TESPNAYA REAKSIYA LOST CHAPTER 8

TESPNAYA REAKSIYA LOST CHAPTER 8

Fakna milem awm ṭhin khawi emaw berah khan hmet ve zeuh ang aw, chuan kan nghak deuh vang vang ang a, kan back leh mai dawn nia.

MEANWHILE BACK IN SICILY...



The next day...



LUCA....



Riccardo chuan thlaphang hmel zeta mi en a, "Ka hrilh ang che khan engtik lai pawh a harh chhuak thei dinhmunah a ding reng tawh."




"Rick tunah chuan doctor i ni leh tawh tihna em ni?" Rum zeta ka unaupa melh chhuk run pah chuan ka ti nghut .





Ṭawng chhuah tuma a ka a an zau lai chuan ka lo ṭawngkhalh a, "Tun a ṭanga nireilo te ah ka pa a rawn kal dawn a, chumi hma chuan he hmeichhia hi a kal chhuah fel ngei a ngai ngei ang."





"Hetah i pa rawn kal a tum a maw?" Dante hmelah chuan a ṭhawng hle tih hi a hriat a.





Ka chal dawm khum zauh pah hian, "Aw, lo kal a tum chu a nia lawm."




"Ngati maw?"




"Ka hre bik hrep lo ve, a ngai ang bawk khan thil ṭul loah a inrawlh ṭhin a, chu zawng bak eng nge tih theih a neih?"





"Luca boss a la ni reng tho a lawm, nang chu Bastone hmunah chiah a nih kha capo i nih."





Riccardo chu ka melh rum kher mai, ka thinrimna ka hrikthlak zawm nghal a, "A nih te chuan nihna a neih ang takin rawn che chhuak sela, ka chunga engkim nghat lo hian."






Thawk ka la hawk , "Come on, Dante, kan Rick signorina kha a harh chhuak tawh em tih i va en teh ang ." Rick rum zeta ka melhna a ṭang chuan ka mit ka la sawn a, Dante lam chu hawiin kan signorina mutna room lam chu ka pan nghal vut bawk.





"Luca awm tir mai mai rih teh, a awm awm a i awm tir hi ṭha ber rihin ka hria." Ti chungin Riccardo chuan min rawn umzui nghal vat, ka melh rum kher mai.





"Uhh, order te pawh min pe ve ngam ta tihna maw?"





"I thil tih hi keimahah a thawk em tih min la hriat tir leh dawn nia." A thusawi ngaih pawimawh sak lo tak, elhsen zet hian ka tih khum a, ka kalna tur lam erawh ka pan loh phah chuang lo.





Room kawngkhar chu Dante chuan a hawng a, chuta hmeichhia kan va hmuh chu a lo harh chhuak tawh reng, Rick ber mai chu a ṭhawng zawk mah, a phu deuh zawk nghe nghe.





Chu hmeichhia chuan sam buang uk kharh mai kawi chiat hi a nei a, a sam chu a darah a in vaw hnalh a, a mitmu rawng chu a hring nghalh bawk, a vun rawng pawh tisen in a kap sen no chek a, damlo khuma mu reng a nihna chuan a ti lang dang ve deuh hlek.





A hmelah chuan hlauhthawnna eng emaw tak nei tih hriat zet hian hlauhna mit meng nen min lo en a, a heh chu fawh chak awm khawp a no sen siah a ni bawk, chutiang thil te ka ngaihtuah tak mai le, ka lu ka thing deuh nawk, a lama pen khat kan pen hnai leh chiah, chu nu chuan hlauh a vanga aw khur deuh dar dar chung hian, "Rawn kal hnai tawh suh u." A lo ti a.





"Its ok, kan ti na dawn hleinem che." Riccardo chuan a lo ti hman hmawh.





Ok, i lo en zel ang hmiang.





"Kal sawn rawh u ka ti a ni lo'm ni?" A vin kher mai.




Riccardo chu a kal hnai ta tho a, "Puih che kan tum mai chauh a ni e."




Hmeichhe nikhawhrelo a kar khat chuang awm tawh rawn harh chhuakin mipa ṭhah pathum a hmu phut chu a hlau ngei ang, chutah a hmelhriat ngai kan la ni lo leh ta nghal.





Riccardo ṭé chhuak ṭhawt ah chuan ka harh chhuak zawk, chu nu chuan a lo hnek dak awrh hi a lo ni a, insual a thiam hmel kher mai, a huai viau bawk ang, hmeichhe innocent tak zawng a ni hauh lo ang le.




Vawi thum vel lai Riccardo chu a hnek hman reuh a, a ṭuan pawh a ṭha phian mai, ka lawm zawng tak, hmeichhe huaisen tak mahni in veng thei chin ang hi ka ngaihsan zawng an ni ve tlat, mahse ka hmeichhe kawp duh zawng chi erawh an ni lo thung! Ka cigar ṭan a zu meuhin chu hmeichhia in Riccardo a khawih lai chu ka lo thlir dauh dauh a, ka hmuhnawm tih zawng tak a ni.





Min ti lawm loh ngun tawh em a vangin hmeichhe kut thlak te pawh a tuar ve hlak a ngai ang chu, tichuan a harh chhuak ve mahna .





Mahse chu nu berkher chu insual thiam tak ni hian ka hria, nitheiin ka hre ta lo a, ka bul a Dante nui khi sung chu ka melh deuh kawk a, "Dante va ṭanpui ta che."




Dante kal phei lai chuan Rick chu natuarin a kun ngawih ngawih tawh, a va kal hnai ve chiah chu nu chuan thu a lo pe ve nghal a, "Rawn kal hnai ve vaih teh, a tawrh ang bawk kha i tuar ve nghal ang."






"Oh, calmdown, tumah in tihnat che an tum hleinem."





Dante inrinloh lai tak chuan chu hmeichhe kut tum chu Dante hmaiah chuan a ri nghal fawk, "F*ck." Tih sawi chhuak ṭhawtin a hnar a dawm nghal a.





"He hmeichhe â zet hian ka hnar ruh min tih tliah sakin ka hria." A ti nghal tuar.




Ka nuih za lutuk chu ka insum.thei tawh lo, za mangkheng hian ka nui chhuak ta hawk hawk a, mipa pahnih in hmeichhe pakhat chauh pawh an buaipui theilo chu a nia le, "I vannei khawp mai, hmeichhia kut ka thlak ngai loh a vang hian." Ti a thinrim zeta sawi in Dante chuan a hnar a la dawm ngawih ngawih.





Thu pe aw zet hian a ṭawng chhuak leh nghal a, "Tunah chuan a ngaiah khan kir leh tawh hrep ila." A ri leh nghal chawrh.




Chu nu ṭuan chu a ṭha phian, "Cazzo." Dante chuan anchhia a lawh ṭhawt a.





"Min kalsan rawh u ka tih tawh kha." Hlau aw khur hlak.hlak hian a  ti nawn leh a.





Dante chuan ka lam a rawn hawi a, "Luca i puihna tlem kan mamawh deuh chu a ni lo maw eh?"





Za lutuk in ka nui mai a, an che vel chuan ka nuih a ti za ngawih ngawih, chuti ang khawp a za chuan ka nuih chhuah lohna chin pawh ka hre tawh lo. Tun ṭum zet chu ka nuih a za kher mai, ka nui chhuak hawk hawk bawk.





"Ka ring chiah lo." Ka nui leh chiam phawt a, "Kha tia mimawl pahnih thluakthawl zet mai hmeichhe pakhatin in mawnga a pet sak hun tur che u hmuhnawm ti taka lo thlir kha ka tan chuan nuam deuh a sin."





"An chan ang kha i duh ve deuh tihna em ni?" Chu nu chuan a rawn ti ta hlar a, a thu sawi chu ka tan chona a ni tlat.






Chu chuan ka nui lai a ti tawp hmuk, zawi muang hian chu nu lo dinna lam chu ka pan phei a, a hmel chu a mah hnaiha ka din hnu chuan a ṭha zual sauh ni hian ka hria, mahse a thawmhnaw lian zet hak damdawi in kawr niawm tak doctor in a rawn ken sak ni awm zet ṭhuiloh kawr ang mai, a taksa pian pawh ti lang chiang theilo khawp a lian ṭhui zawm.thlak put leh a ke chawn vel thleng hnulh a hak chuan a ti itawm lo zo vek .





He nu hian tu nge ka nih tih hi a hre hauh lo a nih dawn hi, Dante leh Riccardo chu ka kal phel phei thuak a, chu nu bulah chuan hnai set sawtah va ding chung hian ka melh chhuk run a, "Nang chu ni ila chuan khatiang thu kha ka sawi chhuak hauh lo ang." Ka ti pah nghut bawk a .




"Min ti hlau ther te lo."





"Tih hlauh che tuma sawi ka ni hauh lo, pazza signorita, a mah erawh chu ka thusawi awih loa i ât ila so kual zel dawn a nih chuan inhnuai thim lamah zan khua a kalh hnan i ni thung ang."






"Tu nge i nih?" Zam hmel zet hian a rawn ti chhuak ta sep.a.




"Amore, i tan a pawimawh ber lo."




"Hetia i thil tih ho hi ban san la, ti chuan shower te hmangin thawmhnaw pangngai in bel vat la a ṭhat ka ring, chuan Riccardo hian i awmna hmun ngei ah a va thlah dawn che nia."





"Riccardo maw?"





"Riccardo chu kan zinga sam meh mawilo ber hi a nih ngei ka ring." Ka dar ka chhin pah zauh a.





"Hey, khatin min ti bik kher suh aw." Rick chuan lawmloh hmel.zet hian ka hnung a ṭang chuan a rawn ti a.





"Chuan thawmhnaw inbel tur pakhat mah a nei lo." A tih zawm leh nghal a .





"Well, a nih te chuan a hak tur thenkhat va ngaihtuah sak nghal la ti nia."




"Tunah Rick." Ka tih hrawk hnu chuan a che chhuak nghal ta vat a.





"Dante nangin veilam te pen a guestroom awmah khan va hruai rawh."




"He pa bulah hian khawiah mah ka kal lo ang." A ti leh nghat a.





"Ngaihtuah duh suh, i him lutuk ang, a khawih hauh lo ang che, a lo khawih ta che a nih pawhin a mawngah i pet sak hrep thei tih ka chiang viau a nia." Ka nui pah suk nghe nghe a, a hma a a khawih lai vela an na tuar hmel kha ka mitthla ah ka hmu nawn leh a, ka nuih a la za kher mai.





A ni pawh chu a nui chhuak ve ta hak hak a, a nui mawi phian , "Lo kal rawh le." Dante chuan a ti a.




Min rawn melh zauh a, a mitmu hring nghalh chu mitmu rawng hring ka hmuh tawh zawng zawngah a nalh dang dai viau hian ka hria, "Kal tawh rawh le, i ṭha em.em ang tih ka chiang a nia."





An kal chhuah dun tak hnu chuan hmeichhe thinchhe ve tak leh huaisen tak si ni hian ka hria ka ti rilru ve rauh rauh.





MEANWHILE BACK IN NEW YORK...



THEO....





Zing ka tho breakfast ei tura ka chhuk thlak hma in Zara room lam ka pan phei a, ka inbual tir a, a uniform a ka thlak zawh hnu chuan inhnuai lama a nu breakfast siam ei turin ka chhuk thlak pui a, "Sofia chuan zawhna zawh tur ka lakah a nei tih ka hre reng, mahse ka haider sak rih mai erawh a ngai thung ang, Zara hi Sofia chuan school lamah a thlah ṭhin a, a mah vékin a lam leh ṭhin bawk, a chang changin ka hman chuan school ah ka lamin ka hruai ve ṭhin bawk a ni.





Vawiin zing chu ka pa in eng nge thu a neih ang tih ka hre hauh lo, vawiin lamah pawh warehouse a rawn tlawh ang em, nge mum nen an thu a inhmu ta lo? Zawhna hlir hian ka khat, ka pa a rawn lang leh lo a nih chuan engkim ka kutah a awm leh vek dawn a ni tih ringa kal hma pawh ka ni reng.





Warehouse ka va thlen chuan midang ho pawh an lo kim leh vek tawh a, ka pa hmel ka hmuh loh a vang erawh chuan ka hmel a ngui nghal hle, ka nu nen chuan an in be fuh vak lo te pawh a ni maithei bawk, engtin nge ni dawn tih pawh ka hrethiam bik tawh lo.




"I pa hnen a ṭangin engmah thu i ka hre bik chuang lo tihna mi?" Detroit chuan a lo ti nghal a .





"A ni mai ang chu."




Kawngka a rawn inhawng a inkhar leh nghal a, chulam chu kan hawi phei nghal vek, ka pa hmel kan han hmu ta thut chu tupawhin mak kan ti vek.




"A ṭha e, hetah inawm vek a." A khabe akut leh lamin a tuai pah nauh nauh bawk a.





"Theo, Jaiden leh Cooper, kha phone line lamah awm ula, khami ni a CCTV lama footage zawng zawng kha min rawn lak sak ang che u."





Ka pa in thu a han pe leh chiah chu an hlim hlawm viau ni hian ka hria, phur takin an che chhuak nghal sung sung, chutiang bawkin kei ngei pawh ka thaw ve huai mai. Ka nu chuan ka pa chu a harh chhuah tir ta ah ka ngai hmiah bawk.





"Khami ni a airport leh car rental office footage kha ka mamawh ang a, chu chauh pawh nilo in, Alexandra hnu tawpna engkim ka duh vek bawk ang."




"Hunter nangin Russo kha ka biak theih turin lo ti la, Detroit nangin ka office lamah eng ang chan chin thar nge hriat i neih i rawn report bawk dawn nia."





An lo bu nghut nghut hlawm a, "Chuan thil pakhat, Cain hi tu emaw talin biak pawh kan tum.tawh em?"





"Cain chuan vacation a hmang ni in ka hria." Detroit chuan a lo ti ve a .




Ka pa chuan a meng kual khum rulh a, engmah sawi leh tawh lo in a office lam a pan ta nghal a, keini pawhin kan hna chu phur zetin kan ṭan ve ta sap sap hlawm a.




TREY....



"Thank you Russo ka lo ngai chang reng dawn nia."




Phone ka dah hnu deuh lawk chuan ka office chhungah Detroit a lo lut a, "Eng nge a rawn sawi?"




"A lo zawn ṭan nghal tur thu a sawi."





"Kha chu ṭha turah ngai ang, a ni lo'm ni? Russo hi khawvel a private detective ṭha pawl a ngaih kha a ni in ka hria."





"Ni e, i sawi dik e ."





"A nih leh eng nge next step ah ni ta ang?" A kut chu a kuang kuah hlun a .




"Sicily lamah kan kal ve ang."





"Engtin nge Callie hi ni ang a, a nau neih kha a hnai tawh viau a ni lo'm ni, a ni em?"




"Mmm, nikhawp mai, tun a ṭanga kar reilo te hnuah chuan a nei tawh mai ang, chuvang chuan lawm, Theo hi a lo kal ve lo anga, ka inlamah a nu a lo awmpui ve ang chu ka ti deuh a, a chhan chu Zara ngaihtuah a ngai tho a, nang pawh i fapa Noah hi a la te si a, i duh chuan mi rawn zuilo pawh ni la, ka hrethiam vek tho a nia." Tiin a lam chu ka hawi phei ve nghal a.





"Nilo e, ka rawn zui ve ang che."





"I tih te chuan a pawina a awm chuang hleinem, mahse thil pakhat, Alexandra hi kan hmu lo ti a atlangthan hi ka duh miah dawn lo a nia, tupawhin an lo kawl a nimai thei, chumi thila tih thlabar kher chu ka duh lo."





"I thusawi chu ka pawmpui khawp mai che, midangin an hriat tam loh hi a ṭha berin ka ring ."






"Bert lo call la, jet kha peihsa diam a dah turin i lo hrilh bawk dawn nia, zan in ah a hma thei ang berin kan thlawk chhuak nghal bawk ang."





Detroit chu a bu ve nghut a, "Kan bulah Hunter pawh a rawn kal tel ve ang, kan pathumin kan kal dawn tihna a nih chu."





Thawk ka la hawk a, "Tu pawhin lo kawl ni se, Pathianin ṭanpui hram teh se."




MEAN WHILE BACK IN SICILY....




ALEXANDRA....



Ngaih tuah rawh ngaih tuah rawh, tu nge i nih a, eng ang mi nge i nih leh khawiah nge i awm? Ka ngaihtuahna zawng zawng chu a ruak vek, engmah hriat ka nei lo reng reng.





Ka ngaihtuahna a buai kher mai, engmah hriat ka nei tawh lo tihna maw, a ni thei dawn em ni? Ngaihtuah ngial ka tum pawhin tu nge ka nih eng nge ka hming tih thlengin ka hre chhuak zo tawh lo.




Kha mipa pathum.ka hmuh te kha ka hmelhriat mi an ni em? Chu pawh ka hre chuang lo, nih leh an zinga mi pakhat khan Amore ti in min ko a, kha kha ka hming chu tihna em ni? A nih chiah lah ka hre bawk si lo.





Engtin nge khang mipa pahnih te kha ka khawih thrih zawk chu le, ka rilru a buai em a vang leh ka ngaihtuah nasat lutuk a vang chuan ka lu a na nghal tluk tluk a, tawrh zawh rual loha a nat tak vak a vang chuan ka kut pahnihin ka dawm ta ri ngawt a, ka chungah hian eng thil nge thleng ta hi?





Inbual phawt ila ka ziaawm mai thei a sin, bathroom lam ka pan nghal a, engvanga Amore ti a min ko tu mipa hmelṭha zet leh pa tak kha ka hmuh hnu ni a hriatna nei tlat nge ka nih pawh ka hre lo, nge ka lo hmu tawh reng ṭhin zawk? A mah ngei la zawt ila a ṭhat ka ring, mahse a nelawm lo hle a, a mah kha a vawt ruih ni mai hian ka hre bawk, biak vak vak chi chu a ni miah lo ang, mahse an pathum zingah erawh kha chuan ka rin ber a ni tho tho.





Tui lum chu herh haw in ka inphuh tir zui ta nghal a, nuam ka ti kher mai, engtia rei nge ka inbual tawhloh ang aw tih tur khawpin engmah ka chung chang thil hriat ka neilo a, ka nu leh pa te hi tu te nge, an la dam ang em? Nge an thi tawh zawk tih pawh pakhat mah ka hre tawh lo, ka hmuh danin chu in chu a pui viau a, hemi te hian kal kawnga thichhawnga ka let reng chu an inah min hruai haw in min enkawl an ti a, mahse ringlelhna tam tak erawh ka nei, mihausa nge ka nih a mi rethei, oh, Amore chutiang chu ngaihtuah buai rih duh suh, nakinah i la hre chhuak leh vek mai ang, really Amore chu chu i hming a ni chiah em? Ka nui sak.




Tui ka herh tawp hnu chuan towel awm sa a intuamin bathroom ka chhuahsan a, kawngka bulah chuan ka ding deuh chawt, thlaphanna hian ka khat leh vek tawh, engvanga chu tleirawl mipa punk zet mai ka hmuh a pianga hlauhna nasa zet nei ṭhin nge ka nih ang, a chhan awm reng ka hre thiam lo, mahse ka hlau tlat.





"Inbengdai rawh." A rawn ti nghal vat a.





Ka hlauhthawnna chu thinrimna hian a thlakthleng nghal, "Eng thil nge i duh a?" Ka vin khum hlar a.





"I thawmhnaw inbel tur ṭhenkhat ka rawn lak sak mai che a ni e, eng ang chi nge i duh ang tih chu ka hre hauh lo a, mahse ka hmeichhe hmuh ho hak ṭhin ang ka rawn lei sak ve tawp che a." Tiin plastic bag lian vak lo hi khum lamah chuan a theh thla nghal a, engmah sawi leh tawh lo in a chhuak ta nghal a .






Eng ang diklohna nge maw ka neih chiah le? Ka ti rilru hial, ka chungah an ni ho chu an ṭha em em a, keilah an lakah ka hel tlat bawk si.





Inbeng daih nan thawk ka la halh a, an lo kir keh hma ngei a an thawmhnaw rawn ken chu inbel ka tum ta a, eng ang thawmhnaw nge a rawn lei in enchhin teh ang, thawmhnaw hak thlak panga vel lai hi a ni a, a puan pawh a ṭha hlawm kher mai, a man pawh a tam tham viau ang, nalh pawh an nalh hlawm vel vek mai hian ka hria a, ka pian a hnu lamah chung thawmhnaw ang chi chu ka inbel tawh nge tawh lo tih lah ka hre der lo.




Kawrfual dum arh khup thleng vel bahna awm lo chuan ka mit a la hle a, chu kawr chu ka inbel ta nghal a, ka sam chu khuih mamin ka phiar bawk a, ka hma dressing table lian zeta ka thla rawn lang chu ka melh vang vang a, ka hming tal hriat chhuah theih dan chu awm se ka ti kher mai, chu thil ka ngaihtuahna a vang chuan ka nguai nghal raih raih, eng nge ka chungah hian thleng ni ang, ka hming meuh pawh theihnghilh ṭhak khawpa ka awm mai chu le?






Ka kawr thlan chhuah ka hak lai chu ka inhmeh hle hian ka hria a, a hma a ka hmel pawr zet leh bawrchhawr fe ngaihtuah kha chuan tun ami chu ziaawm tawh tak a ni.





Kawngkhar chu a rawn inhawng ri hrawih a, a hma a mi tho mipa pakhat sambuang pa kha a rawn lang a, tu nge a hming khah, oh, Dante ti in an ko thanin hria.






"I inpeih tawh em?" A aw chu a nelawm lo kher mai, ni e, ka lakah han nelawmna chhan tur a neilo reng a ni, kan inhmuh hmasak ber ṭum khan kan infight nghal kha a ni si a, a hmai ka hneksakna chu a duk deuh ruih tih darthlalang a ṭang chuan ka hmuh sak nghe nghe.





A lam hawi turin zawimuang hian ka inher a.





"Kawngkhar kik tur tih te hi i hre ve ngailo a ni ngei ang." Ka tih khum hmak.





"Che chhuak vat mai rawh, chutiang ti turin hun ka nei lo."




"Khawiah nge kan kal dawn?"





"Nang hian min hrilh zawk la, khawihmunah nge i awm? I chenna hmun chu khawiah pawh ni se ka va thlah ang che." A kut chu a phar chhuak pah duai a.





Khawiah nge ka chen? Engmah chutiang thil ka hriat loh a vang chuan engtin nge ka sawi dawn pawh ka hre thiam lo. Khawi hmunah nge ka awm lah ka hre hek lo, he hmun hi ka khawvel a ni tawp ri ngawt, sawi tur mai ka hriat loh a vang chuan ka kut chu ka nuai deuh nak nak a, hnuailam melhin ka mengkhup lap bawk.






"Kal tawh ang le."




"Nang hi khawiah mah ka zui dawn lo che, midang ka duh." Ka ti ve ta nghat a.




"Tumaw, Luca maw?"




"Luca i be duh tihna mi?"




Ka lu ka buk khum nghat.




"Ok, Luca chu kan call ang e." A phone chu khawih mual mualin a beng bulah a lek kang a, "Kan crazy signorina hi a kal chhuak duh lo, biak hmasak phawt che a duh a nih chu."




"Luca a kal duh hleinem maw le aw, eng thil nge ti tura min duh a?"



A phone chu a cut tau sawk , "Ngaithla teh, tunah hian Luca chu a ṭhian lady pakhat nen an buai rih a, duhlo mah la ka bula hun i hman mau rih chu a ngai dawn ta tho a nih hi!"





"Nangmah mangṭha na thu hrilh tur che in min ti a, i hun hman turah tluang taka i hman theihna turin duhsakna a hlan bawk che, aw le, kal tawh ang le."





"Khawiah mah ka kalpui dawn lo che ka tih tawh kha." Rum zet hian ka melh chho a.





"He hmun a ṭanga ka hruaichhuah theihna tur che a nih phawt chuan duh leh a hnuh te pawn ka hnuk chhuak che a niang chu." A ti ta nghut a.





"I ti hauh lo ang, ka bul hnaiha i rawn kal a nih vaih chuan ka au nasa viau ang, he ina mi awm zawng zawng leh ṭhenawm khawveng zawng rawn punkhawm theihna tur ngeiin ka au bawk ang."






"I duh leh au vak la ti nia, tumah i aw han hre thei tur ang an awm chuang lo."




Ka ngawi ngal a, ka dinna a ṭang chuan chetsawn ka tum phah eih lo.




"A ṭha e, a harsa zawng chuan i han indawr dun teh ang hmiang." A rawn che chhuak ṭan ta a.





A dara mi put tumin ka taksa chu a rawn man bet a, ka aw theih tawp a ṭe cjhuakin ka tal chiam chiam a, ka tha tawp a ka ṭan bawk a vangin tih ngaihna a hre chiah bik lo.






" WTF Dante?"




Luca chu kawr chunglam pawh ha hman lo tih hriat zet hian a rawn tlan lut a, ka lo hmuh veleh a lam ka pan nghal vat a, a awmah chuan ka hmai ka phum nghal a, a ni pawh chuan min lo kuah ve mai bawk, a chhan ka hre lo, he pa hmel ka hmuh hian ka thlaphanna zawng zawng a reh vek zel.





"Hmeichhe â zet a ni tiin ka hrilh tawh che kha." Dante chuan a ti ve sup a.





"Khawngaihtakin min puiha ngai ang." Thlaphang aw zet hian ka ti nghal hlap hlap a, ka awmdanah chuan chu pa rilru chu hneh ka tum hle bawk, a taksa chu chhuah leh phal lo ang mai hian nghet zetin ka kuah tlat bawk a, chutia ka tih chuan ka thla amuan phah tlat, ka kuah hnai bawk a, kan lungphu ri inthum ran tlat tlat chu ngawirengin rei vaklo chhung chu ka ngaithla a.





Thawk a la deuh hawk a, "Ngaithla teh Amore min thlah phawt la, engah nge ka ṭanpuina i mamawh tih chu min hrilh dawn nia." A tih takah chuan ka thlah ve ta hram a.





Mahse a taksa thahrui ngah zet ka thlah veleh chuan him zo lo hian ka inngai leh thut, ka khur nghal der der bawk, "Eng chung changah nge ṭanpui i ngaih a." A aw zawi sup thawp tha tak, tham chal chuan a rawn ti chhuak a.






"He pa bulah hian ka sawi duh lo."





"Dante hun reilo te min lo pe lawk ta che."





"Luca ngaihtuah rawh, he nu hian awlsam taka eitur hmuhtheihna ticket a zawng tih hi i hmu thei lo em ni?" A ti vin hlur tawh a.





"Dante." A ti fiak ṭhawt.





"Ka hrilh lawk lo che ti in sawi hauh lo ang che." A tih nghut hnu chuan a chhuak tau a, kawngkhar chu a khar zui bur bawk.





Phudeuh zawk chung hian Dante kal na lam chu ka en zui reng ri ngawt a.





A aw,a rawn thian deuh khurh phawt a, "A nih eng nge buaina chu?"






"Nang chuan min hria ti raw?"





"Aih, ka hre lo che."





"Min hre tawh ṭhina hriatna ka nei tlat nia, chuan ka hriat tawh hnu i ang hle bawk." A hmel chu chiang zet hian ka melh kual a, a sam chu meh pangngai zet a ni a, a dum hlap bawk, a sang ṭha hle bawk a, a chak hle ang tih hriat tak hian tihrawl a ngah hle tih a taksa pian nalh tak a ṭang chuan a hriat bawk a, a taksa sawi zawi a thlahthlam lo hle tih a kawng fek rat leh a dar pharh hlai hlap a ṭang chuan a hriat theih hle, thahrui a ngah ru hle bawk ang,  a hnar ngul chu a sang ṭha hle a, chutiang bawkin a khabe ruh pawh a invuah rem viau, a sam dum ang zetin a mithmul pawh a dum ṭha hle a, a khabe hmul pawh a ṭo deuh siar siar bawk, a mitmeng mawlh chu, a mitmu rawng uk ruih chu a ni ka hriat ṭhan ang ka tihna tak pawh chu, a vun chu a nalh tawk chauhin a sen uk kharh a, reilo te chhungin hmeichhe hipna ngah tak mipa a ni tih ka hre thei thuai.





"Ka hrilh ang che, vawiin ni a kan inbia tih loh chu tunhma in vawikhat mah ka la be ngailo che tih hi ka chiang."





A thusawi chu mak ka ti kher mai, ka awihlo lek lek, mahse a hmelah erawh a thu tak hle a, thudik tak a sawi pawh a ni ngei in ka ring.





"Tunge i hming ni reng reng?" Pangngai tak bawk hian a ti chhuak leh sup a.




Ka chiang bik tlat lo, ka rilru a lo lang hmasa ber chu ka sawi ve tawp, "A...more a ni em?"




A ma min koh dan kha a nih a vangin, ka zam hle bawk, a hmel pangngai tak chu ka thusawi a vang chuan a rum nghal chawp chilh.




"Fiamthu thawh i tum chu a ni em lo maw." A ti vawt ruih a, a mitmeng chu rapthlak khawpin meialh rawng hian a inthlak nghal bawk a, a hlauhawm kher mai.





"Ni....nilo, Amore ti khan min ko thei ang, ka...katihna a nih kha." Ka ti bah nawk nawk, a mit meng ber mai chu ka hlau ngawih ngawih.






Thinrim zet hian a rum chhuak hrawih, kut min thlak duh hial dawn a rinna ka neih a vang chuan ka tawlh hnung phah dawr bawk, min rawn panhnai nghal zat, aw ka vin zet leh hlauhawm zet hian, "He hmunah hian eng ang infiamna nange i khelh tih chu ka hre hauh lo, mahse a thawk hauh lo tih hi hria ang che."





"Nilo, chutiang infiamna engmah khelh ka nei lo, ni lul lo, ka hming pawh ka hre chhuak zo tawh lo, hming chu ka nei ve ngei ang, mahse ka hre chhuak tawh tlat lo."




"Khawiah nge ka chen ka hre chhuak zo tawh heklo a, tu nge ka nih lah ka hre chhuak thei tawh hek lo."




Ka ṭap chhuak zui nghal a, tunah tak hi chuan mangan na a vangin ni ka ṭah ni, tumahin min thlem.theih pawh a ka ring lo.


"Cazzo." A ti chhuak ve ruih.