TESPNAYA REAKSIYA LOST CHAPTER 5

TESPNAYA REAKSIYA LOST CHAPTER 5

Fakna milem awm kha hmeh leh vek tum ang aw, infel em kha, hmetin second sawm chhung lek kan nghak ve hram hram dawn nia.

TREY.....




Warehouse a ṭanga ka haw, in ka thleng hnu chuan kan room lam ka pan chho nghal a, Callie insiam peih sa at a lo awm tawh chu melh zauhin, "Alexandra hi a la rawn haw ve na nge?"





"Ni chin deuh hlek i rawn thlen hma hret khan kan lo in be zo chiah a, min rawn call a, a sawi dan chuan Inigma ah a rawn tlang nghal tur thu min rawn hrilh."




Ka mu nghut a, "Ok, a nih chuan kahan insiam ve ang e." Ka tawp deuh chawih, ka ngawi deuh vung vung a, Italy lama ka kal tir tur hi ka ti fuh chiah em tih bawk chu ka ngaihtuah leh ta run run a.




"Trey i ṭha maw?"




Thawk ka la hawk a, "Ngaihṭhatlohna eng emaw tak ka la nei ."





"Ngaihtuahna seng chiam chiam zel lo la, engkim a ṭha vek mai ang."





"I tih chuan le." Ka che chhuak ta nghal a, ka thawmhnaw hak lai chu ka phelh a, bathroom lamah shower hmang turin ka lut ta a.






Alexandra chu ka ngaihtuah vang nge ni ang a, engavang a chungah thil ṭha lo zet a thleng dawn? Tih hlir chu ka rilru ah a awm mai, engtia tih chi nge mi dawn le, Italy lama a kal tur hun lah chu darkar tin mai in a hnai tulh tulh mai bawk si, Callie thusawi pawh kha a dik maithei bawk, ka lak a ṭang hian a la kalsawn ngailo hrim hrim a, ka mithmuh phak loha a han awm mai tur hi ka ngaihtuah viau te pawh a nih ka ring ta rum rum zawk a, ka ngaihtuahna kal bing lutuk chu ti reh ila tlemin a zia awm ngei ka beisei bawk; tui ka herh hawng a, rei pawh inbual lo chuan ka chhuak leh vat a, ka thawmhnaw dahna a ṭang chuan suit dum bawk la chhuakin necktie erawh grey colour ka awrh thung! Ka inpeih hnu chuan Callie nen Inigma hmuna dinner kil tur chuan kan in khalh chhuak ta a, he kan restaurant hmun hi kan in a ṭanga a hlat vak lemloh a vangin, kar lovah kan thleng thuai , kan ṭhu fel deuh awrh ang, Theo te nupa pawh an fanu Zara hruai in an rawn thleng chawp chilh ve nghal bawk a.





Callie in Zara inthuamna a hmuh chuan a nui chhuak hak , "Eng ang thawmhnaw nge maw a rawn inbel le?"






"Zawt duh suh." Theo chuan a lo ti sam et a.





"Clowns nih leh a tum tawh a nih pek hi." Sofia chuan a lo ti zauh a.





"Thawmhnaw dang hak tir ka tum pawh in a duh bau lo." Theo chuan a nupui thusawi chu a lo tlip ve a.





"Well, clown duhawm zet mai ka hmu ni renga, ka clown hmuh tawh zawng zawngah chuan i la duhawm ber in ka hria." Ka tih chuan lawm a vangin Zara chu a nui ve var var a.




"Khatin nilo nilo chuan fuih teh suh, a kal chhuah dawn a piangin heng thawmhnaw mak sak tak in bel hi a tum reng mai ang." Theo chuan a ti ve hluk a.




"Daddy, naktuk ka school kal tlengin he kawr hi ka ha reng thei ang em?"




"Teuhlo mai, honey, school ah te chuan uniform i hak a ngai a lawm."




"Nih leh school banah."



"Yes, i ha leh dawn nia."




"Khawiah nge Alexandra hi." Ti a sawi in, Sofia chuan a mit chu a len kual deuh ruai a.





"A rawn thleng ve ṭep tawh ang." Callie chuan a lo chhang nghal vat.




A sawi zo deuh awrh ang, Alexandra pawh a rawn lang ve a, ka bula ṭhutna awl pakhat awm chu pawt chhuak ve nghalin, "Ka rawn tlai a, pawi ka ti lutuk, traffic ber hi a lawm, Kiara khan inhmuh leh a duh si a, chuan an inlamah ka thlah leh a ngai bawk nen." Thupha a chawi nghal mawlh mawlh a.





"Tikhan i thlah tur ho zawng zawng te chu i thlah kim thei ta maw?"





"Thlah kim thei chu a ni mai e, tunah chuan heta dinner ei leh airport kal chiah ka hmabak tawh." Ti in min chhang ve mai a.





"Airport lamah chuan keiman ka va thlah dawn che em ni ang?"
Kan ei tur te pawh an rawn dah ṭan ta a, kan thil ei tur ka en chuan Alexandra ei duh chi deuh hlir, ka ner deuh sawk, Callie tih a ni ngei ang.





"A ngai lo ang, Theo in min thlah a tum a."



"Keiman maw?" Theo chu a bangbo hmel kher mai.





"Aw, a hma pawhin ka va thlah dawn che nia, ti a i sawi tawh kha."





"Uhh, yeah, ka lo theinghilh leh hman tawh pek a nih chu."




Alexandra lam chu ka hawi a, "Hei hi hre reng ang che, Italy i thlen veleh min rawn call nghal tur a ni ang."





"Ka ti ang ti in ka tiam.tawh che kha dad."




"A nih chuan Italy lama Alex kalna tur ah tluang taka a kal theih nan leh a hna lamah pawh vanneihna a rawn hawn theih nan te, tluang taka in a rawn thlen leh ngei theihna turin toast ang u aw."  Callie chuan tiin a champagne glass chu a chawi kang a.






Kan zavaia kan no ṭheuh chawi kangin, "Alexandra zinkawng thui tak zawh naturah ṭha tak a rawn tih theihna tur a tan." Ti a sawi rualin kan no ṭheuh chu kan khak tir hlawm a.





Chumi hnu chuan dinner  Alexandra tana tui tak tur chu kan kil ho zui ta a, Alexandra erawh a kal a hun tawh a vangin leh inlamah a thawmhhnaw ken tur dahna lak a la ngaih a vang chuan inthlah nan min rawn kuah vek hnu in Theo nen an in zui chhuak dun ta a, a kal dawn hnaih thleng pawh chuan ngaihṭhatlohna ka la nei tho mai, hmu tawh dawn lo vang vang turah ka in chan tlat, mahse Callie ngaihdan kha ka ṭawmpui a, rilru sak tak pu a,  pang ngai taka awm luih ka tum tlat thung!





Hunter ka phone a, Sofia te nufa chu an in lamah him taka an thlen theih nan thlah haw turin ka tih hnu chuan kan dinner neihna hmun a ṭang chuan kan haw darh ta hlawm a.






ALEXANDRA....




Theo carin Airport lam pan chuan kan tlan dun mek a, tuna ka thil tih tumah hian ka luhlul ka chhuah mai mai chauh, tiang em em ka thil tih tum a ka huphurh leh si pawh hi ka la hre lo, thil thlen dan ka ngaihtuah chuan kal loh mai te ka duh thut thut.





"I ṭha maw?" Theo an a rawn tih takah chuan ka harh chhuak zawk.






"Ka zam deuh hlek mai a nia." Ti in ka chhang zaih, ka rilru nawmlohna chu tumah ka hrilh duh lo.





"I ṭha veleh mai ang, khang kum chhung zawng zawng a i thil tih duh ber i tih dawn vang te pawh a ni maithei a sin, tiang a nih hi chuan kan zam ve duh khawp a nia."




"Oh, i sawi dik chiah, chuvanga tih tum lui ṭang ṭang a lawm ka nih reng ni."




"Chuan airport pawn ah khan min drop la a ni mai."





"I ti tak tak maw, i thlawhchhuah hun tleng lo nghak tur che in min duh lo em ni?".





"A ngai lo ang, chuan keimah a kal mai ka duh bawk."



"Engvanga ka pa jet hmansak mai lo nge i nih tih pawh hi ka hrethiam lo che Alex, i thleng hma viau zawk dawn bawk si a."





Thawk ka la hak a, "A chhan chu he thil hi mahni ngeia tih ka duh a vangin maw le."





"Ngaithla teh Alex, pawn lamah nangmah in i tla hrang dawn a ni a, fimkhur hle turin ka duh che."






"Ka lo ti ngei dawn nia T."





Airport kan thleng ta a, a tawp nan ka unaupa chu ka kuah vawng vawng a, chumi hnu chuan kan in hmuh leh hma loh zawng kan inmang ṭha dun ta rih a, a tlan liam leh hma chuan Zara min lo mangṭha sak turin ka chah leh hram a, chumi hnu chuan a tlan liam ta nghal a.







Thawk lak halh pahin ka suitcase handle ka vuan ran a, ka adventure chu tun a ṭang hian a inṭan der ta chu a nia, ti a ngaihtuah chungin airport chhungah chuan ka lut ta a.








Rei pawh ka ṭhu hman lo, Italy lam thlawk tur flight  anouncement an rawn pe nghal a, tun a ṭanga minute sawm hnu ah ka chuanna flight chu a thlawk chhuak nghal tawh mai dawn tih ka hriat chuan kha kut ze entunu thu sawi bawk kha ka bengah ah a ri nawn leh ta a, ngaihtuah loh tum in ka beng ka hup ta ringaw;, ka bungrua te ka dah fel hnu chuan eng dang mah ngaihtuah lo in flight chhungah chuan ka lut nghal ta daih a, zankhua a flight chhunga hun ka hman dawn a vang chuan ka peihlo ru kher mai, zan rei tak chu a ni dawn chiang a lawm, ti chungin ka ṭhutna ka siam rem.te te a, music ka ngaithla ta daih a, flight thlawk chhuak tur te chu chiai buai mai lo turin ka in seh ruh lui hram hram a, ka rilru ka ti paukhauh lui nasa hle bawk, engkim.a tha vek dawn a lawm, engthil mah ka tawng lo ang, tih chu ka rilru in ka sawi lui ngat ngat bawk.





A chhan chu ṭul lo zetah ka buai chhe mai ang tih ka hlau, tunah chuan kan chuanna flight pawh boruak sang zetah a in vawrh chho tawh a, ka seat belt hren chu ti lose in music ngaithla chunga mut thilh theih hram ka duh.





Tunah chuan hawikir leh thei ka ni tawh lo, ka hmalama hun hlimawm zet leh ka thil tih chak ber ṭhin tih turin min lo hmuahna lam chu hlim taka hmachhawn turin ka infuih ru sauh sauh bawk.






Chutiang thil mai mai ngaihtuah a ka hla ngaihthlak lai ngaithla reng chung bawk chuan ka muhil ve ta hram a, ka han harh chhuah meuh chuan kan chuanna flight pawh a ṭum ṭep tawh tih tukverh ka dak chu ka hre thei mai, hnuai lam pangah chuan ka kal tumna Rom khua chu a lo inpharh dalh tawh a, engkim mai chu la lang te viau mah se a hmun hma leh a ram leilung chu a nuam dawn chiang sa tih a lan dan a ṭang chuan a hriat hle.





Rei vaklo hnu ah chuan kan chuanna flight pawh a ṭum ve ta a.





Flight a ṭanga chhuakin airport chhnungah chuan ka bungraw ken ka chang mek, a la hma hle a, mahse Flight chhungah dar kar riat zet mai ka mutthilh a vangin ka harh vak bawk a, ka huphurh ang em em nilo a, tluang taka Italy ka han thleng thei ta mai chu ka awih lo rum rum hial, kha nu khan engtin nge a sawi kha, kha flight ah khan i chuang anih ngat chuan i lo kir leh tawhlo ang a ti a nih kha, ka chuanna flight kha a accident mai ang tih hlau takin ka chuang a, mahse kha kutze entu thusawi a dikloh zia kha ka hmu dawn chauh, ka pa te tana hnathawk pawh a lo ni mai thei bawk; min sawi ṭhaih mai mai te pawh a ni mahna, hei, tunah chuan Italy Sicily an tih hmunah chuan dam tak leh him pialin ka thlen tak hi .






Realtor ka biak lawk sa kha ka hmuh hmasak phawt angai ang a, a ni in in man chawia luah tur chi min kawh hmuh thei ang, chuan a dawtah car man chawia hawh theih chi ka buaipui leh ang a, chu chuan ka mamawh te ka lei thei bawk ang a, ka pawisa khawl ve ang ang chuan indaih ka tum hle a, ka bank account a ka pawisa awmsa chu kum khat ka awm chhung a daih tir ngei pawh ka tum, ka duh chuan ka pa sum min thawn turin ka ti thei reng.






 Condo nalh tak lei thei turin leh car ka khawilo veivah nana lei na turin, mahse ka ti hauh lo ang, a chhan chu mahni a in enkawl.thei ka ni tawh tih hi ka pa hriat tir ve ka duh tlat, chu chu ka thupui a ni, chuvanga ka pa jet pawh hman sak lo ka ni reng a.



Ka pa te chu ka phone nghal a, "Hi, dad, Sicily chu ka thleng chiah e, mahse hna ka ngah rih lutuk, inluahtura ka biaksa kha ka en phawt anga, ka duh zawng a nih chuan ka chenna hmun pawh nakinah chiang zawkin ka la rawn hrilh leh dawn che u nia, tunah hian car man neia hawh chi ang kha la in, Realtor nen inluahtur a hmuhna hmunah ka kal dawn chiah." Tiin chan chin ka va hrilh a.






Phone ka pa thaw huai ri chu ka hre reng, "Ok, i duh a nih chuan heta ṭang pawhin i private car tur leh condo luah tur chu ka tihfel sak thei reng che a nia Alexandra." Ka pa aw rilruih chuan a rawn ti a.





"A ngailo ang dad, i hriat kha, he hna hi chu keimah ngeiin ka buai pui vek dawn, ngaihtuah duh suh engkim a ṭha vek ang."





"Ok, i tih tlat chuan le."




"Ka dah phawt mai ang, tih tur ka la ngah em mai, ka phone battery pawh a zo ṭep tawh."




"Ok, chan chin i rawn sawi leh vat dawn nia." A tih hnu chuan phone ka cut ta a.





Car hawh theihna hmun lam chu ka pan nghal a, kan intih fel hnu leh ka kalna hmun tur te ka ziah fel hnu chuan realtor chu ka bia a, ka inluahtur hmuna inhmuh a tih thu a rawn sawi a chu lam pan chuan kei pawh ka car hawh nen ka inkhalh chhuak ta nghal a .




A hmun ka va thlen chuan realtor chu a lo la awm hauh lo, ka inluah tur hmun hma chu ka thlek thuak thuak a, ka duh zawng tak a ni.





A hmun chu a fal ṭha hle a, ka luah luh duh mai a rin a vang a, he hmun hi thlangsa pawh ka ni reng a, chu in  piah deuh lawkah chuan beach a inpharh duai a, a hmun hma hrim hrim chu ka ngaina nghal em em ringawt.






"He in ngei hi ka awmduhna hmun tur chu ni in ka hria." Ti a ka phun chhuah sap hnu chuan ka bungrua leh eng ilo vel zawng zawng chu ka la chhuak a,  chu in kawngka bulah chuan ka dah ta hlawm a.




Ka phone battery low lutuk tawh a time chu ka bih leh zauh ṭhin a, darkar hnihlai mai chu hmunah chuan ka awm tawh, mahse inluahtur min kawhhmuh tu hmel reng reng hmuh tur a awm lo.





Vawi tam tak ka call tawh a, a la thei tawh bawk si lo, realtor phone ka ngai bawk, ka chauh ve deuh em.a vangin, thil tih fel.vat vat a, mut veng veng chu ka thla hlel tawh kher mai, car lah ka nei tawh a, ka kal hma in vawikhat chiah biak tum leh chhin ila a ṭha ang.






Uhh , great, ka phone battery pawh a thi leh tawh, town kal leh a, realtor chu phone mai a ngai dawn ta a nih hi.





A chhan chu tun a ṭanga reilo teah chuan khua pawh a thim hnai tawh mai ang, tih tur lah ka la ngah bawk si.





Ruah mal a rawn tla phuar phuar a, thawk lehkhatah ruah tam zet mai a rawn sur leh ta nghal bawk a, "Oh, a la ṭha zel e, engkim hi first time expirience a ni a, chuvang chuan wonderful tih zel tur, ka rum.chhuak nghat a, car chhungah chuan.ka lut ta vat a.





Kawngkhar bula ka bungraw dah chu kalsan.rih mai ka tum a, ka cara dah lut leh tur pawhin, ṭul ka ti hran lo; a chhan chu ka rawn kir leh var tho dawn a vangin..





Thinrim zetin car chu ka khalh chhuak leh a, chu mihring mai mai chu le, engvanga tun thlenga rawn lang lo nge a nih hrep, ka dawhtheihna neih zawng zawng te pawh chu realtor chuan min eizawh sak vek tawh, a mah a vang hrepin ruahsur kawngnal khawchhe tak hnuaiah ka in khalh chhuah leh a ngaih phah chu a nia, chhum lah chu a zing nasa ngang mai, kal kawng pawh chu a hmuh chian hleih theih loh a, tiang ang reng renga kal kawng hreawma motor ka khalh pawh hi ka la hre ngai lo.




Churealtor ka hmuh hunah chuan a chak lo viau ang le.




Chung thil ka ngaihtuah a vang chuan ka rilru ka sawr bing lutuk a, ka hmazawn a sport car nalh zet mai chak taka rawn tlan pawh chu ka hmu hman lo, chhum zing nen a rawn lang phutin ka hria, "Shit." Ka car khalh chu ja herh kawi ve tak na a, a tlai tawh lutuk, ka Ka au chhuak tuar, a tlai tawh mah mah, ka thil hriat hnuhnun ber chu thil ri bur a ni, ka taksa a nghawr nghal dawt a, engmah ka hre zui tawh lo.