SEDUCTIVE S II CHAPTER 5

SEDUCTIVE S II CHAPTER 5

FAKNA MILEM KHA KAN THEIH ANG ANGIN KAN HMET LEH VEK DAWN NIA.


"Engmah kan rawn hriat tir hmasak loh che a vangin, pawi kan ti ngawt mai." An zinga pakhat sam sen thar wesley kum rualpui vel tur awm vel palian zet chuan a rawn ti a.




"Hetah eng nge rawn tih in tum hrim hrim?"




"Kan sawi tawh ang khan, Mr.Cooper hnena thawk kan ni a, i pi hi private hospital a dah turin kan rawn kal."




"eng maw?" An thusawi chu ka la ring thei tak tak chuang lo. An ni chu ringhlel zet hian ka en a.





"A ngailo ang, kei pawhin ka hruai ve thei reng." mitko chuar nang chung chuan ka melh chho hlawm a.




Chupa chuan ka thusawi chu engah mah a ngaihloh hmel kher mai, "Pawi kan ti lutuk, mahse order hmu a rawn kal kan ni."





Ka pi khum bul lamah chuan an kal phei a, ka pi kut chu dim taka vawn sakin zawi muang chuan in a ṭang chuan an hruai chhuak ta a.




Goerge chuan an hnungah a zui nghal ve vat a, kei erawh mak ti zetin ka dinna ngaiah ka la ding ran reng, "Engvangin nge Wesley chuan min puih a duh?" ti in ks phun chhuak sap a, min puih a duhna chhan awm reng reng ka hre lo.



An hnungah chuan zawimuanga che chhuakin ka zui vr ta a, eng thil nge ka tih dawn tih lah ka hre hek lo.



Pawn ka chhuak fel sam sena lam chu ka pan phei ve a, a ni chuan phone ah mi a lo be mawlh mawlh bawk a, Wesley nge a biak ang a, midang tih lah rindan ka nei lem lo.




Chu oa chuan phone a cut hnu chuan min rawn melh zauh a, min nuih suk bawk a, "Khawi hospital ah nge ka pi chu hruai in tum?" ka ti leh nghat a.



"Pearl hospital ah.





New York khawpui chhunga hospital lar ber te zinga mi a ni. Thawk ka la halh a.




An bulah hian ka pi chu ka kal tir dawn nge dawn lo tih ah thu tlukna ka la siam thei meuh lo. A chhan pawh he thil hi ka ti a nih ngat chuan Wesley ka la rinchhan hle a ni tih rinna keimah ah chuan a awm tlat a, chu chuan min tibuai hle.




Khatiang khawp a kan pahnih inkar a inhmuh thuamlohna a awm hnu ah phei kha chuan min pui tur hian ka duh rih lo .




"Miss i lokal ve dawn em?"



Chu pa min zawhna a vang chuan ka suangtuahna aṭangin ka harh chhuak ve nghal a.



"A...ih, kei chu nakinah ka car in ka rawn kal ve mai dawn nia."





"Ka pawmpui khawp mai che." tih pah a ka inthuamna leh ka hmel phelh deuh phang leh ka sam thur deuh niai mai melh kual pah chuan, "Mamawhna min nei a nih chuan min rawn call hreh lo ang che." Ti in a card a number inziahna chu a kawr hak ipte a ṭang chuan phawrhin min pe a, kei pawh chuan ka lo la ve vat nghal bawk a.





Car tukverh a ṭanga ka pi in min thlahna ṭawngkam a rawn phuh chhuah sap chu melhin an liam chhung chu ka thlir a, thawk lak han ham pahin an tlan liam hnu chuan kei pawh inchhung lamah ka lut ve ta a.




Ka taksa zawng zawng chu a chau vel vek mai a, ka landanah chuan pui ngai te pawh kan an viau ka ring a ni.





"Shower te hmangin in tiharh i la, chumi hnu ah kei pawh hospital lam ka pan ve ang chu." ti in ka sawi chhuak a, tu ngaihthlak tura sawi chhuak nge ka nih chiah?





shower hmang turin bathroom lam chu ka pan ta a, shower ka hmang zo inthlak tura ka room a ka,awm leh hnu chuan ka phone a rawn ri tlang a, tu nge rawn text ti a ka phone la kang a ka han en nak chuan Santa monica adoption center a ṭangin a lo ni a.


"Ah kan fa tur chu a lak theih tawh thu min rawn hrilh a nih hi." ka nui chhuak var var a, nimin piah a ṭanga ka hun hman tawh zawng zawng a chan chin lawm awm ka dawn awm chhun ni in ka hria.





"A tawpa tawpah zawng naute chu ka kurah a awm dawn ta tak tak e." ka rilru hlim zia chu sawi oawh ka sawifiah thuam lo. Mahse ka thil hriat chhuah a vang chuan ka nui hmel leh ka hlimna chu a reh leh riai riai nghal a, hmana Wesley nen kan pahnih a naute enkawl dun rem kan tihna thu chu ka thinlungah chuan a rawn ri nawn leh a, chu thil chu chewingum kan phei khawk a kan rap paih harsa,zet a a bei nghet ang mai hian ngaihtuah loh pawh tum i la a bei nghet hle tih ka hria.





"Kha,zan a yatch a kan awm zan khan a lakah thutiam ka neih kha." chu thil chu kan pahnih in inngeih taka,awmin kan naute chu kan enkawl dun dawn a ni ti khan, mahse tumahin hmalam hun kan hre lawk theilo a, hetiang hian kan awm dawn tih lah kan hre lawk hek lo, hetiang chung a naute kan pahnih a enkawl chu a har duh viau ang le.





"Eng vanga ka hringnun hun hman chhoh dan hi harsa em em reng mai nge maw a nih ṭhin le?" ti a thawk kak halh oah chuan ka chal ka dawm pah deuh zauh a .



"Wesley pawh message thawn a chan chin ka hrilh ve ngei chu a ngai ang...." ka phoneah chuan Wesley message chu ka type ta mawlh mawlh a.




#Hi, Wesley, ka rawn tibuai che a vangin pawi kati lutuk.




#Ka rawn sawi duh chu vawiin chawhnu lamah hian kan naute enkawl dun tur kha kan la thei tawh dawn a, tunah hian NY ah i la awm lo a nih chuan duh leh keimah pawhin ka lo va la mai ang a, kan inah ka lo hruai rih mai dawn nia.




Kan la inhmu leh vat dawn nia.




Tih chu ka type a, ka send ta nghal a.



Ka message thawn chu min rawn chhanglet ring in rei vaklo chhung  ka nghah deuh vang vang hnu chuan mi rawn reply na engmah a awm tak lovah chuan thawk ka la halh a, "A hna ah a buai ang tih pawh ka hre reng a ni lo'm ni."




"Theinghilh rawh Eleanor."





Tunah chuan thawmhnaw inbelin ka pi hospital a andahna lamah ksl a hun tawh tak zet, ka pi dinhmun chu ka thil hriat chak zawng tak a ni.



Ka suitcase ina ka hawn chu ka hawng a, chuta ṭang chuan thawmhnaw hak tur ka la chhuak a, chuta ka thil lak chhuah zingah chuan Wesley lehkha chhiar tura min pek hmanhmawh zet a ka dah luh hmawk.hmawk kha ka hmu chhuak a, la kangin khumah chuan ka thehthla a, "He thil chhiar hian tunah tak hi chuan ka la inpeih rih lo."



PARIS FRANCE...



WESLEY COOPER...



Airport a ṭanga hnunglam pawh hawi let leh tawh lo a Eleanor ka kalsan hnu khan ka penthouse lam ka pan a, gate bul ka thleng security guard chuan Elaenor chahbi kawl min lo pe a, inlama luh hreh zet hian inlam chu ka pan ta a, inchhung ka lut a reh ruai mai a, Eleanor awm tura rinna ka la bei bawk, ka room lama ka luh hma in fridge a tui bottle pakhat awm chu la in ka room lam ka pan a, ka tui ken chu ka in pah nghal a, khumah chuan ka coat hak chu ka thehthla hnawk a, chau zetin ka ṭhu thla hnawk bawk a, Eleanor tello chuan engtihna mah ka nih loh zia chu ka hre chhuak telh telhin ka hria, ka phone ka phawrh a, New York lam ka be ta nghal a, tunah hian Eleanor chuan min hmuh duh rih pawh ka ring lo, mahse a tan a ka tih theih awmchhun chu a pi khawvela a ngaih pawimawh ber chu ka enkawl sak tur a ni.






Ka phone a rawn ri leh nghal a, Eleanor chuanna flight a la rawn thlen loh thu min hrilh nghal a, chuan a pi pawh a patean hospital a ṭanga a hruaichhuah tak thu min rawn hrilh bawk a, he thil hi Eleanor chuan a hriat veleh a patea lakah chuan a thinrim leh viau amithei a ni, ni e, zanin chu Eleanor chuan a pi chu inlamah awmpui rih rawh se, chumi pah chuan naktuk zing hma takah Eleanor pi chi hospital ṭha ber pawlah dah turin ka chah ta nghal a, hei hi ka hlim ve theihna awmchhun a ni, Eleanor rilru hah taka a awm chuan kei pawhin hreawm ka ti a, a ṭah ngat phei chuan awm ngaihna ka hre ngai lo.





Natna tam tak min thlen ve zel, ka thaw a ti ipik ngawih ngawih ṭhin, ka hlimna chu Eleanor rilru hahlo a siam hi a ni mai, khumah chuan ka muzal a, ceiling lam ka melh chho vang vang a.



Hmangaihna hi thinlunga  thawk na thei tak a ni.




Hmangaihna chuan hlimna, lungngaihna, thinrimna a thlen thei, mahse hmangaihna hi a hlauhawmin a nun a rawng hle bawk.




Hmangaihna chuan thil atthlak tak a ti ṭhin bawk, chu chuan natna thlenin mi â ah a chhuah ṭhin.



Hmangaihna hian a that thei bawk che.



Ka thil ngaihtuah a vang chuan thawk ka la hawk a, New York lama kal lo in naktuk lamah chuan ka kal na hmun tur pakhat Canada lam pan mai chu ka ti thlu ta a.





THE NEXT MORNING.....



Zing ka harh time ka en nghal a, zinglam dar sarih chiah chiah a ri a, chutiang hunah chuan ka tho ṭhin tih hre reng mah ila, time chu ka en lo thei tawh lo, coffee ka insiam zawh hnu chuan mahni chauhin kitchen counter lamah ṭhu in ka in a, chutih lai tak chuan ka phone a rawn ri ta a, Freddie a lo ni a, Eleanor pi chu hospital lamah an hruai tawh dawn thu a rawn sawi a, Eleanor a hmuh leh hmuh loh leh eng nge a an tih ka zawt nghal vat a, "Sir a ṭha rih e, mahse a chauh hmel khawp mai, a landanah chuan."





A nih chuan a pi bulah in rualin a lokal ve duh leh duhlih zawt u la, a kal duh lo a nih chuan chawlhahdam turin hrilh la, i card kha i pe bawk dawn nia, a pi leh a mah kha ka awmloh chhung chu lo ngaihven ṭha viau rawh u." ka phone ka cut a, chawhnu lama ka kal hun tur chu nghah pahin ka room lamah chawl hahdam turin ka chho leh ta a, ka room ka thlen hma chuan ka ding chawt a, Eleanor room lamah chuan ka lut phei a, thil engkim mai chu a kalsan ang ang khan a awm a, drawer vel ka hawng a, ka ṭhi pek reng reng ka hmu lo.


Chumi awmzia chu a la ngaihven anga a kalna hmun a piangah a keng tel ve zel tihna em ni ang, a khumah chuan ka ṭhu thla hnawk a, a rim tui inhnawih ṭhin a khum a la nam deuh veng veng chu thawk la kawk kawk chung hian ka hip lut a, he nu hi ka ngai a, ka thlahlel a, ka taksa in a mamawh a, ka thinlungin leh ka rilru zawng zawngin ka hmangaih tih pawh ka hria, mahse a ni erawh chuan ka hmangaih ang tluk zet hian min hmangaih ve dawn si lo.





Eng thil nge ka chan natna chu chu khawvel a ka hmangaih te laka ka dawn theih awmchhun a ni.





Ka lehkha pek kha a chhiar tawh ang em, nge la chhiar lo, a chhiar tawh a nih chuan chhanna min rawn pe ngei ang, a pi ngaihvena a buai  rih a vangin chhiarna hun a la neilo te pawh a ni maithei bawk, khatah khan ka hmangaih zia chu hre chhuak turah ka ngai.





ka phone chu message thleng tih hriat zet hian a rawn ri tlang a, ka ipte a ka ah ka phone chu ka phawrh chhuak vat, a screen ka en Eleanor text message a lo ni a, ka open nghal vat bawk, a message ka hmu zet chu ka rum chhuak nghal kawk a.





Thawk ka la ri hrawih a, wait Eleanor.



Khum a ṭang chuan tho chhuak in, ka phone chu ka hmang ta nghal a.




"Hi, Richard."



"Ka tan private jet kha vawiin tlai lama thleng hman ngei ngei turin lo buatsaih ang che."



"Khawi lamah nge?"




"New York lamah."




Phone ka cut nghal a, number dang chu ka dial leh ta nghal a, phone chu a ring ral ral reng a, oh C'mon.




phone chu an rawn pickup ve ta hram a.

"Hi, Freddie."



"Yes boss."



"Engkim a kal tluang maw."




"Aw boss, a hma kha chuan a pi kha kal tir a rem ti lo deuh hlek a, mahse hei tunah chuan engkim a fel leh tawh e, a ni pawh a awm hahdam hnu ah a rawn kal ve ang, i sawi ang khan ka card ka pe a, chuan a pi pawh a ṭha rih e."





"A mah a ṭha maw?"




"Aw, a hmelah khan chawlh hahdam a mamawh hmel hle a, a chawlh hahdam ngei pawh ka ring, hei hospital lamah chuan a rawn la lang rih lo chu a nia, a patea khan min zui ve a, a ni pawh kan tir haw leh ta a nih kha ."




"A ṭha e, a mah pawh ṭha turah ngai ang, ka lawm e."



NEW YORK



ELEANOR ....



Kitchen lamah chhuk a breakfast tui ti taka ka ei hnu chuan ka pi an dahna hmun hospital lama kal tum chuan thawmhnaw ka inbel ta malh malh a, kawr engdal raih mai ban tlawn lum ṭha tak tur chu ka inbel a, pawnfen chhung ṭha zet mai arh tarh rawng dum leh boot rawng sang nilo rawng dum tho ka bun a, ka sam chu mam taka khuihin ka thlah hnalh bawk a, ka hma darthlalang a ka thla lo lang chu ka mit ka siai khum zeuh a, tunah chuan meng len a mengphawk vak vak pawh a ṭul tawh lo ang, chutianga min siam ṭhin tu bulah chuan ka awm.tawh dawn loh miau a vangin.





Hmanhmawh zetin in a ṭang chuan ka bag la in ka chhuak ta , car kan dahna lam chu ka pan thuai a. Goerge chuan kan car hlui ve tawh tak mai chu a lo sawp leh hle tih pawh ka hre thei, he pa hi chu a mak deuh a ni e, mahni thil neih dim na chang pawh a hre lo, mahse chu car chu siamtirna hmun workshop lam ka hman hman tawh lo tih ka hre ran a, nakinah ka la siam tir a niang chu, hun dang a la awm leh mai ang.



Car chuungah chuan lutin ka start nghal a, kan in a ṭang chuan hospital lam panin ka inkhalh chhuak ta nghal a.




Hospital ka thlen chuan ka car chu ka park nghal sawk sawk a, inchhung lamah chuan ka lut ta thuai a, ka pi room awmna lam ni awm a lang chu ka pan nghal a, "Helamah hian grandma room chu a awm ngei ang." ka ti chhuak sap a.




Chutih lai tak chuan Sam ka hmu ta thut a, ka au nghal a, "Sam hetah te eng nge i tih a?"



"Eleanor." min hmu chu mak a ti ve hle mai,ka haw a la ringlo pawh a ni maithei, nui var var bawk a, a hnungah chuan an pa chu phone be mawlh mawlh chung hian a rawn lang ve nghal bawk a.





"Enteh saw ka bestfriend a lo kal, a bulah ka va kal lawk ang e."




Tommy pawh chu phone be pahin a lo bu ve nghut nghut a, Sam in ka bul a rawn thlen chuan kan inkuah nghal vawng vawng a, kan in ngai dun hle, "Paris a ṭangin i rawn haw tawh tih engvangin nge min hrilh miah loh a?" A meng nur deuh nang a.



"Nia, ka thlengna a la rei em em vak lo a." nuih deuh sak pahin ka kut chu ka nuai deuh nak nak a.





"Oh, my goodness, engkim min hrilh vek a ngai ngei ang le!" a nui leh var var a.




"Nia, nakinah ka la hrilh vek dawn che nia, hetah te eng ti tura kal nge in nih a?"




"Oh, vawiin hi naute a hrisel ṭha em tih leh eng nge a an tih checkup hnu hnung ber kan neih ni a ni tawh a lawm.



Oh, ka lo theihnghilh daih pek a, Sam chu in en tir a ngai reng tak ang chu, ni e, a hriselna te a ṭha em tiha a in checkup te pawh a ngai remg tak ang, mawl leh lutuk mai ka in ti nu mawlh mawlh a.





"Naute pian nan hian kar tam pawh a awm tawhlo a, a nat dan tur te pawh ka feel thei tawh hialin ka hria." ti kehin a nui pah hak hak a.





"Mahse a tawpah naute thawmhnaw ka lei ho kan han haktir tak tak tawh tur erawh hi chuan ka nun a tihlim.khawp mai." a tih zawm leh a.

"Oh, a ṭha lam a nih chu ti raw?" ka nuih let ve var var a.





"Sam kei pawhin thil lawmawm zet mai hrilh tur che ka nei a sin."





"Ṭha lutuk, zanin ah kan inah lo kal la, engkim.kan in hrilh tawn vek dawn nia, in in lamah rawn kal ka duh zawk viau a, mahse naute nei thei reng dinhmunah ka ding tawh si a, doctorin awm hahdam deuh tawh turin.min ti a, han en la ka pum hi a lian ropui mai tawh bawk nen." A ṭhen deuh sak a.




"Okay, ka lo tum dawn nia." ka ti ve nghal a.




"Chuan ka kal phawt mau ang, thil eng emaw tih lawk tur ka nei...." Nuamlo tih hmel zet hian Sam chu ka melh a, ka pi ka ngaihtuah lutuk taah tlat, ka ngaihtuahna ah engdang a leng thei tak tak tawh lo.

"yeah, no problem."



"Tommy kha min lo biak sak dawn nia." Ti a ka sawi hnu chuan ka pi room lam chu ka pan ta a, a chhung ka va lut chu a thianghlimin a zau ṭha hle bawk a, ka pi hian hetiang hmuna enkawl hi a phu a, mahse ka neihin a tlin si lo, Wesley chungah chuan engtiang takin lawmthu ka sawi dawn chu ni maw, lawmthu sawi ngaihna pawh ka hre kher lo maithei a ni.





"Hello, Granny." Ka pi chu khumah hian a lo mu bam a, mahse tlemin inlam ai kha chuan a hmel hmuh pawh a hahdam thlak tawh a, a chhan chu tah chuan damdawi ṭha ber berin an enkawl.dawn tih ka hre reng, cher hle mahse a mit meng chu a harh ṭha tawh khawp mai.




A lam chu ka pan phei a, "Eng nge i an deuh tawh?"





"Well, doctorin damdawi mum ei tur ṭhenkhat min pe nghal a, ka ṭha leh vat mai ang...."




"Oh, chuan Eleanor tinge maw bum ka tum pawh hi ka hre lo, ka upa tawh a, ka thawk a piang hian ka kal hun ka h aih tial tial tawh zawkin ka hria."




"Khatin sawi tawh suh." ka lo ti vat a, chutiang thu sawi tur a nih loh zia pawh ka hria, ka pi chu ka lakah pawh ainthlahrung tih ka hre reng, kan neihloh zia a hai bik lo a, tuna damdawiin a a awmna man hi a tam viau ang tih a ngaihtuah a ni ngei ang, a hun tawp ahnai tawh ah a ring ang a, ka tan phur rit mi siam sal vak leh leiba ngah ṭuna min kalsan a hlau niberin ka hria, kei chuan ka nunna pawhseina anih dawn phawt chuan ka theih chin bak bak a tan hian ka bei duh ngei ang, ka pi hian min la kalsan hauh lo ang tih hi ka ngaihdan ani nghet tlurh mai a ni.





"Khatin min hrilh tawh reng reng suh, kei ngei pawh hi zawimuangin ka thi telh telh niberin ka hre ṭhin, mahse thihna a awmloh chuan nunna a awm thei silo a lawm."




"Eleanor ka hmangaih zia che hi i hria ti raw, ka fate ai pawhin naghi ka hmangaih zawk che a sin."





"Chuan he khawvelah kei ka awm tawh loh hnu ah pawh i nun fimkhur viau turin ka chah duh che a ni."




Chung a thusawi duh dan te chuan min ti hre awm a, thawk har ka ti kher mai.




Thawk pawh thaw ṭha theilo leh rilru na leh ipik takin ka pi bulah chuan ka awm a, chu chuan lungchhiatna lamah min hruai lut a,  ka tum vang reng pawh nilo in ka mit tui biangah a luang thla ta ngiai ngiai a.




"Chuan nang pawhin he thu hi min hrilh ve turin ka duh che a, hmangaih i nei em tih hi, min hrilh ve rawh."




"A chhan pawh ka kalsan hunah che ka tello a i awm hunah mipa innghahna tlakah i awm a nge awm lo tih leh mipa rintlak a ni em tih hi ka hre duh a ni."





"Chu thil min hrilh a nih chuan kei chu ka hahdam thei tawh ang a, a chhan pawh innghahna tlak i neih dawn a vangin rilru thawveng takin ka awm.thei tawh dawn a ni."





"Oh, grandma...." Sawi zawm mai ngauhna hre talo chuan ka heh peh deuh zauh pahin ka chal ka kutin ka dawm pah zauh bawk a, eng tin chuan nge Wesley ka hmangaih a ni tih ka han hrilh tak ang le?





"He thu ber kher tuna han sawi chhuah hi ka duh rihlo a sin, a chhan chu tunah tak hi huan ka feelings neihah hian ka confused tak zet zet." thawk ka la pah hak a.




"Chung i buaina tuh reh dan kawng chu a awm ngei ang."

"Min han hrilh la..... mahse ngaihtuah nasa lutuk lo ang che."





"Kha i ngaihtuahna a ṭang khan min dah bo la, chuan i bul hnaia mi awm ho zawng zawng te pawh dah bo vek bawk la, i rilru nilo i thinlungah chauh chung chu hre tawh la, ti chuan i ngaihtuahna buai nuai ṭhin te kha a reh ang a, chu i rilru ngaihtuahan ruak ah tak chuan i mipa ngaihtuah duh kha dah chiah ta bawk la, chuti ang chuan i mut dawn leh i zing thawh veleh a mah chu ngaihtuah ṭhin la, chu mipa chuan a ngaihlu che em? A ngaihlu bawk che em, i chungah nangmah zahna a lantir em tih thlengin ngaihtuah rawh, midang chung chang leh thil dang engmah ngaihtuah a ngai lo, mi ina an ngaihdan i bula an sawi te pawh i ngaihtuah tel a ngai hek lo, chu ai chuan nangmah ah eng ang rinna nge a nghah a, i tan engti ang chiahin nge a inhuam tih te ngaihtuah tel bawk la."




"A ni chuan i lakah zahna te a lan tir ṭhin bawk em?"




Ka ngaihtuah vang vang a, ka maimitchhing pah diar diar bawk a, a tawpah chuan, "Aw, a lantir ṭhin a lawm....."




"A nih chuan chu mipa chu eng angin nge i ngaih tak le?"




"Midang tumah ngaihtuah lo a inpahnih inkar chiah i ngaihtuah hnu ah tunah eng nge i ngaihdan ni ta?"




"Ka ngaihdan chuan....." ka aw ka thian pah kharh a, Wesley nen kan chung chang leh kan awmdun lai a ka chunga a awmdan zawng zawng ka ngaih tuah leh hnu chuan thawk ka la halh a.




"Hmangaihna a ni tih ka hre thei."



"A chhan chu Wesley Cooper nen hian kan in hmangaih dun tak zet a ni tih hi ka hre chhuak in ka hria."


"Wesley Coo eng â?"



ka pi chu a phu deuh zawk hian ka hria.



SAM....



Eleanor in min kalsan hnu chuan Tommy oawhin phone a ve zo a, pawn lamah kan chhuak dun ta a, mahse kan thil va hmuh chuan min ṭhawng leh ta hle mai, kan hmazawnah chuan chanchin bu mi camera hmeh chu a de zuai zuai a, "Ni chon deuh lawk khan Eleanor Garcia in he hospital hi a tlawh tih kan lo hria a, Wesley Cooper a chhungah a awm ve tihna em.ni?"





"Tommy nang pawh Wesley Cooper close friend i ni a, i lo sawi fiah thei mai em?"





"Wesley Cooper chuan a nupui hual ni laiin mipa dang a kawp san tih a hriat chuan eng angin nge a ngaih?"




"Honey..... chu thil chu i hre tawh em?" Tommy chu hlauthawng zet hian ka zawt a.





" La hre hauh lo, an thusawi kha ngaithla duh suh, thil tak tak pawh nilo mi ti ti phuah chawp mai mai a ni ngei ang." A tih tak a vang chuan thawk ka la nghal hak a, ka rilru a lo hah hman tawh tehreng nen, Elo chuan chuti ang mizia chu a neilo reng a ni, mahse ka pasalin a hria a nih chuan a dik tihna ani mai a, chutia a hre loh thil anih avang chuan Pathian hnenah lawmthu awm rawh se.



Tommy aw hriam hreih hrawih tak chuan, "Kan theih anga rangin car lam.pan vat teh ang." A ti ta hrawih a, zo zet hian min pawm nghal bawk a.




Car chhunga Tommy an min pawm luh hnu chuan, "Zan in hian Eleanor chu kan inah a rawn kal dawn a,chuan message pawh thawn ka duh, pawn lamah chanchinbu mi ho an awm tih hi ka hrilh hriat vat a ngai ang."




Ka phone chu ka phawrh chhuak nghal a, "Ugh, ka phone ah battery palhat mah a awm tawh lo." ka ti chuai raih.



"Ka phone i hmangthei alawm babe."



"M...mahse a number ka hre hleinem."




"Well a nih chuan, tukverh a a dahchhuah hunah a hmu ve turah ngai ang."



Tommy an window glass a down chiah , "Chanchinbu mi dang saw an rawn kal velh leh vak mai."





"Oh, Elo khawngaihthlak." ka phun chhuak sap a, "A mah mai chuan sawng chanchinbu mi nunrawng zet zet te saw a hmachhawn thei miah lo vang."





Tommy chuan a aw a thian pah khurh a, "Well, Wesley bia in Eleanor chu kan buaipui ngei a ngai dawn ta a nih hi, Paris lamah khan engmah thil thleng ka hre ve lo a, Eleanor hian a at soh in mipa dang chu a lo fawp reng reng emaw ni le?" A ti chhuak ta a.