SEDUCTIVE CHAPTER 4
Ka rawn dah sei ṭha bawk a, fakna kha click vekin second sawm kan nghak vek dawn nia aw.
Ka rawn dah loh vang vang nachhan pawh kan tower ṭek in a deng a, net ka hmang theilo mai pawhni lo ina muang over a, whatsapp chat thlengin a send theiloh a, vawiin khan a ṭha ve chiah a, ka tyoe sa zawng zawng ka rawn chhung lut ve thung e.
AIDA.....
Elo bulah chuan ka va ding ve a, a hmelah chuan a hlauhthawn zia a lang bawk a, ka khawngaih viau, mahse tunah erawh hi chuan ka unaupa vang nilo in a patea a hnen a ṭanga a phone call dawn vang tih pawh ka hre reng, eng thu chiah nge an sawi erawh ka hriat pui lo thung, chhubgkaw lam thil eng emaw chan Chanchin ṭhalo tak a patea chuan a rawn thlen a ni mai thei a ni.
Dim tea a dar a va dawm sak pahin, "Eng nge ni ta Elo?" ka ti ve sap a.
"Ka ....ka pi a nia." ka lam a rawn la hawi chuang miah lo; lehlam hawiin a mittui tla a hru ru fap fap tih pawh ka hria.
A thu rawn sawi danah chuan a pi chu a damlo nasa hle a ni tih ka hre thei ta a, tunah hiqn a pi chu thi lek lekin a awm pawh a ni maithei bawk, zawimuanga ka lam raw. hawi pahin, "Tunah ngei hian New York lamah ka kir leh ngei a ngai ang."
"Ka hrethiam e..... nih leh ka unaupa hrilh ve hrim hrim te hi eng nge i ngaih dan?"
Gnuailam melh raih chung hian, "Aih." a ti a, vawiin ni ringawt ah pawh a ṭap nasa tawh hle in ka hria, a mit pawh a sen zo vek tawh.
"Ka hun ka khawhral mai mai tawh dawn lo." a rawn ti nawn leh sap a.
"Wesley penthouse lam a ka bag te la in airport lam ka pan nghal mai ang, chuan vawiin chawhnu a chhuak tur flight ah ka haw nghal a ngaih bawk ka ring."
"Zanin a Wesley rual a haw pawh a nghak thei dawn lo tihna a ni maw chu?" ka khabe dawm zauh pah chuan ka ti a, an inkar hi hetianga an pahnih inbiak remna pawh awm lo a tawp tir mai chu ka duh bik lo.
"Nilo, Aida, i hriat kha, a hmel hmuh leh hi ka duh tawh lo."
"A chhan chu a ruala ka haw a nih chuan a mah nen chauh jet ah a falin kan.awm leh dawn a, chu chu ka ti theilo ang."
"I chungah engkimah khan ka lawm lutuk a nia, ka tan ṭhianṭha tak i ni." ti in ka biangah min rawn fawh sak zauh a.
Lo kuah ve zauh pahin, "Lo in enkawl ṭha viau ang che, eng tik ni emaw ah chuan nangmah tlawh turin ka rawn la kal ve dawn nia."
Ti a ka sawi hnu chuan hmanhmawh zetin chu hmun chu a chhuahsan ta nghal a, Elo min kalsan hnu chuan eng eng emaw hi ka ngaihtuah neuh neuh a, thil kal dan ho chu ugh a ni ringawt.
A kal tur thu pawh a hrilh lawk lo a, hetia a kalsan mai tur hi Wesley duhdan a ni hauh lo ang le.
Ka phone chu ka la chhuak ta nge nge a, Wesley phone lah chu a inring chat chat a, a pickup thei der lo; a tawpah voice mail ah a lut zel mai leh nghal.
"Wesley Cooper, tunah chuan ka be thei rihlo che, message hnut chhiah la nakinah ka rawn be mai dawn che nia." beep.
Jeez Wes khawiah nge i phone i kalsan, nge meeting pawimawh a neuh lai tak a ni zawk? "A office lanah keimah ngei ka va kal mai a ngai dawn a nih hi."
kan ei in man vel ka pek fel hnu chuan hmanhmawh zetin ka unaupa office lam a kal tumin ka car awmna lam chu ka pan ta nghak a, ka car start pah chyan Paul number chu ka dial nghal bawk a, a ni chuan a lo la vat a, ",Honey eng nge ni ta?"
Paul aw ka hriat chuan thawk ka la halh phawt a, "Paul, tunah ka unaupa office lam ka pan mek a, appointment ka siam ho a lo thleng a nih chuan lo cancel mai ta che."
"Eng appointment nge ni a?"
"Oh, shopping te a niang chu mimawlpa."
Leh lamah chuan a nui ri hawk hawk a, "Ok, ok, ka lo ti ngei dawn nia, i unaupa chu engvanga shopping ai pawh a ngai pawimawh ra thut nge maw i nih le, ka hriat ve tur chi te a awm em, a pawimawh viau tihna a ni maw?"
"Ka va thang chen tur hi ka hre lo a, mahse ka rawn haw hunah engkim ka hrilh vek dawn che nia."
"Ok, ok, ka hmangaih che."
"Kei pawhin ka hmangaih che Paul."
"Wesley office thlen nan chuan darkar khat leh a chanve ngawt hun ka hmang a, ka ning hman kher mai, a tawp a tawpah zawng ka thleng ve ta hram e.
Company chhungah chuan ka lut tlang nghal a, lift ka chuan chhoh chhung te chu rei ka ti kher mai, Wesley leh Elo inkarah hian thil ṭhalo tak thleng turin ka duh pui lo, a chhan pawh Elo hi Wesley hian a hmangaih tih ka hriat pui tlat a vangin.
Wesley office ka luh hma chuan a secretary office ka paltlang hmasak a ngai a, "Good morning mam, puihtheihna che ka nei em?" a nui pah sang a.
"Wesley ka hmu dawn."
"Mam, tumah hmuh a duh lo vawiin hian, tumah a office chhungah luhrir lo turin min ti, meeting a neih ho zawng zawng pawh a cancel vek."
"A ṭha e, kei chuan ka hmu ngei ang."
Wesley room lam chu ka pan nghal a, cghubglamah a inkalh hnan a vangin ka master card chuan Wesley office kawngkhar chu ka hawng a, a ni pawh Elo ang bawk a hlim hmel pawh pu lo hmel ngui zet hian ka va hmu ve a ni.
WESLEY COOPER
Office ka thlen hnu chuan ka office room lam chu ka pan ding nghal a, Jean nen ka hmu ta hlauh a, he lam lamah te eng nge a rawn tih ve tak tih ka ngaihtuah a, mahse vawiin hian board meeting a awm tih ka hre chhuak leh thut, thildang chu ti peihlo viau mah ila, chu ber kher erawh ka hmaih theih ka ring lo, rilru lut lo zet chuan meetingna hmunah chuan ka ṭhu ve run a, kan thil sawi leh kan rel te chuan ka beng kawrawng chhung hi pakhat te mah in a luh lo, board rooma kan awm chhung zawng chu ja tan chuan hremhmun tenau hi a ni ringawt.
A tawp a tawpah kan meeting chu kan zo ve ta hram a, eng thu chiang nge kan sawi khawm a kan rel tih pawh hriat ka nei lo.
board room a ṭang a ka chhuah leh hnu chuan Jean chuan min rawn au a, hnunglam chu ka hawi let vat bawk.
"Ṭhianpa i dam maw? ka secretary min hrilh danin business thil ah Paris i rawn kal ni in ka lo hria a." Kan kut chu kan in vawn sak zauh a, a ni hi Paris lama ka company a ka partner a ni a, ka laka a tha hle bawk a, Paris lama ka company tana mi ṭangkai tak a ni bawk, tunah hian Parisah a nupui nen an cheng dun mek a, nupa inngeih tak pawh an ni a, Jean nen pawh hian kan inngeih dun hle a, mahni hna atchikh bur chi a nih a vangin, ka company pawh hi a kutah ka dah tawp a, a nin ṭha takin a lo enkawl a ni.
"Nia." ti chauhin ka chhang thildang sawi tur ka hre lo,sawitur hre tur a ngaihtuah tur pawhin ka thluakah a leng rih tlat lo.
"Ngati nge a hma a te khan min lo hrilh lawk velih ke aw, intur dawm dunna hun te kan nei tur hi a nia." A chal a dawm.pah ruih a.
"Hun ka nei vak lo a lawm, zan in hian ka kir leh nghal a ngai dawnbawk nen."
"Chu i va lainat awm ve."
"Engkim a kal tluang maw." Min nuih pah suk a.
"Dan pangngai a ni mai." Thawk ka la ve huai a.
Ka ngawih dun deuh vung vung hnu chuan, "Jean thil eng emaw ka zawt thei ang che ngem?"
A lo nui vur vur a, "Sawi ta che, Eng pawh min zawt thei tih te chu i hriat reng kha."
Ka thusawi chhuah tur chuan min ti tim ve viau a, a chan pawh Eleanor chung chang a nih vang te pawh a ni maithei bawk.
"I thil tih duh tawhloh tih theihnghilh tuma i awmlai takin leh i hun kal tawh i hnungchhawn a, i nun a hmeichhe dang an rawn luh hian ..... i hun kal tawh te chu theinghilh in nge i awm a, chutiang karah chuan nundan i zir zawk?"
"Ka....."
"Diktak chuan maw, hetiang lam hi min zawh ka ring mia lo a, business chung chang emaw min zawh dawn ka tih vang a nia." A hmelah chuan a zam ve hmel viau, a nghawng hnunglam chu a kuta tuai pah zauh chung hian, "Wesly, i zawhna chu ka beiseiloh daih thil a ni mai a." A ti ve chuar chuar a.
Kei in ka zawhna chu chhanna a hriat ngei ringin a lo chang run thung!
"Ka ngaihdan ka han hrilh ve hrim hrim ang che, kan theingilh theih ka ring lo, tu te pawhin kan hun kal tawh hnu chu kan hre reng ṭhin ang, a mah erawh chu khatiang hun thleng leh tawh lo tur erawhin kan beih ngei ka ring."
"Kan hun kal tawh a tang lo in, hmalam pan erawh kan tum ngei tur a ni, chuan kan nuna mi rawn lut chu kan theihna zawng zawng nen kan thinlung nen kan ring hle tur ni in ka hria, chutiang a kan tih ngat a anmahni a rinna kan nghag miau chuan kan beisei loh leh kan rinphak bak kan bulah hian thil thar hun in a rawn her chhuah pui ang."
"Chu chu ka rindan a ni a, mahse ka ti dikllo maithei tho va."
Ka nui ve ta suk a, "Thuzawm tur ṭha tak i sawi in ka hria."
"Oh, thil pakhat hrilh duh che ka nei tak a sin, hman deuh hlek khan news ah ka lo hmu ṭhin che a, inhualna i nei ni in ka hria, mi tute pawh kha thil khan a shock a sin, khatiang kha kan lo ring pha ngai lo reng reng." a hmel chu a eng chhuak nghal a, nui hmel hi a pu pah bawk a.
"Kha hmeichhia kha i care viau ni in ka lo hria a, chu vang chuan ti nawn leh chhin la ka ti khawp mai..."
Chu thu a sawi chuan min ti nguai nghal nghulh hian ka hria a, hlauhthawn hmel zeta mi rawn en pah hian, "I landan kha i thinrim viau in ka hria, eng thil nge thleng?"
Chhuanlama ham deuh bui bui pah chuan, "Ka thinrim hleinem." Chhungrilah hian ka na zawk mai chauh a ni e. chu thu erawh chu ka sawi chhuak chuang lo.
"Hei hi ka tih zawh veleh Canada lamah business thil tho ti turin ka kal leh nghal dawn a, chumi hnuah thil engkim ti fel turin New York lama ka kir leh hunah rawn kal turin ka la rawn call dawn che nia."
"A tha e, kan in contact zel ang a, engkim kan enkawl zel dawn nia."
Ka buk khum nghut hnu chuan ka kalsan ta a, ding takin ka office lam ka pansan a, tlem chuan Jean thu ka sawipui a vang khan ka veng deuh hawkin ka hria, mahse ka thil vei tak tak leh ka rilru a awm erawh ka sawi chhuah pui tak tak chuang lo, Zanin hian Eleanor chu ka hawpui theih ka in ring lo a, Canada lamah hruai lehin, tah chuan kan pahnih in kal dan thar leh nundan thar kan neih leh ka ring tlat, chumi hunah chuan kan thuruk zawng zawng te hi kan in hrilh tawn dun thei tawhin pangngai tak a hun kan hman dun leh theih pawh ka ring a ni.
Mahse hei hi thil theih a ni ang em tih erawh ka hre chiah lo a, ka beih fe erawh chu a ngaih ngei ka ring.
Chawhnu lam dar hnih a lo ri leh ta reng mai, ka office chhungah chuan ka inkhung a ṭangin darkar khat lai a liam.leh tawh a, Eleanor bulah chuan eng chiah nge ka sawi dawn tih ka ngaihtuah a ni.
ka rilru ngaihtuahna te chu a la buai nuai tho a, a hma darkar khat hmalama ka awmdan ang tho khan ka la awm reng a, hei vang hian zing lama board meeting kan nei tih bak kha chu meeting te tham.deuh hlek chu ka secretary ka cancel tir vek a, vawiin ni zet chu mahni chauha awmna hun ka mamawh takzet ni in ka hria, tumah min hmu tur a an rawn kal rlo rem tilo turin ka ti a, Elranor chung chang thu chu ṭha tak a ngaihtuah ka duh a ni; nizan lama a thu min hrilh hlimawm lo zet kha ka ngaihtuahna a ṭang chuan ka la paih chhuak theilo a, "Wesley Cooper nang theinghilh che hi ka tum tawh dawn nia." tih thu min hrilh kha ka thluakah chuan a la ri nawn awn awn reng mai a ni.
Engtik hunah pawh ka ngaihtuahna ah chuan a awm reng a, ka awm chhung ka thinlung zawnah hian a bet tlat ni hian ka hria.
Mahse hei erawh a fair ka ti lo, a fair lo vel vek.
Kei chiah hi ka hun kal tawh zep tu ka ni lo tih pawh a hre chiang ngawt ang, Eleanor pa ve hi le...... tun thleng hian khawuah nge a awm tih pawh hi ka la hriatpui bik lo a nia.
"Eng vanga ka laka chu thu chu zep tlat nge a nih leh eng vangin nge a pa chung chang hi mi sawi dun pui duh lo nge a nih?" Ka ngaihtuahna te chu a buai nuai mai, ka tih ngaihna hre lo chuan ka chal ka dawm pah ruih a.
He hmeichhe ngaihtuahna ah hiang eng thil nge awm.pawh ka hre hrep lo ve, chu thil ka ngaihtuahna chuan min ti â zo thei tak ngial dawn hian ka hria.
Khawiah emaw rawng sen ka hmuh a piang lah chuan Eleanor hrh sen vam ham maiin ka hming a lamna hmui ohun kha ka mitthla ah a lang zel mai leh nghal a.
Chu thil chuan dawhtheuhna ka lo neih ve zawng zawng te chu min tlakchham tir bawk..... A maha mi hipna awm kha eng tin nge ka tih tawp ang tih lah ka hre hek lo.
Chutia rilru hah zet a ka lo awm lai chuan ka office room kawngkhar chu a rawn inhawng a, Aida authawm ka hre zui nghal bawk a, ka secretary in a rawn luh tir ngei a nih ka ring.
"Wesley." A aw ah chuan a rilru a hah hmel ve hle mai a.
A lam hawi zawng chuan zawi muang hian ka in her a, "Aida hetah te eng nge i rawh tih a?"
"Thil eng emaw hrilh tur che ka neih......"
"Eleanor ka ti lungni lo tih chung changa mi rawn zilh i tum a nih chuan ti suh, ka tuar tawk tawh."
"Nilo, mimawlpa, chutiang lam thu sawi tum a lo kal pawh ka ni lo." A chal a dawm zauh a, thawk a la ri hak bawk a.
"A nih leh eng nge?"
"Ngaithla rawh, vawiin zing dar sawm pakhat vel khan i pent house lanah ka va kal a, Eleanor chu inthlahna neih pui turin breakfast ei puiah ka sawm chhuak a, a ni pawh a hmel a hlim lo khawp mai, i chung chang thu pawh kan sawi tel nual bawk a, chutih lai chuan phone call a dawng a....."
Ka lo rum chhuak nghut a, "Chuan?"
"A pate an a rawn phone a, a pi a zual thut thu a rawn hrilh a, New York lamah a thlawh kir leh nghal a ngaih thu leh vawiin chawhnu lam chhuak tur flight a nan hman ngei a ngaih thu sawi in hmanhmawh zetin min chhuahsan ta a, chu thil chu hrilh ve ngei che ka duh a, a chhan pawh Eleanor hi i hmangaih ve tak zet ni inka hria a."
"Aida, a ni chu ka hmangaih a lawm, mahse a laka ka thil phut, min hmangaih ve thu hi a sawi chhuak ngai lo, mahse chu pawh chu tunah chuan beisei ngam chi pawh a ni tawh lo."
"A kalna a rei tawh si a, tunah chuan ka nang hman tawh dawn lo a nih hi." Hmel ngui zet a tih chhuah pahin thawk ka la pah hrawih a.
"Nilo ve, han ngaihtuah ve mah teh, Jet turah i ngai a nih kha, Paris a tanga New York flight kal tur hi a rei thei lutuk tih te hi i hre ve lo em ni, tunah hian kal nghal rawh, Eleanor chu a la thlawh chhuah ka ring lo."
Chu thu Aida in a sawi veleh chuan ka desk drawer ka hawng nghal rawk rawk a, ka phone dah leh ka lehkha ziah chu la chhuakin hmanhmawh zetin ka car awmna lam ka pan ta nghal vat a.
ELEANOR
Aida ka chhuahsan hnu chuan taxi la in hmanhmawh zetin Wedley pent house awmna lam chu ka pan ta a, inchhung ka luh veleh ka room awmna lam ka pan chho nghal bawk a, Aida nen khan breakfast kan ei tlai em a vangin, kha kha lunch ah ka hmang nghal mai a niang chu, duh leh airport lamah te hun a la awm.tam dawn a vangin, ka ril a ṭam a nih chuan sanwich te ka la ei leh zawk mai ang, tunah tak erawh hi chuan insiam.vat vat a ka flight ticket tur book fel phawt ka ngai.
Ka room chhung ka luh hnu chuan ka mamawh tur awm ho zawng zswng chu ka suitcase ah chuan ka hnawh lut nghal hmiah hmiah a, ka ṭhi awrh lai pawh chu ka suitcase ken turah chuan ka dah lut tel bawk a, ka thawmhnaw ka thlak leh zawk zawk hnu chuan kal turin ka inpeih ta der mai.
Hetiang teh hrep a Wesley kalsan chu ka duh bik hauh lo, mahse ka chhungkaw neih chhun ka pi engkim zawng aia ka dah pawimawh ber ṭhin leh he hna ka thawh chhan ber hi dingmun ṭhalo ah a awm.miau si a .
Chuvang chuan he hmunah hian awmin leh Wesley lo haw hun nghakin ka khawtlai thei tawh lo ang, risk lah ka la thei hek lo, ka pi chungah thil eng emaw ṭha lo tak ka awmloh chhunga a thleng a nih vaih chuan ka inthiam leh thei ngai tawh lo ang.
"Granny tuar hram hram.rawh....i tu nu ka rawn haw dawn e." ka mittui far chu ka hru hul a, he tianga rilru natak a awm leh thinlung kehsawm taka chunga kan zinna hmun han kalsan hi kei pawhin hreawm.chu ka ti tak zet.
A mah erawh chu ka thei ang a intih tuar chhel erawh ka ngai si.
Heti anga midang ina min hman mai mai tgeih tur hian ka awm tawh ngailo ang.
Hmangaihna ah hian ka mit ka ti del.tawh ngai bawk tur a ni lo.
Chuan tumah in min bum.tawh ngai bawk hek lo ang.
Chu thu chu mahni ka intiamna chu a ni.
Tunah chuan hei chiah hi ka hria, thang chi hran hran ah ka tang a, chhuahdan kawng mai hrelo in ka tal buai a, engkim mai hi a danglam phah vek bawk tih hi!
Inhnuai lam pan tur chuan ka suitcase nen inhnuai panna lam step chu ka pan phei ta a, Wesley bedroom bul ka thlen chusn ka ding deuh chawt a, he hmunah hian a ni lo'm ni Wesley kha ka hmangaihna ka hlan kha, ni e, he pa hi ka hmangaih a, ka thinlung ka pe bawk a, mahse lak kir leh dan erawh ka hre lo, hmangaihna kawngah hian ka mit a lo del hneh em a nih hi, a hmel pa zet te kha ka hmu leh thei ang em, hmuh chu ka hmu leh tho ang, nge ka hmuh phakah a awm tawhlo zawk ang, chung zawhna chi hran hran keimah a awm te chu ka chhangthei rih lo.
Chu mai pawh nilo in a ni zawk hian min hmuh duh tawh pawh ka ring lo, a office a ṭangin min pet chhuah ka ring tawh mah zawk, a hnen a ṭanga ka hmangaihna thunlung kha engtikah mah ka la let leh thei tawh dawn lo a, ka thinlung chu nasa taka hliam hian a awm a, chu thil tuamdamna tur chu ka zawn pawh a ngai ngei dawn a ni, thinlung kehsawm.tawh thawmdam.tum leh tluk a thil jarsa hi a awm leh tawh pawh ka ring lo e, chutiang ang tho chu a ni oawh ni in hmeichhe dangah a thinlung hliama awm tawh chu thawmdam leh tumin a bei kual a ni lo em ni? Chu thil chu ka chungah ngei pawh a tih tak hi, kei a lo â bawk nen, engmah hriat thiam reng ka lo nei si lo.
Chu hmun chu rei pawh en ngam talo inhnuai lamah chuan ka chhuk san ta a, a ka chhuk hnu chuan ka hawi kual.a, he hmun hi vawikhatmah ka hmuh leh tawh pawh ka in ring lo.
"Good bye Wesley." ti a ka phun chhuah sap hnu chuan pawnlamah ka chhuak ta a, gate veng tu hnenah chuan ka chahbi kawl chu ka pe a, a pu Wesley rawn kir huna lo oe tur in ka ti bawk a, min buk khum nghut hnu chuan ka kalsan ta a.
Ka suitcase chu a rit vak lem lo bawk a, ka tan kal.pawh a nawm phah viau mai, ka mamawh tur te chauh ka khung a vangin, nakinah Wesley lo kir hunah ka thil ho chu min rawn.hawn tel sak ve thei em ang chu, airoort lam kal tura taxi stand lam ka pan lai tak chuan ka hma lan hla tak a Arthur min lo thlir reng tu chu ka va hmu a.
"Eleanor." ti a min rawn au in ka lam a rawn pan takah chuan ka kal lai chu ka tawp chat a, Arthur chu ka lo nghak ta a, he hmun ka thlen a ka chunga ngilnei zet mai te zinga mi a ni a, ka ṭhian ṭha tak a ni bawk, ka haw tur thu leh a bula thlahna sawi ve hrim hrim pawh chu awm ka ti viau bawk.
Ka bul chu reilo teah a rawn thleng phei a, "Ka hmu leh thei che chu ka lawm khawo mai." ti in nui hmel a pu sang bawk a.
Kei erawh ka ngawi ran thung a, engtin nge ka sawi ang a bulah hian tih chu ka ngaihtuah ran bawk.
"Vawiin phei chu ka ngaihtuahna ah i awm char char che a, engtikah nge ka hmuh leh theih ang che tih hlir ka ngaihtuah bawk a."
"Hello Arthur."
"Eng nge diklo Eleanor, i hmel landan chu a hlim lo hle mai."
Arthur chuan ka hmel.put dan chu a hai lo chiang kher mai, hnuailam chu ka melh raih a, reilo te chhung chu a zawhna pawh ka chhang lo.
Ka pi dingmun ṭhalo zetah a ding tih thu hrilh chu ka duh lo a, a chhan chu ka laka pawi an tih zia an lantir hi ka duhloh ber thil a ni.
A mah erawh chu ka suitcase te nen ka nih rup a vangin thil eng emaw ngaihdan diklo tak ka lakah a nei ang tih ka hlauh a vangin, ka pi dinhmun chu hrilh a ṭha taka kalsan chu a chi zawk hian ka hre ta a.
Ka pi dinhmun leh a zual thut thu ka parean min rawh hrilh a vanga New York lama kir vat ka ngaih thu chu ka hrilh leh ta zawk a,.
"Chuvang chu a nia, vawiin ah ngei plane a haw ka ngaihna chhan chu, tunah hian kal nghal mai ka tum a, ka pi hi ka mi ngaihpawimawh ber te zing ami a ni a."
"Tak tak maw? Oh.... lo kal teh."
Arthur nen chuan kan inkuah dun vang vang a, kan inkuah na chu kan thlah a, mi rawn melh vang vangin, ka chalah chuan min fawh sak zauh a, chumi hnu chuan ka mitah tak chuan min en chhuk leh a, "Eleanor, engkim a ṭha leh vek mai ang tih hi ka chiang, rilru hreawm.takin awm tum suh, i pi pawh a ṭha leh em em ang."
A mitmu hring nghalh chuan min melh chhuk reng a, a mitmu rawng chu a nalh ka tih zawng tak, a mitmeng chuan hahdam taka awm turin min ti hian ka hria.
A ṭawngkam chu english pawh hmang nimah se a french awphawi chu a lang tho a, chu chu a ngainat awm ṭhin hle hian ka hria
"Ka beisei." ti chuan ka chhang ve sap a.
Kan hnunglam a ṭang chuan hmeichhe pakhat hian a thlalakna chu a rawn hmet de zauh zauh a, ka rindan chuan chu nu chuan kan pahnih a chala infawh sak lai leh pan inkuah lai thlalak chu a duh a nimaithei, ka ngaihdan chuan tourist a ni ang a, chutianga kan awm chu a zin hun chhunga a thil tawn hriat rengna a tan pawh a ti a ni maithei bawk.
Chutiang anga ka ngaihtuah a vang chuan ngaihven lem lo tak hian Arthur lam bawk chu ka melh leh ta zawk a, "Well, ka kal a ngai tawhin ka hria." tiin ka nuih pah sal bawk a.
Arthur chu a che sawn hrut a, a hma aia hian min rawn dinchilh hnaih zual leh zawk a, a pangngai lo lam hrat ni hian ka hre tawh mah mah, a che chhuak thut a, ka biangah a kut pahnih a khuapin min rawn fawp ta mai a, chu thil chuan mak min tih tir a, kan pahnih inṭhianna chu chawplehchilh in a ti chhe nghal ni hian ka hre bawk.
Ka kut chuan theih tawp tak neuh hian Arthur a taksa lian zet chu ka nam sawn a, "Nilo, tawp rawh Arthur." Ka thinrim em a vang chuan ka aw te pawh a khur hlak hlak a, ramthlak ti zet a melh chho in, "Arthur ...nang keh kei hi ṭhian chauh.... kan ni, kan inkarah chu bak a awm lo."
"A pawi ka ti khawp mai, tunah tak kha chuan chutiang lam thil kha ka ngaihtuah thei ngang lo a ni." Ti a mi rawn nuih ve suk chung chuan zam deuh tak hian a nghawng hnunglam chu a kutin a tuai pah nauh nauh a.
A mi chhanna ṭawngkam chuan min hneh pawh ka hre lo, ka ngaihdam theih lah ka ring hek lo, ṭhian ang chauh a ka lo ngaih ṭhin a vang a ṭha taka bia leh ka changchin te pawh hrilh ka ni chauh si a.
Ka hmel pitdan chu a hmuh chuan a hmel lan dan chu a ngui ruih nghal a, thil thleng a vang khan a inchhir hmel hle bawk, "Eleanor min fawhna mai chauh a nih kha." Thawk a la ri hrawih a.
"Pawi ka ti lutuk hreawm ti tak a ka siam che a vang khan."
Hun kal lai chu a tawp ta emaw tih tur khawp hian ngawi rengin kan ding dun a, nuamlo ti rawh se kei pawhin khatianga a awm a vang khan a awmdan ngei awm zet kha ka hua a, biak ṭhat leh ngqihna lah ka hre hek lo.
A mah ka lo rin ve na te kha a mah vek hian a chetzia hmanga a tih chhiat tak vek a vangin.
Chutiang ang a kan awm hnu a ṭanga rei vaklo ah chuan ka inngaihtuah harh thut a, A ni chu kal san a he hmun hi kal san thuai thuai ka tum ta a.
A chhan chu Arthur laka thil eng emaw beisei nei anga lantir hi ka duh lo, ka ngaih dan chuan he kan inṭhianṭhatna ai a thuk deuh zawk kalpui ve chu pawi ka ti hran pawh a ni bik lo, mahse ka lak a a feelings a lan tir nghal mai erawh ka ring bik lo.
"New York te i lo kal ve a nih chuan min rawn call dawn nia."
"Kei pawhin kalpuina che tur hmun ṭha tak tak leh lar tak tak ka hre ṭeuh a nia." ti in a nuam ti lo hmel pu remg chu tlena a rilru ka tihnawm sak deuh theih takin ti chungin kan thusawi topic chu ka thlak thleng a.
"Ka rawn kal ve ngai te a nih chuan ka rawn ti ngei ang." tlem hian nui hmel a pu deuh bawk a.
"In enkawl ṭha ang che aw Elo." Ti a min chah hnu chuan taxi kan lam pan a lo tlan chu min phar din sak a, ka bungrua chu a man a hnunglamah min dah sak a, kei a seat ah ka ṭhu lut nghal bawk a, ka bungrua a hnung lama a dah hnu chuan a rawn dak lut a, "Hmuh leh ngei che ka rawn tum ang, dam takin le." Taxi pawh a tlan ve ta nghal a.
"Airport ." Taxi driver bulah chuan ka ti sap a, chu lo chu ka ṭawng chhuak leh tawh lo.
darkar khat leh a chanve dawn kan tlan hnu chuan Airport awmna hmun chu kan thleng ve ta hram a, ka bungrua ka lak chhuah hnu chuan ka taxi chuan man pe in airport chhungah chuan ticket book turin ka lut ta nghal a.
Rei ve tak mai chu flight thlawh chhuah hun nghakin ka ṭhu ran a, chutia ka awm mai mai lai chuan ka piah deuh lawkah hian chhungkaw pakhat zin tum ve niawn tak hi an awm ve bawk a, chumi te chezia chu hmuhnawm ti zet hian ka lo thlir ve reng bawk a.
An chhungkua chu chhungkaw inngeih tak leh inngai tak ani ang tih pawh ka ring mai, an infawp liam liam a, an inkuah nak nak bawk a, hmuh an hahdam hlawm kher mai.
Nu ber chuan a fa chu nghet tak hian a kuah vang vang a, a chalah leh an chhipah a fawh sak pah reng bawk a, a biangah te thleng chuan fawh sakin a fa te reuh pawh chuan a kut tereuh te chuan a nu chu a lo kuah ve bawk a, pa ber pawh chuan a nupui leh a fanu chu a kuah ve bawk a, ah anhlim viau ni in ka hria.......
A pawi khawp mai, hetiang tawng thei tur dinhmunah kan ding vek si lo......
flight ticket ka cut fel hnu leh rei tak chhung ka nghah tawh hnu ah chuan thlawh chhuah hun chu kan nghak chhuak ve ta ṭawk a, flight chhung ka luh dawn lai tak chuan thawm beng chheng zet ka hriat a vangin eng thil nge thleng tih hre turin ka hawi kir leh a, chutah chuan a ni ka mi hmuh beisei loh lutuk chu ka va hmuh leh tak ni.
Wesley Cooper chuan cops ho lak a ṭang a kalsawn tum hian a lo bei mek a, eng ti kawng pawh nise he hmuna awm tur a ni tlat lo.
Rang takin an awmna lam chu ka va pan phei ve nghal a.
Min lo hmuh chuan a lan danah thil hriat chak hmel zet mai hi a pu tih ka hmu nghal a, ka hlauh thawn pui zawk tak chu police ho chuan an man mai ang tih a ni ka hlauh pui zawk.
"Wesley hetah te nge i rawn tih a?"
"Eleanor lo nghak lawk rawh." A ti nghut a, police ho lam chu angaihven leh nghal a, a hmel landan chu a belawm hran lo hle, a mit meng grey chu vur ang mai hian a meng vawt vek bawk a, a fim ral ni hian ka hre mah zawk.
"Sir hetah hian i awm theilo ang, da chu dan anih ang bawkin i zawm ngei angai ang." Police officer chuan a ti leh a.
"Tih fel vat ka tum dawn nia." Wesley chuan kal sawn a tum hmel loh khawp mai.
"Wesley Cooper i ni meuh maw?"
Pakhat zawk chuan rinhlelh hmel zet hian a lo ti ve bawk a.
Wesley chuan chutianga zawt tu oa hnenah chuan a ID chu phawrhin a en tir nghal a, chu veleh police pa chuan police pakhat zawk chu a bek bawr ru ta sar sar a.
Ti chuan Wesley chu rawn en nawn lehin a tawpah zawng chu hmuna awm tir chu an rem ti ta a, "Mr. Cooper i thil tih duh i tih nan minute hnih i nei e, chu bak chu kan tih sak theilo ang che, flight hi a thlawh a hun tawh."
"Ka tan chu chu a tawk hle in ka hria." a tie awrh siam ṭhat pah chuan a ti a, Wesley inthuamna suit hak chu kei chuan ka lo en daih pek a, a inhmeh viau a a lang ṭha hle bawk, a suit dak danah chuan a man pawh a na mai hauh lo ang, a cotton jeans dum hnuailamah chuan a ha a, a coat hak chu maroon colour hi a ni bawk a, a hnuaiah shirt eng dal deuh a inbel bawk a, a mah a sang ṭha in a thawmhnaw inbel chu a hak tur awm reng a siam ni awm.tak hi a ni.
Chutiang chi pawh chu ani maithei bawk, Wesley hian thawmhnaw mana a pawisa sen zat chu ka hriat sak tawh a, a ma hak tur chauh a company siam sak bak a ha ngai zen zen lo.
An thusawi ka ngaihthlak a vang chuan ka taksa pum chu a hik deuh chuai hian ka hria a, engtiang chiah a mi pawimawh nge a nih a flight te hial an delay phah na chhan? tih chu ka ngaihtuah lo thei lo.
Police ho in a min kal hlat san hnu chuan cho zet hmel pu hian Wesley hmel ṭha ver vawr tak chu ka melh chho ve ram ram a, "Eng nge i duh?" ka ti hmak bawk a.
A ni erawh a ngawi run thung a, ka hmel chu mit pawh khap lek lo hian a rawn melh chhuk run bawk a, "Thlawhna ah hian ka chuan thuai a ngai a nia."
Ka hmel chu a mitmeng vawt zet chuan a en chhuk run a, mahse kei min hmu ang pawhin a awm chuang lo.
"Wesley...ka pi hi tunah dinhmun der thawng takah a ding a, ka kal ngei a ngai....." bah deuh nak hian ka ti chhuak leh sap a.
"Min hrilh a vangin ka lawm e." A mit ko chu min san khum deuh nawng a, a thusawi awmzia chu ka man hle, a hma pawhin ka hrilh thei reng tih a sawi tumna zawk tak a ni, a la ngeiawm tluang zel e.
A mit meng vawt ruih leh chang zet chuan chiang zet hian min rawn melh chhuk leh a, chu chuan min ti hlau kher mai, ka chungah eng emaw tih mai duh hmel te a pu ni mai hian ka hria.
Chutiang a hmelhriat ngailoh ang zet a min enna chu nâ ka ti viau a, mahse engmah erawh sawi chhuak turin dilna ka nei bik chuang lo.
A hma khan kei pawhin chuti ang tho chuan ka lo ti ve tho nge tilo zawk?
"Film a lang ṭhin ang a thil ṭullo zet ti turin he i flight chuanna hi dan sal tur che in ka rawn kal lo, mahse he thil hi min lak sak a, min chhiarsak turin ka duh mai chauh che a ni."
"He thil i chhiar hun tur pawh hi ka ngaihven hrep bawk hek lo, tunah a ni emaw naktuk a ni emaw, kum sawm hnu pawh ni rawh se.... mahse chhiar ve hrim hrim turin ka duh che." Thawk a la ri hawk a.
A kekawr ip te a ṭang chuan envelop te tak mai hi a rawn phawrh chhuak a, kei chuan zam tak si, ngam leh ngam lo, kut khur dar dar hian ka lo ban a.
A thil pek tur ber min pek hnu chuan a inher nghut a, "Zinkawng hun nuam tak i hmang dawn nia....Eleanor Garcia."
A sawi zawh hnu chuan a kal sawn ve ta nghal a, a thusawi duh zawng a sawi a, engmah thu ka sawi ve nahun pawh mi pe lo in keimah chauhin chu hmunah chuan mindah leh a, a kal liam hma loh zawng chu ka thlir a, mahse min ngaihven tur in leh eng nge ka tih zel tih ngaihtuahna a vangin a hnunglam a rawn hawi let leh tawh lo hrim hrim, chu thil chuan a hma a kan awmdan ang bawk ka lakah a inhawn leh tawhloh zia min hriat chhuah tir a, eng ang chiahin nge ka ngaih ve tih lah a hre duh leh tawh hek lo.
Rang taka thutlukna ka siam thei lo ṭhin hi ka inhaw ngawih ngawih ṭhin.
Dinhmun derthawng taka ka awm ṭhinna hi ka hne ngawih ngawih tawh bawk.
Dam khaw chhuah nana engmah pawh ti ngam lo a awm hi ka ning ngawih ngawih bawk.
"Amah ka hringnuna a ṭang a ka paih chhuak hi engvang a thil tisual tak ang a inngaihna nei tlat nge maw ka nih le?"
Beidawng leh rilru hah zet chuan flight chhungah chuan ka lut ta ṭawk a, ni e, a duh dan takin zin kawng nuam tak chu ka zawh dawn chiang a lawm. za lo zet hian ka nui chhuak sak a, ka nuih chhuah nachhan pawh ka hre lo, ka intihelna lam a ni mah zawk ang chu.
Minute rei vaklo hnu ah chuan kan chuanna plane pawh boruak lamah kangin Paris a ṭang chuan kan thlawk chhuan ṭan ta a.
Minute tin a liam in a kal duak duak a, nichin lawk te kha chuan a mah nen engkim kha ka ti fel vek thei a sin le.
Darkar riat leh a chanve a ral hnu chuan a tawp a tawpah zawng New York airport chu kan thleng ve thei ta hram a.
Flught a ṭanga ka chhuak chiah ka suitcase ka la zo vawi tam George chu phone ka tumtawh a, mahse a pickup thei lo hrin hrim.
Chu thil chuan mood a ti chhe leh zual a, ka phone chu ak ṭha lehin hospital lam pan nghal mai chu ka rilruk ta , airport oawna ka chhuah hnu chuan taxi ka la a, ka pi kan dahna hospital lam pan chuan ka tlan leh ta char char a, ka taksa te chu a chau tawh viau a, zinglam dar hnih a ri tawh a, mut ka mamawh ngawih ngawih bawk, mahse ka pi hmel ka hmuh hma chu ka chawl thei lo ang.
"Hospital lamah chuan ka kal phawt mai ang, thil hi a hmalam a piang a ṭha ." ti a ka phun chhuah sapin Hospital chhungah chuan ka duitcase nen ka pen lut ta a.
Hospital chhung ka lut chu a hnuh a hnuh reng a tan chuan ka suitcase chu a rit ta hle a, chutia hospital kal nghal tawp chu ruahmanna ṭha tak a ni lem lo tih pawh ka hre thuai bawk, thlanfim hian min bual huh zaih tawh mai a, engmah ka la ei in bawk si lo nen ka taksa chu a chau tawh ngawih ngawih bawk, a chhan chu Aida nen a nimin lama breakfast kan ei dun tih loh kha chu ka pumah engmah a la lut leh lo a, flight chhungah lah khan Wesley hrep vangin zinkawng nuam tak ka hmang thei lo a, engmah ei na chang lah ka hre hek lo.
Reciptionist awmna lam chu ka pan nghal a, hawihawmna pawh ka lantir thei tawh lo, ka hma ah chuan hmeichhe pakhat hian reciptionist chu a lo be mek a, polite lo taka va inrawlhin "Min lo hrethiam lawk mai, khawngaihin." ka va ti nghal tawl a.
Ka hma a sam buang nu chuan thip zet hian ka lam rawn hawi chuan min rawn melh a, "A hmanhmawh thlak lutuk a, khawngaihtakin." ka ti leh a.
Chu nu chu thinrim.zet hian a kalsawn tau ta nghal.a, pawi ka tih viau rualin ka hmanhmawh tawh em a vang chuan engmah ka sawi lem lo; tuna ka rilru a awm ber chu ka pi hmuh vat vat chauh a ni.
"Hello, puihtheihna che ka nei em, han sawi ta che." Reciptionist chuan a rawn ti ve ta a.
"Ka pi, Monica Diaz chu he hmunah hian a awm a.... min hmuh tir thei ang em?"
"Ngawi lawk teh aw." Ti in computer a patient list ho ah chuan a zawng ta nghal a, Reciptionist chuan damlo ho hming chu a zawng zel a, a hmel chu a buai deuh nak bawk, ka lo hlauthawng hman kher mai, hla tak a ṭanga hmangmawh zet a ka haw chhan ka pi ber chu dingmun ṭha lo takah a awm tih ka hre bawk si a, a hmel hmu hman lo leh ka ngaihtuahna pawh dawng hmanlo in a kal hman ang tih ka hlau ngawih ngawih bawk, chu nu min melh dan chu ka dawh theihloh zawng tak a ni.
Oh, God, chanchin ṭhalo tak chu min hrilh lo hram teh se.
A awmdan chuan ka thin a ti phu dawt dawt a, a lak a ṭanga chan chin lungchhiat thlak zet hriat tum a inpuah chah chu ka tum sa teh a, mahse ka thei lo, chutiang dawng tur chuan ka la thei rih lo.
"Monica Diaz i ti em kha.....?"
"Aw, eng nge a chungah thleng?" Ka ṭah a chhuak nghal ringawt bawk.
"He hospital a a rawn in entir tawp ber ni kha nikum kha a ni a, chuan damṭha takin a chhuak leh a, chuan kumin kum tir khan a ni leh a, a chhuak leh a, chuan thla hmasa a ni leh a, mahse tunah chuan a awm tawh lo." a ti ta a.
"Oh, tak tak maw?"
"Aw, a in registration na ka hmu zo tawh lo, a lang lo hrim hrim."
"Eng nge a awm zia, ka bang bo hle mai, inah pawh a awm bawk si lo a."
Hetah a awm lo maw, thil mak tak zawng a ni e.
Eng pawh ni se, inlamah ka haw phawt a, George ka zawn hmasak phawt a ngai dawn a nih hi. ka ti ta a.
Pawn lamah ka chhuak a, ka phone a time awm chu ka en leh zauh a, zing lam dar li hi a ri tawh a, khua pawh a var ve mai tawh dawn a lawm, New York lama ruah sur chuan boruak a ti vawt leh zual a, ka khur thei hial , mahse chawl a ka taksa tilum hman pawh ka ni lo, ka pi ka hmuh phawt hunah tlem chu ka la chawl ve a niang chu.
ka chawn tha te chu a na kham ut ut tawh a, ka taksa ka ruh chuk tuah khawi lai mai pawh chu nalo lai reng ka hre tawh lo.
Taxi la lehin inlam chu hman hmawh deuh tak a pan turin driver chu ka hrilh nghal a, in pawh kan theng hma hle, khua pawh a var chiang ṭep tawh, in ka thlen hnu chuan vawi tam tak kawngka chu ka chum dawm dawm a, George chu a la mu nge ni ang, ni e, a la hma bawk a, a la mu a ni ngei ang le.
Porthole a ṭanga ka bih chuan George mit ka hmu thei a, a rawn bih tih ka hre bawk, keimah ka ni tih a hriat chuan kawngka chhung lama kalhna chu a rawn hawng ta a, Ka suitcase nena hmanhmawh zeta inchhunga luh pah chuan, "Khawiah nge ka pi a awm?" Ka ti chhuak nghal a.
"Eleanor i lo thleng ve ta hram maw?"
"In tih fai a mut hmasak phawt te i duh em? i pi chu a room ah a mu."
"Nilo, hla tak a ṭangin a hmel hmu turin ka rawn kal a, a hmel ka hmuh phawt a ngai ang."
"Chuan engvangin nge hospital a ṭang a i lak chhuah nachhan?"
"Eleanor a tlai tawh, engkim a tlai zo vek tawh, kha chu nakinah ka la hrilh dawn che nia, lo kal phawt mai teh!"
George kalna lamah chuan ka zui ve ta nghal a, granny roomlam chu kan.pan chho a, room.kawngkhar chu zawi tea a hawn hnu chuan kan lut a, ka pi a room a natna hreawm zetin a a bawm lo mu ka hmuhchuan ka mittui a tla zawih zawih, a lam chu ka pan phei nghal thuai a, a kut chu ka va hum sak a, he hmuna awm tur hi a nili, damdawi in lamah enkawlna nen a awm tur a ni zawk si a.
A mit khur te chu a thuk kak tawh a, a cher tawh hle bawk, a mulai chu tih harh ka duhloh a vangin kan chhuak leh ta a, a room kan khar chiah tih chuan thinrim zet hian George chu ka melh a, "Engvang a damdawi in lam a ṭang a la chhuak a hetiang dinhmun a adin tawh hnu pawh a doctor hnemah hruailo nge i nih chhan hi min hrilh hrep rawh?"
A ngawi reng a, hnuailam a melh ruih bawk a.
"George ka zawhna che chu chhang rawh."
"Eleanor i pi hi doctorin a en a, a zai chi tawh loh thu leh tih ngaihna vak a awm tawh loh thu min hrilh a, a damṭha deuh bawk a, inlama in enkawl turin leh a nat zual chuan damdawi in a rawn hruai leh turin min ti a...."
"A nih a hnu engvanga damdawiin a hruai lo a doctor entir lo nge i nih, tunah hian a tan a sin hna ka thawh a, ka duh emaw duhlo emaw khawi hmunah pawh ka kal a ngaih chhan, chuti nilo se engtin nge ka pi enkawlna ka neih ang a?" Ka mittui chu a tla nghal zawih zawih a, ka manganna chu a tawp khawk zo tawh.
"Ka pi hi ka engkim a ni a, a tan vek hna pawh ka thawk a sin."
A ni chu a ngawi reng a, ka pi enkawlna tur a hun takah pawisa ka neo theilo tih pawh ka hria, ka pi chungah chian doctor pawh veidawng ni mahse hetia inlama nantna hreawm.tak tuar tur hian ka phal lo.
He George mimawl a nenna inhnialna neih ai chuan ka pi ka enkawl a ṭul zawk, tih rilru chu ka pu a, mahse hei erawh ahnu lamah ka tilo ang tih chu ka sawi thei chuang lo.Ka pi room lamah chuan ka lut a, a mutna khum bula couch ah chuan ka mu ve ta a.
Engtia rei chiah nge ṭhuthlengah chuan ka mutthilh tawh tih ka hre lo, ka pi aw chau zetin a zawi taka min kohna ri ka hriat chuan ka harh nghal vat a, ka mit ka nuai deuh nak nak hnu chuan ka mutna lam chu ka pan phei nghal vat bawk a, "Hello grandma...."
Ka pi chalah chuan fawh sak zauhin a bula chair awmah chuan ka ṭhu thla ve nghal a, a kut cher ṭhiak tawh chu ka kut pahnih a hum.sakin,
a natna nasa zet maiin a alo ei cher hman tawh zia leh a ruhkawl tawh zia chu chiang takin khaw eng tawh hnuaiah chuan ka hmu thei a, a taksa chu a chauh hmel.ngawih ngawih a, a kut pawh azawi vek a, a rawn meng chhuak peih ṭawk ṭawk chauh hi a ni mai, chutiang khawp a chau leh natna tuar a ka pi hmel hmuh chu ka inring ngai lo a, a mah enkawlna tur a pawusa tam tham zet mai ngai chuan chhungrilah min ti na cawng vawng a, churi zat zat pawisa ka nei theilo leh ka rethei lutuk hi na ka ti hle bawk, ka mittui chu mahmi inkhawngaihna a vang leh vanduai in tihna a vangin a luang thla ngiai ngiai a, ka pi natna chu tunah zet chuan a tawp khawk tawh tih ka hre chiang hle bawk.
Hmel ngui zeta ka pi chu melh in ka kuah vawng vawng a, a ni hi khawvela ka thil neih chhun leh ka ro hlu neih chhun a ni a, ka chan theilo ang.
"Granny i khawsik damdawi i la ei lo tihna em ni?" A taksa a pang ti sa lutuk chuan min ti phu zawk.
Ka rileu hahna leh ka natna chu thup tun.tak hian ka nui lui hram hram a, "Eng nge i lo an?"
A rawn nui chhuak ve sak a, "In businesstrip neih chu a kal tluang maw?" chau tak hlim.hmel put luih tum.zet hian a rawn ti ve a.
"Ka hre chiah lo, mahse ka hmu che hi ka hlim tawk em em a ni, i hriat kha, ka engkim i ni tih pawh."
"Elo darling, min. kalsan tawh lo ang ....ti raw?"a aw chau zet chuan chhungrilah min ti kehsawm chiang kher mai.
"Aw, ṭawng tawh rih suh, ka kal tawh dawn hleinem, tunah chuan i bulah ka awm tawh a, i chungah eng thil mah a thlen hi ka phal leh tawh lo ang." Ka nui lui chiang hle a, ka pi mit a ṭang chuan mittui hi a luang tha ngiai ngiai a, a mah tak.pawh chuan a natna chung changah hian engah tih theih ka neoh tawhloh zia a hre chiang ve hle ni in ka hriatna chuan min ti na hle bawk, ka pi mittui chu ka hruk hul sak a, "Granny hreawm ti remg remg suh, kan dam ang a, i tan theih tawk chhuah ka tum a nia." ka kuah a, leh lam hawiin ka mittui ka hru zauh zauh a, a hmuh erawh ka hlau kher mai, intih pachan hun a ni tih ka erawh ka hria, mahse ka pi hmel a beidawnna awm hian min ti chau zo .
Chutih lai tak chuan kawngka pui nazet a inhawng thawm.chuan min ti phu zawk a, tu nge ni ta, ka thinrim hle bawk, vawiin ni ah tumah lokal tur an awm ka hre hauh lo, chu chuan mak min tih tir hle bawk.
"Tu nge ni chiah, chuti khawp a kawngkhar hawng nat ngai chu, ka va en chhin ang e." tiin ka pi chau tak biangah chan ka zu fawh sak leh zauha , chutia kal tuma ka taksa ka her rem.lai tak chuan George a rawn lut a, "Gorege tu nge rawn kal a, kawngkhar khati teh vaka in hawn?" ka lo ti nghal a.
"Keima hawn a nih kha." a tih rual.chuan a hnungah mipa ṭhah suit dum hlir a inthuam pathum lai hi an rawn lang ve nghal a.
Hlauthawng zetin ka che chhuak thuai a, ka pi chu ka dinhliah nghal bawk a, "Goerge engvanga anni hi luh tir nge i nih?"
"Tu nge in nih, engvanga kan ina rawn kal nge in nih sawi nghal rawh u?" Rum zet hian chumi pathum.te hu ka melh a.
An zinga mi vun hang zet mai leh sa ṭha tak insual pawh hneh hmel em em mai chu a rawn ṭawng chhuak a, I pi hi he hmuna hospital ṭha ber pawl a hruai tura Mr.Cooper tirh kan ni e." A ti ta a.
No comments:
Post a Comment