SEDUCTIVE CHAPTER 24

SEDUCTIVE CHAPTER 24

ELEANOR....

Wesley chuan a kekawr hâk ipte chu a zen a, thil eng emawni de sep sep hi a rawn phawrh chhuak a, chutihlai tak chuan ring zet a hmeichhia in Wesley hminga a rawn koh avâng chuan ka phu dawrh a, ka phút nasat em avâng chuan Wesley inrinloh lai takin a kut chu ka va tawh sak a, a thil kenlai chu hmuh pawh ka hmuh chian hma hma in thil kua awmah chuan ka vai per sak lawp a, a hnuai lamah a tla thla ta daih a.

"OH, MY GOD, WESLEY KA TIHPALH LUTUK."

"Elo i zeiloh dân hi chu a mawi ṭhin khawp mai." A ti deuh hmuk a.

"Wesley." Hmeichhe pakhat hi kan lam pan chuan a rawn kal a, kan bul arawn thleng ve chawpchilh nghαl a, chu nu lan chu ka hawi phei a, a hmelṭha kher mai, a vun chu a var paw pheu mai a, a inthuamna thawmhnaw pawh a aman a to hlawm khawp ang, designer dress vek tih hi a hriat reng a, a sam chu Wesley ang chuan a dumhlap bawk.

"Aida." Wesley chuan alo ti ve sup a.

"Bienvenue (welcome)Wesley!" Tiin a rawn kuah nghal chat a.

Chu nu chuan Wesley a kuahna chu athlah mailo leh nghal ugh, "Wesley mipa hmelṭha zetah i rawn ṭhanglian chho ni in ka hria." Wesley a kuahna chu thlahin a meng kal ralh a, a mitmeng gray rawng tak lam pang chuan ngaihsan hmel zet hian a melh chho remg bawk a.

"Mahse mipa ngeiawm tak leh huat thla la zet chu i ni reng tho a nia, eng vanga mi rawn call duh miah lo nge i nih?" Wesley an Aida ti a akoh nu chuan ati leh hlaih hlaih a, a kuahna chu a thlah ve ta ṭawk bawk.

Wesley hmel chu ka la hmuh ngai hauh loh hian a zám ve hmel kher mai, rawn kalthar nu Aida chuan a thusawi chu a chhunzawm leh a,"Keimah zawkin rawn call che ka tum char char ṭhin a, mahse ka phone call pawh i answer duh ngai lo."

"Min han hrilh teh, engvang a chutia ti chu nge i nih chhan?"

Chuti ang hmuna ngawirenga lo din ve reng chu cho hian ka hre ta lo a, a exgirlfriend pawh ani maithei a, an bula ka lo ding ve reng mai chu nuam kati chiah lo.

"Uh Wesley, ka lo kalsan rih ang ang che u, chuan inchhunzawm leh nghal thei ang." Ka chhungril lamah thikna rawn awm ringawt mai chu ka hmelah alan loh hram ka beisei.

Ka inher nghal a, "Wait Elo."

Wesley min rawn auh zuina pawh chu ka hrelo der hmiah, ka kal chu ka tâwp phah chuang lo. "Hnuailamah ka lo nghak ang che u." Ti lehin ka kalsan dun ta a.

Ka kalsan nachhan tak chu kha abialnu hlui khan ka lo awm ve vangin a thil sawi duh te a sawi  ngam loh phah ang tih ka hlau, an pahnih chuan privacy hun pawh an mamawh ngei ka ring, chutia katih loh chuan hmeichhe hawihhawmlo ber nih ka duh lo.

Kha nu rawn tihdan velah khan a ex- girlfriend anih ngei pawh ka ring, ka lo buaina tur pawh awmin ka hre lo, achhan chu kan inhualna hi press hma ah chiah anih avângin.

Mahse hei erawh ka pha lo ang, ka thík ani tih hi.....a hnuai lama chhuk thlâk zel pahin pawn ka chhuak ta thuai a, ka ngaihtuah zawk tur chu Wesley thil ka nghawk thlak sak daih kha a ni, an pahnih chung chang thu nilo in.

Ka hawi chho vang vang a, a thil tih tlakna zawn tur awm ang lamah chuan kal pheiin chu mi bula lo awm ho chu ka zawt ṭan ta a, hmeichhia leh mipa lo ding dun an phone khawih malh malh te chu a zawn chiah ah an awm a ka hriat a vang chuan ka va be ve ta rawih a, "Hello, heti lai bawr velah hian Eiffel Tower aṭanga eng emaw rawn tla thla inlo hmu mial lo maw?"

"Aw, ka hawi chhoh lai tak ani a, eng emaw rawn tla thla chu a awmin ka hria, sawtilai car an parkna vel bawrah sawn atla maithei va zawng chhin teh!" A mipa zawk chuan alo ti a, ka thaw deuh huai mai, "Ka lawm lutuk!" ti a lawmthu ka hrilh hnu chuan car awmna lamah chuan ka phei leh ta a, car ho dinna hmun chu ka phone a torch on in ka zawng ta chiam a,  "Ugh, khawiah chuan nge a awm le......"

Zanin a rawn thleng chauh kan nih avângin ka chau kher mai, ka mit meng chu a chhah lûk hian ka hre tawh a, tûna ka chák ber chu khum dup nuam zet a mutthilh vang vang a ni, tûnah tak pawh hian mutna tur chu awm nghal sela chuan khum lamah bawk vaka ka vah thlen duh mai ka in ring hial.

Chu lai hmun darkar chanve lai ka zawn hnu ah chuan thil eng emaw ni vawt thler hi ka dap fu ta a, "Hei chu anih tawh ngei ka ring." chu thil mawi tak mai ka la chiah chu ka phu chiang lutuk, DEAR LORD ka thil ken ka en chuan ka meng zau kawk kawk a, ka kut a chu necklace diamond nalh zet mai awm chu ka melh tlawk tlawk a, a locket diamond chu light in a rawn chhun fuh em bawk nen a de sep sep mai leh nghâl, a mawi tak zet zet, $ 100000 chu a chuang ngei ngei ang tih tur hi a ni a, ka piana hnu lamah chu ti ang thil hlu chu hmai chhana ka hmuh pawh ka la hre lo, mahse engvângin nge?

Keimah a zawhna awm chu Wesley chuan engvânga heti ang thil hlu tak hi min pèk duh nge anih ang?

"Eng thil mah hi ka hrethiam lo ve."

Ka inher a chet sawn ka tum lai tak chuan hla deuh taka Wesley amah a ka lam rawn pan chu ka hmu ta a, ka kalsawn duhlo ta law law, ka dinna hmun chu arawn kal tumna tho nidawn in ka hria.

Ka bul a rawn thlen hnu chuan ka lo melh zauh chauh a, "Lo kal rawh, hotel lam pan tawh ang, i châu tih ka hre mai." A ti sup a.

Engtin mah ka chhâng lo, a hmeichhe hmuh chung châng pawh kha a sawi chhuak leh tawh lo a, ka zâwt buai duh ting tang lo bawk, ngawireng hian a hnungah chuan ka zui dár dâr a, hotel lam pan chuan kan  kir leh ta a, ka room tur lam mi kawh hmuhin lut tur chuan min hrilh a, kawngka bul aṭang hian zawi deuh takin, "Necklace aváng khan ka lawm e." Ka ti tawi tak .

"Mu rawh." Wesley chuan mi rawn dinhnaihin a kut chuan min pawthnai a ka chalah chuan dam zet hian min  fawhsak a, ka mit chu lo chhingin a fragrance inhnawih rimtui zet mai chu ka hip lut raih raih, ka chala a rawn fawhna ringawt pawh chu khawvel a infawhna nuam leh dang dai ber anih ka ring, chu min fawhna chuan chakna thahrui mi pe in, hmangaihna hi eng anga chak pawh ni mahse beih zel duhna thinlung min pe a ni.

Chumi hnu chuan a inher a, hawi pawh rawn hawilet leh tawhlo in a kalsawn ta nghal a, a mizia danglam tak chu hriat thiam harsa ka ti ṭhin kher mai,he pa hian hmangaihna chu a ring ve tho ang, mahse amah hian a pawm lo mai mai nizawk in ka hria.

Thil eng emaw amah ah tawn a awm tawh ang a, chu thil chu tawrh nawn leh duh tawhlo in chân tu zâwk nih aduh tawh loh vâng mai mai pawh ani thei bawk.

Chu thil hriat chhuahsak tur chuan ka bei ang a, ka la hriat chhuahsak ngei ngei bawk ang.

THE NEXT MORNING...

Zing ka harh chu lu na zet in ka tho chhuak a, ka lu chu na ti zet hian ka dawm pah vang vang bawk, Paris a ka han awm thei mai hi ka la ring chiah lo, heti ang hmun pui city of love an tih ah ngat phei chuan ka pawisa neih hian engtikah mah a ka kal theihlohna tur a ni si a, chutah ka boss sexy zet mai Wesley nen kan la kal dun zui.

Kawngka chu an rawn kik karh karh a, "Lo nghak lawk rawh." Ti a chhán pah chuan ka sam ka mutna a hnawk deuh niai chu ka tuai mam puat puat a, kawngka hawng tur chuan ka tho chhuak ta nghal a; ka va hawng chu hotel worker hi alo ni a, chibai mi buk nana kun zauh pah hian, "good morning mademoiselle, Mr.Cooper-a'n i harh veleh he thu hi hrilh tur che in min ti a, he hotel hall lama i thawh huna rawn kal tur che in a ti che anih chu!"

"Okay, ka lawm e, ka lo ti dawn nia."

"Nihman nuam le."
Kawngka chu kharin ka kalh leh nghal a, bathroom lamah chuan lutin bubble bath ka hmang phawt a, chumi zawh chuan bathroom aṭang in ka chhuak leh a, ka thawmhnaw dahna suitcase chu ka mamawh nghal ani tih hre rengin ka zawngkual ṭan ta a, "Khawiah nge ka suitcase hi ni ang aw...."

"Hmm, kawr haktur ka mamawh asin." Ka phun pah nang nang bawk.

"Damn, khawiah nge nizana Wesley-a'n min pek ṭhi pawh kha a awm?"

"Heta hi!" Ka lukham hnuaiah chuan ka lo dah reng alo ni a.

Mahse he ṭhi hi ka awrh thei dawn em ni? Eng vanga min pek duh ringawt nge anih tih hi ka la zawt ngei ang.

Ka suitcase chu thawmhnaw dahna cupboard ah hian an lo dah hi alo ni a, la chhuakin ka thawmhnaw ken ho chu eng ber nge ka hâk ang tiin ka enkual dan dan a, jean kekawr skyblue dal raih  tight lam pang leh top senno ban bul mai mai chu ka thlang chhuak ta a, hei hi a ṭha ber ang.

Ka sam buang ngil siau mai dye na pawh a ka tih danglam ngailoh chu mam zeta khuihin ka thlah tawp a, "Ti chuan a ṭha tawh e." Ka nui pah sak a, hall lam pan chuan ka kal ta a.

Hall lamah chuan Wesley nilo in nizan lama hmeichhe pakhat ka hmuh kha ka va hmu phut mai a, ka zâm chhe ngei mai, saw nu sawn hetah te eng nge a rawn tih ang le? Oh, mimawlnu eng nge ti se i rin reng reng a? Nizan lamah Wesley room pawh a ṭawmpui ani maithei asin.

Ugh, Eleanor, chuti ang thil chu ngaihtuah vak vak ṭhin lo teh, i tan a ṭha ber lo, ti in ka insawh ru deuh bap bap a.

Ka kal na tur lama a din avâng chuan ka tawh ngei ngei a ngai ang, ka huaisenna zawng zawng sawmkhawmin ka pan phei ta a, 

"Wesley hetah a awm ka lo ring zawk a." Ka ti ta a.

Chu nu chuan mi rawn melh ve in, "Nih chu ani alawm, mahse tukin zing khan hna pawimawh zet mai tih tur aneih avângin a kal chhuak ta a nih kha."

"Uhh, ka hrethiam e." Ka ti ve tak na achu, ka hrethiam theilo, engvanga Wesley chuan min rawn hrilh mai lo a, he nu tunge anih tih pawh ka hriatloh bulah hian lo chah nge a nih ang ugh.

"Eleanor Garcia i ni tiraw?"
Chu nu mitmu gray chuan mi a rawn melh vang vang a, chutah nuihmel hi rawn pu in, "Wesley an a press ho hma a anupuihual a apuan kha." A sawi lai chuan a taksa chu a then deuh hlah hlah bawk a, ka ngaithei lo kher mai.

"Uh, a dik e." He hun tak hi niin ka hria, tunge anih tih zawhna hun chu!

"Chuan nang le?" Ka ti ve zauh.

"Sorry, ka â hle mai." Anui pah sak bawk a.

"Wesley ex-girlfriend ka nia, mahse ka tâ ani leh vat dawn."

Ka phu deuh zawk, ka rin sa pawh nimahse min ṭhawng thp tho, "Eng nge i thusawi awmzia chu?"

Za zet hian anui chhuak a, engvânga nui chiam chiam nge anih tih chu ka lo ngaihtuah hman hmawh.

"Uhh, i hmel kha lawmhman hmu lo hmel hnual tak hi a pu a sin." A nuih ala za kher mai.

"Wesley Cooper unaunu ka nia, a tâwp atâwp ah chuan i hmel hmaichhanah ngei ka han hmu thei ta hram e, chuan kha mi ni a Wesley an a a nupui hual i nih thu a puan ni a thil thleng kha ka hre châk viau bawk a nia."

Oh, Wesley Cooper unaunu maw ni a? Mak ka ti deuh deuh zel a, ka thil hriat chuan min shocked viau bawk, Wesley chuan a private nun zép rûk chu a expert kher mai.

Achhan pawh unaunu anei ang tih ngaihna ka hriat miau loh avâng in, mahse tûnah hian an unau inanna te chu ka hrechhuak ta chuai chaui in ka hria.

Aida chu hmeichhe hmelṭha tak ani tih chu sawi nawn sawi nawn ngaiah ka ruat lo, a unaupa ang maiin a ṭhat dan chu a chung nung larh hi a ni ber, oh kei hmeichhia ngei pawhin ṭha ti a ka en ngawih ngawih kha a ni a, French hmeichhia anih ang ngei in a ti tuai reng reng chu a no nalh a, a paw phek mai bawk a, a pian chu nalhlo ti a kan sawi chuan kan sawi sual ngei ang, hmeuchhe sang ṭha tak a ni bawk a, kei âi pawhin a sang zâwk.

"Khatin zak duh suh, ṭhian ṭha tak kan ni dawn a lawm." A nui pah sang a, a hmel chu aglim hmel ngawih ngawih bawk.

"Wesley hi chu mipa ngeng tak leh ngeiawm thiam tak ani a, a personal thil rebg reng engmah mi hrilh duh a nei ngai lo, inhualna anei tih te thleng thleng hian maw le." A thaw pah halh a.

"Nang pawh hian i ring thei bík dawn em ni? Ka unaupa ngeiin nupuihual anei tih hi press ho hnen aṭang chauhin ka hre ve a nia." Ati leh nang nang a, a lungawilih zia pawh ahmel nur deuh nâng aṭang chuan hai rual a ni lo.

"Mi mawl thil tih ngei a ni tih hi a chiang...."

"Kal ang, kan kalna hmunah breakfast tui deuh ka treat ang che." A nui leh sâng tawh.

"Khawiah maw?" Ka lo ti let ve khauh a.

"Zanin a hâk turin thawmhnaw nalh tak kan zawng dawn maw le." A meng de sar sar a, chutia a mitmeng hlim zet alantir chuan a mitmeng gray colour chu a phe cheuh chiai a.

"Zanin atân maw? Eng chung châng nge i sawi tih hi ka hrethiam miah lo." Ka ti leh hlak a.

"Aw, ka rin dan chuan hei pawh
Wesley chuan a hrilh leh bíklo  che a ni maw?"

"Eng maw?" Ka αng deuh hiau a.

"He hmuna  in rawn kal chhan ber dinner kil tur tih chu a theinghilh leh pek tawh ani ngei ang, family dinner anih angin chhungkhat hmun hla tak tak a awm te kan inchah khawm a, Paris ah hian hun kan hmang ho ṭhin a lawm, mahse a hriatloh chu ka va ring chiah lo em, dad pawh zanin hian alo thleng ve dawn bawk a."

"Family dinner chu a nuam thei a sin, nuihna tur hi a tam ṭhin teh mai a nia, i nuam tih zâwng tak ani ve ngei ang." Anui leh sâng a.

"Ka kal ve thei ang em tih ka hre ....."

"Coopers zawng zawng an rawn kal dawn a, chuan an nupuihual te leh an pasal hual te chuti ang bawkin an nupui pasal thlengin an hruai vek dawn alawm."

Wesley pa chu ka hrechhuak zawk a, Coopers zawng zawng an rawn kal khawm dawn a, chumi awmzia chu Stephen Cooper pawh arawn kal ve ngei dawn tihna ni a, nilo Stephen Cooper kha...

"Damnit." Ka tum pawh nimiahlo in ka sawi chhuak a.

"Eleanor thil diklo a awm em ni?" Makti zeta min lo en tu Aida lam chu ka melh zauh a, ka ngaihtuahna chu ka sawi chhuak tih ka hre chauh.

"E...engmah." ka ti sap a, ka inthiamlo hle bawk.

Aida chuan ka kutah chuan vuanin min kâi a, hotel aṭang chuan min kalchhuah pui ta a.

Zan in hian buaina athleng dawn ani tih rinna mak tak engvânga nei nge ka nih pawh ka hrethiam chiah lo.

Ugh, Dear Lord eng ang khawvelah nge ka awm tâk hi?

WESLEY LUXURIOUS PENHOUSE...
WESLEY COOPER....

Ka harh veleh inhnuailama gym chu ka pan thla a, rei pawh ka la awm lo ang tihah chuan ka bluetooth vuah chu a rawn ri a.

Good morning Tommy."

Motning Wes, nizan lam hun i hmannawm viau a ring."

"Ka ngaihven lo Tommy."

"Tûnah ngei pawh khan i bulah expensive nighty nen a awm ka ring."

"Âih, tûnah chuan Eleanor chu ka bulah a awm lo."

"Hotelah muhilin ka kalsan a, kei chu ka penthouse ah ka mu thung!"

"Oh, man, zan hun ṭha tak tur athlawnin i kal ral tir ta anih chu!" A chek deuh tluk tluk a.

"Uhh, chuti lam zawng chuan maw ni a? Eleanor muhil lai chu han hmu ve na lang chuan tih harh i hlau ve tho ang maw le." Ka nui pah hawk a.

"Wow,  i nupuihual chuan mut a hehin a mu nghet thei viau tihna ani maw chu?" A nui chhuak ve hawk hawk a .

"Mahse fimkhur viau ang che, hetiang hun ṭha zet angah te amutthilh zel te chuan hun ṭha i hmu theilo mai ang."

"Shut up stupid, engvânga min lo call nge i nih tih kha han sawi nawn leh zâwk teh?"

"Nidangah ka rawn call leh dawn che nia, chuan i thil tih chu ka tihtir dawn che nia."

"Well, good bye."

"Goodbye Wes, mahse Eleanor chunga i tih tur pawimawh zet kha chu i ṭhulh tawh loh hram ka beisei."

Ka rûm chhuak nghut a, "Kha thil kha i sawi chunzawm zel dawn anih chuan i rawn call na number hi ka block sak tawh ang che."

"Khatin i ti thei ngawt lo....."

"Blocked."

Ka block nghal hmiah.

Eleanor chuan túnah hian eng nge atih ve ang le? Ti chu ka ngaihtuah a.

Aida in a nizana min hrilh kha ka hrechhuak leh a, vawiin zing hian thawmhnaw leia shopping tih pui turin hruai chhuah a tum tak e.

Chu pawh ka remruhna chhan ber chu thawmhnaw thar leh hmeichhe thil mamawh lei angih ka rin vânga remti chauh ka ni.

Paris hi aduh zawng ani ang em? Thâwk ka la hawk zui a.

"Mahse Wesley eng thil nge maw i tih tâk mai hi le?"

Engvanga nileng leng a Eleanor chung châng chu ngaihtuah chiam chiam ṭhin nge i nih?

Ka thil tih theih ngailoh ka ti ta hialin ka in hria, chu thil chu he nu hmanga.....

"Nilo, chuti ang chu a ni tur ani lo."

A nih leh eng nge ni ta ang, keimah ah hian eng thil nge thleng ta hi?

Ṭha taka a awm hi ka duh mau chauh a ni.

Ka bula awmtur in ka duh mai chauh a, chuan hmeichhe tuarchhel tak ni a a rawn ṭhan chho hi ka duhsak mai chauh a ni.

"Hei hi amah ka hmangaih vang a ni lo."

Mi tu emaw kuah a mamawh anih chuan.... keiman ka kuah ang, mi tu emaw hnen aṭanga engkim hi aṭha leh vek mai ang ti a an hrilh a duh anih chuan ....kei mah ngei hian chu thu chu ka hrilh ang a.... chuti ang tur chuan kei hi abulah ka awm reng ṭhin bawk ang.

Engkim hi a tân..... a tân ka theihthâwk leh a aia tam tihsak ngei ka duh.

"Ṭha taka a nun ahman ka duhsak a, chu zawng chu alaka ka duh chu a ni." Mahse Wesley tûnah hian i dâwt chu nangmah leh nangmah âwihtir i intum em tih hi ngaihtuah ṭha leh ang che .

Engkim mai hi ironic ang mai ni in ka hria, Eleanor ka hmuh hmasak ber ni kha chuan, mi ṭawngelkhum chíng tak leh zeilo ve tak ni khân ka hmu a, mahse tûnah chuan..... thla reilo té chhung pawh a ka nun min thlakthleng sak vek tu a ni.

Engtin nge he nu hi ka tih dawn pawh ka hre tawh lo.

Ka type tam hman ngang lo a ni e.

TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 46

TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 46

Hospital ka thlen hnu chuan ka car ka park rawk rawk a, hospital ah tlan lut nghalin Sofia room lam chu hmanhmawh phelengin ka pan phei a, kawngka chu ka nam hawng rawk a, Sofia roomah chuan doctor hi lo awmin khuma Sofia mu chu alo check mawlh mawlh a, "Sofia chu eng nge a an?" Ka ti nghâl tawl a, doctor ina a dinhliah tlat avαng chuan ahmel tak erawh ka va hmu thei lo, dotor chu a rawn hawi chhuak a, "Mr.Bailey a ṭha e, lokal rawh."




Ka va pan hnai a, doctor chuan mi lo nuih vur vur pahin a kal kiang a, Sofia hmel ka han hmu chiah a mitmeng pawl ram mai ka hmu thut chu ka phu nasa ngei mai, ka hnaih phei nghâl ruak a, "I lo harh chhuak tawh maw?"
Ka maktihna mitmeng chu thunun leh thuaiin ka nuih suk a, "Babe eng nge i an, na te ila nei em?"



A mitmeng chu abuai deuh nak a, a mitmeng nalh zet mai leh pawlram chuan mi rawn enchho in, a heh ro halh mai chu a liak huh zauh a, a hmui chu phun chhuakin "Tu nge i nih ?" A rawn ti ta mai a, min ṭhawng kher mai, kha leh chen a harhchhuah nghâkhlel takin ka lo tlir ve a, ka ngaihzia thu ka hrilh ve ang chu ti a ka lo suangtuah laia tunge ka nih a hre lo ta tlat mai chuan min ṭhawng hle mai, a hriatna ahloh nge ni ta ang? Ka ti ta hial a, ka nguai nghâl rawih rawih bawk.


Doctor chu alo inrawlh nghal vata, "Oh, kha chu coma an awmhnu a an tihdan ani deuh châwk a nia, mahse an ni vek kher ka tihna ani lo, zawi zawiin an memory kha arawn kir leh a, an hrelo hlen ngai chuang miah lo." Ka mak ti hmel en pah chuan arawn ti nghal sawk sawk a, "Duh leh neurologist bula hruai turin ka lo ziah luh sak dawn che nia." A ti leh thuai a.


"A ngailo ang, ka fiamthu mai mai anih kha, ka pasal chu ka hria e." Sofia chuan a rawn ti ta a.

"Sofia min ti hlauthawng hman lutuk a sin."


"Oh, énglam zawng hian thil hi thlir ve teh! Fiamthu mai a nih kha." A rawn nui ta sak a.


Doctor chu ka en phei a, "I lo hrethiam dawn nia, ka nupui hian fiamthu ah a ngai tlat si a." Ka ti deuh hmuk.

"In pahnihin hun fal ka pe ang che u." Doctor chu a chhuak ta nghal a .


Sofia chu ka enchhuk a, "I rawn dam chhuak leh dawn ani tih hi ka rin sa reng a nia." A biangah chuan ka zu fawh sak zauh a.


"I ring ang tih hi ka chiang a lawm."


A rawn ṭhu chhuak a, ka lo dawm vat, "I ṭhu chhuak thei em ni?"

"Oh, ka ṭha,lutuk, chill pill i mamawh in ka hria."


Mi arawn hnaih deuh salh a, zam hmel deuh tak hian, "Mr.Bailey, thil chu ṭha takin ka hre tam lem lo, mahse min lp ngai viau ang tih hi ka sawi thei thung ang." A ban atuai deuh neuh neuh a, ka hmel pawh en rei ngam ta lo chuan hnuailam a melh ta daih a.



"I sawi dik ngei ang Mrs.Bailey." ka kut zung ṭang chuan a kun ngaih chu a khabe ah dawm kan sakin a mitmu pawl ram mai chu ka en sak siah a.


"A tir lamah khan hei aia kah hi lo tuar nasa tawh ni ila chuan, ka harh lai khan ka tuar thei deuh tur hi a nia."


Ka meng nur khum deuh nawng a, "Kha i hria em, min ti hlauthawng leh ta, i thu tak nge thu tak lo tih hi ka chiang ngam leh ta hauh lo mai." Ka tih khum leh sup a.


"Ka fiamthu leh tawh anih kha." A nui chhuak hak hak a, a rawn harh chhuak hi fiamthu a rawn duh thar tlatin ka hria .


"Babe kan pahnih hian kan inbiak a ngai tak zet a nia." Thu tak zet hian ka ti ta a.


"Kan ti dawn nia, mahse i theih anga rangin in lamah ka thawmhnaw hâk tur pajama fai min rawn ken sak la, chuan shower te ka hmang ve phawt ang."


 A thusawi chu ka lo hnial nghal a,"Kal san che hi ka duh hleinem."



"Uhh, khawiah mah ka kal dawn hleinem." Min nuih deuh sak a.

"Ka hmangaih che." Ka va kuah a.


"Chu chu ka beisei in ka ring, i tan ka ka thi teuh hle bawk si a."


"Engtin nge ka ngawih tir ang che tih hi ka hre teh mai ania, ani em?"


"Nope."


Ka kuahna aṭang chuan ka inla hrang a, "I pajama la tur  chuan ka va kal thuai ang e." Ka chhuahsan ta nghal a.


Room pawn ka chhuah chuan Cornor hmel ngui lup chu ka hmachhawn nghal a, "Sofia chu biakna hun i nei ve tawh em?"

"Aih, la nei rih lo, a rawn harh chhuak tur a rawn chet vel lai khan doctor ka ko vat a, doctor chuan min chhuah tir nghal daih a lawm."


"Chuti chu ala hmu miah lo che tihna ani maw?" Ka khabe chu dawmin ka kut ṭang chuan ka khawng deuh kauh kauh a.

"Aw, la hmu lo."


"Sofia hian i thi tawh  angin a ngai che tih hi i hre tawh em?"


"Eng a?" A hmelah chuan aṭhawng viau ani tih hi a hriat a.


"Terence khan a that tawh che tiin a rawn sawi miau a lawm, Sofia pajama lei sak turin mall ah ka kal dawn a, inlama haw ai chuan a rang zawk bawk ang, chumi chhung chuan lo va lutin engvangin nge i lo va surprise ve mai loh ang ni?"


"I ti tak tak em ni?" A hmel chu a zâm ve hmel kher mai.

Ka bûk khum nghut a, "A hmu che hi a hlim phah ngawt ang."


"Thanks, ka lo ti dawn nia." A ti ve ta a.


Kei pawh chuan kalsan nghalin Sofia pajama leisak tur chuan hospital chu ka chhuahsan ta a.

SOFIA....



Thil eng eng emaw ka ngaihtuah kual a, heti ang hian ni engzah chhung nge ka awm tawh ang? Chuan ka fa pai chung chang hi Theo ka hrilh duh tawh ang em? Nge Talia nen an inkar kha ka hre hmasa zawk phawt ang, Talia nen a an inkar thu kha tihfel ani tawh ang em? Ka rilru chu a buai ru kher mai, Theo hi ka hmangaih a, a ni chan leh si tur chuan ka hmangaih ngai lo ang, chuti ni se ka hmangaihna hi ka hlan lo záwk ngei ang.



"Sweetheart eng nge i an?" Kawngka bul lam chu ka hawi phei a, ka hmel chu thlarau hmu ta ang mai hian a dâng chhuak vek ngei ang, uncle Cornor chuan min lo nuih vur vur a, "WTF." Tih chiah ka sawi thei, ka heh a khur dar dar a, ka la dam chiang vaklo nge ni a, thlarau ka hmu thei ta záwk?

Mi a rawn pan phei a, "I ṭawngkam hman rawng kha a tak mah mahin ka hria." A  nui vur vur a.


"Cornor i thi tawh niin ka lo hria a." Ka ti chhuak thei hrâm.

"A landan chuan ka hun ala thlenglo a ni maithei."


A mah tak tak ani tih ka hriat hnu chuan ka kuah nghal thlawp a, ani pawh chuan mi lo kuah let ve in, a ka samah chuan min chul sak heuh heuh a, hetia duat taka min chul ṭhinna ringawt pawh hi ka thlahlel ngawih ngawih, kum kha leh chen hreawm.ka tawrh chhung zawng khan he thil hi ka ngai hle ṭhin anih kha, ka mittui chu a far zawih zawih nghal a, ṭah chhuah châk zet chuan ka heh ka pet deuh fan fan a, "Ka ring theilo hial zawk." Ṭah aw ṭiau hian ka ti leh sap a.

"Kei pawhin pasal i neih hi ka ring thei bík hleinem."


"Ka hria, a âtthlâk ti raw?"


"Chuan a fa i pâi bawk a."


Cornor ka kuah na chu ka thlah nghal zawk, la ṭah chhuak tak te chu an bo nghal dual bawk,"Chu chu engtin nge i hriat theih?" Ka meng râng nasa mai.


"I pasal Theo an min hrilh, ani anilo'm ni?"

"Engtin nge chu thil chu Theo hian a hriat theih a?" Ka hmui chu ka kutin ka hup pah châih a.

"Hospital chhungah i awm a, ka rindan chuan doctor in a hrilh ka ring."


Ka kut chuan ka biang tawn tawn chu ka dawm a, pawi kati kher mai, tûnah chuan Theo hian kei min duh vang pawh nilo in ka fa pai alo hriat tawh vang maia min hmangaih anih ka ring ta ber a, engkim chu a diklo zo vek tih pawh ka hria, engtin nge ni ta ang?

"Eng nge thil diklo a awm em ni?" Cornor chuan alo ti ve sup a.


"Heti ang tur ani lo, hei hi thiltheih ani lo ang, tunah hian kei nilo hmeichhe dang pakhat Theo fa pai mek tu a awm si a." Keimah nge ka inhrilh ka uncle chu tih pawh ka hrethiam lo.


"Eng maw i thusawi awm zia chu?" Cornor meuh pawh a hrilhai hmel ve kher mai.


"A bum che tihna maw ni a?"

A hmel chu a dur khuih khuih nghal a, hnuai lam pang chu ka melh khup lap a, "Nilo, chuti ang a ni lo,  thudik tak zawk chu Theo nen a kan inneihna chhan hi fangs lak a mi chhanhim nana ti a ni."

"Ka hrethiam ta hauh lo mai." Ni e, a hrethiam hauh lo ang.


"Engvanga nangmah hum nan che a nupuia nei che nge anih tih hi ka hrethiam lo."


"Cornor, thawnthu sei tak a ni, mahse hei hi sawi zawk rih teh ang, Theo hi gang ropui zet mai chumi leader fapa chu a ni a, a pa zawh chiah a hotu ni tur chu a mah hi a ni."


"I pa Terence pawl Fangs ho ang tluka thil ti thei hi an awm dawn em ni?"


"Chu aia nasa fe zâwk chu maw le." Kati veleh sap.


"Sofia he i thil tih hi a âtthlâk takzetin ka hria, i pa lak aṭanga tlanchhuah i tum a, mahse gangs pawlhran âtthlak zet ho ah bawk i inhnimlut leh chu a nia."

Cornor hmel chu a rum kher mai, a ngaihdan pawh anilo viau ani tih ka hria a, sawifiah dan mai tur pawh ka hre bik lo.


"Bronze Dragons thil tih hi a âtthlâk ve lo, an ropui in an thil tih dan hi a chhuanawm zawk a sin."


"Baileys ho hi! Engtin nge maw ka lo hriat loh theih zâwk chu le?" A thaw deuh hawk a.


"Ka hmuh hmasak ber ni aṭanga tûn thleng hian min ṭanpui na bák hmuh ka la nei lo, ka chunga an thil tih zawng zawng chu keimah min ṭanpui nan vek a ti an ni asin." Ka ti leh a.


"Well, Theo hian mi hnaihnan a kual rei ve lutuk a, mahse tûnah chuan Barrett charms hi a hnar thei ta ngang lo anih hi!" Ma nui chhuak var var a.


"I hmangaih em?" Ka mitah tak chuan chík zet hian min en chhuk a.


"Ka hmangaih tak zet."


"A nih ani chuan a hmangaih ve che em?"


"A sawi dan chuan nitina min hmangaihna azual deuh deuh thu chu a sawi alawm." Ka ṭawng bah deuh nak a, min hmangaih ani tih thu hi sawi mahse ka la ringhlel deuh tlat tho.

"I ring ngam chiah lo anih hmel khawp mai." A ti chhuak leh sup a.


"Nitho mai, kan inneih ni khan thil tih fel tur leh ngaihtuah fel tur a chungah hlir a innghat a, chu vanga inneihna kha ti ta vat kan ni a, tûn thleng hian ka rilru a awm chu kei min nei ta hi ala inchhir leh mai ang em tih hi ka ngaihtuah tel lo thei lo a ni." Ka ti chhuak leh sep sep a.


"A nih leh hmeichhe dang alo rai chu eng angin nge i ngaih?"

"Ka hre lo." Ka ṭah achhuak leh tlat tawh.


"Chu nu chu lo awm lo ta ang sela, America a awm hian i hlim theih i in ring em?"


"Chulam pang chu ka lo la ngaihtuah chhin ngai lo hrim hrim a." Thâwk ka la deuh halh a, ka khúr ru der der bawk.


"Ka ngaidan chuan nang leh Theo hian inbiakna mumal tak inneih ngaiin ka hria, achhan chu in pahnih hian tum mumal tak inneih dun ngei a ngai bawk ang ." A ti ta a .


"Ka hria e."

"Eng pawh nise, nirei tak ala nidawn si a, ka thlenna hotel lamah ka lo va kir leh phawt ang a, naktuk ah ka rawn kal leh dawn nia." A ti ta a.


"Ka lo ngai châng reng ang." Ka nuih leh sak a.


"Cornor ?"

"Yeah."


"Theo hian naute chung châng a hriat khan eng angin nge a ngaih âwm?"


"E, a lak aṭanga lâksak tum mipa tawh phawt chu a that duh ang tih ang vel a ni."


Cornor chuan chu thu a sawi zawh hnu chuan min chhuahsan leh ta a,  a thusawi kha ka rilru nat ahlauh avαng a sawi a ni ang em? Nge Theo chuan chuti ang chuan alo ti tak tak zâwk? Lo ti tak tak ta ang se Theo chuan min hmangaih ve tawh tak takah ka ngai ang.


THEO...

Mall ka kal haw hospital ka thlen leh hnu chuan Sofia room lam chu hmanhmawh zet hian ka pan phei a, "Mr.Bailey, Sofia chu eng nge a an tawh?"  Ti a min lo be tu doctor nu lam chu ka hawi phei vat a,


"A ṭha tawh lutuk e." Ka nuih ve suk.


"Ok, aṭhat chu, kei pawh zan lam a ka tih tur ka han ti fel lawk ang a, ka rawn hmu ve dawn nia."

"I kal dawn tho anih chuan hei a pajama tur a nia, min lo ken luh tel sak mai dawn mi? Phone hman lawk ka ngai a." Ka bag khai chu ka keng lang a.

"Tehreng mai, ka lo pe dawn nia."
Ka kut aṭang chuan plastic bag chu min lâk chhawn sak a.


"Chuan minute reilo te hnu ah ka lo kal dawn thu i hrilh bawk dawn nia."



Doctor kal hnu chuan phone chu ka la chhuak a, "Dad."

"Theo eng nge chan chin?"


"Sofia kha a harh tawh a, amah pawh a tha e."


"Son, chan chin lawm awm tak anih chu!"


"Min lo ngaithla lawk rawh u, Sofia kha a harh tawh a, amah pawh aṭha tawh anih chu!" Ti a ka pa âu deuh lûng lûng chu ka hre thei a.


Midang aw ri pawh ka hre tel a, lawm a vangin an au dar dar mai, "Le Sofia ṭhat chhuah leh lawm nan no dang kan dawm leh tur a ni."


"Warehouse ah i la awm reng ani tih ka hre mai." Ka nui ri pah hawk a .


"Yeah, ka kal ṭép tawh."


"Ok, naktukah ka rawn call leh dawn che nia mangṭha le dad."

Phone chu cutin cafe lam ka pan a, coffee ka in leh zuai a, Sofia room lam panin ka kir leh ta a, ka va lut chu min lo melh thîp ngang mai, "Eng ang diklohna nge i neih leh ták a Sofia?" A mitmeng thîp ram mai min melh chhohna chu ka en chhuk ve a.

A thawmhnaw inthuamna chu min kawh hmuh a, "He thil hi maw pajama ti a i sawi chu ni a Theo?"


"Eng nge lei tur tih pawh ka hre hlei nem!" Ka nuih a za viau a chu ka nuih chhuah chuan a thinrim leh zual dawn tih pawh ka hria.

"Eng pawh nise pajamas aṭangin ṭan ila a ṭha ang, he thil hi sport shop aṭangin i lei ti raw?"


"Women shop ah ka kal dawn tih chu i rin loh hram ka beisei." Ka ner pah sawk a.


"Theo mahse heti ang thawmhnaw inbel chung chuan hmun dangah ka kal thei hleinem." A chal a dawm deuh raih a.


"Babe i bula ka din tawh hi chuan eng ang pawhin inthuam pawh nila, i nalh vek zel tho ang." Ka siai khum pah suk a.


"Theo, khati ang a i ngaihna rilru kha paihbo vat mai teh!"


"Eng nge thildang te lam sak turin min duh leh em?"

"A ngailo ang, zan in chu hei hian a tling tlâk theih mai ka ring, amah erawh chu naktuk zing i rawn kal hunah chuan ka pajamas neih sa kha min rawn ken sak ngei ngei erawh a ngai tawh ang." Ati ta a.

"Zan in haw ka lo rilrûk chiah hleinem."


"Engvangin maw, khawiah nge kal natur i neih a?"

"Hetah i bulah ka awm ve ang chu ka lo ti deuh a."


"Hetah chuan zankhua in i awm theilo ang Theo."

"Nizanah pawh ka awm tho a lawm, a hma zan lamah te pawh." Ka nuih pah suk a.


"I ti tak tak em ni?" A sen deuh ṭan ṭan a, kal sawnin a khum lam chu min pan san ta daih a.

"Engvanga rin harsa ti viau nge i nih a?" Ka pan hnai ve leh sauh thung!


A hmel put dan chu a zâm hmel kher mai, "Ka hmangaih che tih pawh i hria ani lo'm ni?" Ka aw ka thian deuh khurh a.

"Aw." A ti chhuak ve sep.


"Anih si chuan eng nge diklo a?"

"Naute chung chang i hria tih kha ka lo hria a."


"Ka hria a lawm." Ka mengkual pah rulh a.


"Anih leh chumi chungchang ah chuan eng nge i ngaih dan?"


Ka nui chhuak hawk a, "Ka ngaihdan chuan ka hlim viau niin ka hria, mahse ka rin aiin ka hriat hma avâng erawh chuan pawm har ka  la ti deuh."

"Mahse, hey, kan innei tawh tho a, hemi vang hian khawvel a tâwp phah dawn pawh ani hleinem ti raw?"



"Mahse naute pahnih han neih dawn tâk mai chu, chutah chuan i ngaihdan a ni ang maw?" Hnuailam chu a melh chhuk ta raih a.

Min ti phu chiang lutuk, " Naute chu phír an ni i tihna em ni?" Ka phâwk kher mai.


"Eng maw? Ni lo." A phu ve zawk bawk a, ka tih awmzia chu Talia naute nen khan ka tihna a nia."


Ka nui chhuak ta hawk hawk a, "Eng nge nuihzatthlâk viau a?" A tûm leh hmak tawh.


"Talia naute pai kha ka fa ani hleinem." Ka lo la hrilh lo tih ka hriat chuan chu thu vang a a fa pai pawh min lo hrilh duhlo lek anih ka ring ta zâwk a.

"I chiang chiah maw?" Mi rinhlelh hmel zet hian ati leh a.

"Chiang lutuk tlat." Ka tih sam khum ét a.


Min rawn kuah nghâl chaih a, nghet zet hian ka lo kuah lét ve bawk a.


"Theo, engti ang chiahin nge i chungah hian ka hlim tih hi i ring thiam kher ka ring lo." A ti pah sep sep a.


"Babe kei pawh chu chiah chu!"

Ka kuahna chu ka thlah a, ka mut chhuak lutuk chu ka hâm leh ṭan ta a, ka awm dan chu a hrethiam hle mai, "I chauh hmel riau mai, tui taka mut i mamawh anih kha...."


"Ka ṭha alawm."



A hmel chu ka thlir chhuk pah vung vung a , "Eng thilin nge la tibuai che a?"


"Eng mah in."


"Sofia."


"I thanga min awhtirna hmanrua nilo se ka duh!" Thâwk ala pah halh a.


"Ka ti hleinem."



"Theo nupuiah min nei tawh tih chu ka hria e, mahse khatih hunlai khan duhthlantur dang i nei miau lo a, chu vangin kha chu thildang vângah ka la ngai lo thei lo, tunah chuan ka pa a thi tawh bawk a, inṭhen i duh leh pawhin ka hrethiam lutuk tho a nia."

Chuti ang chuan alo la ngai reng tihna ani ngei ang, túnah chuan ka bula ding hmeichhia hi khawvela ka hmeichhe hmangaih ber leh nupui atâna ka duh ber anih zia chu hrilh ahun tak zet tawhin ka hre bawk, "Chuti anga inṭhen chu ka duh hauh lo, chuan tlang takin thil i hansawi tawh teh ang, chu thil chu ka la hrilh hre lo che pawh ani maithei, nupui a ka neih nachhan che chu ka hmangaih vang che a ni a, tûnah chuan a tâwp thlengin kan awm dun tawh ang, chu chu i pawm ve thei ang em?"

A ngawi reng a, a kun tlat bawk, engtinmah min chhang hek lo, ka thusawi chu ka chhunzawm leh a.

"Nang ka hmangaih tawh hnu che a ka thil hlauh ber chu, thildang zawng ai in ka chân ang che tih ka hlâu ngawih ngawih ṭhin!" Ka ti chhuak sup a.

A sen deuh ṭan ṭan a, "Babe ka thusawi chu i ring meuh na nge?"

A heh nel thep ah chuan ka zu fawh sak leh zauh .

"Túnah chuan zan arei tawh lutuk haw tawh rih phawt rawh, naktûk lamah thil tam tak kan sawi fel dun angaiin ka hria."


"Eng chung châng nge ni reng reng a?"

"Uhm, kan college kal lai te pawh kha kan chhunzawm leh a la ṭulin ka ring."


College a rawn sawi lan leh mai a vâng chuan min ti lang naupang leh zo vek hian ka hria, kei chuan luh zawm pawh ngai ka ti teh chiam tawh lem lo." Ok, naktuk hian engkim kan ti fel vek tawh dawn nia, nang pawh hahdam taka mut chawlh lo tum ang che, naktuk zingah ka rawn hmu leh dawn che nia. "

Ka inher vut a, kawngkhar lam.ka pan ve ta nghal a, kawng khar ka hawn lai tak chuan min rawn áu zui a, "Ka pajama chu rawn ken theihnghilh miah suh ang che."


"Naktuk zingah min rawn text dawn nia, chuan min rawn hrilh nawn leh bawk la." Ka chhuahsan ta nghal a.

THE BAILEY HOUSE 11:30PM

In ka thlen hnu chuan inchhungah ka lût nghal a, mut nghal tum ka ni a chu choka lam ala éng tlat, ka phei a, Alexandra hian thil alo ei mial mial a, "Engvânga,meng rei viau nge maw i nih le?"


"Ka harh leh tawh zâwk anih hi T."

A thil ei lai chu a la ei mial mial reng a, "Kha eng dán nge?"


"Midnight snack maw le." A nui pah rah rah bawk.


"Sofia a aharhchhuah tawh thu leh a ṭhat tawh thu mum in min hrilh a."


"Yep."

"Chan chin lawm awm tak anih chu!"


Thâwk ala halh a, "Alexi thil eng emaw nangmah tibuai tu che a awm em ni?"

"Âih awm lem lo e."


A ṭhutna bula chair chu pawt chhuakin ka ṭhu thla ve nghal a, "Sawi ṭan rawh le."

A thaw leh halh a, "Brandon a nia." A ti ta a.


"Hunter's Brandon i tihna em ni?"

"Aw, date puiah min sawm a."

"A ni chu i date pui duh reng em?"

"Ka duh a lawm T, ka duh zia chu nasa tak a ni, Brandon hi mipa fel leh tha,tak ni in ka hria." A kut chu a tuai pah niap niap a, a sen deuh ap ap bawk hian ka hria.


"A nih te chuan eng nge buaina awm a?"

"Dad ah buaina a awm." A hmui chu a kutin a hup deuh cháih a.


"Kha chu ka lo ngaihtuah ngai hauh hleinem." Ka kut chu la kángin ka khabe chu ka kut zung chalin ka khawng pah  kauh kauh a.


Ka thaw ve hawk a, "Enteh Alexi, dad chu date chung chαng hi hrilh la a ṭha ang?"


"I â ta em ni?" A aw ring lutuk thup nan chuan a aw a thian deuh kharh a.


"Brandon hi mipa ṭha tak ni in ka hria, dad pawhin pawi atih pawh ka ring lem lo." Ka rilru put dan dik tak chu ka hrilh a.


"Yeah, a dik e, mahse dad hian chuti nilo a angaihdan anih loh vaih chuan nang pawhin i hriat ve reng kha."



"Dad leh mum hian an khum lam an pan tawh em ni?"


"Aw, mahse dad erawh a rawn haw na ala rei lo."


"Dad chu hemi chung châng thilah hian i biak ngei ṭha ka la tihpui tho mai che, chu chu kawng awmchhunah ka ngai, a hriatthiam theih dan berin thil ti la, he thil hi arelhru zawng chuan tilo hram ang che Alexi, a chhan chu a dawhtheihna a tlâk
 chham chuan a pawi zâwk ang, Brandon nena date a kalchhuah dun i duh anih chuan dad nen in pahhnih chung chang sawifiah hmasa phawt ang che, chuti lo chu i kal theilo ang." Ka tih khum ta duah a.



"Ka kal theilo ang ti chuan min hrilh thei hauh lo." A túm hmawm nghâl a.


"A landan chuan ka hrilh ngei che erawh ngaiin ka hria."
Mit zîm khum san hian ka melh leh vang vang a, engmah sawi leh tawhlo in ka room lam chu ka pan chhohsan ta a, thu dang sawi pui leh pawh ngaiin ka hre tawh lo, ka sawi chiang tâwk viau ah ka ngai.


THE NEXT MORNING....


SOFIA....

Ka muttui lai chu mi ko ri awm thân hian ka hria, mahse ka la mangram vel vek tho.


"Sofia."


"Babe."


"Mmmmm." Ka la harhpeih thlawt lo.


"Oh, come on, thawh a hun tawh e."


Ka la meng chhuak mai lo, a chal ka dawm pah ngaih a, "Eng hun nge ni tawh?"


"9 o'clock!"


Ka mengchhuak ve ta hram a, "Uhh, heti anga,hma a min rawn kaihthawh na chhan hi, min lo ngai hman tawh tihna a niang maw?" Ka la hâm deuh bαi bâi a.


Ka bula a rawn ṭhutna aṭang chuan ding chhuakin, hlim hmel pu zet chung hian, "Ka ngai ngei che a lawm, mahse tho tawh rawh, i breakfast ei tur ka rawn lâk sak ang che."


"Ka pajamas chu min rawn lâk sak ta em nih leh?"


"Eng ber nge i hâk duh dawn tih ka hre lo a, mahse pair eng emaw zah chu ka rawn kensak ta tho che a, hetah i thlang mai ang chu ka ti a."


Ka ṭhu chhuak ve ta vat a, "Ok, breakfast la tur chuan lo va kal la, keiin shower hmangin ka thawmhnaw te ka lo thlαk ve dawn nia."


"Deal." A mit min siai khum pah suk a.

Ka nuih zui ve sak, Theo chu a kal chhuak ta nghal a.


Shower ka hmang zo ka pum ruah lutuk vαng nge ka hre chiah lo, ka luak achhuak leh ṭan ta a, "ugh, zingkar nawmlohna a inṭan leh ta reng mai." Toilet lam chu ka pan phei a, ka bun deuh bârh bαrh a, ka zia awm deuh hnu chuan ka flash a, thawmhnaw inbel tur chuan bathroom chu ka chhuahsan leh ta a.

A thil rawn ken chu ka en a, a dik ve tawh a lawm.
Pajama pawdal raih leh top pang ngai tak a pawdal lam pang tho chu ka ha a, ka sam chu ka tuai mam puat puat a, "Breakfast pawh chu ka ei thei ang em aw... mahse ka mamawhin ka hre bawk si." Tiin ka phun deuh niah niah a.


Theo pawh breakfast kengin a rawn lût veleh tawh a, ka hmel arawn hmuh chuan mi ngaihtuah zet hian min rawn pan hnai nghal vat a, "Babe, thil diklo a awm em ni?"


"Ka ngaihdan chuan ka raina ina a ken tel ve hrim hrim zing lam nawmsamlohna niin ka hria." Za lem lo tak hian ka nuilui hak a .

"A la hma viau lo maw kha chu?"

"A hma ka ring vak tawh lo." Ka thaw pah halh.

"Breakfast chu tlem eichhin i tum dawn em ni ang?"


"Ka thil ngeina hi tlemin zia awm phawt sela ṭha in ka hria."

Chutihlai tak chuan doctor alo lût a, "A ṭha e, in lo awm dun ve ve a." A rawn ti lût a, a nui pah var var bawk.a.

Chu doc chu keimah ang deuh a vun sen uk kharh mai leh mitmu dum fiah zet mai, sam dumhlap nei ria sang ṭha zet mai hi a ni a, a sam chu a ngil ngawt ang, mahse a ṭawn tawm daih thung, "Túnah hian ultrasound chu ti nghal mai ila a ṭha ang." A rawn ti leh a.


"A ṭha e, chuan mipa nge hmeichhia tih hi kan hre chhuak thei bawk ang tiraw doc?" Theo chuan ati ve sup a.

"Kha chu i nupui hi engtik a rai nge anih tawh tihah a innghat ang chu!"


"Sofia nang chumi ah chuan ngaihdan te i nei em?"
 Doctor chuan min rawn melh pah zauh a.

"Ka chiang chiah lo, chuti anga regular ka la ni bawk si lo a."


"Ka hria e." A nui leh sak a.


"Regular a?" Theo chuan hriat thiamloh hmel zet hian alo ti hû a.


"Women problem Theo." Ka tih khum nghat.


"Ok, túna i sawi dân kha ka hriatah chuan a tαwk chiah." A kut a vai zauh bawk a .


"Zinglam nawmsamlohna ka nei ṭan der tawh a, ka rin dan mai maiah chuan kar 12 vel chu anih tawh ka ring." Ka ti ta a .


"12 weeks maw?" Theo chu ka thusawi chuan a ṭhawng viau a ang.

"Bahamas." Ka ti ta zauh a, ka men kual khum deuh ralh.


"Doc 12 weeks ah chuan mipa nge hmeichhia tih hi min hrilh thei ang em?"


Engvânga chu thil chu hre châk viau mai nge maw anih tehchai chu le? Ka chal ka dawm zauh a, tháwk ka la pah halh bawk.


"A rinawm.chiah lemlo, mahse 4D scan erawh ah a chiang viau thung ang."

"4D â?" Tih zauh pahin Theo hmel hlim zet chi ka melh pah zauh.


"Chumi awmzia chu, ultrasound pangai aiin 4D a ṭang hi chuan naute riruang leh engkim alang chiangin a en chian tir zâwk ṭhin a, regular ultrasound ai chuan to deuh zâwk mah se arin awm em em a ni."  Doctor chuan a ti a.


"Ok, keini pawhin 4D scan chu kan ti ang e." Theo chuan a rawn ti ve bawk a.


"Naute nihna chu ka hmu thei anih pawhin ka la sawi chiang theilo mai thei ania, chu thil ti tur chuan a la hma deuh hlek avαngin engmah confirm in ka tiam theilo ang che u, hei hi ka ngaihdan ka hrilh che u nirawh se."


"A lehlamah ve thung chuan a diklo ve maithei bawk a."


"Ok, i ngaihdan min hrilh chu ka tan chuan a tâwk viau e." Theo chuan arawn ti deuh hluk a.


"Chuan thil pakhat lo ngaithla leh lawk u la, 4D scan tih hi regular ultrasound vawikhat tih ai pawhin a to zâwk viau a nia."


"Pawisa kha a pawimawh ber lo." Theo vèk chuan ati leh hruih a.


"Very well, Mr. And Mrs Bailey in pahnih a thu khaw châng chu ka ngaithla tawhin ka hria, in inpeih hun hunah kan ti nghal dawn nia." A ti ta a.


"Inchung lamah hian scan chu kan ti ang."


"Kan naute hmu tur chuan i inpeih tawh em?" Theo chuan ka lam hawi chung hian a rawn ti a, min siai khum zauh bawk.

Ka nui ve hak hak a, "Ti chiah i la."

TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 45

TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 45

TREY..


"Ka tih chhan pawh naute vâng chauh ani ang, nang nilo in, chuan i thil tih reng reng rengah mistake a awm leh tawh tur ani lo, Theo pawh hi rawn contact tum leh tawh lo ang che, ani lo emaw i rawn bia ani tih thu ka hre leh anih ngat chuan hre rawh, ka rawn zawng chhuak leh che ang a, ka that leh tho ang che." Ka ti chhuak ta hrawih a.


"Ka tilo ang, ka tiam ache, pawi kati lutuk." A ti nghâl vat vat.


"Tu nge naute pa hi ni reng reng?"


"Waiter a nia, vacation kan hmanna a ka tawn a ni a, a hming pawh ka hre lo."


Ka mengkual khum rulh a, a che tla dah ka ti ve kher mai, "Hre rawh he i laka ka tih tur hi ka tih vawikhatna tur ani a, inchhirin min siam duh ka ring hauh lo." Ka ti leh a.

"Ka ti lo ang."
Lockup chu ka chhuahsan a, Detroit awmna lam chu pan phei lehin Talia chu kan mit hmuh phâk loh tur hla taka thawnbo nghal tur chuan ka hrilh nghal a, chumi hnu chuan inlamah ka inkhalh haw leh ta a.

Inchhung ka luh hnu in Callie chuan min hmuh veleh min rawn pan phei vat a, "Hi, honey, eng nge thil diklo a awm em ni?" Chík zet hian ka hmel chu a en vang vang a.

Âih,engmah a awmlo, tinge?"

"Khawiah nge Alexandra hi?"


"Pool house lamah a awm anih kha tonge?"

"A mahin maw?"

"Brandon nen."

Ka meng rum leh nghâl ûl a, chuti anga Callie-in ka hmel a hmuh chuan thawk ala halh a,,"Trey, kum 17 a tling ve ṭep tawh a, khati chuan ti tawh lo hram rawh!"

Callie chu ka kal pel thuak a,,"Trey!" Ti a min rawn auh zuina lam pawh ka hawi tawh lem lo.

Pool house lam chu hman hmawh zeta kar pawk pawkin kawngka chu dimte hian ka hawng kau a, a chhungah chuan ka lût ta nghal a, Alexandra leh Brandon chu min hnungchhawn zawng hian awmin an lo ṭhu dun a, ka lut tih pawh an hre hauh lo.


"Brand vawiin ni avâng hian i chungah ka lawm takzet." Alexandra chuan a ti chhuak sap a.

"You're welcome." Brandon pawh chuan alo ti let ve a.


"Ka tan hi chuan engtiklai pawhin i awm kum khua ṭhin! I tello chuan engtin nge ka tih ang tih hi ka ngaihtuah." A nui ri deuh hak achu a thu tak hmel kher mai.


"Ṭhian te tih tur awm reng a lawm." A ti veleh mai a.


"Well, hmeichhe ho in a ṭhianṭha tak an beisei ang chi hi i ni in ka hria."

Ka inher nghut a, dimte bawk a kawngka chu hawng lehin chu hmun chu ka chhuahsan a, kawngka bulah chuan Callie pawh alo ding ve reng tawh, thawk ka la deuh hawk hawk a, "Trey i ṭha maw?"


"Ṭha chhawm ve  mai ang." Ti chauhin ka chhâng.

"I hria alawm, hmeichhe naupang mai ani tawh lo tih chu!" A ti chhuak ve sep.

"Ka hmu thei e." Ka ti hmuk, diktak chuan Alexandra hi ka little girl la ni reng tur in ka duh.

Callie chuan min rawn pan hnai a, dingdihlip deuh âk âk chung hian ka hmuiah min rawn fawhsak a, "Engtik lai pawhin kei hi min nei reng ṭhin tih hi hria ang che."

A hmuiah chuan fawh let sal ve zauhin, "Baby ka lawm e." Ka ti ve sup a.

Kan pahnih chuan kan in kuah dûn vang vang a.


THE HOSPITAL

THEO...



Sofia room chhungah chuan hmel ngui zet hian ka lut a, khuma Sofia engmah hrelo a lo let bám mai ka hmuh chuan en hrehawm ka ti kher mai, mahse khawvela ka hmeichhe hmangaih ber ani a, ka pan hnai lo thei lo, ka kûn hnai a, "Hey babe."  Thaw ipik zet hian ka rûm chhuak kawk a, tûnah hian Sofia chu eng ang dinhmunah nge a din pawh ka hre silo chu a nia, ka hmuh theih turin a mitmeng pawl raih pawh hi a meng chhuak leh dawn nge dawn lo tih pawh ka hre lo, Bahamas leh Ireland a kan hlim dun zia te kha ka ngaihtuah chhuak a, ka mittui chu hmeichhia avângin a far ve ta hial , hmeichhia vanga a vawikhat farna ani hial ang, ka insangmar ṭheuh a, ka mittui chu tlâk belh tir ka tum tawh lo; ka insehruh ṭeuh bawk, ka kûn hnai leh zual a, a heh vawt thler, hil hak maiah chuan ka fawhsak vawng vawng a, Babe pawi ka ti lutuk, min mamawh laiin i bulah ka awm thei si lo."

I rawn harh chhuak leh anih phawt chuan heti ang mai mai hian ka thlahthlam tawhlo ang che, kei hian ka venghim che anga, i rilru natna thlentu pawh ka ni tawh ngai lo ang, Sofia ka hmangaih che, ka tân tal rawn harh chhuak leh hram rawh, i tello chuan ka nun hian awmzia a nei thei tawh lo."

"Khawngaih takin min kalsan lo hram rawh, ka nung zo lo ang." A mutna piah a chiar awmna lam chu ka pan phei a  tah chuan ka mutchhuak tawng khawng tawh lutuk chu ka lo chhing sek anih ka ring, min ko tu awmtlata hriatna ka nei a, ka ngai chang leh deuh vang vang a, "Mr.Bailey."


"Hmmm, eng nge?"

"Mr.bailey i harh em?"

Ka awmna chu ka hre chhuak vat, ka tho chhuak zawk a, Sofia chu ka rilru ah a rawn lang hmasa ber, "Sofia a ṭha maw?" Ka tho chhuak nghal vat.

"Pawn lamah kan inbe lawk thei ang em?"


"Aw, minute reilo te min pe lawk rawh!"


"Aw le, pawnah ka lo va nghak ang che." A kal chhuak leh ta nghal a.


Bathroom lamah lutin ka inphih harh a, Sofia chu ka melh leh zawk hnu chuan ka kal chhuak ve ta nghal a, "Doc eng nge ni ta?"


A rawn her a, "Mr.Bailey, Sofia hi Ireland lamah flight a thawn kir anih tur thu hi i hrilh hriat ve che ka duh a."


A thusawi chuan min ti phu deuh zawk, "Eng maw?" Ka ti chhuak deuh hrawih a, "Chu tiangin ka request reng reng lo, Sofia hi a dam chhuah leh hma chuan he damdawiin hi a chhuahsan lo ang!"

"Tak tak maw, chuti anga i tilo anih si chuan a mak hle mai." A ti ve a.

Cornor bak ani hrep lo ang e.


"Thil chiangsa chu i remtihna tello in tupawhin i nupui hi an lasawn thianglo hrim hrim, chuan thil pakhat hrilh leh che ka duh, he thil pawh hi nangma duhthlanna ah a innghat a, i duh leh duhloh a ni mai."

"No, ka duh zawng a ni hrep lo e." Ka ti leh hrawih.


"A ṭha e, chuti anih si chuan nang leh Mr.Barrett chuan ṭhu chunga thil sawi fel tur innei tihna anih chu! Sofia pawhin hetianga a pasal leh a uncle inngeihlo taka an awmhi a duh ka ring hran bík lo."


"Chuan thil pakhat chinfel pui tur che ka nei sa hrim hrim a, hun te i neih chuan?"


"Sawi la."


Sofia hi arai ani tih i hre tawh reng reng em?"


Chu thil pawh chuan min tiphu leh nasa kher mai.


"Nangma reaction azirin áih ti pawhin ka pawm ang."


"I chiang chiah maw?" Ka lo hriat thawi zuau tawh thil pawh nimahse min ṭhawndan chu a ngai reng tho, ka rilru chu a buai nghal mup mup niber hian ka hria a, ka thaw a ipik hle bawmk


"Tehreng mai Mr.Bailey." doc chuan ati hmiah.


Inbengdaihnan thawk ka la ngun malh malh kher mai.


"Anih a nau pai chu engtia rei nge a ni tawh ang?"



"Ka sawi thei mai bik lo, amaherawh chu ultrasound a kan en hunah chuan a hriat theih tawh ang."

"Ok, kei pawh ka awm telve duh ngei ang."


A lo bu nghat nghat a, "A ṭha alawm, thildang hriat belhte ka nei leh anih chuan ka rawn be leh dawn che nia." Doctor nu chu a kalsawn leh ta a.


Túnah chuan Cornor nen a kan biak chu a hun tawh viau a ni. Ka rum pah nghut a.

Sofia room lamah chuan ka phei leh a ani chuan a fapai thu hi a hre kar si a, engvánga mi hrilh hre ve miahlo nge anih ang? Tih zawhna keimah a awm a vang chuan tháwk ka lâk kawk phah a, Sofia hian eng rilru nge a put ni, ka fa anih angin ka hriat ve ngei ngei tur a ni si a, nge ni alo hre chiah lo deuh zâwk? Chung ka ngaihtuahna avang chuan ka rilru a buai nuai nuai a, ka thaw a ipik kher mai, khami zan aṭang khan pang ngai taka mut ka la nei miah lo a, zanin ah ngei pawh ka men pui leh tho ang, midang kut a dah erawh ka ngai ngam tak tak lo, hospital a chhuahsan hnu ah chiah ka mu ang.


THE NEXT MORNING....

TREY...

"Theo engkim aṭha vek maw?"

Barhroom atanga ka chhuah hnu chuan Theo chu chamchin zawh ve hrim hrim.ṭha in ka hria a, túnah Callie chu bathroom ah a awm ve mek bawk a.


"Aw a ṭha e, hospitalah ilo kal ang em?"

"Yeah, ka rawn kal vat ang, mamawh te i nei em? Ka rawn ken tel sak theih tur awm ang chi che?"


"Neilo, chu ai chuan i rawn hmanhmawh angai zawk ang, Cornor  ka chansawm vek hma ngei hian."


"Engvâng maw, eng nge thleng a awm em ni?"

"I rawn thlen hunah engkim ka hrilh vek dawn che nia, rawn hmanhmawh ringawt mai rawh!"

"Ok, ka theih ang a rangin rawn kal vat ka tum dawn nia."

Theo ṭawngkam chuan ka ngaih ati ṭha lo deih hlek a, a thil tih tum chu a ti duh mai ang rih pawh ahlauhawm, a mah chu a buai ru deuh hlek ni hian ka hre bawk a, thawk ka la hawk, "Eng thil nge thleng leh tawh a?" Callie chu bathroom aṭang chuan a rawn chhuak ve nghal a.


"Tuna phone ka biak kha Theo a ni a.."

"A ṭha maw?" Alo ti hmanhmawh.


"Yeah, mahse hospital lamah ka va kal vat a ngai ang, ka va thleng vat anih loh chuan Cornor phumna tur hmun ka zawn ngei a ngai ang." Tiin ka chhâng ve a.


"Trey dik taka sawi chuan chuti ang thu te chu khawvela sawi awlsam ber i ni hial ang chu!" Min menkual khum pah ralh a.


"Babe chuti ang mi chu ka ni reng a lawm, kan inneih pawh khan i hriat vek tawh kha." Ka kut chu ka phar chhuak deuh zauh a.

Ka thawmhnaw dahna lam chu ka pansan ta a.

"Alexandra nen vawiin hisn kal chhuak ta ang ila kan pahnih tan a him ang em?"


"Yeah, ti nge?"


Vawiin chu Alexandra nen shopping dun ila ka lo tideuh a, inchhung mamawh te pawh lei a ngai tawhin ka hria, mahse Alexandra hi kal chhuah ala hlâuthawng deuh tlata hriatna ka nei a, rawn tho chhuak ve phawt sela eng nge a ngaihdan kan hria ang chu!"


"Chuti ang engmah ngaihtuah tur a awm tawh lo, Cooper kal pui tur che u in ka lo ti dawn nia." Ka thawmhnaw dahna chu hawngin suit dumpawl rawng thim lam pang hi ka inbel nghal mawlh mawlh a, ka zawh hnu chuan Callie awmna lamah chuan ka phei leh nghal a, ani chu towel hi alo la bih ṭat a .


"Thawmhnaw dum i in bel dawn lo maw?" A ka deuh hau a, a kâ chu a âng deuh pam bawk.


Ka nui chhuak suk a, "Baby celabrating ka ti dawn lawm." Ka kûn hniam a, a bengbul chétah chuan ka phun khum sup a .


"Eng celebrating maw?"


"Fang ho chung chângah maw le, zanin hian ka mi te nen warehouse lamah intur no tlem azawng kan dawm ang, kan chak chuan celebrate kan neih ziah ṭhin kha."
Ka mit ka siai khum leh zauh a.

Callie chu a meng kual leh ralh thung, ka pan hnai a, a darah ruak kângah chuan dawmin, "Khatin min menkual khum ṭhin teh suh Mrs.Bailey, lesson zirtir natur che in hun ka nei rihlo a nia."


Callie chu a nui chhuak hak hak a, "Mimawlpa heta ṭang hian chhuak vat mai rawh!"

A hmuiah chuan duhthawh zet hian ka fawhsak a .

"Ka hmangaih che." Ka phun chhuak leh sup a.


"Kei pawhin ka hmangaih che." Ka chhuahsan ta  a, hospital lam pan chuan hmanhmawh zetin ka inkhalh chhuak a, Theo chu ka beleh a, hospital cafeteria a a awm thu min rawn hrilh hnu chuan hmanhmawh zet hian chu lam chu ka pan ta nghal a.


THEO...

Dad ka biak zawh hnu chuan Cornor be tur chuan kal aṭha in ka hria a, a awmna tur awm ang pawh ka hre mai, cafeteria lamah bâk túnang hunah chuan a awm pawh ka ring lo.


Ka va luh chuan ka rin ang ngeiin ka va hmu reng bawk a, coffee no hi a lo dawm a, a in pah zauh zauh bawk, a bul chu ka va pan hnai a, "He hmunah hian ka hmuh che ka inrong renga." Ka ti nghut a, ka melh rum ngang mai .


"Coffee ka lo in mai a nia, chu chu a diklohna a awm em ni?"

"Uhh, kha chu dik lutuk e, mahse i,ngaihtuahna a ka nupui ka lak aṭanga mi hruai hran sak tuma he country chhuahsan pui duhna hial rilru i putna erawh kha chu a dang daih." Ka tihkhum ta chhur chhur a, ka melh rum ûl bawk a .


"Heti ang thil hi a rawn thlen ka lo ring reng ah." A ti ve hmuk.


"Hrep tak che chuan, eng infiamna nge maw i hman hrep chu le?" Ka thinrim lutuk tawh chu ka insum hman lo.


"Eng infiamna mah ka hmang lo, Sofia hian Ireland a kir leh hi a mamawh ka ti chauh záwk a ni e."

"Eng vâng hrep chuan nge a mamawh ang a?" Ka kut tum chu chu pa sakhmelah tak chuan thlawhphei tir fua châkna a vângin ka hum ruh pah ngawt ngawt bawk.

Thawk ka la deuh hawk a, "Cornor hetah hian thil pahnih ka han hrilh chiang law law teh ang che, pakhatna ah chuan ka dawh theihna zawng zawng te nang hian min tlâkchham tir zo tawh, pahnihna ah chuan ka lakah thil tihsual lian tak i nei bawk."


"Theo relax." Ka pa chu kan hnung lamah chuan alo ding ve reng tawh hi alo ni a.


"Ka hlau hauhlo che, a landan ah Terence ang mai a mi chunga in luling tak leh eng ti tak tak thei mang silo i nih duh hmel, Terence khan ka ngaihtuahna atihbuai theihloh ang bawkin nang pawh hian i thei chuang lo ang."


"Uhh, Terence khan a tibuai miah lo che maw? Chuti si engvânga Sofia nu thih hlim.khan Sofia chu Ireland aṭanga an hruai chhuak tur kha dang theilo nge i nih?"


"Kha chu thil awlsam tak zawng anilo a lawm." A ti veleh hruih a.

"Nang ang midawihzep tan chuan engkim hi a awlsam ngailo ang." Ka ti leh hmiah a.


Chutia ka ṭawngkhumna avâng chuan a coffee inna cup chu dawhkanah chuan q hung thla ṭhuai a, a hmel pawh chu a thinrim ve hle ani tih hriat zet hian a sur ve khuih khuih bawk a, mahse ani chauh chu thinrim a ni bîk hauh lo.

"Min hrelo lutuk, engtiang chiahin nge ka hnena Sofia alo kir leh theihnan a ka beih nasat tih pawh i hre lo." A ti ve tuarh a.

Midang ho chu an rawn.hawi deuh ṭhup hlawm a, "Kan dik zawk anih chuan kan beidawng lo turah ka ngai." Katih khum leh hmiah.

Ka thusawi chu chhunzawm leh nghalin,"Chuan hei hi ka hrilh ang che, Sofia hi ka nupui a ni a, ka fa apai mek bawk."

"Chu thu ka sawi chhuah chuan a shock hle hian ka hria, a memg phawk hru a, ramhuai hmu ta te pawh a ang lek lek, "Chuan ka nupui hi ka lak aṭanga min lâksak tum tu chu tu mipa pawh ni rawh se ka that ngei ang."


"Sofia a rai a maw?" A rawn la ti deuh hu a.

"Chu chu a chiang tawh em ni son?" Ka pa ngawi remga lo ding ve reng chuan a rawn ti ve zauh a.

Ka pa lam chu ka hawi phei a, "Sorry dad, kha chu nakinah ṭha taka hrilh che ka lo tum a, kei pawhin nizan khan ka hre ve chauh tho a."



Nang leh a mah hian ṭhu chung a thil ṭha taka insawi dum a ṭulin ka hria, Sofia pawh a rawn harh chhuah hunah hetianga inhnialna innei ani tih ahriat ngat chuan in pahnih chungah hian a lawm hauh lo ang, i nu bulah kir lehin ka biak a ngai leh dawn ta a nih hi!"


Rum zet hian kan pahnih chuan min rawn melh tawn leh rûn a, "Inpahnih hian in inkara thil fello awm chu chingfel vat ang che u, chuti anih loh chuan ka rawn kir leh ang a, Terence ang mai khân inpahnih hian teddy bear ah ka chhuah ngei ngei ang che u, hre ringawt mai rawh u, ka ti ang ti a ka sawi tawh tihlehloh hi ka nei khat khawp a nia." A ti ve ta phiar phiar a.


Kan lo bu dun nghut a chu ka pawm zawng ani chiah lem lo, tûnah pawh he pa chal dara ka silai mu ka la thun loh chhan ber pakhat chu, Sofia uncle hmangaih tak anih vâng chauh a ni.

Ka pa in min kalsan hnu chuan kan la inmelh rum dun kher mai.

TREY....

In lam panin ka inkhalh chhuak te ta a, kgami te pahnih inhnialna kha ka ngaidan mai maiah chuan hmeichhe pakhat an hma ngaih tawn ve ve chu an inchuh niberin ka hria, pakhatin a laina hnai neih chhun leh a duat em em anih avangin a chuh a, pakhat lahin a hmangaih tawh em avâng leh a fa te hial alo pai tawh avanga chân hlau chuh ani ve bawk a, ka ngaihtuah let leh ringawt pawh chuan hahthlâk ka ti, in panna kawngkawi lai chu ka thleng a, ka car khalh lai chu ka herh kual pawp a, ka break ri tuarh bawk, thawk ka lák hawk hawk hnu chuan an duh leh an pahnihin lo chingfel mai rawh se, vawiin ni ah phei chuan rilru a thildang ngaihtuah rûnin ka awm duh lo.


 Zan in hian fangs ho kan tih boral tak avângin ka lawm leh dawn a, chumi hnuah chuan deal ka la neihpui leh zawk a ni ang chu, car ka start ṭha leh a, in hung chhungah chuan ka inkhalh lut ta nghal a, ka va lut chiah Alexandra leh Callie chu ka hmu nghal a, an la kal lo ani maithei a ni.




"Hey dad." Alex chuan alo ti sap a, Huter-a Brandon ka hre chhuak zawk, mahse ka thinrimna chu ka thunun leh vat.

"Hey sweetheart!"

"Cooper kan lo nghak mek a, mall lama min va thlah turin." Callie chuan alo ti ve a.

"I va thang reilo leh si ve, eng nge lo thleng reng reng a?" A tih zawm leh nghal a.


"A fala ka biak che a ngaiin ka hria," Alex minute reilo te chhung min lo pe lawk thei ang em?"


"No, Theo leh Sofia chung chamg thil anih chuan hriat ve ka phu a ni, dad kum nga mi pawh ka nih bîk tawh loh hi!" A ti ta hlar a.


"Ok, Trey,  engpawh nise sawi chhuak tawp phawt teh, Alex hian ala hre chhuak tho tho dawn a, alo hriat chhuah hma deuh chu a pawi hran lo ang." Callie chuan dawhtheihloh hmel zet hian a ti chuak hraih a.



"Sofia kha a rai a nih chu!"


Callie chu a phuzawk a, a ṭhawng hle bawk, Alex erawh chu a hlim kher mai, a kut a beng zauh a, a zuang deuh chiam a, a khek ráih bawk.



"I ti tak tak em ni?" Âwih ngam chiah silo ringhlel ru tak hian Callie chuan a rawn ti ve a.


Ka lu ka búk khum nghut, "Alexandra chuan hlum zet hian, "Túnah chuan nutei ka ni ve dawn ta." A ti chul a.



Ka kut phar chhuah zauh pah hian, "A landanah chuan a nia lawm." Ka ti ve sup bawk.



 "Kiara ka han call lawk teh ang, chanchin hrilh ve ka nghakhlel lutuk." A kalsawn ta nghal vat a.


Alex kal sawn ták hnu chuan Callie chuan min rawn en chho a, "Seriously Trey, he mipa naupang hnenah hian nun dan dik tak i hrilh fiah ngailo tih na ani maw?" A chal a dawm pah zauh a.




"Hey, min mawhpuh miah suh, kei hi râi tir tu ka ni miah lo a nia, engpawh nise, warehouse lamah ka kal ahun tawhin ka hria, ka mi te ho in min lo nghαk reng tawh, Cooper chu ka rawn tur dawn nia." Ka ti nghal zung zung a.


Min menkual khum ralh a, a tum deuh hmam bawk, "Grandma nakinah ka rawn call dawn che nia." Kun hnaih pah chuan ka ṭhenkhum suk a.

"Hey, ben na tur i zawng te a ni lo maw?" Nin melh thîp hlar a.


Za zet hian ka nui chhuak ta hawk hawk a, "Zawng chiah lem lo, tû hmel i han hmu mai tur hi ka lawmpui vang zawk che a nia." Ka siai khum leh suk hnu chuan ka chhuahsan leh ta a.


THE NEWYORK HOSPITAL ....

THEO...

Cornor nen chuan Sofia room ah chuan kan awm dún a, mahse kan inbe hauh lo thung, chuti ang chuan darkar eng zah chiah nge kan awm tawh ang tih pawh ka hre lo, ka ngaihven lem lo, Sofia chauh chy ka ngaihven a, Cornor chu ka ṭhutna ṭhin chair ah chuan ṭhu in, kei Sofia khum a ke lamah ka ṭhu thung a, ka hawi chhuak zauh, khua pawh a tlai lam ruih tawh, Cornor chuan rwmchangah lo la in a aw athian pah khurh a, a rawn ṭawngchhuak ta a, "He thil chung chang hi kan sawi dun dawn em?"


A lam pawh hawi chuang lem lo hian, "Nang nen hian engthil mah sawi dun tur kan neih ka hre lo." Ka tih khum hmuk.


"Kha chu a inngaihhniam thlâk deuh mah mah lo maw?"

"Ka ṭawngkam i ngaithla duhlo anih leh, kawngkhar awmna chu i hriat kha."


"Sofia tello chuan khawiah mah ka kal bik lo ang."


Ka ding chhuak zawk a, cornor lam chu ka pan phei a, rum zet a melh chhuk rûn pahin, "Sofia hi khawiah mah a kal dawn lo, chu chu kha i thluak burah khan i thun thei hrep tawh lo em ni a?" Ka ti ta khur khur a, ka thin arim hle bawk.


A rawn ding chhuak ve a, "Ka lo ngaihdan chuan kha chu ama duhthlanna ni in ka hria, chu chu i hre ve lo em ni?"


"A nihna takah chuan ni chiah lem lo, Sofia hian ka fa apai a, chhan leh cang awmlo in he country hi a chhuahsan ringawt theilo ang." Ka ti leh hmiah, ka hmui chu ka chip hmak bawk.



"Chu, a pa ngeiin atih ang chiah khan nang pawhin i bula awm turin i tilui ve dawn tihna a ni naw?" A rawn vin chhuak tuar a.


A aia ringa vin khum velwh in, "Sofia hi ka hmangaih a, engmah tihluih na hman pawh ka tum hek lo, a mah chauha a awm hi a him lo ka ti vâng zawk ani, ka hlata a awm chuan ka venghim thei dawn lo, hetia ka bula a awm hian engtiklai pawhin kei hian ka venghim thei ani, chuvâng chuan nangpawhin buaina siam luih tum miah suh ang che."


"Buaina innei em ni?" Sofia doctor chu arawn lut a.


A lam chu ka hawi phei a," Neilo e." Ka thaw pah hawk bawk.


"A ṭha e, Mr.Bailey ka be lawk thei che ang em?"

Doctor lo dinna lam chu ka pan phei a, "Eng nge ni ta doc?"

"Tùnah tak chuan Sofia pawhin ṭhat lam a pan chho a, a landanah pawh arawn pangai chho ve zel tih a hriat bawk a, chu chu a report a a landan a ni."


"Ok."


"Chuan naktuk tlailamah ultrasound pawh ti ila kan ti a, chumi hnu ah chuan anaupai chung chang pawh hi kan hriat belh thei tawh ang."


"A ṭha lutuk." Ka ham deuh sek mai a, ka mut a chhuak ve tawh tak zet.


Doctor chuan min rawn melh chho a, "Mr.Bailey thurawn ka pe ang che, inah haw la, shower re hmangin reilo te tal pawh lo va mut hahdam tum rawh, mut i mamawh tak zet anih kha, hei Sofia pawh chan chin ṭha lam kan hriat belh zel a, rawn harhchhuak thut thei dinhmunah a ding remg tawh a, a rawn harh chhuah huna khati ang hmel a hmuh chuan i chungah a lawm vakin ka ring lo, nangmah leh nangmah i inhrem ni.aiin ka hria." A ti a.

"Ka ṭha alawm." Ti in ka chhang ve mai bawk a, ka mut erawh a chhuak kher mai, mahse Sofia kalsan nan erawh ka hmanohah ka ring lem lo, ka,awmloh lai takin a rawn harh chhuak emaw kha a ni ang a, chuta ka hmel hmuh tur a aneihloh chuan a hawi hâi lutuk palh ang tih chu ka thil hlauh ber a ni.


Ka phone a rawn ri ral ral a, ka en chuan dad alo ni a, ka pickup ta nghal a, "Dad?"

"Theo zanin warehouse lamah celebrating neihna ah khan i rawn tel ve thei dawn em?"


"Dad, ka rawn kal theih ka inring lo, warehouse lamah chuan, min lo hrethiam mai rawh u."


Ka pa ṭawngkamah chuan a lem nual tawh ani tih hi a hriat reng mai a, "Theo i hriat kha, kan chak kan lawmna ah hian kan kal vek ṭhin tih pawh."


"Ka hria alawm, enteh eng nge ka tih theih kan en phawt dawn nia."


"Ok, ka lo beisei reng che a nia."

"Ok, nakinah ka rawn beleh dawn che nia."


"Kal rawh, zanin chu kei man Sofia chu ka lo awmpui ve ang e."

A lam chu ka hawi phei a, "Lo en tur hian ka rin che i ring reng reng em maw ni le?"


"Well, he hmun aṭanga tuma hriatloha hruai chhuah chu ka harsat viau ka ring, ka jacket hâk hnuaiah hian ka thukru thei te anih lek loh phei chuan."

"Chuti ang thil pawh chu ka tih tir hauh dawn hleinem che." Ka tih khum leh nghut.

"Kal ringawt mai rawh, i number erawh hnut chhiah la, thil eng emaw a thlen tâk thut a ka rawn hrilh theihna tur che in."

Ka ngawi deuh rûn rún a, chutah tihian ka chhang ta a, "Thil eng emaw te tham te pawh thleng nimahse min rawn call ngei a ngai ang, i ngaiha thul te tham te pawh kha ka ngaihah chuan ani ve hauh dawn lo a nia." Ka tih khum leh nghut a.


"Ok, ka lo ti ngei dawn nia."

Sofia bulah chuan ka kal phei a, a chala fawhsak zauh pah hian, "Babe ka reilo ang ka rawn kir leh thuai ang tih ka tiam ache." Tiin ka phun chhuak sup a, hospital chu ka chhuahsan ta a.


In kava thleng chu pawnah ka car chu park ṭha in inchhung lamah ka lút nghâl a, ka nu chu sitting roomah awmin lehkhabu alo chhiar a, "Hey mum." A lam ka pan phei nghal a, min hmuh chuan a phu nasa kher mai, "Theo engkim aṭha maw?" A ti chul a.


"Aw, engkim a ṭha e." Tiin ka chhâng ve vat, ka nu chuan hospital ka kal chhuahsan arinloh lutuk avângin ka hmel ahan hmu thut chu a hlauthawng hle a ni tih hi a hriat a.


"Ka rawn haw nachhan ber chu shower hmang turin leh ka thawmhnaw te thlâk a, warrhouse lama kan mi te hmu lawk tur chauhin lawm." Ka tih zawm leh thuai bawk a.

Ka nu chu a nui chhuak thei ta a, chuan heta i rawn kalna chhan a ka lo rindan i hre duh em, ngaihdam min rawn dil turin emaw i rawn kal ka lo ti hman tawh a sin." Min nuih pah rah rah a.


"Eng chung chαngah nge ngaihdam chu ka dil ang che?"


"Oh, kum la naupang tak chung a pi duhawm leh hmelṭha tak a min siam tâk avâng hian maw le."


Ka nuih za lutuk chu ka nui chhuak ve hawk hawk a, "A nih ka duhawmlo ti a sawi i tun deuh tihna em ni chu?" Ka nu chuan min lo melh chho reng ani tih ka hriat chuan, "Tehreng mai mum, khawvel a nu ka hmuh tawh zawng zawngah nang tluk a hmelṭha leh duhawm hi ka hmuh pawh ka la hre lo." Ka ti ve ta a.


Ka nu chu a nui chhuak hak hak a, a biangah chuan fawhsak zauh pahin inchung lam chu ka pan chho ve ta a.


Ka inthuamna te phelha bathroom a ka luh hnu chuan, tui chu ka herh hawng a, uluk zet chuan shower ka inphuh tir a, ka rilru erawh a nuam thei tak tak chuang lo, Sofia la kalsan avâng khan ka inthiamlo ru hle a, ka kal chhuahsan hlânin thil engawm a lo thleng palh thut ang tih ka hlauhna avâng chuan ka ngaiha ngam thei thlawt lo.


Zanin chauh chu ka tello a alo awm theih hrâm ka beisei tak zet, hetia kalsan hi ka duhzawng anilo bawk, mu kher lo in ware house lamah kalin no khat intur ka dawm zuai ang a, chumi hnuah duh leh hospital pamah ka kir leh mai ang, tiin rilru ka siam ta zawk a.


Bathroom aṭanga chhuakin ka thawmhnaw hâk thlak tur chu ka thlang chhuak a, nidang a ka thawmhnaw inbel ngai loh ang tak coat airforce blue colour chu ka thlang chhuak a, ahnuai a hâk turin shirt var hlak ka ha bawk a, cotton jeans gray ka ha leh bawk a, ka kekawr hâk rawng ang chiah loafers chu ka bun leh bawk a, darthlalang hma ah chuan dingin ka in en vung vung a, "heihi ka style chu ani hauh lo, mahse ti hian pa ka ang ve tho chuan ka hria." Ti a phu chhuakin ka nui pah suk a, pawnah chuan ka chhuak leh ta a, ka car chu start leh in warehouse lam pan chuan ka inkhalh a, kawng ka tlân chhung zawng  chuan ka la inngaihtuah a, pa ka han ni ve  mai tur chu ka la ring theilo hial zawk, "Tùnah hian kum 20 ka pel ṭawk chauh si a, fuck." Ka rum chhuak hrawih bawk.

A mah erawh chu mak deuh maia lawmna rúk tak nei hian ka inhre bawk si.

Ka chungah hian eng thil nge thleng ta tih pawh ka hrethiam pha hrep tawh lo, Sofia hian ka nun zia zawmg zawng chu min thlâk danglam sak vek nimai hian ka hria.

Naute ka han nei mai tur hi chu ka hlim em? Tih erawh ka hrethiam chiah lo.


"Diktak chuan Theo, i ngaihtuahna zawng zawng te hi i hloh zo vek tawh ani zawk mah." Mahni leh mahni chu ka inbe mawlh mawlh a.


Warehouse chu ka lo thleng reng tawh a, ka car chu inhnunglamah chuan ka park ṭhat te te hnu ah, inchhungah chuan ka lut ve ta a, kei tihloh midang chu an lo kim vek tawh, ka pa pawh ahmel hmuh anuam kher mai, "Theo lokal rawh, hei toast kan lo ti leh dawn mek ania." Ka pa bul lam chu ka pan phei a, champange glass pakhat hi ka kutah chuan rawn thlanin a glass chu a chawi kαng a, "Fangs ho táwp nan."

A sawi zawh chuan keini pawh chuan asawi ang chuan sawi veleh in kan no chu kan khak tir ta hlawm a, glass a champagne awm ka tlâk zawh hnu chiahin number ka save loh aṭangin phone call a lo kal a, "Ka lâk angai tlat tiin kilkhat lam chu ka pan phei a,"Hello?"

"Cornor ka ni a, hospital lamah i lo kal leh vat angai."


"Engkim a ṭha maw?" Ka rilru ah Sofia alang hmasa ber, ka ngaih aṭha vak lo bawk.

"I theih anga rangin rawn kal vat rawn tum phawt mai teh!"

Phone chu ka cut nghαl a, "Theo engkim a ṭha ang chu maw?" Ka hnunglam aṭang chuan ka pa chuan a rawn ti ve a.

"Dad, hospital lamah ka kal leh vat a ngai ang."

Hmanhmawh tak chuan ka kalsawn nghâl a, "Rawn kal pui i ngai ang em?" Kawngka pui ka thleng hman der tawh, "Ngailo ang, ka rawn call dawn che nia." Ti a âu zui lehin corridor lamah chuan ka tlαn nghal hlawk hlawk a, ka car dahna pawh ka thlen chhung areilo kher mai, hmanhmawh takin hospital lam pan chuan ka inkhalh chhuak ta nghâl a.

Kal kawng ka tlân chhung zawng chuan Sofia chu a zual thut nihian ka ngai a, ka rilru hah lutuk chuan ka car khalh te chu amuang riau a hriatna hi ka nei a, ka thinrim ru ṭeuh mai.


Hospital ka thlen hnu chuan ka car ka park rawk rawk a, hospitalah tlan lut nghalin Sofia room lam chu hmanhmawh phelengin ka pan phei a, kawngka chu ka nam hawng rawk a, Sofia roomah chuan doctor hi lo awmin khuma Sofia mu chu alo check mawlh mawlh a, "Sofia chu eng nge a an?" Ka ti nghâl tawl a, doctor ina a dinhluah tlat avαng chuan ahmel tak erawh ka va hmu thei lo, dotor chu a rawn hawi chhuak a, "Mr.Bailey a ṭha e, lokal rawh."




Ka va pan hnai a, doctor chuan mi lo nuih vur vur pahin a kal kiang a, Sofia hmel ka han hmu chiah a mitmeng pawl ram mai ka hmu thut chu ka phu nasa ngei mai, ka hnaih phei nghâl ruak a, "I lo harh chhuak tawh maw?"
Ka maktihna mitmeng chu thunun leh thuaiin ka nuih suk a, "Babe eng nge i an, na te ila nei em?"



A mitmeng chu abuai deuh nak a, a mitmeng nalh zet mai leh pawlram chuan mi rawn enchho in a buai nak bawk, a heh ro halh mai chu a liak huh zauh a, a hmui chu rawn phun chhuakin "Tu nge i nih ?" A rawn ti ta mai a, min ṭhawng kher mai, kha leh chen a harhchhuah nghâkhlel takin ka lo tlir ve a, ka ngaihzia thu ka hrilh ve ang chu ti a ka lo suangtuah laia tunge kanih a hre lo ta tlat mai chuan min ṭhawng hle mai, a hriatna ahloh nge ni ta ang? Ka ti ta hial a, ka nguai nghâl rawih rawih bawk.


Zan hmasa ang em em kha chu anithei talo a ni e, ka type hnem tehreng nen ka tibo ta vek mai si a, hei pawh chapter 5 thleng chiah post tur kan nei ve ta, a zo ve ṭep tawh e.

SEDUCTIVE CHAPTER 23

    

  SEDUCTIVE CHAPTER 23

Hei pawh edit hmanloh leh bawk.

"Kha chu pawm mai la, miho hian i chung châng engkim anhrevek tawh a ni tih hi."

"Tún hnu ah hei pawh  hi ngaihtuah tawh bawk ang che, nangma private hun hman i duh anih chuan a rùk thei ang bera i tih angai tawh ṭhin ang tih hi hre reng ṭhin tawh ang che."

Engmah sawina châng pawh hrelo hian ka kâ chu ka la âng pam a, ka nun zawng zawng chu a inthlâk dang lam mai pawh nilo in a inlet thawk zâwk hian ka hre ta zâwk a.

"Elaenor i hmui i chìp thei tawh ang."

A kalsawn nghâl a, Oh, dear Lord engtin nge ni ta ang? Thla reilo te kalta kha chuan tumahin tunge ka nih tih pawh anngaihven ngailo a, tùnah chuan ka nundan engkim an hrechhuak vek a, private hun hmang tur pawhin a rùk a tih angai ta tihna maw?

Wesley kalna lam chu ka úmzui hlak hlak a, a kal chak phian mai leh nghâl, amah úmpha tur chuan ka tha neih tâwp a tlân leh angai hial ang.

Wesley ka zui luhna hmun chu restaurant hi a ni a, inchung  view nuam zet ah ani bawk, heti ang réng rèng a restaurant mawi leh nalh hi kala hre lo hial, 

"Wesley he view hi a mawi lutuk." Ti a ka phun chhuak sep chu alo hre fuh chat a.

"Keimah anga mawi hi em ni?" Min siai khum deuh suk a.

"Khatia min,melh  ṭhinna kha bánsan teh!"

Eng tin vak nge ka melh ṭhin le? Oh, ka lo melh rum leh rám tawh ani ngei ang le.

A bulah chuan ka kal phei a,"Wesley he hmunah hian ka awm duh lo."

Maksak chu min ti the viau ang, tûn lawk khân nalh ka tihzia thu hrilhin chumi hnu lawkah awm ka duhloh thu ka sawi leh a, mahse túna ka waitress dress nen hi chuan khawiah mah ka awm theilo ang.

"Engvâng chuan maw?" Ka lo rin lâwk sa ang chiah chuan mak tih hmel zwt hian min nerkhum deuh sawk a.

Ka waitress dress nen ka la awm a, thuamhnaw pángngai pawh ka la inbel loh hi!" Sen deih ṭán ṭan chung chuan ka sawi chhuak a, ka sen ka rin chhan pawh ka biang a sat leh hat hat ták vâng a ni.

"Oh, lo nghâk lawk rawh, ka carah thawmhnaw ṭhenkhat ka dah tak ka zu la ang e." Tih leh chhuah a rual nghál a.

Rei pawh a thang lo, a kuta kawr pakhat keng hian a rawn lét leh a, kawr chu ka kutah a rawn dah a, "Kha heihi i kawr chungah khân hák hnan rawh."

Wesley silk shirt dum chu ka kawr hák chungah chuan ka hák hnan ta a, kei chuan ka ha zo lo lek lek a tháwl hnak mai a, mahse ka pawisa,ther te lo, a thawmhnaw hák châk hian hmeichhe tam tak an kat nuk awm si a, chu loah a rim ala nam vang vang thei a, a perfume inkah rim pá zet leh rimtui èm ém si te chuan a taksa ka hnim hnâi renga inngaihna min pe bawk..

"Naktûk trip kan neih turah khán engkim i peihfel vek tawh maw?"

"Naktuk maw ni tawh a?" Ka phu deuh zawk, engtin nge ni ka lo theihngilh theih záwk le!

"Yes." A in kuangkuah pah hlûn a.

"Ka lo hre leh reng reng tawh hleinem sorry." Zàm avâng chuan ka bân ka tuai pah neuh neuh a, Wesley hmelah tak pawh ka enngam lo.

"Vawiin chhung zawng khân engthil nge ilo ngaihtuah pek a, mipa dang a nih ka ring."

"Aw, mipa dang ka ngaihtuah maw le." Nui sang chung hian a ṭhutna lam chu ka va enphei ve a.

"Oh, yeah?" A meng nur deih hlek a .

"Yes."

"Eng nge a hming?" A thu tak rûn nghâl a.

"Uhh, kha chu ilo ngaihven ve natur a awm hauh lo." Ka mitko sán khum âk pahin ka dar ka sân khum zauh bawk a.

"Well, ka ngaihven lo ve, mipa dang bula i hun hman danah, min hmangaih tih hi ka hria a, chu vâng chuan ka lo hlauhthαwnna chhan vak tur hi awm pawhin ka hre hran lo."

Damn it. Ka chal ka tuai deuh zauh a.

"Eleanor."

Ka thlenga eitur zu hâwp vat pah chuan, "Thil ei ka duh, khawngaihin i hmui kha i chîp thei em?"

"A pawimawh a lawm." A thaw deih hawk a.

"Eng thil nge ni a?" Ka ti lrh ta nge nge a.

"Ka chhungte i hmuh hunah..... ka chhungte ho rèng rèng i hmuh hunah, kan inhual tawh thu hi hrilhlo ang che, achhan chu kan inkawp tak takah an ngai palh ang."

He thil hi thutak nituein la va han duh tak em, dawt muhlum mai mai nilo in.

"Wesley anih he kan dawt o
phuahchawp hi engrikah nge a tâwp ang?" Rilru na tak chuan ka ti chhuak halh a.

"A awlsam lutuk, min hmangaih tak tak hunah chuan dawt kan sawi kan sawi hi a ngai tawh dawn hleinem."

"Eng maw?" A thusawi chuan min ti phu chiang lutuk.

Ka hmel putdan phawk lutuk chu lâwmloh hmel zeta rawn en zauh pah hian, "Ka tifiam anih kha." A ti leh nghâl a.

"Naute hi kan kuta a awm veleh keimah nena awmdun kher angai tawh lo ang, chu chu anilawmni i duh chu? Ti chuan ila single reng ani tih hi i sawi thei tawh ang, chuan naute kan nei dún a ani mai."

"Chu chu maw naute kan neih guna kan dinhmun tur chu....?"

"Eng nge i thusawi awmzia Eleanor?" A rawn meng nur deuh nûng a.

"Kan hun lo tawn dun tawh zawng zawng te kha engmahlo ah a chang dawn tihna a ni maw?" Chu thil awlsam taka ka sawi chhuak thei chu mak ka inti záwk, kan pahnih a kan hun lo hmandun tawh dân zawng zawng kha thlîr lét tham ani ve tawh a, mahse a sawi dân hmangah chuan engmahlo mai a chang leh ta dawn si.

"Eleanor, ka lo hrilh lâwk tawh ang che khân, hmangaihna hi ka ringlo ka tih tawh kha, khami zân pool a ka hrilh che kha fiamthu a ni reng reng lo." Thâwk ala ri hawk a.

Khami zân pool aṭang khân kei chuan thul engkim.a inthlâk kati lo theilo, khami zân khân he pa lakah hian  feeling ka nei tih ka hrechhuak anih kha, "Mahse...ka hrethiam lo, ka hrethiam theilo." Ka ti chhuak leh sep a.

A ngawi rùn thung, "Hei hi hmangaihna anih loh chuan engvαnga heti anga ka laka rilru pu nge i nih? Eng rilru nge i put Wesley Cooper?"

"Eleanor....." a meng khup ve lup a.

"I thil tih hi pawi i ti tiraw? Chu chu ka laka i rilru put dân chu a ni em?"  Ka tum nimiah lo in ka biangah chuan mittui a luang chhuak a, chu thu ring taka,ka sawi chhuah avâng chuan tute pawh mai chu an ngawi ṭhuap hian ka hria, Wesley chuan ngawi reng hian min rawn melh a, amitmeng chuan inbeng dai tur hian min rawn ti a.

Ka aw ka thian kharh a, a hma aia zâwi fe zâwk hian, "Ka bula i awmchhan hi nawmchen tur ringawtin ti raw, a dik em?"

WESLEY COOPER....

Chu thu Eleanor ina ka beng hriata a rawn sawi chhuak chu ngaihthlαk hre awm ka ti kher mai, a bula ka awm chhan ber chu nawmchen duh vânga min ngaihna hi.

Eleanor Garcia ka keimahah hian eng thil nge i tih tih chu i hre lutuk tlat..

Ka tâna i ṭhat tâwk zia pawh hi i hre remg bawk.

"Ka bula i awm chhan hi nawmchén tur chiahin ti raw, chu chu i lo tum dân sa ve reng a ni em?"

"He dâwt hi engtikah nge a tâwp ang tih min zâwt a, ngatinge kan pahnih awmdun loh chu i ngaihven leh viau lawi bawk si chhan?" Ka ti ve ta hmuk a.

"I hrethiam chuang lo ang, theihnghilh rawh!"

"Pawi kati lutuk, haw tawh ila aṭha in ka hria, naktûk zingah darkar tam ve kan thlawh angaih hmel si a." A ti ta daih a.

Eleanor Garcia heng thil zawng zawng thlαk thei tu tur word pathum kha ka hriatah hian sawi chhuak thei nila chu engkim hi a dik vek mai tur ani a...mahse naktûk hian Paris ah kan awm tawh dawn a, tah chuan ka tâ i ni tawh ngei ang.

Ka hawi chhuak a, ani chu alo awm tawh lo hrim hrim, inngaihtuahna hun thâwl amamawh ringin ka zui duh ta lo a, kei pawh zing thawhhma ka ngaih avângin phúrlo zet hian inlam chu ka pan ve ta zâwk a.

THE NEXT MORING....

ELEANOR.....

Zing ka thawh veleh chuan bathroom lam ka pan nghâl thuai a, shower hmanga ka inbual hnu chuan towel a intuam ṭat chung chuan ka chhuak leh a, Sam ina ka tâna kawr min lei sak chu ka dah ang ang hian alo la awm a, "Sam hi chu ka tân chuan a duhawm ṭhin a nia." Tiin ka phun chhuak sap a, ka nui var var bawk.

Bag chu ka en ta a, uhh, Wesley nen trip kan neihna hmuna hαk tur thuamhnaw nalh zet min hnutchhiah reng anih hi, ka tân hi chuan hmeichhe ngilnei tak chu ani chiang alawm.

Note hi thawmhnaw adahna chungah chuan alo dah bawk.a, ka chhiar hmasa zet phawt a, Hey, Eleanor!! Wesley laka i rilru put dân hi a vawt mah mah deuh chuan ka hria, Wesley hi tlém tal chuan chance pe ve rawh, alaka nelawmlohna i lantir char chat mai chuan thil a fel theih ka ring lo, tlem chuan flirt ve ṭhin ang che tih hi ka chah duh che chu a ni, chu chu tih theinghilh hauh suh ang che. C'mon girl i ti thei ngei ang tih ka chiang a nia, mipa rilru sak zet mai ani a, nangtal chu alakah nem ta ang la i hma zawnah atlu mai ang, a wn dan ṭhin che hi ka hai ngai hauh lo, rilru sak leh rilru sak indawr tawnna hian eng thil mah kawngro a su ngailo a nia.

"Sam leh....

A thawmhnaw min leisak ho chu ka thingpharh diat diat hlawm a, eng kawr ber nge ka hâk ang tih ah ka buai ru tlat, Sam note lo dah khαn min ti zâm hle bawk..

Kekawr tlawn dum leh crop top ban tlawn asen leh a duma ṭial chu ka inbel ta a, hnuailamah boot rawngsang lo tak hi ka bun bawk a, ka sam chu hnung lamah ka ṭawn mawl tawp a, powder tlem.inhnawihin lipstick ka inhnawih a, maskara ka hmang ve zeuh bawk, tlemin maskara ka hman hi chuan ka mitmeng zìm lam pang chu a ti lian ve deuh hlek a, mahse Wesley nen kal dùn tur kan ni a, mitmeng tihlen hranpa pawh angaih ka ring lo, abulah hi chuan ka menglian âwk âwk zel ka nui chhuak sak a, ka thawmhnaw dahna suitcase nen chuan ka innawr chhuak ve ta a, pawn ka va chhuah chuan Wesley chu alo awm lâwk sa leh diam tawh, engtikah mah he pa hi ka khalh thei ngailo ang, mi hnungchhawn zâwng hian phone alo be mawlh mawlh a, athinrim hmel kher mai, chuti ang mipa chu Sam chuan flirt turin min ti a nia le, thâwk ka la halh a, a hnungah chuan.va ding ve in a phone biak zawh hun chu ka nghαk ta veng veng a, lo biak buai pawh ka tum lem lo, kan pahnih mood achhe leh vek ang tih ka hlau, mahse flirt tih ang reng kha chu a chi pawh ka ring tawh lo, nizαn khαn Wesley chuan ka laka arilru put dan diktak asawi chhuak tawh ah ka ngai hmiah.

"Ka hrilh ang che chuan ti mai rawh!"

"Kha bastard kha min thahloh avângin a vαnnei khawp mai."

"I hria alawm, vânneihthlâk zetin ka darah chauh min kâp fuh a."

"A ṭha e."

Ok, a hnu leh a thil thleng chu min rawn hrilh leh hun ka lo nghâk reng ang."

"Aw le, hei keini pawh Paris flight man turin kan chhuak thuai tawh ang."

"Yeah, ka hmeichhia ka hruai ve ang."

Oh, God... Wesley-ana a hmeichhia ni anga min sawina chuan min ti zâmchhe leh zo vek tawh, theihngilh rawh Eleanor, ani chuan hmangaihna pawh a rin ve loh kha. Avahan âtthlαk ṭhin tak, engvanga agirlfrend anga min sawi mai avânga lo zak leh pek ngawt nge maw ka nih le?

Phone adah hnu chuan ka lam a rawn hawi a, "Good morning miss Garcia."

Miss Garcia tiin maw min koh keh tαk a, ugh ka damloh phah hial dawn.

"Eng chung châng nge i lo sawi a, phoneah khαn?".

"Engmah."

"Wesley..."

"Engmah, ngaihtuah duh vak suh!"

"Yes, ka ngaihven lutuk!" Ka vîn khum hlar a, heti anga min tikual vak vak mai hi ka dawhtheihna chuan a tlinlo tlat ṭhin!

"Kar hmasa deuh lawk khαn kah i tαwk tih thu min hriattir a..."

"Aw, misual chu an manchhuak tawh a, tùnag hian jailah a awm mek." Ngaisam hmel zet hian a tileh sup.

"Tikhan i hre tawh em, lo ngaihven ve vak a ngailo ani tih chu!" A nui chhuak hawk a.

"Than God." Kati chhuak halh.

"Kah ka tawh ṭum khan i hlauthâwng viau ani tiraw." A nui chhuak sáwng bawk a, ahmelah chuan mi chaldelhna hi lang mahse a ṭha ru phian si.

"TUNGE HLAU LO ANG A?" thinrim zet hian ka ti bakhlar a, zawhna mak zet zet mi a zawh ṭhinna hi a titawp lo anih chuan ka la beng duh khawp ang .

"Mahse i ngaihven mah mah...." min rawn dinhnaih sauh a, "I pasal ka ni ang maiin." A ti leh sup bawk.

"Khati ang thil tlâktlailo zet i chhunzawm leh chuan kan flight kan miss ngei ngei ang." Ka ti ve nghat a, chutiang lova lo inven dân chu ka hre lo, he pa hmelṭha zet leh pa tak hi anihloh chuan ka fawp duh leh hial dawn si a .

"Eleanor." Kan piahlawk aṭang chuan ka patea chuan min rawn ko a, chulam chu ka hawi chhuak vat.

"Saw mimawlpa sawn hetah te eng nge arawn tih leh hrep tâk a?" Wesley chuan a ha chang aṭhial nghâl rawp rawp a, a ṭawng pawh chu a sehchilh kher mai.

"Wesley inbengdai rawh, ka bulah ala chéng ve reng tho a nia."

"Reilo te kan inbe lawk thei ang em?" Ka patea chuan a rawn ti leh a, a aw chu a zâwi hle bawk, rilru nawmlohna eng emaw tak anei ani ngei ang.

"Carah ka lo nghâk ang che."  Wesley chuan tuhnghut pahin ka suitcase ken lai chu a rawn phih deuh ṭhuai a, ka lo thlah ve vat, ka kut chu a tina ṭhelh leh nghαl a, a thinrumna chuan chung thil chu a ngaihtuah tir ther te lo, car lam chu a pan nghâl daih bawk.

Thâwk ka la halh a, ka patea chu panhnâiin, "George engthil nge i duh?" Ka ti ta a.

"Eleanor khawiah nge jal i tum?" A meng phαwk deuh hru a.

"Wesley nen business trip kan nei dawn."

"A landan chuan business trip ava,anglo ve?"

"Well, mahse ani miau si alawm le, eng thil nge i duh chiah, sawi vat mai teh!" Ka dawhtheihna chuan atlin leh lo ṭep tawh.

"Eleanor thil pakhat pawimawh zet mai hrilh tur che ka nei..."

"Bad news min hrilh leh dawn tih hi ka chiang lutuk tlat, chuvαng chuan business trip kan neih zawh kan rawn hâwn hnuah chu thil chu min hrilh thei mai lo'm ni?"

"Khawngaihin ka chαm chhung zawng chu ka pi kha min lo ngaihven sak reng la, chuan a medical condition te pawh nitin min rawn inform reng ṭhin ang che."

"Ka lo tum ang." A ti ve ta mai a.

"Mahse he thil hi sawifiahna hi i ngaithka duh rihlo tih i chiang tak zet maw, kha mi ni a thilthleng....."

"No, please." Ka chal ka dawm.khum zauh.

"France ka kalna turah hian khati ang thil ngaihtuahna tam tak nen ka kal duh lo ."

"A ṭha e, anihgood bye." Ka patea chuan a mit a chhing ve sawk a, mahse haider luih sakin "Goos bye." Ti a thlah ve in kan inbiak zawh hnu chuan confused tak chung chuan car awmna lam.chu ka ian ve ta a .

Engthil pawimawh tak nge min hrikh aduh chu ni ang? Tih erawh banglo a ka ngaihtuah ani tho tho.

Thil âtthlâk tak anilo ang tih pawh hrechiang tu tur ber ka ni, mahse túnah heti ang thil ngaihtuah thei ka ni lo, ka ngaihtuah ber zâwk tur chu granny hi ṭha taka a damchhuah leh theihna turin a enkawlna tur oawisa ka thawhchhuah ngat ngat angai ang, chu chu ka ngaihtuah ber zâwk tur chu a ni, tih te chu ka ngaihtuah leh rih a.

Darkar hnih lai mai kan tlân hnu chuan Airport pawh kan ve ta hlawl a, "flight a,thlawh hi i hlau lo ang chu tiraw?"
Wesley lam chu ka hawi phei a, 

"Teuhlo mai silly." Ka nuih ati za phian.

"Well, anih chuan kal ang le, min rawn zui rawh."

"Ugh, wait.!

"Eng nge?" Ka lo ti vat.

"Ehm, i bag kha khalaiah khân dah lawk la, min rawn kuah hnâi deuh teh!"

"ENG A?"  A thu rawn sawi thut chuan.min ṭhawng kher mai.

"Min han kuah phawt mai teh! Mahse ka duhvâng ani ti chuan sawi hauh lo ang che."

"Ka sawi chhan zâwk chu press mi an awm a, chung ho chuan kan picture chu an theh lar leh dawn a, chúng ho kan bumna tur chu ani mahzâwk ang, chutia kan tih chuan relationship kan nei tak tak emaw an ti bawk ang a." A tihzawm leh hmiah hmiah a.

A thusawi hi tih takzeta a sawi nge ni ang a, ka kuah aduh ve hrim hrim vâng zâwk ni ang?

"A ṭha e, vawikhat kuah chauh ani ang." Ka ti ve ta nghat a.

"Well, min fawp duh nghαl anih pawhin ka hnial hran hauh chuanglo a nia." A nui zui sawng a.

"I mawl hle mai." Ka chhing pah sawk.

Ka va kuah ṭan ta a, ka bengbul maiah chuan phun chhuah sup pah hian, "I kut dahna kha fìmkhur hle ang che."

"Kei pawhin chu chiah chu ka hrilh ve che ni rawh se."

Chutianga kan taksa inhnaih zet a ahan awm leh ta chu ka diklo leh ṭan tawh hian ka hria a, ka buka awm zawng zawng te chu ka theinghilh leh vek tawh a, engkim mai chu a ni leh chiai chiai tawh, chu hmunah chuan Wesley nen chiah kan awm ang a inhriatna hi ka nei leh tawh.

Wesley âwm zâwnah chuan nuam ti zet hian ka thaw ham ham a, a rim pa zet leh rimtui tak mai a expensive perfume hman $ 50000 chuang man ni ngei tur chu ka hnìm pah raih raih bawk, he thil hi ani ka mamawh tak chu, Wesley hi ka bul hnaihah awmin tihian min kuah reng thei bawk se, chu lo thildang mamawh ka neih pawh ka ring lo, a taksa ruh ṭang mai leh khauh ṭha zet mai thahrui ngah tak chu ka kuah vang vang a, nuam veng veng hian ka hria, thla hmasa lam kal ta kha chuan he pa hi mitichhe tur leh ka chaklohna ber tur a rawn inlan anih ka ring a, amaherawh chu kae hmasa lam khan kei hi achaklohna zαwk ka ni tih ka hrechhuak ta záwk si a.

A chhan erawh ka hrethiamlo, mahse tûn dingmunah hi chuan chuti ang thil ngaihtuah chu ka duh rih lo. Túna ka ngaihtuah záwk tur chu ka taksa atawh avαnga phûrna leh a mi a hípna nasa zet maiin a ka taksa atih mûr ar ar na te, a bân puam khauh ṭha zetin a min kuah avαnga him.ngawih nawih a inhriatna ka neih te zâwk hi ka ngaihtuah duh chu ani rih a ni.

Chuti ang a ka awmreng chuan he pa chakna ring chung hian ka chak phah ve sauh dawn si a.

"Eleanor.... minkuah ringawt turin lawm ka tih che, chuti nilo a ka tlanchhuah hlau ta ang zia zαnga min pawmbeh vak tâk mai le."

Ka harh chhuak zawk, ka sen pah ṭan ṭan in ka eing, ka zak hle bawk, "Engtianga rei nge ka lo kuah che?" Ka ti chhuak sep a.

"Tlem chuan arei deuh mah mah." Anui chhuak hawk a.

Wesley hmela mi nuihsawhna avαnga amitmeng gray rawng fim de ral mai chu ka melh chho a, awwwww hi ani ringawt, heti ang em em hian mipa mitmeng hi a pα in a sexy thei ngai dawn em ni ka ti hial, mahse ka zak ve det, engti ang chiah a zahthlαk nge ni ang? Wesley ngei mai chuan amah ka kuahna chu tâwp turin min hrilh chu a bia le, ka zak ngawih ngawih, ka enchho nawn leh ngat a, amit min siai khum suk, chutah a hmel ah chuan keimah mi nuihzatna hlir bâk han hmuh ka neilo, ka suitcase chu ka la lawk a, Wesley chu ka kalsan ta nal nal a, kha ka chèt dan âtthlâk zet vαng khαn ka sen chhuak ngei mai, chu chu a ni anuih tiza tu chu ka haw ngawih ngawih.

Wesley chu ka kalsan reilo khwr mai, ka kut leh lamah chuan rawn kαiin private door lam.chu min pan pui ta daih a, chuta ṭang chuan airport kan lút a, flight pαngngaia chuangtur angun ka bungrua kan dah lâwk heklo, hepa hian eng thil nge tih atum hrep tih lo nghah chu ka theilo leh ṭep tawh, mi akaih hlawk hlawkna chu a thlah ve ta a, ka hawi chhuak chu private jet bulah hian kan lo ding reng tawh, pilot chuan, "Hello, Mr.Cooper." nuisang hian alo ti a.

Heti anga private jet a chuang leh tur si chuan engvαnga business flight fristclass te kha mi buk tir nge maw anih le? Kha thilah khαn pawisa a chawithlαwn ṭeuh âwm si a, ka chek deuh hlak a.

"Paris, France ah maw inkal dawn." Wesley chuan a bûk khum zauh.

"Ok, Europe chu 7 huors leh 42 minutes ah kan thleng ang."

"Ṭha lutuk." Wesley chuan ati ve sup.

Pilot chu a kal sawn ta nghâl a, "I suitcase kha minlo pe rawh ka lo khaisak ang che!"

Ka melh chho zeuh a, mi nuihzatna chu ala pu tlat hian ka hria, "Keimah pawhin ka ti ve thei tho." Ka ti ta hmak a, mahse nawr ani ve dawn silo a, a khaia khai chhoh angaih dawn avαngin ka huphurh ru kher mai, ka  suitcase chu ka thun muk ve ang reng bawk nen, a rit khawp ang le.

"Mi chaldelh dαn hi chu i thiam ṭhin mah mah." Ati leh sup a, a in her vut a, a bage chu khai chho nelh nelh chungin jet lam chu a pan chho ta daih a.

Flight a lawn chhoh pah chuan muangchαng hian ka kut pahnih a khâi chungin ka suitcase rit zet mai chu ka lawn chhoh pui hnak hnak a, a ler lam thlenchhoh pui chu thil huphurhawm tak pawh a ni, "C'mon Elo...."

"Khatin min lo tur miah suh." Ka ti bak hlar a, ka hah lutuk chu ka thlan a bawl nghαl ṭak ṭak, 

"Khati ang turin hun kan neilo."

Ka mit chu a khap zauh a, Wesley chu chumi kar lek chhung chuan rawn che chhuakin a kut chuan ka suitcase khai lai chu a rawn chhuh lawp a, a kut leh lam chuan min kâi pah dawr dawr bawk a, flight chhung chu awlsam zet hiankan lût ani nghαl mai, a ni chu hah hmel pawh hi a pu hauh lo, chuti ang em em a mipa thahrui nei chu hriat pawh ka la hre ngai lo bawk.

Engtin nge chuti ang thil chu atih theih a engtin nge rit ti miahlo hmel a put theih zâwk tih melh hian ka melh chho deuh ha a, ka kut kuang kuah meuhin ka melh chho a, ani erawh chuan min lo nuih mai a, "Mi dawhtheilo ber pawl chu i ni in ka hria." Jet chhung kan luh hnu chuan ka ti deih hlak.

"Case tam tak a ka huat ber pawl chu muangchhanna hi a ni."

"Ka hria e...."

Min rawn dinhnaih sauh a, ka tawlhhnung dawrh bawk, a nui chhuak suk a, "Hetia i bul hnaiha ka awm hian i zâm ṭhin lutuk tih hi pawm mai rawh."

"Tùnah chuan hun hi muang tak muang zet a kaltir ka dub tawh e, tichuan kan pahnih te chauh hian kan hun neih ang ang te chu muang châng leh hmanhmawhna neih hauh lo in kan hmang dûn tawh dawn ani ." A ti nawn leh sup a.

A châng chuan i thusawi ho hi a αtthlâk viau ṭhin in ka hria...."
Mahse chutih rualin athlum thei hle bawk a, mahse chu thu erawh ka sawi ri ngam chuang lo.

"Hetah hian private bathroom a awm a, chuan thil ei duh i neih chuan he hmunah hian butler pahnih an awm a, he room pawn kawngka bulah sawn i hmu ang, a tu emaw zâwk zâwk bulah i thil duh te hrilhin a rawn lák sak mai ang che." A ti leh a.

"Kei chu ka inbual dawn a, i duh leh i lo mu thei ang, rei tak chhung kan thlâwk dawn si a."

"I inbual zawh chu ka lo nghâk ve ang e." Ka ti vat.

A nui chhuak hawk a.

"Wait, engvângin maw? Keimah nena inbual dun....."

"Eng thil nge sawi i tum kha ka hre chiang khawp mai, ka chhânna che chu âig tih hi a ni." Ka tih khum hlar a.

Wesley chuan min siai khum suk hnu chuan towel gray chu la in bathroom lam chu min oan san ta nghâl a.

Ka thaw chhuak halh a, ka heh hnuai chu ka pet oah zauh bawk.

He mipa hi chu ka thihna tur ala ni dawn anih hi!

Ṭhutna tur hmunah chuan ka kir leh a, tukverh lan chu ka hawi ta daih a, túnah chuan kan thlâwk mek a, boruak sangtakah invawrh chho in chhûm chungah kan awm mèk bawk, kan business trip neih tur hi ṭha tak leh buaina awm hauhlo in kan ti thei ang em tih te chu ka ngaihtuah a, nithum chiah kan châm dawn a, chumi chhung chuan granny chu ṭha taka awm a boruak ṭhalo tak amah aṭanga ka hriat loh hrâm ka beisei.

Chutihlai tak chuan Stephen Cooper thusawi kha ka hrechhuak leh thut a, he thil hi ka theihngilh theihna turin vawitam tak ka ngaihtuahna ah ka dah duhli ṭhin anih kha, heti anga min ringtu mi sang tam tak an awm ang tih chu chiangsa a ni. Mahse chuti ang mi chu ka ni bík hauh lo, kei chuan pawisa leh lαrna ka duh lem lo, ka duh ber zawk chu ka mipa hmangaih tak tawn theih hi a ni ber.

"Eleanor harh rawh."

"Hmmm, kan thleng tawh tihna mi? Hmmm."

"Jet aṭanga kan chhuahna pawh darkarkhat a ni daih tawh."

Ka harh chhuak chiah, ka la hâm bai bai tho a, "Khawiah nge kan awm?"

"Australia ah."

"Eng maw?" Ka phu deuh zawk a, ka harh kâwk kâwk nghâl mai.

"Paris ah maw le Eleanor, flight kan chuan chhung zawng khân i muhil a, i muttui ém avângin flight aṭanga,pawm chhuak che in carah ka nghat che a."

Oh ka hre hauh lo, chuti em em a kalo mutui mai chu mak ka inti zαwk hial, eng nge maw ka hriat reng reng le?

"Anih khawilamah nge kan kal dawn?"

"Hotel lamah ani ang chu, mahse chumi hma chuan tih tur kan nei, hetah hian chhuk ila, car hian kan thuamhnaw te chu hotel lamah lo va dah sela, kei ni chuan hotel kan luh hma in thil tih hmasak phawt tur kan nei."

Chauffuer bulah chuan dingturin ati nghâl a, "Chakna thahrui engmah ka nei tawhlo, ka zawi ngawih ngawih, chuan ka mut ala chhuak hle bawk." Thatchhe zet chuan ka meng chhuak hrâm a.

"I harh chauh anih kha, chu pawh darkar tam tak mut tawh hnu ah, i kum ang rual hmeichhia angin i awmthei em?"

"Âih." Ka mitko ka san khum pah âk a.

"Ok, a ṭhat chu chhuak rawh le."

Chhuah arual a, min rawn zui ang che, bo tih vel kha chu ngaihtuah miah bawk suh! " a kal chhuak nghαl daih.

Wesley chhuah hnu chuan ka chhuak ve vat a,  ani chuan hlatak alo thleng leh hman tawh, min ṭhawng hran lem lo, atihdan ṭhin ani tlat,  a kalna hnu zelah chuan ka zui ve a, ka tlαn deuh dar dar bawk.

Paris kan thlen hnu hian zαn ani tawh a, jet ah ka la chuan ngailoh avângin hun nuam tak ka hmangin ka hria, hah thinphu hlawp hlawp chung chuan Wesley chu ka va ûm phαk ve tehmial a, ka hah luruk chu ka thaw hlap hlap bawk, ka pum ka dawm a, ka kun ngaih bawk, ani chuan mi nuuhzst hmel zet hian ngawirengin min lo en thung!

"Wesley khawiah nge kan kal.dawn tih hi min hrilh vat mai rawh."

"Eiffel tour lam te hi!"

"Tak tak maw, kal ang."

"Tûnah chuan tlân turin thahrui i nei leh ta ani tiraw huh?"

Ka tlân par par nghâl a, a thusawi pawh chu ka ngaihven tawh lem lo.

Eiffel tower lamah chuan kan lawn chho ṭan ta a, ka phur kher mai, chutihlai a ka hmel put dan chu phurna avângin a èn phât phât theih ka ring hial.

A hmun kan han thleng ka hawi chhuk a, ka hawi kual ruai bawk a, ahlimawm chiang a ni, ka dam chhung zawng pawh a ka hmuh theihloh tur ka hmu miau a.

A hmun reng reng chu magical ang mai ni hian ka hria a, a ropui tak zet zet.

"A mawi lutuk." Ka ti chhuak hliai a.

Ka bula rawn din ve pah chuan, "Yeah, mahse nangmah ang em em chu a nilo." A rawn ti ve sup.

He thil hi a sawi chiah em? Ka hriat sual ani ngei ang, Wesley lam chu ka leh hawi vat a, ka biang chu mei kan ang mai hian a sa nghâl hat hat bawk, heti ang hmun ropui Paris ah kan han awm dún thei mai chu ka la ring thei chuang lo, mumang emaw ka la ti rum rum tho.

Paris city of love ti a anvuah ngei mai chu! Chi hmunah chuan ka boss nen ngei awmdunin mawi min tih zia ala sawi zui bawk a nia, Elo i ngaihtuah nasa deuh mah mah lo maw?

Mahse ka pasal hual ani tawh tho alawm le. Ni e ka pasal hual nen Eiffel tower hmunah kan awm dún a nia, a romantic ka ti lo thei lo.

WESLEY COOPER.....

Eleanor hlimhmel leh phûr hmel zet chuan achhan sawi chhuah chiah theih siloh hian min ti phûrin min ti hlim ve tak zet, he hmunah hian ka kal ngun tawh, heti ang reng reng a nuamti a ka kal pawh hi ka la hre ngai hauh lo.

"A mawi lutuk." A ti chhuak halh a, khawilai mai pawh chu a thlir kual bawk a, chu ahmel put dan chu alawm hmuh nuam katih em em ni.

Ka pan hnai a, chuthil ka tih chhan pawh chu ka hrethiam chuang lo, ataksa chuan min hîp niber hian ka hria, "Yeah, mahse nangmah ang em em chu a nilo." A beng bulah chuan ka va ti sup a.

A rawn hawi phei a, maktih hmel zet hian min melh chho a, mahse ahmel put hmang chu a inthlâk leh thuai a, ngaihtuahna hlim awm zet a nei mek pawh ani maithei, a memg de sar sar a, a hehmawi zet mai a tâwk chiah a pawrh deuh tαrh mai chu a tikau deuh tiar bawk a, a sexy ngawih ngawih, insum theilo in chu a heh mawi zetah chuan ka fawhsak nawk nawk lohna turin ka insûm nasa hle bawk, thâwk ka la deuh hawk a, Eng thil nge maw ka sawi chhuah hrep chu le?

He i thil tihah hian in controll tlat ang che Wesley.

"Eleanor." Ka aw ka thian pah khurh a.

Henu bulah hi chuan ka lâi ve zo vek zel, "He thil hi nakinah tiin ka pe ang che ka ti achu, mahse chu ni rawn thlen hun chu ka nghâk zo ta lo a, thil nghah reuh reuh hi ka duh zawng ani hek lo."

Ka sawi dαn chu a nem lutik nge ni anga a rum mah mah ka thliar hrang thiam lo, mahse a rum lem lo ani ngei ang, a nui chhuak var var a, "Eng nge ni a?" A rawn ti ta a.

A hmel chu chîk zet hian ka enchhuk a, naupang thil thar nei tur nghαkhlel taka an lo thlir hi ka tehkhin ber, chu hmel duhawm zet mai Eleanor chiah in a nei a ka hmuh ṭhin chu ka en ning thei lo.

He hmeichhia hi ka âtchilh lek lek tawh chu anih ber hi, he hmuna ka thil tih tum hi propose a ni a, mahse engtin nge ka sawi chhuah ang tih ah ka buai hle bawk, ka thil pék tur a ka lei sak chu a to hle a, mahse ahmel hian chu pawh chu a phû ngawih ngawih tih ka hria, hei aia to pawh hi pe ila a phu tak zet.

A ni hi midang laka ka neih ve theihloh hlimna min pe tu leh min ti nui thei tu ka tawn awmchhun ani miau va, he thil hi midang tumah in ka chungah an ti ve theilo a ni.

ELEANOR....

Wesley chuan a kekawr hâk ipte chu a zen a, thil eng emawni de sep sep hi a rawn phawrh chhuak a, chutihlai tak chuan ring zet a hmeichhia in Wesley hmunga an rawn koh avâng chuan ka phu dawrh a, ka phútnasat em avâng chuan Wesley inrinloh lai takin a kut chu ka va tawh sak a, a thil kenlai chu hmuh pawh ka hmuh chian hma hma in thil kua awmah chuan ka vai per sak lawp a, a hnuai lamah a tla thla ta daih a.

"OH, MY GOD, WESLEY KA TIHPALH LUTUK."

"Elo i zeiloh dân hi chu a mawi ṭhin khawp mai." A ti deuh hmuk a.

"Wesley." Hmeichhe pakhat hi kan lam pan chuan a rawn kal a, kan bul arawn thleng ve chawpchilh nghαl a, chu nu lan chu ka hawi phei a, ahmelṭha kher mai, a vun chu a var paw pheu mai a, a inthuamna thuamhnaw pawh a aman a to hlawm khawp ang, designer dress vek tih hi a hriat reng a, a sam chu Wesley ang chuan a dumhlap bawk.

"Aida." Wesley chuan alo ti ve sup a.

"Bienvenue Wesley!" Tiin a rawn kuah nghal chat a.

1.