Camera hma a ding rân pahin he thu hi ka sawi ṭan ta a.
"Dear, a tâwp ah chuan, engtin nge i ngaihzâwng kiss chu i dawn theih ang le?



"A point tâwp ber hi a pawimawh ber lai chu a ni e."
"Chuan.....nangma tan hei hi ni sela.
He thil hi a ni ṭhin a tlângpui thu in....."



"Hmui liah huh deuh hlap...."
"Kut in tawh palh.. "
"Mit leh mit in tawn na..."
"In sut palh...."
Rilru a in suangtuah dun veng veng..."



"A pawimawh ber ta chu in fawh zei tak i nih hi a ngai ta ber a nih chu."



"He ka checklist hian, i ngaihzâwng lakah chuan, a pui dawn che a nih chu, lo thlîr reng rawh!"



"Hahdam deuhin awm la, mahni inring tâwk zet a awmin, mahni inhawng tak si in."



"Heng thil zawng zawng hi i tan a ni tih hria la, chuan hei! tûnah chuan i neihtâk réng hi."



"Rachel check list hi pawm la,keimah ah pawh a dik a, nangmah ah pawh a dik ve ngei ang."



"Hei zawng hi tûnkar chhûnga hun kan neih chu a ni e."



"A lehpek ah chuan, Rachel spears check list hi a dikna nen kan inhmu leh dawn nia."



"Chuan cut!" tiin ka ṭhiannu Brinn chuan, a phone ken lai chu a off ta a.



"Enge a an? Ka hmuiphun vel kha a dik tawh maw? "Tiin ka ṭhiannu chu ka zâwt nghal vat a.



"Aw, i hmuiphun pawh a dik tawh e, chuan a vai mai khan a ṭha vel vek a ni mai." Min nuih pah sak a.



Ka sen deuh ṭân ṭân nia, a âwm anglo ṭhin mah mah chu a ni e. Ka hmâi han sa deuh ta hat hat chu ka dawm ringawt a.


"Mahse khatiang thu pawm turin leh, thurâwn pe tur chuan, ila tih ngailoh thil vek a ni tih erawh kha chu hria la."



"Eng a?" tih  deuh hlar pah chuan, rum zet hian ka ṭhiannu Brinn chu ka melh nghek a.


Min nuih khum uarh uarh pah chuan," Uhh thurâwn te chu ka pe ve theilo che em ni ṭhiannu?"

"Brinn ka lâwm e, i thurâwn tello pawh khân ka ṭha em em tho ang tih ka hria a ni."


"Mahse hei hian tibuai miahlo che sela ka ti a lâwm, khâng i thil rawn sawi tâk zawng zawng te kha pakhat mah i la tichhin eih bawk silo."


"Khâng thu zawng zawng te kha inzilhna thu pawmloh na a nithei mai ang em nih leh?" Ka mitko la san khum deuh âk a, ka phone chu lâksakin kan bula dawhkan chungah chuan ka dah nghâl zauh a.

"Hei hi i hre bawk tur a ni. Ka thil la tawn ngâi reng reng loh ho chu experiment ka beidawn a ni tih hi! " ka tih khum ve hmiah a.

"Note book a mi ho i tihna a ni em ? "A ti veleh khauh a.

"Kha kha ka summer checklist tâwp ber a nih kha." tiin ka nui pah sak.



"Hetiang thil ka tih hma hian, college kal tlangval ho hi nula te lak ah han tlu dual dual phawt mai sela...."

"Chuan engtin zel,?" tih pah chuan, Brinn chuan next page chu keu in, a chhiarzawm leh nghâl a." Niléng zankhua in a bulah awm ?"

"Zìng  ni chhuaktir hnuai a thlalâk dun?"

"Chuan taksa in chûlkual sak dan dan?"

"Zan arsi pe tuarh hnuai a romantic dance neih."

"Oh thil pakhat ngaihtuah chhuah ka nei," tiin ka note book chu ka chhuhsak a, ziah leh malh malh pah chuan, chhun ni engmawi zet hnuai a tuipui kam emaw inchung(roof top) nuam zet a thla lâk dun.


"Rachel i ngaihsan awm takzet." a lo ti hlut a.

"Mahse keipaw'n thudang ngaihtuah ka nei ve." tiin ka note book chu a ban nghâl zat, pen ka kut a mi chu lâk leh pahin, pen hmawr chu a seh rauh rauh a, ngaihtuah chhuak ang zet a phur thar leh thut ta ang mai hian, a ziak ve ta mawlh mawlh a.

"Hey enge i ziah a?"

"First kiss' mawle."

"Hethil hi i lehkha ziah rûk a ni lawm ni?"

"Brinn khâng thil kha chu, hetah rawn senglût ve suh! "Ka tihkhum hlak a.

"A pawi vak lém em ni?"

Men nûr khum deuh nâng pah chuan, "A hmasa ber a tân chuan, Jordan chu mél sâng tam tak a awm a ni tih hria la..."

"A dik, Jordan chu i online bialpa hmelṭha tawk a ni tih kha ka lo theihnghilh daih a lawm." A nui pah rah rah a.

"Pahnihna chu, ka hun hmasa ber hi bawm chhûnga tâwt zet a hnawhluih angmai ka ni hauh lo ang le, thil special tak a ni ang tih pawh ka ring bûr a ni. " tih khum leh pah chuan ka nui pah âr âr a.

"Chuan ka ke hian ka thâithlû zauh ang a, min hmangaih ngei turin ka siam bawk ang." Ka tih zawm leh a.

Ka ngaihtuahna ah chuan thil pakhat rawn lût thutin, chu thil a vang chuan, ka hlimna te chu lák kian ang duak a ni hian ka hria.

"Mahse ka....ka thinlung hi a nâ ang em? min tihnat sak........." ka sawizawm thei ta lo a.

"Oh boy ! Eng tihna mah i nilo !"a lo ti ve hlak a.

"Enge, a ni chu engkimah a ṭha famkim vel vek a ni mai ka tih khum leh sak a.

"A nih mipa ṭha famkim chu eng ang chiah in nge an awm ṭhin?"

"Uhm... " ka ngawi deuh vang vang a, sawi mai tur ka hre hauh lo mai, a chhan chu Jordan nen hian vawikhat mah kan la in hmu hauh lo.

"Oh khawngaihin, i sawithei lovang tih hi ring mai teh!"

Chutih lai tak chuan, ka laptop ah chuan inbox ah new message a rawn thleng tih hriat tak chuan a rawn ritlang a.

Ka laptop chu ka en nghâl vat,
"Tunge?' Lo tih ve pah chuan, "Jordan a ni ang ti raw?" A  tih zawm zat a.

"Engthil nge a rawn sawi ?"tihpah chuan, ka phone chu a ban zawm nghâl zat a, facebook ah chuan a lût ta nghâl a.

Ka laptop chu khup thak pahin,"ka phone kha min pelét vat rawh! I lo inrawlh ve na tur a awmlo." ka tihkhum deuh hmarh hmarh a.

"Kha tikhan lo tilo teh! Relationship i neihpui pa Jordan hi ka tân chuan a ni ve lo. " A chhan chu netflix hi action a ṭanga rawn chhuak a ni lo bawk a." tihpah chuan a en mial mial tho, Brinn hi ka ṭhian kawmngeih ber a ni a, mahse ani chuan heti ang lam pang hi angaihven zawng ani ve hauh lo, a sawi ang deuhin netflix tih vel ai chuan action movie tih ang ho te hi aduh záwk.

Brinn chuan mi rawn melh zauh pah chuan,
"A rawn sawi chu maw, thawnthu chhiartur a i tih kha a chhiar zo chiah a rawn ti a nih hi!"
Tihpah chuan a type ta mawlh mawlh a,
#Tunah chuan, coffee shop a ṭang a inṭan in, ka thinlung a deh dan chu pholang lo a, ka zép ngei a ngai dawn ta a nih hi.
ka lawm e tiin winky smiley face chu a thawn leh a.

Ka lam chu rawn hawi leh pahin,
"Mipa pakhat i lehkhabu leh thawnthu chhiar tu tur chu i tawng a, chu chu hmangaihna i ti a maw?" Tiin nuihzat hmel zet hian min en a.

"Mi zahthiamna chhete tal te chu nei ve la ."tihpah chuan, ka phone chu ka lo chhuhsak a, ka en ta nghâl a.

Engtin nge ka chhán lèt ang ti a ka ngaihtuah rauh rauh hnu chuan,# i duhzawng a lo nih ve a vangin , ka lawm takzet a nia, tiin ka chhâng lét ve ta a.


# Jordan= Mahse ka chakloh na lai lehkhabu ka chhiar tlûrh tlûrh na hi, min zép pui thei ang chu ti raw?


# Rachel= Ha ha i thuruk chu ka lak a ṭang chuan a chhuah ring suh!
Mahse ka lak ah bat i nei a nia aw ;)
# Jordan = Mél sâng tamtak ah awm lo ni la chuan, zanin hian ka rûl lét em em ang che.
Ka sawitum chu i hriatthiam ka ring.;)

#Jordan= Chuan enge a dawt lehah ka lo chhiar leh ang?

Ka offline hnu chuan ka ṭhiannu chu ka melh zauh a. "A dawt leh a a chhiartur ka ngaihtuahsak leh ngei chu a ngai ang. "Lokal rawh books store ah kal ang.

"Oh my God ! Ni tawh lullo."a lo ti a.

"Khawngaihin tiin ka melh no a.
"A nih books store ah kan kal dâwn a nih chuan, keiin thil sexy zet ka lo lei ve thung ang." a  ti ve ta nghat a.

"Yes, tehreng mai!" ka au deuh chûl a. A lei tur pawh ka hre ran mai, thawmhnaw bâk va ni leh suh!

Books store kan va thlen hnu chuan, ka ṭhiannu chu ka phone chu ken tirin, lehkhabu Jordan chhiartur chu ka enkual ta dan dan a.

Brinn chuan min rawn au chûl a, "enge ?Kha ti khân min rawn au vak vak zel suh!" Ka tih khum deuh érh.Brinn lah chuan min pawisa lo khawp mai. A chhan chu kan mizia hi kan in hriatchian sak tawh tlat!

"Ih,Jordan khan photo pathum a rawn thawn che a, tahchuan i duh ber pakhat thlangin, profile photo ah a hmang dawn a nih chu!"

"I duh ber kha lo thlang mai rawh." a lehkhabu chhiartur ah ka buai zâwk fe." Ka tih khum leh nghat a.

Brinn chu  aphun deuh niah niah a. "He pa awmna hi a hla hle a, mahse hei hi chu a nalh ve reng reng a ni."

"Oh hei pawh hi a ṭha lutuk tlat! " kei pawh online boyfriend ka neih ve hunah chuan, he ti ang mipa ngei mai hi neih ve ka duh ang."

"Mmm a ṭha tur ber chu ka hmu ta e, Amazon.com a customer regular fe pawh a lo ni maithei tih tu nge hria, chuti ang bawk chuan taylor Swift pawh hi mipa a lo ni mai thei a sin."

Ka ṭhiannu in ka phone a lo khawih kauh kauh chu va tihbuai in,"Aw le, he lehkhabu hi rilru leh tihtak zeta ka thlan chu a ni a, a hmeichhia lutuk loh hrâm ka beisei, a chhan chu va barakhaih tawp chu ka duh bîk lo."ka va ti deuh teh tawl a.

Brinn chuan "en ve reng reng teh! Ka lehkhabu hrilh che kha, "tihpah chuan, inchhuanhmel fe hian min melh larh larh a.

"Anarchist cook book kha maw?" tihpah chuan, ka nuihliam san mai mai a.

Tih takzet a min rawn en pah chuan, " Kha lehkhabu kha chuan ka hringnun hi a thlâk danglam ve chiang a lawm ."

"A ṭha e, ka lo hawi zîm deuhhlek a nih chu!" Mahse la tûnah hian lehkhabu chhiartur pathum chu ka thlangchhuak tawh a, chuan an pathum zingah chuan heihi chhiar se ka ti a." Tiin pride and prejudice chu ka la hrang nghal a. (Writer note- Pride and Prejudice hi ka fak pah e, lehkhabu ṭha tak leh love story ngaihnawm lutuk tak mai a nia.)

Ka phone chu ka ṭhiannu kut a ṭang a lâk pahin,

#Rachel=Aw le, Pride and prejudice hi next a i chhiar leh tur chu a ni e.tiin ka type ta nghal a.
Nghahrei a ngailo khawp mai.

#Jordan=Ok, zanin ah ka lo ennghâl ang.

#Jordan=Chuan tuna i lehkhabu ṭha tak min rawn thlansak hi, chhiar hlan ka nghâkhlel tawh khawp mai.

"Oh hei hi nelawmna a ni thei ang em?" Ti a phunchhuah sap pah chuan,thawk ka la pah deuh halh a.

"Chutiang ni lovin intih zâuthauna a ni thei mah zâwk ang em?" Brinn chuan a lo ve khauh a, alam hawi chuan ka melhrum kher mai, Jordan hian Brinn hi hmu ve ta se eng angin nge angaih ang?

# Jordan =nichin a i photo rawn mark kha ka propic ah ka rawn hmang nghâl ang aw?

# Rachel=Tak tak em ni? ka lâwm e.

#Jordan= Lawmthusawi a ngai kher hlei nem, kei hi a lawm i chunga lawmthu sawi zâwk tur chu, mit fing tak i nei tih pawh ka hre reng a nia.;)

Brinn chuan kan chatna chu lo en ve rengin a lo nui hak a, "Tunah chuan mipa khawngaihthlâk awm zet chu homework i peleh ta chu a ni a, chuan a photo ho kha ka en kual ve thei ang em?"

Jordan photos ah chuan ka lût nghâl a, a photo chu Brinn entheih tur chuan ka phone screen chu ka slide pah zel a.

"Oh khawimaw heta mi hi!" tihpah chuan tuipui kam a a dinna chu a en chîk ta kher mai.

"Oh he pa hi heta a inthuam dan hi ka duh lutuk, pheikhawk mawza tello in a bun a, tichuan a taksa pian lang chiang theitur ber thawmhnaw a ha bawk a, ka duhzawng tak!" a ti deuh hlut a.

Deuh teh duah chuan! Ka ti rilru rauh rauh.


"Khawi hmun nge i hria em, he hmun hi ?"Tiin ka chhânna phût zet chuan min rawn melh a.

"Hamstons a nih hi!

"HAMSTONS MAW?? Tiin makti zet chuan a mengrâng kual vel a.

"Aw chutah chuan Jordan chu a chéng a lawm.
"Oh Rachel chumi hmun ah chuan a ni lâwmni, i nuhrawn pawh a chén kha?"

"Ni e, a rosum tamtak te nen a ni tel bawk a,a thawmhnaw lei ho chungchâng ah inren ve deuh tur a ka hrilh a nih ngat phei chuan, a thluak hnathawk ṭhalai pawh ka tih chawl thei hial ta ve ang." Ka mengkual pah ralh.


"Mahse check list 32 a alandanin, thawmhnaw changkâng zet inbel hian, kan lang naupang ṭhin a, kan lang upa ngai hauh lo." ka tih zawm leh a.

Books store a ṭang a chhuakin, ka ṭhiannu thawmhnaw leiduh en leh tur chuan dawr dang chu kan pan leh ta a.
Brinn hi chuan ngawih deuhreng hi a thiam ve hauh lo. Ṭhian te zingah leh lek phei hi chuan.


"Mmhh!" Ti a aw a rawn then zauh hnu chuan , "Rachel engvangin nge tûn summer hi i pa bulah chawlh i hman
duh thu i hrilh mai loh ang?"

"Ka theilo!" Tiin ka lo chhâng liam puat a.

Ka hmalam ah chuan min rawn leh khalh a, a hmel a thutak zetna a vang chuan mak pawh ka lo ti ngei mai!

"Engvang mahin i theihloh na chhan tur âwm ang ka hrelo tawp mai, chuan Jordan pawh a takah ngei i hmu thei bawk ang a,ti chuan engtiang chiahin nge a takah a lo ṭhat tih te pawh i hrechhuak thei bawk ang."

"Chhan pathum a awm!" Lo tihnghat pah chuan, Brinn chu chiang kel kawl tak hian ka melh ve kal a.

"1.ka nuhrawn chu a â mai ang."

2. An mahni sa pél ang zet a ka va veh ngat phei chuan."

3. Chuan ka nu rilru pawh a na hle ang a, hei hi college ka luhlai a ka nu rilru ka tihnat na a nih dawn a vangin, ka hrereng tawh bawk ang."

"A dikchiah! College i kal lai a i summer checklist a mi ho i tih full fill theihna kawng awm chhun a ni tel bawk a, chû'ng zawng zawng pawh chu ngaihtuah ve bawk la, chuan i first kiss pawh chutah chuan i ti thei bawk ang a." A la ti ta deuh deuh.

"Ka thusawi awmzia chu, tihpahin ka phone chu min rawn lâksak a, Jordan propic chu a tilang a." En ta che a hmui nalhzet mai te hi!"

"Mmmmmm ! a ni ringawt!" A lei chuan ahmui chu aliak kual pah a.

"Brinn ka hre lo le, mahse kan message ah hian, ka hlim tâwk viau rih in ka hria....Hetilai dawrah hian i duh chu i hmu ang." tiin ka ṭhiannu chu ka kawhhmuh nghâl a.

Chu dawr a kan luh hnu chuan, Brinn chuan thawmhnaw chu a enkual dan dan a.

"Brinn nichin a kan thusawi kha sawi zawm leh ta ila, nih leh kan mizia te lo inang ta lo se lé, engtin nge ni ang?"
"Chutak chu a lawm i zawn chhuah tur chu, i kal ngat a nih chuan!"

Ka chal chu ka kuttin ka dawm khum deuh ngaih a.

"Rachel i checklist kha tih hlawhtlin i duh chuan, chu bâk a kawng dik kawhhmuh tur che ka hre bîk lo ."a ti ta hmak a.

A thawmhnaw thlanchhuah pathum te chu dawr nghâktu lamah chuan kalpui nghâlin, a man chu a pe fel a.

Dawr a ṭang a kan chhuah leh hnu chuan, coffee shop chu pan zui nghalin, a chhungah chuan coffee intur chuan kan ṭhu ta ran a.

Kan thil chah te a lo thlen hnu chuan, Brinn chu ṭawng chhuak lehin, "Okay ka hrethiam e. I graduate hunah chiah tiraw hethil hi tih i tum?"

"Mahse i summer checklist chu tih hlawhtlin hauhloh in i dah reng dawn chu a ni si a, engmah expirience pawh nei miahlo in i awm bawk ang a."

"A bulah nileng zankhua a awm!
Chuan taksa in chûl kual sak dan dan leh zân arsi éng tak leh thla éng tak hnuai a romantic dance neih a ni lâwmni kha?chuan i mipa duhtak ṭang nemah in bei deuh ngei bawk anga, a ṭha lutuk tlat!"


"Ka sawi diklo em ni?" ka lo ngawi deuh rauh rauh lai chu min rawn zawt a.

Muang fahran hian, "i sawi dik ka ring," ka ti ve sap a.

"A nih a hnu ka dik a nih te chuan?" Min melh vang vang a.


Thâwk la deuh halhin.
"Okay ka lo tum dawn nia, ka kal tawh ang e." ka ding chhuak ta nghâl a.

"That's my girl!" tih zauh pahin, " Anih Rachel ka tello hian engthil nge i tih theih reng reng, chiang takin han sawi teh?"

"Chuan i nu bulah engtin nge i sawi dawn? Engtiang kawngin nge i hmin theih ang?"

"Chutiang a tihdan tur chu ruahmanna ka nei tawh e." tiin ka chhâng ve a.
..................................................................


Tunah chuan check list a mi ho kha ka hman ṭangkai a ngaita in ka hria.
Engti angin nge i nu thlém thlûkna lamah hnehna i chan theih ang? Inlam pan chuan ka haw ve ta nghâl a.

Ka nu bulah chuan va kalin, "Hey Mom !"

"Yes Honey."
"Enge i ngaihdan, ka summer chawlh hi ka pa bul Hamstons ah va hmang ta ang i la?"

"A ṭullo lutuk ringawt!"

"Huii! " tiin ka chal ka lo dawm ngâih a, menkual ralh pahin, number one na chu leh!

Number one idea ṭhatak i hman angai ang. Chuan eitur siam lampang a ṭang te in ṭan ta ang ila.

"Mom i dinner siam chu a tuihmel hle mai,nakumah chuan tûn hun hi ka la ngai viauin ka ring a ni, a chhan chu ka upat belh sauh tawh dawn si a."

"Honey ka lawm e."

Number two, ka thilsawi duh a ka luhpui dan tur hi a awihawm loh hial zawk awm e.

"Mom zanin hi i ngawichawi riau mai, enge i ngaihtuahna ah awm reng reng?"

Ka nu chu ka lam rawn hawi in, a hmel chu a ngui tak zet!

Ṭawng chhuah sap pah chuan," Hamstons mawle, ka lo ngaihdan chuan tûna i pa te chhûngkaw thar ho hian min ti â zo tak ngial dawn in ka hria."

I theih ang tâwk a a rin theih na tur che in tuna a thusawi kha pawmpui hmiah rawh!

"Oh Mom i ngaihdan chu a dik chiah, i hria em tûn a ka pa nupui thar leh a fanu phei saw chu, make up tello in pâwn pawh an chhuak duh hlei nem!"


"Chuan ka pa nupui thar khán thanks giving ringawtah pawh, Australia ah kalin, yacht ah an hmang maw le."


"Ka pa chungah a lèng vel a, kawng engkim ah ka pa pawhin a thlâwp a ngai ve zel bawk a."


"Chuan chutiang chuan ka pa chu ka hmu leh ang tih pawh ka in ring pha lo hial mai." Ka ti siam siam a, ka pa nupui leh afanu chu ka sawi chhe barh barh a.


"Engtin nge ni ang, kan khawsak a pan zia pawh i hrereng a lawm, i kal man leh i va awmna vel zawng zawng ah ka thlakhat hlawh hi a fai ṭhak dawn a, engtin nge inchhûng hi ka lo manage ang ni?" Ka nu chuan hmel ngui zet chuan ati chuai ta raih a.

In remna ka neihpui phawt a ngai ang.

" Mom lungai duh suh! Hna ka zawng pah ang a, ka awmna leh ka rawn hawna tur chu ka hmu thei em em ang, Hamstons mi leh sa te hi midang ngaisang zet chi an ni tih te pawh ka hria a nia, chuvang chuan thawh tur ka hmu mai ang."tiin ka nu chu ka chhâng veleh a.

"I pa hmutur nilo in thil dang vang te a ni em lo maw bawihi?"

Chuan dâwt pawh hi loh theih loh na a vang hian sawi te pawh a ngai ve ṭhin châwk a nia.

"Nilo Mom, ka pa hi vawkhat tal chu han hmuh leh hi ka châk mai a nia, chu zawng chu a ni e."


"Aw le a nih chuan, naktuk a Hamstons kal tur chuan lo inbuatsaih ang che."


Ka nu nen dinner a tan Ground beef potato casserole tui zet kan ei zawh hnu chuan, ka room ah lût nghâlin, Brinn chu kan inah lo kal vat tur chuan ka phone ta nghal a.


Brinn chuan ka room chu a rawn thleng har lo kher mai, kawngka khar phui nghal pah chuan, " Ka awih thei lo hial i nu in a remti hi!" A rawn ti lût chûl nghal a.


"Chuan khalai hmuna mi hausa tak takin a summer vacation an hman dan te i va hmu thei bawk dawn a, i hria em engtiang chiahin nge an party chu a bawlhhlawh tih pawh? ka thîk hlawm tak zet a sin!"


"I kaltur thu hi Jordan i hrilh tawh em?"a tihzawm nghâl par par a.


"Aih la hrilh hauh lo, ka thlen hunah ka la ti fel vek mai ang.Chu loah han ṭhawn deuh thut kha ka châk ve hrim hrim a." Ka mit ka siai khum zeuh a.



"I ti tak tak em?" ka ṭhiannu chuan min  melh kal a.


"Vawkhat chu ka la zawngchhuak ang a, awmna hmun vel leh a kalchhuahna hmun ho hi! Ka tih awmzia chu khawi hmunah emaw lo awm ta ang se, ka va inlan thut ang ka lo ti deuh a, a hlimawm phian in ka ring!  chu chu a ṭhat i ring ve lo em ni?

"Chutiang a va ṭhawn deuh thut te pawh chu a ṭhatna chin a awm ve a nia," tih pah chuan min nuih ta var var a.


A nuilai chu tâwp deuh chawihin, " mahse Jordan hi chutiang mi nilo in, surprise ngaina lo tak mi lo ni ta ang sela.......?"

"Nilo , chutiang mizia a nei hauh lo, Jordan te chu a romantic em em a, a ṭha famkim bawk a, chutiang thil mai mai a, lung ni lo tur chi a ni hauh lo." ka lo ti vat a.

"A ṭha a nih chu, chu ti a nih chuan, i summer check list pawh kan chhunzawm leh thei tawh ang chu......."

"Brinn ka hrilh tawh che kha, khatiang turin ka kal dawn lo ti khân !"

"A ṭha e, a nih leh ruahmanna dang, kan lehkha ziah rûk a mi ang khân nilo, thildangin, i awm ngei chu a ngaiang a vawikhatna a tân..."

Pen leh note book chu la in a ziak ta nghal a.

1. Nangmah âtchilh bur tur khawpin, hmangaihna ah i tlûk luh tir ngei tur a ni.

2. Eng tiang a pa pawh ni rawh se, i ke silsak duh hial khawp tur che in i dah hniam thei tur a ni.

3.midang lakah ah a rilru put dan sawhsawn sakin, nangmah chiah ngaihven tur che in i siam bawk ang.


"Chu chu i cho em? "Tiin a lehkha ziah chu chawlin min rawn melh chho hâ a.


Hreh zet chung chuan , ka lu chu ka lo bu ve ta nghat a.

"A zo ta e."

"Ka duh ka inring !"

"I khum a pakage awm saw eng nge?
Ka va melh zawk a, ka lo theihnghilh hmin leh der tawh nia.

"Oh ka thil order a rawn thleng ve ta hram a nih saw, ka lo ngaihtuah dan chuan, saw thil nen sawn Jordan chu ka surprise ang ka lo ti deuh a, mahse ka duh ai in a to leh deuh hlek a, ka retrun leh mai ang ka lo ti a."

"A átthlâk mai mai i ti ve lo maw? Khawimaw han phawrh chhin hrim hrim teh ang! "Tiin khumlam chu a pan phei a.

Pakage chu hawn pah chuan thawmhnaw pahnih ka chah thar te chu a rawn phawrh nghâl a, "Oh hei chu a nalh hle mai, i thuamhnaw hâk ṭhin ang lo takin, pangparin a in chei ve lo tlat ." min rawn nuih pah hmawn hmawn a.

"Uhh hei pakhat chu a par leh ta tho mai, mahse hei pawh hi i hák ṭhin ai chuan a par a tlem daih a nia."

"Kha kawr tuna i haklai mék parchheng ang chi nen kha chuan i kal thei hauh lo ang, chuan engkawr hi nge i hâk dawn?"

Kawr rawng uk kharh mai, a ban bul taih mai leh pawnfen ṭhuizuih khûp chen vel smart ru tak si chu ka ha chhin a, mahse ka duh aia a to a vang chuan, ka kawr lo neih ho chu hâk mai ka rilrûk leh ta zawk a.

Brinn erawh chuan a hmui min lo tih sawih khum nawng nawng pahin, a lo ner nang nang thung!

"A ṭha e." Lung awiloh hmel zet hian a tichhuak sap a, "Héng ho hi chu keiman ka lo pe kîr leh mai ang." tiin a haw ve ta a.


Keipawh Brinn zarah ka inpack zo hma ngei mai. Ham deuh bai bai chung chuan ka khum lam chu ka pan ve ta a.


.................................................................


Zîng a lo nih chuan ka tho harh vâk mai .

Ka insiam ta sawk sawk a, ka insiam zawh hnu chuan ka nu breakfast lo siam chu tui ti zet a eiin, hmanhmawh tak chuan, ka bungrua chu ka nu carah chuan kan hlâng sawk sawk a, chu tihlai chuan,Brinn pawh a lo thleng ve chiah bawk a, kan pathum chuan hmanhmawh zetin Airport lam chu kan pan ta hlawm a.

A hmun kan va thlen chuan ka nu chuan hmanhmawh zet chuan, kha i ticket , chuan flight chhûnga i eiturin chocolate i duh deuh ang chi kha ka lo lei bawk a, tihpah chuan a thil ken ho chu min pe ta nghal a.

"Leh lawk rawn tihpahin ka nu chuan, "Dramamine kha i keng maw? Flight chhûngah nawmsam loh i duh loh chuan."

"Mom!" ka lo ti nghat a......

"Ka hria alawm honey , i lo ṭhanglian ve tawh tih hi! Mahse ka naute hi ka ngaihtuah em che a ni, good bye tih hi sawi a duh tâwk mai tur ka nih rualin,!" hmel ngui raih chuan a ti sap a.

Ka nu chu va kuah thuak pah chuan," Mom ka ngaihtuah awm hauhlo ang kum 19 ka tling ve tawh dawn a lawm." ka nu biangah chuan ka fawh sak zauh a, ka nu nen chuan kan in vai liam dun ta a.

Ka nu a kal liam ta maw tih ah chuan,Brinn chu a rawn phûr thar veleh a,"Le i nu a kal ta bawk a. Min nuih pah sak a.

"He thil ka ti ta mai hi keimah pawh ka ring thei theilo hial zâwk ka zâm takzet a ni ka lo ti sep a.ka zâm zia chu ka aw han lawi deuh rât a ṭang pawh chuan a hriat theih hial awm e.

Brinn chuan min lo fuih mawlh mawlh pah chuan,"eng ah mah ngai duh suh!" he tlangval pa hi nangmah a vang hian a la â let der dawn a lawm , a lo ti ve sauh sauh thung a.

"Chutiang chuan kan relationship hi a nuam in, a hlimawm i ring chiah a maw......"Engkim hi kan ti buai vek zâwk lovang maw? "Thil hi a khawlo zo vek ang tih ka hlau khawp mai," tiin ka lo chhâng ve sap a.

"Rachel min lo ngaithla teh!

"Naktuk tunang hunah te hi chuan Jordan a ṭang ah beiin, thildang engmah beisei leh tawh lo in , thlamuang takin i chhíng dar dar tawh mai dawn a sin, han ngaihtuah ve mah teh! A nawm dan tur chu i suangtuah thiam phâk rualloh a ni ang chu !

"I summer chawlh hman nuamber a la ni hial mai thei a ni.

"Chuan hei hi i la ngaihtuah hial ang, engvangin nge hetilai hmun ah hian ka lo kal vat loh le tiin! Ti chunga a hmel a phûrna nasa tak lo lang chu ka lo hmuhsak thei a, kei ai mah chuan a lo phûr hmel zâwk fe .

Kal tur hi kei nilo in a ni zâwk hi ni ta se, kei aimah chuan a hlim hi ka ring hial a ni.

"I sawi dik e. Lo tiin in, "Jordan hei ka lo kal ta e. Ti a phunsap pah chuan ka ṭhiannu chu ka mangṭha ve ta a.

Kei chu flight chhûngah chuan lûtin, rilru tak a phûr deuh si, mahse huphurh ru tak bawk si chuan ka awm a, ka zâm lutuk chu ka kut chu ka tuai neuh neuh reng mai a, ka awm hle hle thei thlâwt lo.

Ka che sek ringawt,  ka awm hle hle thei lo.chutiang chuan ka flight chuan chhûng zawng chu ka awm tluanchhuak parh.

..................................................................