TESPNAYA REAKSIYA LOST CHAPTER 4

A HNUAIA FAKNA AWM KHA  HMET VE ZEL ṬHIN ANG AW, HMETIN SECOND SAWM CHHUNG VEL LEK KAN NGHAK VE HRAM HRAM DAWN NIA, TUNAH CHUAN FAKNA HMET PAWH IN PUNG VELEH ṬAN TAWH, MI SANGKHAT VELIN IN RAWN TLAWH A, SAWMPARIATIN FAKNA IN HMET VE TA E.

THE NEXT MORING

COOPER'S HOUSE....

ALEXANDRA...

Ka harh thut, ka khumah ka mu lo tih ka hriat chuan hlauhthawnna hlirin ka khat, nizan chung chang thil ka chhui let a, ka inchhir nge chhir lo tih pawh ka hrethiam chiah lo, ka chiang tlat lo, ka pa in zan riah chhuah a phal loh zia pawh hre chiang ber tu ka ni awm e, mahse ka riak bo chu a ni ta si.

Ka che deuh hretah ah chuan Brandon pawh a rawn harh ve nghal a, ka rin ai daihin a harh vang, "Nizan lam te i nu ṭha em?"

"Aw, mu tha lutuk ka lawm e." Eng vanga lawmthu sawi nge ja nih chiah pawh ka hrethiam chuang lo, mahse ka ka a ṭang chuan lawmthu sawina ṭawngkam a ri chhuak tlat lawi si.

Ka va mit sir ralh a, inchung lama ceiling chu a lo melh vang vang a, ka en tih a hrua nge a phun chhuak leh sup a, "Kan ṭha tak zet maw?"

"Yeah, haw mai erawh ka duh, ka pa in zan lam a riah chhuah a duh loh ṭhin zia pawh i hriat ve reng kha."

"Ka hria a lawm, vawiin lam hun hmandan tur plan lawk te i nei em?"

Ka mutna a ṭanga tho chhuak nghal chung hian, khumah ka ṭhu a, ka taksa ruak deuh thaw a vang chuan ka zak thar leh thut, ka sen deuh ṭan ṭan ka ring, ka nghawng hnunglam zah a vanga tuai neuh neuh pahin, "Kiara nen a nileng hun hman a ni mai."

"Ok, a nih leh zanin ah ka hmu thei leh che ang em? Ka thusawi awmzia chu i hriat thiam ka ring." A banah chian min rawn hmer sak pah salh a .

Ka tho chhuak nghal vat, "Ka rawn call dawn che nia."

"Ok." Thawk a la ri deuh hawk a.

Chhuat q ka thawmhnaw tla chu ka chhar khawm thuai thuai a, ka phone a time ka en zauh, zing lam dar ruk a ri chiah, ka inhak fel hnu chuan hmanhmawh zetin kan inlam pan chuan ka inkhalh haw ta nghal a.

TREY....

• Zan lamah dar sawmpahnih tleng Alexandra chu ka lo nghak a, a rawn haw taklihah chuan ngaihtuah zet keh rilru hah ṭun chungin mutna lam ka pan ve ta nge nge a, hetianga zankhua a chhuah hi eng ang pawhin puitling ni tawhmah sela ka awih ngai lo, chu chu ka inchhung ka enkawl dan a ka dan siam zinga mi a ni.

Alexandra chuan a bawhchhe leh ta pang, tui tang lo zet chuan ka nupui bulah chuan ka inthawlh ve ta a.

Zing a ni a, ka mut tui theihloh a vangin ka harh vat bawk, shower ka hman zawh hnu chuan Callie pawh a rawn tho ve ta a, "Nizan lam i mutui vak nange?"

Ka thawmhnaw thlak mawlh mawlh pah chuan, "Khawiah nge Alexandra hi?"

"Nizan khan Hunter inah Brandon bula a riah tur thu a rawn sawi tak." Hmel ṭi dai chuan min en a.

Ka thin a rim thut, "Zankhua a riah chuuah ka remtu ngailo tih nang pawhin i hriat chian ve hle kha." Rum zetin Callie chu ka melh run a.

"Trey, inbengdai teh, kei pawh text in a lawm min rawn hriat tir ve tho."

Ka chal dawm ruih pah chuan thawk ka la ri hrawk a, "Ka ngaihven lo Callie, zankhua a ariah bo hi ka duh lo a ni."

Engmah a chungah tih theih i neilo, Sicilya a kal naturah pawh i dan theihloh ang bawk hian." Thip zet hian min melh let ve khai khai a.

"Chumi thil ah ber kher chuan kan inchawi dawn em ni ang." Ka aw ka chhuak chu a hriam ṭha hreih hrawih hle, ka tum vang reng a phuh chhuak lui lah ka ni hek lo, Sicily an sawi lan hian ka thin a rim thar ziah.

"Trey, hahdamna hun te hi siam sak ve tawh em em la, hmeichhe puitling a ni ve tawh a, a mah ngeiin a duhthlanna te chu a siam ve thei reng tawh a lawm."

"Hetiang chung chang thil mi inhnail pui hi i duh ve hrim hrim tihna em ni?"

"Ka ngaihven lo, mahse heti em em a i ven hi chu duh tawk ve deuh tawh teh, hetiang anga i treat reng dawn a nih ngat chuan Sicily a ṭang hian a rawn kir duh lo tawp tawh mai tur a nia."

Ka in her vut a, "A duh chuan ti mawlh rawh se."

"Chu chu maw i duh a?" Callie thunrim.aw chu a ṭeng ṭha kher mai, ka inher leh phah hial, "Callie ka lak a ṭang hian inthiarfihlim vat mai teh, tunah tak hi chuan i hmwl hi ka hmachhawn peih rih lo."

"Tuna ka nau pai lai pawh hi mipa a nih hram ka beisei, a chhan i hre duh em Trey, hmeichhia a nih leh hlauh chuan Alexandra i enkawl ang mai hian i tih leh dawn a vangin, hmeichhe kum sawmhnih pakhat mi pawh naute ang maiin i la en in i la chei bawl chu a nia, chutah harhchhuahna chang reng reng lah i hre hek lo." 

Ti a min an khum tan tan hnu chuan min chhuahsan tau ta nghawng nghawng a, engtin mah erawh ka chhang lo, ka thunrim lutuk erawh in thunun ka tum ṭang ṭang.

Ka insiam fel hnu chuan inhnuai lamah ka chhuk a, Callie chu kitchen lamah a lo buai malh malh a, ngawi reng hian ka breakfast tur min rawn chhawp sak a, ka ei mawlh mawlh nghal, kan nupa pawh Alex vang chuan kan thu a inhmu thei meuh lo, Callie chu a thin a rim ve hmel viau bawk, a hmai vel chu a sen hlar mai a, chuvang chian engmah sawipui chiah ka rual lem lo.

Breakfast ka ei zawh hnu chuan Callie chu ka pan hnai a, "Watehouse lamah ka kal dawn a, ka rawn haw har deuh maithei, khawthim hnu ah ka rawn haw thei ṭawk ang, vawiin lamah kan shipments lo thleng tur a awm a, cintainers tam tak buai pui tur kan nei, ka rawn haw veleh Alexandra kga ka biak duh thu lo hrilh ang che, zanah a riak chhuak leh a nih ngat chuan Cooper in a tuar tawh ngei ang." Ti a sawi bung nghut chungin in chu ka chhuahsan ta nghal a.

Ka thusawi chu Callie chuan min chhan pawh hi a tum lo a, min chhanglet tura hrilh ka ni lo a, Alexandra hriat tur thil ka sawi mai zawk a ni, min chhang lo mah se pawitihna ka nei lem lo.

ALEXANDRA....

Vawiin chu Kiara nena kan hun hman dun hun leh tur ni a ni a, nuam taka hman ka tum reng bawk, ka pa lung ka rihawi dawn loh a vanhin, warehouse lamah lokal.hman tawh se ka ti hle bawk, a thinrim hmel hmachhawn kual leh vel chu ka peih tawh rih lo.

Heng thil te tham zet zet lwh ka ngaihruahna buai nuai nuai te hi chawlh hahdam tir a Kiara nen eng dang mah nfaihtuah lo a hlim.taka hun hman chu ka duh ber.

Ka phone chu ka kut leh lamin ka la a, Kiara number chu ka dial.ta a, "Hey, vawiin ni chu i ṭhianṭha tak tana hlim taka awm chu i inpeih tawh em?"

A mu lai ka ṭhawng tho a ni ngei ngei ang, mutchhuak aw zet hian min rawn chamg ket ve a, "Lutuk, mahse dar sawm.vel bawr ni thei se."

"Ok, keipawh ka haw ve chauh a, inlamah ka thawmhnaw te thlak felin ka in ti fresh zet phawt anga, chumi hnuah break fast te pawh ka ei keh zet phawt ang, chumi hnuah chuan ka rawn sawm.dawn che nia."

"Nilo e, keimah ka rawn kal zawk ang, chu loah i thawmhnaw lei ho pawh ka hawn vek kha, ka rawn keng tel nghal dawn nia." A tih hnu chuan ka phone chu ka cut a, kan compound chhungah chuan ka inkhalh lut ta nghal a.

Inchhung ka lut ka nu chuan min lo melh thip hle a, "I pa in zankhua a riah bo a phal ṭhin lo a ni lo'm ni 

Alexandra?"

"Mum, ka hria e, ka tihpalh a thleng leh tawh lo ang."

"Zan in hian i pa in a be duh dawn che a, in ah awm ang che." Thawk ka la halh a, "Ok, ka awm dawn nia, vawiin chu Kiara nen kal chhuah kan tum a, ka rawn haw tlai lo ang." Tih pahin ka room lamah ka chho ta a.

Bathroom ah ka lut hmasa ber a, ka in tifai sawk sawk a, thawmhnaw fai dang inbelin inhnuai lamah chuan ka chhuk thla leh ta a, ka pa awm lo chu ka thaw huai mai.

Zingkara a ni nena inhnialna ṭan ṭhat leh tih vel chu ka peih zawng a ni hauh lo bawk.

Inhnuai ka chhuk thlak hnu chuan breakfast ka in siam a, ka ei zo ṭep kan door bell a rawn ti ta a, ka plate chu thawhsanin sil turah ka dah nghal a, ka nu hawngka hawng thawm leh Kiara ṭawng ri in a zui nghak, "Vawiin chu Alex nen kal chhuah kan tum deuh a."

"Ka hre lo, in tihhlimna hmun ah kal a ti in ka hria,  a mah hi a awm em?"

Ka nu aw in, "Kitchen lamah a awm." a tih thawm chu ka hre zui a.

Kiara pen ri pawh a hriat theih nghal.

Kawngkhar bulah a rawn ding a, "I la inpeih lo a?"

"Peih a ni mai, coffee i duh ang em?"

"Duh lem lo, kal thuai ang, khawiah nge kal kan tum deuh?" A mit mu lian kel kawl zet chu a meng kal pah ralh a.

A ni pawh hian sam sei dum ngul ṭha zet a nei a, a vun chu a mamin a nalh hle bawk a, hmeichhe sang ṭha zet ni in a a mitmu chu a nau anglo takin a uk raih thung, hei hi Cooper mitmu rawng a ni."

"Carnival lamah hun va hmang dun hi la ka lo ti a, a nuam ngawtin ka ring."

"Oh, sounds good to me, carnival ah hi chuan corn dog chiah tui ka ti ṭhin!" A ner pah sak bawk.

Thawk a la halh a, "Alex thil attglak engnah i tih tawh loh hram ka bei sei." Ti a a sawia chuan a hma ni lama kan kal dun ṭum a ka chuan puina kha min hriat chhuah tir a, a hlau luktuk a thi lo chauh a nih tak kha, kgami tum khan rei tak chhung a ti tau a, a duh ber cup cake lei sakin chocolate tui zet nen ka bestie chu ka thlem lungawi leh thei chauh a nih kha, carnival hi a ngaina vak lem lo.

"Ok, ka hria a lawm." Ka ti ve mai a, a hmwlah chuan a phur lo hle tih ja hre thei, mahse kei erawh carnival ah hian kal nuam ka ti ṭhin hle.

"Kha nimin lama i thawmhnaw lei." paper bag chu min rawn pe a, ngawi renga la in,"Ka han dah leh lawk ang." 

Inchung lam pan chhoh chu ka rual a, ka room kawngka hawngin khum lamah ka thehkai phei tawp ka chhuk thla leh nghal a, kawngka pui lam panin,,"Mum, kan kal a nia." Ka au lang lang a, ka nu chu khawiah nge a awm ka hre lo.

"Ok, lo haw har loh tur tih kha i hria ti raw."

"Aw, ka hria e."

Kiara nen chuan kan chhuak ta nghal a.

Carnival hmun kan va thleng a, "Vawiin a vang hian i chungah ka lawm lutuk a nia Kiara, ka ngaihtuahna buai nuai nuai mai te rih reh nan he hmun hi ṭha berin ka hria." Ka ti pah sap a.

"Babe chuvanga hetah ka awm ve nachhan, carnival ka ngaina lo tih pawh i hriat reng kha." A khabe a poh deuh lah bawk a.

"Ngawi rawh, nuam i ti viau ang, corn dog kan lei ṭeuh dawn nia, hawaiian coconut juice nen."

"Kha chu ngaihthlak a nuam kher mai." A nui ve rah rah a.

Chutih lai tak chuan ka phone a rawn ri a, ka bag a tanga phawrh chhuakin tunge tih a screen chu ka en nghal a.

"Theo a nih hi, ka lak a ngai tlat." 

Phone chu ka pickup nghal a.

"Hey T."

"I chiang tak zet maw?"

"Ni e, ka beiseina chu ka tisang theilo ang tih ka hria a lawm, mahse step thar chu kan kai ni in ka hria, a ni em?" Thawk ka la pah halh a.

"Ka lawn e T, i chungah ka lawm tak zet zet, Kiara nen kan chhuak dun a, nakinah ka rawn beleh dawn che nia." Ka phone chu ka dah ta nghal a .

Thawk ka la leh hak a, "Good news a nih ka beisei."

Kiara lam chu ka hawi phei a, ka bu pah nghat, "Nia, Dad chuan Theo bulah Sicily lam pang chu a lo ngaihtuah ve tur thu a hrilh a ."

"Chumi awmzia chu, aw a tihna ang a ni mai, ka pa hian aw tih hi a pawh chiah ngailo a, ka lo ngaihtuah dawn nia ti a a sawi rawh hi chuan aw a tihna ang ah kan pawm sak ṭhin, a rem ti ngei bgei zel bawk." Rilru thawveng tak chuan ka ti a.

"Uhh, chuti chu kar lehah Sicily beach ah i mu ar ar thei tawh dawn a nih chu!"

Kiara thusawi laiah chuan ka rilru ka pe leh tawh lo reng reng, kan hma lama kut ze en ṭhin puan in lam chuan ka mit a la leh daih tawh, carnival hi awm deuh reng mah ze kut ze en thiam hi an rawn kal vak lem lo.

Chulam melh ran chung chuan, "Saw saw kut ze en ṭhin puanin kaih ti raw?"

"A landanah chuan a ni a lawm, mahse hetiang ho hi eng angin nge ka ngaih tih pawh i hriat kha." A aw ah nuam a ti chiah lo tih pawh a hriat theih hle.

"Lo kal rawh, kan hma lam pang hun sawi tur a nei ngei ngei ang." Ka phur lutuk a vang chuan ka aw ah pawh a lang chhuak chiang hle a.

"Alex thil atthlak tak tilo turin i intiam kha, chu loah kan hun ṭha tak beih hi sawtiang thil atthlak tak sawn rawp tir ka duh lo hrim hrim, ka ngainat zawng a ni lo."

"Oh, naute ang mai hian awm.ṭhin teh suh, a hlim.thlak ngawt ang tih hi ka chiang reng a nia."

Kal ka rual nghal bawk a, ka va hawi let chu chal dawm ngaih chung hian a dinna hmunah a lo la ding ngar a, "Come on Kiara." Ti a ka auh leh vak hnu chuan ohur lo zet hian min rawn zui ve ta hnak hnak a, ka bul a rawn thlen chuan, "Alex hetiang lam tih hi ka duh lo tak zet."

"A nih chian i ti ve lo mai ang a, a fel a ni mai lawm, keimah chiahin ka ti dawn nia, a ṭha em?"

A lo bu nghat a, "Ok, a nih chuan kan lut thei a nilo'm ni?" Ka nui pah sang a.

Kan pahnih chuan kan lut ta a, gibsy nu pakhat hi a ore hma ah chuan a lo ṭhu a, "Khawngaihin lo lut rawh u, he ore hian inhma lam hun a hrilh dawn che u a vangin $ 50 a ngai ang, lo thu rawh u, in pahnih in em ni ka ensak dawn che u."

"Nilo, keimah chauh hi ka ni e." Ka lo ti thuai a, Kiara lam chu ka melh zauh a, a nuamlo ti hmel chu ka hmu reng, rei tak pawh awmpui ka duh lem lo.

Ka bag a ṭang chuan $50 tlang chu ka phawrh chhuak nghal a. Pawisa chu lo lak pahin, "Ṭha lutuk, ti ṭan ang aw." Ka kut chu a rawn la a, chu ore hma ah chuan a maimit chhing ta nghal a .

"Mipa ka hmu thei."

Ka nui chhuak hak hak, "Oh, kha te chu ni awm reng a ni a lawm, thil awmsa i sawi mai mai a nih chu, ka rindanin ka boyfriend a nih loh pawhin ka pa a ni ngei ang." Ka lo ti a .

"Nilo, chu pa chu i la hmu ngai hauh lo, a landan chuan a hlauhawm hmel lutuk, mipa hlauhawm leh ṭuhbaiawm zet a ni."

"Ka nuna mipa ka bula awm ho te chu mi pangngai vak an ni ngai reng reng lo, mihlauhawm tak vek a ni." Ka lo ti leh a.

"Hmun danga i zinna tur chung chang a mi a nia ka sawi daih chu."

"Kal miah suh."

Mak ka ti deuh hlek, "Ka pa hnena thawk chu i ni em lo maw, ka pa hian min dan tumin a hmang mai mai che a nih ka va ring ve." Chu nu chu ka melh deuh vang vang a.

"Tawp teh ." Kiara chuan a rawn ti ṭhat.

"Kha plane ah khan i chuang a nih vaih chuan he hmun a rawn kir tur hi i awm leh tawh lo ang." Kut ze en thiam nu chuan a ti leh a.

"I thusawi ah khan thil ṭangkai leh ṭul pakhatmah a awm lo." Chu nu chu thinrim zet hian ka melh ling hlar tawh a, chung thil chu ka hriat duh ho lah a ni hek lo.

Ka hna lamah eng ang nge a nih dawn tih te leh ka hmalam hunah Brandon nen hisn kan inkawp rem thei dawn em tih chiah ka hriat duh a ni mai a, chutiang lam thil chu ka awih hauh lo bawk, "He hmun hi kal san ka duh." Mang ang awka zet chian Kiara chuan rawn ti lehin a awm hle hle thei tawh lo.

Chu nu chuan a thusawi chu a rawn chhunzawm leh a, "Alexandra i nuna thil pawi tak thleng tur warning na i dawn hi ngaihsak ve rawh, henmi a tan hian chance dang i hmu keh tawh dawn lo a nia."

"I hria em, i thusawi hi ngaithla lo tawp tur ka ni zawk, kal ang Kiara." Kiara chu a tho chhuak rang kher mai, a tho a, chu puanin a ṭang chuan rang zetin a tlan chhuak nghal a, kei pawh ka in her a, kal ka tum, thil palhat ka hre chhuak zawk, engtin nge ka hming a hriat theih zawk, ka pa mi leh sa te zing a mi hi a lo ni mai lo maw? Ka in her let leh a, "Engtin nge ka hming i hriat thei ....." Chu nu hmel reng reng chu hmuh tur a awm tawh lo, ka thusawi lai chu ka sawi zo tho, "Zawk a?"

Mit khap kar lek chhungin khawiah nge a awm tak ang, ka mak tih zawng tak a ni, khawiah nge maw a kal hman le?

Rang lutukin chu hmun chu ka chhuahsan ve ta nghal a, khua a lo tlai lam ve taqh bawk nen inlamah haw hma ka ngai tih ka hre reng a, Kiara bulah chuan eng eng emaw kan ei dun lai chuan haw ka rawt ta a, a nih pawh a ohur zawng tak a lo ni a, kha hmun kan kal.hnu a ṭang khan a ngawi chawi zual sauh a, mahse ka sawi chhuak lem lo.

Kan in thlah fel hnu chuan inlam ka pan veleh a, khua pawh a thim der tawh, inchung lamah ka chho a, carnival hmunah khan eitur eng ilo kan hmawm nasat em a vangin ka ril a ṭam lem lo a, dinner pawh ka ngaihven lo, ka mut cghuak lutuk mut vang vang chu ṭha berin ka hria, khawiah mah lut kawi lo in ka room lam ka pan ding nghal a, ka pa chu ka room kawngkhar zawnah a lo ding reng tawh, "hey dad." Ka pa ka hmu thut chu nuam lo ka ti kher mai, ka tiah chhuah chung changah khan min hau ngei dawn a nih ka ring, ka la inpeihlo a sin.

"I room ah i awm tawh em tih rawn en ka lo tum mek a."

Ka chal ka dawm khum raih a, "Nak tuk lamah kan sawi thei mailo em ni? Vawiin chu ka chau ngawih ngawih, ka tan nirei tak ni hialin ka hria." Ngui zeta meng chhuakin ka ti niah niah a.

"Sicily lamah chuan i kal thei ang, chu chu a nilo'm ni i thil tih duh kha?"

Ka phu deuh zawk, ka harh nghal kawk mai, ka pa ṭawngka ngei a ṭanga a remruhna thu ka han hria chu ka tan chuan a lawm awm tak zet zet.

"Are you serious?" Ring hlel zet hian ka zawt a, achhan pawh ka pa hian a rem tih ngai ka ring lo, khatiang em em a phal lo si khan tunah awlsam zetin ka kal theih tur thu a sawi leh chu a nia.

"Tehreng mai, kei ni pawh i nu in a naupai a hrin hunah rawn tlawh tur che in vawikhat chu kan rawn kal ve dawn nia."

"I in tiam em?" Ka ohur lutuk leh ka hlim lutuk chu awm ngaihna pawh ka hre lo hial.

"Ka tiam e, mahse thil pakhat i tan a zawm ngei ngei tur rulse a awm a nia Alexandra."

Ka lo buk khum nghat a, a thusawi tum chu eng pawh ni se zawm ran ka tum, "Sicily i thlen hnu a ṭangin ni tin vawi khat tal eng nge i an tih te rawn sawiin i rawn phone ziah ṭhin tur a ni."

"Ka rawn ti ṭhin ngei ang tih ka tiam a che."

"A nih chuan kan ṭha turah ngai ang aw."

"Dad ka lawm lutuk." Ka pa chu ka kuah nghal a.

"I pa hi misual tak zawng ka nilo a lawm, venhim che ka tum ṭhin vang mai zawk a ni e." Mi lo kuah let ve pahin a ti pah sup a.

"I kal hunah chuan ka little princes hi ka ngai thei ngawt ang."

"Dad, kei pawhin ka ngai dawn lutuk che."

"Mut tui le, kei oawh ka mu tawh dawn." Ka pa chuan ka bianga mi fawh sak zauh pahin an room lam min pan san ta a, a kal hnu chuan kei pawhin ka room kawngkar chu ka hawng a, rilru nuam tak chuan ka muhil ve ta siai siai a, tunah chuan Sicily ka kalna tur kawnga min dal tu tur pakhat mah an awm tawh lo, tluang taka ka kal theih ngei ka beisei bawk.

"Kha plane ah khan i chuang a nih vaih chuan he hmun a rawn kir tur hi i awm leh tawh lo ang."

"I nuna thil pawi tak thleng tur warning na i dawn hi ngaihsak ve rawh, hemi a tan hian chance dang i hmu leh tawh dawn lo a nia."

"I RAWN KIR LEH NGAI TAWH LO ANG, I TAN CHHIATNA NASA TAK LO THLENG TUR HRILH LAWKNA A NI E."

Ka muhil lai chu thlaphang zetin ka harh chhuak a, thlanfimin min bual nghal zaih zaih bawk, kha kut ze enthiamnu bawk kha, hrep tak chuan ka tho chhuak a, ka phine charge chu ka phawi a, tine chu ka en nghal a, a ka hma hle mai. Eng thil hrep chu nge ni ta? Nimin te kha chuan ka theinghilh daih tawh si a.

Chu kutze enthiam hrep tak chu le. Ka thaw hlawp hlawp a, insawi ṭaihna ṭha lo zet ni hian ka hre bawk.

A FEW DAYS LATER....

TREY....

A ni telin Alexandra in Sicily lama min kalsan hun tur chu a hnai telh telh a, chumi rual chuan keimah a awm ngaihthatlohna lah a zual telh telh bawk, ka kal tir lo a nih chuan he ngaihṭhatlohna ka neih hi a bo ang a, mahse ka fanu chu rilru hreawm zetin ka siam thung ang, Alexandra mizia lah chu thil theinghilh mai mai chi a nilo leh nghal, engvanga ngaihṭhatlihna chu rilru chu paih bo thei miah lo nge maw ka nih le?

"I ṭha em?" Ka hawi chhuak a, Clie chuan ka hmel chu chik zet hian a lo en a.

"Vawiin a Alex a kal tawh mai tur hi ka ring thei lo." Ka ti ve sup, ka ngui hmel pawh ka thup peih bik lo.

"Ka hria." Ti in a phun chhuak ve sap.a.

"Engvanga thil thalo zet lo thleng tur anga ring tlat nge maw ka nih a, engvang a he ngaihtuahna hi paihbo thei miah lo nge maw ka nih mai le?"

"Ngaihtuah duh suh, Alexandra chu a ṭha em em.ang, i mithmuh phaklohah a la awm ngai loh a vangin khariang rilru kha i pu mai mai a nih kha." Dingdi hlip deuh hlek chung hian ka biangah min tawn fawh sak a.

"A chhan i hria em Trey, Callie hi i ngaihven ṭhin em em a, hmeichhia a nih vang pawh a ni mahna, khawiah pawh kal chhuak deuh sela, hetiang rilru hi i pu nghal zela, i fanu hi mahni inwn kawl thei dinhmunah a ding tawh tih hi pawm tum ve la, ti chuan nang pawh i hahdam mai ang, khawi hmunah mah a la kalaan ngailih che a vangin hetiang rilru hi i pu nasa a nih hi, engkim.a ṭha leh vek mai ang kum khat vel chauh a lawm a kal chhuah dawn tih hi pawm tum ve hram teh!"

"Ka lo tum dawn nia." Callie chuan a sawi dik mauthei, mahse he feelings ka neih erawh hi chu a bo theih tak tak ka ring lem lo.

"Vawiin hi a tan a ni tawp ber tur he hmuna a cham hun tawp ber a ni dawn a, rilru nuamlo tak a a kal loh na turin hlim.taka awm tum ang che."

Ka nupui rai puar luah tawh chu ka fawp ve zauh a, "Ok, ka tum dawn nia." Duh thawh zet chuan ka fawp vawng vawng a.

ALEXANDRA....

Zing ka tho chhuak chu zanin hian Sicily lam panin ka thlawk chhuak tawh chu a nua le, ka la ring theilo zawk hialin ka hria.

Thawmhnaw ṭha tak a inchei in ka mang ṭha tur ho ka nun a pawimawh tak tak te chu hmuh ka rilruk bawk a, bathroom lamah ka lut phawt a, rei tawk fang shower ka hman hnu chuan ka inchei ṭan ta a, ka hmai vel chu ka chei zo ve mai a, mahse eng thawmhnaw nge ka hak ang tih ah erawh ka buai ta nak mai, Kiara nen a kan thawmhnaw lei thar ho chu khumah chuan ka thwh pharh vek a, ka mit chuan ka melh kual dan dan a, Sicily a hot chick anga lan ka duh chuan thawmhnaw rawng èng lam leh no lam pang ka hak a ngai ngei ang.

Chuan Sicily ka kal hma a ka chhungte leh ka ṭhian te ka hmuh tawpna ber tur ni a ni bawk a, nalh tak a lan ka duh ngei bawk dawn tih lah ka hre chiang viau bawk, thawk ka la halh a, kawr chhing pawdal bahna sin te awm style zet leh pawnfen senno dal raih mai arh deuh tarh chhing ṭha zet silk puan taksa deh nuam tak tur chu ka thlang chhuak ta a, ka insiam zo darthla langa ka hmel ka en chu ka thawmhnaw hakah chuan ka lungawi hliah hliah.

Phei khawk keartui sang lem lo tak bun nuam tak tur ka kawr hak nen a in rem tak chu ka thlang chhuak leh a, chumi hnu chuan ka thawm hnaw te pack fel sa thlap a dahin inhnuai lam ka pan thla ta a.

Ka chhung te ho leh ka ṭhian te thlahna thu sawi chu ka thil huat ber a ni awm e, mahse kan inhmu leh vat turah ngai ang, ka nu keh pa te pawh naute pian hnuah an rawn kal dawn a, Kiara pawh rawn zin a tum ve bawk a, achhan pawh Sicily a hmuh ve chak a vangin, Brandon pawhin a hnaah chawlh a neih celeh lokal a tum bawk tak kha, chutiang nek nekah chuan kum khat chu a zo ve thei mai ang.

"Dad pawhin airport a keimah chauh a kal min phal sak hram ka beisei, inhnuai lama chhuk a, midang ho chu an awmna hmunah zu fin ve ka rilruk ta a, ka sam chu ka ṭawn dawn em ti a tawi khawmuan leh hrat pahin darthlalang hma ah chuan ka ding vang vang a, ka rilru thlak lehin a ngai ang ang chuan ka sam buang uk kharh chu ka thlah leh ta zawk a, ka mitmu hring nghalh mai ah chuan eng thil nge ka ngaih tuah chiqh tih chu an hre thei vek ang, kan chhungkua hun rei vaklo chhung ka han kal san dawn tak tak takah chuan ka ngui ve hle bawk, mahse tun hma a tang tawh a ja lo dream ṭhin a nihna chuan luhlulna min pe tel tlat.

Vawiin hian Kiara ka hmu ang a, Theo te fanu Zara ka hmu bawk ang a, Brandon pawh ka hmu bawk ang.

Inhnuai ka zu chhuk chu ka ngaihtuahna ah kha kut ze entu thusawi bawk kha a lang nawn leh ta a, "ENGTIKAH MAH HE HMUNAH HIAN I LO KIR LEH TAWH NGAI LO ANG. Tih thu a sawi ngei mai kha, ka mit deuh sulh hian ka hria, hre awm ka ti kher mai, chu thil ka nu keh pa bula ka sawi a nih vauh chian ka dream chu ka tan vana rah ang vel a ni tawh ngei bawk ang, chuvang chuan ka sawi chhuah loh a ṭha ber.

"

What the f....."

ALEXANDRA..

CLOWNS AND CRASHES...

Alex i ṭha em?" Ka pa aw a mi ngaihtuah hmel zet hian a rawn ti a, ka harh chhuak zawk, ka hmel pur hmang a diklo tih ka hre chhuak nghal a, hmel pangai tak putur a bei lehin, ka nui chhuak sak a, ka pa lam en a thawk lak hak pahin, "Yeah, ka lu a na deuh hlek a." Ka ti ta ri ngawt, dawt ka sawi a vang chuan hre awm ka ti ru hle a, tun dinhmunah erawh dawt ka sawi a ngai miau si a ni.

"I chiang chiah maw?" Ka thusawi awih loh hmel zet chuan a ti leh sup a, nilo a hre chhuak tur a ni hauh lo, chuti lo chu Sicily tih lam pang ka sawi chhuah a rem tawh ngai lo ang.

Eng tin mah a chhang tawh lo in ka buk khum nghat, ka hmel chu en reilo se ka ti hle, ka hawi sawn ta daih a, 

"Vawiin lam te eng nge tih i tum deuh?"

"Brandon ka va hmu ang a, chuan ka mangṭha rih ang, chuan Zara ka hmu leh anga, a duhna hmun ber park ah ka kal pui bawk ang. Chuan ...hun ka la nei a nih chuan Kiara ka hmu leh zawk bawk ang."

"Good idea, ni e, Zara chuan i kal tawh hnu ah a ngai ngawt ang che tih ka chiang viau, tunhma a ṭang tawh a i awm ber ṭhin a ni si a, a ngaina hle bawk che tih hi ka hria a lawm."

"Kei pawhin ka ngai ngawt ang." Ka ti ve raih a.

"Eng pawh ni se, i nu chuan inthlah na hun special tak hman pui che a rawt a, i pual liau liau a i kal hma in Inigma ah dinner buatsaih sak che a tum leh pek tawh a nih chu." A kut ṭang pahnih chu min hmuh khum.zauh bawk a, ka nu tak ṭhin hi chu, ka pa zin chhuak dawn se a tih sak a, churiang bawkin T lakah pawh, ka pa nen chuan kan duh lo thei hle ṭhin tiang lamah chuan kan in ang dun viau .

"Good bye dinner maw ni leh ta eh?"

"Eng ang mi nge i nu chu tih pawh i hriat kha." A kut a phar chhuak duai a.

Za zet hian ka nui chhuak ta a, ka pa erawh chuan nin hmel zet hian min mengkual khum rulh.

"Uhh, chu chuan ka tan tun ṭumah hi chuan hun tha tak min siam sal ni in ka hria, Theo leh Sofia hnenah chumi hunah chuan goidbye ka sawi theih phah ang a, a hmunah kal kher ka ngai dawn lo tihna a nih chu."

"I ti dik e." Ka pa chuan buk nghut pahin a ti ve a .

"Ok, a nih chuan ka kal phawt abg e, nakin tlai lamah kan inhmu leh dswn nia."

Ka pa hmel chu a ngui ruih a hriatna hi ka nei a, mahse ka hai der lui tlat, pawnah ka chhuak a, ka car chuan Kiara nen kan inhmuh na tur lam chu ka pan nghal a, park pakhat inhmuhna tur hmun a tihna lamah chuan a lo awm ran tawh, min hmu chiah chu a hmelah hlimna rebg ka hmu lo, "Alex kal lo mai rih rawh, a chhan chu kha nu thusawi kha ka nhaihtuahna a ṭang hian ka dah bo thei lo." A lo ti nghal tawng.

Ka nui sak a, "Ngaihtuah duh suh, min tih hlauh a tum mai mai a nih kha, ka pa hnuai a thawk a nilo pawh kan ti thei em ni? A lo ni ru reng mai thei a sin, Sicily ah chuan ka kal ang a, nang pawh rawn.kal ve i tum kha, thil hi a ṭha kam zawng a thlir tum phawt ang." 

A bu ve nghat nghat a, "Ni e, kei pawhin kha nu kha tunge a nih chiah ka hre bik lo a chu mahse eng emaw ti riauna a nei tlat a hriatna ka nei, khang vang khan a lawm kal lo ang ka tih na chhan." A ti ve a.

Chutianga eng eng emaw kan sawi hnu chuan a tlai ta viau tih ka hria, midang hmuh tur ka la nei bawk nen, Kiara chu ka kuah vang vang a, kan pahnih a inmang ṭha in, Brandon nen kan inhmuhna hmun tur lam chu ka pan ta nghal a, zanin ah tluang taka ka kal thei a nih chuan naktukah chuan Sicily ah ka awm thei tawh ang.

Ka pa in a naute pian hnu ah hmu tur che in kan rawn kal.ang tih thu a sawi khan min ti hlim hle bawk. Mahse ka kal tak zet a nih chuan heti lam a ka chhung leh khat te leh ka ṭhianṭha tak tak te ho hi an za vai in ka ngai ngawt ang le. Oh Engvanga an mahni hmu tawh ngai dawn lo ang a ka han inngaih tak.tlat mai le ? Hrep tak chuan, kum khat chhung lek a lawm ni a.

Brandon nen.kan inhmuh hun tir hi a reilo thei ang bera ka tih a ngai ang, a chhan chu Zara hmuh leh ka la ngai dawn si a, tih rilru pu ran chungin coffee shop lam chu ka pan leh ta a, "uhh saw a awm.ran tawh." 

A hna thawhna hmun a ṭangin ka tan liau liau hun awl a rawn dil a, chutah ka innghah tir leh reng bawk a, ka rei emaw reilo emaw Brandon hian min tur hmanhmawh ve ngai lo, vawoin pawh hian Kiara nen khan kan inhmu rei viau a, min lo nghak rei tawh viau pawh ni se ti nge ti in vawikhat te mah min rawn call lo hrim hrim.

"Brandon." Ti a ka auh chuan a rawn hawi phei vat a.

 Min rawn.hmu ve nghal a, ka awmna lam chu a rawn pan phei ve nghal bawk a, "Hey hman ni zana ka rawn call leh loh che a vang khan pawi ka ti lutuk a nia, Kiara nen a hun kan hmanna lamah ka chau lutuk a, in ka thlen chuan engmah pawh ti peih tawhlo in ka mu hlawm der nghal." Ka nuih pah sak.a.

"Its ok, ka hrethiam.a lawm." A kut chuab a kerkawr ip te chhung chu a zen pah a, "Coffee kan in dun dawn mi niang?"

"Ok, a pawilo khawp ang." Ti a chhangin tavle ruak awmna lam chu kan pan phei dun ta nghal a.

Brandon chuan kan coffee in tur chu a va la a, ka hmazawnah pakhat rawn dahin ka hmazawnah tak chuan a thu ve nghal a, "Vawiin a chawlh pum hlum ka lak theihloh a vang hian pawi ka ti tak zet." A ti chhuak sup a.

"A pawi hlei nem, he hna hi i tan a pawimawh lutuk tih pawh ka hriat pui reng che a lawm." Coffee chu ka in pah khalh a.

"A nih thlah tur che a i pa a rawn kal i ring em?"

"Theo zawkin min thlah se ka lo ti a."

A hmel put hmang chu ngui riai hian ka hria a, "I tha em?" Ka ti chhuak ta nghe nghe a.

"Babe, khawngaihin kal lo hram mai rawh." Thawk a la pah hawk a.

"Engvangin maw Brand?"

"I tello chuan engtin nge ka lo awm dawn tih pawh hi ka hrethiam lo, a harsa ngawt ang."

"Khatin an sawi ngailo Brand, kum khat chhung chauh a lawm ni dawn a." Hnuai lam ka melh pah raih a.

"Khawiah emaw kan kal dun lawk thei ang em?"

"Hun ka nei tam tawh lo khawp mai." Ka mit ka chhing pah sawk a, ka meng chhuak leh nghal a, a chhan chu Zara play ground a hruai a chumi hnu a a thil ei duh ber pizza ei pui ka la duh cheu.

"Khawngaihin."

Ka hmanhmawh lo a nih chuan Zara tan hun ka nei thei dawn miah lo, naupang te mai a la ni a, zan rei lam a nih chuan a mut a chhuak leh thuai dawn tih pawh ka hria, ka ngaihtuahna chu a buai ngang mai, ka thaw chhuak halh a, "Reilo te hun chu ka neih sal thei ang che." Ka ti ve ta a.

Ka rilru erawh a hmanhmawh ru tawh kher mai, kan thil inlai pawh ngaihtuah tawh lo chuan ka ding chhuak nghal a, "Kal ṭan mai i la."

"Ka lawm lutuk e." A ding chhuak ve nghal a, kan pahnih chuan coffee dawr chu chhuahsanin park kan hnaih bera awm lam chu kan pan dun ta a.

Park a bench pakhat ruak awmah chuan kan ṭhu dun a, kan ngawih vang vang hnu chuan, "Alex kum khat chhung chu ka tan a rei lutuk." Brandon chuan a ti chhuak hrawih.

"Min hmu turin i rawn kal thei reng a lawm."

"Ka sawi awmzia chu, free vacation, chu chu a tha viau in i ring ve lo em ni?"

"Ka ring." A kut a phar chhuak pah zauh a, a inthuamna suit chu a inhmeh phian mai, a suit hak rawng gray chuan a hmel a ti lang pa viau a, a vun rawng nen pawh inhmeh tak a ni, a sam dum hlap chu a ti lang tak leh zual sawt a, a ti lang sang tha hle bawk.

"Chuti si, thil hi a awlsam lan zawng hian thlir tum ve rawh, kum khat chhung lek te chu a lo thleng ang a, a ral leh thuai mai ang."

Thawk a la ri hawk a, "Hman zana kan pahnih a restaurant chhunga ka thil sawi keh hmani zana kan thil sawi dun kha ka ti tak tak tuh min hriat sak reng turin ka duh che."

"Uhm, nei tur che a min tih kha em ni?"

A bu deuh nghut a, a ngawng hnunglam chu zam hmel zet hian a tuai nauh nauh phawt a, a hmui chuan eng emaw sawi tum hian a ang zuau a, a chip leh a, "Eng nge ni ta?"

Zam hmel zet hian a kiai suk a, "Nih leh i lo kir leh hunah chuan kha ka thil zawh che kha i ngaihven ve thei tawh ang em? Tih hi i ṭawngka chhuak ngei a tanga hriat hi ka duh."

"Brandon kha lam pang ah chuan emgmah ka tiam thei rih lo ang che, mihring hian eng ang hun nge kan hmalamah kan tawn dawn kan hre lo, kha chu ka rawn haw leh hunah kan la sawi dun leh zawk dawn nia."

A hmel ka en chuan a ngui nghal ruih mai a, ka chil ka lem khalh a, ka aw then deuh kharh oah hian, "Brand ka neilo ang che tih thu ka sawina a ni hauh lo a nia, kan hma lam hun ka sawi lawk theilo ka tihna mai chauh a ni e." Ka ti ṭha leh a.

A hmel chu hmuh theih khawpin a engchhuak nghal a, "i ti tak zet em?"

"Ti tak zet e."

"I lo kir leh hun thleng ka nghak thei tih hi min hriat sak dawn nia."

Ka melh chho a, min lo siai khum pah suk a, "Ka hmangaih che Alexandra."

"Kei pawhin ka hmangaih che a lawm."

Min rawn din hnaih a, "Khawngaihin min rawn theinghilh hauh suh ang che aw."

"Ka ti hauh lo ang."

Duhthawh zet chuan kan infawp ta a, a tawp ber leh a hnu leh awm tawh ngailo tur chuan kan duh thawh dun hle .

Brandon nen kan inthlah fel hnu chuan.ka car lam ka pan leh ta a, ka rin ang ai in a harsa daih mai. Thawk ka la pah hraih a, ni a tla ṭep tih ka hmuh chuan ka hmanhmawh a ngai zual sauh tih ka hre bawk,  Sicily ka kal hma ngeiin Zara chu playground a kalpui leh pizza ei pui ngei ka duh bawk, mahse hun erawh a ral chak kher mai, vawiin hi. Nidang ai zawng in a reilo ta ber emaw ni chu le ka ti phah hial bawk.

Eng tin nge ka tih tak ang? Mahse tun hun bak hi chu hun rei tak chhung Zara ka hmu dawn rih tawh si lo a, ka hmuh ngei chu a ngai ngei ang, Theo chu kal pahin ka phone a, Zara chu lo siam fel sa vat tur a tiin playground a reilo te chhung ka hruai chhuah tur thu chu ka hrilh ta a.

Ni e, reilo te chhung chu ka hruai chhuak ngei tur a ni.

An in ka va thlen chuan Zara chu  a pa chuan a rawn dah lut vat a, a incheina chuan ka nuih a ti za kher mai, "Zara i pa in clowns dress i duh zia a sawi a, kha i inthuamna ah pawh khan i duh hle ni in ka hria." Ka nui chhuak hak hak a.

"Clown ka ni reng a lawm." A nui ve var var.

"Oh, ka hria a lawm, khawiah i kal hmasak duh zawk, playground ah nge pizza ei turin?"

"Playground ah." Phur zet hian a lo ti a.

"Good choice."

Playground chu kan thleng chawpchilh nghal a, "Khawi ber saw nge i tih hmasak duh Zara?"

"Tawlhna hmunah sawn."

"Aw le, lo kal rawh le."

Tawlhna hmunah chuan.ka hlang chho a, "Rawn tawlh thla rawh le Zara."

"Aih, a sang si ka hlau."

"Oh, big clown girl i nih kha, engmah hlauh tur a awm lo."

"Clown hian hlauh an nei ngailo tihna mi?"

"Dik lutuk, clown chuan engmah an hlau ngai lo."

A rawn tawlh thla ta nghal a, "Good girl, khatiang khan a ni mai a lawm."

"Yes ka ti thei." A hlim hle a.

"Ni e, i ti thei, good girl."

Ruah a rawn sur ta thut a, "Shit, Zara car lamah tlan ang, reilo teah ka car awmn chu kan thleng thuai a, a chhungah kan ṭhu lut thuai a, pizza ei tur a kan kal mai chu a ngai ta, mahse a tawk thawkhat viau e, dawkan kan kil dun ran a, "Double cheese em ni ang?" Ka nuih var var a.

"Yes." Kut a lo beng chiam.a.

"Ok, ti khan lo thu rawh." Piza lam tur chuan.ka kalsawn ta nghal a.

Pizza nen a ṭhutna ka pan.phei leh a, tui ti zetin kan pizza chu kan ei dun a, Zara chu melh zauhin, "Hun i hmang nuam em?"

"Pizza la thial niau niau pah hian,  a bu nghat nghat a, "Dady in a sawia, i kal bo daih dawn a ti a."

"A dik a lawm, mahse rei tak chhung erawh a nilo ang."

"Kum ruk i nih hunah ka rawn haw leh dawn a lawm."

"Mahse kum nga chiah ka la ni sia."

"Ka hria e, kum nga lian chi kha i ni a lawm, kum ruk pawh i tlimg vat ang."

"Dessert i ei leh duh ang em?"

"Aih, dady bulah ka kal duh tawh."

"Ok, rawn hruai tur che a call turin min duh tawh tihna mi?"

A bu nghat a, "Aw ka chau tawh."

"Ok, sweetie i pa chu kan call sak nghal ang che." Ka phone chu ka phawrh ta nghal a.


TO BE CONT...

NAKTUK TUKLEH ZANAH KA RAWN ZAWM ANG.