SEDUCTIVE CHAPTER 20

SEDUCTIVE CHAPTER 20

Sam-i'n a kan ei man a pèk zawh hnu chuan shopping mall ah kan in zui a, thawmhnaw pawh kan la lei hman lo, Wesley hmel kan hmu thut, ka phone number aṭangin khawiah nge ka kal tih a hre chiang khawp mai, mahse vawiin ni te hi chuan la mu mai mai tur anih laiin heta hi ka hmu ta si, Wesley rilo hian a hming chu ka lam sap a.

Sam chuan Wesley a endan chu ka ngei rilru kher mai, "Sam min lo hrethiam la, vawiin hian ka mon amour lakah thil eng emaw tih tur ka nei a, ka lak aṭangin tlânsawn tum pawh ni se, ka tih tir kher ka ring lo." Wesley chuan a aw rilruih leh thâm lam pang chuan a ti thâwp sat.


Ka chesawn a, Sam Hmungah chuan ka va ding a, "Hetah te eng nge i rawn tih?" Ka mit ko ka sân khum ve âr a.


A hmel chu ka enchho a, ka lu ka thin khum nak, he pa hi silaimu a kah fuh tâwkin la chawl hahdam tur anih zia pawh ka hria.



"Ka hmu che chu ka lawm khawp mai, nang nen hian thil tih dun lawk tur kan nei." A phone a kuta a ken chu a bih leh daih a, ka zawhna a chhânna chu a mak danglam kher mai.


"Ka kalsan ang che u." Sam chu a rawn hawi a, ka bengbulah zawi te a rawn phun deuh sar sar pah hian, "Eleanor tlailam hun hman nuam le." A ti a.


Wesley lam chu a hawi chhuak leh a, "Eleanor hian i taksa nalh tak leh i bân thahrui ngah hmel tak te kha alo suangtuah hman tawh a sin."

"Goodbye."

Chak zet hian ka chhánlet ve hman hma chuan a kal sawn daih, keilah chuti ang thu a sawi ka rin loh lutuk avângin a thusawi ina minṭhawng lutuk chu ka âng deuh phiau a, tlaikhawhnu a "Sam." Ti a ka âuh zui deuh ṭhatna chu hre awm pawhin a lang tawh lo, a thleng hla mah mah tawh.

Ka chal ka dawm deuh raih a, Wesley lam chu ka hawi chho a, "Thudik ani hauh lo a nia." Ka ti ve nghat a, Wesley chuan tu thusawi zâwk nge arin ang tih erawh ka hre mai lo.

Wesley chu alo nui chhuak hawk hawk a, "Ka lakah i zép kher a ngai hleinem, i pasal hual ka nih tawh hi!"


 "A fiamthu mai mai anih kha." Ka ká ka hup deuh châih a, "Hemi chung châng hi kan la sawi dun ngei a ngai ang." Thinrim zet chuan ka ti chhuak leh hlar a, ani erawh anuih aza tulh tulh emaw tih tur hian a awm thung!


"Okay, anih kal tawh ila."


"A hmasa in i rawn lan hma a ka thil tih tum ka tih hmasak phawt angai ang."


A phone chu a ak tha a, ka lam chu a rawn hawi chhuk a, "A ṭha e, eng thil nge i tih duh chu?"


"Thawmhnaw lei ka duh." Ka inkuangkuah khum hlân a, zâmloh hmel zet hian ka en chho ve ngar bawk a.


"Anih chuan kal nghâl la ti nia."

A mah zâwk chu mi pawh ngaihsak zui lo chuan a kal nghâl nulh, "Wesley silly." Kan piah deuh lawk a hmeichhe thil zawrhna hmunah chuan a lút nghâl daih bawk, hmanhmawh zet a zui ve mai loh chu tih theih ka nei lo leh pek tawh.


Dawr chhungah chuan ka zui lût ve a, ding deuh rún hian ka hmel chu a thlír chhuk ngur mai leh nghαl a, ka va pan hnai a, "Sam kha nangmah vángin a kal daih ta mai si a, chuvâng chuan a tih tur pawh a ti thei ta lo a, ka bula a lo sawi dan chuan thil eng emaw tak min lei sak tum a ni a."

"Thil leisak che a tum a?" A meng nur deuh nâwng a.


Ka nui chhuak ta hak a, "University kan kal dun lâi khan...saturday a piang hian shopping turin kan chhuak dun ṭhin a, a chângin ani'n kan thil lei ho chu a man a pe a, a chângin kei in ka pe bawk ṭhin a, chuti ang chu nuam kan tih zâwng tak a nia, a nuam ve mai mai alawm." Ka nuih leh sâng a.


"Ka hrethiam mai e."

A thusawi pawh ka ngaihven tawhlo, pheikhawk nalh tak tak che chuan ka mit an la hlawm tawh zawk a, "Ugh, heng pheikhawk ho hi a mawi hlawm lutuk."


Ka enkual dan dan a, "Diktak chuan he dawr a mi ho hrim hrim nalh lo a awm pawh ka hre lo." Tiin ka phun chhuak leh sap a.


"Eng ber hi nge ka thlan dawn pawh ka hre lo."


"Thlantur ber i hriat loh chuan a vai khan lei vek ila a ni mai a lawm." Ka hnunglam aṭang chuan Wesley aw ngei mai chuan arawn ti a, mak ka ti kher mai, a lam hawi chuan ka inher zawk a.

"Eng nge i thusawi awm zia chu?"


"Duh thlantur ber i hriat loh chuan a vaiin la mai la ka ti a nia."


"Ha ha, anuihzatthlâk kher mai, he dawr chhung ami zawng zawng hi kum engzah chhungin nge ka rulh theih dawn tih pawh i hria em ni?Chuvâng chuan lo ngawi la, eng ber hi nge ka thlan ang tih ka han ngaihtuah lawk ang e." Pheikhawk chu ka thlir chhuk leh vang vang a.


Dawr nghâk tunu chu kan bulah a rawn kal a,"Hello puih in ngai em ni?"


"Oh, Wesley Cooper, sir ka hmu thei che hi ka va lawm em."

"Puih kan ngaih hmel." Ti chauhin Wesley erawh chuan a chhâng thung! Chu nu ngaihsanna chu engah mah a ngaihloh hmel kher mai.


A phone ah chuan eng emaw hi a type mawlh mawlh a, chu thil chu dawr nghâktunu hnenah chuan hmuhin, "He address hi la la he dawr chhung a he nu bun tawk tur ang pheikhawk ho hi a inah dah sak vek ang che, chuan charge chu keiman ka pe mai ang, Wesley Cooper account aṭangin."

"He dawr a pheikhawk zawng zawng hi a bun tâwk ang chu ka duh vek ang."


"Wesley eng thil nge maw i hriat le?" Mang ang zet hian ka ti chhuak hrâk a.


"Tehreng mai sir, ka lo ti dawn nia." Dawr nghaktunu chu a kalsawn nghál ta vat a.

"Elo, kal tawh ang le."


"Nilo, Wesley avâi chuan i lei thei lo ang."Ka ding ta tlat a.


"Ka lei thei tih chu i hmu zo chiah ani lawm ni?"

Ka menkhual khum ralh a.
"Nilo, ka tih awmzia ..... eng atan nge ka tih zozai ang a?"


"Ugh." Ngawi reng hian min melh chhuk reng ri ngawt.

"Shopping ti turin hun ka nei lo, chuan duhthlan ber tur i hre lo ani lawm ni, khatia ka lei khân problem solves, kal ang, pawnlamah inbe tawh ang."

A kalsawn leh ta daih a, ka ûm leh dâr dâr a, a kal chak nasa mai si, he pa tihdan tur ṭhadeuh hlek hi chu ka duh ngawt mai, a â deuh hlek ni a hriatna te ka nei ta hial mai.

Pawnah chuan min lo nghâk reng tawh a, ka va thleng chiah tih chuan ka bân rèkah vuanin min kái sawn ta dawr dawr a, chu mall chhunga pangpar ankhawina huan pakhat awm ṭhuthleng bul kan thlen phei chuan ka kut a vawnna chu a thlah ve ta chauh a, "A lan dân aṭang chuan kan inhual ve tawh chu a nia, eng nge achhan tih hi min hrilhfiah thei ang em?"


Sam ina a kalsan ták donut ka khai chu la chhuakin ka keih nghâl hmak hmak a, ka ril a ṭàm leh der tawh, "Uh.....pawi kati lutuk, a hma khân lo hrilh hmasa tur che hi ka nia, mahse ka sumdawnna chung châng ho ah effect aneih ka hlauhna lutuk aváng khân ka lo theihnghilh daih a nih kha." A hmelah chuan ainthiamlo ve hmel lek lek.

"Kan hualvelah hian mi hlauhawm tak tak an awm a, midang tawrhna pawh pawisa lo a hnûhhniam duhna rilru pu ho nen, chu vαng chuan hei hi ka ngaihtuah ta a, kan pahnih hian inhual angin thang tir ta mai ila, khâng thlalâk chung châng te thleng thleng khan mualphona tur lakah min khuh vek dawn in ka hria a, ka nupui hual i nih chu kawng awmchhun nita berin ka hre tá a ni."


"A hma ah pawh naute kan adopt tur chung changah khan ka nupuihual nih kha pawi i tih loh thu min hrilh tawh tho si a, i tân pawh chanchin thar lutuk ni in ka hre lo bawk." A tih zawm leh a.

"A mah erawh chu nangma lam pang ka lo hrilh lawk theihnghilh daih che a... Eleanor boyfriend i nei em?"


Ka donut eilai chu ka hák ṭhelh, ka khuh vak vak bawk a, "Min rawn chhâk khum suh!"


 Ka aw ka thian deuh hrák a, "Hey, ka chhak khum miah lo che." Harsa zet hian ka sawi chhuak a, ka ka khuh leh vak vak bawk a.


Tlema ka thil hák azia awm deuh hnu chuan ka en chho a, "Well, no, boyfriend chu ka nei ve tawh ṭhin alawm, mahse túnah chuan hetiang lampang hi ka ngaihven chhunzawm duh tawh lo." Ka ti ve ta a.



"Nang.....le?" Ka thil zawh hreh ber mai chu ka phuhchhuah tâk avâng chuan ka hmui ka hup pah châih a.


"I nei em......" bah deuh nak hian ka tih zawm leh a.

"Engvângin nge i sen ṭân ṭân kher a?" A nui chhuak hawk a.

"Oh, shut up." Khawdang ka hawisan daih, he pa hian min ti lai ṭhin mah mah chu a ni.

"Girlfriend ka nei nge neilo tih chu i tân zawh ka har viau emmaw ni le." A nui chhuak leh hawk hawk a, a nui chhuak ri nalh tak chu hawisan reng phal chi pawh a nilo.

"Thildang sawi kual sawi kual lo khân sawi ve mai la, chuan ka senna pawh hi a reh ngei ang."


"Ka nei a lawm."


"I nei maw?" Ka thil hriatsa tawh tho nimahse min ṭhawng lo thei lo.


"Girlfriend chu ka nei ngei a lawm."

Shit, engvánga thudik ka hriat avânga chutia awm ta chiam chiam nge ka nih mai chu le, chu thudik ka hriat avánga natna nei chu niberin ka hria, ka hnual raih raih bawk, chuti anga ka awm chu ka hmelah lang chhuak lo hrám se ka ti, lawmpui a hnèkin keimah ah thîkna leh rilru natna a in pawlh tlat mai bawk si, heti anga nat hi ka duhlo a sin, thudik hriat ka duh rual rualin thudik ka hria a, chu chuan min ti hrilhhai leh si!


WRITER NOTE...

Ka readers te kei a thawnthu ngaihnawm lo zet mai min lo chhiar sak ve ṭhin avângin inchungah ka lawm em em a, intheih phei chuan comment lamah te min fuihna lo dah ve ṭhin ula chu chuan phûrna min pe ve ṭhin a nia, thil pakhat leh lawk ka story te reng reng copy paste mai lo a, a story link nena min suan sak hram hram turin ka ngen duh che u a, hei hi copy paste ai chuan a awlsam zawk daih a, eng tham mah nilo mah se kan net pack thunna tur te alo daih ve tâk mailin tih avâng a ni ber ang chu, keiin chhiartur ka pe che u anga, nangni in he hmuna inlo chhiar zawm theih zel na turin ka net pack min tum sak dawn tihna anih ber chu😂😂😂 hei hi min lo tihsak ve hrâm hrâm turin ka readers te ka chah duh che u a ni, in post chhuak anih pawhin alink nen min tihsak ve hrâm hrâm dawn nia.

WESLEY COOPER....


Damn, tún a he hmeichhe hmel put dân hi ka duhzawng tak, hetia hrilhhai hmel tak a put hian a lang cute ngawih ngawih, chutihlai tak chuan a hmui nalh zet a zu fawh sak vawng vawng mai chu ka châk ber, hei aia nasa a hrilh hai tir leh zual hian eng ang chiahin nge a lan cute leh zual ang tih hriat chákna avâng chuan eng emaw thil sawi khum leh hlak chu ka châk a,  "Thil diklo a awm em ni?"


"Chuan, a hming te min hrilh ve thei ang em?" A hmel put dan chu ka duh lutuk tlat.


"Chu nu chu model emaw actress emaw singer hmelṭha tak ani tih ka chiang mai ani ang ti raw?"


"A hmelṭha viau em?....ugh, a hmelṭha viau ang tih chu chiang sa a lawm." A râk chhuak nawk nawk a, mahni a inbe zâwk mah hian ka hria, ka nuih a za ru phian bawk.


"Aw, hmeichhe hmelṭha zet a nia sin." Ka nuih pah suk a .


"Anih leh kan pahnih a inhualna hi a hriat chhuah hunah chuan engtin nge ni ang? A awm mai mai hauh lovang le." Hlauthawng zet hian ati chhuak chûl a.


"Ka hre lo, nang hian min han hrilh záwk la, i thin arim ang em?"

A mengpháwk nasa kher mai, a phu zawk bawk a.
"Wesley, chu hmeichhia i sawi chu keimah hi a ni tiraw?" A thaw chhuak halh a.

Za zet hian ka nuih khum hawk hawk a, "Hey, min ti hlâutháwng hman lutuk." A chal a dawm leh zauh a, a hmuh theihloh ber a heh hnuailam a pet leh zauh bawk.

"Kha i donut eilai kha duh tawk tawh la kal tawh ang."


"Khawiah maw?" A meng phâwk deuh hrá a.

"Kan naute adopt tur kha hmu turin maw le!"



"Tûnah hian maw?"


"Yeah, buaina a awm em ni?"


"Awm lo."



Ka car awmna lam chu ka pan pui ta a, kan ṭhu lût ka car steering ka vuan chiah, "Ugh, ngawi lawk teh!"


"Ka theinghilh....."
Vawiin ni hi kalna tur hran ka nei tih ka hrechhuak chiah, he ka thil tih ṭhin hi eng thil mahin a dàl tur ani lo, tûnlai tak phei chu ka kal khát lutuk ringawt, a champha a ni tih ka hriat chhuah rual rual chuan he mi ni berkher hi chu ka ngai pawimawh lo thiang hauh lo ang.


"Eng nge?" Mak tih hmel zet hian a rawn hawi phei a.


"Vawiin ah chuan naute hmuturin ka kal thei leh lo ang, thil pakhat ruahman lawk sa ka nei tawh."


"Naute va hmuh aiin chu i ruahmanna chu a pawimawh zâwk tihna maw ni a?" A mitko min sán khum pah ák a, a ngaidán anih loh hmel tak zet.


Mahse ka kalna hmun tur hi engtikawng mahin ka ṭhulh theilo ani tih hre tu chu keimah ngei ka ni, he hmeichhia ka bula awm abula awm nuam ka tih em em leh ka ngaihpawimawh tak pawh ni sela, amah aváng mai hian ka ṭhulh theilo ang, he ka thil tih ṭhin avâng hian vawiin ni angah te hi chuan meeting pawimawh lutuk pawh nei dawn mah ila, ka cancel vek zel ṭhin.


ELEANOR....


A hmelṭha viau em?....ugh, a hmelṭha viau ang tih chu chiang sa a lawm." Chu thil sawi rík ngawt pawh chu ka tán thil harsa tak hi a ni a, nuamlo ti chung chunga sawi chhuak ka ni bawk.


"Aw, hmeichhe hmelṭha zet a nia sin." Tawrh har zet hian anui chhuak leh suk a.


"Anih leh kan pahnih a inhualna hi a hriat chhuah hunah chuan engtin nge ni ang? A awm mai mai hauh lovang le." Hlauthawng ka hlâuthâwng tak zet, chu a girlfriend chuan ahriat chhuah hunah zet chuan Wesley chung nilo in ka chungah hian a lungawilohna chu ati lang ngei ang.


"Ka hre lo, nang hian min han hrilh záwk la, i thin arim ang em?" Nui hmel pu deuh ruh ruh chung hian a ti leh a.


Ka melhchho deuh hâ a, a thusawi chu ka âwih theilo hial záwk, chu thil chuan min ti ohu chiang lutuk, a sawi tak tak em tih chu ka ngaihtuah, kha a girlfriend chung châng a sawi kha keimah a sawina vek hi maw ni dawn a?
"Wesley, chu hmeichhia i sawi chu keimah hi a ni tiraw?"


Za zet hian min nuih khum hawk hawk a, a ni chiang ah ka ngai hmiah, chuan Wesley hian ṭha min ti tihna maw ni a? Ngaihthlâk anuam ta kher mai. "Hey, min ti hlâutháwng hman lutuk." Ka chal ka dawm khum zauh a.

"Kha i donut eilai kha duh tawk tawh la kal tawh ang."


"Khawiah maw?" Ka meng phâwk leh tawh kher mai.

"Kan naute adopt tur kha hmu turin maw le!"



"Tûnah hian maw?"


"Yeah, buaina a awm em ni?"


"Awm lo."

A car awmna lam chu min pan pui ta a, kan ṭhu lût a car steering a vuan chiah, "Ugh, ngawi lawk teh!"


"Ka theinghilh....."


"Vawiin ah chuan naute hmuturin ka kal thei leh lo ang, thil pakhat ruahman lawk sa ka nei tawh." Ati deuh nghut!


"Naute va hmuh aiin chu i ruahmanna chu a pawimawh zâwk tihna maw ni a?" Tiin ka mitko ka sân khum âk a, ka lawmlo kher mai.


Wesley chuan ka thusawi chu hrelo ang mai hian hma lam en ngur pah chuan a motor khalh lam hlir ngaihtuah ang mai hian a awm lui tlat a, hei chu a thleng nawn leh thei tawh lo ang, engvαnga he naute kan hmuh hun tur ni sawn hla sawn hla ṭhin mai nge anih pawh ka hrethiam tawh lo.


"Okay, kan inbulah min thlah mai rawh." Lunghnur ru zet hian ka ti ta a, ka lawm lem lo tih chu hre mahse pawi pawh ka ti tawh lo.


"Thinrim mai lo la Elo." Min rawn melh phei zawk a.


"Oh, teuhlo mai, ka thinrim lo hrim hrim." Ka tih khum deuh hmak.


Ka ngawih deuh vang vang hnu pawh chuan engmah a sawi leh tawh lo, ka aw ka thian ri hraih a, "Ok, diktak a sawi chuan i thusawi hian min ti chiai ṭhin a lawm, nangmah ngeiin kal i rawt a, kal theih ringin ka lo phúr ve hman èm èm a, chuan rei pawh anilo ah i kal leh theihloh tur thu i sawi leh thut a, heti ang hian tupawh ti rawh, nuam ti bìk an awmlo ang?"

A motor khalh steering chu a húm nghet sauh tih ka va hmu a, ka ṭawngtam mah mah em ni ang? Thâwk ala hawk a, "Pawi kati khawp mai, mahse thil pakhat tihtur ka hrechhuak thut a, sawn hlat theihloh chi a nilo, vawiin a tih ngei ngei ngai a ni ." A ti chhuak ta sup a, lungawilo in thinrim viau mah ila, engvânga Wesley tih thinrim chu duhlo viau nge ka nih tih pawh ka hrethiam lo, a thinrim chu ka duhlo ve ringawt , mahse kei erawh ka thin arom ṭeuh thung, ka thinrim ani ti pawh hepa ngeng zet hian a hrethiam tak rak lovang.

"Wesley nangnena inhnialna neih hi ka duh rih lo."

Kan inbul ka thleng tih hriat zet hian a car chu a ti ding dawt a, "Good afternoon Mr.Cooper." ka lam pawh a rawn hawi lo hrim hrim, hmalam chu a en ngawt ngawt ka dawhtheihna in a tlin bìk tawh lo, car kawngkhar chu ka hawng tâu sawk a, hawi pawh hawi lèt tawhlo in kan in lam chu ka pan san ta vang vang a.


Inchhungah chuan ka lút a, Wesley chu ânchhia ka lawh ru mawlh mawlh bawk, inchhung ka lut ka room lam pan ka tum lai chuan ka patea ka hmu leh zui, ka chal dawmin ka heh ka peh khum zauh, a hun lo kher mai, "Kha pa bulah khân eng thil nge i tih?" Min melh thíp kher mai, min lo hmu leh reng tawh aniang chu!

"Vawiin chu hna i thawh pawh ka ring lo." A tihzawm leh nghut!

"I lo ngaihtuah ve tur awmin ka hre hauh lo mai, kha pa nen khan eng nge kan tih a kan tihloh chu." Ka thinrim tawh sa bawk nen, ṭawngkam chaltlai tak ka hmang tih pawh ka ngaihtuah peih lo.


"Eng thil nge i tih pui tih hi min hrilh ringawt rawh." A rawn vín chhuak ṭhawt a, ka phu deuh zawk.

"Oh, ka awm awmin min awmtir mai mai teh! Kum tlinglo mahni inveng theilo pawh ka nih bík tawh loh hi." Thâwk ka la halh a, inbengdaih ka tum hrâm hrâm bawk.


"Khami ni pawh khân i rawn haw tlai a, ka thu hi pakhatmah pawisak i neilo ti raw?" Ka patea hmel chu ka melh chho a, thinrim hmel leh ka laka kut thawh châk hmel bâk ka hmu lo.


"Tu nge maw ni hrep a i han inhriat rèng rèng le?" A ti leh khur khur a.

Engtin mah ka chhâng lo, ka ṭawng chhuah leh chuan buaina a tam zual sauh ani mai, he pa kut hi tawrh pawh ka duh tawh hek lo, "Heti anga i awm chhan hi Wesley nupui hual i nih tawh vâng a ni em? Eleanor tunge i nih chiah tih leh i nihna diktak hi theihnghilh ngai suh ang che."


"Engtin nge i hriat zâwk a? Kei hi Wesley nupui....."

"A nupui hual i ni tih chu mi tupawhin an hre vek ang chu!" A aw chu a vîn in a chang ṭha khel khawl ngei mai, kei ngei pawh min ti hlâu hial, a kut chu a rawn lek chhuak vuai a, ka lo thlesawn hman zauh, ka patea chu ka melh kal a, a kut chu angaiah dahthla lehin a húm ngawt ngawt a, kut erawh athawhnawn leh ka ring chiah tawh lo.

A chal a dawm ruih a, "He thil hi vawikhat tal chu i ngaihtuah chhuak ve em? He inah hian rawn kalin chanchin zawh nana rawn hmangin min rawn tibuai reng tawh dawn ani tih hi!"

"Anih chuan kha tin min âu khum chiam chiam tawh suh, he thil thlenna chhan hi ka thiamloh pawh ani bík lo." Ka ti ve hraih a.


"A nih leh he thil sawifiahnatur hi i ngaihtuah ve tawh hrim hrim em, kei leh nangmah chung châng ang leh engtin nge ni dawn tih te hi?"

"Kal la i huaisenna te chu va ti chak zual ta che."

"Tuma chungah ka hrilh ngailo....."

"Ṭha lutuk, chuti anih chuan i pa awmna hi ka hrilh tawh maithei che a ni. " Ngei awm zet hian a ṭhen pah suk a.


Engtin nge ka pa hi ka zawn chhuah ang tih leh khawiah nge a awm tih hre tu chu amah chauh hi a ni.

Ka hun kal tawh chhuikirin tu pawh hrilh ta ang ni ila tumah hian min pawm duh tawh ka ring lo, chuvâng chuan he ka thurúk hi chu zép tluan parh mai pawi pawh tihna ka nei tawh lo, ka pa chuan a fanu angin min pawm duh tawhlo pawh ni se vawikhat tal chu ka pa ti a ka koh leh theihna turin zawn chhuah ka la tum ngar tho a ni, ka tαn hian nu leh pa nih an hlut zia hi hrethiamlo mah sela ka tân erawh an hlu èm ém thung a ni.

Ka inher leh nghat a, chuti ang thil zawng zawng ka ngaihtuah chhuah leh chuan ka chaklohna te khân min ûmpha leh ang a, rilru hnualna bâk keimah ah a awm leh chuang lo ang, vanduai ngawih ngawih a inhriatna nen.

"Khawiah nge kal i tum?"

A lam pawh hawi leh tawh chuang lo hian, "Thil tih tur ka nei." Ti chauhin ka chhαng a, ṭap lo hrâm hrâm turin ka heh ka pet ngar bawk, he pa bulah hian ka ṭap hauh tur ani lo, keimah a awm dawizepna awm hi ka hneh ngei tur a ni.

"Wesley Cooper bulah khân kal leh i tum em ni?"

Chu athil rawn sawi chhuah chuan amah hmachhawnlo theilo dinhmunah min din tir, ka inher nghat a, rum zet a melh chho ngar chung hian, "Chuti ang pawh chu lo ni sela, eng nge i tân pawimawh viau a?"


"Elo warning ka pe mai chauh che anih chu, he pa hi i chhuahpui nawn theilo ang, ka thu hi pawm mai rawh."


"Engvângin maw?" Ka ti ve sep a.


"Warning ka pe chauh che anih chu Eleanor, ka hrilh tawp ang che, Coopers chhungkaw ho hi mi ṭha tak pakhat tè mah an awm lo."


"Anni chu i hria tihna em ni?" Ka hriat ka châkna leh hriat ka huphurhna chu a in chen tâwk vel ngei ang, a inbúk tâwk chiah chiah in ka ring.

"Chuti ang thil sawi vak angai lo, warning ka pe chauh che a ni e, i duh duh i ti thei a lawm, ka nu hospital lamah hmu turin ka kal dawn a nia."

Ka patea chu a kal chhuak ta tih kawngkhâr inkhar ri khap aṭang chuan ka hre thei, ka melh ngai chu ka melh ngawt ngawt a, mahse engmah hmuh reng ka nei lo, ka patea thu sawi kha eng nge a awmzia ni ang, Cooper chhungkaw ho reng reng miṭha tumah an awm lo ani tih kha eng a sawi tumna chiah nge ni ta ang?


Khami zân nilo nidangah Wesley hi alo hmu tawh ṭhin tihna em ni ang? Keimah ah zawhna chihrang hrang alo lût a, heti ang rilru hah tak chuan ka awm thei lo ang, borauk thuanghlim dawn ka mamawh, ka room lamah pawh chho ta lo chuan ka chhuak leh nghâl a, ka kal tih pawh inhre lo in thing hmun lam chu ka pan ta a, khua pawh atlai lam ruai tawh a, a thim chhulh chhulh tawh bawk, mahse hmun fal tih vel hi chuan min ti hlau ve em em hran lo, mahse chu chu thuhran, sihal û erawh ka hlâu èm èm thung si!


Thinghmun lamah chuan ka kal zel a, ka ngaihtuahna a awm ber chu Wesley hian he hmun hi a kal ve ang em? Tih hi a ni, he hmun hi a kal ve ngei ka ring tlat, achhan chu hla tak a kal ka ring hran lo, kan awmna hmun hi vèng táwp lam a ni a, heti lama a kal tawh hi chuan a car chu hnut chhiahin ke in he thinghmun hi a paltlang ve ṭhin in ka hria, "A chhan chu he hmuna kal hi a duh ve maithei bawk a." Tiin ka phun chhuak sap, he thing hmun hi short cut a ni a, kawng pèng pakhat awmin chu lam chu thlân mual ani thung ani.

Ka hmalamah chuan mipakhat kal hi ka va hmu ta ngei a, ka kal chak sauh, he pa pian hmang hi hnunglam aṭang pawhin ka hai tawh lo, amah Wesley Cooper ngei a ni, engvânga la awm reng nge anih ang, ka tih lungnihloh vâng te kha a ni ang em? Mahse a pan lam chu thlânmual ani tlat, zawi muang hian ka pan hnâi hret hret a, thâwm pawh ka dím kher mai, chuti anga mi zui rûk ching tak pawh ka ni kher lo, mahse engvânga Wesley chu thlânmual lam pan a kal nge anih rèng ka hre lo, chu thil ka hriat châkna chuan min tur nasat èm avânga pan ve mai ka ni.

Heti ang a ahnunglam a ka kal ve ani tih pawh hre lo khawp khawp tu chuan eng emaw ngaihtuahna buai tak anei anih ngei ka ring, ka zui zel dawn nge dawn lo tih te chu ka inzâwt ṭan ta hial, mahse ka ke erawh a kal dân pâng ngaiin a la kal ngar ngar thung!


A tâwp a tâwpah chuan Wesley chuan thlânmual hmun chu min thlen pui a, thlαn palkhat bul chu a pan ding tih ka va hmu a, thawmdím thei ang berin ka pan hnαi hret hret a, a ṭawng ka hriatphâkna tur awm velah chuan thlân pakhat phénin ka ding ve ta a, Wesley chu thlân pakhat hma ah hian dingin a kûn ngul reng a, engmah a sawi chhuak lo, chutia lo nghah ve ngawt ngawt mai chu, mahse thâwm neih erawh ka hlâu viau, a rawn dâk chhuak a, "Mom, zan hun ṭha tak ani ti raw." A ti chhuak sup a.


Ka phu awn awn mai, a nu maw ni a? Hei vâng hian em ni anu chung châng sawi chhuah alo duh loh ṭhin ni ta ang....hetah hian ka ...ka awm thei lo.Ruah a rawn sur zui leh ta nghαl.

"A rei tawh hle mai ti raw, ka bula i awm lohna hi, kum tam tak a ni ta."

"Dad chuan a theinghilh der tawh che a sin, tùnah pawh nupui hual anei leh der tawh, tunge anih tih pawh i hre sa vekin ka ring ..... a ni hi chu phatsantu tenawm tak ani."

"Mahse tûnah hi chuan khami chungchαng thu sawi kha ka tum ber pawh ani lo, mom natna ka nei a, ka chhungrilah hian ka na ngawih ngawih a sin....chu natna ka neih chu i bula hun ka hman theihtawhloh vαng a natna a ni."

"Thla rei vaklo kal ta khαn hmeichhe danglam zet mai pakhat ka tawng a....a ni chuan min ti nui thei tlat, i hriat kha, khati ang mizia ka neihtam loh dân pawh, mahse chu nu bulah chuan chuti ang mi chu ka ni thei tlat lo, a bulah chuan mipa nuih heh tak ang mai ka ni, chuan thil pakhat mak deuh chu, chu hmeichhe thinrim hmel chu hmuh nuam ka ti tlat pek."

He mipa hi a â tak tak a nih hi ti rilru in ka lo nui chhuak var var a, "Túnah hian chu hmeichhia chu a thin arim hle a, achhan pawh nangmah rawn hmuh che a ngaih avαngin kan plan chu ka canceled sak a, mahse mom i hriat kha, ka nunah nang hi number one i ni reng ang, thildang zawng ai pawhin, eng thil pawh lo thleng sela, nang hi ka dah pawimawh hmasak ber tur i ni."


"Túnah chuan ka bulah awm thei tawh lo in nang chuan min boral san tawh a, mahse ka ngaihtuahna ah erawh nitin zantin in i nung reng thung ang."

"Thlamuang takin chawl ang che."

 To be cont

Zawm leh hun tur friday night, tunlai ka story hi chapter ka ti sei thei ta riau mai, inlo hrethiam dawn nia, ka thiamtawh lo, alo boring deuh hlek anih pawhin rawn sawi hreh hauh suh u, insawi loh chuan ka hre thei dawn miah lo a nia.