TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 25

TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 25

"Nang leh Hunter in Sofia hi va hruai kir ang che u."


"Niloooo....."

"Theo....."

Sofia taksa chu hmuh theih khawpin a khúr hlawk hlawk a, "Kal ang le." Detroit chuan ati leh a, ka hmu thei tawh lo. Rang takin chu hmun chu chhuahsan ka duh!


"Theo,....khawiteh min khawih suh, minthlah rawh Detroit."


"THEO....."


Ka hrelo der hmiah hmiah, Sofia aw ka hriat theihlohna lam inchung chu ka pan chhohsan daih, mahse ka hlim hauh lo, hrehawm tihna hlîrin ka khat.


Ka room lamah chuan ka inkhung ta renga, tún aṭang chuan Sofia tih hming pu hi ka theihnghilh tawh tur a ni, mahse ka thei ang em tih erawh ka hre chiah chuang lo.


Sofia ahan awm lo ka room chhùng te chu ruak ta huai a hriatna hi ka nei a, bathroom lam ka pan phei a, shower ka hmang zuai ka chhuak leh chuan Sofia mitmeng vâm ham mai pawl raih hmuh kha ka inring leh deuh a, mahse ka rin ang chuan ka hmu ta chuang lo, he thil tawrhchhuah nan hian ni eng zah chiah nge ka mamawh ang?


Ka room chhùngah chuan dar kar khat ngawt ka inkhung tawhin ka ring chu aia tam pawh ani tawh maithei bawk ka chiang chiah lo, mahse Sofia erawh ka ngaihtuahna aṭangin ka paih chhuak thei lo.


Engtin nge a awm ang, túnah hian an in athleng tawh ang em? A sawi ang khân apa chuan achungah athinrimna te chu alo leihbuak khum duh tak tak mai lo'ng maw?


Ka thaw hawk, ngaihtuahna fím put luih tum aharsa kher mai, kawngka an rawn kik karh karh a, tu tak ni maw, Sofia alo kir leh te hi ani mai ang em?

"Lo lút rawh!" Kawngka a rawn inhawng a, ka pa hmel ka hmu ta a, ka mi beisei loh ber te zìng ami ani bawk.


"Detroit ilo hmu mial lo maw?" A rawn pén lût nghâl a.


"Amah leh Hunter kha Sofia  hruai kír turin ka ti a."


"Anih Terence nen in inbe tawh réng em"

"Aih, ka hriat zawng chu Hunter sawi dánin nizán a hotel aṭanga an check out kha ani mai." Ka ti ve sup a.


"Khawiah emaw tak chuan an awm ngei ang maw le." Ka pa chu ka room chhùngah chuan avei kual tawn sek a, damṭha vel vawl tak chu ni se chuan cigarette apak khu leh chum chum tawh ang.


"A hma in lo awmlo pawh ni sela, Sofia an va hruai lét hunah a inah chuan a awm leh tawh ngei ang." Ka pa bulah chuan ka ti ve sup a.


"Hemi chung chángah hian keini chuan engmah tih theih kan nei lo, rules chu rules ani a, nupuia i nei dawn lo anih chuan kan kír lèt ngei a ngai si alawm."


"Dad, Fangs ho hi rules ang pawhin an che em maw ni le?"


"Theo, Fangs ang kan ni hleiném, chuvangin keini chuan bawlhlawh takin chét kan la thiang lo, tûn thlenga Bronze Dragons kan la din chang chhan pakhat chu, rules angin kan che ṭhin a, kan chak phah réng bawk ṭhin!"


"Mahse Sofia khán tlánbo atum asin." Ka mit ka chhíng deuh sawk a.



"Engvangin?"

"A chhan chu Sofia sawi danin Terence in athat mai ang atia lawm."


"A thusawi chu i ring a maw?"


"Eng nge rina rinloh tur tih pawh hi ka hrethiam tawh lo, Bahamas ah kha chuan reilo te chhung chu ka lakah a inhawng ve a, a reiloh ém avângin leh amah rintheihna khawp pawh asawi chhuah hma in thildang kan sawi leh ta daih a, mahse chu mi hun chhung reilo te a ka hriat chhuah chu hmeichhe innocent tak ani chiang tih hi chu ka hre chhuak a ni."


"Túnah chuan akal tawh a, achungah engmah tih theih i nei tawh lo, duh pawh nila atheih tawh chuang lo ang, túnah chuan chét lák dan tur hi rel tawh ila engkim adik leh vek mai ang."

Ka pa thusawi chu dik ka tih rual rualin felhlel deuh hlek a hriatna ka nei thung, mahse ka sawi chhuak chuang lem lo.


"Eng nge ruahmanna chu ni a?"

"Ka la chiang bìk choah chuang lo, mahse reilo te hnu ah erawh kan tihfel vat theih ngei ka beisei, chuan eng thil nge thleng tih leh Terence hian eng angin nge hma lâk atum tih te i hria anih chuan min hrolh ve vat dawn nia."

Ka bûk khum nghut hnu chuan ka pa chuan min chhuahsan ta a, Sofia ka thawn kir leh avâng chuan ka hlim theilo hrim hrim, inchhirna hlirin ka khat a, ka pa sawi dân ang khán engmah tih theih kan nei tawh bawk si lo, thâwk ka la hrawih a, ka thaw aipik ngawih ngawih bawk.


SOFIA....

Theo chu ka âu lawm lawm a, mahse min kalsan daih, ni e ani chuan engah mah min ngai chai hlei nèm, atân chuan engtihna mah ka nilo rèng ani, ani chuan Talia bàk aduh tak tak lo ang, mi akawp ve chhan pawh kha ka laka thurúk a awm nge awm lo tih hriat atum vâng chauh tih ka hre chiang ta hle, ngawi reng chuan chu in chu ka chhuahsan a, ka hawi kir leh tawh pawh ka inring hran lo, Ka chungah Alexandra leh Callie kha an fel ém ém a, chumi te pahnih chiah chu tihtak zeta ka kawm theih ve chhun te an ni, mahse anni lah kha ka hnaih lohna tura vén tlat ka ni si, min vengtu chu Theo ani a, ani kha a pa thu akawi angila zawm ṭhin ani bawk, thuruk ka nei nge neilo hriat chian duh avángin aderin min ngaihsak tak angin ka lakah lem achang a, thuruk ka nei nge neilo tih hre hawt silo a ka laka athusawi dán te kha ka la hre reng mai, ka thil hriatte ka hrilh chuan min tlanbo tir duh maithei ati emni kha, ateuhlo mai, ka hriattir veleh a ka chan tur chu ka pa te anbei anga, kei ngei pawh min that bawk dawn tih ka hai hauh lo.


Ka bula ṭhu Hunter chu ka melh zauh a, engtik lai pawha inring reng hmél hi apu a, ni e, a inring reng tak ang chu, an miman ang ka ni tlat alawm, film a ka lo enṭhin tawh ang khân an car khalhlai aṭanga zuan chhuah ve daih ka duh rum rum, mahse film ani tlat lo, atak ramah chuan car chu atlân chak lutuk tlat! Zuangchhuak ta ang ni ila ka thih chian viau ka ring.


"Sawta amah a ding reng saw Jimbo ani lo'm ni?" Detroit chuan arawn ti sup a, chu chu kalkawng tluan kan tlân chhûng zawnga arawn ṭawngchhuah chhun ani, kei pawh chuan ka pa chènna ṭhin thlen ka huphurh èm èm inṭihbaiawm tak kan thleng ta tih ka hrechhuak ve nghâl a, intih pachan ka tum kher mai.


"Kan kal tur thu hi anhre lo ani ngei ang, a lan dânah saw chuan amah chauhin a awm ani maithei engvângin nge ani saw tukthlu a kan hnén chu kan hruai mai loh ang ni?" Hunter chuan alo ti ve vat a.


Kei erawh chuan engmah ka sawi lem lo, ka ngawi rauh rauh, an duh duh chu ti sela ka lo enliam mai mai ka ring.
Mahse Detroit rawn ṭawngchhuak chuan Hunter rilru put dán apu ve hauh lo tih arawn ti chiang a, "Chutianga amah tukthlu tura order kan hmu hauh lo, he hmeichhia hi vathlah ila tichuan kan haw leh vat zawk dawn nia." A rawn ti ta a.

Kan zavaiin car aṭang chuan kan chhuak ta vek a, Gate chhúngah kan va lut a, "Jimbo kan inhmuh lohna pawh ala rei lutuk lo in ka hria."Detroit chuan a aw athian pah khurh a.


"A la reiloh chu táwk rawh se, tùnah hian eng ti tura rawn kal nge in nih teh hrep chu le?" Alo ti khur khur a.


"He hmeichhia rawn dah kir leh hi kan tum mai chauh a nia." Hunter chuan tiin achhâng thuai a.


"Terence awmlai a ni em?" Detroit chuan Jimbo hmél hán tle hlurh chu a en deuh vung vung a, aner khum deuh sawk .

Awmlo, sumdawnna thilah azinbo rih lawk ani e, engvânga he hmeichhia hi rawn kir leh nge innih?"





"Inneihna kha ṭhulh leh anih avângin maw le!" Detroit záwk chuan ati a.


"Chu chu tu in nge sawi?"


"Boss in."


"Theo in maw?"


"Trey in maw le."

Jimbo hmel chu maktihna hian reilo te chhùng chu arawn luahkhat zawk a, areh leh nghâl vat, "Trey maw ni a? Mahse ani chu coma in a awm emaw ka tia?"


"A landanah chuan ania lawm, mahse túnah erawh amah lo kâp tu chu avânduai dawn ta anih hi, engpawh nisela Terence chu lo hrilh hrim hrim la, Trey chuan ala ngaihven reng ani tih ilo hrilh dawn nia."


"Terence chu he thilah hian ahlim hauh lo ang le, deal chu deal ani si a."

"I boss bulah chuan he afanu hi lo kir let leh phawt mai rawh, keini pawhin kan boss thu zawma ti kan nih ve tho hi, anduh leh la inbe leh zâwk rawh se."

Detroit chuan Jimbo lam chu rum zeta enpah hian, "Nangpawh Jimbo hre rawh, he thil lo inṭan dan chu i hriat ve ngei angai ang." A ti ta hrawih a.


Chutia atih hnu chuan Detroit leh Hunter chuan ancar awmna lam chu min pansan leh ta a, an tlânchhuak ri pawh reilo te ah ka hre chhunzawm nghál.


"I pa chu he thilah hian alung nilo khawp ang, inchhùng lamah lo va lút phawt mai rawh." Ati ta hruih a.

Ngawi rengin inchhúngah lamah chuan ka lút ta a.


BAILEY'S MANSION....

THE NEXT DAY....


THEO...

Zan lam pangah mut ka harsat thut, achhan pawh Sofia chu ka bula la rawn mu ve mai tura rinna nen ka meng reng a, ka tello in engtin tak awm ve ang maw, kei ngei pawh hi atello a hetia awm har ka tih tawh si chuan, ka thil tih kha aṭha ber ang em? Tih hi ka rilru a khat ber a ni.


Zân rei tak thleng muhil theilo in ka let ka let a, engtik lai chiah in nge ka lo mutthilh ve pawh ka hre lo. Zíngah chuan mut khamlo leh tho phang chuap khawpin ka harh ve a, bathroom lam chu peihlo zeta pan pheiin intih harhnan shower ka hmang zet phawt a, ka thawmhnaw dahna aṭang chuan truck suit ka la chhuaka ka inthawlh mawlh mawlh hnu chuan breakfast eiturin chhuah mai hi ka tum a, ka mutna khum lam ruak huai tawh chu ka melh leh zawk, Theo a awm tawh lo, a haw tawh, tháwk ka la hawk a, inhnuai lam pan chuan ka chhukthla ta a, Alexandra chauh chu kitchen lamah ka zu hmu a, min hmuh veleh chuan thíp hian min lo melh râm râm mai a, chair pawh chhuah ve pahin abulah chuan ka zu ṭhu thla ve a, "Eng thil diklo nge awm leh ta pek?"

"Inneihna ṭhulh leh ani tih hi thudik ani em?"


"Yeah, thudik chu ani alawm." Ka breakfast tur chu inlαk ve mawlh mawlh pah chuan ngaihsam hmel zet hian ka chháng a.


"A nih leh Sofia chu i roomah em ni ala awm?" A maimitchhing sawk a.


"Nilo, niminah khán apa bulah a haw leh tawh!" Ka plate a eitur chu ka ei nghál mawlh mawlh a.

"Eng maw i sawi a?"

"T ka áwih theilo hial záwk che."

Ka thil eilai châwl meuhin thinrim zet hian ka nau chu ka melh ve a, "Alexandra eng buaina nge maw i neih hrep chu le?"


"Theo nang hi ka buaina bul pui ber chu i ni!"


Hmelngui zet puchunga aṭhutna aṭang chuan dinchhuah pah hian, "Amah thlahna hun pawh ka nei ta lo." Ati chuai raih a.


"Ka ṭhian ani tih pawh i hre vek, ka haw lutuk che."
Chu hmun aṭang chuan lungawilo zetin min tlânchhuahsan ta a.


Ka thil ei pawh atui hrep tawh lo e, ka hma záwna plate awm chu ka hnâwl phei rawk a, coffee inthlitin ka inta vel mai mai a, ka inzawh hnu chuan Talia room lam chu ka pan leh a, kawngkhâr ka kik karh karh a, lût tura sawmna ka hmuh veleh kawngkhar chu ka nam hawng a, "Talia?"


Talia chu tukverh lam hawi hian alo hawi vang vang a, ka kohna ahriat chuan ka lam rawn hawiin, "Hey, tûkin ah ka hmu mai lo che a, ka lo zawng rilru reng che asin." No zet hian min rawn melh chho a.


"Eng chung cháng lamah nge?"


"Jake nen kan kir leh tawh dawn a, i lo kal ve nghâl dawn em?" Min rawn hnaih sauh.


"Ka theih ka ring rih lo Talia, ka pa hi a dam chian phawt ka nghah angaih ka ring."


"Ka awmpui rih che i duh em nih leh?" Ka kawr hma chu akut zung ṭang sei sel sawl tak chuan atháikual pah a.


Ka dinhlat khum san zauh, "Talia he thilah chuan kan táwp dun tawh kha."


"Ka hria e, mahse Sofia kha túnah chuan akal chhuak tawh ani lo'm ni, ahma a kan lo awm dân ang kha kan chhunzawm leh thei tawh ang chu."


A kut chu ka dahthlâk sak a,,"Nilo, Talia, tún hi hun ṭha pawh ani rih in ka hre lo."


"Chutiang engmah a awm hlei nèm." Ka ngháwng velah chuan arawn fâwp kual a, Sofia ang khân chu afawhna chuan keimah ah hna athawk hauh lo.

Kawngka anrawn kik ta a, remchangah lain ka hawi sawn a,"Lo lut rawh." Talia hmèla lunghnûrna awm chu ka hmuhhmaih lo.


Jake chu arawn pén lût a, "Ka rawn tibuai hran lo ang che u tiraw ani em?" A mui pah vawr a


"Tibuai lo e, kan lo inmangṭha zo chiah a." Ka ṭhen khum ve suk a



"I lokal ve dawn lo maw?"


"Dawn rih lo, mahse rawn kír ve vat erawh ka tum ang."


"Ok, man, min mamawhna i nei te anih chuan min rawn call mai dawn nia."


"Aw le, ka lawm e, Jake, Triona kha min lo biak dawn nia." Kati leh sup a.


"Ka lo ti dawn nia, Talia carah ka lo nghâk ang che." Jake chu akal chhuak leh ta nghal a.


"Min rawn call ṭhin dawn nia aw."


"Ka rawn ti ngei ang."

Ka lama Talia chu rawn kal hnaih paha mi arawn fawh zauh hnu chuan abungrua nen chuan akal chhuak ve ta nghâl a, túnah chuan keimah chiah ka ni leh ta.



Ka phone chu arawn ri ral ral a, "Hello."

"Theo i thil duh kha ka nei tawh e."

"Ok, fax in min rawn thawn mai dawn em niang?!"


Ka phone chu ka cut nghâl a, Talia room chu chhuahsanin ka room lam ka pan vat a, fax chuan Sofia call details zawng zawng ka mamawh ang chu arawn thleng chawp chilh nghâl a, ka la kâng vat a, ka endik ta hlawm a.


Engthil nge maw ka tih tâk hrep chu le? Ka thil lo tih tawhah chuan pawi tihna hlírin ka khat bawk, hmanhmawh zetin room chu ka tlân chhuahsan a, khawdang ka hawi loh lutuk avâng chuan ka nu rawn kal tur nen chuan kan insu thawi thuak a, "Theo khawiah nge kal itum, i va hmanhmawh èm ém ve?"

"Ka pa biak ka ngai a, a office ah a awm ang ti raw?"


"Aw, mahse biak lawkna tur che ka nei." Ka nu chuan hnial rualloh hian ati ta hmak a.

"Mum anghâk theilo em ni, ka pa biak ka ngai tak zet asin."


"A nghah theih ka ring lo, charity ball zanin hian neih tur ani a...."


"Chuan?"

"Chuan nang leh ipa nen kan pathumin kan va lan ve ka duh ang."


"Ka chungah khatin i ti hrep theilo ang." Thâwk ka la hawk a.

"Theo, i ṭawngkam kha fimkhur rawh."


"Eng ball ah mah ka kal hauh lo ang."


"I kal ngei angai ang, i pa in i kalloh a âwih hlek lovang."


"Engvânga mi ho hi hetianga kal ngai nge an nih?" Ka sam chu ka tuai chho deuh puat a.


"He charity atân hian i pa hian asum ape nasa ém ém a, chuvâng chuan khual zahawm tak ani reng ṭhin a ni."




"Engtikin nge ka pa chuan he charity atân hian asum alo pék ṭhin réng réng a?"


"Engtiklai pawhin, chuan i kal ngei bawk ang." Ka nu chu ka melhrum viau.


"Ipa inrawlhtir turin min ti hauh suh ang che Theo."



"Ok, ok, inbengdai rawh, ka kal ang e, túnah chuan ka pa ka biak angai tak zet tawh, apawimawh lutuk." Ka pa office lam pan chuan ka nu chu ka kalsan ta vat a.


TREY.....


"Dimitri mi ngai pawimawh a i lo kal avâng hian ka lawm lutuk, i tân rawn kal aharsat tur zia pawh ka hre vek a nia."

"Han châm ve deuh reng kan châk viau achu, mahse i hria anga, sumdawnna lam hian min pawtna deuh tlat ṭhin a."


"Keini pawh kumin hian kan chhûngin Russia ah holiday rawn hman kan tum dawn nia."

"Son i rawn tih ngei angai ang, achhan chu Russia inhmuhlohna pawh arei tawh bawk alawm."


"Engpawh nise, kan kal tawh mai ang, ka lo ngaichαng reng dawn che u a nia."

"Ka lawm e, Dimitri tluang takin inthlâwk dawn nia."


Dimitri nena kan inchibai hnu chuan akal chhuak ta nghâl a, akal chhuah hnu chuan Detroit lam chu ka hawi phei a, "Terence hnén aṭangin thu hriat belh i nei leh tawh em?"


Kawngkhar arawn inhawng rawp a, Theo chu arawn lang nghâl a, "Eng nge ni leh ta pek?"

Kan bul rawn thlenphei pah chuan, "Sofia chung chânga kan ngaihdan kha pakhat mah dik alo awm lo." Arawn ti chhuak hrawih a, ahmel chu inchhirna hlir hian akhat a.

"I thusawi awmzia chu eng nge?" Detroit chuan alo ti ve bawk a.

"Bahamas a kan awmlai pawh khân apa alo contact ngai reng reng hlei ném."

"Son, chu chuan engmah atichiang chuang lo."


"Atichiang khawp mai, Sofia khân thudik tak vek alawm alo sawi, asawi dan chuan kah i nih thu pawh kha ahriat loh thu asawi a, mahse a hriatsa reng kan ring ani lo'm ni?"


"Engpawh ni se, tùnah chuan engmah achungah tihtheih kan nei tawh chuang hleinem." Ka ti ta sup a.


 "Kan nei chiang, Terence hi call la, inneihna kha kan tileh duh ani tih hi hrilh rawh."


"Son, chu thil chu ka titheih ka ring lo, silai a kah ka nih hnu khan deal kan neih kha atâwp daih tawh." Ka ti ve nghut a, Theo hmel chu ka enpah reng a, chutia ka chhαnna avâng chuan ahmel chu arum sauh.


"Túnah chuan Fangs ho nen indona kan nei mek zawk ani." Tiin ka thusawi chu ka chhunzawm leh a.


"Mahse Terence hian kan hria tih pawh ahre hlei nem, indo na athlen hma ngei hian Sofia chu kan hruai lèt leh vat angai ang."

"Theo, atlai tawh lutuk." Detroit pawh chuan a rawn ti ve bawk a.


"Khatin hrethiamlo ang maiin awm lo mai teh u, Sofia hi apa hian athat duh ngei ang tih ka chiang a ni." Theo chuan athusawi chhuah chu atheihnghilh mai mai dawn lo tih hi ahmelah chuan ahriat vekin ka hria, chu ahmél rum takah chuan athu tihtlang atum zia pawh ka hmuhsak a.

"Theo ngaithla teh, hemi chungchângah hian mawhpurhna kan la theilo ang, achhan chu he thilah hian kan mi leh sa te nunna  derthâwngah ka dah thei lo ang."

"Chutianga Sofia hruai let lehna a min pui thei dawnlo anih chuan keimah pawhin ka ti mai ang, chu thil ka tih chhúng chuan Bronze Dragons aṭang hian ka báng rih ang, chumi chhùnga ka ái lo awh tur chu lo zawng ang che." Rumzeta mi melh rùn pah chuan ati leh hrawih a.

A mi ṭawngkhum dan chuan ka thin ati sa ve zak, "Theo kha tin min vau tum hauh suh!"


"Invauna pawh anih loh chu intiamna anih zâwk chu dad."


"A ṭha e, keimah pawhin ka ti ve thei reng a nia."  Za lo zet hian aṭhen pah suk a.



"Ok, inbengdai rawh, Terence chu ka'n call ang e, mahse engmah ka tiam theilo che a nia."


"A ṭha e, tinnghál rawh tunah."


"Ruahmanna ṭha lo tak zawng ani in ka hria."


"Detroit, tu in nge i ngaihdán záwt rèng rèng che a?" Theo bawk chuan Detroit rawn ṭawngchhuak alo vînkhum tuarh .


Ka phone a Terence number chu ka dial ta nghâl a, "Terence, Trey Bailey ka ni e."


"Trey i aw ri hriat leh chu ava nuam ve le, eng nge tihsak theih che ka neih le?" Terence aw dam duai chuan arawn ti deuh hlut a, alemchanna mai mai ani tih pawh ka hrechiang khawp mai.


"Englo a nia, inneihna chung chang kha ka ngaihtuah ṭha leh a, ahma kha chuan tih lehlo mai kha ṭha ka ti a, mahse kha chu ka rilru buai deuh avângah lo ngai mai la, túnah chuan ka zia awm tawh a, ka ngaihdan chuan inneihna kha chhunzawm leh zâwk ta ila ṭha ka tileh ta a ni."


"Chu ava ṭha âwm ve, ni e, keipawhin ka ti asin, mahse túnah chuan atlâi tawh deuh mah mah in ka hria."


"Eng nge atlai tawh i tih awm zia chu?"


"Sofia kha hetah a awm tawh lo a, Ireland lamah nizan khán a haw tawh."



"Engvângin nge?" Thâwk ka la ve hawk a.


"Well, kalo ngaihdan mai maiah chuan Theo kha aduh tlat ni in ka hria a, khati anga inneihna ṭhulh leh ahan nita kha, athinlung akehsawm ani ngei ang, chuvâng chuan he hmuna awm ve pawh hi nuam ati ta lo a, Ireland lama a awm duh thu sawiin nizán khân ka thlawh haw tir ta mai anih kha."


"Anih engtikah nge alo kìr leh ang?"


"Alo kír leh tawh lo ang, Ireland lamah chuan a awm char char rih tawh ang."


"Ok, chuti anih chuan keini chuan engmah tihfel theih kan nei tawh lo tihna anih chu!"


"Trey goodbye le."

A phone chu acut ta nghâl a.


"Eng thu nge a sawi?" Theo chuan alo ti vat a.


"A sawi dan chuan atlai tawh mah mah thu leh Sofia chu Ireland lama ahaw tawh thu leh a awmhlen dawn tawh thu asawi anih chu!"



"Thil âwihawm loh tak zawng ani e, Terence hian Sofia chu Ireland lama kir leh arem ti ngai rèng rèng hlei nem, athat tawh tihna anih ngei chu a ni em?" Ahmela mahni inthiamlohna nasa tak nei chung chuan ati chhuak ruih a.

"Keini chuan kan hre ve hlei nem."


"Aw le, Terence inah chuan ka va kal anga, a inah that lo in akhung em tih ka va hria ang e."

"I â ta em ni?" Derroit chuan Theo chu maktih hmel zet hian amenphar khum âwrh a.


"Detroit chu lo eng nge tih theih ka neih chuan a?"


"Tumah Terence inah chuan an kal hauh lo ang." Hnial rual loh hian ka ti ve hráwk a, ka thusawi chu chhunzawm lehin," Kha lo kawng dang a awm ngei ang."


"A unaunu ang te kha?"


Detroit lam chu ka hawi phei vat a, "A unaunu â?"

"A ni'n eng nge atih theih anga? Sofia lah ahaw viau bawk nen."



"Theo, i thluak kha hmang ta che le, wine nen dine out pui la, ti chuan athluak burah khán thil tuh luh tum ta che."


"Nilo, Detroit chu chu athawk hauh lo ang."


"A thawk maithei."  Theo chuan arawn ti ve nghál a.


"Sofia ka haw hle ani tiin angai tawh a, zanin hian ka nu chu charity ball ah kalpui angai dawn a, chuta lo tel ve tur chuan ka sawm ang."


"I theilo ang Theo, mahse kawng awmchhun chu ania lawm, aphone number i nei anih chuan call hmasa phawt la, akal duh nge duh lo záwt ve phawt ang che." Ka ti ta a.


"Engvâng ringawt in maw?"


"Eng vânga apa kalsana i bula alo kal duh nghál chu ring ngawt nge i nih?" Rum zet hian Theo chu ka enpah rûn a.


"Túna ka thil tih tumah hian risk ka lák angai rèng alawm dad."

"Theo, ruahmanna ṭhalo tak ani i thil tih i tum hi!"


"A tlai mah mah tawh, ka ti lâwk daih tawh."


A phone chu achhâng nghâl a, "Casandra maw? Theo ka nia."


THEO.....

Ka pa chuan ka thil tihtum chu min ṭhulh tir tum viau mahse ka tih ngei ngei angai, achhan pawh Sofia ka lo ngaih dikloh lutukna avâng khân inchhirna hlìrin ka khat tawh, a pa nen an inbiakna engkim acall record ka ngaithla vek tawh a, chitianga apa in atihluih tir tih bâk amah ah thilsual tih aneilo mai pawh nilo in a pa hian engmah ahrilh ve lo a, Sofia hian engmah hriat aneilo tak zet tih ka chiang vek tawh bawk, chumi avαng chuan athu lo sawi ṭhin te kha lo ring tur hi ka ni asin, ahma aṭang daih tawh khân athusawi te kha lo rinsak ni ila heti ang thil hi athleng hauh lo ang, túnah lah apa chuan athat tawh nge tawh lo tih lah ka hre bawk si lo, arang thei angber a chét ka lâk vat vat angai dawn tih pawh ka hai lo hle.


A pa in athah tur thu asawi lawm lawm lai te khân ka lo áwihsak duhloh avângin tùnah hian mahni inthiamlohna hlìrin ka khat tawh, atlai hma ngei a apa lak aṭanga ka lâk chhuah leh vat angai ngei ang, chuti anih loh zawngin ka damchhungin hreawm tihna chuan min zui reng tawh dawna hriatna ka nei tlat bawk.


"Casandra maw? Theo ka nia."


"Theo, eng nge tihsak theih che ka neih?"



"Well, túnah chuan official takin mipa single ka ni leh ta tih pawh i hriat kha, ka lo ngaihtuah mai mai a, zanin hian charity ball a awm dawn a, ka bula lo kal ve te i hrehlo anih chuan min kalpui dawn em ni ang?"


"Charity ball i ti em ni? Eng inṭanpuina nge ni ngai chu?"


"Kei pawhin rindan ka nei mai bík lo, ka nu in ka pa néna mi kaltir ve atum tlat mai a, ka pa nⅇna kan telve anih ngat chuan anawm zia tur thu a sawi asawi mai a."


"Ok, apawi hran ka ring lo, dar engzah ah nge min rawn lam ang?"



"Dar sarih ah ni ta se aṭha ang em?"


"Ok, dar sarih chu atha e, anih kan inhmu dawn nia." Phone chu acut ta nghâl a.



"A awlsam mah mah in ka hria, ka thil duhloh zâwng tak a ni." Ka pa chuan arawn ti leh sup a.


"Kei pawhin Theo i pa thusawi chu ka pawm zâwng tak a ni mai." Detroit ngawi renga lo ding ve reng pawh chuan arawn ti veleh bawk a.



"Eng emaw pawh lo thleng ta ni se, eng nge apawi viauna awm chuang a?"


"Nangmah leh nangma inthahna pawh alo thleng thei ani tih hi hre ta hrep che." Ka pa hmèl chu adur nghâl khuih khuih a .


"Detroit leh Clegg i bulah an rawn kal ve ang."


"Ball ah chuan maw? Ka ring hran lo dad."


"Theo venhimna i mamawh alawm."


"Tu hnén aṭangin, hmeichhia alakah chûan maw? Ka nui chhuak hawk.


"Eng thu nge i sawi tih hi i hre miah lo anih hi, an thangkam pawh alo ni maithei asin."


"Dad, ka ṭha ém ém ang tih hi ka chiang, chuváng chuan tumah min rawn zui turin rawn tirlo ang che, reilo te awm hahdam ka duh, ka room lamah ka awm lawk dawn nia, chumi hnuah ka insiam ang." Ka pa office chu ka chhuahsan ta daih a.


Ka room chhúng ka thlen hnuchuan ka inngaihtuah nasa mai a, ka dinna hmunah pawh ding reng theilo in ka vei kual tawn sek bawk, Terence hian Sofia hi engti kawng mahin Ireland lamah haw phal lo ang tih hi ka ngaihdân a ni.


Ka rilru ipik lutuk tih thâwl nan chuan shower hman zuai ka tum ta a, chu thil chuan ka ngaihtuahna buai nuai nuai te chu atih thâwl ngei ka beisei.



Bathroom lam chu ka pan ta a, tui vawt reih rawih a ka inbual hnu chuan ka harh nghâl kâwk hian ka hria, rei vaklo muthilh tumin ka khum lam chu ka pan a, ka mut chu  chhuak lo viau mahse hahdam hrim hrim ka mamawh, zanin hian thluak ṭha tak ka hman ngei angaih dawn avângin.


TERENCE...

 Phone ka cut chiah, Marlene ka bula ngawi renga lo ding chu arawn ṭawng chhuak ve a, "Trey chuan eng nge aduh leh ták pek a?"


"Eng emaw thil tih atum ani ngei ang." Ka phone chu ka phawrh nghâl a, "Jimbo, keimah, Bailey ho hian thil eng emaw tih antumin ka hria, chuvâng chuan he country hi chhuahsanin hmun dangah ka awm rih dawn a nia, arei ka ring lém lo, eng nge tih tur tih kha chu i hria ti raw?"


"Aw le, boss, anih in flight chuanna tur ka lo ngaihven dawn em ni ang?"


"Angai hran lo, Itali ah ka unaunu pasal Giovanni Romano inah ka kal ang, tûnah hian Giovanni tak chu a awm lo a, afapa te pahnih Luca Romano leh  Riccardo Romano te an awm a, chumi te bulah chuan kan va khawsa rih ang."


"Ok, anih leh le, heti lam chu rawn ngaihtuah duh suh, Casandra i hruai dawn em?"


"Dawn lo, ani hi chu Sofia ang ani ve hlei nèm kawng engkima ka rin ani a, amah chauh pawh nilo, nangni thlengin kei ka awmloh pawh a enkawl thei tu tur che u a nih kha."


"Aw le, boss."

Ka phone chu ka cut a, Marlene lam chu hawi lehin, "Naktuk ah Romano jet in min rawn lam dawn a, i thawmhnaw te pack in jet rawn thlen veleh a kal nghâl vat thei turin lo inpeih ang che, inhnuai lamah ka chhuk dawn a nia." Marlene chu kalsanin ka office lam ka pan san ta a.

Ka office ka thlen hnu chuan Luca nen chuan kan inbia a, mi hmuh achâk tawh zia thu te pawh arawn sawi ve luam a, SAWIHNAWNNA , HEMI TE HI SEASON 3 AH AN RAWN LANG ANG.Luca te unau hi pathum an ni a, An upa ber chu Luca niin Isabella leh Riccardo hi phìr an ni a, an unau zìnga hmeichhe awm chhun hi an duat hlé bawk, Isabella pawh hi hmeichhe nu dèm dèm ani hauh lo, hmeiche pa zet leh hlauhawm tak ani ve bawk.

THEO....

Mut zal mai mai tum kha ka ni a, mahse ka lo muhil tlang daih mai a, mumang mak zet mai ka la nei zui, Sofia chuan mittui tla zawih zawih hian amah chhanchhuak turin min lo ngén a, mahse ka lo khawih thei hauh lo leh nghâl, Sofia chu ka lo áu tuarh tuarh a, ani pawhin chuti bawk mahse abul ka va thleng thei silo, ataksa hmun tin mai chu hliam nasa tak hlĭr hian akhat vek mai bawk a, chutiang mumang mak zet mang chung chuan ka harh chhuak zawk, ka ngaih aṭha lo hle bawk, "Sofia i la dam anih ngat chuan ka rawn chhan chhuak ém èm ang che." Tiin ka phun chhuak sup a, bathroom lamah inphihfai turin ka lùt ta a, ka chhuah leh hnu chuan ball neihna a kal tur chuan ka insiam ṭan ta a, ka thawmhnaw dahna closet chu ka hawng a, coat sen duk anghawng arawngdum a pawlh ka nu ina min lei sal man to zet tur chu ka la chhuak a, suit hi ka haw hle a chu heti ang hunah leh ka pa te awmkhawmna ah ka hâk angai tlat bawk si, shirt var pâwl lam pang ka la chhuak leh a, ahnuailamah kekawr tlawn puan ṭha tak mai, tùnlai thei angber a ṭhui zuih grey rawng chu ka ha leh a, smart shoe dum bun lehin ka inpeih ta, darthlalanga ka thla lo lang chu ka melh phei vung vung a, Casandra mit ka lâk ngei ka ring, túnah chuan Casandra pawh va lam ahun tawh in ka hria, tháwk ka la hawk a, ka thiam ang bâk bák a lem ka chan chu angai hle ang le, achhan pawh Casandra chu hmeichhe fing ver vek tak anih avângin.

Ka room chu ka chhuahsana inhnuai lam pan turin ka kal chhuak ta a.