SEDUCTIVE CHAPTER 17

SEDUCTIVE CHAPTER 17

ELEANOR....

Inchhung lamah ka lút a, Lola pawh ka ngaihtuah tawh lo, ka room lamah mittui dir zung zung chungin ka tlân chho a, khum ka thlen veleh ka bawk nghâl thlawp, ka rilru a lian ber chu ṬAHNA a ni. Ka pi tùnah hian damdawiin khumah mu in dinhmun ṭhalo takin a awm a, kei hetah rilru leh thinlung hliamin ka awm a, ka pi chu ka bulah awm chu ni se chuan min hnem dαn a hre tur hi a nia, lungchhe zetin ka ṭap zankhua zak tih theih a ni, khawvar dawn lamah chauh ka muhil ve hrâm a, zìng ka tho pawh ka harhvang lo kher mai.

THE NEXT MORING...


Ka tho chhuak pawh chu ka hahchhiau deuh ṭhiai ṭhiai reng a, ka khuh nasa hle bawk, ka pang ka dek zauh a, a lo sa vur mai bawk a, nimin lama ka ruah do na kha ani ngei ang le, "Mahse hna thawk turin ka kal a ngai...." ka heh hnuailam ka pet zeuh a, ka awm erawh a nuan hlawl lo.


"Damnit, hetianga damlo chung phei chuan engtin nge maw hna ka han thawh theih tehlul ang ni?"


Inlama awm mai te chu ka chák kher mai, mahse....


"Nilo, inlama awm thei ka nio, ka hna te kha min chán tir nge tir lo tih te leh a hnena thawk turin min la duh em tih te, Wesley chu nimin lama a haw hnu khan a ṭha em? Tih te tal ka chiang ve ngei tur a ni." Ka ti ta zâwk a.


Bathroom ah lûtin tuilum sa ver vawrin ka inbual phawt a, chumi hnu ah, nachhawkna ka hmawm leh a, peihlo zet chungin ka uniform chu ka inbel ta a, ka sam ka khuih thuak thuak a, hnunglamah ka ṭawn mawl tawp, lipstick ka inhnawih leh zuai a, in aṭang chuan ka inkhalh chhuak ta a.


COOPER'S COMPANY...

Building chhungah chuan ka lût a, ka hmel chu a ngui bâr ka ring, ka damdawi ei chu a thawk har ka ti kher mai, office ka thlen hunah pakhat ka ei belh leh mai ani ang chu!

Wesley room chu a lo inhawng kau deuh a, kik hranpa lem lo chuan ka lût leh mai a, atihdan pângngai ṭhin ang bawkin mi h ungchhawn zawnga dingin phone ah mi alo be leh mawlh mawlh tawh.

"Aw."

"Zaninah kan inhmu dawn nia."


"I lo thleng tawh a." A rawn inher nghâl a, a mitmu thimruih chuan min rawn melh chhuk run a, ahmel hriat ngailoh ni ang hian ka inchan phah hial.


"Good morning boss." Engtin nge ka lut ani tih chu a hriat zâwk le?

"Miss Garcia."

"Zanin hian business chung changah min kal chhuah pui ka ngai dawn a nia." Mi pawh rawn en leh tawh lo hian a ti a, a awmdan chu a la pang ngai reng, mahse kan inkarah chuan leikhichat thûk zet mai awm tawh a hriatna hi ka nei a.

"Kei...."


"Aw nangmah, i hák turin thawmhnaw i inah ka rawn thawn ang che."


"A ngaih ka ring lem lo."


"Keiin ngai ka ti thung a lawm."

Wesley chuan mi rawn panhnaih hranpa pawh tum lo hian ka dinna aṭanga hla takah hian a ding rûn a, inhmelhriat lem lo inbe satliah te pawh kan ang mah zâwk, chuti ang a min cheibawl aváng chuan hreawm ka ti a, rei pawh ka en ngam lo, ka melh rei deuh chuan kan tawpna aṭang a ṭan ṭhat leh duhna rilru ka pu angah min ngaih phah ang tih te pawh ka hlau, mahse tûna kan awmdan zet erawh hi chu vawikhat inhmuhna ni ang mai in min inngaihtir.


He thil lo inṭan chhan hi Lola thil hrilh dikloh vang ani maithei a ni, eng chiah nge Wesley bulah hian a lo sawi tih vawiin chawhnu lam ah hian hunawl ka nei anih chuan ka zawt ngei ngei ang, chu chu ka tihtur pawimawh ber pawh ni in ka hria.

Engmah pawh sawi leh tawh lo in a kalsawn ta daih a, kei pawh ka offfice room lam chu  panin, computer ka on nghâla hna ka thawk ta malh malh a, vawiin chu ka thawhtim leh zual angai ngei ang le, achhan pawh Wesley chu ka ngaihtuahna aṭangin dahbo theihna awlsam ber a ni tlat.

Hna ka thawk mawlh mawlh a, ka awmnawmlohna te nen lam chuan ka theihngilh ṭhak hian ka hria, mahse ka chawlh meuh chuan ban alo hun reng tawh tih ka hrechhuak ve chauh, ka luak te chu a chhuak nghulh nghulh hian ka hria a, damdawi ka ei chhunzawm leh zat, hei chuan min chhawk chiang bal tawh ang.

Ka thil tihlai chu ka tifel leh sawk sawk a, Lola inlamah ka kal kawi la ngai bawk nen, zaninah hna lam ningei tursh Wesley ka kal pui la ngai bawk, chuta inpeih tur chuan in ka thlen hnuah pawh ka chet leh vat vat angai ngei ang,  chu building chu ka chhuahsan ta vat a, hna ka thawh zawh hnu ah ka car nen chuan inkhalh chhuak lehin inlam pan ta lo chuan Lola chenna hmun lam chu ka pan ta a, a inzawnah chuan ka car chu park tha in inchhungah chuan ka lût a, Lola chu model ho thla la hian alo buai khawp mai a, mahse kei pawhin ka nghák thei bík lo, tihtur pawimawh ka nei ve tho, ka pan phei a, "Lola nizan chung changah khan thil hriat thiam theihloh ka nei, engvanga Wesley kha ka chungah thinrim viau nge anih tih hi ka hrethiam thei lo." Ka va ti tawl nghâl a.


"Engtin mah min chhang lo, thil eng emaw ka hriatloh te hi a awm a nilo maw?"

"Ka hre bik lo." A camera chu a dahṭha mawlh mawlh a, "Thankyou Sandra." Chu model nu chu a kal chhuak ta a.


Lola chuan ka lam arawn hawi a, "Eleanor kha pa kha theinghilh rawh! I tána pawimawhna neilo a nih kha."


"I hmu reng lo em ni, ani chuan awlsam taka atheihngilh nghál mai che hi!"


Min theihnghilh nghâl tihna maw ni a? Ka ngui nghâl raih raih, mahse engmah erawh ka sawi chhuak chuang lem lo.

"Min han hrilh teh, a rawn call tawh che em?" A aia aw zawi chuan arawn ti leh sa sa a.


"Phone hauh lo." Ka ti ve sep.


"Anih message tal a rawn send che em?"


"Chu pawh ati chuang lo."


"A nih hna thawhna lamah biak che tum angin a awm em?"


"A dân tlangpuiin ka chungah a nelawmloh viau ṭhin hnathawhna lamah chuan, ka biak chhun pawh thil pawimawh ah chauh, chutah pawh chuan bung zet zetin min chháng ." Ka ti leh a.


"I hre mai lo'm ni? A hmangaih lo che a, i bula hun hman aduh tawh lo ani tih ahriat reng alawm, chuváng chuan i phu tâwk nangma tána ṭha tur mipa i tawng leh èm ém ang tih hi ngaihtuah la a ni mai."


"Ka tana mipa ṭha tak chu Wesley bàk hi an awmtawh pawh ka ring lo ve." Ka ti chhuak leh hraih a.


"Oh, ani nilo, mipa dang i level pui deuh te ka tihna a nia."


Ka mitko sân khum ve àk pah chuan, "Eng nge i thusawi awmzia chu, ka level pui i tih tak chu i sawifiah thei ang em?"


A nui chhuak hak hak phawt a, "Elo kha tin ka diklo ang chuan ngai mai lo teh! Awlsam ber chu hmeichhe simple middle class an duh châwk, Mr.Cooper ang hi mi tu pawh an ni vek thei hleinem, ani chu billionaire ani a, a la naupangin mipa hmelṭha leh pa tak a ni bawk a, nang hian eng nge i neih ve? Engmah."

"Chumi chung cháng sawi chu ka duh tawh rih lo." Ka ti ta thuai a.

"A lehlamah i duhlo a ni lo'm ni a ni em?"

Ka ngawi ta reng a, engvàng a chu a zawhna chu chhâng theilo nge ka nih? Wesley hi ka hmangaih em? Hmangaihlo ni i la, heti ang zawng zawng hi ka ngaihtuah dawn em ni? He thil hi ka lo la ngaihtuah chhin ngailo hrim hrim a, tûnah hian chu thil ngaihtuahna ka neih aṭang chuan ka harhchhuak ve chiah niin ka hria.


"Eleanor." Lola chuan min ko ṭhat a.


"Eng nge?"

"I hmangaih ani ti chuan min hrilh hauh suh!"

"Chu lampang pawh ani chiah lo....ani chu ka boss ani a lawm, chuan a personal...."


"Enteh i theihnghilh theihna turin ka pui dawn che nia, zanin hian kan pahnih in party naah kan kal dûn ang." A hmel chu a hlim nghâl sarh mai a, ka awt mah záwk, chuti ang nih theih ve chu ka duh tak zet, mahse ka thei tlat lo.



"Uh, ka theilo ang."


"Engvang chuan maw?" A hmel chu a ngui ve sawt hian ka hria. "Hun nuam tak kan hmang dûn ang chu ka lo ti a sin."


"Ka châk viau a chu hna ka thawh a ngai Lola."

"Hna a?"

"Aw, Wesley nen hnathawh tur kan nei a."


"Damnit, zanlamah thleng thleng maw Elo, a ti deuh mah mah in ka hria." Min thinrim pui viau hian ka hria, mahse hna chu ka thawh angai miau si a.

"Chu chu alawm ka hrilh tum che, a personal secretary ka ni a, a duh duh hunah min ko thiang a ni, kan in hmu leh vat dawn nia." Lola hmel thinrim tak chu ka kal chhuahsan ta a.

LOLA....


inah ka hna chung chánga ka lo buai miah miah lai chuan Eleanor a rawn lût a, ṭha takin ka lo bia a, a hmel put dan aṭang chuan a hna a chân phah anih ngei ka ring, ka hlim kher mai,  Wesley a hnaih theihna awm zawng zawng hi chhut chhiat sak ka duh hial âwm e, chu chu ka thil tum ani rèng bawk a, a chung chang ka lo zawt a, mi rinhlelhna pawh nei map lo chuan a sawi zel a, chuti taka Mr.Cooper chuan be tawh si engvâng a ahna chu la pe chhunzawm zel nge anih ka hrethiam thei lo, party na a kal pui a mualpho thei ang bera siam leh chu ka rilrûk a, mahse hnathawh tur aneih chhuan lamin min hnar tlat, ka thinrim ṭeuh mai a, mahse arinhlelh tur anga awm erawh ka tum chuang hran lo.

"Kan inhmu leh vat dawn nia ti a sawiin min kalchhuah san leh ta a, "Eleanor Garcia tunge Wesley bulah hian la awm tih chu kan la hria ang chu!" Ka ti chhuak hial, ka thinrim chu ka insehruh ṭeuh mai bawk a, he nu hi ka haw ngawih ngawih bawk.


ELEANOR HOUSE....

ELEANOR....


Lola in aṭanga ka inkhalhchhuah hnu chuan ka pi awmna damdawiin lam ka pan a, ka pi chu a la pângai reng, alo la harh chhuak chuang lo, a khum bulah chuan ṭhu in ka pi engmah hre lo bulah chuan ka inbun ruak a, ka ṭap zawih zawih bawk, ani tal chu harh chhuak ni sela chuan a mi hnem ṭawngka chu hria in ka damphah deuh tur hi a nia, ka pi ka mangṭha hnu ah doctor ka hmu leh a, a harhchhuah theih hun tur ka zâwt a, a harhchhuah ṭep arin tawh thu leh hlauthawng lo tur in min lo hrilh a, thâwk ka la halh, beidawng tak bawkin damdawiin chhuahsanin  inlam ka pan leh vang vang a, kalkawng tluan chuan ka inngaihtuah a, Lola inah chuan kalin ka thil zawh duh chu ka zâwt ngei mai, chutia ka biak zawh hnu ah chuan thil pakhat mak tak awma hriatna ka nei, chu chu Lola hian ka ngaihtuahna hi min care sak lem lo a ni tih hi, khati ang thil rilru natna ka neih kha min tawrhpuiin min lo hnem ve ka rin tehlul vei nen, mahse chuti ang zawngin engmah sawi a neilo, tûnah chuan keimah chiah ka ni leh ta, insiam peih vat vat a, ka hna lam pang chiah ngaihven chu ka tih theih awmchhun ani tih chu ka hrechiang ta hle.

Bathroom lamah lûtin tuilum sa ver vawr tak chuan ka inbual a, towel a ka lu tuamin bathrobe ka ha chhuak a, inhnuai lam pang door bell a rawn ri ral ral a, "Ka lo kal!" Ti a âu vak pahin inhnuailamah ka tlán thla a, ka kalthlák dán teh tawp chu a zahthlák ka ti ru viau a, mahse kawngka bula lo ding tur chu Wesley erawh ani hauh lo ang.


Kawngka ka hawng chu mailman hi alo ding reng a, "Uhh, goodnight, puih theihna che ka nei em?"


"He package hi Eleanor Garcia ta tur a nia."


"Keimah!" Mak ka ti angreng viau.


"Khawngaihin tah hian sign ta che." Lehkha leh pen arawn phawrh chhuak a.

Ka sign zawh hnu chuan, "Ka lawm e." Ti a pék let pah chuan a package min pek chu ka lo la a, kawngka khar leh ka tum lai tak chuan chu pa chu a phu deuh zawk, "Ngawi lawk teh miss nang hi i ni ti raw?"

"Whoah." A au chhuak deuh hlut a.


"Eng a? Nilo..." ka phu deuh zawk.


"Min hai anih ka ring, midang nen min ngaih hai ani chiang ang." Ka ti niah niah a, ka zàm hle bawk.


Zah a vâng a nuih luih sak pah hian ka sam huh ka tuamna towel chu ka khawih deuh zauh a, "I hmel aṭha hle mai." Chu pa chuan ala rawn ti ta deuh deuh a.

"Eng...?"

"Goodbye Eleanor, vanneihna sang tak chang turin ka duhsak a che." A kal sawn ta nghál a.


A kal hnu chuan kawngka pawh khar mai nachang hrelo hian ka hauin ka ding zum reng a, "A mak hle mai...."


Kawngkhar chu ka khar a, inchung lam ka room awmna chu ka pan chho leh ta a, Hmm....package chhungah chuan eng nge awm in enchhin ang hmiang, online aṭangin engmah chah ka nei silo ti rilru rauh rauh chung chuan ka hawng a, chu package ka hawng chiah chu ka thlarau a chhuak dâwrh hian ka hria, "Nilo, a tak ani theilo ang." Mahni in ka phun chhuak mawlh mawlh, Lola in fashion show neihna hmuna model chang kang tak takin cat walk an neih laia an hâk ang kawr manto tak ang kha min hriatchhuah tir.

"Heti ang kawr ka duhthusam Wesley hian min rawn leisak ang tih rinngaihna pawh ka hre lo......nge ni heti ang kawr nalh hi ka duh ang tih a chiang viau zawk?" Mahni chuan ka phun malh malh a.


Eng pawh ni se, a chungah chuan thinlung takin ka lawm hle tih ka sawi thei ngei ang.


Pheikhawk man to tak alo la awm tel zui, mahse heti ang thil inbel tur hi ka ni em? Ka nihna ang hian ka lang mai tur záwk ani lo maw tih zawhna chu keimah ah a lian ber záwk, hna thawhna a ti a, hna kan thawk dawn a, meeting pawh ani maithei, chuta heti ang kawr nalh leh man tam zet lo hâk chu kei a personal secretary ve mai tân chuan a mawi hauh lo ang, ka kawr dahna chu ka hawng a, thawmhnaw man to ve tak khami ni yacht a ṭanga ka hâk chhuah kawrlum mal chen vel a dum chu ka la chhuak a, ka ha ta záwk a, chu loah nizan mai khan hmeichhe sum duh tiin min chhuah a, chuti anga min ngaihna chu a diklo a ni tih lantir hi ka tum ber a ni.


Ka insiam ta sawk sawk a, ka sam chu ka curl a lipstick ka inhnawih leh hnu chuan ka inpeih ta a, mahse a pheikhawk min rawn thawn erawh bun a nawm hmel èm avángin ka bun thung a, "He a kawr min rawn lei hi chu ka thawn kir leh anih loh pawhin ka pi enkawlna tur ka hmuh veleh pheikhawk man nen hian ka la rul ngei tur a ni."

Kawr ka lâk chhuah zawng chuan ṭhi nalh zet mai hi arawn tla chhuak a, ka phu zawk, chu pawh aman a to viau ang, ka ngaihtuah ngam lo, engvânga heti ang thil hi ka chungah ti nge anih? He thi hi amah ngeiin ka nghawngah chuan min han awrh tir sela, chu thil ka ngaihtuahna avâng ringawt pawh chuan ka mur ar ar a.


"Elo heti ang thil i ngaihtuahna  hian khawi hmun mah a hruaithleng chuang lo ang che, nangmah leh nangmah i in ti na thlâwn mai mai zâwk ang."


Ṭhi pawh chu a dahna ngaiah chuan ka khung leh a, hei hi ka ta tur ani ve lo.
Wesley chuan a kawr min rawn thawn a hâk loh avângin ka chungah nunrawnna achhuah èm lo ang chu maw tih rilru pu chung chuan in chu ka chhuahsan ta a.



Damnit, khawi hmunah nge kal tur tih ka lo zawh theihnghilh daih mai, chu thil ka hriat chhuah avâng chuan â ka in ti kher mai, engvânga chuti ang thil pawimawh te lo zawh theinghilh nge maw ka nih reng remg le?



"Ugh, call mai ila ṭha in ka hria." Ka chal a beng deuh dat a, ka bag ah aṭang chuan ka phone ka phawrh chhuak a, a number chu ka dial ta a.


Ka ngai thla deuh vang vang a, a inring zo ṭhak mai. "Min chhâng hauh lo, engtin nge maw ti se min tih remg reng chu le?" Tháwk ka la pah hak, ka nuamsam lo ru viau mai leh nghâl.


A vawihnihna ah chuan a pick ve ta hrâm e, "Hello goodnight, Wes....ka tih awmzia chu Mr.Cooper." ka ti bah deuh nak.


"Uhm, khawiah nge tunah i awm ka hre duh a, ka rawn hmuh theih nan che....."


"I hnunglam rawn hawi rawh." A aw vawt leh rilruih chuan arawn ti a.


Ka inher zawk, ka hnunglam feet khat vel lekah hian alo ding reng tawh, a mitmeng vawtruih mai leh gray colour chuan min lo en reng tawh ani tih ka hriat chuan ka phu chiang hle, "Mr.Cooper." ka hmui ka hup deuh châih a.


Wesley chuan a cell phone chu a cut a, a kekawr ipte a adah leh hnu chuan ka ke ler aṭang a ka chhip thleng chuan min enchho a, eng thil nge angaih tuah ang tih chu ka lo ngaihtuah ve rauh rauh.

Chuti ang chuan rei vak lo chhung chu ka en chho ve reng a, Dear Lord....

Heti ang em em hian mihring hi an lo ṭha famkim thei ani maw ka ti hial.


A sam dum hlap mai sei ve lek lek tawh chu a inhmeh phian a, a kawr hâk manto zet chuan a taksa pian nalh zet chu a cheimawi hle bawk.


Chuti anga ka en rengna chu tih tâwp ka duh, a chhan chu a hma a azún a ka lo uai ang mai khân ka awm leh dawn ni hian ka hria a, ka tuiral leh zo vek ang tih ka hlau.


"Thil âtthlâk tak tak i ngaihtuahna kha i tâwp thei tawh em?"


"Eng maw?" Ka harh chhuak zawk.


"Ka car chhungah sawn lût rawh."


"Oh, uh, tihpalh."


WESLEY COOPER....

A taksa chu ka melh kual dan dan a, he nu hian a ṭhat zia hi a inhre lo emaw ka tih kha alo inhre reng a, a inhmeh tur takin kawr manto tak a duh ang chi ngat ka thawn a, chu pawh a ṭhatna belhchhah leh zual turin, mahse a rawn inbel hauh lo, ka ngaihdan hi a diklo em ni ang? Nge a nihna hi ka hre chhuak thei tak tak lo, a mah erawh chu alakah hian ka fimkhur viau tawh erawh a ngai ngei ang.


"Ka kawr rawn thawn che kha i ha na nge?" Kal tuma a inher lai tak chuan ka ti leh a.

"Khati ang thawmhnaw to kha ka inbel ve chi a ni lo, ka nihlohna pui a lan hi ka duhzawng ani hek lo." A ti deuh hmak.


Ka rúm khum nghut! Heti ang mizia hi emni a put zâwk?

"Eng pawh ni se, kha kawr min rawn thawn avâng erawh chuan i chungah ka lawm khawp mai." A ti duh lek chauh.


"I tihmawh reuh lutuk." Ka ti ta sup a.


Car chhungah chuan kan ṭhu lût a, motor chu ti nung in ka khalh chunzawm ta nghâl a, "Zan inah hian eng vânga min mamawh nge i nih?" Zâm hmel zet hian arawn ti chhuak sap a.


A landânah news a en ve lo ani ngei ngei ang, "A hmun kan thlen hunah pawh ka lak aṭangin kal hla lo la, eng vâng nge tih chu i hre thei mai ang."


"Wesley ka....." a sawizawm hun nghâk chuan ka ngawi rûn a, kal kawng lam chiah ka melh pah rún bawk a.


"Pawi ka ti tak zet kha thil...."


"Miss.Garcia min lo ngaithla teh, khawngaihin thil harsa lam chu sawi chhuak lo hrâm rawh." Ka tih khum hmuk.


Heti anga mahni inthiamlo tak a a awm hi ka hmu thei lo, ka huat zâwng tak a ni, mahse alakah nem erawh ka tum tawh lo thung!

Engti ang pawhin awm mahse ka hriatloh der sak hmiah hmiah angai in ka hria, chu chu ka tâna ṭha tur pawh a ni.

ELEANOR.....


Ka thusawi tur alaka thupha chawina sawi ka tum min lo hnial hnu aṭang khan kawng tluanin a ṭawng chhun zawm leh tawh lo hrim hrim, biak leh hi tum ta ang ila engtin nge niang, a duhzawng nilo tak lo sawi chhuak leh palh ta ang i la?


Ugh, engvânga ka ngaihtuahna ah hian awm reng nge maw anih mai chu le?

Nichin lawka min rawn biakna te kha a bungin nelawmna reng hmuh tur a awm lo, engvánga vawt viau reng nge maw anih mai chu le?


Wesley Cooper engtik ah mah ka hrethiam thei ngai dawn lo che ni in ka hria.


A tâwp a táwpah chuan hall lian tak pakhat hi kan thleng ta a, mi an awm nuai nuai mai a, engvânga he hmuna kal hi nge kan nih kahrethiamlo reng reng, a sawi dán khân hna thawk turin kan kal ang kha ati si a. "He...hetah hian engti tur a kal nge kan nih?" Ka ti chhuak sep a, ani chuan a phone chiah alo buaipui leh tawh, "Ka hre lo, hlimna eng emaw chén tur pawhin ani ang chu, nuam ti takin awm rawh!"


Kal sawn mai hi a tum a, "Nang kal hlatsan lo tur che khân min ti ani lo'm ni?" Ka thinrim chuan chang khel khawl tak hian ka ti chhuak hrâk.

Ka lam a rawn hawi leh te te a, a mitmeng vawt ruih chuan mi a rawn en vung vung hnu chuan, "He hmun, he country hi kalsan lo la, ti chuan ka tan pawh aṭha ang."


A kal sawn zui nghâl a, "Wesley tumah hriat ka neilo a nia." Tiin ka âu zui leh hrâm.


"Thian thar siam mai rawh!" A kal sawn zui nghâl daih.


Heti ang a keimah ang zak zum tak tân hian ṭhian siam chu a awlsam lo khawp ang le, Ugh.

"Hello girl."

Ka hawi chhuak a, "Sam party neuhna ah khan kan inhmu tawh tiraw? kar hmasa lam pang khan costume party ah ka hmu che in ka hria, ka ṭhiannu Sam pasal."


"Tehreng mai." Anui chhuak ve suk a.


"Tommy tiin min ko dawn nia."


"Oh, yeah Tommy i ṭha maw?" Ka nui ve sáng a.


"Well, min hriat tawhloh tâkin, Eleanor ka nia, Sam bestfreind."


"Oh, ka hre lutuk che, ka hre mah mah záwk che." A nui chhuak hawk a.


"Ka ngaihdanin, he pindan chhunga awm ho zawng zawmg hian an hria che in ka hria......ka tih awmzia chu he country chhung a awm ho chuan an hre vek che in.ka ring."

"Engtin nge chu chu anih theih?" Mak ka ti kher mai, Wesley pawh khân heti ang hian a kal sawn dawn khan a sawi tawh bawk.


"I nuihzatthlâk hle mai a." A nui ri leh hawk a.


"Wes bulah kalin ka va be lawk ang e, nakinah kan inhmu leh dawn nia." A kalsawn ta nghâl a.


"Ngawi lawk." Mi tam tak ri nuai nuai karah chuan ka auh zuina chu a hre tawh lo a ni ngei ang.

Eng nge achhan pawh ka hre lo, tute mai pawh chuan hmeichhe mak tak angin min en vek a, engvânga kei ve te hi tu pawhin tunge ka nih tih an hriat vek nachhan tur âwm ang reng reng ka hre lo bawk.


"Ngawi lawk...." ka phun chhuak sap a.


Elo, i hre na nge, i Wesley nen a inphoto kha hmuntinah a darh ani ti a Lola sawi kha, ka memg zau kâwk káwk a, mimawl tak chu ka ni e.


Ka lam pan hian hmeichhe pahnih an rawn kal a, ka bul anrawn thlen chuan "Hi." Pakhat zawk chuan a rawn ti a.


"Hello." Tiin ka lo chhâng lèt ve sap, ka thil hriat chhuah chauh chuan min ti zak hle bawk.


"Wesley nupui hual i ni ti raw, a dik em?" Vun ngo zawk sam tan tawi tak chuan a rawn ti leh a, vun hâng zawk erawh chuan mi huat hmel zetin ngawi remg hian min en thung!

Engtin nge ka chhán ang? Yacht a Wesley nupui hual ka nihna kha ka la hman zel a ngai dawn tihna em ni?

Engpawh nirawh se, a ṭhalo viau pawh ani maithei ka hrethiam tawh nei nuai lo.

"Well, ka... rindan chuan..."

"A ṭha e." A lo ti leh hmiah, a ṭawngkam chu mahni inrintawkna hlir hian a khat a, chu ti ang mizia neih ve chu ka châk kher mai.

"Ka hlim tak zet, congrats." A ti leh a.


He hmeichhe pahnih inthuamna thawmhnaw man tam zet mai hi ka inchhungah chuan a awm pawh ka ring lo, min en dân chu a hniam hle hian ka hria a, mahni inzahpui na hlirin ka khat bawk.


Ugh, eng thil nge thleng tih hi ka hrethiam ṭan dawn chauh in ka hria.

He mi te pahnih hian min haw sa rán nghâl bawk ngei ang.


"Inpahnih hian tunge innih tih hi ka zawt ve thei che u ang em?" Ka ti ve ta a.


"Kan pahnih hian Wesley sumdawnna a apartner te kan nia." Hmeichhe hâng záwk chu a rawn ṭawng chhuak ve ta a, athusawi dân reng rengah chuan a inchhuang larh ani tih hi a hriat bawk, "Kei hi Allison ka ni a, hei ka thiannu hi Jennifer anih hi!"


"Ka hmu che u chu ka lawm lutuk." Ka nuih lèt deuh sak a.


"Elo."

Ka hawi chhuak vat, "Sam ka lo kal."  Ka ti ve a.


"Uh, minlo hrethiam rawh u, ka bestfriend in min ko tlat mai." Ka nuih leh sak a.

"Kal rawh kal rawh." Jennifer záwk chuan min lo ti a.


Sam ina min lo âu chu ka vânnei hle hian ka hria, achhan chu ka hmuna awm tur khân energy tam tak ka mamawh ngei awm si a, tún lawka thil thlendan hre chawp chilh hmeichhe chiai tak awmna chi ah ka ruat hek lo.

Sam bul ka va thlen chuan pawn lamah min kal chhuah pui a, chu chu ka mamawh ber pawh a ni reng, pawn boruak vawt nuam tak kan dawng chu ka harh nghâl vek hian ka hria a, kan pahnih chuan kil khatah hian kan ding dun a, a pum lam chu enin, "I naute pai chu eng nge a an?" Hlim zet hian ka ti leh hliai a.

"A ṭha lutuk."

"Keimah zâwk hi eng nge ka an tiin min zawt ve dawn na nge?" A ner deuh sak a.


"Ka ngaihven lo."

"Eleanor khati ang kha chuan awm teh suh!" A meng núr deuh nâng a, a lawm loh hmel kher mai.


"Ka fiamthu ani tih chu i hria a lawm Sam." Ka nui chhuak hak hak a.


"Nang hi mi tlem te ka hriat zinga ka mi rin awmchhun i ni hi ." Ka va kuah nghâl a.


"Kei pawhin ka hmangaih takzet che Elo, mahse ka dul kha rawn nek vak lo la." A thaw deuh ṭaih ṭaih, "Tihpalh." Ka in la hrang nghâl vat.


"Min han hrilh tawh teh..... Engvánga khawi hmunah pawh i hmel hmuh tur awm nge anih?"


"Eng thil nge thleng tih hi min hrilhfiah thei em?"


"Kei pawh tún mai khân ka hrethiam ve chauh, Lola khân Wesley nena bathing suit nena kan awm kan mutthilh hlan a photo a lâk a lo tlangzarh palh a, heti ang èm ém hian a hmingchhiatthlák ang tih pawh ka ring pha lo."
A hmel chu maktihna hlir hian a khat a, a phu deuh zawk bawk.


"Eleanor heti ang tak a he country chhunga mipa hausa leh thil tithei nen a hun inhmang dun thei hi engti ang chiah a ropui nge anih tih pawh i hrethiam phâkin ka ring lo."


"Buaina ka tâwk viau dawn a ni em?" Ka ti nguai raih.


"I rindan âi a nasa daih záwk kha a ni ang, mahse zanin hian Wesley chuan a ti ṭha leh vek thei ang."


"Eng nge i thusawi awmzia chu?" Ka mengphâwk kher mai.


MEGAPHONE... Hello, Hello, inzavai atαn, zanin hian hun ṭha tak inhman vek ka beisei.
Tùnah chuan "Mr.Wesley Cooper hian in bulah thusawi duh a nei a.


"Oh, lokal rawh, an ṭan tawh a nih chu." Ka kutah chuan a rawn kai a, a raipuar zawk chuan kan dinna hmun aṭang chuan min kâi sawn ta hlawk hlawk a.

"Engmah ka la hrethiam lo." Ti a ka sawi pawh chu angaithla tawh lo.


A hmun kan va thlen chuan hall chhung khat tlat hian mipui an lo awm khawm hung tawh a, Wesley chu stage ah dingin thu sawi turin a pèn chhuak mèk ani tih hi ka va hmu a, mike hma ah chuan dingin,  "Chibai vek u le, Eleanor Garcia nen a kan relationship chung chânga ti ti leng vâk vel leh thu belhchian dawl lo tlâng thang vak vak ho hi zan in hian tih fel vek ka duh a."


Ka dinna hmunah chuan ka khawng awt, Wesley hian eng ang lem nge chan a tum tâk? Ka kutin ka biang leh lam leh lam chu ka dawm a, hlâuthâwng leh thinphu dep dep in a thusawi zawm tur chu ka lo ngai châng a, tháwk pawh ka thaw ṭha ngam lo.


"Eleanor Garcia hi ka nupui hual ni lai a ni a."

Chu thil a sawi lâi tak chuan... ka hringnun a inthlâk thleng hlawk dawn tih hi ka thluak burah chuan a rawn lút hmasa ber nghâl a, ka meng bial kawl kawl a, engmah sawi na châng pawh hre lo in ka ká ka âng pam bawk a, ka hringnun chu a danglam hlawk tawh dawn ni hian ka hre ber.