TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 43

P/s a thawnthu inchhiar hma in, thil pakhat tihsual ka nei tlat, khawi berah nge Alexandra POV kha a awm tih ka hre tawh si lo a, khatah khân Alexandra boyfriend Brandon kha Jaden ziahin ka lo ziak palh a, inhrethiam mai dawn nia, Hunter khan Jaden leh Kiara leh Brandon fa a nei a, chu chu inhre dawn nia, Alexandra boyfriend chu Jaden nilo in Brandon zâwk aw, hriat pawlh vâng liau liau a ni e.🙈🙈🙈🙊🙊🙊 chuan he story min lo chhiarsak ṭhin avαngin inchungah ka lawm ém ém a, theih hrâm chuan advertise awmah khân net chak deuh chuan min lo click sak ve ṭhin dawn nia, he story hi a ngaihnawm chhoh tulh tulh dawn a vánga a tir ngaihnawm lo lai pawh kalpui hram hram ka ni, a tir ka tihtel loh chuan a tâwplam in awmzia anei dawn si lo a, chu vâng chu a nia, TSEPNAYA REAKTSIYA Fans te inlo chhiar tlâuh tlâuh ṭhin a vângin inchungah lawmthu ka sawi mawlh mawlh e, a bul aṭanga chhiar lo tu chuan he thawnthu hlutna hi a hrechhuak thei ngai lo ang, anyway keep reading, ka hmangaih vek che u a nia.


TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 43



"Rokhawmtu tur kha i sawi em ni?" Min rawn melh rún a.



"Aw, sawi e."


Chutia an inrin lohlai tak chuan ka silai chu ka lek kâng a, "Mahse hei hi Theo rokhawmtu záwk tur ani, nang ramsa nilo hian, ka pasal lakah nang hi ka thlan zâwk che i ring réng rèng emaw ni le?" Ka silai chu ka pa lam hawi chuan ka hmet puak ta ṭhuai ṭhuai a.



Ka pa leia atlúk rual chiah chuan Cassandra silai mu pawhin ka taksa a rawn fuh ve dawt nghâl a, Cassandra tlânchhe lai chu ka thil hriat hnu hnun ber a ni ta.




TREY....




Inpakhat hma ah hian kan ding khawm a, Theo te pawh an rawn thleng ve chiah bawk, "Theo hei hi kan kalna tur hmun chu ani a, inzavaiin position ang khân awm vek rawh u le."




Chutia ro kan rel lai tak chuan silai puak ṭhuai ṭhuai tháwm kan hre ta a, tute pawh mai chu min ṭhawng vek, "WTF!" Theo chuan ati chhuak hrawih!




"Gunshot kha inchhung aṭangin a ni ngei tih in chiang ti raw?"



"Kan luh chilh vat angai ang, inhnunglam aṭangin a chan ve lût ula, hmalam aṭang hian a chanve kan lût ang." Tiin ro ka rel fel thuai thuai a.



Hunter leh Cooper te chu inhnunglam a lût ho turin an tlân nghαl a, kei ,Theo. Detroit Jaden te chu kawngka pui pángngaiah kan lût ve bawk a, Detroit chuan hma ahruai a, keiin ka dawt a, Chumi zawh a Theo a dawtah Jaden, a hnunglamah midang.





Chu hmuna kan va luhchilh  an rinloh em avâng chuan kan silai chuan kan káp thlu hmiah hmiah hlawm a, tumah lo inring kher khawr an awm hauh lo, hei hi an tihdan ṭhin anih avângin anphu tâwk lek a ni, ka kut chuan nghet zetin Glock 17mm chu ka hûm pah rûn a, chu silai kawhmawr chuan kah inpeih sa rengin ka  hawi nalam apiang chu a hawi ve zel bawk, ka hman ṭangkai tákin tih thu ah 2.1M1 granade ka taksa chhunglamah chuan ka pâi ru rân bawk a, an ni ho chu sazu ang maia a rúka an chét ṭhin a vángin, antihdan angin kan va ṭhawng ve thut a ni, Fangs ho chèt dân hi kan tih dαn ani ngailo, kan mibeihtur a te hi kan beih dawn thu kan hrilh lâwk ṭhin chu chu Bronze Dragons dân a ni, amaherawh chu Fangs ho chuan dân mumal tak an neilo a, kan lakah double cross an nei tawh tlat, túnah lah Alexandra anla kawl zui bawk nen, kan that fai vek ang.



 Matteo chuan thawm ahriat avângin a silai chu a chuh ve vat a, mahse kan intawhchilh mah mah, a silai phawina hun anei hman lo, a tαn chuan a tlâi mah mah tawh, "Eng nge i zawn a?" Tih chhuah ṭhawt pahin ka silai puakri chuan a zui nghál a, ka silaimu kah chhuah chuan a chaldarah leh a thinzáwn a ver siah,  silaimu luhna chu a kaw nghâl pawm a, reilo teah thisen chhuak hian a rawn hnawkhat nghál vat, Matteo chu a thi chiang khawp ang le.


Chhuatlamah chuan a tlu khu tulh lei a thlen thlâk hma in a thi tawh ngei ngei bawk ang.


Kan mihmuh apiang leh kan theih theih chu hmaih neilo in kan káp hlum zel a, chu hmun chu reilo teah thisen thâng rim in a luahkhat ta thuai a.


Tute pawh mai chu inthen hrangin kan insem darh nghál vek a, a bupui luh chhuah kan nih avángin hmuntin maiah chuan silai puak zawt zawt ri hriat tur hi a awm a, Zanin ngei hian Fangs ho tâwpna ni chu a thleng ang.


THEO....

Pakhat ṭheuhin kan insem darh a, achhan pawh room a tam lutuk avángin pakhat te te a kan enkual loh chuan hun kan duh rei viau ta ve ang.

Dinglam pang corridor chu ka pan phei a, an inbeih fiamna ani ang chu fighting ring niâwm tak a ni chumi hmun chu ka thleng phei a, chulai hmunah chuan midang an awm pawhin ka hre lo, fîmkhur angai tho tih erawh ka hriat avângin bang hrûl zelah chuan phèn tur melh ru rengin ka kal ṭhem ṭhem a, ka silaimu pawh ka thunbelh bawk, chuta ka thil va hmuh chu Cassandra a ni. Ka silai a tin nghâl pah hian, "Khawiah emaw kal i tum deuh em ni?" Ka silai chèng ka kâu pah rap a.


Cassandra chuan asilai chuan min rawn tin ve nghâl a, "Theo i silai ken kha dahtla rawh, anih loh chuan Sofia emaw Alexandra pawh ni se i hmu tawh ngailo ang." Rum zet hian min melh ve ngar mai a.


"Cassandra ka ât viau i ring em ni?" Ka mengzím khum ve san a, ka enchík hle bawk.


"Hei hi i fa lo la piang tur nun dahkhamna a ni a sin."


"Talia naute kha ka fa ani hauh lo, mahse Talia naute pawh a him e, lo ngaihtuah buai duh vak suh!" Tiin ka silaia ka tinna ka tha chu ka thlah chhin eih lo réng réng, henu hi hmeichhe fing ver vek tak ani a, vawikhat a bumah ka awm tawh a, ka awmleh ngai tawh lo ang.

"Kei chuan i nupui Sofia chung châng a lawm ka sawi michhawih pa!"

"Eng maw?" Ka phu deuh zawk a, tlémin ka tha ka thlah phah, "Theo i silai kha dahthla ringawt mai rawh, tichuan ka lamah rawn chhirphei nghâl bawk la."


"I thusawi pakhat tè mah hi ka âwih tawh phiangsen lo ve." Ka tih khum ve tuar a.

"Anih chu risk i la duh deuh tihna em ni? Sofia arai ani tih thu chu eng nge a âwihawmloh viau a? Talia bula i awmlai reng pawhin i ngaihven zâwk viau ani lo'm ni? Ngaihtuah vak vak lo khân i silai chu thlauh ringawt la ani mai." A ti zat zat a.


Ka silai a ka tinna chu ka dah hniam ruai ruai a, Talia dinna lamah chuan ka nawr phei ta a, ka silai nawr phei chu alo chhar nghâl chat a, silai pahnih chu rawn keng phei a ka lam raawn pan pahin, "good decition." Ka beng bul maiah chuan a phun chhuak sap.

"Tûnah chuan ka thah hma che in thil eng emaw i hriat ve atâna duh ka nei, Sofia chu a thi daih tawh alawm, chuan naute pawh i fa ani lo."

A silai chu ka awmzâwnah chuan a rawn tin ta a,ka chil ka lem ve khulh a, Sofia a awmtawh loh chuan kei pawhin nun hi nuam ka ti hran tawh lem lo. Ka chhing nghâl sawk silai a ri ṭhuai a, ka pa chuan Cassandra chu a rawn kâpthlu hlawm tawp mai a, "Khawiah nge i silai ati chhuak ṭhawt bawk."


Hnuailam ka melh ruih a, "Theo eng thil diklo nge thleng hrep, sawi chhuak vat rawh?" Min vìn nawn leh tuar a.


Ka pa pawh en hran lo hian, "Sofia a thi tawh!" Ka ti chhuak sup.


"Tumah an thi lo, an mahni kan hmu te anih loh chuan, tùnah i silai kha chhar la, lokal vat mai rawh."

Zawi muangin dad hnungah chuan ka zui a, ni e, Sofia chu ala thi tur ani lo, engtinmah a awm tur a ni lo, ka ti rilru mawlh mawlh.


Hunter a rawn ṭawng ve thung a, "Ka kalna lamah chuan an awmtawh lo e." A rawn ti a.


"Midang ho le, ka thusawi hi inhria anih chuan in kalna lam a fel fai tawh em?" Dad chuan ati a.

"Dad dah phawt teh!"


"Alexandra leh Sofia hi tu emaw talin inhmu em?" A beidawng aw ve ruih mai.


"Trey i hre thei em?" Detroit aw chuan a rawn ti a, Detroit leh Jaden chu inchhung kan luh hnu khân veilam pang cirridor an pan tih pawh ka hria, Alexandra nangmah em ni?" Detroit ṭawng chu kan hre thei vek, a sawidan hmangin Alexandra pawh a hmu ngei niin a lang, ka thaw huai mai mahse dad a rawn biak danah khán Sofia erawh ala hmu lo ani maithei.

Silai a ri ṭhuai a, Alexandra i ṭha maw? Na i nei em?"


An in dinhaih hle ani ang, Alex ṭap hlap hlap ri pawh kan hre thei a, "Boss Alexandra chu ka hmu tawh a, a him pial e, mahse Theo kha he hmunah hian rawn kal tir suh!"


Rang lutukin Detroit awmna lama ka rinna lan chu ka pan phei nghâl thuai a,dad ina "Theo rawn kir leh rawh!" Ti a min auhna chu ka hre zui tawh lo.

Detroit awmna ka thleng ka pa pawh a rawn thleng chawpchilh a.


Sofia leia thisen tam tak nena inchiahpiah nuai chunga lo tlu reng ka hmuh chuan, "Sofia?" Tiin abulah chuan ka zu ṭhingṭhi hniam nghâl rawp a, "Sofia ka aw i hre thei em?"


"Babe khawngaihin harh teh!" Ka kún tlat a, ka mittui a far zung zung a, Sofia heti ang a chân hlen chu ka thei lo ang, ka tuar thei dawn lo, khawvela ka hmeichhe hmangaih hmasak ber a ni a, atello chuan engtin nge kei hi ka awm ang?

"Babe ka kohna che chu i hria maw? Rawn harh chhuak leh hrâm rawh." Ka mittui a váng chuan ka khawhmuh te chu a phé ruai a, ka pa in a Taylor bia a ambulance rawn tir tura atih chu ka hre vei vuai, ka khawvel chu a tâwp ve vek hian ka hria a, thim chhahzetah awmin eng de re re awm chu hnaih tuma pan ṭawk ṭawk thleng thei chuang silo te pawh hi ka intehkhin ber, Sofia chutianga han awm mai tur chu ka phal lo, ka phal hrep lo, a hmel chu ka melh chhuk ngawt ngawt a, ka bulah midang an awmve tih pawh ka hre mumal tawh lo.


Sofia chu ka tung tho deuh a, kei chu ṭhu hniamin ka malchungah alu ka dah sak a, ka kut pahnih chuan a biang tawn tawnah dawm sakin ka thlir ngawih ngawih, chumi hun reilo te chhung pawh chuan ka mithmuh pháklo ah an la sawn ang tih chu ka hlâu ngawih ngawih, a biang ka dawmna ka kut chu la sawn in a kut vawt ngiai mai zawi hniang tawh chu ka hûm leh vang vang a, a kut chu nunna nei tawh lo ang mai hian ka dah ang angin a awm, túnah chuan ka tán a mitmeng nalh tak pawh chu a rawn mengchhuak leh ngai tawh lo maithei bawk, ka rilru chu a pik ngawih ngawih a, bawm tâwt tak chhunga leng lo chung chunga hnawhluih te pawh ang ka in ti.


Bahamas ah leh Ireland kan kal lai a ahlimhmel mitmeng desar mai chu ka mitthla ah a rawn lang a, khati ang hmel kha hmuh leh ka duh, khatih lai khan kan hlim dûn a sin,  khati ang hun kha a thleng leh ang em? Túnah lah thichhawngin ka bula hi a let reng tawh mai si, a dam chhuah leh chhuah loh chu Pathian chiahin a hre tawh ang.


Ṭah chhuah ka chák kher mai, mahse mipa meuh han ṭah chhuah chu tih aváng chauhin ka insehruh kher mai, ka ṭah achhuah ém aváng chuan ka bek tawn tawn chu a na ngut ngut bawk a.

Hetiang khawp a ka tawrh nat chuan kei pawhin ka tuar rei theih bík ka inring lo.


Ambulance chu a rawn thleng ve ta a, hmel ngui zet chung chuan ka zui ve a, khawiah mah ka kalsan phal lo, engtiklai pawhin abulah ka awm reng ang, chuti lo chu a rawn harhchhuah hunah minzawng nasa lutuk palh ang e.

TREY....

Theo ka hmuh dan chuan a tuarna hle ni hian ka hria, a hmel put dânah pawh Sofia hian kalsan ta ang se a át phah thei mai ang tih hi chiang sa a ni, Callie thusawi chu ka hre chhuak zawk a, Theo in Sofia a hmangaih ti a a sawi kha, tûnah hian thudik anih ka ring ve ta chiah, tûnhma zawng kha chuan Theo hian hmeichhe hmangaih tak tak pawh neilo a a awm mai mai ka ring a, mahse túnah chuan hmangaihna ah tlu lûtin a tuarna hle bawk, a bulah kan awm ve ani tih pawh a hre tawh lo hiala ngaihna ka nei, ka khawngaih let ling zâwk, Sofia chu a malchungah muttirin a be pah mawlh mawlh a, a mittui chu a dir zung zung bawk a chuti anga ka fapa awm han hmuh chu hreawm ka ti kher mai, Taylor pawh arawn thleng thuai a, Sofia chu a en nghâl vat vat a, amar ala awm thu leh hospital hnai bera arang thei ang ber a ambulance a phurh phei vat a ngaih thu a sawi hnu chuan Sofia chu an záwn chhuak a,  ambulance chhungah chuan an dah lût ta nghâl a, Theo pawh a ṭhu lût vat a,  ambulance chu a tlán chhuak ta nghâl a.


Kei pawh Detroitan Alexandra a lo awmouina hmun lam chu ka pan ve nghâl a.
"Dad ka hlâu lutuk."  Alexandra chuan tiin min rawn kuah thlawp a, ka lo pawm ve vawng vawng a, "Princess eng kim a ṭha leh vek mai ang."

"Sofia kha a ṭha em?"

"Túnah rih chuan chuti ang thil chu ngaihtuah rih lo phawt rawh!" Tiin Alexandra chu ka nemsawn deuh hlek a, a hmel landânah chuan a hláu hle hian a hriat.


Hunter pawh kan bul a rawn thleng leh tawh a, "Hunter, Alexandra hi car awmna lamah lo va hruai rawh, kei pawhin ka rawn zui ve nghal vat ang che u."


"Nilo dad, i bulah ka awm duh!"

"Sweetheart in hnungah ka rawn zui nghâl mai dawn che u a lawm, reilo te Detroit hi ka han belawk ang a, ka rawn kal ve vat dawn nia."


Alexandra chuan engmah dang sawi leh tawhlo in Hunter chu a zui ve ta a, tháwk ka la hawk a, ka mit ka chhîng vang vang phawt a, "Boss i ṭha maw?" Detroit chuan a rawn ti ve sup a.

"Alexandra pawh kha hospital lamah hruai ve ngaiin ka hria, achhan chu checkup neih tir ve hrim hrim pawh a ngai ang." Kati ve sup a.


"Sofia kha a dam chhuah i ring em?"


"Ka hrelo Detroit, he hmun hi engmah chhui zui theihloh turin lo ti zo la, chuan Fangs ho tumah damin an tlânchhe chhuak lo ani tih rawn chian bawk ang che."


A bu ve nghut nghut a, "kan lo ti dawn nia."


"Chuan i chhuahsan hma in, he hmun hi i rawn hâl darh vek bawk dawn nia."


Detroit abúk nghut hnu chuan ka kalsan ta a, Hunter an Alexandra a lo awmpuina hmun car lam chu panin hospital lam chu kan pan phei ve ta nghâl a, Callie a lo awmsa tawh avângin Alexandra chu ngaihtuah awmah ka ruat lem lo, inlamah ka haw a, reilo te mutna hun nei turin kan nupa room lam chu ka pan ta a.


Zing anih chuan eng ang pawhin mu tlai mah ila ka harh ang hun tho ah ka harh leh a, mahse ka nguai ru kher mai, ka mut khamloh vâng ani ngei ang, ka thawh veleh shower ka hmang a, breakfast inhnuailamah ei lehin insiam peih at chung chuan hospital lam ka pan leh ta a, ka va thlen chuan ala hma khawp mai, Theo pawh room pawnlamah hmuh theih tur hian alo la ding a, a mitemg chu a sen rúm mai bawk a, nizan aṭang khân mutmu a hmu ahauhlo tih ahmel aṭang chuan a hriat reng, chuti ang bawkin Hunter chuan Alexandra room chu a véng bawk a, Theo hmel ngui zet leh chauh hmel tak lam chu ka pan phei a, "Thu eng emaw hriat theih kan nei tawh em?" Ka va ti a.


"Âih." Ti chiahin min lo chhâng.

"Alexandra eng nge a an?"

"Ani chu a ṭha e, tún lawk khân doctor amah check turin alût a, i nu in a awmpui bawk."


"Eng nge thilthlen dân hi ni ang tih pawh ka hrethiamlo, Sofia hi tunge kâp ang tih pawh ka hrethiam lo." A ti chhuak leh hruih a.

"Son, kei pawhin ka hrethiam bík lo."

"Cassandra khân Sofia râi thu min hrilh a."


Ka phu chiang kher mai, "Eng maw?" Tih leh pháwk zet hian Theo chu ka melh deuh hau a.

Ani erawh achhing suk chauh, "Theo naute pahnih leh hmeichhe pahnih maw? Takzet che hian." Ka chal ka dawm khum ruih a.


"Anihna takah chuan naute a awmlo maithei bawk."


"Talia nau pai kha ka fa anihna pakhat mah a awm lo, chu thil chu Alexandra an kawl tih kan hriat hma daih khân ka hrechhuak ani." A ti leh sup a.


"Engtin nge i chian viau theih a chu chu?"


"A ni ah maw le, a nau pai kha kar sarih chauh ala nih thu doctor Shay khân a sawi alawm, chuti anih chuan kei hi a râina pa ka nilo tih chiang takin ka sawi thei a ni."


"Anih leh Sofia ve thung le?"


"Cassandra min hrilh dân chuan Sofia fa pai lai mek chu ka fa anih loh thu a sawi." A thaw chhuak pah hrawk a.


"Chuan Sofia pawhin a râi thu chu engmah i bulah pawh a sawi chhuak lo va, ani em?"


"Nope, sawilo hrim hrim."


"Anih te chuan thil nitheilo tawp anih chu, Cassandra chuan i thluak tihbuai a duh vâng mai mai pawh ani maithei." Ka ti ve a.


"Kei pawhin chu chu anih ka ring deuh."


"Sofia kha Alexandra an lo khungna room pâwnah kah ani a, chuan Alexandra lah room chhungah kalh hnanin a awm bawk a, amah i biak angai ang, eng emaw thil hriat te alo nei mial maithei a sin."

"Tak tak maw?" A hmel chu hmuh theih khawp hian a eng sawt hian ka hria.


"Hetia ngaihtuahna hah zet neia din remg âi chuan a ṭha zâwk in ka hria, a ni em?" Theo chu ka siai khum deuh suk a.

THEO.....

Ka pa ina chu thu a rawn sawi tαkah chuan ka rilru hahna te chu tlemin a kiang deih hawk hian ka hria, Alexandra chu zawh ngei ṭha in ka hre ta a, "Ok, lokal rawh aroom lamah chuan kal ila." Ka ti ta a.


Jaden chu ka âu a, "Jaden, hetah hian lo awm lawk ta che, doctor alo thleng anih chuan min rawn call mai dawn nia, Alexandra ka va hmu ve lawk ang e."


A bu ve nghauh nghauh a, "Ok bro va hmu rawh."

Ka pa chuan Alexandra an dahna room lam chu min pan pui a, ani erawh room chhungah rawn lút ve ta lo chuan, kawngkhâr bulah a tâwp a, room kawngkhár ka hawng kâu a, mum leh Alexandra chu an lo inkuah a, "Mum, ka ṭha tih doctor sawi i hriat tawh kha, min ngaihtuah lutuk duh tawh suh." Alo ti ve mèk a.


"Ka hria alawm dear, mahse ka ngaituah lo theilo che anih hi!"

An inkuahna chu an inthlah a, "Sofia hi eng nge a an ve?"


"Honey chanchin engmah hriat kan la nei rih lo."

Ka dinnna hmun aṭang chuan pen sawnin anawmna lam chu ka va pan phei a, "Hey." Ka ti sup a.


"Theo." Ka nu chuan min hmu chu a phu deuh zawk.


Mi rawn kuah nghâlin, "Baby, Sofia chung châng ka lo hria a, pawi katih pui lutuk che."


"Chanchin thar te a awm tawh em?"

"Engmah ala awm lo."
Engmah chan chin hriat ala nilo tih sawi reng mai pawh chuan min ti châu leh zual hian ka hria a, chan chin lawmawm lam hriat tur awm nizâwk se chu a sawi pawh ka phùr tur hi a nia.

"A fala Alexandra hi biak lawk ka duh a, Dadin pawnah alo nghâk che."

"Ok, pawnah ka lo awm ang e, mamawhna min neih chuan min rawn ko mai dawn nia."


"Thanks mom." Ka nu chu a kalchhuak a.


"Sis eng nge i an tawh?"


"Ka ṭha tawh e." Tiin min chhâng ve sep a.


"Sofia chung châng sawipui che ka duh a, i tih theih i in ring em?"

"Eng chung chângah maw?"


Ka aw ka thian deuh khurh a, "Tùnah hian Sofia chu dinhmunṭhalo zetah a ding a, chuan Cassandra lahin ka lakah thil eng emaw a la sawi zui bawk nen, chu chu thudik ani nge nilo ka hre duh a ni." Ka ti ta a.


"Kei pawh Sofia in  a pa leh a unaunu te inhnialna aneih pui tih chu ka hre ve alawm." A rawn ti ta sap a.



"Chuan gunshot ka hre leh a, mahse eng thil mah ka hmu thei silo, chumi hnu chuan Detroitan kawngkhar min rawn hawn sak ta a."

"Sofia chu a ṭha chhuak leh ang em?"

"Alexi tùnah mai chuan engmah ka sawi theilo, a damchhuak ang ti a ka sawi chuan dawt ka sawi mai thei."


Alex chu a ṭap ta zawih zawih a, "Sofia khân keimah avângin kah a tawh phah a, hmeichhe huaisen tak ani T, ani khân min chhan rawn tumlo chu nise a pa leh aunaunu pawh kha tawnglo in atlânchhuak thei âwm si a."  A inhnít hlap hlap a.


"Thil pakhat min han hrilh teh Alexi, gunshot i hriat hma khαn Sofia leh a pa te chuan eng chung chαngah nge inhnialna an neih, an thâwmah i hre thei mial em?" Ka lo ti ve a.


"Ka sawi tawh ang khαn, Sofia hi a huaisen tak zet." Ati nawn leh sep a.


"Cassandra sawi dan chuan Sofia chu arαi a, mahse chu naute chu keima fa anilo tiin min hrilh a."


A phu deuh zawk a, "Kha chu adik hauh lo."


"T a naupai lai hi i fa diktak ani a sin, engtin nge chu nu thusawi chu i âwih theih zâwk le?"

"A nih naute chu a awm i tihna em ni?" Min ṭhâwng kher mai, Sofia chuan engvânga a hma te khαn sawilang duh miahlo nge anih tih hi ka hrethiam ta hauh lo.


Ka zawhna chu rawn chhângin, "Ka hre bìk lo." A ti leh lawi a, a chiang ngam chiah bìklo ani maithei.


"Alexi ka hrethiam hauh lo." Ka ti ve hruih a.


"A sawi dαn chuan ka rai chu a ti a, mahse a pa rilru tihpén nana sawi pawh ani mathei bawk, chu chu Sofia chuan a hria ani maithei, a sawi dân chuan naute mipa animaithei, ahan tih hnu ah phei kha chuan anthâwm ka lo hriat dânah Sofia pa chuan silai a atinna kut chu a dahthla hial in ka hria, achhan chu mipa anih chuan rokhâwm tu tur ani dawn si a, nikhat chu chu mipa naupang chuan Fangs arawn enkawl ve ang a, tih pawh apa chuan angaihtuah ani maithei."


"Chu thil chu ka dead body chungah anih ngei ang." Ka ti chhuak hrawih a


"A dik alawm, chuan gunshot ka hriat hma chiah chuan he thu hi Sofia chuan ring zet hian a sawi chhuak a, a naute chu i rokhawmtu tur zâwk anih zia thu leh, a pasal âi a engvângin nge ani chu a thlan rìk ngawt ang, ti asawi ka hria a ni."


"Mahse hun reilo te chhung Terence laka hun khawhral atumna a ni mai ang em? Amah Sofia a rawn harhchhuah hma chu engmah kan hre thei ngai dawn lo anih hi!" Ka ti ve ta a.


"Ni e."


"Ka hrethiam e." Ka ti ta a.


"He thilthlen chhan hi keima dikloh vâng vek ani."

"Alexandra nangma diklohna ani rèng rèng lo, khati ang ṭawngkam kha min ngαihthlαk tir leh ngai tawh suh ang che."


Min rawn kuah châih a, "Kah ani tih hi ka ringtheilo hial zâwk." Tiin a phun chhuak sep sep a.

"Kei pawhin ka ring thei bìk hleinem."


TREY....

 Callie, Alexandra room aṭanga hmelnguiraih pu a rawn chhuak, ka lam rawn pan phei chu ka lo thlír reng a, ka bula arawn thlen hnu pawh chuan a ngawi rân a," Baby engthil nge i ngaihtuah a?"


"Theo chung châng hi maw le, Sofia hi lo damchhuak theilo ta ang se eng angin nge angaih ang tih hi ka ngaihtuah lo thei lo." A ti chhuak sep sep a.


"Khati ang te chu tùna lo ngaihtuah chi ani dawn em ni?" Ka ti ve khauh a.


"Engvângin nge Trey ka ngaihtuahloh ang a? Anih leh Talia leh anaute kha eng nge an chanchin ni ta." A chal a dawm pah zauh a.


"Heng thilthleng zawng zawng hi engtin nge ka tawrh belh leh theih tawh ang tih pawh ka hre tawh lo." Tháwk a lâk halh zawng chuan a âwmzawn che dat chu ka lo en reng a.


"Talia naute kha Theo fa ani hleinem." Ka ti chhuak ve ta sup a, he thu hi kei ngei pawhin ka hriatna ala rei bìk hauh chuang lo.


"Engtin nge i hriat a?" Callie chu a mengphar nasa mai.


"Amah ngei Theo in min hrilh alawm, Alexandra Fangs ho in ankawl ani tih kan hriat hma chiah khαn a hrechhuak ani âwm e."


"Mahse engtin?" A la ring chiah lo deuh tih chu ahmelah chuan alang reng a.


"A date a dikloh tâk vâng ani ber ang chu, chumi ah chuan Theo chuan anaute pâi pa anih theihna dân pakhatmah a awmloh thu min hrilh ani."


"Anih leh Talia chu engtia tih nge i tum?" Ṭi deuh dâk chung hian ati leh sep a.


Thâwk ka la ve hawk a, "Ka chhuah mai ani ang chu!"


"Chutin tumah i man tawh ho i chhuah ngai silo a?" A ṭhawng ve hle mai, mahse ka ti ngei ang tiin Theo min hrilh lai pawh khan rilru kalo siamfel daih tawh.


"Callie a râi saw."


"Ani khân i chungah thil ati sual nasa hle a, chutin i ngaidam maithei hauhlo ang."


Ka nuichhuak suk a, "Ka chhuah leh ang tiin ka sawi a, ka ngaidam dawn tih thu reng reng ka sawi siloh." Ka mengkual pah rulh a.


"Amarawh chu ahnu leh awm tawh miahlo tur in, he nu hi ka mithmuhah ahmel rawn inlan tawh tur ani lo ang, he hmunah pawh hian vawikhatmah rawn kal leh tawh ngailo turin ka hrilh ngei ang, chu thu a pawisa lo anih ngat chuan achungah lainatna leh khawngaihna a awm tawh hauh lo ang." A âia thutak zawk chuan.ka ti ta nghut a.


"Uhh, chu chu Trey Bailey nihna diktak kha ani leh ta." Alo ti ve hliai a.

"Anih Alexandra inlamah ka lo va hruai hâwng tawh ang e." A tih zawm leh nghâl a.


"Ok, Hunter rawn hruai haw turin ka rawn ti nghâl ang, ani pawhin chawlhna hun ala neilo hrim hrim a, inlamah reivaklo chu mutna hun lo va nei ve rawh se, kei pawh rei vaklo Theo hmu lehin ka rawn haw ve dawn nia."

Callie a kal chiah tih chuan, Theo rawn kal chhuak ve chiah lamah chuan ka phei nghαl a, "Alexandra chuan i thil hriat duh te chu ahrilh thei ta che em?"

"A sawi dân chuan Sofia ngeiin a rai thu a sawi tiin min hrilh, mahse a chiang chiah bĭk chuanglo a, Terence laka hun khawhral nan asawi pawh ani maithei bawka arin thu a sawi." Ati a.

"Anih leh arâi tih chu thil nitheilo niin i ring ve em? I sawi dân khαn Talia lakah engtiklai pawhin i fìmkhur viau ani ti khân i sawi a, nihleh Sofia lakah hian chu chu i tive lo tihna em ni?"


"Nilo e, Sofia lakah chuan ka fìmkhur ve thei ngang lo, chuan Sofia hi lo râi pawh nise hei chuan min tihbuai vak ka ring lem lo bawk."

"Anih chuan arai theihna chance chu a awm i tihna ani maw chu?" Ka ti leh nghut a.

"Ka hrelo le, mahse engvânga min hrilh ve lo nge anih ang?"


"Hei vâng pawh hi ani maithei bawk, Talia nen inchanchin avâng khân thil tamtak angaihtuah ngei ang a, chuan a uncle chung châng alo ni bawk ang a." Ka ti pah chuar chuar a.

"Thil engkim mai hi ka hrethiam zo tawhlo ani ber mai." Ati ta ruih a.

"Khawiah nge kan doctor ve hrep pawh chu?" Ati nghâl tuar bawk.

Ka phone a rawn ri a, ka la chhuak vat a.
 Detroit number aṭang in alo ni a, pickup vat in, "Ok, Detroit sawi rawh."

"Hopitalah ka la awm a , anghâk thei mai lo em ni?"


"Ok, engkim intih fel hnu ah hospital lamah rawn kal ang che."

"Ok, a ṭha e, kan inhmu vat dawn nia."
Ka phone chu ka ak leh a.


"Eng chung châng nge a rawn sawi a?"

"Kan pahnihin Detroit chuan min biak aduh ani awm e, a pawimawh lutuk tih thu chiah a sawi bawk, chuvânga hospital lama chah ta ka nih kha."  Tiin ka chhâng a.


"Bad news dang leh anih loh hrâm ka beisei."

"Son kan inang chiah anih chu!"