THE CONTRACT BONUS LAST CHAPTER

THE CONTRACT BONUS LAST CHAPTER

Graham ka biakna a ṭang leh Condo kan rawn hawn leh hnu a ṭang pawhin kar khat lai a ral leh tawh a, Katy pawhin Laura leh Jenna chu nimin khan biak tumin voice message a thawn tawh a, mahse engmah chhanna a la dawng bik lo, Graham chhungkaw ho hian min duh tawhlo tih thutlukna an siam tih chu hrilh chawp kher ngailo in ka hre chiang tawh hle, mahse Katy erawhin a hria ang tih ka hlau zek zek, a chhan chu a nat leh phah ang tih hi ka hlau a ni.



Kan pahnih a sofa a kan ṭhut lai chuan Katy chuan a sawi chhuak leh ta phawng a, "Engtin nge hna chu tih i tum deuh?"




""Ngaihtuah duh suh, Brain ka be tawh a, a lehkha a rawn thleng tawh bawk a, Calgiry leh Toronto ah ka thawh duh ang chi chu min hmuh sak tawh a, hlawh chu tlem deuh hlek mahse kan nung ve ṭawk ṭawk thei ang, mahse Victoria hi chu chhuahsan ka huphurh hle tih erawh ka pha bik lo." thawk ka la pah hawk a.




"Chutin ngaihtuah duh suh, i pawisa min pek ho zawng zawng te kha ka hmang ngai reng reng hleinem, thil leina tura min pek ho hrim hrim.te kha, ṭulah chiah ka hmang ṭhin a, a dang zawng chu ka khawl ṭha vek zel a lawm, khang min pek ho zawng zawng te pawh kha hnathawk kher lo a awm theihna tham a ni a lawm."





Chu thu a sawi chuan mak min tih tir a, khang ka pawisa pek ṭhin te kha pakhat mah a hmang ngai hauh lo a nih chu, "Engvangin nge hetiang hian i tih, i pawisa ho chu hman ka tum reng reng hleinem, kei pawhin pawisa chu ka neilo pawh a ni bik lova, mahse nakinah fa te kan nei a nga, chung a tan chuan dah ṭhat ka duh zawk vang a nia."

"Richard en teh, i danglam tawh zia hi, misual tak ni in i inchhal a, fa pawh i duh ṭhin lo va, mahse tunah chuan fa lam pang te pawh i sawi tak hi." min nuih var var a, lawm a vangin a mitmeng chu a de sar bawk a.





Nuih let ve suk pahin, "Nangmah vang chauh a hetiang dinhmuna ding thei ka nih hi!" ka lamah ka pawt hnai a, ka kut chuan a biang nem thep ah chuan ka chul sak a, he nu hi ka thlahlel a, ka mamawh bawk a, amah a engkim mai chu ka duh vek, bang awmlo in a taksa leh thinlung hi ka hlat thei ngai tawh lo ang, ka ta a nih ang tlukin a ta diktak ka ni bawk.




A ṭhutna a ṭang chuan ka kai tho a, ka mal chungah ka lam hawi zawng a ṭhut tirin a heh nel thep ah chuan ka fawh sak leh ta a, a ni pawh chuan phur zetin min lo chhâng let ve nghal a, sofa chungah chuan mut tir riai riai in a kawr kilhna chu ka phelh leh ṭan ta , tunah chuan ka chakna te chu control a ngai tawh lo a, ka nupui a nih ang takin ka duh dan dan in ka khawih theih tawh a vang chuan ka hlim a ka lawm bawk, a chhan chu ka nupui duh tak hian ka thlahlel ang tluk a min thlahlel ve a vangin engmah insum karna kan inkarah a awm tawh ngai hek lo.





"Darling hetiang a kan awm theih hun tur hi ka lo suang tuah fo ṭhin a sin." mitmeng de sar sar chunga mi rawn melh chhoh pah chuan a ti chhuak sap a.





"Sweetheart kei pawhin chu i thil sawi chu ka suamgtuah ve fo ṭhin, mahse kan pahnih inkara contract awm khan min dang ni in ka hria a, chu loah min duh ve lo ni a ka hriat a vang khan leh keimah a feelings awm hi ka pawm thiamloh a vangin ka incontrol fo zawk a lawm, i la hria em, Jenna rawn riah tuk te khan lem ka chang a nilo a, nang nena hmangaihna chen dun ka chak lutuk kha ka insum theilo ṭep zawk."





Ti a sawi lehin ka kun hniam leh a, a taksa peng tin mai chu ka fawh lawr sak leh ta a, a ni pawh ka khawihna a vanga nuam ti in a rum ve ṭiah ṭiah a, chu chuan phurna min pek belh a, indum har ti zet leh a tawp thlen chakna rilru pu chung chuan thawk ka la ve hrawih a, a ni pawh chuan ka samah a lo hrawm ve nawk nawk bawk a, kan chet dan chu kan inthlahlel dun hle, hun rei tak inhmu tawhlo inngai em em te pawh ka tehkhin phah hial;  a taksa pengtin te chu hriat chian vek ka duh, a rilru leh thinlung ka hriat chian sak ang tluk zet chuan, chinlem awmlo a chet lak ka tum lai tak chuan doorbell a rawn ri ta ral ral a, Katy ka fawhna a ta chu dakchhuakin, "Doorbell hrep chu." ti in ka phun chhuak sup a, in control tum zet hian thawk ka la pah hrawih a, "Kan la zo hauh lo a nia." ti a nuih suk chung chuan ka tho chhuak ta nghal a.





Kawngkhar lam chu ka pan phei a, ka sam ka tuai chho puat bawk a, chutih lai chuan Katy pawh a thawmhnaw hak a siam rem ve mek bawk tih ka hria, kawngkhar bul ka thlen chuan Katy chu a in peih tawh nge tawh lo ka va melh leh zawk a, a kawr a ha ṭha tawh a, a sam hnawk deuh niai chu a kutin a tuai mam mek bawk, kawngkhar chu ka hawng ta a.





Kawngkhar bul ah chuan Graham leh Laura chu an lo ding dun reng tawh a, an company a ṭanga ka chhuah dawn a la bawm ka pack fel kha Graham chuan a kutah a keng tel bawk a, a landanah chuan min ban a tum chiang ni hian a hriat bawk.




An rawn luh theihnan chuan kawng ka lo kian a, an ni chu muang chang hian inchhungah chuan a rawn pen lut a, Katy awmna lam chu an pan dun nghal a, keipawh chuan kawng ka khar ṭhat leh hnu chuan ka zui phei ve nghal bawk a, Graham chu a rawn ṭawng chhuak a, "In rawn haw dun ve ta maw, in inkarah eng inremna thar nge awm leh ta pek?" tia a sawi pah chuan a mitmeng fing zet chuan chik zet hian Katy nen chuan min melh tawn dun a.





"Inremna tlo deuhhlek te siam dun tawh u la aw." Za lo zet hian a ṭhen pah suk a.



sofa ah chuan ka ṭhu thla ve nghal a, ka bawp ka khaw kherh a, chumi pah chuan Graham lam chu ka hawi phei a, tunah chuan dawt emgmah sawi a ngai tawh lo a, engmah phauhchawp a lem chan lah a ngai tawh hek lo, chu chuan Graham chhandan pawh min hriat tir a, ka thusawi tumah zamna pakhatmah pawh ka nei tawh hek lo; a chhan chu thudik tak ka sawi tawh dawn miau a vangin. "Eng inremna mah a awm tawh lo, ka nupui a kal chhuak a, ka rawn hruai kir leh mai chauh a ni e." ti in ka chhang a.



Laura chuan Katy lam hawi phei pahin, "Chu, a tham lungawi leh tawh che tihna em ni?"





"Tuna ka pasal sawi ang deuh khan, ka thinrim a ti tau in ka kal chhuahsan a, mahse min hmangaih a vangin min hruai kir leh a , chu zawng chu a ni e, inchungah thil tihsual tam tak kan nei tih pawh kan hria, chumi ah chuan inhremna hmachhawn huamin kan inpeih reng e......"





Katy thusawi lak lawh lai chuan ka lo inrawlh ve nghal thuai a, "Keimah a vangin Katy hi zahthlak takah ka siam a, ka mawng ka hlim chiang hle bawk; Katy tawrh tur hi awm in ka hre lo, keiman tih luihna a chungah ka hman a vang a khati ang kha ti ve chauh a ni bawk, a ni nilo in kei hi tuar tur zawk chu a ka ni a, mahse engkim ah hian pawitihna ka nei tawh lo, tui bawhnu a ruh leh theih tawhloh ang bawkin, kan thil tihsual tawh te pawh kan siam ṭha thei tawh hek lo, hun kal tawh koh kir let theihna ka neih loh ang bawkin, ka thil lo tihsual tawh erawh siamṭhat leh ka duh, ka theih tawk a i company tana ṭan lak a, ṭhahnem ngai taka thawhsak theitu che nih ka duh, tunah chuan kan pahnih inkarah pawh hian engmah zep a awm tawh dawn lo a, darthlalanga fim tawk a kan hmel kan hmu thei ang mai hi a ni tawh, hetiang  anga ka awm theih chhan chu Katy vang chauh hi a ni, ka tunhma nun zawng zawng te kha a ni chuan min sim tir a, tunah chuan nundan dik taka awmdan ka thiam.ve tawh a ni. "





"Khatiang tak a dawt thil tenawm zeta incompany ka rawn lut kha hreawm ka ti em em a, tunah hian kha thil tih sual te kha siamṭhat leh theih chu ni se ka phak bakin ka bei ngei ang."




Chutia ka thusawi zozai ngun leh chik taka min ngaihthlâk sak zawh hnu chuan ka bawm a rawn ken luh chu a hawng a, a chhung a ṭang chuan an hnen ka thawhna tur a contract kan siam kha phawrh chhuak in a pawt thler ta a, chu thil a ti lai chu kei leh Katy chuan ngawi remg hian kan lo thlir a, khang ka insawi fiahna zo zai te kha min pawmsak lo tih kan hrethiam tawn vek in ka hria, ni e, Graham pawhin khatianga tih theih dan kawng kha a nei a lawm, an tan chuan a na ve duh hle ang tih pawh a hriat tlang sa reng, chu vang chuan an lakah leh a thil tih danah chuan ka vui lo a, a tihtur niawm hliah hliah a hriatna ka nei bawk.




Graham chuan a lehkha pawhthler chu dawhkanah chuan a rawn theh phei a, "Richard engvanga kan rawn luh tirh a ṭang tawh a ka ban che ni a mi chhuah ṭalh tum nge maw i nih chu le?" Dawhkan a ka hna hmuh Brain min rawn pek chu la kangin, heti ang hmuna i thawh tawh hnu ah engvanga tiang hna hniam hi buaipui leh nge i nih chhan?"



ka en phei vang vang a, a thusawi chu a fiamthu ah ka ruat deuh a, mahse a thutak hle tih a hmelah chuan ka hmu thei, "Kan contract lehkha i pawtthler tawh a, chuan office lama ka box i rawn keng tel bawk a, engtin nge min ban tawh tih ka rin loh teh lul ang ni!"




Graham chu a nui chhuak hawk hawk a. "Richard a hma te kha chuan ni e, ka rinhhlel ṭhin ngei che a lawm, chuan contract thar a kan thlak dawn a nih chuan contract hlui chu kan pawtthler mai lohin, a hma kha chuan ka ringhlel ṭhin ngei mai che, mahse Katy in a chhuahsan ṭum che ka bula zep awm hauhlo a engkim i sawi chhuahna khan ia rinna i ti nghet a, i puitlin tawh zia min hriat chhuahtir bawk, chuti nilo sela chuan i nupui chu va hruai phawt mai rawh, imchumi hnu ah i rawn haw hunah nang nen hian thil sawi dun tur kan ngah lutuk ka ti hauh lo ang, ka hmuh dan che chuan iawng engkim ah hian i puitling tawh tak zet tih pawh ka hria, chuvang a vawiin ni pawh hian rawn kal a ka partner ni tura rawn sawm tum che hi ka ni reng a ni."





A thu sawi chuan mak min tih tir viau a, a ipte a ṭang chuan lehkha pakhat hi a rawn phawrh chhuak a, "Hei hi kan pahnih a kan contract thar tur chu a nih hi, tun a chinah chuan nang nen hian kan thawk dun tawh ang, chumi hma chuan engvanga kan hnen a rawn luh duh nge i nih leh dawt thleng thleng a khatiang a sawi kha nge i nih chhan tih erawh hi chu hriat ve ka duh."





Ka chil ka lem pah khawlh a, ka tan chuan engkim sawi chhuahna hun ni in ka hre bawk, ka aw chu ka thian pah hruih a, "Ni e, a hma kha chuan David rilru tihnat sak a a chαn nasat zia tihlan nan chauh a i company hi rawn jion duh ka ni a, Katy tello chuan chu thil chuka ti thei dawn lo a ni tih pawh ka hre chiang hle, mahse khati ang khan dawt thil in rawn lut pawh nimah ila nangni chuan inchhungkua ang tak takin min lo en a, kawng emgkimahi min ngaihsak in kan tan ṭhianṭha tak in ni a, inhnena thawh. chu nuam ka ti ta em em a, David tihtauh khumna lam pawh ngaihtuah tawhlo in inbula thawh reng chakna in ka khat ta zawk a, chutah Katy nen hian nangmahni a vangin kan inhmangaih phah ta bawk a, tunah chuan ka thil tih dikloh zawmg zawmg te kha siamṭhatleha chance min pe duh a nih chun he company tan hian ka theihna zawng zawng nen ka bei tawh ngei ang."





"Aw le, tunah chuan kha ka ban lo che a ni tih i hre chhuak ta bawk a, chuan i box ka rawn ken hi han en la, a ruak mai chauh a nih hi, a chhan chu i kaisan dawn tawh a vangin, thildang rawn ken belh duh te i nei ang chu ka ti a, chuvanga rawn keng mai chauh ka nia, dahna hran hran tih ang reng te kha zawng a hnawk sak mai mai a lawm ti raw?" min kiai khum.pah suk a.





Ka sawi tur hre lo chu ka kâ deuh hau ringawt,"Mahse engtin nge ni ang, Gavins group te khan engti ang chihin nge tunah chuan min lo ngaih tawh dawn?"





"Richard ka duh aiin i la nausen hret thin, puitling ve hi tum teh! Gavins group ah chuan engtinmah kan la sawi hleinem, i nupui in Penny a chan a vangin a sun.hle a, a chhuahsan ta daih che a, chumi hruai let leh tur chuan chawlh ila tih thu chauh ka sawi chhuak, chuan naktuk hian office i rawn zawm.tawh ang tih pawh ka sawi lang tel bawk, chuvangin naktuk hi chuan office lamah i rawn inlan ngei kan lo beisei dawn nia."





An pahnih chuan an ding chhuak.ta , kan ding chhuak ve vat nghal a, Graham chuan Katy lam chu melhin, "Katy, Richard hi engtiklai mahin thlah tawh lo ang che, i tello phei chuan naupangchhia mai a la nih hi, nangma kutah a awm a, nangmah ngeiin i la chhawr puitlin ngei ka ring tlat a nia." ti a a mit a siai khum suk hnu chuan kawngkhar lam chu kan pan ta hlawm a, "Katy ka thusawi kha hre reng langin Richard hi puih a ngaihna leh chhawmdawl a ngaihna a piangah dawm thiam hram.hram i tum dawn nia, kei chuan ka hmuh danah chuan Richard chhungril hi a chhe hauh lo a nia, inhmalam hun zelah pawh a tan nupui ṭha tak ni turin ka duhsak hle bawk che a ni."





Katy chu a nui chhuak sak a, "Kei pawh nupui tha ringawt nih chu ka duh bik lo, hetia ina lo awm reng a pasal te hnakal haw lo nghah chawrh chawrh ang chi hi ka thiam zawng a ni hek lo...."





Laura chuan Katy lam hawilet chung chuan, "Tunge chutiang chuan i awm dawn ti remg reng a? In pahnih hian hremna nasa tak in tawk dun ngei ang, chu hremna inhmuh tur chu he company a ṭang a ban tirloh che u hi a nia, Katy nangpawh naktukah lo kal la, i hnathawh tur a awm nghal ang." Tia a sawi zawh hnu chuan kan inthlah fel ta a.





kkawng kan.khar leh hnu chuan dawhkana Graham a contract thar hnnut chhiah chu Katy kuah pah chuan ka thlir pah vung vung a, ka nun zawng zawng hi contract hlirin a khat niber a hriatna ka nei, David comapany ah khan contract in hna ka thawk a, chuan Katy nen contract siamin kan in nei a, Graham a hnenah contract in ka lut a, tunah a hnena min lawm lut tga leh turin ka tan CONTRACT ṭha tak min hnutchhiah leh bawk a.



THE END TAK TAK TAWH, HE THAWNTHU CHU KAN BYE BYE THEI TA.