TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 34

TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 34


"Theo en teh!"

Ka bul chu a rawn thleng phei ve nghâl thuai a.

"Eng nge ni ta?" Ka hnung chiah ah arawn ding ani tih hriat zet hian ka nghawng hnunglam chu a  thawk khum lum ham ham a, ka taksa ati mur ar ar, a mi uap chu a na tak zet.


" A nalh ti raw, i ti ve em?"


"Um, ahring....um a tam mah mah."

"You Idiot." Ka mengkual khum ralh.

CROK AIRPORT.....
Falte go Co.chorkai

Airport kan lût a, Theo hmelah chuan dang atih hmel kher mai, min rawn enchhuk a, "Túnah engtin nge ni zel dawn?"

"Well, car emaw hire in anihloh pawhin trainah kan chuang mai ang chu!" ka lo ti ét pek a, a ngaihdan anih loh hmel kher mai, a hmui sexy zet chu min ner sawih khum nawng a.


"Kawng leh lamah hian motor khalh a awm ve ngai na nge?" Thatchhe aw zet hian a ti ruih a.

"Awm e, motor a tlan fo a lawm."

"Anih leh limo kan hire thei lo em ni?"


Za zetin ka nuih khum vak phawt a, "Theo limo kan hire hauh lo ang."


"Ok, anih chuan train chu la mai i la." A dar chu achhin pah nghauh a.

"Ok, lokal rawh le." Kan inzui dun ta a.


Train station a hlat vak loh avâng leh ka patea nena kan chenna chu train station aṭang chuan ahla vak lo bawk a, train a kal mai chu kan tán a awlsam ber ka ring, kan bungraw ken te chu rit sak viau mah se, train station awmna thleng nawr chu thil harsa ani lĕm lo.


Theo chuan ka thawmhnaw dahna pahnih ngawt chu a kut leh lam leh lam a nawrin train awmna lam apan pui a, keiin ticket nen Theo thawmhnaw dahna lian vak lo chu ka hnuh sak ve bawk a, chuti chung pawh chuan ka la úmpha chuang hauh lo, coat suit chu ha lo se chuan aban thahrui ngah zet chu ka hmuhsak thei ngei ang, train chhung kan luh chuan kan bungrua te dah felin seat awl awmah chuan kan ṭhu a, "Eng tia rei nge kan chuan ngai dawn?"


"Darkar thum vel chu a ngai ang."

"Limo kha hire tur kan ni asin." A la ti ṭâlh tho.


"I patea chu khawiah nge a chĕn?"


"Helai hmun tho Cork ah a nia, nuam i tih ngei ka ring." Mitmeng nung sar hian ka melh a, he hmun hrim htim hi nuam ka ti a, nuam katih ang bawkin Theo pawh hian nuam min tih pui ve ngei ka beisei a ni.

 Chutia kan tih nek nek chhung chuan kan kalna hmun tur chu kan thleng ta der a, train pawh a ding ta nghal a, ka ṭhutna aṭang chuan ka ding chhuak a, "Kan thleng ta e." Kan bungraw dah chu ka ban nghâl a, train aṭanga kan chhuk hnu a, sign board intar chu ding meuh hian a thlir vung vung a, eng thil nge angaihtuahna ah chuan awm tih chu hrethiamin ka in hria, "Khatin ráp hmel zet hmel chu pu lo teh, hmun pâng ngai takah kan awm tih hi hria la, mahse kha túna i landanah erawh kha chuan chuti anga awm chu kan anglo lutuk a nia." Za zet hian ka nui chhuak a.

"New York nen chuan a danglam hle a ni lo'm ni?"


"Lokal mai mai teh, kan in chu a thlanglam ah khuan ala awm a nia." Kan awmna hmun tlangram leh lutuk chu a hrethiamlo ni ber hian ka hria.


Signboard awmna chu kan pel a, kawng chhuk ve ang reng tak tûnhma a kan in panna atána ka lo zawh fo ṭhin kan han thleng meuh chu hlimna hlirin ka khat, hah pawh hre lo in ka chhuk thla auh auh a, kan in chu kan thleng ve ta a, "Home sweet home." Tiin ka phun pah sap a.

Kan in hi Theo te mansion anga inlian pui leh ropui zet chhawng a sak pawh a nilo a, a chhung chu a zau ṭha viau a chu pawnlam aṭang erawh chuan a lang zim hle thung, Theo chuan engkim mai chu a beisei dan angin pakhatmah a hmu lo tih a hmel aṭang chuan ka hre thiam vek bawk.


"Hei hi in tak tak a ni takzet maw?" A rawn ti chhuak ta hial rèng a.


"Lokal rawh, pawnlam ai hian chhunglam pang chu a zau daih a nia, thil engpawh hi a landan a teh tawp tur ani ngai lo." Ka nuih lèt sak a.


"I tih chuan le." Min rawn zui ve ta nghál a, kawngka bul kan va thlen chuan kawngka chu alo inkalh teh tlat!


"Lokal rawh, kawngka hnunglam chu engtiklai pawhin a inhawng ṭhin!" Ti lehin kan inzui phei leh a, ka patea chu hna athawk anih loh vèk pawhin khawiah emaw tak a kal lawk a ni ngei ang, kan kal tur thu lah la hrilh thei si lo.


In hnunglam aṭang chuan kan lût a, engkim mai chu tún hma ang vek kha alo la ni a, Theo chuan inchhung chu a melh kual vel ruai a, danglam ala tih hmel tho, ka patea chu a awm ring chiah chuang lo hian ka âu leh a,,"Uncle Conor." Mahse min chhâng tu erawh an awm chuang lo.


"Inah a awmloh hmel khawp mai."


"Hna athawk emaw, a zin emaw pawh ani maithei."  Alo ti ve sup a.


"Ka ring, kan inbiak lohna arei tawh si a, mahse a thil zawng zawng hetah a awm a, a kal hlat lemloh ring phawt ang." Tiin Theo chu ka chhâng a.

"In tifel hmasa phawt teh ang." Ka ti ta záwk a.

Theo kutah chuan kaiin room pakhat chu ka hawng a, "Hei hi ka room ṭhin a nih hi!" Tháwk ka la halh a.


"Eng nge diklo a awm em ni?"


"Uhm, ka kalsan lai ang cek khân engkim a lo la awm vek a, chu váng chuan maw le." Ka mit ka chhing deih sak a.


"Chuti ang te chu a ṭha daih zâwk a nih chu a nilo'm ni?"

"Ka ring." Ti chauhin ka chhâng ve a.


Min rawn dinhnaih a, ka dar tawn tawnah chuan a kut pahnihin a dawm bawk a, ka hmui a mi rawn fawhsak zauh pah hian, "Hetia i han kír leh thei mai hi mak i ti viau a ni ti raw?"


"Tlemte in." Tháwk ka la halh a, a kut a min tawhna aṭang chuan ka tâl pît zauh bawk a, "Ni kha a rei si a, shower te i hmang duh ang ti raw?" Ka ti nghâl sawk sawk a.


A tihdan ngai ang bawk chuan a kut chu a rawn ti nawn leh ngat a, a lamah amah hnaih tur zet a mi pawhhnaih deuh salh pah hian, "Kan pahnih hian shower chu inshare ta ang ila, chuan pawnlamah eiturin kan chhuak bawk ang a, eng nge i ngaihdan?" A mitmu pawruih chuan min enchhuk rún a.

"Hetah hian chuti ang a eichhuahna ang hmun chu in nei ani lo'm ni, a dik em?"


"I ti tak tak maw, ram hnuai pik hmun laili lai takah i awmlo tih chu i inhria a lawm." Ka ti ve hmak.


"Ka hria e, ka fiam mai mai che a nih kha." Nui hmel pu lek lek chung hian min siai khum suk a.

"A nih leh kal chhuah dun kha theihnghilhin shower hman zawh a mut dun tih ang lam pang te hi?"


"Uhh, ṭha lutuk." Fiamthu chuan ka lo ti ve hlak a.


Ka hmui chu rawn tawh chilhin duhthawh zet hian a rawn fâwp ṭan ta a.

MEANWHILE BACKIN NEW YORK.

Trey leh midang ho chu Warehouse lamah an inhmu khawm a, "Terence hian eng thil nge tih atum hriat chhuah in nei tawh em?" Trey chuan midang ho melh kual hruk hruk pah hian a ti a.


"Chuti ang engmah hriat kan la nei lo."

Detroit chu melh rún pah hian, "Engmah in la hre lo maw?" A âwiloh hmel kher mai .


"Kan source in a sawi dan chuan, he country hi a chhuahsan a ti, mahse tunah hian khawiah nge akal tih erawh tumahin anhriat pui lo." Detroit bawk chuan a ti leh a.


"Jaden, nangin Terence in saw darkar sawmhnih pali chhung i lo en thlithlai ṭhin dawn nia."


"Ka hriat duh chu, mi rawn bei tur hian eng ang hma lâkna nge an neih a an rel tih ka hre duh ang."


"Ok, boss." Jaden pa Hunter chuan thâwk alo la hawk a, Trey chuan thíp zet hian ava melh a, "Hunter Jaden hi ka fapa ang tho a ka ngaih a ni a, a thih hi ka phalloh ang bawkin atâna hlauhawm thei tur ang chi chu ka hre ve bawk." Trey chuan lungawilo hmel pu zet hian a ti hluk a.


"Tihpalh boss, nih leh Theo hian Sofia bulah a pa a la dam a ni tih thu kha a hrilh tawhin i ring em?"

"Ka la ring chiah lo, Chuti ang thu engmah a sawi pawh kla la hre lo."


"A nih dakar engzah in nge a dang lam?"

"New York leh Ireland i tihna em ni boss?" Cooper chuan alo ti var a.

Trey chu a bu deuh nghut, Hunter chuan alo chháng a, "Darkar thum a ni mai lawm ni?"

"Darkar li zâwk." Jaden chuan alo ti a.


"A nih chuan Theo chu a muhil daih tawh ang." Detroit chuan ati chhuak chuar chuar a.

"Naktukah Theo chu ka be law law tawh ang e." Trey pawh chuan arawn.ti ve bawk a.


MEAN WHILE BACKIN IRELAND.....


THEO....

Ka ṭangharh chuan ka bulah Sofia chu alo mu tawh hauh lo, New York chu ni se zawng ala mu ngei ang a, a mitmu paw ràm chuan min lo melh leh kar tawhin ka ring, room kawngkhar chu a rawn inhawng a, Sofia chu hoodie eng dal raih mai chhing ṭha tak a dul lang thei leh truck ke kawr gray rawng ha hian arawn lang a, a ni chuan shower pawh ahmang fel tawh ani ngei ang, a lang thar sar mai a,"I lo harh tawh maw?" Min nuih pah sak a.


"Harh tawh e, engvânga tho hma viau nge i nih?"



"Kan inpiah lawk a, kan ṭhenawm nu saw ka patea awmna ka záwt a, alo hmuh ták mialin ka ti a."



"Chuan?" Ka hám pah bûi bûi a, ka mut erawh ala chhuak kher mai.

"A chhuak lai erawh a lo hmu bík chiah lo a, mahse in achhuahsanna erawh ni reilo te bák ala nih loh tur thu a sawi."

"Kha, chuan a sawifiah viau in ka hria." Ka nuih suk a.

"Ok, tho la, vawiin chu kan kal chhuak dùn ang."

Ka mitko sân khum deuh áwk pahin, "Kan tih kher a ngai em ni?"


"Aw, ngai tehreng e, i kir leh hma in thil tam tak entir duh che ka nei a." A biang chu a sen nghâl ṭáwn ṭáwn a.


Ka mutna aṭang chuan ka ṭhu chhuak a, "Ok." Ka ner khum sawk.


"Mahse eng kawr nge ka hâk ang a?"


"Thawmhnaw hák nuam tak, hei ka hák ang chi hi a ni mai ang chu, rawn in tifel la, choka lamah breakfast siamsa in lo nghâk reng tawh che a nia." Min nuih leh sak hnu chuan a kal chhuak ta a.


A ṭha e, hetia kal kual vel hi ka thil tih chák list ami kha a ni lawm ni? Ka in ti phúr chawp a, diktak chuan ka hreh zawng tak a ni, ho mai mai a tha leh tui senna ah kei chuan ka ngai.

Ka phone a rawn ri a, ka la nghâl vat, "Hello dad."


"Theo, in thleng tawh em.tih ka rawn hre duh mai a nia." Ka pa chuan a rawn ti a.


"Yeah, sorry, nizan khan rawn call a rawn hrilh nghâl che ka tum a, kan thleng tlai deuh hlek a, tûnah chuan Sofia patea inah kan awm mek."


"Eng ang mi nge a patea chu?"


"Ka hre bík lo, kan hriat dan chuan ni reilo te liam ta khân alo lal bo ve chiah niin kan hria, ka rindan mai mai chuan kan thlenni hma chiah pawh ani mai thei, chu vangin ahmel pawh ka hmu bík lo."

"Ok, anih Terence chung châng kha Sofia chu i hrilh tawh em?"

"La hrilh lo, vawiin hian kal chhuah dun a rawt a, zanin hian ka hrilh ang."


"Ok, ti ngei ang che."


"Terence chung cháng hriat belh te innei leh tawh em?"


"Neilo, tûnah tak phei hi chuan khawiah nge a awm kan hre mai lo."


"Khawiah emaw tak chuan a awm ngei ang." Tiin tháwk ka la hrawih a,"Ok, chanchin min rawn hrilh ve zel dawn nia."



"Ok, son, ka rawn be leh dawn che nia."


"Bye, dad." Ka phone chu khumah chuan ka thehthla a, bathroom lam ka pan nghâl ta vat a.

Ka inbual zawh hnu chuan cotton jeans hring duk ka ha a, jamper lum lemlo tak rawng pawl thim lam ka ha leh a, ahnuaiah t- shirt offwhite ka ha bawk a, choka lamah chuan ka phei ta a, Sofia chuan ama siam ngei pan cake leh coffee khu hlat hlat nen hian min lo nghák reng tawh, chairah chuan ka ṭhu thla ve nghâl a, a pan cake siam chu ka eitui kher mai, kan ei zawh hnu chuan pawn lamah kan chhuak dûn a, khaw awmdan chu a dur khuih hian ka hria, "Ruah ava sur hmel ve." Ka ti chhuak ta hial a.


"Sur hauh lo ang, min rawn zui rawh."


A kal ṭan nghâl a, ka ding chawih, a mi pan pui na lam chu lungawi lo zet hian ka thlir chho a,
"Tûnah eng nge ni ta?" Ka ti pah sup.


Ngaihsam hmel fe a a dar mi chhin khum deuh âk pah hian,"Tûnah chuan khi lai hmun sang laiah khian kan chuang chhuak ang chu."


"Khi khi hmun sâng i ti a maw? Hmun sáng lai pawh ni lo in, tlâng a nih khi hre ta hrep che."

A nui chhuak ar ar a, "Theo, hmunsang mai anih hi, tlâng ani hauh lo."


"Lokal rawh, a chung i han chuan chhuah hunah zet chuan nuam.i ti ve viau ang." Ka ner khum deuh sawk, ka lo sawi tawh ang khán kan tha kan seng thlawn mai maiah ka ngai tlat.


Peihlo zet chuan ka zui chho ve ta tho a, a sawina tlâng chhíp kan chuang chhuak chu ka hah kher mai, nuih zat hmel zet hian min lo en reng ani tih ka hriat chuan ka thinrim zual sauh, thank God, heti ang tlâng sang, hmunsang ti a New York lama kan vuah ve lo chu ka lawm kher mai.

Khua kan hawi khawthawng dun a, engkim chu a lang chiang hle, an view anih ngei ka ring, "Eng nge i ngaihdan?" A ti chhuak sep a.

Ka chhânna tak tak hi a hre duh ang em le?

"A mawi lutuk." Ka ti ve sup, mahse ka ngaihdan diktak erawh ani chuang lo.


"A ni reng asin, a ni lo'm ni?"


"Mahse...túnah chuan kan lo kalna hmun aṭang khán kîr thla leh tawh ang." Ka ti chhuak hrawih, chu hmun chu ka ngaina ve vak lem lo.


"Kha khawpui aṭang khân mipa naupang chu i hruai chhuak thei ang a, mahse a rilru erawh i hruai chuahsak tel ve thei lo ang, a ni em Theo?"


"Ka ke hi a na lutuk." Tih chiah ka sawi, a thusawi pawh ka ngaihtuah chhunzawm.peih lo.

"Naute lian pui i ni ringawt a lawm maw le, lokal phawt teh, kalna tur dang pawh kan la nei a nia."

A leh ta deuh deuh chuan, zan lamah ka ke chu tuilum a chiah a ngaih ngei ka ring, chuti anga kal vak.vak tur chuan ka tháu viau pawh ka hre hran lo.


Tuipui kam lawngchawlhna hmun niawm takah hian chu hmun aṭanga kan chhuk leh hnu chuan min hruai leh a, "Chuan heihi Cobh a nih hi!"


"Ok?" Tlâng mi lawn pui tawh lo va kawng pâng ngai takah min kalpui tâk avâng chuan ka lawm rilru hle.


"He, Cobh hi an koh dan dang leh chu Queenstown an ti bawk."

"Chuan he hmun hi Titanic lawngin New York a kal chhuahsan aṭanga a biak pawh theih tâwpna ber hmun a ni  ."


"Sawti lai piah a island saw i hmu em?"

A mi kawhhmuhna lam chu hawiin, "Aw." Ka ti ve sup.


"He dock( lawngchawlh hmun) hi Titanic lawng khân  hman tumin athir chakai chu a thlâk chhin a, mahse lawnga chuang ho zawng zawng lenna tham anih tak tak loh avang leh he dock hi a tèt ém.avângin he dock hian Titanic lawng te ang lawnglian thir chakai chu a dawl zo ta lo a ni."

"Interesting." Ka ti leh sup a.


"Lokal rawh le."

Ka inzui phei zel a, lawngchawlh hmun niawm tak hlui fahran tawh leh tlabal zet tawh hmun ah chuan min din pui leh a, "hei hi lawngchawlhna hmun diktak chu a nih hi, hetia tla bal deuh a i hmuh chhan chu khami ni a Titanic lawngin a a kalsana ahnut chhiah ang ang khân an la dah duh vâng a ni, he hmunah hian Titanic lawng khαn in ham tân tumin a thir chakai  chu a thlâk ve nα a, mahse he hmun hi lawngchawlhna hmun pângai ve mai chauh anih avαngin Titanic lawng tân chuan a nèm ta lutuk a."


"A nèm e a?"


"Aw, Titanic lawng te ang lawnglian hrawl lutuk tân chuan a ném deuh chu a nia lawm, chuan a te lutuk bawk, khati ang lawng lian lutuk leh passenger tam tak phur dawl zo thei a ni hlei nem."


"Mi a âikhaih thei hial a lawm le, i thusawi chuan."


Ka lam a rawn hawi a, "I tih tak tak pawh ka ring hran lo." A rawn ti deuh hmak.


"A ni tak tak a lawm, chu ti ang thu chu ka hriat pawh ka hre lo, Tinanic lawng kha a lian em em a, ti chuan lawng chhe theilo tur a ngaih anih avângin lawng hna thawk ho leh a chhunga chuang hrim hrim te kha an thla a muang a, mahse chu an rinna chu engmah lovah changin vurtlang lian tak su in tuihnuaiah a pil ta a, heihi kan hriat dan vek a ni ang chu."


"Ok, kan history zirlai lesson chu kan ti táwp thei tawh ang, tûnah chuan Mr.Bailey hi dinner eiturin ka hruai tawh a hun in ka hria." Min melh ralh a, a nui zui sak bawk a.


"Uhh, túnah chuan i ti ve ta hrâm maw, Miss Martinez? Ka pum te hi kan hmunsang lawnna avâng khân a ri ruk ruk tawh a nia." Ka siai khum ve suk a.


"Barrett a nia." A ti sap.


"Eng a?"


"Sofia Barrett hei hi ka hming diktak zawk chu a nia, Martinez nilo in." A rawn ti leh sap, a sen deuh ap ap bawk a.


"A nih engvânga Martinez ti a in vuah nge i nih?"



"Ka invuah lo, ka pa hian America kan rawn thlen hnu a min vuah zawk a nia." A ti ta a.


"Ok, Barrett maw."

"Martinez ai chuan i inhmeh zâwk in ka hria." A mah enchhuk reng pah chuan ka ti nawn leh a.

"Anih, lokal rawh, inlamah kir lehin va inthlâk ila, chuan kan kal tawh dawn nia."


"Ti ang hmiang Barrett." Ka ti khum sup a,  kun hniamin a beng chu ka seh sak zauh, ahmel ah chuan a zâmchhe leh der tawh tih ka hria, ka nuih khum suk a.

Inlam pan chuan kut insuih rialin kan kir leh ta a.



SOFIA.....

In kan thlen hnu chuan bathroom lam panin shower ka hmang sawk sawk a, lunch eilo a kal chhuak kan nih avângin ka ril pawh a ṭâm tawh kher mai, zaninah chuan Ireland sangha fresh zet mai ka ei thei tawh dawn bawk a, yummy hi a ni ringawt, ka nui pah var var a, eng kawr nge ka hák ang tih ah ka buai rilru leh ta tlat pek, a chhan chu Theo nen a kan zan hnu hnung ber pawh ani maithei tawh bawk nen, nalh zet leh amit la thei tur ang bera inchei chu ka duh ve tlat, Emerald rawng ang mai a rawng hring hlar mai ban bul tai a ṭhui silk kawr chu ka thlang chhuak a, silk puan tho pawnfen dum arh laih mai ka mal te thleng ṭawng ṭawng tur ka pian zen thlarh mai leh ka bawp sei ve thlerh thlawrh tak ti lang chiang thei tur ang ber chu ka thlang chhuak a, pheikhawk pum heel sang ṭha zet ka kawr hâk rawng ang mai a hring ngâk chu ka bun leh bawk a, ka sam chu khuihin ka dar leh lamah a uaithla turin dul hnak hian ka phiar bawk a, lipstick serthlum rawng ka inhnawih bawk a, mascara leh powder pawh ka hmang nel nual, darthlalang a ka thla lo lang chu lungawi zet hian ka thlir vang vang hnu chuan ka purse ka la chhuak a, ka patea room lam ka pan phei a,  a pawisa dahna ṭhin chu ka hawng a, a pawisa Hmuh zat leh a dah luh zât leh a hmanchhuah zat engkim tunhma ang bawk khan alo la dah thlip thlep, hei hi kan pafa a kan tih dan ṭhin a ni, mak katih em em chu a pawisa dah luh zat hnu hnung ber chu a ni, zin ni ta ang se pawisa keng in a pawisa ken chhuah zat a ziak ngei awm si a, mahse chuti ang ziahna engmah hmuh tur a awm lo.


Mahse thil dangah azinna tur pawisa extra a hmu pawh ani maithei bawk a, ahma a kan in phone zuai tawh avâng khân haw mai thei dinhmunah ka ding tih hria in pawisa pawh alo dah ani ngei ang, pawisa tam tham lo zet chu ka purse ah dah in ka lak chhuahzah chu ka ziak leh thlap a, guest room lam ka pan ta nghâl a.


Theo chu ka va hmu miah lo, living room lam ka phei Theo chu dinner jacket hring duk nghalh mai leh kawr vut buak rawng hi a lo ha a, hnuailamah jeans dum a ha bawk , a lang cool ruih hian ka hria a, mi lo hmuh veleh chuan "I lang hot hle mai." A ti ve teh khiah, min flirt tih ka hai hauh lo.

"Kal i inpeih tawh maw?" Ka ti ve sap a.


"Kal ila." Nuihzat hmel deuh a mi en hi chu a bânsan ngailo ang.


Car kan book a, kan awmna aṭang a hnai ber bar and restaurant kan pan a, chu hmun chu Theo te nena dinner kan eina hmun restaurant pui tak tak ang kha nilo mahse a zahpuiawm teh chiam lem lo.


Inchhung kan va luh chuan dawhkan awl zinga pakhat bang kil lam ami chu kan pan phei a, menu chu la in ka en mial mial nghal a, "Eng nge i ei duh ang?" Menu ka enna lak aṭang chuan ka mit la sawnin Theo chu ka va melh zauh, a ni erawh chuan khun khan zet hian eng emaw tak alo ngaihtuah leh mek tawh ni ngei tur a ni a, amithmul a chuar deuh tap a, a meng nur deuh nâwng bawk a, a kiu leh lam chu dawhkanah nghatin a khabe a dawm rûn rûn bawk, a hmel chu hriatthiam ahar ém avângin eng thil tak nge angaihtuah tih rinngaihna ka hre mai lo.


Ka lam a rawn hawi phei a, anui pah suk bawk a,"Ka ngaihtuah lem lo, i duh duh kha kan pahnih tan order tawp mai rawh, túnah tak hi chuan sakawr sa pawh ka ei theih tawh hial ka ring."


"Sakawr sa nilo in sangha kan ei ang Mr.Bailey."


"Oh, tuisakawr a ni mai." A nui chhuak hawk. A nuih zawnga a ha var rual ṭhah mai rawn lang chuan ati ṭha leh zual sawt hian ka hria, a sam chu a buang thâng a, a pa ang mai a ni, Alexandra ve thung erawh chuan a nu sam rawng a chhun a, abuang ukkharh, a pa mitmu rawng hring nghalh ang mai kha a nei bawk, Theo hi chuan anu mitmu rawng a chhun zâwk a, a paw ruih thung a ni, a hnar ngul chu a sâng vah a, a nalh hle bawk , tlemin a biang hi atháwp deuh a, túnah chuan kum sawmhnih lai a ni ve tawh ngei bawk ang.


"Pizza ei zâwk ila."

A pahnih hnihin kan ei ang." A nui chhuak leh hawk a, ka ril ṭam ang tluk zetin ani pawh aril aṭam ve tawh anih ngei ka ring, waiter a rawn lan chuan kan thil duh chu kan lo hrilh a, champange leh red wine nen a kal sawn leh ta nghâl a.


Eng eng emaw sawiin kan thil chah alo thlen hnu chuan hlim takin kam ti ti a, a nuam  phian , Theo chuan a school kal laia thil nuihzatthlαk tam tak min hrilh a, kan hlim dun kher mai, mahse a chαnga a hmel put dân han buai leh zawk ṭhin erawh mak ka lo ti thei hle thung!


Kan thil ei kan zawh hnu chuan kan plate ve ve aruak ṭhak a ni tih ka hmu a, ka nui zui sak, "Zanin hian hun hlimawm leh nuam tak ka hmang in ka hria, Theo i chungah ka lawm tak zet."


"Sofia thil pakhat hrilh che ka duh." A rawn ti ve ta bawk a.

A hmel buai deuh nuk chhan kha anih ngei ka ring, chu thil chu hriat ka duh rih dawn em ni? Nilo zanin hian ka hlim rih tlat, "Theo chan chin ṭhalo tak ani tiraw? I thil sawi tur chuan naktuk a nghαk thei mai lo em ni, khawngaihin naktuk kan nghah tir theih hram chuan a ṭhat ka ring, a chhan chu kan zan hman dun hnu hnung ber tur hi engmah in ti chhe lo se ka duh." Ka ti a.



"Ok, i tih chuan le, anih leh kan inah khân kan haw leh tawh dawn em ni ang?"


"Nope, kan lam dun te te phawt ang." Phùr zet hian ka lo ti ve thuai a.


"Lám dun maw ni a?"


"Clubbing."


"Uhh, Clubbing it is." Ka lamah a rawn kún hnâi a, a ṭawng chhuah záwng a a thaw rim a wine rim nam ram ram leh a perfume hman rim chu inchawih tak a ni.


Ka mit ka lo siai khum sak a.
Ding chhuakin kan inchhawm phei ta a, a hmun kan va thlen chuan mi an lo tam kher mai, music lah ring zet hian an lo play bawk a, "Intur i duh ang em?" Ti mai hian ka hria, ka chiang chiah lo.


A thusawi ka hre lo a ni tih lantir nan ka dar ka chhin khum âk a, ka beng bulah rawn kûn hniamin, "Intur i duh ang em?" Ring zet hian arawn ti leh a.


"No, lampui che hi ka duh mai chauh." Ring zet hian ka lo ti lét ve a.
"Heti ang music ah hian maw?"

Ṭawng chhuak lo in no zet hian ka lo melh chho a, min rawn dinhnaih phei zual sauh a, "Ok, Barrett, lam ang le."


"I nalh zia hi i inhria em?" Music rem a ka taksa sûk kual pui zel pahin leh ka bengbul maia rawn thlék hniam pah chuan a rawn ti a, a kut chuan ka kawr chhana ka taksa pèng hrang hrang chu a chûl lawr bawk a.

Ka in sum thei tawh bîk lo, ka taksa a khawihna tin mai chu meisa tak in a akan huam huam ang mai hi ni in ka hria, a fawh rem zet tur chuan ka heh ka lo kau deuh tiar a, chu chu hrethiam zet hian a hmui nèm tak leh lum ham ham chuan rawn tawh chilhin uar zet hian a rawn fáwp ta bawrh bawrh a, kan záuthâu ṭan dún leh der tawh, mi a fawh pah chuan ka kawr chhana ka hnute hmur kawh deuh lah chu a hrual pah ne ne bawk a, a kut leh lamin ka mawng bawr min ṭhám sak tâwn táwn bawk a, nuam ti zet hian a hmui bul sétah chuan thâwk ka la ve halh.

Min fawhna chu thlahin,
"Heta ṭang hian chhuak vat teh ang." A ti thám pah ṭuak a.

"Mmmm." hrethiam zet a lo en pah chuan kan inkuah chhuak ta a.


Taxi la in inlam kan pan dùn a, taxi kan ṭhutluh lai pawh chuan kan awm mai mai dûn hauh lo.

Kan kut pawh a awl chuang lo hrim hrim, chuti ang a kan chét váng nge mawni in chu thleng hma riau hian ka hria, chuan man kan pèk fel hnu chuan taxi aṭang chuan chhuakin inchhungah lutin kan infawh chhunzawm leh nghál zat, kan thawmhnaw hâk chu inphelh tawn sak dún mawlh mawlhin living room lama sofa awmah chuan min mut tir riai riai a, ka chunga lawn tur a ka taksa a han hlat deuh ringawt pawh chu tuar theilo in ka lo ban tak ṭáwk ṭâwk a, achhan chu he pa ka mamawhna hi a nasa hle si a.

A ******* khawng leh ruh tak tawhin a ka chhungril luh tuma a rawn nawr lai tak chuan phone a rawn ri ta ral ral a, "Tu in nge rawn phone?" A thiltih lai chu a chawlhsan daih a, phone ri chu ngai chângin a beng a dawh deuh vung vung.

"Ngaihven duh vak suh, in phone a nih chu!" Kan thil tih lai chu chhunzawm tumin ka fawp leh a chuti ang a kan thil tih lai mek rawn tibuai tu phone ri hrep chu ka haw tak zet zet.

Theo chu kan thiltih laiah hlîr chuan thlèm lèt leh tumin a taksa pá zet leh ti hrawl ngah zet chu ka chul kual sak dan dan a, phone erawh ala inring char char, a ring zo a ari nawn leh ṭhin a, "I patea pawh ani mai thei, i lák ngei a ngai ang."

Ka thaw pah halh a, zawi muangin ka thawmhnaw chhuat lama tla chu ka chhar a, ka inbel leh a, chutia muang taka ka chét lai chuan chu phone chu ri tawh lo se kati kher mai, mahse a ring char char tho, phone awmna lam chu ka pan phei a, ka pickup ta nghαl a.


"Hello, Sofia ka ni e."

"Thi tura min kalsan tawh hnu in Ireland lamah i kir leh hi ka ring sa réng a ni." Ka pa aw ngei mai vawt ruih leh nelawmna pakhat mah neilo chuan a rawn ti ta a, min ṭhawng kher mai ka thi deuh zuai nihiala hriatna ka nei, ka pa aw ngei ani tih erawh ka hre chiang khawp, ka thin a phu nghâl dawt dawt a, ka lung phu chu aring hle a hriatna ka nei bawk a.


"Dad." Ka ti chhuak sap .

Theo tháwk la ve hawk ri chu ka hre thei, "I uncle Cornor tûn thlenga ngaihna i la nei hauh lo ani tih ka hriat hian mak min tih tir hle mai."

Ka phu chiang lutuk, ka pa chuan uncle Cornor chu a kawl tihna em ni ang?