INTOXICATE S II CHAPTER 12

INTOXICATE S II CHAPTER 12

BELLE...

A taksa nalh tak leh pa zet chu ka melhkual lo thei lo, a chhan pawh a mah ah chuan danglamna tam tak ka  hmu thei tlat, a inthuamna suit  te nen lam chuan a dang vek tawh!

Tunah chuan drugs dealer thawmhnaw ang chi casual dress tak kha a ha tawh lova,  businessman ang maiin, suit nalh zet ṭhui hi a ha tawh zawk a, a la inhmeh phian zui leh nghal.





"I thuamhnaw rawn hâk te chu eng nge a awm zia?" Ti a mak ti zet a mah en rengin zâwt deuh khauh a.



Zawhna hlîrin ka khat ni berin ka hria.





"Drugs dealer te pawh hian, businessman anga an lan te pawh a ngai ve ṭhin  tihna em ni ang?"




"Min kalchhuah pui la, ti chuan nakinah engkim ka hrilhvek ang che." chîk zet hian ka mit ah tak chuan min melh siah bawk a.



Ka meng ling hlar nghal," Nilo Harley ka ngaihtuahna hi tibuai leh tawh lo turin ka duh takzet che."


"Uhh, dinner chauh a lawm, thildang engmah a thleng hauh lo ang tih ka tiam a che."



"Harley hei hi ruahmanna ṭhatak  a nilo a lâwm," ka lo ti sep a.


"Belle keimah a feeling tlémte ila nei ve te a nih ngai chuan dinner ah i lo kal ngei a ngai ang."



Ka ngawi reng a, ka rilru ngaihtuahna a buai hle bawk,He thil hi ka ti leh thei tak zet ang em? Mahse Harley chu ka ngâi ngawih ngawih bawk si a, a tello in ka awm theilo tih lah ka hre chiang tawh hle.



"Happy birthday, Babe." Min rawn dinghnaih a, ka chalah chuan duatzet hian, a rawn fawp leh ta zauh zauh a, a hma ang bawk khân.





"Birthday kiss ka pe thei che ang em?" tih thâwp sat, a nui zui suk a,"Nge ka kap ah hian min pétsak dawn?" A mimeng nuihzatna a khat chu khawdang en nan a hmanglo hrim.hrim.



Ka fawp dawn nge dawn lo tih chu ka  ngaihtuah buai a. Ka fawp thei tawh lo ang tih ka ngaihtuahna a ni.



Mahse ka hmui  chuan chutiang chu a sawichhuak ve ang em?
Ka rilru chuan tilo turin min duh mahse ka hnial thei ang em? ka hmui chu ka control thei tawh hauh lo.


"Min fawh theih ka ring," ka  ti ve ta sep a. Ka sen ṭâwn ṭâwn nghal bawk a, engvang in nge a bula ka awm.a pianga ka rilru sak tak te chu a nem a a tuiral nghal vek zel ṭhin?


A rawn kûn hniam a, rei tak ka lo dawn tawh loh a hmui sexy zet leh lum ham ham chuan duhthawh zet hian min fawp leh ta a.



A lei chuan ka kâ chhûng a hâwl nak nak bawk a, a va nuam dangdâi leh viau. Ka meng phal tawh lo hrim hrim , ka chhîng ta diar diar a.

Boruak ah chuan ka léng delh delh nimai in ka inhria.

Min thlah tâk ah chuan, mitmeng phi chiai hian ka meng chhuak a.
Ka chala duat zet a min fawh sak leh zauh pahin, "I birthday ah hian ka hruaichhuah i duh em?' a rawn ti thâwp leh sat a.

Ka sen leh ṭân ṭân tawh ngei ang, chhungrila ka satna te chu a rawn thar thawh leh nimai hian ka hre bawk.
A mah pawh en ngam chiah lo chuan, " Aw le. " ka ti ve ta sap a.


"I inchhîr hauh lohna turin ka siam ang che."ti leh in, "Darhnih ah rawn inpeih la , lobby ah ka lo nghâk dawn che nia ."


"Ka rawn kal dawn nia." ti a ka chhân hnu chuan, min nuih suk a, a chhûak zui ta nghâl a.



Breakfast ka eizawh hnu chuan, sana ka en zauh a , dâr sawmpahnih a lo ri der tawh .

Shower hmang tur chuan ka lût ve ta nghâl a.

A mah ah khan nge emaw tak a awm.hrim hrim tih ka ngaihtuah neuh neuh a.

Engtin nge Harley khân hetah ka awm tih hi a hriat theih?

Thil pakhat mak tak zawng a awm chiang a ni.


Vawiin nî ah ka hrechhûak ngei ngei ang engthil chiah nge ni tih hi, mahse ka ngâi hman hle a ni tih chu ka in hre thei!

A mah erawh chu tûkin zîng angah te kha chuan a hmél hmuh kha ka inring lo hrim hrim.
Damn a hmél kha a ṭha tak zet, a suit rawn hâk te kha a inhmeh tak zet zet.



Shower ka hman zawh hnu chuan ka thawmhnaw zînga hâktlâk tur âwm ber ka thlang chhuak a.


Hetiang a chhûak vâk tur a kal ka nih loh a vângin, thawmhnaw tihtlâk ka kéng lém lo khâwp mai.


Silk kawr fual khûp chen vel, maroon ka thlangchhuak a, a dang han thlang dawn pawh ni ila ka nei chuang lo.


A chung ah velvet jacket dum ka ha leh tawp a, ka sam chu fish braid in ka phiar a,
Ka in peih chu a ni mai.



In hnuai ka zu thlen thlâk chuan a sawi na hmunah chuan a lo awm reng tawh a, a ni pawh lo inthlâk ve tawhin, suit tho hi a lo ha leh a a inhmeh tak zet a ni.




Min lo hmuh veleh chuan min rawn panhnâi a, ka bengbulah chuan, " i duhawm tak zet!" a rawn ti sup a, chutia a ṭawng chhuah zawng a ka bengbul a a rawn thâwk lum hak na chuan ka taksa chu a ti mûr ar ar leh tawh, a hma ang bawk.khan min ti zam chhe leh nghal vek.


Zak tak chung a melhlét ve ralh pahin ,"ka lâwm e." Ka ti lét ve sap bawk a.


Ka lak a ṭang a a mit la sawn chuang hauh lo hian, " lo kal rawh le. "

Ka kut ah chuan vuanin a inher a, min kâih pah chuan, kan hmalam a motor dinna lam chu min pan pui ta a.

"Harley khawiah nge kan kal dâwn?"

Min rawn melh zauh pahin, "Dinner ei tur in maw le."tiin a nui leh suk a.

Min  nuihdan sexy zet ah pawh chuan lu haiin ka tlu lek lek .

Kan hma zâwn lawk a limo car lo ding reng ka hmuh chuan, ka phu zawk a.


"Limo i hire a maw ?  mak ti zet hian ka au deuh chûl.a.

"Babe i birthday a lawm."

"Harley eng thil nge thleng a?"

"Uhh i birthday hi hlim takin hmang la ka duh mai chauh a ni."

"Chuan naktûk ah thil thlen dan engkim ka hrilh vek dawn che nia a ṭha em?"


"Lawkin nih leh i thawmhnaw hâk hi i hâk ṭhin ang a ni miah lo a nia?" a mah chu zâwt ti tih deuh si hian ka ti leh a.

"I duhzâwng a ni vak nange?" A mitmeng a nuihzat hmél zet hian min en a.


"Uhm ka .. ka duh viau a chu i inthuam dân ṭhin a nilo ém a lâwm."

"Babe lo lût phawt mai teh!  naktûkah engkim ka hrilh vek ang che ka tih kha !" Dawhtheihna tlâkchham hmél fe hian a thaw ta hawk a.

Limo car a ṭhut luh ve nghal pahin, "Mahse naktûk chu christmas a ni a, mahni chauh a hun hman ka lo rilruk deuh a sin." Ti a inthiamlo zeta phun chhuah deuh niah niah pah chuan ka kut chu ṭul tilo zet hian ka nuai oah nak nak a.

"Babe thil hi a harsa lam zâwng hlîr hian an thlir ngâilo, vawiin chu hlim tak a awm turin ka duh che. A ṭha em?"


"Hey, Harley dinner ei chiah a nih kha aw ka pawm." tih pahin rumzet hian ka lo melh ve thung a.


"Ka hria e. In bengdâi la, hahdam tak khan awm mai mai teh!" A lo ti dam leh thlup a.


Kan chuan na car pawh chu a tlân ve ta nghâl a. Ka bul maiah chuan, Harley Dean pa zet leh hmélṭha zet chu a ṭhut ve a vâng chuan, awmngaihna pawh hrelo in ka che deuh sek a.

Hetia inhnaih zet a kan ṭhu dûn hi chu kan pahnih tan pawh a ṭhalo tak zet tih te chu ka lo ngaihtuah a.

A ke lam chuan min ka chawn bawr chu asi deuh chaih a, chutiang bawk chuan, kan bânbul vel chu a in si bawk a, chu chuan ka awm a ti nuamlo hle, motor tlan zawng a piang chuan a in nawk bawk a, a pangti lum ham ham in a min urna chu ka hre thei hle.


Chu chuan ka taksa ah danglamna a thlen leh tawh a, ka taksa khûr deuh dar dar te chu a hre thei vek ang tih ka ring nghet bur ! A chhan pawh min rawn ṭhut hnaih sauh sauh dân a ṭang chuan.


A aw then deuh khurh pahin," tûnkar kalta khân eng nge i tih deuh ber?" ti in min rawn zâwt a, hre châk tak a min zâwt a nih pawh ka lo ring lem lo, kan ngawih dun reng cang te pawh a nih ka ring zawk mah.


Kan taksa inhîp tawn na lutuk a vang a, ka awm nuam lo tih reh a tum na lek chauh te pawh a ni thei bawk.

Zâm lek lek chung a melh zeuh pah chuan,"Eng vak ka ti lo. Nang eng nge i tih?"


"Dân pângngai ve bawk maw le."

Lehlam hawi a thâwk deuh halh pah chuan, Oh God he limo a ṭang hian chhuk thuai thuai ka tan chuan a ṭha ber ang, ka duh vang réng a ka ngaihzia thu ka hrilh hma ngei hian .tih chu ka ngaihtuahna a ni.

A tâwp a tâwp ah chuan, kan chuanna chu a ding ve ta hram e,.rangzet chuan, ka chhûak nghâl a vat a, ka chet dan chu a nuihzatthlak hle tih pawh ka hria, a âtthlak viau bawk, a naupanchhiat thlak a ti a nih pawhin ka dem.theilo ang .

Nuih chhuah leh hawk pah a, ka lam melh reng chung chuan, "Nevada a i tih ṭhindan chu i la sim lo takzet a ni maw? " ti a sawiin a rawn chhuak ve nghâl a.

Engtinmah a  chhâng lovin rum zet hian ka lo melh nghek thung!

Ka hriat ṭhan tak phei chuan restaurant changkâng zet ah hian min hruai lûtin, dawhkan pakhat chu inhma tawn hian kan kîl dûn ta rân a.

In thlahrung hmel fe a ṭawng chhuakin," Wow , hei chu a....'

" Changkâng.."ti in min lo sawi khalh  a.

A thusawi chu chhunzawm leh in, "Ka ngaihdan chuan, hetiang restaurant changkâng tak te hi chuan, kan thil eilai min ena , mi hausa viau ah min ngâi ṭhin." a  ti leh nghut a.

A thusawi lai lo pawh chat sak thuai in, " I ngaihdan chu a dik lo hul hual." tih ve hlak pahin, "Chutiang i sawi ang chi restaurant chu nise chuan, ka nu leh ka pa khân helai hmun ah hian, kal reng rengin, kan chhûngkua in pizza kan ei ṭhin hauh lo ang."


"Well i sawi danah chuan pizza pawh a awm hmel e, menu ah hian eng ang pizza tak chu awm ang maw, i han en chhin teh ang, " table a menu chu ka in a keu ta nghâl a.

Meng zîm sun pah chuan, " Deluxe Gourmet gluten free pizza ....with vegan cheese...."

"Vegan cheese hrep chu engtak ni ang maw?"

Ka nuih a zâ kher mai! Nui chhuak lo turin, ka lo insûm hrâm.hrâm a.

A mah chu ka melh pah reng a. A lawm awm lutuk tlat!

"Spinach tomato ang black olives.  A nihdan tak ah chuan, ék in a khat vekin ka hria." min rawn melh pah zauh a.


Ka insûm thei tawh ngang lo ka nui dîr char char tawh mai a.

Min men kual khum rulh pah chuan, " Aw le pizza hrep chu kan order dawn em ni? " a rawn ti ta sup a.

Ti chuan pizza to zet mai Harley phun nuah nuah na chu order in
 kan ei dûn ta a, champagne lam telin kan in bawk a, Harley chuan, champagne glass chu min rawn toast zauh pahin , ka birthday chu duhsakna min hlan a.

Mahse eng emaw thil zép a neihna chuan, a awm chu a ti nuam chiah bîk lo a niang, a thaw leh hawk bawk ṭhin a.

Chutiang a ka bula a awm tlat a vang chuan,  keipawh chu ka lo ka lo zâm ve tho mai, ka awm pawh a ti nuam bîk chiah lo.


"I ṭha maw ?"

Thâwk leh hawk pahin, " ka ṭha a lawm." A ti ve mai a, mahse a ṭha chiah lo a ni tih leh a mah ah chuan thil eng emaw tak zép rûk a awm tih chu ka hre thei.

Engthil chu nge a ngaihtuah a, he lai hmun hi a lo book reng reng ni , he hmun hi ka duh a ring tihna chu a ni a.

Khawi a ṭang a he idea nei nge a nih?


Engkim mai chu hriatchhuah ka duh tak zet.

Mahse vawiin ni a bula hun hman hi nuam ka ti takzet.

Kan thil ei te kan zawh hnu chuan, tûnah chuan ka game  khelh tur pawh ṭan a hun tawh takzet in ka hria.


"Lâm ila i duh em?' ka ti ta khauh a.

Ka thilsawi chhuah chu a beisei loh zaeng tak a ni tih a hmel putdan han inthlâk thleng nghâl a ṭang chuan ka lo hre thei a.

"Lâm maw ?"  ka thusawi chu awih loh hmel zetin min en pah bawk a.

"Oh he lai ah hian lâm na tual nuam zet mai a awm a sin , balcony lamah sawn a ni nghe nghe a." ka lo ti ve sap a.

Ka sâwm chhuak ngei tur a ni ka rilru chuan ka ti pah sauh sauh bawk a.

"Lokal rawh le." din chhuah ka rual a.

Thawk a la hawk ri chu ka hre reng, a hreh hle ah ka ngai, mahse ka ti lui tlat thung, zâwi muang hian a rawn ding chhuak ve a,"Tu emaw chuan tunah hian min that mai teh u." a rawn ti chhuak sup a, mahse ka hai der sak hmiah thung!

Balcony lamah chuan inzui pheiin kan lâm dûn ta a.

Ka thil sawi chhuah duh chu sawi chhuakin," Chuan." ti a ṭanin, "He lai hmun a i lokal chhan hi min hrilh tawh dawn em?"

Ka mitah tak chuan min en chhuk siah a, "Ka sawi tawh kha, kan lo ruahman dan ang a,i birthday lawmpui tur che in! Chu lo eng nge awm teh vak ang a?"


"Oh tu te pawh hian duhthusam in, ruahman na te chu kan nei thei reng a lawm."

"Ka hria a lawm Babe ! mahse kei chuan ka theihzâwng a nih chuan, chûng chu tih puitlin ka duh ṭhin." A thusawi lai chuan a thu tak hle a, kei pawh min ti zam ta mah mah, Harley hi ka hre chiang tawh hle emaw ka ti a, mahse a mizia erawh ka hriat belh dawn chauh.


 Ka lo ruahman ang a, kan lâm dan  chuan keimah zâwk chu min ti alh mai dawn in ka hria.

A chhan chu kan lâmlai a Harley kutin ka hnung a rawn khawihna chu mei kan ang maiin, a sa chhuak ham ham a , a inchhîr zâwk chu keimah ka ni leh si !

Nge kan champagne in vâng zâwk te kha niang.

Engthil mai pawh chu ka mawhpuh kual ta vek a.

A âwm a bei vang vang a, thlamuang tak a thâwk siai siai mai chu ka châk tak zet bawk.

Harley hi ka duh a ni,. Nasa zetin ka duh.

Kan lâm zawh hnu chuan , a cigar bawk chu a zu leh ta a.

"Cigar zûk kha i bânsan tawhin ka lo hria a ?"

"Kha te kha chu min kalsan hma khan a lawm." a lo ti ve mai a.

A phone chu a rik leh tak a vang chuan ka sawi tur pawh ka sawi leh ta lo a , "I phone a ri in ka hria."

"Aw." tihpah chuan, a en ta nghal a.mahse a cut a, a ak ṭha leh ta daih a.

"Tunge ?"

"Mi pawimawh an nilo."tih leh nghut in, ashtray ah chuan a cigar zûk báng chu a nawr hlum a.

Hmél ngûi zet chung hian, drugs rawn zawng bâk an nileh pek lovang, tih chu ka lo ngaihtuah a, ka hlimna te chu a bo nghal duak hian ka hria!

Ka hmel hlim lo ta raih raih chu a hmu teh chék a niang chu,a kut a
min rawn pawhhnaih pah chuan, ka hmél.chu chîk zet hian a rawn en chhuk a, "Thil hrechiang hmasa lo hian ngaihdan an siam ringawt ngai lo." a ti dam thlup a.


Kun deuh lap pahin, "Ka hria a lawm, ka lo buai ve na tur a awm lo tih pawh ka hria."

Ka khabe ah chuan a kura mi dâwmkâng sakun, ka hmel chu a mitmeng uk kharh chuan a en run a,"Babe tuna i ngaihtuah dan kha ka hria a lawm, mahse a dik lo."

"Ok!" ka lo ti sap a.

Ka mit a la enreng chung chuan, "ka fawp thei che ang em?" A ti thâwp leh sat a.

"Y...es." tih bah deuh nak pah chuan, a mitmu thim ruih mai chu ngam leh ngam lo hian ka enchho ve a.

Uar zet maiin ka hmuiah tak chuan a rawn fawp leh ta a, he pa hi chu ka duh tak zet , tûnah phei hi chuan ka taksa chuan a mamwh leh ngawih ngawih tawh!

Ni e, vawikhat chauh chu ka mamawh leh a ni, taksa nawm na leh hlimna ka mamawh takzet! He ka hmangaih tak mipa a ṭang hian chu thil chu ka mamawh a, a laka ṭanga dawn ka thlahlel hle bawk.

"Babe min ti â zo tak ngial dawn," tivthâmṭuak in, chu restaurant a ṭang chuan min kâi chhuak ta dâwr dâwr a.

Limo chhûngah chuan min ṭhut luh tir a, a ni pawh chu rawn ṭhulût ve nghâlin, driver hnenah chuan, ka thlenna hotel lam a kir vat tur chuan a hrilh ta nghal a.

Ka lam chu rawn hawi lehin, "Babe he thil hian a nghâk rei thei hauh lovang." tisa châkna a khat mitmeng thimruih chuan min rawn en a, duhthawh zet hian min fawp leh ta bawrh bawrh a.

A ni chu lo namsawn deuh hlekin,"Harley!" ka ti pah sap a.

"Babe ṭawng lo teh ! Ka mamawhna che hi a rei lutuk tawh !"

"Ni lo Harley kan thleng."

"Hreptak chuan." tih nghut pahin, min kâi chhuak ta dâwr dâwr a, ka room kawngkhâr bul kan thlen a ṭangin min kiss leh nghal tawh.

Ka awmna hotel room chahbî chu a man lain, a kut a khurh a vang chuan chahbi chu a rawlhlût thei lawk lo leh nghal.a.

"Oh f*ck." a ti deuh tuarh a.
Ka lo nuih ar ar thung! Ni e, a bula ka hlim lo ka tih hi chu ka daw chiang khawp mai, min ti hlimlo tu zawk chu a thil diklo tih te kha a ni zawk tih ka hre chhuak chiang hle bawk.

Kawngkhar a hawn hnu chuan min namlût  nghâl a, kawngkhar chu  kalh leh nghalin , hmanhmawh zet chuan ka thawmhnaw chu min phelhsak leh nghal bawrh bawrh a.

Ka khumlam ah chuan mi pawmphei nawlh  pahin, duhthawh tak leh in mamawh tawn zet chungin, hmangaihna chu kan chén dûn ta a.

Nawmna tin reng chuan min fan raih raih a, ka au deuh ṭhat ṭhat bawk a, a ni pawh chu nuam ti zet a rûm chuah ve pah chuan, vânram tla fual chu kan chén dûn ta veng veng a.

Kan zawh hnu chuan ka chung a ṭang a leh thlâk pahin, min nuih suk a, tui zetin a muhil ta a.

A muhil lai hmel chu ka en vang vang a, tui taka a mu hil lai thlir a nuih ve sak pahin ka muhil zui ve ta nghal a.


THE NEXT MORING...

Zîng a lo nih chuan, hun rei tak tawh a ṭang khán a vawikhatna a tân hlimtak a ka harhchhuah vawikhatna a ni hial âwm.e.
Harley chu ka bul chiah ah chuan mu in, a lu chu ka chungah a rawn dah a.

Ka inngaihtuah harh thut.

Harley lu chu dahthlâk sak pah chuan, " christmas a ni ."ka ti chhuak chûl a.

Ka thu chhuak nghâl vat bawk a.

Harley pawh chu rawn harhin, A rawn ṭhuchhuak ve nghal bawk," "Merry christmas Baby!" tiin min rawn kuah a.

"Merry christmas." lo ti ve in rang zet chuan ka tho chhuak nghal a.

"Khawiah nge i kal dawn?' min rawn au zui .

"Hmun pakhat kalna ngei ngeina tur ka nei." ti chauhin ka lo chhâng a.

"Babe kan inbiak a ngai a sin...."

"Nakina tan kan khék thei ! Tunah chuan ni lo, i thawmhnaw lo ha la , keiin shower ka lo hmang ang."

"Oh shower te chuan min nghâk thei lo emni?"

"Hun a awm lo!"bath room chhûngah chuan ka luhsan ta nghâl a.

.................................................................

HARLEY ....

Engthil chiah chu nge maw a ngaihtuah ni? Ka hre mai lo chu ti khawp a, a hman hmawh tâk mai chu!

Diktak a sawi chuan, ka thurûk zawng zawng te chu hrilh hriat a khum a hmangaihna chenpui leh bâk a duh ka nei kher lo ang.


He hmeichhia hi ka hmangaih a, ka kaltir leh tawh ngai lovang, a mah hi ka âtchilh hle tih ka hria, Tim khan offer pakhat min siam sak a, ka pawm chiang hle bawk, a chhan chu thil sual ka ti leh a nih chuan Belle ka hmu thei tawh dawn lo a, kan pahnih in kan hreawm mai mai tih lah ka hai hek lo.

Amah ah lo chuan hlimna tluantling ka hmu lo, chutiang bawkin a ni pawh a ni ve chiang hle tih ka hre bawk.

Mahse a châng chuan ka hrethiam lo leh dâwn dâwn ṭhin hei tûna a awmdan te ngei pawh hi!

"Merry christmas to me .......not."
Ti a phun chhuahsup pahin, phûrlo zet chuan, ka in siam ve ta a.

..................................................................


BELLE.....

Kan inpeih hnu chuan, hmanhmawh zetin inhnuai lamah chuan kan chhûk thla nghal a, hotel car chu ka hmang nghal a.

Driver chu hmanhmawh deuh turin ka tur sek bawk a, Harley chuan a chhan min zawt a, kan thlen hnuah a hriat mai tur thu in ka chhang bawk.

Mahse a ngaihna erawh a hrethiam chuang lo, thil awmzia min zawh nawn leh pawh chuan, kan thlen hunah ka hrilh amg che ka ti tlat.

A hmun kan va thleng chu ka ding vang vang a, chumi hmun thawveng tak a ṭang a nî rawn chhuaktur engphât mai chu ka thlîr duh a ni.

Chu thil thlir pah chuan kan pahnih chuan kan ngawi dun vang vang a.

Harley chuan ka hnung lam a ṭang a, a kut pahnih a ka kâwng a rawn kuah pah chuan, " He lai hmunah hian eng vângin nge kan lo kal chhan?" a rawn ti sup a.

Hrehawm ti zet a thâwk lak halh pah chuan," Helai hmun ah hian naupang té ka nih laiin, ka nu leh pa te chuan min lo hruai ṭhin tawh a......."sawi har ka tih em a vang chuan, ka thusawi lai chu ka chawl deuh dat a .

Ka dara a lu rawn nghatin,"A mawi hle mai a hmun hi. "a rawn ti leh sup a.


Ka biang a mittui luang ngiai ngiai chung a, ka thusawi chu chhunsawm leh in,"Chu tihlai hun chuan, picnic hi nuam ka ti thei em em a, he lai hmun ngeiah hian, picnic na bungrua nen niléngin kan chhûngkua chuan hun kan hmang ta a ni." Ka mitui chu a sur zung zung nghal a, ka naupan hunlaiah khan kir lehin ka nu keh ka pa hlim nui thawm te chu ka bengah a rawn ri nawn leh a, ṭap chhuaklo turin.ka heh ka pet fan fan a, engtia rei nge ka insum theih dawn ka hre lo.

Ka mittui danrual loh hian a rawn sur zung zung a.Harley lam chu ka  hawi phei ve a, "Ka ngâi tak zet." ti in ṭah aw ṭiau hian ka ṭawng chhuak a.


"Babe ka hria a lawm." min kuahna kut chu a ti nghet ve sauh a.

Ka bengbula rawn phun leh sup pah chuan," Kei pawhin ka ngâi takzet che ."a rawn ti ve a.


"A nih enga  tinge ka ka bula rawn kîr leh tur a i rawn beih siloh?"

"Engtik ah ?"

"Kan in ṭhen hnu khân! min kal tir tawp a, min dan pawh i tum hlei nem Harley!"

"Ka hria kha kha, mahse thil a nihna tak  ka tihfel hun ah chauh  ka hruai kîr leh ang che, tih hi ka ngaihtuah reng ṭhin a lawm."

"Enge i sawi awm zia chu?"

"Hna lian tham zet tihtur ka nei bawk a."

"Drugs maw ?" ngui raih hian ka lo ti a.

"Yes... mahse kha tihlai khân ti turin ka lo plan vek tawh bawk si a, ka tih ngei chu a ngai a lawm."

"Harley engtik ah mah hian i in thlâk danglam dawn lo a nih hi! A ni em?"  rilru beidawng zet chuan ka zâwt a.

"Babe ka bânsan tawh a lâwm!"

Ka beng chhe ri nge, ka mumang ram ni zawk, Harley chuan chutiang thu chu a sawi ka ring thei hauhlo.

Ka mumang chu nilo hrâm sela ka ti tak zet.


"Engmaw i sawi a?" mak ti zetin mittui kâr a ṭang chuan ka en chho hau a.


Fakna milem kha min lo hmeh sak leh ṭheuh dawn nia, kan thupui ber ani tih kha hria ang aw, chuan second sawm tal nghak leh hram hram bawk i la, mahse zankhatah fakna pakhat chquh hmeh a sevond sawm chhung lek en kual ve kha a tawk mai.