SEDUCTIVE S II CHAPTER THREE

SEDUCTIVE S II CHAPTER THREE

FAKNA MILEM AWM KHA HMET LEH IN SECOND SAWM CHHUNG LEK KAN NGHAK LEH VEK DAWN NIA AW, HEI HIAN HE THAWNTHU KA POST THEIHNA TUR LEH INCHHIARTUR KA RAWN DAH PHAH THEI ṬHIN A NI TIH KAN HRE TLANG DAWN NIA.

• 
  

WESLEY COOPER....




Eleanor thusawi chuan min ṭhawng kher mai, ka hun kal tawh chung chang chu tu in nge lo hrilh hrim hrim le?




"Min hmangaih lo."




"Khawngaihin min kal san rawh, chuan nang hi min theinghilh tir bawk la."
Ṭap chung bawk hian a ti leh a, hnuailam a melh lui tlat .

Eng thu mah sawi tur hre lo chuan rei vaklo chhung chu ka ding ngawi reng a, eng thu nge ka sawi ang a, eng nge a bulah hian ka hrilh ang tih lah ka hre hek lo.

Ka kalsawn loh a vang chuan a mah zawk chu a inher nghat a, mi kal sawn san chu a tum ta a, ka sam a ṭanga rawn far thla ruah tui ka chal a mi chu ka kutin ka hui deuh pawk a, "Tu hnenah nge ka hmangaihna chu a awm.....Nang mah ah chiah hian Eleanor." " Chu thu chu a tawp nan ka sawi nawn leh a, min hnungchhawn zawngin awm pawh ni mahse a phu deuh zawk tih ka hria, a phut zawng chuan a taksa chu a che dar a, "Eleanor nang hi ka hmangaih chu i ni a sin."




Ka lam hawi chuan a rawn inher zawk a, ka thusawi a vang chuan mak tih hmel zet leh ka hiau chung hian min en chho bawk a, ka tan chuan kha thu mal tlem.te kha sawi chhuah a harsa lutuk tih pawh ka hria, chu hmeichhe duhawm zet mai in min enna mitmeng zah a vang a phe deuh riai leh mittui ina a la kian san loh a vang a hnawng deuh chap chu ka melh chhuk ve reng bawk a.






Ka kut chu ka chet chhuah tir a, Eleanor mit tui luang ngiai ngiai reng chu ka kutin ka hruk hul sak a, ruahsur karah chuan a mittui chu a lum pap bawk, chuti ang a keimah a vanga rilru hreawm.taka awm tur chuan ka phal lo, hlim takin awm sela, a hlimna chu kei pawhin ka ṭawmpui ve a ni tih hi hria se ka duh bawk,  eng ang chiahin nge ka hmangaih tih lantirna hun ṭha tak chu tun hun ngei tih ka hriat a vang chuan ka dinhnaih pah hrut a, a taksa chu pawt hnaiin ka kut chu a biang lamah lek chho in a biang chu ka khuap sak a, a mah hnaih tura kun hniamin a heh nel thepah chuan ka fawh sak ta a.





Engtiang a rei nge ruahsur hnuaiah chuan kan infawh chiah ka hre lo, mahse chu hun chu tawp mai tur a tan chuan ka phal ngailo ang, a mah theinghilh ai chuan hetia awm reng pawh hi ka thlang zawk fe, chu hun reilo te chu chatuan daih tur a tan ka duh ngawih ngawih bawk.




He hun hi chatuan a tan ka duh a, khawvel hi tawp thutin hun kal lai zawng zawng te chu ding turin ka duh hle bawk, a mahnen hian hun kal lai chu ti tawp a hetiang reng a awm tur hian ka duh, mahse hun kallai erawh ka chelh ding thei si lo.




A hmui ka fawhna chu cherry ang maiin a thlum veng veng a, hei vang hian a lawm he nu hi ka âtchilh em.em nachhan pawh chu ni.



A ni chuan min hmangaih ve lo pawh ni sela.....




Ka biang chu a thip ṭhiai a, mit khap kar lak lekah ka hmui a ṭang leh ka thinlung a ṭang chuan hla takah a tawlh hnung pah dawrh a, min benna chu a na vawng vawng bawk, thil eng emaw tak zawng a awm tih ka chiang hle bawk.





Thil eng emaw tak min hrilh loh chu. Thil eng emaw tak zep a nei chiang mai, chu thil chu eng nge a nih ka hriat ngei pawh a ngai ang.




ELEANOR....



"Min hmangaih miah lo."




"Khawngaihin min kal san rawh, chuan nang hi min theinghilh tir bawk la." ka mittui luang chu dan tum eng ang mah ila a theih dawn chuanglo tih ka hriat a vang chuan ka dang buai peih ting tang lo, ti hian a ma luan luan in lo luang vel mai mai teh se, tunah tak hi chuan hei aia ngaih pawimawh tur leh hei ai a natna chhungril lamah ka ngah lutuk tlat, chu pawh he ka bula ding mipa hmelṭha tak mai hian ka thinlung min tih keh darh sak chian em a vangin, engvanga ka rilru leh thinlung chu lo pe kher kher nge maw ka nih chu le, a tir te a ṭang tawh khan hetiang hian ka na dawn tih ka hre kawk daih tawh a si a.




Rei vak lo chhung chu kan ngawi dun leh tlawk tlawk a, min kalsan tur khan ka hrilh si a, mahse chet pawh a chesawn eih lo tih ka hmuh chuan kei mah zawk chu insa seng zawk mai ṭha ka ti ta a, tiang mipa chatuan pawh a min hmangaih let ve theilo tur bula ruah sur hnuaiah leh nghal din reng mai chu thil dik ni pawhin ka hre lo.





Ka khawsik te kha a dam chauh a  si a, ka na zual leh mai ang tih pawh ka hlau, ka phuloh tur ka lo hmangaih a tunah hei a result chu ka hma ah ngei chiang takin a inpharh tak hi, chu bak bak eng thil nge hriat ka la duh cheu ni?





Ka inher a, kal tur a ka inpuah chah lai tak chuan Wesley chu a rawn ṭawng chhuak leh ta a, "Tu hnenah nge ka hmangaihna chu a awm.....Nang mah ah chiah hiqn Eleanor."




 "Nang hi ka hmangaih chu i ni."




Chu a thusawi chu ka thinglungah chuan a bei chat nghal hian ka hria, ka ring thei lo, ka awih dawn nge dawnlo tih thu ah chuan ka buai hle bawk, mahse ka ringhlel zo vek tawh, ka mak ti lutuk chu a lam hawi chuan ka inher zawk a, Wesley hian heti ang direct tak hian min hmangaih thu hi min hrilh vawikhatna a ni hial ang, mahse tunah chuan a tlai zo tawh, ka kal san rem a tihloh a vanga sawi te a ni mai ang em? tun dinhmunah hi chuan ka ring thei tawh lo, a hma te kha chu ni se ka lawm dawn tehreng nen.




A thusawi mak tak a vang chuan engtianga lo dawnsawn tur nge tih lah ka hre hek lo.




Chu chuan ka lung a ti chhe ṭha leh a, Wesley tunah chuan a tlai tawh, a tlai tawh mah mah, ka pawmthei tawh lo ang.





Min rawn dinhnaih a, a kut vawt thlur chuan ka biang chu tawkin ka mittui luang ngiai ngiai chu min rawn hruk sak a, ruah sur bawk nen awmzia erawh a awm lem lo kher mai, a lamah chuan min pawt hnai a, ka lamah chuan a kun hniam a, a hmui lum ham ham chuan ka heh vawt thler chu tawkin, duhthawh tak si mahse dam zet si hian min fawp ta a, a fawhna chu a hma ang bawkin nuamtihna hlir hian ka khat a, chak na thahrui nei thar leh ta sawt a inhriatna hian ka khat bawk a, tuna ka hriat tur chu.....Eng thil nge a ngaihtuah tih hi a ni.




Engkim mai chu a awlsam leh zuih tawh ni hian a mifawhna chuan min ngaih tir bawk.




Engvang a infawhtir chu lo phal leh nge ka nih tih lah ka in hrethiam hek lo.




Kan taksa inhip tawn vang te a ni thei mai ang em?




A mah erawh chu hei erawh ka hre chiang hle thung, a mi fawhna ringawt pawh hian ka buaina chhumpui zing lak a ta min hruai sawn thei a ni tih hi! ka thinlung natna zawng zawng te pawh he a mi fawhna hian min tih reh sak thei a ni.




Mahse thawk lehkhatah Stephen Cooper, Wesley a pa ngei thusawi chuan min rawn deng nawn leh a, a hma Wesley ka lo ngaihtuahna zawng zawng te chu boruakah an tham ral zo leh ta ..... Ka thil hmuh te chu a chianglo zo leh ta vek a, Wesley chung chang thu a sawina te chuan min ti chiai zo leh ta vek a.





Vawileh khatah mitkhap kar lek chhungin Wesley chu ka tha tawp a nam kiangin a biangah tak chuan ka ben sak ta ṭhuai a.





Ka benna kut chu a khur dar dar a, a na hle bawk, Wesley mit takah chuan ka en chho kar bawk a, a ni erawh a awm ngaiin a awm reng thung, a chesawn eih lo hrim hrim, a mah erawh chu a taksa che loa a awm ang mai mai chuan a ngaihtuahna erawh a awm mai mai lo ang .....tih ka hre chiang hle.





Engtikah mah mipa ho hrim hrim in an ngaihzawng hlui te theinghilh tum nan mai mai min hmang leh tawh tur a ni lo.





Rum zeta melh chho chung hian, ka inti paukhauh ṭha leh hnu hnawh a, ka kut chu ka kuangkuah hlan a, "Wesley Cooper nang theinghilh che hi ka lo tum dawn nia, nang leh kei hian naute chu kan enkawl dun ang, mahse chu lo chu kan inkarah thildang engmah a awm tawh tur a ni lo, chuan rilru ngil tak put tum dun tawh bawk i la a ṭhat ka ring." ka chal ka dawm pah ve zeuh a .





Ka melh chhoh reng a vang chuan chawp leh chilha a hmel lan dan rawn inthlak thleng leh a hmel put dan rum.ta sauh pawh chu ka hmuhhmaih lo hle.




Mahse ka sawi tum.erawh ka sawi zawh law law a ngai ang.




"Nang nen hian engtikah mah kan awmdun theih tak tak pawh ka ring lo, a chhan chu thil zep ruk i ngah mah mah."




"Nang pawh hian i hun kal tawh te chu ka lakah hian i zep ve tlat tho lo vem ni?"




"Khatiang a sawi khum nih kha ka lakah chuan a awl maithei, nang ve hi le engtin nge ni ve ang?"






Ni e, he kan pahnih a relationship hi tluang tak chuan a kal dawn hauh lo tih hi chu ka lo hriat lawksa vek tawh kha a ni reng a ni.





Engvang nge chu ka hre lo, kha thil kha tih danglam ka tum kha a ni lo em ni......mahse thil eng emaw tak tak awm hian ka lo tumna te chu a tichhe zo ta vek zawk a nih hi!




A mah hi a nilo'm ni businessman nelawmloh tak ni ṭhin kha leh, a life a eizawnna chung chang a midang reng reng ngaihtuah ve ngailo tu kha.




"Goodnight boss." ti a ka phun khum leh sep hnu chuan inchhung lamah ka luhsan ta a.





Eng ang rilru nge a put ang tih leh engtin chiah nge a awm ang tih ngaihtuah lo turin ka inchhu ngeng lui tlat bawk.





Dawt sawilohah chuan Wesley ka rinhlelhna khan chhungrilah min ti na a, mahse hei erawh ka duh dan a ni bik lo, ka laka a nundan zawng zawng zep tu hi, ka ngaisang ngai heklo ang.





Wesley penthouse ka luh hnu chuan ka room lamah ka lut nghal a, ka thawmhnaw hak huh zawr vek nen chuan bathroom lam panin damloh leh hlau zet chung chuan tuilumin ka inbual nghal a, ka chhuah leh hnu chuan thawmhnaw ro ṭha tak leh lum lam ka inbel a, in venthawn thil thu ah damdawi ka ei khalh a, khumah chuan ka mu ta vang vang a, "A hma te khan a mitah enin engvanga hmuhsak theilo nge ka nih chu le?"




Ka boss a la ni reng tho a, chuloah he hmun a ṭanga kan kir leh hunah leh kan zin hun chhung a tawp hunah kan pahnih in naute kan la enkawl chho dawn bawk leh nghal.





"Ka boss mai chauh pawh nilo in kan fa enkawl tur pa a la ni zui dawn ta leh nghal." ka chek pah hlak a, ka huphurh tawh ngawih ngawih.




"Oh, lord, engtin nge maw ka tih tak ang le?"





Tun dinhmunah tak chuan a landanin engkim mai hi a hnawk kual vel vek tawh nibera hriatna ka nei tel bawk, engkim hi a hnawk buai chuar kual vel vek tawh.





Ka ngaihdan chuan, mei alhin thil nilo lo a kang kai a, chu mei alh kang nasa zet mai chuan thil pawimawh zet zet mai a kang ral mek a, mahse chu meialh nasa tak chu engtin nge ka ṭhelh mih theih ang tih lah ka hre si lo, chuti ang vel chu ni hian ka hria.




Ka hriat chhun chu he ka ngaihtuahna a ṭang hian Wesley leh a kaihhnawih thil zawng zawng te chu ka bun ruah theih hma leh ka tan a fel hma a ni mai, chuti a nih loh chuan ka tan kir lehna kawng a awm tawh lo.





A chhan chu khang a thuruk inthup tam tak te nen a amah nena chen dun hi ka duh dan a ni hek lo.




Tun a ka thil hriat zawng chu kha a hun kal tawha a hmeichhe lo tawn theinghilh nana kei min kawp a min lo bum char char a ni tih ka hriat hian na min tih tir em a ni, thil engkim hi a la danglam zel turah ngai phawt ila, chu chu ka tana ṭhaber tur pawh a nihna kawng chen a awm.




Eng thil chiah nge ka ngaihtuah tak hi?




Ni e, kei chu hmeichhe pangngai ve mai leh mawlmang tak ka ni a, Wesley ang mizia nei mi kha ka ni ngai hek lo ang.





Tunah tak phei hi chuan ka pi khan a kuta mi kuangkuah chungin, engkim hi a ṭha leh vek mai ang ti a min hnemna awka ka mamawh ngawih ngawih.




Ka pi chu ka ngai hle a, tunah te hian ka bulah a ni chu awm ni se zawng, ka rilru dam theihna dan tur berin min ṭawngthlamuan leh tawh awm si a, kei pawh thlamuang taka awmin ka pi bulah chuan ka ṭha leh vek ang, ka tum ka ti ruh ang a, hmeichhe fel tak nih leh ka tum.ang ti in ka intiam leh tawh ngei awm si a.




Ka mittui chu a rawn hnai a, ka dang leh thei ta lo, ka biangah chuan a luang ngiai ngiai a, khuma bawk chung a ka kut ka delh a vang chuan ka kawr ban tlangah chuan ka bianga luangthla chu a far thla fap fab bawk a.



Heti ang hian em ni paris hmunah chuan rilru ruak tak leh hreawm.ti tak a zan hun ka hman dawn.tak ni.





Paris the city of love ti hialin an sawi a, kan tan chu thil chu a ni ve thei meuh ang em?





WESLEY COOPER.....





Eleanor inchhunga a luh hnu thleng chuan che sawn hauhlo in ka din ngai chuan ka la ding reng a, ka rilru ngaihtuahna chen chuan a ruak zo vek ni hian ka hre bawk, tunah tak hi chuan thih chakna ka nei rum rum, dam thlakhlelhna pakhat te mah ka nei bawk hek lo.




Eleanor, heti ang hian em ni ka chungah nunrawnna i lantir dawn.






Hmangaihna ah chuan engkim a theih vek ti in an lo sawi ṭhin a, "Mahse engvang nge ka hmangaihna ka sawi chhuah hian a mah ah engmah a thawh ve theih loh?"





Ka bul hnaia awm a piang mai chu lak a paih keh darh hmiah hmiah chakna ka nei a, ka thinrimna te chu engkimah chuan tihlan chakna in ka khat zo vek bawk.





"Ka hmangaihthu ka hrilh a, mahse a ni chuan min pawm sak lo a."





"A ni erawh chuan ka hnen a ṭanga ka hmeichhe hmangaih hmasa zawk chan chin hriat a duh a, mahse chu thu hrilh tur erawh chuan ka la inpeih lo."





Hetiang a ka hun kaltawh hian ka hmalam hun hman turah min la nanchin hi ka rin lawk sa reng a ni.





Kha nu ka hmangaih a vang a Eleanor laka sawi chhuah hreh ka nilo a, a ma chung chang thu ka sawi chhuah dawn chuan ka nu thih dan hreawm zet ka sawi chhuah tel ngei ngei a ngaih dawn a vang zawk a sawi chhuak duh lo ka ni .





Ni e, Eleanor pawhin thudik a sawi tho, hmangaihna hi ka ring ngailo ti in a hnenah khan ka sawi tawh a, chu thilah berkher chuan dawt ka hrilh a lawm,  mahse Charlotte kha hmangaih ve in ka inhria a, a ni ang a midang bula ka ṭawng nasat leh ka chan chin ka hrilh nasat na pawh an awm leh tawhlo maithei bawk, mahse ka nu in min boral san tak hnu a ṭang khan engkim a danglam zo tawh a, midang tumah ka ring leh thei tawh ngai lo, ka nu hrawn ngei ni tur pawh hi  ka hmangaih ve ṭhin a lawm, mahse chu pawh chu engmah lovah a chang a, chuta ṭang chuan tumah rilru leh tihtak zeta kawp hi ka nei ngai tawh lo a ni .





 Hmangaihna lamah hian ka vanduai tih pawh ka hria, tumah reng lakah ka rilru leh thinlung hi ka pe tawh ngailo ang tiin thutiam ka nei ta hial reng a, chu chu Eleanor ka hringnuna a rawn luh hma chyan ka chhawmnung ṭha hle bawk. mahse hei tunah chuti ang ka ngaihtuahna zawng zawng thlak danglam thei tu Eleanor ka tawng leh a, mahse engkim a diklo zo leh ta vek a, hmeichhia ka hmangaih tak tak chu!





Khati khawp a ka awm tawh hnu pawh khan Eleanor hian ka ngaihtuahna leh rilru put dan zawng zawng te chu a rawn thlak danglam zo leh ta a, a hma zawng te kha chuan heti anga  hmangaihna ka tawn nawn leh theih tawh hi ka inring ngai lo.





Mahse tunah lah chuan engkim mai chu a chhe ta vek bawk si.



Ka life a ka thil neih hlut ber hi engvanga lak sak ziah a awm nge ka nih ṭhin?


Paper pakhat chu la in,  ka rilru a thil awm chu ka ziak ṭan ta a, he thil hi ka tih a ngai, Eleanor nilo hmeichhe hmangngaih pahnih ka nei tawh a, chumi te chu hetia ka tih ang tak hian ka ti ve ve tawh bawk a, an lakah ka rilru leh thinlunga ka ngaihtuahna zawng zawng te chu ziakin ka hrilh a, anni chuan min pawmsak lo a, tunah hian Elaenor pawh chuti ang chuan ka ti ve ngei ang a, tah chuan min hmangaih ve tak tak em tih ka hre dawn a ni.




Ka rilru a thil awm chu ka ziak ṭan ta nghal a, tuna ka pa nupui tur leh Charlotte ka chan chiah kha chuan hmangaih nei leh tawh ngailo turin ka intiam nasa hle a, ka nu chauh hmangaih tawh turin thu ka tiam hial a nih kha, tunah ngei pawh hian chu ka thil lo ziah ka thinlunga thutiam ka neihna chu chhiar chhuah leh ka ngai ngei tawh ang, a chhan pawh Eleanor hian ka rilru put dan ka hrilh te chu a lo hnar leh tho ka ring nghet tlat.




Ka awm zawn a natna awm hi tih bo dan ṭha ber pawh a ni leh mai thei.... tunah tak hi chuan ka awmzawna natna chuan min delh rit a, lunglian zet in a delh tlat ang mai in thawk pawh a ti harsa zo vek ni hian ka hria, a hma a ka hreawmna ka tih reh tum dan ang ngei chuan tunah pawh hian ka tih a ngai dawn a, mahse a hma ang mai khan thil a kal leh ang tih erawh ka hlau kher mai.





Paperah chuan ka rilru hahna te chu ka ziak chhuak ṭan ta a.




Hmeichhia kan hmangaih a kan rilru leh thinlung thlenga kan pek tawh chuan leh min tih kehdarh saklo tur a kan ring dawn a nih chuan...... Hmangaihna khurah hian tluk luh ngailoh a ngai ang.





A mah erawh chu Eleanor a nihna vang chauh erawh chuan, he ka thinlung hi hmun sangkhat aia tamin keh darh pawh ni sela, kha. a kehdarh them te reuh te pawh khan ka thawk tawp thlengin ka hmangaih reng ang.




THE NEX MORNING....




Zing a nih chuan ka harh hun ngaiah bawk ka harh leh a, ka mutna a ṭang chuan ka tho chhuak a, vawiin phei chu hna lama kal chakna rilru pawh ka nei lo.




Hetiang thil hi keimah ah a thleng khat khawp mai, mahse ka office lama private gym ah mahni chauh a ka rilru hlimlohna te leh ka lungngaihna zawng zawng te bun ruak a inkalh hnan ka duh a ni.




Khum a ṭang chuan ka tho chhuak a, shower vawt zet mai ka hman hnu chuan time ka en leh a, zinglam dar sarih a lo ri ve tawh a, vawiin hi he hmun a hna kan thawh ni hnuhnung ber tur ani bawk..... Ka duh dan takah chuan Eleanor chu a bag te pack lawk tur leh New York lama kan kir leh tawh dawn thu chu hrilh hriat lawk ka duh viau a, mahse nimin lama khatiang thil a thleng tawh hnu ah phei kha chuan ka hmel hmuh a duh dawn lo tih ka chiang hle a ni.




Ka thawmhnaw ka inbel a, mint rim ang mai cologne chu ka in kap a, ka sam gel ka hnawih leh hnu chuan rang takin penthouse chu ka chhuahsan ta a.





Ka company ka thlen hma chuan jewelry dawr pakhat hi ka hmu a, chu thil chuan he hmun kan rawn kal tirh a Eleanor ṭhi tur ka pek kha a la kawl reng ang em le tih chu min ngaihtuah chhuah tir a.





"Ka hmuh laiin a awrh pawh ka hmu ngailo hrim hrim, tunah leh lek phei chuan a awrh duh tawh pawh ka ring lo." Ka phun chhuak a ni tih ka hriat meuh chuan mak ka ti hle, Eleanor hian eng rilru nge min put tir zawh tak hi?





ELEANOR...




Khum a ṭanga ka thawh chhuah chuan zing darkua a ri tawh a, ka harh a ka men chhuah chuan ka mit te chu a na luk vek a, men chhuah pawh ka harsat viau, achhan pawh zan lam a ka ṭah nasat lutuk vang tih ka hria.


Inhnuai lama thil ei tura ka chhuk chuan Wesley a awm tawhlo tih pawh ka hre nghal a, frigde kawngkharah chuan note pakhat hi a lo in char bet a, coffee no dawm pah chuan la in ka chhiar ta nghal a, ka tan a Wesley hnut chhiah tih pawh ka hre nghal bawk; Zanin hian New York lamah kan kir leh tawh dawn a, i bag te lo pack fel ang che.




"Oh, ropui lutuk, a tawp a tawpah chuan a sawi ve ta ṭawk e."





Kan pahnih a business trip kan neih chu a lo zo leh dawn ta reng mai, mahse hetiang anga a han tawp tur erawh hi chu a pawi hle mai.




Thawk ka la raih raih a, hahdam taka awm ka tum lui tlat bawk a.



Ni e, tuna kan kir leh mai pawh hi a ṭhatna lai a awm, a chhan pawh a hmel hmuh leh hi ka duh tawh lo.





Thil ka ei zawh hnu chuan ka tho chhuak a, ka thil eina hmanbalh vel ka sil fel leh hnu chuan inchunglam ka room ka pan leh ta a, ka bungraw ken te chu ka pack ṭan ta nghal a, drawer hmasa ber awm ka hawn chuan he hmun kan thlen ni hmasa ber Eiffel Tower kan kal ṭuma Wesley ṭhi nalh zet mai min pek kha ka hmu chhuak a, a nalh hle a chu ka la awrh chhuak miah lo a ni tih ka hre chhuak a, dressing table ah chuan dah chhuakin shower hmangtur chuan ka luh san ta a, shower hmang zo a ka chhuah leh hnu chuan ka thawmhnaw ka inbel a, ṭhi nalh zet chu ka awrh tel ta a, chu ka ṭhi awrh chu en in darthlalanga ka thla lo lang chu ka thlir vang vang a, chutih lai tak chuan kawngka kik ri ka hre ta a, thildang pawh ngaihven leh hmantawhlo, kawngka hawngtur chuan hmanhnawh zetin inhnuailam chu ka panthla ta nghal a.




"Ka lo kal." ti a au chungin kawngkhar bul chu ka thleng phei a, kawngka ka hawng chiah Aida chu kawngkhar pawnlamah chuan a lo ding reng tawh a, a ni chu a rawn nalh leh hle a, chunglamah kawr sen takhlar mai sexy zet a ha a, hnuailamah kekawr dum tight tha zet leh pheikhawk nalh tak a bun a, a inthuamna chu designer thawmhnaw tih hi a hriat ngawih ngawih bawk; Wesley ang mai a sam dum.hlap mai ngil ṭha tak a neih chu a thlah siau a, a vun ngo tak mai paw pheu nen chuan inhmeh tak a ni, a sam te chu a tle siau mai a, a mah ang taka hmeichhe hmelṭha tak leh a mipa duh ber mai nei thei engkim nei thei an tih hausa bawk si nih chu ka chak ve ngawih ngawih.




Thawk lak halh pah hian, "Hello Aida.... A ni chuan min lo nuih sang a, Wesley ang maia amitmu rawng grey chuan ngilneih hmel zet hian min en a, a de sar sar bawk.




"Goodmorning Eleanor."




"Oh, my goodness." tih chhuah hlut pahin a kut chu a biang tawn tawn a dahin hlim.hmel pu zet hian min en a.




"He ṭhi hi." ka ṭhi awrh lai chu a kut a rawn lek chhuak chung hian,"He ṭhi hi tu pek che nge?"





"W...Wesley min pek a nih hi." ka ti chhuak sap a, a hming lam pawh chu nuamlo ka ti ru kher mai.




Aida chuan ka thi awrhlai la khawih niap niap chunga mi rawn melh pah hian, "Hemi awm zia hi i hria em Eleanor?"




"Oh, a ropui lutuk, a mizia thlak danglam sak thei tu hmeichhia chu nang hi i ni dawn tih ka hre reng a ni." a kut chu a la let a, hlim zet hian chunglamah a phar chhuak bawk a.




A hlim hle tih pawh ka hria, mahse kei erawh ka hlim ve thei tlat lo.




Thawk ka la pah hak a, "Nilo e, Aida."



"Eng nge diklo a awm em ni Elo?" Ka hmel ngui zet a hmuh chuan a nui hmel chu a tawp ve nghal a.




Aida chu en in, "Ka...."

"Ka...."



"Eng thil nge ka tih dawn tih pawh hi ka hre tawhlo Aida." ti in ka ṭap chhuak ta phawng a.




Chutia ka ṭah chhuah tak phawng a vang chuan Aida chuan min rawn kuah vat a, zawi te a phun sap sap pahin ka beng bulah he thu hi a sawi pah bawk a, "Ngaihtuah duh suh, eng kim a tha leh vek mai dawn a lawm...."





"Nilo, Aida, engmah hi a tha tak tak thei tawh lo ang...." La ṭap hlap hlap chung hian ka chhang let ve a.





Aida chuan ka lungchhia mi thlem bang dan chu a hre kher mai, ka ṭap ka ban hnu thleng chuan thil chi hran hran a sawi siam siam reng a, chuti ang a darkar khat vel lai kan awm.hnu chuan breakfast eichhuah puiah min sawm ta a, chu chu kan pahnih a inthlahna a tan pawh a nih tur thu a sawi tel.bawk a, ni e, a dik lutuk, kei ngei pawhin ka rem ti chiang hle bawk.



A chhan pawh tun ang dinhmunah hi chuan midang biak tur ka mamawh tak zet si a.





Aida chuan a car changkang zet mai, Acura ILX chuan restaurant changkang ru zet mai thawveng nuam takah hian min hruai a, thil ei pah chuan Wesley chung chang chu kan sawi dun a, "Nilo, Aida, Wesley ang mizia nei nen a awm thei chi ka ni ve lo a lawm, chuan a ni pawh keimah ang mize nei nena awm thei a ni hek lo, ka tum nasa a lawm, mahse ka lakah hian thuruk zep a nei nasa lutuk tih hi ka chiang tawh."





"Tunah chuan kan pahnihin naute hi kan enkawl dun ang a, chu bak kan inkarah engmah a awm tawh ngailo ang, ti hian thil engkim a awlsam zawk ang ti in thutlukna pawh ka siam tawh." ka ti pah sap sap a, kan breakfast ei chu a tui hnai viau a chu eichakna pawh nei lem lo in ka fork ken chuan ka hawlh kual ka hawlh kual bawk a.





Aida chuan a milkshake chu inkhalh pah hian, "Eleanor he hmangaihna chung changah hian hei aia nasa a beih sak che hi ka duh a, mahse Wesley leh Charlotte chung changah chuan i duhthlanna a ni bawk si a." hmel ngui zet hian a rawn ti ve a.

"Khawngaihin Charlotte chung chang thu ah chuan engmah sawifiah duh rih lo mai rawh, Wesley zawk hian min rinngam ka duh a, chu mai pawh nilo in a hun kal tawh zawng zawng te ka laka zep pakhatmah neilo a min hrilh vek hi ka phut tlat bawk."




"A chung chang leh a hun kal tawh hnu midang hnen a ṭanga hriat hi ka duh hek lo a, chuan hre tur a ka duh bawk chu eng thil pawh a chungah thleng nimah se leh engpawh lo la thleng dawn ni se, kei chuan engkimah ka support zel ṭhin ang tih hi hria sela ka duh."




"Mahse chutiang ka lo rinna ṭhin chuan engmah a thlen lova, chu chauh pawh nilo in, kan pahnih inkarah inhriatthiamlohna nasa tak a lo thleng ta zawk si a, chuvang chuan kan pahnih a hun hman dun leh awm dun chu thil theihloh tlukah ka ngai ta a ni."





Min rawn nuih sak a, "Aleanor i thusawi chu ka hrethiam lutuk, dik pawh ka ti, mahse Wesley ka ni lo a, a ni hian tuna i thusawi te hi eng angin nge a ngaih ang tih erawh ka hriatpui si lo."


"Eng ang pawhin ka unaupa nen a in relationship neih hi lo tlu chhia in engmah lo mai pawh lo ni ta ang sela, engtiklai pawhin ka unaunu angin ka en reng ṭhin ang che tih hi i hre dawn nia."





"Ka lawm e, Aida, hetiang rilru i la put a vang hian ka chhuang tak zet che." Ka nuih let ve var var a.





"Kei pawh ka lawm e." Aida breakfast ah chuan thil thlum a tam hle a, thlum.lampang a ngaina viau ni in ka hria, cake chi hran hran hi chi ruk ngawt a hma zawnah chuan a inchhawp a, kei in kan breakfast ka ei mumal loh laiin a ni chuan a cake inchhawp zinga mi pali na tur blue berry cake chu a ban leh nghal zat tawh.





"Oh, chuan a nih leh Arthur ve thung hi le?" a nui pah sak bawk a.





"Ugh, tunah rih hi chuan mipa ho chung chang thu sawi ka duh rih lo." Ka mengkual pah ralh a, ka heh ka pet pah zauh bawk a.




Thildang sawi leh ka tum lai tak chuan ka patea chuan min rawn call leh ta a, nimin lam khan min rawn call tawh bawk a, office ban hnu ah ka call back mai ang ka ti kha a nia, mahse kha ti ang thil ka tawn hrep tak a vang khan ka lo theihnghilh hmin der tawh tih ka hre chhuak a, "Ngawi lawk aw, ka patea'n min rawn call tlat."




"Ngaihtuah duh suh, chhang rawh." a lo ti a.



Ka ṭhutna a ṭanga tho chhuakin Aida chu ka hnungchhawn a, phone chu ka pickup ta a.


"Hello?"



"George, ti nge min rawn call chhan?"



"Eleanor."




"Grandma a ṭha maw?"





"Aih, chumi chung chang thu sawi ka duh vang chu a nia.?"




"Eng nge a chungah thil diklo thleng a awm em ni George?"
ka mang ang hle a, George awka chhuak chu ngui riau hian ka hre bawk.




"Eleanor.... engtikah nge i lo haw dawn?"



"George ka zawhna che chu chhang vat mai teh, min ti hlauthawng viau a nia aw." ka aw te chu a khur nghal hlak hlak a...


STEPHEN COOPER..



Hnehtu in ti zet hian Eleanor chu ka kalsan a, ka duh dan takin thil a kal tih ka hriat chuan ka lawm hle bawk, tuna ka nupui nimai tur Katie pawh hi Wesleya ngaihzawng hlui a lo ni ve tawh ṭhin a, mahse a ni nen hi chuan an thu tak vak lem lo, Katie hian ka bula a sawi dan pawh, Mahni pa rual meuh han ngaihzawn che hi midang min ngaihdan turah a nuamlo viau a, Wesley a ṭang hian ka ṭan chho ta a, ti chuan i hmel pawh ka hmuh tam theih phah bawk a, ka hmangaih thu han hrilh tawl mai che kha ka zak a, nangin eng angin nge i ngaihdawn ka hre si lo.





Wesley ka kawp lai khan eng angin nge min ngaih tih chu ka hre chiang chho ta a, ti chuan Wesley chu thlahin ka duh tak nang hi ka nei thei ta che a ni. ti a min hrilh laia ka lawm zia leh ka hlim zia ṭhin kha, Wesley nu Rose min boralsan hnu a ka hlim leh ber ṭum.a ni ngei ang, a ni hi Rose ang mai a sam dum hlap tho kha a ni a, Rose pawh mi hriatchhuah tir chang a ngah mai, ka tan a khuanu ruat ngei a nih ringin, tunah hian kan inhual dun mek a, tun a ṭanga hun reilo te ah chuan ka nupui dik tak a ni tawh dawn a ni.





Hetih hun chhung ngei pawh hian kan mansionah a rawn cheng a, ka tan nupui ṭha tak niturin a theihna zawng zawng nen min enkawlin min ngaihsak bawk a, ka tan chuan a ni hi ka engkim a ni.





Katie nen chuan kan siting rooma sofa awmah chuan kan ṭhu dun a, breakfast ei pahin nimin tlai a ka thil tih dan chung chang vel chu nuam ti zet hian ka hrilh pah bawk a, a ni pawh chuan ka thusawi chu ngun zet hian a ngaithla a, nidang ang tho in zingkar a ṭang pawhin a inchei nalh em em reng mai a ni.





A sam dum hlap mai chu sang zetah hian fel fai zetin a ṭawn kawh a, a mitmu dum fiah ṭha zet mai a mit eye liner dum tak ṭha tawk tak hnawih chuan mi ngaihsan hmel zet hian ka thusawi chu hmaih nei hauh lo turin min enkal mai bawk a, chu chuan mahni inringngamna min pe ṭhin bawk, a thawmhnaw inbel kawrfual tight nghawng zau ṭha tak mai a malte thleng vel ṭawng ṭawng tur sen duk lam chu a inhmeh hle a, a vun ngo tak chu a lang paw pheu a, a pian hleitling zet mai pawh a ti lang chiang hle bawk; chu chuan ka taksa ah phurna a pe a, mipat hmeichhiat hmanna kawngah tlemin ka ṭuan fum deuh hlek tawh mah sela khum lamah lah mi siam nawm dan a thiam.em.a vang chuan zan tin deuh thaw ka la hmanpui thung a ni.




"Ka rindan ang takin engkim.a kal tluang khawp mai." ti a,sawi pah chuan ka nui chhuak suk a, ka hmazawna coffee awm chu ka tem pah hluk bawk a.






"A ni chuan ka ei tur a bread toast pakhat chu la kangin butter a tat nghal mawlh mawlh a, a chungah chuan bacon fry ram rap chu dah leh a mi rawn pek pah chuan, "Kha hmeichhia kha Wesley lak a ṭanga inla hrang thei turin i hmin thei ta i tihna a niang maw?"






"A nih dan tur ang chiah chiah a ṭha in maw le." ka siai khum suk a, a chhan chu Eleanor kha sum.a thlem chi a nilo tih ka hriat tawh tlat a vangin, Wesley hun kal tawh chung chang thu nen lo chuan engtikah mah ka la hrang thei dawn lo tih pawh ka hria a,  chuloah Wesleya'n a endan ka hmuh khan kha nu lakah khan a rilru zawng zawng hun rei tawh tak hnu ah a pe leh tawh tih ka manthiam nghal vek a ni.





"A mah ka fapa ngei chuan a lakah Charlotte chung chang kha a lo zep ru tlat a lawm maw le.Chu chuan ka tan hnathawh pawh ati awlsam hle bawk." ka nui chhuak pah huk a.





"A ṭhat viau chu, chumi awmzia tak chu, he nu hi Wesley hian a ring chiah lo deuh tihna pawh a ni ngei ang." a nui deuh sak a .





Chu thu Katie in a sawi chiah chuan ka nguai nghal vek, "Diktak chuan nang ngei pawh a ring bik chuang hleinem che, khatihlai pawh khan i chungah engmah a sawi duh bik loh kha, Charlotte chung chang thu pawh ka hnen a ṭang chauhin nih kha i hriat ve tho, chu chu thuhran ni sela, kei a ma pa ngei pawh hi min ring tihna a ni chuang lo."




Ka thin a rim leh ta thut a, ka kut table chunga ka dah chu hum ruhin ka in seh ruh hle bawk, "Ka rindan chuan hmeichhe pakhat rinngam ve deuh tak Wesley chuan a tawng a, mahse tunah erawh a thleng leh tawh ngai lo ang." Thinrim zet hian ka ti chhuak hrawih a.




"Oh, cheers, inbengdai rawh, thil hi thinrim a vanga tih buan buan loh tur tiin ka hrilh ṭhin reng che kha, nakinah chuan Wesley hian nanglo chu belh tur a hmu tawh lo mai ang, tunah lah hei a hmeichhe rinngam tur ber chu a lak a ṭanga hla taka a laksawn na turin i neih tawh kha, rilru hahdamtaka awm tum tawh rawh." Katie thusawi chu a dik chiah, Wesley hian keilo chu rinngam tur a hmu lo a ni tih hi nakinah chuan a la hre ve mawlh ang.




ELEANOR GARCIA....




"George." ti in phone ah chuan ka au ṭhat a, hlauhthawnna hlirin ka khat bawk, mi ngaihtuah zet hian ka bulah Aida pawh chu a rawn ding ve a, ka dara a rawn khawih zauh a vang chuan ka melh pah zauh bawk a, mahse chulam.ai mah chuan lehlama ka patea a thawk la ri hawk ri chuan  ka nfaih a ti ṭha lo hle, aw pangngai taka mi rawn biak a tum tih ka hre chiang hle a, mahse thil thlendan tur ang riruang chu hrethiam.vek hianka in hre nawk, granny chu dinhmun ṭha lo takah a ding ni hian ka hria, chu chuan ka ngaih a ti ngam tawh thlawt lo.


"Eleanor, lo haw hma thei la chu a ṭha berin ka ring, i pi chungah hian eng nge katih dawn tih pawh ka hre lo." a ti chhuak ta phawng a.


A thu rawn sawi chu ka hresual emaw ka ti hman rum rum, engmah sawi ve tur lah ka hre hek lo; a thusawi chu a chhunzawm leh nghal a, "Nimin piah deuh lawk a ṭang khan a natna chuan zual lam.a pan leh thut a..... tun ṭum chu a dam chhuak zo lo mai ang tih hi ka hlau ngawih ngawih bawk."


Ṭun ṭum zet chu ka insum.hman tawh lo, "Eng maw i sawi a." Engbamga ka chunga chhiatna cho hran hran hi rawn thleng mawlh mawlh ta nge a nih ka hre thiam lo, "Nilo, Nilo, granny chu ka kal tir hauh lo ang, a nunna hi keimah ngei in a chelh din a ngai." Ti in ka phun chhuak mawlh mawlh a, muleh mal pawh ka nei thei tawh lo.