TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 36
Zanin chu current kan neilo a, pic dah tur pawhin ka net amuang lutuk, net chak deuh chuan min lo click sak ang a, second sawm tal min lo nghah sak ve rawh u aw, chuan comment na te khan min ti phur ve ṭhin a nia.
"I hre tawh a maw?" A meng phâwk deuh hra a, a ka deuh hiau bawk a, ka chhαnna chuan mak atih tir kher mai.
"Zanin hian jet arawn thleng ang a, zanin la la hian NewYork lamah chuan kan thlâk chhuak leh ang."
"Min puih i tum tihna em ni?" A rin loh lam tak ka sawi chhuah avâng chuan aphu deuh zawk nghe nghe.
"Aw, ka pui ang che, amaherawh chu Sofia hei erawh hria ang che, darkar 48 chhungin ka thusawi eng kim ti tura ka tih apiang che chu i zawm ngei a ngai thung ang." Ka ti ta a.
"Eng lam pang zâwng in maw?"
"Kei pawhin ka la hre mai rih lo tùnah chuan, mahse min ring tur erawh chuan ka duh ang che, chu chu i ti thei ang em?"
"Ka ring che." Zawi te hriat tham chang chang hian arawn ti ve sap a.
Mi rawn kuah thlawp pah hian, tah aw ṭiau chung hian, "Thi turin ka rilru ka lo siam fel vek hman tawh a sin, i chungah ka lawm tak zet." Lungchhe zet a inhnit hlap hlap pah chuan a ti ta a.
Ka khawngaih reuh kher mai, hmeichhe huaisen tak pawh ani in ka hria, chuti ang a ti thei chu ama kum ang la naupang takah phei chuan an awm ang em, tùnah chuan a vawikhatna atân Terence leh an zavai mai a ka nuai chimih hun chu alo thleng dawn ta in ka hria.
NEW CHAPTER...
THE NEXT MORNING...
Ka thawmhnaw ka tih fel hnu chuan Sofia room lam chu ka pan phei leh a, insiam malh malh hian ka va hmu a, va pan hnâiin, "Babe i in pack ṭan em ni?" Ka va ti nghâl a.
"Yep."
Ka lam a rawn hawi a, ṭit hmel dâk chunga mi rawn en pah hian, "Engtikah nge kan chhuah ang?" A ti sap bawk a.
"Zan in hian."
Zan inah maw ni a, nga tinge nizan kha chuan jet kha alo thleng ang a, zánah vék kan chhuak nghál ang ti khân i sawi si a, a va tlai leh dawn si ve?" A ngaihna hriat hmel loh zet leh rilru buai hmel tak chuan min en he haw a.
"He tia ka tih chhan chu hetah hian plan fel tak neih phawta chumi hnuah chauh chuan chhuah ka tum leh váng záwk a nia."
"Thil eng emaw tihfel hmasak zet phawt tur ka nei a, chu thil chu ka tifel phawt ang a,chumi hnu ah chuan kan chhuak thei tawh ang chu!"
"Eng chung châng nge a?"
"Khawngaihin zawhna in záwt rih lo phawt teh ang." Ti a chauh hmel zeta ka chhân hruih tâkah chuan a ngawi ve ta mai a.
"Ka lo sawi tawh ang khân, ka thusawi kawng engkimah min rin erawh a ngai thung ang, he hmunah hian plan ṭha tak siam ka tum a ni, chumi ah chuan i theih bâka tam leh zualin min rin pawh a ngai ang ." Ka ti leh a.
"Ka tih theih ka in ring." A hmui a hup deuh chàih a.
"He hmunah hian midang lakah hriat ngailoh ka ni a, dán ang pawhin chuti ang mi tho chu ka ni ang, mahse pawisa eng pawh a kan chelek anih chuan kan thil tih tum hi kan tih theih mai erawh ka ring." Ka khabe ka tuai khum vauh vauh a.
"Chutiang chuan a theih kei pawhin ka ring." bûk ve nghat nghat pah hian a ti ve a.
"Ok, lo kal rawh le, zanin a kan kal chhuah hma ngei hian tih tur tam tak kan nei in ka hria." A room chu chhuahsan turin ka inher nghâl vut a.
"Boss i ni a lawm." A nui ri deuh hak.
Ka in her leh a, a lama va thlék phei ve zauh pah hian, "Babe a tâwp a tâwpah chuan i hre chhuak ve ta maw?" Zâwi sup a tih khum pah hian ka nuih ve suk a.
Ka kal chhuak ta nghâl a, min rawn zui mai loh aváng chuan, "Lo kal rawh!" Ka ti leh kher a.
A rum nghat ri chu ka hre reng, min rawn zui ve ta amai a.
MEANWHILE BACK IN NEW YORK....
TREY...
Shower ka hmang zo chiah ka phone ka lo bih vung vung lai tak chuan kawngka an rawn kik deuh dawt dawt a, "Lo lut rawh!" Ka ti zui nghut.
Detroit chu a rawn lût a, nui hmel rawn put luh vawr pah hian, "Boss, hmeichhe ho in inhnuai lam choka ah an hmu duh che." A rawn ti lût nghál a.
Engtin mah ka chhâng lem lo, ka mitko ka san khum deuh âwk ringawt, "Thil thleng a awm em ni boss?"
"A bîk takin Theo hian chick lamah harsatna anei tlat in ka hria." Detroit chu ka melh pah rulh a, ka thusawi dan chu a hriat thiam mai ka ring.
"Eng maw?" A hre thiam a ni ngei ang, thlarau hmu ta ang mai hian a mengphâwk hru mai a, mak ati kher mai .
"Chu chu thuhran, Callie in ala hre leh zui bawk nen, Theo lo thlen hma ngei ngei pawh hian kan lo buai tawh viau in ka hria." Rilru hah zet hian tháwk ka la pah hawk a.
"Chuti ang mi chu Theo hi ani hauh lo." A rawn ti ve sup a.
"Eng nge i thusawi awm zia chu?"
"Theo ngaihdan chu condom tello chuan hmangaihna pawh a awmlo ang ti chi a ni a, chuti ang mipa chu anih zia pawh kan hre vek âwm e."
"Tihpalh thil thu avâng a thleng pawh ani maithei a sin Detroit."
"Chuti ang pawh ni dawn ni se, Theo hian tuma chungah intiamna aneih pui ngai lo, hei erawh i hriat pui angai ang, thil eng emaw tak chu a awm ngei ang tih hi ka ring tlat!" A ti leh chuar chuar a, ka thawmhnaw dahna lam pan pah chuan, "Ngaihtuah duh suh, ka ngaihruat thiam mai e." Tih leh nghut pah chuan ka suit hâk tur chu ka la chhuak mawlh mawlh a, ka inbel chhunzawm ta nghál a, thawmhnaw ka inbel zawh hnu chuan Detroit lo dinna lam chu ka pan phei leh a, "Eng tikah nge ani hi lo kir a tum?"
"Tun aṭanga darkar rei vak lo hnu ah Ireland an rawn chhuahsan tawh ang, jet in Vermont an rawn pan phawt ang a, chumi hnu ah hotel ah an rawn chawl leh zawk ang a, chumi hnu chuan car hire in New York an rawn pan leh dawn anih chu!" Ka ti a.
"Ruahmanna ṭha tak anih chu, achhan chu New York airport tin mai kha Fangs ho chuan an enthla reng dawn si a." Nuih suk pah chuan a ti ve a.
"A nih leh an rawn rhlen hnu ah eng tin nge ni zel dawn?"
"Rindan ka nei lo, mahse ruahmanna fel tak siam turin darkar 36 lai hun kan la nei a lawm, inhnuai lamah chuan ka zu chhuk tawh ang e, nu ho chuan eng thil nge an duh tih ka zu hriat a ngai ang." Ka in her a, kawngka lam ka pan a, Detroit pawh chuan mi rawn zui ve in inhnuai lamah kan chhuk thla dun ta a.
Kitchen lam ka va thlen phei chuan Callie hian hmeichhe pakhat sambuang hi a lo ṭhutpui rán a, chu thil ka han hmu zet chu ka lawm lo kher mai, Theo fa paina chu saw nu saw a ni ngei ang le, Eng thil hrep nge lo thleng ta hi le?
Ka va pan hnâi a, "Eng thil nge thleng ta hi?" Ka ti pah nghut a.
"Trey, i lo thleng ve ta maw." Min lo nuih sak a, an ṭhutna hmunah pawh chuan ṭhu ve duh lo in Callie bulah chuan ka ding rûn a, diktak chuan he hmunah hian Callie chuan he nu hi rawn hruai lût rih lo se ka ti kher mai, achhan chu hemi buaina nilo buaina pakhat zâwk hi tihfel hmasak phawt ka duh tehreng nen, chu chu thuhran Sofia a rawn la kal dawn zui leh nghâl, buaina tam tak alo thleng dawn hian ka hre tlat !
"Talia hi ni reilo te chhung a rawn awm ve rih dawn a, heta ṭang hian Theo chu alo nghâk mai dawn anih chu!" Callie bawk chuan arawn ti leh a, thil chu ka rin ang ngeiin a kal chho dawn ni mai hian ka hria.
"Theo hian a doctor hmuh pui alo tum ani âwm a, keini pawh kan kal thei ve nghâl ang chu!" A tih zawm leh a.
"Callie a fâlin ka be lawk thei ang che ng'em ?"
"Ka rawn kir leh thuai ang." Ti a asawi hnu chuan a tho chhuak a, choka lam chu kan chhuahsan ta a.
In chung pan chhohna step bulah chuan kan ding dún ren rawn phawt a, Callie chu ṭawng chhuak hmasa zâwkah ṭangin, "Eng nfe ni ta?" A ti leh sap a.
"Hmeichhia eng infiamna nge i khelh hi?" Rum zet a melh chhuk khur pah chuan ka ti chhuak hrawih.
"Eng maw?" A meng ling hlar nghâl a, a hmui a chip hmak bawk.
"He hmuna awm tur hian kha hmeichhia ka ka sawm em ni?"
"Trey kan tu ni mai tur a pum chhungah hian a awm mek tih hre ve ta che."
"Callie a chiang hauh lo, kan tu la ni mai tur hi, a pâi animaithei tih chauh a la ni." Ka rum chhuak hrawih a, thinrim viau lo turin ka insum hrâm hrám bawk.
"Eng vangin nge dawt a sawi ngawt ang a?"
"Engvângin nge mi hian dawt an sawi ṭhin i hria em? Chuloah Theo leh Sofia an rawn thleng thuai dawn tih lah i hre ve reng si a."
"Enteh Trey, he nu fa pai hi Theo fa alo nih ngat chuan, an pahnih hian thil tihtur tam tak an nei a ni, chuan Sofia lah heng thil hi tihfel zawh anih veleh Ireland lamah a kir leh tawh mai dawn a, a pawina tur vak ka hre hauh lo." a ti ve fan a.
"Callie he hmeichhia hi hetah a awm hauh lo ang, Theoa'n a ti te a nih ngawt loh chuan."
"Aw, a awm ngei ang, Theo hian a sawi emaw sawilo emaw a awm ngei ang."
Tum hmak chung hian min kal sawn santa daih a.
Thinrim zet hian Callie kalsawn chu ka thlir zui reng a, hrep tak chuan, Theo lo kir hunah ala ti fel ani ang chu, mahse buaina erawh athleng leh ngei ang.
ALEXANDRA....
Inhnuai lamah ka chhuk thla a, mom leh dad chu step bulah chuan an lo inhnial leh tawh a, mahse ka ngaihven hran lo, an hmuh theihlih tur ang bera thawm dim tak chuan kitchen lam ka pan ru zauh, chuta ka thil va hmuh chuan min ṭhawng ngei mai, he nu Talia in ti váng hian an inhnial a ni ngei ang, he nu hi ka ngaina hauh lo, hmeichhe rilru chhia leh fing ver vék tak a ni in ka ngai hmiah, chu ka ngaihdan pawh chu a dik ngeiin ka ring bawk.
"Hetah eng nge i rawn tih?" Thîp zet hian ka melh pah rám râm a.
"Kha chu i sister- in- law la ni mai tur biak dân atân chuan a nalh vak lem lo a ni ti raw?" A nui vei sáwng a.
"Nang hi ka sister-in-law la ni mai tur pawh i ni phiangsen lo ve, tûnah pawh Theo hi Ireland ah kalin Sofia bulah hun ahmang mek tih te hi i hre lo em maw ni chu le?"
"Theo hian Sofia hi a hmangaih a nang nilo in!" Ka mitko tih sán khum pah âk chung chuan ka tih khum veleh salh a, dik tak chuan he nu ber kher hi chu ka ngeih zâwng ani hauh lo.
Za zet hian a nui chhuak ar ar a, ka nuih a za ve hauh lo, ka melh thîp hle ringawt.
"A ṭha e, little girl, Theo hian a nunah hmeichhe hmangaih anei ngai reng reng hlei nem!"
"Kha kha alawm i hriat dikloh chu, T hian Sofia hi a hmangaih tak zet tih hi ka hria a ni."
"Chu chuan he hmeichhia hi a hmangaih ani tih a chianna ka hre chuang lo reng reng, kei hian a fa ka pai a, kei hi Theo pasala nei tu tur chu ka ni." Chapo hmel zet hian a hawi sâng larh bawk.
Chu a thusawi chuan mi a den dân a dang zar mai, ka rinloh leh ka beisei loh lutuk a ni tlat, ka phu deuh zawk nghe nghe, "Eng maw i sawi a? Hetia a fa i pâi hi amah purpose nan hman i tum a maw? I thei chuang lo ang tih hi hre ringawt rawh, achhan chu maw ka unaupa hian a hmangaih loh che a vângin."
"Kha i ṭawngkam chaltlai zet kha ti tawp la a nih chu! Theo hian a fa lo piang tur hi ṭha taka a enkawl dawn anih chuan ka hnenah ngei hian enkawl in thil dik a ti ngei ang, chuti ang chu a tih ngei pawh ka ring bawk, chu thilah chuan nang hian buaina thlen belh tu nih chu i duh in ka ring hauh lo bawk, achhan chu i chungah Theo hi a lawm dawn silo a, kei ngei pawhin chu thil avânga i unaupa i hloh hi ka duh pui hauh dawn lo che." A ti ta a, he hmeichhe ṭawngkam thiam zet mai leh ṭawngthei zet mai hi Theo nupui ni tur chuan ka duh lo kum khua ang, a chhan chu kan chhungkua min ti darh vek dawn a ni tih ka hre rán bawk, he nu lo chotuah vak vak lo in Theo chu la ti ti pui ka thlang ta zâwk a, engmah sawi leh tawh lo in pawnlamah ka chhuahsan ta daih a, Hunter te in lamah chuan ka inkhalh chhuak a, Jaden nen hian kan inkawp rei dun tawh viau a, kawng engkimah kan rinawm dun Jaden pawh hian ka rem tihna la lo chuan infawh tih lam pawh a ti lui ngai lo, ka tan a mipa ṭha tak leh pasal ṭha tak tur a ka ruat chu Jaden chauh hi a ni, a bulah Theo chung cháng hi ka hrilh ang a, Kiara bulah pawh ka hrilh ngei ang, an nin min puih dán tur an hriat ngei pawh ka ring.
Meanwhile, somewhere over the Atlantic ocean...
THEO....
Sofia nen chuan flight chhùngah kan ṭhu dún rân a, Sofia hmelah chuan ngaihngamlohna eng emaw tak hi hmu tlat a inhriatna ka nei a, a hlimlo riau in ka hre bawk, "I ṭha maw?" Ka ti sup a.
"Aw, nimin lama kan hun hman tawn khân min ti zám deuh e tih mai chauh a nia." Ti hian min chháng ve achu, chu chauh chu a nih ka ring hran lo.
"Ka hrilh che kha hre reng ang che."
Búk nghat nghat pah hian, "Vawiin ni avâng hian i chungah ka lawm e." A ti leh sep a.
"Min rinna ah hian lawmthu sawina tur a awm hlei nem." Ka nuih khum suk a.
A nui ve ta var var a, tûnah chuan a awm a nuam leh ṭan niin ka hria, "Vermont kan thlen veleh motel ah kan innghat phawt ang a, chuan naktuk zíngah New York lamah car in kan inkhalh haw leh dawn nia." Tiin kan awm dân tur tlang pui chu ka hrilh a.
"Idea tha tak anih chu, vawiin ni hi rei ka ti tak zet, ka châu hle bawk." A hâm pah bâi bâi a.
A lamah chuan ka va thle phei a, "I ti tak tak ang em?" A sen ṭán ṭân nghal a.
Airport ah kan ṭum hnu chuan hotel kan lút nghâl a, hotel room kan luh fel chuan ka thaw huai mai, "Heti ang hotel a ka thlen pui rih che avâng hian pawi ka ti ngawt mai, Hotel ṭha deuh pawh a awm reng a, mahse eng emaw thil ṭhalo a thleng ang tih ka hlauh avângin he hotel hi thlang ta ka ni." Tiin chu hotel chang kâng teh chiam lo va ka innghah pui chhan chu ka hrilh fiah a.
Mi rawn pan hnaih pah hian ka bul setah chuan a rawn ding ve a, a mitmu paw râm a mi rawn melh chhoh kal pahin, "I bula ka awm chhung chu khawi hmunah pawh awm mah ila pawi tihna ka nei hlei nem." A ti dam diai a.
"Babe i thusawi hriat chu a nuam hle mai." Ka hâm deuh bûi bûi a, ka chau ve tak zet.
"I châu viau ani maw?"
"I tân hian ka châu viau ang a maw? Teuh lo mai." A taksa chu ka pawhhnaih belh chhah sauh a, ka taksa chi châih tur a ka pawh hnaih hnu chuan a heh nel thep ah chuan ka fawh sak zui a, infawp pah reng chung chuan kan thawmhnaw inbel chu kan phelh ruak dûn rang kher mai, a chungah chuan lawn in a taksa nèm leh mam han mai chu ka delh thuah a, a chhungah chuan luh tirin nawmna lipuiah chuan ka pil pui ta vang vang a, kan zawh meuh chuan kan chau dûn kher mai, khum pahnih a awm tho a chu pakhat chu kan duh tâwk dûn viau, kan taksa insik tir tawn rân chungin leh innghen tir rial chung chuan kan muhil dûn ta bawrh bawrh a.
THE NEXT MORNING....
Zing a nih chuan ka meng chhuak a, zan lama kan mut hma èm avâng chuan ka harhvang kher mai, chuti ang bawkin Sofia pawh anih ka ring, ka'n che deuh hlekah chuan a rawn meng chhuak nghâl a, a hmelah chuan mut khamlo leh chau hmel rèng hmuh tur a awm tawh lo.
Shower te,hmangin break fast kan ei dûn leh phawt a, kan thlenna hotelah chuan breakfast pawh kan order mai a, hmun dangah kan chhuak lem lo, achhan chu kan tan a him lo in ka hria, kan thil tih engkimah fimkhur taka kan chet a atam thei ang ber kan inkhung chu ngaiin ka hre bawk, breakfast kan ei zo kan insiam leh ṭan a, car hire in New York lam pan chuan kan inkhalh leh ṭan ta a, car ka khalh lai chuan Sofia chu ka va melh zauh a, a hmel alo nguai leh tawh kher mai, a tlangram deuh em avâng chuan motor lah a khalh chak theih loh viau leh nghâl, mahse a hmun hma reng reng chu a nuamin boruak thiang hip tur a tam kher mai, chutih lai kara,Sofia hlimlo hmel pu tlat chu mak ka ti, "Eng thil nge i ngaihtuah?" Ka ti ta nge nge a, ka car khalh avâng chuan a hmel lah ka enreng thei hek lo.
Ka va melh leh zauh a, hlim hmel hi a pu chawpchilh nghâl tih ka melh zauh na aṭang chuan ka va hmu a, "He carah hian chuang dun lo ta ang ila tih ka lo ngaihtuah vel mai mai a." Ti hian min chhâng a, mahse a mi chhânna chu a ngaihtuahna anih ka ring hran lem lo, "A nuih zatthlák hle mai, mahse kha thil kha i ngaihtuah huah lo."
"Cornor hi a ṭha ang em tih ka lo ngaihtuah mai mai a." A ti ta a.
"A ṭha ang tih hi ka chiang, hlauthawng duh miah suh! Chuloah darkar 24 ngawt hun kan la nei a, chumi chhung chuan achungah i pa chuan engmah alo ti hauh lo ang tih hi ring ringawt mai rawh." Ka ti leh a.
"I sawi dik in ka ring!"
"Babe, kei te chu engtiklai pawhin ka dik reng ṭhin a lawm." Ka siai khum suk a.
"Ramri i neihlohna hmunah chuan mahni inrin táwkna i nei hle mai a, a ni em?" Min rawn mit sir ralh a, ka lo melh ve zauh a. "Nope." Ka lo ti sup.
Four hour later....
In kan thlen hnu chuan pawnah car dahin inchhung lamah kan in zui lût a, a lo reh leh ṭhuap tawh, "Dad kan lo thleng!" Ka âu deuh lûng lûng a.
Ka pa chu inchung aṭang chuan a rawn chhuk thla a, "Son, eng nge in rawn zin kawng chu a an?"
"Kan rawn inkhalh rim khawp mai!" Ka ti ve mai bawk a.
"Sofia nang i ṭha maw?"
Ka pa aw chu a dam vei thlup a.
"Ka ṭha e Mr.Bailey, he thil hi a fel theilo ang tih ka hlâu khawp mai." Tiin achhâng lèt ve sap a.
"Nang leh midangah i tihna a ni ang a, chuan nimin lamah te Terence hnen aṭanga thu dawn te in nei leh em?"
"No, mahse hei buaina tih fel tur pakhat erawh kan nei, hei han en ve chhin teh! Heti ang hian ti ila eng nge i ngaihdan?" ka list siam chu ka pa ka pe a.
Lo lák pah chuan a bih ngur ngur a, "Theo eng thil nhe maw i tih hrep hi le?"
"Ka tih tur ni a ka hriat ka ti mai a ni." Tiin ka lo chhâng a.
"Kha nu khân hetah eng nge a rawn tih veleh hrep tawh a?" Talia aw fiak ṭhat in arawn tih chuan chu aw lo chhuahna lam chu kan hawi phei ṭhap hlawm a.
"Nang khân hetah eng nge i rawn tih ve záwk hrep chu le?" Talia chu rum zet hian ka melh a.
"Theo, i ṭawngkam kha fimkhur rawh." Ka nu chuan arawn ti ve hlak a.
Chu thu ka nu ina a rawn sawi mai avâng chuan Talia chu a pawngpawrh sauh emaw tih tur hian, a rawn ṭawng chhuak leh a, "Theo i fa ka pâi mèk a, chu pawh i hre sa reng a ni lo'm ni?"
"Eng maw?" Sofia chuan a rawn ti ve a, a awka chhuak aṭang pawh chuan a ṭhawng zia pawh ka hre thei.
A lam ka hawi vat a, "Sofia ka sawi fiah thei ang." Ka inthiamlo kher mai.
"Chumiah chuan eng nge insawi fiah leh chuan ngai tawh a, a chiang sa reng tawh ani lo'm ni?" A thinrim lutuk avâng chuan a mittui a tling pam mai a.
"A lan dan hi a ni miah lo a nia." Ka ti veleh sup, chuti ang bâk chuan han sawi fiah mai dân tur pawh ka hre lo.
"A landanah chuan ka pasal hian hmeichhe dang a râi tir a niin ka hria." A mittui a far zawih zawih nghâl a.
"I pasal maw ni a?" Talia in a lo ti ve bawk, kan buai deuh nuai niber hian ka hria, ka nu lah chuan mak ti zet hian, "In in nei tawh tihna maw ni a?" A lo ti bawk a.
Sofia lam hawi a ṭawng chhuah ka tum leh lai tak chuan ka biang ah a rawn beng ta ṭhuai a, "Theo ka haw lutuk che." Ṭap chungin inchung lamah a tlân chho ta daih a.
"Sofia." Ka âu zui a chu a rawn hawi lét tawh lo hrim hrim, thâwk ka la hawk a.
Talia lah lungchhe zet hian a lo ṭap nghâl hlap hlap a, mahse Sofia angin a ṭap chu a tak ve lo tlatin ka hria, "Theo túnah hian i insawifiah a ngai ngei ang." Ka nu awka vin ka hriatlohna chin pawh ka hre tawh lo, heng thil a thlen chhan hi Talia vâng vek a ni.
"Heti ang tawrhna hi naute tân a ṭha miah lo a nia." Ka nu chuan a rawn tih zawm leh a, ka ngai pawimawh lo kher mai.
Ka thinrim lutuk chuan khua ka hmu tawh lo, Talia chu hmeichhia pawh nimahse kut thlâk mai pawi ka ti tawh lo hial, a lam ka pan phei nghâl ruak a, "Theo in bengdai rih rawh!" Ka pa aw hriam takin a a rawn tih tâk hrawih ah chuan ka harh chhuak leh chauh, tháwk ka la pah hawk a, Sofia chu ûm zui ka duh viau a chu ka nu lakah hian ka insawi fiah phawt ngaiin ka hria, he hmeichhe ver vèk zet hian a thluak burah eng zah fa kau nge dawt alo thunluh sak tawh hrep tih pawh ka hre si lo.
"Eng nge ni a mom, eng thu nge i hriat duh chu sawi ta che?" Ka ti ta zâwk a.
"Engtin nge Talia in i fa apai tih hre reng chung si a Sofia chu nupuiah i neih theih záwk chu le?" A ti vîn hlar a.
"Ka hre bîk hrep lo ve, he naute pa nihna chance hi nei ni ila chu ka hnial buai hauh in ka ring lo, mahse he naute hi ka fa anih na tur âwm ang rèng rèng ka ngaihtuah fe pawhin ka hmu lo ve." Ka ti chhuak ve ta ṭhawt a, ka rilru put dân dik tak pawh ka sawi chhuak.
"Theo, chu chu eng tin nge i sawi theih zâwk chu le?" Talia chuan a rawn ti ve ṭhat a,ka nu chu a lo thaw ri ve hraih a.
"Oh, Talia i lemchan thiam zia hi e, kei tluk a hre chiangtu an awm ka ring lo, he i lemchanah hian ka nu chuan i thiam zia lantir nan award pawh a hlân duh ngei che in ka ring, achhan chu he i lemchan ah hian a tlûk mai avângin, kei hian ka hre chiang lutuk tlat, chuvâng chuan he ka fa a i rawn chhâl pawh hi ka hre chiang lutuk a ni tih hi theihnghilh lovang che."
Talia chu a ka deuh hau a, engmah sawi tur hre lo hmel hi a pu a, "Theo a tâwk tawh e." Ka nu chuan a rawn ti ta a, kei erawh chuan tih fel law law mai ka duh zâwk, he a fa pai chung chαng a rawn sawi pawh hi ka fa anih réng ka ring lo.
"Ok, kan zavaiin inbengdaih tum phawt teh ang u, Theo nang pawh hmun dangah inbengdai turin kal sawn phawt mai teh!" Ka pa chuan a rawn ti ve ta a.
lungawilo ru zet chuan kei pawh ka kalsawn ve ta a, Talia chuan ala hre khawp ang, naute chu lo pai ta tak tak pawh ni sela, ka fa anih loh zia hi ka la ti chiang khawp ang tih chu ka rilru a lian ber a ni.
SOFIA....
Mit tui far zawih zawih chung chuan inchung lamah ka tlân chho a, inhnuai lama ka thu hriat zo zâi te khân ka rilru mai an ti na lo, ka thinlung leh ka taksa bung hrang hrang te chu a ti na ngawih ngawih, bei dawnna hlírin ka khat a, engvang a Theo chuan he thil hi hre vek tawh si a, Ireland ah te khân hmangaihna mi la chen pui thei nge a nih chu le? Kal kawngah te thleng thlengin, Ka eng mah hi duh a nei lo, nawm chen nan chiah ka taksa hi a hmang ni ta ber hian ka hria, a room ka lo hman ṭhinah chuan ka tlân lût a, ka na vawng vawng bawk, kei chuan Theo hi ka hmangaih a, ani erawh chuan them te mah in min hmangaihna anei ve lo ani tih ka han hriat leh lek phei chuan vanduai ngawih ngawih a inhriatna ka nei a, he khawvel eng hmu tura ka lo piang ve ta kha inchhirna hlirin ka khat bawk, a buma a ka lo awm rei lutuk tawh avâng khαn á ka in ti a, mawl ka in ti ngawih ngawih bawk, hei tûnah lah lungchhe taka in dawm kun mai loh chu tih theih ka nei tawh si lo, engtin nge Talia khân a fa alo pâi theih hman chu le, ka ring thei lo, ka chan chu a châu viau hian ka hria, vanduaina hlirin min umzui niin ka hre bawk.
Ireland dam te a ka thleng leh thei anih ngat zawngin Theo hi vawikhat te mah ka hmu leh ngai tawh lo ang tiin ka rilru ka siam ta hial réng a, Ireland lamah a tharin nun bul ka ṭan ṭhat leh ngei ka beisei.
_
No comments:
Post a Comment