TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 38

TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 38

"Nilo e, Talia chung châng a nia." Ka ti leh sep a.


"Eng nge ani chu?" A khabe a dawm pah rûn rún a.


"Phone midang a biakna ka hria a."


"Phone ah a, tu nena an inbiak na maw?"

"Cassandra."


"Eng maw, Cassandra nen ber kher maw?" Theo hmelah pawh chuan mak atih zia a thup hman bík lo, a rinloh leh beiseiloh lutuk anih ve ngei ka ring!


"Ka unaunu hrawn Cassandra ani tih tak chu ka chiang ngam chiah lo a, mahse Cassandra lo nilo ta ang se eng nge a danglamna tur awm?"


"A danglam dân chu a awlsam lutuk zawkin ka hria." A ti ve nghut a.

"Eng chungchang nge an sawi niawma i hriat?"


"Talia sawi ka hriat dan chuan, ngaihtuah buai tur a awm loh thu leh, engkim a thu hnuaia a awm thu a sawi, chuan grocery store ah inhmuh an tum tih a sawi tel bawk."


"Chu thu an sawi aṭang chuan engtia rei nge ni tawh?"

"Darkar chanve vel bák a nih ka la ring lo."


Theo chuan a phone chu a lachhuak nghâl a, angaihthlâk deuh vung vung hnu chuan, "Cooper keimah ka nia, tûnah hian i hna thawh tur a detaills in ka rawn sent ang che, tûnah min lo tihsak nghâl turin ka duh bawk ang che.


"Ok,  chanchin i hriat veleh i theih anga rangin min rawn hrilh leh dawn nia, chuan Cooper ka pa hnenah engmah la hrikh rih lo turin ka duh che a, keiman chan chin chiang ka hriat veleh ka la hrilh záwk dawn nia."

"Ok."

"Eng nge thil awmzia?" tiin Theo chu ka zâwt sap a.


"Gorcery store ah Cooper ka thawn mek a, eng thil nge a hriat chhuah kan lo thlir ang chu, chuan chan chin a rawn sawi hunah ka pa bulah sawi pui turin ka kal leh ang, chuan i bula awm turin Jaden ka rawn dah bawk dawn nia."


"Ka tân maw?" Ka phu deuh zawk nghe nghe a .


"Aw, babe, i bodyguard angin a ni ang chu!"


"Oh." Thildang daih ka rilru a a lo luh avang chuan nuam lo ka ti rilru hle.


"I tih tur chu inchhungah hian engtiklai pawhin awm reng la, khawiah mah lo kal chhuak lo ang che, chuan Talia hnenah engmah sawi chhuak bawk suh ang che."


"Aw le." Tih pah chuan ka mit ka khap pah zauh zauh a.

Mi a rawn pan hnai a, "Sofia tumahin an tihnat che hi ka phal ngai lo ang." a ti ta sup a.


"Nilo, Theo, Talia hi i fa lo piang tur nu ani mai thei a sin."

"Ka hria, kha chu ka la tifel ngei ang tih ka tiam tawh che kha, mahse chu chuan i laka ka rilru put hmang hi a thlâk phah chuang lo ang."


Chuti ang thil sawi pui chu ka duh rih lo, tûna engmah thil hriat hma a lo nèm leh rîknfawt te chu ka duh zawng pawh ani lo, "Ok, shower ka hmang ang a, ka lo mu mai dawn nia." Ka ti ta daih a.


A bu ve nghut, a phone ken lai screen chu a bih leh vung vung a, tihbuai leh hreh deuh tak chung hian ka melh chho leh zeuh a, "Hetah hian em ni ka mut ang?" Ka ti ta sap a.


Tháwk ala rihawk, a rawn hawi chhuak a, "Damnit Sofia, ka nupui i ni a, hetah ka bulah i mu ngei tur a ni." Min tih khum deuh hrâwk a, chutia atih ka lo rin lâwk sa avâng chuan ka phu dawrh hran lem lo.



Eng mah sawi leh tawh lo in, Theo chu ka kalpel a, bathroom lam chu ka pan san ta a.


THEO.....

Sofia ina bathroom kawngkhar a khar rikhap ri ka hriat rual rual chuan Jaden number ka dial nghâl a, "Jaden Theo ka nia, inlamah min rawn hmu thei lawk ang em?"


"Ok, Theo ka rawn kal ang."


"Aw le, minute sawm panga chhungin rawn thlen i tum dawn nia,ka pa office ah ka lo awm ang." Phone chu ka cut a, room chu ka chhuahsan ta nghal a.


15 MINUTES LATER....

Ka pa office lamah chuan Jaden lo kal hun chu ka lo nghâk rún tawh a, ka cigarette chu phawrhin ka zu pah mial mial a, tlawnkhat phawrh a ka zûk leh dawn lai tak chuan kawngka an rawn kik ta kauh kauh a, ka thil zûk tur chu ṭhulh lehin, "Lo lut rawh." Ka ti a.


Jaden chu a rawn pén lût nghâl a, Jaden hi Hunter fapa ani a, hâng ngaihno bei zet mai leh sam sei a dar chen vek thlenga zuahin sin te te in a phiar sung bawk a, a pa angmaia rinawm tak ani bawk.


"Hey, bro, eng nge ni ta?"


"Warehouse lamah hna thawh tur i ngah viau em?"


"Nah, chuti anga han thawh em em tur ka nei hran lem lo, ka pa in reilo te te chhung training min pe ṭhin a ani mai, nga ti nge?"



"Ni rei vak lo chhung chu Sofia bodyguard turin ka mamawh vâng che a nia."


"Oh, yeah 'man', ka lawmpui lutuk che, Sofia kut zung ṭangah zungbun i bun tir niin ka lo hria a." A nui pah vur vur a.


"Ni e, chuti ang deuh chu a ni e." Ka nuih lét ve suk a.


"A nih leh tu lak aṭangin nge Sofia chuan venhimna amamawh?"

"Tu hnen mah aṭangin tih hi ka beisei a, mahse tumah chance pék erawh ka duh lem lo, achhan chu thil eng emaw tak thleng tura ngaihna ka nei tlat." Ka ti leh sup a.


"Khawiah nge tunah a awm a?"

"Khum lamah a mu tawh ang, kei zankhua in ka awmloh hmel a, chu vang chuan kawngkhar hi i lo veng tawp mai dawn nia."

"No problem."


Jaden chu a kal chhuak ta nghâl a, dawhkana ka cigarette dah chhuah sa chu ka la leh a, ka ṭan kai nghál a, ka phone a rawn ri ta ral ral a, ka kut leh lam chuan ka phone chu ka phawrh leh a, "Cooper."

"I chiang chiah maw, hrep tak chuan." Ka âu chhuak deuh hrawih, Talia chuan Sofia Unaunu Cassandra chu alo hmu ngei mai.


"Kha Bitch .....ok, ka lawm e, ka rawn be leh dawn che nia."


Ka pa chu ka phone a tûl tawh viau in ka hria.

Ka pa number chu ka dial ta nghál a, "Dad, keimah."


"Theo eng nge ni ta?"


"Khawiah nge i awm?"


"Docks lamah, ti nge?"


"Ka biak che a ṭûlin ka hria, ka rawn kal ve nghál ang."



"Ok, kan inhmu vat dawn nia."

"Ok." Phone chu ka cut in ka jacket hâk lai chair a ka dah chu ka la a, ka hák fel hnu chuan pawnlamah chhuakin ka carah chuan ka ṭhu lut a, ka pa awmna lam docks chu ka pan ta a.


A hmun ka va thlen chuan ka pa chu ka va hmu nghâl a, alo buai hmel kher mai, "Dad."


"Theo, minute khat lawk."


"Detroit." Tiin a âu pah lûng lûng a.


"Yeah", Detroit chu a rawn thlengphei nghâl a.


"Hei hi eng mi â thil pack nge ni ngai a?" 

"Eng nge diklo a awm em ni boss?"


"A dang te ai hian a tawi bîk em hi han enchhin ve la."


"Ka lo enṭha dawn nia."


Detroit chuan chu bawm chu a la thla a, a endik nghâl mawlh mawlh a.


Ka pa chuan ka lam rawn hawiin, "Eng chung cháng nge i sawi duh chu?" A rawn ti ve ta a.


"Inchhung lamah kan inbe thei ang em?"

Ka pa chu bûk deuh nghut pah hian inchhung lam chu a bûk khum leh zauh a, kan pahnih chuan kan inzui lût ta nghál a.


"Eng nge ni ta?"


Thâwk ka la hawk a, "Kan zingah hian enthlatu kan kawl."


"Eng maw?" Ka pa chu a phu chiang kher mai, mak a tih zia chu a thup hman bîk lo.


"A tu chu nge ni hrep a?" A hmel a rum zual sauh.



"Dad, inbengdai rawh!"

"Theo inbengdaihna chi pawh va ni suh! Tu nge sawi ta hrep che?"


"Talia a nia."


"Engtin nge Talia chu spy anih theih hrep ang a, thil awihawm loh zet a nih chu ."



"Dad i hre lo anih kha, Talia hi fangs ho tân a thawk a, Sofia hi ka nun aṭanga ka paihchhuah theihna tur atân hun remchang zawngin hma an lâ ani tih hi hre ta che." Rum zet hian ka ti ve a, Talia hming ka lama ka pa in a han ngai nep viau mai chuan ka thin ati rim kher mai .


"Heng hi engtin nge i hriat a?" Ka pa chuan chung lam melh rulh pah leh a khabe dawm rûn chung chuan a ti leh sup a.


"Engtin nge ka hriat tih hi a pawimawh ber em ni tunah te?"


"Aw, a pawimawh lutuk, chuan sawi vat nghâl rawh!" Rum zet hian min melh pah rûn a.


"Sofia in Talia phone hmang a hre fuh a, tah chuan a sawi chhuak a, phone a asawi danin Talia leh Cassandra chu dawr pakhata in hmuh an tum a, chuta kal tur chuan Cooper ka tir ta nghál a, Cooper chuan Talia kalna hmunah chuan a zui ru ta a."

"Chuan?"


"Chuan ,Talia chungah Cassandra chu a thin arim lutuk ani tih a hriat a, achhan chu Talia kha enthlatu a an ruat avângin, mahse  Cassandra chuan engmah a la sawichhuak rih lo."


"Chuan naute chu le?"


"A ngai ang tho kha ala ni e, Talia chuan ka rai tiin a la sawi reng."


"Anih leh i fa anih theihna chance ala awm em?"


"Ka hre lo, engmah tûnah rih chuan hriat ka nei rih lo." Ka ti chhuak hruih, he thil hian ka rilru atih hah reng avángin.


"Theo, engvâng a â viau nge maw i nih tih hi ka hrilh duh che, engvânga condom hman chu harsat viau nge maw i nih le?" Ka pa chuan thâwk ala ve hruih a.

"Ka hre lo dad, nang hian min hrilh záwk la? Heti ang dinhmunah hian vawihnih lai i ding tawh ani lawm ni, chuan condom pawh ka hmang ngei e."


Ka pa chuan a khabe akuta khawn deuh kauh kauh pah hian, "A hmasa ber atân chuan he nu naupai hi i fa ani ngei em tih hi kan hriat chhuah hmasak phawt a ngai ang."


"Mahse he thil hriat nan chuan ni eng emaw zah a la ngai dawn a sin."


"Chutin kan ti nghâl mai thei hlei nem, kan ringhlel tih hi a hre mai dawn a sin."



"Talia hi advantage atân chuan kan hmang ve thei reng tawh a lawm." Ka lo ti leh zauh a.



"Kei pawhin chu chu ka ngaihtuah ve tho mai,mahse Talia hi Sofia heti anga ti tu ani tih hi i chiang phawt a ṭûl dawn lawm ni?"


"Eng nge i thusawi awmzia chu?"

"Theo, Talia hi kan inah anih hi a awm hrep ni, chumi ah i nu leh Alexandra hi risk ah kan dah thei hrep dawn em ni?"


"Nilo e, kei leh Sofia chuan Jaden kan nei a lawm." Ka ti ta a.


"Ok, well, Jaden chu lo hrilh la, Talia hi darkar sawmhnih pali chhunga a hun hman dan zawng zawng hriatsak vek turin lo ti bawk ang che, chuan Sofia kha hrilh bawk la, in kha chhuahaan miah lo turin leh Talia lak aṭanga inthiar fihlim char char turin hrilh bawk ang che." A ti ta a.


Ka cigarette chu ṭan in ka híp vang vang a, "Terence chung châng hriat kan nei leh tawh em?"


"Eng mah ala awm lo."

"Ok, he thil chung châng sawi ho tur hian naktuk lamah inhmuhkhawmna kan nei dawn nia, plan siam pawh a hun tawh hrim hrim, he tiang thilah hi chuan ka upa tawh mah mah a ni." A ti leh hruih a.

Ka pa chuan min kalchhuahsan leh ta nghâl a, ka phone chu ka phawrh chhuak leh a, "Jake keimah, kha lamah khan thil hriat duh ka nei a, lo hriat chhuah tum ta che, thla thum hma lam khan Talia hian mipa kawp anei nge nei lo hriat ka duh, ṭha takin Triona kha lo ti ti pui ta la, a thil hriat ang ang lo zawt chhuak fai leuh ang che, chuti ang chung châng i hriat veleh i theih anga rangin min rawn be dawn nia."


 "A ṭha e, 'man' awlsam thei ang bera thil tih ilo tum dawn nia."


Inlamah chuan ka inkhalh haw leh ta a, Jaden chu ka sawi angin kawngkhαr bulah chuan phone khawih nuap nuap pah hian alo la ṭhu reng a, room ka luh dawn chuan mu turin ka ti a, ani pawh hám deuh bui bui chung chuan muturin a kal sawn ve ta a, khua avar ṭep tawhin ka ring, ka thawmhnaw hâk chu ka hlîp sawk sawk a, Sofia tui tal a lo mu bâm bulah chuan ka inthawlh ve ta nghâl a.


Engmah pawh ngaihtuah leh tawh loin ka mit ka chhing a, mumang ram lamah ka chèng ta nghâl a, ka mu deuh chauh emaw ka tih lai chuan phone a ri reng mai a, men pawh memg chhuak chuang lo hian, a tu chu nge mae ni hrep le? Ka ti mai mai, phone ri lah in tâwp a tum hauh lo, ka lâk hma chu rík a tum ni mai hian ka hre tawh, "Theo i phone a ring char char a nia." Sofia chuan mut la chhuak aw zet chuan a rawn ti sap a.

"Sofia bengngawng ka ni lo, ka phone ri chu ka hria e." Tiin ka ṭhu chhuak nghâl a.


"Well, idoit anih chuan chhang thuai la, midangin mut an la duh hi!"

Ka phone chu pick in, "Hello?"

"Yeah, ok, ka rawn kal nghâl ang."


"Eng nge ni a?" A rawn ti ve sep a.

"Meeting."

"Ok, nuam deuhin aw, kei chu ka muhil leh dawn."

Bathroom lamah chuan lûtin shower ka hmang phawt a, ka chhuah leh hnu chuan Sofia chu alo muhil leh der tawh, thawmhnaw ka inbel sawk sawk a, ka pa office lamah chuan ka chhuk thla ve ta a.

Ka zu thlen chuan kei tih loh midang ho chu an lo kim leh ṭhap tawh, "Midang ho hi an mu ve ngai lo em ni?" Ka ti deih hmuk a.

"Theo zing dar kua arík tawh hi!" Ka pa chuan alo ti ve nghâl a.


Ka ner khum sawk, "Hei midang ho bulah hian Talia chung châng kha ka lo hrilh tawh hlawm a."


"Chuan, eng nge next step chu ni ta?"

 Ka pa chuan midang ho chu a melh kual dun dun a, "In zavai a ngaihdan kha han sawi tliar tliar u la." A ti a.


"Kei chuan confront mai ila ka ti." Hunter chuan a rawn ti a.


"Hunter thusawi kha ka pawm e, heti ang thil kan hriat tawh hnu ah hi chuan, thildang kan nghah leh ngaiin ka hre tawh lo." Detroit chuan a ti veleh a


"Chutia kan confront tawh hnu ah chuan eng tin nge kan tih leh ang nih leh?"


Cooper chuan ka zawhna chu rawn chhangin, "Chutia kan tih zawh hnu ah chuan tân in lamah kan kalh khum tawh mai dawn a lawm." A rawn ti ve a.


"Mahse a lo rai mai thei a, hemi ah erawh kan fimkhur angai viau ang." Hunter bawk chuan ati leh sup a.


"A nih kan zavaiin kalhkhum chu kan duh tlang tihna em ni?"

Detroit chu a rawn ṭawngchhuak ve leh a, "Boss thutlukna siam tur a ni e."


"Boss, eng nge i ngaihve dan, kan confront dawn nge kan nghâk rih deuh dawn?"

Ka pa chu a ngawi deuh rún rûn a, "Kan la nghah rih deuh ngaiin ka hria." A tâwpah chuan a rawn ti ta sup a.


"Nikhat emaw nihnih emaw vel heti ang a awmdan pângngai hian la dah rih phawt ila, chumi chhung chuan eng thil tak nge atih chiah tih leh phiarru tu ani ngei em tih kan hre chhuak thei tawh ngeiin ka ring a, chu mi hun chhung te chu la nghah rih deuh ṭha ka ti."


"Dad, he hmeichhia hi tunge anih chiah tih leh phiarru tu ani tih chu kan hre chiang thaw khat viau a ni lo'm ni?" Ka pa lam chu lawm lo zet hian la melh pah rún a.


"Theo, ngaithla rawh, inhnuai lamah kan kalh khum anih ngat chuan a rawn chhuak leh tawh dawn lo a, he a fa pai hi i fa anih theihna kawng tam tak ala awm a nia, altrasound tih te kha i duh ani lawmni, chumi hnu ah chuan kalh khum ta zâwk ila."


"Oh, chumi thildang vâng zâwk chuan maw ni a, khawiah nge a tâwp dawn tih erawh ka hre ta lo e." Za lo zet hian ka nui chhuak hawk a.


"Ka thutlùkna hi thu táwp ala ni reng tih hi hre rawh! Chumi chhung chu a thusawi engkim kan ngaithla thei reng tho a."


"A ṭha e, i duh dan tak chuan ti ta che." Ka tih khum ve ta hrawih a.


"Jaden nangin a kalna khawi ilo a pawh zui zel la, Detroit nangin a phone kha lo tapped sak bawk ang che."

Engmah ka ngaihthlâk zawm peih tawh lo, thinrim zetin meeting kan neihna hmun chu ka chhuahsan daih, ka pa chuan eng rilru nge ala put cheu tih pawh hi ka hre thiam lo, ka nu vángah ka puh lo thei lo, he a fa pai lai vâng chauh hi ani tih pawh ka hria, ka nu nen hian ka fa anga an ngaih tlat avângin, ka fa lo ni ta se rokhawmtu Bronze Dragons rawn la enkawl tu tur anih avângin an ngai pawimawh tlat!


Kan room chhung chu ka thleng chho thuai a, Sofia chu ka computer hma ah ṭhu in a lo khawih malh malh, thawmhnaw pángai tak pawh alo la inbel lo a, "Hey." Ka luh rual chuan ka ti zauh a.


"Hey, meeting chu eng nge a an?" Mi pawh rawn en let chuang lo hian a ti a.


"A kal tha ani mai e." Thâwk ka la pah hawk a.

"Vawiin chu thawmhnaw pângngai hâk i rilru ah a awm vak na nge?" A dar ruak kâng mai a kawr hnuai hâk bahna sin takin a akhuh meuh loh lai a vun sen uk kharh mam zet mai chu ka melh kual dun dun a.


"Ka thawhna a la rei loh vâng mai mai maw le."


A rawn ding chhuak a, "Chuan eng thil nge thlenga ?"


"Engvak lem mah, i hriat ang tluk zet bâk thil dang thleng ala awm lem lo."


"I tih tlat chuan le." Min nuih pah rah rah a, a mitmu a chèt pah ralh bawk a.



"Ni e, ka ti a lawm." A taksa duhawm zet mai thawmhnaw inbel tam lo zet bâk hmuh ka nei meuh lo.

Ka insum thei ta ngang lo a, a rawn dingchhuak chu ka pan hnâi nghâl ruak a,
"Ka ngai lutuk tawh che." Tih sup pah hian a chal leh a bek tih vel.bawrah chuan ka fawh lawr sak dun dun a.


"Kei pawhin ka ngai tawh lutuk che, mahse ahma a kalo sawi tawh ang khân, naute hi i tihfel phawt angai in ka hria." A ti ve sep a.


"Ka hria, mahse he thil kan hriat chhuah hma chauh tal hi chu kan awm dun leh thei rih lo em ni, min hrem rei tawh lutuk Sofia, heti ang reng chuan ka awm theih ka inring tawh lo." Thâm deuh ṭuak hian ka ti chhuak a.


"Ka hre lo le Theo." Hnuailam a melh ralh a.


"Khawngaih takin Sofia." A chalah chuan ka fawh sak leh zauh a.

Engtin mah min chhâng tawh lo, a khabe chu ka kut a kuai dαkin ka melh chhuk vung vung a, engmah mi lo hnarna ṭawngkam ka dawn tâk lohah chuan ka kún hniama, a hmui nel thepah chuan ka fawhsak chhun zawm ta a.


Ani pawh chuan keimah ang bawkin min lo thlahlel ve tawh ani tih hriat zet hian ka fawhna chu min lo chhâng lèt ve nghâl a.