INTOXICATE CHAPTER 13 LAST CHAPTER.

INTOXICATE CHAPTER 13 LAST CHAPTER

BELLE....

"Kha sumdâwnna tenawm zet khan engtikah mah hian min thlah dawn lova.

"Mahse a tâwpah chuan, hna pakhat ṭha deuh mai hmu in, kha hna kalsan na hun ṭha tak kha ka hmu thei ta a ni."

"Oh i bânsan tawh takzet tihna maw?" Ka la ti hrâm a.

"Nakinah Assistant  Managing Director thar Marshall Enterprise ah i la hmu mai ang."


"I ti tak tak em?" Ka au deuh chul a,chu thil ngat phei chu ka rin loh lam tak a ni leh zual.

"Engtin nge kei hian chung thil chu ka lo hriat loh theih zawk chu le?"

"Tim min hmu turin a lo kal a."

"Oh a ti a maw?"

"Aw, ka bulah rawn kal in , a vahnu chuan min hmangaih zia thu leh he thil hi ka ti fel fai thei a nih chuan, hna pakhat ṭha tak thawh tur min  offer ta a lawm."

"Ka awih thei lo ." Ka la ti fan a.


"I awih theilo tih chu a chhe lampang zâwngin nge a ṭhalam zâwng in?" A nui pah suk bawk a.

Harley lam chu ka pan hnai a, " Ka tân chuan chanchin ṭha tak a nireng fo ang."

"Chuan Harley ka hmangaih tak zet che."

A bân tha châk tak mai chuan nghet zet hian min lo kuah ve a,
 Kei pawhin chu ti a nih chuan, I tân chauh kha suit hrep kha ka rawn ha ve bawk a."

Mak ti zet hian ka melh  a, a inthuamna tih danglam a tum lam pawh nilo in, ka tan maw a rawn hak a? Ka hlim zual sauh. "Mahse kha suit khân a ti lang pa che in,  mipa thil tithei takah a chhuah che a sin." ka rilru dik tak chu ka hrilh ve a.



"Babe thil réng réng hi a chanve chauh hi ṭhat loh châng a awm ve ṭhin a nia, tûnah chuan ka bulah i awm tawh  a, engkim hi a full in a ṭha vek tawh a nia." ka chalah chuan duat zet hian min fawhsak leh vang vang a.


Chumi hnu ah ka hmui ah chuan  fâwp leh zauhin, "Babe hotel lamah khân kan kîr leh tawh dawn mi niang, Breakfast te pawh kan ei anga?

Aw tihnan ka lu ka lo bu nghat a.

Hotel car chhûngah chuan kan lût dûn leh ta a.


Kalkawng a kan tlân chhûng zawng chuan, Harley awm ah beiin, rilru engthâwl zetin ka awm, hetiang ang reng reng a hlimna ka tawn leh pawh hi ka inring pha ngai lo.


Hotel kan thlen hnu chuan, hlim zetin breakfast eitur chuan inhma tawn chiah in kan ṭhu dûn a, Harley chu va melh zauh pah chuan,"Harley thil pakhat zawh tur che ka la nei."

Harley chuan a bread toast kara a artui kan dah pahin, a keih zauh a, ,zâwi muang hian, "Aw sawi ta che." a rawn ti a.

"Engvângin nge drugs a sumdâwn na kha i khawih chhan?

"Pawisa vangin," ti a sawiin a hma a coffee chu a in leh zauh a.

"Pawisa vângin maw?"

Diktak chuan, pawisa vângin mi pângngai tak tu in nge chutiang sumdâwn na hniam zet mai chu khawih duh teh lul ang ni!

A thusawi chu chhun zawm lehin, "Ka pa in ka nu a kalsan hnu khân , ka nu chuan hna pângngai a hmu thei silo a, a theih ang ang chuan hna hrang hrang thawkin kan ei ve ṭâwk ṭâwk a ni mai."

"Ti chuan kan tla chhe ta tial tial a, hna ṭha ka nu chuan hmu hek lo, ka nu in bank a pawisa a lo khâwl ṭhat ve chhun pawh kan ei reilo kher mai."

"Ti chuan kan in chu kan chân a lo ngâi leh ta a.Chu tiang thil thlen tir chu ka thei ta lo a...."

"Chu lo chu hna thawh tur i hre hlawl lo tihna mi?"

"Aw, chu tihlai chuan ka la naupang ém a, hna dang han ngaihtuah tur leh rang tak a pawisa lâk luh dan  ka hre mai lo a ni."

"Chuan pawisa pakhat mah neilo in, tleirâwl kum 13 mi chauh nita la, thlantur i hriat bîk ka ring lo. i chhûngte'n chénna in nei lo dawn ta bawk ang se."

 A hmel chu hmuh thei khawp hian a rum nghal a, hun kal tawh hnu a ngaihtuah kir leh a ni ngei ang."I tân chuan hrîatthiam a harsa viau ang tih pawh ka hria, khatiang dinhmunah khân i din ngai dâwn loh a vângin.


"Harley a pawi ka tihpui lutuk che."

"I thiamloh na pakhat mah a awm hlei nem Belle."


"Nih leh Hiro kha lé?" Kha pa kha a thi chiang viau ang tih chu ka hre reng, mahse Harley hnen a ṭanga a thih choan zia hriat lrh reng reng ka duh a vang chuan ka zawt nawn leh kher a.


"A phutâwk chiah a hmu a nih ka ." Thinrim awka zet seh chilh deuh tak hian a ti leh hmuk a.


"I that tihna a maw?" Kha zana thil thleng rap thlak tak ka tawn kha chiang takin ka la hre reng,  ka bula mipa duh zet mai ding hi khatiang thil kha ti lo turin ka duh ngawih ngawih bawk.


Dawh theihloh hmel fe hian,"Babe nangmah tina tu che chu ka that zel ang ." A ti nghet leh churh a, a hmelah pawh chuan a ti takzet tih chu ka hmu thei!

"Ka ngaih dan chuan ka lawm ni in ka hria." ka lo tihkhum ve nghat a


Breakfast kan ei zawh hnu chuan, ka hotel room luah lamah kan inzui lût leh a, engmah tilo in khum ah chuan kan mu dún mai mai a.


Harley lam chu va hawi phei pahin, " Hetiang hian kum tluanin awm thei ila ka ti rakzet." ka va nuih var var a.

"Kei pawhin ka ti a sin Babe!" Mut chhuak aw zet chuan a lo ti ve sup a.

"Harley?"

"Yeah!"

" He thil hi i ngaihtuah ve ṭhin hrim hrim em, ka tân i thawk dâwn a ni tih hi?"

A tho chhuak  zawk, a mit menga maktihna a khata mi en chung hian," Eng maw?"

In chhuan khum hmel zet a ka khbe poh âr pah chuan, " I la hre reng em thurochhiah chhiarchhuahna ah ka kal tih kha?"


Ngaihtuah mûk hmel zet a mitmeng zîmsan pah chuan,muâng fe hian, "Yeah." a lo ti leh a.

"Chu ti a nih chuan, Marshall Enterprise a share nei hnem ber chu keimah hi ka nia."

"Tûnhma khân i lakah phuba ka la ang tiin ka lo intiam ṭhin a, hei tûnah chuan Tim zarah i chungah phuba lâkna hun remchâng zet chu ka nei thei dawn ta a nih hi!" Awm ze nei fe hian ka melh a.

"Chuan i boss pawh ka ni dawn bawk a...." ka nuih khum rah rah a.

Beidawn hmel zet hian thawk a la ri hrawih a, "Min tih der a ni ti raw?"

"Nope." thawven hmel fe a lo chhângin, "Mr Dean ka  thupék te chu ṭhatak a i zâwm ngei pawh ka beisei....."


"Chu zâwng chu maw?"

"Yep!"

A rawn che chhuak thut a, ka chunga rawn bawh pahin, ka mitah tak chuan chiang zet hian min melh chhuk a,"Baby hna thawhna lamah chuan ka Boss i ni maithei e, mahse khumah erawh chuan, engtiklai pawhin kei hi boss ka ni reng ṭhin ang." ti a sawiin ka kapkarah chuan a rawn tlazep ta nghâl a.

"Tiang reng a nih dawn chuan kan chéngdûn thei khawp ang, chuti a nih dawn chuan Kan in rem a nimai lâwmni Mr.Dean?" Ka mit ko ka san khum pah âk a.

"Aw kan inrem a ni mai e, kan thinlungah hian kan sign dûn tawh mai dâwn nia." ti a sexy zet a min rawn nuihsuk leh hnu chuan, a rawn che zui ta salh salh a.

 Keipawh nawmna na mén loh chuan min tuam ṭan leh ta hlup hlup a, Harley hming chu ka lam ve pah sap sap bawk a.

..................................................................

AFTER TWO YEARS



Harley nen kan inneih ni chu a lo thléng ta a, Harley chuan a best a tân Jake a hmang a, keiin Ally  ka hmang bawk a, ti chuan kan pahnihin priest hma ah inneih thutiam chu kan chham dûn ta a, chu mi hnu chuan lâmna hun te neiin chu mi ni chu ka damchhûnga ka theihnghilh leh tawh loh tur ni hlimawm tak ah a châng ta a ni.
..................................................................



1 YEAR LATER

Harley chuan kan fanu chu a lawm em em a, engtik lai pawh hian a pawm chawt reng a,zanlam ah ṭap se a mah zâwk zâwk chu a room lama tlân phei hmasa ah a ṭang ṭhin!

Monday zîng a ni a, Harley chuan kan fanu Bayley kan nupa hming chawi a a hming kan sak thlakhat mi lek chu pawmin, "Good morning Bayley." A lo ti a, nuih chhuah sak pahin, an pafa bul chu ka va thleng phei ve nghal a, "Harley office i tlâi palh a nge," ka ti zauh a.

"Ka ngai pawimawh lo, heti hian niléng a kan fanu thlir reng mai hi ka duh! "

"Kan fanu in min chhun zia hi i hria em?" tihpah chuan a hmel a zâidamna a khat chung hian min lo en ve a.

Men kual khum ralh pahin,"Ka hria a lâwm."

"Belle hetiang chiah hi kan neih belh leh a ngai ang." A aw a thu tak hmel zet chuan a ti leh sup a.

Ka phuzawk, Harley hian a ti tak tak tihna em ni?  "Damn Harley hun te  min pe ve phawt la mawle, Bayley lah kar tam a la nilo tih pawh i hriat reng kha."


Thutak zet mai hian ṭawng chhuak lehin, "Ka ngaihven lo, a chhang tur ka duh leh." Ka biangah min rawn fâwp zauh a, Bayley chu a bâwmah chuan mut let lehin, office kal tur chuan a chhuak ta a.

..................................................................


10 YEARS LATER
YES TEN YEARS HAD  PAST...

Harley bulah chuan ngûi zet hian ka ding a, ka thil hriat chu ka awih theilo kher mai, hreawm ka ti a, vanduaina hian engtik lai mai pawhin min umphak reng ni a hriatna ka nei bawk. He khawvel ah hian engvangin nge hetiang hi ka tawn reng bîk?

Harley chuan min hnem ve mawlh mawlh a, mahse tun dinhmunah hi chuan ka pasal min hnemna pawh ni se, ka ngaithlak theih tak tak pawh ka ring lo." Babe khatiang khan hlimlo zet chuan awm teh suh! Doctor pawh khan a sawi dik kher ka ring hauh lo ...."


"Nilo Harley kum sawm a ni tawh, Bayley lo chu fa dang kan neih leh hi ka ring tawh lo tak zet. Ka mittui chu ka biangah chuan a luang thla ngiai ngiai a.

Harley chuan thâwk lak hawk pahin, ka hmazâwnah chuan a rawn dinga, "Baby min en teh!  ka  kun ngâih chu a kut nel thup chuan, ka khabe ah a rawn dâwmkâng a.

"Doctor in IVF kha a thawk lo ti mahse a thu a nitlat lo, naute kha i pumah a lo thisa reng tawh pawh a ni thei a sin, lungngai duh suh!  keini pahnih hian fa chu kan la nei leh ém ém ang." tih pah chuan duh thawh zet hian min hnemba ni awm zet chuan min fawp leh a.

Ka mit tak ah chuan en chhuk leh siahin, "Min ring rawh héng a vâng hian i rilru ti hnual duh hauh suh! A ṭha em?"

Ka lû ka lo bûk khum nghat a.

"Hna ka tlâi leh dâwn tak ngial !"ti hlur chung chuan, "Bayley ka tlâi a nia." kan fanu a room a insiam mék chu a âu a.


Bayley chu a room a ṭang a rawn chhuah chhuakin, a phun pah nang nang a,kan bul a lo thlen chuan, "Harley chuan a hun hrep tawh e, " a lo tih khum hrâwk a, Bayley chu rum zet hian a melh khur bawk a.



"Dad in bengdâi teh! Ka sam ka siam lawk a nih kha." a lo ti chûl.a.

"Bayley kum 20 nilo in,kum 10 chauh i la nih kha, ke a kal i duh loh chuan, ka car ah lo va lût rang rawh ."

"Bye mom tih pah chuan, Bayley chuan min rawn kuah zauh a.

Lo kuah lét ve pah chuan, "Sweetie tlâilam ah ka hmu leh dawn nia." ka lo fâwp ve zauh a, Bayley chu a pa car awmna lamah chuan a phei ve ta nghâl a.


Harley pawh chuan ka hmuia rawn fawh leh zauh pahin, "Office lamah kan in hmu leh dawn nia." A mit min siai khum suk a.


"Nilo, Harley vawiin chu office ka rawn kal theih ka ring lo, inlamah ka lo thawk zawk a nge."

Mi meng nûr khum deuh nâwng chung hian, a chhan hriat tumin min melh vang vang hnu chuan, " A nihleh tlâi office bânah kan inhmu mai dâwn nia." tiin a kal chhûak ve ta nghâl a.

Ka rilru hreawm lutuk chuan office lam pawh min ngaihtuah tir theilo, khatiang thu hriat tawh leh lek hnuah phei kha chuan eng tihmah ka phur thei tawh lo.


Vawiin lam chu ina tawm tlawk tlawk mai bak a chak ka nei lo.
..................................................................


ONE YEAR LATER...

Harley sawi ang ngei chuan kei pawh ka raipuar leh ṭeuh tawh a, Harley nen chuan kan hlim dûn thei hle.

A chhan chu fa nei thei tawh lo tur a in ngâi khân ka pâi leh a miau vângin.

A hma kha chuan kan nupa inkar pawh a ṭha vak lo a, mahse nupa inhauhnan em em leh inhmuh thoamloh phah nan kan hmang ngai chuang lo, doctor hnen a ṭanga kan thu hriat thla thum hnu deuh lawkah chuan ka rai tih kan hre chhuak nghal a, khami ni tluk a kq hlim pawh kha a la awm ngai lo ang.

Kan company pawh a ṭhang nasa tawh hle a, a chhan chu Harley leh kei mahin a kan theih tawka kan enkawl a vangin, hmun hran hranah company kan hawn belh zel a, thawk tu pawh kan ngah a, Tim leh a fapa leh Barrett te ngei pawh tunah chuan an awl hman bik tawh lo, mahse Barrett family kan ṭangkai pui ang tluk chuan Tim family erawh kan ṭangkai pui thei tak tak lo.


A chhan chu ka nu leh pa damlai a ṭang tawh khan, ka patea chu an awi deuh ṭhin kha a lo ni hrim hrim a, chuvanga ka pu te pawh in a company hi ka pa kuta dah an ni, Tim fapa pawh chuan a pa a rawn chhun fuh viau a, office kal ṭhat tak tak a nei lo. Engkim mai chu Harley kutah vek a awm.a, keilah ka nau neih hun a hnai tawh bawk nen, inlamah bak hun ka hmang thei tawh bawk si lo, helai hmuna engkim mai chu Harley kut a ni.


Harley chuan phone ah mi a be mawlh mawlh a.

"Yeah naktuk zing ah flight in ka rawn thleng nghal ang." aw flight hmasa ber nan ka lo tum dâwn nia tiin a phone chu a dah ta a.


Thinrim zet chuan ka pasal chu ka melh râwm râwm a.

"Babe khatiang kha chuan min en lo teh!"

"Rawn be tu che kha Tim a ni ti raw?"

"Aw, naktuk zîng hian NewYork ah ka thlawh a ngaih hmel khawp mai, a chhan chu meeting a awm a, nang lah i kal thei tawh bawk silo!"

"Harley nauté pian hma chu khawiah mah min kalsan dâwn lo tiin min tiam a ni lâwm ni?"

"Babe ni reilo té chauh a lâwm ni dâwn, chu mi hma chu i lo neih hman hauh ka ring lo."

"Ti chuan, meeting zawh veleh flight hmasa ber ah ka lo kîr leh nghâl ang."

"Mahse naktûk ultrasound neih ni  a ni tih kha i hria em?"

"Babe ka hria a lawm,  Ka tiam a che a leh pek ultrasound ah chuan ka awm tawh ngei ngei ang."

Ka hmél chu a ngui rawih rawih hian ka hria, ka lung te chu a chhe mah zâwk, ka pasal buai lutuk tawh leh sumdâwn na lam a Tim in a ring leh lutuk hi chu, ka thin te pawh a rim ru ṭeuh tawh.


"A pawi lutuk Babe, mahse tûnṭum ber kher hi chu contract lian tak a ni tih pawh i hriat kha...." tihpah chuan ka chalah a rawn fâwp leh zauh a.


"Ka hria a lâwm," tihpah chuan ka  chhîng vang vang a, ka thinrimna te chu ka pasal buai tak bulah hian ka tilang tur a ni lo, kei pawh a hma khan ka buai viau ṭhin a nilo'm ni? Mahse chutiang thu ngaihtuah chung pawhin Harley chu ka bulah a awm tam tawklo tih rilru chu ka pu tho tho. men chhuah leh pahin, "ka mu dawn." ka ti ta nghat a.

"Sâwm ka ni ve em?"  a hmui sexy zet chuan min kiai khum suk a.


Hmél la ngûi zet chung chuan ka melh chho a, "Hun i neih i ring chiah maw?" Ka ti ve leh sap a.

"I tân te chuan hun ka nei reng ṭhin ang."  bed room lamah chuan min kâi lût ta a.

 A FEW DAYS LATER...


Zîng ka tho Harley chu kan dining chair ah chuan ṭhu in breakfast  ei mawlh mawlh hian ka va hmu a, ka hlim.nghal sawt, a awmloh chuung khan kan fa tur pawh mipa nge hmeichhia a nih tih pawh ka hre tawh a, khami ni khan a zin a vangin ultrasound ti turin min kal pui theilo a, kei pawhin.ka tih tawh hnu ah kan fa mipa nge a nih hmeichhia tih hrilh turin a lo haw kher ka nghak ran bawk.

Min hmuh veleh chuan, min rawn nuih suk a, a bulah chuan ṭhuthmun ka rem ve nghal a, ka break fast tur chu Lola chuan a rawn chhawp ve nghâl bawk a.

Harley chuan aw rawn then deuh khurh pahin, " Nizân NewYork a ṭang a ka rawn thlen khân, i lo muhîl tawh a ka ti harh duh ta lo che a nih kha." a lo ti pah sup a.

"Mmm." ka thil eilai chu ka ei mawlh mawlh a.

"Ka kal hlân khân min ngaih a vang hian i lo â ṭép hial lo maw ? " min lo fiam pah zauh a.

"Nope." Ti in ka chhang leh khauh a.

"A nih leh ultrasound chu a chan chin chu le?

"A,ṭha e."

"Chuvang té chauh chuan maw, hmanhmawh zet a ka rawn hâw chhan?" A ner pah sawk a.

"Naute chu  mipa nge hmeichhia a nih tih pawh ka hre tawh bawk a."

Tak tak maw?" A maimitchhing ve vung vung a, a rawn men chhuah leh hnu chuan a nui chhuak ta suk a.

"Mipa nge hmeichhia tih min rin tir dâwn em?" A rawn ti ta sup a.

"Okaty,  han ring chhîn la! Tiin phur zet hian ka lo melh ve a.

"Mipa a ni em?"

"Aw,i ring dik e."

"Yes ka ring dik!" a ti chhuak hlut a.

Ka lo nuih ve sak a, a awm dân naupang chhia lutuk leh atthlak zet chuan ka nuih a ti za kher mai, ka  nui dîr char char hial a ni.


Ka nuih kiah kiah hnu chuan Insûm hrâm hramin, "Pahnih ngawt leh nghal maw le." ka pasal duhawm zet chu ka melh a.


"Maw ? " a,rawn ti leh hû a, a hmél a mak tihna zet mai lo lang chuan ka nuih a lo ti za leh khawp mai.

"Pahnih tih awmzia chu mipa phîr kan nei dâwn tihna a nih chu tiin hlim zet hian ka lo hrilh leh a.


"Min tihder hial lo maw ?" A lo ti ve dûi a.

A âwma va bei hnâp pahin, "Nilo, ka ti takzet phîr an ni e."

Duattaka min lo kuahlét ve chung chuan, "Fa dang nei leh turin kum sawm zet kan nghâk dûn a, mahse hei tunah chuan, phîr kan neih dâwn ták hi, kan panih ah hian engmah a thleng dik theilo ang." phúr zet chuan a ti chhuak a.


.................................................................


ONE MONTH LATER....



Harley nen chuan naute chu pakhat ve ve a pawm dûnin, "Honey tûnah chuan kan chhûngkua chu kan siam zo ta e." ka pasal chu duh zet leh hmangaih ngawih ngawih chung hian ka melh a.


"Ka hrelo le Babe, ka la chiang chiah lo." min rawn nuih suk a.


Mak ti zeta melh kaw kaw chung hian, "Nilo, a thleng leh tawh lo ang! naupang pathum hi a tâwk tawh." ka tih khum nghat a, ka lawm lo viau bawk.



"Khatiang khân an sawi ngailo!"

"Kan la en ang chu Mr Dean."

"I love you Mrs Dean."

"I love you too Mr Dean," ti ve in, nau te chu an bâwm ah kan mut leh a, kan pahnih a inhmachhawn tawn siah a ding chungin duhthawh zet leh inthlahlel zet chuan kan in fawp dun ta vawng vawng a.

Tunah chuan chhûngkaw hlim tak kan lo ni ta.

            THE END


FAKNA MILEM KHA MIN LO HMEH SAK LEH ṬHEUH DAWN NIA, CHUAN SECOND SAWM VEL LEK KAN NGHAK VE ZEL BAWK DAWN NIA, NAKTUK ZAN A ṬANGIN TESPNAYA REAKSIYA LOST SEASON III KA RAWN DAH ṬAN ANG.