SEDUCTIVE S II CHAPTER SEVEN

SEDUCTIVE S II CHAPTER SEVEN

FAKNA MILEM AWM KHA HMEH ṬHEUH KAN TUM DAWN NIA, CHUAN SECOND SAWM LEK CHHUNG NGHAH KHA A PAWIMAWH BAWK AW, NAKTUK TUK LEH ZAN LAMAH TREY A TE CHHUNGKAW CHAN CHIN SEASON III KHA RAWN DAH KA TUM DAWN NIA. ZANIN FAKNA INHMEH ṬHAT DAN A ZIR IN AW.

ELEANOR...

"I chenna ah maw?"

"Ok, ka rawn kal dawn nia."


Tu melissa nge ni leh ta pek, chu hming a lam chuan min ti phu zawk a, ka hmangaih thu ka hrilh hman ta lo kha ka lawm hle bawk.


An in biak zawh hnu chuan min rawn melh zauh a, "Phone kha chhan ka ngaih a vangin pawi ka ti hle mai."



"A pawina reng reng a awm lo, ngaihtuah duh suh."



"Oh, chuan engthil nge min hrilh i tum kha?"



"Theinghilh rawh Wesley, a pawimawh em em lem lo ."


Rilru ngui ru tak leh engmah pawh ei lem lo chuan ka ṭhutna a ṭangin ka tho chhuak a, heng ka buaina laka he pa ka bula security hna thawk ang maia a awm hi ka duh  hek lo.


Ka hun kal tawh hnu chung chang thilah pawh khan tumah reng dem thei ka nih loh zia leh tuar tu tur chu keimah chiah ka nih zia pawh ka hrechiang thawkhat viau tawh.


Hetia dawih taka ka awm na chhan hi ka hun kal tawh a ka thil tawn vangah ka mawphuh kher lo, He pa erawh hi chuan a hun kal tawh hnu a ṭanga nundan thara nun a tum tih erawh ka chiang hle.

A chhan chu hetianga min nghah na lamah hian a chau zo tawh tih pawh tunah khan ka hre chiang viau tawh a ni. A nih loh pawhin ṭha bera ka hriat ang kha chhunzawm zela a khawvel a ṭang a tlan chhuah a, ka khawvel zawk chhunzawm leh pawh chu ṭhil ṭha tak pawh a ni thei bawk.


Ka ding chhuak a, kal mai tuma ka inher lai tak chuan Wesley aw chu a rawn ri chhuak a, "Ngawi lawk teh Eleanor."


Mahse a thusawi erawh hre lo ang takin ka kal hmiah hmiah tho, chu hmun a ṭang chuan ka chhuak kawngpui ka thleng phei chiah Wesley chuan min rawn nang ching leh a, ka hma lama mi rawn leh khalhin ka kal tumna lamah chuan a ding ta tlat a, "Wait, f*ck Eleanor." A rawn tih hrawk takah chuan ka ding chawih nghal.


Lungngai hmel la pu reng chung chuan ka melh chho a, a ni pawhin ka hmel put dan chu a hrethiam ve nghal vat tih pawh a hmel put dan rum tak a han in thlak thleng chawp chilh dan a ṭang chuan a hriat nghal vek bawk, thawk a ka pah hawk a, "Tihpalh, i laka ṭawngkamchhia hman hi ka duh zawng a ni bik hauh lo."


"Ngaihdam i dil a ngai reng reng lo, mihring kan ni a, thil tih dikloh palh te chu kan neih chang a awm fo ṭhin a lawm." Chhungrila ka khurh nasat zia hre ru ran chung chuan ka sawi chhuak ve a, ka mittui tla mai tur chu dangkir ka tum ṭang ṭang bawk.




Wesley chuan min rawn dinhnaih leh zual sauh a, lo hnial ka tum na lamah ka in rin hman hma chuan ka mittui chu a far ta zawih zawih a, a ding nghal chawih a, "Ṭap suh!"



A hun tawnah chuan a ni pawh ṭawng chhuah a harsat hle tih ka hria, thawk a la hrawih a, a kut a a lama min pawt hnaiin a awmah chuan min bei tir thlawp a, a taka ṭap chhuak silo in chhungrilah ka ṭap khur ngat ngat a, ṭah chhuah vak mai chu ka chak a, mahse ka thei silo, chu chuan chhungrilah min nghawng a, ka rum ru ngawih ngawih.


He keimah a chaklohna awm hi a hriata pho chhuah ka duhloh vang a ni ber, a chhan chu a ni hi ka chaklohna a ka ngaih tlat a vangin, hriat tir kher erawh ṭul ka ti lo.

"Bang tawh rawh." A hnu deuh ah chuan ti lehin, ka chhipsamah min fawhsak pah zauh a .


A hmui a ka sam la sik tir reng pah chuan, "Min hmangaih let tur hian ka tilui hauh lo che a nia, inngaihtuahna hun i mamawh tuh pawh ka hria a lawm." A ti pah sup a.


"I nunah hun harsa zet i paltlang a, mahse i hun kal tawh hun ṭha lo zet ai kha chuan i chak zawk fe a ni tih hi ka hria a nia, nikhat chu engmah hlaihna neilo in i leh huaisen taka i hun hmachhawn tur neih ang ang te hmachhawn ngam tur in i ke i la rawn pen chhuak dawn tih hi ka hria, chutianga i tih chu ka ring a, ka ring tlat bawk che ."


"In ngaihtuahna a tan a i hun mamawh ang zah zah chu la ang che."


A taksa ngheng tur chuan min pawm bei leh thlawp a, hreawm tam tak tuar tawh hnu a a tawp a tawp a mahni in a thlamuang taka awm ang mai hian ka in ngai, "Wesley Cooper nang hi ka chaklohna chu i ni a sin." Tih thu chu ka sawi chhuak ta phawng a .


A mah erawh chu ka aw chhuak chu a zawih em a vangin a hre thei ang em tih erawh ka chiang chiah lo, reilo te hnuah chuan ka thusawi chu a hre choang hle a ni tih nemngheh na turin a che chhuak ta a, ka chhipah arawn fawp nawn leh a, tun ṭum zet chu a fawp ta vawng vawng a, a inher nghut a, taxi rawn tlan chu phar sing nghalin, pawisa a pe a, ka lam rawn hawi lehin, "Taxi ah hian lut nghal rawh, i chenna in lamah a hruai haw ang che."


Ngawi rengin ka bu nghat a, a sawi ang chuan taxi kawngkhar hawngin ka ṭhu lut ve mai bawk a, taxi kawngkhar ka khar leh hma hret chuan Wesley chuan he thu hi min hrilh a, "Chawl hah dam ang che Elo."


WESLEY COOPER....


Eleanor chuanna taxi a tkan liam hnu chuan rilru hah zet a thawk lak rik hrawih pahin ka car park na lam chu ka pan zui ve nghal a, he nu mizia hian eng ang chiahin nge min khalh kawi zawh tih pawh ka hrethiam bik tawh lo;  amah ngaihtuahna rilru ka neih nasat lutuk na a vang hian ka â lek lek tawh ni a inhriatna te hial ka neih phah tawh a ni.


Rilru na taka a awm.a piang a engbanga hreawm lo ti ve zel ṭhin nge ka nih chiah lah a chhan ka hrechhuak ngai hek lo ang, hei tak hi a ni Eleanor in ka zawhna a chhan huna ka hriatthiam.theih tur chu, ka hmangaih thu a hre tawh a, min hmangaih ve turin ka tilui lo tih lah a hre tawh bawk a, chutiang thil ngaihtuah tur chuan hun hasa tak a tawh rih a vanga inngaihtuahna hun pe pawh ka ni reng bawk a, mahse chu mi chung chang thu ah chuan ka zawhna pek.a chhan hun tur erawh ka huphurh ru hle bawk.



Ka car parkna bul ka thlen.hnu chuan ka chahbi chu ka hmet ri zauh a, car khawngkgar hawngin.ka ṭhu lut nghal a, Melissa chenna hmun lam pan chuan ka inkhalh chhuak ta nghal a, motor ka kgalh chak bawk a, reilo te ah a flat awmna chu ka thleng thuai a, door bell ka hmet a, kawngka chu a inkalh lo tih ka hriat ṭhin tawh a vanh chuan ka nam nghal a, ka rin ang ngeiin a inhawng nghal bawk; "Finally." Tih deuh halh pah hian ka hmel a hmuh veleh Melissa chu ka lam panin a rawn che chhuak nghal thuai a, "Welcome back to New York Wes." Ti in min rawn kuah nghal thlawp a, min hmu keh chu a hlim hmel hle bawk.


Dim te in ka nam sawn a, "Thanks Mel."


"Media lam ho kha NY i rawn ṭum veleh an lo kal nghal khan ka hre si a, eng vanga he lai hmun rawn thlen nana hun duh rei viau nge i nih a?"


Melissa thusawi leh a zawhna ho reng reng chuan ka beng kawrawng chhung an luh theilo, chu ai chuan Eleanor thu min hrilh kha ka ngaihtuahna thluak bur a ṭang hian ka paih chhuak thei lo zawk, kei in a mu ṭha thei em tih leh ka bula a awm.hian hreawm.a ti viau ang em tih ka ngaih tuah laiin leh a tana hlimna ka duhsak em em laiin, kha kha a nilo'm ni Pariah pawh ka ngaihtuah ber ṭhin, chu ti ang thil ka ngaih tuah lai chuan a ni ve thu g chuan he thu hi min hrilh ta zawk a nih kha, "Wesley nang hi ka chaklohna chu i ni." Ti a sawi khan ka ngaihtuahna zawng zawng a luahkhat vek a, ka thluak burah hian a ri nawn tluk tluk bawk.


Thawk ka la ri hrawih a, "Har chhuak teh, i sumdawnna a risk i lak huai viau kha tunah chuan a hlawhtling ta e, chu chu i hria maw Wesley Cooper." Ti hian a rawn au deuh vak a.


"Ka nupui hual bulah hun ka hmang lawk a lawm mawle." A zawhna ngaihven tum zet chuan.ka ti chhuak sup a.


"Oh, ka hrethiam e." A nui chhuak ta hak hak a, "He nu hi nupui a neih tak tak i tum ve ta tihna em ni?"



"Kan thawk ṭan nghal thei tawh zawk em?" Chu thil sawi pui ka duh loh zia leh ka mimal thil sawi pui chiam chiah ka duh loh zia chu a lalah ka tilang chiang hlr in ka hria, a ni pawh mi a nileng ni hek lo, chutiang thil sawippui chiam.ka duhlo a ni tih hre ran chungin mi pawh zawt nawn leh tawh chuang lo chuan min buk khum nghat a, living room lam pan a kal nghal pahin a kut chuan min hui pah zauh bawk a, chu lam chu kei pawh chuan ka pan ve ta nghal a.




ELRANOR....

Kal kawnga kan tlan lai chhung zawng ka thil ngaihtuah chuan min thawk tir huai a, ka thawl phah huai a inhriatna ka nei bawk, a hma kha chuan ka rilru put zia kha Wesley bulah ka hrilh ngam ngailo a, mahse tunah chuan chung ka lo zep zing ami pakhat ka sawi chhuak ve ta, ka nuam deuh huai mai, thawk ka la raih raih a, rahbi thar ka rah vawikhatna a nih a vang chuan ka hlim phah hle bawk.



A mah erawh chu ka thusawi kha eng angin nge a ngaih ang tih leh a hre chiang chiah em tih ah hian ka la buai deuh hlek.


"Mahse thil te tham tak a ṭang pawhin lian takah a thlen chhoh theih tih ka hria, chu chu beidawng miahlo a kan beih chauhin a ni bawk." Inchhung ka lut tur chiah chu ka hnunglam a ṭang hian min rawn ko a, ka leh hawi vat, "Hello Sam." Nui hmel pu sang hian ka ṭhiannu chu ka hmachhawn a.



"I rawn kir leh hun tur ka lo nghak char char a." A kut chu a nuai deuh nak nak a.


Tuna ka thil ngaihtuah te hi sawi chhuak lo in ka awm theilo, a chhan chu ka hlim em a vangin.


"Zanin khan Wesley chu eng angin nge ka ngaih tih thu ka hrilh a sin."


"Tak zet?" A phu ve zawk a.


"Yes, a landan ah chuan a ni chu a nia lawm."


Ka thusawi kha a hre thei em tih chu ka chiang chiah lo a, mahse a lak ah ka inhawng ṭan ni in ka hria."


Kawngka ka hawng a inchhung lamah chuan kan inzui lut a, inchhung lama mi rawn zui luh ve pah chuan, "Elo, kha chu i ti ṭha thawkhat viau in ka hria."


"A chhan chu i pi leh kei tihloh ah chuan midang tuna lakah i inhawng ngai lo a, Wesley lakah pawh rahbi thar ṭha takah i kai chho ni in kahre bawk."  Sam chuan a ti lut ve mawlh mawlh a.



Ka nui lui sak a, chu a thil sawi chuan ka pa min kalchhuahsan lai kha min hriat chhuah tir a, ka pa kha ka ṭhianṭha tak ang mai a ni a, khatia min han chhuahsan hnu khan mahni leh mahni ka inkharkhip hnan a, tu lakah mah ka rilru dik tak hi ka sawi chhuak leh tawh ngai zen zen lo a ni.


Thawk ka la pah hak a, "Well, ngaihtuah nasa duh lutuk rih suh." A rawn tihna chuan min ti harh zawk.


"Zanin kha kan inah lokal a, rawn riah i tum zan a ni tih kha i la hria em, kan pahnihin kan party dun dawn kan tih kha?"


Ka lo theihnghilh hmin der tawh a ni tih ka hriat chhuah chuan ka inthiamlo hle a, ni e, khatiang buaina awm hma kha chuan kan sawi dun ngei a laqm, mahse buaina a awm tak nuai a vang khan tunah ka hre veleh chauh. "Tihpalh lutuk, ka lo theihnghilh daih tawh a." Ka ti chhuak sap a.


"A pawi reng reng lo, hei ka lo kal tawh tho a lawm ti raw, lokal rawh, i room ah chho ila, movie en dunin kan riak dun dawn nia."


"Ok, well, ṭha lutuk, rei tak tawh a ṭanga movie en chak deuh mai ka neih ka la en miah loh ka kawl tak a sin."

"A nih chuan eng nge kan la nghah renga, tirawh chho vat teh ang."Ti a kan phul dun hlut hnu chuan ka room lamah phur zet hian kan chho dun ta a.



SAM....

Eleanor nen chuan a movie enhual chu popcorn leh eng eng emaw eitur ka khai luh nen chuan a laptop ah kan en a, zan rei leh reiloh lam pawh kan ngaihtuah dun lo, movie a tawp hnu thleng pawh chuan kan ti ti a, kan hihg shool kal hun lai vel te sawi dun in kan hlim hle a, A hma a ṭang tawh khan Elo hian boyfriend te pawh a nei ve ṭhin, mahse hmeichhe awmdan tur a nih vang chauh a nei ve mai mai a ni a, tumah a thu tak pui tak tak ṭhin lo; chumi kawngah chuan ka khak ziah ṭhin a, engah mah ngailo zet hian min nuih ringawt zel, kei pawhin ka enliam ve ta mai mai a, kan pahnih ah erawh intih thiamlohna kan nei ngailo thung.


Tun ṭuma Wesley nen an han inkawp zet erawh hi chu Elo hian a la thutak viau in ka hria a, chu mai pawh nilo in Wesley hi kan pa ṭhianṭha tak a boss ni bawk a ni a, a ni pawh hian Eleanor a en dan hi a dang tih ka hre chiang hle, mahse an pahnih ah ve thung hi chuan an kai sang dun har khawp mai, a tu ve ve mahin an inhmangaihna hi an ti lang chhuak hreh ah ka ngaih sak a, an pahnih tan hian a tu te ve ve pawh hi an special dun hle a, chu chu ka hmuh dan tak pawh a ni.


Nakin lamah chuan mipahnih in kawp dun thei tak an nih ngei ka la ring bawk.


Tlai takah kan mu dun a, ka mu tui viau nge mu tui lem lo tih pawh ka hre thei lo, Eleanor ka bul maia mu chu a ṭawng vai a, min ti harh leh ṭhin, a thu rawn sawi chhuah chu a chiang viau mai leh nghal a, "Dad, min kalsan suh!"



"Khawngaihin."

Chutiang thil hlir chu ṭah aw ṭiau chung hian zan khua deuh thaw a asawi ka ring, ka muhil tui lai ka harh leh ṭhin a, zing a nih hnu ah phei chuan ka mului thei tawh lo chu ka tho chhuak ta ringawt a, time ka melh zauh a, dar ruk leh a chan ve a lo ri der tawh a, ka zing thawh hun ni chiah lem lo mah se loh theihlohna a vangin ka tho chhuak ta a, ka tho chhuak chiah thawm ka dim tehreng nen, kan che deuh hlekah chuan a ni pawh a rawn meng chhuqk ve nghal a, mut kham.hmel zet a mi rawn nuih sak pahin, "Good moring." A rawn ti a .



"Elo...." zan lama a ṭawngvaih danah kgan ka ngaihtuah ru hle a, a ni erawh engmah buaina nei lo ang maiin hmel hlim siah a pu zawk a, chutak chuan ka ngaih a ti ṭha lo tulh tulh .



"I mu ṭha maw?" A ham deuh bai bai a, khumah chuan la mu reng chung hian a zi mar pah ar ar bawk a.


"Ka mu ṭha a lawm, chu zawng ai chuan nang zawk hi i mut ṭhat theihloh ka ring."


"Eng nge i thusawi awmzia chu, ka mut ṭhat zia pawh ka hmelah hian a lang viau lo em ni?"



"Ka tih chhan zawk tak chu zan khua deuh thaw in i ṭawbg chhiak tlat a lawm." Elo hmel chu chik zet hian ka melh a, nizan lama a thusawi laia a hmela natna thuk tak leh tawrhna nasa zet lang kha ka hmu zo tawh lo.


"Tak tak maw?" A phu deuh zawk a.


"Aw ni e, ka hriat ho chu i pa i ngaihzia thu te, kalsan lo tura i ngen nasat zia thu a ni deuh ber."


"E....eng a? Kha chu a awm anglo tak zet zet." Mak ti in a meng phawk nasa mai.


A rawn tho chhuak a, khumah chuan ṭhu in, a inkuangkhuah hlan bawk a, "Ka pa te chi rawn kir leh pawh ni se ka pawm theihloh dan tur zia pawh i hriat reng kha."


"Khang a vang khan specialist hmu la ka tihna chu i tih reh theih chuan ka,ring lo.'


"Elo, mahse specialist erawh i hmuh ngaiin ka hria, he thil ka hrilh nachhan che pawh, hetiang a hreawm tuar a i awm hi ka hmu duh lo ." Ka chal ka tuai oah zauh a.



"Nilo e, Sam, hetiang hi chu sawi rh lo teh ang, tunah hi chuan chu aia buaipui tur thil ka ngah rih lutuk, chuan ka ṭha a, puih ka ngaih ka in ri g hrk lo."


Hnuailam chu ka melh a, ka theih tawkin ka ṭhianṭha tak Elo khawngaihthlakawm zet mi ṭanpuina pawh lak tum ngailo, mahmi kut leh ke a din chhuah tum tlat mi hi mihringah an tam hauh lo ang tih ka chiang viau.


"Khawi hnunah emaw kalin breakfast kan ei dun dawn em ni?"



"Ol. Mahse a man i pek ve vek q ngai ang."


"A ṭha e." Min tih khum.hmarh a, ka nuih erawh a za phian.


"A nih chuan bathroom kan hmang hmasa ang e." Barhroom lam chu inbual turin ka pan nghal a.



ELEANOR.....


Sam nen chuan ka laptop ah  ka movie sawi chu kan en dun a, a ni in pawhin chutiang chuan kan ti dawn tih hre lawk sa ran in Film en pah a ei tur chips, popcorn, leh a dang dang a rawn keng ruih mai a, cold drinks leh juice eng eng emaw te nen film en pahin kan ei dun mawlh mawlh, dinner ei leh kher ka ngailo chiang ngei mai, film tawp hnu thlengin rei tak chhung kan inkawm a, kan hun kal tawh hlim awm tak tak te kan sawi dun in, naute kan neih ve ve hunah pawh kan bazaar dun ṭhin dan tur thlengin kan sawi lawk a, kan hlim dun hle, chuti ang chuan zan rei tak chhung kan meng dun a, chumi hnu ah kan pahnih a inkuah chial chungin kan muhil dun ta a.



Heti ang em em a ṭhianṭha Sam ang ka nei hi vannei ka in ti viau bawk, kei ngei pawhin nakinah hun khirhkhan zet a tawh ve hunah pawh puih theih ngei ka tum hle.


Mahse hei erawh ni turin ka duh hle bawk, chutiang thil hun hreawm tawng tur chuan a felna te hian a phu lo a, a nunah hian thil ṭha hlir tawng tur a nih zia leh a phu zia pawh keimah ang tho a Pathian ngei pawhin min hriatpui ka ring.



Zing ka tho ka meng chhuak "Good moring."  Ka tih chuan min lo en kar tawh mai a.


Mak ti zet hian ka en let ve bawk a, zan lama ka ṭawng chhuah thu min hrilh a, ka pa min kalsan lo tura ka ngen thu a sawi bawk a, ka mutui viau a, chutiang thil ka sawi chhuah pawh ka ring lo zawk hle a, mahse a ngaithla miau bawk si.


Specialist pan turin min rawn a, ka lo hnial nghal pang, chutiang pan ngai khawp khawpin ka awm hauh lo, ka pa chu ka la ngai ṭhin a, khawvela ka ṭhianṭha neih chhun leh ka hmangaih awm chhun anga ka ngaih tlat a vang khan min kalsan ta kha tuar thiamlo hle a ni .


Breakfast ei chhuah ka rawt chuan a hlim leh ta hle a, mahse kan ei man ho ka pek tur a tih chuan ka nur deuh nang nang, mipahnih an ni a, an ei hnem thei ropui bawk si.


"Shower ka hmang dawn." Ti in bathroom lamah min la luh khalh zui, ka ṭhianṭha tak chu nilo sela zawng a chaklo khawp ang.

Ka pi room lama bathroom ka pan a ngai a, a ni raipuar ṭheuh tawh ṭuan neilo zet chu ka zawh khalh thuai a, bathroom a ṭanga a rawn chhuah chuan ka thawmhnaw te pawh ka lo thlak fel diam.hman tawh, ka sam la hnawng chap chu ka lo khuih malh malh lai chuan a rawn chhuak ve ta hram a, kan pahnih chuan breakfast ei turin kan in zui chhuak dun ta a, ka car chhungah lutin restaurant lam pan chuan kan inkhalh chhuak ta nghal a, Sam lam hawi zauh oah chuan, "Thil pakhat hrilh tur che ka nei a....."


"Oh, radio volume kha ti sang deuh teh, chu hla chu ka duh lutuk." Ṭhu chung chuan music remin a lu a bu pah nghat nghat a.


"Oh, yeah, Oh, yeah."

"Oh, tawp teh." Ka nui ve hak hak a.


"Ka hrilh tum tak che chu..... tun a ṭanga ni reilo te hnuah hian naute kha ka kutah ngei a awm ve thei tawh dawn tih a nia."

"Oh, Eleanor, thu lawmawm zet a nih chu." A au pah hlut a.


Kan kalma tur kawng tluana ka ngaihtuah tak chu Wesley nena naute kan enkawl dun dan tur hlir chu a ni a, engtin nge kan awm chhoh zel ang tih erawh ka ngaihtuah phak chiah lem lo, mahse a nawm viau erawh ka ring thla ve ngawt. Sam bulah chuan Wesley nena kan thul rel dun dan zawng zawng te pawh ka hrilh ve vek a, a ni pawhin ka thusawi te ngai pawimawh zet in a lo ngaithla ve kar bawk, ti ti dun mawlh mawlh chungin kan thil eina hmun tur kan thlen chuan ka car chu ka ti ding ta a.


Restaurant pangngai ve takah lutin kan ei tur chah te kan nghak dun ran a, chumi pah chuan eng eng emaw kan la sawi dun bawrh bawrh tho, "Ruahmanna ṭha takah ka ngai." Kan ei tur te an rawn dah hnu chuan a hma zawn a donut awm keih nghal hmak chung chuan a rawn ti a .


"Ni e, mahse naute enkawl sei len chu hba awlsam zawk zawk zawng a ni hauh lo ang tih ka hre mai." Ka hma a latte chu ka ban ve nghal vat a, ka duh dan a g ngei a cream telh a nih a vang chuan ka lo thau phah deuh a kih pawhin pawilo turah ngai ang.


Latte ka tem.hlak hnu chuan dawhkanah ka nghat thla leh a, ka thilsawi chu ka chhunzawm leh a, "Engmah buaina awmlo a enkawl theih ka duh lutuk, mahse hna ka neih loh ni leh eng emaw hun harsa tak ka tawn ni hi a la awm.ngei dawn a, chumi hunah chuan engtin nge ka tih ang tih ah hian ka hlauthawng ber, Wesley hi chuan kei ai pawhin naute hi a enkawl thei zawk ngei ang tih pawh ka hria, mahse......" ka ngui nghal raih raih a, ka mittui a tling ngal pam bawk, ka thusawi lai pawh chu ka chhunzawm thei ta lo a .


"Elo, khatin sawi duh reng reng suh, Wesley hian pawisa nen ringawt he naute hi tha takin a enkawl thei hauh lo ang, thil engkimah pawisa hi a ni vek kher lo a nia, he naute hian hmangaihna a mamawh a, chu chu nang hian i pethei a ni tih hi hre reng ang che."


"Ka hria a lawm, mahse khun khan zawk taka i ngaihtuah ve erawh ka duh khawp mai."


"Ok, a nih te chuan kan lawm dawn em ni, i dream pakhat chu tih full fill in a awm ta chu a nia." A nui chhuak ta var var a.


"Tehreng mai." Thil reng reng hi Sam chuan a hlimawm lam zawng hlir hian a thlir a, chutianga thlir ve theih chu ka chak em em ṭhin, hei vang hi a nia, a bula ka awm cgang a ka zan huai zel nachhan pawh.


"Party na hi naktukah nge neih i duh anga zaninah zawk?"


"A chhan chu nang nen hun ṭha tak hman dun na hun a ni leh bawk ang a."



Ka ngawi rauh rauh hnu chuan, "Ti chung khan i tih theih i in ring em ni?" A dul lam melh pah chuan ka ti ve ta khauh a. A chhan pawh a pum lam chu a puar tawh viau a, engtik lai oawh a nau hring maithei dingmunah a ding tawh miau a vangin.


"Oh, ka ṭha em em ang, min ring rawh.'


"Well, ka ksl duh a nih tak leh a hun turah chuan kei man ka rawn ruat fel mai dawn nia, message ka rawn thawn mai ang che."



"Okay." A bu ve nghat a.


Ka latte ka inzawh hnu chuan ka ding chhuak nghal a, "Tunah chuan hna thawhna lamah ka kal a hun ta in ka hria, inpa lo inlam tir mai rawh aw, tunah dar 7:50 a ri tawh a, dar riat hi office ka thlen hun a ni bawk si a."


"Ok, kal rawh kal rawh, nakin lamah kan la inhmu leh dawn nia, i boss sexy zet kha min lo biak pah bawk la." A nui pah rah rah a.


Eng tin mah a chhang tawh lem lo chuan hmanhmawh zetin ka kal chhuak ta nghal a.


COOPER'S COMPANY....


Office building ka thleng ka car ka park fel chiah ka phone time ja rn chu dar riat a lo pel duai tawh tih ka hre chhuak a, hlauthawng zet hian, "Ka tlai." Ti chhuak sapin hmanhmawh zetin building chhungah chuan ka tlan lut nghal a, receptionist bul ka thlen chuan in report pah hian, thlan tla phang chung hian, "Morning." Ka ti zauh a, ka room lam pan nghal mai hi ka tum a, "Good morning, Miss Garcia, boss in a hmu duh che a nia."


Ka kal lai chu ka tawp chaih a, ka hawi let nghal a, "Uh....okay."



"Mahse ka uniform te ka hak hmasak phawt a ngai ang chu."


"Min hrilh dan chuan a rang thei ang ber leh i lo thlen veleh ah a ti a."


"A ṭha e, min lo hrilh nghal vat bawk a vangin ka lawm.lutuk." ka kalsan ta nghal a.



Lift a ka chhuan hnu chuan ka inngaihtuah raih rauh a, Melissa tih hming kha ka ngaihtuahna ah chuan a rawn lut leh nghal zat bawk, eng pawh ni se he nu hi tunge a nih chiah ka hriat chhuah ngei a ngai ang .


Mahse chumi a vang chuan Wesley private life ah intahluh erawh ka duh tihna a ni chuang miah lo, a life hi ka suasam sak theilo ang.


Ka chuanna lift chu a ding ta dat a, chu chuan Wesley office room ka thleng tih min hriat chian tir hle bawk, i kal poh ang hmiang. Ti rilru chung chuan lift kawng khar inhawng lam chu ka pan a, ka chal dawm zauh chungin ka heh ka pet pah zauh bawk a, ka thil tawn tur pawh huaisen taka hmachhawn ka tum hle bawk.


Wesley office room kangkhar zawn ka thleng chuan thawk ka la hak a, ka nem hawng ta nghal a, a inhawng veleh ṭawng thawm ka hriat nghal a vangin, phone a be leh mek a ni ngei ang, ka lut tlang ta tho a,"Ka hria a lawm."


"Tunah maw? A mah te pawh lo thleng ve phawt sela, ti chuan kan rawn kal ve nghal dawn nia."


"A duh chiah ka ring lo Tommy."

A biak chu Tonmy a ni tih ka hre nghal a, khawiah nge a kal dawn a, eng nge tih a tum chiah ka hre lo bawk, tu chung chang nge an sswi ang? Keima chung chamg pawh a ni maithei.


Ngawi rengin Wesley hnung lamah chuan ka ding ran a, "Ok, engpaeh ni se, ka lo zawt ve reng reng dawn nia ." Ti a asawi leh hnu chuan a phone chu a cut ta a, "Mr.Cooper min hmuh duhna i nei em ni?"


Ka lam hawi a arawn inher lai chuan ka mitko ka lo san khum zauh a, ka kut ka kuang kuah hlan bawk a, tunah chuan hna kan thawk dun leh tawh dawn a, pangngai taka kan awm dun leh tawh a ngai ngei ang, kan pahnih a buaina kan neih teleh kan private life te thleng chuan dah ṭha in, kan hna lamah kan hun kan pek a ngai ngei bawk ang a.


Hna kan thawh hun chhung zawng chu Mr.Cooper ti a ka koh hram hram a ngai tih lah ka hre choang viau tawh bawk.


"Oh, i lo thleng ve tawh maw?" Thawp set sawt zet hian a rawn ti a, a aw chhuak chu a ngai te bawkin chhungril fan thei khawpin a ril leh ruih tawh.


"Khawngaihin heti lamah hian lokal ta che." Mi pawh rawn en leh tawh chuan lo chuan a phone chu bih zaih pahin a desk lamah chuan a thehthla nghal a.


A lam chu ka va pan hnai ve a, mahse kan inkar erawh fit hnih vel dawn laiin ka dah awl thung, mahse vawiin a a lan ṭhat zia leh a pa zia erawh ka hmuh hmaih chuang hauh lo.


Shirt dum a rawn ha a, chu chuan a pianzia nalh zet mai leh tihhrawl ngah tak chu a pholang hneh hle a, a ban thahrui ngah hmel zet pawh chiang takin a lang bawk a, a khabe hmul pawh a met fai vang a, chutiang bawk chusn a sam kawi deuh lek lek sei lam.lek lek pawh chu a khuih mam ṭha hle bawk.


"Vawiin chu hna i thawk lovang."


"Eng vang chuan maw?" Ka mit ka chhing pah sawk a.


Thawk pal halh pah leh ka chal dawm khum zauh pahin, "Hey, hnathawhna lamah chuan inhre ṭha tak anga langlo in, hmelhriat ngailoh ang taka kan lan dun pawh a ngai tih ka hria, mahse engpawh nise la, ka ngaih dan chuan kan pahnih hian....."


A lo nui chhuak hawk hawk thung a, chu vang chuan ka thusawi tur pawh ka sawi zawm lo chiang hle,"Khami vang kha a ni hauh lo, engpawh nise, hetia ka bul hnaiha i han awm ve hrim hrim hian nuam tihna hlirin ka khat ṭhin."


Tlema mi rawn panhnaih deuh pah hian, ka bek sam rawn thla thla hniang chu a rawn khawih a, ka beng kawmah chuan min zeh sak a, chutiang thil te tham tak min tih sak chung pawh chuan ka thin a ti phu nghal dawt dawt, mahse vanneuh thlak zetin, a tawpsan ta hlauh zawk a, "New York interview chung chang kha eng nge a nih chiah i hria em kha?" A rswn ti leh sup a.


A thil min zawh a vang chuan ka phu deuh zawk, ka hre chiang khawp mai, ka hre chiang lutuk tlat, "Eng vangin nge ka hriat loh ngawt ang?" Ti in a mah chu ka melh chho pah awk a.


"Hmm, sawi la?"


"Oh, milar tak tak te an kal khawm a, ti chuan an mimal chung chang midang te hriat tur an duh ho chanchinbu mi hma ah an puang ṭhin, chung chu mi tam takin an lo en a ni lo'm ni, chu thu chu eng vanga min zawt nge i nih?" Ti in ka zawt let veleh chhawng a.


A phone dawhkana a dah chu la a en leh run run pah chuan, "Well, chu hmun chu kan kalna hmun tur a nih dawn a vangin."


Ka phu nasa awn awn lutuk, ka au chhuak lo chauh bawk, "Eng nge i thu sawi awmzia chu?" Ring ngam chiah lo deuh si hian ka zawt nawn leh a, ka hriat sual ni hlauh se ka ti ngawih ngawih bawk.


Thawk lak deuh hawk pah hian, "Vawiin hian interviewna an neih dawn a vangin."


Ka biang leh lam leh lam ka kut a dawmin, ka mengphar nasa hle bawk, "TAK TAK MAW?"