intifai nghal thuai thuai, ka kawt hak lai ka thlak lai tak chuan door bell a rawn ri ta ral ral a.

"A hun tawk chiah e." Inhnuai lamah chuan ka chhuk thla ta nghal a, kawngka ka hawn chuan pawn lamah Lily chu a lo ding vang tawh a, kutchen lamah phei dun in Sam hminga party neihna tur a tan chuan a thil ngainat zswng te kan sawi dun a, kan pahnih a ei tur breakfast siamin kan ei dun nghal bawk a, "Sam chuan a party na hnunah chuan disco na hmun a awm a duh ngei ang tih ka chiang." Ti in ka sawi ṭan a.

A ni chuan pawimawh tur ho chu a breakfast ei pahin a note ah chuan a lo ziak kai zel bawk a.

"Party hi a ngaina ve hrim hrim a, hetia nau a neuh ṭep hnu thlengpawh hian kal ṭalh ala tum zel tho." Ka nui pah sak a.

"Aw le, chung thil ho chu rem khawm in tum chhin dawn teh ang, ka duh dan chuan heng thil hi bar chung lam inchung berah ti ta i la, a chhan chu hetiang hmun a tana gman tur ṭha deuh hi ka hria a nia, khaw thlir a nuamin boruak pawh a thawveng bawk ang , chu hmun chu New York khawpui chhungah chuan a tih tlak ber pawl a ni bawk, chei dan tur vel  kha chu ka lo ngaihtuah vek mai ang, inchung oangngai tawp a nilo a, he tiang hun a tana hawh theiha an siam a nih a vangin a nuam hle a sin."

"Ṭha lutuk, khawi hmunah nge chu chu a awm, a awmna hmun address chu ka numberah khab min lo text ve nghal la."

Lily chian a phone chu a la kang a, chutih lai tak chuan ka phone ah text message a rawn thle g ve nghal bawk.

"Wesley message a rawn thleng a nih hi...." ti a sawi zui sap chungin ka open nghal a.

WRSLEY COOPER

#Eleanor NY ka thleng chiah e. Chuan ka maneger min hrilh danin kan inhualna kha kan ti tawp duh tawh a nih chuan vawiin hian press hma ah kan ti tawp thei tawh ang a ti tih hi ka rawn hrilh duh che a ni e.

#Vawiin lamah naute kan la ang a, zanlamah interview kan neih na hmun tur lamah kan kal leh dawn nia.

ELEANOR
#Ka hria e. A nih chuan vawiin lamah ka pi bulah naute chu kan hruai hman dawn lo tihna a ni maw?

WESLEY COOPER

#Kha chu tih theih dan hram kan ngaihtuah dawn nia.

ELEANOR
#Okay, chawhnu lamah adoption center lamah chuan inhmuh kan tum dawn nia.

WESLEY COOPER

#Perfect.

Lily message pawh a rawn thleng ve nghal a.

Ka phone counter a dah pah chuan a lam chu ka hawi leh a, "Chuan Sam rawng duh zawng hi a pawl a ni a, donut blue frosting hi eng nge i ngaih dan?"

"A ṭha a lawm." A bu pah nghat a.

Chutianga kan tihna hmuntur kan sawi fel hnu leh eng eng nge kan sem ang tih te eng tik hunah nge kan ṭan dawn tih ang reng kan sawi fel hnu ah chuan a tawp a tawpah zawng ka naute lak hun chu a thleng ve thei ta hram a.

Lily min kalsan hnu chuan ka room lamah ka chho a, barhroom lamah lut nghalin shower ka hmang te te phawt a, chumi hnu ah ka sam buang thang ngil sang chu hair dryer in ka chhem ro tir a, engtin mah ti dang lam lo in a ngil dan anh ang chuan mam taka khuihin ka thlah hnalh a, kawr nalh tak hak chhuah pawh ka duh, a chhan chu inlamah ka haw hmanlo mai thei a, kha lai hmun anga designer kawr ang ho hak tur ngaihruah chawp leh vel kha ka duh lo. Eng angin nge mipui hma ah ka lan ang? Mahni thawmhnaw ngei hak chhuah chu ka tan a ṭha zawk mah.

Ka thawmhnaw dahna chu ka pawt hawng a, silk kawr dum naran fual hnalh khum thleng vel chamg kang ru tak, mipui hma pawh a hak zahpui awmlo zet, a dar bahna sin te mai chu ka la chhuak a, duh aiin a nghawng chu a zai lam hret, ka hai der mai a ni ang chu.

Ka kawr lak chhuah chu ka inthawlh nghal sawk sawk a, a rem tur tak pheikhawk heel sang ve tak rawng dum tho ka bun a, ka hmuiah lipatick ka tat zauh a, powder ka inhnawih leh a, eye shadow tlem.ka hmang bawk a, ka inpeih leh der tawh.

Ka inthuamna chu darthlalangah chuan ka en a, ka innuih pah sak bawk, media lamah pawh ni se ka zahpuiawm vak lo ve.

Ka kawt nghawng zau deuh mah mah chu ka pawt keh ṭhin, a nghawng V ni in ka hnute a lang thla deuh mah mah, chu kawr nghawng zau zet chuan ka thin a thleng thaw thang tlat.

A tawp bera tan drawer chu ka hawng a, Wesley min pek ṭhi chu ka chhuakin ka nghawngah chuan ka awrh a, ka nui oah sak bawk.

Vawiin hian Wesley chu ka ngaihdan ka hrilh ve ngei tawh ang.

Darthlalang hma ah chuan ka inchei dana lungawi fe hian ka in en vang vang a, adoption center lam pan tur chuan in ka chhuahsan ta a.

Adoption center hmun ka thlen chuanWesley chu a lo awm reng tawh a, a bula va ṭhut ve nghal oah chuan, "I thlenna a rei tawh em?" Ka ti pah sep.

"La rei em em hran lo." Ka taksa a melh kual ru reng tih ka hai hauh lo, a ni chuan jean kekawr dum a rawn ha a, sneaker a bun bawk a, a chungah chuan T- Shirt grey a mitmu rawng ang chiah chu a ha bawk a, a lang oa leh hrak tawh, eng pawh inbel sela a in hmeh em em zel tho Monica chu kan naute tur pawm chuan a rawn kal a, chutih lai chuan Wesley chuan sign ngai ang ang a lo sign fel ve bawk a.

"In fanu hian a lo nghak reng tawh che u." A nui pah var var bawk a, chu naute duhawm zet mai vawiin ni a ṭanga ka fanu a han ni tawh mai tur chu ka awih lo rum rum hial, ka lungphu telah chu a su nghal dup dup hian ka hre bawk, Wesley kut chu nghet zet hian ka hmer pah ngawt ngawt a, ka mit neng ngei pawh lawmna a vanga a det sawr sawr ka ring.

"Ka lo pawm ve thei ang em?" Inthlahrung deuh tak hian Monica chu ka zawt a.

"Well, of course, a nu i ni a lawm."

Naute chu min rawn hlan a, ka kut a naute pangti lum.ham ham mai ka han tawk chiah chu ka lung a chhe lek lek, ka mit tui a tling nghal pam a, "Hello, ka nau te...." ṭah aw ṭiau hian ka ti chhuak sap, thil dang ka zawi zawm thei lo.

Wesley lam chu ka melh chho a, "Wesley ..... a hming kha ka phuah lawk tawh tho a, mahse Rosie ti a koh ka duh leh zawk, a chhan chu i nu hming kha Rose a ni a, i nu i hmangaih hle tih lah ka hriat pui bawk che a."

"Thanks mon Amour."

"He naute hi kan pahnih tan Rose a ni ang a, kan pahnih in ṭha takin kan enkawl dun dawn nia." Ka ti nawn leh sap a.

Pawn kan chhuah hnu chuan a car awmna lam chu kan naute thar te nen chuan kan pan dun a, engtik lai mahin kan naute lak a ta ka mit ka lasawn lp hrim hrim, ka hmangaih nghal em em ringawt.

He tiang a awlsam zeta ka kut ngei a ka han pawm thei ta mai hi ka la ring theilo rum rum hial a ni.

Wesley nen chuan kan naute thar chu en in kan ti ti dun a, kan inpawm chhawk dun zak zak bawk, kan hlim dun kher mai, chhungkaw hlim tak te pawh ka intehkhin deuh rum rum phah, kan fanu Rose chuan hlimna kan inkarah a rawn thlen chiang hle.

Mahse kan dinna hmun chu, chu thil chuan vawiin ni a kan hun tawng tur min hriat chhuah tir leh a, chumi hma ngei chuan Wesley hi a laka  ka rilru put dan ka hrilh ngei a ngai ang, hmeichhe pakhat hi a rawn lut a, "Hei hian interview kan neih chhung chu kan Rose hi a lo awm pui rih ang."  Ti in Wesley chuan min hrilh fiah a.

Kei pawh chuan chu nula kutah chuan naute chu ngawi rengin ka hlan ve nghal a, "Lo ngaihsak hle ang che, a chungah eng enaw a thleng a nih vaih chuan hre rawh, Pathian hming....."

"Wesley duhtawk rawh." Ka lo ṭawng chhuah khalh a.

"Ngaihtuah duh suh u, ṭha takin ka lo awmpui ang a, keh thei dawm in ka lo dawm ngei ngei dawn nia." A nui chhuak ve sak a, a nuih erawh a za hran lem lo kher, Wesley ṭawngkum dan khan a zir miau lo va, mahse a fanu a ngaihven vang a ti chauh a ni tih ka hre chiang hle.

Baby sitter kal liam tak hnu chuan room pakhat chhungah hian kan inzui lut a, "Kan inhualna chhuchat tur chuan i inpeih tawh em?" Ka ti chhuak ta sap a.

Engtin mah min chhang lo, ka hmangaih thu hi engtikah nge ka sawi chhuah ang tih chu ka ngaihtuah mah zawk, heti khawp a inpawh tawh hnu a kan han inṭhen vang vang tur chu kei pawh hian ka ngai ngam bik chiah lem lo, a harsa ngawt ang tih pawh ka chiang hle.

Ka heh hnuailam chu ka pet deuh zauh a, a mitah tak pawh en ngam lo chuan a biang zawn vel chu ka melh chho ngar a, a hmel induh zet ṭhin chu a ngui lup hian ka hria a, a mitmeng vawt ruih ṭhin ah chuan tawrhna ka hmu tel bawk hian ka hria, chu a chhapah a hmui sexy zet chu fawh chak awm khawp a nalh a ni, engtiklai pawhin chu chu a ni reng ṭhin reng a.

Chutiang chuan a taksa pum pui chu ka melh kual chhuak dap a, chutianga melh pah chuan a tksa bung hrang hrang keimah a a thawh dan chu ka ngaihtuah kual bawk a, "Kha i ṭhi awrh lai kha ka duh lutuk tih hi hria la ṭha in ka hria." A nui chhuak pah suk bawk a.

Ka nui chhuak ve hak hak a.

Chu hun tak chu sawizawmna a tana hun ṭha tak.pawh ni in ka hre ta a, ka sawi zawm nghal vat, "Wesley i letter min pek kha ka chhiar tawh a sin."

"Oh."

"Chuan ka duh zawng tak a ni bawk." Ka nui pah sak a.

"Yeah sure."

"I chhiar tawh chuan i bula awmturin min duh lo tih min hrilh thei tawh ngei ang chu ti raw?"

Ka ngawi reng a, Wesley ka hmangaih ve tak zet a ni tih hi engtin chiah nge ka sawi chhuah dawn, thil eng emaw thluaithlum deuhin ka sawi dawn nge ni a, ka hmangaih che ti in ka sawi chhuak phawng zawk dawn? Tihah chuan ka inngaihtuah buai hle a, ka ngawi vang vang bawk.

"Ka hria a lawm Eleanor, i tan ka ṭha tluan tling tbeilo a, i duh zawng mi lah ka ni thei hek lo, mahse tun a ṭang chuan i tana mipa ṭha tak nih tum in ka bei tawh ang."

Wesley chuan chutiang chuan a sawi tihna em ni, a tana a tlawm thlak tur zia pawh ka hriat chian sak hle, mipa chapo zet mai mahni induh zet leh midang laka nelawmna pakhatmah pawh nei ngailo chuan ka lakah inphahhniam takin chu thil chu a sawi chhuak ta chu a nia le.

"Chuan min han hrilh vat teh, min hnawl dawn nge ka lak a ṭang hian enhmah duh neilo in min kalsan dawn, ka thusawi pakhat mah kha i ring theilo a nih chuan chu thu chu i sawi thei bawk."

"Chumi thlan tur pahnih ka pekah che chuan kan pahnih inpawhna te hi a tawpin a tawp lo ang."

Ka la ngawi ran tho a, thawk a la hawk, chutih lai tak chuan ka pan hnai a, ka kut pahnih chu a ngawngah suihin a sakhmel ṭha bawr mai chu ka en ta dauh dauh a.

"Khatin ka feelings hi infiamnan min hmansak suh." A hmel chu a rum nghal leh ûl tawh a.

"I sawi dik e, i mizia hi ka duh hlawl lo, ka rin em em lai che in dawt thu nang chuan min hrilh a, hei vang pawh hian hnarna tham che a tling a sin, mahse chu chu ka tum.nasa lutuk tawh, ka hlawhchham chu a nih hi."

"Wesley ka hmangaih che a, i taksa pumpui hi ka duh vek, he thil hi sawilo turin ka lei leh awka thlengin ka veng ṭhin mahse ka lei leh awka chauh nilo ka thinlung erawh ka control theih loh thil a a ni ta si a, chu chuan i hma ngeiah hian a sawi chhuah tir ta zawk ani."

"Min fawhna ṭhin te leh min hmangaihna thu i chhak chhuah  zawng zawng te hi ka tan chakna thahrui min neih tir tu a ni a, zing ka thawh veleh a hmuh ka duh ṭhin chu i hmel hi a ni; ka bula mu a nitin leh zan tin hmuh che hi ka duh, Wesley khawvela ka hmangaih leh ka mamawh ber chu nang hi i ni, i tello chuan ka nung zo lo ang." Ka ti chhuak ta a.

"I hmui nalh zet a ṭanga kha thu i sawi chhuah hun tur nghak hian engtia rei nge ka lo nghah tawh pawh i hre kher lo ang." A ti chhuak ve sup a, ka biang tawn tawnah chuan a kutin a rawn khuap a, dim te hian min fawp a, min thlah leh nghal a, ka duh khawp lo, ka mamawh belh, tunah chuan engdang mah kan nghak tawh lo, kan nghah ber chu kan inhmangaihna a pun leh zual sauh sauh hun hi a ni kan nghah zawk tawh ni.

A kawr hak lai chu a hlip a, zo zet hian min pawm kang nawlh bawk a, keiin ka mal chuan nghet zet hian ka lo kherh ve chial bawk a, ka kut pahnih a a biang tawn tawn a dawm sak chungin duh thawh zet hian kan in fawp dun leh ta mial mial a, kan thaw a chham leh chham loh lam pawh kan ngaihtuah tawh hek lo.

Ka mawngbawra a kuta nghet zeta a dawmna chuan ka mawng chu a hrawm pah nawk nawk a, kan han inthlah meuh chu boruak khamlo in kan thaw dun hlawp hlawp, "Mon Amour tunah chuan ka nei ta che a, engtikah mah ka thlah leh ngai ngai tawh lo ang che."

"Ka special girl diktak chu i i ni a, ka bula i awm a ka lungphu min tih ran sak thei tu chu nang chauh hi i ni bawk."

WRITER NOTE... An hmel awmdan ang ka sawi dan ang  chiah chiah a pic min ziah sak tu ka nau chhuan em em lem ziah thiam tak chungah lawmthu ka sawi mawlh mawlh e.

Min pawmna a ṭanga ka awm dan siam rem pah chuan, "Oh shutup and kiss me boss." Ka ti chuan min fawh chhunzawm leh ta nghal a, a laka ka tui halna leh rilṭamna zawng zawng te chu tunah hian tihreh nghal vek ka duh.

Kan pahnih chuan duhthawh zet hian kan fawp dun leh bawrh bawrh a, kan pahnih thinlung chu tunah hian a inbelhbawm dun hiala hriatna ka nei, chutiang khawp a kan pahnih inpumkhatna leh inpawhna chu tumah in min tih chhiat sak theih pawh ka ring lo.

A ni chu ka tan vur a nih angin kei pawh a tan mei alh lai ka ni bawk.

Chu kan inbeihna ah chuan chak tumin kan bei dun ve ve a, mahse kan intlansiak rei thei chuang lo, a chhan chu kan pahnih a kan inmil tawn dun em a vangin kan inbelhbawm ta zawk a ni.

Ka fawhna chu ka thlah a, thaw hlap hlap chung hian he thu hi ka sawi chhuak ta a, "Kan pahnih inhmangaihna thu press ho hma a auchhuah pui tur ah hian dawt sawi a chi tawh dawn em ni huh?"

"Dawt ka sawi ngailo ang."

A ti ve sup.