SEDUCTIVE S II CHAPTER 6

SEDUCTIVE S II CHAPTER 6

Fakna milem awm kha pakhat zawk zawk khawi emaw berah khan hmetin second sawm chhung vel lek kan nghak ve hram hram dawn nia.

ELEANOR.....



"Wesley Cooper ka tia nia." Ka pi hmel chu mak tihna a vangin a ka deuh hiau a, "Grandma i ṭha em?"


A zam ve deuh nge ni khawdang a melh ta daih a, eng thil chiang nge thleng pawh ka hre thiam bik lo.

"I landan kha a mak lutuk." Ka ti leh sap a, ka pi ngawi reng mai chu nidang ang hian ka hre hlawl lo.



"Eleanor....Thil eng emaw hrilh tur che ka nei." Hnuailam a melh pah raih a.


Chutihlai tak chuan kawngka an rawn kik ta karh karh a.


Ka pi nen chuan chu lam chu kan hawi phei dun nghal a, ka rindan chuan nurse emaw ka pi rawn en tum  doctora nih ka ring ber a, mahse kawngka a rawn inhawng a a chhunga rawn lut chu ka ṭhianṭha tak Sam zawk a lo ni a, "Ka rawn tihbuai che u a vangin pawi ka ti lutuk." Tih pahin kawngka chu chhunglamah a khar leh nghal a, kan lo awmna lam chu tlema rawn hnaih hrat chung hian, "Eleanor, reilo te kan inbe lawk thei ang em?"



"Yeah."

A lamah chuan ka phei ve nghal a, "Eng nge ni ta?"


"Engmah in hrilh lawk pawh awmlo a ka rawn luh tawp a vang khan pawi ka ti tak zet." A nui sak a, "I pi nen inawm ang tih pawh rin ngaihna ka lo hre lo a, mahse ka thil hrilh tur che hi a hmanhmawh thlak bawk si a."


"A pawi reng reng lo." Hetiang anga ka ṭhianṭha tak mai leh ka neihchhun ngawih ngawihin min hmuh hi ka duh lo.



Hetiang a ka pi nena hreawm tak tawrhna a pawi atih zia thu ka laka a,sawi hi ka duh bawk hek lo, amah erawh diktak chuan kei pawhin hreawm ka tihna te chu ka thup thei bik si lo.



"Press ho hi a lawm, an á leh lutuk...." ka beng bulah chuan a rawn ti sa sa a.


"Press ho maw?" Ka phu deuh zawk, ka pi room kawngkhar chu namhawngin Sam chu ka nawr chhuak a, kawngkhar ka khar leh hnu chuan, "Engtin zel?"



"Tunah hian Wesley pawhin NY a rawn thleng ve chiah, hmuh che a duh thu a sawi a, chu chu Tommy hnenah sawi in lo hrilh tur che in a ti a, pawn lamah kan car a awm sa a, i duh chuan kan rualin ilo kal ve thei ang."



"Press ho chungah chuan eng thil nge thleng leh ta?" A ngaihna hriatloh hmel zet hian Sam chu ka zawt a.


A ṭawng leh hma hma chuan ka rilru a awm chu ka sawi chhuak nghal phawng bawk, "Wesley nen hian kan inkawp tak tak lo tih an hre chhuak tawh tihna mi?" Hlauthawng zet hian ka ti chhuak a.


A lo nui tat tat a, "Chutiang lam chu a ni chiah lo.... a mah ngei in a la hrilh dawn che nia."


"Rawn kal nghal tum la a ṭhat ka ring, i pi chu naktukah i tlawh leh mai dawn nia, pawnah ka lo nghak ang che." A tih hnu chian min kalsan ta nghal a, ka pi room kawngkhar chu ka namhawng leh a, a bulah pheiin, "Grandma thil eng emaw tihfel lawk tur ka nei a, ka kal mai angai ang." Ka chal ka dawm.pah zauh a, ka pi chu tia han kalsan leh mai pawh chu ka hreh ru kher mai.


A ni chuan min lo buk khum nghat a, min nuih sak bawk a, "Mahse ka kalsan hma che in ..... eng maw min hrilh i tum kha?"



"Ngaihtuah duh suh, nakinah kan la sawi dun leh dawn nia, in enkawl ṭha ang che aw Elo."


Ka pi chu zu kuah zauhin a chalah ka fawh sak a, "Goodbye." Ti a phun sapin ka kalsan ta a.


Pawn ka va chhuah chuan chanchinbu mi ho chuan camera an lo hmet de leh hmanhmawh tawh, Sam chuan min lo hmuh chuan an car awmna lamah min kai phei nghal thuai a, hmangmawh zetin car chhungah chuan kan lut ta nghal a, chanchinbu mi ho chu an indaih ka ti kher mai, an ei zawmna ve a nia, ti a ngaih zam erawh ka tum hram hram thung !



Car chhung kan luh hnu chuan Tommy pawh a lo awm sa a, kan inhma chhawn ran hlawm a, Tommy chuan driver hnenah kal tura a tih hnu chuan ka lam a rawn hawi a, a aw then khurh pah chuan, "Eleanor Wesley close friend ka nih angin buaina lakah inhnamhnawih a duhloh zia pawh hi ka hria a, mahse nang pawhin a hringnun hi a khirh sa ve hrim hrim tih pawh hi.....i hriat ve tawh tho ka ring."


"Yes, ka hria a lawm, mahse chu thu chu engvanga min hrilh nge i nih?" Ka kut chu ka kuangkuah hlan a.



An pahnih chuan eng emaw tak hriat an nei a ni ngei ang, an ngawi dun ran a, an awmdan pawh a dik hauh lo.


"Sam, Tommy eng thil nge thleng?" An awmdan chuan chuan ka ngaih a ti ṭha hlawl lo.


"I love life kha i theih ang tawk a private a dah tur i ni a, chu pawh i hriat chian hle,tawh ka ring."



Phawk zet hian ka meng a, ka hmui pawh chip na chang hre lo in Tommy thusawi makti zet chung hian ka ka hiau mai bawk a, "Eng....nge i thusawi awmzia chu?"



"Paris a i photo ṭhen khat a rawn luh vang a nia, hmel hriat loh public hmunah i fawp ni awm tak a ni."


"Kha thil kha private takin ti ni la chu engmah a thleng tur hi a nilo a, mahse chutia tilo chuan public ah i ti a, Wes ngei pawh i sawifel pui a ngai ang." Tommy chuan a ti ta a.


Ka ṭhutna aṭang chuwn ka ding deuh zawk a, ka inbeng dai leh vat a, car tlan lai a nih a vangin ka tlu ṭhelh, ka ṭhu leh dawt a, kha picture min lak sak tu kha ka la hre chiang khawp mai, khualzin mai mai in ka thla min lak sak emaw ka tih kha chanchinbu mi lo ni lek chuan....

"Jeez....." ti a phun chhuak sap in ka chal ka dawm pah ngaih a, ka heh ka pet pah zauh bawk.



"Wesley chuan a hmu tawh ang em?"


"Ka ring."


"Tunah hian he thil hi mipui ti ti ber a ni rih a, a hma ang khan Wes nen press,hma ah in sawi fiah leh ngei a ngai ang."


"A atthlak hle mai, in fawh mai chauh a ni si a." Ka mit ko ka san pah zauh bawk a.



"Kan hria a lawm, mahse i hriat angin midang sawi duh zawng tak a nia."



"Chuan in chan chin a chhe lam zawng a sawi chu an thil chak ber a ni ang chu, he in relationship tih chhiat sak nan che u hian i rinloh khawp khawpin thil pawh an ti duh ang."


Tommy chuan tukverh lam chu a hawi pah zauh a, "Kan thleng ta e." A ti a, car chu dingin kan za vai chuan kan chhuk ta hlawm a.


Kan piah hla vaklo ah chuan Wesley chu press mi nen a sport car manto hmel zet mai silver rawng bulah hian  a lo ding run tawh a, a lamah camera a de sup sup bawk a, "Mr.Cooper Parisah khan nagman i nupui hual hi i hruai a ni lo'm ni, eng intih thiamlohna nge in neih a, i nupui hual hian mipa dang a fawh rik ngawt chhan, he thlalak hi i lo hmu ve tawh ngei ang a, eng angin nge i ngaih?" Tih chu an zawhna a ni.


Mahse Wesley chuan chhang tum hmel pawh a pu lo a, a hmui a chip hmak a, a mit meng vawt ruih chuan kan lam rawn hawiin nelawmlo zet hian min rawn melh leh ta nghal a, chu thil chuan min ti zam kher mai, Wesley kan lam a rawn hawi chiah press mi pawh chuan kan lam hawiin an camera te chu an rawn hmet de mawlh mawlh nghal a, security guard te chuan Wesley chu an lo veng pah bawk a, mahse an tam em a vangin rei erawh an dang thei hauh lo ang le.



Kan lama camera an rawn hmeh det nasat em a vang chuan ka mit te a vai rum rum hian ka hria a, ka kawhmuh pawh a phe vek, Wesley lo dinna lam chu kan pathum chuan kan pan phei a, kan thleng chiah, Wesley ti a ri lo a lam in a mah chu ka melh ve a, a mitmeng vawt ruih vur ang mai a min enna chuan min ti zam chiang hle, ka kut chu ṭul loah ka nuai deuh nak nak a, awm dan tur chiah pawh min ti hre lo.



"Good Tommy, min puih a vangin ka lawm e."


"Eleanor min rawn zui rawh." A car awmna lam a pan hnu chuan thawm chu a reh nghal duk a,  chanchinbu mi ho pawh an reh nghal duk, a mah chu mak tih hmel zet hian an en a, mak an ti a nih loh vek pawhin an mahni kai hruai tu ber en in an en a ni maithei bawk.



Wesley hmel lan dan ah chuan danglam hlek pawh hmuh tur hi a awm lo a, a thutak run reng ni hian ka hria, chanchinbu mi ho lakah chuan eng thil nge thleng tih pawh a ngai pawimawh lo tih hi a hruat hliah hliah a, chung thil chuan a tibuai miah lo angin a lang zawk ni hian ka hre bawk.


A car chhunga ka ṭhut luh ve hnu chuan thawk ka la raih raih a, kei erawh ka hmel chu a dang var deuh pap ka ring, Wesley chuan car chu a ti nung a chu hmun chu kan chhuahsan ta nghal a, thil eng emaw tak sawi chhuakin ka chungah a ân chhuah tawn tawn ka ring a, chu mai pawh nilo in thinrim zeta ka mawl zia thu min hrilh ring tak chuan ka lo inpuah ve bawk a, mahse kan tlan chhung zswng chuan eng thu mah a sawi chhuak lo hrim hrim, chu chuan hre awm min tih tir a, a hmel chu chik zet gian ka en phah hial bawk, a lam chu ka va hnaih chilh deuh hlek a,


"Wesley..... ka...."

"Kha photo chung chang thu kha hrilhfiah che ka duh." Ka ti chhuak ta hram a.


Ka hmel pawh rawn en chuang lem lo hian, "Its okay Eleanor." A ti sup a.


Thawk lak rik hawk pah hian, "Ka lakah engmah insawi fiahna bat i nei lo, chuan he kan pahnih a relationship siam chawp hi a tawp vat tawh tho dawn a, chuvang chuan he thil hi chu tunah a pawimawh ber lo."



Hnuai lam ka melh pah raih a, a thusawi chu pawm har ka ti hle bawk, a ni hi ka lak a ṭanga kal tir chu ka duh tak tak em?


Ka hlimna chauh a duh a nih chuan he naute ka hmuh hian ka hlim tak tak ang em, nge vawikhat hlimna ral leh ang chi mai hi a ni zawk dawn?


Chu thil chu ka zawhna a nilo theilo, Wesley tello hian ka hlim thei tak tak ang em? Tih hi ka nuna thil pawimawh tak chu a ni tlat tawh, mahse tunah erawh a ni chuan mi kalsan thuai thuai duhna rilru a pu tawh si a, "Khawiah nge kan kal dawn?" Ka ti leh sap a.


"Rei tak chhung flight ah chuangin ka rawn thleng ve chauh a, ka ril pawh a ṭam viau bawk, thil eng emaw ei dun phawt ang."



"Chuan thil eng emaw hrilh tur che ka nei hrim hrimbawk a." Ti in awka zang vah hian min chhang a.



Buk deuh nghat pahin, tuk verh lam chu ka hawi ta daih a, kan inbe leh tawh lo.


Rei vaklo hnu ah chuan Wesley chuan a car chu ti dingin a park nghal a, car a ṭang a chhuah chu a rual a, kei pawhin a hnungah ka zui ve nghal bawk, kan hma lama restaurant changkang zet lo awmah chuan min luh pui a, waitress in min lo hmuh veleh chuan, "Welcome Mr.Cooper." nui sang hian min lo chhawn nghal a.



Wesley erawh a nui ve hauh lo, a hmel chu a thu tak run thung a, chu nu nuihmel chu a hai der sak hmiah bawk, "Private room min lo pe ta che."


"Yes sir." Chu nu chu a bu ve nghat a.



"Eleanor eng nge i ei duh ang." Ka lam pawh hawi lem lo hian a rawn ti a.


"Eng pawh.... ka ril a tam vak lem lo a."


"A tan menu to ber kha rawn lak sak la, ka tan a pângngai i rawn la thung dawn nia."



"Tehreng mai sir, kan rawn ti nghal dawn nia, khawngaihin helamah hian min lo zui dawn mi niang, ka partner in private room awmna a lo kawhhmuh dawn che u nia."


"Khawiah nge a awm tih chu ka hria e." Wesley chuan a lo ti nghal a.

Chu nu chuan min buk khum nghat a, a kal sawn ta nghal a, Wesley chu a kal sawn ve nghal bawk a, keiin a hnungah ka zui ve dat dat bawk, a landan a ṭangin he restaurant chang kang zetah hian a kal fo ni in a hriat reng, a chhan pawh a kalna hmun tur chu a hria a, khawiah nge private room a awm tih thleng thlengin a hre chiang hle bawk, room pakhat chu a nam hawng a, oak thing a ṭanga siam dawhkan sei puan sen duk in phah zan mai a chunga candle in chhi eng sap sap hi ka va hmu hmasa ber a, ṭhuthmun kan rem dun hnu chuan chu hmun chu ka melh kual ruai a, bang velah chuan lemziak hlut hmel zet zet, manto hmel tak tak hi a intar thluah a, cup board pakhat awm in chutah chuan bungraw to hmel zet zet leh wine glass nalh tak tak a awm bawk a, light man to hmel zet mai hi dim raih a inchhi tel bawk a, a hmun hrim hrim chu a lang romantic raih bawk.


"I message kha ka lo hmu a." A rawn tih takah ah chuan a lam chu ka hawi phei nghal a, kan pahnih chuan kan in ṭhut hnaih deuh mah mahin ka hre bawk.


"Naute chung chang chu sawi tawh ang le." A ti leh sup a.


"Naute maw....oh tehreng mai." Naute lak lampang pawh ka rilru ah a lo awm leh tawh lo, Wesley chuan min hriat chhuah tir leh chauh.


Thil tlem te ah chuan min biak a la duh ve a lawm le, mahse a bik takin....eng thil nge kan neih chuan? Kan pahnih chauh a relationship, hmangaihna leh inhuat na, chu zawng chauh chu a ni e.


"Naute hming a tan eng nge kan vuah ang tih kha i thlang fel tawh em?"


"Aih, la thlang lo." Hnuailam ka melh tlat a, a hmel pawh chiang takin ka en ngam lo.


A mah va melh leh zawk chung chuan, "Hming ṭhenkhat erawh ka ngaihtuah tawh a, mahse i duh dawn em tih erawh ka chiang...."


"Min han hrilh teh?"


"Beatrice a nia." Zam zet chung chuan ka ti chhuak a.


"Engvang a chu hming chu i ti nge i nih chhan?"


"Well, ka lo hriat danin hemi hming awmzia chu french ṭawng chuan hlimna rawn la lut ti ni in ka hria a, chu vang chuan hming mawi tak ni in ka hre bawk."



"Okay."


"Okay a?"



"A lan danah chuan a ṭhat hmel khawp mai, chuan LA lamah in ka lei thuai bawk ang, chuan naute room tur ka ti fel nghal bawk ang a, chu tah chuan i duh hun hunah i kal thei bawk ang."


"Chu loah in chahbi spare i nei ve bawk ang a, a chhan pawh chu mi inchhunga zinga mi i nih ve reng dawn a vangin."




"Mahse..... engvangin?"


"Eng pawh lo ni sela, kan inhual lem lo a, chuvang chuan ṭha tura ka ngaih ka ti mai a ni, naute hian in tak tak a mamawh a, mahni chauhin ka enkawl duh hek lo."


Kei in kar tluanin naute chu ka awmpui ang a, nangin i duh a nih chuan chawlh hahdam nan pawh i rawn hmang ve thei tho bawk a, chu erawh thlak danglam theih reng a ni tho a." Ka hmel chu chik zet hian arawn melh vang vang phawt a, "Ngaihtuah duh suh, LA ah chuan i tan room tur a awmsa tho ang."



"Mahse kei chuan New York lama chen chhunzawm zel hi ka tum a .... hetah ka pi a awm miau a vangin."



"I pi chu i enkawl thei tho a lawm, LA lamah chuan awm turin ka ti lui hauh lo che."



"Chuan..... Los Angeles lamah chuan hna i thawhzawm tawh dawn tihna mi?"


"Aw, amhse tun thla zawh lamah erawh a ngai ang, tunah hi chuan business thil lamah hetah tih tur ka la nei rih a chu thil ka tih zawh hunah te pawh a ni ang chu."


"Chumi chhung zawng leh a hun a lo thlen hma zawng chu ka secretary ang a rawn kal chhunzawm leh turin leh i hna pangngai kha la chelh rih turin ka duh bawk che."



"Ka hre ...thiam e." Zam tak chung chuan ka lo ti ve sap a.



"I boyfriend kha....Arthur a ni ti raw? Chu chu a nilo'm ni a hming kha, a dik em?"


Arthur hming a lam ka han hre leh chiah chu min ti nghing dawt thei hian hian ka hria, chu hming a sawi chhuah danah chuan a thinrimna chu thup a tum hle hian ka hria a, a hming a lam lai tak phei kha chuan a sehchilh deuh hlek bawk, a ka aṭanga rik chhuah tir zen zen a duh lo tih a ti lang chiang hle bawk.



"Yes....mahse Arthur chu ka ṭhian chauh mai a nia."


Kar reilo te hnu ah chauh tu nen pawh i chhuak a ni emaw private emaw public ang pawhin ni sela, tun ṭumah erawh hi chuan nangmah nen a kan thil tih kha reilo te chhung chu i chhunzawm a la ngai dawn a, inngeih taka inkawp dun anga kan la awm rih phawt a ngai dawn tihna a nih chu, step hran kai tur pawhin boruak daih hun kan nghah zet phawt a ngai ang." Thawk a la hrawih a.


"Chu chu i hrethiam.ang ti raw?"


"Yes."


Kan thil sawi dun a ta lang chuan kan ei tur min rawn chhawp sak pawh ka ngaihtuah tawh lo a, a dai vek tawh ang tih hnu fe ah ka ei ṭan ve ta chauh a, ka thil ei lai chu a thu min hrilh ho chu ngaihtuah loh hram hram ka tum bawk.



Rei vak lo chhung chu kan ngawi dun leh vang vang a, mahse he thu "Wesley Cooper ka hmangaih che." a ri a ka sawi chhuah theih siloh hi sawi chhuak tur a tih luihna a min tur tu chhungrilah chuan a awm tlat, sawi chhuak ta ila eng angin nge min ngaih ang, min hmusit viau in ka ring, tun boruak ah leh lek phei chuan, chuloah a life a min sengluh tel ve hi a duh tak tak dawn em tih lah ka chiang hek lo, kei ngei pawhin ka life a ka mipa duh ber chu a ni hi a ni chiah em tih ka chiang thei biklo a ni.


Chuvang te chuan ka aw chu a ri chhuak theilo chauh zawk a ni e. A hmel chu ka melh ru zauh a, a hmel erawh a pangngai hle thung, hetiang thil tam tak a buaipui hnu pawhin pangngai takin a la awm thei chu a nia, diktak chuan business man buai tak leh hun awl pawh nei khat tak a ni tih chiang takin ka hria a ni.


A ngaihtuahna ah chuan thil tam tak a awm ang tih pawh ka hria, a buai ngawt ang tih pawh chiang sa a ni, chung zingah chuan kei hi tlem te tala min ngaihtuahna a nei ve ang em?


"Ka lawm e."


A mah enloh tum takin chu thu chu ka sawi chhuak a, a ni erawh a ngawi run thung.

Ka thusawi chu chhunzawm lehin, "Ka pi i ṭanpui a vang khan." Ka ti chhuak ta nge nge a, ka life ah hetiang a mi ṭanpuina dawn hi ka duh ngailo a, mahse engvanga Wesley puihna hi lo dawng sawng nge a nih erawh ka hrethiam lo. Harsatna ka neih a mi in a min puih chuan tlawm ngaihthlak ka ti viau ṭhin si a, chuvang chuan a thlawna midang puihna hi ka la ngai lo a ni.



A thil eilai chu a chhunzawm.miah miah a, engmah thleng lo ang mai hian a awm bawk a, mahse hei erawh a awmdan chuan a lantir ve ni in ka hria, kei mana ka pi ka ngaihtuah ang zet chuan min ngaihtuah pui ve a ni tih hi.


Chu thil chuan engtiang chiahin nge Wesley Cooper hi ka hmangaih tih pawh a tilang chiang hle bawk.



"Wesley ka....."
A phone a rawn ri a, ka hmangaih thu sawi chhuah ka tum veleh a phone ri a vang chuan ka sawi tum.chu ka ṭhulh leh phah ta zawk a .


"I phone a ri....."


A phone table a dah chu la in, a chhang nghal a, "Night Melissa."


"Yeah, zan in chu ka free a lawm."


"I in lamah maw?"


Tu melissa nge ni leh ta pek, chu hming a lam chuan min ti phu zawk a, ka hmangaih thu ka hrilh hman ta lo kha ka lawm hle bawk.

An in biak zawh hnu chuan min rawn melh zauh a, "Phone kha chhan ka ngaih a vangin pawi ka ti hle mai."


"A pawina reng reng a awm lo, ngaihtuah duh suh."


"Oh, chuan engthil nge min hrilh i tum kha?"


"Engmah a ni keh lo, a pawimawh em em hran lo bawk."

"ELEANOR....."