TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 21

TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 21

"Uhh, half sister maw le Cassandra, nang pawh chu mi tupawh duh vel vek hi i la chìng reng tho tihna aniang a, entirnan ka tâ ngei ang chi te hi!"

"He pa hi i tân chauh a i dah reng theih loh hun ala awm ngei ang tih hi ka hmuthiam vek nghâl asin."


"Nang ang mihur nawhchizuar ang mai bul angah hian maw, chutiang mi chu i ni miau a." Sofia chuan atih khum leh kher a, chumi te pahnih inṭawngkhum dan vel chu hmuhnawm ka ti phian mai, hei hi em ni Sofia unaunu hrawn chu?

"Nangni pahnih kha atâwk tawh hle a ni, Theo khawngaihin i hrethiam ani ang chu, mizinga engtianga awmtur nge tih hi anla hre lo a." Terence te nupa chuan min rawn zâwm ve nghâl a.


"Sofia zâwk hian athîkna hi apâi daih theihloh vâng ani zâwk." Casandra chuan alo ti ve hlak a, Sofia erawh angawi ta ngal a.

"Terence inrawn thlenghma thei hi ka lawm tak zet, ka tana apawimawh dán hi inhrethiam kher lo ang." Ka ti ve sup.


"Theo phone a ka sawi ang khαn, tûnah chuan chhûngkhat kan ni tawh ka tih kha, engkim i mamawh tur ang chu hreh nei hauh lo in min hrilh zel rawh." Nui hmel apu vawr leh nghâl arûk tak chuan kah zawt mai ka châk zek zek.

Thildanga ka rilru tihpén tum chuan, "restaurant lamah table ka lo book sa tawh a, lokal rawh u, in eipuar pahin kan sawi zawm dawn nia."


Hma ka hruai a, anzavai chuan ka hnungah min rawn zui a, ka table bookna lam chu kan pan ta hlawm a, kan ṭhut veleh eitur chu an rawn chhawp nghâl a, ti ti tlân pah chuan eitur ho chu kan ei ta hlawm a, Terence chuan athil ei chu chawlin ka lam arawn hawi phei a,"Chuan Theo, eng nge ruahmana ni ta? Eng emaw thil hriat chhuah te innei tawh em?"


"La nei lo."  Nei pawh ni ila ka hrilh aring em maw ni, "engkim i hriat theih ang ang min hriattir thei la ka duh khawp mai."

"Tehreng mai, anih i pa chu eng nge a an hrim hrim?"


"A ṭha lo khawp mai, Dimitri leh achhúngte pawh naktùk hian Russia aṭangin anrawn thleng ve ang."


"Dimitri Vadik maw?" A hmél chu chík zet hian ka lo en kar a, Dimitri hming ahriat chuan aṭháwn hmél khawp mai.


"Aw, Dimitri hi ka pa patea ani a, an rawn thlen hunah inhmelhriatna te ka neih pui dawn che u nia."

"I pa leh Vadiks an inchhúng ang tih rin ngaihna ka lo hre hauh lo va?"  Zawhna zawh hmèl zet hian arawn ti leh a.


"Tak tak?" Kei chuan ka lo ngaihdan chuan i hriat mai ka lo ring asin." Ka hawi chhuak leh zauh a.


"Ka pa leh ka pi hi Russian an ni alawm."  Ka ti nawn leh a, ka wine chu ka tem pah hluk a.

"Ka lo hre ve hauh hlei nem." Ahmelah chuan nuamlo tihna hi alang a.

Nang ui hian chutia i sawi chu ka ring rèng ani, i hre lo kha pawi i tih daih zâwk ka ring. Ka ti rilru mah zâwk.


"A nih leh inneihna hi engtin nge i tih zél dawn tâk?"

Ka fork leh fian hmanlai chu ka thlengah chuan ka nghat te te phawt a, Terence lam chu melhin, "Túnah rih chuan inneihna hian anghah rih mai angai ang."


"A ṭha ber dawn mawni le? Ka ngaihdan chuan inneihna hi chu arang thei ang bera kalpui vat vat aṭhat ka va ring ve."

"Ka pawm zawng ani hauh lo." Ka chhânna avâng chuan atûm hmuk.

 
"I pa duh dân chu Sofia nupui a i neih hi a ni a, agreement pawh kan nei fel vek tawh kha."

"Ka pa nen agreement chu in nei teh meuh mai, kei nilo in."

"Mahse i pa anih angin a fapa chuan athu chu i zawm sak dawn lo'm ni ka lo ti a ."


"I sawi chu adik khawp mai Terence, ka pa thupék zawng zawng pawh leader anihna angin zawm sak ani ṭhin, mahse ka pa a awmloh hunah kei hi aro kháwm tu tur ka ni a, ka thu pawh ngaih pawimawh a zah sak ani ngei turah ka ngai." Ka ti ve ta hmak a.


"Nang mah maw?" A phu zawk, a meng pâwng hlut bawk.

"Mahse... ka lo hriat danah i pa hnung i zui duh lo niin ka lo hre si a."


"Ka duh lo ngei alawm, mahse ngaihdan te chu a inthlâkthleng thei reng thung, chuan ka pa kâp tu hi tunge anih chiah tih pawh ka mipa te ho nen kan hrechhuak ngei ang, chuan athih ve hma chu zawn hna kan chawl lo ang tih hi ka thu tâwp a ni."


"Son, mahse chu chuan hun aduh rei khawp ang tih erawh ka sawi ve duh, chuan he tiang ngaidan i nei hi ka lawmpui lutuk che, amaherawh chu college kha chhunzawm i tum ani lawmni, engtin nge niang?"

"Tûnah chuan college kal hi ka tαn apawimawh ber lo, chulovah ka tello pawhin heng hi chu ka thupék hmu in Detroit pawhin alo kalpui thei lutuk."


"Hospital lamah ka kir leh angai tawhin ka hria." Ka dingchhuak nghâl a, naktukah in zavaiin ka rawn hmu leh dawn che u nia."


"Ka lo kal ve ang." Sofia chu ka melh chhuk zauh a, a hmelah chuan ngenna ka hmu tel bawk, "Nilo e, i chhûngte bulah hian awm rawh, in inhmuhlohna pawh arei tawh kha, inzawh hunah Clegg rawn hruai tur che in ka rawn tir dawn nia."

"Mahse kan zo tawh alawm hei, i bulah chuan ka lo kal ve thei mai lo em ni khawngaihin?"


"Sofia, Theo khân asawi dik reng, kan inhmuhlohna pawh arei tawh alawm." Terence chuan arawn ti ve a.

"Ni e, chhûngkaw thil eng eng emaw sawi khawm tur pawh innei ang, inah kan inhmu dawn nia."

"Ok." Nuam ti zαn chiah lo a atih hnu chuan Sofia chu nuihsawh zet chung hian ka en chhuk a, ani ve erawh chu a mangang hmèl kher mai, min chhan rawh tih melh hian min melh chho a, ka haider sak hmiah, "Ok, goodnight." Ka inher a ka chhuahsan ta daih hlawm a, tikhân an chhúngkua chuan an duh duh chu sawi vel rawh se, achhan chu an damrei dawn tawh loh avângin.


TERENCE....


Túnah chuan ka thil lo plan lawk tawh ang khân Theo chungah hian chét ka lâk mai angai tawh dawn anih hi ka ti rauh rauh, min dodâl tu an awm chuan ka dahṭha hmiah zel ang, tumah hian ka kawng andâl tur ani lo.


Theo akal liam chiah tih chuan rum zet hian Sofia lam chu ka hawi phei a, "Túnah chuan nang leh kei hian thil eng emaw sawi dun tur kan neiin ka hria, ani lo'm ni Sofia?" Ka ti ta a.


A ngawi reng a, amitmeng ahlauhna nasa zet chuan min melh phâwk hra bawk a, mahse chu ami hlauhna mitmeng chu ati tak tak hauh lo ang, ka thu ala ngai pawimawh tlat lo.


"Engvanga ka thu ngai pawimawh lo a he country hi chhuahsan nge i nih?"


"Duhthlantur dang ka nei hlei ném, chu chu Theo hian min pe lo hrim hrim ." A ngawih deuh vang vang hnu chuan arawn ti ta sap a.


"Eng pawh nirawh se, Theo pawhin ti sela chhuanlam i siam mai tur alawm."


"Ka ti tawh lo ang."


"Amah erawh chu kha tia Theo i lo hruai bo kha alehlam takah chuan aṭhatna chen a awm bawk a."


"Eng maw?" A mengtang hra nghâl a. "Khawngaihin Trey kha i kah tir ani ti in min hrilh lo hrâm rawh." Sofia tihloh chu kan zavaiin kan nui chhuak vek.


"Tehreng mai, Trey kah tir tu chu keimah ngei hi ka ni mimawl nu!"


Ka rinloh deuhin Sofia chu aṭap chhuak ta mai a, ka thinrim kher mai, midang chu awm velo sela chuan ka kâp zawt duh ngei ang, "Theo hi i hmangaih tawh chu ani ém lo ang chu maw Sofia."


"Dad hmangaih tehreng mai." Cassandra chuan arawn ti zauh a, helamah hi chuan ani hi athluak ahriam ṭha a, asawi dik ngei bawk ṭhin!


"Well, hmangaihlo sela chuan inneih vat i rawt lai pawh khân an mahnilam a ṭan hauh lo ang." Ka nupui ngei pawh chuan arawn ti ve bawk a.


"Theo hi ka hmangaih lo."


"A ṭhat hlauh chu anih chuan ka order dawt ila thei tihna anih chu!"


"Eng order nge?"


"Theo hi nangma kut ngeiin i that dawn maw le." Ka nuih khum vawr a.


"Eng maw?" A meng lian kawl kawl kher mai, hmuhnawm tham khawpin ani ameng len ni, anu kha ka hrechhuak zawk, anu pawh kha angaihtuahna ang ang ahmela tilang chi ani a, kha amizia ina min hneh ém avânga nupui ka neih hnu pawh a bum a mutpui ṭhin kha ka ni réng a ni.


THEO....

Haw phawt aTalia thilsawi dun pui angaiin ka hria, ka car khalh lai speed chu ka tichak sauh a, ka thil duh chu Talia leh Sofia hi inrèk tawn sela ka duh ber, chu thil chu ka mithmuh ah ngei ka thlentir ngei ngei ang.


Mahse ka pa lam ka ngaihtuah leh a, Talia lo va biak ai chuan call mai ila aṭha leh zâwk maithei, achhan chu khatah ka pa thi ṭépin ka farnu duhtak leh ka nu in mangang zetin anla awmpui a, anni chu ka ngaihtuah hmasak leh phawt pawh angai hmasa in ka hre leh ta zâwk a.

Call mai ila aṭha zâwk ang, in a haw leh turin hun ka nei lo tlat! Nakinah ka la hrilh chiang zâwk ang chu!


Ka phone chu ka phawrh chhuak a, "Talia, Theo ka nia."


"Hey, Theo eng nge ni ta?"

"Talia hmaichhanah ngei he thil hi ti turin ka duh che, mahse hrethiam la in rawn haw na hun ka nei bawk silo a, phone aṭangin ka rawn hrilh ta mai che anih hi!"

"Theo ava ṭhatloh hmél ve?"


"Talia ka ngaihdan chuan túna thil rawn thleng zawng zawng ho te hi boruak tih daih ngai ang chi in arawn thleng zâwkin ka hria."


"Mahse, engtin?"


"Sorry Talia, túnah chuan inlama rawn kira rawn hrilhfiahna hun che ka neilo, nakinah ka hrilh vek zâwk ang che."

Phone chu ka cut a, Hospital pawh ka thleng zui nghâl bawk a, ka car chu parkin hospital chhûngah chuan hmanhmawh zetin ka pén lûtin, ka pa awmna room lam chu ka panding a, ka va thlen chuan Alexandra, Detroit dara beia lo ṭap hlap hlap chuan min ti phu zawk, ka thlengphei ve nghâl thuai a, "Alexandra eng nge thil diklo a awm em ni?" A awmdan chuan min ṭhawng kher mai.

"Hreawm ati deuh hlek anih hi!" Detroit chuan alo chhân sak a.

A rawn hawi chhuak a, amittui luanna hnu chu ahrufai mawlh mawlh a, hmel hlimlo zeta mi enchho kalin, hnuailam chu amelh leh raih a. "Alexi i ṭha em?"


"Dad hi athi dawn ti raw, a ni em?" Ṭah aw ṭiau a tih pah chuan ainhnìt chhunzawm hlap hlap a, ka thinhnún tak chu chhun ang zawr hian ana, he thu hriat reng mai pawh hi ka duh lo, mahse ka pa thih leh dam chung chángah engmah tih theih ka nei silo."Ka hre lo Alexi." Ka thin a tâwt mup mup a, chhúngril aṭang chuan min rawn hnawh chho mup mup a, ka kâ lamah chuan chhuak thei silo in ka áwmah tak chuan atâng kháwm a, chu chuan ka tháwk thlengin ati harsa niberin ka hria.

Alexandra lungchhe zeta ṭap chu tihngaihna pawh hrelo in thaw ipik zet chuan ka thlîr reng ringawt, hnem ka duh, mahse engtin nge ka hnem dawn ka hre mai lo.


"Doctor kha alo kal leh tawh a, engmah thil thleng danglam leh han inthlâk zeuh pawh a awm loh thu bâk hriatnawn tur dang a awm lo."  Detroit bawk chuan ati nawn leh sup a.


Ka pa chu tùna tαn chuan mangṭha tih mai ka la phal lo, adamchhuah leh ka la ring tlat, hetiang chuan ka nu leh Alexi hi ka hném theilo ang.

Tháwk harsa ti zet chuan tháwk ka la káwk káwk a, buruak te chu tlèmta riau hian ka hria a, mahse keimah ber hi pachang taka ka awm erawh angai ka ti bawk si, engtin nge hetianga pachang tak hian ka awm reng theih bìk ang a?

"A dam dawn chiang ani tih rinna nena kan awm hi angai in ka hria." Ka ti ta ringawt a.

"Ka nu chu ka va hruaichhuak tawh ang e, achâu lutuk palh ang, an pahnih hian chawlh anmamawh tawhin ka hria, inlamah haw in chawl hahdam rawh u, ka nu chu ka va hruai ang e, zanin chu kei ka pa bulah ka awm ang."


"Keiman ka va haw pui ang." Detroit chuan ati a, ka bùk khum nghut a, Alexi hi pâwnah lova hruai chhuak la, keiin ka nu ka rawn hruai chhuak ang e."


Detroit chu abu nghut a, "Kal ang le, Alexandra." Alexi leh Detroit chu an kal chhuak ta a.


Ka phone ka phawrh leh phawt a, "Clegg kei mah."


"Hugo hotelah Sofia a awm a, inlamah min hruai hawsak dawn nia, zanin chu ka pa ka awmpui ang."

TALIA...


Jake nena kan dinner ei zo in kan thleng chu tumah an lo awm lo va, guard ho chiah an awm, Theo awmna ka záwt hmasa ber a, hotelah Sofia néna dinner eitura an chhuah thu asawi chuan kathin arim kher mai, engvânga Theo pawh chuan mi rawn phone ve mai lo nge a nih? Jake lah chu aroom tûr lamah alût nghâl daih.

Ka lo ngaihdân chuan apa avângin hun hreawm tak atawng a, hun thâwl pèk tuma dinner eitur pawh a sawm talo kha ka nia, kan Sofia leplérhi chuan Theo hreawmna pawh pawisa zolo in asawm chhuak ani ngei ngei ang, tihtur pawh hrelo in leh thinrim ru takin sitting roomah chuan ka ṭhu a, TV ka en a, ka thil en chu ka rilru ah alût thei tak tak lo, kan záwngi chuan ala hre dawn khawp mai, heti ang a awlsam chuan ka Theo hi min chhuh hauh lo ang le.


Jake hnénah lah heti ang chan chin hi ka hrilh ngam der lo, achhan chu hmeichhe thil hi Jake chuan angaithla duh hauh lo ang, Theo ahrilh leh ngei ang a, thil engkim abuai zo vek ani mai, chu ai chuan mahni a plan fel tak siam aṭha ber záwk ang, ka phone chu arawn ri nghawr dar dar a. Ka en chuan Theo alo ni a, ka pick nghâl vat bawk.


"Talia, Theo ka nia."


"Hey, Theo eng nge ni ta?" Tháwk ka la pah halh a.

"Talia hmaichhanah ngei hethil hi ti turin ka duh che, mahse hrethiam la in rawn haw na hun ka nei bawk silo a, phone aṭangin ka rawn hrilh ta mai che anih hi!" Theo chu ahlimloh hmèl kher mai, a awka chhuak reng rèng chu a zuai ruih hian ka hria a, achauh hmél ngawih ngawih bawk, chuti chung chuan anupui hual chuan dinner eiturin ala chhuahpui duh chu a nia, eng ang ramsa nge maw anih chai chu le.

"Theo ava ṭhatloh hmél ve?"


"Talia ka ngaihdan chuan túna thil rawn thleng zawng zawng ho te hi boruak tih daih ngai ang chi in arawn thleng zâwkin ka hria."
Eng tiang chiah in nge chét lâk atum ka hrethiam hauh lo, Sofia nen intih thinrimna an nei ani ngei ang, chutih lai taka hnémtu a lo ṭan chu ka tih mâk mawh a ni, túnah pawh hian Sofia chu Theo pa Trey bula awm ve tur anih laia engvânga Theo chu dinner lo eipui nge anih? Kei hian chu athil tihtur chu ka ti anga ani mai alawm, a pawi chai hlei ném.


"Mahse, engtin?"

"Sorry Talia, túnah chuan inlama rawn kira rawn hrilhfiahna hun che ka neilo, nakinah ka hrilh vek zâwk ang che." Thildang engmah ka sawi leh hman hma chuan phone chu a cut ta daih a, Theo hian he hmeichhe hnâisâilo zet leh tlâktlailo tak hi ahmangaih ani tih chu hre reng mah ila kei hian ka chang ngei ang le, tûn lawka Theo ahlimloh na chhan pawh kha, Sofia diklohna vek tih chu ka hrethiam mai, ka lak aṭang hian awlsam tak chuan Theo hi i lasawn hauh lo ang tih i lo hre dawn Nia Sofia.


SOFIA....

"Ka thusawi chu i hria maw, Theo hi i that tur a ni." Ka pa chuan ati nawn leh ngat a.


"A teuhlo mai, ka ti hauh lo ang, ka ti dawn lo hrim hrim." Ka tichhuak ta hlar a. Chutiang ang ṭawngkam vin chuan ka pa hi ka la ṭawngkhum ngam lo hrim hrim, mahse engtin nge ka awm chiah pawh ka hrethiam bìk tawh lo, ka pa chu ka hlauh viau a, midang ka thah phah hial angaihna chhan tur erawh ka hre bîk lo, khawiah nge Trey ṭhuihhruai ho hrim hrim pawh hi le, nge he remruat tu hi Trey anilo a, Theo zâwk anih avângin ngai ati hran lo?


"Kha ber kher chu ka duh lo." Ka tih khum ta hmak a.

"Uhh, Bailey chhŭngkaw zìngah ava khawsa a, arawn huai ve ṭan ringawt anih dawn hi adiklo khawp mai." Ka nuhrawn chuan a ti hlak a, chu nu chu ka haw ngawih ngawih, afanu ina tual athah pawhin ala haleluiah duh tho ang, chuti khawpa hmeichhe nasa chu a ni bawk.


"Hei hi Bailey chhùngkua vâng ani hauh lo, tumah he ka kut hian ka that lo ang, tualthahna lamah ka kut hi ka ti bawlhhlawh duhlo mai chauh ani, tualthahhmang ka nilo bawk." Ka ti ve ṭhat a.

"Dad, keimah min tih tir turin ka ti réng che kha, kei chuan he ka kut ngei hian Theo hi ka duh duh ka tih tir thei daih tawh âwm si a." Cassandra chuan mitko sân pah âwk chung leh chapo hmél zet chuan a ti a.

Chu ka unaunu hrawn thusawi chu anu lawm záwng tak ani bawk, za zet hian alo nuih pui a, nufa diktak chu an va ni chiang ém.


"Cassandra Theo lak aṭang hian lo inthiarfihlìm ang che, chu chu ka warningna anih chu!" Thîp zet hian ka melh a.


"Oh, nang hian warning min pe ve khαnglâng a maw? Ooh ka hlâu lutuk." A nu nén chuan za zet hian an nui dun a .


Ka pa in a "A tâwk." Arawn tih tâk hlur hnu chuan an táwp hmak.


"Sofia hre rawh, ka hrilh ang che khân ti ngei ang che, chu chu ka thutâwp anih chu!"


"Theo hi pasala nei turin min duh ni khân ka lo hre si a,  engvânga ani chu neilo a, athih chuan ṭha ta zâwk nge anih chhan?"


"I la neih theihlohna hian thil kal dân ati buai maithei, mahse chinfel dân ka han ngaihtuah ang e."

"Khawngaihin Dad." Ka thin rawn phu dawt dawt nghâl chu ka hre thei, aphŭt dân chu apângngai tlat lo.

"I thah vat chu angai ngei ang, hemi chung chângah hian min bum anih vaih chuan eng nge i chungah thleng ang tih chu i hriat kha."

Ka pa chu râpthlâk ti zet hian ka melh kawl kawl a, eng nge ka sawi ang tih pawh ka hre mai lo, ka hlâu, min hring tupa ngei chu ka hlâu ngawih ngawih a ni mai, mahse engti kawng mahin Theo chu athih ka phal ngailo ang, ka tawrhna tur pawh ni rawh se, abîk takin tual ka that ngai lo hrim hrim, chu chu ka nu duh dân pawh a ni, chu thil chu ka vawng reng ang.