SEDUCTIVE CHAPTER 22

SEDUCTIVE CHAPTER 22

"Thudik tak ani nge nilo tih pawh ka hre hman ta lo, kha thil sawi chhuah a biak lo tum kha ka nia, mahse a nu chung châng thu leh keimah ah kan lút leh ta daih si a." Thâwk ala rihawk a, he pa hi ka pasal tur pawh nimahse ka hmangaih hauh lo, a rûka mipa kawp ka nei tho tho, kei chuan a sum chiah ka duh, a duh leh arilru chu lo hah mai mai rawh se, keia lo inrawlhna tur a awm ve hauh lo.

Mahse kha hmeichhe mawl zet kha chu Wesley lak aṭanga inthiarfihlim tur khân ka hrilh si a, ka theih anga rangin ka biak ngei erawh angaih ka ring.

2 Am MORNING....

Ka phone a message rawn thleng ri chuan min ti harh a, ka phone ka lo silent ta lo kha ka inchhir ru lutuk, ka harh ta sa sa tiin ka phone chu ka en a, Wesley aṭangin message alo thleng hi alo ni a, phone a time chu ka en zauh a, ka meng kawl kawl nghal a, zing darhnih ah message a rawn thawn a maw? Âwm ang lo thei lutuk mai, ka rûm chhuak nghat .

Ka open nghal a, #Hello, Eleanor.

#Zing darthum arîk dawn tawh hi, ka mu, eng nge i duh?
Tih chuan ka reply a.

New message from Wesley.

Ka en leh nghâl a, #Rawn tihbuai che ka duh vâng mai mai a nia, good night.

ELRANOR
#ENG MAW RAWN TIH I DUH A UGH?

WESLEY
#Ka thlawhtling tih ka hre mai.

ELEANOR
Oh, i lawm viau ka beisei.* eye roll*

WESLEY
#Lutuk, diktak chuan hetia ka rawn biak che hian min ti hlim ṭhin.

ELEANOR

#Ngawi hmak mai rawh dawhehpa

WESLEY
#Tak tak a lawm, achhan chu nangmah nen ka han intehkhin hian nang ai chuan ka fing zawk a.

ELEANOR

#Wow, thanks boss, nangmah nena inbiakna hun tha tak kan neih avângin ka lawm khawp mai.....note.. thir angmaia rilru sak nei pa.

WESLEY

#I suitcase te i buaipui tawh em?

ELEANOR

#La buaipui rih nâng, thildang tih tur ka ngah rih a.

WESLEY

#Ok, nihnih chhung hun ila nei tho alawm, chumi chhung chuan i mamawh te lo ti fela paris kal turin i lo inpeih dawn nia, chuan mu tawh rawh.

Wesley bulah Paris ka kal dawn tak.....engtin nge maw ka lo theihnghilh theih záwk chu le?

Kan trip neih chhung zαwnga aman a min tumsak leh vek chu ka duh tawh hauh lo ang le, yacht a mi ang kha ka thlentir leh tawh lo ang, ka maimitchhing vang vang a, "Oh, idea pakhat ka nei." Ka nui chhuak var var a.

Naktukah hna dang temporary waitress hna ka zawng ang a, chu chuan kan trip neihna a hmantur chu ka intum ve thei ngei bawk ang.

Chu thil chu ka ti ngei tur a ni.

Zíng hma takah thawh vat angai tih hria in ka mu leh ta vat a.

THE NEXT DAY...
.

Zinng  ka alarm set chuan min ti harh a, bathroom lamah ka tlân lût vat a, shower ka hmang zung zung a, "Vawiin hi ka temporary hna ka zawn hun a ni tak, chuti ang hna chu a ranglama ka zawn ngei pawh a ngai ngei ang."

Ka thawmhnaw dahna closet ka hawng nghal a, chuta ṭang chuan coat buang thâng leh kekawrtlawn tight lam pang dum ka la chhuak a, ka kawr chung hâk tur hnuai a ka inbel atân top hring dal ka la leh a ka inbel ta  nghal a, phei khawk lam chu ka ngah ngang mai, Wesley vâng hrepin, pheikhawk pum rawng dum bun nuam tak tur chu ka la chhuak leh a, ka sam buang thâng mai ngil ṭha seng sawng tak chu hnunglamah sang ṭha tak hian ka ṭawn kawh ngalh bawk a, ka inpeih tawh kher mai.

Inhnuai lamah chhukin breakfast ka insiam malh malh a, thei tui thlichhuakin chu nen chuan breakfast ka ei leh sawk sawk a, ka sling bang chu ak chhuakin in chu ka chhuahsan ta vat a.

Bus ah chuangin ka kalna hmun tur 36 street aveneu bus stop ka thlen chuan ka chhuk a, bus a chuang ho réng réng chuan min melh hrek hrek hlawm a, ka hming sawiin an phun sap sap bawk a, ka tuar hrâm hrâm he thil thlen chhan hi Wesley vâng vek, chuan mi ho pawh hi an mawl kati ṭhin, Wesley nupui hual ka nih mai avângin engvângin nge busah ka chuan theihloh teh lul ang ni, dik tak chuan limo a ka chuan a ka veivah hi chu ring duhlo mai rawh se.

Bus kal liam hnu kawng cross ka tum lai tak hian hnunglam aṭang chuan Sam hian min min rawn âu a, "Eleanor min hmu lo anga awm tum duh suh!" ka kawng kân tur pawh chu ṭhulh lehin ka lo nghâk a, ka bul a rawn thlen chuan a rawn kal hmanhmawh viau ani ang, a thaw deuh hlap hlap bawk a, a lam erawh ka hawi chuang lem lo.

Kan ngawi dûn vang vang phawt a, tlema a hah a zia awm deuh tawh ang tihan chuan arawn ṭawng chhuak ta a, "ELEANOR"

Hey khatin min áu khum chiam chiam zello teh!" Ka inher nghat a, ka melh vak bawk, ka phone amessage lo thleng chu bih nghâlin,"Sam, ka ngaihsaklo che pawh ani lo, George hnen aṭangin message ka dawng chiah a."

"Eng nge a rawn sawi?"

"Ka pi kha aṭhat chhuah leh deuh tawh thu maw le."

"Thank God...." ka thaw huai a.

"Nimin khân ka pi chu ka âu khum vak a, a ṭhalo ta nghâl a...."

"Eng thil nge thleng?" A ti ve chûl a.

"Chutia ka âu khum nachhan ber pawh, ka pi leh George chuan Wesley chhungkaw chanchin hriat an nei a, mahse min hrilh duh miah lo."

"Sam a awmzia pawh ka hrethiam lo." Hnuailam ka melh pah raih a.

"Chuan chu thil min hrilh duhloh avâng chuan ka pi chu aw rawl ring zet hian ka âu khum ta chiam a."

"Girl hahdam tum teh! I pi chu a ṭhat chuah leh thuai ka beisei."

"Enteh news lawmawm zet hrilh tur che ka nei a nia." A nui pah sâng bawk a.

"Oh, min han hrilh ve vat vat teh! Tùna ka mamawh tak pawh ni in ka hria." Ka nuih lèt ve var var a.

"Ka nau pâi hi nei thei reng dingmunah ka ding tawh,  doctor pawhin engkim a ṭha a ti a, naute pawh ṭha taka a pian tur thu a sawi."

"Ka lawmpui lutuk che." A dul lam chu ka khawih sak a.

"Chumi awmzia chu ...."

"Chumi awmzia chu nu ka ni tawh dawn tihna." A nui chhuak hak hak a.

"A âwihawm loh záwk." A thusawi chuan min ti hlim tak zet.

Hmeichhe ho hi abík takin an rawn pian hian unaunu ni tur te, nutei ni tur teleh nu nitur te in an rawn piang a.

"Infa adopt huna kan pahnih a naute thawmhnaw kan lei dun hun tur ka ngaihtuah hian ka nghâkhlel tawh ngawih ngawih." A rawn ti leh siam siam a.

"Kei pawh." Ka nuih leh sâng a.

"Oh, in naute ve tur kha eng nge a chan chin?"

"Ka hrilh tawh ang che khân Wesley nen kan enkawl dun ang, mahse ruahmanna ṭha tak ani ang em tih erawh ka hre chiah lo...."

Chu pa hming ka lam mai a vâng chuan ka zâm chhe leh der tawh.

"Mahni chauha naute enkawl theih i inring chiah lo tihna em ni?"

"Nilo, chulam pang ani lo..." mahse Wesley nena kan inremsiamna ho kha sawichhuah chi nilehin ka hre ta lo a, achhan pawh he thu ka hrilh chuan a pasal ahrilh leh ngei ang a, apasal chu Wesley ṭhianṭha tak a ni si a, Wesley beng athleng leh ngei bawk ang, 

"Uhm...nia mahni chauh a han enkawl chu ka zuam leh lo deuh a ni e." Ka ti leh ta zâwk a.

"A chhan chu a tαn nu ṭha tak ka ni thei ang em tih hi ka chiang chiah lo a ni, chuan expirience ka la neimiah lo leh nghâl." Ka bân chu ka tuai pah neuh neuh a.

"Oh, i zir mai dawn lawm, ngaihtuah duh suh, kan inpui tawn ṭhin dawn nia."

"Khawiah nge kal i tum hrim hrim a?"

"Oh... Wesley min hrilh dânin a secretary ka ni a, chu vâng chuan a company chung châng thilah Paris a ka zui ve a ngaih thu a sawi a, chumi kan châm chhùng a Wesley ka tihbuai vak lohna turin extra money lo neih ve ka duh deuh a, chumi tur chuan hnathawh tur part time ang chi zawn ka tum deuh."

"ELEANOR GARCIA."  A kut leh lam leh lama a biang dawm meuhin min phûr pui zia ati lang a, achhan âwm ang erawh ka hriathiam pui chuang lo.

"Sam tùna i rilru a awm kha chu min hrilh duh lo mai rawh!"

"A awmzia tal hi chu i hre duh em?" A su pah euh euh a, a phûr kher mai.

"A awmzia chu maw, boss in business trip a nei dawn a, chumi ah chuan min mamawh tih zawng bák ka hre lo."

"Kha i thlarau kha tlém chuan a zakzum deuh hlek anih kha... a awmzia tak ka han hrilh zâwk ang che, engvânga Wesley chuan a kalna hmuna hruai che duh nge anih? A chhan chu i lakah eng emaw rilru a put vαng zâwk anih chu, Wesley hian business trip aneih hian tumah a hruai ngai hleinem, hei chu ka chiang lutuk, ka pasal ngei pawh a company ah a thawk a, tún hma in tumah ala hruai ngailo hrim hrim." A ti ta a.

"Kha chu a dik hauh lo ang..." ka chal ka dawm khum zauh a.

"Yes, a dik lutuk."

"Khami zan costume party kan neih zαn a Wesley en dan che kha ka hrethiam reng a lawm maw le." A la ti ta deuh deuh.

"Tûnah lah naute inhan enkawl dún dawn bawk zui a nia, ka lo ngaihdân chuan nangni pahnih hi inkawprem tur tak te pawh in ni in ka hria."

"Kha i duhthusam leng kual vel kha chu theinghilh daih rawh."

"Ok, kei chu shopping ka ngai, i tân thawmhnaw thar ka rawn leisak dawn che nia."

"Eng atαn?" Ka lo ti hmanhmawha.

"Oh, in zinna hmuna i hâk tur maw le silly city of love an tih Paris ah inkal dawn a lawm."

A kal sawn ta nghαl a, "Sam hi chu a â ve chiang a ni." Ka nui chhuak ve hak hak a.

Kawng ka kán chiah car manto zet mai hi ka bulah chuan zawi muang hian arawn tawlh zâl zαl a, ka ding deuh dat, car pawh chu a ding ve zui nghâl a, a chhung aṭang chuan mipa pakhat suit dum veka inthuam sa ṭha zet hi a rawn chhuak a, "Miss min lo hrethiam lawk."

"Eleanor Garcia i ni em?"

Chu pa chuan chík zet hian min enchhuk a, "Yes, keimah ka nia, ngati nge?'

A headseat vuah chu a hmui lamah chuan ti hnâiin midang hi a be nghâl a, " amah ngei a ni e."

Chu a ṭawngkam chuan mak tak mai hian min tihlâu tlat, chhungril lamah ka tha ati khûr dar dar a, hlauhawm ahnâi ani ti a hriattir ang mai hian ka thin aphu nghâl zaih zaih bawk.

Chu car manto hmél zet mai back seat kawngkhαr chu a rawn inhawnga, chuta ṭang chuan a car angmai a suit manto tak inbel pa pakhat sunglass vuah a rawn chhuak a, chu pa chu ka lo enchík kher mai, a banah chuan sana gold aṭanga siam Daniel company ngat $ 450000 man a bun tlat, chu sana chu chuti zah man ani tih ka hriat chhan pawh TV ka enṭumin advertise a anrawn hman vâng chauh a ni, chuti  ang bawkin a coat suit hâk pawh chu Ermenegildo Zegne company suit siam tih hriat reng reng hi a ha zaih bawk, chu company chu ka lo hre ve tawh ṭhin a, an suit siam chhuah reng reng $25000 man aṭang chauhin a inṭan tih ka hre bawk, a smart shoe pawh Bally company ngat ani bawk, a inthuamna zawng zawng chu ngaihtuah pawh ka ngaihtuah thui ngam lo. Chu pa chuan pawn arawn chhuah hnu chuan a sunglases man to tak bawk tur chu a phelh a, chutah chík zet hian min enchhuk te te a, chu pa chu ka lo rin danin kum 50 bawr vel hmel hi a pu a, hei hi ka rindan ani achu tupawh an hmel aṭangin an kum zat tur âwm vel chu kan hre ve thei maiin ka hria, chuti ang kum zah anih loh pawhin a aichuan a tam emaw a tlem emaw ka ring lem lo.

Tu nge ni ta ang tih hi ka inzawhna a ni.

"Eleanor Garcia, a tâwpah zawng inhmuhna hun rem châng kan nei ve thei ta." A ti chhuak sup a, a aw chu anel awmlohin a vawt ruih a, ka aw hriat tawh hnu ang ka ti hle bawk.

Ngawi reng hian ka melh chho kal a, chuti ang mipa thawmhnaw manto zet mai inbel pha chin tur âwm ang hriat ka neih pawh ka hre lo, tu tak ni ang maw?

A aw chu a thian pah khurh a, "Kei hi Stephen, Stephen Cooper ka nia."

Ka phu chiang lutuk, Wesley Cooper pa maw lo ni lek a? Ok , Elranor nervous viau kher a ngai lo, tiin ka inhrilhru mawlh mawlh.

"Good morning, puihtheihna che ka nei em?" Zahzelah ka ti ve sap.

"Min rawn zui lawk thei ang em? Thil pakhat sawifel pui lawk tur che ka nei a."

He pa lo zui ve ngawt hi ruahmanna ṭha tak pawh ani dawn em maw ni le? Mahse thil dang erawh ngaihtuah tel angai, Wesleya pa ani a, ka zui ngei pawh angai maithei ani tih hi!

Engmah ngaihtuah zawm vak vak tawh lo chuan a car mawi zet kawng khar chu ka pawt hawng ve ta a, eng chung chângah nge min biak a tum tih erawh ka hre mai thei lo.

Heti ang thil zawng zawng ka nuna arawn thlen hma te chu ka ngaihtuah lét a, tùn ka nun hmandanah hian chuan ka confused viau in ka hria, engtiklai khan nge he ka boss hmel hriat tur a ka nuna thil a rawn inthlâk danglam tâk? Tùnah lah a hma âi daih a confuse chuan ka awm leh bawk si.

Darkar chanve lai mai inbe leh tawh miah lo a kan tlân char char hnu ah, building in ropui zet kawtah hian car chuan min din pui ta a, Mr.Cooper chu a chhuak nghâl daih bawk, amah zui ve tur chuan min ti a ni ngei ang, pawnah chuan mi lo nghâk niawm tak hian a ding vung vung a, ka vahan zâmchhe tak ém, Wesley chuan a pa chu kawng engkimah a chhûn fuh ber mai áwm e.

Muang chângin ka ṭhutna lam seat kawngkhâr chu ka hawng ve a, ka pén chhuak veta nghâl a, ka va chhuah hnu chuan mi pawh rawn be chuang lo hian inchhunglam chu a búk khum leh nghut a, inchhung lamah kan inzui lút dún leh ta a, chu in chu a pawnlam ang bawkin achhúnglam pawh chu a ropui tak zet zet, ṭhuthléng lam chu min kawh hmuh a, kei pawh engkhaw sawi set set lemlo chuan ka ṭhu ve hmiah bawk, intur ka duh nge duh lo min záwt te te phawt a, ka lu ka lo thinkhum mai bawk a, ka hmazáwn takah chuan rawn ṭhu ve in ka hmel chu chík zet hian arawn en leh a, chumi hnu chuan a rawn ṭawng chhuak ve ta a, "Ka fapa nuipui hual i ni tih ka lo hria a....."

"Sir a dik e."

"I phone number min pe thei ang em? Nikhat chu ka rawn la call duh maithei che a nia."

"Oh, okay...."

Ka phone ami ka number chu hmet chhuakin ka pe nghâl a,
Ka phone number ka pèk hnu chuan a phone manto hmel zetah chuan a save nghâl a, mi rawn melh leh rulh pah hian, 

"Well, Eleanor.... thu dik min han hrilh teh!" A rawn ti deuh tawl a.

Ka ngawi rân a, eng ang thudik nge ka hrilh dawn tih chu ka ngaihtuah leh hmanhmawh.

"Engvαnga Wesley hi kawp nge i nih? Ka fapa lak aṭang hian eng thil chiah nge duh i neih?"

"Sir i thusawi awmzia chu ka hre hauh lo."

"Hmingthan iduh vâng em ni? Nge pawisa i duh vâng záwk?" A hmel put dân chu a inthlâkthleng leh daih tawh, túna min en dân hi chu a thinrim hmel ngawih ngawih tawh.

Ka mit chu ka meng záu káwk kâwk a, Wesley hi remchânga hmang angah min ngai tihna emni? Chu thil chu ka pawm thei bîk lo.

"Eng thil nge i ngaihtuah tih chu ka hre hauh lo, mahse min ngaihdan erawh a dik lo lutuk tih hi i hre dawn nia."

"Ka diklo hauh lo, eng thil nge i beisei tih hi ka hrechiang lutuk ringawt."

Ka kalsan ngei angai ang, chuti lo chu ka dawhtheihna hian atlin dawn hauh lo, second reilo te chhung lek pawh he pa bulah hian ka awmthei tawh lo, heti ang a min ṭawng khumna hi ngaihthlâk hreawm ka ti tak zet.

Chu room chhuahsan tur chuan ka inher nghat a, kawngkhar lam chu ka pan phei a, kawngka ka pelh fel hnu chuan na zet hian kawngkhar chu ka khar ṭhuai bawk, mahse ka pawisa teh chiam lo, chu building chhung chu ka chhuahsan nghâl vang vang, ka hawikír leh tawh lo.

Heti ang millionaires ho business hi ka ngaihven ve chiam lem lo, a chhan chu rei ka awm tawh dawn loh avângin, a duh pawh ka duh bawk hek lo.

Thinrim zeta chu building ka chhuahsan hnu chuan mood off zetin hna chu ka zawng ṭha leh a, vânneih thlâk zetin barah waitress hna ka hmu ta hlauh a, zan in aṭanga thawk nghâl tura,inbia in inlamah ka haw ve ta a, in ka thlen hnu chuan Sam kan kawngkhar bula lo ding ngat ngat chu ka hmu a, "Eleanor khawiah nge maw i awm chen chen le?" Alo ti chûl a .

"Min lo nghah ve ka ring a sin."

Ka nuihsak ringawt, inchhungah chuan kan inzui lût a, zanin a ka hnathawh thawmhnaw tur chu ka inbel pah malh malh arawn hmuh chuan,"Ngawi lawk teh! Eng vânga kha ti ang thawmhnaw kha inbel nge i nih?" A ti ta khauh a, a meng tang hra bawk.

"Hna ka thawk dawn maw le." Pángngai zet hian ka ti liam puat a.

"Tùn ang hunah hian maw?" Mak ati leh zual sauh.

"Aw, barah waitress angin min hire a lawm."

"Oh, Eleanor.... hmeichhe zakzum tak i ni a, i bula midang nikhua lo zet zet ho zan lama hun hmang ṭhin chu i tuar thei dawn em ni?"

Ka mengkual khum deuh ralh a, nihnih chauh alawm ka thawh dawn a, chumi ah chuan pawisa tlem azâwng ka lo hlawh chhuak ve bawk ang a." Ka ti khum hmiah.

"Anih Wesley hian a hriat pui che em?"

"No, a hriat kha aṭul ber pawhin ka hre lo, ka pasal hual diktak pawh a ni hleinem i hriat vek kha."

"A nihna takah ....." a thusawi chu chhunzawm talo chuan a kutin a nghawng hnunglam a tuai vel ta mai mai a.

"Ka ngaihven teh vak lo Sam."

"Ka thil duh chu ka ti thiangin ka hria, hei hi keima duhthlanna a ni bawk." Ka tih zawm leh a.

"A dik e, mahse......"

"Tûna ka kal anih loh chuan ka haw tlâi viau ang tih ka hlâu, naktûk lamah kan inbe leh dawn nia." A thusawi lai chu lo pawhchah sakin ka tih zawm leh nghâl zat a.

"Oh, chuan hei he bag hi ka hnut chhiah ang che, achhungah hian thawmhnaw ṭhenkhat ka rawn leisak che a awm ang."
Bag chu chair chungah chuan a hûng a.

"Sam ka hmangaih che." Ka nuih seih a.

"Good bye beautiful, Eleanor i luhlul ve ngawt mai." Ka chhanna pawh nghák tawh lem lo hian a kal chhuak ta a.

Sam kal chhuah hnu chuan kei pawh ka hna thawhna tur hmun chu ka pan a, a hmun ka thlen hnu chuan bar kawngkhar chu ka nam hawng a, mi awm ho chu ka thlir kual a, inngaizawng áwm tak te, ṭhian dun te, mipa ho group a awm te an ni hlawm fur a, chúng ho chuan hun ṭha tak leh hlim awm tak an hmang mék a ni tih hriat zet hian an ti ti a, an nui hlawm bawk a, kei pawh chuan customer ho order chu la nghâlin intur chu ka sem sual ve a, midang ho bula an intur ka va pék apiang chuan min endan dang tlat a ngaihna hi ka nei a, ka laka an rilru put dân chu a ṭhalam anilo maithei chuti ang melh chuan min lo melh hlawm a, nuamlo ka ti ru tak zet.

Thil chiang sa chu ka chungchang thu midang ngaihdan hi a diklo ani tih hi!

Wesley nen kan inkawp tak tak lo a, a pawisa ngah emaw ahmingthanna pawh ni se, chuti ang chuan min ngai ani maithei, mahse hmeichhe normal tak ka ni a, a secretary ve mai ka ni bawk, chumi awmzia chu ani angin ka hausa ve lo a, ka lâr ve lo bawk.

Kei nilo in Wesley hian kei aia ṭha leh hausa hmeichhia a tawn hi a phu tlata hriatna ka nei bawk.

"Hey, Eleanor."

Ka hminga min rawn ko tu lam chu ka hawiphei vat a, "Matt." Ka lawm kher mai, nuih var var pahin a dinna lam chu chu ka pan phei nghâl vat a, "Matt, i ṭha maw?"

"Kan inhmuhlohna hi engtia rei nge nitawh le?" Nui sang chung hian alo ti ve a.

"Hetah hian i thawk em ni?" Mak tih hmel zet hian a ti leh nghâl a.

"Oh." A ka a hup châwih a.

"Cooper's corporation aṭang khân an bán tawh che em ni?"

"No, chuti lam a ni lo, hei chu extra job mai mai nireilo te chhung atân chauh a nia." Ka ti ve sap a.

"Oh, ka hria e." A nui veleh suk a.

Ka bengbulah rawn kún hnaiin, "Ngaithla rawh he khawpuiah, hian thu nilo lo a thehdarh ching hi an kat nuk a nia." A rawn ti ru sar sar a.

"Matt." Ka chal a dawm zauh a.

Engthil nge sawi a tum tih chu ka hre reng, mahse sawi chhuak lo se ka duh zâwk.

"Wesley Cooper hi i pasal hual ani tak tak em?" Zawite bawk hian a ti leh a.

Engtinmah ka chhâng lo, "In in neihni ah min rawn sawm ve ang em?" Amah bawk chuan atihzawm leh a, a hlim lutuk a áu chûl bawk a.

"Inbengdai teh Matt, intur te i mamawh em?"

"Khawngaihin beer min lo pe ta che."

"Okay, lo nghâk rawh, bar awmna lam chu ka pan phei leh ta a.

WESLEY....

Tun aṭang chuan Eleanor hi ka nupuihual ani tawh a, engti angin nge kan future wife te hi kan treat ang tih hi ka zir angai ang."

Achhan chu he thil hi rei tak chhung kalpui a duh reng lovang tih hi ka chiang a ni.

"Diktak chuan.... nupui hual diktak anga ka cheibawl ve a hun tawhin ka hria, chu chuan press mi ho lakah pawh min hum thei ang, he ka nupui hual anga ka lan tir na chhan pakhat chu press mi ho lakah mipa rilru nghet tak nei ka ni tih leh womanizer ka nilo ani tih lantirna ani pah bawk a....

Mahse ka tâwpna tur hi Elo hmangaihna ah alût ang tih erawh ka hlau....

"Nilo e, achhan chu hmangaihna hian eng thilmah a thlen tak tak ṭhinloh avângin, ka feelings hi engtia controll tur nge tih hi ka hria a ni."

"Well, thil âwihawmloh tak siambelh tur chuan how to treat your woman tih website ah ka luh ngei a ngai ang."

Laptop ka bul maia,awm chu ka ban nghál a, Hmm, heta a inziah dân chuan mizingah a kut i vawnsak ngei tur ani.

"Hmm, a kut vawnsak chu a ṭha e, mahse a kut nèm tak kha......" ka lu ka thing deuh nawk a.

Uhh, khati lutuk chuan nilo e, duat tak a ka tih a thil eng emaw feel kher a ngai lo ang.

Chuan a dang, ka en leh a, "Love letter ziah sak."

"Eng thil...." ka chal ka dawm pah ngûih a.

Ka nui chhuak ta hawk hawk a, "A tân love letter chu ka ziah sak hauh lo ang." Elo hian a duh pawh a duh dawn lo lutuk.

Ka phone chu a rawn ri a, ka pickup nghâl vat, "Yes,Tommy."

"Túnah inah i awm em?"

"Aw, ti nge?"

"Thil pakhat pawimawh tak kan sawi dun angai ang, túna ṭanga minute nga chhungin ka rawn thleng ang, kal kawngah ka awm mek."

"Ok."

Eng thil nge nileh ta, Elo chung châng nge ni ang a, kan company lam záwk? Tommy hi ka company pakhat a manager a ni a, ka tâna thawk ani a, ka ṭhian ṭha tak a ni tel bawk, ani lo hi chu kawp ka nei em em lo, ṭhian ka kawm tam lem lo a, hmeichhia erawh ka kawp nasa thung! Chúng ho zinga pakhat mah chuan ka rilru an sûk thlèk pawh ka hre ngai lo, mahse Eleanor hi chu chúng zing ami ah chuan ka chhiar tel ve thei tlat lo, hmeichhe tihnat awlsam tak ni a ka hmuh avângin a feelings hi infiamnan ka hmansak thei lo.

Tommy pawh arawn thleng ve ta a, phone arawn be lût mawlh mawlh bawk, "Sam eng thil nge ti tur a min duh hrep a?"

"Ok, inbengdai rawh."

"Honey ka rawn hmu vat ang che, i thusawi avâng khân Wesley ka hmu lawk ang a, ka rawn haw vat dawn nia."

A phone a dah hnu chuan chauh hmél zet hian a hám pah bûi bûi a, "Eng thil nge ni ta?" Ka ti chhuak sup a.

"Sami'n thil pakhat hrilh tur che in min ti a."

"Eng lam nge?"

"Eleanor chu túnah hian gossip megazine web page tinah a chuang leh pek tawh anih chu!"

"E...Eleanor maw? Eng nge a chungah thleng leh tawh a." Ka thinrim nghâl ûl a.

"Mi tu emaw ina an ti na leh anih vaih chuan Pathian hmingin....."

"Relax Wes, chuti ang lam pang chu anilo tih ka chiang a ni." Alo ti ve vat a.

Damn it.....Elo buaina dang i tawh leh loh ngei ka beisei...

"Gossip megazine pakhat ka han enchhin ang e." Tommy chuan a phone chu a khawih nghâl a.

ELEANOR...

Bar chhungah chuan hawi ngaihna pawh ka hre tawh lo, ka hawina lam apiangah chuan camera a de zawk zawk a, reporter ho chuan min dinhual vek bawk, "Engmah sawi tur ka neilo." Ka tihkhum hlak a.

He united state chhunga mipa thil tithei ber te zinga pakhat nupui hual i ni a, ani chuan bar pâng ngai tak a wairress hna thawk tur hian a phalsak che tihna maw? Miss Garcia hei chauh hi min chháng rawh."

"A hma a ka lo sawi tawh ang khân engmah sawi tur ka nei lo." Chu chu a pawimawh viau em ni? Hmangaihna hi hausakna ah chiah a innghat lo. Tute pawh mai chuan ennawm thlír tak hian min thlir tawh a, ka lam hawi záwngin camera lah chu a de chuai chuai reng mai bawk nen, hrehawm ka ti kher mai.

Heti ang chuan paparazi ho hian hna pawh min thawh tir dawn lo chiang lutuk, an thil duh ka lak aṭang a an hmuhloh chu hmuh nfei tumin min tihbuai pawi an ti hauh lo ang, chu chu thuhran mimal feelings pawh an pawisa lo ngei bawk ang.

Thil pakhat ka hriat reng tur chu eng ang pawhin min zâwt chík in an thil hriat duh mi sawi chhuah tir tum nan eng pawh sawi chhuak mahse Wesley nen kan relationship chung châng erawh ka sawi chhuak hauh lo ang le.

Ka hawi chhuah zauh lai a ka boss in cash register hmuna min ko chu ka hmu a, chulam pan chuan ka kal phei ta daih a.

"Khawngaihin lo kír leh teh!" Tiin chúng ka chanchin hriat châk a rawn kal ho an chanchinbu hralh theihnana mi mimal thil pawh pawisak neilo ho chuan min la rawn âu lét ṭang ṭang a, ka ngaihven ther te lo.

Zam deuh tak hian ka boss bul chu thleng pheiin, "Hello, boss." Ka ti sep a .

"Min hrethiam hram rawh hetiang mi ho hian min rawn hnaih ang tih rinngaihna ka hre bìk miah lo."tiin thupha ka chawi zawm leh sap a.

"Eleanor hna i thawk ṭha in waitress ṭha tak pawh i ni tih ka hria, mahse he hmunah hian ka thawh tir theih che ka ring lo, achhan chu paparazi ho hian hetah i awm tih hria in túnah chauh lo pawh an rawn kal char char tawh dawn a, an thusawi kha adik  anih a Wesley Cooper hi i pasalhual anih phei chuan heti ang hmuna hnathawh pawh i mamawh reng reng hleinem."

"Mahse keima mimal tαna pawisa lâkluh ka duh sia lawm, engvânga mi tute pawh hian Wesley pawisa nena ka nun ring vek nge maw innih mai chu le?" Ka thinrim lutuk chuan insúm hmanlo hian ka ti chhuak ve hraih a.

"A pawi ka tih pui khawp mai che Eleanor."

"Kha he pawisa hi la la, hei hi i hun ka khawhral sak man che nirawh se, heti anga paparazi tenen chuan zankhua in hun i hmang theilo ang."

A ṭha e, thil thlendân engkim mai hi a ṭha lutuk, ti rilru chung chuan thinrim zetin chu hmun chu ka chhuahsan ta a.

Pawn ka chhuak chiah Wesley hmel hmuh ka inrinloh na hmunah chuan ka va hmu a, ani chu a car manto zet mai chuti lai hmuna inhung atân pawh chuan a inhmehlo kher mai tihna hmunah chuan a car chu nghengin ngawi renga ding chung hian min lo thlir reng a, zâm deuh tak hian ka pan phei a, a bul ka thlen chuan zâwi sup hian, "Nuam i ti em?" Ti supin a mit ko min lo sân khum pah áwk a.

A shirt dum bân bul hâk chu iron a nawh mar dak zaih hi a ni a, engmah chuar hlek pawh hmuh tur a awm lo.

"Kawng i bo deuh em ni?" Ka mitko ka sân khum ve âr a.

"Engvânga heti ang hmunah te hna thawk réng rèng nge maw i nih le?" Thâwk ala pah hawk a.

"Ka haw duh!"

"Miss, chu chu i order em ni?" A nui chhuak zui hawk a.

Wesley chuan a car passenger seat chu a hawnga, achhúnga lút tur chuan min ti nghâl a, ka tawi deuh hrat, ka bαnah chuan dìm tea rawn vuanin ka ṭhu lút tur chu min lo pui a.

A kutin ka bân atawhna chu electrict current man zawr ang mai hian a hik nghαl zawkin ka hria, chu chuan ka vun te chu a ti múr nghâl ar ar a.

Ka melh chho zawk a, amitmeng vur ang maia vawt ruih mi rawn enchhukna chuan ka awm te chu atinuamlo hial hian ka hria, Elo incontroll rawh.

Ka ṭhut luh hnu chuan a ni pawh chu driver seat lamah chuan ṭhu ve in car chu a tinung ta nghâl a, a bân tha chak tak leh thahrui ngah zetin a a car khalhlai steering hnehsawh zeta a herh kual zâwng a abân tha inphiar deuh ṭalh ṭalh leh a taksa han insang mat deuh hlek ṭhin te chu ka lo enchìk kher mai, he pa hi chu mipa diktak mahse arilru erawh thir anga sak tuiral ve ngailo niin ka hria, mahse a hmuia fawhna leh a kuta ka taksa akhawihna te reng reng chu a danglam viau bawk si.

Chuti ang thil ngaihtuah a ka suangtuahna ka kawm vel mai mai lai chuan car chu a ding tih ka hria a, ka harhchhuak ve chiah, car kawngkhar chu ka hawng a, min dinpuina hmun chu mak kati kher mai, pawna kan chhuah hnu chuan Wesley chu ka melh chho a, "Hei hi ka in ani hleinem." Katih khum nghat.

"A hma te khân i hrechhuak lo em ni?"

"Thildang ka lo ngaihtuah...." i pa chung châng pawh ka ngaihtuah maithei a, chu thu erawh ka sawichhuak lem lo.

"Eng chung châng nge i lo ngaihtuah a Eleanor?"

"Ka ngaihtuah chu engtin nge kha ka thawhna bar kha i hriat chhuah theih tih hi ka lo ngaihtuah a." Ka ti ta zâwk a.

"Eleanor...."  a mengkual ve rulh a, thâwk ala pah hawk bawk.

"Eleanor tùnah hian United state chhung zawng zawng a gossip web page ah i lang tih hi i hria em?"

"Eng maw?" Ka kα hau a, ka mengphâwk hle bawk, Wesley thusawi chuan mak min tih tir lo thei lo, chuti ang em em anih chu ka ringlo a sin.

"Kha chu pawm mai la, miho hian i chung châng engkim anhrevek tawh tih hi."

"Tún hnu ah chuan hei hi ngaihtuah tawh bawk la, nangma private hun hman i duh anih chuan a rùk thei ang bera i tih angai tawh ṭhin ang tih hi hre reng ṭhin tawh ang che."

Engmah sawina châng pawh hrelo hian ka kâ chu ka la âng pam a, ka nun zawng zawng chu a inthlâk dang lam mai pawh nilo in a inlet thawk zâwk hian ka hre ta zâwk a.

"Elaenor i hmui i chìp thei tawh ang."

A kalsawn nghâl a, Oh, dear Lord engtin nge ni ta ang? Thla reilo te kalta kha chuan tumahin tunge ka nih tih pawh anngaihven ngailo a, tùnah chuan ka nundan engkim an hrechhuak vek a, private hun hmang tur pawhin a rùk a tih angai ta tihna maw?

Wesley kalna lam chu ka úmzui hlak hlak a, a kal chak phian mai leh nghâl, amah úmpha tur chuan ka tha neih tâwp a tlân leh angai hial ang.