INTOXICATE S II CHAPTER 11
HARLEY......
Jake nen chuan barah zu kan indun mek a. Kei phei chuan nohnih lai mai ka tlâk der tawh!
Ka phone chu ka en chhén ringawt , kan awmna thâwm ring lutuk a vang te chuan a rawn call chu ka hrethei lovang tih ka hlâu zek zek mai a ni.
Mahse tûn thlengin engmah a rawn call na emaw text na eih pawh a la awm silo.
Ka thin chu a ur ru ṭeuh tawh mai,chu tia phone ka en deuh sek a vang chuan, Jake chuan mak a lo ti ta deuh a niang chu.
"Enge ni ta?! A tâwp a tâwp ah chuan, a rawn ti ta nge nge a.
"Eng nilo e," Belle phone call ka lo châng mai a nia. Ngaihsam hmel fe chuan ka lo ti ve takna a chu, Belle chu ka ngaihtuah pah reng thung!
"Nangni pahnih hi enge in chanchin ni zel Belle nen hian?
"A hnawk nuaih a , a ni deuh nuaih a ni ber mai, lo ti pah supin, nghaihven loh hmel fe chuan, ka intur lam chu ka lo melh san a.
A chhan chu ka hmeichhe kawp chungchang hi tumah ka sawipui peih lo tak zet zet , ka ṭhianpa pawh ni mahse.
"Tûn hma zawngin, hetiang em em a chicks i ngaihven leh i buaipui hi ka la hmu ngai hauh lo che." rawn tih ve sup pahin, a cigar zûklai chu a lo pak khu talh talh a.
"Eng ti ang kawng a ngaihven in mâw? 'Ka lo ti ve leh sup a.
"Âw weekend a piangin a bulah i awm ziah hi! "I tihdan pangai ang khân, i kawp leh ang a, ti chuan i thlah leh mai ang em?' tih hi chu ka lo ngaihtuah deuh a.
"Belle chu a danglam bîk takzet!" tiin ka lo chhâng leh khauh a.
Lo nuih vur vur pah chuan, "A nih i kâp lût ve tawh em?
Thinrim zet a lo melh rum ûl pah chuan, "Jake ngawi chîpcham mai teh! " ka lo tih khum hrâwk a.
Mak a lo ti ngei mai, "Damn man, enge maw ṭhat lohna tak i nei a ni hial em? a lo ti hluai chungin, phâwk fe mai hian min rawn melh pah bawk a.
Ka phone chu en lehin, khawiah hrep chuan awm dawn chu ni maw ,Belle chu ka ti rilru a.
Ka no ruak chu jâke chuan rawn en leh pah chuan," i duh leh em ?"
"Duh lo, mottor ka khalh leh dawn!" tiin ka lo chhang a.
Mak a lo ti ngang mai, "Khawnge Harley Dean kha?"chuan eng thil chu nge maw i tih tâk chu le?" A ti hau mai a.
A hmelah ringawt pawh chuan, a awih theilo hial a ni tih chu ka lo hmu.
"Bro i nuih zatthlâk teh mai a nia! Lo ti supin, kan thusawi ah pawh chuan, ka rilru a lût tawh lo takzet, a chhân chu zân dar kua lai a ritawh miau a ni.
Jake chuan chîk zet a min rawn melh leh pah chuan, "Bro a nih Belle kha i hmangaih a ni tiraw?" A rawn ti ta sup a.
"Hmangaih hrep lo, "ka lo tih khum tuarh a.
"Kha kha nangma sawi tur ah a nih chuan dah ang che tiin bartendar lam chu min hawisan a. "Beer ka lo duh leh a nge a tih zawm nghâl zat a.
Kei chuan tûn mai a Jake thusawi kha ka lo ngaihtuah chhun zawm a, Belle hi ka hmangaih takzet em? Tih hi!
Ka phone ah chuan text message a rawn thleng ta tlang mai, Belle a nih ring zet chungchuan, ka phone chu ka ennghâl.a, mahse a lo ni leh ta chuang lo. Mahse........
Hiro hian engvângin nge picture te a rawn thawn ve tâk mial tiin ka en ta nghâl.a.
Belle khum a engmah hrelo a mû thlalâk a lo ni a, a hnuaiah chuan, Harley tu a maw mî tih bo i nei mial em? He i nula chhelo zet té hi, nawmna tlém min tem tir turin ka lo beisei deuh bawk a,"Tih hi a rawn thawn tel bawk a.
Ka phone chu ka paih lo chauh mai, Hiro chu ânchhia ka lawh khum tuarh bawk a.
Jake chu mak tizet a ka lam ah rawn inher in, "engthil nge ni leh ta?"a rawn ti deuh hû a.
Kei chu engmah pawh sawi lo chuan, chu bar a ṭang chuan ka tlân chhuak a.
Kawtthler ka va chuak chu ka ding deuh dawt a, thâwk chu ka la hrawih a.
Jake pawh chuan min rawn ûmphâk ve nghalin, a ngaihna hriatloh hmel zet chuan," engthil diklo nge thleng a rawn ti ve bawk a.!
Thinrim zet a lo melhrum ûl pah chuan, "Tunah hian Hiro khân Belle a kawl, tiin ka lo rûm nghut a.
"Shit!!
"Ka ring réng a ni kha zâwng a kha, hmuhleh na chance ka neih hun hun ah ka that chiang viau tawh ang ti in ka in sehruh ṭeuh mai a.
"Silai rawn ngaihtuah la, Hiro awmna ah min rawn hmu ang che .ha chang ṭhial rap rap chung chuan ka lo ti a.
"Bro in bengdai teh! "Ruahman na ṭhatak siam kan ngai a nia.
"Silai chu rawn la la a nimai tûnah, tia lo vîn leh tuarh pahin, chu chu thupék a nih chu!" ka lo ti vawt leh ruih a.
Ka hmel a en chuan, hnial vak chi ka ni lo ah a ngâi ta a niang, " Ok ti sup chung chuan, a che sawn ve ta vat a.
Jake kal hnu chuan thinrim zetin, Hiro number chu ka dial ta nghâl a, lo pick up vatin, *" Hey Harley enge tihsak theih che ka neih?" tiin aw zângkhai zet hian min lo chhâng a.
*"Hiro Belle kha i khawih a nih vaih chuan, ka that nghâl ang che hrerawh !
"A nih chuan Harley a duhâwm reuh ropui si a, risk ka lâk ngei chu a ngai dawn ta a nih chu!
"Hiro min lo ngâithla teh! I kut ṭang pakhat pawh a chungah i lo dah a nih chuan, ka silai mu hian i thlûak chu a deng darh vek khawp ang le, i hria em, ka thusawi chu?
*"A pawi khawp mai Harley hei i nula i pawh a lo harh chiah, ka dah mai angai, tiin phone chu a cut ta daih a.
Thinrim zet in "Hiro!" *HIROO* ka ti leh tuarh a. Mahse tumah min chhâng tu an awm tawhlo!
" Hrep takzet chuan," tih hrâwk pahin, Hiro hming hnâisai lo zet chu ânchhia ka lawh hluk a.
Jake chu ka bulah a lo thleng leh tawh a, a rang khawp mai, "Ka that khawp ang le ti in ka lo in hrosa khuih khuih a.
Lokal rawh a inah chuan va kal
ang." lo tih hrâwk pahin, ka car awmna lam chu ka pan phei vut a, Jake pawh chuan ka hnungah min rawn zui ve nghâl bawk a, ka car chu start nghâl in chak zet mai chuan kan in khawh chhuak dun ta zawt a.
..................................................................
BELLE....
Ka harh chu room vel chu ka enkual a, inhluizet ah hian ka awm nimaiin ka hria, bang a rawng hnawih te chu a khawk nual tawh a, chu chuan ka in ah ka awm hauh lo a ni tih min hriat tir, ka lu chu a nâ em em mai bawk a.
Ka lu chu a nat em a vang chuan ka dawm deuh vang vang a, "khaw nge ka awm ?'ka ti chhuak sap bawk a.
Ka bula lo ding mi pakhat a hmai ser dûi tawh leh hâng dumzet mai chu, rawn ṭawng chhuakin, "khawi a maw ni, hmun pakhatah i awm, tuma'n an rawn zawn chhuah theih loh na tur che hmun ah!" a lo ti sup a.
"Engmaw?" Lo ti leh sapin, "tunge i nih?" tiin ka lo zâwt a.
Chu pa hmel râpthlâk zet mai chu rawn kûn hniamin, "ka hming chu Hiro a ni a, "tûnah chuan, ṭha deuh a in hriatchian na hun ṭha tak kan hman pawh ka beisei a rawn ti leh a.
Ka lo hlâu takzet, ka taksa te lah chu a zawi vek mai a, chesawn tur pawhin, tha ka neih pawh ka in ring lo hial, ka hlauh luat vang nge tih phei chu ka hre lo.
"Hmeichhe nalh zet mai i ni hi." Tih pah chuan a rawn kûn hniam leh zual a.
"Ka hlat ah awm rawh! nang mi hnaisailo zet pa ka lo ti leh hraih a.
Ka aw neih zawng zawng hmang chhuak tur pawhin, ka tha neih zawng zawng chu sâwm khawm fe a ngai.
..................................................................
HARLEY....
Hiro in chu fimkhur zet hian kan luh chilh a, kawngka kan hawn veleh chuan, silai kaw hmawr chu kan hawina lam a piangah chuan, kan hawi tir ve zel a.
Chutiang chuan room tin mai chu kan enkual chhuak vek a, mahse tumah reng chu inah chuan, an awm hauh lo.
Beidawng zet chung hian, "He tilai ah hian tumah reng an awm hrep lo e. "
Jake pawh chu room pakhat a ṭang a rawn chhuah ve pah chuan, "in hi a ruak tawp, tumah ka hmu lo." a rawn tih leh lek phei chuan, ka lo puak keh lo chauh.
Thinrim zet chungin, "Tu a maw tal chuan, khawnge a awm tih hi an hre tur a ni." Ka lo ti rum ûl a.
Jake chuan a phone chu la chhuakin, number pakhat chu a dial nghâl a, kei chuan thinrim zet chung leh rilru hmanhmawh ru tak chuan ka lo nghâk ve rûn a.
*"Yeah
*"I chiang tak zet maw?
*"Ok kan kal nghâl e.
A phone hman chu cutin min rawn melh zauh a.
"Inhlui rauhsan tawh heti lai veng hmawrah hian, a awm a ni âwm e." chu hmunah chuan a chéng zauh zauh ṭhin an ti a nih chu !"
"A nih chuan kal nghâl ang," tiin, rangzet mai chuan chhuah ka rual nghal a, ka tlân chhuak puat nimai in ka hria, ka rilru chu a hmanhmawh tak zet a ni.
Hiro min rawn chhândan a ṭang khân, Belle chu eng tin mah lo awm hman lo hrâm teh se.
..................................................................
BELLE......
Chupa chu ka chungah chuan rawn bawh a min rawn fawh chu a tum a, ka theih ang ang a lo in dang ve in, a hmaiah te chuan ka kuttin hriam zet mai chuan ka lo ham ve bian bian a.
"Honey kha tin min lo sual suh!"rawn tih pah chuan ka kut pahnih chu man beh a rawn tum a, ka ké chu ka lo leng chiam chiam mai bawk a.
Ka tha chu a zawi zo tak ngial dawn, hetiang chuan rei ka ṭang thei hauh lo ang le.
Ka aw neih tâwp tak meuh meuh a au chhuah pahin, " min pui ru!" tiin ka lo au tuarh tuarh bawk a.
"Hey honey au chiam chiam lo mai teh! "A awlsam zâwngin che teh ang, i duh ve tih pawh i in hriat reng kha.
"Tâwp rawh !"i thil tih hi, khawngaihin min khawih suh! Tiin ka lo ṭap ṭiau tawh mai a.
Min rawn fawh luih chu a rawn tum leh a, lo thlék sawn pah chuan," awm sawn rawh!" ka lo tih khum tuarh a ka thaneih tâwp tak meuh meuhin ka lo ṭang ve bawk a.
Eng a tinge tumahin ka thâwm chu an rawn hriat loh le, khawi hmunah tak chuan awm ang i maw? ka ti ta hial a.
Tu a mawni chuan kawng khar chu an rawn tlawh hawng rawp a .
"Khawngaihin min chhan rawh u."tiin ka aw neih zawng zawng tak meuh chuan ka lo au leh chiam a.
Hiro chu rang zet hian a hawi chhuak a, kei chu min namper lawp bawk a, chutih lai tak chuan, Harley chu silai nen a rawn lût ve ta nghâl a.
Chu thil chu ti lo tur a lo dan chu ka duh lutuk, mahse ka tha te chu a zawi zo tawhin, Jake chuan pâwn lamah min hruaichhuak nghâl bawk nen.
..................................................................
HARLEY......
"Tunah khân ṭhingṭhi vat rawh chhuat ah khân tiin ka vîn khum tuarh a.
Ka thinrim chu tlângkâng sa zet ang hian ka chhûngril a ṭang chuan a rawn so chhuak bawrh bawrh mai hian ka hria.
Hiro chu ka pistol ken chuan ka tin rûn mai bawk a.
Hlâuzet chung chuan, Hiro chuan ka sawi anga tih nghâl pahin, "mahse silai kha la sawn rawh a lo ti khûr dur dur a.
"Ngawi chîp cham mai rawh !"ka lo ti leh hrâwk a.
"Harley he thil hi i tih duh lo tih ka hria!" tih pah chuan a lo ṭah aw ṭau tawh mai a. A hmélah chuan a hlâu takzet tih pawh ka hria..
"Warning vawi tam tak ka pe tawh che a. "Mahse i ngaithla duh hrep lova.
"Enge ka hrilh che kha?" I lo khawih a nih chuan, i chung ah pawh ka ti ve ang tiin ka hrilh che a ni lâwm ni?
"Harley a pawi ka ti tak zet a ni. " a lo ti leh dui a.
"I ti khawp ang. Mangṭha le Hiro," tih pah chuan ka silai ken chu ka hmetpuak ta siah a.
..................................................................
BELLE.....
Jake nen chuan room pâwnah kan lo ding dûn a, an thusawi chu thin phu dép dép in ka lo ngaithla a.
Silai puak ri ṭhuai chu ka hre ta a.
Rang zetin Jake an min vawn na chu ka tal pit zauh a. Room chhúng lamah chuan ka tlân lût leh nghal a.
"Harley nilo!" Ka va au tuarh a, mahse ka tlâi ta hret.
"Belle tiin mak tizet chuan min lo en a, a bulah chuan, Hiro chu thisen chiahpiah nuaihin a lo tlu reng bawk a,
A râpthlak zet a ni.
Ka tha te chu a rawn khûr hlawk hlawk mai!
Rang takin chu mi hmun a ṭang chuan ka tlân chhuak a, Ka mang ang tak zet.
Harley an Belle ti a min rawn auh zuina pawh chu ka ngai pawimawh tawh lo.
Pawn ka va thlen hnu chuan, chu ka thiltawn râpthlâk zet a vang chuan, ka thaw hlawp hlawp hlawp a, ka khûr hlawk hlawk mai bawk a.
Ka thinlung ah hei chiah hi a awm, Harley chu tualthah hmang misual leh, drugs dealer a ni tih hi.
Ka hnunglam a ṭang chuan, Harley aw ngei mai chuan, "I ṭha em? " a rawn ti sup a.
A lam chu lo hawi pahin, chiâi zet chung hian, "a lu ah i kâp a ni ka lo tih khum tuarh a.
Aw dam thlup mai hian,,"Belle a ni pawhin kha tiang tho khan a ti ang che.
"Chu pawh a pawngsual zet phawt che a nga, chu mi hnu ah chuan , A hmel chu rawn dur leh khuih khuih tawh ka lo ring a.
"Harley he thil thleng hi i thiamloh vek a ni." Kha pa khân i drugs hralhna man pawisa chu eng zah chiah nge a bat ve?"
Thîp zet hian ka lo melh râwm râwm a.mahse kan dinna hmun chu a thim deuh ém a vang chuan, ka hmel chu a rawn hmu thei lo mai thei, a mah erawh chu, ka aw ka chhuak a ṭang chuan, ka thinrim tih chu a hrethiam tho ang chu.
"Eng maw?" Makti zet chuan a lo ti hû a.
"Ka thusawi chu i hria maw?" Harley!" Drugs dealer i nih hi!
A lo thaw hawk a, a hmélput dan tur chu ka lo suangtuah thiam vek, a meng ngui ruih a nga, rilru natakin a awm bawk ang.
Mahse a hmel ka hmu chiang theilo chu, ka lâwm zawk ngei mai, chu ti lo chu, chu a hmel pa zet leh ṭha zet ah chuan, ka tlu leh mai dawn si a.
A rawn ṭawng chhuak dawn tawh lo emaw ka tih hnu tawh ah chuan, he thil hi a rawn sawi ta sup a.
"Belle he thil hi, ka tân pawh hian a awlsam viau i ring em ni?
Drugs ka tih chungchâng ah khân, ti tawh lo tur a lecture min pe tu kha i ni lâwm ni kha?ka lo tih khum leh hlar a.
Hnai set sawt a min rawn en siah pah chuan, "Drugs chu ka zuar khawp mai !"mahse ka ti hauh lo, hrep tak che chuan Belle !
"Chuvâng chuan a ni maw i lo len chak em em ni ?
"Harley midang nun chu i tihchhiat sak a ni.
"Mahni ai hniam mi ho kha ṭawngṭai sak zâwk ta che.
An mahni ah engkim theihnghilh vek theihna chu i offer a, ti chuan an nun chu i tih chhiat sak ta a.
A aw rawn chhuak chu vûr khang zîng a mi ang mai hian a vawt ruih mai.
"Kha thil kha a dik hauh lo Belle!
A thusawi pakhat té mah chu ka bengah a lût tawh lo.
"Chuvang chu a ni maw Dave pawh khan, kha tiang thil kha ti tur a min lo thlém , ka lo ti leh sep a.
"Dave kha ka bân tawh!" a lo ti leh hmuk a.
"A chhan chu min hriat a vangin ti raw?
Hetia min care ang tluk zet hian, hmeichhe dang rethei tak te pawh chu care la ni tur a nia.lo tih chuai raih pah chuan, thaw ipik zet hian ka lo thaw halh a.
"Tûnah chuan keimah in tâlchhuah dan tur ka ngaihtuah ve mai chu a ngai tawh ang.
"Engkim mai hi theih nghilh ve tawh turin!" tiin ka mittui chu a rawn lûang ngiai ngiai a, chu ka mittui luang chu a hmu loh hrâm ka beisei.
"Belle min lo ngâithla teh! A rawn ti leh sup a.a ni pawh chu a aw a ṭang chuan a hlimlo ve hle tih ka hrethei.
Thinrim zet a lo chhan leh pah chuan, " Nangmah ang mi hring ang chi hi..........he khawvel hi engtiang chiah a bawlhhlawh nge a lo nih tak ?"Harley drugs dealer nih hi a hniam lutuk tak zet!
"Hetiang chuan ka kalpui thei tawh lovang, ti in chhuak em em mai hian, ka ṭap ta zawih zawih a.
Harley chuan thâwk rawn lâk hawk pahin, a awmah chuan min rawn beitir a."Babe he thil hi kan tih fel theih ka ring!" a rawn ti pah sup bawk a.
A awm a min beitir na a ṭang chuan tâl chhuakin, "ni lo Harley kan tih theih ka ring tawh lo ka lo ti sep a.
Rawn kûn hniam in dam tak si duh thawh zet hian, min rawn fawp vawng vawng a, kei pawhin ka thil tih tur hi a harsa ka ti ve tak zet, mahse ka tihtlang ngei chu a ngai a ni.
Min fawhna chu rawn thlahin, ",Babe ka hmangaih che !"a rawn ti ta sup a.
"Harley kei pawhin ka hmangaih che.mahse kan inkar hi a tâwp tawh ka lo ti leh sap a.
"Kha chu sawilo hrâm teh! Belle,"ka hmangaih takzet che.
"Harley drugs dealer i ni a, he khawvel ah chutiang chuan ka awm ve theilo ani." Tihpahin Harley chu zâwimuang in ka kalsan ta a.
Harley hringnun a ṭang a han kal sawn zet chu , ka thinlung zawng zawng hi a kehsawm vek hian ka hria a,Ka thinlung chu a ruak hiau a, chhunkhah tum in bei leh dawn pawh ni ila, ka tih theih tawh khér ka ring lo.
Tlân kîr lehin a awm ah chuan thlamuang zet a va bei thlawp a, a bulah chuan, a ni nen a kumtluan a chén dun ka duh zia thu, va hrilh hliam hliam mai chu ka châk tak zet!
Mahse chu chu a theih loh miau a ni.
Kan inhmuh a kan intawn hmasak ber a ṭang tawh khân dâwt min lo hrilh ṭhin a.
Drug dealer mai a lo ni si.
Chuan tûnah tualthat tu a lo nileh ta bawk a.
Ka kaltir a ka thlah chu a ngai ngei ang.
Kan dinhmun a in anglo lutuk.
Mahse hei hi chu ka hre lo takzet, a tello hian ka hringnun hi ka hmang thei a ngem, a hmâzawng pawh khân ka lo bei ṭhin a, ka theilo chu a ni si a.
..................................................................
ONE MONTH LATER.....
Ka door bell chu a rawn ri rang a, kawngka chu va hawn pahin, hmel nguizet chung chuan, "Tim lo lût rawh ka lo ti sap a.
"Enge i an i zia awm deuh tawh em?
"Ka ring!" ti chauhin ka lo chhâng a, kei mah pawh hi ka in hrechiang tak tak thei tawh lo, ka ṭha nge ṭha lo tih pawh hi!
Rawn thâwk hawk pah chuan, "Thil ṭha tak i tiin ka hria Belle a rawn ti leh sup a.
"Ka hrelo le!" mahse hahdamna chu min pe hauh lo." tiin ka uncle chu ka lo melh hnuai raih a.
"Eng pawh chu nise, heta ka lo kal chhan chu, tûn nihnih a ral leh chuan i birthday a lo ni ve tawh mai dawn a, chutah chuan ruahman na deuh te i nei em?" A rawn ti leh khauh a.
Hmel hlimlo zet a lo en chhoh lap pah chuan," Engmah ruahmanna ka neilo Tim," ka kal bo anga, a ni mai tiin ka lo chhang sap a.
"Mahse i kum 22 na birthday tur a nisi a, kan Company ah pawh puitling ang tak tak a lawm luh na nî tur che.mak tizet a min lo en hau pah chuan a lo ti a.
Engtin mah a chhâng lo chuan, ka lo mai mitchhing vang vang ringawt a.
"A nih leh khawiah nge kal i rilrûk deuh?
"Ka pa hotel duh deuh ṭhin kha ka book a, chutah chuan mahni chauh a awmin , ka châwl hahdam ang chu ka lo ti a.
"Hei hi ka nu leh pa te tello a ka birth day vawikhat hmanna tur a ni a....."Tim chuvang chuan hlim tak a lo lawm vel hi ka duhlo a ni ka ti ta sap a.
"Ka hrethiam e, a lo ti ngûi ve ruih a.
Ka thusawi lai chu chhunzawm leh in, "Harley pawh a kalbo tel ve bawk a, chuvâng chuan ka tân hlimna hian keimah ah hmun a chang rih lo.
"Harley Dean chu nakin hun zelah i la theihnghilh ve mai ang.' a lo ti leh hruih a.
"Chu chu ni thei se ka ti takzet, i hria anga a ni kha Tim'" ka hmangaih takzet a ni.
"Ka hria a lawm, a lo ti ve sup a, a ni hmel pawh chu a ngui ve tak zet, a vahnu he ti khawp a vânduai a ka awm ta mai hi ,hriatthiam har pawh a ti ve a ni mah na.
"Tim heng thil ka tawrh zawng zaawng te hi ka tân chuan a tam lutuk, a châng chuan ka ngaihtuah ṭhin! Heng ka thil tawrh zawng zawng te hi, tuar leh tawh lo tur a ka nun......
Ka thil sawilai chu lo pawt chatin, " kha tiang khan an sawi ngailo Belle.
Ka hria e,mahse ka tih theih tawh hi ka in ring lo ṭhin a ni, a pawi ka ti takzet!
"Mahse Tim chu chu a châng a ka ngaihtuah ṭhin dân chu a nia," tiin ka lo kûn nghiai a.
"Belle thil chu a ṭha zawngin a rawn thleng veleh mai ang, mahse hun chu a duh ve deuh ang.
"A nih ka in pack a hun in ka hria naktukah ka kal tawh mai dawn si a, ka lo ti leh sep a.
Mi ngaihtuah hmel zet a min lo en pah chuan, "Engtik ah nge i lo kîr leh ang?" "a lo ti leh khauh a.
"Christmas zawh hi han ring chhin phawt ila," tiin ka lo chhâng a.
"A nih hei hi min tiam rawh!" Mamawh i nei te a nih chuan, min rawn call dawn tih hi!
"Ka tiam a che , ka lo ti leh sap a.ka nun chu a hlim tawh hlawl lo, tûnah tak phei hi chuan, ka nun hmanlai hi theihnghilh ṭhak a awm theihna ka duh ngawih ngawih.
Mi á nih te pawh hi ka tân chuan a nuam zâwk khawp ang.
"Aw le, kan in beleh zel dawn nia," tiin zâwimuang chuan min kalsan ve ta a.
Kei pawh chu inchhung ah chuan ka thawmhnaw te pack tur chyan ka lût ve ta a.
.................................................................
TIM MARSHALL.......
Harley Dean chu ka that duh hial âwm e, ti rilru chung chuan, Belle chu ka kalsan ve ta a.
Ka phone chu la chhuakin, number pakhat chu ka dial nghâl a, lehlam a mi in min rawn chhan hnu chuan,
""Biak fuh che chu i har khawp mai maw ti in ka lo chhâng nghal a.
"Aw sumdâwn na lam chu a ṭha e, mahse thil pakhat hriat duh ka nei.
"Ka vahnu Belle kha ila hrereng em, Rex Marshall fanu kha?
"Aw le ka lâwm e, aw le," ka kal nghal ang.
Barah chuan ka lût a , mi pakhat jacket sen ha hâng lampang samphiar kir sung mai, a dar vel a uaisung phone khawih nauh nauh chu ka va dinchilh a.
"Harley Dean i hria em? " ka va ti tawl nghal a. "Khawnge a mah hi ka hmuh theih ang?
Chupa chuan mi ngaihsak hmel loh zet a ka lam pawh lo hawi mang lo chuan, a phone lam hlir chu a ngaihtuah a, hnek pawp mai hi ka châk.
Ka la ding ta reng a ni tih a hriat chuan, min rawn melh pah zauhin" tunge zawt?" a lo ti khauh a.
"Kei mahin, ka lo ti ve nghut a.
"Chuan nih leh nang mah chu?
"Tim Marshall ka ni.
"Belle uncle i ni thei a ngem?
"A landanah chuan, ka nih theih mai chu ka ring."i hria nge hre lo tih a lawm ka zawh che.
Saw, saw tilai room ah sawn kal la, a lo awm mai ang , sambuang kha a ni e, chuan leather jacket dum a lo ha ang.
"Amah chu ka hria e, ka lo ti ve nghut a.
"Buaina siamtur a rawn hmu i nih vaih chuan, tiin rumzet hian min rawn melh a.
"Buaina ka duh hauh lo."A mah biak ka duh mai nia." tiin ka lo chhâng a.
................................................................
HARLEY DEAN.....
"Harley! ti a min rawn ko tu lam chu rui zet chuan ka en chho a, ka lo ruihna zawng zawng te chu a reh vek hian ka hria.
Engtak chu rawn ti ve ang maw ?ka lo ti rilru a. Belle pate a chu ka bula chairah chuan ṭhuthmun rawn rem ve in" nangpawn min hmuh tawh kha, Tim Marshall Belle uncle ka ni a.
"Tu nge i nih chu ka hria e." Ka lo ti nghut a.
"Kan in be thei ang em?" A rawn ti leh sup a.
"Teh reng mai tih pah chuan, glass dang chu la in, "i duh ve em ?"ka lo ti a.
"Duhlo , ka lâwm e, chuan kan thupui ah luh nghâl mai ka duh!
"A ṭha a lawm ka lo ti ve sup a.
.................................................................
THE NEXT DAY.
BELLE....
Zîngah chuan ka tho a, peihlo zet leh huphurh ru zet chung leh, phurlo takin ka che ṭan ta a.
Kum sâng sawm pawh ral mahse he thil hi ka ngaihtuah chhin ngai hauhlo ang.
Ka birthday mahni a ngûi zet a hman an ngai ta mai hi.
Ka pa kha chuan, ka kum 18 hman kum ai pawhin, a ngai pawh zâwkin min lawmpui zâwk ngei ang le.
Mahse an ni chuan min lo thlir reng in min hmu reng thei a a lâwm, train chhûngah chuan ka ṭhu lût ta a, mahni chauhin ka room ah chuan ka awm, hei hi ka duh dan tak a ni.
Flight a ka kal duh loh chhan pakhat pawh, he tia mahni chauh a room pakhat a fâl reih rawih a awm a, tuma min chimbuai theihloh a awm ka thlan vang a ni.
Hotel ka thlen hun hun ah ka mû a nga, ti chuan christmas zawh hnu a chauh lo chuan, ka ṭhangharh duh tawh lo bawk.
Chutia ka suangtuahna te kâwm a ka ngawih rauh rauh chhung chuan, ka kal tum na station chu ka lo thleng ta dér a,
Ka chuan na train chu station ah chuan dingin ka chhuk ta a.
Hotel a ṭang a car an rawn tirh chhûngah chuan ka lût nghal a.
Ti chuan ka thlenna tur hotel lam chu ka pan ta nghal a, hotel kawt kan va thlen chuan, ka thawmhnaw ken chu a tlém tham ém a vang chuan, keiman ka khai lut nalh nalh a.
Hotel ah chuan inziah luh thuai a mut daih chu ka rilru ah a lian ber hial awm e.
Chu hotel chu a pâwn a ṭang chuan ka melh pah vang vang a, five stars black a lo la in ti kalh a , engmah danglamna a la awm lo.
Ka naupan lai deuh khân, kapa te nen he hotel ah hian weekend hmang turin kan kal reng reng ṭhin a nih kha.
A kawtah chuan christmas tree lian zet leh ropui zet mai hi a lo ding to lurh a , a nalh ngei mai.
Tunah chuan mi zawng zawng hian he christmas ni lo thleng tur hi an lawm awm si a, kei ve thung chuan, ka thei ve lo a ni ti chung chuan, in chhûnglam ah ka pén lût ve ta a.
Hotel reciptionist lam chu ka pan ding nghal a, nula inchei fel thlarh mai sam rawng blond colour lek lek hian " Miss puitheih na che ka nei em ?"a lo ti var a .
"In ziahluh ka duh a," ka lo ti ve sap a.
"Khawngaihin i hming?
"Marshall !
Ka hnunglam a ṭang chuan, aw ka lo hriat ṭhin tak chuan ,"Belle tiin min lo ko sup a.
Ka va leh hawi nâk chuan, chu Hotel neitu pa ka pa ṭhian ṭha tak mai Jonas a lo ni reng a.
"Yes , Mr . Black i ṭha maw?
"Ka ṭha e." Tim in min rawn bia a, he tilai hmunah hian ni rei vaklo chhûng i rawn awm tur thu a rawn sawi a.
"Ni e, nirei vaklo chu hetah hian awm rih ka duh a ni." Ka lo ti ve sep a.
"Vanduaina i tawh ah khân ka tawrhpui takzet che a nia. " i pa leh kei hi i hriat ang in ṭhianṭha tak mai kan ni a, i duh a nih chuan, i pa thlen ṭhinna room kha ka pe ang che.
"Ka lâwm khawp ang." ka lo ti a.
"Chuan i nu leh pa an vûina hunah khan ka lo kal ve thei lo a, a pawi ka ti takzet a ni.
"Kha tih lai khán Sicily ah ka awm daih a vângin, tih ngaihna a awm silo a .
"Ka hrethiam a lawm," ka lo ti leh sap.a.
"Eng a pawh chu ni se, he tilai a i awm chhûng a,mamawh te i nei a nih chuan, ka office ah lo kalin, min rawn hrilh ṭhin ang che.
"Engmah ka lakah sawi hreh neilo turin leh heta i awm chhûng chuan nuam ti tak a awm turin, ka duhpui takzet che tih hi i hre dawn nia." a lo ti dam thlup a.
Kei pawh chuan , "Mr. Black i chungah ka lawm takzet , ka lo ti dawn nia tiin, ka pa room ṭhin lam chu panin escalator ah chuan ka chuang ta nghâl a.
Room chu hawngin, ka lut a, chu room ka chang chu ka vânnei tak zet a ni.
Bathroom ah chuan lûtin, bathtub ah chuan, tuilum in rei tâwk fang ka in chiah a, ka chhuah leh hnu chuan, intur ka room a kengtur chuan ka chah a.
Chumi chhûng chuan ka thawmhnaw chu ka lo thlâk a, intur chu ka in piap piap a, ka chahthlâk dawn thleng chuan, ti chuan engmah ngaituah hauhlo in ka muhíl ta a.
Zîng a lo ni a, ka room kawngkhar rawn knock tu an awm a vâng chuan, min ti harh ta tlat mai, vawiin ang ka birthday nî tak phei hi chuan, ka harh duhlo a sin.
"A tu hrep tak chu nimaw?" tiin lunâ lûk chung chuan ka tho chhuak a, ka la kat deuh dat dat bawk a.
"Pathian!" hrep tak chuan leh, "Ka lo kal ,"tiin ka au lang lang a.
A chhan chu a kawngka rawn knock ri ringawt a pawh chuan, ka lunâ chu a puak keh mai dawn hian ka hre hial a ni.
Kawngka ka va hawng chu, "Nang maw? "Ka ti hau mai.
Ka lo rin loh leh ka beisei loh zet thil a nih a vâng chuan.....
"Enge hetah rawn tih i tum teh hrep?" ka lo tih khum hlar a.
"A chhung a lût turin min sawm dawn nange tih pah a, a sakhmel ṭha zet mai rawn nui vawr mai chu ka lo haw lek lek.
"Lo lût ta che."
Harley rawn luh nan chuan kawng ka lo kian a.
Room chhung a rawn lut makti zet a la en reng chung hian, "Engtin nge hetah ka awm tih i hriat ?"ka ti leh khauh a.
Fakna milem kha min lo hmeh sak hram hram dawn nia, in like leh in comment hlu tak tak te kha ka lo ngai châng ve reng a nia.
To be cont...... .
No comments:
Post a Comment