INTOXICATE CHAPTER 12

INTOXICATE CHAPTER 12

Naktuk hian kan zin kan chhuak dawn a, type na hun ka nei rih lo ang, nihnuh emaw nuthim.vel ka awl rih phawt angai leh dawn a, min lo hrethiam leh rih mai rawh u aw. Fakna milem kha min lo hmeh sak leh dawn nia aw.

LEXI....

Rick bul ka va thlen leh chuan, "Kawiah nge Kate kha?"

"Lâm turin a kal ta a nih kha, nangpawh i intur hi tlâk la, kan va lâm ve dawn em ni ang?" Min nuih pah sawng a.

Rum tâwkin ka melh deuh kâwk a.

"Whoah, ṭhian ang in a lawm ka sawi a." a tih nghâl sawk sawk a vang chuan inbengdaih nan thawk ka la pah halh a.

Za vak lo va nuih zui sak pah chuan, "A pawi hlei nem, lo kal rawh !" Ka pum lam pang pawh ngaihven lemlo in ka intur chu ka tlâk deuh pap a, ka kut a kâi pah chuan lâmna hall lamah ka hruai phei ve ta a.

Vawiin tlâi chu i hlim ve viau tawhin ka hria, I ngaihtuah na buai nuaih te khân a kalsan tawh che a ni ngei ngei ang." min rawn siai khum sak a, ka haw deuh viau a chu hlim taka awm a, rilru engthawl zeta awm ka duh.

A mah a vang khán ka ṭap tawh dawn lo reng reng, ti dik pawh ka in ti reng a, ka intur inlai kha a tak deuh hlek a nih ka ring ka zâng deuh huih mai, ka rilru ngaihtuahna te chu ngaihsam zet na hian a rawn thlâk thleng a, a zâng vah nimai hian ka hria.

Chu lai dance floor te pawh chu nuam riau hian ka hre bawk.

Chutia darkar fe mai kan lâm hnu chuan, Bar bul a table awm thliah thliah na hmun ah chuan, kan châwl dun a.

Rick biang ah chuan, fawh sak zauh pahin, ka nuih pah sak a.

Mak ti zet leh rinloh hmel zet a mi rawn en chhuk chung hian, "Hei, eng nge a awmzia?"

"Lawmthu sawina ah te pawh i ngâi thei ang chu!!" ka nuih leh var var a.

"Ka lawm e Pretty lady ."

REX .....

Vawiin ni a ka thil hriat ho hrep chu leh!!

Min ti damlo thei hial dawn te chuan ka hria a.

He nu bulah pawh hian ka awm peih lo.

Bar lamah kal a rûi hnepin whisky in ka châk ber.

Ka ngaihtuahna a ṭang hian, Lexi hi enga ti nge ka paih chuah theih miah loh mai le.

Rex a ni kha chu,i company tlâkchhiat theih na a tan a thil rûk hmang a nih kha, tiin mahni chu ka in hrilh ru mawlh mawlh a.




In lamah chuan intur chu in tho mah ila, bar lamah chuan adan pawh a dang deuh mai thei a ni.  Bar ah ka kal lohna chin pawh ka hre tawh lo ve ti rilru pah chuan ka insiam mawlh mawlh a, inlama ka inkhung hnem lutuk tawh avang chuan vahchhuah vel mai mai pawh ka phur phian, pawn lama ka car lam pan chuan ka chhuak a, kawngkhar hawngin pilot seat ah chuan ṭhu lut nghalin, ka inkhalh chhuak ta a.

Bar ka va thlen chuan ka theih ang a tam whisky in tum chuan , whisky bottle chu ka lam nghâl a, mahse ka in tam thei der lo mai.

Lâmna lam chu ka hawi phei a, mi lâm su dual dual mai chu ka rilru hah tak mai lâk pen nana hman tumin ka melh pah vung vung bawk a.

Chutia intur ka in mial mial lai chuan, ka piah deuh lawk ah, ka hmeichhe vei em em mai chu a boyfriend ni âwm tak nen chuan, an rawn ding dun a, chutia mipa dang nen ka hmuh leh rikngawt pawh chuan, ka tâ la ni a hriatna chu ka la nei tlat tho!

A hmel te chu tlémin a tla ve dâk a hriatna ka nei a, a hma ai chuan a lo chér deuh sawt zâwk tawh tih pawh ka hai hauh lo, mahse an dinna hmun eng vaklo avang chuan duh ang takin a hmel chu ka hmu chiang thei tak tak chuang lo.

Ka ṭhutna chu a kîl khawr deuh hlek a vang leh, ka lam chu an rawn hawi loh hrim hrim a vang chuan, an ni chuan min rawn hmu ve khér pawh ka ring hran lo.



Lexi hian min lo ngâi ve viau emni a lo chér tâk sawt na chhan? A chungah chuan zahngaihna tlém te chu ka lan tir lo theilo.

Diktak a sawi chuan, a thil tihsual te ka bulah rawn puangin, a inchhîr thu chu min rawn hrilh leh ta sela chuan ka hmei tur ang pawhin ka lo la hnial hauhlo ang maw le, ka nupui tur hi ka duh vang a ni lo a, mipa tam tak pawhin hmei an nei ṭhin tho a, an hmei te duh ta zawk te lah ka hre nual bawk.

Tuna ka fa pâi mék tu Victoria ai fe chuan Lexi hi ka la duh zâwk tho tho.

Chance pék ka duh a vângin police pawh hrilh lo ka ni a, mahse chu tiang pawh a tilo vin mipa dang a kawp leh nghal chu a nia le.

An in kiss lai hrep tak chu ka hmu thei ta hauh lo mai.

Mi dang kawp leh na a tan hun chu a ngairei lo khawp mai maw, ti chung a insehruh ṭeuhin thinur zet chuan, pawnlamah ka chhuak ta nghal a, ka Car awmna lamah kalin, inlam pan chuan chak zetin ka inkhalh haw leh ta nghal a.

LEXI....

"Rick inlamah ka haw a ngai tawh ni in ka hria." ka whisky in a vâng a ka lu hai ta chiai chiai chu ka dawm deuh vang vang a, ka inhnem loh teh lul nen a, mak ka ti lutuk, ka ngeihlo ani tih hre reng chubga engvang a in nge ka nih le?

"Mut hma ka ngai ang naktûk hian hna thar zawng turin, ka buai dawn ropui si." Ka ti nawn leh sap bawk a.

"A nih chuan kal ila, ka lo thlah hâwng ang che." ka rûi deuh tawh pai khat khat chu min rawn kuahin, pawnlam ah min  chhuah pui ta nghal a.

Rick car bul kan thlen chuan, car kawngka chu min hawnsak in, kei chu ka ṭhu lût ta nghâl vat bawk a.



Rick pawh chu ngawireng a rawn ṭhut luh ve pah chuan, a car chu start nghalin, kan tlân chhuak dun ta a.

Kan apartment awmna kha, kan bar kalma a ṭang khân a hlat loh tehreng nen, kan tlân rei tawh viau a ka hriat a vânin, zâwi fe chung chuan, car tukverh ah ka dâk chhuak a, mahse pawnlam erawh ka hmu chiang thei tak tak chuang lo.

Mahse mak katih deuh erawh a awm, pawnlam chu hmuchiang thei ruhlo mah ila, kawng chu ka hre chiang ve tlat tho, kan apartment lam kawng kan zawh hauhlo.

"Rick kan apartment kawng nilo ah i kal tlat in ka hria, kan chénna hmun kawng péng chu kan tlânpél daih tawh." Ka ṭawng buh vek a, intur no khat lekin a chuti tak a min tihbuai tâk mai, ka hlauthawng lutuk chuan ka ti thei hrâm a.

"Lexi lo hlauthâwng vak duh suh!"

"Eng emaw thil pakhat entir lawk tur che ka neih vâng mai a nia," min  tih khum sup a.


"A tlâi tawh takzet a nia aw, Rick , ni dangah min entir thei mailo em ni?chu loah ka chiang nial lo deuh tlat mai."

"Hmmhmmh, zânin hian entir ngei che ka duh a lawm,a rei vak tawh lo ang."

Khawi hmunah hrep chuan min hruai dâwn chu ni maw, kan tlân rei leh viau tawh mai, darkâr hnih thum lai chu kan tlân leh tawh hrim hrim ang tih ka ngaihtuah a.

"Rick inlamah min hruai a hun tawh tak zet zet a nia."

"Hei kan thleng chiah." tih pah chuan, a car pawh chu a ti ding ve nghâl a.

Thawk ka la deuh huai mai, ka inturah khan thil eng emaw tak min pawlh sak nge ni a, ka in ngai tawh lo vang zawk? Pawn kan chhuah hnu chuan ka harh deuh vâwk hian ka hria, kan awmna hmun chu khawi lai tak nge tih hriat tumin ka rilru ka sawr bing a, mahse ka hre mai thei lo.

In pakhat hlui ram zet tawh mai bulah hian kan ding a.

"Hei enghmun nge ningâi?" ka vîn deuh ṭhat tawh mai a.

"Lo kal rawh inchhûng ah sawn lût ang, thil eng emawni tak entir tur che ka nei a nia."

"A pawnlam hi nél awm loh viau mahse, a chhûng saw chu a nuam phian a nia." ka bân rek ah chuan hmerin min kaihluh chu a tum a.

"Rick ka duh lo , ka haw duh i duh leh nangmah kha va lût la ti nia, kei chu ka haw dawn." Ka ṭang ta tlat a.

Ka bân rék a min hmerna chu ka  thinthlâk sak lawp mai bawk a.

Ngei awm zet leh zâ zet a nuih hawk hawk pah chuan,"I hâw tawh dâwn reng reng lo.Han che vaih teh, he thil hian i thluak bur kha ka ka kâp darh vek mai ang." a kekawr ipte a ṭang chuan, pistol hi rawn phawrh chhuakin, ka bek zâwn ah tak chuan a tin ta nghal.a.

Ka hlâu lutuk chu ka khûr zawih zawih mai a, ka ngaihtuahna te chu a harh nghal kâwk kâwk hian ka hria, eng thil nge ka tawh tαk hi? "Kal rawh ka rawn zui ang che." silai a min tin rengin, ka hnunglam aṭang chuan min nawr pah sawk bawk a, a thusawi chu zawmlo thei lo dinhmunah ka ding ni hian ka hria, ka thlaphang lutuk chu ka kaiza tha te thleng chuan a sâi dat dat bawk, ka thukhum lamah chuan a silai chuan min tin sawn a, ka tukhum lam silai kaw hmawr vawtthlar maiin a rawn tawhna chu a vawt hik cham cham ni hian ka hria, inchhûng lamah chuan kan in zui lût ta a.

Inchung lamah chuan min nawr chho zelin room pakhat zâwn kan thlen chuan, "Kha tah khan lût rawh." a  ti leh hrâwk a , hlâu zet chunga luh pah chuan,"Rick .....he....ti ...hian min ti theilo.....ang." ka lo ti khûr dar dar a, ka aw pawh chu ka hlauh luatah ka control thei tawh lo.

A nui chhuak hawk a, min nuih sawh chiang tih pawh ka hai lo." ti thei chiang e."

"Tun a ṭang chuan hei hi, i in thar a ni tawh ang, khawi i phone." tihpah chuan ka ipte a ka ka ah chu a rawn zen nghal rawk rawk a, a dap fuh hnu chuan phawrh chhuakin, a  switch off hmak a, a kekawr ipte ah chuan a ak ṭha ta hmiah a.

Mangang zet chung chuan, eng thil nge i sawi, eng nge i thusawi awm zia chu?" ka ti khûr leh hlak hlak a.

Silai chuan min tin tawh em lo a chu a kut ah chuan a la keng reng tho a.

"Thil tih fel a nih hun ah chiah chhuah zalen i ni ang." Tih zawng hi i hriat tur a ni e."

"Tuna mi hausa zet mai pakhat nupui nei tur sawn a neih veleh ka chhuah leh ang che, an in neihna saw i tih khawloh vek loh na turin, he hmunah hian i chungah rilru sual.put pawh ka tum hran lo a, thu awih taka i awm chuan kan inkar pawh a ṭha a ni mai, ka thusawi i zawm chuan kei pawh i chungah ka ngilnei a ni mai."

"Ih... ih Rex i hria a maw?" Ka ti lét ha a.

"I hriat a ṭul ber lo, min tibuai in min zar buai hlek lovang che, chuan au bengchhen vel pawh kha tum buai duh ting tang suh!He lai in ṭhenawm te chuan an rawn hrepha chuang lovang, he in ṭhenawm te awm na chu maw, mél thum laia hla ah an awm tih i hre bawk dawn nia."  ti a asawi hnu chuan a kal chuuak a,kawngka chu khâr burin, pâwn lamah chuan a lock ta nghâl a.

Ka harh chhuak thut! Ring zet âu pah chuan,"Rick kawngka hi hawng rawh!Tunah kawngka hi hawng nghal rawh." ka au tuarh tuarh a, kawngka chu ka theih anga na chuan ka chum pah dawt dawt a.

"Oh my God. "Tih sap pahin phone a mi a be ri chu ka ngaithla ta a. Phone biak chu ka hriat phαk loh a ring nge ni ang a, hre mah ila ka tan awmzia a awm tawhlo ve hrim hrimah a ngai zawk?

"Hey, Victoria keimah ka nia, tunah chuan, ka bulah a awm tawh e."

Lehlam a ṭang chuan, "Don i thawk ṭha lutuk a rawn ti sap a.

"Ti khân lo dah tlat ang che." Tihtur ka rawn hrilh hma loh che chu, khawiah mah lo chhuah tir suh!"

"Sure, Victoria no problem ."

A FEW WEEKS LATER....

Karhnih lai a lo liam leh tawh, mi tumah ka hmu ngailo a ,Rick tih loh chu tumah hmuh ka nei ngai hauh lo. Rick chu nikhat ah vawithum eitur min pe turin leh tui l intur min rawn pe turin, ka roomah a lo lût ṭhin a.

Ka ṭap lai hmel bâk a rawn hmu ngâi lo.

He tia tumah pawh biak tur awm lo leh hmuh tur awm lo chu ka â zo tak ngial dawn hian ka hre hial ṭhin!

Ka mittui chu a luang zawih zawih a, engmah tih theih ka nei silo.

"In ah ka haw duh! "Ka nu ka pa ka ngai lutuk che u."Ka in hnît hlap hlap a.

Chu ta kârah ka damlo zo tak ngial dawn, ka thla tin bi  a châwl a, ka thil ei engkim a tuilo bawk a, zîng tin bathroom ah kalin ka luak ṭhin!!

Rick lo kal a piang hian, min chhuah turin ṭap chungin ka lo ngen ziah bawk a, Rex nen chuan kan in ṭhen daih tawh tiin leh kan khua ah ka haw nghâl ang ti te in, mahse ka thusawi chu engah mah a ngai ngailo.

Ka bei a dawng tak zet tawh.

Ka awm dan chu ka hrethiam tawh lo a, chhûn leh zân ka hman dân lah chu a in ang reng ṭhin.

Keimah ah hian chakna pakhat mah a awm tawh lo.

Tunah te hian Rex te chu an in nei tawh ang em?

He hmun a chatuan a tâng tur a ka han in dah leh lek phei chuan, ngaihtuah pawh ka ngaihtuah chhunzawm ngam lo.

Heng thil zawng zawng lo thlen chhan hi Rex vang vek a ni.

REX PARENT'S HOUSE......

VICTORIA....

Rex a nu leh pa te chuan, lunch eitur a min sawm a vang chuan, an chhungkaw inpui berah Rex nen chuan kan kal dûn a, lunch kil dawn hun vel awmah chiah chiah kan thleng, chumi hma a thlen tih vel chu Rex ngaihdan a ni lo a, chaw ei zawk a, haw leh vat chu chu atihdan a ni. Mahse a mizia erawh a chhungte hriat ṭhan a ni a, lunch an ei lai pawhin a ti ti khawm theih tho, an ti ve hmiah.

"Kan inneih hun tur hi ka nghâk hlel tawh tak zet a ni! Rex pawh hi Junior Marshall rawn piang tur tâna pa ṭha tak a nih pawh ka ring bawk, tunah chuan, kan in neihna nî tur pawh kar hnih chauhin a  dang tawh reng mai, ka ringhlel rum rum zawk."

Rex hmel chu a hlim ngâilo hrim hrim a ngui ruih reng mai, a bialnu hlui Miss Logan chu a ngai leh pek tawh a niang chu. Ka pawisa ther té lo, a hlimna ka ni hlei nem ka neih tum a hi!!

A duh leh ngui thle bér bûr rawh se.

Marilyn( Rex a nu) chuan , "Nang Vicyoria, tunge i in neihni tur ah mo ṭhian a i hman ve tur?" Ka lam melh pahin ahmelah chuan  hlim hle tih a hriat a.

"Ka la chiang chiah lo a chu, Unau nu pian pui pakhat mah ka neih loh a vângin, ka ṭhian pakhat Beth a awm a, chu chu mo ṭhianah ka hmang mai ang chu ka lo ti deuh."

"Rex chu a vân nei ngawt mai, unau pa a neih a vângin a hmang mai ang a."

"Marilyn bawk chuan , " Chu lovah Tim lo chu a best man a tana han ṭha tur awm hi ka hrelo a ni; a dik em Rex?"

Rex chu in ngaihtuah mûk hmel zet chuan a awm a, kan thusawi pawh hre âwmin a lang lo. In neih chungchâng vel te pawh chuan, a rilru a luah lo hle mai.

"I nu in a biak che chu darling." tih pahin ka nghawk zauh a.

"Tihpalh! eng maw in sawi a?" ti deuh hu chung hian, kan thusawi lai pakhatmah hriat loh hmel zetin a rawn hawi chhuak a,engmah kan thusawi ho chu hre hauh lo, tih a hriat kher mai, ka haw ngawih ngawih, mahse ka huatna erawh tihlan chi a ni hauh lo.

Ben chuan, "I nu sawi chu, in inneih nî ah chuan i best man a tan, Tim hmang la a ti a nih chu." A lo ti ve khauh a.

"Yeah a ṭha a lawm, in tih ang ang ni rawh se." Rex chuan a ti ngûi ruih a.

Rex chu thawh chhuah hluai pahin," Pawn lamah mei zu turin ka kal dawn." a in her vuta, a chhuak nghal ta daih a.

"Kha thil kha nghei tawh turin ka hrilh tawh che a ni lo'm ni?"

"Naute a rawn piang anga , a thil chîn ṭhat loh zia hi chu a hre ve tawh mai ang."Marilyn chuan a ti ve hlak hlak a,"Tunlai zet chu eng nge a ngaihtuahna ah hian awm pawh ka hrelo a ngui ruih reng mai."

"A hna thawk ngawrh lutuk te hi kei pawhin a chhan ka hrelo tunlai chu, he khawvel a thawk nasa pawl ber a ni ang chu." A tih zawm leh sap a.

"A ngaihtuahna ah hian, eng emaw tak awm in chu chuan a rilru a tibuai a nih ka ring tlat." Tháwk a la pah halh a.

"A teuhlo mai, Company a thilrûk chung chang kha a ngaihtuah nasa em em a, chu lovah nau ka lo pâi bawk nen, inneihna tur buaipui lo ngai bawk, chû'ng vang zawk te pawh chu ani maithei."

"Kalin ka va ngaihven ang e."  Rex nu leh pa te chu nuih seih pahin ka ṭhutna a ṭang chuan ka tho chhuak a, Rex kalna lamah chuan ka chhuak ve ta nghal a.

REX....

Heng thil inneihna chungchâng thu an sawi zawng zawng te a vang hian ka â zo tak ngial dawn ni in ka hria." ka phun pah sup a, cigarette zûk tur chu la in, ka ṭan nghal a,  ka hîp pah vang vang bawk a.

"Darling hetah i lo awm a , doctor ah vawiin chu appointment ka neih ni kha a nih a vângin, ka kal mai dawn tih thu rawn hrilh che ka tum mai a nia."tih sap pah chuan, a rawn dingdihlip pah âk âk a, min r
fawp pah zauh a.

"Shit, ka lo theihnghilh daih a lawm mawle, minute reilo té hun min pe la, ka Car chahbî ka rawn la ang a, tichuan kan kal nghal dawn mai nia ." Kal tuma ka inher lai takin leh ka taksa chet chhuah tir ka tum lai tak chuan.

"A ngai lovang dear, ka hrilh tawh che kha ila hre reng em? ka nu in min kalpui dawn ti a ka hrilh tawh che kha."

"Victoria nangmah nen hian vawikhat mah doctor appointment ah chuan kan la kal dun miah lo a nia aw. " ka melh rum kher mai.

"Oh ka hria a lawm mahse ka nu chu in kalpui tir turin ka lo tiam lak lawh tawh si a Rex."  pawi tih hmel zet chuan min melh a.

Nuih leh var var pah chuan, "Anih, a leh pek ah chuan i lo kal thei tawh ngei ang, kan in neih hnu a ṭang a kârkhat hnu ah a ni leh dawn a, tah chuan ultrasound te pawh kan ti nghâl bawk ang a." ti in a in her a a kal liam ta nghal a.

Keipawh chu mahni chuan, ka penthouse lam chu ka pan ve ta a.

Tih tur pawh ka hrelo ka rilru a buai nuai nuai a, eng hi nge ka tih anga ṭha ber ang tih pawh tûn dinhmunah chuan ka hrethiam hrep tawh lo.

Ka ngaihtuah zâwng ringawt pawh chuan, ka â dawn tak ngialin ka  hre hial a.

Vâk harh ila ka ziaawm ve deuh chu ka ring.

Chutih lai tak chuan door bell a rawn ri rang a.

Ka in enkawl tu chuan.lo chhâwn in, ka bul lamah chuan a rawn kal leh a, Mrs .Robert a rawn kal thu chu min rawn hrilh a.

"Lo luh tir rawh."

Vanessa (Victoria nu) chu a rawn lut a, ka bulah rawn panin," Hi Rex dear, Victoria inah a awm em?"a rawn ti a.

"Awmlo, vawiin ni hi hospital a appointment a neih ni kha nia, tah chuan a kal." Ka tih khum deuh nghut a.

"Ka lo rindan chuan, i hruai turah ka lo ngai  mai a sin."

"Aih i hriatsual a niang, a appointment chu kar hmasa kha a nia, nangma'n i hruai a ti bawk a."

"Oh, ka lo hresual palh a nih dawn chu." ka ti leh sup a, ka ngaihtuahna erawh a kal thui nghal hle.

"He tiang lampang hi chu ka hre thei teh mai a nia." a nui pah hak a.

"Engpawh nise, a rawn haw hunah ka lo kal thu hi sawiin, min lo call pah nghe nghe turin i lo hrilh dawn nia." Engtin mah ka chhang lo, ka bûk khum nghut hnu chuan a chhuak leh ta a.

Victoria nu chhuah hnu chuan, engvangin nge Victoria hian hospital chung châng ah dâwt a sawi chhan? tih chu ka ngaihtuah nauh nauh a, ka thinrim ru hle bawk.

Barrett number ka phone ami chu ka dial nghâl a,*" Barrett keimah, Victoria location kha min lo neih sak thei ang em?"

"Chuan, vawiin a hospital a kal na zawng zawng leh hun a va hman dân zawng zawng te nen a lam darkâr chenin, ka hre duh bawk ang."

"Tun aṭangin minute sawm i nei." Phone ka cut leh nghal a.

Minute sawm a tlin chuan ka va phone leh nghâl a.

"Barrett?"

"Tunah chuan mall ah a awm, a hma daih a ṭang tawh khân a awm tawh a ni awm e."

"Nih leh hospital chungchâng chu?"

"Hospital ah a kal reng reng lo sir, Mark in a zui a ṭangin hospital vawikhat mah ala tlawh lo."

"I hriat kha, i family tu pawh hi khawilo an kal a piangin kan mileh sa te chuan, an zui chhuak zat zat zel tawh!"

"A nih Mark chuan engtia rei nge a lo zui ṭhin tawh a?"

" Kar nga vel lai chu a ni tawh ang sir!"

"Victoria chu ka that duh hial ta ve ang."

Phone ka dah nghal hmak bawk, rei pawh ka la awm hran lem lo.Victoria chu arawn lut a, ka lam a rawn pan ve nghal a.

"Hi honey." A nui pah sâng a, ka biangah min fawh sak zauh bawk, lem a chang thiam viau mai, kei pawhin ka thiam ve tho , a ni chiah hi lem chang thiam a ni bik hauh lo.

"Hospital a i appointment chu eng nge a an?"tiin ka lo zâwt khauh a.

"Engkim a nih dan tur vek in a kal tluang e, ka chau riau mai, inbual turin ka kal dawn nia."  bathroom lamah chuan min luhsan ta a.

"Chu dâwt hehnu hrep tak chu leh." tiin ka phun pah sup a.