INTOXICATE CHAPTER 8

INTOXICATE CHAPTER 8

He thawnthu hi sei tawk tawkin chapter hnih ngawt ka rawn dah a, khawi emaw zawk zawk ah emaw kan kan hmet ve hram hram dawn nia aw.


BELLE......


Zîng ka harh chu, ka  bulah chuan, taksa lum ham ham mai chuan min lo ngheng ve reng mai a.

Ka harh chhuak zawk, mahse ka han en chiang chu, ka bulah chuan Harley a lo mu ve reng mai, mak ka ti takzet engtin nge a nih theih?  Tih chu ka inzawh na a ni.

Nizân khan engthil nge thleng tih ka hrechhuak zo tawh lo. Ngaihtuah chhuah tum viau mah ila, ka thei lo, ka lu a na hle bawk,
Ka chal ka dawm deuh vang vang a, zanlam pang thilthleng chu ka ngaihtuah vang vang a.

Mahse chu ai mah chuan, ka bul a mû mipa sexy leh pa zet mai chu ka en ta a, a muhil tui hle mai a thaw sâk sâk a, a thâwk zâwnga, a âwm rawn han dat dat ṭhin  te chu hmuhnawm ti zet in ka thlir a.

A hmel pa zet leh a taksa nalh tak te chu khawdang hawisan thei lék lo in ka thlir pah reng, tilru dang put san.pawh thil harsa tak a ni.

Ka ngaihtuahna ah chuan nizanlam thil thleng kha a rawn lût ta thut q , ka duh hauhlo drugs ka ti ve a maw? Mahni in zahpui na chuan ka khat nghâl. Eng thil nge ka  ngaihtuah reng reng le?

  Harley chu men chhuah pah chuan "dar engzah nge ni tawh?" a rawn ti sup a.


Ka thlir chhuk vang vang a, a hmel chu a lang  hahdam sawtin ka hria, a hmel rum tak ṭhin te chu a dam thlup mai bawk a.


"Dar sawm a pel tawh."  ka chhâng sap a.

"Shit, ka kal a ngai!" Tihpah chuan thawhchhuah nghâl mai hi a tum a.

A bânah chuan vuanin, "nilo minute reilo te kan inbe thei lawk ange m ll

'Enge ni ta ?" A rawn ti ve ta sup a, a ṭhuchhuak pah nghal bawk a.

Inthiamlo zet chung chuan," nizan khan eng thil nge thleng?"ka lo ti deuh dai a.
"I rui lutuk a, i chatthla tawhh a chuvang chuan inah ka hruai haw che.

"Harley ka inzahpui tak zet a ni tih pah chuan ka lo meng hnuai raih a.
Mitmeng lainat zet a khat chung a min lo enpah chuan, " Belle lo kal teh! Tiin min pawt hnai a, a âwm ah chuan min beitir pahin,
"Tu te pawh hian thil âtthlâk zet chu kan ti ve fo a lâwm," a rawn ti sup a.

A thusawi chu rawn chhunzawm lehin, "harsatna tam tak i paltlang tih ka hria.

"Hei vâng hian mahni chu in mawhpuh duh suh!
A dar a lo phun khum sap pah chuan "aw le.ka lo ti ve ta sap a.

Rawn thâw pah hawkin, "Aw le, tunah chuan lo awmsawn tawh teh, thil âtthlâk zet ti a ka inchhîr leh hma ngei hian tihpah chuan, min nam sawn deuh hlek a a ni chu.a tho chhuak nghal a.

"I hria a lawm pawi ka ti tak zet ! " ka ti leh hrâm a.

"Ka hria!" tihpah chuan a kekawr pocket a a phone ah chu la chhuakin, a hmet nuap nuap a, a beng bulah chuan a ngaithla ta vang vang a.

A hnu deuh ah chuan," Carter kei mah ka nia.! a awm han che dat ah chuan thâwk a la hawk tih ka  hai lo .

"Ka rawn tlâi ta deuh a ni e.
Mahse tûna ṭang a minute 15 chhûngin ka rawn thleng leh ang." phone chu a dah a thawmhnaw  a inbel.ta nghâl a.

"Harley a nih leh nizan khân eng vangin nge Dave khan boss ti a a koh che?"


"A chhan chu ka hnenah hna a thawh a vangin ! "A lo ti nghut a.

"Eng hna nge a thawh a?
"Sawi chhuak lo zâwk ila a ṭhat ka ring mah zâwk e.

"Eng vang chuan maw?

"Belle a hma pawhin ka hrilh tawh che kha ...
"I hriat loh hi  i tân a ṭha zawk ang ti in.

"Ka kal a ngai tawh takzet Jake in min lo nghák reg tawh ang tiin a inher vut a, "Harley tiin ka lo âu leh hraih a.

"Yeah! Rawn tiin in zâwimuang chuan ka lam a rawn hawi leh a.

"Enga tinge ka nu leh pa vûina ah khân i lo kal ve loh tiin lo zâwt leh sapin.
Muang fân ruih a ṭawng chhuâkin , " Babe ka lo kal ngei a lawm."

"Nilo Harley i lo kallo ka hmu miah lo che.....!

Min rawn panhnâi a, ka darah a kut pahnih nghah pahin, chiang zet hian min melh chhuk bawk a, " Min ring rawh Babe ka awm ngei a lawm," a rawn ti ta sup a.

Chutia chiang zeta a mitmu thim uk raih mai in min enna a vâng chuan ka zâm tak chiang hke, ka khûr deuh dar dar bawk.

A thusawi lai chhunzawm leh pah chuan, "Mahse ka awm hla lutuk thung! a chhan chu i chhûngte bulah i awm a vângin," a ti leh ta sup a.

Thawk ka la halh a, boruâk te chu kham ta lo ang mai hian ka awm bawk, a lo awm reng a nih chu, tih ka ngaihtuah neih neuh bawk a.


 " Belle min tiam rawh! drugs i khawih tawh ngâilo ang tiin?" A ti ngui ta ruih a.


"Drugs chu game ṭihbaihawm zet a ni si a, i ti thei em Belle?"  a mah en chuan ka hawi chho a, a mitmengah chuan tawrhna hi langtel tlatin ka hria.

Harley hian min ngaihtuah takzet a nih hi tihna rilru ka pu ta hial a, "Ka tiam a che." ka phun sep a, ka biang sat tak hat hat danah chuan ka sen chhuak ngeiin ka ring bawk.


"Ok ka rawn beleh dawn che nia aw.". ka chalah duatzet mai hian, min fâwp leh zauh a.


"Ok." tiin ka lo chhâng ve a.
Ka hmuiah tak chuan duhthawh zetin a  fâwp leh siah, kei ngei pawh chuan ka theih ang tâwp a uar chuan ka lo chhâng lét ve bawk a.


Mahse reilo té ah chuan min thlah leh thut a, a mah chu a in la hrang leh nghal daih a.
ka room a ṭang chuan a kal chhuak ta a.


Kawngka inkhar ri khap thawm chu ka ngaithla pah reng a.
Chu chuan a kal chhûak ta a ni tih  min hriat tir!

"Harley a pawi ka ti takzet." ka ti ngui raih a.
Mahni té chauh a awm hrehawm zia leh mal tak a inhriatna neih hrehawm zia hi a hrethiam pha ve lo ang.
..................................................................

HARLEY.......


Belle chenna in a ṭang a ka chhuahhnu chuan, Jake ten min lo nghahna hmun chu ka pan ding nghál a.

An bul ka thlen chuan eng khaw sawi set set lo in Dave chu ka va hnek thlu ṭhuai a.

Jake chuan, "Deano engthil hrep nge ?" A lo ti tuarh a.

Kan inkâr ah chuan a rawn tlazep vat bawk a.

Dave tho chhuak leh chu a hnar ka hnek na a ṭang chuan thisen lâr zet hi a chhuak nghâl zaih zaih a, a henker cheaf phawrhin a hnâr chu a hup nghal vat.

"Harley ka hriatloh vang a ni e." a ti chhûak hrawih a.

Jake chuan min lo dang vat lo phei se chuan ka va khawih leh hman ngei ngei ang.
Jake chuan min lo dang bet vat a.
Thinrim tak a in sehruh chung chuan, "Vawitam tak ka hrilh ṭhin tawh che a nilâwm ni, engvângin nge hrilh nawn i ngaih ziah?" La ti ngâilo leh mipângai tak hnenah chuan hralh lo tur khân, vawi tam tak ka hrilh tawh chiang che a lawm, i huang duh aiin i zauh mah mah hrat." ka tih khum leh  tuarh a.

"Barah zû in in a lo awm a, ka tân chuan hriat ngaihna a awmlo a ni."a lo ti leh khauh a.


Jake pawh chuan,"Harley Dave khân a sawi dik a ni, in bengdâi tawh rawh." min lo ti ve sup a.

Thinrim zet a ṭawng chhuah leh pah chuan, "Dave hei hi a tâwp ber na ni rawh se. Tûn a ṭang chuan, i sumdâwn na i ṭan hmain i kâwm chiang a ang a, ti chuan an tih tawh leh tawh loh i zâwt zel tawh tur a ni ."

"Ok ka hria e."inthiam loh hmél zet chuan, a ti ve ta a.

"Ti khân kan in bengdâi tlâng thei tawh em?" Jake chuan a rawn ti leh a.

Thâwk ka lo la hruih a.
"Tunge Nevada ah chuan kal a kan hna chu thawk dawn?" Jake chuan a rawn ti leh a.

"Keimah!" tih pah chuan, ka sigar chu ṭanin ka hîp leh vang vang a.

"A nih chuan naktûk ah a hmun a  i awm tawh ngei chu a ngai ang."

"Ka awm dawn nia, chuan Carter ka kal hlânin, Belle kha lo ngaihven ru pah reng la ka duh che a ni."


"Dave nang pawh Belle a ṭang a hla tak ah lo awm zel tawh ṭhin ang che ."ka ti chhuak leh hrâwk a.

"Tehreng mai Dude!"

Chutih lai tak chuan Dave phone chu a  ri a, la chhuakin a en nghâl bawk a.

"Belle a nih hi." Chu thil sawi rik ngawt pawh a inthlahring tawh hle tih a ṭawngchhuah danah ka hre thiam vek, ka thin a ti ur hle bawk.

"Eng a? "Ka lo ti vîn ṭhawt a.

"Drugs dang mamawh leh a vângin min zâwng a nih hi!" inthiam lo zet chuan a ti leh a.

"Engtin nge i number te chu a lo neih hman hrep?"
Jake pawh chu rilru hah hmel zet chuan a lo thaw. ve hawk a.

Hlâuthâwng zet chung chuan, "nizân khan ka pe a lawm."

"B?A number kha block nghâl rawh!" in control tum zet hian ka kut tum chu ka hûm ruh ṭeuh mai bawk a.

Belle chu ka that duh hial âwm e.
..................................................................


BELLE......


Zîng ah chuan, peihlo zetin ka tho chhuak ve ṭaih ṭaih a, zanlam hi ka muṭha thei thlâwt ṭhinlo. Eng nge maw tal tello phei chuan, ka phone chu ka en vat a.


Enga tinge Dave hian ka call leh ka text pawh hi min chhân duh tâk miah loh mai le?

"He thil pawh hi ka theihnghilh leh mai chu a ngai dawn a nih hi!"ka ti ta sap a.

Ka tukverh lamah thâwm a awm a vâng chuan ka hawi phei nghâl vat a, Harley chu ka tukverh a ṭang chuan a rawn lût lo niin min ti phu chiang hle.


 "Lungphu châwl a min thihtir i tum chu a ni em lo maw?" A rawn luh hnu chuan thinrim.zetin ka lo tih khum.hlar a.

"Engvang in nge ka tukverh a ṭang te a i rawn luh reng reng? Nge kawng ka pui awmna i hre tawh lo zâwk?

"Drugs tih tawh lo tur khan min tiam a ni lo 'm ni?rum zeta min rawn melh khui khui chung chuan a ti nghal tawl a.



"Ka ti réng hleinem!"
Ka bula rawn kal hnaih pah chuan a mitmeng rum zet mai leh hlauhawm zet chuan min rawn melh rûn a, ka tawlhhnung ve hrat,"I hmuhloh a vâng mai chauhin ti raw?"


"Eng a?" makti zet chuan ka  melh thung.

"Hei hi i ngaihtuah em, Dave in bîak leh i tum ti a min min hrilh leh loh hi?"

"He khua ah hian, drugs pakhat té mah pawh i hmu ngâi tawh hauh lo ang hre rawh Belle."



"Ka hringnun hi control tum lo in leh i thuhnuaiah min dah tum lo mai teh! "Ka lo tihkhum leh hlar a,rum zet chuan ka melh chho ve rân mai bawk a.



"I mamawh ho kha pack la, ni reilo te chhûng kan kal chhuak dawn."

"Eng maw ?" Tiin mak ti zet chuan ka lo enchho hau a,.thil atthlak zet a sawi ni ah ka ngai, tunah hi chuan hna ka kal ṭan leh tawh pawh a ngai tih ka hria.


"state pawn lamah hna thawh lawk tur ka nei a, tah chuan kal ka ngai a, nangpawh ka bulah i lo kal ve ngei a ngai ang."


"Ka hrelo le , ka lo kal theih leh theih loh tur thu chu keimah ah a in nghat ang chu."

Rumzet a min rawn melh leh hrâwk pah chuan, "Belle chu chu in ngenna a ni lo.Thupék a nih zawk chu! "Tunah insiam chu ṭan nghâl ringawt rawh."



Hûat hmel zet a  melh lét ve khar chung chuan, "Eng nge tih a tih loh tur min hrilh hriat ka ngai lo khawp mai." ka vin khum ve ṭhat a.


"A ṭha e." tih leh sup pah chuan, a mitmeng a nuisawhna khat a min melh chhuk pahin,
"I uncle bulah khân drugs i tih chungchâng kha a nih chuan sawi i duh a ni maw? Chuan ka sawi a nih vaih chuan, i pu te hnen ah emaw i uncle te hnenah i awm ngei chu a ngai âwm si a."  min nuih sawh khum sawng bawk a.




Oh, God chulam chu ka ngaihtuah lo hrim hrim, ni e, a hrilh a nih vaih chuan hetah hian keimah in ka awm tawh hauh lo ang, "A ṭha takzet e, thu min pe kual vel chiam chiam lo khan ,khatiang in black mail na kha a hma a ṭang a hman daih tawh tur che a lawm." bathroom lampan chuan ka kal tauh khum ta ngauh ngauh a.



..................................................................


HARLEY ......

A ṭha e ti rilru chung chuan ka  thaw chhuak hawk a.

Ka thil sawi a vâng khân min huat rei phah ém lovang chu maw.

Belle hi ka ngaihven takzet zet,
Tûnang hun ah phei chuan ngaihven leh zual a ngaih hun lâi ber a ni si a.

A kal ta khan bathroom kawngkhar chu na zetin a khâr bur a, thawk hawk bak tih theih ka nei lo, ka thu zawmtir duh chuan a lakah  khatianga ka lan kha a ṭul miau bawk si, a chhan chu a lakah feelings ka nei tih hi a gre tur a ni lo, ka tilang zauh zauh pawh hi ṭha tih tawh loh mah nak a laiin, God damn, a bulah hian awmdan pawh ka thiam tawh hrep lo e.

Tûn a thil phei hi chu a tel lovin ka tih a ngâi takzet a sin le.

Mahse Belle hi a mah chauh a lo awm.turin ka dah ngam bawk silo.
A nun zawng zawng a ti chhe zual telh telh ang tih hi khawvela ka thil hlauh ber a ni.



He nu hi engvâng a ka ngaihven tur a ka kut ah a rawn tlûk luh leh hrep tâk chu ni.

Ka ngaihven lo thei bawk si lo rilru hah zet chuan ka thaw pah hawk a.


.................................................................

BELLE.....



Bath room a ṭang a ka chhuah leh hnu chuan, ka insiam ta malh malh a, ka zawh hnu chuan Harley chuan ka bag pack chu min ken sak a, keiin ka in chu kalh ṭha in a car lo inhun na lam chu min pan pui ta a.



Ka thawmhnaw dahna bag chu seat hnunglamah chuan theh lûtin kei pawh a seat hmalamah chuan ka ṭhu lût a, a nih pawh pilot ṭhutna lamah chian a rawn ṭhu ve nghal a, in a ṭanga kan chhuah hnu a ṭang khan kan la ngawi dun ngar ngar bawk.


Motor chu hnehsawh fe hian a start ta nghâl.a.




Kan pahnih awmdan chu ka hne ta phian, a ṭawnglo rei thei lutuk chu a ni ber, hetiang a ngawi reng a awm hi ka thil hûat ber te zîng a mi a ni.

Bîak tum chuan ka aw chu ka  thian deuh kharh a.


"Chuan khawiah maw kan kal dawn a?"

"Nevada!"

Oh a tâwi tek tawk hle mai. Sei deuhhlek a min chhan ve dân tur a hre hlawl lo em mawni chu le?

"NEVADA ah maw?" ka meng phawk deuh hra a," A nih Nevada ah chuan eng nge kan tih dâwn?

"Hna !"

"I secret job kha tihna emni? I sawi ṭhin kha?"



"Ni chiah e, "a lo ti leh nghut a.


Nghet nghut mai, sawitur pawh min ti hre tawh lo zo vek , mahni a suangtuahna kawm chu nuam a lo ti zâwk te pawh a niang e. Ti rilru chung chuan, ka ngawi ve ta rân rân a.

Mahse hetia a bula ka awm ringawt pawh hian ka thlâ a muang tho tho.



Zan lampang ka mut ṭhat loh ém a vâng chuan mutchhûak chuan min  zém leh ta chiai chiai a, kâr lovah chuan ka muhil leh ta a.



Ka lo mu rei phian a nih ka ring , Harley chuan min rawn sâwi nak nak a.
Ka han men chhuah nak chuan min lo nuih suk chungin, "I muthei ṭiah ṭiah hle mai!" A nui hmel ṭha zet chu ka hmu chiang thei ta deuh a.



Ka mit  ka nuai chat chat a,
Ham deuh bâi bâi pahin,"Ka mu rei viau em ni? "

Mi tiel zet mitmeng a min en pah chuan,"I mu rei hauhlo mai sweet heart dârkar nga chauh a lâwm i mut." a ti leh deuh kher a.

Ka heh ka peh sawih khum vak.

"Uh, sexy lutuk."
A meng de nghal sawr sawr a.

"Oh, tak tak maw?"



"Rawn tho chhûak la he lâi hmunah hian kanin thunpuar dawn nia , kan kalna tur hmunah hian, engmah eitur leisa a awm loh a vangin, kanlei pah nghâl a nga tichuan kan kal leh  chauh dawn nia." A mit de sawr kha a reh leh daih tawh, mitkhap kar mai chauh a ni, tunah chuan a chang leh tawh kher mai.

 Mi pawh nghâk hran lo chuan, a car dinna bul a hotel pakhat  awm ah chuan a lût nghâl ta daih a.

Ka thinrim a vângin ka tûm hmak bawk.


Muangchâng a chét chhuahve pah chuan, Harley a luhna lam chu ka pan phei ve ta chhat chhat a, ka  mut hnem vâng a niang ka harh vâk mai.


Uncle Tim chu ka text a, rilru tih ven nan, ni reilo te ka kal chhuah dâwn thu leh min lo ngaihtuah lo turin ka hrilh bawk a.


Hotel chhûng ah chuan ka lût zui ve ta nghâl a.

Harley bula chair ruak ah chuan ka va ṭhu ve a, ka pian a hnulam ah hetiang hotel standard hniam lutuk chhûngah hian, ka vawikhat luhna a niang chu!

Chu vang chuan hmun dang pawh ka melh peih lo a, khaw dang lah ka hawi sawn peih hek lo, khawngaih takin an thil siamah tenawm lam pang tel lo hram teh se tih chu he hotel nen a ka khaikhin ber chu a ni.


Waitress nula chu kan dawhkan bulah chuan rawn kalin, Harley chu a rawn nuih pah var var a, "Deano tûnlai chu he tilam ah i rawn tla vak ngai nange?" no zet mai hian Harley chu a melh pah ralh a,.

"Nia tûnlai chu heti lamah hian ka rawn tla vaklo a ni, he lama thawh tur hna a tlem.deuh a!" tih pah chuan a hmel zâidam na a khat leh keimah min en na leh min biak ngai miah loh na ang a nelhin, a lo chhâng lét a, a nuih sâng pah bawk a.

Chu thil ringawt ah pawh chuan, ka huat tâwk hi a lo tling em em mai a.

Ka lakah chuan a hlauhawm thei ang ber maiin lan a tum a, a nelawm ngai hek lo, ṭawngkam vîn zet zet in min ṭawngkhum khur khur reng a, mahse he nu a biak dan zet hi chu.

Ka thin chu a rim ru ṭeuh mai a, duh leh lo hmu mai mai teh se. tiin ka tûm ngal mai a, thîpzet in an pahnih chuan ka lo melh dun a.

 Ka melh dan chu a lo hrethiam a niang , a mitmu thim ruih chuan mi nuihzat hmel fe hian min en ve a, mahse a hawi sawn leh nghal thuai a, "Sarah beté kan kâwi leh roasted beef kha kan lo duh ang chu." a  siai khum pah zauh bawk a.

Chu nu chuan a vawikhat siai khum zauh ah pawh chuan, a  sen ap ap hial a nia.
Hmm a ṭha e. Ka ti rilru a, khatiang a aw zaidam leh lek phei kha chuan keipawh min han be ve se, ka engkim pawh hi a tan ka hlan phal ve hîal ang chu, mahse ka bulah chuan a ni ve silo.

Chu nu chu nui var var chung chuan, a kalsawn ve ta a.

Rum zet a melh pahin, "Hetiang hotel class hniam lutuk ah hian ka vawikhat chawlhna!" Za lo zet hian ka nui chhuak hak a.

Mi nuih khum ve sawng pah chuan,
"Belle ka lakah hian engkim hi  vawikhatna ni zel turin ka duh che a lawm."


A ngaihna hrethiamlo zet a en hâ chung hian, "kha nu Sarah ti a i koh i bîak dan te thleng khan  maw?"

Thâw pah hawk chung chuan,"A ni angah kan ngai mai a niang chu." a lo ti ve mai a, min ti el khum ni hian ka hre bawk, ka thin a ti ur sauh thung.

"Chuan thil pakhat, khatiang khân ka duh nge duhlo tih pawh min zâwt hmasa hauhlo in, i thil duh ang chu i order tawp bawk a."

"Kan sumdawnna lamah meeting kan neih chang in office lamah sawi fel theihloh a awm fo a, tam tak hi chu restaurant lamah te pawh lunch leh dinner ei pah a sawi dun chang kan nei ṭhin, chutah chuan mipa hian hmeichhe duhzawng chu an zâwt hmasa ngei ngei a sin!" chaltlai hmel zet chuan,ka ti leh khauh a.

Ka thusawi khum chuan a ti thinrim leh viau tura ka  ngaihlai chuan a mitmeng uk kharh chu a meng dul ruih a, rilru nat hmel zet mai hian, "A dik ang Belle, i duhzawng ka lo zâwt hmasa lo che a, a pawikhawp mai, mahse he thil hi a tui viau a sin."

"I duhlo a nih chuan, a dang pawh kan lam leh thei reng a nia ."

Ka suangtuah dan lo lutuka ka thilsawi chhuaha lo lâk tak a vang chuan ka inchhir leh hnu hnawh, a rilru tihnat tuma sawi chhuak ka nilo a, kha nu a melh dan leh a biak dan ka thik a vanga a thin tih rim.tum ka ni zawk; kha thu kha sawichhuak lo tur ka ni a sin, ka ṭawngkam hman hi a chaltlai deuh lam hret chu a ni e.


"A ngailo e, chutia nangin a tui i tih chu, ka lo tem chhin ve a nge." a rilru tihnawm tum leh chung chuan ka ti ve ta sap a.

Engmah sawi leh tawh lo chuan, min rawn nuih let ve suk a.

A thil chah a lo thlen chuan, mak tiin ka en reng a, bete kan chu a kâwi hlarh mai a, a rim te chu a tui takzet tih pawh ka hai lo.
Harley chuan a ei hmiah hmiah tawh mai a.

Min rawn nuihsuk pah chuan," I rinai in tui i ti phian ang, he an thilsiam a vang hian, helai hmunah pawh hian an lâr viau a nia."

Ka spoon chuan bete kan chu tlém ka kâ ah chuan ka dah lût ve da da a, a sawi ang chiahin a tui phian mai , bawngsa roast nen chuan ka ṭhial pah ṭalh ṭalh  a.

Hotel changkâng tam tak ai chuan a tui daih zâwk. Harley chuan a eitur a eizawh hnu chuan, hmuhnawm ti zetin ka  thil eilai chu min lo thlir reng a.


Inthiam lo deuh tak chung chuan, "ka ril a ṭam lutuk a,zîng a ṭang khan eng mah ka la ei miah lo." ka ti deuh sap a.

A hmel  zaidam na a khat a mi lo en pah chuan,"Ka hria a lawm." A ti ve mai a, a hre tak tak tihna maw? chu thil chu ka inzawh tak a ni.

Ka plate a eitur zawng zawng chu ka ei fai vek, mak pawh ka in ti hial mai, khatiang a tui khan thil ka eiloh na a rei tawh lutuk, dik tak phei chuan, ka nu leh ka pa in min boral san a ṭang phei kha chuan engmah tihtham in ka ei ngailo hrim hrim, mahse tun ṭum.zet chu ka eitui kher mai.


Kan ei man te a pék fel hnu chuan, kan chhuak dûn ta a.

A bul lawk a dawrah chuan Harley chu lût lehin, kan eitur ho chu a lei leh a. A rawn chhuak a thil rawn khai chhuah chu thin phu dep dep leh râpthlâk ti zet hian ka lo melh a.

 Diktak a sawi chuan engmah ka siamthiam lo mai pawh nilo in ka thiam lo tak zet zet! eitur siam tur a min ruat dawn te a nih chuan, pan cake leh artui kan chiah ka thiam.

Chîk zet a a mitmu thim raihin min rawn en pah chuan," thil dik lo a awm em ni? " a rawn ti leh sup a, zâ lo zet a lo nuih khum hak pah chuan "Awm hauh lo mai !" ka ti chhuak thei hram a, a thil khai chhuah chuan ka thawk a ti tawp dawn hian ka hre zawk.


"A nih Chuan kan kal thei a nimai em?" A ti leh nghut a, aw tihnan ka lû ka lo bùk khum ve nghat hnu chuan, kan tlân leh ṭan ta a.


Harley chuan a motor khalh pah a min rawn enleh zauh pahin, "kan thleng ṭep tawh a nia, tûna ṭang a darkar khat zén zâwn kan tlân leh chuan, kan thleng ve tawh mai ang." hmalam chu a en leh nghal a.

Kei erawh ka ngâwi ngar thung!
Ka mawng zawng zawng te chu a kham na ut ut tawh a, ka taksa khawi lai mai pawh chu a na vek tawh.


Hetiang em em a rei hi motorah ka la chuang ngailo reng reng.

Hetiang tur tih hria ila chuan, kan pahnih ta tur flight ticket ka book hial ta ve ang.
Mahse Harley khan ka bulah chuan, engkim hi i frist time nise ka duh a ti a mi kha, road trip angah pawh kan ngâi thei ang chu.

Chuan thil.pakhat, a bulah pawh ka awm rei theih phah a,  flight.a. chuan ai mah chuan ti rilru in chu thil ka ngaihtuah a vang chuan ka nui pah sak a.

Darkar khat dang kan tlân leh hnu chuan, a sawina chu kan thleng ve ta ṭawk e.

Motor chhûngah darkar sawm leh a chanve zet mai, Nevada pan nan kan hmang chu a nia, râpthlâk zawk tak chu a ni.

In pakhat lian lutuk lo, nupa rek chen dun na awm vel lek bulah car chu a ti ding ta dat a.

"Kan thleng ta e !"a rawn tih sup tâkah chuan, rang zet hian car a ṭang chuan ka  chhûk nghal  vat, ka che zia nuih zatthlâk zet mai chu hmu in, a lo nui pah hawk zui a.

A nipawh chu chhuak ve nghâlin, a chahbi pâi chuan kawngkhar kalhna chu a hawng a, light te a on fel a,  chu in chu a pâwnlam lan dân ai mah chuan, a chhûnglam chu a pui zawk mah, engkim mai chu a fel tlarh vek a, inchhung bungrua chen mai chuan pawnlam.landan aimahin a pui zawk bawk.


Inchhung kan pén lut chu Harley hmachhawn zawng a ding nghat pahin, "Hei hi tu in nge ?"

"Keima in!"

"Mahse ka ngaih dan chuan,  i... Umh..."
 ka ti kâwi vel ta mai mai a, ka thusawi zawh loh  chu rawn chhunzawm in,,"Rethei!" a lo ti nghut a.

"Ni e ka rethei a lawm ka hria."
Eng vanga ka lei chu nilo zet zet ah hmang kâwi ziah a sep kual vak vak ṭhin nge maw ka nih le ka in ti hial.hrehawm ti zet chuan a thusawi chu ka ngâithla a.


"Ti hian sawi teh ang, helai hmuna ka lo kal hian, pawisa tamtak ka hmuh ṭhinna leh rangtak a ka lâk luhna hi kalsan a paih bo duhna thinlung chu ka nei ta a, chuvâng chuan he in hi ka lei ta a ni."


"A nih pawisa chu khawi a ṭangin nge a lo luh?" tih veleh sap pah chuan, ka melh ve kal a.

"Chu chu thildang daih a ni." tih leh nghut pah chuan, "Hrelo la i tan a ṭha zâwk ang." A jacket hâk chu a phelh pah mawlh mawlh a.
"Mahse hetah hian i chéng silo a," ka ti veleh hrâm.a.

Ka lam chu rawn melh leh zauh pah chuan, "i sawi dik e.Tunah chuan ka nu leh ka unaunu phoebe bulah ka chéng rih!"

"An pahnih chauha ka pa bula chéng tur chuan, ka kalsan thei rih lo a ni ."a ti leh hruih a.

"Helai hmun hi, ka rilru buai nuai ṭhin te leh ngaihtuahna fîm neih leh ngei theihna turin ka rawn pan ṭhin a, a chhan chu he lai hmun reh raih mai hian, chutiang rilru hahdamna chu min pethei tlat a ni."

"Chuvang chuan nang pawhin ,helai hmun hi i mamawh ve a ka hriat a vângin, ka hruai ve ta che a ni ."a lo tidam thlup a.

"Ka lawm e." ka lo ti ve sep a.

"Chuan bed room erawh pakhat chauh a awm thung a, mahse tûnah chuan keimah nen a mut dun chu, pawi i tih tawh loh kha." min siai khum.pah zauh a.

Kei erawh chu zah a vâng chuan, ka sen ṭân ṭân thung!

Chuan indoor hot tup pawh a awm bawk a.

"A ni maw?"ka lo ti chûl a, ka aw a phûrna lo lang chu ka thunun hman lo.

Min lo nuih suk pah chuan, "Tunah chuan hna thawhtur ka nei a, darkar tam pawh ka thang lovang, ka lo kîr leh vat dawn nia."

"Ok ."

"Fridge ah khân wine ṭhenkhat a awm bawk a nga,
Inlo tur chu i ni a chu, mahse ka hrilh loh che pawn i tih dawn tho a vangin."  kawngka chu a a hawng a , a chhuak ta nghal a.

Thâwk halh pah chuan,"A kal ta e." ka phun chhuak sap.

Chuan tûnah wine leh indoor hot tub ka nei ta a, eng chu nge ka la nghah reng?  bed room lamah chuan kalin ka inthlâk nghâl sawk sawk a, ka bikini ha in hot tub lam awm na chu ka pan ta nghal a.

Hei ngei hi a ni ka lo sawi ṭhin chu tih pah a thawk lak halh pahin, fridge awmna lamah chuan ka phei leh a, fridge a mi wine bottle khat chu la chhuakin, wine glass pakhat nen ka lo kaltawh na lamah chuan ka kîr leh ta a.

Wine chu glass ah thli chhuakin, a bottle chu ka bul mai ka banphâk turah chuan ka dah a, hot tub ah chuan ka lût ta nghâl a .

Chutia tuilum nuam zet mai a ka taksa kan chiah chu, ka taksa na ṭhem ṭhum te chu a reh huai hian ka hria a, wine chu ka inpah mawlh mawlh bawk a,chu wine chu a ṭha phian mai, tak ṭha tak a ni, wine mai té pawh ni mahse.

Ka kâi deuh chhalh tawh!

Darkar a lîam a, a lîam zel a.

Harley chu a rawn la  hâw ta hauh lo mai.

"Wine pawh a zo ta." ka ti chhuak sap a.

Chutih lai tak chuan ka awmna room kawngkhar chu rawn inhawngin, Harley hmel pa zet mai leh ṭha zet chu a rawn pén lût ve ta chhak mai.

Ka ṭawngkam a ṭanga rûi tawh tih hriat tak chunga lo biak pahin," I lo thleng ve ta a lawm, i thidaih tawh emaw ka ti hman ṭep a sin." ma melh leh zauh a.


Chík zeta a mitmeng thim deuh ruih maiin min rawn melh reng na chu ka hmuh hmaih hauh lo. "Engzah fakau nge maw wine i lo in reng reng le?" A rawn ti ve sup a.

"Vawikhat chiah , ka tih awm zia chu bottle khat ka tihna..." ka ti bah deuh niai a.

"Lo kal ve rawh! ka bulah hian, a nuam.khawp mai."  ka lo tih zawm nghâl zat a, ka nuih pah sak bawk a.

"Ni rihlo e, babe! Tunah chuan thil tih tur ka la  ngah lutuk!" tih pah chuan, a phone chu phawrh leh nghalin, min hnungchhawn pah chuan, a phone ken chu a bengbulah chuan a dah leh ta daih a.

"Hey Carter keimah ka nia," tih zawm leh nghalin,"Aw ka hmu tawh e ."

Ka thil lo in nen ka  in ngaihtuah lungpuam a, Harley hian ṭhian ang chauhvin min en a nih hi!

A chângin duhthawh zetin min kiss ṭhin a ,, a chângin min ngaihtuah ber ang zia zângin a che ṭhin bawk.

Chuan a chângin a tân a engmah nilo ang tluk zetin, min en leh bawk ṭhin a. Mahse kei erawh chuan  ka hmangaih tlat. bawk si. ka ti rilru pah nep nep a.

Tunah hian min ngaihsak takzet em tih hi hriat chian a hun ta in ka hria.

Tûnah chuan ka taksa hi eng ang chiahin nge i ngaih tih hi kan hre dawn a ni Harley !ti rilru chung chuan, ka bikini hâk chu ka phelh ta vek a, kai viau lo phei ilang chuan he thil hi ka tih ngam ngailoh tur a ni, mahse Harley hian ka awm dan leh chezia ah amah ka la duh reng a ni tih hi a hre lo mai pawh nilo in a ngaihven lo.

Keimah min hnungchhawn zâwnga awm Harley chu ka âu pah bawk a.

"Harley!" ka ti chang fal a.
 A ni chu rawn inherin, ka awmdan chu mak a ti tih zia a mitmengah chuan, ka lo hmu thei,.a phone ken chu a thlauh ṭep mai leh nghal a.

"F*cking hell, Babe." Rei vaklo chhung chu mak ti zet hian ka taksa ruak vek chu a melh reng a, ṭawng chhuah tum pawhin a lang lo.

"Lokal rawh lo lût ve la," tiin mitmeng sisap chuan ka lo mel ralh  bawk a.

A phu deuh zawk, a harh chhuak a ni ngei ang, "Belle khatiang khân ti suh !"a rawn ti hrawih a.
A in her vut a min chhuahsan ta nal nal a.


Hmel ngui raih chung leh vei dawng zet hian, "A chhânna chu ka hmu ta in ka hria." ka ti sap a, ka bikini chu ka inbel leh ta nghal a.

Rilru na zet chungin, bed room lam chu inthlâk tur chuan, zâwimuangin ka pan ta chhat chhat a.


HARLEY ........

Pâwna ka va chhuah chuan, ka kut te chu a khur ve hluk hluk a, khatiang em em a hmeichhe sexy kha, Oh God ka cigar chu la chhuakin ka ṭan a ka hîp pah vang vang bawk a.

Tunang hun hi chuan he thil hi ka mamawh takzet a ni.



He lai hmun a Belle hruai hi a chî loh tak zet, ruahmanna ṭha lo tak a ni.

Engtia rei nge hetia pângngâi zet a ka awm theih ang ? Kha a taksa nalh zet mai khan min hîp bet tlat a ni tih kha, a hriat chhuah loh hram ka beisei.


"Hreptak zet che chuan Belle min ti â zo hial dawn." tiin ka phun pah sup a.

Ka cigar zûklai chu paihin, inchhûngah chuan ka lût leh a, indoor hot tub awmna ah chuan, ka va lût leh a, belle chu a lo awm tawh hauh lo.

Bed room lam chu a awm ringin ka pan veleh ta a.

Mahse khatiang khan a lo awm leh ang em, a vawihnihna chu ka tuar zo tawh lo ang, ka insum thei tawh bawk hek lo ang, God min pui hram ang che, khatiang nula thianghlim kha ka laka in pe tur khawp in kei chu mi tenawm tak ka ni si a.
..................................................................