SEDUCTIVE S II CHAPTER 10
FAKNA MILEM KHA KAN REM CHAN DAN ANG A HMETIN SECOND SAWM CHHUNG VEL LEK KAN CHHUAH LEH HMA IN NGHAK VE HRAM HRAM ZEL ANG AW.
"Uhh, tih chianna i duh maw, a ni em?"
"A nih chuan inring rengin awm ang che...." a hmai zur zet tawh ah chuan nui hmel a pu zui sawng a.
A thusawi chu chhunzawm lehin, "A chhan chu, kei hian ka pek nghal thuai tawh dawn che a vangin."
Eng chung chang tak chu sawi ni maw? Calm down Elo, a thusawi ho zawng zawng hian tih hlauh che a tum mai chauh a nih hi!
A chhan chu mipa dang nena min hmuh ringawt pawh hian a tuar theilo a nih hi, tenawm lutuk mai.
"Thil eng emaw chu ka hrilh thei ang che, i pa in a kalsan nachhan ah che hian Wesley hian thil eng emaw tak tih a nei ngei ngei ang."
ENG MAW?
Eng thil nge George chuan min hrilh a tum tih ngaihtuahin ka ngawih chhunzawm a, a thu sawi chuan engmah kei mah ah nghawng a neilo ni a lantir tum hian ka bei ngar ngar bawk, mahse ka kâ anga ka ṭawng chhuah ve hnu chuan hre awm tihna leh zamna a vangin ka ṭawng bah tho tho. "Thi.....l ni thei a ni lo."
"George chutiangin Wesley chuan ka lakah hetiang thil hi a zep hauh lo ang, ka ring lo, i rin ang mize nei lah mi lah a ni hek lo."
"Warning ka pe mai chauh che a ni e. A chhan chu i patea ka nih ang takin ka ngaihtuah hle bawk che."
A thusawi eilo zet chuan ka ner khum a, "yeah, a chiang khawp mai, min ngaihtuah tak tak nila chuan e, he ina ka rawn chen tirh ni hmasa ber khan ka chungah i lantir ṭan daih tawh ang."
"Theihnghilh turin ka ti tawh che a ni lawm ni?" A kut a hum ruh leh ṭan tawh a. Ka hlau ther te lo.
"Kha thil kha thleng tur pawh a ni lo, tihpalh thil liau liau a nih kha, pawi pawh ka ti tak zet." Ti a sawi pah chuan a kun ruih a.
"Kha i ngaihdam dilna khan ka mutthilh laia mumang rapthlak tak tak tun thlenga ka mang ṭhinna hi a tih tawp phah chuang lo."
"Hey, police laka min report te i lo ngaihtuah mai mai ang e, chutianga i ti a nih vaih chuan i pa chung chang pakhat mah i hre ngai lovang."
"Ka pa chung chang pawh ka ngaihven buai peih tawh lo." Ka mit ko san khum deuh ar pah chuan ka ti let a, "A chhan chu eng thil mah hi ka ngaihven tawh loh a vangin."
A nui liam mai a, "I thinlung chhungrilah erawh kha chuan i pa i la ngaihtuah zia leh hmuh leh i duh zia chu ka hre chiang viau in ka hria." Hneh tu in tih hmel zet hian a nui chhuak huk huk a.
"Kha i ngaihtuahna kha chu ka lakah hian i zep theilo ang Eleanor."
Hnuailam ka melh chhuk raih a, mahse ka inti huaisen leh nghal a, cho zet hian ka melh chho siah .
"Eng tik lai pawhin chu thil chu i ngaihtuah ṭhin tih pawh ka hria, chak tak anga lan i tum a, mahse chhungril lamah erawh snowflake ang mai chauh a zawp ral hma i ni thung! Chu vang chuan pawn lama hun i hman hian fimkhur hle rawh, ti emaw in i thinlung kha an tih nat sak nawn leh palh ang che."
"Relax, chulam ah zawng min ngaihtuah ka ngai lo ve, tunah chuan lan huai chawp vel pawh ka tum tawh hran lo, keimah hi ka huai sa tawh miau a vangin." Ti a ka sawi hnu chuan kal pel mai hi ka tum a, mahse George chuan ka kawngah rawn kuah tumin a bei tih ka hriat chuan ka che chhuak vat, a hmaiah ka theih tawp chuan ka hnek sak ta pawp a.
"Vawikhat mah min khawih tum chhin leh tawh ngai suh, chu chu i thluakah khan dah tlat tawh ang che." Ka vin khum hrak nghal a.
A thinrim hmel leh ka laka tilang ngam chiah tawh silo hmel chu hmuhloh der sakin pawn lama Wesley car min lo nghahna chu ka pan san ta a.
Chutiang ka han huai ta thut mai chu nuam.ka ti phian, keimah pawh ka zang phah huai hian ka hria, ka nui chhuak ta var var a, car kawngkhar ka hawng pah nghal bawk a, car chhunga ka ṭhutluh hnu thleng pawh chuan ka nuam ti chu ka la nui chhuak hial reng a, Wesley chuan a car chu tlan tir mai lo hian min rawn melh deuh run run hnu chuan, "Engvang in nge i nuih a? I mak ve ngawt chuan ka hria...."
"Mahse ka duh zawng tak." Ti in nalh zet hian a nui chhuak ta hawk hawk a.
Kei pawh ka nui chhuak ve nghal a, mahse a rei vak lo, ngawi reng chung a car chhunga minute 15 ngawt mai awmin ka rilru ngaihtuahna ah chuan thil chi hran hran a luh zut zut a vang chuan ka awm hle hle thei lo, ngawi reng si in ka che deuh sek.
Goerge ka hlauhna lak a ta tunah chuan ka zalen ve ta a, tuna ṭang chuan tumahin ka nun hi an thunun leh tawh ngai lo ang. Chutihlai ngei pawh chuan Goerge thusawi erawh kha chuan Wesley ka ngaihdanah eng emaw taka rinhlelhna min neih tir leh tho tho.
Chu chu min lo bum ta ang sela tih hi a ni. Thudik tak ka hre duh a nih chuan direct in Wesley chu ka zawt thei ang a, mahse chutiang em em a thil lian thama amah puh chhiat erawh ka ngam lo.
Hospital chu kan thleng ta hlawl a, car a ṭang chuan kan chhuak dun nghal a.
"Rei vaklo chhung chu ka pi bulah ka awm duh rih ang, eng nge a lo an tawh tih te va hriat ve hrim hrim ka duh a."
"Well, kei pawhin ka thawmhnaw hak hi thlak ka duh, nimin lama thawmhnaw kha a la ni a, thawmhnaw ngai nihnih chhung hak hi ka thil duhloh ber te zinga mi a ni bawk." A ti ve a.
"Stylish bilionaire a ṭawng chhuak ve ta e." Ka nui pah hak hak a .
"Dar kar khat hnu ah ka rawn lam leh ang che."
Ka hrethiam tih hriat nan ka lu ka buk khum zeuh a, a ni pawh chu a in her vut a, a kal chhuak ve ta nghal a.
Ka pi room lam ka pan kawngka ka hawng chiah a ṭawngri leh TV sound ka hre nghal a, TV a lo en leh tawh chiang. "Come on, Fernanda i hmangaih thu kha au chhuah pui ta che."
Khum chunga ka pi ṭhu chunga TV lam hawi a lo ṭhu ran ka hmuh chuan ka nui chhuak var var a.
"Serial lamah i lo tui pui leh tawh tih ka hre mai."
Ka lam.a rawn hawi a, "Eleanor i lo kal leh tawh a ni maw?" Ka pi chuan min rawn nuih var var a, zing lam ni mah se a hma vak tawh lem lo a chu, "Morning Grandma." Ka ti ta tjo a, ka pan phei nghal a, a chalah chuan ka fawh sak zauh bawk a.
A ni pawh a rawn tho chhuak ve nghal a, "Eng nge i an tawh?" Ti in min zawt ve a, Ka pi ding chhuak peih ka han hmu ri ngawt pawh ka tan chuan lawm a kut benna tham a tling hrim hrim. " Engkim a ṭha vek e." Ti a chhangin ka la nuih sang reng a.
"Thu lawm awm zet rawn thlen tur che ka nei a sin." A khum lamah chuan ka pawt ṭhu a, kei pawh ka ṭhu ve nghal bawk a, ka pi en lai TV sound chu ka ti zawi nghal bawk a.
"Tak zet? Min han hrilh ve thuai thuai teh, ka hringnun hmanah hian thu lawmawm tak hlir a nia ngaihthlak ka duh ṭhin ni."
"Naktuk hian ka kutah ngei naute kha ka nei ve thei tawh dawn a nih chu!" Phur zet hian ka ti a.
Ka pi chuan mi rawn kuah nghal chung a, "A va lawm awm ve." Ka hnungah chuan a kutin min ben sak thak thak a .
A in lak hran leh hnu chuan a mittui tling pam chu a hru pah zauh zauh bawk a, "Granny i ṭap em ni?"
"Ṭap lo e, ka mit a mim ni in ka hria.
..... tehreng mai Eleanor, ka ṭap a nih hi! Tunah chuan i dream te kha tihpuitlin in a awm ta chu a nia, ka lawmpui em che a ni. Mahse chu thil chuan hre awm.tam tak min tawrh tir bawkin ka hria, a chhan chu i naute rawn ṭhan len hun tur ka hmu ve thei tawh dawn tawh silo a." A mittui a kut a hruk leh zauh pah chuan a ti a .
"Granny...."
"A tawk Eleanor, thu awmze neilo mai a ni e, a chhan chu hun tam ka nei tawh lo tih pawh kan hriat dun chian hle kha."
Ka pi thusawi a vang chuan ka mittui far thla pawh ka dang thei bik tawh lo, ka ṭah chhuah mai lohna turin ka heh ka pet fan fan a, "Engah mah ngai duh suh, ka upa tawk tawh bawk a lawm.....nang pawh heng thil a lo thlen hun a tan hian i inpeih ve tawh a ngai ang."
"Engtikah mah ka inpeih thei ngai lo ang, a chhan chu maw, nang nen hian hun hlimawm tak tak kan hmang dun ṭhin a, chutiang hun hlimawm tak chu ka la kham lo a, tawn belh leh zel ka la duh, chutiang a ka ngaihna che chu nang chan thei che ka nihna hian khawngaih takin min tih chhiat sak lul suh." Ti a sawi in ka ṭap chhuak ta a, engtik lai mahin ka pi in min kalsan hun tur a tan hian ka inpeihin ka lo inpuah chah thei ngai lo ang.
"Mahse Eleanor thu dik a ni miau si a lawm le, pawi ka ti ngawt mai, kha thu kha sawi tur pawh ka ni lo a sin, a mah erawh chu he thu hian a ṭhawn viau che a ka laka tawrhna nasa tak i nei tur hi ka duh pui loh vang zawk che a ni e."
"Chulam chu sawi tawh lo teh ang." Ka mittui chu ka hru hul a, "Naktukah naute ka kuta a awm veleh hetah ka rawn kal nghal ang a, a hmel ka rawn hmuh tir ve dawn che nia."
"I ti tak tak em?" Ka pi mit meng dul raih tawh ah chuan.phurna ka hmuh sak thei a .
Ka buk khum nghat nghat, "Nang ber ka hmuh tir hmasak ber loh che ten."
"Ka tih zawk tak chu i naute thar nen chuan hun hman dun hmasak phawt te induh lo vang maw ka ti deuh a."
"Uhh, ka naute hian khawvela ka hmangaih ber a hmuh nghal hi ka duh ber ang."
A nui chhuak ta a, "A nih leh i naute mi rawn hmuh hmasak tir ber tir chuan intiam rawh le."
"Ka tiam a che."
Ka pi thu ka lo tiam.ṭhin dan ang chuan a kut chu ka la kang a, ka kut ṭang a a kut ṭang bawhthuah tirin ka delh hnan a.
WESLEY COOPER.....
In lam pana ka inkhalh haw hnu chuan hmanhmawh zetin ka room lam ka pan a, khum lamah ka thawmhnaw rawng ngainat ber zinga mi rawng thim lam suit dum chu hak nghal theih mai tur hian ka phawrh chhuak a, khum chungah ka theh thla a, bathroom lamah shower hmang tur chuan ka luhsan zui ta nghal a, Eleanor lam leh tur ka nih a vang chuan ka hman hmawh hle bawk, a bula awm hi ka kham thei ngai lo a, ka awm zing tulh tulh a, a bula ka awm loh chuan mal ngawih ngawih nghal hian ka in hre ber tawh.
Shower ka hman zawh hnu chuan bathroom ka chhuahsan a, khum lama ka thawmhnaw dah sa chu ka inbel nghal mawlh mawlh a, tih tur pawimawh zual ka tih leh zung zung hnu chuan ka paper khawih te chu ka rem fel ṭha leh vek a, ka phone a time chu ka melh pah zauh, dar kar khat chu a lo ral leh der tawh, ka assistant ka be nghal a, tun a ṭanga dar kar khat chhunga Los Angeles pan tur a ka jet chu lo buatsaih turin ka ti nghal bawk a.
Chung thil ka tih zawh fel hnu chuan Eleanor ka lamna tur hmun hospital a pi kan dahna lam chu ka carin ka pan leh ta a, a ni chu a la rawn chhuak lo tih ka va thlen chuan ka hmu nghal bawk, ka car a ṭang chuan ka chhuak a, hospital chhunga lo va kal em chu ka duh dan a ni hek lo. Chhun lai vel bawr chu a ni tawh a, kan kalma hmun turah chuan kan tlai em em lo turah ngai phawt teh ang.
A chhan pawh a pi nena an hun ṭha tak neih lai lo va tih buangbar sak ka duh loh vang a ni pakhat bawk.
Ka phone a rawn vibrate takah chuan ka en nghal a, ka pa secretary a nih a vang chuan rum chhuah nghut pahin, ka la nghal vut, ka beng zawnah chuan ka dah nghal a, "Wesley Cooper."
"I pa in hmuh a duh thu che hrilh turin leh inbiak a duh thu a sawi a."
"Oh, hrep tak chuan, hun ka neih loh thu lo hrilh mai rawh."
"Vawiin hian LA lamah ka jet in ka thlawk chhuak dawn a, ka rindanin naktuk lamah chiah ka lo kir leh ang."
"I pa chuan a hmuhlohna che a rei tawh thu a sawi a, biak che a duh a ni awm e."
A thusawi ngai bawk a rawn sawi leh a vang chuan ka thin a ti rim hle a, ka thinrimna chu a so nghal bawrh, "Ka buai tih hrilh tur khan ka ti che a ni lo'm ni? Eng chung changah pawh min hmu duh a min biak a duh a nih chuan ka lo kir hun lo nghak ve mai rawh se." Ka tih khum leh zui hrep a. "Aw, Tommy kha lo hrilh la, vawiin lamah chuan LA lamah ka awm tawh ang."
"Ok, thank you."Ka be zo ka phone pawh ka cut nghal hmak bawk.
Ka hawi chhuak chuan Eleanor hospital a ṭanga rawn chhuak ve chiah chu ka hmu a, ka lam a rawn pan phei ve nghal ka bul a rawn thlen hnu chuan, "I pi chu i be zo tawh maw?" Ka lo ti sup a.
"Aw."
"Well, a nih chuan airport lam kan pan tawh dawn em ni ang?"
Ka car chhungah chuan kan ṭhu lut ta nghal a.
ELEANOR....
"Tun a ṭanga minute nga hnu ah flight hi Los Angeles lamah a thlawk chhuak ang." Tih thu pilot in a rawn puan hma deuh minute nga ral ta khan Wesley private jet chhungah hian kan ṭhu fel ran tawh.
Tiang ang hian dar kar nga ngawt flight chhunga kan ṭhut a,la ngai zui dawn bawk nen, eng tin nge maw kan awm dawn ni, a rei dawn hle hian ka hria.
Wesley ṭhutna lam chu ka pan phei a, "LA lama in min entir nan nihnih chhung ngawt i hna i ṭhulh dawn tihna maw ni a?" Ka nuih chhuak hak hak a, ho ka tih zawng tak.
"Ni nang, business lama thawh tur a awm tel tih ka hrilh tawh che kha."
Thawk ka lo la hak a.
"Oh, hre tur tawh hi ka ni a sin....." ka ti bah nak, ka bulah a sawi tawh tak kha maw, mahse chutiang thil hre reng tur pawhin ka buai ve em.a ni. "Ka tih chhan pawh keimah a vanga i hun tam tak i khawhral thlawn hi ka duh pui loh vang zawk che a nia."
"Min ring rawh, i bula hun ka hman ho zawng zawng hi hun khawhral na mai mai a ni ngai lo."
Ka nuih sak a, a ṭhutna bul chiah a seat pakhatah chuan ka ṭhu thla ve nghal a .
"Nak tuk mai hian press ho hma a kan lem chan pawh a tawp ve tawh dawn chu a nia, ka ring theilo hial zawk mai." Thawk ka la pah halh a, ti chuan Wesley nen kan inkar pawh a hlat phah sauh bawk ang.
"Kei ngei pawhin ka ring thei bik chuang hleinem."
Ka lam hawi zawng chuan a rawn inher rem a, kan inhnaih dun ta kher mai, a thaw lum ham ham leh a rim tui inhnawih rim tui lutuk te chuan ka thawk a ti sak zo leh vek tawh, ni ta ber zawk chu kan inhnaih dun lutuk vang vek a ni.
"Kan pahnih inhualna kha a tak ang i ti ve em?" Thawp set sawt tak zawi sup hian a ti chhuak sup a.
"Er....yes, kei pawhin a tak a ang chu ka tia lawm." Zawi rawih rawih a in hriatna ka nei.
"A tak tak kan nih tir thei a sin."
"Kan nih tir thei....."
Wesley mitmeng chu ka melh pah zeuh a, rilṭamna hlir a khatin a meng phi deuh chuai a, a hmui chu a liak huh zauh tih ka hmu bawk a, a hmui liah huh hnawng deuh chap chu ka en tel lo thei lo.
Ka heh chu ka pet ve zeuh a, mahse George thusawi kha ka ngaihtuahna ah chuan a rawn lut zawk nghal a.
"Hey, Wesley, he thil hi ka zawt dawn che nge dawn lo che tih pawh ka hrethiam chiah lo." Hnuai lam ka melh pah raih a.
"Min han hrilh la." Tih pah chuan ka kun zawnga ka sam rawn thla deuh hniang chu a kut chuan a zut pah dalh dalh a, ka bengah chuan min zeh ṭhat sak nghal a, chumi hnu ah a kut bawk chuan a mah en thei turin ka khabe ah chuan a dawm kang pah bawk a.
Ka huaisenna zawng zawng sawm khawmin ka thu zawh duh chu ka sawi chhuak ta hram a.
"Ka pa hi khawiah nge a awm i hria em?" Ka pa chung chang hi ka hrilh ngai lo ti ila ka sawi dik maithei, ka pa in min duh loh a vangin min kal san tih kha chu ka hrilh tawh ngei mai a, mahse tu nge ka pa tih lam erawh ka la hrilh ngailo hrim hrim, mahse ka patea sawi dan kha chuan ka pa hi tunge a nih tih Wesley chuan a hre chiang viau ni in a lang bawk si.
Rei vaklo chhung Wesley hmel put rum ta sawt chu ka en deuh vang vang a, a ni erawh chuan eng mah a sawi chhuak lo va, a awm ngai chuan a awm run reng a, eng emaw tih tum pawhin a che sawn hek lo.
A chhan na nghak ran chung chuan thinrim ru tak hian ka melh ngar a, "Reilo te mutthilh tum ila ṭha in ka hria, ka chau deuh tlat." A ti ta daih a.
"Kha tin nimina ka chhan dan ang che khan min chhang ve reng reng suh aw."
A nui chhuak hawk a, "Engvangin maw, nang hian hriatthiam dilna ṭawngkam i hmang thei a, keiin ka hmang ve theilo tihna maw ni a?"
"Wesley he thil hi ka tan a pawimawh tak zet zet a sin." Ngui zet hian ka ti chhuak a.
"Hey, Eleanor sawi chhuah ka duh rih lo...."
Mak ti zet a en chho ha chung hian, "A nih chuan ka pa awmna chu i lo hre reng ṭhin tihna maw ni a? Kha mi hun chhung zawng khan i lo hre reng a, engmah mi hrilh duh lo in, ka lakah i lo zep char char ṭ5in tuhna a ni maw?" Ka kut pahnihin ka biang leh lam leh lam ka dawm a, rapthlak ti zet hian ka melh kawl kawl bawk.
"Ngawi rih teh, Eleanor." Thawk a la,
deuh hawk a, "Ka hria tiin ka sawi reng reng lo, mahse nang pawh hian i hre bik lo tiin i la sawi chhuak lo hrim hrim."
"Enteh inhnialna ṭan i duh a nih chuan a ṭha e, kan ti dun dawn nia, a maherawh chu hetiang a mahni hma kan sial dun viau chuan kan hmalam hun kan su kaw thei hauh lo ang, hetiang te chuan naute pawh engtin nge kan enkawl chhoh theih ang ni, thil thui tak dawn ve kan ngai ang ."
"Tun dinhmuna pawimawh ber zawk chu i hun kal tawh lam nilo in, tuna a tan chuan i hma hun lo la kal zel turah hian innghah a pawimawh ber zawk, kha ina naute enkawl sei len baka tih tur pawimawh nang leh kei hian kan nei rih lo."
"Chuvang chuan kan pahnih buaina neih te hi dah ṭha a, eng nge tunah hian ṭul zawk tih kan ngaihtuah dun a ṭul zawkin ka hria."
"Beatrice." Tih hming chu ka hmui a ṭang chuan a ri chhuak sap a.
"Aw ni e, hahdam taka awm tum rih phawt rawh, tun a ṭanga reilo te hnuah chuan kan chuanna jet pawh hi a ṭum thuai tawh ang."
Hre awm ka tihna leh ka rilru hahna zawng zawng te chu dah ṭhat ka tum ta a, a chhan pawh he kan zin kawng hreawm zet hman lai pawh hi keima tan nilo in kan fanu tan ti a ngaihtuah hram hram ka tum a, tichuan tlemin ka tuar theih deuh phah ang, ka bula Wesley thusawi pawh kha a dik viau in ka hria, kan pahnih a inhnialna kan tih chhuah chuan engtikah mah kan fanu chu kan enkawl thei lo ang, ni e, vawiin ni tan chauh a lawm, nidangah chuan he hun te hi ka thlah liam thei tawh dawn si a, ti a ngaihtuah neuh neuh chung chuan, "Okay." Tih chu nui chungin ka sawi chhuak thei ve ta a.
Ka rilru pawh a thawveng huai hian ka hria, ka tho chhuak a, ka ṭhutna tur lam pan ka tum mek lai chuan, Wesley kut lum thar thar chuan ka banrekah min lo hmer sak hman a, "Tah ka bulah hian ṭhu ve rawh."
Ka hawi let a, ka kut a vawnna a ta tal pit pahin, "Nilo ve, ka ṭhutna tur seat ka lo ti fel diam tawh a, chuan heihi kan pahnih inhnialna a i chak a vanga i hremna tawrh tur a ni bawk ang."
A chek ri deuh hluk thawm chu hai der sakin a piah lama ṭhutna awl lamah chuan ka ṭhut san ta zawk a.
Rei vak lo chhung chu ka harh kar reng a, thil dang dang ka ngaihtuah kual a, rum chhuak thawm hre than hian ka inhriat a vang chian Wesley lam chu ka hawi phei vat, a ni chu a lo muhil der tawh a, rum ri ka hriat pawh chu a mah ngei a ni a, a chhan tak sawi theih silo hian a sexy phian, ngaihthlâk nuam ka ti kher mai, chutiang chuan ti reng se ka ti rilru rauh rauh, chu chuan min ti nguai a, reilo te hnu ah chuan mut chhuakin min rawn zem ve ta chiai chiai a, ka muhil zawm ta nghal a.
Ka pa chuan min kal san tumin a thawmhnaw dahna suitcase chu a kutin a khai a, a hmel hlimlo tak chu rei pawh mi hmuh tir lo in min hnungchhawn nghal thuai a, ka pa kal tur chu ṭap chung hian min kalsan lo turin ka ngen ngawih ngawih bawk a, "Dad."
"Eng tikah nge ka hmuh leh ang che tih pawh ka hre si lo."
"Khawiah nge kal.i tum tih tal hi chu min hrilh ve hram rawh."
Ka pa chu mittui tling a vanga meng sen rum chuan a rawn inher a, "Eleanor...."
"Thil eng emaw i hriat reng tur a tan chah che ka duh, he thu hi i hre reng ṭhin dawn nia." A ti ngui ruih a.
"Nilo, ka pa min kalsan suh, i tello chuan engtin nge ka awm ang, he khawvela ka neih chhun chu nang chauh hi i ni tawh a sin, khawvela ka rohlu ber pawh nang chauh hi i ni tawh." Ka lungchhe lutuk a vang chuan ṭawng pawh ka ṭawng ṭha hleithei lo hial a.
"Eleanor ka thusawi hi ngaithla rawh, ka fanu, ka tello in i ṭhanglian chho dawn a, tumah hi ring ngai suh ang che."
"Nangmah pawh tiamin i tihna mi?"
"Dad.....khawngaihtakin ka chungah hetiang hian tilo hram rawh."
"Ka mamawh che, i fanu hi eng tham mah tirual pawh ka la ni loh hi."
"Ka la mamawh dawn chauh che a sin, mommy lah kan bulah a awm tawh bawk si lo, mawh dad, fahrah mi te nuih zat nih ka duh lo, khawngaihtakin kal lul suh."
Ka pa chuan min hnungchhawn leh ta a, a suitcase khai lohna lam zawkah chuan ka kut pahnih suihin a kal hlau tak chuan ka pa chu ka man bet a, "Dad min kalsan lo hram rawh." Ka ṭap zawih zawih bawk. Ka vawnna kut chu min thinthlak sak a, "I pi pawh nangmah lam turin a lo kal thuai tawh ang." Ka pa chuan min chhuahsan lui ta tho a.
"DAD." Min chhangtu reng an awm tawh lo, ka pa car ti nung ri ka hriat chuan ka tlan chhuak vat a, mahse ka pa car tlan liam tur chauh chu zan thim hnuai a ka hmuh theih chhun a ni ta si, khawvela ka neih chhun pawhin min kalbo san leh ta, tunah chuan neih engmah pawh ka nei tawh lo.
"Hmmm."
Harh chiang lo zet hian ka meng chhuak a, ka muhil chhunzawm.leh ta nghal a.
School lamah pawh tumah ka kawm ngam tawh lo, chuti chung pawh chuan ka hmeichhe naupang pui ka kawm rual tawk vel te nuih za bur ka la hlawh ta fan tho, "I pa chuan a hmangaihlo hle mai che." An nui chiam chiam hlawm a.
"Chuvang chuan em ni i pa bulah pawh awmlo a, i pi bula i awm nachhan?"
"Ni lo, in thusawi kha a dik hauh lo, Dad....chuan thil tih tur pawimawh tak a nei a..."
"Mahni fanu ngei ngei ai pawh a pawimawh zawk a awm thei dawn em ni?"
"I tan chuan rin a harsa ngawt ang ti raw, hetiang thu kan hria hi pawi kan tihpui hle mai che, ti rawh u kal daih ang, a pa pawhin a aduh loh chu naupang sual tak a ni hrim hrim ang."
Dad khawiah nge i awm, min kalsan ni a ṭang khan ka khawvel pawh hi i tawp tir ve nghal tih hi i hre ve em?
WESLEY COOPER.....
"Ka pa hi khawiah nge a awm i hria em?"
Chu zawhna chuan chhungrilah min ti na nghal zawk .
Engtin nge Eleanor pa chunga thil thleng zawng zawng te kha risk la chunga ka hrilh vek theih ang, ka hrilh vek a nih chuan kan chhungkua hi a haw ngal dawn tih lah ka hre reng bawk si.
Engkim hrilh tur chu ka ni chiang a lawm, tunge a nih tih ka hriat reng thu pawh hi ka hrilh ngei tur a ni. Mahse chu thil ka hrilh anih ngat chuan kan hmalam hun a tan natna mai ka thlen dawn tih lah ka hai hek lo.
Chuvang chuan thil ṭul bera ka ngaih chu ka ti ta zawk a.
"Enteh inhnialna ṭan i duh a nih chuan a ṭha e, kan ti dun dawn nia, a maherawh chu hetiang a mahni hma kan sial dun viau chuan kan hmalam hun kan su kaw thei hauh lo ang, hetiang te chuan naute pawh engtin nge kan enkawl chhoh theih ang ni, thil thui tak dawn ve ve kan ngai ang ."
"Tun dinhmuna pawimawh ber zawk chu i hun kal tawh lam nilo in, i hma hun lo la kal zel turah hian innghah a pawimawh ber, tuna tan chuan kha ina naute enkawl sei len baka tih tur pawimawh nang leh kei hian kan nei lo."
"Chuvang chuan kan pahnih buaina neih te dah ṭha a, eng nge tunah hian ṭul zawk tih kan ngaihtuah dun a ṭul zawkin ka hria."
Ti a ka hrilh hnu chuan, "Beatrice." Ti hian a phun chhuak sep a.
"Aw ni e, hahdam taka awm tum rih phawt rawh, tun a ṭanga reilo te hnuah chuan kan chuanna jet pawh hi a ṭum thuai tawh ang."
"Okay." Chutiang mai a awlsama ka thusawi a hriat thiam pawh ka ring chiah lo, mahse a hrethiam tlat, Beatrice vang chauh a ni ngei ang.
"Mahse he thil hi nakinah kan la sawi nawn leh ang." A ti deuh hmak a.
A tho chhuak ta nghal a, a kal sawn tur chu a ban rekah chuan ka kutin ka lo vawn sak hman a, "Tah hian ka bulah ṭhu ve rih rawh."
"Nilo ve, ka ṭhutna tur seat ka lo ti fel diam tawh a, chuan heihi kan pahnih inhnialna a i chak a vanga i hremna tawrh tur a ni bawk ang." Ti a mi chhangin ka piah lam hla deuh taka ṭhutna lam chu a pan phei ta nghal a, a kal na lam chu ka thlir zui reng a, thawk ka la deuh hawk a, Eleanor .... min ti â zo tak ngial dawn ni in ka hria.... Paris a ka letter pek kha hawng a achhiar ngei tawh pawh ka beisei....mahse engmah lah a sawi chhuak mang bawk si lo a, kha lehkha a chhiar tawh hnu ah kha chuan eng ang chiahin nge min ngaih tal hi min hrilh ve tawh ni se zawng ka tan pawh engtin zel nge ni ang tih ngaihdan ka siamfel thei tawh tur hi a nia.
Ka muhil lai chu Eleanor rum chhuak chuan min ti harh zawk a, ka meng deuh kawk, mahse engmah thawm a chhuah chhunzawm leh tak loh a vang chuan ka muhil zawm leh ta mai a.
A ṭawng chhuak leh ta nawk nawk a, ka awmna a hlat deuh hlek.a vangin eng thu nge a sawi erawh ka hre mai thei lo.
Ka tho chhuak a, pilot chuan LA ah kan ṭum tawh dawn thu a rawn puan chuan Eleanor ṭhutna lam chu ka pan phei ta nghal a .
"Eleanor ti tawh lo teh, che chhuak tawh ang le." Lehlam a la hawi tlat tho a.
"Tumah hian min ngaihven tak tak lo, tumah rengin min ngaihven....."
"Eng chung chang nge maw i sawi le?"
"Mawl viau lo teh, ka ngaihven zia che hi i hre thiamlo zawk a nih hi, i nat hlek pawh phallo tu ka nih hi hre ta che ."
A rawn in her a meng chhuak ta chauh a, ham deuh bai bai chung hian, "Hm? Eng nge ni a?"
"Oh, i mumang lek maw ni a?"
"Eng maw?"
"Engmah, kan ṭum tawh e."
"Kal ang." Ka chhuahsan nghal ta daih a.
Jet a ṭanga kan chhuk hnu chuan car pakhat ka chah lawk chuan min lo nghak reng tawh a, engmah bungrua kan neih lem loh a vang chuan ka in lei thar lam pan chuan kan tlan ta nghal a.
A hmun kan thlen hnu chuan car a ṭang chuan ka chhuk nghal a, ke a thui vak lo kal a ngaih a vangin ka hnung lamah Eleanor chuan min rawn zui ve dat dat bawk a, a bula ka awm hi chuan eng nge a chhan tak pawh hre lo in a mah ngaihven ang taka awm hi tlawm thlak tihna tlat ka nei ṭhin, mahse ka rilru diktak erawh a mah ngaihtuahna hlirin a khat zawk si.
ELEANOR....
LOS ANGELES UNITED STATE
Wesley kal chak lutuk chu tlan deuh thaw chung hian ka zui dat dat a, a kal chak thei lutuk chu ka haw ru kher mai, a tawp a tawpah zawng a ding ve ta ṭawk a, min lo nghak a ni ngei ang, khua lah a thim fel der tawh leh nghal, mahse khawpui chhung chu light rawng chi hran hran hian a eng pe un mai a, ka tan chuan a ropui tak zet, mahse Wesley kal chak vang hrep chuan hawi na hun ka nei lo a, dar engzah chiah nge tih hre tur pawhin ka phone a time pawh chu ka enhman hrep lo.
"Helai mansion awm ho chuan area a nei zau thei hle mai." Ti in a bul ka thlen hnu chuan hah a vanga thaw hlap hlap chung hian chulai inropui zet chu ka melh kual a.
"Ka hria a lawm." Hawi pawh a rawn hawi chhuak lo, a phone chiah chu a hmuh pawh ka ring, chu in chu a en chhun lo hrim hrim.
"Eng a, ka hria a lawm â ni a?"
A phone chu dahin min en chhuk a, "Helai hmun hi Los Angeles chhunga hmun to ber zinga mi a nih hi." A ti leh sup a .
"Nih leh khawnge i in min en tir duh chu ?"
"I hnung chiah a in pakhat ding kha."
Ka inher, chu in ka hmu chiah chu ka phu zawk, "No way."
"Mansion maw, nang leh naute tan chauh leh nghal, i â ta chu a ni em lo maw?" Awihlo zet hian ka ti chhuak ṭhat.
"Nang pawh i rawn awm ve ṭhin dawn tho a ni lo'm ni, a ni em?"
"Ka hrethiam lo tak zet zet....." zawi sep leh bah nak hian ka ti chhuak a.
"Ka pi bulhnaia awm rih deuh char char ka duh dawn a, LA leh NY inkar lah hi rin ai takin a hla ve deuh bawk nen, hetah chuan ka rawn kal tam theih chiah ka ring chiah lo...." ka kut ṭang nuai deuh nak nak pah chuan ti in nuam ti chiah lo hian Wesley chu ka melh chho zauh a.
Kan inhmu zing thei tawh dawn lo a ni tih ngaihtuah neuh neuh chung chuan ka heh chu ka pet deuh zeuh a, a chhan pawh kan inkar chu a hlat dawn tawh em.a vangin.
Chu thil ka ngaihtuahna chuan chhungrilah phurlohna eng emaw tak hi min neih tir a, a chhan tak erawh ka sawi fiah thiam der chuang lo.
"Come on, khatiang lam kha chu ngaihtuah rih lo phawt ang."
"Min ring rawh, nakinah naute nen chuan eng tiang in nge hun kan la hman anga, eng tin nge kan awm zel dawn tih te chu kan la hre chhuak vat mai tur ah ngai ang."
Ka nghawng hnung lam tuai deuh zauh pah chuan, "Ka beisei.."
"Inchhungah lutin eng nge a an kan en tawh dawn em ni ang?"
Wesley chu a dinna a ṭang chuan kalsawn in inchhungah chuan a lut nghal ta daih a, chutia pawn a din reng pawh chu dik bera ka hriat loh a vang chuan ka zui lut ve ta nghal a.
Inhnuai lam a ṭang chuan kan fang kual ṭan ta a, inhnuai lobby a ṭanga pen a room pakhatah chuan min luh pui a, a chhunga thil awm.ka hmuh chuan ka nui chhuak lo thei lo, hei chu khawi hmunah pawh Wesley chuan a dah ngei ngei ang.
"Wow, helai hmun chu a nuam dawn hle mai."
"A nia sin." Tih chauhin min chhang, a hmel chu ka melh chho a, a ni erawh a lo thu tak run thung, a kut in a khabe a dawm run run bawk a, eng thil nge a ngaihtuah ang aw, ka ti rum rum, chiang zet hian min enchhuk leh ta nghal, huh, naute rawn len chhoh deuh hun a heng a thil vel a khawih pawi sak na lakah ka veng thei ang em tih a hre chak pawh a ni maithei e.
WESLEY COOPER....
He ka bula ding ka hmeichhe hmangaih tak nen hian he hmuna chawlh hahdam dun chu eng ang chiah a nuam nge a nih tih chu ka hrethiam nghal mai in ka hria, tumah min ti buai tu pawh awm tawhlo in, kan pahnih leh kan fanu nen chauh hlim takin hun kan hmang tawh dawn si a.
Uhg, Wes i hmangaihna a hnawl sak che tih kha i theinghilh ta em ni, engvanga chutiang ngaihtuahna te nei ta nge maw i nih hrep chu le?
Ngaihtuahna awlsam zet zet neilo hian vawt ruih reng zawk la a dik zawk ngei ang.
"Hey, engvangin nge in chung te enkual tura i kal mai loh vang? Kei chu tah ka lo awm rih ang."
"Phone call pawimawh tak ka neih lawk a ngai dawn a...."
"Yeah, no proplem." Ti deuh hmakin a kal sawn ta nghal a, a lakah khan ka vawt mah mah em aw ka ti leh hnu hnawh, mahse khatiang khan a ni lo'm ni awm ka duh dan chiah kha, engvanga inthiamlo leh nge ka nih?
Thawk ka la hawk a, chhungrila ka hnual na chu thup tum tak hian thawk ka la pah hawk a, ka phone chu ka phawrh ta nghal a.
"Melissa thu thar a awm em?"
"Aih, Aleanor chuan engmah rinhlelhna pakhat mah a la nei lo."
TO BE CONT...
FAKNA MILEM KHA KAN REM CHAN DAN ANG A HMETIN SECOND SAWM CHHUNG VEL LEK KAN CHHUAH LEH HMA IN NGHAK VE HRAM HRAM ZEL ANG AW.
"Uhh, tih chianna i duh maw, a ni em?"
"A nih chuan inring rengin awm ang che...." a hmai zur zet tawh ah chuan nui hmel a pu zui sawng a.
A thusawi chu chhunzawm lehin, "A chhan chu, kei hian ka pek nghal thuai tawh dawn che a vangin."
Eng chung chang tak chu sawi ni maw? Calm down Elo, a thusawi ho zawng zawng hian tih hlauh che a tum mai chauh a nih hi!
A chhan chu mipa dang nena min hmuh ringawt pawh hian a tuar theilo a nih hi, tenawm lutuk mai.
"Thil eng emaw chu ka hrilh thei ang che, i pa in a kalsan nachhan ah che hian Wesley hian thil eng emaw tak tih a nei ngei ngei ang."
ENG MAW?
Eng thil nge George chuan min hrilh a tum tih ngaihtuahin ka ngawih chhunzawm a, a thu sawi chuan engmah kei mah ah nghawng a neilo ni a lantir tum hian ka bei ngar ngar bawk, mahse ka kâ anga ka ṭawng chhuah ve hnu chuan hre awm tihna leh zamna a vangin ka ṭawng bah tho tho. "Thi.....l ni thei a ni lo."
"George chutiangin Wesley chuan ka lakah hetiang thil hi a zep hauh lo ang, ka ring lo, i rin ang mize nei lah mi lah a ni hek lo."
"Warning ka pe mai chauh che a ni e. A chhan chu i patea ka nih ang takin ka ngaihtuah hle bawk che."
A thusawi eilo zet chuan ka ner khum a, "yeah, a chiang khawp mai, min ngaihtuah tak tak nila chuan e, he ina ka rawn chen tirh ni hmasa ber khan ka chungah i lantir ṭan daih tawh ang."
"Theihnghilh turin ka ti tawh che a ni lawm ni?" A kut a hum ruh leh ṭan tawh a. Ka hlau ther te lo.
"Kha thil kha thleng tur pawh a ni lo, tihpalh thil liau liau a nih kha, pawi pawh ka ti tak zet." Ti a sawi pah chuan a kun ruih a.
"Kha i ngaihdam dilna khan ka mutthilh laia mumang rapthlak tak tak tun thlenga ka mang ṭhinna hi a tih tawp phah chuang lo."
"Hey, police laka min report te i lo ngaihtuah mai mai ang e, chutianga i ti a nih vaih chuan i pa chung chang pakhat mah i hre ngai lovang."
"Ka pa chung chang pawh ka ngaihven buai peih tawh lo." Ka mit ko san khum deuh ar pah chuan ka ti let a, "A chhan chu eng thil mah hi ka ngaihven tawh loh a vangin."
A nui liam mai a, "I thinlung chhungrilah erawh kha chuan i pa i la ngaihtuah zia leh hmuh leh i duh zia chu ka hre chiang viau in ka hria." Hneh tu in tih hmel zet hian a nui chhuak huk huk a.
"Kha i ngaihtuahna kha chu ka lakah hian i zep theilo ang Eleanor."
Hnuailam ka melh chhuk raih a, mahse ka inti huaisen leh nghal a, cho zet hian ka melh chho siah .
"Eng tik lai pawhin chu thil chu i ngaihtuah ṭhin tih pawh ka hria, chak tak anga lan i tum a, mahse chhungril lamah erawh snowflake ang mai chauh a zawp ral hma i ni thung! Chu vang chuan pawn lama hun i hman hian fimkhur hle rawh, ti emaw in i thinlung kha an tih nat sak nawn leh palh ang che."
"Relax, chulam ah zawng min ngaihtuah ka ngai lo ve, tunah chuan lan huai chawp vel pawh ka tum tawh hran lo, keimah hi ka huai sa tawh miau a vangin." Ti a ka sawi hnu chuan kal pel mai hi ka tum a, mahse George chuan ka kawngah rawn kuah tumin a bei tih ka hriat chuan ka che chhuak vat, a hmaiah ka theih tawp chuan ka hnek sak ta pawp a.
"Vawikhat mah min khawih tum chhin leh tawh ngai suh, chu chu i thluakah khan dah tlat tawh ang che." Ka vin khum hrak nghal a.
A thinrim hmel leh ka laka tilang ngam chiah tawh silo hmel chu hmuhloh der sakin pawn lama Wesley car min lo nghahna chu ka pan san ta a.
Chutiang ka han huai ta thut mai chu nuam.ka ti phian, keimah pawh ka zang phah huai hian ka hria, ka nui chhuak ta var var a, car kawngkhar ka hawng pah nghal bawk a, car chhunga ka ṭhutluh hnu thleng pawh chuan ka nuam ti chu ka la nui chhuak hial reng a, Wesley chuan a car chu tlan tir mai lo hian min rawn melh deuh run run hnu chuan, "Engvang in nge i nuih a? I mak ve ngawt chuan ka hria...."
"Mahse ka duh zawng tak." Ti in nalh zet hian a nui chhuak ta hawk hawk a.
Kei pawh ka nui chhuak ve nghal a, mahse a rei vak lo, ngawi reng chung a car chhunga minute 15 ngawt mai awmin ka rilru ngaihtuahna ah chuan thil chi hran hran a luh zut zut a vang chuan ka awm hle hle thei lo, ngawi reng si in ka che deuh sek.
Goerge ka hlauhna lak a ta tunah chuan ka zalen ve ta a, tuna ṭang chuan tumahin ka nun hi an thunun leh tawh ngai lo ang. Chutihlai ngei pawh chuan Goerge thusawi erawh kha chuan Wesley ka ngaihdanah eng emaw taka rinhlelhna min neih tir leh tho tho.
Chu chu min lo bum ta ang sela tih hi a ni. Thudik tak ka hre duh a nih chuan direct in Wesley chu ka zawt thei ang a, mahse chutiang em em a thil lian thama amah puh chhiat erawh ka ngam lo.
Hospital chu kan thleng ta hlawl a, car a ṭang chuan kan chhuak dun nghal a.
"Rei vaklo chhung chu ka pi bulah ka awm duh rih ang, eng nge a lo an tawh tih te va hriat ve hrim hrim ka duh a."
"Well, kei pawhin ka thawmhnaw hak hi thlak ka duh, nimin lama thawmhnaw kha a la ni a, thawmhnaw ngai nihnih chhung hak hi ka thil duhloh ber te zinga mi a ni bawk." A ti ve a.
"Stylish bilionaire a ṭawng chhuak ve ta e." Ka nui pah hak hak a .
"Dar kar khat hnu ah ka rawn lam leh ang che."
Ka hrethiam tih hriat nan ka lu ka buk khum zeuh a, a ni pawh chu a in her vut a, a kal chhuak ve ta nghal a.
Ka pi room lam ka pan kawngka ka hawng chiah a ṭawngri leh TV sound ka hre nghal a, TV a lo en leh tawh chiang. "Come on, Fernanda i hmangaih thu kha au chhuah pui ta che."
Khum chunga ka pi ṭhu chunga TV lam hawi a lo ṭhu ran ka hmuh chuan ka nui chhuak var var a.
"Serial lamah i lo tui pui leh tawh tih ka hre mai."
Ka lam.a rawn hawi a, "Eleanor i lo kal leh tawh a ni maw?" Ka pi chuan min rawn nuih var var a, zing lam ni mah se a hma vak tawh lem lo a chu, "Morning Grandma." Ka ti ta tjo a, ka pan phei nghal a, a chalah chuan ka fawh sak zauh bawk a.
A ni pawh a rawn tho chhuak ve nghal a, "Eng nge i an tawh?" Ti in min zawt ve a, Ka pi ding chhuak peih ka han hmu ri ngawt pawh ka tan chuan lawm a kut benna tham a tling hrim hrim. " Engkim a ṭha vek e." Ti a chhangin ka la nuih sang reng a.
"Thu lawm awm zet rawn thlen tur che ka nei a sin." A khum lamah chuan ka pawt ṭhu a, kei pawh ka ṭhu ve nghal bawk a, ka pi en lai TV sound chu ka ti zawi nghal bawk a.
"Tak zet? Min han hrilh ve thuai thuai teh, ka hringnun hmanah hian thu lawmawm tak hlir a nia ngaihthlak ka duh ṭhin ni."
"Naktuk hian ka kutah ngei naute kha ka nei ve thei tawh dawn a nih chu!" Phur zet hian ka ti a.
Ka pi chuan mi rawn kuah nghal chung a, "A va lawm awm ve." Ka hnungah chuan a kutin min ben sak thak thak a .
A in lak hran leh hnu chuan a mittui tling pam chu a hru pah zauh zauh bawk a, "Granny i ṭap em ni?"
"Ṭap lo e, ka mit a mim ni in ka hria.
..... tehreng mai Eleanor, ka ṭap a nih hi! Tunah chuan i dream te kha tihpuitlin in a awm ta chu a nia, ka lawmpui em che a ni. Mahse chu thil chuan hre awm.tam tak min tawrh tir bawkin ka hria, a chhan chu i naute rawn ṭhan len hun tur ka hmu ve thei tawh dawn tawh silo a." A mittui a kut a hruk leh zauh pah chuan a ti a .
"Granny...."
"A tawk Eleanor, thu awmze neilo mai a ni e, a chhan chu hun tam ka nei tawh lo tih pawh kan hriat dun chian hle kha."
Ka pi thusawi a vang chuan ka mittui far thla pawh ka dang thei bik tawh lo, ka ṭah chhuah mai lohna turin ka heh ka pet fan fan a, "Engah mah ngai duh suh, ka upa tawk tawh bawk a lawm.....nang pawh heng thil a lo thlen hun a tan hian i inpeih ve tawh a ngai ang."
"Engtikah mah ka inpeih thei ngai lo ang, a chhan chu maw, nang nen hian hun hlimawm tak tak kan hmang dun ṭhin a, chutiang hun hlimawm tak chu ka la kham lo a, tawn belh leh zel ka la duh, chutiang a ka ngaihna che chu nang chan thei che ka nihna hian khawngaih takin min tih chhiat sak lul suh." Ti a sawi in ka ṭap chhuak ta a, engtik lai mahin ka pi in min kalsan hun tur a tan hian ka inpeihin ka lo inpuah chah thei ngai lo ang.
"Mahse Eleanor thu dik a ni miau si a lawm le, pawi ka ti ngawt mai, kha thu kha sawi tur pawh ka ni lo a sin, a mah erawh chu he thu hian a ṭhawn viau che a ka laka tawrhna nasa tak i nei tur hi ka duh pui loh vang zawk che a ni e."
"Chulam chu sawi tawh lo teh ang." Ka mittui chu ka hru hul a, "Naktukah naute ka kuta a awm veleh hetah ka rawn kal nghal ang a, a hmel ka rawn hmuh tir ve dawn che nia."
"I ti tak tak em?" Ka pi mit meng dul raih tawh ah chuan.phurna ka hmuh sak thei a .
Ka buk khum nghat nghat, "Nang ber ka hmuh tir hmasak ber loh che ten."
"Ka tih zawk tak chu i naute thar nen chuan hun hman dun hmasak phawt te induh lo vang maw ka ti deuh a."
"Uhh, ka naute hian khawvela ka hmangaih ber a hmuh nghal hi ka duh ber ang."
A nui chhuak ta a, "A nih leh i naute mi rawn hmuh hmasak tir ber tir chuan intiam rawh le."
"Ka tiam a che."
Ka pi thu ka lo tiam.ṭhin dan ang chuan a kut chu ka la kang a, ka kut ṭang a a kut ṭang bawhthuah tirin ka delh hnan a.
WESLEY COOPER.....
In lam pana ka inkhalh haw hnu chuan hmanhmawh zetin ka room lam ka pan a, khum lamah ka thawmhnaw rawng ngainat ber zinga mi rawng thim lam suit dum chu hak nghal theih mai tur hian ka phawrh chhuak a, khum chungah ka theh thla a, bathroom lamah shower hmang tur chuan ka luhsan zui ta nghal a, Eleanor lam leh tur ka nih a vang chuan ka hman hmawh hle bawk, a bula awm hi ka kham thei ngai lo a, ka awm zing tulh tulh a, a bula ka awm loh chuan mal ngawih ngawih nghal hian ka in hre ber tawh.
Shower ka hman zawh hnu chuan bathroom ka chhuahsan a, khum lama ka thawmhnaw dah sa chu ka inbel nghal mawlh mawlh a, tih tur pawimawh zual ka tih leh zung zung hnu chuan ka paper khawih te chu ka rem fel ṭha leh vek a, ka phone a time chu ka melh pah zauh, dar kar khat chu a lo ral leh der tawh, ka assistant ka be nghal a, tun a ṭanga dar kar khat chhunga Los Angeles pan tur a ka jet chu lo buatsaih turin ka ti nghal bawk a.
Chung thil ka tih zawh fel hnu chuan Eleanor ka lamna tur hmun hospital a pi kan dahna lam chu ka carin ka pan leh ta a, a ni chu a la rawn chhuak lo tih ka va thlen chuan ka hmu nghal bawk, ka car a ṭang chuan ka chhuak a, hospital chhunga lo va kal em chu ka duh dan a ni hek lo. Chhun lai vel bawr chu a ni tawh a, kan kalma hmun turah chuan kan tlai em em lo turah ngai phawt teh ang.
A chhan pawh a pi nena an hun ṭha tak neih lai lo va tih buangbar sak ka duh loh vang a ni pakhat bawk.
Ka phone a rawn vibrate takah chuan ka en nghal a, ka pa secretary a nih a vang chuan rum chhuah nghut pahin, ka la nghal vut, ka beng zawnah chuan ka dah nghal a, "Wesley Cooper."
"I pa in hmuh a duh thu che hrilh turin leh inbiak a duh thu a sawi a."
"Oh, hrep tak chuan, hun ka neih loh thu lo hrilh mai rawh."
"Vawiin hian LA lamah ka jet in ka thlawk chhuak dawn a, ka rindanin naktuk lamah chiah ka lo kir leh ang."
"I pa chuan a hmuhlohna che a rei tawh thu a sawi a, biak che a duh a ni awm e."
A thusawi ngai bawk a rawn sawi leh a vang chuan ka thin a ti rim hle a, ka thinrimna chu a so nghal bawrh, "Ka buai tih hrilh tur khan ka ti che a ni lo'm ni? Eng chung changah pawh min hmu duh a min biak a duh a nih chuan ka lo kir hun lo nghak ve mai rawh se." Ka tih khum leh zui hrep a. "Aw, Tommy kha lo hrilh la, vawiin lamah chuan LA lamah ka awm tawh ang."
"Ok, thank you."Ka be zo ka phone pawh ka cut nghal hmak bawk.
Ka hawi chhuak chuan Eleanor hospital a ṭanga rawn chhuak ve chiah chu ka hmu a, ka lam a rawn pan phei ve nghal ka bul a rawn thlen hnu chuan, "I pi chu i be zo tawh maw?" Ka lo ti sup a.
"Aw."
"Well, a nih chuan airport lam kan pan tawh dawn em ni ang?"
Ka car chhungah chuan kan ṭhu lut ta nghal a.
ELEANOR....
"Tun a ṭanga minute nga hnu ah flight hi Los Angeles lamah a thlawk chhuak ang." Tih thu pilot in a rawn puan hma deuh minute nga ral ta khan Wesley private jet chhungah hian kan ṭhu fel ran tawh.
Tiang ang hian dar kar nga ngawt flight chhunga kan ṭhut a,la ngai zui dawn bawk nen, eng tin nge maw kan awm dawn ni, a rei dawn hle hian ka hria.
Wesley ṭhutna lam chu ka pan phei a, "LA lama in min entir nan nihnih chhung ngawt i hna i ṭhulh dawn tihna maw ni a?" Ka nuih chhuak hak hak a, ho ka tih zawng tak.
"Ni nang, business lama thawh tur a awm tel tih ka hrilh tawh che kha."
Thawk ka lo la hak a.
"Oh, hre tur tawh hi ka ni a sin....." ka ti bah nak, ka bulah a sawi tawh tak kha maw, mahse chutiang thil hre reng tur pawhin ka buai ve em.a ni. "Ka tih chhan pawh keimah a vanga i hun tam tak i khawhral thlawn hi ka duh pui loh vang zawk che a nia."
"Min ring rawh, i bula hun ka hman ho zawng zawng hi hun khawhral na mai mai a ni ngai lo."
Ka nuih sak a, a ṭhutna bul chiah a seat pakhatah chuan ka ṭhu thla ve nghal a .
"Nak tuk mai hian press ho hma a kan lem chan pawh a tawp ve tawh dawn chu a nia, ka ring theilo hial zawk mai." Thawk ka la pah halh a, ti chuan Wesley nen kan inkar pawh a hlat phah sauh bawk ang.
"Kei ngei pawhin ka ring thei bik chuang hleinem."
Ka lam hawi zawng chuan a rawn inher rem a, kan inhnaih dun ta kher mai, a thaw lum ham ham leh a rim tui inhnawih rim tui lutuk te chuan ka thawk a ti sak zo leh vek tawh, ni ta ber zawk chu kan inhnaih dun lutuk vang vek a ni.
"Kan pahnih inhualna kha a tak ang i ti ve em?" Thawp set sawt tak zawi sup hian a ti chhuak sup a.
"Er....yes, kei pawhin a tak a ang chu ka tia lawm." Zawi rawih rawih a in hriatna ka nei.
"A tak tak kan nih tir thei a sin."
"Kan nih tir thei....."
Wesley mitmeng chu ka melh pah zeuh a, rilṭamna hlir a khatin a meng phi deuh chuai a, a hmui chu a liak huh zauh tih ka hmu bawk a, a hmui liah huh hnawng deuh chap chu ka en tel lo thei lo.
Ka heh chu ka pet ve zeuh a, mahse George thusawi kha ka ngaihtuahna ah chuan a rawn lut zawk nghal a.
"Hey, Wesley, he thil hi ka zawt dawn che nge dawn lo che tih pawh ka hrethiam chiah lo." Hnuai lam ka melh pah raih a.
"Min han hrilh la." Tih pah chuan ka kun zawnga ka sam rawn thla deuh hniang chu a kut chuan a zut pah dalh dalh a, ka bengah chuan min zeh ṭhat sak nghal a, chumi hnu ah a kut bawk chuan a mah en thei turin ka khabe ah chuan a dawm kang pah bawk a.
Ka huaisenna zawng zawng sawm khawmin ka thu zawh duh chu ka sawi chhuak ta hram a.
"Ka pa hi khawiah nge a awm i hria em?" Ka pa chung chang hi ka hrilh ngai lo ti ila ka sawi dik maithei, ka pa in min duh loh a vangin min kal san tih kha chu ka hrilh tawh ngei mai a, mahse tu nge ka pa tih lam erawh ka la hrilh ngailo hrim hrim, mahse ka patea sawi dan kha chuan ka pa hi tunge a nih tih Wesley chuan a hre chiang viau ni in a lang bawk si.
Rei vaklo chhung Wesley hmel put rum ta sawt chu ka en deuh vang vang a, a ni erawh chuan eng mah a sawi chhuak lo va, a awm ngai chuan a awm run reng a, eng emaw tih tum pawhin a che sawn hek lo.
A chhan na nghak ran chung chuan thinrim ru tak hian ka melh ngar a, "Reilo te mutthilh tum ila ṭha in ka hria, ka chau deuh tlat." A ti ta daih a.
"Kha tin nimina ka chhan dan ang che khan min chhang ve reng reng suh aw."
A nui chhuak hawk a, "Engvangin maw, nang hian hriatthiam dilna ṭawngkam i hmang thei a, keiin ka hmang ve theilo tihna maw ni a?"
"Wesley he thil hi ka tan a pawimawh tak zet zet a sin." Ngui zet hian ka ti chhuak a.
"Hey, Eleanor sawi chhuah ka duh rih lo...."
Mak ti zet a en chho ha chung hian, "A nih chuan ka pa awmna chu i lo hre reng ṭhin tihna maw ni a? Kha mi hun chhung zawng khan i lo hre reng a, engmah mi hrilh duh lo in, ka lakah i lo zep char char ṭ5in tuhna a ni maw?" Ka kut pahnihin ka biang leh lam leh lam ka dawm a, rapthlak ti zet hian ka melh kawl kawl bawk.
"Ngawi rih teh, Eleanor." Thawk a la,
deuh hawk a, "Ka hria tiin ka sawi reng reng lo, mahse nang pawh hian i hre bik lo tiin i la sawi chhuak lo hrim hrim."
"Enteh inhnialna ṭan i duh a nih chuan a ṭha e, kan ti dun dawn nia, a maherawh chu hetiang a mahni hma kan sial dun viau chuan kan hmalam hun kan su kaw thei hauh lo ang, hetiang te chuan naute pawh engtin nge kan enkawl chhoh theih ang ni, thil thui tak dawn ve kan ngai ang ."
"Tun dinhmuna pawimawh ber zawk chu i hun kal tawh lam nilo in, tuna a tan chuan i hma hun lo la kal zel turah hian innghah a pawimawh ber zawk, kha ina naute enkawl sei len baka tih tur pawimawh nang leh kei hian kan nei rih lo."
"Chuvang chuan kan pahnih buaina neih te hi dah ṭha a, eng nge tunah hian ṭul zawk tih kan ngaihtuah dun a ṭul zawkin ka hria."
"Beatrice." Tih hming chu ka hmui a ṭang chuan a ri chhuak sap a.
"Aw ni e, hahdam taka awm tum rih phawt rawh, tun a ṭanga reilo te hnuah chuan kan chuanna jet pawh hi a ṭum thuai tawh ang."
Hre awm ka tihna leh ka rilru hahna zawng zawng te chu dah ṭhat ka tum ta a, a chhan pawh he kan zin kawng hreawm zet hman lai pawh hi keima tan nilo in kan fanu tan ti a ngaihtuah hram hram ka tum a, tichuan tlemin ka tuar theih deuh phah ang, ka bula Wesley thusawi pawh kha a dik viau in ka hria, kan pahnih a inhnialna kan tih chhuah chuan engtikah mah kan fanu chu kan enkawl thei lo ang, ni e, vawiin ni tan chauh a lawm, nidangah chuan he hun te hi ka thlah liam thei tawh dawn si a, ti a ngaihtuah neuh neuh chung chuan, "Okay." Tih chu nui chungin ka sawi chhuak thei ve ta a.
Ka rilru pawh a thawveng huai hian ka hria, ka tho chhuak a, ka ṭhutna tur lam pan ka tum mek lai chuan, Wesley kut lum thar thar chuan ka banrekah min lo hmer sak hman a, "Tah ka bulah hian ṭhu ve rawh."
Ka hawi let a, ka kut a vawnna a ta tal pit pahin, "Nilo ve, ka ṭhutna tur seat ka lo ti fel diam tawh a, chuan heihi kan pahnih inhnialna a i chak a vanga i hremna tawrh tur a ni bawk ang."
A chek ri deuh hluk thawm chu hai der sakin a piah lama ṭhutna awl lamah chuan ka ṭhut san ta zawk a.
Rei vak lo chhung chu ka harh kar reng a, thil dang dang ka ngaihtuah kual a, rum chhuak thawm hre than hian ka inhriat a vang chian Wesley lam chu ka hawi phei vat, a ni chu a lo muhil der tawh a, rum ri ka hriat pawh chu a mah ngei a ni a, a chhan tak sawi theih silo hian a sexy phian, ngaihthlâk nuam ka ti kher mai, chutiang chuan ti reng se ka ti rilru rauh rauh, chu chuan min ti nguai a, reilo te hnu ah chuan mut chhuakin min rawn zem ve ta chiai chiai a, ka muhil zawm ta nghal a.
Ka pa chuan min kal san tumin a thawmhnaw dahna suitcase chu a kutin a khai a, a hmel hlimlo tak chu rei pawh mi hmuh tir lo in min hnungchhawn nghal thuai a, ka pa kal tur chu ṭap chung hian min kalsan lo turin ka ngen ngawih ngawih bawk a, "Dad."
"Eng tikah nge ka hmuh leh ang che tih pawh ka hre si lo."
"Khawiah nge kal.i tum tih tal hi chu min hrilh ve hram rawh."
Ka pa chu mittui tling a vanga meng sen rum chuan a rawn inher a, "Eleanor...."
"Thil eng emaw i hriat reng tur a tan chah che ka duh, he thu hi i hre reng ṭhin dawn nia." A ti ngui ruih a.
"Nilo, ka pa min kalsan suh, i tello chuan engtin nge ka awm ang, he khawvela ka neih chhun chu nang chauh hi i ni tawh a sin, khawvela ka rohlu ber pawh nang chauh hi i ni tawh." Ka lungchhe lutuk a vang chuan ṭawng pawh ka ṭawng ṭha hleithei lo hial a.
"Eleanor ka thusawi hi ngaithla rawh, ka fanu, ka tello in i ṭhanglian chho dawn a, tumah hi ring ngai suh ang che."
"Nangmah pawh tiamin i tihna mi?"
"Dad.....khawngaihtakin ka chungah hetiang hian tilo hram rawh."
"Ka mamawh che, i fanu hi eng tham mah tirual pawh ka la ni loh hi."
"Ka la mamawh dawn chauh che a sin, mommy lah kan bulah a awm tawh bawk si lo, mawh dad, fahrah mi te nuih zat nih ka duh lo, khawngaihtakin kal lul suh."
Ka pa chuan min hnungchhawn leh ta a, a suitcase khai lohna lam zawkah chuan ka kut pahnih suihin a kal hlau tak chuan ka pa chu ka man bet a, "Dad min kalsan lo hram rawh." Ka ṭap zawih zawih bawk. Ka vawnna kut chu min thinthlak sak a, "I pi pawh nangmah lam turin a lo kal thuai tawh ang." Ka pa chuan min chhuahsan lui ta tho a.
"DAD." Min chhangtu reng an awm tawh lo, ka pa car ti nung ri ka hriat chuan ka tlan chhuak vat a, mahse ka pa car tlan liam tur chauh chu zan thim hnuai a ka hmuh theih chhun a ni ta si, khawvela ka neih chhun pawhin min kalbo san leh ta, tunah chuan neih engmah pawh ka nei tawh lo.
"Hmmm."
Harh chiang lo zet hian ka meng chhuak a, ka muhil chhunzawm.leh ta nghal a.
School lamah pawh tumah ka kawm ngam tawh lo, chuti chung pawh chuan ka hmeichhe naupang pui ka kawm rual tawk vel te nuih za bur ka la hlawh ta fan tho, "I pa chuan a hmangaihlo hle mai che." An nui chiam chiam hlawm a.
"Chuvang chuan em ni i pa bulah pawh awmlo a, i pi bula i awm nachhan?"
"Ni lo, in thusawi kha a dik hauh lo, Dad....chuan thil tih tur pawimawh tak a nei a..."
"Mahni fanu ngei ngei ai pawh a pawimawh zawk a awm thei dawn em ni?"
"I tan chuan rin a harsa ngawt ang ti raw, hetiang thu kan hria hi pawi kan tihpui hle mai che, ti rawh u kal daih ang, a pa pawhin a aduh loh chu naupang sual tak a ni hrim hrim ang."
Dad khawiah nge i awm, min kalsan ni a ṭang khan ka khawvel pawh hi i tawp tir ve nghal tih hi i hre ve em?
WESLEY COOPER.....
"Ka pa hi khawiah nge a awm i hria em?"
Chu zawhna chuan chhungrilah min ti na nghal zawk .
Engtin nge Eleanor pa chunga thil thleng zawng zawng te kha risk la chunga ka hrilh vek theih ang, ka hrilh vek a nih chuan kan chhungkua hi a haw ngal dawn tih lah ka hre reng bawk si.
Engkim hrilh tur chu ka ni chiang a lawm, tunge a nih tih ka hriat reng thu pawh hi ka hrilh ngei tur a ni. Mahse chu thil ka hrilh anih ngat chuan kan hmalam hun a tan natna mai ka thlen dawn tih lah ka hai hek lo.
Chuvang chuan thil ṭul bera ka ngaih chu ka ti ta zawk a.
"Enteh inhnialna ṭan i duh a nih chuan a ṭha e, kan ti dun dawn nia, a maherawh chu hetiang a mahni hma kan sial dun viau chuan kan hmalam hun kan su kaw thei hauh lo ang, hetiang te chuan naute pawh engtin nge kan enkawl chhoh theih ang ni, thil thui tak dawn ve ve kan ngai ang ."
"Tun dinhmuna pawimawh ber zawk chu i hun kal tawh lam nilo in, i hma hun lo la kal zel turah hian innghah a pawimawh ber, tuna tan chuan kha ina naute enkawl sei len baka tih tur pawimawh nang leh kei hian kan nei lo."
"Chuvang chuan kan pahnih buaina neih te dah ṭha a, eng nge tunah hian ṭul zawk tih kan ngaihtuah dun a ṭul zawkin ka hria."
Ti a ka hrilh hnu chuan, "Beatrice." Ti hian a phun chhuak sep a.
"Aw ni e, hahdam taka awm tum rih phawt rawh, tun a ṭanga reilo te hnuah chuan kan chuanna jet pawh hi a ṭum thuai tawh ang."
"Okay." Chutiang mai a awlsama ka thusawi a hriat thiam pawh ka ring chiah lo, mahse a hrethiam tlat, Beatrice vang chauh a ni ngei ang.
"Mahse he thil hi nakinah kan la sawi nawn leh ang." A ti deuh hmak a.
A tho chhuak ta nghal a, a kal sawn tur chu a ban rekah chuan ka kutin ka lo vawn sak hman a, "Tah hian ka bulah ṭhu ve rih rawh."
"Nilo ve, ka ṭhutna tur seat ka lo ti fel diam tawh a, chuan heihi kan pahnih inhnialna a i chak a vanga i hremna tawrh tur a ni bawk ang." Ti a mi chhangin ka piah lam hla deuh taka ṭhutna lam chu a pan phei ta nghal a, a kal na lam chu ka thlir zui reng a, thawk ka la deuh hawk a, Eleanor .... min ti â zo tak ngial dawn ni in ka hria.... Paris a ka letter pek kha hawng a achhiar ngei tawh pawh ka beisei....mahse engmah lah a sawi chhuak mang bawk si lo a, kha lehkha a chhiar tawh hnu ah kha chuan eng ang chiahin nge min ngaih tal hi min hrilh ve tawh ni se zawng ka tan pawh engtin zel nge ni ang tih ngaihdan ka siamfel thei tawh tur hi a nia.
Ka muhil lai chu Eleanor rum chhuak chuan min ti harh zawk a, ka meng deuh kawk, mahse engmah thawm a chhuah chhunzawm leh tak loh a vang chuan ka muhil zawm leh ta mai a.
A ṭawng chhuak leh ta nawk nawk a, ka awmna a hlat deuh hlek.a vangin eng thu nge a sawi erawh ka hre mai thei lo.
Ka tho chhuak a, pilot chuan LA ah kan ṭum tawh dawn thu a rawn puan chuan Eleanor ṭhutna lam chu ka pan phei ta nghal a .
"Eleanor ti tawh lo teh, che chhuak tawh ang le." Lehlam a la hawi tlat tho a.
"Tumah hian min ngaihven tak tak lo, tumah rengin min ngaihven....."
"Eng chung chang nge maw i sawi le?"
"Mawl viau lo teh, ka ngaihven zia che hi i hre thiamlo zawk a nih hi, i nat hlek pawh phallo tu ka nih hi hre ta che ."
A rawn in her a meng chhuak ta chauh a, ham deuh bai bai chung hian, "Hm? Eng nge ni a?"
"Oh, i mumang lek maw ni a?"
"Eng maw?"
"Engmah, kan ṭum tawh e."
"Kal ang." Ka chhuahsan nghal ta daih a.
Jet a ṭanga kan chhuk hnu chuan car pakhat ka chah lawk chuan min lo nghak reng tawh a, engmah bungrua kan neih lem loh a vang chuan ka in lei thar lam pan chuan kan tlan ta nghal a.
A hmun kan thlen hnu chuan car a ṭang chuan ka chhuk nghal a, ke a thui vak lo kal a ngaih a vangin ka hnung lamah Eleanor chuan min rawn zui ve dat dat bawk a, a bula ka awm hi chuan eng nge a chhan tak pawh hre lo in a mah ngaihven ang taka awm hi tlawm thlak tihna tlat ka nei ṭhin, mahse ka rilru diktak erawh a mah ngaihtuahna hlirin a khat zawk si.
ELEANOR....
LOS ANGELES UNITED STATE
Wesley kal chak lutuk chu tlan deuh thaw chung hian ka zui dat dat a, a kal chak thei lutuk chu ka haw ru kher mai, a tawp a tawpah zawng a ding ve ta ṭawk a, min lo nghak a ni ngei ang, khua lah a thim fel der tawh leh nghal, mahse khawpui chhung chu light rawng chi hran hran hian a eng pe un mai a, ka tan chuan a ropui tak zet, mahse Wesley kal chak vang hrep chuan hawi na hun ka nei lo a, dar engzah chiah nge tih hre tur pawhin ka phone a time pawh chu ka enhman hrep lo.
"Helai mansion awm ho chuan area a nei zau thei hle mai." Ti in a bul ka thlen hnu chuan hah a vanga thaw hlap hlap chung hian chulai inropui zet chu ka melh kual a.
"Ka hria a lawm." Hawi pawh a rawn hawi chhuak lo, a phone chiah chu a hmuh pawh ka ring, chu in chu a en chhun lo hrim hrim.
"Eng a, ka hria a lawm â ni a?"
A phone chu dahin min en chhuk a, "Helai hmun hi Los Angeles chhunga hmun to ber zinga mi a nih hi." A ti leh sup a .
"Nih leh khawnge i in min en tir duh chu ?"
"I hnung chiah a in pakhat ding kha."
Ka inher, chu in ka hmu chiah chu ka phu zawk, "No way."
"Mansion maw, nang leh naute tan chauh leh nghal, i â ta chu a ni em lo maw?" Awihlo zet hian ka ti chhuak ṭhat.
"Nang pawh i rawn awm ve ṭhin dawn tho a ni lo'm ni, a ni em?"
"Ka hrethiam lo tak zet zet....." zawi sep leh bah nak hian ka ti chhuak a.
"Ka pi bulhnaia awm rih deuh char char ka duh dawn a, LA leh NY inkar lah hi rin ai takin a hla ve deuh bawk nen, hetah chuan ka rawn kal tam theih chiah ka ring chiah lo...." ka kut ṭang nuai deuh nak nak pah chuan ti in nuam ti chiah lo hian Wesley chu ka melh chho zauh a.
Kan inhmu zing thei tawh dawn lo a ni tih ngaihtuah neuh neuh chung chuan ka heh chu ka pet deuh zeuh a, a chhan pawh kan inkar chu a hlat dawn tawh em.a vangin.
Chu thil ka ngaihtuahna chuan chhungrilah phurlohna eng emaw tak hi min neih tir a, a chhan tak erawh ka sawi fiah thiam der chuang lo.
"Come on, khatiang lam kha chu ngaihtuah rih lo phawt ang."
"Min ring rawh, nakinah naute nen chuan eng tiang in nge hun kan la hman anga, eng tin nge kan awm zel dawn tih te chu kan la hre chhuak vat mai tur ah ngai ang."
Ka nghawng hnung lam tuai deuh zauh pah chuan, "Ka beisei.."
"Inchhungah lutin eng nge a an kan en tawh dawn em ni ang?"
Wesley chu a dinna a ṭang chuan kalsawn in inchhungah chuan a lut nghal ta daih a, chutia pawn a din reng pawh chu dik bera ka hriat loh a vang chuan ka zui lut ve ta nghal a.
Inhnuai lam a ṭang chuan kan fang kual ṭan ta a, inhnuai lobby a ṭanga pen a room pakhatah chuan min luh pui a, a chhunga thil awm.ka hmuh chuan ka nui chhuak lo thei lo, hei chu khawi hmunah pawh Wesley chuan a dah ngei ngei ang.
"Wow, helai hmun chu a nuam dawn hle mai."
"A nia sin." Tih chauhin min chhang, a hmel chu ka melh chho a, a ni erawh a lo thu tak run thung, a kut in a khabe a dawm run run bawk a, eng thil nge a ngaihtuah ang aw, ka ti rum rum, chiang zet hian min enchhuk leh ta nghal, huh, naute rawn len chhoh deuh hun a heng a thil vel a khawih pawi sak na lakah ka veng thei ang em tih a hre chak pawh a ni maithei e.
WESLEY COOPER....
He ka bula ding ka hmeichhe hmangaih tak nen hian he hmuna chawlh hahdam dun chu eng ang chiah a nuam nge a nih tih chu ka hrethiam nghal mai in ka hria, tumah min ti buai tu pawh awm tawhlo in, kan pahnih leh kan fanu nen chauh hlim takin hun kan hmang tawh dawn si a.
Uhg, Wes i hmangaihna a hnawl sak che tih kha i theinghilh ta em ni, engvanga chutiang ngaihtuahna te nei ta nge maw i nih hrep chu le?
Ngaihtuahna awlsam zet zet neilo hian vawt ruih reng zawk la a dik zawk ngei ang.
"Hey, engvangin nge in chung te enkual tura i kal mai loh vang? Kei chu tah ka lo awm rih ang."
"Phone call pawimawh tak ka neih lawk a ngai dawn a...."
"Yeah, no proplem." Ti deuh hmakin a kal sawn ta nghal a, a lakah khan ka vawt mah mah em aw ka ti leh hnu hnawh, mahse khatiang khan a ni lo'm ni awm ka duh dan chiah kha, engvanga inthiamlo leh nge ka nih?
Thawk ka la hawk a, chhungrila ka hnual na chu thup tum tak hian thawk ka la pah hawk a, ka phone chu ka phawrh ta nghal a.
"Melissa thu thar a awm em?"
"Aih, Aleanor chuan engmah rinhlelhna pakhat mah a la nei lo."
TO BE CONT...
No comments:
Post a Comment