TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 23

TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 24

Casendra nena dinner kan ei zawh hnu chuan rilru buai zetin inlamah ka inkhalh háwng a, hetiang mi hi Sofia chu ani thei tak tak ang em? A unaunu thusawi te kha ka ring dawn em? Kei mahah zawhna chi hrang hrang alút nghâl zut zut a,  Sofia chuan lem alo chang mai mai ani ti a ka rinna hi adik tihna em ni ang, khami zâna apa ahlauhna te kha, ka thaw ipik lutuk chu boruak ka kham lo hialin ka hria, in ka thlen hnu chuan kan room lam chu ka pan chho a, tui zeta khuma lo mu Sofia chu ka melh pah ngur a, thâwk ka la pah hawk, thu dik chu eng nge ni ta hrep dawn?


A pa thil ruahman chung chângah hian inrawlhna engmah anei ve lo tih hi rin ka duh tak zet, achhan chu túna amah a proof ka neih chu hmeichhe innocent tak ani tih hi, mahse ka hmelma angin ka en ngei chu angai dawn ta anih hmèl khawp mai.


Ka phone chu ka phawrh chhuak a, room páwnah chuan chhuak nghálin, "Hey, keimah, engkim he nu thil tih zawng zawng leh aphone hman kual dan záwng zawng trace ka duh ang, anumber ka rawn pe nghâl ang che."



"A phone call hman zawng zawng leh atext dawn leh athawn chhuah eng kim, ani te nen lam ka duh vek bawk ang."


Ka phone chu cutin room chhûnah chuan ka lût leh ta a, Sofia chu mit meng zìm san hian ka melh chhuk a, Sofia Martinez túnah chuan indo na chu i han ṭan tawh tak tak teh ang.

THE NEXT MORING....

Ka ṭhangharh ka meng chhuak chiah Sofia mitmu pawl râm chuan min lo melh leh reng tawh a, chu amitmeng ka en ve zawk pawh chuan hlimlohna eng emaw tak chu anei tih ka hria, mahse ka haider tlat tûr ani, alakah hian ka ném mah mah tlat.


Peih lo viau mah ila ka pa meeting neihna a kal ve tur chuan ka inpeih thuai angai dawn.


Ka tho chhuak nghâl a, Sofia hnungchhawn záwng chuan khumah ka ṭhu a, "Theo?"


"Tûnah chuan nilo Sofia."


Ding chhuakin ka phone chu ka en nghâl zat, "Anih engtikah nge ni ang?"


Ka inher a, rum zet hian ka melh chhuk reng a, "Engtikah nge niang tih chu han sawi chiang deuh ta che?"

"Eng tikah nge kan inbiak theih ang ka tia nia." Hmel ngui nghiai chuan min enchho ve reng a.


Ka inher lét leh vut a, ka phone ka bengah ka dah lai tak chuan arawn ṭawng chhuak leh a, "Mi ngaihvenlo tak ang chuan i awm theilo ang."


"Detroit keimah, meeting tur chu tihfel ani tawh em?"


"Eng meeting nge?" Sofia chuan ka hnung lawk aṭang chuan arawn ti ve a.


"Ok, ka rawn kal nghal ang." Phone chu ka cut té tè phawt a, Sofia lamah inher in ka hmel rum zet chu ka hmuh a, "I lo ngawi mai mai theilo vemni a?"


"Zawhna ka zâwt mai chauh che alawm."

"Enteh, Sofia, meeting ko tu hi ka pa a ni a, vawiin ah pawh hian i in lamah chuan i haw thei tawh mai thei asin, kan hrenluih tawh che pawh ka ring lo." Kati leh a .


"Eng maw?" Aphu deuh zawk a, phâwk zet hian ameng kawl kawl.a.


"Ka pa hian tûnah chuan inneihna hi kal pui zel aduh pawh ka ring tawh lo." Tih nghut pah chuan ka thawmhnaw dahna lam ka pan phei a, thawmhnaw ka inbel nghâl mawlh mawlh.


"Mahse eng vânga duh lo nge anih?" Ka thusawi tin mai chuan amal te te hian aṭhawng niberin ka hria.


"A chhan chu i hriat chian khawp kha maw." Sofia lo dinna lam chu pan phei lehin rum zet hian ka melh chhuk ngur a.


"Chu chuan keimah ah engmah ati duh tawhlo tihna anih chu!" Ati ta zauh a.


"Sawifiah deuh teh, i thusawi ka hre chiang theilo." Mit meng zím deuh san chung hian ka en chhuk reng.


"Engmah ani lo." Ati leh si a.


Ka kal chhuahsan ta daih a, kawngka ka hawng chiah ka nu chuan thíp zet hian min lo melh khâi khâi a, "Whoa, eng thil diklo nge awm leh ta pek?"


"Eng vânga i pa hi thawmhnaw pângai ha a, meeting nei tura a office lama awm leh tawh nge anih tih hi min hrilhfiah duhna te i nei em?" Ka pa chutianga a aem chu ka nu ngaihdán anih loh zia pawh ka hai hauh lo.



"Mom, come on, tih loh tir chu ka tum ve bawk alawm, mahse ka pa chu nang pawhin i hriat kha."


"Theo, in enkawl ala ngai tih chu nang awhin i hriat ve reng kha, tûnah hian hna la thawk thei hmél pawh ala pu lo asin."  Beidawn hmel zet hian ati chhuak raih a.


"Tih tir loh ka tum ka tih mawlh mawlh chu, indim ala ngaih zia thu pawh ka hrilh ve bawk, chutia alo in enkawl chhúng zawng chu keimana lokal pui rih mai ka hnialloh zia thlengin ka hrilh, mahse ka thusawi chu pawm duhna pakhat mah anei chuang lo."


"He pa zet hi chu ka tán hian athi chiang tawh ngawt ang." Ka nu chu rilru hah hmél zet chuan thâwk ala halh a.


"Mum, ka lo enthli thlâi pah reng dawn nia."


"Ok, son, anih leh thildang ka hriat ve tur chi te ala awm em?"


"Umm, âih, ka kal angai."


Ka nu chu ka kalsan ta nghâl a.



TREY....

Ka office ah chuan Theo tih loh chu kan kim ṭhap tawh a, atho tlai leh pek ani ngei ngei ang, Detroit han kaihthawh tir ka lo rilrúk lai tak chuan kawngka chu arawn inhawng a, Theo hmel chu kan hmu zui ta a.


"Son, min rawn zawm theih ve avângin i ti ṭha e." Ka ti sup a.


"Khatin ka chungah chuan ṭan leh lo teh, pawn lamah ka nu nen kan rawn inbe zo chiah a, i mutna khum aṭanga i thawhchhuah hma lutuk na ah ka inhnamhnawih tel ve ngei arin phah." Ti nghut chungin, kan awmna lam arawn pan phei ve nghâl a.


Theo chu ngawihsanin midang ho chu ka melh kual hruk hruk phawt a, "Aw le, sawi ṭan tawh ang u hmiang, he min rawn attack na ah hian tu nge inhnamhnawih le?"


"Fangs ho thil tih ani e." Detroit chuan arawn ti sup a.

"Ka ring dân chiah, anni an ni tih kan hria tih hi an hre ve réng em?"


"Âih, hre lo, túnah hian Terence te chu Hugo hotel penthouse ah an awm mèk." Cooper chuan arawn ti leh a.


"Ka penthouse ah maw ni a? Ka hotel ala ni zui hrep leh nghâl." Thinrim avângin ka ha chang ka ṭhial nghâl rap rap.

"Kei man ka sawm alawm." Theo chuan arawn ti veleh a.

Theo lam chu thinrim zet hian ka inher leh nghut, "Engvângin tih hi i sawifiah ngei angai ang Theo?"


"Kan mit hmuh phâka an awm reng ka duh avângin, keiman ka va sawm alawm,  abula ka sawi dân chuan he attack tu hriat chhuah chung chângah hian anpuihna ka mamawh thu ka hrilh anih kha."

"Chuan chu thil chu alo pawm ve mai bawk a?"


"A pawm chu ania lawm." Detroit bawk chuan alo ti veleh sup a.


"Anih Theo hmeichhia kha khawiah nge a awm?"


"Hetah ala awm reng."


"He thil hi engtiang zah nge hriat ve aneih tawh le?" Chìk zet hian Theo hmel put dan chu ka en reng a.


"Eng thil chiang nge ahriat ve tih hi kan hre thei lo a ni e, anih loh pawhin engmah ahre ve lo pawh ani mai thei bawk."


"Anih chuan apa hnénah akir leh ngei angai ang, innwihna kha ṭhulh leh a ni e." Ka tita a.


Theo thâwk lo la hawk thâwm chu ka hre reng, chutianga engmah hriat aneilo anih phei chuan mamawhna chhan tur kan nei hauh lo, Terence chu afing ver vék khawp mai, chutiang te alo nih phei chuan Theo hian aneihna chhan tur ka hre lo, kha inbeihna athlen hnu ah leh lek phei kha chuan, he nu hian kan tân ṭangkaina anei lo in ka hria, Theo a thinlung aneihsak hma ngei hian arang lama kan thawn kir leh vat angai ngei ang.


"Anih tunge min kâp tu chu?"


"Jimbo a nia, Terence zawh chiaha thuneitu ni bawk, Terence right hand kha." Clegg chuan thinrim zet hian arawn ti ve hrawih a.


"A nung chunga ka hnén inrawn hruai thlen ngei ka duh ang."


"Boss?"

"Eng nge Detroit?"


"Inbeihna kha he hmunah hian alawm athlen." Thâwk ala pah hawk a.


"A leh ta deuh deuh chuan, ka thin atâwt nghâl khawp mai, túnhma a kan thil lo vawn tlat tawh Bronze Dragons anih chuan fair takin thil ati ṭhin tur ani tih chang chawi zel chu Fangs ho lakah hian ahar dawn ṭan ta tlat mai, pawm zel pawh aharsa ṭalh tawh.


"An rawn beih lai che khân khumah i muhil tawh a, chuan nangmah chiah a i awmlai tal ani bawk." Detroit bawk chuan ati chhuak leh hruih a.


Ka thinrim lutuk chu ka insum zo dawn ngang talova ka hriat tlat avângin engmah pawh sawi zui leh tawhlo chuan.ka chhuahsan ta daih hlawm a.


THEO...

Ka pa ngawirenga kal chhuak daih chu kan thlir ṭhap hlawm a, tumahin ṭawngchhuah zâi kan rel lo.


"Fuck, hei chu aṭha lo tak zet, ṭha lo tak ani." Detroit chuan hlauhthâwn hmel zet hian ati chhuak sup sup a.


Midang lam chu a hawi phei a, invâi khân penthouse lamah kal ula, Terence chu wearhouse lamah rawn hruai nghâl ang che u."


"Theo nang pawh kha hmeichhe bulah khân lo han kal tawh rawh, keiin i pa ka lo ti ti pui anga, Fangs ho hnénah i thawn kir leh ngei theihna turin thil lo han tifel.bawk ang che."

Kan zavai chuan meeting kan neihna hmun chu kan chhuahsan ta diak a.


Room lamah bawk.chuan ka chho leh a, kawngka ka hawng chiah tih chuan Sofia chu ka lamah arawn tlân phei nghâl a, "Eng nge ni ta?" Arawn ti nghâl vat a, ahlauhthâwn hmel ngawih ngawih bawk.


"Inneihna kha ṭhulh leh kan rel." Ti chauhin ka chhâng a.


"Oh, nilo, nilo, nilo, heti chuan ti suh." A meng bial kawl kawl nghâl a.


"Ka pa thupék anih alawm!"


"Theo min thawnkìr lo hrâm rawh."

"Ka tih ngei angai ang, hei chu thuneihna piahlam thil ani tawh." Ka ti ve nghut a.


"Anih leh min tlânbo tir ta che." Ahlauhtháwn vâng nge ni a, sawi tur âwm leh âwmlo pawh ahre tawh lo.


"Eng maw i sawi a?"


"Khawngaih takin Theo, hetiang ang hian ka la awm ngailo tih pawh i hriat reng kha, khawngaihtakin min tlânbo tir hrám rawh." A aw chhuak te chu akhúr hlak hlak a, akhabe ainkhâwng pah dat dat bawk a, ka ngaih aṭha lo rilru kher mai, mahse athil ngen erawh ka tih puitlin sak theilo ang.

"Sofia ka ti theilo, indona achhuak mai dawn asin."


"Indona chu a inṭan reng sa tawh ani lo'm ni?"


"Engvângin nge chu thu chu i sawi chhan? Eng thil nge hriat i neih?"

"I thil hriat te min hrilh anih chuan kei pawhin ka tlanbo tir duh maithei che a ni."


SOFIA....

Theo ana min kal chhuahsan tâk hnu khân ngaihṭhatlohna hlírin ka khat tawh, achhan pawh ka pa khân Trey kha akah tir tih thu asawi tawh si a, Mr.Trey chuan ka pa tih tir ani tih ahre chhuak daih tawh ngei ang, oh, he thil thleng hi aṭhalo tak zet, ka hriat ang âimah hian aṭha lo dawn tih rinna chu ka nei a, Theo thangbo hlân chuan inhnuai lamah breakfast ei tur pawhin ka chhuk ngam tawh lo, khawiah mah ka thla amuang tawh lo a, he in hi chhuahsan in ka pa inlamah kal ngawt dawn ila, ka pa ngei pawh chuan ka kìr leh min lo hmuh chuan min that duh ngei ang tih pawh ka chiang, achhan chu Theo hi ka thah aduh tlat avângin, thatlo a abul ka thlen leh chuan keima nunna ngei hian atuar dawn tih pawh ka chiang lutuk, Theo lah chuan min hlat telh telh a, min rinna engmah anei tawh lo tih a awmdânah ka hre ve bawkin ka hria, achhan pawh engah mah min ngai tawh lo, hmanrua atán mai chauh min duh tih ka hre chhuak tawh a, alaka ka lo tlu palh kha pawi tihna hlìrin ka khat tawh, ka lo mâwl rei hle mai, engtin nge ahmelma fanu a pa ngei thah tum tu hi ahan hmangaih theih teh lul ang ni, chu chu thuhran ka lakah lem achang mai mai a, keilahin ka lo âwih saka ka thianghlimna thlengin ka hlân a, mahse khatihlai kha chuan ka lakah feelings anei ve a ka hriat tlat vâng ani, eng ang pawhin awm ila, Theo nⅇna Bahamas a kan kal lai kha ka damchhúng zawngin ka theihnghilh leh thei ngai tawh lo ang.

Kawngkhâr arawn inhawnga, Theo hmél ka hmuh veleh ka pan phei nghâl vat, thil awmdan ka lo zâwt var a. Mahse ka hlauhthâwn ang ngei ngeiin thil athleng ta e, Mr.Bailey chuan inneihna chu aṭhulh leh ta ngei mai, engtin nge ka tih tâk ang, thil theih pawh alang lo chu Theo bulah chuan ka ngén ta tawp a, achhan pawh kha leh chen kan lo chén dun tawhna ah khαn mi lainat létna chhe té tal alo neih ve tâk mialin ka ti a ani.


Mahse min chhândân aṭang chuan mi lainatna pawh aneilo ani ngei ang, min rawn melh chhuk a, hlauthâwnna hlira khat khabe inkhâwng dat dat hian ka lo chhâng ve a, túnah mai chuan thih chu ka la hreh ve tho.

A dik chiah mihring hian kan thihlohna turin engpawh tih kan huam ang chu, engvânga Ryan khân tlânbo puia min sâwmlai khân lo duh lo nge maw ka nih chai chu le? Mahse khatih lai kha chuan Theo hian ka thinlung aluah hneh bawk èm a ni, mahse hei tûnah lah ka nunna hum himna turin mang ang zetin abulah mi tlânbo tir turin ka ngen a, chu pawh rem min tih pui duhlo chu a nia, mipa ho hi an lo inang vek aniang e, ka patea ang mipa kha ka zawng ṭhin a, an awm lo anih ngei ka ring.

"I thil hriat te min hrilh anih chuan kei pawhin ka tlanbo tir duh maithei che a ni." A rawn ti leh sup a, he offer min pék hi ka ring ngam chiah ang em? Nge midαwp chhuah atumna mai mai, aduhang leh ahriat châk zαwng hrilhtur ka neih pawh ka inring lo, nilo, ka ring ngam thei leh tawh lovang, he pa hian thildang engmah ngaihtuah anei hauh lo, chu ai chuan ahmelma ka nihna ang takin min rulh lét ve atum mai chauh a ni.



"Well?" A rawn ti leh sup a.


Uhh, min bum atum mai mai anih hi, "Theo hremhmun lamah thlαwkbo la anih chu, i bulah hian engmah ka sawi chhuak lovang." Ka tih khum ve ta salh a.


"Chutiang zâwng chuan maw i sawi a? I thil hriat te min hrilh anih ngat zawngin thil kal dân pawh a inthlâk thleng maithei asin." Rum zet hian min melh chhuk khur a .


"Hetiang thil ka hrilh che chuan ka lakah rûl rilru i pu ngei dawn tih rinna hi engin nge min neihtir tih pawh ka hre lo." Rum zeta melh chhoh lⅇt ve pah chuan ka ti ta hlar a.


"A ṭha e, i tih dân dân nirawh se."


A kal chhuak leh ta daih a, thâwk ka la hak a, ka thi chiang viau ang le, inneihna anṭhulh leh phei chuan min hruaikir leh ngei ang a, ka chan tur pawh ka hre vek, Sofia thi tur khân lo inpeih la i ti fuh ber ang, ka khúr zawih zawih, ka thil tawn tur chu huaisen taka hmachhawn turin insehruh ve ka tum a, ka hlawhchham chiang kher mai.


THEO....

Sofia engmah ka sawi chhuahtir theihloh avâng chuan thinrim zetin kan room ka chhuahsan a, he nu rilru hi engtianga sak nge anih tih pawh ka hrethiamlo, mahse amah a innocent tak awm erawh chu thudik ani tih ka chiang, athil hriat zawng zawng min hrilhin mi rinf ngam sela chuan he ka pa thupèk ah pawh hian ka hum thei tur hi a nia, mahse chutiang pawh ati duh silo, ka pa hnialna tur in engmah ṭanchhan ka nei tlat lo.


Detroit chuan phone alo cut tau sawk, ahmél pawh thinrimna avângin adur khuih mai a, "Eng nge ni ta?"


"Terence hotelah a awm tawh miah lo anih chu, nizân khân alo chhuahsan fel diam tawh." A thinrim ém avâng chuan a aw te pawh akhúr ve hlawk hlawk a.


"Hetiang tur hian a inpuahchah tawh anih i ring em?"


"Ka hrelo le, mahse i pa aharhchhuak tawh tih hi ahre ve ngei tawh anih ka ring."

"Sofia kan thawn kir leh na tur   hian kawngro eng emaw tak asut kuak theih i ring em?"



"Ka ring, mahse chu lo chu duhthlan tur kan nei chuang lo ani lo'm ni?"

"Neilo." Ka ti ve sup a, mahse ka rilru tak erawh chuan thil diklo tak kan tipalh ang tih erawh ka hlαu kher mai.

"Anih leh, Sofia chu inchungah a awm ang, a insiamfel ngei tawh pawh ka ring, han kal la hetah hian ka lo awm ang e." Thâwk ka la pah hawk a, he kan thiltih turah hian thil diktak kan tih ngei ka beisei.

Detroit chu abu nghut a, inchung lamah chuan achho ta nghâl a.

SOFIA...

Theo ana min chhuahsan hnu chuan ka insiam malh malh a, ka thawmhnaw ṭhenkhat chiah ka mamawh, thildang chu ka la dam ta anih leh tihdan kawng ka la ngaihtuah mai ani ang chu, ka thawmhnaw hâk chu ka thlâk a, kekawr tlawn buang thak leh top rawng thim lam ka inbel a, kawr chung pângai tak rawng dum leh buang inpawlh chu ka ha leh a, ka sam chu ka thlah mawl tawp, ka inpeih ta e, ka nu vawiin la la hian ibulah ka rawn kal ve maithei ania, i fanu hi min lo hmuak ang che aw, nang leh ka patea,tih loh chu he khawvelah hian min hmangaihtu pawh ka nei lo. Ka mittui chu adír zung zung a, ka pa inlama kîr leh chu thih ka hreh ang tluk zetin ka hreh ngawih ngawih, nuamsa tak pawh a ka thih ka inring lo.

Theo hian ka lakah tlèm tal chu feelings aneih ka lo ring ve kha ania, mahse ka rinna te chu engmah ani ta si lo, he hmunah hian ka mal ngawih ngawih a, ka lunngaihna te pawh tuma hnéna sawina tur ka nei ve lo.

Mahse hei erawh ka vawng tlat ang, ka thihlohna tur anih dawn phawt chuan engkim ka ti thiang ve ani tih hi, mahse chu pawh engtin nge ka tih ang? He hmun aṭang hian tlânchhuah tum ta ang ila, oh, ka ngaihtuah thui ngamlo zâwk, hetiang ang boruak an neih lai phei chuan Mr.Bailey ṭhuihhruai te ho chu an tam viau ang, min man leh rang dawn lutuk, beidawng zet a ṭah mai loh chu tih theih ka nei lo, chhuak zet hian ka inhnît hlap hlap a, ka nu ka ngaih azual ngei mai, ani kha chu la dam ve ni se zawng afanu duatlai hetianga a awm hi aphal âwm tawp silo a, mahse....mahse thlân vawt tak aṭang chuan engtin nge tûnah hian min rawn chhan theih tawh ang, "Ka nu ka vahan ngai tak che èm, nang chu la dam ni la hetia ka awm hi i phal âwm tawp silo, ka pa hian e min hmangaih ve hlawl lo, chu chu thuhran min thah pawh pawi ati miah lo ang, ka....nu..."

Kawngka an rawn kik ta dawt dawt a, ka mittui ka bianga luang thla ngiai ngiai chu ka hru hul thuai a, ka ṭah nasat avâng chuan hritlαng ang maiin  ka hnαr aping vek bawk, ka lu ana èm ém bawk.


Thαwk ka la hak a, ṭah chhuah leh hlâu tak chung chuan ka heh ka pet fan fan a, kawngkhαr hawng tur chuan ka phei ta a, kawngkhαr ka hawng chiah,Detroit ti a ankoh chu arawn lût a, "I inpeih tawh em?"


"Khawiah nge Theo?"


"Inhnuai lamah alo nghâk che."

Ka insúm thei thlâwt lo, ka mittui chu a parawl leh kiang tawh, tûnah chuan ka chiang tawh khawp mai, Theo chuan engah mah min ngai lo, ka mittui chu afar leh zung zung a, "Kal tawh ila." Detroit chuan ati leh sup a, ka thawmhnaw dahna bαg chu ka khaithla a, muang chângin inhnuai lamah chuan ka chhukthla ve ta hnak hnak a, Theo chu ka zu hmu ngei e, atâwp nân zah pawh dawn zo tawh lo in ka pan phei nghâl a, "Theo khawngaihtakin..."

Thildang ka sawi leh hman hma chuan Theo chu arawn ṭawng chhuak a, "Detroit hun reilo te min lo kal kian san lawk ta che." Detroit chu abu nghut a, a kalsawn ta nghâl.a.


A aw arawn thian khurh a, "Sofia hetianga kan pahnih inkar tâwp tir hi ka duh ngai lo."

Thâwk ka la ve halh a, "Mahse heihi chu min rinsak lul rawh, engmah thil tih diklo ka nei lo." Mittui tling pam chung chuan Theo chu ka melh chho a, ka mittui avαng chuan ahmel pawh ka hmu fiah thei lo.

"He inneihna hi i duh ngailo ani lo'm ni, hei tûnah chuan i free tawh alawm." Ati leh sup a.


"Heti anga min thawn lèt leh anih chuan engtikah mah ka zalen ngai lo ang tih hi hrethiam lul rawh."

THEO....

Ka hma ading Sofia chu ka melh chhuk vang vang a, athusawi zawng zawng te chu rinsaka pawmsak ka duh lutuk, mahse apa lamah aṭang anga, lem changin kan chhûngkaw tân thilpawi tak athlen hi ka hlâu ani, ka pa thupék lak aṭang hian hum duh viau mah ila, engmah proof na ka nei dér bawk silo.

Sofia chauh hi rilru hreawm ani bîk lo, kei ngei pawh hian hrehawm ka ti takzet, he nu hi apa in lo that duh tak tak ta ang se engtin nge kei hi ka awm ve ang le, ka damchhúng zawngin inthiamlohna hlírin hun ka hmang ve tawh dawn tho tho, chutah ka ngai ém ém bawk ang a.....


"I inlamah i kir leh anga, tichuan min tawn hma a i hun ilo hman ṭhin dân ang khán i hmang leh dawn alawm, i tαn pawh anuam viau ang, thil engmahin aphuar tawh lo che anga, i thil zirlai pawh ṭha taka zirin hmalam éng tak i neih kha."


"Mahse i bula hun hman ve hi ka duh tawh zαwk Theo." A ṭah aw deuh ṭiau a.


"Hetia ka pa enthla tu nireng tur hian maw ni a?" Ka melh rum kher mai.


"Eng a?" Aphu zawk, maktihna akhat mitmeng hian.min enchho hâ a.



"Nilo, Theo, chutiang thil chu ka tiduh ngailo ang, ka tiam ache."


"Khawngaih takin hetiang chuan ka chungah tilo hrâm rawh!" Min rawn dinhnaih hrat a, aheh khur dar dar chu ka hmuhhmaih hauh lo.


"A thawk chuang lo ang Sofia." Khawdang ka hawisan ta daih a.

"Theo, khawngaihin ka pa hian min that ngei ang."


"A ti hauh lo ang, a fanu i ni a, hetiang thil hi afanu chungah chuan athlen tir hauh lo ang." Ka ti ve tak na achu Terence hi ka hre hneh tawh ém a, ati duh maithei ani, tichuan engtin nge ni ta ang? He thu hi engvαnga Sofia chuan sawi chhuak teivet nge maw anih le?

"Theo, ka ngen ache khawngaihtakin....."

"Pawi ka tihpui tak zet che."

"Detroit."


Detroit chu ka âu ta a, a rawn kal nghál vat, "Eng nge ni ta?"


"Nang leh Hunter in Sofia hi va hruai kir ang che u."


"Niloooo....."

"Theo....."

Sofia taksa chu hmuh theih khawpin a khúr hlawk hlawk a, "Kal ang le." Detroit chuan ati leh a, ka hmu thei tawh lo. Rang takin chu hmun chu chhuahsan ka duh!


"Theo,....khawiteh min khawih suh, mimthlah rawh Detroit."


"THEO....."


Ka hrelo der hmiah hmiah, Sofia aw ka hriat theihlohna lam inchung chu ka pan chhohsan daih, mahse ka hlim hauh lo, hrehawm tihna hlîrin ka khat.