INTOXICATE. S II CHAPTER 7

INTOXICATE. S II CHAPTER 7

A chhiar a piangin fakan milem kha min hmeh sak a second sawm chhung lek min enkual sak ve turin ka ngen che u a ni e.

You came in to in my life only to teach me, how to live a lone.

ONE WEEK LATER....

BELLE...

Ka pa hnena ṭang a ka ohone a message lo thleng chu ka chhiar nghal a.

"Hmm, Italy chu tluang takin an thleng e, vawiin ni chu office a ṭang a bânhma a ngai tlat mai, zanin party na a ka kal ve dawn te a nih chuan." kan office a Barrett fapa Jonathan chuan min beisei ve ṭhin lutuk, mahse mipa lam ka ngaihsak ngai hauh loh a vangin, engmah a sawi lang ngailo thung!

A chet zia leh awmdanah erawh min duh ru hle a ni tih chu ka hai chuang lo.

A pa angin a sam a dum hlap a, mitmu pâwl ruih mai a nei bawk a, mahse Harley chu ka thinlung a hmun chang hmasa ber tu a nih a vangin ka theih nghilh thei lo a ni.

Office a ṭang chuan Ka patea fapa Jordan ka bia a.

Vawiin ni a tihtur pawimawh lutuk inlamah ka neih thu chhuanlamin, ka haw hma angaih thu chu ka hrilh ta a.

A ni pawh chuan, tûnlai kan buai vak lo nen, hahdam ve em em tur chuan thu min lo rawn ve bawk a, Jordan leh Jonathan bak hi ka kâwm em em ngai lo .

Tlâilam darli a rîk chuan , ka car manto zet chhûngah chuan ka ṭhulut der tawh! car hi ka duh tui em em a, a chhan ka hre lo, ka pawisa sen ralna ber chu car chhuak thar a piang mai ka awh zawng lei hmiah hmiah ka ching hi a ni.

Ka car la thar ṭha zet chhungah chuan.ka ṭhu lut thuai a, hmanhmawh zetin inlam chu ka pan ta a, nula invawng fel thlipthlep tak leh zahawm zet chu party na hmun hau hau ah chuan kan kal leh dawn pauh a ni si a, chu thil ka nfaihruah a vang chuan ka nuih te pawh a za rum rum mai.


In ka thlen hnu chuan ka room lam ka pan vat a, kawr senlar tak hlar mai  ka inbel a, pheikhawk ke artui sângzet mai chu ka bun bawk a, ka sam chu dulhnak in bakilh in ka kilh khawm tawp a, make up pawh ka hmang nasa ve ngang mai, zanin chu zahawm taksi leh cool raih , sexy taksi a lan ka duh a ni.


Ka inpeih hnu chuan, ka car ah ka ṭhulût a, Jake te inlam pan chuan ka inkhalh chhuak ta nghâl a, a hmun ka va thleng, ka car a ṭanga ka chhuak , Ally pawhin min lo nghâk reng tawh tih a hawi kual deuh vat var danah chuan ka hre nghal mai, min rawn hmuh veleh ka lam panin a rawn phei nghal a, "I thawhnaw hak chu i inhmeh hle mai Belle." Ka nuih sak a, "Nang pawh i nalh lutuk."


"Ok, ok, ka lawm e, zanin chu he party break tu ah i han ṭang law law teh ang." A nui pah var var bawk a,  kan pahnih chuan inchhung lamah kan inzui lût ve ta a.


Intur dawm chung a ti ti dun mawlh mawlh in, kilkhat ah hian kan pahnihin kan ding dûn a, Ally kan ṭawng laklawh lai tak hian mi rawn mit mei zauhin," Tunah tak hian hnunglam hawi hauh suh! Harley a lo kal mék a nia, heta a hmu ve che hi a thinrim hle ni in ka hria." zawi zet hian a rawn ti ta sa sa a.


Lalpa ka lungphu chu a in thumrawn nghal tluk tluk a, min lo hmu reng tawh tihna maw ni a?

A aw pa leh sexy zet mai chuan, hrilhhriat kher ngailo in kan bul a rawn thleng der tawh tih chu min hriattir a.

"En teh tu nge kum nga chhûng bo vang vang a heta rawn lang leh ta hi." A aw nalh leh pa hrak mai, sexy bawk si chu ka la theinghilh lo chiang khawp mai.

A aw chang ṭha zet a  ṭawngchhuah leh hrâwk pah chuan,
"Helai laiah te eng nge i rawn tih leh hrep le ?" A ti nghal khur khur a.

Ally chu a lo inrawlh vat a, mi melh ralh chung hian,"Ka lo kalsawn san rih ang che u !" a mit menga i sawi duh leh i hrilh duh ang chi chu sawi chhuak vek ang che, tih melh hian min melh pah bawk a, chumi hnu ah rang zet chuan a insa seng nghâl thuai a.

"Ally haw dawnah kan in hmu dawn nia "tiin ka au zui.

Harley thusawi chu hrelo awm ang zet in ka awm.hmiah hmiah thung!


"Belle zawhna ka zâwt che a ni lâwm ni?" Rum zet hian a rawn ti ṭha leh a.


"Well hei intur ka lo dawm a, chuan ka in mék bawk!" tih khum ve nghatin, "Chu mi awmzia chu ka rindan chuan, intur dawm turin ka rawn kal tihna pawh a ni maithei!"

"Ka lakah cute tak anga lan tum buai duhlo tingtang mai teh Belle!" tih leh nghut pahin min melh rum ngang mai.

Huat hmel zet a melh ve ram ram chung chuan, "Ti tura min hrilh ṭhinna hi tawp vat mai teh!" ka tih khum ve nghat takna a chu he pa chungah hian ka thin erawh a rim theih tak tak pawh ka ring lo.

"Tûnah chuan nula puitling dik tak ka ni ve tawh a, ka duh duh ka ti thiang tawh, mahni in enkawl thei dinhmunah ka ding tawh bawk." ka tih zawm nghal zat.


Thinrim zet in min melh chhuk khur a, ka thin a phut ran phah sauh,a thinrim.hmel chu a ṭha in a lang pa viau a, mahse ka hlau ru tlat .

"Puitling ve tawh teh Belle! midangin i chungah advantage an lâk hma ngei hian, he hmun hi chhuahsan rawh,nge nimin a ṭang mai khân i naupang thar leh ta thut zâwk? A hma te kha chuan i chanchin ka lo hriat danin, i puitling ve tawh viau in ka hre si a."


"Harley i bul hnaih a ka awm a vang mai hian, ka naupang ta thut tihna pawh a ni lo , ka awmdan turah hian ka chiang tâwk hle a, ka baby sitter anga awm hi i ning tawh zawk lo em ni!"

"Chuan hei hi hre bawk la, tunge ka kawp a tunge ka kawp loh tur ah pawh thuneihna pakhat te mah ka chungah hian, i neilo hul hual."

Ka thusawi a vang chuan, a hmel  a dur nghal khuih khuih tih pawh ka hria,
"He lai a i rawn lan leh na chhan hi eng vang maw ni a?"

Ka ngawi reng thung! engtin mah ka chhang lem lo.

"Belle zawhna ka zawh che chu?"

 "Aw le," Chiang fahran in ka melh chho ve ram a, "Harley i awmdan a ṭang chuan, min duhlo takzet a, he lai hmuna awm tur pawh hian min duhlo tih pawh a chiang ta e." ka tih khum ve hmak a, ka thusawi lai ngei ngei pawh chuan a inhum ruh hle tih ka hai lo."Mahse chumi a vang chuan kei pawhin, mipa dang ka lo kawp theih loh na chhan tur ka hre bîk lo, ka mi kawp tur te pawh he lai a mi ho mipa ngei hi nibawk sela,chutiang thil tihpui tur chuan kei pawh ka inpeih ve takzet tawh." Awm ze nei zet chuan ka ṭawngkhum ve ta phiar phiar a.


Mahse ka thusawi chhuah chu ka inzahpui hnuhnawh leh si, engvanga chung thu chu sawi chhuak ve ta chiam chiam ringawt nge maw ka nih tih pawh ka inhrethiam bik tawh lo.


Muang fan ruih hian a ṭawngchhuak leh a, a aw chu zawi viau mahse a vawt hle , a chang ṭha khel khawl viau bawk, "Helai a mi ho hi, i kawp pui tur chi pakhat mah an awm lo. Nang chuan mi hausa leh zahawm tak bulah chu thil chu ti zawk ta la a ṭhat ka ring,  pasal ṭha tak nei tur hian ka duhpui bawk che."

A mitmeng leh a hmel landan, a khaberuh kual han pâwng deuh ṭalh ṭalh ah chuan a thin a rim hle a ni tih ka hrethei a, tûnah chuan kal chhuah daih mai chu ka tan a ṭha ber rih a ni tih ngaihtuahna ka nei.

Meng dur khai khai pahin, "Harley Dean helai ka rawn kal a ṭang khan ka thil duh chu i hrethiam mai lo em ni?" tiin rang tak chuan ka tlân chhuak ta daih a.


..................................................................


HARLEY ...


He nu hrep takzet chu eng nge maw a hriat a, tûna taka a rawn inlar leh tâk, mahni hian min awmtir mai mai thei lo em ni le, kha leh chen kha a mah theihnghilhnan hun min hmanral tir a, a ziaawm ve dawn chauh a tûnah a rawn lang leh ta si.



Tun lawka a thu sawi chhuah pawh kha a sawi tum a nilo tih lah ka hre vek, ka ngaihven tur leh ka vrn ngaiin a rawn awm leh ta.



Sawi chu a sawidik reng tunah chuan nula puitling nalh zet leh hmelṭha zet a ni tawh tih pawh ka hria, mahse henu hi ka tâ nitur chuan ka ruat ngam lo.

Kan dinhmun a in thlau lutuk, mahse a rawn kîr leh ta si, a hma kum nga kal ta bawk ah khan kan kîr leh dawn anih hmel khawp mai, thawk lak hawk pahin ka dinna aṭang chuan ka pen sawn ve a, pawnlama a kal chhuak chu ka ûm zui ta nghâl a.


Hetia ka zui nachhan pawh a hma anga chunga thil thleng teuh tak ang kha thleng turin ka duh lo, he nu hi eng vanga venghim duh tlat nge ka nih ka ka hre thiam hek lo, chu thil a laka chutiang rilru ka putna chu tun thleng hisn a la reh lo ni in ka hria, hrep tak chuan, anchhia ka in lawh pah sup a, Belle hi he hmuna  awm ve tur a tan hian ka duh hek lo, eng nge a chhan? Chu thil chu kei ngei pawhin a ka chhan theihloh a ni tlat.
.................................................................


BELLE......



In bengdaih ka ngai tak zet zet ti a rilru a sawi reng chung chuan pawnlamah dingin, boruak vawt var mai chu ka hîp lût raih raih a.



Ka hnunglam a ṭang bawk chuan Harley âw chuan, "Ni china i thusawi kha eng nge a awmzia ni hrep tih hi ka hre duh?" A rawn ti thum leh chhak ta tawh.

"Engmah keimah ah awmzia a awm lo a ṭha em?"ka lo tih khum ve tuar a, au rin deuh pawh a pawilo turah ngai ang, midang ho lak aṭangin kan awm hla deuh tawh bawk a.


"Marshall he lai hmunah hian game hlauhawm zet i rawn khel tih i hria em?"


Kan bulah chuan Brieronna chuan kan bil a rawn thleng phei ve nghal a, chu nu chu ka hmuhloh na pawh a rei ta khawp mai, a hmel pawh a ṭha takzet mahse a ngei awm tel tlat bawk tih chu ka pha hauh lo.

Chutah Harley nen an la inkawp zui emaw ni!



"Engthil nge thleng darling?" a rawn ti no nghalh a.
Harley chuan lo melh chhuk ve rukhin, "Babe engmah a ni lo. Ngaihtuah duh vak suh ! " Ka lak a ṭang a ami melhna mitmeng pawh la sawn ta chuang lo hian a ti a.



"Oh darling i party pawh i chân vek dawn a sin!" a ti no leh hnâp a.


Ngeiawm zet a ṭawng chhuah ve pahin, "Awwww ni e Babe, i party neih pawh i chân vek palh ange, chuvang chuan he thil hi buai pui buai pui lo mai rawh." Ka tih khum zui ve sak.


Thinrim zet a Brieonna chuan min lo melhin, "Belle hetah hian eng nge i rawn tih ve hrim hrim a? Tu mahin helai hmuna awm tur hian an duh lo che. kal bo nghâl vat rawh!" min nelh thîp ngei mai.


"Ahh mahse Jake in min sawmtlat mai!" ka lo ti ve leh kher a, an thusawi a vanga hlau a khur chhe mai mai chi lah ka ni tawh hek lo.

"Nang ang hmangaihna damlo, uite ang mai a Harley zui leh det det bâk kha eng nge rawn tih leh i tum chuan, Harley hian a duhlo che tih hi hrethiam ve ta che ......"

"Brieonna a tâwk!"


"Nilo, he nu ṭawp zet mai hian, hrilhfiah a mamawh a ni."

Harley in a Brieonna a melh dan pawh chu a rapthlak kher mai.

Kei ngei pawh ka thin a rim bawk, a hma a ka insumtheihna zawng zawng te pawh a kehdarh chiang ngei mai,"Nang uihurnu hian nu ṭawp min ti a maw?" Eng ang chiah chuan nge min ngaih le, hmana Belle turah khan min la ngai a niang maw? Hreptak zet chuan."


"A ngam pawh i va han ngam zâwk vele! Nangbâk a uihur hi an awm leh tawh lo ang." tih pahin a biangah chuan nazet hian ka bén sal ta ṭhuai a, ka kut. ngei pawh chu a thîp sa hat hat !

Harley pawh chuan mak tizet a min rawn en a," A tâwk!" a ti chhuak ṭhawt a.



"Eng mî ah nge i rawn chhuah tak hi ka hrethiam hauh lo Belle!" a in seh ruh hle a.


Thinrim zet a Harley chhanlet ve pahin, "I duhdan tak ang takin mawle."

"Brieonna inchhûngah lo va lût rawh!"

"Oh darling he nu hian min ben kha..."  a in hnit pah hlap hlap a, ka ten kher mai, chutiang chian ṭap hlap hlap pawh ni se, Harley chuan a ti mai mai lo tih a mit mengah chuan a hmuhsak chek a ni ang chu, ka lam hawi chung hisn thip zetin min rawn melh a.

"I la châklo viau ang Belle Marshall !" tih a sawi hnu chuan a mittui chu a hru hul ve mai a.

"Bree khatiang invau na kha, tûnah hman a ṭul lo!" Harley bawk chuan lo ti leh sup a.


Brieonna pawh chu thinrim zet chuan inchhung lamah a lût tau ve ta nghawng nghawng a.
Harley chuan ka lam chu rawn hawi veleh in "Nang pawh inah haw tawh rawh!" A mah chu ka melh chho a, min melhrum ve hle bawk, ka khur ru dar dar nghal hian ka hria.


Ka in control vat, a mah ka hlauhna tih vel hi tunah lantir na hun pawh a ni lo, huat hmél zet hian ka melh chho hnu hnawh leh a, "Ka haw hauh lo ang."

"A awlsam zâwngin nge kan tih leh anga, a harsa zâwng chi bawkin Belle ? Chu thil chuan i haw dawnlo tih a kâwk chuang miah lo a nia." A,aw chu a zawi hle a, mahse a fiah ṭga viau bawk, hlauhawm.viau mahse sexy rukna tak a nei tlat.


"Engti kawng zâwng pawhin i haw tho tho ang." a rawn ti leh nghut a, rum zet chuan min  melh chhuk rûn bawk a.


A mi ṭawngkhum dan chuan ka rilru a ti na deuh tlay , "Kum nga hma khân ṭha takin Brieonna kha i duh zâwk a ni tih leh, a bulah i kîr leh duh a ni tih hi lo sawi mai la, kha tiang a rilru na tak a ka awm ngailo khân." ka ṭap mai ang tih hlau zetin ka heh ka pet fan bawk a.

"Kha nu kha ka tan engmah a nilo ." Thawk a ka pah hawk.

"A nih leh i nupui a ni em?"

"Nilo ,nupui ka la nei lo."

"A nih i girlfriend chu a ni tiraw?"


"Chu pawh a ni chuang lo, i hriat duh tak zet chuan, ka hmeichhe kawp ṭhin ka mamawh min pe ṭhin tu a nih kha, ti chuan a chiang tawh em?"

Rilru na zet chung chuan, "Aw a chiang tawh e." ka ti ve sep a.

"A nih chuan lokal rawh ka thlah hawng tawh ang che."

"Tûn ang zan reitawh ah chuan, i chhûngte pawhin an lo ngaihtuah tawh viau che in ka ring."

"Harley hmeichhe puitling ka nih tawh hi, naupangchhia pawh ka ni tawh bik lo, mahni ka in enkawl ve thei tawh, tunah hian ka nu te chu Italy ah an awm bawk!"

"A nih lokal rawh ka thlah ang che. chuan darkar reivak lo chu ka awmpui dawn che nia," a ti ta sup a,  tunhma ang bawk a thianghlim.zeta kan inlama inzui hawng leh turin em ni a tih leh tak hi?

"Party na hmunah hian i kîr duh tawhlo emni?" Inthlahrung zet chuan ka lo zâwt a.

"Nah"

Mahse nangma party ngei a ni si a..." Ka ti niah niah.

"Belle kal phawt mai ang." Thawk la hawkin.a chal a dawm deuh zauh bawk a.

"Ok,  anih chuan lokal rawh!" ka car awmna lam chu pan ka rual nghâl a.

Ka car awmna kan va thlen chuan, ka car chahbi chu min dil a, a man ka car chu a khalh haw a.


In kan thlen chuan kawngka chu ka hawng a ka lût nghal a, inchhungah chuan rawn pén luh ve nghâl pahin," Tun ṭum chu i lo nula ve tawh bawk a niang security pawh an awm tawh lo a lawm." A nui chhuak suk a.

Chhân dan mai pawh ka hrelo, min fiam chiang, mahse a mi fiam dan berkher chu "Nia !" Ka lo ti ve ringawt a.

"Hetia nangmah a awm hi i thei takzet ang maw?."a rawn ti leh sup a.
"Harley?"

"Yeah?"

"Eng hna chiah nge i thawh hi, chusn kha kum nga kal ta chhung khan eng nge i tih ve chiah?"

Ka mitah chuan min melh chhuk vang vang a,  "Oh thil hi a nih dan tur angin kal tir ve mai mai la Belle!"

"Engvang chuan nge min hrilh duh miah loh Harley?"

"Hetia i hriat loh hian i tan a ṭha zawk mah ang."

"Ka tân zâwk nge i tân zâwk?"

"A pahnih hnih in."

 A,mah chu ka pan hnai a, "Harley min ringlo viau tiraw? kha kum nga kalta chhûng zawng te khân, ka theihnghilh che hi ring réng réng suh ang che."

"Ka theihnghilh ngâi hek lo che, nang lo mipa dang ka kawp leh tawh lo, fawh pawh ka fawp leh tawh ngai hek lo. Ka lo sawi ṭhin tawh ang khan ka first love i ni a, i ni reng fo bawk ang."

"Mahse nang chuan min ring zo ve chuang si lo." ti a sawiin  ka room lamah luhsan mai hi ka tum a.

A che chhuak thut, a kut tha chak zet chuan ka ban rekah a rawn vuan a, a mi khawihna te chu hmân a mi ang tho kha a la ni.

"Tûna i ngaihtuah ang kha a nilo Belle, ka rilru ka hrilh theih loh che a vâng hian, ka ringlo che tih na a ni lo." a ti dam ta thlup a.

"A nih leh eng nge?"

"A hlauhawm lutuk, i hriatloh hi a him zawk."

"A nih dân phalloh thil i ti tihna em ni?"

Mengbuai ruih chung leh ban chalh hian ," Yea..h !!'a ti fân ve ruih a.

Ka hlâuthawn ang ngei ngei,
Engthil chiah chu nge ni ang, eng dân phalloh thil nge a khawih, ka  ngaihtuah lo thei lo, silai tawlh ruk kha em ni ang?

"Ka hrethiam e, kal turin min duh tawh a ni tih hi!" a inher ta vut a.

"Nilo!" tiin a jacket hnungah chuan ka va man hman a, ka pawt deuh hlek bawk a,"kal turin ka duh hauhlo che." a rawn in her leh chu,"Chuan?"  ka tih khum leh sep a.

A mi chhan letna beisei zet a melh kal chung chuan, "Kal turin ka duh ngailo ang che.' Ka ti nawn leh sep a.

Min rawn panhnai hrut a, a kut a a lama mi pawh hnaih deuh salh pah hian, " Engtiang chiahin nge tûnah hian ka tih duh chiah che tih hi, i hrethiam hauh lo ang." a ti ta sup a.

"A nih chuan min neila! "Ka lo ti ve sep a, ka sen deuh ṭan ṭan bawk a.

"Ka theilo Belle !" Beidawng aw zet hian a ti chhuak hrawih, thawk a la ri hruih bawk.

"Khawngaihin Harley, ka inpeih tawh!"

"Naupang chhia mai ka ni tawh bîk lo!"
A hmelah chuan inthunun a tum hle tih pawh ka hrethei, engvangin nge ka taksa chu a khawih hreh viau chhan?

"Ka hre bîk lo Belle tihnat che hi ka....."

"shhs." tiin a hmuiah chuan ka kut zung chal ka dah sak zauh a.

"A hmui lum thar tharah chuan ka hmui chu han sîk tir da da pahin, a fawh rem tur zet hian ka dawh ha bawk a.

Ka hmui bulah chuan phun chhuah sup pahin, "Belle helai hmun ah hian min thah i tum tihna mi?" A aw chu a chhang ṭuak a, a che chhuak thut bawk, a kut pahnihin nghet zet hian ka biang tawn tawn chu min khuap sak a, zei leh uar zet hian min fawp ta bawrh bawrh a, keipawh chuan a mah ka lo suangtuahna ṭhin zawng zawng te chu puak keh ve in, uar fe hian ka chhâng let ve bawk a.


Ka kawr hâk lai chu chhuatah a tla hnak a, ka hnute lam chu fawh deuh thuak thuak pahin, living room lamah chuan min pawm phei ta nawl nawl a.



Dim zet a sofa chung a min muttir hnu chuan, ka bra hâk a ṭang chuan, ka hnuté chu phawrh chhuakin , tisa châkna a vanga a hmur kawh deuh lah tawh chu, a lei lum ṭha zet chuan a  hawl pah nak nak a, na lo té té hian a  seh pah ner ner bawk a, ka tuar theilo a nuan tak zet, ka thaw chhuak ve halh lo thei lo.

A thil tih lai nuam tih a vangin ka rum chhuak hak bawk.

Chutihlai tak chuan door bell a rawn ri ta tlang mai.
Harley chu.a dâk chhuak vat a, mahse kei erawh chuan kan thil tih lai chu tawp se ka duh lo, a tawp thlen ohawt ka duh,
"Babe kawngkhar bulah mi an awm a nia." a rawn ti sup a.

"Ka ngaihven lo, khawngaihin tâwp suh !" Ka lo ti thâm ṭiak a.

"A pawimawh mai thei a sin!"

La maimitchhin diar diar pah chuan, " Nilo Harley, tuna kan thil tih hi a pawimawh fe zawk."

"Nilo, Belle kawngkhâr chu i va hawn ngei a ngai ang."

Ka meng chhuak ve chiah a, kan thiltih lai chu ui zet in a tu phiangsen tak chu ni ang maw? ti rilru nang nang chung chuan, ka thawmhnaw chhuata tla ho chu ka chhar khawm a ka in ha mawlh mawlh bawk a.

Pawnlam a ṭang chuan, "Hawng rawh u, police kan ni e." an rawn ti ta a.
Ka harh kâwk hian ka hria.

Harley chu hlâuthâwng zet chuan ka melh a, a hnathawh kha a hlauhawmin dân phal loh thil kha a ti khan ka hre bawk si a, ka hum a ngai ngei ang.

Ka ngaihtuahna chu a buai nuai hian ka hria.

Door peek hole a ṭanga ka va bih a, pawnlamah chuan police pahnih hi an lo ding reng tih ka hmu nghak bawk.
Harley bul lamah ka tlan let vat a, "Police an lo kal." ka hlauthawng lutuk chu ka thaw nghak hlap hlap.

"Harley pawh chu ka bul rawn thlen phei ve nghal pah chuan,"Kal la va en rawh eng nge an duh!" Chuti ang hunah pawh a buai chhe map lo mai leh a incontrol theih na chu ka ngaisang viau.

Hlauthâwng zet a a mah en pah chuan, "Nangmah an rawn zawng che chu a ni ém lovang maw? ka tih awmzia chu, i hna thawh i sawi kha dân phal loh thil a nisi a." ka  ti hlap hlap a.

Diktak chuan ka hlauhthâwn pui takzet zet a ni.

Min lo nuih suk a, ka biangah a min piai sak zauh baek, ,"Babe keimah min rawn zawng tu an ni hauh lo ang tih ka chiang a ni."

"Kalin va en rawh tah hian ka lo nghâk ang che."  tih leh sup pah chuan, ka chalah min lo fawh sak leh zauh a, ka thlâ chu a muang hliah hliah nghal mai.

A mah nuih lét ve var var pah chuan, kawngka chu hawng turin ka kal.ta a, kawngkhar ka hawng pawnah chuan officer pahnih lo ding reng te chu ka hmachhawn ve ta a.

"Officer eng nge buaina a awm ta em ni?" Ka va ti sap.a.

Police officer pakhat zawk chuan," Miss Marshall a pawi kan ti takzet a ni. hetiang thu lungchhiat thlâk rawn thlen tu che nih pawh hi hrehawm kan ti khawp mai, mahse i hriat ngei ngei angai a, nang pawhin chhel tak in tuardân lo thiam hram hram tum ang che."

Eng thu nge sawi an tum chiah tih pawh rindan neih har ka ti kher mai, ka tawng chhuak hek lo, mahse ka elah erawh mak ja tih zia tu pawhin an hai in ka ring lo.
"Mr. Marshall leh Mrs. Marshall
Chu tûn darkar hnih kal ta mai khân, an chuan na car chu motor pakhatin rawn su in....... .................................



Police officer chuan,
"Mr. Marshall leh Mrs. Marshall
Chu tûn darkar hnih kal ta mai khân, an chuan na car chu motor pakhatin rawn su in a hmunah kâ pawh chhawn lo in an boral nghal." a ni a rawn ti chuai ruih a.

"Nilo a ni thei lo! he thil hi a thleng ngâi lo ang." ka ṭe chhuak tuarh a, lung chhe zetin ka ṭap hlap hlap bawk a, ka ngaihtuahna chu thawk leh khatah a ruak duak a, eng dang mah ka ngaihven thei lo.

"Khawngaihin officer ka nu leh pa te chu an thi lo a ni tih hi min han hrilh hram teh u!" mittui kar a ṭanga melhin ka ṭhin ṭhi hniam nghal rawp a, ka nu leh pa te chu an boral theilo, a dik lo, thul hriat sual.palh a ni chiang lutuk.

"Miss Marshall a pawi kan ti tak zet, hetiang chanchin kan rawn thlen che a avang hian." pakhat zawk chuan a lo ti ve leh sup a.

Harley pawh chu a rawn tlân chhuak ve vat a, ka ṭhingṭhitna laka ta, min kai tho a,  dar a min beitir pah chuan, thilthlen dan te chu a zawt fiah a.

lungchhe zet chuan ka lo inhnit hlap.hlap a, engmah reng ka sawichhuak ve thei lo. Ka khawvel chu a tawp zo vek niber hian ka hria.

Police pahnih te chuan "mamawhna dang min nei a nih chuan min rawn beleh dawn nia,chuan i nuleh i pa ruang pawh naktuk zîng lamah a lo thleng ang," ti a an sawi hnu chuan min kal san ve ta a.

Harley chuan, inchhungah chuan min kuah lûtin ka ṭaplai hmel chu lainat zet hian min thlir reng a, ṭap lo turin min ti lo a, ngawi hmak turin min hrilh hek lo, a ngawi reng a, engmah ti turin min hrilh lo.


Tûnah chuan tumah ka nei ta lo, ka nu leh ka pa te chuan a rualin vawikhat ah min kalsan ta si.
Reitâwk fang ka ṭah hnu chuan, aunt Alma leh uncle Tim leh an fapa Jordan leh ka pi leh ka pu te pawh chu an rawn thleng ve chawpchilh  a.

Ka pate Tim chuan Harley haw tur chu lâwmthu hrilh sup pah chuan, min lo awmpui a vanga a lâwmzia thu te chu a sawi a,Harley pawh chu a chhuak ve ta nghαl a.

Chu zân lungchhiat thlâk zet chu ṭah nan ka hmang tluan ṭhak a ni.

Chu zan zankhua mai chuan kan ngawi ṭhap a, tumah pawh kan inbe lo a, kan ngui tlâng vek a han inhnem bik tur chuang hi kan awm lo reng reng.

Zîng a lo nih chuan ka nu leh pa vûi turin biakin lam chu kan pan ta vek a.

Ka nu leh pa ka hmangaih em em te pahnih tan chuan a tâwp ber na a tân dingchhuakin, thu ka sawi ta a.

"Fakna thu chhâk chhuak tur pawhin ka inring hman lo ."

"A chhan chu ka nu leh pa chungchang thu belhkhawm sawi tur pawh hian hun ka neilo hrim hrim! Ka thiltawn hi a rang teh thut ém a ni." ka mittui chu dan rual lohin ka biangah a luang zung zung a.

"Mahse ka ngâi viau dawn a ni tih erawh chu ka.... hre thei. An pahnih a an in hmangaihna kha a thûkin a ril em em a...."

"Ka bula hlim tak a an in fawp lai te kha, ka ṭahna titam tu an la ni zel dawn chu a nih hi."

"Ka nu leh ka pa te kha, in hnial kalh reng mai an ni a chu, an in ngâi em em a, a tu ve ve mah kha mahni in an tla hrang thei ngai lo."

mipui lam pawh ka hawi chhuak ngam lo, ka nu leh pa te ruang chunga thusawi nimah ila, mipui zingah chuan an pahnih a dingin an fanu mi chhuan hmel zet a hlim hmel pu tak chunga min thlir ve reng ni hian ka hre tlat bawk, tap lo turin ka heh ka pet nasa hle a, ṭah chhuah hawm hawm ka chak hle bawk.

"Tûnah. tak hian ka thil ngen min tih hlawhtlin sak thei tu awm sela , hun kal.tawh ka koh kir tir ngei ang, ka nu leh pa te hlim tak leh inhmangaih zet a an in fawh lai hmel kha hmuh leh tluk a châk ka nei awm lo ve."



"Vawikhat tal chauh! Vawikhat chauh te pawh kha thil kha hmuh .. nawn leh ... ka duh ang."



Ka ṭah a chhuah ém a vang chuan ka heh ka pet fan fan a.Ka bianga ka mittui rawn luangthla ngiai ngiai chu hru in, aw lâwi zet hian ka thil sawi lai chu ka chhunzawm leh a.



"Ka khawvel zawng zawng hi tunah chuan ka hloh vek tawh niber in ka ngâi, khatiang thil engmah kha a lo thleng nawn leh tawh dawn silo.


"Ka bengah hian an hlim nuiri te kha a châm reng tawh ṭhin ang."

"Mom Dad ka ngai dawn tak zet che u, in fanu hian tuna ṭang chuan keimahin hringnun chu ka hmang chho ṭan ve dawn chu a ni si a."

"Engtin nge intel lo chuan ka tih theih ang?" mittui tla zawih zawih chung chuan ka ṭhutna lam ka pan leh ta a.


Ka pi chuan mittui dîr zung zung chung chuan min lo kuah a, midang dang chuan an mahni thlahna thu hrang hrang an sawi zawh hnu chuan, ka nu leh pa vûina tur hmun thlânmual lam chu ngui nghiai chungin kan pan ta hlawm a.


Tu te pawh chu ṭap lo reng kan awm lo, a bîk takin kei chuan ka ngâi dawn hle a ni.


Priest chuan thlahna hun tawi fel nalha a hman hnu chuan, an kuang chung ah chuan rose par chu kan thehthla diat diat a, " Mom Dad mangṭha u!" tihsap pah chuan, chu thlânmual reh tak mai chu lungchhe zeta kalsanin, chak tâwk chuan inlamah ka inkhalh hawng a, ka room ah lûtin ka in sût leh ta hlap hlap a.

Ka tân chuan a nâtak zet a ni. He khawvel a min hmangaih tu te chu vawikhat ah ka chân ta der chu a ni si a.


Ka room a tv chu ka on a, chanchinthar an rawn puan chu ka ngaithla a.

"News 7 ah hian ka lo lâwm leh vek a che u."

"Nimin chawhnu lampang a Italy ram tuscani khua a accident thleng kha a tâwp a tâwp ah chuan,chanchin kimchang kan neithei ta hram e.


" He Los angeles khua a Company lian leh changtlung zet mai neitu Mr Marshall keh a nupui Mrs Marshall an nih thu kan thu lakhawm tu te chuan an puang ta a ni.


Mr. Marshall leh Mrs.Marshall te hi an in neih cham kum 22 na hmangtur in Italy ah hian an kal.a, car a an lenchhuah na lamah an lam pan zawng a motor lian pakhat break fail rawn tlân nen chuan insu in, vanduai thlâk zetin, ka pawh chhawn lo in a hmunah hian an boral zui ta nghal a ni.



"Kan thu dawn in a sawi dan chuan, an ruang chu tukin zingkhan an mahni chhungkaw lo chenna hmun Losangeles ah rawn thlenpui niin ,,vawiin ni la la khan, an chhunglehkhat te leh ṭhenrual ṭha ten anmahni vuiliamna hun serh hi an hmang nghâl a , Mr. Marshall leh Mrs. Marshall hian fanu pakhat.... "T.V chu ka off ta daih a.



Ka khumah chuan ka kut ka khûp a suih rân in leh  kunlap chung chuan ka ṭhu rân a ka mittui chu a dîr zung zung bawk a, ka nu leh ka pa te chu ka ngai tak zet zet a ni.



Ka room kawngkhar chu an rawn kik dat dat a, ka mittui chu hru hulin, "lo lut rawh." ka lo ti sap a.



Uncle Tim chu hmélnghûi zet hian a rawn pén lût chhat chhat a. Ka khum tlâng a rawn ṭhut ve pah chuan,"Belle ! a rawn ti sup a, ka room lo thim ṭhiap a hmuh chuan light a on nghal a, muang chang hian ka awm dan chu ka lo siam rem ve nghal a, a ni pawh a meng sen ve rum a,


"Yes!" ka lo ti ve sap a, tun dinhmunah chuan tumah biak pawh ka la duh rih lo.

"Belle i awm na tur hi thlang fel la a ṭha ka ti....

"Tim nilo e, he tah hian.keimahin ka awm duh."


"Nilo Belle hmeichhia mai i ni a, keini chhung pawh kan awm a, i pi leh i pu te pawh anla awm bawk...."


"Tim khawngaihin naktuk lamah kan sawi dawn nia," ka ti leh sap a.
A ni pawh chuan ngawirengin min chhuahsan ve ta a.



Chu mi nî ka hun hman dan chu a rapthâk hle hian ka hria ! zankhua mai chuan ka mutthilh leh ka nu leh ka pa ka mumang ah ka hmu a, hlim zet zetin ka hmu ṭhin nen ka thîk hle, an bulah awm ka duh thu ka sawi ve lah chuan min ngaihsak duh der lo.


Engvangin nge an mahni ngâi leh hrehawm tuar tur hian min kalsan? Enga tinge ka nu'n kal tur a min sawm ve lai khan, ka lo rem tih ve mai loh? tih chu ka rilru ah a lian ber, lo kal ve ni ila zawng hetia anmahni ngailo hian an bulah ka awm ve daih tawh dawn si a.


Chutiang thu ngaihtuah chung leh muhil zawk zawk a ṭhang harh reng ṭhin chung chuan khua  ka nghâk var ve ta hram a.


Zîng a nih chuan uncle Tim ka roomah a rawn lût leh a, ka bulah chuan ngui zet a rawn ṭhut leh pah chuan, "i duh chu i thlang fel.tawh em Belle?"


"Ka hrilh tawh ang che khan hetah ka chéng dawn ka tih kha Tim!"

"Nangmah chauh chuan i chéng thei lo ang, kan ngaihtuah vek che a sin Belle."


"Thla leh hian kum 22 ka tling tawh dawn ." tih khum tuar pahin, "ka thil duh tih thei turin leh ka duh dan dan a awm turin puitling ka ni ve tawh!" ram hmak hian ka tih khum a.


Thâwk a la hrawih a, "Mahse Belle......"


"Tim hetiang a min ti tur hian ka pa pawh i nilo." ṭap zawih zawih chungin, kan in a chu ka tlân chhuahsan ta a.

Panna lam tur ber pawh hrelo chuan chak takin ka tlân zel a, ka mittui a far zawih zawih bawk a vang chuan khua ka hmu phe riai bawk a, park pakhat  awm ah chuan lûtin, chhuak zet hian ka ṭap ta a.

Chutia ṭap chunga rei tawk tak ka awm hnu chuan ka ziaawm ve ta in ka hria, keimah pawh ka thawl ve deuh tawh, park a ṭhuthleng ah chuan ṭhuin ka suangtuahna chu ka kâwm ta veng veng a.


Engtiang chen zet a rei nge chutiang chuan ka awm tawh pawh ka hre lo.

Ka aw hriat ṭhan takmai in , "i ṭha maw Marshall?" a rawn tih takah chuan ka harh chhuak ve chiah.


Muang changa hawi chhuakin ka enchho a, ka bul lawk ah chuan Harley a lo ding reng tawh a, engtik a ṭang khân nge a lo awm tawh tih pawh ka hre lo.

"Engtia rei nge hetiang a i lo awm.tawh? "A  tih leh sup danah chuan a la awm rei vak lo a nih ka ring.

"Chu ngaihdan chu engin nge neih tit che? "

"Aw le, ! ka han sawi ange, kha i pajama hâk leh pheikhawk engmah pawh bun lova pawn i rawn chhuah dan a ṭang khân,
Thilṭha lo tak a nih ka ring. " a  ti dam thlup a.


"Nia ka pi leh pu te leh ka pa te a ten tu bulah nge ka chén zawk ang tih thu ah an inhnial a." ka ti leh sep sep a, ka aw pawh a ri chhuak chang chang chauh.


"Engmah tunah chuan tih tur ka hre lo, chutiang ngaihtuahna pawh ka la nei thei lo." ka lo insût leh hlap hlap a.

Harley chuan min rawn kuaha, a âwmah chuan min bei tir a, chu thil chu tûn dinhmun ah chuan ka ma mawh takzet zet, a perfume rimtui leh pâ zet mai mint leh pine rim nam cham cham leh a cigar zûk rim te nen a inpawlh chiai mai chu ka thawk zawng chuan ka hîp lût pah vang vang a , min ti harh huai  in ka hria.



Kan piah lawk a ṭang chuan, "Deano kan kal a ngai a nia." Jake chuan a rawn âu a.


"Va kal tawh rawh !"ka lo ti sep a.

"A nghâk thei!" ka chhipsam ah chuan a hmuilum ham ham chu rawn sîk tir zauhin, a thawlum pah hak a .


"Nakin ah i bula lo kal turin min duh em?" min beitir na a ṭanga min namsawn deuh hlek pah chuan ti in, chîk zet hian min melh chhuk a.

"Eng chung châng ah maw?"

"Thil ṭhen khat ah!"

"Tehreng mai!" tiin ka lo chhang a.

"A nih chuan ka rawn kal hunah,
Ka rawn be dawn che nia."

"Thanks !"  tileh sapin ka inher a, inlam chu ngui zet chuan ka pan leh ta hna hna a.

..................................................................


HARLEY.....


Belle kal liam tur ka thlir vang vang hnu chuan, Jake min lo nghahna lam chu ka pan ve ta a.

A bul ka va thlen chuan, "Kan hna ti tur kan kan inpeih tawh maw?" A lo ti nghal.pang a.

Ngaihtuah mûk zet chung chuan, "Yeah!!" ka ti ringawt a.


"Harley zanin hian engmah hloh turin leh tihsual eih pawh kan neilo tur a ni tihkha i chiang tak zet em?"


"He hna ah hian, i ngaihtuahna kha 100% in i pe tur a ni." a ti leh zauh a.
Rumzet amelh rûn chung chuan, " Tunge he lai ah hian boss zawk, nang nge kei?"

"Chuan heihi ka hria, kan hna ah hian engtiang chiah a ngaihtuahna sen ngai nge tih pawh hi!" ka tih khum hrawih a.

A hmelah chuan a thiamlo hle tih pawh ja hmuh hmaih lo, "Ka ṭhianṭha mai pawh nilo, ka unaupa ang tak tak a ka en che i ni a, kan thil tih tum hi a hlauhawm bawk nen, i chungah thil ṭha lo tak a thleng ka duh loh vang a ni."


A thusawi chuan ka rilru a khawih kher mai, ni e, a ni pawh hi ka unaupa ang tak taka ka en ve tho a ni a, a chungah thil ṭhalo a chungah thlen tir ka duh bik hauh lo, ngawi reng chuan ka inher a, "Ka theih ang tawka beih ka tum dawn nia."  ka ti ve ta sup a.

..................................................................


BELLE ....


In ka va thlen leh hnu chuan,
"Hello tu nge awm? " ka ti lâng lâng a, in chu a reh ruih ri ngawt, tumah min lo chhângtu tur pawh an awm lo.

" An in lamah an hâw vek tawh ni in a lang !" ka ti sap a, ka room lam chu ka pan a.

Heihi ka in a ni a, ka chhuahsan na chhan tur pakhat mah a awm lo. mahni a duhthlanna siam tur chuan ka upa ve tâwk tawh ti rilru chung chuan, shower hmang turin bathroom lamah ka lût ta a.


Vawiin ni hi ka mahni chauh a ka hringnun thar ka hman na ni hmasa ber tur chu a ni.
Lexi leh Rex marshall fanu chu ka ni reilo khawp mai, tunah chuan, Belle Marshall fahrah mai ka lo ni ta.


Tuna a ṭang chuan keimahin mahni hmakhua ka hâi kuak ve tawh a ngai ang.


Tuna ṭang chuan natna nei leh tawh ngailo turin hun ka hman a ṭul tawh bawk ngei ang.



Tuna ka ngaihtuahna a lût ber chu , ka thil tih ngâi miah loh bar a kal.a, rilru na lo tur a ruih chhum hmawk bâka tihchâk ka nei lo.



Shower ka hman zawh chuan, ka thawmhnaw hâk tur chu thlang chhuâkin, bar lam a hâk awm chi tak mai, thawmhnaw dawrawm zet ka wordrobe a tang chuan ka la  chhuak a, ka inbel ta a.



Ka thawmhnaw ka thlâk fel hnu chuan ka ṭahna a vang a ka mit la bui deuh lâk ah chuan eye liner leh mascara ka hmang a, ka hmai dang lutuk tih reh nan powder tlém a zâwng ka hmang bawk a.

Ka hmuiah chuan lipstick hnawih leh zauh pahin, Bar lamah chuan, ka pa car lo khalh ṭhin zawk ngei mai chu khalh chhuakin, ka dawk chhuak ve ta a .

Barah chuan intur lamin, ka tlâk deuh pap pap a, tlém chuan ka rilru te pawh a zâng ṭan ta.

Chutih lai chuan, ka bulah hian tlangval pakhat chhelo zet mai, sam buang thâng leh mitmu hring nghalh nei hi a rawn ding ve a, min  nuih pah suk chung hian,

"Hetiang khawp a hmeichhe nalh leh duhawm hian mahni chauhin he laiah hian eng nge maw a tih le?" nui.hmel a la pu reng a.


"Wow, i thu rawn sawi dân chu ti tak tak te pawh i ang ve khawp mai, nge i ti tak tak zâwk ?"ka lo ti ve khauh a, ngaihven vak lem lo chuan intur lan hlir ka ngaihtuah thung!


"Intur ka leisak thei che ang em?" a mit min siai khum suk a.

"Tehreng mai ,khawngaihin ."



Kan la nghal a ang e." "He lady tân hian in tur dang min lo peleh ta che." bartendar hnenah chuan a ti a.
Ka rilru té té chuan a cute reuh phian mai tih chu ka ngaihtuah ve bawk a.


Mahse Harley Dean chu a ni hauh lo mai, a maherawh chu rilru han kawihpén nan chuan a pawi hauh lo.


Ka intur chu mi rawn pék pah chuan, " A nih beautiful, hming i nei ve ang chu ti raw?

"Belle ka nia."  lo ti khauh pahin " nang tunge?" ka tih zawm ve nghâl a.


"Well ! Kan inhmu chu ka lawm khawp mai Belle , kei pawh Dave tiin min ko dawn nia."


Dave nen chuan eng eng  emaw kan sawi a kan hlim dûn phian, a,ṭawng duh ohian a, a sawi dan chuan ramtin ah a kal kual ṭhin a, a sumdawn na thil a vângin, chûnga a thil tawn mak deuh deuh te chu a sawi kai chho a, kan in kâwm.ngeih phian mai.


Ka nu leh pa in min boralsan a ṭang a, ka nuih veleh vawi khatna a ni hial ang.

Ka hlim phian a, nuam pawh ka ti ru veng veng mai, hlimlo tak leh beidawng zet a ka awm hnu ah zanin hian, hringnun chu ka chén veleh chiah a ni.


Thutak ah kan lût chho tial tial bawk a, englam thu nge tih chu ka alcohol in hnem lutuk a vang chuan, ka ngaihtuahna ah a lût em em lo.


"Club a kal i duh em? " zawi deuh tak min rawn zawt sa sa a.


"A pawi hauh lo!" ka lo ti ve ham ham a.


"Kan kal hma in thil pakhat tih tir tur che in min duh em?"tih pahin min rawn ṭhenkhum deuh sak a.

"Enge a awmzia?" ka bang bo hle mai.

"Thil pakhat té mawle, lungngaihna zawng zawng min lâk kian sak vek thei tu, ti te pawhin kan sawi thei ang chu!"

"Party hun a nih hi, nuam i tih phian ka ring a ni."

Mak tih hmel zet chuan, Dru....gs i tihna emni? " ka ti phâwk hra mai a, ka phuzawk nghe nghe.


"Râpthlâk ti hmel zet te kha chu pu duh teh suh! tu pawhin an ti vek tawh a lawm."a  ti ét zui a, a ngaih te lah chu a sam hmél phian mai.


"Tak tak maw?" Ti a  zawh pah chuan, ngaihngam chiah lo hmél la pû chung hian ka en chho kar a.


He thil hian ka buaina zawng zawng te chu hmuhtheih loh turin a la bo thei ang em? Tih ka ngaihtuah a.


"Tak tak, i rilru leh thinlung natna zawng zawng kha a la bo vek tawh mai ang tlém té pawh ti la, a bo duak tih hi ka sawi ngam sak, ka sawi chu i hrethiam ang chu! Zâng takin i thlâwk delh delh tawh mai dawn a lâwm."


A nih tak tak dawn chuan chu thil ngei chu a ni tun dinhmun a ka mamawh chu tih rilrûk pah chuan,  "A nih leh tlém chu min lo pe dâwn em ni ang?" Ka ti ve ta sap a.


"Kha la la, ti chuan restroom ah kalin va ti ang che." tlém packet a awmsa chu min rawn pe a.


"I va tih zawh hnu ah lokal lehla club ah chuan kan kal dawn nia."  min nuih khum leh sak a.

"Aw le , "lo tihsap pah chuan, washroom lam chu ka pan ve ta a.

..................................................................

DAVE....


Zanin chu ka lucky zanah kan puang thei hial ang chu, ka thil kawl zawng zawng chu ka hralh zo chu a ni mai a.

Tûna mi hi chu a tlém tham tawh bawk a, he nu la ti ngailo tak bulah hian ka ti zo thei mai ang.

Engtham mah pawh a ni tawh chuang lova, client thar hausa zet ka neih leh phah bawk a nga, ka boss chu a va han hlim dawn em ka chungah.

tunah hian a sample ang lek a thlawnin ka pe a, a vawihnihna ah min dil leh dawn chiang tih ka hre ran bawk, he thil hi ka hralh hnem leh ka hlawh a sang ve zel bawk, tun a ka hmeichhe tawn thar pawh hi tu nge a nih ka hre chiang lutuk, he hmuna ka hmuh a vanga, pan chawt ta pawh ka ni reng a, hetiang lam hralh thei tak leh hlawk ber pawl pawh ka ni a, keimah ah hian thil zawrhtheihna power ṭawngkam thiam a vang a mi hneh thei tak leh thil kri tir lam hnehsawh tak leh eizawnna a tana thil zawrh lama kal mi ka ni bawk.

..................................................................

HARLEY.....


Ka phone chu ka cut tau sawk a, chutiang a ka tihna chu vawi eng zah fakau nge a ni tawh tih lah ka hre hek lo.


"Thil diklo a awm em ni?" Jake chuan ka awm dan a hmuh chuan a rawn ti ta ngei a.

"Vawiin khân Belle bulah ka call tur thu ka hrilh a, mahse ka phone call a chhang hauh lo ."


"Tûn ang zântlâi tawh ah chuan a hun tawng nen a ni chu  a mut daih ka ring.'


"Ka ring." ka lo ti ve mai bawk a.

Mohua nuih vur vur pahin,," Zanin kan hna chu a kaltluang bawk a, chu mi lawmnan chuan, Club ah intur dawm.pahin kan lût kawi lawk dawn mi?"


"Ngaihdan ṭha zet a nih chu." tih ve sup pahin, kan bul deuh mai a club lo awmah chuan kan lût dun ta a.
Kan va lût chu keimah ni min hmachhawn zawng tak chuan Dave pawhin a sumdawn na chu a lo kalpui ve mek niin ka hria.

Hmeichhe pakhat Belle ang mai a sam dum hlap mai leh Belle ang mai vun rawng nalh zet mai nei hi a lo dinpui mék a, Belle ang ka lo ti khawp.mai, mahse sawtiang thawmhnaw leplerh leh dawrawm zet mai chu ka Belle chuan a ha ngailo mai pawh nilo in, hetiang club ah te lek phei chuan a kal.ngai lo hrim hrim.


Belle ka ngaih vang te pawh chuan a mah angin ka hmu zo ta a ni mai thei a ni.

Chu nu chu Dave chuan a peru leh zauh a, chu nu chuan pawisa pe nghalin, wash room lam a hmazâwn a awm chu a pan ding nghal nal nal.


Chu tihlai tak chuan, Dave awmna chu ka thleng phei ve nghal a, "Zanin chu hna i thawh ngei ka ring, a ni em?" ka ti sup a.


Dave chu rawn leh hawiin" Boss!" tiin mak ti zet hian min lo en a.

"Yes!!"

"Aw hna chu ka thawk a lâwm."

"Ka thusawi awmzia chu ka kawlsa zawng zawng kha ka hralh zo vek tawh. chuan client thar hausa zet mai pawh ka chhar thar bawk a." min lo nuih sang a.


He pa hi chuan a hmel a vang hian a mah dawrtu tur te pawh hi a hmu thei phian roh a, a kum aia lang naupang zetna turin hmel naupang zet mai a pu reng a, a nui sâng reng mai bawk a, ṭawngkam a la thiam em em zui bawk sumdawng chi âwm réng pawh a ni .

Chu hmeichhia chu rawn kîr leh tawhin, "Dave ka awm a nuam lo hnâi tlat ! A hma ang khân a nuam tawh miah lo." a rawn ti a.

Chu nu chu hmâichhan ah ngei ka han hmu chu, Ka Belle kha a  ni reng mai, ka suangtuahna leh ka mit vai a vanga ka hmuhsual mai a ni hauh lo tih chiang zet hian ka hre nghal bawk.

A rûi hle tawh a ni tih a hriat khawp mai a awm dan a ṭang chuan.

Thinrim zet a, Dave chu melh khur pahin, "Dave Belle chungah hian eng thil nge i tih?" Ka vin khum tuar a.

"A mah hi a lawm ka client thar ka sawi kha...."

"Belle Drugs i pe a maw?" Awihlo zet hian ka tih khum a, ka mengzim khum nasa mai, God ka ngaihtuahna mai ni teh se.



Dave pawh chu a phu ve zawk.
Belle chu tlû mai thei hmel hi a pu  a, a hmel a ṭang chuan men pawh a meng peih tawh lo hmel hi a pu a, a bu lak lak bawk.


"Belle i ṭha maw ?"ngaihven zet chuan ka zawt a.


"Ka damlo mai dâwn a hriatna ka nei." tih leh washroom lamah chuan a pai phei nak nak a rual a.

Dave chuan, "A ṭha leh mai ang a vawikhat tihna a nih vang a nih saw....."

"Ngawi hmak rawh Dave." a kawt awmah chuan ka ṭham sak a.

"Engzah fakau nge a tih a?' ka tih khum hrâwk. bawk a.ka thinrim lutuk chu ka lum up up thei hial in ka hria.


"A tam vak lo, buaina a awm em.ni? " a ti pah dui a.

"Phiangsen che chuan, a ni saw pék tur emni Mawnga?" ka tih khum leh hrawih a.

"A ni saw chu ka theih ang ang a ka venhim lai a nih saw..."

"Boss ka lo hre lo a. " hlâu thâwng zet chuan min en a,.

"Engvânginnge a ni berkher?" Thawk ka la hraqih a, in bengdaih hram.ka ngai, " Hemi chung chang hi kan la sawifel khawp ang." tih khum leh hrawih pah chuan, Belle kalna lamah chuan rang zetin ka kal ve ta nghâl a.

Washroom ka va thleng chuan Belle chu a lo luak char char a.
Thâwk hawk pah chuan, tisawn luak se a tan pawh a ṭha zawk ang ti a ngaihtuah pah chuan, a bul ka thleng phei nghal a,
"I ṭha em?' ka ti pah sup a.


" Really Belle, engthil nge i ngaihtuah réng reng hrep tak che hian?"
Ka lam hawiin a luak na lamah chuan a mittui te chu a tling pam mai a.
Rumzet a min rawn melh pah chuan, "I chungchâng thu chiah ngaihtuah rawh."

"A nih chuan, kha i thil tih a vang
khan i ṭhat phah viau ka ring."


"Min kalsan rawh ka ti a ni lo'm ni?"


Za lo zet a nuih khum hawk pah chuan," I nu leh pa te chuan an chhuang khawp ang Belle."

Eng emaw hre chhuak ni awm zet chuan , "Engmaw i sawi a?" A rawn ti ta sep a, a hmel chu hmuhtheih khawpin a ngui nghal bawk a.

"I ngaithla ti raw Belle , Drugs tih duhna thinlung te i put tak mai?"  tih khumtuarh pah chuan ka kut chu ka hum ruh a.


"Hetiang khawp hian ni maw i lo ât theih, hrep tak che chuan!!"


"A ngam pawh i va ngam zâwk ve maw le? A  thaw pah halh a, hmelngui tak bawk chuan, "Enga tinge min tihnat na tur hlîr mai hi i zawn reng ?"


Ka rilru put dan chu hre na se chuan, chu thu chu a sawi hauhlo ang le.


Tûnah tak phei hi chuan, ka nu leh ka nau ai pawhin he nu hi ka ngaihven ta zâwk chu a ni si a.

A mah ka ngaihtuahna leh a nat ka duh pui loh na hi chu min hmuh thiamsak ve hram rawh se ka ti rilru a.


Thâwk chhuah hawk pah chuan, "Babe he lai ah hian nangmah pui tur che a lo kal ka ni.

"Lo kal rawh inah ka thlah tawh ang che." A mah ka lainat na chu thup pawh tum ni ila, ka theih kher ka ring lo, chu loah a ruih lutuk a vangin chutiang lam chu a ngaihtuah hauh lo ang le.


"Aw le." a ti ve ta sap a, tun ṭum chu min hnial lo hrin hrim.

Motor a kan ṭhut luh hnu te thleng mai chuan a la kai ṭha khawp mai,
"Music kha ti ring teh! A rawn la ti sauh sauh mai a, ka rilru a ti na kher mai, hetia Belke a awm chhan hi keimah vang vekah ka puh a, m

Zanin chu zân hlimawm.zet ka hmang a ni a la ti siam siam a.
Chu Drugs lo pe tu hrep Dave chu a châklo khawp ang.


A in kan thlen hnu pawh chuan, a la mu duh tlat lo a, lâmpui ah min sawm a, dam thlupin ka lo hnial fithla zel.a, a rawn ner leh nang nang ṭhin a.


A tâwpah chuan, "Lokal rawh le Belle mut a hun tawh!" Tiin a roomlam chu ka pan pui a, a lo ṭang deuh ṭang mai leh nghal a.


Sehchilh deuh nak nak a min rawn chhan pah chuan, "ka mu duhlo!" A rawn ti deuh nak nak a.

"Babe engvang chuan maw?

"A chhan chu zîngah ka tho a nga, keimah chauhin ka lo ldj6?mmm? a rawn ti chuairaih a.


"Ok a hmasa in i thawmhnaw hi ka phelhsak ang che ." Ti chuan i tan pawh a nuam deuh ngei ang.


HARLEY ...

A ṭha e. A muhil ta tih rilru pah chuan a thawmhnaw chu ka phelhsak ṭan ta a


Chutia a mutthilh hnu chuan, keipawh chu @mi zan chu a bula riak ve tur chuan thu ka ti thlu ve ta a.


A mah chauh a awmtir chu ka duh lo a ni, tundin hmun ah leh lek phei chuan.


He a thawmhnaw hi thlâk sak vek phawt ila, ti chuan a tan a ṭhat kha ring a ni, zanlam .utpui a tan chuan a tite deuh mah mm/

F*cking hell engtin nge keimah leh keimah pawh hi hetiang dinhmun ah hian ka dinreng theih ang.

Harley thil sexy lo lam hlîr kha ngaihtuah rawh! hxn in fuih ru sauh sauh a.

∶jm
Diktak chuan a thawmhnaw ka phelhsak bra leh panty nen chauh a ka dah hnu chuan hnuailam pang a ti tho ṭalh ṭalh thei hial a ni.


Heti em em a hmeichhe nalh leh duhswm chu ka mithmuh ngei ah engmah hrelo in a mu chu a nisi a....

Focus Harley a ni te chu i hmeichhe venhim ṭhin a ni tih kha theihnghilh hauh lo ang che. Tiin ka in beru pah mawlh mawlh a, rilru diklo put erawh a awlsam kher mai.

A pajama hâk tirtur chu ka melh kual a, mahse ka hmu mai lo.

"Sorry Babe kha tia i awm mai kha a ngaih hmel." tih khum sup pahin, ka kawr hâk ho chu ka phelh ve a.


A taksa chu puanin ka khuh ṭha nghal a, "Ti chuan a zia awm.ta deuh e." hetiang khawp a hmeichhe hmelṭha leh mi hîpna nei hi ka hmeichhe lo tawn tawh zawng zawng zîngah an awm pawh ka la hre lo.


Zânrei tak zawng a nileh dawn chiang a lawm.ti rilru chung chuan a bulah chuan ka mu ve ta a.
.............................................................