TESPNAYA REAKSIYA LOST MAFIA ROMANCE SEASON III CHAPTER 2

TESPNAYA REAKSIYA LOST MAFIA ROMANCE  SEASON 3 CHAPTER 2

DADDY DRAMA

Fakna milem kan hmeh dan a zirin a sei in a sei lo ang, ti leh ṭan ang aw, Russia leh NewYork lam mafia ni tawhlo in tunah chuan Italy ram Sicily hmun a mafia chan chin kan ti veleh ṭan tawh ang aw. Chuan fakna milem mawlh kha hmetin second sawm lek kan enkual ve hram hram dawn nia, second sawm nghak tling zo lo a back leh mai kan tam leh ṭan tlat.

ALEXANDRA....

Brandon chuan kekawr ipte chu a zen rak rak a, bawm tereuh te mai velvet senduk a tuam hi phawrh chhuakin a hawng a, "Min nei duh ang em?" A ti chhuak ta hlawl a, achhunga thil awm light in a arawn chhun thil de sep sep chu eng thil nge anih tih ka hai lo chiang kher mai, chu thil chuan min ṭhawng lutuk, kei hian ka pawm thei dawn em ni? Ka pawm chuan ka dream te kha eng mah loah a chang dawn tih la ka chiah hle. ka rilru ahah kher mai, thâwk ka la halh a.

Chumi hun reilo te chhubg chuan thil tam tak ngaihtuahin ka ngawi vang vang a, Brandon chhan na chang pawh ka hre lawk lo a, a kuta a rawn lek chhuah bawm te chhung a zungbun platinum a mit a diamond in phum lian ṭha ve tak de sep sep chu mit khap na chang pawh hre lo in ka mel pah ngawt ngawt a, chu zungbun chu zir chian tum a uluk taka en te pawh ka ang mah zawk ka ring.

Ka lo ngawi rei ta deuh nge mawni ka chhan lawk loh a vang chuan a aw a rawn thian pah khurh a, "Tuna i tak kha chuan a hrilhhai thlak i tih hmel viau mai." A ti chhuak sup a.

Ni e, a sawi dik lutuk, hetiang thil hi a tih ka ring lo em a ni. "Brand he thil hi ka beisei hauh lo."

Mi mengkual khum rulh pah chuan thawk a la ri hawk a, "Eng vang chuan maw Alex?ngaihtuah ve teh kum nga chhung ngawt kan inkawp tawh a, kan pahnih hian dinhmun ngai ngawt ngawt a ding tawh lo in rahbi thar rah ve te pawh  awm ve tawh viau a lawm."

"Kei pawhin chumi chung chang  chu a nia hrilh ve ka tum che." Nuam lo ti ang reng tak hian a mitmu dum fiah kak mai chu ka en a, Brandon hi ni e ka ṭianṭha tak ni bawk leh ka chilhood love, ka first love, ka first kiss ka eng kim a first nihna hauh tu a ni vek, a ngaihdan ah chuan awm ka tih pui lutuk, mahse kei erawh churiang mai mai a awm ka tum bik hauh lo.

A sam dum hlap ngil zet sei lam hret hnunglam pawhin a a shirt hak nghawng hawlh pha ṭhelh khabe hmul met fai vak ṭhin, mi in vawng fel fai tak, vun hang lam pang hang lutuk ni chiang silo leh vun eng lam pang nei a ni a, a sam a dum ṭhat ang bawkin a mitmu pawh chu ti tho chu, sa ṭha teh lua a sawi tur a ni lem lo a, mipa sang ṭha tak cher lam pang a ni bawk.

A hmel ka duh tawka ka en kual hnu chuan sawiselna tur eih pawh hre lo in thawk ka la pah halh a, chumi hnuah ka thusawi leh hun ngai chang ran chunga che hauh lo a kan in en tawnna a ta chu ka mit ka la sawn a, table nghah chhan a a kut a min porpose na ring a la ken reng chu melh chung hian, "Italy ah kal ka tum a, kum khat vel bawr a reilo berah a ngaih ka ring." Ka ti chhuak ta phawng a.

"Eng maw??" Ka thusawi chuan a ṭhawng hle a ni tih hriat zet hian mit meng phawk zet hian min rawn melh a, a hmelah pawh chuan a mak tih zia lah a thup hek lo.

A thil ken lai chu table ah chuan a nghat rawk a, a kut chuan a sam chu a tu khum lamah a chal a ṭanga tuai chhuah puat pah hian, "I â ta chu a ni em lo maw?" A ti chul bawk a.

"Aih, ka â hauh lo." Pangngai tak hian ka melh thung a, he thil hi ka tih duh ber leh ka suamgtuahna ti puitling tu tur a nih a vangin ka chiang tawk hle bawk.

"Ka lo sawi tawh ṭhin ang khan, khang kum chhung zawng harsa taka ka lo beih ṭauh ṭauh na rah kha tunah hian ka hnu ve chauh a ni; tunah hian Sicily lamah chu thil ka tih theihna tur kawnga rahbi thar five star hna offer ka ni a....."

"Eng ang hnathawh dan nge ni ngai reng reng a?"

"In zirna te pawh a ni ang chu, nakinah mahni five star restaurant ngei ka hawn ve hun a tana thil ṭangkai tawp khawk a ni a lawm." Ka thil lo tih chak ber ṭhin a nih a vang nge, chutia ngaihven hmel zeta min zawh vang tih pawh ka hre chiah lem lo, mahse sawi chhuah te chu ka phur sarh mai a, nuam ka ti hliah hliah bawk.

"He thil hi ka nun hman zawng zawmg zinga ka dream ber a ni tih pawh i hriat reng kha." Phur tak bawk hian ka ti leh siam siam a, a mi propose na lam reng reng ka ngaihtuah tawh lo.

"A nih hetah hian nangma pualin five star restaurant chu i hawng mai theilo tihna a nia." A hmui chu a chip hmak a, a mit meng pawh a vawt nghal hle bawk. Min lawmpui ve taka ruanga chutiang hmel ka han hmu ta chu mak ka ti let ling zawk khawp mai, a chhan pawh tun hma a ṭang tawh a ka nih tum leh ka thil tih chak ngawih ngawih te engkim zep loa ka sawina leh ka hrilhna ber a nih miau a vangin, ka thil tih chak ka tih na lama min hrethiam thei talo chu mak ka ti lutuk ri ngawt.

A hmel en chung a tum hmak pahin, "Aih theilo, Italian food hi ka specialist na thil a ni tih pawh i hriat ve reng kha."

"Hei chu ka rem tih theih ka ring lo." A kut chu a rawn phar chhuak zauh a.

"Min lo hrethiam teh!"

"I remtihna lak a ṭul na awm reng reng ka hre hauh lo mai, rem min tih pui tur pawhin ka ti hek lo che."

"Hemi chung chamg thilah hian i pa in eng nge a sawi dawn kan en a niang chu!"

Ka thin rim lutuk chuan ka aw rawl ka san nghal a, "Engtin nge chutiang thu te chu ngaihtuah pawh i ngaihtuah ngam zawk a?" Rum zet hian Brandon chu ka melh ran a .

"Heti lam thilah hian ka pa chuan engmah sawi tur pawh a nei hrep lo ve, chutiang bawkin nang pawh hian i nei bawk hek lo."

Thinrim zet hian ka ei tur an rawn chhawp na plate chu ka nawr phei rawk a, ka ding chhuak nghal bawk a, "I duh chuan kha zung bun pawh kha rawhtuina meiah i thehlut mai dawn nia, a chhan chu a mah ti tle tura ni a rawn chhuah loh hun a tan." Ti a ṭawngkhumin chu restaurant chu ka chhuahsan ve ta nghal a.

Thinrim si tawt ipik ṭeuh leh chhungrila natna hlira khat chung chuan inlam ka pan a, kawng tluanin ka mittui ka hru bang hek lo, Brandon min chhan dan khan ka thin a ti rim in ka thil tawn lawmawm zet te mi lo lawmpui ve tak a ruang a ka laka a ṭawngkam hman te chuan min deng na hle bawk; ka naupantet lai a ṭang tawh a engkim ka hrilh vekna ṭhin nilo se zawng a tawrh dan te pawh a zia awm tur hi a nia, mahse churiang oawh nilo a laka engmah zep leh ih pawh neilo a ka hrilhna ṭhin berin khatianga min han ti kha ka la na lo thei lo.

Kan in zawn ka thlen hnu chuan ka mittui chu ka hru hul te te phawt a, inchhungah lutin tumah pawh belo chuan ngawi reng hian ka room lam ka pan ding nghal a, ka room kawngkhar zawn ka thlen chuan ka nam hawng rawk a, kawng ka khar leh ṭhuai a, khuma bawh thlawp pahin chhuak em em hian ka ṭap ta zawih zawih a, chhungrilah chuan ka keh chhe chiang hle.

Insumkarna pawh neilo a ka lo ṭah hliam hliam lai chuan ka nu aw ka hre ta thut a, a rawn luh lai awm reng reng ka hre lo, "Eng thil nge ni ta?" Mittui kar a ṭang chian a hmela maktihna a khata min lo en rengna chu fiah lo riai hian ka han hmu thei a, ka nu hmel ka hmu, chhuak mang kheng hian ka ṭap zui leh ta a.

Ka bulah a rawn ṭhu a, chhuak taka ka ṭah chhung zawng ka samah a  chul pah hliau hliau a, eng thu mah a sawi chhuak lo bawk a, tlema ka zia awm tak hnu deuh ah chuan, "Brandon vang em ni?" A ti ta a.

Ka kuta ka mittui la cham bang chu hruk hul pah hian, "Aw, kan inṭhen a." Ka ti sep a.

Ka nu pawh a phu deuh zawk, mak a ti ve hle hian ka hria, "Eng vangin?"

Ka heh ka pet neuh neuh a, a mah bawk.chu a ṭawng chhuak zawkah a ṭang leh a, "Sweetie i hriat kha, engkim min hrilh thei vek a nia."

"Min proposed a...."

"Uhh, kha chu ka ring renga, ka lawmpui lutuk che....mahse engvanga ṭap nge i nih chhan?" Hriatthiamloh hmel zet hian a ti leh a.

"Aih ti a ka chhan a vangin."

"Nga ti maw?"

"A chhan chu thlasaawmpahnih chhung zet plan hran ka neih a vanhing inneihna lam pang thu nhaihtuah thei sinhmunah ka la ding tlat si lo va."

"Eng vang nge tih chu ka hre chiah lo a, mahse kei pawhin ka duh bik lo tih ngaihtuahna ka nei tlat pek."

"Sicily ah kum khat chhung ka kal a ngai dawn a, he thil hi ah hian ka rilru ka thlak dawn chiang lo a, chuvang chuan ka ngaihtuahna lah ka sawh sawn phah chuang hek lo ang."

"Sicily ah chuan eng thil nge tih i tum hrim hrim?"

"Eng tin nge 5 star restaurant ka hawn ve theih ang a, engti angin nge ka kal pui zel theih dawn tih chung changa in zirna leh hriat belhna tur hna a ni mai ang chu, chu hna ka thawh chhung chuan hlawh ka nei tel bawk dawn a, chuan ka inzir thei bawk ang; ka tan chuan vanneihna ropui tak ni in ka hria a, ka tan a ṭha tak leh ka tuina lam tak hna ka tih puitlin theihna kawng a offered ṭha tak ni in ka hria."

"A nih leh hetah chung thil chu i zir ve mai thei lo em ni?" Ka nu chuan chik zet hian min rawn melh a, hmelah leh sam rawngah thleng thleng pian lamah ni se engkimah ka nu chhun mah ila rilru put hmang, ngaih dan , mizia ah erawh ka pa hlauh a ni thung, chu vang chuan ka thil tih chak tih ka tumna kawngah chuan tumah hi min dal.turin awm lo se ka ti ṭhin.

"Mum, Brandon pawhin chutiang tho chuan a sawi ve a lawm, mahse hetah hian ka zir duh lo, Italian food hi ka specialna anuh a vangin an mahni zingah ngei leh a hmunah ngei zir ka duh, chu vang chuan Sicily a kal ka duh bawk."

Ka nu chu rilru hah hmel zeta thawk lak halh oahin leh a kuta a chal dawm.zauh pah chuan, Alexandra i pa in a remti hauh lo ang le." A ti zui halh a.

Ka nuih a za kher mai, za zet hian ka nui chhuak a, "Mum a hming...a hming té lekin kum 22 ngawt ka ni ve tawh a, chumi ah chuan ka duhna lama ka kalna kawngah ka pa chuan min dang thei hauh lo."

"Mahse i pa chu engpawh ni rawh se, be ve hrim hrim phawt rawh." A ti chhuak ve ta hrak a .

"Ok, i tih tlat chuan naktuk hian ka lo hrilh ve dawn nia, mahse chumi a vang chuan.ka rilru ka sawh sawn dawn tihna a ni miah chiang lo."

"Khawngaihin be phawt mai rawh."

"A nih leh engtika kal nge i tum.deuh a?"

"Kar leh ah hian."

"Oh, God." Ka nu chuan a kut leh lamin a kawng a dawm.a, lehlamin a chal a dawm pah bawk a, a meng kual.ralh bawk.

Engmah sawi leh tawhlo in min chhuahsan ve ta a, ka nu in a min chhuahsan hnu chuan Kiara ka bia a, ka thil tawn.engkim chu ka hrilh ve ta vek.a, a ni oawhin tihngaihna a hre vak bik lo, Brandon erawh min proposed na ka lo hnar a vang khan a rilru ka tihnat sak.a ni mai thei, mahse ka ṭhianṭha tak ka boyfriend ni bawk.a nih a avangin a thunrim reiloh tur thu leh ka thusawi pawh a pawm.leh vat tur thu in min chhang a.

Zan rei tawh lam.a lo ni tawh bawk nen Kiara ka biak zawh hnu chuan bathroom.lamah hmai phih fai turin ka lut a, ka chhuah leh hnu chuan ka pajama hak.nuam tak tur leh top ban bul ka inbel a.

THE NEXT MORNING....

Ka zing tho, ka lu a rit luk a, tuboh a duh tawka chhut ang mau hian a rit luk bawk, ka mit a thíp na ṭhum a, chutia ka awmna chhan pawh ka ṭah nasat vang tih ka hre reng, bathroom lamah lut nghalin tui vawt tak ka inphuh tir sar sar a, ka chhuah leh hnu chuan tlrmin ka zia ta deuhin ka hria, mahse vawiin lama ka thil tih tur leh lunat mit thip te chu a inrem dawn loh em a vangin ka mitah eye drop ka thlawr a, nachhawkna ka hmawm nghal bawk, ka duh dan tak phei chuan ka sweet pants nena kal mai tak chu ka nap a, a tawp a tawpah zawng ka inthlak ve ta hram.

Truck pants ka ha a, a chung lamah silk top leh jean jacket ka inbel a, sneaker bun lehin ka sam ngil zet chu chung lamah sang ṭha zet hian ka ṭawn bawk a, inhnuai lamah ka chhuk thla ve ta a.



 Ka nu chiah ka zu hmuh a vang chuan ka lawm kher mai; ka unaupa Theo ang leh a nupui Sofia ang taka mut heh ka ni lo a, zan lamah mengrei ṭhin viau pawh nimah ila dar sarih a rik tawh hi chuan inoeih fel at in inhnuailam ka pan thla than thei tawh ṭhin! Chu chu ka pa lak a ka himna ṭhin ve a ni a, thil ka tih sual deuh chang leh ka pa ka tih lung nih loh chang te hian a thawh hma in ka lo kal chhuak hman daih tawh ṭhin a ni.

Tun hma ka naupan lai a ṭang tawhin ka pa hi ka lakah a strict ṭhin viau a, Theo a thlah zalen em em laiin kei erawh chutiang nun zalen chu ka neo thei ngai mang lo.

Ka nu chuan min chhan em em a, awmzia a awm tlat lem lo, ka pa chu a tih tawh ah chuan a ti bur ṭhin a, kei ngei oawh churiang bawkin ka tih tawh lamah chuan tih tlat ching leh hmeichhe rilru lian tak luh lul zet mai ka ni. A chang phei chuan ka pa tih ngaihna hre lo chuan min enliam chang a nei ve chawk ṭhin! Ti ang khawp a tih tawh loh lam kawngah chuan hmeichhe luhlul zet ka ni a, ka awmdanah chuan engmah siamṭhat ngai awmin ka hre ngai hek lo.

Ngaihzawng neih lamah ka ti hiam hiam lem lo a, Brandonah chuan ka rinawm tawp a, Brandon bak ka tana mipa ṭha an awm ring lo ruh tawp chi ka ni a, a lakah ka rinawm hle bawk, mahse thildang vanga nizana kan intihthiamlohna erawh kha chu ka tuar viau, ka u Theo anga silai kah thiam tak nih ve ka duh a vangin, ka pa bulah training lak ka dil a piangin 'hmeichhe tan a ni ve lo' ti in min chhang ziah ṭhin a, mahse ka beidawng duh chuang lo.

Ka pa te bul a ṭang nilo hmun dang a ṭang pawhin rilru pe tak leh tun ruh taka ka bei a nih ngat chuan silai kah thiam takah ka chhuak thei remg tih ka hria ran a, chuvang chuan hmun dangah ka pa phal loh thil pawh zir lui ka ni reng bawk.

Ka nu in a breakfast a tana a pancake siam mek pakhat chu la in, "Good morning Mum." Tih pahin  ka ei nghal a, zing karah tui sik ka in ziah bawk. Hei hi ka tih ṭhan a nih tawh a vangin coffee tih vel aiin tuisik la in chawk.

"Morning sweetie." ka nu chuan mi pawh rawn en lem lo hian a lo ti ve mai bawk a, a thil siam a zawh hnu chuan coffee nen counterah a rawn chhawp a, ka nu chuan naute a nei leh ṭep tawh a, mipa nge a nih ang hmeichhia erawh kan hre chiah lo.

A rai len tawh em a vang leh chet vel a harsat tawh ṭhin a vangin eirawng bawl ah ka hman chuan ka pui tlang pui a, a changin Maria pawhin a pui ve bawk ṭhin! Ei rawng ka bawl ve a piang chian Italian recipe thar ka siam ziah bawk.

Ka nu chuan ka thawmhnaw a hmuh chuan a meng zau leh kawk tawh, "Eng thil nge i rawn hak chhuah leh tak a?"

"Shooting range ah ka kal dawn maw le."

"Chuta i kal hma chuan i pa be hmasa phawt rawh,  a ni pawh tunah shower a hmang mek a, a rawn chhuk thla ve thuai ang."

"Nakinah ka la be zawk dawn nia, tunah chuan ka hmanjmawh a ngai tlat." Ti a chhang chungin kawngka pui lam pan ka rual a.

"Brandon chan chin hriat leh i nei tawh em?"

Ka hre lo der hmiah hmiah, kawkhar lam ka chhuah vat theih nan ka ngawi ngar a, ka kal lui hliah hmiah bawk.

"A lexandra." Ti a min rawn auh let lehna chu a ring ṭha leng lawng tawh khawp mai, jeez ka chhan ngei a ngai ang.

"Aih, tukin zing thleng chuan  engmah a chung chang hriat leh ka ka nei lo, chuan ka hre duh lem lo bawk, ka ngaihven wm em lo." Ti a ka chhan hnu chuan ka ferari car parkna lam chu ka pan a, chak zetin ka inkhalh chhuak ta nghal a .

DOWNTOWN WAREHOUSE ....

TREY....

Warehouse ka luh hnu rei vaklo ah chuan Hunter pawh a rawn thleng ve nghal a, ka cigarette ka ṭan kai te te hnu chuan, "Vawiin lamah containners lo thleng thar tur te a awm mial em?"

"Awm e, zanin hian pahnih a rawn thleng dawn a, Cooper leh Jaiden an an lo hlang thla ang."

Buk nghut nghut pah in, "A tha e, vawiin chu inlama haw hma deuh te pawh ka ngaih ve ka ring."

"Eng vanga Alexandra chung chang hi min hrilh ve miah lo nge i nih?"

A ngaihna hre lo zeta Hunter chu melh vung vung pahin, "Eng nge ni a Alexandra chu?" Ti in ka zawt veleh chhawng a.

"Italy a kal dawn chung chang kha maw le."

Ka nuih za lutuk chu ka nui zui chiam a, "Hunter i á ta chu a ni em lo maw, Alexandra chu Italy ah a kal dawn reng reng lo, a ni emaw khawiah mah a kal dawn lo hrim.hrim." nuih la za zet chung hian ka ti a, chutiang hmun hla takah te a kal a lo rin hrim hrim le, helai hmunah bak hian ka awm tir dawn lo, chutiang rilru phei chu vawi khatmah Alexandra chungah ngat phei chuan ka la pu chhin lo hrim hrim bawk.

"Chutiang chuan nizanah Brandon bulah a sawi a lawm."

Ka cigar chu ka lo hip pah vang vang a,

"Chuvang chuan an inkar engkim pawh an chhu chat vek tawh."

Ka maimit chhing vung vung a, ka men chhuah leh hnu chuan, "Eng thil nge thleng chiah a, han sawi chiang deuh teh?" Ka ti ta a.

"Nizan khan dinner ei turin an pahnih chuan an chhuak dun a, Brandon chuan Alexandra chu a proposed ta a, mahse Alexandra chuan a hnathawh tur  chhuanlamin Brandon sawmna chu a hnar fithlak sak tihna a nih chu."

Ka phu chiang lutuk." Brandon chuan a proposed a maw?" Ka cigar pawh zuk lem lohin ka ral.a ni der, ashtray ah chuan nawt hlumin makti zwt hian Hunter chu ka en a .

Hunter chu buk nghut nghut pahin, "Aw, mahse Alexandra chuan ka sawi tawh ang khan, Italy lamah kum.khat ngawt a cham dawn a vangin a lo hnar ta a ni."

Thil dang pawh ngaihtuah chang tawh lo chuan chair a ka coat ban chu ka la lawk a, rang zetin ka office room lam ka pan ta nghal a.

Ka office chhung ka thlen hnu chuan khabe dawma maimitching meuhin Hunter thusawi ho chu ka ngaihtuah a, Eng thil nge maw lo thleng hrep ṭhin ta hi le?

Hetiang thil hi ka la dam lai chuan a thleng hauh lo ang, ka thih tawh hnu ka dead body chungah bak a thleng ngai hauh lo ang. Ti a in sehruh chungin ka phone ka phawrh chhuak.a, ka thin rawn.tawt nghal up up chu tih ziaawm nan thawk ka la pah hrawih bawk a, Callie number ka phone a mi chu ka dial ta nghal a.

A rawn.pickup veleh chuan, "Callie." Ka ti nghak hrawih a .

"Hey, huney eng nge ni ta?"

"Eng nge tih chu nang zawk hian.i hre chiang khawp mai, hrep tak chuan." Ka vin hle tih pawh ka hria, mahse Alexandra chung chang thu chu Callie hian a hre leh dim diam tawh dawn, mahse engvanga tun thlenga ka hriat lohna tur a la zep tlat nge a nih erawh ka hrethiam lo.

Callie chuan thawk a la ri hraih a, thinrim.tak bawk a ṭawng chhuah khum leh nghekin, "Alexandra chung chang thu hi engtika min hrilh nge i tum teh hrep a?" Ka awka vin zet mai chu a ri chhuak leh ṭhawt a.

"Enteh Trey, a mah ngeiin hrilh che a duh vang a nia." A ti khur deuh dar dar a.

"Oh, a kal dawn chuang lo?"

"Trey â viau lo teh, Alexandra pawh puitling a ni ve tawh a, chuvang chuan a thil tih tumah hian i dang thei ngawt bik lo ang ."

"Chu thil ah ber kher chuan inchawi ila aw? Tunah khawiah nge a awm Callie."

A chek ri hlak a, "Um Alex... chu Um..."

"Khawiah?"

"Ih, shooting range neihna ah a kal."

"Trey a rawn haw hun lo nghak la, i bulah ngei a sawi fel hun hi nghak ve hram hram phawt teh."

Ngaithla zui duh tawh lo in ka phone ka cut hmak. Ka thintim lutuk chuan ka ha chang ka ṭhial rawp rawp a, hman hmawh zetin ka car lam ka pan a, Alexandra awmna tur awm pawh ka hre sa vek; chulam pan chuan ka inkhalh chhuak ta nghal a.

Italy ah kal a tum a maw, ka mawng a nih chu a, hrep tak zet chuan, a kal dawn nge dawn lo i han en ang hmiang, a kal dawn lo khawp chiang mai, ka nui chhuak hawk a, ka nuih a zat a vanga nui erawh ka ni hauh lo.

Kal kawng tluan mai chuan ka thinrim.lutuk chu ka khat ṭun mai a, engti angin nge ka tih ang, ka va thleng ang a, ka vin khum tuar tuar dawn nge ni a ka an khum tun tun dawn? Nge hremna na tak ka pe dawn zawk? A lung a ti awilo kher mai, a pa hi tu nge ka nih chiah tih hi a la hre chiang tawk lo a niang e, ti nge ka nih chiah tih hi ka hriat chian tir khawp ang.

Alexandra kal na hmun chu ka thleng thuai a, midang tam tak pawh an awm, kawng leh lamah chuan he Alex hian min chhun em em a, a thil duh dan a rum hle a, ka hnuaiah pawh silai kah zirlo mah se, a thiam zia an sawi ṭhin chu ka hre ru reng ṭhin, mipa fa ni ngat phei se chuan Theo ai pawhin a hmantlak zawk ngei ang tih ka chiang a ni.

Mahse hmeichhe fa a nih na hian a tih a tana mawilo tam takah a khung beh phah bawk.

"Mr.Bailey helai hmuna ka hmuhlohna chen che pawh a rei ve ta hle mai." Worker pakhat chuan a lo ti luam a, ṭha taka chhan ve mai ka duh laiin a mood ah ka awm hlawl lo.

"Ka fanu khawiah nge a awm?" Rum zeta melh khur pah chuan ka zawt nghal tawng a.

Chu pa hmelah chian min hlau hle tih a hriat reng, a hmel put hmang chu a ṭi nghal duk a, chutiang bawkin a aw chhuak pawh. "Ka hmuh tawp ber chuan, range lamah a awm kha." A ri nghal sawk sawk a.

Engmah sawi leh tawh lo in Alexandra awmna a sawina lam chu ka pan ta nghal a, chu hmunah chuan a lo awm ngei bawk, ka va pan phei a, a silai mu kah chhuah chuan centrr ho chu a lo verh siah siah mai a, tim na eih pawh a nei chhin lo hrim hrim.

ALEXANDRA....

"Alexxandra." Ti a aw thawp set sawt tak zawi lam pang hriam hreih hrawih taka ka pa min rawn kohna chu hriat loh rual a ni lo, ka silai mu kah chhuah leh chiah chiah tur pawh min hrulh chiang hle a, chitiang a vawt zet a ka pa min kohna ka hriat tawh chuan a hlauhawmru hle a ni tih min hriat tir a, ka thin a phu nghal dawt dawt ṭhin.

Ka inher zawk a, ka hnung lamah ka pa lo ding ka hmu thut ka phu chiang kher mai. "Dad hetau te eng nge i rawn tih ve?" Ka ti ngam ṭawk a, ka pa meng vawt zet mai leh rum zeta min en rengna chu ka hmachhawn nghal.

"He hmunah hian eng nge ka rawn tih tih chu nang hian i hre zawk hrep ngei ang chu." Rum.zet hian a ti chhuak khur khur a, ka hlauh zia chu, ka lungphu ri te chu ka bengah chuan a ring hle nghal hian a ka hria a, a su dup dup ni mai hian ka hria, chu chuan ka dang a ti ro nghal vek bawk, ka thil la hrilh loh kha a hre tawh a nih ngei dawn hi, ka ti rilru neuh neuh a, ka hnen a ṭang nilo a midamg lak a ṭanga a hriat leh lek phei chuan ka chungah a thinrim leh viau ang.

"Eng nge ni ta?" Ka ti leh sap a.

"Really, hetiang lam zawng hian maw kan infiam dawn a?"ka thlan tla chu ka hru hul ngam ṭawk, ka pa thinrim tawh hi chu kei ngei pawhin ka hlau deuh ṭhin.

"Sicily chung chang kha anih chuah ka rawn hawn hunah ka hrilh ang che ka lo ti a."

"I thluak te kha khawiah nge maw i dah hrep chu le, Alexandra?" Ka pa chuan a kut chu a lek zuau a, ka phu zawk, ka per sawn deuh dawr bawk a. A thinrim mit meng chu a a rapthlak kher mai.

A kut hum ruh ṭun chungin insum tum zet hian thawk a la hrawih a, thinphu dep depin eng nge sawi a tum ka lo ngai chang thung, a fanu ka nih mai a vangin a duhloh zawngah pawh min khawih hreh chuang hauh lo ang tih tur khawm hial hmel a pu a. A kut zung chal chu mi rawn hmuh pah hian, "I kal.dawn hauh lo tih hi hria ang che." A ti ta a.

Chu a thil sawi chuan ka thin ter tekna a ti chhuak ve ta a, ka pa pawh hlauh ennah ka en leh tawh lo, ka khabe dawh khum ha chung chuan ka en chho a, ka thin arim.ve tawh hi chuan tumah hlauhlohna chhungrilah ka nei tlat zel, "Nia, nang i nia, mahse min dang thei chuang lo ang dad."

A nui chhuak hawk hawk a, ka lo melh chho kar thung a, Chumi thil a vang chuan he country i chhuahsan tur hi danglo che ka kaltir mai che i ring a ni maw, i thilsawi awmzia kha ka hre chiang hle tih pawh hi hre bawk rawh."

"A nih leh ti hian i han ti teh ang, phone call vawikhat lek ka hman a vang hian i passport pawh ka ti tawp nghal hmak thei tih hi i ringlo emaw ni chu le?" Min melh chhuk run mai bawk a.

Thip zeta melh ve ram ram chung chuan, "I ti dawn hauh lo." Ka tih khum.ve hmak.

"Alex a awlsam zawngin nge kan tih dawn a, a harsa lam zawng chi in?"

"Eng pawh nise la, chu chuan a kal tir chuang hauh lo ang che tih erawh hria ang che."

A in her vut a, a kal sawn ta nghal a, ka pa kal ta chu thinrim zet hian ka thlir liam a, ka thil tih lai ngei pawh chu tihbleh tuina pawh min neih tir tawh lo.

Dad, kan la hria ang chu, hei chu Theo hna tawh tur ni in ka hria, ti rilru chungin thawk ka la pah halh a, Theo kuta ka dah tawp loh chuan engtin mah ka pa nen hian kan hrethiam thei lo ang.

Theo chenna hmun lamah kalin ka pa be tura ka tih a ngai dawn ta a nih hi, hetiang lamah chuan Theo hian ṭawngkam ṭha leh ka pa tihdan vel tur a thiam a, ka pa thinrim pawh a tuar sak thei viau bawk, "Theo ṭanpuina ka ngen mai a ngai ang, dad chuan Theo thusawi chu a ngaihthlak sak duh ngei ang tih ka chiang." Ka phun chhuak sap a, ka bag a face towel chu la chhuakin ka thlan ka hru hul sawk sawk a, Theo chenna hmun lama kal tur chuan ka car awmna lam ka pan ta vat a.

Kawnga ka tlan chhung zawng chian engtin nge Theo bulah ka sawi ang tih ngawt ka ngaihtuah a, ka hna hmuh chu chan ka tum lo ropui leh nghal, Theo ka biak thuam dan a zirin a ni in min ṭanpui thei ngei dawn tih pawh ka hria.

Ka kalna tur ah hian ka pa chuan min dang thei chiang lutuk tih pawh ka hria, a duh leh duhlohah a innghat zawk, chu vang chuan a remtilo chunga kal luihna chi ah pawh ka ngai lo, a thin ka ti rim.mai mai zawk ang, a remtihna thlap kha ka mamawh chu a ni.

"Ni e, ka pa chuan min dang thei chiang lutuk, a duh a thu ah a in nghat bawk." A mah erawh chu hetianga ka chunga a ti a nih vaih zawng in ka dam chhung zawngin ka ngaidam thei leh tawh ngai lo chiang viau ang.

Theo chenna in pawh ka thleng reng tawh tih ka hriat chuan car chu ti tawpin ka chhuak vat a, inchhung lam chu ka pan ta , doorbell pawh hmet lem lo chuan kawngkhar ka hawng a, ka lut ta nghal a, Sofia ka hmu hmasa ber a, mi lo nuih var var pah chuan, "Alex i dam maw, lo lut rawh." A lo ti a.

"Kan pawngvina a hi inah a awm em?" Ka hawi kual pah zak zak a, Theo chu ka hmu mai lo.

"Awm e, lokal rawh, living room lamah a thinchhiatna te tih reh tumin a awm hahdam ani mahna." A nui ve tat tat a.

Kan pahnih chuan living room.lamah chuan kan inzui phei nghal a, Sofia sawi dan ang chiah chuan Theo chu couch ah a lo mu a, "Alex hmu tur che in a rawn kal a nia."

"Hey, khawvel pum puia ka unaupa duh ber." Ka nui pah sak a.

Theo chu a rawn ṭhu chhuak ve nghal a, "Khawvel pumpuiah kei tih bak unaupa i nei hleinem."

"Eng thil nge i duh leh tak ti in ka sawi dawn nge ni a, eng thil nge tih i neih leh tak ka ti zawk dawn?"

Sofia chu kan unau inchhan danah chuan za zet hian a lo nui chhuak a, "yew, engmah tih ka neilo, khatiang zawnga i unaunu hmangaih ber mai i han ring ringawt mai hi mak ka ti zawk."

"Ka unaunu neihchhun i ni miau a lawm." A nui ve suk a. A nih loh pawhin, ka nu in hmeichhia a hring leh te a nih ngawt loh chuan." A kut a phar chhuak pah zauhin, min rawn siai khum suk bawk a.

Sofia lah a nuih a za telh telh, pum dawm khawp a nui chung chuan a nuih nalamah a mittui a tla phung mai bawk a. A nuih tawp hnu chuan ka kalsan ve tawh ang che u, shower ka lo han hmang ang e." A kal sawn ta nghal a.

No theih tawp leh khawngaih thla la zet tur hian Theo chu ka melh leh phawt a, a lak thil ka dil dawn chuan hetiang hian ka melh hmaaa zet phawt ṭhin, a ni pawhin chutia ka ti ṭgin chu a hre chiang viau tawh bawk, chuvang chuan, "Khatia mi melh dan ṭhin kha titawp vat teh." A rawn ti ta reng a.

"Eng nge ni keh ta?" A rawn tih zawm nghal a, kan inhre chiang dun viau.

"Zara hi khawiah nge a awm a?"

"Khumah a mu, chuan kan subject kha thlak tum.hauh bawk suh."

Thawk ka la halh a, Theo erawh chuan chelo changlo in a mit paw ruih chuan chik zwt hian ka awmdan chu a lo melh a.

A tawp a tawpah chuan, "Dad hi min biaksak la ka duh a ni." Ka ti chhuak ta hlawl a.

"Eng chung changah?"

"Sicily ah kum khat vel cham a zin chhuah ka ngai dawn a, a phal si lo a."

"Sicily ah i ti elo?" Theo hmelah chuan a ṭhawng hle hian ka hria, maktih hmel zet hian min rawn en a, engvanga he thu a sawi a pianga mak ti vek zel nge maw an nih teh hrep hlawm ṭhin chu le?

"Eng vangin?"

"Uhm, engtin nge Italian 5-star restaurant hi an hawn a kan kalpui tih ka zir duh vang a ni ber mai."

"Ka hrelo le Alex, mahse kei pawhin ka pa ngaihdan chu ka ṭawmpui ve zawk mahin ka hria, hetilhah hi chuan."

"Theo, duhtawk rawh, kum 22 lai chu ka nih ve tawh hrep hi." Ka ti zawi raih a, hetiang a mahni duh oawh ti theilo a awm na hmun ngaia min awm tir tawp tur an ni lo.

"Alex khatin chiang tak chuan awm hauh suh aw."

"Ka tihpalh, mahse min pui hram turin ka duh che, nang pawhin i hriat reng kha, he thil hi ka hun pum pui hman tawh zawng zawng a ka dream a ni ti pawhin i hriat ve vek tho kha."

"A nih Brandon hi i bulah a lo kal ve dawn tihna mi?"

"Uhm, Brandon nen chuan kan inṭhen tawh a lawm." Ka ti sap a.

"He tiang hi engtikah nge a nih?"

"A ni pawhin Sicily ka kal tur thu ka hrilh hian a rem ti bik lo a, kan inṭhen phah a lawm, khawngaih takin dad chu min lo sawi sak ve hram.la, ka mamawh tak zet."

Theo chu a ngawi run a, a mitah tak melh chho lehin, "Khawngaihtakin T, nang chu dadin i thusawi a ngaihthlak sak dawn che tih pawh i hre reng a lawm."

"Dad ina a ngaihtuahna a siamfel tawh chu a thlak danglam ngai lo tih pawh i hriat ve tho kha Alex."

"Ka bia emaw belo emaw, a rilru a thlak leh tawh oawh ka ring lo."

Ka ṭap chhuak ta a, chu chu hmeichhe ho power chak zet tih pawh ka hre ru ran bawk, mipa kan hneh theihna dan kawng ber mai chu ka lan tir ta a.

"Ok, ok, ṭap tawh lo hram rawh, dad chu ka lo biak sak dawn che nia." Ka thil duh ka neih theihna anih dawn phawt chuan eng anga upa tawh pawh nimah ila ka ṭap ruah ruah zel ṭhin ang, ka pawisa hauh lo.

Ka ṭap chu chawp leh chilh in ka tawp nghal a, "Thanks T, ka chungah i fel ber."

"Tuna i landan ang kha chu i ni hauh lo tihpawh i hre chiang hle ang chu."

A thusawi chu ka haider hmak a,
"Naktukah ka rawn call dawn che nia, ka hmangaih che."  Living room chhuahsanin pawnlam pan tur chuan ka kal nghal.ta daih a.

Theo au ri, "Sicily maw, what the F*ck." A tih thawm chu ka hre zui a, ka nui var var, pawnah chuan ka chhuak nghal ta daih a.

TREY....

Alexandra ka hmuh zawh hnu chuan inlamah pawh haw leh talo chuan warehouse lam bawk ka pan leh a, ka thinrim lutuk a chhunglamah a so bawrh bawrh ni mai hian ka hria, lungawilo zetin Alexandra chu ka hmachhawn a, a mi lo chhan danah phei chuan kal luih a tum hle tih ka hria, a kal hauh lo ang, thil ṭha taka tih a a pawm dawn lo a nih pawhin a harsa zawnga kalpui mai chu ka duh dan a ni.

Thawk ka la hrawih a, warehouse chhungah chuan.ka lut ta nghal a, "Eng nge ni ta?" Detroit chu ka bul rawn panin intur no hi a kutin a chawi bawk a, pakhat zawk chu ka kutah a rawn hlan a, ka namawh a ring nge maw ni, ni e, ka mamawh hrep tak a lawm, ka mamawh lutuk zawk a ni e, in tur no lo lak ve pah chuan, "Engmah a nilo, thil ka ngaihtuah mai mai a ni e." Ti in ka lo.chhang a.

"Eng nge ni a,  thil thleng eng emaw a awm tihna mi?"

Ka ṭhutna a ṭang chuan ka tho chhuak a, thawk ka la ri hawk a, ka cigar chu ka ṭan pah nghak bawk a, ka hip vang vang hnu chuan tlemin ka zia awm ta deuh chuan ka hria, "Chutiang a thil pawimawh rm em.pawh a ni lo, hmeichhe ho hian ka hringnun hman dan hi an ti hahthlak zo vrk zela, chu te mai chu maw le." Pang ngai taka ka sawi chhuah a vang chuan ka lawm hle.

Detroit chu za zet hian a nui chhuak hawk hawk a, "Ti nge chu chu, Callie nge ni a Alex zawk."

"Alex maw le." Intur chu ka tlak nghal vek a, ka mei zuk lai chu ka fawp leh vang vang a khu chu ka hip lut pah bawk a, muang chang hian ka hnar khu chhuah raih raih bawk a.

Ka thusawi lai chu chhunzawm lehin, "Italy lamah kum khat chhung ngawt mai cham a tum vang a nia." Ka kut leh lam chuan ka chal ka dswm pah ruih a.

"Italy ah â?"

"Aw, Italy a nih chuan Sicily bak khawi hmun nge ni chuang ang."

"Engvanga chutah tehdaih te kal duh ta thut nge a nih?"

"Thil eng emaw ho zet maw le, engtin nge Italian 5star a hawn theih dawn tih a hre duh a nih hmel."

"A nih leh a kal theihloh tur thu i hrilh mailo em ni?"

"Oh, hrep tak chuan, kha thu kha chu ka hrilh ve ngei a lawm."

"A nih te chuan buaina tur  eng nge la awm?"

Ka hmai chu ka kutin ka tuai puat a, "Alex a nih hi Detroit, engtikah nge a ni hian order a ngaihthlak tawh ṭhin hrim hrim?"

A mit menga nuihzat hm el zet a mi en chung chuan, a fanu chuan a pa a chuun fuh hle mai maw?" A nui pah sawng bawk a.

"Chuvang tak chuan a lawm, ka hlauhthawn em em chhan." Ka cigar chu fawp leh vang vangin a ashtray ah chuan ka nawr hlum nghal a.

Ka dinna a ṭanga kal sawnin intur awmna lam chu ka pan phei a, nokhat inthlit belh lehin ka tlak leh pawp a, chumi hnu chuan warehouse chu ka chhuahsan ta a.

In ka thlen hnu pawh chuan Alex chu a la rawn haw hauh lo, khawiah ohiangsen chuan a kal nimaw, inbiak a duh thu a sawi si a, nge ni vawiin kan inbiakna kha a pawm ta mai, hrep tak chuan, vawiin a kan thusawi dun kha inbiaknan a pawm a nih chuan ka chaklo ngawt ang, Italy ah chuan a kal theilo hul hual, engti kawng zawng mahin a kal chuang lo ang, a rawn hawn hma chu ka lo nghak char char ang a, a kal theiloh tur thu ka hrilh nawn leh ngei a ngai bawk ang.

Thawk ka hrawih a, dinner Callie ei a peih thu a rawn sawi hnu chuan kitchen lam ka pan a, dinner a tan baked potato, roested chicken leh potato fruit salad hi a lo siam a, ka ei duh chi vek hlir a ni leh nghal, eng thil nge a ngaihtuah tih chu ka hre chuang hle, kan ei tura plate a min rawn dah sak lai chuan, Trey i fanu hi....."

"Ni rih lo Callie tunah chuan ṭan rih lo teh, ka thil ei duh zawng tak vek i siam a, tuilo zeta ei ka duh hauh lo a nia." Arsa chu ka fork ken lai chuan ka la a, wine ka in pah nghal bawk a, ka ka khat a salad hnawh lut lehin baked potato chu ka hmawm hnan leh bawk a, a tui kher mai, Callie hian eirawng bawl a hneh sawh em em a, a thilsiam hrim hrim tui tih lem loh a ei vakloh pawh ka nei teh chiam lo, ka ei duh zawng a siam leh lek phei chuan engdang mah ngaihtuah lo a ei hi ka duh dan ber a ni.

"I fanu chung chang chu i ngaihtuah ṭhat viau a ngai ang, tu tan pawh a rilru natna thlen theitu a nih dawn a vangin." Ka thil eizo ka thawh rual chuan a rawn ti leh a.

Ka va nelh zauh a, a rai puar luah tawh leh nghal a, ka nupui duh tak mai ka hmangaih em em rai lian zet tawh mai light chhit eng hnuai a tisen nalh zet mai paw phek chu ka en ning thei lo. Duhawmna ina a thuam famkim ni hialin ka hria, "Ka ngaihtuah ṭha vek tawh, ka thu tlukna pawh ka kal lo ang tih hi a ni, a tan a hlauhawm lutuk, Callie i hriat ve reng kha, a tan helai hmun chhuahsan hi a him lo, kan fanu him dam taka a awm kan duh a kih chuan Sicily a kal tirlih hi ka thutawp chu a ni e."

Hnuailam a melh raih a, "Mahse Trey, hetiang ringawt chuan Alexandra hi kan tawm tir theih ka ring lo, a rawn haw hunah te pawh ṭha takin lo hrilh ve la."

"Oh, kha chu hmeichhe tih tur a ni e, keiin sweetheart kal lo hram rawh, i tan a hlauhthawn awm ka lo ti ang a maw, a teuh lo, nang hian i fanu chu hrilh ṭha zawk rawh."

"Oh, God, Trey, a ṭha e, tunah ka fanu chauh maw ni leh tawh a?"

"Callie ka sawi peih lo, a rawn hawn hunah erawh Alex chu ka lo bia ang, amah erawh chu a laka zai dawh tur erawh chuan min beiaei hauh suh ang che, ka office lamah ka awm.dawn mamawhna min ei a nih chuan." Ti a chhangin Callie chu ka kalsan ta nghal a.

Thawk lak deuh hawk.pahin Alex ina ka ngaihtuahna a tih buai zia chu ka ngaihtuah a, lo haw rawh se Italy a kal theiloh tur thu chu ka lo hrilh hre leh ngei ang.

Zan dar riat a rik hnu thleng pawh chuan Alex zingkar chhuak chu a rawn la haw thei lo a, ka thun in a tuar lo leh ṭep tawh, vawi engzah fakau nge Alexandra a vanga ngaih ngamlo zeta mut mu pawh tuah hleitheilo a ka awm tawh hrep hi, a tetlai a ṭang tawhun hetianga mi tuh hi chu a thiam ve hrim hrim, a rilru a lian em em a, a thu a duh hle bawk, chutiang mizia ka neih ve a vang chuan luhlul a kan han indawr leh lek phei hi huan ka thin hian a tuar loh chang a tam.mai, mahse ka fanu neih chhun a ni a, a ṭhatna ka duh a, a hmangaih em em bawk.

A ni tawh em em lo ti in ka phone ka phawrh a, a number chu ka dial ta a,  a chhang hauh lo, Oh really, hrep tak chuan, "Ka lo nghak khawp ang maw le.

ALEXANDRA.....

Inlama haw hma in restaurant pakhata in ei puar mai chu ka ril ruk a, a chhan pawh ka pa thinrim hmaisen tâwng hnu a dinner ei leh chu ka peih zawng pawh ani lo, ka phone a rawn ri a, ka en nghal vat, "Ka pa leh bawk maw?" Ka chhang lo chiang ngei mai, ka phone ka silent nghal hmak a, restaurant chhungah lutin, table pakhat ruak awmah chuan ka ṭhu a, chicken salad ka order nghal a.


 Ka ril ṭam tawh vang nge ka ei tui phian mai, an thil rawn chhawp chu a tam tehreng nen ka ei zo ṭep nghe nghe, ka in eipuar hnu chuan bar lam ka pan phei a, wine eng emaw tak in ka rilruk bawk a, bar lama ka phei chu eng emaw hian min ti ding chawih, ka melh vang vang a, hetianga kan awm hnu lawkah hmeichhe dang a chhuahpui leh nghal tihna maw ni a, a theih pawh  a va han thei zawk ve le, ka pan hnai hrat a, a ṭawng hre phak chin tur awm velah chuan ka ding ve ta ran a, chu a hmeichhe din pui chu hmeichhe sam buang tar mai chhelo zet thawmhnaw lamah pawh a fashion ngai pawimawh tak hi a nih ka ring a, a hmel pawh a chhe lo phian, ni e, Brandon pawh a hmelchhe hauh lo, sawtiang hmeichhe duhawm zet saw a kawp tur awm tak a ni, mahse a la hma lam hret zawng a ni e.

"Kawplai nei i ni em?" Chu nu chuan a intur a olive an pawlh chu  hawlh rak rak pah chuan a ti lo ti ve mek a.

"Nei hauhlo tih hi ka Chiang khawp mai." Brandon pawh chuan chu hmeichhe chhelo zet chu a flirt let ve nghal a, a mit a siai khum pah suk bawk a, nui hmel nelawm.zet mai a hmuh bawk a.

Chumi hnu chuan in en dun ran ranin an infawp zui ta nghal a, chu thil.ka han hmu zet chu ka thin ter tek a chhuak leh ta, ka dawh rei leh thei ta hauh lo, thinrim.zetin an bul chu ka thleng phei ve nghal a, "Engtin nge i tih theih zawk?" Brandon chu ring zet hian ka tih khum a, an pahnih chuan an phu dun zawk, an inṭhen nghal.chiang hle, "Kawplai i nei em ti a ka zawh che khan, neilo ti in min chhang si a." Ti a Brandon chu ṭawngkhum chungin a kalsan ta daih a, kei erawh ka ding ngal thung! Ka lak a ṭang hian awlsam zet chuan a chhuak ve hauh lo ang le, tu nge ka nih a eng ang mi nge ja nih chiah tih hi a lakah ka lantir leh ngei a ngai bawk ang, ka thinrim.chu ka insehruh hle bawk.

"Alex a landan ang kha a ni miah lo a nia."

"Oh, a landan ang kha a nichiang lutuk, tun maia rawn thleng hlim hlawt lah ka ni hek lo." Ka lo tih khum tuar a, midang awm ve leh awm ve loh lam ka ngaihven tawh bawk hek lo.

"Nimin tlai lawkah khan min chhuah puia, i nupui ni turun min sawm a, chuan vawiin ah hei i hmeichhe chhar thar ve mai nen chuan barah in han infawp.leh nghal thei chu a nia le."

"Alex ka in sawifiah thei ang."

"Oh, a ve che chuan, i insawifuahna pakhat te mah ngaihthlak duh ka neih hi i ring reng remg tawh em ni?" Za lo zet hian ka nui hul.hak a.

"Brandon ka hmu duh tawh lo che." Rang takin chu hmun chu ka chhuahsan ve ta nghal a.

Ka cara ka luh hma chuan ka phone tine chu ka bih zeuh a, dar sawm a ri thuak tawh, chak zetin inlam pan chuan ka inkhalh haw ta a, kan inkawt ka thleng inchhung chu a lo thim ṭhen nual tawh a, chu chuan ka nu leh pa te an mu tawh ngei a ni tih min hriat tir bawk, thawm dim.takin inchhungah chuan ka lut a, ka room pan chhohna step ka kal lai tak chuan thim zinga lo ding reng ka pa chu ka su ta nawk a, "Oh, Dad min ti ohu chiang lutuk."

"Ka thusawi kha i ngaihtuah fel tawh em?"

A ṭan leh dawn ta e, ka chal chu ka dawm nghalh nghal a, "Oh, ka ngaihtuah fel tawh e, chumi a vang chuan ka kal dawn lo tihna a ni chuang lo, kal la la tum reng tho." Ka tih khum.ve hmak.

"Lo hre thiam la, a hma ai in kal ka tumna lamah ka tum ka tih ruh phah zual sauh zawkin ka hre bawk."

"Alex khatin naute te ang chuan awm lo mai teh, ka ngaihtuahna hi engmahin a thlak danglam.phah hauh lo ang."

"Oh, kha i ngaihdan zim zet i thlak danglamna kha ka mamawh hrep lo, hmeichhe puitling diktak ka ni ve tawh a, ka duh zawng ka tihna ah hian tumah in ka kawng an dal bawk hek lo ang, chumi thilah chuan dikna kei hian ka nei." Ka tih let khum ve ta sak sak a, thunrim ru ṭun a in a haw ka ni a, tuna ka pa thil lo tih dan vel hian ka thisen a ti so leh zual.

"Hemi chung chang ka tihna kawnga, ka kawng dal tuma i bei anih vaih chuan hre rawh, he hmun hi ka chhuahsan ang a, min hmu leh ngai tawh bawk hek lo ang."

"Aw, ni rawh se, khatiang khan i ti dawn chiah em, ka lo thlir ang e."

"Engpawh chu ni se, i kal chhuak a nih pawhin, America chhungah i la awm dawn tho a, ka thli thlai thei reng tho dawn che a lawm."

"Oh, min ti buai lo mai teh, mu turin ka kal tawh dawn." Ka pa thaw ri ve hawk thawm chu ka hre reng, engtin maha a ṭawng chhuah leh tawh loh a vang chuan hmanhmawh zetin ka room lamah ka tlan chho a, room kawng khar nazeta ka khar rik bur hnu chuan ka aw neih theih tawp chuan ka au ta vak a, ka thin a so but but a, mu leh mal reng ka nei thei lo.

Chutia ka au vak hnu chuan thawk ka la a, inbengdaih dan ka ngaihtuah bawk a, vawih hnih vawithum vel lai mai thawk ka lak halh halh hnu chuan ka zia awm ve ta deuh hlek a, chumi a vang chuan ka thunrim erawh a reh phah chuang lo.

Bara ka thil va hmuh nen he hmuna rei tak awm pawh hi ka duh tawh lo, khatiang a Brandon an hmeichhe dang a han kawp thei mai ka ka la ring thei lo, natna hlirin ka khat, engvanga hetiang thil tehhrep hi tawng nge ka nih, engvanga ka tan a Sicily pan chu harsa viau nge maw a nih mai chu le, ai enna hmuna ka kal lah khan....... oh ka ngaihtuah thui duh lo, ka dream a nih a vangin ka kal ngei tur a ni.

Mut pawh muhil theilo in ka khumah chuan ka let ka let ringawt a, Sicily lamah chuan a hma thei ang bera kal chuan ka tan pawh a ṭha ber ngei ang.

Mahse chumi ti tur pawh chuan tun lawk khan ka pa nen inhnialna kan nei a, naktuk hian Theo chuan ka pa chu a hneh beisei phawt teh ang, chumi hnu ah chuan ruahmanna fel fai tak ka la siam zawk a niang chu.

THE NEXT DAY......

TREY....

Zing ka thawh hnu chuan nizan lama Alexandra nena kan inhnialna kha ka ngaihtuah let leh a, nileng aka mood a tih chhiat vek theih ka ring, khatiang khawpa min chhan pawh ka hre ngai lo, mahse hemi a vanga Italy lama kal tir chu ka remti tihna a ni chuang der lo, hma takah ka tho a, shower ka hman hnu leh breakfast ka ei hnu pawh chuan Alex chu a room a ṭangin a la rawn chhuak der lo a, ka tan chuan a ṭha zawk mai thei, a hmel ka hmu a nih leh phawt chuan inhnialna kan ṭan leh ngei ang, breakfast Callie siam sa chu ka ei mawlh mawlh a, ka thil ei lai te chuan Callie chuan min rawn melh leh hrek ṭhin a chu engmah erawh a sawi chhuak lo.

Breakfast ka ei zawh hnu chuan Callue chu ka pan hnai a, a chala fawh sak zeuh pahin, "Warehouse lamah ka kal dawn a, Alex kha i lo ngaihven deuh dawn nia." Ti a ka thlah hnu chuan ka carin ka in khalh chhuak ta nghal a, warehouse ka thlen veleh Theo ka phone nghal a, vawiin lam warehouse a rawn kal theih dawn leh dawn loh ka zawt a, a rawn kal theih ve tawh tur thu a sawi chuan thawk ka la hawk a, phone chu ka cut ta nghal a.

Warehouse ka luh hnu chuan ka office lam ka pan ding nghal a, Alex chung chang thu chu ngaihtuah loh hram ka tum bawk, thawk ka la deuh kawk a, rei pawh ka la ṭhu lo ang, ka office kawngkhar chu an rawn kik karh karh a, "Come in." Ka ti nghal vat. In bengdaih tum zetin thawk ka la leh hrawih a, kawngka a rawn in hawnga, Theo a rawn lut nghal bawk a.

"Son hetia i rawn inlan hian min tih lawm i rawn tum deuh tihna mi?"

"Chutiang rilru pawh ka put ka va hre lo ve, Zara a damlo a, engmah ka ti theilo a lawm."

"Eng nge tunah a an tawh?"

"Tunah te chuan a ṭha leh mah mah tawh zawk."

"A ṭhat hlauh chu, hna thawh tur  pahnih ka nei a, tuna thawh nghal a ngaih pawh ka ring." Ka coat hak ban chu ka thlep chhing nghal a. Ka ṭhutna a ṭang chuan ka tho chhuak nghal bawk a.

"Chumi hma chuan thil pakhat sawidun pui lawk tur che ka nei."

"Shoot."

Theo chuan min rawn pan hnai deuh hlek a, "Engvang a atthlak zeta Alex chunga che nge i nih? Eng ang pawhin dan tum mah la, puitling anih tawh a vangin i dang thei chuang lo ang."

Theo thu rawn sawi chuan ka thin rim sa chu a tharthawh tir leh a, ka kut ṭanga kawh deuh sawk pah hian, "Eng nge ka tih theih a, eng nge ka tih theihloh min hrilh tur pawh i ni hrep love Theo."

"Oh, he thil a ṭanga puih che tum mai chauh ka ni e Dad." A aw rawl.a rawn san ve nghal a.

"Really, i puina ka mamawh thu ka sawi em ni?"

"He hmunah hian boss ber ka la ni reng tih hi theihnghilh bawk suh ang che."

"Kan business line ah ngat phei chuan kan tan kan khawvel pawn lam hi a hlauhawm lutuk ringawt, chumi ah chuan Alex ngei pawh hi  inlama lock hnan ṭhin pawh ka ni, chutia ka dah chuan a tan a him ber bawk ang, a himna a nih ohawt chuan chu thil chu ka kalpui zel bawk ang." Hriam hrek hrawk tak chuan ka tih khum a .

To be cont....