SEDUTIVE CHAPTER 21

SEDUTIVE CHAPTER 21

A rei tawh hle mai ti raw, ka bula i awm lohna hi, kum tel a ni ve ta."

"Dad chuan a theinghilh der tawh che a sin, tùnah pawh nupui hual anei leh der tawh, tunge anih tih pawh i hre sa vekin ka ring ..... a ni hi chu phatsantu tenawm tak ani."

"Mahse tûnah hi chuan khami chungchαng thu sawi kha ka tum ber pawh ani lo, mom natna ka nei a, ka chhungrilah hian ka na ngawih ngawih a sin....chu natna ka neih chu i bula hun ka hman theihtawhloh vαng a natna a ni."

"Thla rei vaklo kal ta khαn hmeichhe danglam zet mai pakhat ka tawng a....a ni chuan min ti nui thei tlat, i hriat kha, khati ang mizia ka neihtam loh dân pawh, mahse chu nu bulah chuan chuti ang mi chu ka ni thei tlat lo, a bulah chuan mipa nuih heh tak ang mai ka ni, chuan thil pakhat mak deuh chu, chu hmeichhe thinrim hmel chu hmuh nuam ka ti tlat pek."

He mipa hi a â tak tak a nih hi ti rilru in ka lo nui chhuak var var a, "Túnah hian chu hmeichhia chu a thin arim hle a, achhan pawh nangmah rawn hmuh che a ngaih avαngin kan plan chu ka canceled sak a, mahse mom i hriat kha, ka nunah nang hi number one i ni reng ang, thildang zawng ai pawhin, eng thil pawh lo thleng sela, nang hi ka dah pawimawh hmasak ber tur i ni."

"Túnah chuan ka bulah awm thei tawh lo in nang chuan min boral san tawh a, mahse ka ngaihtuahna ah erawh nitin zantin in i nung reng thung ang."

"Thlamuang takin chawl ang che."

Wesley pawi ka tihpui lutuk che, ka mittui ka bianga luangthla chu ruahsur hnuaiah pawh ni se a hriat hran theih lutuk, alum pap pap mai, crap, ka kal sawn ngei angai ang, heta ka  awm ve reng ani tih Wesley hian ahriatchuah palh hlauh chuan engin nge min ngaih ang, hawi pawh hawi kir leh tawh lo in kan inawmna lam pan chuan ka tlân ta chiam a, Wesley chuan mahni chauh a hun hman a duh ngei ang, a nu thi tawh bulah...... chuti ang nilo in keilah chuan anu laka athusawi ka lo la ngaihthlαk rûk sak chu a nia le Ugh Elo.

Râpthlâk ka inti kher mai, miin an chhungte thi tawh anbiakna ka lo ngaihthlâk rûk sak chu a nia, ugh eng nge maw ni ka han inhriat rèng réng chu le? Mak ka inti zâwk hial mai, he ti ang ti tur hi chu ka nilo a sin, tiang mi ka nih pawh ka hre ngai hrep lo ve, in ka tlânthleng ṭhak a, kawngka khârin inchhung ah chuan ka ding vang vang a, ka thil tih ah khân ka inchhir hle bawk, alright, vawiin chu keimah chauhin ka awm in ka inhria...."Hetia mahni chauh a awm te chu engvânga mi ṭhawng viau ta nge maw anih ka hre lo." Tiin ka phun chhuak sap a, keimah in ka awm reng ṭhin zâwk a ni reng si a

Kawngka anrawn kik ta dat dat a, Uhg Wesley anitih ka chiang lutuk, "Lo nghâk lawk rawh." Tiin ka âu pah lâng lâng a.

Ka thawmhnaw inbel huh deuh hniang chu ka ngaihtuah chhuak thuai a, ka inthlâk vat angai ang, chuti lo chu Wesley hi pawnah ka awm reng ani tih hriat tir ka duh lo.

Chuan kha hmunah khân zui ru in ka enthlaru ani ti a min rinhlelh hi ka duh lo bawk.

Ka thawmhnaw hmuh sam ber chu ka inbel sawk sawk a, hmanhmawh zeta ka room aṭang chuan chhuk lehin kawngkhar chu thaw deuh hlap hlap hian ka hawng a.

"Good evening Mr.Cooper." ka nuih pah sak a.

Ngawi reng hian rawn pén lûtin kawngka chu a khar phui leh nghâl a, a sam a ṭanga tui dir deuh tlak tlak chu a thingper deuh sawk sawk a, a kawr pawh a huh ve nual mai, ruah kha a sur reilo in a sur tam vak lem lo bawk a, "Uhh, helai chu alum nuam kher mai tiraw? Nipui alo thleng leh tawh dawn a, boruak pawh alum ṭan leh tawh ani ngei ang." A ṭawngna hun pawh pe lèmlo hian ka tih zawm zat zat a.

"Eng chung chαng nge maw i sawi vak vak mai le?"
Maktih hmel zet hian min enchhuk a.

"Theihngilh daih rawh." Duhaiin ka ṭawngtam mah mah anih ka ring, ka thusawi ve telah kha thu ṭangkai ti a sawi tur pakhat mah a awm chuang si lo.

"Nitin mai hian i danglam reng mai a nih hi maw." A nui ve suk a.

"Khati ang thawmhnaw ha chung khân eng nge i lo tih a?"

"Ka duh dαna ka inthuam ve na pawh ani maithei a sin." Ka melh chho ralh a, ka ner deuh sak bawk.

"Ka tih awmzia chu.... he ka thawmhnaw inbel hian convent a awm hmeichhia a hriatchhuah tir deuh che em ni?" A ni lah tak a, ka kawr chung hâk chu shirt var hna lama ka hâk ṭhin kha a ni a, hnuailamah lah jean kekawr bul dum ka ha leh bawk si.

"Eng pawh ni se ka inah ka awm a...."

"Engvαnga khatia inthuam nge i nih ka hre mai e."

Crap, ka melh chho kâwk, "ka duh dân in ka inthuam, ka sawi awmzia tak chu ....."ka aw ka thian deuh kharh a, chutianga a hma a sawi puat puat tur ka nihloh zia hre chhuak lehin, "Boss a rem cháng em a, ka inthuamna hi!" Ka ti ṭha leh a."Chuan inah ka awm bawk nen."

"Engvânga,khatia inthuam nge i nih tih chu ka hria e."

Crap, pháwk zet hian ka melh chho káwk a, ka lam dân aṭangin thawmhnaw rangtaka ka thlâk chhan chu a hria em ni ang? Chu chuan inah rei ka la awmlo ani tih a tilang dawn si a.

"Miss Garcia are you trying to SEDUCE me?"
A nui chhuak pah vawr a, a mitmeng nalh zet leh thim deuh ruihah chuan mi nuihzatna hi akhat in ka hria.

Ka kuta a ka bek tawn tawn dawm chung hian ka âu chhuak chûl a, "Eng chung cháng nge maw i sawi le?"

"Well, anih leh thudang sawi tawh ang, a phone changkang zet mai apple iphone xs max ngei mai chu a la chhuak leh a, akhawih leh mial mial tawh.

A ṭha lutuk.

Min rawn melh chhuk le zauh a, "Ngaihdam diltur che a rawn kal ka nia." A ti ta sup a.

"N....nangmah hi maw?" A thusawi chuan min ti phu chiang kher mai, "Engvangin nge ngaihdam min dil ang a?"

"I maksak ve ngawt mai, i rûi chu ani èm lo maw?"

"Ka â bík hauh lo, chuan ka rúi lo bawk." Zu a in ngailoh mai avânga chuti ang a min ring ringawt chu ka duh dán ani bîk hauh lo.

"Well, anih ka ngaihdam dilna chu?"

"Kei pawhin ngaihdam ka dil ve che, achhan chu, ka awm dán âtthlâk tak a vâng khán." Ka rilru a ring taka ka sawi chhuah erawh chu, thlâmuala ka rawn kala i private hun hman pawh zah sak lo che a i thusawi ka rawn ngaihthlák rûk a vâng khân min ngai dam ang che, ka ti a, a ri erawhin ka sawi chhuak ngam lo.

Kha hmuna ka zúi rûk a váng khân tûn thleng hian a hmel pawh ka la enṭha ngam meuh lo chu a ni si a.

"Thil pakhat chiang zet mai  ka hmuh chu thil ti khawlo ta vek ang maiin i hmel a buai niaih mai, engpawh ni se, i ngaihdam dilna chu ka pawm e." A ti leh sup a.

"Ka lawm e, Mr.Cooper, i mi rinna aváng chuan ka lawm lutuk." Elhsen zet hian ka tih khum ve a.

"You're welcome woman."

"Anih leh heta i rawn kalna chhan hi min hrilh thei tawh em?"

"Rawn hrilh che ka tum chu naktúkah i rawn thlen veleh ka office ah lokal nghâl ang che."

Ka hlâuthâwng leh zo vek tawh,

"Eng nge thil tih dikloh ka nei em ni?"

"Ka yacht a hun kan hman chhung zawng leh luxuries restaurant a ka hruai chung che pawh khân ka lakah i complain chu i tâwp phah chuang lo i....."

"Ka hna chung châng alawm ka sawi le?" Ka chal ka dawm khum zauh a.

"Oh, naktuk lamah kha chu kan sawi dawn nia."

"Túnah chuan mu tawh la aṭha ang."

"Ugh order hi min pe reng lo teh!"

"Miss Garcia nang hian order chu min pe reng záwk ani lo maw?"

"He in aṭanga chhuak tur hian order ka pe a che." Ka tih khum veleh ngat.

A nui chhuak leh ta hawk hawk a, a nuihmel mawi lutuk chu mit tla lek lek hian ka lo thlir thung!

"You're kidding right?" Nuih la zat hmél zet hian min rawn enchhuk a, a mit meng chu nuihzatna avâng hian a desawr sawr bawk.

"Ka mut achhuak tawh, ka in aṭang hian chhuak tawh rawh!"

A meng kual deuh rulh a, a hawi kual thuak thuak a, "Nangmah chauhin em ni inah i awm, a ni em?"

"No, ka,unaupa te thlarau panga ngawt nen kan awm, mahni chauhin ka awm ani tih te chu alang tlang sa reng lo'm ni?" Ka melh vak a.

"Hun ṭha lutuk ani tih hi ngaihtuah hauh suh, nang...."

Chu thu a sawi chhuah mai a vâng chuan ka biang a sa nghâl hat hat a, ka heh hnuailam ka pet pah zauh bawk a, eng chung châng nge sawi chhuah a tum hrep chu le?

"Eng chung chângah maw?"

Min rawn pan hnâi a, kan taksa chu a in si rem thlap, hriatthiam har zeta mi rawn melh chhuk pah hian, "I hre sa vek Elo......"

Wesley chuan a bân thahrui ngah zet mai chuan ka káwngah rawn kuahin a taksa si leh zual tur chuan min kuah hnai leh sauh a, tlemin ka taksa chu a dáwmkâng deuh hlek a, kan******* chu a in si chiang kher mai, am****** chuan min do rún a, ka taksa chu a mûr nghâl ar ar tih pawh ka hai lo, a kut leh lam chu tawlh thlák tìrin ka mawngbâwrah chuan a kut lum thar thar chuan a rawn ṭhám tâwn tâwn a, hreawm tih âimah in ami khawihna chu ka taksa chuan alo dawngsawng ṭha phian, a kut chu tawlh chhoh tir lehin ka kâwngah a kuah leh a tléma mi pawm âwn deuh hlekin ka shirt hâk chhanah chuan a kut zungchal chu thâikualin ka hnute châkna avânga a hmûr kawh deuh lah tawhah chuan a tâwp tír chat a, a bân tha chak zet chuan ka inrinloh lai tak chuan min châwi kâng deuh lawp a, kan piah a sofa chungah chuan min mut a, men pawh ka meng phal tawh lo, ami tih dan ang ang chuan ka lo dawh tawp, chuti anga mi akhawihlohna chin pawh ka hre tawh lo, ami khawihna avânga ka taksa a phùrna rawn tha tho thar leh chu ka hre reng a, ka ti táwp thei bík lo, lo indang tur chu ka ni ngei mai, mahse ataksa ruh ṭang mai leh khauh tak ina min rawn delhna chu ka mamawh èm èm bawk si, a thilduh chu chét zia mai nilo in leh tlangtakin a sawi chhuak hian ka hria a, a thil duh leh mamawh chu tĭmna pakhatmah awmlo in a sawi chhuak hreh lo bawk.

"Eleanor....."

"Maimitchhing mai lo khân min han en teh...."

Ka hmui bul chétah chuan a rawn thaw ri hawk a, athawk lum ham ham chu ka feel chiang hle mai, a man perfume hman rimtui zet mai aman pawh a tam khawp ang tih tur chuan ka hnâr a verh zar a, a rimtui ngawih ngawih, muang cháng hian ka mengchhuak a, ka hmuh hmasak ber chu Wesley mitmeng tisa châkna avánga mengphi chuai in a min rawn melh chhuk rengna chu a ni.

Chuti anga awm tur chuan ka duh a, a taksa khauh ṭang maiin a ka taksa arawn delh thuah chu ka duh, hepa hi nasa takin ka duh a, ka mamawh ngawih ngawih bawk, ka kekawr bûl hâk chhan aṭang chuan hnuailam chu a kutin a rín pah riak riak a, ka zâ chhuak vek, chèt chhuah tum ni ta ang ila chakna thahrui ka neih ka ring hauh lo.

Ka dang a ro halh halh a, chil lem tur tak ngial pawh ka neih ka hre lo, kan lungphu inthûm rawn tlat tlat pawh ka hre thei, kan lûngphút dân pawh a normal dûn bîk tawh lo.

"Eng hun ṭha chung châng nge....."

A rawn kún hniam leh zual tâk a vâng chuan ka thusawi lai chu ka tâwp nghâl vat a, mi rawn fawh tum ngeia ka hriat avângin a fawh rem tur zet chuan ka heh ka lo kau deuh tiar bawk a, ka maimitchhing leh nghαl daih bawk, he pa ina zei zeta min fawhna hi chuti ang mai mai a lo namnûl satliah chi ani hauh lo.

Mahse chu thil ka lo nghahhlelh ém ém chu a thleng ta lawk lo a, a nui chhuak hawk tháwmah chuan ka mengchhuak vat a,
"Mut maw le, ngaihtuahna tlem te." A tho chhuak a, mi nuihzat hmel hi a pu nghâl bawk.

"Ka hrilh tum che chu mutthilhna hun ṭha tak i neih tur thu hi alawm." A nui chhuak sáwng a, ka haw tak zet, ka ding chhuak ve nghâl thuai a, "Eng thil nge maw i,lo ngaihtuah rèng réng le huh?" A nui chhuak leh hawk hawk a, mak dang dâi ka ti kher mai, chawpleh chilh a a han in thlâk nghâl zung zung thei mai hi amak ti bâk chuan sawi ngaihna ka hre lo.

Min hnungchhawn záwng chuan a in her nghut a, kun deuh nguih chung hian, "Elo eng thil nge ti tura min duh, hurherh lam pang thil maw?"

"Hemi chung châng hi chu ka ngaihtuah reng ṭhin a sin, chu chu nangpawhin i ngaihtuah ve tho ka ring, mahse thil inhmeh lo tak niin ka hria."

Tùn deuh lawka kan thil tih kha inhmehlo tiin a sawi tihna em ni ang, nge keimahni hi kan inhmeh lo zâwk? A ni chu he khawpui chhûnga handsome rich man ti hiala ankoh leh billionaire nipha ngat leh mihausa tak a company aṭang pawh a nikhat a $1000000 vel hial hâi lût thei kha ani miau a, chu âi pawh chuan atam mai thei, ugh, ngaihtuah pawh ka ngaihtuah chhunzawm ngam lo.

Chuti ang zeta kan dinhmun inthlauna chuan min ti nguai nghαl raih raih, a suit hâk ṭhin man zát te kha, a sûit hâk ṭhin  ringawt pawh, $20000 man lâi a ni ṭhin si a.

"Naktûkah hna thawhna hmunah ka hmu leh dawn che nia." A mit min siai khum zauh a.

A kal chhuak nghâl ta daih a.

Kawngka te ka khar fel hnu chuan inchunglam ka roomah ka chho a, "Ugh, a mawl hle mai."

Bathroomah lûtin tui lum chuan ka inphuh tir sang sang a, Wesley nena kan hun hmandân chu ka ngaihtuah lét leh lo thei lo.


Keipawh thil thlen dán ka ngaihtuah lét khân mawl ka inti lutuk, engvânga a bula ka awm mai a vânga,kha tia anuihsawh theih mai mai tura awm nge ka nih chu le? Ani te chuan hmeichhe nalh tak tak a mutpui sén loh a hmu zet zet ang chu!

Ugh, chu lam ngaihtuah lo in mut hahdam vang vang ka mamawh berin ka hria, vawiin kha chu ni hahthlâk zet a ni si a, shower ka hman zawh hnu chuan pajama pang deh nuamtak leh top hâk nuam tak inbelin ka khum lamah a bawh hian ka bawk vâk chho niber tawhin ka hria, ka taksa chu a châu ngawih ngawih, khumah chuan ka in let thak thak a, eng emaw thil mamawh nei tlata inhriatna ka nei bawk, engvânga Wesley chu ka bula mu ve atâna ît ta tlat nge maw ka nih mai chu le?

Chu thil ngaihtuah chu ka tân chuan a harsa lo viau maithei, mahse atakram chan tir erawh thil harsa tak ani ngei ang.

Ani chuan hei zawng chauh hi angaihtuah âwm si a, ka fa enkawl dun tur nu leh pa ṭha tak nih a, naute tâna a mamawh ang ang pék leh a hun hman zel tân tura hlimna pék chauh angaihtuah in ka ring, a chhan chu hmangaihna a awm arin loh miau avângin.

A,lehlamah ve thung chuan kei pawhin ka hmangaih hauh lo a ni lo'm ni? Ugh, chu zawhna chhânna chu ka nei ta miah lo, ka awm dân hi ka chiang ngam tlat tawh lo.

Ka ngaihtuahna chu a buai nuai a, engti ang chiahin nge Wesley hi ka ngaih tih pawh ka hrethiam thei tawh lo, eng pawh chu ni se a bula awm tluka thil thlâkhlelh leh châk ka neih pawh ka hre tawh lo, chuti ang thil tam tak ngaihtuah chung chuan tui zetin ka muhil ta a.

THE NEXT MORNING....

Ka phone ri chuan ka mut tui lai chu min ti harh a, lâk loh duh pawhin a ri char char mai si, ka lukham aṭanga ka kiu a in dawm kângin phone chu ka en a, Sam chuan min lo call alo ni a, "Sam engvânga zing kar dar sarih ah te min rawn call nge i nih?" Ka phun pah nang nang a, "Zing dar sarih i ti em ni?"

"Dear dar sawmpakhat a rîk tawh hi, nimin lamah party nahmunah kalin i rui viau tihna mi?"

"ENG MAW?" ka phone chu ka en leh vat a, ka harh chiang nghâl káwk kâwk mai, nilo a tlâi tawh lutuk, hnathawk tur a ka kal angai a sin, "News hrilh tur che ka nei a." Sam thusawi pawh chu ka rilru ah a lût thei tawh tak tak lo.

Sam tûnah chuan ka ngai thla hman tawh lo, shower hman vat vat ka ngai, ka hnathawhna lamah darkhat hian rawn kal la, chumi hunah chuan chhun chawlh ka nei ṭhin a, hmaichhanah min rawn hrilh dawn nia, chuan min rawn kaihthawh avângin ka lawm lutuk, ka hmangaih che." Phone chu ka cut nghâl a.

Vawiin hi ka tlâi theilo asin le, mahse ka tlâi tawh bawk si, Mr.Cooper nen meeting kan nei dawn a, chu pawh mi a bân tur leh bân loh tur chung châng thil ala ni zui, ka thaw chhuak halh a, ugh, zahthlâk záwk chuan.

Bathroom lamah ka tlân lût puat a, shower ka hmang zuai a, ka uniform inbel leh zung zungin hmanhmawh zet chuan in chu ka tlânchhuahsan a, thawh ka hai avâng chuan ka thin arim ru ṭeuh bawk.

Hmanhmawh zetin ka chuanna Uber cab aṭang chuan man ka pék tawh hnu ah ka petek chhuak nawk nawk a, Cooper company lam pan a ka kal hlawk hlawk lai chuan ka hnunglam aṭang hian,"Ekeanor." Ti a min âu ri ka hria a, ka hawi lèt vat, Lola alo ni a, min rawn pan phei a, ka bul arawn thleng chuan,

"Hey Eleanor." A nui pah sâng a, ka nuih a za ve hauh lo, ka theih tâwpin ka melh nghek a, "Lola." Ka ti ve hmak.

Thinrim zet chuan ka inher a, kal sawn san mai hi ka tum a, a hmel chu ka ngei hluah hluah hmuh leh pawh ka duh tawh lo.

Ka ṭhian neih chhun ti a ka lo sawi ve na chu engmah lo maiah chantirin Wesley nena kan inpawh tawnna chu ani hian min tih chhiat sak a, chuti ang thil tih duh tu chu ṭhian a nih pawh ka hre ngai tlat lo.

"Elo lo nghâk lawk teh!" Ka kutah hian min rawn vuan a.

Ka inher lèt leh a, "Elo tiin min ko tawh ngai suh ang che, chuan mi pawh rawn be tawh ngai suh, eng thil nge i plan tih kha ka hre chhuak vek tawh."

Ka kut avawn rengna chu ka phih thla a, hawi pawh hawi kîr leh tawhlo in ka kalsan ta a, khati anga ka chunga chét alâkna khân chhungrilah natna min thlen a, mahse mi zawng zawng hi min tina lo turin ka ti thei si lo, chu chu ka thei tlat lo.

COOPER'S COMPANY...

Office ka thlen hnu chuan Wesley office chu ka pan ding nghâl a, "Hello, Mr.Cooper." a office a luh pah chhuan ka ti a.

Ka lam hawiin a rawn in her a, "Min hmu duh ani lawmni kha?" Ka nuih sak.

"Ka rawn tlái avángin pawi ka ti lutuk, hun harsa zet mai ka tawng a."

Mutna hun nuam zet leh ṭhian diklo zet ka tawn thu he pa hrilh hi chu a hnailo mai.

"Khawngaihin ṭhu ta che."

Ṭhutna tur min kawhhmuh na lamah chuan ka ṭhu nghâl a, "Ka lawm e."

Ka lam arawn pan hnai a, ka thlan tla nasa lutuk tih reh nan a ka kawr áwm chhung ka chhem deuh heuh heuh chu rawn en in, "Coffee i duh ang em?" A rawn ti sup a.

"Eng thil nge thleng tih hi min hrilhla ka duh záwk.....khawngaihin." ka sawi tel lo teuh kher mai.

"Thil hrilh tur che ka nei i tih  khân min ti zâm lutuk a, ka hna chân hi ka hlâu hle bawk." Ka ti leh sep a.

"Khami vânga he hmuna ko che hi ka ni thleinem." Ti a a rawn sawi takah chuan ka thaw huai mai.

"Chuan....anih leh engváng nge tih hi ka hre ve thei ang em?"

"France a kal ka tum chung chângah hian inbiak ka duh mai chauh alawm."

"France ah maw?"

"Aw, business lam pang leh ka mimal thil chung chângah te pawh ani ang chu!"

"A ṭha e, anih i flight chuanna tur ticket leh i zinna a i ken tur documents te lo tihfel sak tur che in min duh em?"

"A bík takin nangma document vel pawh i tel ve ngei a ngai ang." A nui deuh suk a.

Ka phu deuh zawk, "Ka lo kal ve dawn tihna em ni?"

"Yes, ngaihtuah duh suh, kan châm chhúng zawng salary ṭha tak pèk i ni ang, chuan business chung chângah ka kal tel dawna, chumi chhung chu ka secretary i nih ang ngeiin ka mamawh bawk ang che."

Ka ding chhuak a, a flight chuana tur vel te chu tih fel sak vat ṭha in ka hria, "Oh, leh lawk, i kalchhuah hma in..... fimkhur takin awm la ka duh che ani." A ti leh sup a, "Fímkhur a ni a?" Maksak zet hian a ṭawng chhuak ṭhin a.

"Eng nge i thusawi awmzia, engvángin nge ka fímkhur ang a?" A ngaihna ka hrethiam lo.

"Hmelhriatloh mi in an rawn hnaih viau che a i hriat chuan min hrilh hriat theinghilh lo ang che, hei hi khawngaihin theihnghilh lo hrám rawh.

"Ka lo tum dawn nia." Ti a ka chhán hnu chuan ka office lam ka pan phei a, dawhkana hna thawh tur awm ang ang chu ka ti nghâl char char a, Wesley nen kan kalna tur flight ticket first class pahnih a sawi ang nfeiin ka book a, company hran hran nena meeting an neihna tur ho te tifel in file ṭhenkhat a sign ngai tur ho chu ka dahfel bawk a, chuti ang chuan ka hun chu ka hmangral thuai a, tlai lam alo ni leh der tawh, vawiin chu Wesley ka office ah arawn lang ve teh khiah, anupui hual chu a care ve tawh angai rèng a ni, chu pawh mi hmuh atân, nge ka thil book ho zinna tur vel chu ka tifel thei nfe theilo a rawn hre chiang duh zâwk?

A taka inngaihvenna nilo in mi hmuh a mawi tur chauh nibawkin ka hria, keimah chiah hi mak danglam ti a sawi ka ni bìk lo, ani pawh a mak ve tho.

A tâwp atâwpah chuan ka haw thei ve ta hrâm a, nirei tak ka hmang tho hian ka hria, ka pi car ka hman ṭhin kha ka patea'n hospital ah nimin khân a ken daih avángin bus stop lam ka pan a, bus ah chuangin inlam ka pan ta a, Uber book kha a awldam vizu a, mahse chuti ang ti reng turin pawisa ka nei lo, túkin zing kha chu ka hmanhmaw èm vâng chauh a ni, in ka va thleng kawtah chuan car a lo in húng tawh a, ka patea pawh pawnah alo ding reng tawh, "Hetah te eng nge i tih reng a?"

A hmel put dân chu a ngui in ahlimlo kher mai, hna i rawn bâng tawh maw?" A ti deuh sup a.

"Aw, eng nge hetah i tih? Kal rawh inchhungah....."

"Ka lo nghâk che a, hospital lamah i lokal a ngai ang." A mittui chu a dìr ve zung zung mai, ka rilru ah chuan ka pi a rawn lamg hmasa ber nghâl a.

"George eng nge thil awmzia?" Ka thlaphâng kher mai.

"I pi dinhmun a ṭha lo lutuk, vawiin chhun khân a zual thut a."

Nilo, ani thei lo.

George hnen aṭanga chu thu ka hre chiah inthlâk pawh inthlâk talo chuan kan pahnihin rang taka car chhunga ṭhu lut leh nghâlin hospital lam kan pan ta a, ka pi chu engtik lai pawh a kal mai thei dinhmunah a ding ani tih ka hriat chuan ka ni nghulh nghulh nghâl mai, mi ṭhenkhat te chu pawisa an neih avângin an thil duh engkim an ti thei a, kei ve erawh chuti ang ti thei túr pawhin pawisa ngaihtuahna hnár ka hre tlat lo.

Ka pi tello a nun hman chu ngaih pawh ka ngaihtuah ngam lo, ka tân ani chu ka chhungkaw diktak leh min hmangaihtu ani si a.

An mut tirna room lam chu pan in ka nam hawng a, chauh hmel zet leh aw zawi sap hian a bula ka va ṭhut hnu chuan min lo ko a, "Eleanor ilo kal em ni?"

Ka pi kut ṭang zur ṭiak tawh chu ka chúl sal heuh heuh a, "Hey, grandma....."

"I ṭha vaklo niin ka lo hria a."

Ka pi taksa chaklo zet mai chu lainatna nen ka enchhuk a, mi lo chhâwn turin thawh pawh a tho kâng peihlo chu a nia, ka kan hnu hnun ber ṭum kha ka ngaihtuah chhuak a, khami ni âi pawh khan a taksa chu alo ṭha lo zual tawh tih pawh ka hria, heti ang dinhmuna a ding tih ka hmuh hian chhungrilah ka na vawng vawng mai, thei chu ni ila heti ang natna aṭang hian ka tidam daih tawh tur, atâna tih theih ka nei tlem lutuk chu mahni inhuatna hlìr hian ka khat bawk.

"Eleanor....." ka kun ngawih ngawih lai chu ka pi aw châu takin min rawn koh nawn lehna chuan min hawi chhuah tir vat a.

A lam chu hawiin ka búk khum nghat a, a mimeng dulraih a mi rawn en chhukin, "Thil eng emaw ka zâwt thei che ang em?"

"Tehreng mai grandma." Ka nui lui sak a.

"Mi date i nei em ni?"

"Grandma chu chu eng nge tùnah a pawimawh viauna?" Ka thaw pah halh a.

Min en reng avâng chuan ka zâm ve lek lek, "Tumah date ka nei lo." Tiin a zawhna chu ka chhâng a.

"Hmanni deuh khan Wesley Cooper nen news paper ah ka hmu che u a."

"Oh, khami chung châng kha maw, sawi deuh duah angai ang." Ka ti liam puat a.

"Eleanor, George an min hrilh a, Wesley Cooper hi túnlai i hnaih mah mah ani tiin, mahse a thusawi chu thudik anih pawh ka rin sak lo a, mahse hei tûnah chuan thudik tak asawi ni in ka hre ta."

"Lo hnaih viau ta ni ila, eng nge chumi ah chuan problem a awm em ni?"

"Engtin nge ka hrilh ang che tih pawh hi ka hrethiam lo..... mahse he pa hlat thei ang bera awm tum hrâm hrâm turin thurawn ka pe duh che ."

"Engvângin nge? Nang leh George hian eng nge ka lakah zep rûk inneih tih hi ka hre hauh lo, chu thil chu min hrilh ve ngei angai ang, eng thil nge zèp rúk inneih?" Ka ti vĭn hlar a.

"Grandma?"

"Granma?"

Ka pi chuan min chhâng tawh hauh lo, nurse kohna chu ka hmet thuai a, ka pi awmdan chu ka hrethiam lo, alaka awka vìn ka hman váng nge pawh ka hre lo, engvânga midamlo chu tia lo vín ringawt nge ka nih? Engvânga rilru hah tura siam nge ka nih, a thusawi te kha ka aw liam mai mai thei reng si a.

Nurse chu arawn thleng vat a, "Khawngaihin room hi lo chhuahsan rih ta che." Tih pahin ka pi chu a endik nghâl vat vat bawk.

"Eng thil nge thleng?"

"Heihi ka thiamloh vek niin ka hria, ka pi lakah ka awrawl ka sân vak a, chuvâng chuan heti ang hian a awmphah ani chiang." Ka inhnìt hlap hlap a.

"Inbengdai rawh, chutiang vâng ani lo, khawngaih takin room hi lo va chhuahsan phawt mai rawh." A ti nawn leh a.

Ka pi chu room pawn lamah chuan ka nghâk char char a, doctor pawh alût leh tawh, mahse an rawn chhuah leh hnu pawh chuan ka pi hmuh chu atheih rih tawhloh thu min hrilh ta a, an mahni in a an sawi leh hma loh zawng chuan, mahse ka pi hmuh leh hrâm chu ka dil a, chuti chung pawhin min phalsak tawh lo, achungah eng thil chiah nge thleng tih pawh hre thei talo in leh hreawm ti zet in St Thomas hospital chu ka chhuahsan ta hnak hnak a, ka patea pawh ka ngaihven peih tawh rih lo, Uber cab ka book a, rilru khingbâi zetin inlam ka pan leh ta a, in ka thlen hnu pawh chuan a chhunga lút lo in huan lam ka pan a, "Ka mawl tak zet....."

Ka hmangaih a ni tih thu pawh ka pi kha ka hrilh hman ta si lo.

"Engvânga ka pi leh leh George thil hriat rúk chu care viau nge maw ka nih le, mahse ka pi hriselna lam ka ngaihtuah duh bawk si."

"A ṭhat chhuah leh thuai ka beisei, chumi hunah chuan ngaihdam ka dil leh ngei ang."

Inlam pan chuan rilru hrehawm zet chungin ka kal leh a, engmah pawh ei peihlo in ka khum lam ka pan tawp a, ka rilru hrehawm berna pakhat pawh ka pi ngaihdam ka dil hmanlo ber kha niin ka hria.

WESLEY COOPER....

Offfce aṭanga ka chhuah hnu chuan inlamah pawh haw lo in hotel pakhat ka book a, tah chuan ka inthlâk a, awm hahdam nan hun ka hmang a, tlâi ve tawh takah chauh inchhungah ka lút a, nidang anglo takin ka pa chuan min lo nghαk reng, Damnit, ka pa min lo thlir reng tu chu ka menkual khum rulh a, ka room lamah chuan ka lút thei nghâl dawn lo chiang sa, hetia min lo nghah tawh hi chuan inhnialna eng emaw tak neih aduh vâng ani châwk bawk, chuti ang inhnialna neihpui tur chuan ka inpeih hauh lo.

"Son, France ah kal i tum em ni?"

"Engtin nge i hriata chu chu?"

"Bank a i paid na ka hmu vek alawm, flight ticket first class book nan $ 30000 leh tih a chhuak ani lo'm ni?" Ka pa chu anui pah sáng a, ka rúm chhuak nghut!

"Chu chuan engtin nge France ka kal dawn ani tih rin tir che a?"

"Son, engtin nge ka hriat loh ang a." A chal adawm deuh ruih a.

"Son ti khαn min ko leh tawh ngailo ang che."

"Wesley kum khat a chuan daih tawh hi!"

"Shut up." Ka rûm chhuak kâwk a.

Ka lo luhna kawngkhár chu ka nam hawng rawp a, ka chhuahsan leh daih "Lo kir leh teh!" Ti a min rawn âuh zui na chu ka ngaithla tawh lo.

Ka car hawn ka tum lai tak chuan min rawn ûm phâk a, "Wesley he i thil vei hian min ti damlo zo tak ngial dawn." A rawn ti ve ṭhawt a.

Engtin mah ka chhânglo a, alam pawh ka hawi hek lo.

"Kum khat a chuang fe tawh, kumhnih atling ṭèp tawh bawk."

Ka inher nghut a, ka pa chu rum zet hian ka melh chhuk ngur a, "Ngawi chip cham mai rawh, chu chu ka warningna che anih chu!"

"Anih leh eng nge ti tura min duh, Rose ka chân tâk avâng khân ka nun chu inchhirna hlira khat chunga indawm kun turin maw min la duh a?"

"Kha ka nu hming pawh kha i kâ bawlhhlawh zet aṭang khân rík chhuahtir rèng réng suh, nang mihnâisailo zet hian a hming i duh duh a lam theihna dân pawh i nei lo ve."
Ka kut chu ka hùm ruh kher mai, ka pa chu ka khawih duh mai ang tih pawh ka sawi theilo.

"A ni kha ka hmangaih lutuk." A chal akutin a dawm deuh ruih a. "Chuan Rose pawh ka la hmangaih reng, mahse ani chu he leiah hian a dam reilo ani mai a, ani em Son?"

"A hming kha lamri tawh suh ka ti ani lo'm ni?"

"

Wesley.....ka...."

Ka in her leh nghut a." Shut up!"

"Phatsantu a hun tawh tak zet." Ka carah chuan ka ṭhu lut a, ka tlân chhuahsan leh ta daih a.

KATIE....

Wesley ina rawn lût chu a pa nen an inhnial leh tawh tih pawh ka hre reng, chu pawh kei hian a pa neih ka tum vâng tih pawh ka hria, Wesley chu a thinrim tak zet tih ka hai lo, a nu hi heti ang em em a ahmangaih mai hi ka haw kher mai,  Stephen chu thinrim hmel zet hian arawn lût leh a, kan room lam a pan nghâl daih, ka zui ve nghâl thuai a, chhuat dungah chuan alo vei ngâuh ngâuh a, "Kha hmeichhia.... kha hmeichhia ka fapa mizia thlâk danglam vek tu kha ka hmuh ngei a ṭúl tawhin ka hria, ka lo pawm zâm mai mai ṭhin a ka ti diklo ani." Tiin alo phun sup sup bawk a.

Stephen koki ah chuan ka kut ka va nghat a, "Dear thil diklo a awm em ni?" Ka theih tâwk a aw zaidam chuan ka va ti a.

"Tu nge ka fapa personal secretary kha a hming i hria em, khanu hming kha hriat ka duh?"

"Engtin nge keiin ka hriat ang a?" Ka mitko ka sαn khum deuh âk a.

Tu nge a sawi ka hre hauh lo, nge ni kha mi ni a Wesley rawn tlawh tunu kha tuna a nupui hual hi ani tihna ani ngei ang, ka lo vahan mawl em, "Ngawi lawk teh phone call vawikhat ka hman chuan ka hre nghâl mai ang." Tiin a phone chu a bih nghâl a.

Tŭnah chuan engkim ka hrethiam ta kha mi ni a ka cara ka sut teuh zet hmeichhe inchei mawlmang ve zet mai sambuang kha Wesley nupui hual ani tih ka hrechiang ve ta chauh a, ahma zawng khân engvânga lo ngaihven vak lo nge ka nih mai chu le?

Engvânga kha hmeichhe mawl lutuk lakah khân buaina lian tak ka nei dawn ti a ring tlat nge ka nih tih pawh hi ka hrethiam lo, a chhan nibera lang chu Wesley hian a pa hi a hlâu eih lo a, eng atân mah ati hek lo, a sumdawnna company zawng zawng lah chu Wesley kuta awm vek a ni bawk si, chu vâng te pawh chu ani maithei.

Nilo, nilo, Wesley hian he nu hi ahmangaih hauh lo ang, ka hrechiang lutuk, he nu feelings hi infiamnan hman atum mai mai tih chiang takin ka hria, kei nilo in he nu hi ani buaina lian tak nei zâwk tur chu, ka thil ngaihtuah avαng chuan ka nui pah rah rah a.

Stephen chuan a phone hman chu dahin, "Eleanor Garcia a lawm a hming." A rawn ti ta a.

"Chu chu maw a hming?" Ka nuih leh sak a. "Kha nu kha ani lawm ni, kan fapa in a press hma a anupui hual ti a apuan kha?"

"Thudik tak ani nge nilo tih pawh ka hre hman ta lo, kha thil sawi chhuah a biak lo tum kha ka nia, mahse a nu chung châng thu leh keimah ah kan lút leh ta daih si a." Thâwk ala rihawk a, he pa hi ka pasal tur pawh nimahse ka hmangaih hauh lo, a rûka mipa kawp ka nei tho tho, kei chuan a sum chiah ka duh, a duh leh arilru chu lo hah mai mai rawh se, keia lo inrawlhna tur a awm ve hauh lo.

Mahse kha hmeichhe mawl zet kha chu Wesley lak aṭanga inthiarfihlim tur khân ka hrilh si a, ka theih anga rangin ka biak ngei erawh angaih ka ring.