SEDUCTIVE CHAPTER 19

SEDUCTIVE CHAPTER 19

He pa hi chuan danglamna filawr lak engkimah anei bîk hian ka hria, chu chuan engkim hi a ṭha vek angah min in ngaihtir thei, chutih lai tak chuan kan pahnih inkara phurna awm rawn ti tâwp tum an awm tih rinna réng ka nei lo.

BANG, BANG.

Wesley taksa chu a nghawr deuh dawt, eng thil nge thleng tih ka hriat hman hma chuan lei lamah a tlu nghαl thlawrh.


"WESLEY...."

Ka phone ka phawrh chhuak thuai a, "Ambulance kan mamawh khawngaihin."


"Ka....ka pasal hual silai in an kap."


Ka ṭhuhniam ve nghâl thuai a, Wesley lu chu ka mal chungah nghatin thla phâng zet hian, "Ambulance pawh a lo thleng thuai ang, lo nghâk hrâm hrâm rih rawh aw." Ka ṭap chhuak phawng a.


A rawn meng chhuak a, "ka darah chauh alawm min kah fuh a Elo, kha tin rilru hreawm nan hmang duh suh!" Wesley thisen chhuak chuan ka kawr chu ti huh tlangin ka taksa chhan aṭang chuan a thisen chhuak la lum pap pap reng chu ka hre thei a, ka ngaihtuahna ah chuan thisen tih hlir a awm, Wesley chu a damchhuak leh lo ang tih mawlh ka ngaihtuah a, chutihlai karah engtin nge hahdam takin ka lo awm theih teh lul ang ni?


"Khatin mihuaisen ber ang te chuan awm khanglang teh suh, thisen a chhuah nasat èm hi!" Heti ang hi ka la tawh ngailoh avángin engtin nge thisen chhuak chu ka tih táwp sak ang tih pawh ka hre thiam lo, ṭah leh mai loh chu tih theih ka nei tlat lo.


Wesley chuan harsa tih hmel zet hian min rawn melh chho a, a kiai pah suk bawk, chu chuan a mah dinhmun derthawnga a awm lai pawhin ka thlaphan a hlau hle a ni tih min hriat tir a, min ngaihtuah zia ka hriat chuan ka lung a chhe zual sauh; harsa ti tak bawk hian a man a dar aṭanga thisen chhuak chu ti tâwp turin a kutin a dawm a, "Wesley engvángin nge i nuih theih zâwk a, silaia kah fuh i ni a, chutah i la nui thei zâwk a nia, i mawl zia mai hi i in hria em?" Ṭap pah hlap hlap chung chuan la ti leh a, ka tan chuan ṭah mailoh chu tih theih nei in ka inhre tlat lo.


"Mi ka hman ṭangkai tawh ang khan an ni pawhin min hmang ve tawh anih hi, mahse nang chuan tûn thlengin heti ang hi ila ti ve lo a."

"Kha tin ṭawng vak vak suh, kha tia i ṭawng vak vak chuan i cháu telh telh mai ang."


Ka phone chu ka phawrh leh a, "Hello, kan awmna gps hi rawn chhui in intheih anga rangin rawn kal vat rawh u, silai kah tuar hi a châu tulh tulh tawh a nia."


"Eleanor..."


"Eleanor ka hrilh ṭhin tawh ang che khan, nang hi hmeichhe derthawng leh chaklo i ni reng reng lo, ka inpuang ang, nang nilo in keimah záwk hi ka ni."

"Ha ha, anuihzatthlâk lutuk, mipa thil tithei tak i ni a, nang hian chaklohna i nei hauh lo ang."


"Ka thil hriat chhuah chu......nang hi ka ...chak lohna chu i ni."

Wesley chuan a mit achhing a, a dar adawmna akut chu a rawn thlâk thla riai riai bawk a, a thi tawh ani ngei ang Lalpa min ṭanpui rawh.

"Wesley....Wesley...." ka mittui chu a far zung zung a, lungngaihna chitin reng mai ka chang ta ni hiala inhriatna hi ka nei a, ka khawvel te chu a tâwp vek ni ang hiala ngaihna ka nei  bawk, engtin nge he pa tello hian ka nun ve tàk ang? Nilo, engvânga chu thil chu ngaihtuah chiam chiam nge maw ka nih le? A eng nge maw ka nih a chutia a ka lo ngaihven ve chiam chiam mai ni, a la thaw nge thaw lo tih hre turin ka kut chu a hnar zawnah ka zu dah hnai a, nilo, a tháwk áwm rèng réng ka hre lo, ka mittui chu a hmaiah a far thla kauh kauh a, eng thu nge ka lakah Wesley khân a sawi kha, "Nang hi ka chaklohna chu i ni" a ti em kha, he pa hian min kalsan thei lo ang, min kalsan lul suh se.


Engmah hre lo a hmel chu ka mittui kar aṭang chuan fiah lo riai hian ka zu hmu a, engmah natna pawh tuar lo a tui taka muhil ka chan ber, mahse ani si lo, na tak tuar a ni si, Wesley ka haw lutuk che, ka haw ngawih ngawih che, a tlai tak tak hma a ka hmangaihna che hi engvânga i bula sawi ngam lo nge ka nih? Ka ṭap khúr ngawt ngawt a, ka chhûng ril chu vih ang ngawt ngawt hian a nâ, ka thâ a zawi a, awm ngaihna rèng ka hre lo, ka tâwt up up bawk, tûnah hian ka mipa hmangaih tak mai dinhmun inthlâu luat avânga ka hmangaihthu pawh ka hrilh ngamloh chu bei dawng zetin ka thlîr reng chu a nia le, engvâng a he khawvela piang vânduai bîk em em nge maw ka nih le?



Ambulance a rawn thleng ve ta hrâm a, doctor a rawn tlânchhuak nghál a, Wesley hmel a hmuh chuan an ngaihven leh zual sauh tih theih hi a ni, ambulance ah chuan kal ve nghâl mai hi ka tum a, doctor chuan phone a hmang nghâl a, "Ok, sir kan rawn ti dawn nia, tûnah chuan hei amah hi nikhawhrelo in a awm a, mahse angaihtuah awm loh ang, a darah silai a kah a ni a ."

"Ok, kan rawn ti dawn nia." Phone chu a dah a, tunge a biak tih pawh ka hre lo, Wesley a chhungte tu emaw tak a bia a ni ngei ang.


"Miss ilo kal ve angai lo ang, Mr.Cooper pawh aṭha e, rilru nuam takin inlamah lo va awm hahdam la, i thisen kai vel te kha lo va tifai rawh, naktuk ah Mr.Cooper chu a in ngeiah dam viahin i hmu leh dawn nia."

"Ka...."

"Miss, ka sawi ang chuan ti mai rawh, engmah ngaihṭhatlohna tur a awm lo."


Wesley chu zui ve ka duh viau a chu, mahse ka tan han hnial vak ngaihna chi pawh niin ka hre lo, achhan chu Wesley hi ka engmah ani silo, a nupui hual a min chhâlna chhan pawh kha thlalák hrep váng chauh kha a ni a, kal ve duh viau mah ila ka tân tih theih awmin ka hre lo a ni, ambulance kal ta ka thlir liam hnu chuan rilru ngui zetin inlamah chuan ka lût leh a, ka rilru chu hah namen loh hian a hah ngawih ngawih, zan rei tak thleng ka meng a, Wesley chu a harh tawh ang em? Tih hlir ka ngaih tuah, va phone ka duh viau a, mahse ka huaisenna in a tlin ngang lo, achhung leh khat te tumah hriat ka nei lo a, amah Wesley chauh chu ka hriat awmchhun a ni, amah alo la harh chhuah loh phei chuan engtin nge ni ang? Wesley engvánga rilru hreawm taka mi awmtir hi thiam viau nge maw i nih chu le? Nang ka lo hmangaih hrep che hi khawvela ka thil tih pawi ber leh ka inhnûkdawk theihlohna chu a ni


Rilru hreawm zetin ka muhil ve ta hrâm a, rei ka mut pawh ka ring lo, ka khum bula ka phone dah chu a rawn ri ral ral a, ka harh nghâl kâwk,  phone chu ka pick nghâl vat, "Hello Miss Garcia em ni?"


"Aw ni e."


"Mr.Cooper zai tu doctor ka ni a, chan chin i lo ngaihchan ka ring reng a,  darkar hnih kal ta khan Mr.Cooper chu zai a ni a, ṭha takin silaimu pawh lák chhuahsak a ni a, hei tûnah damdawiin aṭanga lâk chhuah tum mek a ni e."


"Engvángin maw, a dam hman dawn em ni?" damdawiin aṭanga chhuahtir nan chuan ala hma mah mah deuhin ka hria.


"Dam hman chuang lo e, mahse a inah ama private doctor a awm a, silai mu lah hlawhtling taka lâk chhuahsak a ni a, a pem te hi chu a doctorin a ti thei vek tawh a lawm, i hmu duh anih chuan a chenna hmun lamah i hmu thei tawh ang."


"Aw le, doctor ka lawm e." Ka tih sap hnu chuan phone chu a tâwp nghâl a, hei pawh hi Wesley rawn hrilh tir ani ngei ang, chuti anih chuan Wesley chu a harhchhuak tawh tihna anih chu!"

Zinga ka pi kan tur chuan ka kal tlai deuh angai dawn ta a nih hi! Ka tho chhuak nghal vat a, ka insiam sawk sawk hnu chuan Wesley chenna hmun lam pan chuan ka inkhalh chhuak ta vat a, a hmun ka va thlen chuan inchhung chu alo ruak huai a, aroom awmna ka hriat tawh tho avângin ka pan risk ve tawp, kawngka bulah hian nurse pakhat alo ding a, ama doctor in a en mèk thu min hrilh avâng chuan doctor lo chhuah hun nghâkhin  kawngka bulah chuan ka nghák ta rân a, ka rilru hah lutuk chu ka vei tawn sek bawk, a hma lawka Wesley kah anih nachhan bul pui bera lang chu keimah vâng anih hi ka ring nghet bur a, chuti anga kei mah avânga na a han tuar ringawt chu pawi ka ti ngawih ngawih bawk, a nunna atâna pawi thei thil a thlen loh avâng erawh chuan ka lawm rilru hle bawk, mahse nizan khán eng nge ka lakah a sawi kha, kei hi a chaklohna ka ni tiin a sawi em kha? Oh, thil nithei pawh ani mai thei, achhan chu ka laka heti ang a a awm ṭhin váng pawh hian, chu mi thilah chuan tûnah tak hi chuan lawm tur nge ni a, lawmloh tur tih pawh ka hrethiam lo.

Darkar thum liamta khân a vawikhatna  ka lakah eng rilru nge a put tih ka vawikhat hriatna ani hial âwm e, a sawi chhuah vawikhat na a ni rèng bawk a.

Chumi awmzia tak chu.....ahhh Elo i ngaihtuah nasa mah mah deuh ani lo maw? Ka inti leh hnu hnawh a, thâwk ka la ta halh a, doctor pawh a rawn chhuak ve chiah bawk,  "Hello doctor, Wesley chu a ṭha maw?" Chu thil chu doctor ka hmuh veleh a ka sawi chhuah hmasak ber a ni.


"A ṭha leh vat mai ang, ngaihtuah awm a ni lo ve, mahse ka damdawi chawh ho a ei ṭhat a...." A tih chuan ka thaw huai mai.

Kawngkhar chu ka nem hawng nghâl rawk rawk, "Rawn hawng suh, kar hmasa lama ka thawmhnaw pék che kha i rawn inbel anih loh chuan." Wesley aw rilruih mai leh chhâng lam lek lek a hma ang bawk a mi hîp thei tak chuan alo ti nghâl sup a, mahse a aw chhuak ah chuan a chauh ve hmel kher mai.


Chu thu a sawi chuan min ti phu chiang lutuk, "Wesley." Ka tih khum deuh hrák a.


"Ka fiamthu mai mai anih kha, lo kal hnai teh! Kawngkhar kha pawnlam aṭanga hawn theihloh turin rawn kalh nghâl bawk la."


"Master thildang mamawh te ila nei em?" A tih anga kawngkhar ka tih zawh hnu chuan ka tih khum deuh salh, ka chal ka dawm pah zauh bawk a.


"Aw, rawn kal hnai la min rawn fâwp leh zet phawt rawh."


Ugh, he pa zet hi chu! "Wesley kah i ni a, chuti chung pawhin thil ho tak tak sawi in i la râk chiam chiam tho a nia." Tháwk ka la leh halh a.


"Kha i thilsawi ho zet zet te âi kha chuan engvánga kha pa kha rawn kala hnunglam aṭanga rawn bei mai che nge anih chhan ? Engtin nge ka tih ang, i chungah thil eng emaw lo thleng ta ni sela ka... " ka sawi zawm thei tawh lo, ka mittui chu a tling pam mai a, ka ṭah achhuak leh tlat tawh, Wesley chu chân turin ka indah phal lo.

"Hei i hmuh angin engmah a thlen loh hi! Min ngaihtuah duh reng reng suh Elaeanor."


"Khatia min ngaihtuah zet hmel i put khán i lang cute reuh lutuk, mahse khatia awm tur khan ka duh lo che." A ti leh sup a.

A mutna bul lam chu ka pan phei ve a, a bula chair pakhat awmah chuan zawi zet hian ka ṭhuthla hnak a, Wesley chutia dam taka ka han hmu leh zet chu ka lawm ngei mai, a mitmu gray rawng fîm rala mi arawn melh chhoh vang vang hnu chuan, "A hma a ka thusawi kha i la hria em, ka fiamthu ani hauh lo a nia."

"Eng maw?" Eng tika sawi nge tih ka hre thiam phák lo reng reng.


"Infawh chung cháng kha maw le." A nuih zui suk hi ka ring a, mahse anui hauh lo, a hmel chu ka enchhuk deuh vang vang a, ani erawh a thutak rûn mai a.


"Engvânga ka fawh chu duh nge i nih a, kan infawhna kha darkar nga vel bak ala ral hleinem." Chu thil ka sawi chhuah avâng ringawt pawh chuan ma biang chu a sen chhuah vek ka ring, ka zak ngawih ngawih bawk, amitah pawh ka en ngam chiah tawh lo, tháwk ka la deuh halh a.


"Engváng a tháwk la ta halh nge i nih, a hma lawk pawh khán thâwk i la reng sa a ni lawm ni huh?"

"Ok, ka kiss ang che, mahse engmah sawi lova i ngawih  hunah chauh a ni thung ang." Ka ti ve ta nghat a.


"Tehreng mai , Tegreng mai, nang pawhin i duhlo bîk chuang hauh lo tih erawh i pawm ve ngei angai ang Elo rilru herh nu."


"I ngawi tawh dawn em, nge ka fawh i duh lo záwk?" Ka mengling khum pah hlar a.


Wesley chu a ngawi nghâl hmak, a mitmeng thim ruih mai mi híp thei zet chuan leplerh zet hian min rawn melh pah rûn a, chutia ngawi renga a awm lai tak chuan a lang ṭha in a duhawm ngawih ngawih, a asam dum hlap kawi deuh hlek chu a chalah chuan a tla chhap bawk a, mipa naupang duhawm zet te pawh ka tehkhin hial, mahse chu ka ngaihtuahna erawh a bulah hian engtikah mah ka sawi chhuah ka inring lo....


Ka pan hnai a, a khumah chuan lukham chhah taka kam a ṭhu mu deuh chunga a mut avâng chuan a khumah chuan va ṭhu ve in, zawi muanga maimitchhing chung hian ka hnaih phei da da a, a hmui zawn ka thlen chuan ka hehin a hmui chu ka tawk da da a, a hmui bul ka thleng tih hriat zet hian a thâw lum ham ham bawk, a kut leh lam chuan min lo pawt hnâi deuh lawp a, a taksa si châih thei tur khawp a mi kuah hnaih pahin duhthawh zet hian ka fawhna chu min lo chhâng lét nghâl bawrh bawrh a, a mi fawhna chu a nuamin thil dangdai tak ka tawng niin ka hria, chutia min fawhna a tâwp hma chu ka tlân chhiat san ang tih hlau zet niawm tak hian a kut hrawl zet chuan min kuah bet tlat bawk, thâwk la tura min thlah zet chu kan thaw dun hlawp hlawp, hemi ni aṭang chiah hian a ni Wesley chu ka ngaihtuahna aṭanga paihbo a harsat tur zia ka hriat chhuah tâk chu, kan pahnih chuan kan inmelh dûn rén râwn a, mi fawh keh tum a a rawn kûn leh lai tak chuan a khum bul dawhkan a a cellphone dah chu a rawn ri ta ral ral a, a thil tih tum chu ṭhulhin, "Lo nghák lawk rawh, ka lâk a ṭûl tlat tiin min namsawn deuh hlek a, a phone dah chu a ban nghál a, zawi muang hian a tho chhuak nghâl bawk a, ka ngaihdan alo ni lo kher mai, "Tho chhuak duh rih suh, mut hahdam i mamawh kha." Ka tih khum hlak zui a, a mengkual deuh rulh a, "Eleanor ka ke a na hauh lo."


"Khatia nelawm loh taka awm kha sim teh!"

Ka thusawi pawh ngaithla chhunzawm leh tawh chuang lo hian phone chu a pick nghâl a. "Bonne nuit ."(good night)


" tu m'appeles dans un mauvais moment."( mut hun tawh ah min rawn bia a.)


"serieusement?" ( Takzet?)


" J'ai vraiment pas d'y aller." (Ka kal lo tak tak.)


"D'accord, ne me crie pas dessus."( Okay, khatin min ṭè khum chiam chiam ṭhin suh.)


Wesley chuan a phone chu a dah a, a thusawi ho chu amik amak ka hrethiamlo hrim hrim, french ṭawng ahmang tih chiah ka hria, "French ṭawng i hmang em ni?"

"Âih, French ṭawng ka hman pawh ka hre lo."


Ka melh rám râm a, a meng kual deuh rulh a, "Well, French ṭawng chu a ka hmang ngei e, i hriat ang ngei khân, i hre reng anih chuan engvânga mi zâwt leh kher nge i nih?" A ti ta hruih a.


"I mawl ém mai." Ka chal ka dawm pah zauh a.


"Ka lawn e."

"Engtin nge French ṭawng te i hriat a Wesley?"


"Uh....ka mut achhuak tlat mai." A hám deuh bawi bawi a.

"Hey, khatin ka zawhna pumpelh tum miah suh!"


"Ka chhungte an awm a lawm." A ti ṭha ve mai achu a hmel put dán chu a rawn thlâk thleng nghâl vek, a hmel chu a rum kher mai, eng nge achhan ni ang tih pawh rin nfaihna ka hre lo.


Engvánga a chhungte chung châng ka zawh a a sawi mai a vânga chuti ang hmel rawn pu nghâl ta nge anih tih chu a chhan awm reng reng ka hrethiam lo.

"Oh yeah? An ni chu i tlawh ve ṭhin em?" Ka ti nawn leh ngat, chu pawh a sawi leh duh ták mialin tih chauh a ni.


"Yes, kan thusawi lai hi kan thlâk thei tawh em?" Chuti ang thil sawi thui chu a duhlo tih a mah ngei chuan a rawn nemnghet chiang hle hian ka hria, a mitmeng te thleng chuan a de ru tawh mai a, zawh thui ngam chi pawh niin ka hre tawh lo.

"Engvângin nge i chhungte chung châng sawi chhuah chu i duh loh viau tih hi ka hrethiam lo." Ka ti ta raih a.


"Eleanor engmah tih theih i neih dawn chuan loh avângin." A kut na lo lam chu lek chhuakin a sam chu a tuai chho deuh puat a.


"Ugh, pawi ka ti lutuk, khati anga nawrluih che tum pawh ka ni hran lo, ka dilchhut váng mai mai a nia, tùnah chuan ka hahdam tir tawh dawn che nia, nakinah hna lamah kan inhmu leh vat dawn nia, lo dam ṭha ang che." Kawngka lam ka pan phei a, kawngkhar hawngin, Wesley chu ka chhuahsan ta nghâl a.


Room pawn ka chhuak chiah tihah chuan hmeichhe pakhat sam dum hlap mai, ka hmuh tawh hnu ang zet, mahse ka hmuhna ka hriat chhuah theih siloh hi a rawn kal a, " Tunge i nih, hetah eng nge i rawn tih?" A mitmeng ver ther hmel zet chuan min melh râm râm bawk a.


"Nang." A phu deuh zawk maktihna avángin a sam rawng ang bawk a dum a mitmu chu a meng lian kawl kawl kher mai.


"Tûnah chuan ka hre leh tawh che."

"Nang hmeichhe mawl zet hi tiraw ka car manto tak rawn tih chhiat tum tu kha?"


Ka hre chhuak veleh ta chiah, kha mi ni a mi ka nunna ai pawha car nalh zet mai ngai pawimawh tu kha....


"I thusawi awmzia chu min su teuh lutuk i tihna a ni ngei ang maw?" Ka tih khum ve hmiah.


A hmelah chuan a sa leh tawh viau tih hi ahriat a, mahse ka haider sak Hmiah. "I thiamloh a nih kha aw."

"Ka diklohna anih ka hre hauh lo, traffic light kha a hring reng kha."


"Eng pawh chu ni teh se." Kan inbiakna chu ho tih hmel zet a mi rawn en pah hian, "Hetah eng nge i tih?" Ati ṭha leh a.


"Ka boss ka rawn tlawh, nang eng nge i tih ve?"


"Hmm, he hmunah hian engvânga kal nge ka nih tih te chu i hriat ve kher a ngaih ka ring lem lo, engvânga lo ngaihven em em nge i nih?"
Min nuih khum sáwng a.


Ka men kual khum ralh, amah ngei hi ani lawmni heti lam rawn sawi tu záwk kha?

"Kal chhuak phawt tawh mai teh!"

Engmah sawi zui leh tawh lo in ka inher san a, kal mai ka tum lai tak chuan, "Ngawi lawk teh!" A rawn tih lehna aváng chuan ka ding deuh chat, ka leh hawi leh a.


"Wesley hi i boss tiin i sawi em kha? Anih chuan engvánga rawn tlawh nge i nih?" A ti leh a, a zawhna chu ka chhân tswh hmel, a tih ang ngei a tih lèt ve na hun rem châng tak hmu ah ka inngai hmiah bawk.


Chuan kawng leh lamah kah anih thu hi a hre lo anih chuan Wesley hian a hrilh ve lo ani ngei ang a, a hmeichhe rin záwng te anih chuan Wesley ka aṭangin a la hre ve záwk ani ang chu!


"Engvánga lo ngaihven chiam chiam nge maw i nih le, i lo buaina tur awm pawn ka hre lo." Ka tih khum ve ta hmak a.


"Ka tán a paeimawh lutuk, dear ngaithla rawh, Wesley hi heti ang lam záwnga thlèm thlûk i tum anih chuan hei hi hre hmasa ang che, i thlemthlu thwi chuang lo ang tuh hi! A chhan chu hmeichhe dang hmangaih anei reng sa tawh, chu hmeichhe dinhmun luah leh tur chuan i tih theih ka ring lo, chu vâng chuan i dinhmun hi hre chiang la a ni mai." Mi tih khum ta zèk a.


He nu hian eng thil nge sawi a tum chiah le? Tiin mahni chu ka inzâwt nghâl a, a thusawi chu ka man viau in ka hria .

A sawi tum chiah chu Wesley hian girlfriend a nei tih sawi a tum chiang.


"Ka ngaihven zawng ani lo bye." Tih khum hmak pah chuan kal tumin ka inher nawn leh a.


"Warning ka pe mai chauh che a lawm."


Engtin mah ka chhang zui tawh lo, ka care loh zia ka lantir a, mahse a takah erawh kha thu ka ngaihthlâk aváng a thâwk ka harsat zia kha, Wesley-an midang hmangaih anei ani tih hriat chhuah chu ka tân khawvela thil ngaihthlák hreawm ber a ni hial ta ve ang.

Thudik pawh ani maithei a ni, kei chu a tán engtihna mah ka ni ve hleinem.


WESLEY COOPER....

Eleanor kal chhuah hnu chuan khum lamah ka mu leh hnawk a, he hmeichhia hi chuan min ti â zo dawn a hriatna ka nei, a chângin ka lakah a thinrim a, a cháng leh inthlahrung ang zetin a awm a, a chángin mi a ngaihtuahna a ti lang viau bawk a, a tam mai chûng thil zawng zawng a mah a awm ka ngaihtuah vek anih chuan ka â thei ngei ang, a mizia a bet thil chi hrang hrang ho hi remkhawm sak ngaihna pawh ka hre lo, he nu hi chu engtikah nge chiang taka ka hriat thiam ang? Mahse a mah ngaihven lo theilo in min siam ṭhin bawk si, chuan ami fawhna te kha a danglam bíkin nuam ka ti viau ani lawmni, chuti si engvánga relationship tak tak neih pui theilo nge ka nih? Mahse he ka dinhmun thim zeta hian hreawm tuar turin ka nawr lût lui ve thei lo ang, amah hlat thei ang berah ka awm a ngai ang ti mah ila, ka ngaihven lo thei si lo, midang tan ka phal loh ang bawkin ka tâ ni tura kawl tlat erawh ka thei bîk chuang si lo, Wesley i thil duh apiang chu i tetlai aṭang tawhin i nei thei ṭhin ani lo'm ni eng vánga hmeichhe pakhat mai mai avánga i inngaihtuah buai ták chiam chiam mai le? Tháwk ka la hawk, ka dar chu a rawn na leh ṭan ta a, damdawi ka ei ngei chu a ngai ang.


Ka tho chhuak a, dam dawi ei tur ka doctorin a min hnutchhiah chu ka ei ta hrám a, a damdawi min chawh chu a ṭha kher mai minute thum vel che lo a ka mut leh vang vang hnu chuan a na pawh a zia awm leh ta mai a, ka ti che vak lo anih phei chuan rei tak a chhâwk ngei ang, Eleanor hmel hmuh leh ngawt chu ka thlahlel a, mahse tûnah tak hi chuan ka chau a ka mut achhuak tak zet bawk, darkar reilo te chhung mut hahdam phawt mai chu ka ti tlu ta a, ka mit ka chhing riai riai a, ka damdawi eiin mi a hneh bawk nen mumang ram lamah chuan ka chéng ta vat reng a.


ELEANOR HOUSE.....

In ka thlen hnu chuan ka thawmhnaw hák te chu ka thlák fel a, thawmhnaw dangin ka inthlâk a, ka patea chu a la mu nge a rawn haw tawh nge ka pi tlawh turin a kal tih pawh ka hre lo.


Wesley chu ka ngaihtuahna ah a rawn lût leh a, khatia girlfriend alo neih neih váng kha ani ngei ang a yacht lamah pawh khati khawp a hmeichhe kawr a tam chhan, mahse anupui hual angin min mipui hma ah min puang a, chu ahmeichhe hmangaih chuan a duh tawh lo nge ni ang a a hrilhfiah zâwk ni ang, nilo a hmeichhe hmangaih a sawi kha a pa nupui hual ati ani lawmni kha? Chu hmeichhia chuan a thinlungah hmun a luah reng tawh ani ngei ang.


Ka ngaihtuahna te chu a buai zo vek tawh, girlfriend nei ni ta ang se engvánga ka bula awm duh nge anih? Girlfriend anei em tih han zawh tawp mai chu ka zahna lam tak a ni.

Eng nge tih a tih loh tur tih pawh ka thliar hrang thiam tawh lo, reilo te ka mu ang a, chumi hnu ah ka pi awmna hospital lam ka pan leh ang a, naktuk ah Sam nen inhmuh rawtin, a thu rawn ka làk ngei angai ang.


Ka thawmhnaw mutpui tura ka hák chu ka duh hliah hliah, mut chhuak chuan min rawn zèm chiai chiai a, ka phone ah alarm dahin ka khum lam ka pan zui ta a.

THREE HOURS LATER


Ka alarm dah chu a ri ta ral ral a, mut la chhuak tak chung chuan ka khum aṭangin ka tho chhuak a, bathroom lamah lutin ka chhuah leh hnu chuan thawmhnaw dang ka inbel sawk sawk a, inhnuailamah chhuk thla lehin ei tur ka insiam a, ka ei zawh hnu chuan ka pi awmna lam hospital pan chuan ka inkhalh chhuak ta nghâl a, ka pi pawh harh tawhin ka rin ai takin ka hmu nula phian mai, he ti anga ka pi ka han hmu leh thei chu ka lawm kher mai, doctor pawh chuan heti anga a ṭhat viau chuan inlamah a haw leh theih vat tur thu min hrilh a, mahse a mah enkawlna tur erawh a rang lama ka ngaihtuah a la ngaih reng tur thu a sawi tel bawk.

Chau zetin inlamah ka haw leh a, zan lam a ni der tawh, mut hma mai chu ka thil thlâkhlelh ber te zínga mi a ni, ka room lamah chho in ka hám bái bâi a, ka thawmhnaw te thlákin mutkawr ka inbela, khumah chuan ka tlu hnawk a, ka muhil zui nghál.


THE NEXT DAY...


Ha harh meuh chuan ni pawh alo tlang sang tawh viau mai a, ka phone ka bih vat dar sawm lai alo ri tawh a, bathroom lamah ka lût nghal thuai a, ka taksa tui vawt reih rawihin a han phuh sang sang chu ka mamawh viau anih ka ring, ka harh deuh huai a, shower ka hman zawh hnu chuan ka chhuak leh a, Sam chu ka phone ta nghál a, chhuah dun pui a ka sawm chu alo phúr ve na zàwng tak hi a ni a, Sandy's Cafe ah min lo nghah tur thu a rawn sawi hnu chuan phone ka cut a, ka insiam ta sawk sawk a, kawr dum fual ka khup chen vel a uk a par ka ha a, kawr chung dum fual ka kawr hnuai hák chen vel tur ka ha leh a, ka sam chu mam taka khuihin ka thlah tawp a, lipstick ka in tah leh zauh hnu chuan pheikhawk heel sang lem lo bun nuam tur zet a dum tho ka inthawlh leh hnu chuan cafe lam panin ka chhuak ta a, chu cafe chu ka awmna aṭangin darkar khat kal bák ani lo a, car keng lo in bus ah ka chuang a,  a hmun ka thleng inchhung ka va luh chuan Sam pawh alo ṭhu váng tawh a, a ṭhutna lam chu ka pan phei ve nghâl a, abula va ṭhut ve pah chuan, "Ka rei em." Ka ti a, engtin mah min chhang lo, "Waiter." A tih zawm nghâl zat, aril atám tawh hle ah ka ngai, waiter chuan kan bul arawn thleng ohei vat a,  "Hansome lo kal hnai teh! Kan thil ei duh ho ka lo hrilh ang che." Sam chu anui pah sang a, naupai anih aváng chuan eitur a duh remg ang tih te hi lo hriat ve áwm tak ka nia, "Sandwiches pahnih leh cofee no hnih min lo lâk sak dawn em ni ang." A nui pah sáng a, waiter chu a kalsawn leh ta nghâl a. "Sam in innei dawn tih ka lo hria a."

"Nang eng nge i an?" Ka lam a rawn hawi ve zauh a.


"Ugh." Ka chal ka dawm khum raih.


"Bea khatia ugh i tih khán engkim a sawifiah vek a nia aw." A nui pah rah rah a.


"Nang hian i hrethiam in ka ring, Wesley nen hian engti ang relationship nge kan neih tih hi!" Ka thaw pah hak a.


"Mahse kha in inhual tawh ani lawm ni, kha i kut zung ṭangah khán inhualna zungbun nalh tak i la bun vat ka ring."


"Sam khatiang chuan sawi lo hrâm teh! Wesley hian kan inhual ti ang a a,sawi pawh ka ring lo e." Beidawng zet hian ka ti a.


"Wow, chu a sawi láwk theihloh tihna em ni?" A nui pah sáng a.


"He i thusawi hi amah chu ka la zâwt ngei ngei ang, a inṭan dan hi a mak èm a lawm, hetia inhual tih vel hi chu a yacht a ṭanga inṭan ber záwk a nia."


"A yacht ah maw ni a, oh my gosh." A ti deuh hliai a, a kut pahnih chuan a biang leh lam leh kam chu a dawm a.


Ka thilsawi lai chu sawi chhuak tur ka nih loh zia ka hre chhuak leh vat, "Damnit, i bulah hi chuan ka lei hi ka veng theilo  chu anih hi!"


"Engkim min han hrilh vek law law teh!" A phur chiang a lawm.


Sam hi ka mi rin ngam zinga mi ani tih chu ka hria, ka pi tihloh ah chuan ka mi rin ber a ni bawk.

"Eleanor Garcia, Wesley taksa nalh leh pa zet suangtuah lo khân min hrilh vat mai rawh!"


"Shut up, crazy girl." Ka tih khum ve hlak.



"Thank you, boy." Waiter lam chu alo ngaihtuah leh daih tawh a, waiter chuan a thil lam vel chu a rawn chhawp mawlh mawlh a, "Chuan donut pahnih min lo lâk leh rawh aw."


"Pathum." Ka lo ti a.


"Nilo, pali maw le." Waiter chuan mitko sán pah âwk chung hian min kalsan leh ta a.

Donut chu arawn dah leh thuai a, "Thanks." Ti a hrilhin donut chu kan ban dûn nghâl a, coffee sa ver vawr tak chu ka lem khalh a, donut ka keih pah nghál bawk a, "Eleanor, Wesley hi i hmangaih em?" A coffee no chawikan pah chuan a rswn ti khauh, ka chhang ei lai chu ka hák teuh lutuk, ka khuh oah kharh kharh a, coffee chu ka lem leh nghâl hlak a, "Min han hrilh teh!"


He nu hi eng nge maw a hriat le?

"Engvánga chu thil chu min záwt nge i nih?"

"Ka hre duh a, alamah hian i ṭang ngam tak tak ang em tih hi ka hre duh ." a nui leh sang tawh.


"Ngaihdan pawh ka nei chiah lo, nimin khan hmeichhe pakhat a chenna ah ka hmu a.... chu nu chu tunge anih tih pawh ka hre lo, Wesley nena relationship nei lai pawh ani maithei, chu nu chuan tihian min hrilh a, Wesley chuan hmeichhe dang a hmangaih tih thu hi!" Ka ti ta a.

Hnuailam amelh raih a, a thil eilai chauh ngaihtuah ta ang mai hian a awm daih, a awmdan chu mak teh thut a ka hriat ĕm avàng chuan ka záwt ve ta ngat a, "Engvang a ngawivreng ta nge i nih?"


Engtin mah min la chháng chuang lo, a hrelo der chiang mai, "Eng nge a chung cháng hi hriat i neih ve?" Ka ti nawn leh a, tûnah chuan hriat loh chi rual ani tawh lo, ka ṭawng ring hle bawk.


"Engmah ka sawi chhuak thei lo."

Ka ngaihdan anilo kher mai, "Sam ka ngaihdan leh ka rilru put hmang ka hrilh zo chauh che a, eng thil nge tih tur tih leh ama chung cháng chu min hrilh ve dawn lo tihna...."

"Ka thei lo, nangman ka hrikh kher che ngailo in i la hrechhuak ve mial maithei!"


Ka thin ati rim kher mai, "Ka pasal hual hi Wesley ṭhian neih chhun ani a, chuvánga hre chauh chu ka ni, mahse heti ang thil a lo inrawlh buai chu ka duh zawng a ni lo." A ti ta tawl a.


"Hmm, ka hriat chák phah sauh, ka hriat chákna i ti zual mai mai zâwk." Ka nerkhum deuh sak a.


Sam hmel nguai ta lutuk chu ka ngaihdan kal tlang puiin, "Hmeichhe dang a hmangaih tihna ani maw chu?"


"Khati ang ka sawi hauh lo." A phu ve deuh zawk.


Khami ni a pool a min hrilh kha ka hre chhuak zawk, khami zán khan hmangaihna tih ang remg hi a rinh ve lo ti khan min hrilh a....

Mahse tûnah lah chuan athusawi ti âwihawm lo zet turin hmeichhe dang hmangaih anei leh bawk a ni lawm ni?

"Eleanor khatiang chung cháng kha chu sawi tawh lo teh ang." Sam chu a ding chhuak nghál a, "Lokal rawh, shopping ti ang, keiman a man ka pe vek dawn nia."

"Ka ngaihtuahna buai tak lák pèn dan hi chu i thiam ṭhin khawp mai." Tiin a kalsawn lai chu ka âu zui a.


"Kha le donut pali."
" Ka ei vek tur anih kha." Tiin ka tho chhuak ve ta nghal a.


Sam in a kan ei man a pèk zawh hnu chuan shopping mall ah kan in zui ṭan a, thawmhnaw pawh kan la lei hman lo, Wesley hmel kan hmu thut, ka phone number aṭangin khawiah nge ka kal tih a hre chiang khawp mai, mahse vawiin ni te hi chuan la mu mai mai tur anih laiin heta hi ka hmu ta si, Wesley. Rilo hian a hming chu ka lam sap a.

Sam chuan Wesley a endan chu ka ngei rilru kher mai, "Sam min lo hrethiam la, vawiin hian ka mon amour lakah hian thil eng emaw tih tur ka nei a, ka lak aṭangin tlânsawn tum pawh ni se, ka tih tir kher ka ring lo." Wesley chuan a aw rilruih leh thâm lam pang chuan a ti thâwp sut.