TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 31

TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 31

THE FANGS....

THE NEXT MORNING...

Khumah hian Terence chu amu rùn a, a mi tirh te Matteo leh a mipa hruai pahnih te chuan Terence bul an rawn thlen chuan, "Boss, khawi hmun mai pawh kan chângin kan zawng kual vek a, mahse boruak pan te a thâmral ang maiin a pilbo tawp." Matteo ber chuan ati a.


Terence hmel chu thinrimna avângin athim khùi khúi a, tháwk ala hawk a, "Ka fanu ani emaw nilo emaw pawh ni se, kei nilo in ka mithmuh ngeiah Bailey a thlang a, zawng ula inhmuh hma chu inzawng ang a, inthat ngei bawk tur ani, hun lam pang ka ngaihven lo, arawn la lang em em ang chumi hunah chuan athi ngei a ni tih ka hriat nân a thi tawh hnu ruang chu ka duh ngei bawk ang."


"Khawiah emaw tak chuan a awm ngei ang maw le." A mah ber che theiloa a awm chu athin arim ṭeuh bawk.

"Boss Ireland lam kal flight zâwng zawng ka check vek tawha a awm lo."


"Túnah pawh hian ahnu a arawn lan tâkin tiin kan mipa te kan la thlithlâi tir reng bawk."


"A nih leh Matteo Clegg vuina hmun lam te le?"


"Engmah hriat tur a awm lo, ngawi rengin chhûng leh khat te nen chauh a tih an tum anih ka ring, an vuina hmun a vakal a va attack tur chuan mipa kan nei tam tawh tlat lo, khami zân khân kan chán nasa lutuk."

"Vuina hunserh neihna lak aṭang chuan inthiar fihlim tum ang che u, buaipui angaih ka ring lo, chu lo ah Bailey chuan security a dah nasa dawn tih hi ka hre reng a nia."


"Mahse Sofia atel ve nge ve lo tih erawh hla tak aṭang pawhin i hre thei ngei tur a ni, he hmun aṭanga hla takah hian a awm dawn lo hrim hrum tih pawh ka hria."


"Lo tel ve ta ang ni se la?"


"A lo tel ve anih chuan ka hnenah rawn hruai ang che u,in titheilo anih chuan a awmna hmun hmunah khán inthat tawp mai dawn nia."


"A ma pa ngei mai thi turin akal san a, eng kim ka lak aṭanga hremna hmuh hi a phu hliah hliah."  A khuh deuh bawrh bawrh a, a bula tui awm chu Matteo chuan thli chhuakin Terence chu a pe nghál vat a, ani chuan tui chu lo ban in a inkhawlh khawlh a, a ngaidan chuan Sofia chu tuar tlâk leh thih phu ngawih ngawihah a dah bur.


THE BAILEY'S MANSION...

TREY....

"Theo chung châng hriat i nei tawh em?" Detroit chuan a cigar zùk ashtray a nawr hlum pah chuan a ti khauh a.


"Túkin zìng lama a thlen tawh thu a rawn text na bâk engmah hriat ka la nei bík lo, hei hi ka ngaihtuah engvânga Jake awmna lam pan nge nih tih hi?" Ka khabe chu ka dawmpah rûn rún a, ka ngaihtuah fe pawhin achhan réng ka hre thei tlat lo.


"Tu nge hria." A rawn ti veleh sup a.


"Clegg hian ngaihzawng aneih i hria em?" Detroit lam hawi pah chuan ka ti deih zauh a, achhan pawh ka bulah hi chuan ngaihzáwng aneih âwm asawi lang ngailo hrim hrim.


"Eng emaw chu a awm tih min hrilh taqh alawm, mahse chutin anihna tak ang chuan a sawi chhuak lém lo."


"Ayushi in min rawn hrilh a, ahming chu Shannon ani âwm e, Clegg vuina hmunah arawn kal ve dawn thu a rawn sawi a."


"Chuti ang chung châng chu kei nilo in Hunter an a hriat fe ka ring zâwk, vuina hunserh kan hmanna turah hian engkim.afel vek tawh tihna em ni?" A rawn ti ve leh a.


"Aw, engkim peihfel tawh chu ani alawm, a ruang kan phúm hnu ah  kal khawm lehin refreshmen kan hmang leh dawn nia."


"A bìk takin tún aṭang hian in ral ring taka kan awm reng a pawimawh ang, achhan chu Terence hi athi tih thawm engmah hriat a awmlo a nia."


"Kei pawhin hei hi mak ka lo ti ve asin, athi tih thu pakhatmah kan hre lo hi!" Ka ti ve sup a.


"A nih leh Jimbo hi le?"



"Attack kan neihna hmunah khân athi tawh."


"Tu in nge kâp."


"Keimah." A nui deuh suk a.

"A ṭha e, man, heti ang hi ani dawn tih ka hriat váng a nia, reu tak chhúng ka kawl chhan che pawh hi!" Ka nuih ve suk a.


"Uhh, boss ka tello chuan khawi hmunah pawh i awm thei hlei nem. A nui pah suk a.


"I ti dik maithei." Ti chauhin ka chháng.


Detroit chuan cigar chu adang la chhuak lehin a pak khu leh tulh tulh a.


THE EAST SIDE....

THEO...

Ka harh hnu chuan ka bula mu Sofia chu ka va melh pah zauh a, alo mu meng leh kar tawh,,"I mu ṭha maw?"


"Tehreng mai, tu emaw ni in  awlsam taka an thah maitheih ka niin ka inhre hial."


Ka mutna aṭang chuan ka ṭhu chhuak a, "Khati ang khân ṭawng suh!"


"Tihpalh."


Ka tho chhuak a, thâwk lâk rîk hawk pah hian, "Clegg vuina hun nang turin ka kir leh angai ang." Ka ti ta a.


"Min rawn pan hnái a, ka dara akut rawn nghah pah hian, "Thei chu ni ila, ka rawn zui ve tur che hi a nia." Aw ngui raih chuan ati ve sep a.



"Babe ka hria."


"Theo." Min rawn kuah a.

A lam hawi chuan ka inher a, "Eng nge ni ta?"



"I hria ti raw, Ireland lamah ka la kír thei ti raw a ni em?"

"Tehreng mai, ka hria a lawm, Clegg vuina kan hman zawh veleh keimah ngei hian Ireland ah chuan ka hruai kîr dawn che nia."


"Ka ngai ngawt ang che." Ahmel chu angui deuh raih a.


"Kei pawhin ka ngai dawn lutuk che, mahse i kal ngei erawh angai ang, chu hmunah chuan i him ber ka ring."


"Ni dangah pawh Ireland ah chuan i lo kal ve ṭhin ang ti raw?"


"Ka ring." A chalah chuan ka fawh sak zauh a.


Mi rawn nghen hnaih ve ṭâlh ṭalh pahin min rawn dinhnaih a, duhthawh zet hian kan in fâwp dún leh ta a.


Kan inthlah zet chu kan thaw dún hlawp hlawp, he nu hian ka thinlung ngaihtuahna zawng zawng chu anei vek tawh hian ka hria, "Túnah em ni i kal ang?"


"Ka tih ngei angai alawm babe, túna ka chhuah chuan zanah ka thleng thei dawn a, naktuk hi Clegg vuini ani tawh bawk nen."


"Ka hrethiam e, ka áwm záwnah chuan ahmai arawn phûm kák a, akut chuan nghet zetin min chelh pah bawk a.


"Vuina hun serh kan neih zawh veleh ka rawn kir leh ang a, Flight a chuang turin ka rawn lam leh dawn che nia."


"Ka lawm e, Theo."

"Mut hahchawlh lo tum ang che." Bathroom chhûngah lutin shower ka hmang zuai a, thawmhnaw danga ka inthlák hnu chuan choka lam ka pan phei a, Jake oawh alo tho ve tawh a, "Jake ka kir leh tawh dawn a, Sofia hi kutah ka nghat a, lo ngaihven in min lo en thlithlai sak remg ang che."


Jake coffee lum sa chu no ah ka thlichhuak ve a, "I chiang chiah naw, i bula kal ve turin min duh lo em ni?"


"Man i offer min pèk chu aṭha in ka lawm lutuk, mahse heta awmtur hian ka duh che!"?


"A pawi hlei nem."


"Vuina hun kan hman zawh veleh ka rawn kir leh thuai dawn nia."

"Anih leh, Sofia chu Ireland lama ahaw na turah chuan puih i tum ta tihna em ni?"


"Rngvanin nge ka tih loh ang a?"

"Ka lo ngaihtuah dan mai mai chuan, hetah hian dah i tum emaw ka lo ti a?" Min.melh pah zauh a.

"Chu chu ka duh réng alawm, mahse he America ah hian ahim tlat lo, chuváng chuan mahni hmasial takin hetah chuan ka kawl reng tbeilo ang."

Ka phone arawn ri pah ral ral a, ka pick nghál vat a, "Mum, eng nge?"


"Hei ka chhuak dawn chiah."


"Aw le, a hun takah ka rawn thlen tur thu hi ka pa i lo hrilh dawn nia."


"Ok, ka tiam ache, fìmkhur takin ka rawn khalh ang."


"Ok, zanah chuan ka rawn thleng tlai mai thei, naktukah kan inhmu dawn nia." Ka phone chu dahin Jake lam chu ka hawi phei leh a, "Man, nakinah ka rawn be leh dawn che nia, a ṭha ti raw?"


Ka chhuak ta nghâl a.

THE NEXT MORNING

BAILEY MANSION....

TREY.....

door bell arawn ri a, kawngka hawn tur chuan ka kal nghâl a, "Ayushi khawngaihin lo lût rawh u." Clegg girlfriend Shannon pawh arawn tel ve a, an pahnih chuan anhmel angui dûn bâr a, an ṭap nasa ani ngei ang, an mit te chu abui dún lâk a.


An rawn luhna tur chuan kawng ka lo kian vat a,

"Trey kan inhmu leh thei hi ka lawm ngawt mai, mahse kan inhmuh dán erawh ka lungawi hlawl lo."


"Ayushi nang ni pawh le, hun ṭha tak no thei se ka tu ngei mai, hei hi ka nupui Callie anih hi!"


"Kan inhmu chu ka lawm khawp mai." Callue chuan alo ti ve thuai a.


"Hi, Callie hei hi Clegg girlfriend Shannon anih hi!" Ayushi chuan ati ngui nghiai a.


"Hello, Shannon, pawi ka tihpui lutuk che, heti ang boruak a kan han inhmu chu!"


"Shannon, kan inhmu chu ka lawm e, Clegg um....hian....um...i chung cháng um....a sawi nasa thei lutuk asin." A rilru dam deuh nan ka ti ve tawp, Clegg hian ka beng hriatah girlfriend aneih leh neih loh pawh ala sawi ri hauh lo, Ayushi ina a rawn sawi khán ka hre ve chauh.


"Nang pawh, Mr.Bailey a sawi nasa ṭhin lutuk che a lawm."


"Clegg vui hun kha vawiin zing dar sawm hi a ni a, Detroit hetah a awm a, ani in in room tur akawh hmuh dawn che u nia, chumi hma chu lo chawlh hahdam te induh in ka ring."

"Ladies heti lamah hian aw.",Detriot chuan arawn ti nghâl a, an inzui ta hlawm a.


Tháwk ka la huai a, Callie chuan min rawn melh chho vang vang a, "Eng nge ni ta?"


"Eng maw?"


"Clegg....um ...hian ....i ....chung cháng thu hi asawi nasa ṭhin lutuk, tih kha maw le?"


"Eng nge ka sawi chuan ang a, kha hmeichhe chung châng kha hriat pawh ka la hre ngai hrep lo e, ring mai rawh Clegg hi chuan khuarkhurum mawng neilo ah min la paih thla ve ngei ngei ang." Ka tih khum deuh hmuk.



"Clegg chuan chung lam aṭangin arawn hmu che ang a, arawn nuih hrim hrim ang che." Callie chu a nui chhuak hak a.

"Chumi chung cháng thu ah chuan bet i tih theih ngei ka ring e, mahse Clegg hian min enchhuk ngai lo, min enchho záwk ṭhin!" Ka dar ka san khum pah  âwk a.

"Oh, Trey Bailey kha i thu sawi zet kha arâpthlâk lam deuh chu a ni e."

"Engvâng chuan maw? Kan nun hmandánah hian vanram kai theihna chance kan neiin i ring hrim hrim em ni?"


Ka kalsan zui a, bedroom lam pan tura stepa ka chhoh lai chuan ka inher lèt leh a, "Callie muturin ka kal dawn a nia, i fapa kha naktuk chuan rawn thlen atum em záwt ang che."

"Oh, túnah chuan ka fapa chauh ani leh ta tihna ani maw?" A phone chu a phawrh nghâl a, kei erawh bed room lam ka pan chho ta thung a.


Ka mut achhuah tawh ém avâng chuan Callie rawn mut lai pawh ka hre tawh lo, zân lamah pawh ṭhangharh leh tawh lo in zîng a nih tawh hnu ah chauh ka harh a, khumah chuan Callie pawh alo mu tawh lo, mahse athawhsan na chu arei deuh tawh anih ngei ka ring. bathroom lama thâwm ka hriat aváng chuan a inbual anih ngei pawh ka ring, nimin lama ka chauh èm aváng khân ka lo mutui viau ni ngei tur a ni.


Ka tho chhuak ve nghál a, Detroit chu bia in vawiin lam hun hmandan tur chu lo rel fel turin leh ka thil ruahman sa engkim mai  chu alo bawh zui tawh leh tawh loh ka záwt a, a tih vek tawh thu ka hria chu ka thaw huai mai,Callie pawh arawn chhuak ve vat bawk a, vawiin ni kan hun hman tur ka ngaihtuah chuan ka huphurh rilru hle bawk, Clegg thlahna hun kan hman tur ka ngaihtuah hian ka hreh ngawih ngawih, thâwk ka la deuh hawk a, "Eng nge thil diklo a awm em ni?" Callie chuan ngaihṭhatloh hmel zet hian min rawn pan phei thuai a.

"Vawiin hian Clegg vuina hun kan hmang dawn chuvang chu maw le, Theo hi ala rawn kir na nge?"


"Tu nge phone a i biak kha?"


"Detroit maw le, ruangphur motor chu hetah arawn thleng ang a, chu chuan Detroit arawn phur bawk ang, kei ni in chu motor chu church lamah kan zui dawn anih chu!"


"A kal tawh ani tih hi ka la ring thei hlawl lo." Callie pawh chuan ati ve sap a.


"Ka hria alawm, tukin lamah Ayushi leh Shannon i hmu tawh em?"


"Aw, breakfast eiturin inhnuai lamah ka zu chhuk a, kan pathumin breakfast kan ei tlánga, he an thil tawn hian ashock dûn hle niin ka hria, an ṭawng tamlo dun khawp mai."


"Anih leh Hunter leh Cooper hi i hmu em?"


"Cooper chu inhnuai lamah a awm a, Hunter erawh Maya hruai turin a chhuak anih kha."


"Ok, kei pawh ka han insiam peih ve thuai ang e."
Ka kut chu ka phar chhuak deuh zauh a.

"Nilo e Trey, breakfast te eiin zu chhuk ve phawt rawh, vawiin ni kan hman tur hi arei viau in ka ring."  Mi ngaihtuah hmel zet chuan ati a.

Ka ril aṭam hlei nem, nakinah ka la ei záwk dawn nia.
 bathroom lamah chuan ka lût ve ta a.


CALLIE....

Trey hi chuan ka thurawn hi azawm khât khawp tih hi chu ka hre ru reng ṭhin, a tán pawh anupui ni mah ila heti anga awm hi aharsa ang tih ka hre tho, achhan chu Bronze Dragons Leader kha ani tlat.


Bathroom a aluh chhung chuan inpeih at a lo awm chu ṭha in ka hre ta a, a rawn chhuah leh hnu a atur hmanhmawh chung a lo awm kha ka peih lo.


Kawngka arawn inhawng ri rak a, Theo arawn lût nghâl a, ahmanhmawh hle ani ang, a thlan atla phung mai, "I rawn thleng táwk khawp mai." Ka lo ti nghat.

"Ka motor ke a pumcher a thlâkna ka nei mai bawk silo a."


"A thlákna ka neilo á ni Theo, afinthlák kher mai." Ka ti ve salh.


"Khawiah nge ka pa hi?"


"Shower ahmang, kal la va inpeih ve vat rawh, anih loh chuan kan tlâi palh hlauh ang e."

Theo pawh chu a chhuak ve ta vat a, vawiin ni hi tâwp thuai thuai se tihna rilru nen ani ka hmanral ka rin ni.


Kawr dum hák tur zawng chuan ka thawmhnaw dahna bawm chu ka hawng a, kawr chhing dum mawlmang taka ṭhui mahse chang kang ru tak si leh pawnfen dum bawk tight lam pang aṭhui hi ka la chhuak a, ka sam buang rawng uk kharh chu ka thlah bawk a, lipstick tlem ka hmuiah chuan hnawih lehin Trey lo chhuah hun chu ka nghâk ta a, ka inthuamna chu a sawisel loh hram ka beisei.

Ka insiam zawh aṭabga rei vaklo hnu chyan Trey pawh arawn chhuak be ta a, khum lama akawr hák tur adah sa chu arawn inbel mawlh mawlh a, azawh hnu chuan rawn hawi chhuakin, "I inpeih tawh maw?" Arawn ti chhuak ta sup a, ka lo búk khum nghat a.


"Alexandra nen lo va kal ula, keiin Theo hi khawiah nge a awm tih ka lo ngaihven ang e."


"Ok." Room chhùng chu ka chhuahsan zui ta nghâl a.


TREY....

Callie chhuah hnu chuan Theo room lam chu ka oan phei a, kawngka chu ka kik pah zaih a, lût tura tihna ri ka hriat chuan.kawngka chu ka hawng a, Theo chu arawn chhuak ve dawn chiah hi alo ni a."Ka lo zawng deuh che a sin."


"Eng nge?" A kut chu a phar chhuak zauh a.


"Sofia chung châng thu maw le, eng nge a an zel?"


"Fangs ho chuan an ûmzui ani âwm e, nimin pawh khân airport ah kalin Ireland lamah kir atum a, mahse Fangs ho an awm reng avângin a kir thei ta lo a ni áwm e."


"Fangs ho chuan Terence chu Sofia thah ani tih an hre rèng rèng hleinem, engtin nge anih theih záwk le?" Ka ngaihtuahna chu a buai ve nak mai.


"Chuti ang hre turin clue engmah ka la nei bîk hauh lo."


"Well, anih chuan he thil hi Clegg vuina hunserh kan.hman zawh veleh kan ngaihtuah chhunzawm vat angaih ka ring." Ka ti ta a.


Theo nen chuan kan inzui chhuak a, midang ho phei chu an lo kim ṭhap tawh hlawm a, Clegg vuina huna lo kal ho hi mi tam tak an ni hran lo a, kei mahni pawl chhúng ami te leh an chhúngte an ni ber âwm e, heti ang thil kan tihna chhan pawh hi kan zavai atána ahim na tur a buatsaih kan ni.


Clegg dahna kuang phur motor arawn thlen hnu chuan amah vuina hunserh kan hmanna tur church kan pan ta hlawm a, Clegg kuang phur motor chuan hma hruai in keini ho chuan ahnungah kan zui hlawm a, church kan va thlen chuan kuang chu an zâwn lût a, amah thlahna hun tawi te priest in thu sawina aneih hnu ah midang ho chu thlahna thutawi sawi tura din tir leh kan ni a, chumi zìngah chuan Hunter ading chhuak hmasa ber a, kan enṭhup a, ahmel chu ahlimlo ani tih hriat reng reng hian angui ruih a, achhan pawh vawiin ni hi a unaupa he khawvela awm ve tawh lo tura kan thlahna ni a ni.

Kuang bulah chuan apèn chho a, Clegg chu amelh vung vung phawt a, a aw then deuh khurh pah hian, "Clegg nen a kan chan chin tlem te sawi chhuah ka duh a, hun kha leh chen kan lo hman dun thinna zawng zawng leh ṭhianṭha mai pawh nilo unau angmai a kan lo inkawp ṭhinna chu vawiin ni hian mangchhia man ang maiin a táwp tawh dawn chu a nia."


A kekawr ipte chu a zen a, hanker chief hi phawrhin a mittui chu ahru zauh zauh a, midang hmeichhe ho insûm theilo inhnit ri faih faih hriat tur lah bo lo.


"Mahse túnah hian achung châng thu sawi chhuak turin ka awm a, ka ti ngei bawk ang, Clegg hi tu nge anih hre tawh phawt chuan mipa chhuanawm tak ani tih hi an hai in ka ring bĭk hauh lo."


"Ṭhianṭha tak nih atlin èm ĕm a, amah hi anuihzatthlák ṭhin in fiamthu duh tak pawh a ni, amah hre ngailo tán chuan mipa rorum tak leh khawngaihna pawh neilo angin an hre vek ang, mahse amah hre ṭhang tawh vĕk vèk chuan mipa nelawm zet anihna hi anhmuh tel ngei ka ring bawk, Pathian in hmeichhia hi mipa tán a pe ani tih hi aring nghet tlat a, chu thu chu Shannon atawn aṭang hian a ni."

"Shannon atawn hian ahlim èm ĕm a, atán anunna hial pawh chán ahuam ang tih tur khawpin arilru a pè a, he nu tluk a ahmangaih hi tawng leh tawh pawhin a inrinloh thu ka bulah ngei pawh asawi hial a, Shannon hi acare èm ĕm bawk a ni."


Hmeichhe ṭap chhuak hawm hawm ri kan hre chawp chilh nghál a, tu nge anih tih ngaihtuah angai kher lo, amah Shannon ngei chu anih kan ring ṭheuh.

Hunter chuan athusawi chu achhunzawm leh a,  "A unaunu Ayushi tán unaupa ṭha tak a ni a, he khawvel ah chuan heti khawp a mahni unaunu te hmangaih leh ngaihven tu hi an awm hauhin ka ring lo, a unaunu chung a atih ang ti hi midangah an awm leh tawh pawh ka ring pha lo hial, chuti khawp chuan Ayushi lakah hian unaupa nih atling bawk a ni."

Ayushi chu a rawn ṭap chhuak râwih râwih a, Ayushi chhuak zeta ṭap chhuak chuan boruak ati reh ṭhuap a, mipa hmel ngui zet mai tháwk la ri hawk leh hmeichhe ho lung chhe zet a inhnît hlap hlap a khât tâwk a anmittui luang hru zauh zauh in chu hmun chu a khat a, tunah in Clegg hi kal mai turin kan la phal lo ani tih ati chiang hle hian ka hria, heti ang a Clegg ahan awm ta thut mai hi tu te pawh min ṭhàwng vek a ni.


"He hmunah hian tûn hma kum 19 kal ta khán kan lo kal khâwm tawh a, chumi ni chu kan zinga Alex boral ni kha ani. Kha mi hnu aṭang kha chuan heti ang thil hi kan zingah arawn tlen leh pawh kan rin phák ka ring lo."


"Heti ang hian sawi ta ila adik ber in ka ring, kan ṭhianṭha tak leh kan unaupa kan kawmngeih tak leh kan hmangaih tak kan chán ta ti hian ka sawi fiah ber ang."


"Mahse he hun hi a tâna mangṭha tihna hun ani lo tih hi ka sawi duh, achhan chu nakinah kan la intawh khâwm leh vek dawn a vàngin."


"Chu mi hun hma chu bro tui takin lo muhil rih ang che." Hunter chuan athu sawi azawh hnu chuan a rawn chhuk thla a, anupui chuan mittui far zawih zawih chung hian alo kuah thlawp a, priest in a ṭawngṭaina hun te ahman zawh hnu chuan Clegg phûmna tur hmun lam chu kan pan phei a, Ayushi leh Shannon chu buaipui an ngai thar leh a, achhan chu Clegg dahna kuang an thlák thla tur chu nitheiin an hre lo a, anphal rih lo pawh ani mai thei,,midang buaipui ngai khawpin an awm a, Ayushi ngei pawh chu nikhaw hrelo a awmin a unaupa vûina hun pawh nghák tluan zo lo in damdawiin lamah hruai angaih phah hial a ni.


Chuti ang boruak buai nuai nuai leh lungchhiat thlák zet karah chuan Clegg vuina hun chu kan hmang zo thei ta hrám a, inlamah in zui haw leh hlawmin kan pawl lo tih ṭhin dan ang khân Clegg thlahnán intur kan dawm ho leh te te a, hei hi kan pawl tih ṭhin dán a ni.


"Túnah hian Clegg kan zìng ata lák bo a ahan awm ta mai hi kan ui zia leh kan tawrh zia lantir na atân." Ka wine glass chu cháwi kâng in, "Clegg kan hriat reng tawhna turin." Ka ti pah sup a.


Midang ho pawh chuan ka tih anga rawn ti ve tliar tliarin Clegg chu kan thlah ta a.


THE EAST SIDE

JAKE...


Sofia chu Theo chhuah hnu aṭangincoffee inturin arawn chhuak zuai a, breakfast a ei duh leh duh loh ka lo zawh chuan a ei duh loh thu in leh coffee aduh sarliah thu chauhin min chháng a, chík zet hian ka lo en a, rilru natna tak eng emaw amah chuan awm tlata ka hriat avâng chuan biak pawh ka be duh lĕm lo, coffee a inzawh hnu chuan Theo roomah akal leh tur thu leh intihfai te aduh thu a sawi leh sap a, engtin mah chhâng ta lĕm lo in ka bûk khum nghauh a.


Theo room lamah chuan chhuah pawh rawn chhuak leh tawh lo hian a awm ta reng a, va tihbuai a va biak buai ka tum hran lo, achhan chu mahnu a hunfal hman chu atân ṭha záwkin ka hriat pui a ni.


Kei mahin fridge ami beer chu ka la chhuak a, lunch eitur soam pahin TV ka thlir ta mai mai a, Theo pawhin arawn call thuai ka ring tawh bawk a ni.

Doorbell arawn ri ta ral ral a, Theo emaw ka girlfriend Triona anih ka ring ber, kawngka ka va hawn chuan ka mi rin loh deih deih mai pahnih ka va hmu ta thut mai a, rinhlelh rual lohin Fangs ho an ni tih pawh ka hre bawk, ka lemchan thianna chu hmana ka hmelah engmah ka tih lan loh angai ang. Tiin ka in fuih ru pah mawlh mawlh bawk, achhan chu he thil hi ka ti theilo anih chuan kei leh Sofia nunna atán apawi thei tih pawh ka hre reng. Ka theih ang táwk a anga thil katih angai ngei ang.


"Puih theihna che u ka nei em?" Aw pâng ngai tak záng vah hian ka ti chhuak a, ka hmel chu normal thei ang ber tur ka pu nghál vat bawk.


"Sofia Martinez kan zawng a, i lo hmu mial lo maw?"  Tlema  la naupan hmel tak zàwk chuan, a thlalàk chu a phone aṭang chuan hmet chhuakin min entir a. Ka hre teh meuh mai, mahse he hmunah hian an hmu chhuak hauhlo ang tih chu ka ngaihdán ber pawh a ni.