SEDUCTIVE S II CHAPTER 9
WORDS sang sarih a tling ṭep a thui ṭha a nia, chuan naktuk zanah pakhat zawk kha ka rawn dah mai dawn nia, chuan fakna milem awm kha hmetin second sawm chhung lek nghah kha ti ve vek ang aw.
"No problem Melissa." Tommy chu a ṭhutna a ṭanga ding chhuakin a nui pah vur vur a.
Yeah, no problem, Lola chu ka melh rum kher mai. Khatih laia Lola a vanga so bulh bulh khawpa. Ka thinrimna ka lo up beh kha, tuna a hmel ka hmuh chiah a thar thawh leh nghal, a nung thar leh ta te pawh a ni ang chu, engkimah khan ringin engkim ka hrilh ṭhin a, ka ring em em bawk, mahse a mah ngei in ka rinna chu min tih chhiat sak ta si.
Hetiang em em a rinawm lo leh kan chhiatna duh tu hi mihringah an awm thei dawn em ni ka tih phah hial, hma lamah kan tan thu ṭha tin reng leh min ngaihtuahna a derin an hmui a ṭangin an sawi chhuak a, mahse hnunglamah erawh kan chhiatna hlir duhin ,thisen zuk hmang ang maiin kan thisen mi zuh kang sak ṭhak pawh pawiti lo khawp in an awm leh bawk si, chuti anga min tih hnu chuan engvangin nge i thisen kha a chhuah tiin an mahni bawkin an tih nilo ang takin min la zawt zui leh ta nghal.
Ka bula Lola awmdan pawh kha min hum him tum ang zetin rilru a pu a, mahse mi a huatna te chu thukru in leh lem changin chutianglam ngaihtuah silo in ka chhiatna tur hlir a duh a lo ni zawk.
A mit len kual vel chuan min rawn hmu ta ngei a, ka melhrumma chu hai der hmak chung hian, "Oh, hello Eleanor, kumin chu kan in hmu khat hle mai." Ti in a nui pah sang a.
"Inpahnih hian in inhria elo?"
An ṭhutna hmuna ṭhut thlak ve zui pah hian Tommy lam chu hawiin, "Aw, unau piang dun ang maiin a lawm kan in en."
"Kan â ni? Nangmah leh nangmah i in sawina a ni ngei ang." Ka ti khum hmak. Boruak kaldan chu a rit ru hle a, mahse ka pawisa lem lo, hetiang mihring min tih chhiat vek duh ṭhin tu, ka laka rilru tenawm zet pu tu hi ti ang ṭawngkam hman khum ka chakna hi a rei lutuk tawh.
"Helai hmuna kan inhmu khawm hi a va fuh vak hmel loh ve?" Tommy chuan Wesley bengah chuan zawi sup hian a sawi chhuak a, an hnaih bera ṭhu ka nih a vang chuan an thusawi chu ka hre thei, midang ho erawh chuan an hriat phak kher ka ring lem lo.
Wesley chuan thawk a lo la hawk a, "Tommy ṭhu tawh teh!"
"Great, kan vaiin ṭhu vek tawh ang aw." A mah chiah chu ding awmchhun a ni tawh.
Ngawi rengin kan ei tur kan ei mawp mawp a, zawhna tlem leh eng emaw an sawi zauh tih loh chu a reh leh vung vung ṭhin.
Kei ngei pawh an zawhna siam ho reng reng chu phur lo takin ka chhang ve tih bak ka ṭawng chhuak lo. Inlama haw ka chak ngawih ngawih tawh, he nu bulah hian ka awm rei peih tawh lo, a chhan chu a mizia ka hriat chian tawh vang te pawh a ni maithei bawk .
Wesley chuan a thil eilai chawl deuh thutin a ṭawng chhuak a, "Well, Melissa, Canada lama kan contract pakhat a investment kan tih kha a la kal tluang thei zel maw?"
"Aw, Tommy nen engkim peih fel a nih theih dan tur kan ngaihtuah mek e, ka ngaihdan chuan kan ti zo vat theih tawh pawh ka ring."
"A ṭha e." A thil eilai chu a chhun zawm leh nghal a.
"Hetianga kum naupang te a company lian tak i han kal pui thei hi ka ngaihsan zawng tak a ni a sin." Lola chuan nui chhuah deuh hak pah leh Wesley lawm zawng sawi tum zet chuan a rawn ti a, ka hawi chhuak ve nghal, Wesley chu a melh no kher mai.
"Thil harsa vak a ni hleinem." A lo ti liam puat a, Lola fakna aw ka chu a ngaihven hmel teh chiam lo.
"Well, chuti a nih leh nikhat chu min la chhuahpuiin hetiang khawpa buaina nasa tak tawk chung pawh a dawh thei tak leh buai miah lo a i awm theih dan hi min la hrilh ve ngei dawn nia."
"Ka theilo ang, ka hma ah hian tih tur hlirin a a khat vek, tunah pawh hian ka hun neih ve ho chu tih tur hlirin a in hnawh khat sa vek ."
Lola chuan Wesley nen kan inhual tih hre sa reng chungin flirt a tum zia pawh ka hre chiang hle a, eng thil nge a duh chiah hi? Wesley lah chuan Lola hi tunge a nih chiah tih lah a hre chiang hle bawk si.
"NY lama interview na kha ka lo thlir ve a, Wesley nena naute inṭawm i han rem ti ta hi a chhan awm reng reng ka hre thiam lo mai Eleanor."
"Tlem chuan hriat thiam a harsa deuh hlek ni in ka hria, a ni lo'm ni Wesley?"Mit ko san ar pah chuan a ti leh kher a .
Engtin mah ka chhang lo, Wesley bawk chuan a rawn chhang leh a, "Girl, i buaina a ni hleinem."
"Hetiang a mi zawng zawng hma ah lem inchang tawh hnu ah hian fa lak in la tum leh zel chu a ni si a, in naute chungah pawh hian inlem chan na chu inchhun zawm zel dawn tihna em ni? Lemchanna lam chu in hneh sawh viau tihna a niang a."
"Lola, lem an chang reng reng hleinem." Sam chuan a lo ti ve zauh a, Wesley chhan tir kha ka duh hle a, engvanga Sam chuan min lo chhan duh nge a nih, oh a ti reng ang chu, a ṭhian ṭha tak ka ni a, sawtiang rul fing sual zet ei zawh mai mai a tan saw chuan ka la ui awm deuh te pawh a ni maithei.
Ka phone chu dawhkan hnuai ka malchungah chuan ka phawrh chhuak a, Sam chu ka text nghal.
*Engvangin nge kha thu kha i sawi a?
*Oh, damnit.... Elo ka puih theih ve na kawng tak che a ni tih hi hre ta che.
*Saw nu mizia ah sawn press ho pawh a hrilh hriat duh hmel, mahse an awih sak duh erawh ring lo phawt teh ang.
A text ka chhiar zo chu thawk ka la nghal raih raih, Lola hi chu ni e, a la hnawksak khawp ang, chutiang tih lah chu a thiam zawng tak a la ni zui.
"Melissa ka pasal leh Wesley tan hian engtia rei nge i thawh tawh?" Sam chuan a ti ve leh a.
"Ka chiang chiah tawh lo a chu, mahse ka sawi sual loh chuan kum thum vel bawr chu a ni ve tawh ang, ṭhianṭha tak kan ni a..... Tommy hi partner ṭha tak a nih laiin, Wesley ve thung erawh hi chu mahni chauh a business kal pui duh reng chi a ni thung!"
"Melissa kei pawh in, ka company leh i company ngei pawh min zawm pui turin ka hrilh ṭhin a lawm, mahse a lo hnar tlat thung, a chhan pawh mi tu emaw thi tawh laka ba rulh tlak theihloh a nei tlat a inhriatna a neih na hian midamg nen a in thlunzawm chu a duh loh tir tlat ṭhin!"
"Wesley engtikah mah i inthlak danglam thei dawn lo a nih hi." Melidsa chuan a lo ti ve a.
Wesley ve thung chuan an thusawi lai ngaihpawi mawh loh hmel zera a phone khawih chung hian, "Ka beisei." Tih chauhin a lo chhang thung a, chumi kar lakah chuan mak ka tih deuh mai pakhat a awm tlat, Wesley wine in hi vawi khat mah ka hmu ngai lo a, zu lam hrim hrim a in lah ka hre ngai hek lo; engtik lai a ṭang khan nge zu lam te a lo in ve tak chu le, zan in chuan wine no nga na lai a tlak zo tawh tih ka hmuh chuan mak ka ti ru hle.
"Well a nih leh he project hi kan tih khawm dawn a vangin a lawmna kan neih phawt a ngai ang." Tommy chuan ti a sawi lehin champagne chu a hawng a, kan no ṭheuhah chuan a rawn thli a, Wesley chuan a lo dawh hmasa leh ber tawh, eng nge a chhan? A hma zawnga zu in ngai lo zan in zet chu.... eng nge a mah ah awm tih lah ka hre thei si lo, ka rilru a hah ru kher mai.
Dinner kan ei zawh hnu chuan champange kan in leh a, chumi hnu ah dessert ei lehin ti ti pangngai in kan ṭan leh ta hlawm a, zan rei lam a ni tawh bawk a, haw mai ka rilruk lai tak chuan, Tommy chu a ding chhuak a, kan zavaua hriatah thil puan tur a nei tih thu a,sawi chuan kan ngawi ṭhap hlawm, tunkar chhung zawng khan ka nupui duh tak leh ka nupui hual la ni reng Sam bulah chuan he thu hi ka sawi a, mahse midang laka han sawi chhuah dawt tur erawh chuan ka zam ve hle..."
"A mah erawh chu duhthlanna ṭha tak ni chuan ka hria a...."
Wesley chu a rui deuh hlek tawhin ka hria, a mit meng pawh a phi deuh chuai tawh, a ni inhnem tawh bawk dawhtheihna chuan a tlinlo a ni ngei ang, a bula ding Tommy chu melh chho chunga thawk lak hawk pah hian, "Tommy sawi chhuak mai teh." A lo ti hul hak a.
Amah erawh chu engtiang chiah a ronantic nge i nih Wes....
Ka rilru a ka thil ngaihtuah lai chu Tommy thusawi chuan a rawn ti tawp chiang kher mai, "Kar keh hian Sam nen inneuh tak takin mipui hma ah kan in nei tawh dawn." Hlin zet hian a rawn ti chhuak ta a.
Ka phu deuh zawk, ka bula ṭhu Sam hlim hmel tak chu mak ti zet hian ka melh a, "Chung te chu engvanga min hrilh ve lo nge i nih Sam?"
Hlim a vanga la nui var var chunga ka lam rawn hawi chung hian, "Well, tunah chuan kha i hre tawh a lawm."
"Chuan engtik ni ah chiah maw inneihna chu tih in tum a?"
"Tunkar lo awm tur ah hian." Sam leh Tommy hi nupa ang mai in an khawsa dun thin a, nupa an nihlohna lah ka hre hek lo, fa lah an nei ṭep tawh leh nghal, mahse hetiang a mi ṭhawng zeta an inneih ṭhatna tur thu an puang hi ka ring lo kher mai, eng pawh chu ni se, naute lo pian chhuah hma a nupa dik tak nih an tum te pawh a niang e.
"Kha chuan ka tan i bachelorette party buatsaih sak na tur che a tih harsat phah ngei dawn a nih hi."
"Well, kan pahnih in kan ti fel dun mai dawn lawm." A hlim hmel put chu ka awt kher mai, ka lawmpui rual rualin a mah anga hmeichhe hlimna famkim nei tu nih ve chu ka chak ngawih ngawih.
Hlim zeta a Sam ka kuah vang vang hnu chuan haw zai kan rel ta a, Wesley nen chuan a car awmna lam kan pan dun leh a, a ni chuan ka chenna hmun lamah min thlah haw tur thu a sawi a, kei pawhin a driver a la awm emaw ti in thuawih zet chuan ka zui ve mai bawk a, mahse car chhung chu a lo ruak huai mai, tu nge limo chu khalh dawn, Wesley hi maw, ka thawk a tawp nghal chawih, a driver chu a lo tir haw daih tawh a ni ngei ang, a ni lah a kal pai deuh tawh nen ka ring ngam dawn em ni?
"Keiman ka lo kalh chhawk mai dawn che em ni?" Ka thil tih duh ti lang oah deuh ti tih chuan ka zawt a.
"Zu ka in deuh a vang hian min ring ngam lo tihna mi Elo?" A mit meng thim ruih chuan mi melh chhuk a, "Zu ka in ngailo tuh ka hria e, mahse motor khalh theilo tur khawp khawp erawh ka ni hauh lo thung! Muhil chung pawhin khalh ila i chenna hmun chu him takin ka thlrn pui ngei ang che tih ka tiam.a che, natna i tawrh hi eng tikah mah ka phal ngai lo ang." Thawk a la oah hrawih a, a thusawi chuan min hneh kher mai, khatiang khawp a motor khalh thiam kha engvanga a ruih ve deuh a vanga rung ngam lo ngawt nge ka nih, Wesley hi ka ring ngam tawk lo a ni tih ka hria, mahse a feelings erawh tihnat ka duh chuan lo, ni lo, he ka rinngamlohna a vang hian ka tihnat sak sa reng tawh.
"A pawi ka ti lutuk, i rilru tihnatsak tum che avang a sawi chhuak ka ni hauh lo a nia." Carah chuan ka ṭhu lut nghal a.
A ni pawh chu ngawi reng hian a rawn ṭhu ve mai a, motor a start rual chuan a kut leh lamin ka kut ka malchunga ka dah chu a rawn hmer deuh vang vang a, a kut chu la let lehin kan tlan chhuak ta nghal a, a motor khalh chu a dim viau a, a laka ka thu sawi a vang khan ka inchhir hle bawk, eng tikah chiah nge Wesley hi ka rin ngam tak tak theih ang? Chuti anga mipa ring ngam lo tur chuan ka nunah thil rapthlak tak ka patea leh ka pa in min lo tih sak tawh a, ka tan chuan mipa rin ngam tawp hi a harsa lutuk.
ELEANOR HOUSE....
Ka chenna hmun bul kan thlen chuan Wesley chuan limo chu a ti ding a, kan in kawngka bul thleng min rawn thlah a, "In a min hruai haw a vangin ka lawm e." A mah melh chhoh pah chuan ka nuih pah sak a.
Mik ko mi san khum deuh awk chung hian, "Elo lawmthu sawi a ngaihna reng ka hre lo."
Eng thil nge ka hriat pawh ka hre lo, mahse a mah chu hnaih duhna rilru hlir hi ka pu a, a mah hmangaihna lamah ka rilru ka pe deuh ta thut nge ni, pawh ka hrethiam lo, mahse inchhung lama lut tura sawm erawh ka duh miau tlat si......
"A tlai tawh bawk si a, chu lo ah i in ve nual a, i rui deuh hlekin ka hria....." Tih a ṭanga ṭan chho in, "Tun ang hun a mahni chauh a motor khalh haw keh tur chuan i ngaihtuah awm deuh mah mah ...."
Min rawn din hnaih sauh a, ka mita chik zeta mi melh chhuk pah hian a aw thawp leh zawi sut chuan a rawn ṭawng chhuak a, "I bula awm ve tur in min ti tihna mi?"
"Kal kawnga accident turin ka duh hauh lo che." Ka heh ka pet pah zauh, chu thil chu ka ngaih tuah tak tak em, nge ni a ka bula awm tur chuan ka duh ve tak tak zawk?
"Uhh, min ngaihtuah ve a maw? Kha chu a ṭha hle mai."
"Engvangin nge ka ngaihtuah loh che ang a?"
"Naute hian a pa dam ṭha taka a awm a mamawh dawn lo'm ni?"
Za tak hian a nui chhuak ta hawk hawk a, "Ka hria e.... engpawh chu ni se, ka lawm hrim hrim."
Wesley chu inchhungah chuan a lut ta nghal a, thawk ka la raih raih, ka zam hle bawk.
Thank, God, George vawiin nilenga rui a a muhil chu duh thusam a ni tlat, a nu hetiang khawpa a damlo chung pawh hian zantin rui tak chunga kawng sira chah thlak mai pawh chu a la sim chuang hek lo.
"Ka nunah hun harsa zet min siam sak a, mahse ka ngaihven lo thei lo...." ka phun chhuak sap .
Ka room lamah chuan ka chho ve ta nghal a, ka room chhung ka lut kawngkhar ka kgar phui chiah bathroom lamah thawm a awm a avang chuan Wesley chian shower a hmang chiang mai.
"Ka thawhnaw ka thlak anga ka make up te hi ka lo ti reh ang e." Ti a thawm chhuahin ka au pah lang lang a, ka taksa chu hmu vek tho tawh mah se ka inthlak laia a rawn luh a ka taksa a hmu nawn leh tur chu ka duh hauh lo.
Ka phone ka ban nghal a, ka pi chu message ka thawn ta a, a mut tawh ka ring tho a chu duh leh zing lamah a chhang tawh mai ang.
*Grandma i ṭha maw?
* A hma thei ang bera ka rawn hmuh leh vat theihna tur che in tih dan la lo ngaih tuah leh dawn nia .
*Ka ṭha e, min rawn ngaihtuah duh suh. Ka pi in a rawn tihna chu ka dawng nawlh, a va mengrei vele ka tih phah hial.
*Thil sawi dun tur kan la neih reng kha aw, chuan i hman veleh i theih anga rangin min rawn hmuh vat tum ang che, ma ngai tawh teh mai che a nia.
*Ok, ka lo tum ang, tunah ka mu ve dawn chiah a, mangṭha muttui le.
"Ka hmangaih che." Ti a phun chhuah sap pahin ka phone ka charge ta nghal a.
Chumi hnu chuan ka thawmhnaw te ka thlak fel a, taksa deh nuam tak tur ka neih zing a mi pajama sen duk leh top var ka inthawlh a, ka sam chu ka ṭswn tawm pah tawh bawk a, rei vaklo hnu ah chuan Wesley pawh bathroom a ṭang chuan a rawn chhuak ve ta bawk a, chung lama thawmhnaw oalhat mah pawh inbel lo leh towel veng ringawt a a rawn chhuah a vang chuan thawk harsa ka ti nghal ngei mai, a taksa chu a nalh in a pa bawk em a ni.
"Hetah hian pajama nang angin ka nei ve bawk silo a, ka thawmhnaw rawn hak te lah mutpui chi bawk lo nen, he towel hi ka mut pui mai ang chu ka lo ti a.
"Nilo." Ka phu deuh zawk bawk.
"Lo ngawi lawk teh." Ka room kawngkhar hawng ka rual a, ka patea room lam chu pan ka rilruk , zanin a riahpui tur a Wesley hak tur pajama chu ka patea thawmhnaw zingah chu a awm thei leh mai ang. Ka kal chhuak chiah Wesley nuih za aw zeta a ṭawng chhuah hnu a a nui ri leh hawk hawk thawm chu ka hria, "Hetia engmah pawh inbel lova, towel nena i bula ka mut chu i duh lo takzet tihna mi?" A la nui zui hawk hawk tho a.
Kawngka chhuah rual pah chuan, "Ngailo, ka lawm e."
Ka patea a room lamah chuan ka lut a, a pajama zinga lian tur ber ka thlang chhuak nghal thuai a, chutiang bawkin a shirt lian ber tura ka ngaih chu ka phawrh chhuak leh a, hman hmawh takin ka room awmna lam ka pan leh ta a, Wesley chu a dinna ngaiah hian a lo la sing run reng a, ka kawr lak chu ka pe a, "Kha hei hi ha rawh." A ni pawh chuan a lo la ve mai a, a inthawlh ta nghal a, ka awm leh awm loh a ngaihtuah hauh lo, mahse keimah zawk chu ka hawisawn ta zawk a, a inthlak zawh tawh awm.hnuah chuan a mah enturin ka hawi chhuak leh chauh, a pa len a a san em a vang chuan ka patea thawmhnaw pawh chu a tawk lo ṭep, a lian pawl ka lak a ni bawk si, mahse engmah erawh ka sawi chhuak lo.
Khum lam panin puan hnuaiah ka in thawlh nghal a, a ni pawh rei vak lo hnu chuan a rawn mu ve mai bawk a, ceiling lam melh chhoh vung vung chung hian, "Sam pasal neih tur chung changah khan i hlim hmel riau in ka hria."
"Inneihna hi engtiang chiahin nge i ngaih pawimawh?"
"A special.... a ni tawp mai." Ka ti chhuak ve sap a, a lam hawi chuan ka taksa chu ka siam rem nghal a.
"Khatiang inneihna kha i duh ve em?"
"Honeymoon nuam leh hlimawm zet ka neih theih dawn phawt a thu a niang chu." Ka nui chhuak hak a.
"Interesting, khawiah nge honeymoon nuam leh hlimawm tak chu i hman duh ang?"
Ka mit nuai deuh nak nak pah hian, "Ka hre chiah lo, mahse ka mi hmangaih tak nen a nih dawn chuan khawiah pawh honeymoon nuam tak a ni thei ang chu."
Wesley chuan ka chalah mi fawhsak zauh hnu chuan a nupui atur a min sawmna hi engtiang chiahin nge ka duh tih ngaihtuah chung chuan ka maimit chhing ta riai riai a.
Uhh, âtthlak leh lutuk, a hmangaih thu a hrilh lai che a lo hnawl tu kha nangmah hi i ni lo'm ni? Anchhia ka in lawh ru mawlh mawlh a.
Ka meng chhuak leh a, a taksa tihrawl ngah zet chu kuahin, a biangah chuan ka fawh sak ve zauh , a bianga ka fawhsak na chuan a taksa ah engmah a thawk lo ni a lantir tum zet chuan tukverh lam chu a melh ta daih a, hetiang em em a rilru sak a nei mai hian min tibuai ṭhin! Mahse kei pawh chutiang chu ka ni ve tho a ni lo'm ni?
Ka kut chu ka tum nimiah lo hian ka chetsawn a, Wesley taksa ruh khauh ṭang chu ka kuah a, ka lamah ka pawt hnai pah bawk a, a mah hi ka hmangaih a ni tih ka chet zia chuan lan chhuahtir ka duh, mahse chu amah ka hmangaihna thu chu a beng hriata sawi chhuak tur erawh chuan ka huaisen tawk lo.
Min rawn fawh takah chuan vanram pasarihna a awm ni hian ka in hria a, chu thil chu ka mamawh a, ka nuam tih ber pawh a ni, chu hmun a ṭanga chhuk leh pawh ka duh tawh hek lo.
A rum chhuak hrawih a, "Eleanor min bual at hneh zia hi i hria em?" Ka taksa lang chin ka ir leh ka beng bul te ka biang leh ka chal a fawp kual pah dan dan a, eng thil nge ka tih pawh hriat hmanloh hian a shirt hak lai a phelh chiah ka kutin ka lo nam sawn a, Wesley hian intur kha a lem hnem viau a, a harh fim hauh lo, chutih lai rem changa lo lak chu ka theilo ang, nakina ka inchhir lehna tur leh a ni pawh a inchhir lehna thlen tu nih hi ka thil duh loh ber te zinga mi a ni.
"Eng nge diklo a awm em ni?" Ti sa châkna a vang chuan light dim tak hnuaiah pawh a mitmeng de deuh chuai chu ka hmuh hmaih hauh lo, hmangaihna mi chen dun pui turin a taksa chu a inpeih tawh hle tih ka hre chiang hle, chu a mitmeng phe deuh chuai chuan chik zet hian min melh chhuk reng bawk a, a hma ang maia natna ka nei leh ang tih hlauh a vang khan ka ti tawp a ni tih hi hriat tir ka duh lo.
Chuvang chuan a hriat thiam.theih dan ber tur chhuanlam.ṭha tak a tawp nan ka sawi ngei a ngai ang.
Leh lam hawi a in let thak chungin, "Engmah diklo a awm lo, ka taksa a nuamsam lo lutuk a, chawlhhahdam ka mamawh ni in ka hria Wes, vawiin kan hun hman dan lah kha nirei tak a ni bawk nen."
"Chawlh hahdam kha i thil mamawh a nih ka ring chiah lem lo....." A nui chhuak hawk a.
"Min ring rawh, mut thilh vat ka mamawh." Ka maimit chhing nghal a.
"Ka hrethiam a lawm." A tawpa a rawn ṭawng chhuah danah chuan a ngui hle tih hi a hriat reng a, ka duhthlanna siamah chuan a lungawi lo viau nge ni ang a dik in a hre ve zawk tih lah ka hrethiam hek lo.
Mahse a kut hrawl ṭha zetin hnunglama ṭanga ka taksa rawn kuah na chuan hahdamna min pe chiang viau thung; chu mai pawh nilo in ka thla a muang siai siai hian ka hria, ka in let thak a, a dara ka lu nghatin mutthilh ka tum ve ta a .
Ka tan chuan ka taksa a ka nerve awm zawng zawng vawi sangkhat chuang ti tho thei tu bula tui taka mutthilh tum chu thil harsa zet ni hian ka hria, mahse eng emaw ti ti in a thin phu ri ngaithla reng pah chuan ka muhil ve mai bawk a.
THE NEXT MORNING....
"Eng hun nge ni tawh Elranor." Ti a Wesley ṭawng chhuak chuan min ti harh a, mahse zanlama mut mu ka hmuh ṭhat vakloh a vang chuan mutthilh ka la duh, a thusawi pawh chu ka mang hriat riai riai chauh a ni e, "Rindan ka nei bik lo..... reilo te mutthilh ....ka la mamawh mmm." Ṭawng pawh ṭawng ṭha peihlo chung hian ka chhang a, ka puan sin lai chu ka pawt ṭha saih sauh bawk.
Mumang ka nei ṭan dawn chiah, "Tho rawh Eleanor, LA lamah kan kal a ngai dawn a nia."
"Uhg..... reilo te mut ka .....la duh a lawm mmm...."
"Kan in tur kha entir che ka duh a lawm, i hmuh ve ngei a ngai bawk ang, chu chu a pawimawh zawkin ka heia."
"Mut.....reilo te chauh."
"I duh dan in le."
Ka mut lam pang hlir chu ka ngaihtuah a, a chhan pawh ka tho chhuak peih rih lo, mut ka la kham thlawt lo.
Mahse Wesley chuan min pawm tho thut a, zo zeta a kut pahnih a mi chawi nawl nawlin bathroom lam chu min pan phei pui ta a, a pangti lum chu nuam ti zet hian ka la ngheng, "Good morning Eleanor." Ti a sawi chungin eng emaw ni vawt thlarah hian min nghat a, a vawt ti a sawi chhuah ka tum lai tak chuan, ka lu chung a ṭang chuan tui vawt zet mai hi a sur in a rawn sur thla ta mai a, ka harh chiang kher mai, ka ṭe chhuak chiang lutuk, tui lah chu a la vawt hrep zui leh nghal, kar loah ka thawmhnaw hak zawng zawng chu tui chuan a ti huh vek bawk a, thinrim zet a meng chhuakin thip tak hian ka hma a ding Wesley chu ka melh chho a, a nui chhuak hauh lo, a hmel chu a thutak run ringawt.
"WESLEY COOPER."
Vawt ti zet hian ka khur hlak hlak a, "Tunah chuan i harh ve ta maw?"
"Hremhnun lamah ka thlawhbo tir dawn che nge ni a, ka...."
Kawngka pui bell chu a rawn ri tlang a, "Tu nge?"
Ugh, a hun hle mai maw. Ka chal ka dawm zauh a, "Ka bedroom lamah lo va kal rawh, ka patea a nih chu." Ka bathrobe chu ka ban nghal zat a.
"Oh, a ṭha hle mai." Wesley aw hriam zet a vang chuan.ka hawi chhuak vat a lo meng vawt leh tawh kher mai, a thinrim a vang chuan a meng de sawr sawr mai bawk a, "He mihring pa hi ka hmuhlohna pawh a rei leh ta khawp mai, kan pahnih khan thil eng emaw tih tur tih zawh loh kan la ....."
A taksa chu a insang ruh hle a, a khabe kual tawp chu thinrim a vangin a pawng ṭawlh ṭawlh bawk a, a kut chu ngil zet hian thlak thla in a hum ruh hle bawk.
Chu chuan eng thil nge a hrilh fiah chiah......
"Nilo, nilo, Wesley."
"Khawngaihtakin vawiin chauh chu a awm ve ṭhin lo a ni ti hre turin lem chang rih mai rawh, khawngaihin a awm ve tih hi haider hram rawh." Ka ti nghal ngawih ngawih, chitia ka tih mai loh chuan a hmel put dan a ṭang chuan ka patea chu a that duh hial ang tih pawh ka hre chiang hle.
Wesley chuan ka thusawi chu a ngaih pawimawh loh hmel kher mai, a in her pah nghut a, mi hnung chhawn zawnga ding chung hian thawk a la pah hawk bawk, a darah chuan ka va khawih da da a,"Min tih nat....a tum leh tawh ngai lo."
Ka lam chu a rawn hawi leh a, "A nih khami ni a i chunga a chet dan kha min theinghilh tir i tum tihna em ni Elo?" A mitmeng chu a rapthlak ang tluk zetin a aw ah chuan pawi khawih duhna rim a nam tel tlat.
WESLEY.....
Eleanor hi a patea hian kut a thlak fo tawh tih ka hre chiang hle a, chutiang bawkin a lakah nunrawnna a chhuah ṭhin bawk, kha chu Lola hnen a ṭangin ka hre tawh a, Sam in Tommy a hrilh dan a ṭangin ka hre tawk tawh hle, tunah chuan Eleanor hun a rawn thleng ve tawh, khawvela ka hmeichhe hmangaih ber diriam taka siam ṭhin tu hi dam in ka chhuah duh dawn em ni?
Mahse Eleanor hian.engvanga a patea a mah sawi sak ching chu ka laka hum duh tlat nge a nih ka hre lo tak zet, hetiang mi hmeichhe chaklo zawk laka in la vung ṭhin mipa ho hi khawvela ka mi huat zawng tak an ni.
Mahse engvanga hetiang ramsa ṭihbaiawm zet a ma lakah ngei pawh ngilneihna lantir ngailo tu hi Eleanor hian hum tum tlat nge a nih erawh ka hre chhuak ngai dawn lo chu a nih hi maw.
Hetiang khawpa a tih duhdah chung pawh a Eleanor hian a la hum tlat zel hi ka hre thiam lo! Engtikah tak tiang ramsa nen hian a cheng dun a ni tih hi hre chhuak ve tak ang maw?
Tumah in hetiang ramsa ṭuhbaiawm zet nena chen hi an phu pawhin ka hre lo, hmeichhe chaklo zawk chunga in luling ṭhin mipa, hmeichhe kut thlak pawh pawisa lo ho ngat phei hi chu an phu tawk hremna pek hlak zel hi ka duh mai ṭhin!
"Wesley thil hi a landan ai hian a kual thui daih zawk a nia." A ti chhuak sap a, chu thu a sawi lai chuan ka hmel pawh enlo in hnuai lam a melh tlat bawk, chu a thusawi chhuah chuan min ti na a, chhungrila chem zum taka vih zawk angin min khei zawr thei hian ka hria, engvanga Eleanor hian a thuruk te chu ka laka zep tlat nge a nih? Engvangin nge min rin zawh loh, ngati nge kei hian ka hum him zo lo a a ngaih tlat?
Engvanga min ring ngam lo nge a nih? Chu thil ka ngaihtuah a vang chuan ka awm zawn chu a na hle a, thawk lak a ti harsa hle bawk.
"Engvangin maw Eleanor." Harsa ti zet hian ka ti chhuak a, a hun kal tawh chu a hun kal tawh ni se, siamṭhat leh dan a awm a nih pawhin ka lakah engmah zep lo in sawi sela, ti chian kan.pahnih in kan bei anga kan chak zawk tur hi a nia, mahse ka hma a ding ka hmeichhe hmangaih tak hian a thuruk te chu ka lakah a zep tlat si.
"Ka hriat ve loh thil eng emaw hriat a nei a ni." A ti chhuak leh ta sap.a, ka bo tulh tulh .
"Chuvang chuan a mah hnaih thei ang bera ka awm luih hi a ṭul a hriatna ka nei."
"A laka hum him reng tu che nih pawh hi ka kham ta deuh hret chu a ni e." Tih nghut pahin thawk ka la ri hrawih.
"He thil hi a hma thei ang bera tih tawp vat a ngai ang, hemi thil a i inpeih hun leh ke i rawn pen chhuah hun tur hi kei chuan ka nghah theih ka ring lo." Ka ti chhuak nghut.
A thusawi ho chu ka hriatthiam loh thil a ni, a pi tan a pawi dawn nge ni a, a patea a nih vang zawk? Nge ni a patea nen hian inkungkaihna eng emaw thuk tak an nei, kha zana thil thleng kha ka la hre chiang hle, A patea ngei chuan thisen a chhuah a, ti chung pawh khan a la chhan ngat ngat a nih kha, ka hrethiam ve lo, tiang khawpa a khawih tawh hnuah pawh khan a la ṭan zel chu a nia le, chu chuan eng thil chiah nge awm tih min hriat tir chak a, mahse ka lakah Elranor ber lah chu a in hawng duh der bawk si lo, ngaihven tawh loh malek ka duh rum rum, mahse chu thil chu ka theihloh tur ka hriat chian tlukin ka ti thei dawn lo a ni tih leh ka ti dawn chuang lo tih ka hre chiang hle.
ELEANOR...
Wesley thinrimna chuan ni eng duhawm tak lo chhuak ṭhin ang hian min pui thei lo.
A thinrim a vanga a ngawnga thisen zam pawng chhuak ṭawlh ṭawlh leh a kut nghet zeta a hum ruhna chu hmuh sak thei mah ila, chu chuan ka patea alakah erawh min pui thei lo.
Mahse a puihna tello in he thil hi tih ka duh tak zet nge duh takzet lo tih ah erawh ka buai phah hle.
Ka chhe zo vek tawh niberin ka hria, kha zan ṭihbaiawm zet mai kha ka la theinghilh thei lo, kha zan kha zet kha chu zan zawng zawng a zan ṭihbaiawm leh rapthlak tak a ni tih ka hria, kha hun kha ka thisen zawmpui ka pa nau ka patea a bul ngei ah hian ka hmang a, ka tan a thil hriat reng tur ka theinghikh ngai tawh loh tur min thlen tu a ni bawk, chu thil chu ka sawi chhuak thei lo, khawiah mah ka sawi chhuak thei lo ang .
"Well, khazawng kha a ki e Wes."
"Kal la, i thawmhnaw te lo va thlak rawh, ka ṭha lutuk a nia, ngaihven ka ngai lo okay." Ka nui pah sak a, ka nuihmel erawh a lem hle thung.
"Ka ṭha e." Tih nawn leh sap pah chuan Wesley biangah chuan dingdihlip ak ak chung hian ka fawh sak zauh a, a ni chu engmah chiang ngam lo zet hmel pu chung hian a bu ve nghut.
Wesley chu a chhuak a, ka inthlakna tur min rawn dah sak hnu chuan a chhuak leh ta a, doorbell ri nasa tawh lutuk a vang chuan ka thawmhnaw ro chu hmanhmawh zeta in bel sawk sawkin hmanhmawh bak leng chuan inhnuai lam ka pan thla ta hlawk hlawk a, kawngka ka hawng chiah ka patea hmel phak zet chu ka hmachhawn nghal a, "Ngati nge chabi spare kha ka dawhkan bulah a awm loh?"
"Sam ka pe a lawm, hmanni khan pawn khawvawt hnuaiah min lo nghak reng turin ka duh lo a, inchhung a luh theihna turin ka pe a, mahse a lo ken thwibghilh leh bawk si nen, pawnah chuan min lo nghak ta tho a." Ka ti niah niah.
"Ka pi hmu turin i kal em ni?" Aw khur deuh dar dar hian ka zawt a.
"Aw, a taksa pawh a chak tawh lo hle a, mahse doctor sawi dan chuan tlem tlem a a chak leh theih a ring a nih chu, dam chhuah viah lam ni lo in, chuan inlama hruai haw pawh a harsa tawh khawp ang, saw hmunah sawn awm reng a mamaqh tihna a nih ber chu!"
"Ka hre thiam e...." ka ti nguai raih a, ka pi chu ṭha chhuak leh turin ka beisei tawh lo a, mahse a damchhung ni reilo te chu damdawi nena enkawlna hmun ṭha takah a awm tur a ni, chu chuan tlwma min la dam pui turin a nunna ka pawh sei sak thei ngei bawk ang, Wesley lakah chuan leiba ka neo nasa viau ang.
Ka patea inchhung rawn lut leh ka room.a ṭanga Wesley a thawmhnaw nena rawn chhuk thla ve nghal chu an han in hmuh zet chuan rum zet hian an inmelh tawn nghal a, "He pa hian ka inah eng nge a rawn tih hrep?" Ka patea chuan a ti khur khur a, mahse kut erawh a thawh lem lo, a ai in Wesley chuan thahruih a ngah zawk tih pawh a hai hauhin ka ring lo.
"Kei pawhin chu tho chu ka inzawh a ni ve tho." Rum zeta a melhna hawi sawn hauh lo hian Wesley chuan a lo ti ve bawk a.
A,ṭawngkam.chhuak reng reng chu a vawt ruih vek.
"Hei hi ka in a nih hi i hria em nang sawnchhe....."
Wesley chu a insum hman lo, min nem per deuh lawp a, a mah zawk chuan George chu a hnaih phei nghal ruak a, thamlo zeta ka patea chu melh chhukin a hrawkah a rek nghal chawih bawk, "Mr Cooper."
"Mr.Cooper ang in min ko thei, a nih loh chuan ....." Wesley chu a insehruh hle a, a thinrim chu thunun a tum.hle bawk.
Thawk a la ri hrawih a, "A nih loh chuan... buaina lian tham zet i nei a ni mai tih hi hria ang che."
Engmah pawh sawi theilo in ka khur dawt dawt a, engthil nge thleng dawn tih lah ka ngaihtuah phak tawh lo, au chhuak turin ka aw reng reng a chhuak theilo a, chutia hreawm ti zeta ka lo awm.lai chuan, Wesley an ka patea hrawka a rehna chu zawi muang hian a thlah ta a, ka patea hmelah chuan hlauhna hlir hi a lang chhuak bawk.
"Wesley awmtir mai mai teh, he mi chung chang hi chu kan sawi dun zawh chauh tawh kha...." Wesley kut sa zet chu ka vuan a, "George kan kal chhuak a nia."
"Wesley nang pawh car chhungah min lo va nghak rawh, tunah." Ka vin chhuak ṭhat a.
Wesley hmel chu thinrimna hlir hian a la luahkhat a, a mitmeng pawh duh thusama rum ni in, a vawt ṭha hle, a mitmu rawng grey pawh chu vur ang maiin a fim vek bawk. A mit chu a chhing sawk a, thawk a lak hawk hnu chuan a in her vut a, a che chhuak ta nghal a, kawngkha a khar ri ṭhuai bawk.
Wesley kal chhuah tak hnu chuan thawk ka la hak a, ka patea lam chu melhin,
"Well, ka pi chan chin eng pawh hriat i nei a nih chuan min rawn hriat tir ve zel dawn nia."
"Well, well, kha pa lak a ta inthiarfihlim tura ka tihna che kha nangmahah pakhat te mah a thawk lo tih pawh ka hmu thiam viau." A ti chhuak nghut a.
"Oh, nang hian midang laka hla taka ka awm theihna turin chhan ṭha tak min pek a ngai ang, thurawn chiah min pe ṭhin a, engmah tih chianna a awm ngai bawk si lo." Vin zet hian ka tih khum a .
"Uhh, tih chianna i duh maw, a ni em?"
"A nih chuan inring rengin awm ang che...." a hmai zur zet tawh ah chuan nui hmel a pu a.
A thusawi chu chhunzawm lehin, "A chhan chu, kei hian ka pek nghal thuai tawh dawn che a vangin."
Eng chung chang tak chu sawi ni maw? Calm down Elo, a thusawi ho zawng zawng hian tih hlauh che a tum mai chauh a nih hi!
A chhan chu mipa dang nena min hmuh ringawt pawh hian a tuar theilo a nih hi, tenawm lutuk mai.
"Thil eng emaw chu ka hrilh thei ang che, i pa in a kalsan nachhan ah che hian Wesley hian thil eng emaw tak tih a nei ngei ngei ang."
ENG MAW?
No comments:
Post a Comment