TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 23

TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 23

Min rawn enchho leh a, "Khawngaihin eng nge i ngaihtuahna ah awm tih hi min hrilh ve hrâm rawh."


"Ngaithla teh Sofia." Ka sam chu ka kutin ka tuai chho thuak a, "I rilru ah thil i vei hma a, heiti lai hmun hi chutiang kan rilru a awm sawichhuahna tur hmun pawh ani lo, nang chuan engkim.hriat chhuah vat vat i duh ṭhin a, kei erawh, chuti ang mi chu ka ni lo, túnah chuan kal la inlamah lo va haw leh ringawt mai rawh."


Chutihlai tak chuan hmanhmawh zetin Alexi chu arawn tlân phei a, "Theo ka pa room lamah rawn kal thuai rawh, ka pa life support kha a in off...."


SOFIA....

Alexandra in hlauhthâwn hmel zeta athil rawn sawi chuan min ṭhawng kher mai, Nurse leh doctor chu Trey roomah chuan hmanhmawh zet hian antlán lût nghαl a, chumi hnu ah Theo pawh chu rangtakin Alexandra chu akal pél thuak, eng thil nge thleng tih hriat chák tak, midang va pawh ve  ngam bawk silo chuan ka vei tawn sek, engkim aṭhat theih hrâm beiseina nen leh beisei lo deuh bawk si chuan ka awmna hmunah pawh awm hle hle theilo in ka awm a, ka pa nunrawn luat avânga Trey hetianga a awm ta mai hi pawi ka tih pui ngawih ngawih bawk, mahse engmah tih theih ka nei ve dèr bawk si lo.


Anni ho lam chu ka melh phei zauh a, an hmél chu angui nghial hlawm a, hetiang gang pawl lo awm hi ka haw ngawih ngawih, anmahni in er na avânga chhúngkaw tam tak hlimtlâng taka awm turin an awmtheihloh phah a, nun nguai zetin annun an hman phah bawk chu ania, ka haw ngawih ngawih ringawt.


THEO.....

Detroit dinna lamah chuan ka phei thuai a, "Eng thil nge thleng hrep hi?" Ka ti chhuak ṭhawt ka insum hman lo, ka pa ngaihtuahna hlirin ka khat.


"Ka hre bíklo Theo alife support a in off tih hriattirna alarm kha arawn ri a, tûnah rih chuan doctor te hi an hna thawh tir phawt aṭha ang."

Alexandra chu ka nu bulah lungchhe zet hian aṭap hlap hlap a, tumah hmel hlim taka awm ka hmu lo, boruak te chen chuan mi tawrhpui ang zia zângin chu hmun chu areh ṭhuap mai a ni, ka ngaih aṭha thei hauh lo.


"Oh, anrei tawh lutuk." Kati leh hrawih.


"Ni e." Detroit lo ṭawngchhuak ve ringawt pawh chu ka haw hlur.

"Chuzawng chu maw ni a? Ka lût ve dawn." Kal mai hi ka tum a, "Nilo Theo i kal thei rihlo ang." Detroit chuan min lo dang a.

"Detroit, ka kawng lo dál tum hlek suh." Min dang lui ngam bìk ta lo.

Ka pa room kawngkhar chu ka pan ding nghâla, ka va lût chu min ṭhawng kher mai.


"Eng thil nge?" Ka ding nghâl awt, ka ṭawng lai ka táwp chiang kher mai, ka pa khumlam chu makti zet hian ka melh a, chètsawn nacháng pawh ka hre lo.


Ka mak tihna chu ka thunun hrám hrâm, ka va panhnâi leh deuh a, "Eng thil nge thleng hi?"


"Sir heta awm ve tur hi i nilo, i chhuahleh nghâl angai ngei ang." Nurse chuan arawn ti a.


"Engvâng chuan nge ka tih ngawt ang a?" Rum zet hian ka melh pah khur a.

"A pawilo, ka zo tawh e, rawn luhtir rawh." Doctor chuan arawn ti a.


Ka pa ngei mai chuan mi rawn enin, "Hey, son min lo ngai em?"

Ka lung ati chhe ve lek lek, mahse tûnah chuan lawmna vâng záwkin a ni.


Ka pa te awmna lam chu ka panphei a, docror chu makti zeta en chung hian, "Ka hrethiam hauh lo, thi mai tawh tur khân sawiin chhùngkhat inko khâwm tawh tur khân min chah si a?"



"Thil maktak hnathawh ani ti pawhin kan sawi thei ang chu!"

"Son thil ṭhalo hi engtik ah mah i that thei ngailo ang." Ka pa chu arawn tho chhuak nghâl uaih a, "Mr.Bailey thawhchhuah tum duh suh, khum lamah khân muleh vat rawh." Doctor chuan avìn ṭhat a.


Ka pa chuan thahrui ala nei vak lo, harsa ti zet hian arawn ding chhuak achu khum tlâng chu avuan deuh chawt a.

Ka lo dawm vat, "Dad khum lamah khân mu leh vat rawh." Ka ti ve ṭhawt.


Khum lama mut tir leh tur chuan ka pui nghâl a, ka dimdawih ati deuh hlek nge ni, "Ka ṭha e, lo phili chiam lo mai teh!"
Thâwk ka la hawk a, ka chhìng pah sawk bawk, ka pa luhlul lutuk leh mahni thu duh zet hi chu tawrh theihloh châng ka ngah tak zet.


"Theo, i unaunu leh i nu kha an thlaphâng viau in ka ring a, nangin chan chin lo va hrilh la aṭhat ka ring, chumi chhúngin i pa hi thusawi pui lawk tur ka nei a, ka lo sawi pui lawk ang e."

Ka bu nghut a, pâwn lamah ka chhuak ta a.


TREY....

Chu damdawiin khum phiangsenah chuan ni engzah chiah nge engmah hrelo a ka lo mut tawh pawh ka hre hrep lo, chu hmun chu ka hne nghâl ngawih ngawih ringawt, chhuahsan thuai thuai ka châkna chuan min tur ut ut bawk, Theo a chhuah hnu chuan doctor chuan ka lam arawn hawi a, "Mr.Bailey i taksa ina ngai a awh leh theihna tur chuan ni tam tak chhûng awm hahdam ila mamawh a, chuvâng chuan hahdam thei ang bera i chawlh theihna turin he hmunah hian areilo berah pawh kar thum lai i awm hi ka la duh pui che a ni."


"Doctor, ka chunga inthil lo tih tawh zawng zawngah khân ka lawm e, mahse ka inlamah pawh keima doctor ngei a awm ve a, chu chuan min enkawl thei lutuk tawh ang tih hi ka chiang a ni, chuvang chuan inlama ka lo in cover theihlohna chhan tur âwm rèng ka hre lo." Ka ti hmuk, he hmun chhuahsan vat vat hi ka duh a, ka harhchhuah hlim aṭanga ka rilru a awm ber chu phuba lâk vat vat hi a ni.


"I ti takzet tihna em ni MrBailey, ila chiang chiahlo te hi anilo maw?" A phu deuh zawk.



"Doctor min ngaihtuah mah mah anih kha, ka ngaihdán hi ka thlâk phah dawn chuang lo."


"Ok, anih leh he hmun aṭang hian i chhuak ani tih hriattirna leh i sign tur paper ṭhenkhat ka rawn keng ang e, chuan Mr.Bailey thildang pakhat, alehpekah chuan hetiang vánneihna hi i tawng tawh hauh lo ang tih hi i hre dawn nia." Ka taksa mi rawn check nawn sak leh mawlh mawlh pah chuan ati a.


"Doctor aleh pek a awm tawh dawn hlei nèm."


Ka nupui hmangaih tak leh ka fanu ka ngaih èm èm chu anrawn lût a, min hmu chu mak antih hmèl kher mai, "Trey." Callie te pahnih chuan min rawn pan phei vat a.


"Ka hmeichhe pahnih te hi eng nge an lo an?" Ka nuih oah suk a.


Callie leh ka princess chuan min rawn kuah thlawp a, "Trey khatianga i awm reng kha hrehawm ka lo ti thei lutuk asin, i rawn in dimdâwih loh vaih chuan ka that ngei ngei ang che tih hi hre ringawt rawh." Callie chuan amittui a ka kawr tih huh chiap pah chuan ṭah aw ṭiau hian ati chhuak a.


"Ok, baby."


THEO....


Room pawn ka chhuak ka nu leh Alexi arawn harhchhuah thu ka hrilh hmanhmawh zetin ka pa room lamah an tlânlût nghál a, "Ka áwih theilo hial záwk mai." Detroit ngei pawhin arawn ti a.


"Âwih ahar tih chu kei ngei pawh hian ka hria a ni, chuan vawiin hian chhuah nghál atum."


"A ṭha ber dawn emaw ni le, vawiin angah tut tut te chuan." A khabe dawm deuh rún rùn pah chuan ati nuap nuap a.


"Ṭha ber nâng, mahse ka pa te chu i hriat kha." Ka khi ve suk.


"Anih leh Tailor chu ka han be nghâl ang e."


"Anih leh Sofia chung cháng hi i tifel ta em?" Piah lam chu amitmei pah rulh a, ka hawiphei ve nâk chuan ka hrethiam mai, Sofia chu alo la kalsawn hauh lo.


"Sawtah sawn eng nge ala tih reng a?" Ka zâwt lèt deuh hû.



"Ni chin aṭang tawh khán ala kalsawn réng réng hleinem."

"Khami hun chhúng zawng khân alo awm ve reng i tihna maw ni a?" Ka awki chu ka tihniam deuh hlek a.

Thâwk ka la hawk a, Sofia lo dinna lam chu ka panphei ta a.


"I pa chu aharh tawh tihna em ni?"


Ka bûk khum nghut a, "A ṭha lutuk, ka lawmpui lutuk che, ka....kal turin min duh tawh em?"


"Hetah chuan tihtur i nei tam vak lo mai thei."


"A nih chuan ka kal mai aṭhat ka ring." A ti ta a, zâwi muangin a inher a, "Ka pa ka biak hma chu thil engmah hriat chian ka neih theih ka inring lo, chu vâng chuan inlamah lo va haw mai la aṭhat zâwk ngei ka ring." A kalsawn hma chuan ka ti ve ta a.

Rawn leh hawi zauh pah hian, "Ka hrethiam e."


Sofia hmel ngui zet leh zâwimuanga kal sawn ta chu nuamlo ti zet hian ka thlîr liam a, "Theo kan inpeih tawh e." Detroit min rawn auhna chuan minti harh zawk.


"Ka lo kal."


A FEW HOURS LATER...

Hospital lama engkim kan tihfel hnu chuan ka pa chu kan hruai chhuak ta a, achi loh ti viau mah ila ka pa duh dân ani miau si, in kan thlen hnu chuan kaih leh ih pawh duhlo in ka pa chu anroom lamah kan tir chho thei hrâm.


Tùnah chuan ka zia huai ta mai, ka pa arawn dam leh tawh bawk a, engkim kan hrechhuak vek thei tawh ngei ang.


Kan room lamah ka lût a, shower hmang zuai zuaiin ka inthlâk sawk sawk a, ka pa te room lam chu ka pan ta, kawngkhâr bul ka thlen chuan ka kik dat dat a, "Lo lût rawh." Ka pa aw ka hriat veleh kawngkhár chu ka nem hawng nghâl a. "Eng nge i an tawh?"


"Ina ka awm hi ka ṭhat pah tawlh tawlhin ka hria." Min nuih pah suk a.


"Anih leh thil eng emaw hriat reng te i nei mial em?" Ka pa khum a mu chu ka melh chhuk reng a.


"Tam hriat ka neilo khawp mai, Detroit nena warehouse kan awmlai kha chu ka hre ngei mai a, chulo thildang han hriat chhuah ka neih âwm rèng ka la hre lo."



"Kha zána nangmah rawn attack tu che leh thil thlendân zawng zawng kha hriat i nei miah lo maw?"


"Aw, hre lo, kan mipa te chân kan nei em?"


"Âih, tumah kan chân lo." Ka pa min chhân dân chu mak kati rilru viau a, mahse ala Hlimchhâwn deuh rih pawh ani ang e, nakinah ala hrechhuak leh mai turah ka ngai.


"Fangs an ni thei mai ang em?" Ka pa bawk chuan arawn ti leh hruih a.



"Kan la chiang mai rih lo, tikhân lo cháwl hahdam rih phawt rawh, nakinah ka rawn hmu leh dawn che nia." Room chu chhuahsan nghâl mai hi ka tum a.


"Detroit kha ka hmuh duh thu lo hrilh ang che."

Ka leh hawi leh a, "Dad, i la indim rih viau angai chuan ka hria, i ṭhatchhuah leh hma chu kei pawhin engkim ka lo enkawl ve thei tawh tho alawm." Lawm lo zet chuan ka ti a.


"Theo, engkim i enkawl tura dah hi ka mamawh lo, naktuk zìnga meeting ko ang che."


"I hahdam hi ala ngai tak zet tih hi hre ve lul teh! Chumi i tih chhùng chuan kei hian engavαngin nge ka lo enkawl theih loh bîk na tur?"


"Meeting chu ko ringawt la anih chu!"

Ka pa hi chuan ka thin tihrim châng anei fo mai, engvânga kei chu mi ring ngam lo nge anih ka ti deuh rum rum ṭhin!

"Ok, aṭha e, i thu ang chuan ti ta poh che, tùnah chuan mutthilh tum tawh rawh." Ka ti ve ta a.


"I chhuahpahin light kha off nghâl ang che."

"Engvânga engmah hre chhuak theilo nge maw ka nih chu le?"

"Dad hahdam tak khân awm phawt mai rawh, nakinah ila hrechhuak èm ém ang."

"Hreptak chuan Theo, kalchhuak vat rawh." Ka nui ri hawk a, ka pa room chu ka chhuahsan ta a.


Kawngka bula Detroit lo ding chu ka hmu nghâl a, "I pa chu eng nge a an zel?"


"Ka pa room kawngkhâr chu ka khâr phui phawt a, "Thil thleng dân ho kha engmah hriat anei tawh lo."


"Engmah ahre tawh lo i tia lo?" Maktih hmél zet hian ameng phar âwk a.


"Aw, nei tawh lo, chuan naktuk zîng hian meeting ako bawk anih chu!" Ka sam chu ka tuai chho puat a.


"Eng chung chângah nge meeting chu akoh ang le?" A ngaihna hriatloh hmél zet chuan chunglam amelh pah rulh a.

"Eng tin nge maw ka hriat bĭk hrep ang a?" Ka thinrim ru hlé bawk.

"Kan va hmuh dân engkim kha hriat aduh ani ngei ang le."



"Nilo, tùnah chuan khatiang thu kha kan hrilh rih tur ani lo vang." Ka ti ve hrawih.


"Son, kan tih ngei angai ang."



Detroit chu rum zet hian ka melh ta rùn a, záwi set sawt tak hian, "Ruahmana fel tak kan neih hma loh chu kan hrilh hauh tur ani lo ang."


"Nilo e Theo, dáwt ka hrilh dawn lo hrim hrim." Jan oahnih chuan rum zet hian kan inmelh rèn râwn zet phawt a.


"Damnit, Detroit, hun ka la mamawh."


"Hun kan nei tawh lo, i pa mizia te chu i hriat sa vek kha."


"A unaunu te ang kha, khanu lam te kha ni ta ang se... eng nge i ngaih dân?"


"Casandra maw, eng nge a ni chu?"


"Sofia ahua viau i ti ani lo'm ni, kha nu khân asawi chhuak duh maithei asin."


"A sawichhuak duh dawn emaw ni le, chuan athusawi chu rintlαk pawh va ni suh!" Ka ti deuh hluk a.


"Thlantur dang kan nei chuang em ni?" Detroit chuan min kalsawn san ta a.


Detroit ka pa rooma aluh tâk hnu chuan athusawi chu ka ngaihtuah nawn leh a, a sawi dik maithei bawk ani, achhan chu, tún dinhmunah hi chuan Casandra hi kan beiaeina éng neihchhun tak meuh meuh ani tih pawh ka rin ngei angai ang.


An thlenna hotelah chuan va kalin Casandra chu midang hriat loha va hmuh chu ka rilrûk ta a.

Ka car chahbi ka hûm chhuak a, Casandra te thlenna hotel  bar awm pan chuan ka inkhalh chhuak ta nghâl a, rei pawh ka tlan lo, hetel Hugo chu ka thleng thuai a, bar lam ka pan ding nghâl a, ka hawi kual a, ka mi hmuh duh chu kil khata intur no lo dawm chuan ka va hmu ta ngei a.


Ka pan phei ve nghαl a, Casandra in a min hmuh chuan min lo melh no leh hle tawh, "Well, hei chu ka brother- inlaw a ni chiang mai." Min nuih var var a, a gin no dawmlai chu a lem pah khalh a.


A bula va din ve pah chuan cigarette chu tlawnkhat ka phawrh chhuak a, ṭan nghâl pahin beer chu ka lam pah zauh a, ka thil intur bartendar ina arawn chhawp chu enin aner deuh sak a.


"I pa chu eng nge a an zel?"



"Nang le?" Ka cigar chu ka hìp deuh vang vang a.

"Rin dan ka nei lo, ka pa chu nizan pawh khân ka hmu si lo a, khawiah nge i nupui hual hi, alokal ve na nge?" A dâr achhĭn deuh âk a.


"Nupui hual hlui maw le, tu nge hria." Beer no chawi kαng chuan ka inpah khawlh a.


"Wow, he inneihna hi i duh loh hmél hle mai maw, ani em?" Anui pah rah rah a.


"Duh nang, he nu hi ka mize milpui ani hauh lo." Ka ti deuh hmuk a.


"I hmél ka hmuhtirh phat aṭang khân hei chu ka hre daih tawh."

"Dinner eichhuak tura rawn kal ka ni a, min rawn zâwm ve duh te anih chuan?" Melh phei zauh pah hian ka intur chu ka lem leh pawp a.


"A pawina a awm chuan dawn em ni? Chutianga tih tur ém ém ka nei azeng pawh nilo." A nuo chhuak hak a.


"Ahh, charming, dawhkan chu kìl ila." Ka intur no a la bâng zawng ka tlâk leh pawp phawt a, dinner kil dun tur chuan kan inzui phei ta a.


Kan eitur kan lam zawh hnu chuan Casandra chu ka melh zauh a, mi duh hmèl zet hian min lo en ngawih ngawih ani tih leh ka lak aṭangin amit ala lasawn hauh lo tih ka hriat rûk reng avâng chuan ka thiltihlai ah pawh chuan a awlsam dawn hle hian ka hriat phah a.



"Min han hrilh teh! Engvαnga nangleh Sofia hi inngeilo ém ém nge in nih ?"


"Kan chéng dun reilo èm alawm, kan sei len dun loh vâng te pawh ani ta ve ang." Ngaih pawimawh loh hmél zet hian ati liam mai a.

Kei erawh chuan athusawi réng réng hmaih nei hauhlo a hriat kelh ka duh thung!


"Anih Terence leh Sofia hi an chéng dùn ṭhin rèng em?"


"Chéng dún teh náng aw, mahse Sofia hian athil tih  engkimah erawh ka pa thu azâwm ziah thung, ka ngaihdán chuan ka pa hian ama fa bìk anglo takin a enkawl te pawh ani maithei bawk."


"Heti ang inneihna chung chânga agreement neih ang chi ah hian maw?"


"Tehrèng mai, ka pa hian heti ang ti tur hisn kei chu min la ti ve réng rèng hlei nèm." A nui pah sak a.


Waiter rawn thlenlai chuan kan thusawi chu kan táwp a, kan thil order vel arawn dah fel hnu chuan akal leh ta mai a, "A nih leh lo ti ta ang che sela?"

A nui chhuak ta har har a, lo ti ta ang se.... hetiang thil arrange marriage hi ka chungah ati ngai hauh lo ang." Ati ta a.


"Anih nang leh Sofia hi eng nge indanglamna, a fanu te ve ve inni si a?"


A mitko min san khum deuh ák a, "kei chu afanu diktak záwk ka ni a, Sofia ve erawh hi chu a sáwn anih vángin ani maithei, kan danglamna chu i hre thiam em?"


"Mahse Sofia hi nang aiin anaupang tlat mai a, anih chuan i nu hi aire san tihna em ni ang?"


"Heti ang thu hi khawi aṭanga rawn chhuak nge anih hrim hrim le? Khawi emaw aṭang chuan ani ngei ang ke, Sofia hian heti ang thil ka bula sawi tur hian arawn ti te hi ani mai lo maw?" A meng nûr deuh nânga, a eitur chu achawklet achawk let bawk a.


"Teuhlo mai, ka ti tak tak, in pahnih in en dân aṭang khán in inhuat hmél èm a, unau ni si ah chuan mak ka ti ta deuh a, chuvânga zâwt mai mai che ka nia."


"Ei tur hi kan ṭan tawh dawn mi ni ang?" Ka tih chhunzawm thuai a.

Mi arawn nuih ve sak a, kan wine no chu kan inkhak rìk tir rak a, eitur chu kan eichhunzawm ta a.

"Sofia hi i rilru chhungah khân khawngaihna i nei ani ti chuan min hrilh hauh suh, he nu hi amizia i hre hauh lo ang,  aduh tih puitlin theihna turin  chiahin nge chét alák duh tih pawh i hre miah lo a nia." A hmûi tih kawisawih deuh nâng pah chuan ati leh a.


"Engtin nge chutin atih thei ngawt ang a?"


"I chén pui ani lawm ni, nang hian min hrilh tur záwk i ni a sin." Min nuih leh sak a.


"Tihian han sawi dawn chhin teh ang, he nu hi aduhna ah chuan hmeichhe râpthlák zet ani a, ka pa chunga chét alák ang hian kei chuan ka pa bulah ka la ti ve lo hrim hrim."


"Chûng chu eng thil nge ni ngai?" Zawh ril tulh tulh chu ka duh, Sofia mizia zawng zawng hi Tetence ka beihna tur lam nilo in hriat chian vek ka duh dán a ni.

"Ka lo sawina chhan tur ka hre hauh lo, amah erawh chu thil pakhat ka hrilh ang che, hei erawh vawng reng turin ka duh che a ni. A thil tih engkimah hian i hnunglam chhawn ngai hauh suh, chuti anih loh chuan chemte zum ṭha tak i taksa a vih luh ang vel i ni mai ang."


Casendra nena dinner kan ei zawh hnu chuan rilru buai zetin inlamah ka inkhalh háwng a, hetiang mi hi Sofia chu ani thei tak tak ang em? A unaunu thusawi te kha ka ring dawn em? Kei mahah zawhna chi hrang hrang arawn.thleng zut zut a,  Sofia chuan lem alo chang mai mai ani ti a ka rinna hi adik tihna em ni ang, khami zâna apa ahlauhna te kha, ka thaw ipik lutuk chu boruak ka kham lo hialin ka hria, in ka thlen hnu chuan kan room lam chu ka pan chho a, tui zeta khuma lo mu Sofia chu ka melh pah ngur a, thâwk ka la pah hawk, thu dik chu eng nge ni ta hrep dawn?


A pa thil ruahman chung chângah hian inrawlhna engmah anei ve lo tih hi rin ka duh tak zet, achhan chu túna amah a proof ka neih chu hmeichhe innocent tak ani tih hi, mahse ka hmelma angin ka en ngei chu angai dawn ta anih hmèl khawp mai.


Ka phone chu ka phawrh chhuak a, room páwnah chuan chhuak nghálin, "Hey, keimah, engkim he nu thil tih zawng zawng leh aphone hman kual dan záwng zawng trace ja duh ang, anumber ka rawn pw nghâl ang che."



"A phone call hman zawng zawng leh atext dawn leh athawn chhuah eng kim, ani tenen lam ka duh vek bawk ang."


Ka phone chu cutin room chhûnah chuan ka lût leh ta a, Sofia chu mit meng zìm san hian ka melh chhuk a, Sofia Martinez túnah chuan indo na chu i han ṭan tawh tak tak teh ang.