TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 40 & 41

TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 40 & 41

"Nope, khati ang lam ngaihtuahna hun pawh anilo."
Ka thusawi ngaih pawimawh loh hmel zet hian bathroom lam chu panin a thawmhnaw inbel lai chu chhuatah a tla thla nghâl hnalh a, bathroom lam chu a pan lui ta tho a, a mawngbawr nalh zet chu it ru zet hian ka thlír liam a, ka insûm leh thei bîk tawh lo, Warehouse lam chuan alo nghâk thei a lawm tih ngaihtuah pah a nuih chhuah deuh suk pahin ka thawmhnaw inbel chu ka hlíp sawk sawk a, Sofia kalna lam chu ka zui phei ve ta vat a.

THE BRONZE DRAGONS WAREHOUSE.....

Hunter chuan Talia an lock hnanna lamah chuan ultrasound machine chu a keng lût a, "Eng thil nge ni ta?" Talia chu a phâwk kher mai.


Rum zeta Talia chu melh khur chung hian "My dear hei hi maw, ultrasound khawl a nih hi!" Tiin a húng ṭha mawlh mawlh a.

"Tûnah chuan he thil hian i little secret chu min hrilh thei tawh dawn a ni." A ti nawn leh sak a.


"Kha thil nen khán ka bul hi inrawn hnaih thei chuang lo ang."

Hunter chu za lo zet hian a ṭhen ve suk a, "I bulah he thil nen hian kan rawn kal hauh dawn hleinem, rawn kal pawh kan duh hrep love, mahse doctor erawh a rawn kal thung ang, a rawn thleng ṭép tawh mai thei bawk."


"Chuan thil pakhat kan awm tir hle hle dawn che ani tiin ring duh reng reng suh, chu thil chu keini hi chuan kan ti ngailo ang." A tih khum leh hmuk a.


"Khatin inti ngam hauh lo ang."

"Kan ti chiang khawp ang le."

Talia rum zet a meng ling hlar chu a nuih khum sawng hnu chuan a kal chhuak leh ta a.


TREY....

Warehouse lam ka thlenphei hnu chuan rei pawh ka la awm lo ang tihin Taylor pawh hmeichhe doctor pakhat hruai hian an rawn lût ve ta a, ka lam chu rawn panin "Boss hei ka rawn hruai hi doctor Shay ani a, a ni hi OB/ GYN a ni a, ani hian ultrasound lam chu a khawih ang." A rawn ti a.


"Ok, Taylor he thil hi han ti fel vat vat teh u, chuan result in hriat veleh ka hnènah i rawn sawi nghâl vat dawn nia."


"No problem boss."

Hmeichhe doctor lam chu a hawi a, "He lamah hian aw doctor Shay." Inhnuai lamah an in zui thla dûn ta a.

Rei pawh kan nghâk lo ang, Taylor chu a rawn chho leh vat a, "Boss hmeichhia chu a rai ngei e."

Ka thin arim kher mai, Theo ka hrilh vat angai ang, engvânga la rawn thleng ve lo hrep nge maw anih chu le?


"A nih leh engti anga rangin nge DNA test hi kan neih theih i rin?"


"Ka rawn duh che u chu, naute rawn pian chhuah hma chu a tih chi ka ring lo."


"I â chu a ni èm lo maw?" Taylor chu ka melh rum kher mai.


"Boss túna kan tih chuan risk a sáng mah mah ang, he naute hi mihring kan inchan theilo ang tih ahlauhawm, hei  chu naute pian hnu a tih hi a awlsam ber a."


"Túnah hian doctor Shay in medical a pe mèk a, Theo hi ka biak hmasak hunah thildang chu kan hriat belh leh theih ka ring." A ti leh a.


"Theo pawh alo thleng ve tèp tawh ang." Ka ti ve hruih a, inbengdaih nan tháwk erawh ka la ngun tawh khawp mai.

"Chuan Talia chu a rái tihna em ni?"

Ka phone chu a ri ral ral a, Detroit thil min zawhna pawh chu chhâng ta lo chuan ka phone chu ka pick vat a, "Terence engtikah nge i aw ka hriat ang tih hi ka lo ngaihtuah reng ṭhin a." Ka ti nghâl hmuk.


"Bailey ka fanu chu i lamah aṭang tawh tih ka hria e."


"Ni lo e, Theo hian anupui ni turin a lakah a inpe ani mahzáwk ang chu!"


"Dragon ani emaw nilo emaw, ka fanu erawh ala nireng tho, chuan Sofia tân amah thleng nân a Cornor chung châng kha deal ala nireng bawk." A ti chhuak ve ṭhawt a, chuti ang taka mahni thinrimna pawh vawng dai thei Terence aw hriam ṭha tak han hriat leh tàk chu a nuam kher mai.


"Theo hian deal kha a pawm ve na tur awm reng reng ka hmuh pui hauh lo, mahse hun kaltawh a message erawh anih ka ring."


"Hei hi Theo lo inrawlh vena tur ani in ka hre lo,  amah Sofia ngei duhthlanna ani in ka hria, Theo diklohna avânga a uncle Cornor nunna in a tawrh phah hi ka duh pui hauh lo ang le." A ti ve hmuk a.


"Martinez ka sawi ang kha ani mai, kha message kha chu ka pass mai ang e." Ka tih khum leh hrawih hnu chuan a phone chu ka cut, "Eng thil nge a sawi a?" Detroit Chuan a rawn ti ve leh a .


"A sawi dán chuan Cornor thleng nân Sofia ala duh reng thu a sawi."


THEO....

bathroom aṭanga ka chhuah hnu chuan thawmnaw inbel ta mailo chuan ka phone awmna lam ka pan a, Jake chu ka be leh te te phawt a, "Jake."


"Triona chu i lo ti ti pui ta em?"

"Ok, man kan in hmu leh vat dawn nia."


Ka phone chu ka cut leh a,Sofia pawh arawn chhuak  ve tawh a, ka hnunglam aṭanga mi rawn kuah châih pah hian, "Tunge phone a i biak kha?" A rawn ti deuh sap a.

"Jake."


"Engkim a ṭha maw?"


"Ṭha lem lo."

Ka hma lamah a rawn kal phei a, min rawn melh chho zauh hnu chuan hnuailam a melh leh daih, "Jake sawi danin Talia chuan tumah a kawp a hriat loh thu a rawn sawi."


"Kha chu a ṭha lo hle mai." A ti leh sep.


"Babe ka hria."

"Mahse alo râilo maithei tho asin."

"I sawi dik ngei ka beisei." Mahse railo nita se heti ang hunah te chuan dawt in aṭang peih tawh dawn em ni tih chu ka ngaihdan ani a, Sofia erawh ka hrilh ta chuang lem lo.

"Warehouse lamah ka kal angai tawhin ka hria." Ka tih chhuak ta zâwk a.

Ka insiam sawk sawk a, Sofia hmel ngui zet mai erawh hmuh hreawm ka ti kher mai, ka kawrchung ka hâk dawn lai tak chuan ka phone a rawn ri leh ta a, ka la vat, "Dad."

"Khawiah nge i la awm hrep a?" Ka pa aw ah chuan athinrim hle ani tih ka hai lo, thil ṭha zawngin a kal lo mai thei bawk.

"Ka rawn thleng vat ang, eng nge buaina a awm em ni?"


"Buaina chu maw ,Talia kha a râi."


Tháwk ka la deuh hawk, "Theo ka thusawi chu i ngaithla em?" Ka pa aw hriam zet leh bung zet chuan a rawn ti leh hmuk.


"Aw, ka ngaithla e."
Ka mit ka chhing pah sawk.


"Rawn kal vat rawh, rawn thleng vat tum ve hrep ta che." A vín kher mai.

"Yeah, yeah." Phone chu ka cut a, "FUCK IT." ka rúm chhuak hrawih, Talia arai anih chuan engtin nge Sofia chu ka tih tâk ang, ka thlan a tla deuh bat bat a, a rilru a na khawp ang le, mahse ka zèp tawh tur ani lo, engkim ka hrilh hre ve tur a ni, ka thil zèp a vânga chân nawn leh hi ka duh tawh lo.


Sofia awmna lam chu ka pan phei a, "Ka pa in tun maiah khân min rawn call a."

"Chuan?" Hlauhthâwn hmel zet hian min en chho a, a hlauhthawn ang ngei chuan thil lah a thleng vek bawk si.


"Talia chu a râi ngei anih chu!"

Sofia chu a ṭap chhuak ta a, thâwk ka la hawk a, "Mahse ka fa ani tih chianna pakhatmah ala awm chuang lo a nia." Ka ti leh sup a.


Mittui kar aṭang chuan min rawn enchho a, "Mimawlpa i fa anih chian chu!" A in sŭt leh hlap hlap a.


"Inbengdai rawh Sofia." Rang zetin mittui nen kan room chu a tlan chhuahsan ta a.


Ka phone chu phawrhin ka nu number ka dial nghâl a, "Mum, keimah,  khawngaihin Sofia kha i lo ngaihven thei ang em?"


"Mangang zetin room arawn tlânchhuahsan, tùnah keilah warehouse lamah ka kal angai tawh si, ka kal nghâl anih loh chuan ka pa ka chungah a lawm lo lutuk ang."

"Ok, Theo ka lo ngaihven ang."

"Ok, thanks mum."


SOFIA....

Rilru na zetin room chu ka tlαn chhuahsan a , ṭap zawih zawih chungin pâwnah ka tlán chhuak a, pawnlama rawn chhuak ve thawm ka hriat veleh inhnunglamah ka kal vat, tûna Theo hmel lo  hmuh leh chu ka inpeih rih lo.


Ka thinlung chu a kehsawm vek ni hian ka hria a, ka tán chuan engkim mai chu táwp vek ta a hriatna ka nei bawk, Theo thu min hrilh khán mi a den dân chu ná ka ti kher mai, engti kawng mahin túnah chuan Theo chu ka pasal ni thei zia záng ani tawh lo, keimah ngei mai chu ka inthiarfihlim mai ṭha berin ka hre bawk, anih loh chuan Theo fa lo piangtur hi fahrah ni a nuhrawn hrawn tir nghâl turin ka phal lo, Theo hian min lo pawm zâwkin Talia chu neilo ta ang se, naute chu an pawl dânah akawl tho ang, chu naute a nu in a hmangaihna apèk ang chu kei hian ka pèk theih ka inring lo a ni, chu âi chuan lo kian san ta mai zâwk ila, Theo te chu chhungkaw hlim tak an rawn nih chhoh theih ka ring tlat, he hmunah hian ka tân awm ve na chi ni in ka hre tawh lo, ka theih anga ranga chhuahsan chu ṭha berin ka hre ta a.

Mahse....mahse he Theo ka hmangaihna thinlung erawh hi chu kumkhua in a thih theih tawh ka ring lo, engvánga vánduai viau a retheihna hlír chang nge maw ka nih bìk ziah mai le? Heti anga ka nung chho reng dawn anih phei chuan thih ve mai chu ka tân a ṭhat zâwk ka ring ta hial a.


"Sofia i ṭha maw?" Ka hnunglam aṭang chuan Callie aw ka hria chu ka phu zawk.


Ka mittui chu ka hruhul sawk sawk a, a lam hawi záwng chuan ka inher a, "Hi, Mrs.Bailey ka ṭha alawm." Ka ti thám deuh ṭiak a, ka hmel chu hmu chiang theilo turin hnuai lam ka melh tlat bawk.

"Khawngaihin Callie tiin min ko dawn nia, chuan i landan kha aṭha vaklo in ka hria."

"Tak tak maw? Ka ṭha lutuk." Nuih chhuahsak tum in ka bei a, mahse ka hlawhchham chiang kher mai, khawiah nge lem ka chan thiamna te kha an awm zawh ták vek mai le?


"Sofia thurúk pakhat ka hrilh ang che aw, he hmuna mipa te hi an landân ang hi an ni miah lo a nia, Trey leh Theo hian thil chi hrang hrangah min tibuai in chan chin ṭhawng tak tak min hrilh lah a bo ngai lo, mahse chûng hunah pawh chuan chhel takin ka tuar zel a, a châng chuan ka rilru a hah ṭhin in hláuthâwng leh mang ang taka ka awm châng lah a tam, mahse he mi te pafa hi ka hmangaih em em a, an tán ka nun ka pe a, chu ka hmangaihna chuan engtik emaw ah chuan buaina lak aṭangin ala chhan chhuak ngei ngei ang ka ti ṭhin, Theo pa Trey laka ka lo hmuh tawh ang ngeiin, Trey nen pawh kan inhmangaihna kawng hi a awlsam hauh lo, a bumboh in a chhukchho em em a, mahse ka zám mai lo, hei tûnah chuan khawvela mipa min hmangaih bertu ni turin ka chher chhuak ta zàwk a ni." A ti malh malh a.


Tûna ka thil tawn ang hi Mr.Bailey lakah chuan a tawng ve dawn em ni? Ka tán chuan he thil berkher hi chu hriatthiam har ka la ti tho tho.

"Rilru natna i neih chuan min sawi pui thei reng a nia." A ti dam diai a.


Ka nui chhuak ta sak a, "Ka ṭha tawh lutuk, thil rawn ni thut ka pawm thiamloh vâng mai mai a ni e." Ka ti ve ta záwk a.

"Kha i ngaihtuahna kha ka hriatthiam pui lutuk che a sin, Mrs.Bailey nih hi thil awlsam tak zawng ani miah lo." A nui chhuak ve sak a, a sam uk buangkharh mai chu hnunglamah ahúi kiang zauh a.

"Ni e, a ni khawp mai." Ka lo ti ve sap a.


"Dinner tur siamah min puih te pawi i tih loh chuan kan ti dun dawn em ni ang, i ngaihtuahna kal ding ngut ngut tur lakah a véng bawk che ang a?"

"Ka phúr ngawt ang, ka lawm e."

"Alexandra pawh a ṭhiante in aṭangin a rawn haw ve thuai dawn a, dinner eizawh lamah te movie en in girl night kan hmang dawn nia." A ti leh siam siam a.

"Chu thil chu tún dinhmuna ka mamawh tak chu ni in ka hria." Ti a chhangin ka nuih var var a, Callie chuan mi rilru na tháwidam dan athiam kati tak zet, Mr.Bailey chu a vánnei viauin ka hre bawk, heti ang hmeichhe zaidam tak leh nunzâwi raih mai, rilru natna hnem thiam tak hi nupuiah a nei a nia, a tifuh hle in ka hre bawk, a neihtur áwm tak a ni.


" A ṭha e, lokal rawh kitchen lamah chuan i kal tawh ang hmiang." Inchhung lamah chuan kan inzui lût dûn ta a, kan thilsiam lai hrim hrim chuan Callie chu a ti ti siam siam a, Mr.Bailey nen a an inngaihzawn lai vel te leh a tello a Theo a neih dán chen chuan min hrilh a, Trey a tlânbo san a fa a pai tih a inhre silo, bakery a hawng a, Theo pawh awmpui mumal hman lo a hna a thawh angaih ṭhin thu te, nun hi a awlsam hauh lo ani tih a hriatchhuah ták dân te, chhung lehkhat tumah fin tur aneih loh thu leh ṭhianṭha tak pakhat a chhara chu chuan ahnathawh hlâna Theo alo awmsak ṭhin dan zawng zawng te chu min hrilh a, ani pawh chu keimah ang tho a dinhmun harsa tak paltlang anih ve zia oawh ka hriatthiampui tak zet, hmeichhe tuarchhel tak ni hian ka hria, ka ngaisang ru tak zet bawk.


THEO...

Warehouse ka thlen chuan chhun ani der tawh, inchhung ka lût chiah ka pa hmel rum zet mai leh Detroit hmel buai nuk chu ka va hmu hmasa ber a, ka pa chu a thinrim viau tih hi ka hrethiam mai, a cigarette zûk chu a fâwp káwk kàwk mai a, anbul ka va thlengphei ve chu, "Heile naute pa nimai tur pawh alo thleng ve ta ṭâwk alawm." Detroit chuan ka pa hrilh niawm tak hian alo ti sup a.

Thinrim tawhsa nák alaia Detroit-an chuti anga min han ti kher chu ka ngaithei hauh lo, "F*ck up, Detroit, khawiah nge kan doctor hmeichhia hrep pawh chu a awm, ka be duh nghαl." Ka ti chhuak hrawih a.


"Ka hriat dân chuan lockup lamah ala awm rengin ka hria, mahse chu nilo chu tunah hian problem i nei leh tawh bawk."

"Eng nge ni leh ta?" Ka thaw pah kâwk a, keimah a buaina tamtak awm hi vawilehkhata vawmbo duak theih nise ka ti ngei mai, tiang chuan ka â thei hial ang ka ring.


"Terence khân arawn call a, engmah thil ala inthlâk danglam loh thu leh, Cornor thlâk turin Sofia ala duh reng thu a rawn sawi."


"Sofia a bula ahruai hun tur chu ka dead body chungah chauh ani ang." Ka ti chhuak hráwk a, "Chuan Conor dead body pawh an mamawh chuang hek lo."

"Tunah tak hian Talia hman ṭangkaina hun ni in ka hria." Detroit chuan a rawn ti chhuak a.


"Detroit i sawi dik in ka hria." Ka pa chu a bu ve nghut nghut a .

"Doctor chuan eng nge a sawi tih chu zu hriat kahan tum ang e, inbeihna chung châng chu lo rel fel ang che u, Fangs ho hian min ti boring tawh lutuk, chuvâng chuan tùn hun hi luhchhuahna hun ṭha tak pawh anih ka ring." Ti a ka sawi hnu chuan ka inher a lockup lam pan chuan ka chhukthla ve ta a.


Lockup lamah chuan Hunter ka zu hmu a, "Taylor ilo hmu em, Hunter?"

"Lockup lamah hmeichhia nen khân leh doctor dang pakhat nen an awm anih kha, chuan ka lo hriat danin hmeichhia chu a rai an tiin ka hre bawk."


"Kha chu min hrilhnawn chhen lo teh u, ka fa anilo tih hi ka la beisei fan reng tho a nia." Rilru hah zeta thâwk lâk hrawih pah hian ka kutin ka sam chu ka tuai chho puat a.

"Engtin nge chu chu i ngaihtheih chhan?"

"Tunge hria." Ti achhαng nghut pahin Hunter chu ka kalsan a, Talia kan lock hnanna lam chu ka pan phei a.


THE FANGS.....


Terence leh Matteo chu an lockup lamah Terence fanu Cassandra nghák chuan an lo awm a, Cassandra te pawh chuan rei an rawn rial lo kher mai, mipa pahnih hian hmeichhe tleirawl kum 17 mi Trey fanu Alexandra engmah hrelo chu an rawn záwn lût a, Terence hmelah chuan a hlim hle tih pawh a hriat reng mai, a fanu rawn lût chu pan phei vatin, "Heti anga i han che thei mai hi ka áwih theilo zâwk hial mai." Tiin a fanu chu a chhipsama tuai sak zauh pah hian a nuih vur vur a.

"Ka tithei ang tiin ka hrilh réng che kha." Cassandra pawh chu a nui ve vawr a, a hmel chu a chapo hmel hliah hliah bawk.

"Ni e, sweetheart i ti thei ngei a lawm hei."

"Thanks dad."


"He thil hian Trey Bailey chu ka khúp hnuaiah ka kûn tir khawp ang le." Terence chuan ti lehin an zavai mai chuan za zet hian an nui chhuak a.


"Chuan túnah eng nge ni ang?" Matteo chuan a rawn ti ve sup a.

"Tûnah chuan a he nu thla ṭhenkhat te hi la in a pa Trey Bailey kan thawn tawh ang."


"Sofia nen trade neih i tum deuh tihna em ni boss?"


"No, aduh chuan Sofia chu an kawl thei ang, chu áia ṭha záwk thildang ngaihtuah ka nei." A ti a.

"Anih eng nge tih i tum tih chu han sawi la?" Cassandra chuan alo ti ve bawk a.


Terence chuan Cassandra lam hawi pahin, "Engkim hian hun diktak a nei ṭhin! Amarawh chu thil pakhat chiangsa hnialrualloh erawh a awm, chu thil chu he hmun hi Bailey fanu hian damin a chhuahsan hauh lovang tih ka chiang." A ti ta a.

A ho te zinga pakhat chu a mitmei pah rulh a, camera a rawn la nghâl a, chu chuan khum ṭawp zeta engmah hrelo a let reng Alexandra thla chu lák sakin a phone ah a thawn leh hmasa te te a, chutah Trey number ah chuan a sent ta a, "Hlimna tlem te i han hmang lawk ila." A nui chuak huk huk a.

BRONZE DRAGONS WAREHOUSE...

THEO....

Talia awmna lam chu ka pan phei a, Hunter sawi ang ngei chuan kan pawl doctor Taylor leh hmeichhe doctor chu Talia bulah chuan an lo awm a, doctor hmeichhia záwk chuan Talia alo checkup mek bawk, a chhungah chuan ka lût ve nghâl a, ka thinrim lutuk insum ngaihna pawh hre tawh lo chuan rum zeta Taylor chu melhin, "Taylor eng nge chan chin?" Ka ti chhuak hrawih a.

"Ka lo sawi tawh ang ngei khân ka rái ngei e." Talia záwk chuan alo ti ve vat a.

"Nang kha ka be hauh lo che." A hmel pawh ka va melh peih lem lo.

"What ever."

"Theo i pa ka hrilh ang kha ani mai, Talia chu a râi ngei e, chuan ka sawi tawh ang khân tuna naute pian hma a DNA test lo neih sak chu a him rih lo bawk ang."


"Chu aia hma deuh chuan atih theih loh em ni?" Ka beidawng kher mai, ka chal a thlan rawn bawl  chhuak deuh ṭawk ṭawk chu ka húi deuh pâwk a.

"Ka hlâu thawng khawp mai Mr.Bailey, kar sawmpali anih hunah ultrasound hran kan tih leh phawt angaih ka ring." Doctor hmeichhia Talia en tu zâwk chuan alo ti ve a.


"Engvângin nge a hnu angaih kher, tûnah hian kan tithei mai lo em ni? Ka pa hian doctor he hmuna an luh an chhuah reng hi a lawm vak ka ring lem lo." Ka ti leh khauh a.


Talia chu arawn ding chhuak zawk a, "In zavai khân kal chhuak tawh teh u, toilet hman lawk ka ngai."

"Talia, lo inbengdai rih phawt ta che." Doctor Taylor chuan alo ti ve hruih a, zawimuang hian Talia chu a ṭhutna ngaiah chuan aṭhu thla leh riai riai a.


"Pawi kati lutuk Mr.Bailey, túna lo en chu a la hma mah mah tlat a ni, hma lutuk a kan en chuan eng thil nge kan hmuh tih pawh hi a hriattheih ka ring lo, ka duh dân chuan kar sawm pali emaw tal vel nghah angaih ka ring."Doctor Shay chuan a tih zawm leh a.


"Chuti ang hun vel chu ani daih tawh alawm, tûnah hian kar 12 emaw 13 vel ani tawh a, engvânga kar khat emaw karhnih vel lek chu kan nghah leh ngai nge anih chhan hi ka hre thiamlo." Ka ti ve nghut a.


"Nilo Theo ultrasound pragnancy test a alandan chuan a naupai hi kar sarih bák ala tling lo." Taylor chuan a rawn ti ve a.

Rum zet hian Talia chu ka melh zui nghâl hrâwk, "Ni...lo kha kha a diklo." Talia chuan alo ti chûl a.

"Nilo ve, madam, i naupai hi vawihnih ngawt en nawn ani a, kar sarih bâk ala tling lo." Doctor Shay chuan a rawn ti veleh a.


"Kei chuan ka naupai ṭan thla hi ka hria, hetiang khawl khawlo zet ina a entir hi ka pawm záwng ani ve hauh lo mai."

"In pahnih khân min lo va chhuahsan rawh u." Ka ti ta nghut a .

"Mr.Bailey thil diklo a awm em ni?" Doc Shay chuan a rawn ti a.

Talia hmelah chuan hlauhthâwnna hi hmu tel tlata inhriatna ka nei bawk, mahse ka chunga diklo taka a chétna avâng hian ka lainat ther té lo.

"Ka sawi ang chuan min lo va chhuahsan vat mai rawh u." Ka ti leh ṭhawt a.


"Inbengdai rawh, kan chhuak dawn e."Taylor chuan ti in Shay chu a mitmei zauh a, an kal chhuak dûn ta a.

Talia chu ka pan phei a, "Ka ât viau hi i ring em ni a?"

"Theo ka hrethiam hauh lo."


"Engmah zawhna neilo a, ngawi renga he i fa pâilai hi ka fa anga ka lo pawm mai i ring a maw?" Ten zet hian ka melh rún a.


"Ma....hse i fa ani alawm."


"Mimawlnu kar sarih chauh anih hi, math i thiam miah na nge? I râi avângin i vannei ta hrep anih hi, chuti nilo sela chuan tûnah ngei hian ka that chák zek zek che tih hi hre ringawt rawh." Ka insehruh kher mai, ka kut chu ka thawh lohna turin ka húm rûn bawk a, ka kut ka chét vaih chuan ka kâwng hnunglama ka silai pâi chu ka phâwi chhuak ang tih ka hlau hlel lo.

"Pawi kati lutuk Theo, he thil ka tih na chhan chu ka hmangaih ém váng che a ni."


Za lo zet hian ka nui chhuak hawk a, hmangaihna maw? Chu thu mal awmzia pawh chu i hriat ka ring hrep lo ve."


"Kha uihur nu kha arawn lan hma zawng chuan kan hlim dûn ṭhin kha."


"Kha uihurnu ti a i sawi kha ka nupui ani asin, chuan nangnen hian kan inkarah engmah a awm ngailo bawk, awlsam takin kan inkawp tawn a, kan taksa mamawh inphuhrûk tawn nán chiah kan hmang dûn tih hi hre bawk ang che, chuan maw Talia duhai in thil pawi liantham zet i khawih ni in ka hre bawk."


"Heti ang hian ka chungah tilo lang chuan ṭhian ṭhatak pawh kan nithei tur hi a nia, mahse tûnah chuan nang leh kei hi engmah kan ni tawh lo tih hria ang che, hei váng hian ka pa chuan he lockup aṭang hian damin a chhuahtir ngai che pawh ka ring lo. " Ka tih khum leh hrâwk a, ka inher nghut a, ka chhuahsan ta daih a, "Theo pawi kati lutuk." Ti a min rawn auh zuina pawh chu ka hrelo der hmiah hmiah.

Inchunga ka chhoh leh hnu chuan ka pa te chu ka hmu tawh lo, a office lamah an awm tawh anih ngei ka ring, Jaden lo awm chu sawm chhuakin inlam pan chuan kan inkhalh chhuak dûn ta a, Jaden chu engkim ka hrilh ve vek a, ani pawh athaw ve huai mai, a hma aṭang tawh khân Talia ina ka fa apai arawn ti ngawt mai kha chu ka ringlo hrim hrim, inthlen thuai thuai a Sifia chu engkim hrilh vek ka nghâkhlel taqh viau bawk, chu thil ka hrilhfiah hun a anui hmel mawi tak mai leh hlimna avânga ahmel rawn eng chuak tur mawlh mai chu kal kawng tluanin ka hisáp a, ka hmanhmawh ru ṭûn bawk.

Ka phone arawn ri a, ka pick nghâl vat, "Dad,

"Theo khawiah nge i awm?" Ka pa aw ah chuan thil diklo eng emaw awmtlat a hriatna ka nei a.

"Inlam panin kalkawngah kan tlân mèk, Sofia ka biak a ngai a."

"Sofia chu theinghilh rawh, buaina liantham zet mai kan nei, inah ka rawn hmu ang che."


"Eng ang buaina nge dad?"

"A ṭhalo lutuk, i ngaih ang ái mahin a ṭhalo záwk ang."


"Ok, inlamah kan in hmu dawn nia." Phone chu a cut leh a,

"Eng nge ni a?" Jaden chuan kal kawng lam en pah chuan a ti sup a.

"A sawi dânin a ṭhalo lutuk, i ngaih ang ái mahin a ṭhalo záwk ang a ti a, a sawi awmzia chu Alexandra chung châng anih ngei ka ring."

Inkan thleng chu ani deuh mai, Sofia chu ka chan chin hriat hi hrilh ka duh viau a chu tûnah chuan buaina nasa tak kan neih leh tawh si a, ka tihfel leh zet phawt a ngai ang, Jaden bulah chuan, "Ka pa office ah lo han kal rawh, kei pawhin ka rawn hmu thuai dawn che nia, i pa kha lo call la, hetah ka pa office ah meeting neih angai tiin lo hrilh ang che, chuan i pa khân Cain leh midang pawh lo hrilh nghâl rawh se."

Jaden chu a bûk zauh hnu chuan ka pa office lam chu a pan ta a, kei erawh chuan inhnuaiah ka pa lo haw hun ka lo nghâk thung a.

Choka lamah chuan ka phei a, ka nu leh Sofia chuan dinner tur an lo buatsaih mawp mawp chu ka va hmu a, Sofia hmel pawh hmuh a nuam tawh deuh hlek.


Thâwk ka la pah hawk a, "Mum, ka pa nen in inbe tawh em?"

Ka nu chu a rawn hawi phei ve a, "No son, túkin zing achhuah aṭangin kan la inbe leh tawh lo hrim hrim, ti nge a, eng nge thil diklo a awm em ni?"


Thâwk ka la leh hawk a, ka nu chu ka hrilh hreh kher mai, "Eng nge diklo a awm emni Theo?"

Ka pa chu a rawn lût ve nghâl a, "Callie khawiah nge Alexandra hi?" Ka pa aw chu a rum ṭha ngei mai.

"Trey eng nge i awmzia hi?" Ka nu chuan a ti ve a.


TREY....

Detroit nen chuan ka office chhungah kan ṭhu dùn a, cigarette zûk dun mial mial pah hian, "Jaden hi Dragons a a hna thawh dán eng nge a an?" Detroit lam chu ka melh zauh a.


"A pa ang mai a ni, amah ah engmah buaina kan nei lo." A thil zûk lai chu a fâwp leh vang vang a, a khu chu a phuh chhuak tulh tulh bawk a.


"A ṭhat hlauh chu, túnah chuan buaina tello a thil tih ka duh!"


Ka phoneah message arawn thleng a, ka phone chu ka phawrh nghâl vat, Terence hnen aṭangin alo ni a, pics pathum vel lai mai hi alo thleng a, ka download a ka han en nâk chuan ka phu chiang kher mai, ka thinrim lutuk chu ka ding chhuak zawk a, ka âu chhuak tuar bawk.


"Eng nge thil diklo a awm em ni?"


"He pa hi a thi sa ani ri ngawt." Ka ti leh hráwk a.


Hmanhmawh zetin ka inher vut."WTF." Tiin Detroit pawh chuan min rawn zui ve nghâl thuai a, ka carah chuan ṭhu lût nghâlin chak zet hian inlamah chuan ka khalh a, "Eng thil nge thleng boss?" Detroit ngaihna hrelo lutuk pawh chu ka haw hlur mai.


Engtinmah pawh chhang ta chuang lo chuan ka motor khalhlohna lam ka kut chuan ka phone chu ka phawrh chhuak a, "Theo khawiah nge i awm?"

"Inlam panin kalkawngah kan tlân mèk, Sofia ka biak a ngai a."


"Sofia chu theinghilh rawh, buaina liantham zet mai kan nei, inah ka rawn hmu ang che."


"Eng ang buaina nge dad?"

"A ṭhalo lutuk, i ngaih ang ái mahin a ṭhalo záwk ang."


"Ok, inlamah kan in hmu dawn nia." Phone chu ka cut leh a.

"Theo i hrilh dân khân i ngaih ang ái mahin a ṭhalo záwk ang, i ti a, eng deal nge kan neih rèng reng a?"


Ka chal ka dawm zauh a, "Tûnah hian Terence chuan Alexandra a kawl anih chu."

"Eng maw?" A thu hriat chuan a ṭhawng ve viau a ni ngei ang, kei ngei pawhin he thil hi athleng ka rinloh ber pawla ni tlat!

Detroit nen chuan inchhungah kan in zui lut a, ka office lamah chhoh tirin midang lo ko khawm turin ka hrilh nghâl bawk a, choka lam ka va luh chuan Theo pawh alo awm tawh a, "Callie khawiah nge Alexandra hi?" Ka ti chhuak hrawk a, ka thinrim lutuk chuan incontroll na hun pawh ka nei lo.

"Trey eng nge i awmzia hi?" Callie chuan a rawn ti ve zauh a, tún dinhmuna Alexandra a dinna chhan hi Callie vâng bâk ani lo.


"Khawiah nge a awm hrep sawi vat mai rawh." Ka áu chhuak tuarh a, hmeichhe pahnih te chu ka ti phu zawk, ka ti hlâu hle ang tih pawh ka hria, ka care lo.


"Dad inbengdai rawh!" Theo chu alo inrawlh ve nghâl vat a.


"Kiara te inah a kal anih kha, darli a rík hian Cooper va hruai turin ka va lam tir ang ka lo ti a." Callie aw chu a khûr hlak hlak a, hláutháwng zet hian ka thinrim hmel chu arawn enreng bawk.


"He in aṭang hian ama a chhuah ka phallo tiin ka hrilh tawh che a ni lawm ni?"


"Trey kum 17 a tling ve dawn tawh a, hetin kan kalh khum reng thei lo ang."


"Well, avânnei viau te anih loh chuan nangmah avâng hian a kum 17 tlin kum pawh chu kan hmu thei lo mai thei a ni." Ka thin tâwt lutuk chuan tháwk ka la kâwk kâwk a.

"Túnah hian Fangs ho chuan an kawl asin, a chhan pawh thil awlsam tak ti turin ka ti che a, chu pawh chu i ti duh lo a...."

"Dad i inchhirlehna turin engmah sawi chhuak lo hrám rawh."

Theo chuan min rawn panhnái a, "Lokal rawh i office lamah kal phawt ang."

Ka kut a rawn vawnna chu ka phih thlâk sak lawp a, "Tùna ka kal na hmun tur chu Martinez in chauh a ni ang."


"Kan kal vek dawn alawm, mahse kan mipa te ho nen kan inbiak hmasak phawt erawh a ngai ang, an ni pawh office lamah an kim tawh a nia, dad thil fel fai i ngaihtuah hmasak phawt a túlin ka hria."

"Ka ngaihtuah fel hrep tawh e." Thinrim zetin ka in her nghut a, office lam chu ka pan ta nghâl a.

"Sofia kan rawn kir leh hma chu ka nu kha lo awmpui rawh aw."

"Ka lo ti dawn nia."

Theo chuan min rawn zui venghâl a, Ka office kan thlen hnu deuh lawk chuan thaw hlawp hlawp chung hian Theo pawh arawn lût ve a, "Dad khatin ka nu kha i mawhpuh ringawt theilo ang." A rawn ti a, a hah chu a thaw pah ham ham a.

Rum zeta lo melh rún chung hian, "Tu pawh ka duh apiang ka mawhpuh thei." Ka ti ve nghut a.

"Oh, Tarence chu han call phawt mai teh!"


"Ka call hauh lo ang, ka call  hrep lovang e." Ka vín leh tuarh tuarh a, engvâng kher a ka princess chu lo kawl nge a nih tih chu ka hre duh ber, kan pawl thilah pawh ka inhnamhnawih tir ve duh loh leh ka duat em em ani si a.


"Trey inbengdai rawh, Terence hian heti anga awm tur che hian ania a duh che, han call phawt mai teh, i tlúk chhiat hi a duh tih pawh i hriat reng kha."
Detroit lam chu ka hawi phei a, inbengdaihnan thâwk ka la hawk hawk bawk a, ka thinrim ka controll theihlohna chhan ber chu Alexandra ber kher an kawl váng a ni.


Ka phone chu ka phawrh a, Terence number chu ka dial ta a.


"Bailey ka ṭhian a hun chiah chiah e, eng nge i an?"


"Terence khati ang te chuan min rawn ti khanglâng lo mai rawh, khawiah nge Alexandra i dah tih hi sawi vat mai rawh!"


"Alexandra chu tùnah chuan ala thâw e, mahse he achunga hnimhlum kan hman hi a reh a arawn harhchhuah hunah chuan engti takin nge a awmna hmun hi a ngaih ang tih chu hriat achâk awm khawp mai ti raw ?" A nui kur kur a, ka thinrim lutuk chu ka kut thleng chuan a khur hlawk hlawk.


"Terence Pathian hmingin ka sawi ang, i khawih anih vaih chuan hre rawh, i lo piang ve ta kha inchhir ram ram tur khawpin ka siam chiang viau ang che, chu ai chuan eng thil nge duh i neih tih hi sawi ringawt rawh."


"Well, ahmasa berah chuan Sofia kha hei hi ka hriattir duh a, Cornor a thi tawh tih hi!" A nui leh huah huah a, "Kan thah tâk chhan chu Bailey pasala aneih vâng a ni."


"Túnah hian Cornor chung châng thu ka hre peih hrep lo ve, kei hi min duh em ni? Anih chuan nang leh kei kan inhmu mai tur a ni, chu chu i thei ang em?" Ka thinrim lutuk chu ka sehchilh rawp rawp mai a.


"I hria em Bailey, kha chu bad idea ani hran hauh lo a nia, eng thil nge ka duh tih ka sawi laia i hmel awm dân tur ka hmu duh khawp mai."


"Mahse keimahni chauh nilo deuh aw, i under boss kha rawn hruai la, kei pawhin ka rawn hruai ve bawk ang."

"Nanga under boss te chu kan that daih tawh emaw ka lo ti a?"

"Ngaihtuah duh suh, Jimbo junkyard a athih aṭanga darkar khat hnu lawk khαn midang ka nei zawm leh nghâl e."


Phone chu ka cut ta hmak a, "Eng thil nge a duh chu ni a?" Detroit chuan alo ti nghâl a.


"Tùn aṭanga darkar khat chhung ngei in nang leh keimah chauh kala inhmuh a duh thu a sawi!"


"A thâwm chu ka duh lo tawp mai." Theo chuan a lo ti ve zauh a.


"Theo sawi kha ka pawmpui e, thil eng emaw ṭhalo tak a thleng ngei ang." Hunter pawh chuan ati ve a.


"An rawn thlen hma hian chu hmun chu kan va enthlithlai hmasa phawt dawn mi niang?" Cooper pawh chuan arawn ti veleh a.


Detroit lam chu ka hawi a, "Eng nge i ngaihdan Detroit?"


"I tih dan dan ani mai boss."


"Kan kallo anih chuan Alexandra chu an that ngei ang le."

"Engvânga min hmuh duh nge anih asawi em?"


"Ka laka a thilduh a sawilaia ka hmel put dân ahmuh duh thu chauh a sawi."ka ti leh hmuk a.

"Kan kal ang tih thu ka sawi e." Detroit chuan arawn ti ve ta a.



"Terence hi a thih vat atúlin ka hria, alehlamah erawh Theo sawi kha adik bawk a...."  ka mit chu ka chhing pah duar duar a, thil fel fai taka ngaihtuah a ngai kher mai.


"Anih leh eng nge tih i duh ber chu?"
Detroit lam chu hawiin ka mengchhuak leh a, "An ni saw bei turin kan kal ang, an inrinloh hlân tak kan chuh bawk ang, chu chu antihdan ṭhin pawh anih kha." Ka ti ve ta a.

"Engtikah nge kan tih ang chu chu?"

"Zanin ani ang chu Detroit."


"Theo nangin i nu leh Sofia kha kan safe house lamah lo va hruai la, i theih anga rangin rawn kìr leh vat tum bawk ang che."


"Aw le dad." Theo chu a kal ta nghâl a.

Midang ho chu lo inring sa ang che u, Cain, Cooper nangni in kan mamawh tur ho la in warehouse lamah va kal bawk u la, Hunter, Jaden nangni in kan kalna tur car peisa diamin lo va dah bawk ang che u, zanin hian kan che chhuak nghâl vat tur a ni."


Midang ho chu an che chhuak ta sang sang nghâl a, Detroit nen chauh chuan kan awm tawh a, anih an mahni bei tur hian khawiah nge kan kal ang?"

Alexandra photo arawn thawnna hmun kha ka hria a, tah khân kan va kalchilh ang."

Ok, anih chuan ti ang hmiang." A ti ve ta a.

THEO....

Mom leh Sofia chu carin kan safe house lam pan chuan ka tlân pui a, ka nu lah chu lungchhe zet hian ala inhnìt hlap hlap mai a, Sofia lah chu a bangbo kher mai, "Theo engthil nge thleng hi?" A rawn ti chhuak ta nge nge a.


Ka mit ka chhing sawk, ka meng leh nghâl a,"Sofia thil thlen dân chu i hriat reng kha."


"Ka pa nen khαn in inbia em ni?"

"Kha chu safehouse kan thlen hunah ka hrilh ang che ."


Motor chu chak zeta khalhin darkar hnih dawn lai kan tlân tho mai, kan safehouse awmna hmun kan va thlen hnu chuan kan lút diak a, Sofia chu a room tur kawhhmuhin ka room ṭhinah chuan ka hruai lút a, "Theo ka pa chu i bia em?"


"No, ka pa in a bia."


"Eng thil nge thleng hi, engvânga Alexandra chu man nge an nih, deal kha chu keimah leh Cornor ani si a, engvânga thlâk nge an nih?"


"Engvâng a thlâk leh nge an nih tih chu ka hre bìk hauh lo." Ka ti chhuak sup a.


"Theo khawngaihin min tihder suh!"


"Babe khatin ti ṭâlh ṭhin lo teh, ka kir leh vat angai ania." Ka sam chu ka tuai chho deuh puat a.

"Theo min ti hlâuthâwng lutuk a nia, i hmel put dân kha adik lo, eng thil nge thleng tih hi min han hrilh thuai teh!" A ti ta hlap hlap a, hrep tak chuan engvânga ka hmela lo lang chhuak khanglâng nge maw anih chu le?


"I pa in Cornor kha athih tawh thu a sawi." Ka ti ta nge nge a.

A phu zawk, amengbial kawl kawl a, "Nilo, nilo, hei chu thudik anilo tiin min han hrilh hrâm teh!"

Babe pawi ka ti lutuk, chu chu i pa sawi dân ani miau si alawm."

Lungchhe zet hian a ṭap chhuak ta a, thlém ngaihna ka hre hauh lo, a bulah chuan ngawi reng hian ka ding rún reng ringawt.