TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 35

TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 35

"Ngaihven duh vak suh, in phone a nih chu!" Kan thil tih lai chu chhunzawm tumin ka fawp leh a chuti ang a kan thil tih lai mek rawn tibuai tu phone ri hrep chu ka haw tak zet zet.

Theo chu kan thiltih laiah hlîr chuan thlèm lèt leh tumin a taksa pá zet leh ti hrawl ngah zet chu ka chul kual sak dan dan a, phone erawh ala inring char char, a ring zo a ari nawn leh ṭhin a, "I Uncle pawh ani mai thei, i lák ngei a ngai ang."

Ka thaw pah halh a, zawi muangin ka thawmhnaw chhuat lama tla chu ka chhar a, ka inbel leh a, chutia muang taka ka chét lai chuan chu phone chu ri tawh lo se kati kher mai, mahse a ring char char tho, phone awmna lam chu ka pan phei a, ka pickup ta nghαl a.


"Hello, Sofia ka ni e."

"Thi tura min kalsan tawh hnu in Ireland lamah i kir leh hi ka ring sa réng a ni." Ka pa aw ngei mai vawt ruih leh nelawmna pakhat mah neilo chuan a rawn ti ta a, min ṭhawng kher mai ka thi deuh zuai nihiala hriatna ka nei, ka pa aw ngei ani tih erawh ka hre chiang khawp, ka thin a phu nghâl dawt dawt a, ka lung phu chu aring hle a hriatna ka nei bawk a.


"Dad." Ka ti chhuak sap .

Theo tháwk la ve hawk ri chu ka hre thei, "I uncle Cornor tûn thlenga ngaihna i la nei hauh lo ani tih ka hriat hian mak min tih tir hle mai."

Ka phu chiang lutuk, ka pa chuan uncle Cornor chu a kawl tihna em ni ang?


Phone chu athi nghál hmiah, eng thil nge ka sawi dawn tih pwwh hre lo in ka ding khawng at a, ka melh ngai ka melh rân bawk, Theo chuan min rawn pan phei ve a, "Eng nge thil diklo a awm em ni?"


"Ka pa a la dam." Ka ti chhuak thei hrâm, hlauhthâwnna hlir hian ka khat a.


"Kei pawhin a hma khân he thu hi alawm hrilh che ka tum."


"I hre tawh a maw?" Mak kati leh zual, he thil hi maw Theo chuan min hrilh alo tum reng chu?

"Nimin piah khân ka hre ve chauh tho a nia."


"I hriat chhuah veleh khân min hrilh tur hi i ni a sin." Ka ti chhuak ve ṭhat.


"Inbeng dai phawt teh! Kei chuan hrilh che ka duh a lawm, mahse ka pa ngaidânah Ireland i thlen hma loh chuan i tαn i hriat chu a him aring lo a, chu vânga Ireland thlen hunah chauh hrilh tur che a min tih vâng a nia."



"Well, túnah chu thil min hrilh loh avâng chuan eng thil nge kan hmuh tàk hi?"


"Hetah chuan i pa chuan a rawn man phák tawh lo ang che."

"Oh, eng ang ngaihdán nge maw inneih chu le? Min man sa reng tawh záwk a sin." Theo chu rum zet hian ka melh chho ve râm râm a.


"Eng nge i thusawi awmzia chu?" A bangbo hmel ve hle hian ka hria.


"Tûnah hian Uncle Cornor chu ka pa hian a kawl a sin, chu pawh i thiamloh vekah leh nghâl !" Ka rilru nat lutuk avâng leh mahni inthiamlohna avâng chuan lungchhe zetin ka ṭap chhuak ta hlap hlap a.

"I uncle a kawl a maw?"
A aw ah chuan mak ati ve tak zet tih hi a hriat a, kei erawh chuan ka chháng thei tawh lo, lungchhe zet hian ka ṭap hlap hlap reng a, a ngawih leh vung vung hnu chuan, "Ok, thil ka han ngaihtuah lawk ang e." A ti chhuak leh sup.

Ka ṭah chhung zawng chu ka bulah ngawi rengin alo ding reng a,tlema ka zia awm hnu chuan a rawn ṭawng chhuak leh a, "Cornor chu a kawl ngei ani tih i chiang maw?"


Tháwk ka la ve halh a, "A sawi dan chuan ka uncle ka ngailo lutuk a ṭháwn zia thu a sawi chhuak a lawm."


"Chu chuan a kawl ani tih chianna a awm chuang lo."


"A kawl chiang lutuk ringawt, kha tiang a alak a beidawnna ka thlen aváng khân Cornor chuan a rulh lét ngei a ngai ang tih min hrilh bawk a lawm."

"A nih chuan khawiah chiah nge a kawl tih hi kan hriat chhuah vat a ngai ngei ang, Ireland khawi hmun laiah a dah ani emaw America ramah a hruai kir ani emaw, khawiah emaw tak chuan a dah ngei ang." Theo chuan a ti a.


"Ka hre lo a chu mahse America lamah a dah ka ring ber." Insut deuh hlap hlap chung chuan ka lo ti ve a.


"Engtin nge chu chu atih theih ang a?"


"Ka pa hian Romano jet a duh hun hunah a hmansak thei reng alawm, chuan Cornor hian min ngaihtuah ém èm a, chumi chung chángah chuan vau in ka nunna chu der thawngah a awm zia âwih tirin ahruai chhuak anih ka ring tlat." Ka rilru a ka rin dán diktak chu ka sawi chhuak a.


"Heti ang thil a thlen hi rin pawh ka rin phâk bák a ni, America kha chhuahsan tur ka ni lo a sin." Tih pahin ka inhnít ri leh hraih a, ka lungchhe lutuk chu ka inhnít leh ta hlap hlap a, Theo chuan mi rawn kuah pah hian, hahdam taka awm tum rawh, tihfel vat ka tum dawn nia." A rawn ti ve teh mial a, a thusawi ho kha ka la hre reng hmeichhe lungchhe taka ṭap a hmuh theihloh thu te kha, mahse mi hnem dân erawh athiam hle hian ka hria, ka hmui hnuai lam chu ka pet fan a, ka insum hrâm hrám, "Eng tin nge i tih ang a?" Ka ti chhuak hraih.


"Ka hre chiah rih lo a chu, eng emaw tak zawng ka ngaihtuah ang, kal la lo va awm hahchawl rawh, tlem mutthilh lo va tum ang che, ka pa ka phone ang a, eng thil nge hriat chhuah theih aneih kan en dawn nia."


"Mahse ka chau lo asin." Hnuailam chu ka melh deuh lap a.


"Ok, anih pawhin lo va muhah chawl hrim hrim rawh, i mamawh in ka hria, he thil hi nakin lama tih ah dah rih phawt la, túnah rih chuan engmah tih theih kan nei rih lo, i pa ina arawn call back leh hma che chu tih ring tal in lo va hahdam rih tum ang che."


"Ok." Hmel ngui tak chung chuan Theo thusawi pawm tum takin living room chu chhuahsanin ka room lam chu ka pan ta a, zán chu a rei duh dawn riau a hriatna te hi ka nei a, mahse ka patea chu engti kawng pawh a ka pa lak aṭangin chhan chhuah erawh ka tum tlat thing! Keima thiamlohna ah a niin alo tawrh nachhan tur pakhat mah a awm lo tih chu ka ngaihdan a ni, duh leh kei chu thi mah ila pawi tihna ka nei tawh lo.


THEO.....

Sofia a room lama a kal hnu chuan ka pa number chu dial pahin ka room lam ka pan a, heti lamah chuan zan arei ve tawh viau a chu New York lamah erawh a la hma in a la tlaichhiat lutuk ka ring lo, "Theo?"

Ka pa aw ka hriat veleh chuan, "Buaina kan nei." Ka ti nghâl tawl a.


"Eng ang buaina nge ni leh hrep ta a Theo?" Ka pa aw chu a hriam ṭha hreih hrawih khawp mai.


"Terence khán Sofia Uncle a kawl anih chu!"


"Hrep tak chuan leh, eng nge a sawi a?"


"Sofia uncle Cornor a kawl thu a rawn sawi chauh a, eng nge aduh chiah tih sawi tur chuan a rawn call leh vat ka ring, kei ni pawhin chu chu kan lo nghâk rih, chumi hma chuan thil pakhat min lo tihsak la ka duh a, Cornor chu New York lamah arawn hruai em tih hi min lo hriat sak thei ang em?"

"Chu chuan eng thil danglam nge a thlen i rin?"

A chang chuan ka pa zawhna hi ka haw lek lek ṭhin, tháwk ka la pah hawk a, "Sofia hi New York lama alo kir leh hi ka duh pui tawh lo." Ka ti ta a.

"Nangmah khân New York lama rawn kir tawh lo turin ti la ani mai a lawm." A ti deuh hmiah.


"Eng tin nge chutia ti tura ka tih táwp rik ngawt theih ang a?" Ka aw chu a vìn ve lek lek, thil âwihawm loh pui pui a rawn phuh chhuak ṭhin hi ka hua, diktaka sawi chuan Sofia lah ka nupui ani lo a, achungah engtin nge chuti ang chuan ka han tih ngawt ang ni, kan mi leh sa pawh nihna anei lo bawk nen.


"Theo, Sofia kha hetah arawn kír leh anih vaih chuan airport a chhuahsan hma ngei a thah ani ang."

"Chu thil chu ka hriat loh bík i ring réng réng emaw ni le?"


"Enteh dad, Terence hian khawiah chiah nge a kawl tih kan hriat chhuah hma loh chu engmah kan tih theih tak tak ka ring lo, chuvâng chuan tihian ti teh ang, i thil tihtheihna zawng zawng hmangin khawiah tak nge a kawl tih hi lo zawn chhuah tum rih phawt mai teh!" Ka ti ve ta hrawih a.


"Ok, kha chu ka tihturah dah tawp rawh, chuan fimkhur takin lo awm la, pawn lamah lo kal chhuak vak lo ang che u, nangmah thleng thleng khân an enthla reng che a ni tih kha hre reng ang che."


"Ok, ka lo hre reng dawn nia." Ka ti ve a, phone chu ka cut ta a, shower ka hmang zet phawt a, ka inthlâk fel hnu chuan Sofia room lam chu ka pan a, alo hmuhil hman der tawh, abulah chuan va ṭhu in ka ko a, "Babe."

"Sofia?"

A rawn meng chhuak a, chauh hmel zet hian, "Eng emaw thil thleng a awm em ni?" A rawn ti chhuak ve sap a.


"No, engmah chuti ang thil thleng a awm rih lo, ka pa ka bia a, New York lamah Cornor hi hruai ani em a lo ngaihven dawn anih chu!"

A rawn ṭhu chhuak nghâl a, chiang tak a mi rawn melh kal pah hian, "New York lamah kan kir leh aṭha berin ka hria." A ti ta a, chu thil chu a sawi ka rindan sa a ni.


"Nilo ve Sofia, New York lamah chuan kan kir thei rih lo ang."


" Eng maw ?" A ding chhuak nghál auh a.


" New York lamah i kir dawn rih lo ka ti a nia ."


" Eng thil nge ka tih theih a ka tih theihloh tih hi min hrilh miah suh Theo, chuti ang min hrilh turin nang hi ka engmah i ni lo ." A ti ram hmak.


Ka thaw pah hawk, " Sofia thil chhan awmlo a tih chhuah pâwng pâwng hi a ṭha chiah lem lo a nia, inhnialna pui tham zetah chuan kal pui tum lo ang che ." Ka ti ta hrawih a.


Lungchhe tak leh mittui hru mawlh mawlh chung chuan min tlαnchhuah san daih, ka rúm chhuak nghut a, ânchhia ka lawh pah hluk, "F*ck sake."


Ka phone arawn ri leh chiah, a screen eng aṭanga hming insaved chu ka en a, ka thaw hawk, a ṭha lutuk, he thil hi atâwp bera ka mamawh tak pawh ani e. Ka ner pah sawk."Talia eng nge?"


"Theo khawiah nge i la awm hrep a?"


"Ireland ah ka la awm tih te chu i hriat ve reng kha, eng nge buaina i neih leh hrep tawh chu le?" Mi rilru hah lai taka min rawn ṭawngkhum dan chu ka duh hauh lo, ka bula a awm lo chu avânnei viau bawk, chuti nilo se chuan
Ka ṭhuai duh hial maithei.


"Ni reilo te chhung i ti a, ka pe bawk che, túnah chuan i hun a táwp tawh." Ka bula a awm lo chu min hlau lo ve salh salh khawp mai.


"Thil dang buaina alo thleng leh a, chuvâng chu alawm, hun tlem ka mamawh belh leh ang." Inbengdaih ka tum hrám hrám a.


"Eng hun nge ni leh ta pek a, i mutpui ṭhin ani tiraw Theo?"


"Kha chu i lo buaina chhan tur anih ka hre hauh lo mai Talia, nang leh kei hi inkawp a inzui pawh kan ni hek lo tih hi hria ang che."


"A nih chuan nangni pahnih ah thil eng emaw a awm tihna a ni maw chu?"


"Talia ngaithla teh! Ka rawn haw hunah ka rawn be dawn che nia."


"Hremhmun lamah kal rawh Theo, eng thil nge thleng dawn tih pawh ka hrilh che kha, nireilo te cham la rawn.kir leh vat ang che, chuti anga i awmloh chuan eng nge ka tih dawn tih pawh i hriat reng kha ka ti ngei bawk ang."

"Mi vau ve ziah suh Talia hrep tak che chuan."


"Oh, Theo ka vau hauh hleinem che, i thusawi anga i awmloh avângin eng nge i chungah ka tih dawn tih ka hrilh mai záwk che a lawm." Ngei awm.zet hian anui chhuak a, ka bulah chuan awm ni se zawng ka that hreh hauh loin ka ring.

"Ka pa lak aṭang khan lo inthiar fihlim ang che, chu chu warning anih chu hre rawh."


"Uhh, i pa hnenah ka kal ring duh suh, i nu hnenah a lawm ka kal záwk dawn, i nu chu biaka ti ti pui pawh anawm ka ring i pa ái chuan." A nui pah har har a.


"Talia fiamthu thawhna hun pawh anih hrep loh hi hre rawh, Talia, TALIA?"

phone a cut tih hriat zet chuan ari chur chur, ka insehruh kher mai, ka biak laiin phone te min cut khum ngam a maw? Ala hre khawp ang maw le, he hmun aṭang a kir vat a chu nu chu sawi sak hrep ka chák ka fa anih hi ka ring lo hrim hrim bawk, eng ang pawhin ka fa ah puh mah se anih loh zia kei mah ngeiin a tih chian ka tum.


TALIA....

Theo chuan chu hmeichhe tla dah zet chu a hmangaih telh telh ni hian ka hria a, ka haw tak zet, he nu hi chu Theo nen kan inkarah rawn inrawlh lo se chuan Theo hi ka chang thei tur hi a nia, mahse tûnah hian idea ṭha tak ka nei a, chumi hmang chuan Theo hi ka thangkamah ka la awh tir tho tho dawn alawm, chumi hunah chuan Theo pawh hian ka chunga athil lo tih dán zawng zawngah khán pawi ala ti ve khawp ang, Theo hi tihluihna nen ka chang duh anih chuan a nu hi ka lamah ka ṭan tir ngei a ngai bawk ang, ka call nghâl hial dawn em maw ni le?  Ka phone chu ka lek chhuak a, Callie number chu ka dial ta a, ṭap pâr chung chuan thil engkim ka hrilh ta vek a, Callie chuan a hrethiam kher mai, ka nui ru var var. Theo hian min duhlo pawh nimahse kei hian ka nei tho tho ang, anu chuan a pa a hmin ang a, Theo tán a nu leh pa hnial chu a theih dawn loh bawk a, tûnah chuan ka hun a inṭan ve dawn chauh záwk a ni.

THEO....

Come on dad, phone chhâng vat teh!


A la dawn tawh lo emaw ka tih hnu chuan a rawn chháng ve ta hrám a, "Theo?!


"Dad, khawngaihin inah i awm thu min han hrilh teh!" Ka ti nghâl tawl a.


"No, warehouse lamah ka awm eng nge ni ta?"


"Inlamah haw nghal rawh, chuan engkim ka hrilh fiah vek ang che."


"Hrep tak chuan Theo, chan chin ṭha lam anih ngei ka beisei e."

Note: sawi nawn atam lutuk a hetilai hi chu ka cut ta hmak mai, in hriat hnu inhre nawn awn awn remg dawn a.

TREY...

Theo min rawn biak zawh hnu chuan rilru hah zetin inlamah ka inkhalh haw a, heti ang thil hi ka fapa chungah thleng turin ka duh rih lo a sin, kei chuan tih ngaihna ka hre der lo, Callie khân ka fa min hrilh hre hauh lo in a pai a, ahnu ah ka hre chauh anih kha, tun ami hi Theo fa ngei anih ngat chuan kan enkawl sak chiang viau ang, Theo kha chuan afa anih loh aring achu kan tih chian vat erawh angai ngei ang, naute a rawn pian hunah chuan a rilru put dan te pawh a thlâk ve mahna, mahse he a fa paina nu hi a fa ahrin hma chu kan bulah a awm tur a ni, chu chu Callie duh dán pawh anih ngei ka ring, he thil hi Theo chuan kan lakah alo zép char char chu a nia, chu pawh a fapaina nu in a arawn vau hnu ah chauh min la hrilh zui, thildangah buaina chu neilo sela chuan ka hau hrep ang ka ti deuh a nia, mahse tûnah chuan rilru hahna angah tih pawh ka hriat pui reng avánga insum chauh a ni. Kawta ka car ka hun ṭhat hnu chuan inchhung lamah ka lût a, "I va lo haw hma ve?" Callie chuan alo ti a.


"Ka chhuah hlân khan tu emaw hnen aṭangin call i dawng em?"

"Âih, ti nge?"

"Ka ngaihtuah mai mai a." Ka ti sup.


"Trey han sawi chhuak law law teh! Mi tu emaw call ka dawng hauh lo, mahse kan tu lo piang tur nu phone erawh ka dawng."


"Ok, chumi thil chung chângah chuan a nia biak che ka tum." Ka ti ta sup a, tháwk ka la pah hawk bawk a, Theo hlauh ang ngeiin thil chu a thleng ta chiang mai, Callie,Theo chunga athinrim dân tur pawh ka hre thiam vek bawk.


THEO....


Rilru hah zetin Sofia kalna lamah chuan ka zui phei a, room chu ka en chhuak vek khawiah mah ka hmu lo, a uncle room bák tih lo chu ka en chhuak vek tawh, Cornor room lamah chuan a awm ringin kawngka chu ka hawng a, alo awm ngei e, ka pan phei a, min hnungchhawn tlat ka thawm chu ahre reng tho in ka ring, ka va pan hnâi a, hnunglam aṭanga achhipsama fawh sak zauh pah hian, "Babe, inhnial dún tawh lo teh ang."ka ti chhuak sup a.

A thil tihlai chu a chawl a, ka thusawi chu angaithla a ni ngei ang, mahse ka lam a rawn hawi chuang lo a, engtin mah min chhâng bawk hek lo.


"Sofia tûnah tak hi chuan i tân New York lama kir hi a him rih lo a ni."


Ka lam a rawn hawi ve ta a, ahmel chu a ngui raih mai a, a ṭap leh nasa hle ani tih hriat zet hian a meng sen râm a, amittui luanna hnuhma lah a val kalh hlawm a, "Theo kei pawhin kan pahniha inhnialna neih hi ka duh reng bîk hleinem." A ti ve ta sap a.


A chalah chuan ka lo fawh sak leh zauh a, "Mahse Cornor hi NewYork ah a awm anih chuan i puihna ka mamawh emaw mamawh lo emaw pawh ni se ka kal ngei hi a ngai a ni." A tih zawm leh a.


"Sofia i tân ahlauhawm lutuk ringawt, i pa hi Fangs leader ani tih hi hre ta che, eng pawh nisela Bronze Dragons leh Fangs ho inkarah thil thleng pawh nimah se, Family thilah hian kan inrawlh theilo hrim hrim, kan dân in a phallo a ni." Tiin ka hrilhfiah leh a.


"Ka hria alawm, hei vâng hi a nia, ka chung chângah hian inrawlh lo tura ka phut luih duh lohna chhan che u pawh, mahse keimah avânga Cornor nunna in a tawrh hi ka phal ngai lo ang."


"Ka pa hian kei mah min duh anih chuan min nei thei ang, chuan Cornor erawh a chhuah maiin ka ring, chumi avâng chuan ka chungah thinrim lo hrâm rawh."

Ka mitmeng chu alo rum leh úl tawh ani ngei ang, Sofia hian ka pa nunna achhan duh avânga a pa kha kâp ta a ni a, ka pa chungah Terence chu ṭuan lo in Sofia chungah aṭuan miau bawk si, kei lahin heti ang a Sofia chân hi ka duh hauh bawk si lo, ka rilru a hah kher mai, thil tihdan ṭha tak ka ngaihtuah chhuah vat a ngai ngei ang, chuta karah Talia alo inrawlh ve chhén mai bawk nen, ka â mai dawn hialin ka hre tawh.


 "I chungah ka thinrim hlei nem, ka thinrimna zâwk tak chu nangmah ṭanpui theihna tura i chungah engmah kan tih theihlohna hian ka thin ati rim zâwk daih." Ka ti ram hmuk.


Sofia taksa chu ka pawt hnaia, a hmuiah chuan fawh sak zauh pah hian, "Cornor hi khawiah nge a awm tih chiah hi hriat chhuah tumin lo nghâk rih phawt ang, chu chu New York kan kir leh hma a kan tih tur chu nita berin a lang." Ka ti ta a.


"Ok, lo nghâk ila."
Sofia chu ka kuah a, a ni pawh chuan mi thlahlel tak hian min lo kuah ve bawk a, tùnah tak hi chuan kan pahnih a rilru chu a hreawm dun tak zet tih pawh kan inhriatsak tawn ve ve ka ring, "Chu chu i phone ri ani lo maw?"

Ka kuahna aṭang chuan ka inla hrang a, a phone chu a en a, "Video anih hi!" A ti sap a.


A en laia ahmel chu hmuh ahreawm kher mai, a beidawng ani tih hi ahriat ngawih ngawih, "Eng nge ni a?" Dawhtheilo zet hian ka ti ve nghut a.

Chu thil a en zo chu lungchhe zet hian aṭap leh ta a, ka ngaih ati ṭha lo kher mai, "Cornor em ni?"

La ṭap hlap hlap chung chuan a phone ken lai chu mi rawn pe in, "Eng ve mai rawh." A rawn ti a.

A phone chu lâk sakin video chu ka play ve ta a, Terence leh Cornor leh Terence a ṭhuihhruai a ma kum ang tur vel mipa pakhat hi video ah chuan ka hmu a, Terence chu a rawn ṭawng chhuak a, "Hei i hmuh ang hian, Cornor chu New York ah kan kawl e."


"Sofia rawn kìr tawh reng reng suh, khatah khan awm tlat rawh kei chu ka ṭha a nia." Cornor chuan a rawn ti hrâm hrâm a, a ṭhat loh zia pawh ahmel ah chuan ahriat vek, an sawisa nasa hle tih hi ahriat a, chu thil chu keimah ngei hian ka hre chiang hle.


"Darkar 48 hun i nei a, chumi chhung huan ka that emaw ka chhuah emaw i kutah a nunna chu a innghat e." Terence bawk chuan arawn ti leh a.


"He thil ka tih chhan chu Sofia nangmah vâng chuah ani tih hi hria ang che, ka duh ber chu nang hi i ni a, i rawn inlan phawt chuan i uncle hi ka chhuah leh èm ém ang, i rawn lang lo anih erawh chuan he i uncle hian khaw eng a hmu tawh lo ang."

"Sweetheart a thusawi kha ngaithla duh hauh suh!" Cornor chuan ala rawn ti ṭáwk ṭawk a.


"Ka sawi tawh ang khan Sofia darkar 48 chu a in ṭan nghal e."
Video chu a tâwp ta a.

Sofia ṭap pawh alo bâng leh tawh a, akuta phone chu pék leh pahin,"Hei hi tu phone nge?"

"Ka uncle phone a nia."


"Cornor chu alandan ah New York ah a awm ani maw?"

"A lam dan chuan a nia lawm."


"Ka pa kahan phone ang a, eng thil nge a ngaihtuah tih kan en dawn nia."


"Theo chuti ang angai em ni? Thlawhna thlâwk chhuak hmasa berah New York ka pan angaiin ka hria."


"Ka pa chu min han biak tir hmasa ve phawt la maw le." Ka tih tαk ah chuan a bu ve mai bawk a.

Ka kal hrang deuh a, ka pa number chu ka ring leh ta a, "Dad keimah ka nia."


"Eng nge diklo a awm em ni?"


"Sofia khân Terence hnen aṭangin video a dawng a, Cornor chu New York ah an kawl anih chu!"


"F*ck, eng nge ruahmana ni ta?"


"Sofia sawi dan chuan kan puihna tello in America rawn kal leh atum tih thu min hrilh a."


Kha chu ruahmanna ṭha lo tak anih chu, engmah achungah tih theih i nei dawn lo NewYork ah tih kha hria la, a tαna tha ber leh a himna ber chu kha ta i awmpui tlat kha ani tih hi a ni a, eng pawh sawi sela i tawrh a kha hmun achhuahsan loh kha inpahnih atân a ṭha ber rih ang, kei nin hetah eng thil nge thleng tih hi kan hriat chhuah hma loh zawng chu i lo kawl ṭhat rih angai ang, chu ti anih loh chuan a nunna a tân khan a pawi thei dawn."


"Chu chu tih ka tum rèng a lawm mahse....."


"Anih leh America alo kir leh chuan kan chhan thei dawn lo tih kha i hrilh tawh rèng em?"


"Kha chu ahre sa vek, a sawi dan chuan amah avânga a uncle nuna hian a tawrh a duh loh thu a sawi."


"Ok, anih chuan hun eng emaw chhung he thil ka ngaihtuahna hun tur hi min han pe rih teh! Chutih hunah chuan Family code tih chhe lo a hma lâk dan tur a awm em tih ka han ngaihtuah lawk ang e." Ka pa chian arawn ti ta a, mahse min ti hahdam chuang hauh lo.

"Dad, kha lam chu ka en chhuak vek tawh, kan danah chuan pawl dang chhung buaina ah lo inrawlh loh ani tawp mai, kawng dang a awm lo." Beidawng zet hian ka ti a.


"Chuan?"

"NewYork kan rawn thlâwk kir theilo ang, Fangs ho chuan inzar pharhin flight lo thlâwk haw a piang an lo en ngei bawk ang."


"A nih leh deadline lam ?"


"Darkar 48 hun an pe a, Bert kha jet peih turin lo hrilh mai rawh, thil eng emaw ka lo ngaihtuah ang e." Ka ti ve ta záwk a.


"Ok, anih Theo chanchin min rawn hrilh zel ka phùt tlat a nia, chuan Theo eng lo...."


"Eng nge?"


"I nu khân a hre tawh."

"Ka nu in maw?" Ka ngui nghâl rawih rawih, ka nu chuan tihluihna ka chungah ahmang leh ngei áwm si a, Talia chu ka haw kher mai.


"Hello?"

Phone chu a cut daih mai, phone line down vâng pawh ani maithei bawk.


Sofia chu arawn kal hnai a, "I pa chuan eng nge a rawn sawi?" Zâm hmel zet hian arawn ti chhuak ve sap a.


"A sawi ho chu ka rin ang chiah bâk rawn sawi a neilo." Ti hian ka lo chhâng ve mai a.


"Eng ber kha maw?"


"NewYork i kal tur hi ruahmanna tha tak zawng ani lo tih kha maw le."



"Ka kal angai si a lawm, achhan chu Cornor hian keimah avângin eng thil mah a tawrh hi ka duh ngai lo ang."


"Ka hria e."

"I hre tawh a maw?" A meng phâwk deuh hra a, a ka deuh hau bawk a, ka chhαnna chuan mak atih tir kher mai.


"Zanin hian jet arawn thleng ang a, zanin la la hian NewYork lamah chuan kan thlâk chhuak leh ang."


"Min puih i tum tihna em ni?" A rin loh lam tak ka sawi chhuah avâng chuan aphu deuh zawk nghe nghe.

"Aw, ka pui ang che, amaherawh chu Sofia hei erawh hria ang che, darkar 48 chhungin ka thusawi eng kim ti tura ka tih apiang che chu i zawm ngei a ngai thung ang." Ka ti ta a.

"Eng lam pang zâwng in maw?"


"Kei pawhin ka la hre mai rih lo tùnah chuan, mahse min ring tur erawh chuan ka duh ang che, chu chu i ti thei ang em?"

"Ka ring che." Zawi te hriat tham chang chang hian arawn ti ve sap a.


Mi rawn kuah thlawp pah hian, tah aw ṭiau chungin, "Thi turin ka rilru ka lo siam fel vek hman tawh a, i chungah ka lawm tak zet." Lungchhe zet a inhnit hlap hlap pah chuan a ti ta a.


Ka khawngaih reuh kher mai, hmeichhe huaisen tak pawh ani in ka hria, chuti ang a ti thei chu ama kum ang la naupang tak angah chuan an awm ang em, tùnah chuan a vawikhatna atân Terence leh an zavai mai a ka nuai chimih hun chu alo thleng dawn ta in ka hria.