SEDUCTIVE CHAPTER 10
"Eleanor i khûr nasa a nia."
"Khawngaihin min kalsan suh, he thil hi ti miah suh aw."
"Kha mihnaisailo pa khân thildangah tihnatna che anei em?" Tiin ka phun chhuak leh sup a.
"Neilo, min beng tih loh chu minkhawihna lo."
"I sawi dan chu engmah nilo ang maiin i sawi, khati ang khan min lo dang lo lang chuan aring ruh kha ka ṭhuai tliah sak ngei ngei ang."
"Ti lo hrâm rawh....."
"Elo, ka hrethiam hauh lo, engvanga kha pa kha hum duh tlat nge i nih?"
"Khawngaihin.....min ngaithla hrâm rawh, chu chu aṭha ber ang...."
Ka lakah hian thil eng emaw zép rúk i nei chiang mai Eleanor Garcia, chuan chu thil chu eng pawh nirawh se, ka la hrechhuak ngei ngei bawk ang.
ALEANOR....
a shirt hαk chu phelhin ka hnar thi chu min hrúk fai sak a, "Wesley i tih kher angai hleinem k....."
"Lo ngawi ringawt mai rawh." Athil tih lai chu atih zawm mawlh mawlh tho a, amitmeng gray rawng paw múk ruih ah chuan engmah ka hmu theilo, hriatthiam har taka amen avâng pawh ani maithei, engmah pawh sawi zawm ta lo chuan ka dawh ve ta tawp a, ka hnar thi min tih fai sak hnu chuan a kawr chu atumtel deuh nawk nawk a, apaih ta daih a.
Ka kutah chuan rawn vuanin kan pahnih chuan party na lamah pawh lût leh tawh lo in ke in kan kal dun a, chutia kan kal chhùng zawng chuan eng thil mah sawi leh tawhlo in ngawi reng chuan kan kal dûn mawp mawp a, kan hma lama tuipui fawn inchhawk sung sung ri ka hriat chuan min hruai tumna chu ka hre chhuak chiah, tuipui kam kan thlen chuan min din pui a, tuipui aṭanga thli vawt tak rawn thaw heuh heuh chuan ka sam chu arawn chhém leng leh sang sang ṭhin a, chu tuipui kam reh raih mai leh thli vawt var rawn thaw chuan min ti harh sawng sawng, Wesley chu a ṭawngchhuak leh tawh lo hrim hrim, ka melh chho zeuh a, hmun hla tak a thlir ni mai hian ka hria, ka aw chu ka thian deuh kharh a, "Hetah hian eng nge kan tih?" Ka ti chhuak sep a.
"Elo, kha sawnchhepa awm chhúng kha chu inah ka haw tir leh thei tawh lo ang che." A thil thlirna lam aṭanga amit pawh la sawn chuang lo hian arawn ti ve sup a.
"Engvângin maw?" Ka chal chu ka dawm pah ngâih a.
Ka lam hawi a rawn inher ve pah chuan,"Eng nge?" A ti ta hruih a, light engvαk lo tak hnuaiah chuan chìk zet hian min en ani tih chu amit arawn zìm deuh san avâng chuan ka hriat sak a.
"Engvânga mi vénghim tlat reng ṭhin nge i nih?"
Wesley chu ka melh chho leh zauh a, ani chu alo insangmar ru ṭeuh hian ka han hmu a, akhabe ruh kual lai chu ache deuh rulh bawk, chu chuan a inseh ruh hle ani tih ati lang chiang bawk.
A mitmu rawng nalh zet mai mengvawt ruih bawk chuan mi rawn en silo hian khaw dang chu athlìr pah vung vung bawk a.
"Keimah ah hian engthil nge i hmuh pawh ka hre lo, mi hausa tak pawh ka ni lo a, hmeichhe duhawm tak lah ka ni hek lo, îtawmna bìk riau pakhat té mah ka nei azeng lah ani bawk......" thâwk ka la halh a," Hmeichhe duhawmtak lah ka ni der bawk silo. "
"Hmeichhe pakhat chaklo leh derthαwng tak, engtin nge mahni leh mahni a in ven theih ang tih pawh hre lo ka nih hi, hmeichhe pângai ve mai chauh ka....."
"Ngawi hmak rawh, khatianga mahni awmdan pawh hrethiamlo ang maia i inngaih ṭhinna kha ti tαwp rawh."
"I ṭhatna lai i hriat theihloh avângin anih hi nangmah ngei ngei pawh i inrin theihloh ṭhin ni."
Chu thu asawi zo chiah Wesley chuan min rawn hnaihchilh nghâl ruak a, ka kawngah chuan rawn kuahin kan pahnih ataksa inhnaihchilh thei tak tur chuan alamah min pawt hnái deuh salh a, kan taksa chu a in si ṭhelh nghe nghe, a male purfume hman manto zet rim chu ka hnìm deuh vang vang a, chu chuan ka lungphu ati rang zaih zaih nghâl thei, hetia ka bul hnaih taka a awm apiang hian keimah ah zámna nasa tak min thlen ziah, hetia taksa inhnaih zeta kan awm mai avânga ka taksa a danglamna nasa tak awm ṭhin hi ka haw ngawih ngawih bawk.
Mahni leh mahni inhuatna avâng chuan ka mittui chu far in lungchhe zet chuan ka inhnìt leh ta hlap hlap a. "Engvángin nge i ṭah?"
"A chhan chu Wesley mi pawimawh takah min chuah aváng hian min tih hlim èm a ni." Insut ri leh deuh hlap hlap chung hian kati a .
"Chutiang mi chu i nih avângin."
He pa lakah hian anih leh ka pawimawh pha ve ang em le? Ka mittui luang thla ngiai ngiai chu ka kutin ka hru hul thuai a, "Chutiang i sawi ang mi chu ka ni hauh lo, chuti ni se ka pa pawhin min duhloh avângin min kalsan hauh lo ang." Kati ngui riai a.
"Ka chhungte ho tân hian ka pawimawh ve tak tak lo .....tute tân mah hian hlutna ka nei lo." Lungchhe zet chuan ka inhnìt leh ta hlap hlap a, dan ruallohin ka mittui chu afar leh zawih zawih a.
"Khatiang a i ngaih avαng lawm hrehawm katih ṭhin, mahse nang chauh hi hetiang anga hlutna neilo anga ngaihtuah hi i ni bìklo asin."
"Eng nge i sawi awmzia chu?" Ka enchho zauh a.
Mi hnungchhawn daih pah hian, "Theinghilh rawh." Ati leh ta daih a.
Thâwk ala ri hawk a, athâwk lâk zâwnga ahnunglam rawn che ve dat chu ka hmuhhmaih hauh lo, "Eleanor i hlim hmel hi hmuh ka duh, engvângin nge ka duh tih erawh achhan leh avâng chu ka hre hauh lo, mahse ka duh miau si."
"Ka boss mai chauh i ni a, chu thil chu i tih angai miah hlei...."
Ka lam arawn hawi a, ameng núr deuh nâwng bawk a, amithmul chu ti nur deuh hlek.chung hian, "I lalah hian thil eng emaw ti turin min duh em ni Eleanor?"
A thu rawn sawi chuan min ti phu chiang kher mai, "Eng nge i sawi awmzia chu?" Makti zet hian ka zâwt deuh hâ a.
"Elo, diklo taka i laka ka chét duh hi i ring em ni, ahurherh lam pang zâwnga ka chét phei chu ring duh suh." Min nuih khum sâwng a.
Ugh. Ka heh hnuailam chu ka pet deuh zeuh a.
A ni chu za zet hian anui chhuak hawk hawk, engvânga a awm pawh arin loh thil hmangaihna nei tura beisei nge ka nih, chuti ang lam hawi zawng pawh chuan a sawi lo a, engvânga chutiang lam hlír chu ring nge maw ka nih chu le?
"Ka sawi awmzia chu ṭhiana insiam chung châng ania, chu chu i pawm thei em?" a kekawr hák pocket aṭang chuan aphone min khawihsan leh ta hmiah hmiah a.
"Thlantur ka neilo, ani em?"
"Tehreng mai, i nei hauh lo."
"Well, anih chuan Mr.boss, naktukah kan inhmu leh dawn nia." Inher mai hi ka tum a, ka inher dawn lai tak chuan ka bânrekah min rawn hmer saka, "Khawiah nge kal i tum a?"
Ka hawi kir leh a.
"Mu turin ka kal tawh ang chu ka ti." Ka hâm deih bái bâi a.
"Khawiah?"
"Ka inah ani ang chu sabengtung thluak thawl pa, thu âtthlâk deuh deuh mi i zawh ṭhinna hi tâwp tawh teh!"
"Miss.Garcia ṭawngkamṭha hi hman tum hrâm hrâm ṭhin rawh."
"Miss.Garcia ka ni leh tawh tihna maw ni a?" Ka tum pah hmawm a.
"Eng nge i sawi awm zia?"
"Anih leh kan infawhna pawh khân engmah awmzia aneilo tihna maw ni a?"
"Eng maw?"
Ka hawichhuak a, aphone lam hlir alo ngaihven leh tawh tih ka han hmu a, he pa hi chu ngam ilang chuan ka chum ṭawlh ṭawlh tawhin ka ring.
"Engmah...." ka ti ta daih a.
"Lokal rawh le." A phone khawihlai chu ak ṭha lehin mi pawh nghâk hran chuang lo hian a kal nghâl vut.
"Hey, i secretary pawh ka la nih chiah loh hi, khawiah mah ka rawn zuina chhan tur âwm reng che ka hre lo." Ka dinna ngaiah chuan ka ding lui ngαt a.
"Tun thla a i hlawh hi pék i duh chuan rawn che chhuak vat mai rawh."
"Sir ka lo kal nghâl." Ka che chhuak vat, ka hlawh min pèk loh chuan engtin nge ka,awm ang tih pawh ka ngaihtuah thui ngam lo.
A car apark na lam chu min pan pui leh a, ka ṭhutna tur lam chu kawngkhar min hawn sak a, ka ṭhulut ve mai a, pilot seat a arawn ṭhulut chu lo be nghâlin, "Khawiah nge min hruai i tum." Ka melh kal a.
"Eleanor Garcia kum 20 mi." Car chu atinung nghâl ham ham a .
A thu rawn sawi chhuah leh ka zawhna chu a inmil lo kher mai.
"A landanah chuan hmeichhe rilru na hma tak leh thinrim sam tak, mahse chhúngrilah erawh hmeichhe zaidam tak leh duhawm tak ani thung!"
"Eng thil nge maw i sawi chiam chiam le?" Ka va melh deuh kâwk a, ani erawh chuan kal kawng lam hlir a en thung!
Ka lam rawn hawi zauh pah hian, "Ka hrechiang duh che." A ti ta sup a.
"Uh, min hrechiang sa daih tawh alawm." Ka hmui ka hup deuh châih a .
"I personal information chu ka hre tawh na meuh mai, mahse i nihna dik tak erawh hriat ka la nei lo."
"Chu chu engvânga hriat duh nge i nih?" Ka seat belt hren chu ka kut chuan ka hmer deuh ngawt ngawt a.
"I color duh zawng?"
"I ti tak tak em ni?" Ka phu deuh zawk.
"I color duhzawng chu?"
"Oh, red leh black." Ka thaw deuh hak a.
"Red leh black?"
"Red animah zawk maithei, mahse ka ngah lem lo."
"Red, a phurawm viau zel e."
"Nipui nge thlasik?"
"Oh, nipui ani ang chu." Ka heh hnuai lam ka pet zauh ringawt.
"Hey, Mr.Cooper khatiang i zawhna ho chhângtur khán túnah chuan ka chau rih tlat, ka mut ati chhuak bawk." Ka ti ta hmak a.
"A ṭha e, anih chuan nidang hun kan la nei dun dawn chauh alawm, chuta zawh tur che chuan kan khek rih mai dawn nia."
"I thusawi awmzia chu ka hrethiam hauh lo."
"Nihnih chhung ka yacht ah hun kan hmang dun dawn alawm, kha pa nena cheng dun leh nghal tur khân i inah ka thlahfal che ring duh suh!"
"Wesley keimah avânga buaina i tawh hi ka duh miah lo aw." Ka ti ve leh ta sap a.
"I mi hnialna kha ka care hauh lo, kha pa khân atihbuai che kha ka duh lo, ka tih awmzia tak chu tumah hian antihbuai che hi ka duh lo."
"Anih kan kal hma in... ka thawmhnaw ṭhenkhat inlamah kan la lawk thei ang em? Chuan ka pi pawh ni reilo te chhung kan kalbo tur thu hi hrilh ve hrim hrim ka duh. " Ngam leh ngamlo hian ka ti chhuak sap a.
"Ka kal pui ang che."
"Mahse fìmkhur hle ang che kha pa lakah khân, ka ngaihtuah dan chuan khatia i chunga buaina asiam rengna kha ngaihtuah ṭha leh sela, khati ang khân i chungah tih theihna right aneilo ani tih hi ahriatchhuah ka duh."
"Ngaihtuah duh suh!"
Car chu ati dinga, chu chuan kan inpeng kan thleng tih min hriattir a, Wesley chuan ka lam arawn hawi miah lo, acar chhung light a on chuan abiang ki deuh vâng leh akhaberuh kual lai pâwng deuh ṭalh ṭalh chu ati langsar zual a, chu hmel chu Wesley Cooper hmel diktak mahni indah sang tak leh dik bera inngaihna chapo hmel tak chu a ni lawi si.
"Hahdam deuh khân lo awm tum ang che." A biangah chuan ka va fawh sak zauh a, a biang vel a ahmul ṭo deuh siar siar chuan min chhun deuh sap sap. Car aṭang chuan chhuakin inlam pan chuan ka kal ta nghâl a.
Ka pi chu sitting room lamah hian TV enin alo ṭhu chhuak a, "Hey Grandma."
"Elo." Min lo nuih sâng a.
"Ni reilo te chhung ka kal chhuak lawk dawn nia hna lamah."
"Mamawh i nei anih chuan George a awm kha, lo lam hreh hauh suh, hei hi ka number ani a, min rawn call dawn nia."
"Pawi kati lutuk Eleanor." Ka pi chu akhuh deuh kharh kharh a .
"Engvanga pawi i tih thu min hrilh nge i nih?"
"I tâna phurrit mai ni angah ka inngai alawm maw le, chuti ang chu ka nihloh hrâm ka beisei."
Ka pi hmel zúr tawh tak leh ahmela inthlahrunna awm chu ka hmu a, ka lainat kher mai, amitmeng fiah chiah tawhlo meng dul raih chu mahni inthiamlohna hlir hian akhat a, ouch, ka pi hi engtikah mah ka tαn phurrit ani ngailo ang, ka tetlai zawng a atha leh tui zawng zawng senga hmangaih taka min enkawl tu kha ani a, engvânga chutiang ngaihtuahna chu pu nge maw anih le? Nâ ka ti kher mai, "Khati ang kha sawi ri tawh suh ang che, ka tân khatiang kha i ni hauh lo a nia, nanglo chu he khawvelah hian ka nei tawh lo tih hi hre reng bawk ang che."
"Chuan ka hmangaih em em bawk che tih hi hre remg bawk rawh." Kati leh a.
Inchung lam ka roomah chuan hmanhmawh zetin ka chho a, ka thawmhnaw ken tur tam lo tak chu ka pack zo thuai a, inhnuai ka chhuk leh ka pi hmel ngui raih chu pan phei lehin abiangah chuan ka fawh sak zauh a, ka kir leh vat tur thu hrilhin mu hma turin ka hrilh nghâl a, ka mangṭha leh zet hnu chuan ka chhuahsan ta a, chutia ka pi han dah rík ngawt chu ka ngaih erawh angam chiah lo.
WESLEY COOPER....
Eleanor lo kir leh hun nghâk chuan ka lo thlir pah reng a, arawn lang leh vat, cara arawn ṭhu lut chu ahmel anguu kher mai, eng thil nge inchhúngah chuan ava tawh leh tâk? Kha mihnaisailo zet kha ava hmachhawn leh tawh tihna en ni ang? Chuti anih ngat phei chuan ka that duh tawh hial ang, Eleanor hi tunahin a rilru antih nat sak hi ka phal ngailo ang, kei ka awm chhung chuan, ka melh deuh vang vang a, car pawh ka ti nung lawk lo, "Eng thil nge thleng?" Ka ti ta nge nge a.
"Ka pi ania."arawn ti chhuak sap.
Oh, api zâwk maw, "Ka tana phurrit ni angin avawikhatna atαn ngaihdan ka neih tir ni in ka hria." Ati chhuak leh sap a.
"I tilo ang tih hi ka chiang." Kati nghut a, ka thusawi chu ka chhun zawm leh nghal a, "Eleanor ka thil hmuh dan mil ang hian awm tum rawh, thil tih awm ang lo tak tak i ti pawh ani lo, chuvangin i pi chu reilo te i awmlohsan chhúng pawh hian alo ṭha em em ang tih hi ring tawp rawh, tunah chuan khatia i hlimlo hmel kha paihin hlim hmel pu ve tawh bawk la."
"Khatia i hlimlo hmel hmuh kha ka duhlo tih pawh i hriat tawh kha, i hlim hmel ka hmuh erawh chuan nuam tihna min pe ṭhin a nia."
Ka thil sawi teh duah chu kei ngei pawh hi keimah nita lo hiala inhriatna ka nei, Eleanor pawh chu ka thusawi buai chuar deih nuai avâng chuan za zet hian anui ve ta hak hak a.
"Ka lawm e Wesley!"
"Nang kawr eng emaw hâk te i ngaihtuah ve em? Pawnlamah zawhte kawr nen chuan i chhuah duh ka ring lem lo." Ka kawr hâk lam pawh chu ka rilru ah a awm tawh hauh lo.
"Crap."
"Mr.Cooper ṭawngkam mawi hi zir tum hrâm.hrâm teh khai." Ka thusawi dan ang chiah chuan min rawn ti lét ve a.
"Ha ha ha." Ka nuih ati za kher mai. "Eleanor i nuihzatthlâk *lutuk* tlat, ka chenna zawn kan thlen ve hunah inthlak turin kan ding ve bawk ang chu!"
"Ka lo tih dan ang khân nang pawh ka carah hian ilo ṭhu ang a, tunahin an hmuh lohnan che thawm i lo siam hauh tur ani lo ang."
"Ka hre lo le, mahse ka lo tum dawn nia." Ka melh phei zauh min lo nuih var var a, anuihmel mawi zet mai chu engtik lai pawh a hmuh ka duh reng ṭhin chu a ni.
Ka chenna inzawn kan thlen chuan car chu tichingin ka chhuak ve ta nghâl a, inchhung lamah chuan lûtin ka room lam ka pan ding nghâl a, ka thawmhnaw chu thlâka chhuah leh nghal tum ka ni a, mahse corridor lamah chuan Katie ka hmu ta tlat, Katie hi keimah ang maia sam dum hlap mai nei a ni a, túnhma kha chuan kan inkawp ve chawt ṭhin, mahse kha chu ka pa min kawp sanhma kha ani a, tunah chuan ka pa nupui ani thuai tawh dawn a, ahmel chu aṭha viau a mahse chhungril lam erawh rûl tur nei ang maua hlauhawm ani thung! He amizia hi ka hre hneh tawh lutuk, ka pa nen innei dawn mahse mi flirt ala bansan chuang lo, chutiang mi chu ka ni ve lo bawk.
"West, zanin chu i mood ava ṭha hmel ve le." Anui pah sâng a, amitmeng fing vervek zet chuan pawi sawilo hmel apu tlat bawk.
"Katie...." ka menkual khum rulh.
"Huh, Wesley Cooper shirt tello in maw, ropui lutuk." A nui zui sâng a.
"I lang sexy lutuk tlat." Alei chu a hawlkual chhuak zauh a, ka taksa chu râwp hmel zet hian a enkual pah dan dan bawk, churi anga a en nih chu ka duh hauh lo.
Ka kut chu kuangkuah khumin, "Tuna ka chunga i rilru put dan kha ka pa chuan aduh hauhin ka ring lo." Ka tih khum nghut.
"Oh, i sawi dik lutuk, i pa hi chuan pawisa chu anei alawm ani em, nangmah a ka hmuh ngai loh tur ang zet hi chuan min vûr nameuh mai, mahse i hria em, a hmui chunglam chu sexy zetin aleia hawl leh zauh pah hian, "I neih ang kha i pa chuan anei lo, chuan afit tawh lo bawk." Mit min siai khum leh zauh a.
Min rawn pan hnai a, ataksa in a mi rawn nghen hnaih ṭálh ṭalh pah hian ka dar vel chu arawn chul kual dan dan a, ka nem sawn vat, "Hey, ka buai a nia." Ka luhna tur kawng adang tlat bawk si, nghah mailoh chu tih tur ka nriin ka hre lo.
A rawn kal hnai leh ngat, "Tawlh hnung rawh." Vawt zet chuan ka melh chhuk rûn a, nilo Wesley i pa hi nei pawh nimah ila nang nen hian nawmna kan la chén dûn reng thei a nia, ka kekawr hâk chhúngah chuan akut chu a dah lut a, ka ***** a rawn hûm chat nghâl a, rilṭam zet mit meng hian min enchho remg bawk, ka kap lam chu hmeichhia ina khawih reng ta chu a tho lo thei lo, "Awm hnung rawh." Ka nem deuh lawp, amak ti chu aphu deuh zawk, mipa hrisel ṭha lai ka ni a, Eleanor ka tawn aṭang hian hmwichhia tumah ka mutpui leh tawh lo, mahse he thlemna hi ka do ngam tur a ni, chu rilru min put tir tu chu Elranor chiah a ni.
"Khawngaihin tawlh hnung la lo inlahrang ang che Katie, ka mamawh chu nang hi i nilo."
"Uh, i hawihawm lo hle mai maw, zan in hian i thinlung hi ka tih nem sak leh dawn che."
Ka kut chu la in a kawr awm chu min zen chhoh tir a, ahnute kawhlah zawnah chuan ka kut chu adah thuah tir a, athaw deuh ham ham bawk, ka kut chu ka la sawn vat a, "Ka thusawi chu i hre lo nge i hre lutuk zâwk?"
"Kalsawn tawh rawh, ka hmanhmawh viau angai a nia."
"Nilo, Wesley, i pa nupui pawh ni dawn mah ila nang nena mut dun kha chu ka la duh tho."
Min rawn fawp ta mial mial a, ka chhâng lét hauh lo, ka ngaihtuahna ah Eleanor chiahin hmun achang tawh, he hmeichhia hi ka lo âtchilh tawh ṭhin ngei e, mahse túnah chuan ani tawh lo, ka college kal pui kum nga chuang zet ka lo kawp tawh kha a ni a, mahse kha tia kan inkawp lai reng pawh khαn ka pa chu hmel hriatin ka pa nen chuan khumpui anlo kai dun fo tawh tih ka hre chhuak ta a, khatih laia ka thinlung kehsawm chian zia kha, mahse túnah chuan ani tawh lo, chuti ang mi chu ka ni lo, ka tuar chhuak tawhin ka in hria, "WESLEY COOPER." Ka pa aw hriam zet chuan thinrim takin arawn ti ṭéng chhuai a.
Chutih veleh Katie chuan min thlah vat, ṭap chung hian ka pa dinna lam chu apan nghál, ka pa chuan min rawn hmuhna ala reilo ani ngei ang, katih angun angai tlat.
"Ka girlfriend lakah hian eng thil nge maw ilo tih hrep chu le?" Ka pa hmel chu hlau map lo hian ka en rún a.
"I fapa hi a.....lutuk a, min thlem dan athiam si a, ka tuar thei ta ngang lo a nih hi." Katie chuan ṭap hlap hlap chung hian dawt chiang bal a sawi, alem chan thianzia te chu ka hriatna arei tawh.
"Mittui tla phanga rawn hawi chhuah pah hian, "Naupang viauin i kum rualpui lek pawh nimah ila, i pa ka nei mai tawh dawn a, i nu ka ni tawh dawn asin, son." Ati hlap hlap.
Chu hmeichhe tenawm tak chu ka haw ngawih ngawih, anihna diktak ka pa hi hrilh hrilh mah ila a awih chuang lo, he nu hian amit atihdel sak tlat tawh.
"Wesley he thil lo thlen chhan hi sawifiah nghal rawh tún ah? Engvangin nge ka nupui nimai tur hi ilo fawh chhan, hei hi sawi fiah bawk ang che, midang i hmu zo lo tihna nge ?" Ka pa thinrim lutuk chuan heart attack anei ang tih te pawh ahlauhawm mah zâwk, athinrim lutuk avang chuan ahmai te chu asen ṭul mai a, "Engvángin nge i nupui hual chu ka fawh duh rìk ngawt ang? Hei chu ngaihtuah lul teh, kum 14 ka nih lai khan ngaihzawng ka nei ve ṭan a, kum 21 ka nih thleng ka ngaihzawng chung chang ka hrilh ṭhin che, heti ang hian hmeichhe duhlo chung leh i hmeichhia ngat phei chu ka fawh duh hi ring suh, he nu...."
"NGAWI HMAK RAWH!"
"He nu hian akiss hmasa che ani ti a min rin tir i tum tihna maw? Chuti anga ka rin chu ring duh lem suh!"
"Oh, nilo, engtin nge ka fapa la ni mai tur hi chhan awmlo a ka fawh hmasak nghal tawp duh ang a?" A la inhnit hlap hlap a.
Chumi te pahnih chu ka hmu peih ta hauh lo, hmeichhia kut thlak hi ka duh ngai lo, mahse chu nu dawt hlang hlaka ahan ṭang kawi sawi kual vel chuan ka thin ati so dawn tlat, ngawi rengin ka thawmhnaw pawh thlâk ta lo chuan ka kalsan ta daih a, "Wesley rawn kir leh nghâl rawh ka la sawi zo reng reng lo." Tiin ka pa chuan min âu zui a chu ka hre lo der hmiah hmiah, pawn lamah chuan chhuak lehin ka car awmna lam chu ka pan san ta daih a.
ELEANOR.......
Wesley rawn kir leh chu biak huphurh awm khawp hian ahmel arum a, ameng vawt ruih bawk, athinrim ani ngei ngei ang, a insangmar ru ṭeuh ani tih hriat zet hian ahmui achip hmak, a khaberuh kual tâwp chu a pâwng ṭalh ṭalh bawk a, "I va thang rei viau achu....."
"Uhh,.....inhnialna chhete ka nei a, mahse ngaihtuah duh vak lem suh." A ti deuh nghut a.
"I inthuamna pawh i la thlâk chuang miah lo."
"He ka inthuamna hi chu nakinah ka yacht ah ka la ti mai ani ang chu!"
"Y... YACHT AH MAW?" Ka phu deih zawk, ka meng bial kawl kawl.
"Yacht i nei tihna maw ni a?"
"Yeah, yacht ti chuan asawi ve theih in ka ring." Ati duh lek chauh a.
"Eng nge diklohna a awm em ni?" Mit khap lo lék leh makti zeta ka melh reng na chu engahmah ngaih loh hmel zet hian amengkual rulh.
"Heti em ema sum leh pai i ngah hi ka lo hre lo a." Nuamlo ti tak hian ka phun chhuak sep.
Eng dang mah sawi leh tawh lo chuan acar a darkar tam fe kan inkhalh hnu ah leh kawng chu atâwp thei dawn tawh lo emaw ka tih hnu ah chuan a yacht awmna hmun chu kan thleng ve ta hrâm a, thil thlen dan zawng zawng leh amah nen chauh a hun kan hman dan zawng zawng te kha ka ngaihtuah kir leh lo thei lo, ka ring theilo hial bawk.
HMANGAIHTU DIKTAK
Nunna tak tak neih ka duh, rilru ngaihtuahna mai mai ni lo.
Hmangaihna huaisen tak neih ka duh, ka mittui te min hruk hul sak thei tu tur chu!
Lungngaihna leh beidawnna ruama ka awm lai pawhin ring taka nuih theih ka duh, chu chuan engmah hlauh ka neilo ani tih alantir dawn si a.
Hmangaihna dik tak neih ka duh, ka rilru ngaihtuahna mai mai ni lo hmangaihna tak leh nung ngei chu!
SangteiKhawlhring
"Eleanor i khûr nasa a nia."
"Khawngaihin min kalsan suh, he thil hi ti miah suh aw."
"Kha mihnaisailo pa khân thildangah tihnatna che anei em?" Tiin ka phun chhuak leh sup a.
"Neilo, min beng tih loh chu minkhawihna lo."
"I sawi dan chu engmah nilo ang maiin i sawi, khati ang khan min lo dang lo lang chuan aring ruh kha ka ṭhuai tliah sak ngei ngei ang."
"Ti lo hrâm rawh....."
"Elo, ka hrethiam hauh lo, engvanga kha pa kha hum duh tlat nge i nih?"
"Khawngaihin.....min ngaithla hrâm rawh, chu chu aṭha ber ang...."
Ka lakah hian thil eng emaw zép rúk i nei chiang mai Eleanor Garcia, chuan chu thil chu eng pawh nirawh se, ka la hrechhuak ngei ngei bawk ang.
ALEANOR....
a shirt hαk chu phelhin ka hnar thi chu min hrúk fai sak a, "Wesley i tih kher angai hleinem k....."
"Lo ngawi ringawt mai rawh." Athil tih lai chu atih zawm mawlh mawlh tho a, amitmeng gray rawng paw múk ruih ah chuan engmah ka hmu theilo, hriatthiam har taka amen avâng pawh ani maithei, engmah pawh sawi zawm ta lo chuan ka dawh ve ta tawp a, ka hnar thi min tih fai sak hnu chuan a kawr chu atumtel deuh nawk nawk a, apaih ta daih a.
Ka kutah chuan rawn vuanin kan pahnih chuan party na lamah pawh lût leh tawh lo in ke in kan kal dun a, chutia kan kal chhùng zawng chuan eng thil mah sawi leh tawhlo in ngawi reng chuan kan kal dûn mawp mawp a, kan hma lama tuipui fawn inchhawk sung sung ri ka hriat chuan min hruai tumna chu ka hre chhuak chiah, tuipui kam kan thlen chuan min din pui a, tuipui aṭanga thli vawt tak rawn thaw heuh heuh chuan ka sam chu arawn chhém leng leh sang sang ṭhin a, chu tuipui kam reh raih mai leh thli vawt var rawn thaw chuan min ti harh sawng sawng, Wesley chu a ṭawngchhuak leh tawh lo hrim hrim, ka melh chho zeuh a, hmun hla tak a thlir ni mai hian ka hria, ka aw chu ka thian deuh kharh a, "Hetah hian eng nge kan tih?" Ka ti chhuak sep a.
"Elo, kha sawnchhepa awm chhúng kha chu inah ka haw tir leh thei tawh lo ang che." A thil thlirna lam aṭanga amit pawh la sawn chuang lo hian arawn ti ve sup a.
"Engvângin maw?" Ka chal chu ka dawm pah ngâih a.
Ka lam hawi a rawn inher ve pah chuan,"Eng nge?" A ti ta hruih a, light engvαk lo tak hnuaiah chuan chìk zet hian min en ani tih chu amit arawn zìm deuh san avâng chuan ka hriat sak a.
"Engvânga mi vénghim tlat reng ṭhin nge i nih?"
Wesley chu ka melh chho leh zauh a, ani chu alo insangmar ru ṭeuh hian ka han hmu a, akhabe ruh kual lai chu ache deuh rulh bawk, chu chuan a inseh ruh hle ani tih ati lang chiang bawk.
A mitmu rawng nalh zet mai mengvawt ruih bawk chuan mi rawn en silo hian khaw dang chu athlìr pah vung vung bawk a.
"Keimah ah hian engthil nge i hmuh pawh ka hre lo, mi hausa tak pawh ka ni lo a, hmeichhe duhawm tak lah ka ni hek lo, îtawmna bìk riau pakhat té mah ka nei azeng lah ani bawk......" thâwk ka la halh a," Hmeichhe duhawmtak lah ka ni der bawk silo. "
"Hmeichhe pakhat chaklo leh derthαwng tak, engtin nge mahni leh mahni a in ven theih ang tih pawh hre lo ka nih hi, hmeichhe pângai ve mai chauh ka....."
"Ngawi hmak rawh, khatianga mahni awmdan pawh hrethiamlo ang maia i inngaih ṭhinna kha ti tαwp rawh."
"I ṭhatna lai i hriat theihloh avângin anih hi nangmah ngei ngei pawh i inrin theihloh ṭhin ni."
Chu thu asawi zo chiah Wesley chuan min rawn hnaihchilh nghâl ruak a, ka kawngah chuan rawn kuahin kan pahnih ataksa inhnaihchilh thei tak tur chuan alamah min pawt hnái deuh salh a, kan taksa chu a in si ṭhelh nghe nghe, a male purfume hman manto zet rim chu ka hnìm deuh vang vang a, chu chuan ka lungphu ati rang zaih zaih nghâl thei, hetia ka bul hnaih taka a awm apiang hian keimah ah zámna nasa tak min thlen ziah, hetia taksa inhnaih zeta kan awm mai avânga ka taksa a danglamna nasa tak awm ṭhin hi ka haw ngawih ngawih bawk.
Mahni leh mahni inhuatna avâng chuan ka mittui chu far in lungchhe zet chuan ka inhnìt leh ta hlap hlap a. "Engvángin nge i ṭah?"
"A chhan chu Wesley mi pawimawh takah min chuah aváng hian min tih hlim èm a ni." Insut ri leh deuh hlap hlap chung hian kati a .
"Chutiang mi chu i nih avângin."
He pa lakah hian anih leh ka pawimawh pha ve ang em le? Ka mittui luang thla ngiai ngiai chu ka kutin ka hru hul thuai a, "Chutiang i sawi ang mi chu ka ni hauh lo, chuti ni se ka pa pawhin min duhloh avângin min kalsan hauh lo ang." Kati ngui riai a.
"Ka chhungte ho tân hian ka pawimawh ve tak tak lo .....tute tân mah hian hlutna ka nei lo." Lungchhe zet chuan ka inhnìt leh ta hlap hlap a, dan ruallohin ka mittui chu afar leh zawih zawih a.
"Khatiang a i ngaih avαng lawm hrehawm katih ṭhin, mahse nang chauh hi hetiang anga hlutna neilo anga ngaihtuah hi i ni bìklo asin."
"Eng nge i sawi awmzia chu?" Ka enchho zauh a.
Mi hnungchhawn daih pah hian, "Theinghilh rawh." Ati leh ta daih a.
Thâwk ala ri hawk a, athâwk lâk zâwnga ahnunglam rawn che ve dat chu ka hmuhhmaih hauh lo, "Eleanor i hlim hmel hi hmuh ka duh, engvângin nge ka duh tih erawh achhan leh avâng chu ka hre hauh lo, mahse ka duh miau si."
"Ka boss mai chauh i ni a, chu thil chu i tih angai miah hlei...."
Ka lam arawn hawi a, ameng núr deuh nâwng bawk a, amithmul chu ti nur deuh hlek.chung hian, "I lalah hian thil eng emaw ti turin min duh em ni Eleanor?"
A thu rawn sawi chuan min ti phu chiang kher mai, "Eng nge i sawi awmzia chu?" Makti zet hian ka zâwt deuh hâ a.
"Elo, diklo taka i laka ka chét duh hi i ring em ni, ahurherh lam pang zâwnga ka chét phei chu ring duh suh." Min nuih khum sâwng a.
Ugh. Ka heh hnuailam chu ka pet deuh zeuh a.
A ni chu za zet hian anui chhuak hawk hawk, engvânga a awm pawh arin loh thil hmangaihna nei tura beisei nge ka nih, chuti ang lam hawi zawng pawh chuan a sawi lo a, engvânga chutiang lam hlír chu ring nge maw ka nih chu le?
"Ka sawi awmzia chu ṭhiana insiam chung châng ania, chu chu i pawm thei em?" a kekawr hák pocket aṭang chuan aphone min khawihsan leh ta hmiah hmiah a.
"Thlantur ka neilo, ani em?"
"Tehreng mai, i nei hauh lo."
"Well, anih chuan Mr.boss, naktukah kan inhmu leh dawn nia." Inher mai hi ka tum a, ka inher dawn lai tak chuan ka bânrekah min rawn hmer saka, "Khawiah nge kal i tum a?"
Ka hawi kir leh a.
"Mu turin ka kal tawh ang chu ka ti." Ka hâm deih bái bâi a.
"Khawiah?"
"Ka inah ani ang chu sabengtung thluak thawl pa, thu âtthlâk deuh deuh mi i zawh ṭhinna hi tâwp tawh teh!"
"Miss.Garcia ṭawngkamṭha hi hman tum hrâm hrâm ṭhin rawh."
"Miss.Garcia ka ni leh tawh tihna maw ni a?" Ka tum pah hmawm a.
"Eng nge i sawi awm zia?"
"Anih leh kan infawhna pawh khân engmah awmzia aneilo tihna maw ni a?"
"Eng maw?"
Ka hawichhuak a, aphone lam hlir alo ngaihven leh tawh tih ka han hmu a, he pa hi chu ngam ilang chuan ka chum ṭawlh ṭawlh tawhin ka ring.
"Engmah...." ka ti ta daih a.
"Lokal rawh le." A phone khawihlai chu ak ṭha lehin mi pawh nghâk hran chuang lo hian a kal nghâl vut.
"Hey, i secretary pawh ka la nih chiah loh hi, khawiah mah ka rawn zuina chhan tur âwm reng che ka hre lo." Ka dinna ngaiah chuan ka ding lui ngαt a.
"Tun thla a i hlawh hi pék i duh chuan rawn che chhuak vat mai rawh."
"Sir ka lo kal nghâl." Ka che chhuak vat, ka hlawh min pèk loh chuan engtin nge ka,awm ang tih pawh ka ngaihtuah thui ngam lo.
A car apark na lam chu min pan pui leh a, ka ṭhutna tur lam chu kawngkhar min hawn sak a, ka ṭhulut ve mai a, pilot seat a arawn ṭhulut chu lo be nghâlin, "Khawiah nge min hruai i tum." Ka melh kal a.
"Eleanor Garcia kum 20 mi." Car chu atinung nghâl ham ham a .
A thu rawn sawi chhuah leh ka zawhna chu a inmil lo kher mai.
"A landanah chuan hmeichhe rilru na hma tak leh thinrim sam tak, mahse chhúngrilah erawh hmeichhe zaidam tak leh duhawm tak ani thung!"
"Eng thil nge maw i sawi chiam chiam le?" Ka va melh deuh kâwk a, ani erawh chuan kal kawng lam hlir a en thung!
Ka lam rawn hawi zauh pah hian, "Ka hrechiang duh che." A ti ta sup a.
"Uh, min hrechiang sa daih tawh alawm." Ka hmui ka hup deuh châih a .
"I personal information chu ka hre tawh na meuh mai, mahse i nihna dik tak erawh hriat ka la nei lo."
"Chu chu engvânga hriat duh nge i nih?" Ka seat belt hren chu ka kut chuan ka hmer deuh ngawt ngawt a.
"I color duh zawng?"
"I ti tak tak em ni?" Ka phu deuh zawk.
"I color duhzawng chu?"
"Oh, red leh black." Ka thaw deuh hak a.
"Red leh black?"
"Red animah zawk maithei, mahse ka ngah lem lo."
"Red, a phurawm viau zel e."
"Nipui nge thlasik?"
"Oh, nipui ani ang chu." Ka heh hnuai lam ka pet zauh ringawt.
"Hey, Mr.Cooper khatiang i zawhna ho chhângtur khán túnah chuan ka chau rih tlat, ka mut ati chhuak bawk." Ka ti ta hmak a.
"A ṭha e, anih chuan nidang hun kan la nei dun dawn chauh alawm, chuta zawh tur che chuan kan khek rih mai dawn nia."
"I thusawi awmzia chu ka hrethiam hauh lo."
"Nihnih chhung ka yacht ah hun kan hmang dun dawn alawm, kha pa nena cheng dun leh nghal tur khân i inah ka thlahfal che ring duh suh!"
"Wesley keimah avânga buaina i tawh hi ka duh miah lo aw." Ka ti ve leh ta sap a.
"I mi hnialna kha ka care hauh lo, kha pa khân atihbuai che kha ka duh lo, ka tih awmzia tak chu tumah hian antihbuai che hi ka duh lo."
"Anih kan kal hma in... ka thawmhnaw ṭhenkhat inlamah kan la lawk thei ang em? Chuan ka pi pawh ni reilo te chhung kan kalbo tur thu hi hrilh ve hrim hrim ka duh. " Ngam leh ngamlo hian ka ti chhuak sap a.
"Ka kal pui ang che."
"Mahse fìmkhur hle ang che kha pa lakah khân, ka ngaihtuah dan chuan khatia i chunga buaina asiam rengna kha ngaihtuah ṭha leh sela, khati ang khân i chungah tih theihna right aneilo ani tih hi ahriatchhuah ka duh."
"Ngaihtuah duh suh!"
Car chu ati dinga, chu chuan kan inpeng kan thleng tih min hriattir a, Wesley chuan ka lam arawn hawi miah lo, acar chhung light a on chuan abiang ki deuh vâng leh akhaberuh kual lai pâwng deuh ṭalh ṭalh chu ati langsar zual a, chu hmel chu Wesley Cooper hmel diktak mahni indah sang tak leh dik bera inngaihna chapo hmel tak chu a ni lawi si.
"Hahdam deuh khân lo awm tum ang che." A biangah chuan ka va fawh sak zauh a, a biang vel a ahmul ṭo deuh siar siar chuan min chhun deuh sap sap. Car aṭang chuan chhuakin inlam pan chuan ka kal ta nghâl a.
Ka pi chu sitting room lamah hian TV enin alo ṭhu chhuak a, "Hey Grandma."
"Elo." Min lo nuih sâng a.
"Ni reilo te chhung ka kal chhuak lawk dawn nia hna lamah."
"Mamawh i nei anih chuan George a awm kha, lo lam hreh hauh suh, hei hi ka number ani a, min rawn call dawn nia."
"Pawi kati lutuk Eleanor." Ka pi chu akhuh deuh kharh kharh a .
"Engvanga pawi i tih thu min hrilh nge i nih?"
"I tâna phurrit mai ni angah ka inngai alawm maw le, chuti ang chu ka nihloh hrâm ka beisei."
Ka pi hmel zúr tawh tak leh ahmela inthlahrunna awm chu ka hmu a, ka lainat kher mai, amitmeng fiah chiah tawhlo meng dul raih chu mahni inthiamlohna hlir hian akhat a, ouch, ka pi hi engtikah mah ka tαn phurrit ani ngailo ang, ka tetlai zawng a atha leh tui zawng zawng senga hmangaih taka min enkawl tu kha ani a, engvânga chutiang ngaihtuahna chu pu nge maw anih le? Nâ ka ti kher mai, "Khati ang kha sawi ri tawh suh ang che, ka tân khatiang kha i ni hauh lo a nia, nanglo chu he khawvelah hian ka nei tawh lo tih hi hre reng bawk ang che."
"Chuan ka hmangaih em em bawk che tih hi hre remg bawk rawh." Kati leh a.
Inchung lam ka roomah chuan hmanhmawh zetin ka chho a, ka thawmhnaw ken tur tam lo tak chu ka pack zo thuai a, inhnuai ka chhuk leh ka pi hmel ngui raih chu pan phei lehin abiangah chuan ka fawh sak zauh a, ka kir leh vat tur thu hrilhin mu hma turin ka hrilh nghâl a, ka mangṭha leh zet hnu chuan ka chhuahsan ta a, chutia ka pi han dah rík ngawt chu ka ngaih erawh angam chiah lo.
WESLEY COOPER....
Eleanor lo kir leh hun nghâk chuan ka lo thlir pah reng a, arawn lang leh vat, cara arawn ṭhu lut chu ahmel anguu kher mai, eng thil nge inchhúngah chuan ava tawh leh tâk? Kha mihnaisailo zet kha ava hmachhawn leh tawh tihna en ni ang? Chuti anih ngat phei chuan ka that duh tawh hial ang, Eleanor hi tunahin a rilru antih nat sak hi ka phal ngailo ang, kei ka awm chhung chuan, ka melh deuh vang vang a, car pawh ka ti nung lawk lo, "Eng thil nge thleng?" Ka ti ta nge nge a.
"Ka pi ania."arawn ti chhuak sap.
Oh, api zâwk maw, "Ka tana phurrit ni angin avawikhatna atαn ngaihdan ka neih tir ni in ka hria." Ati chhuak leh sap a.
"I tilo ang tih hi ka chiang." Kati nghut a, ka thusawi chu ka chhun zawm leh nghal a, "Eleanor ka thil hmuh dan mil ang hian awm tum rawh, thil tih awm ang lo tak tak i ti pawh ani lo, chuvangin i pi chu reilo te i awmlohsan chhúng pawh hian alo ṭha em em ang tih hi ring tawp rawh, tunah chuan khatia i hlimlo hmel kha paihin hlim hmel pu ve tawh bawk la."
"Khatia i hlimlo hmel hmuh kha ka duhlo tih pawh i hriat tawh kha, i hlim hmel ka hmuh erawh chuan nuam tihna min pe ṭhin a nia."
Ka thil sawi teh duah chu kei ngei pawh hi keimah nita lo hiala inhriatna ka nei, Eleanor pawh chu ka thusawi buai chuar deih nuai avâng chuan za zet hian anui ve ta hak hak a.
"Ka lawm e Wesley!"
"Nang kawr eng emaw hâk te i ngaihtuah ve em? Pawnlamah zawhte kawr nen chuan i chhuah duh ka ring lem lo." Ka kawr hâk lam pawh chu ka rilru ah a awm tawh hauh lo.
"Crap."
"Mr.Cooper ṭawngkam mawi hi zir tum hrâm.hrâm teh khai." Ka thusawi dan ang chiah chuan min rawn ti lét ve a.
"Ha ha ha." Ka nuih ati za kher mai. "Eleanor i nuihzatthlâk *lutuk* tlat, ka chenna zawn kan thlen ve hunah inthlak turin kan ding ve bawk ang chu!"
"Ka lo tih dan ang khân nang pawh ka carah hian ilo ṭhu ang a, tunahin an hmuh lohnan che thawm i lo siam hauh tur ani lo ang."
"Ka hre lo le, mahse ka lo tum dawn nia." Ka melh phei zauh min lo nuih var var a, anuihmel mawi zet mai chu engtik lai pawh a hmuh ka duh reng ṭhin chu a ni.
Ka chenna inzawn kan thlen chuan car chu tichingin ka chhuak ve ta nghâl a, inchhung lamah chuan lûtin ka room lam ka pan ding nghâl a, ka thawmhnaw chu thlâka chhuah leh nghal tum ka ni a, mahse corridor lamah chuan Katie ka hmu ta tlat, Katie hi keimah ang maia sam dum hlap mai nei a ni a, túnhma kha chuan kan inkawp ve chawt ṭhin, mahse kha chu ka pa min kawp sanhma kha ani a, tunah chuan ka pa nupui ani thuai tawh dawn a, ahmel chu aṭha viau a mahse chhungril lam erawh rûl tur nei ang maua hlauhawm ani thung! He amizia hi ka hre hneh tawh lutuk, ka pa nen innei dawn mahse mi flirt ala bansan chuang lo, chutiang mi chu ka ni ve lo bawk.
"West, zanin chu i mood ava ṭha hmel ve le." Anui pah sâng a, amitmeng fing vervek zet chuan pawi sawilo hmel apu tlat bawk.
"Katie...." ka menkual khum rulh.
"Huh, Wesley Cooper shirt tello in maw, ropui lutuk." A nui zui sâng a.
"I lang sexy lutuk tlat." Alei chu a hawlkual chhuak zauh a, ka taksa chu râwp hmel zet hian a enkual pah dan dan bawk, churi anga a en nih chu ka duh hauh lo.
Ka kut chu kuangkuah khumin, "Tuna ka chunga i rilru put dan kha ka pa chuan aduh hauhin ka ring lo." Ka tih khum nghut.
"Oh, i sawi dik lutuk, i pa hi chuan pawisa chu anei alawm ani em, nangmah a ka hmuh ngai loh tur ang zet hi chuan min vûr nameuh mai, mahse i hria em, a hmui chunglam chu sexy zetin aleia hawl leh zauh pah hian, "I neih ang kha i pa chuan anei lo, chuan afit tawh lo bawk." Mit min siai khum leh zauh a.
Min rawn pan hnai a, ataksa in a mi rawn nghen hnaih ṭálh ṭalh pah hian ka dar vel chu arawn chul kual dan dan a, ka nem sawn vat, "Hey, ka buai a nia." Ka luhna tur kawng adang tlat bawk si, nghah mailoh chu tih tur ka nriin ka hre lo.
A rawn kal hnai leh ngat, "Tawlh hnung rawh." Vawt zet chuan ka melh chhuk rûn a, nilo Wesley i pa hi nei pawh nimah ila nang nen hian nawmna kan la chén dûn reng thei a nia, ka kekawr hâk chhúngah chuan akut chu a dah lut a, ka ***** a rawn hûm chat nghâl a, rilṭam zet mit meng hian min enchho remg bawk, ka kap lam chu hmeichhia ina khawih reng ta chu a tho lo thei lo, "Awm hnung rawh." Ka nem deuh lawp, amak ti chu aphu deuh zawk, mipa hrisel ṭha lai ka ni a, Eleanor ka tawn aṭang hian hmwichhia tumah ka mutpui leh tawh lo, mahse he thlemna hi ka do ngam tur a ni, chu rilru min put tir tu chu Elranor chiah a ni.
"Khawngaihin tawlh hnung la lo inlahrang ang che Katie, ka mamawh chu nang hi i nilo."
"Uh, i hawihawm lo hle mai maw, zan in hian i thinlung hi ka tih nem sak leh dawn che."
Ka kut chu la in a kawr awm chu min zen chhoh tir a, ahnute kawhlah zawnah chuan ka kut chu adah thuah tir a, athaw deuh ham ham bawk, ka kut chu ka la sawn vat a, "Ka thusawi chu i hre lo nge i hre lutuk zâwk?"
"Kalsawn tawh rawh, ka hmanhmawh viau angai a nia."
"Nilo, Wesley, i pa nupui pawh ni dawn mah ila nang nena mut dun kha chu ka la duh tho."
Min rawn fawp ta mial mial a, ka chhâng lét hauh lo, ka ngaihtuahna ah Eleanor chiahin hmun achang tawh, he hmeichhia hi ka lo âtchilh tawh ṭhin ngei e, mahse túnah chuan ani tawh lo, ka college kal pui kum nga chuang zet ka lo kawp tawh kha a ni a, mahse kha tia kan inkawp lai reng pawh khαn ka pa chu hmel hriatin ka pa nen chuan khumpui anlo kai dun fo tawh tih ka hre chhuak ta a, khatih laia ka thinlung kehsawm chian zia kha, mahse túnah chuan ani tawh lo, chuti ang mi chu ka ni lo, ka tuar chhuak tawhin ka in hria, "WESLEY COOPER." Ka pa aw hriam zet chuan thinrim takin arawn ti ṭéng chhuai a.
Chutih veleh Katie chuan min thlah vat, ṭap chung hian ka pa dinna lam chu apan nghál, ka pa chuan min rawn hmuhna ala reilo ani ngei ang, katih angun angai tlat.
"Ka girlfriend lakah hian eng thil nge maw ilo tih hrep chu le?" Ka pa hmel chu hlau map lo hian ka en rún a.
"I fapa hi a.....lutuk a, min thlem dan athiam si a, ka tuar thei ta ngang lo a nih hi." Katie chuan ṭap hlap hlap chung hian dawt chiang bal a sawi, alem chan thianzia te chu ka hriatna arei tawh.
"Mittui tla phanga rawn hawi chhuah pah hian, "Naupang viauin i kum rualpui lek pawh nimah ila, i pa ka nei mai tawh dawn a, i nu ka ni tawh dawn asin, son." Ati hlap hlap.
Chu hmeichhe tenawm tak chu ka haw ngawih ngawih, anihna diktak ka pa hi hrilh hrilh mah ila a awih chuang lo, he nu hian amit atihdel sak tlat tawh.
"Wesley he thil lo thlen chhan hi sawifiah nghal rawh tún ah? Engvangin nge ka nupui nimai tur hi ilo fawh chhan, hei hi sawi fiah bawk ang che, midang i hmu zo lo tihna nge ?" Ka pa thinrim lutuk chuan heart attack anei ang tih te pawh ahlauhawm mah zâwk, athinrim lutuk avang chuan ahmai te chu asen ṭul mai a, "Engvángin nge i nupui hual chu ka fawh duh rìk ngawt ang? Hei chu ngaihtuah lul teh, kum 14 ka nih lai khan ngaihzawng ka nei ve ṭan a, kum 21 ka nih thleng ka ngaihzawng chung chang ka hrilh ṭhin che, heti ang hian hmeichhe duhlo chung leh i hmeichhia ngat phei chu ka fawh duh hi ring suh, he nu...."
"NGAWI HMAK RAWH!"
"He nu hian akiss hmasa che ani ti a min rin tir i tum tihna maw? Chuti anga ka rin chu ring duh lem suh!"
"Oh, nilo, engtin nge ka fapa la ni mai tur hi chhan awmlo a ka fawh hmasak nghal tawp duh ang a?" A la inhnit hlap hlap a.
Chumi te pahnih chu ka hmu peih ta hauh lo, hmeichhia kut thlak hi ka duh ngai lo, mahse chu nu dawt hlang hlaka ahan ṭang kawi sawi kual vel chuan ka thin ati so dawn tlat, ngawi rengin ka thawmhnaw pawh thlâk ta lo chuan ka kalsan ta daih a, "Wesley rawn kir leh nghâl rawh ka la sawi zo reng reng lo." Tiin ka pa chuan min âu zui a chu ka hre lo der hmiah hmiah, pawn lamah chuan chhuak lehin ka car awmna lam chu ka pan san ta daih a.
ELEANOR.......
Wesley rawn kir leh chu biak huphurh awm khawp hian ahmel arum a, ameng vawt ruih bawk, athinrim ani ngei ngei ang, a insangmar ru ṭeuh ani tih hriat zet hian ahmui achip hmak, a khaberuh kual tâwp chu a pâwng ṭalh ṭalh bawk a, "I va thang rei viau achu....."
"Uhh,.....inhnialna chhete ka nei a, mahse ngaihtuah duh vak lem suh." A ti deuh nghut a.
"I inthuamna pawh i la thlâk chuang miah lo."
"He ka inthuamna hi chu nakinah ka yacht ah ka la ti mai ani ang chu!"
"Y... YACHT AH MAW?" Ka phu deih zawk, ka meng bial kawl kawl.
"Yacht i nei tihna maw ni a?"
"Yeah, yacht ti chuan asawi ve theih in ka ring." Ati duh lek chauh a.
"Eng nge diklohna a awm em ni?" Mit khap lo lék leh makti zeta ka melh reng na chu engahmah ngaih loh hmel zet hian amengkual rulh.
"Heti em ema sum leh pai i ngah hi ka lo hre lo a." Nuamlo ti tak hian ka phun chhuak sep.
Eng dang mah sawi leh tawh lo chuan acar a darkar tam fe kan inkhalh hnu ah leh kawng chu atâwp thei dawn tawh lo emaw ka tih hnu ah chuan a yacht awmna hmun chu kan thleng ve ta hrâm a, thil thlen dan zawng zawng leh amah nen chauh a hun kan hman dan zawng zawng te kha ka ngaihtuah kir leh lo thei lo, ka ring theilo hial bawk.
HMANGAIHTU DIKTAK
Nunna tak tak neih ka duh, rilru ngaihtuahna mai mai ni lo.
Hmangaihna huaisen tak neih ka duh, ka mittui te min hruk hul sak thei tu tur chu!
Lungngaihna leh beidawnna ruama ka awm lai pawhin ring taka nuih theih ka duh, chu chuan engmah hlauh ka neilo ani tih alantir dawn si a.
Hmangaihna dik tak neih ka duh, ka rilru ngaihtuahna mai mai ni lo hmangaihna tak leh nung ngei chu!
SangteiKhawlhring
No comments:
Post a Comment