SEDUCTIVE CHAPTER 18
MEGAPHONE... Hello, Hello, inzavai atαn, zanin hian hun ṭha tak inhman vek ka beisei.
Tùnah chuan "Mr.Wesley Cooper hian in bulah thusawi duh a nei a.
"Oh, lokal rawh, an ṭan tawh a nih chu." Ka kutah chuan a rawn kai a, a raipuar zawk chuan kan dinna hmun aṭang chuan min kâi sawn ta hlawk hlawk a.
"Engmah ka la hrethiam lo." Ti a ka sawi pawh chu angaithla tawh lo.
A hmun kan va thlen chuan hall chhung khat tlat hian mipui an lo awm khawm hung tawh a, Wesley chu stage ah dingin thu sawi turin a pèn chhuak mèk ani tih hi ka va hmu a, mike hma ah chuan dingin, "Chibai vek u le, Eleanor Garcia nen a kan relationship chung chânga ti ti leng vâk vel leh thu belhchian dawl lo tlâng thang vak vak ho hi zan in hian tih fel vek ka duh a."
Ka dinna hmunah chuan ka khawng awt, Wesley hian eng ang lem nge chan a tum tâk? Ka kutin ka biang leh lam leh lam chu ka dawm a, hlâuthâwng leh thinphu dep dep in a thusawi zawm tur chu ka lo ngai châng a, tháwk pawh ka thaw ṭha ngam lo.
"Eleanor Garcia hi ka nupui hual ni lai a ni a."
Chu thil a sawi lâi tak chuan... ka hringnun a inthlâk thleng hlawk dawn tih hi ka thluak burah chuan a rawn lút hmasa ber nghâl a, ka meng bial kawl kawl a, engmah sawi na châng pawh hre lo in ka ká ka âng pam bawk a, ka hringnun chu a danglam hlawk tawh dawn ni hian ka hre ber, chu chu thuhran mi zawng zawng mai chu ka lam rawn hawiin min rawn enṭhup hlawm a, heti ang chu ka tuar thei lo, he hmun hi rang taka ka chhuahsan ngei a ngai ang.
Pawnah chuan ka tlân chhuak a, khawi lam nge ka pan tih pawh hre mumal lo in kal kawngah chuan ka kal kual vel mai mai a, "A nupui hual maw, Kei hi Wesley Cooper nupui hual maw ka nih a?"
"Thil âwih harsa tak zawng a ni e."
Khawi lamah ber nge ka kal tih pawh hre lo in ka phun pah mawlh mawlh a, Eleanor buaina hi magnet ang maiin i hîp khawm ṭhin niin ka hria, ka in ti ta hial rèng a.
Chutih karah ruah arawn tla leh ta phuar phuar a, "Oh a ṭha lutuk, a ṭha tak zet." Ka vín chhuak hlar a, thil engkim a rawn thlen dan hi âwihawmloh tak ani ta lo e, engkim mai hi a ṭha vek zel, chuvang a ruah pawh rawn sur anih ka ring ta ber.
Tûnah chuan ruahin ka makeup hman te chu a ti reh zo tawh a, ka kawr chen chuan a huh zawr hnèp a, ka sam hmawr aṭang chuan tui a far tlak tlak a, ka kawr hák huh tláng a ṭang chuan ka khup lamah tui a dir zaih zaih bawk, ka taksa englai pawh mai chu huh lo lai a awm tawh lo.
Khaw dang pawh hawisawn map tawh lo hian dawr pakhat hul hliap chu tawm hul nan ka pan phei a, a ṭangkai tawh vak lemlo a chu ka thawmhnaw huh vel chu sawr hul ṭhen ka duh váng a ni, ka kawr hák lah chuan huh a fawm viau leh nghâl a, ka sawr chu tui a dir tlak tlak thei, chuti ang bawk chuan ka sam chu ka pawt zût a, ka thing nak nak bawk a, chutia eng dang mah ngaihtuah lo a keimah leh keimah ka lo inbuaipui lai tak chuan aw pakhat ka hre ta thut a, chutah chiah chuan ani mahni in ka awm hauh lo tih ka hriat ták chu, chu aw ngaihno beilo zet mai chuan,"Hi, beautiful!" A rawn ti chher chuai a, chu aw rawn chhuahna lam en chuan ka hawi chhuak vat, ka phu chiang hle bawk.
"Nang ang a hmeichhe hmelṭha leh nalh hi zanin angah te chuan mahni chauh a awm tur pawh i ni hlei nem." A tih zawm leh nghâl a, chu pa hmel chu ka en chho a, street light eng chuan a chhun reu ruau chauh, mahse ahmel hmuhtheihloh khawp khawp chu ani chuang hauh lo.
Chu pa chuan sam a nei hauh lo, a lu chu ziah kawlh tul hi a ni a, a mitmu rawng chu eng ang nge anih ka hre chiah lo, vun ngo lam ani tih a hriat hle bawk, a kawr chung lum hák chu a huh ve thaw khat viau ani tih hi a hriat a, hnuailama a hák erawh a ro maithei, "Min kalsan ringawt rawh." Tiin ka vîn khum ve ṭhat a, a hmelah erawh ati hauh lo ang tih ka chiang kher mai.
A hmel put hmang chu ka râp ngawih ngawih a, kha hmun aṭanga ka lo chhuak ve tawp mai kha inchhirna hlirin ka khat bawk, vawt ka ti tho a chu mahse tûna ka khurh chhan hi chu vawt ka tih vâng pawh nilo in ka bula mipakhat ding chu ka hlauh váng zawk a khûr ka ni.
"Sweetheart kha chu i rilru ani hauh lo ang, pawisa ka ngah teh mai a nia, i duh chuan zankhatah zanhnih rate ka pe tla thei èm èm ang che, i hmel anga i zei leh zeiloh ah a innghat thung ang."
Muang châng hian ka tawlhhnung hrat hrat a, chutia tih a tlán thut chu ka rilrûk a, mahse chu pa chu ka lakah tlâwm atum hauh lo, min rawn pan hnâi ve zel, ka dang a ro halh halh a, ka hlauh luatah ṭawng chhuak leh tur pawhin aw chhuak tur alawi ka neih pawh ka in ring tawh lo, ka hrawkah chuan atáng khawm leh vek hrep tawh ani ngei ang le.
Damnit, engvânga heti ang thil hi athlen a ngaih hrep ṭhin mai chu le?
Chutia ka tawlhhnun zel na lamah chuan taksa ruh zet mai hi ka su deuh dawp a, tunge anih tih entum chuan ka inher a, Wesley....a lo ni reng mai...
Wesley chuan min rawn melh chhuk zauh a, a bân tha chak zet chuan ka kutah rawn hmerin a hnunglamah chuan min dintirin chu pa chu a hmachhawn nghâl a, chu pa min tibuai tupa chu a melh ta rún a, zawi muang leh aw zawi sup vawt ruih hian arawn ṭawng chhuak a, "Vawi sawm ka chhiar ang a, chumi chhunga i kal sawn lo anih chuan i kalsawnna turin ambulance koh sak i ngai ngei ang." A ti ta nghut a..
A thusawi laia ahmel chu hmu theilo mah ila a aw chhuak rum zet mai leh vawt ruih aṭang chuan a ti mai mai lo ang tih hi ka chiang kher mai, buaina dang athlenbelh hlau tak chung chuan Wesley phena ding chung chuan ka khur beuh beuh a, a phen aṭang chuan chu pa chu ka va thlèk ve a, Wesley ṭawngkam chuan a ti zâm map lo tih hi a hriat reng mai, "Oh yeah?" Ṭan ala ta nghâl mai a.
" 'Man' han tih teh, in fight chiah ila." A ti ve chhur chhur a, a zâm bík hauh lo.
Wesley thin chuan atuar ta bîk lo a, ṭan hmun lo siam rem ve in chu pa in a arawn hnek tur chu alo thlesawn zauh a, chu pa hnarah tak chuan a hnek ri ṭhuai a, chu pa hnar chu arawn thi nghâl zaih zaih a, Wesley chuan chét lák chhunzawm nghálin a khabe ah chuan a kut tum chuan a dawm chhoh sak leh áwrh a, a hmai lamah chuan a hnek ta siah siah mai a, chu pa hmai chu reilo teah thisen hian a bualkhat nghál vek, chu thil chu rápthlâk ti zet hian ka dinna hmun aṭang chuan ka lo thlîr ve ngawt ngawt a, âu chhuah emaw Wesley chet la chu lo khap emaw pawh ka tum lo, ka thilhmuh chu rápthlák ti zet hian ka en ngawt ngawt, a táwp atâwpah chu pa chuan hneh dawn a a inhriat loh ták avàng pawh ani ngei ang, a in sa seng ta a, hla deuh hlek aṭang chuan chu pa chuan Wesley chu a rawn âu leh a, "Hey nang michapo pa min la hre reng ang."
"Tehreng mai." Wesley chuan alo ti ve hmiah.
"Nang pawh hi magnet ang maia buaina hîp khawm tu i ni." Ka tihkhum ve hlak.
"Kha hmun kalsawn san tur che khan phalna ka pe reng reng che em?"
"Nangpawh i nupui huala min sawi tur khân phalna ka pe bîk che em ni?"
"Kan photo tlangzarh tur khan phalna ka pe ve che em?"
"Eng nge i thusawi awmzia chu, kei man phalna ka pe bík ang....."
"Miss Garcia vawiin ni atán chuan a tâwk ta viau in ka hria, mangṭha le." A kalsawn nghâl daih.
A man aduh hun hunah kan inbiakna te chu ala ti táwp zui, angaihthlák duh chin zawng chauh ngaithla in min kalsan leh daih tawh, ka rum chhuak nghat a, amaherawh chu Wesley khan keima hnen aṭanga phalna la angin min ngai ani tih ka hre chhuak ta a lawm le.
Chu thil chuan thil pakhat min ngaihtuah chhuah tir, chu chu Lola ani.
Ngawi lawk, ngawi lawk, engmah proof na engmah neilo in Lola ka mawhpuh maitheilo ang, hetia achunga rilru ka putna hi hre na se chuan a thinrim ngawt ang.
Ugh, eng nge tih a tihlih tur pawh ka hre ta lo ve.
"Awm hahdam vang vang ka mamawh ber." Ka phun chhuak sep a.
Wesley lah chuan min hruai chhuak te te a, mi thlah leh pawh atum tawh lo, a thu lo a ka chhuah rík ngawt aváng khân athin ka ti rim leh ani ngei ang, taxi rawn tlan chu ka phar ding a, inlam panin kan tlan ta a, kan in bul ka thlen hnu chuan, chuan man te pe in inchhung lamah ka lût ta a, vawiin a ka hun hman dan hrang hrang chauhna tham zet chu ka ngaihtuah kir leh niap niap a, Lola chuan min hnem atum a, Wesley nena buaina neih hi ka tan chuan a thlawn mai mai ni hian ka hre bawk.
Wesley khan ka remtihna la a khâng photo te kha pholan anih thu min hrilh a, chuan engvânga Wesley chuan anupui hual anga mi chhâl leh si nge anih tih ka hre lo.
Engkim mai thil kal dan hi ka hriatthiam theih chin bâk ni ta in ka hria.
Chu chuan min tibuai a, eng nge tih tur a tih loh tur tih min hriat tir theilo, tunge rin a rin loh tur tih te thleng mai chuan.
A mah erawh chu he thil erawh hi chu ka rilruah a lian viau, Wesley laka insawifiahna khân thil eng emaw tak a ti diklo ni ah ka ngai, eng....engtin nge Lola chuan a hrilhfiahna kha adik lo ani tih ka han sawi fiah ang, Wesley lah chuan engmah min hrilh duh dawn silo, Lola lah chuan asawi chhuak duh bawk si lo, engtin chiah nge an inbiak tih hi ka hriat erawh ṭûl viau in ka hre bawk si, tihngaihna tak pawh ka hre lo.
Kawng khar an rawn kik dawt a, ka room kawngkhar tûn anga rawn kik te chu a, "Ugh, George mutthilh ka duh!" Tiin ka chhâng hrám.
"Kawngka hi rawn hawng teh! Khawiah nge i pi?"
Nihnih aliam tawh a, khawiah nge anu tih hi a hre chhuak ve chauh a maw? Ka mutna khum aṭang chuan peihlo zet hian ka tho chhuak leh a, kawngkhar chu ka va hawng a, zu rim a rawn nam nghâl huk, "Tûnah i hrechhuak ve chauh a maw?" Rum zeta melh pah hian ka tih khum nghat a.
"A hma te khan a room lamah a awm tawh lo tih pawh i ngaihven miah na nge?"
"Khawiah nge a awm tih hi min hrilh vat mai rawh!"
"Hospital ah a awm, naktuk hian amah hmu turin ka kal dawn a, nang pawhin i tih ve ngei ka beisei."
"Tehreng mai, ka ti khawp ang." A ṭawng dan chu zurui lungpuam ṭawngkam te pawh a ang mah zâwk, a ti dawn nge dawn lo tih chu Pathian chiahin a hriatpui ka ring.
"Ka phone ah hian hospital address chu min han ziah sak ta che."
"Khawi lo la rawh."
A phone chu min rawn pe ve mai bawk a, mahse a phone screen ka en chuan makti in ka phu zawk, "Eng thil?"
"Eng nge ni a?" A rawn ti ve a.
"Engvânga Wesley leh Lola photo hi nei nge i nih?"
"Hrep tak chuan....oh...kha..."
A ṭawng bah ve nuk a, "kha mi te pahnih thla ka lâk duhvanga la ah ngai hauh suh!"
"Well, theinghilh rawh, keimah pawhin a awmna hospital chu ka hre chhuak thei em em ang." A phone chu rawn lâk mai hi a tum a, ka lo phal ta awkawng lo mai.
"George he thil hi sawi chiang vat rawh!" Ka vin khum ve hlar a.
"Eng nge i duh a?"
"Engvanga an thla chu lo la nge i nih reng reng tih hi min hrilh ringawt mai rawh!"
"Photo pawh ani lo, video a nih kha mimawlnu."
Rum zet hian ka melh chho a, "Ok, ok ka han hrilhfiah poh che ani ang chu!" A ti ve ta sup a.
"Ti ta reng che."
"Well, khami zân ka rawn haw kha.....
GEORGE FLASHBACK....
Ka rui kher mai, din pawh ka ding ngil ṭha ṭhum thei lo a, ruah lah asir nasa mai bawk si, ruah han lai takin ka ṭhianpa in min rawn thlah a, ka tih ṭhin dán pângai ang bawkin inhnunglam kawngkhar aṭangin ka rawn lût a, "Eleanor, ka rawn haw tawh e."
Ka rui lutuk a, mahni pawhin ka ding chhuak theilo anih hi min rawn pui teh!" Pawnlam kawngkhar pui bulah chuan ṭawng thawm ka hre vei vuai chauh a, chumi lam pan chuan ka rawn bawk vâk phei a, "Eleanor." Tiin ka âu leh che a, mahse sitting room ka rawn hmu thei ta a, chuta ka thil hmuh chu nangmah chiah i ni lo, "Eng thil nge maw thleng le? Sawng mi te sawn ka inah eng nge an rawn tih ni ang?"
"Eleanor mimawlnu hmel hriatloh ka ina rawn lut tur hian ka sawm reng reng lo." Ka thin arom kher mai.
Uhh, mahse thil ṭha zet ka hmu ta, Eleanor chu kawrhnuai sexy zet nen a ding reng tih ka hmu a, "Sawti anga a awm ngat chuan saw thil nen sawn ka inhrawt tlâk zing theih viau ka ring, engti angin nge a awm ang ti a dream a harsa taka inhrawt tlâk ai chuan túnah chuan entur ka nei tawh dawn miau a.
"Hei hi ka tan hun remcháng tak ani bawk, a thla ka lâksak ngei ngei ang."
Phur zet hian ka phone chu ka phawrh a, camera chu hmet chhuakin, red botton chu ka hmet nghal a, camera ani emaw video ani emaw ka ngaihven lo. Ka duh ber chu Eleanor taksa lang tam zet mai leh thawmhnaw sexy zet ha ka phone a aawm hrim hrim chu ka duh ani ringawt.
"Chuan tihpalh thilthu liau liau in video in ka la ta a."
"Chuti ang thil tenawm zet atán chuan.ka photo lo hman i tum a maw?"
"Well, ka chau viau mai, mut ka duh tawh." A nui vur vur a, min nuih tlawn tih pawh ka hre reng, a rilru bawlhhlawh zet mai put chu ka ten hluah hluah bawk.
"Ngawi lawk teh!"
"Ok, Eleanor pawi kati lutuk, khati ang kha a thleng leh tawh ngai lo ang, ka tihpalh."
"Kha i thil record kha min pe la, chuan ka ngaidam duh maithei che." Thinrim zet hian ka vîn khum ṭhat a.
"Engvángin nge video chu i duh a?"
"Ngawi chip cham mai rawh."
A phone chu ka la a, video chu ka phone ah ka sent a, a ma ta chu ka delete ta nghâl a, "Kha ti khan va mu tawh rawh." A phone chu ka pelèt a.
"Tikhan chhuak nghál rawh!" Ka ti vin leh hlar a, a hmel chuan ka luak ati chhuak ngawih ngawih.
"Bar lamah ka kal leh nghâl dawn a, min lo nghâk duh suh ang che." Tiin min chhuahsan ta a.
Ka patea chhuah hnu chuan video ka phone aṭanga ka inpek chu ka enchhin ta a. Wesley leh Lola chu inhmatawn rân hian an ding dun a."Thil...thil tih sak tur a?" Wesley chuan tih pahin a meng thíp kher mai.
"I chunga thil pakhat tih sak tur che in min ti a." A nuih lah sâng a, a thilsawi lai chu chhunzawm lehin, "khatia bathing suit a in awm lai kha thla lo lâk sak tur leh contest neihna lam a thawn turin min ti a lawm."
"Kei erawh chuan i phalna lâk hmasak phawt atûl lo'ng maw tiin ka zâwt a, mak pawh ka ti lutuk, mahse ti hian min chhâng a, he thil atih hi i ruahmanna vek anih thu min in min chhâng a, chuan zan lai anih hma chu rawn kir rih lo tura mi tiin ka kalsan ta a ni."
"Kei pawh chuan ka ngaihtuah a, chu photo ka lâk tur chu a tak dawn ém avângin leh nang ang milar leh hausa zet mai i tel ve dawn bawk nen i phalna ala la thlap zui leh nghαl avângin tih ngei ka tum ta a, ti chuan zanlaiah a sawi ang ngei a lo haw in inpahnih awm dun lai thlalâk chu uluk takin ka la ta a, chung photo ho chu he country chhunga annual contest neihna hmunah chuan ka submitted a, ka chak ta rèng bawk a, tunah chuan Eleanor pawh alar tawh vet vet ngawt ang, mahse hei zanin a ka rawn kal khân khati khawp khân Eleanor hmel kha hmuh hreawm in ka hmu leh a, i rawn thlen thlâk hma deuh khan nangmah a hrilh loh thu che min hrilh leh ta mai si a, thil lah anih tur ang ani zo vek tawh bawk nen, heti anga mi phalna la lo a anthlalâk kan lo vawrhdarh sak vak mai hi Jail hial kan tân theih tur thu ka hrilh ta èrh a, a chungah pawh ka thin arim khawp mai, kha vánga hrilh ngamlo che anih ngei pawh ka ring."
"Mahse Eleanor hi dem mai suh! Lar leh hmingthan hi a thil duhber ani fo a nia, chuan ama ruahmanna vek ani tih pawh hi a pawm thlap tawh a, hreawm ati ve lutuk."
"Túnah chuan Elo chu magazine tinah nangmah nena inlanna kha hmangin cover girl ah a chuang tawh dawn a, mahse ka sawi tawh ang khân Eleanor hian ngaihtuahna hmang tak leh athil tih chák ber leh anih châk ber thil nih phahnana ahman avâng hian ka lawmpui tak zet, heti anga lar chhuah hi a tumna a rei tawh bawk èm a ni, anchhungkua hi en la, a pi damlo a enkawl a ngai a, a patea lah zu ngawl vei mai a ni a, a ti hreawm fo ṭhin! Hei vâng hi a nia kei pawhin a thil nih chák anih theihna kawng ka lo dâl loh chhan pakhat chu!"
"Heng thil zawng zawng hi Elo ruahmanna vek ani ti a min hrilh i tum tihna maw....."
"Hmm...engtin nge he video hi ka tih tâwp ang." George aw chu a rawn ri leh nawk nawk bawk ṭhin a.
"Aw ni e, Eleanor ruahmna vek a ni." Wesley hmel put hmang chu a ngui ruih a, ka khawngaih kher mai, ka ṭah chhuak lutuk chu ka jacket ka inbel sawk sawk a, ka pheikhawk ka bun leh a room aṭang chuan ka tlânchhuak a, pawnlamah chuan mit tui far zawih zawih chungin ka chhuak a, ka rilruah engváng nge? Ti a zawhna hi a awm.
Engvângin nge Lola hian ka lakah heti anga dawt a sawi mai ni?
"He a thil a tih hi engvânga ka chunga ti nge anih chhan achungah eng thil nge tih ka neih." Rilru na zet hian ka ṭap chhuak nghâl hlawp hlawp, Wesley nen a kan awm ṭhinna hmun ka thlen chuan ka ding ngawi reng a, ka kut chu a khur nasa kher mai, ka thilhmuh engkim mai chu a ohe vek bawk, dawt a inpuhna hi chu nâ ka ti kher mai, chu pawh ka ṭhiannu aṭang leh nghαl in, he khawvel ah hian engvângin nge mi diklo hi an tam viau?
"Thâwk ka la hak a, Lola kha ṭhian rintlák tak angin ka lo ngai ve ṭhin a.... heti anga mi ti tur hian ka phu em ni?"
"A fair lo, a fair hlawl lo." Ka mittui chu a far thla leh zung zung a, chu ka mittui far te chuan min hnem duh viau pawh ni se tùnah tak hi chuan min hnem theih pawh ka ring lo.
"He thil hi a fair lo hul hual." Ka mittui vawt ngiai mai ka bianga luang thla zung zung remg chu dan tumna rilru pawh ka pu lo, a hma a thil thlen dan zawng zawng te kha ka ngaihtuah nawn leh a, Lola chuan mi support zawnga a ṭawng ve hi ka lo ring ṭhin kha a nia, mahse tùnah chuan thidik tak tihpalh thil thu in ka hre chhuak ta zâwk si.
Túnah tak hi chuan engkim mai chuan hre awm tihna bâk min thlen lo.
Khati anga Wesley an min lo en na chhan zawmg zawng te pawh kha ka hrethiam ta kuar kuar a, engvangin nge ka lakah a nelawmloh tâk thut tih te nen lam chuan, ka thusawi angaihthlâk duhtawhloh na te nen lam in.
Mahse Lola ve thung chu a thiltih ah inchhirna pakhatmah a nei lo leh nghâl.
He thil....he video George in a alo lâk palh hlauh hi hmu lo chu ni ila engtikah mah ka hrechhuak ngai dawn lo chu a ni si a, Lola hnen aṭang ngat phei chuan ka hriat hi ka in ring lo hrim hrim.
Ka lam pana pen thawm ka hre ta a, ka inher zawk a, "Tu nge?" Ka ti chhuak deuh ṭhat a.
Ka mittui luang chu ka kut chuan ka hru pah mawlh mawlh a, chutih lai tak chuan Wesley chu a rawn lang ta a.
"Wesley hetah te eng nge i rawn tih?"
Ka in hnungchhawn leh daih, achhan chu ka ṭahna kha ala rei si lo a, ka ṭap ani tih hi min hriat sak ka duh lo.
Heti ang ṭap chunga min hmuh hi ka duh lo. Achhan pawh ka hre lo, mahse heti anga rilru na taka min hmuh hi ka duhlo ve tawp a ni mai.
"Ka rawn kal kual vel mai mai a." Tiin ka hnunglam aṭang chuan min rawn chhαng ve sup a.
"Chuan Miss Garcia túnang hunah leh nghαl hetah te eng nge i la tih reng reng a?"
"Oh, tâwp teh khawngaihtakin, Miss Garcia ti a min koh dawn ai chuan ka hmingin min ko tawh lo mai rawh."
"Achhan chu khatia min koh avâng khαn ka lak aṭang a hla taka awm angin min inngaih tir."
"Engvangin nge chu thu chu mi en chunga i sawi mai loh ang ni?"
"Nilo, ka duh lo te pawh ani mai thei."
WESLEY COOPER....
Eleanor, mi hi chu i tibuai ve chiang a lawm, a hmalamah chuan ka va lehkhalh a, a ṭap ani tih ka hre nghαl, hei vâng hian em ni ahmel min lo hmuh tir duhlohna chhan?
"Engvângin nge i ṭah?"
"Nangmah tibuai tur hian engvângin nge ka sawi chhuah kher ang, ngaihthlâk pawh i duh dawn em ni?"
"Oh, mahse ṭap tawh suh!"
He a ṭahna hian min ti buaiin min ti hreawm daih zawk tih hi a hre lo ngei ang le.
"Heti anga hmuh che hi ka duh lo." Ka ti nawn leh sup a.
"I buaina chu engpawh lo ni rawh se, buaina i neihah hian i chαk zâwk ani tih hi ka hria a nia."
"Nilo, chuti ang i sawi ang mi chu ka ni miah lo, ka derthawnga ka chaklo em em bawk, chu thu pawh chu ka hrilh tawh che in ka hria." A inhnit leh ta hlap hlap a.
"Mahni inhriatthiamlohna i neih thin hi i duh tawk thei tawh em? Eng nge i hlutna tih hi i hre lo mai mai zawk anih hi Elo."
"I laka ka thilphal zia i hrethiam duh tlat lo hi ka thin i ti rim thin, la hre chiang lo viau che pawh ni ila, i lakah engmah ui ka nei ngai lo ang."
Thâwk ka la hawk a, chu ka thusawi chu ka kâ aṭang hian a chhuah ngai pawh ka ring lo. "Theinghilh rawh!" Ka ti leh nghut a.
"Hriat chian che hi ka duh mai a ni, i hria ang chu! I chaklo hauh lo, i derthawng miah lo bawk, chu chu ka hrechiang ani."
"Anih engvαngin nge nang theinghilh hi har ka tih èm èm si?"
"Eng nge i thusawi awmzia chu?"
Chìk zet hian ka melh chhuk a.
"Nangin awlsam taka min theihnghilh ang hian engvαnga theihnghilh thei velo che nge ka nih Wesley?"
Eleanor Garcia he ka ngaihtuahna atang a nang paih chhuah harsat zia hi, he thu hi hria ni lang chuan.....
Ka menkual khum rulh a.
"Anih ti la."
"A awlsam lo ka tih mawlh mawlh chu!" A meng ling nghâl hlar a.
"Kei chuan ka lo ngaihdan che chuan thir aṭanga siam i ni ang a, chu vâng chuan feelings antih pawh hi i nei ve thei lo ah ka ngai tawh." A rawn ti leh nghat a.
A thusawi chhung zawng chu ka ngawi reng a, hetia ngawih mai hi ka tân chuan a tha ber, anih loh chuan ka hmui leh ka lei controll theilo in ka duh loh loh thil ka sawi chhuak ang tih ka hlau ber.
"Kan subject hi thlâk tawh ang Wesley." A ti leh sep a.
"Yes, i tih ngei angaih ka ring."
"Eleanor min han hrilh tawh teh! Engvângin nge i ṭah tih hi?"
A chal dawm deuh ngaih chung chuan a heh hnuailam chu a pet pah zeuh a.
"Nangmah vαng hian ka ṭap maw le, michhawpa."
Ka dinhnaih leh sauh a, "Eng thil nge ka tih a, chutia i mittui tih tlâk sak thei hial tu che chu?"
"Lola in eng nge ahrilh che tih pawh min hrilh ve loh avângin."
"I thil tih anih chuan i hre ve ngei ang chu ka ti mai a sin." Ka tih khum leh sup a.
A hmel chu a hlim hauh lo, "Khawngaihin, kha video ka en hnu ah khαn ka hre ve chauh a lawm, he thil ka hriat hian ka thâwk chu a tâwp ta hial emaw ka ti a, bei zui turin chakna ka nei lo in ka inhre bawk a, chuvâng chuan ka ṭap ta a ni." A ti ta sap a.
"Eng thil nge i lo record ...."
"Thil mak zet mai maw le, sawi chhuah ka duh loh tur thil."
ELEANOR....
He thil hi ka hrilh anih chuan George an a ka taksa thla lâk atum avαnga thil thleng palh tih kha ka hrilh tel ngei a ngai awm si a, ka uncle leh Wesley chuan buaina an nei leh bawk dawn si a, engtin nge maw ka tih ang le?
"Engtin maw ni a?" Chík zet hian min enchhuk a.
"Kha thil hrilhfiahna ah khαn ka hriat atan eng emaw sawi nawn leh tur i nei em ni?"
"Wesley kha mi chung chαnga sawifiahna i ngaihthlâk zawng zawng te kha pakhatmah dik a awm lo." Ka ti chhuak ve ta hrαk a.
"Lola khαn kan pahnih a thla alo lâk lai kha ka hre lo hrim hrim, chuan kha zana a sawi ang khân kan pahnih a thlâ min lαksak tur pawhin ka ti lo a, ka hriat hnu chuan thlalâk ho kha a thehdarh tawh thu chauh min hrilh, kan pahnih ahriat lohin kha photo ho kha alo sent tihna anih chu, chu thu min hrilh avαng khan ka mak ti lutuk ka tlu pawh min rawn kai tho kha i ni a, engti ang chiahin nge Lola khαn i bulah thil a sawi tih pawh ka hre lo a, mahse video ka en aṭang khân ka hre ta vek a."
" Kha mi awm zia..... A awmzia chu engmah plan a awm lo i tihna em ni?" Wesley chu ka melh chho a, ahmelah inchhirna leh hreawm tihna lo lang chu ka hmu a.
"Khami zana min rawn hmuhna leh thil thleng zawng zawng te kha engmah plan lawk sa a ni lo tih hi hrilh fiah che ka duh mai chauh ania." Ka ti ta sap a.
"Nang hi ka tawng che a, chuan ka hm......"
Chu thil chu ka sawi tel teuh kher mai, ka tawng che a, daltu pawh awm theilo khawpin in ka hmangaih bawk che a, chu ka hmangaihna che chuan nang hi min theihnghil tir thei tawh lo anih hi. Tih chu ka rilru chuan ka sawi chhunzawm a.
"Sawi ta che." Ka thusawi zawh loh sawi tur chuan min lo la nghâk reng, "Eng maw ka sawi ang a?"
"I sawi zawh tαk loh kha, eng nge sawi i tum?"
"Engmah sawi zawm ka tum reng reng lo." Ka ti ve hmiah.
"I chiang chiah maw?" A nui chhuak ta hawk hawk a.
"Eleanor zanin chauh tal chu khâng i indahsanna te kha dah ṭha in min hmangaih ani tih hi sawi ve mai la."
Ka biang chu ka kawchhunga ka thinlung ang zet chuan a sa vur nghαl hian ka hria, mit khap lék lo hian Wesley hmel chu mak ti zetin ka melh chho kawl kawl a, túna amitmeng a en reng chung hian ka hmangaih ani tih chu ka sawi thei dawn em ni, nilo ka thei lullo ang.
"Kha tia ngawi renga i awm dawn chuan hun kan paih mai mai ni in ka hria, kei hian lawmthu ka hrilh mai che a ni ang chu." A ti leh sup a.
"Engvângin nge lawmthu min hrilh kher ang a?"
"Engkim vâng te pawh khân a ni ang chu!"
Insangmar deuh ṭeuh chung hian van lam chu a hawi chho a, thla eng vak lem lo chu a thlir pah vauh vauh a, dear Lord, chutia a awm lai tak a han fawh vawng vawng mai chu ka va han châk ém, fawh dan tlâng lawn tak pawh ni lo, duhthawh zet leh phùr thei ang ber infawh dan rilber mai a fawh chu ka châk ngawih ngawih, achhan chu chutia a awm lai taka ahmel put dan chu a ṭhat teh sawr em avâng chuan, ni e, he pa hi ka hmangaih a, ka ta ni turin ka duh ngawih ngawih, engvângin nge chu thil chu ka han châk loh teh lul ang ni, a ṭha mah mah tlat si a.
"Khatin sawi suh! Ka lakah eng lawmthu sawi mah i va lo." Tiin ka chhâng let veleh ngat a.
"Anih leh thudik min hrilh avâng talin lawmthu chu ka hrilh ang che."
"Túnah chuan i mizia diklo a ka lo ngaihna te kha a dik zia ka ring leh thei tawh a, Eleanor engmah chân i nei lo ve, ahma a ka hmeichhe hriat thin ang che kha i ni tak zet tih hi ka hre leh tawh." A ti deuh duah a, chi thu a sawi chhuak zet chu hlimna hlirin ka khat, Wesley Cooper hian min ring leh tawh ani tih hriat tluk a hlimna hi ka nei chuang dawn em ni?
"Túnah chuan ahma a kan lo inpawh dan ang tluk zet khân kan awm dùn leh thei tawh tihna ti raw?" Min rawn dinhnaih leh zual sauh a, ka zâm lutuk chu engmah ka kâ aṭang chuan richhuak thei tur a awm pawh ka ring lo, kan taksa chu ainhnaihchilh leh tawh mah mah, kan inkarah chuan inches khat vel ṭawng ṭawng bαk hi âwl a awm dawn em ni tih tur hial a ni.
Chutia min rawn hnaihchilh sauh pah chuan a kut chu la kαngin ka samah chuan a rawn chûl thuak a, chutah a nui mawi lutuk chu rawn lan tir lehin a havar rual ṭhah lang chuan min nuih zui leh suk a, he ti anga min nuih na hi ani ka ngaihtuahna a ka lo hloh tawh hnu kha....mahse hei tŭnah chuan ka hmu lèt leh tawh a lawm.
Chu anuihmel nalh leh sexy zet leh a ha var rualṭhah mai anuih zawnga rawn lang tel ve chu a inchawih phian a, chu chuan ngaihngam takin min thâwk tir huai thei.
A mitmeng gray chuan mi rawn melh chhukin huaisenna keimah ah min siam sak hian ka hre bawk a, he thla engvak chiah lo hnuaiah hian kei leh Wesley chu kan inpawh thar leh ta a ni.
Heti ang tluk a hlim leh lawmna hi ka nunah ka tawn âwm reng reng pawh ka la hre ngai awm lo e, mahse he pa avâng chauh hian chung feelings te chu ka neih phah si a.
ka kut hmawr aṭang chuan a ban tha chak zet chuan rawn chul chho in ka koki ah a kut chu a nghat phawt a, chutah ka bianga kal phei tir lehin ka biang tawn tawnah chuan a kut pahnihin min khuap a, chutia min khawihna avαng chuan mulehmal pawh ka nei thei tawh lo, ka taksa pumpui mai chu a zawi vek hian ka hria, ka kut chu la kαng ve in Wesley nghawngah chuan pha leh pha lo hian ka han kuah ve a, a taksa rihna chu ka rinchhan deuh tawp bawk, chuti ang chuan taksa innhaih tak hian ka kan ding dún a, awlsam taka ka kuah theihna turin a rawn kún hniam a, kan hnar leh hnar chu a rawn sík tir a, a mitmu thim ruih chuan chiang zet hian min en remg bawk, a kut chuan ka káwngah rawn kuahin min pawm âwn deuh hlek a, kei chu a fawh rem tur zet hian ka dâk vah mai, ka tuar thei tawh bìk lo, kan taksa han in hnaih chilh leh lutuk insi châih chuan ka thil sawi chhuah duh ngailoh chu min sawi chhuah tir ta nge nge a, "Wesley min han fawp teh!"
Chu ka thusawi chu zâwi viau mah se Wesley chuan a hre rang kher mai, ka hmui bul a rawn thâwk lum ham ham pah chuan a hmui lum thar thar chuan ka heh vawt thler chu a rawn tawk phawt a, hmanhmawhna nei hauhlo hian a rawn nawr kau a, ami fawh dân zet chuan âi a nei ka ti lo thei lo, a lei sa ham ham chuan zei zet hian ka ka chhung chu a hawl kual a,lo chhâng lèt ve lo thei lo in min siam.
A kut chu la sawnin pângai taka mi awmtir lehin ka biang vawt thler mai chu a kut lum zet chuan a rawn dawm ṭha leh a, ami fawhdan pawh chu a duhthawh tulh tulh bawk, min fawh dan chu a zei tak zet, chu afawhna chuan ka natna zawng zawng thawidam a tum ta emaw tih theih hial hian a khaw sa a, chu thil chuan engmah min ngaihtuah tir thei tawh lo a, tùna ka fawhlai mek Wesley tih chauh lo hi chu thildang min ngaihtuah tir thei lo hial awm e.
A mi fawhna tè chauh chuan tuma laka ka la tawn ngailoh phurna nasa zet mai ka taksa zawng zawng ti nung thar thei tu chu a ti harh tel tlat bawk, chuti ang chuan engtiklai mahin ka la awm ngai lo.
He pa hi chuan danglamna filawr lak engkimah anei bĭk hian ka hria, chu chuan engkim hi a ṭha vek angah min ngaihtir, chutih lai tak chuan kan pahnih inkara phurna awm rawn ti tâwp tum an awm tih rinna réng ka nei lo.
Bang, bang.
Wesley taksa chu vawikhat a nghawr deuh dawt, eng thil nge thleng tih pawh ka hriat hman hma chuan Wesley chu lei lamah a tlu nghαl thlawrh.
"WESLEY...."
No comments:
Post a Comment