TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 29

TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 29

Mr.Bailey silai a ka tin na ka kut chu ka húm nghet leh sauh a, ka kut khûr nasa lutuk chu pαngngai tir hrâm hrâm ka tum, "I silai mu kha kâp chhuak vat mai rawh." Ka pa bawk chuan dawh theihloh hmel zet hian arawn ti keh tuarh a, eng thil nge ka rilru ah awm tih pawh ka hre lo, ka inher zawk a, ka pa lamah chuan ka silai ken chu ka tin ta zαwk a, ka oa makti hmel chu fiahlp riai hian ka hmu a, ka mittui te chu ahul nghâl vek bawk, Mr.Bailey hian thih aphu hauh lo, hmanni lawk khân ka pa vângin thi ṭhelhin a awm tawh a, ka pa hian atuar ahun ve tawh tak zet, "Eng thil nge maw ti a i han inhriat hrep chu le?" Ka pa hmela maktihna leh thinrimna inpawlh chu ka hmuh hmaih hauh lo. Chu ka thil tiha ka inchhír leh hma ngei chuan ka pa taksa ah chuan silai mu chu ka kâp chhuak ta zâwk a, thilthlen dan chu arang teh thut lutuk, engmah thil thlen dân chu chiangin ka hre hman lo, ka pa chu leiah atlu thlawr a, ataksa aṭang chuan thisen ṭha hnem fe hi arawn luang chhuak ngiai ngiai a, eng thil nge katih tâk hi, min hring tu ka pa ngei chu ka kutin ka that ta tihna em ni? Hlauhthâwnna hlìrin ka khat, ani theilo, ka âwih theilo, kei hian ka pa chu ka that tihna maw ni a? Tu lakah mah silai chelek hi ka duh ngailo asin, ka vahan bawlhhlawh ta ve le.


TREY...

"Eng thil nge ka tih tâk hi?" A khur hlawk hlawk a, a mit khap lawk nachâng pawh ahre tawh lo, leia a pa thisen tamtak nen a inchiah piah nuaih chu athlir ngawt ngawt a, heti ang thil hi athlen ka ringlo hrim hrim, ka beisei lo bawk, chuti ang ém ém chuan ni maw Terence hian Sofia hi alo vau ṭhin ka ti ta hial, a fanu ni ve tho si in heti ang thil hi chungah atih duh pawh ka lo ring ngailo mahse Terence an afanu atreat dan kha ka hmu ve vek, Sofia lainatna hlir chuan ka khat, reilo te chhûng chu eng nge ka tih ang tih pawh ka hre mai lo.


"Engkim aṭha leh vek mai ang." Ka ti ve sup a, ṭawngchhuah mai dân tur pawh ka hre bîk lo, sawi tur ka haihchham ve chiang hle mai, chuti ang mi ka nih ngailoh nen, tún lawk a thil thlen dân khân kei ngei pawh min shock chiang lutuk.


"Ka pa ka that." A khûr zawih zawih a, "Fangs ho chuan min that ngei ngei ang le!"

Ka ṭawngchhuak ve vat, "Fangs ho chuan engmah an hre hlei nem, keima thil tih ah an ngai vek ang tih hi ring tawp rawh."


"An leader ka that a, ka thi ve chiang viau ang." Ati khûr hlak hlak, Sofia chu ala pângngai chiah lo tih pawh ka hria, "Sofia min lo ngaithla teh!"

"Hei hi ka hrilh ang che, he thil a mawhphurhna zawng zawng hi ka ko ah ka tlâk tir vek ang."

Lungchhe zet hian aṭap chhuak ta hlap hlap a, chu chu atαn pawh a ṭhat zâwk ka ring, ka thusawi lai chu ka sawi zawm leh a, "In bengdaih tum rawh, Fangs ho lo kal hma ngei in he hmun aṭang hian ka hruai chhuak ang che."


Rawn harh chhuak ta thut ang mai hian aphu zawk, "Nilo, nang hi i kal vat angai ang, he hmun aṭang hian chhuak vat rawh, i theih anga rangin, kei chu min ngaihtuah duh suh." A ti leh sawk sawk a, rang takin atlân sawn ta daih, "Sofia." Ti a âu in ka ûm zui nghâl a, mahse ka hmu pha tawh lo hrim hrim, chu hmun chu ka vawikhat kalna ani a, khawiah nge akal ang tih rinngaihna réng ka hre lo, khawiah nge akal hman chu le, "Sofia." Ti in ka âu leh a, mahse ka âu ring ngam bîk lo, silai ka hûm achu Fangs ho huangchhûngah ka la awm, Sofia chu ka la zawng zel a mahse khawiah mah ka hmu lo, shit, "Sofia." Ka auh rin chuan kan pahnih atân aṭhat ka ring bawk silo, chu hmun chu chhuahsan phawt mai ṭha in ka hre ta a, Sofia chu him turah ka ruat ta tawp, Fangs ho chuan ka thah ah an ngai ngei ang a, Sofia chu ahim maithei bawk, chu loah nakinah ka la zawng chhuak thei em ang chu, he hmunah hian Fangs ho in a min rawn hmuh leh chuan Sofia-in min chhanna man kha a awm lo lutuk palh ang, ani chu atlânchhe chhuak daih pawh ani thei bawk, rilru nghet lo zet pu chungin leh Sofia ngaihtuah zet chuan chu hmun chu ka chhuahsan ta a, tûnah chuan Fangs ho chu andarh maithei bawk, achhan chu Jimbo kha Detroit an akâp thlu lai hla tak aṭangin ka hmu tawh a, túnah lah Terence chu ama fanu ngei in akâp hlum leh bawk tawh nen, andarh anih loh pawhin Leader thar an mamawh ngei ang le.


THE BRONZE DRAGONS WEARHOUSE DOWNTOWN...

THEO....

Wearhouse ah chuan Fangs ho bei turin ro hran kan rel leh a, kan mipa ho pawh atam thei ang ber khawmin inring sa rengin kan awm tir bawk a, plan fel tak erawh kan neih hmasak phawt angai tih chu kan hre chiang hle, mahse ka pa chu an lo that hman ang tih kan hlau ṭheuh bawk, "Terence chenna aṭangin kan ṭan hmasa phawt ang, chu chu ahna thawhna ani tel bawk a." Ka ti sup a.

"Kan mipa ho chu an dinna hmun turah an inpeih vek tawh ti raw?"


"Aw, an inpeih vek tawh." Tiin Detroit chuan min lo chhâng vat a.


"Hunter i ṭha maw, he thilah hian i duh chuan i lo inrawlh kher angailo tih hi kan hrethiam vek a nia." Hunter kil khata hrehawm ti zet a ding lam hawi phei zauh pah chuan ka ti leh a.


Thâwk ala hawk phawt a, "Ka ṭha e." A rawn ti ta hrawih a, engtin mah ka chhâng lo, he thil a tel ve kher tur pawh hian ka phût hranlo bawk, atel ve duh leh duh loh chu ama thu.


Kawngkhar arawn inhawng rawp a, ka pa hmel arawn lang ta phut a, "Dad " makti zet hian ka melh nghâl tlawk tlawk, ka pa thlarau ni hialin ka hria, chuti anga arawn lan leh teh thut chu ka ring pha lo ém bawk a ni.


Midang ho pawh chu keimah ang chiah chuan aṭhawng vek ani tih pawh ka pa an en dán phâwk hru aṭang chuan ka hrethiam vek, chuti anga awlsam tak chuan Fangs ho chuan an rawn chhuah ka ring hauh lo, ka pa chu achhìng deuh suk a, ka pan phei nghâl thuai a, "Dad, eng thil nge thleng, engtin nge i rawn chhuah theih zâwk a?" Ka ti nghâl sawk sawk.


"Thawnthu sei tak maw le." A ti ringawt.


Midang ho pawh chuan an rawn panphei ve sap sap bawk a, "Boss nâ i nei em?" Detroit chuan arawn ti a.


"Neilo, ka ṭha e."


"Terence chénna beih tumin ro kan lo rèl mèk a." Ka ti leh a.

"Cooper, kan mipa te kha hrilh la, túnah chuan inbeihna kha kan tih loh leh rih tur thu lo va hrilh rawh." Cooper lam hawi chuan ka ti a, a bunghut a, akal sawn ta nghâl a.


"Chuan engthil maw thlenga, engtin nge kha hmun aṭang khân i rawn chhuah?" Detroit chuan hriat châk hmel tak hian a ti nawn leh a.


"Sofia a nia "

"Sofia maw?" Mak ka ti tulh tulh.

"Terence chuan lockup lamah arawn hruai a, min kâp hlum turin thu ape ta a.


"Evâng in maw?"

"Ka hriat dan chuan thil eng emaw vâng anih ka ring, Sofia khân achungah eng ang rilru nge put tih leh alakah arinawm em tih chian atumna pawh ani thei bawk a."


"Chuan?" Detroit chuan sawi zawm zel se alo tih hmel kher mai.

"Chuan keimah âiah apa chu a kâp ta zâwk a ni."


"What the f*** , túnah khawiah nge Sofia chu a awm?" Ka ti chhuak nghâl hrawih, hmeichhe pâng ngai tak leh innocent tak ani a, chu ti ang thil chu ati mai mai duh hauh lo ang le, chu chu thuhran ni se, ahnu leh a a chiai nasat tur zia pawh ka hriatthiam pui vek hialin ka hria.


"A tlân chhia, ka rawn chhuah dawn in hmun tin hmun tang ka rawn zawng tawh, mahse a pilbo hmak, hmuhtur a awm tawh lo."


"Anih fangs ho chuan anman leh ang em?" Sofia chu ka ngaihtuahna ah alût nghâl ut ut mai.


"Âih man lo ang, chu hmun ka rawn chhuahsan hma pawhin ka en vek a, chu loah ka rawn chhuah hma in ani chu akal chhuak daih tawh."


"Ngaihtuah duh suh Theo, kan la zawng chhuak ngei ang."


"Chuan keini lamah pawh tumah in Terence hi Sofia thah ani tiin kan sawi chhuak tur ani lo, keimah thah ngei ani ti hlirin kan sawi chhuak bawk tur ani ang."

"Engvânga chu thu chu sawi nge i nih? Terence i thah ani silo a?" Detroit chuan makti zet hian arawn ti a.



"Detroit ka nunna chhan nαn Sofia khân apa akâp a, chuvâng chuan Sofia kah ani ti a kan tlângthan tir vaih chuan Sofia hi an that duh nghal ang tih hre ta che, chuvang chuan kha hmunah khân kei leh Sofia chauh kan awm a, Terence kha keima kah hlum ngei ani tiin kan sawi zel tur ani ang, chu chu ka thupék anih chu!" Ka pa chuan ati leh a.



"Ka hrethiam e."  Detroit chuan ati sup a, kei erawh chuan Sofia hlir ka ngaihtuah tawh, khawiah nge akal ang, khawi hmunah nge túnah te hian a awm ang? Ka hlim hlawl lo. Ka pa nunna achhan sak a, lawmthu pawh ka hrilh theilo chu a nia, ka la zawngchhuak èm èm ang che Sofia.


"Ok, Callie hmu turin kan safehouse lamah ka kal dawn nia, a hawikual deuh hruk hruk a, "Clegg hi khawiah nge a awm?" A rawn ti ta a.

Tumahin kan chhâng thei lo, kan ngawi ṭhap, kan hmel angui nghâl vek bawk, ka pa chhângtu nih chu kan duhlo ṭheuh in arin awm, "Ka zawhna chu tumahin min chhân intum nange, Detroit?"

 "Clegg chu a thi tawh." Zawi zet hian ati chhuak sup a.


"Eng maw?" Ka pa ngei pawh chu athawng tak zet, aphu zawk mai.


"Junkyard a inbeihna hmunah khân kahfuh a ni a lawm." Detroit bawk chuan ati chhuak leh sup a.

Ka pa chu a âu chhuak tuarh a, bang lam chu pan nghâl vutin a kut láwng chuan bang chu ahnek ta siah siah a, ngawi rengin kan thlir ṭhap, tihngaihna tak pawh kan hre bîk lo, a zia awm deuh ta ani ang, engmah pawh sawi leh tawhlo in a kal chhuak nghâl ta daih a.


TREY....

Thinrim zet chuan safe house lam panin ka inkhalh chhuak a, Clegg thihna chuan min ṭhawng kher mai, heti ang mai mai a min kaldan hi ka la ring lo asin, "Clegg i tawk fair lo lutuk." Tiin ka phun chhuak sup a, engvângin nge amah kher? Fangs ho chungah chuan thinrimna hlirin ka khat, "Lung ngai duh suh Clegg, i thihna a phuba chu kei hian ka rawn la ngei ngei ang, rei ka rial hauh lo ang." Ka ti ta a.


Kan safehouse ka va thlen chuan an lo reh ṭhap tawh, kawngka chu ka hawng a, "Baby i ṭha maw?" Inchhûnglama Callie rilru hah hmél zeta lo vei tawn sek lam chu ka pan phei nghâl a .


"Trey." Ka lam arawn hawi a, ka aw ahria chu âwihlo zet hian aphu zawk bawk.

Min rawn panhnaih ve nghâl pahin min rawn kuah nghâl thlawp a, "Trey ka hlâu lutuk." A thaw deuh hlap hlap a.



"Ka hria alawm, mahse hei, ka lo kîr leh tawh e." A chhípsamah chuan ka fawhsak zauh a.


"Eng thil nge thlenga, engtin nge i rawn chhuah theih zâwk?"


"Thawnthu sei tak ani ang, naktukah engkim ka hrilhfiah vek dawn che nia."


"Ok."

"Alexandra hi eng nge a an?"


"A ṭha e, engmah thil thlen dân hi a hre ve lo."


"A ṭhat chu, heti ang hian kan dah angai ang." Ka ti a, atân pawh chu chu aṭhat ber ka ring, hmeichhe tleirawl te mai chauh ala ni a, thil engkim hi ahriat ve vek atúl kher lo.

"Clegg chung châng kha i hre tawh em?" A ti leh sap a.


"Aw, hre tawh e, naktúk hian amah vuina hun tur ka buaipui ang."


 "Chhûng leh khat tumah aneilo em ni Clegg hian?"


"Unaunu chu nei e, naktuk hian ka contact dawn nia."


"Hetilai aṭang hian khawiah nge kan kal dawn?"


"Callie hei chu naktuk zíngah kan chhunzawm thei tawh mai lo em ni? Ka lu hi ana teh mai a nia."


"Aw le, Trey, min rawn kuah a, "Ka hmu tawh ngai dawn lo che ni in ka lo ngai hman tawh asin." Ka âwm zâwnah chuan arawn thaw lum deuh ham ham a.


"Khatiang chu ka thlentir ngai hauh lo ang."

Ka kûn hniam a, ka nupui duh tak mai heh chu ka nul deuh thuak thuak a, duhthawh zet hian ka fawhsak ta a, ani pawh chuan mi thlahlel zet hian uar takin min lo chhâng lét ve nghâl zat bawk, kan duh thawh telh telh a, chinlém kan neilo telh telh bawk, Ka kum chu tam ve viau tawh mahse Callie lakah hi chuan ka naupang thar leh thut zel, kan room lamah chuan ka pawm phei nawlh,a thawmhnaw inbel dawrawm zet chu ka hlih sak nghâl mawlh mawlh a, ka thawmhnaw chu phelh veleh sawk sawkin a bawp chu ka nawr kau sak a, amah ah chuan ka tla zep nghâl zat, ka mi***** hrawl zet mai chu hnawh lûtin nuam thei ang ber chuan ka che ṭan ta a, nuam tih avângin kan thaw dûn halh halh a, hnuailam aṭang chuan chét rawn la ve in a rawn do chho ve aih aih bawk a, tumah mah chu dawhtu kan ni bîk mai lo, kan pahnih chuan âm takin hun kan hmang dún a, "Callie fa neih leh kha i duh ani lo'm ni?" Nuamtuar mit meng tih hriat zet hian minrawn melh chho a, "Yes Trey."


"Anih chuan zanin ngei aṭang hian kan ṭan leh ang." Ka che rang sauh, arâk chhuak ṭhat a, a khûr deuh dar dar bawk a, abawp chuan min kherh chial bawk, ka châwl deuh hlek a, thâwk ka la pah hawk ; a zal deuh hlek a ka hriat hnu chuan chét ka la leh ṭan ta a, ka che deuh zawt zawt, alo thaw ve hlap hlap a, ka taksa leh ka sam thleng chuan achul kual ruai a, achâng leh ka hnung lamah chuan akutin min ham sak deuh tâwn tâwn bawk a,nâ tih lam âimah in ka chét lâkna ah chuan min ti phúr zual sauh, ka taksa chu arawn mûr chhuak sung sung a, ka taksa pum pui chu nawmna inhlawm khâwm rawn puak darh tur chuan a ti zâ vek, Callie chhúngrilah chuan ka thil sa tak mai tam tham zet chu ka phuh luh tir ta tuar tuar a, chu tianga nuam ka tawrh lai tak chuan ka mit ka chhîng tlat a, ka thâwk te chu atâwp hmuk vekin ka hria, ka zawh hnu ah chauh thâwk ka la leh ṭan a, ka thaw chhuak hawk, ka châu kher mai.


SOFIA.....

Ka pa mansion chu rilru mumal lo zet hian ka tlân chhuahsan a, zân thim hnuai reh tawh takah chuan pan tur lam ber pawh hre lo in ka tlân char char a, ka thil hlauh ber pawh ka pa pawl te chuan min rawn man leh mai ang tih ka hlâu ber, min rawn man hman anih vaih chuan an tân bél chhúnga sahmin sa ka ni mai dawn si a, khawilam nge ka pan ang a, khawi lamah nge ka kal dawn tih pawh hre lo in hmanhmaw takin ka pén chhuak hlawk hlawk, phone hman tur ka neilo a, zân rei lam boruak lah chu avawt tak zet zet, ka kawr hâk ban mumal tak pawh nei lo, dahlau zet nen chuan chu zαn boruak vawt tak chu a intuha lo leh zual a, tùnah hian ka passport chu ka thil mamawh ber te zíng ami ani. Mahse ka pa office ah a awm daih bawk si, Inah khân Cassandra a awm ngei bawk ang a, eng tin nge angmah theihloh turin ka luh theih ang? "Hmeichhe duhawm tak i ni chuan ka hria, engvânga tûn ang hun zân rei tawh tak a mahni chauha kal nge maw i nih le?" Chu thu rawn sawi tupa lam chu ka hawi lét zauh a, ka hnung lam feet khat pawh tling tawhlo atang hian min rawn âu tih ka hria, ahmel chu anelawm loh kher mai, hlauhna chuan min tuam leh hlup hlup tawh, "Mi ka nghâk a." Tih chu ka sawi chhuak thei hrâm a, min rawn la hnaih phei deuh deuh zui leh nghâl, ka ke chu ka chét sawn thei tawh lo hrim hrim.


"Intur i mamawh riau in ka hria, bar lamah kal dun ila i duh em?" A inthuamna ka en chuan ka hlâu leh zual, jean jacket pawp hrep hrup thar tawh lém lo zet hi a inbel a, ahnuaiah chuan T- shirt a ha leh a, jean kekawr dum bawk ha lehin converse a bun a, lukhum lum hi a khum bawk a, ahmél chu light ⅇng chuan ati lang dâng bul bawk.


"A pawi ka ti lutuk, ka kal angai." Ka theih tâwp achak chuan ka tlân ta thut a, "Eng thil nge i chân tih i hre lo anih hi!" Tiin min rawn âu zui leh nghâl, ka tlân chak sauh, ka mihriat ngailoh mipa phei chu ka nel ngawt thei lo.


Chu pa ka hlat tawh ang tih hnu fe ah chiah ka ding châwl ngam chauh, ka hah lutuk chu ka thlan aluang zaih zaih a, ka pum chuan thlan hian min bual huh záih tawh, ka dang aro hle bawk, Theo te in ka chhuahsan khán pawisa tlém te chu ka pâi chuak ve a, chu thil chu ren taka ka hman angai ngei ang, "Chu zawng chauh chu maw, khawi emaw kalna tur ka ngaihtuah angai ang, Hotel luhna tur chu ka pawisa kawl hian adaih achu, mahse engtin nge ka awmzel dawn lah ka hre der si lo, hotel lam pang chu ngaihtuah rih loh mai aṭha záwk ang, ka piah lawk kawngpui chu cross a train station ah chuan riahna tur zawn mai ka rilrúk ta zâwk a, kawngpui chu kán pheiin train station lam chu ka pan a, ṭhuthlengsei awm pakhat lam chu ka pan ding nghâl a, khaw lai hi zân lamah chuan ahlauhawm viau ṭhin tih pawh ka hria, mahse he hmun erawh ahim turah ngai ila, zanin chu hetah riah mai a, zĭng takah tho in Irish Embassy ah kal leh nal nal a, emergency passport la chhuak turin Uncle Corner ka call tir anga, anin engkim arawn hrilhfiah vek ang a, tichuan Ireland lam ka pan nghâl thei dawn a ni.


Mahse túnah chuan zán arei tawh mah mah, zíng taka tho tur phei chuan túnah hian ka mutthilh vat chu angai tawh ngei ang.

Ṭhuthlĕng vawt thlerah chuan ka mu ta a, ka taksa in a chu thuthleng adeh rual rual chuan ka châu tawngkhawng tawh nen tui zet hian ka muhil zui ta mai a.


Zíng ani tawh tih hriat zet hian, mithâwm ri nawk nawk hria in ka harh vat a, ka awmna chu ka hai ṭèp, mahse ka hre chhuak leh nghâl vat a, vantlang bathroom lam chu ka pan vat a, dik tak chuan dar kar tlemte chauh ka mutthilh ka ring, tui chu herh haw in ka hmai ka phih sawk sawk a, tui chuan ka kam ka ṭhuah leh nawk nawk phawt a, Irish Embassy lam pan chuan ka kal ta nal nal a, ahmun ka va thlen chuan ka chan chin zawng zawng chu thudik deuh reuhin ka sawi a, he hmunah hian hruai luih ka nih zia thu te vau beh chunga jet a he hmun pan pui ka nihna te lam chuan ka sawi vek a, ka patea chu be turin ka ti bawk a, ka patea nen kan han inbiak meuh chuan ka mittui afar zawih zawih, ka patea meuh pawh ain sut ri ve hruih hruih mai, "Sofia i rawn haw theihna turin theih tâwp ka chhuah ang, Embassy kha phone pe rawh." A rawn ti a, Embassy nu chu phone ka hlân chháwnga, chu nu leh ka patea an inbiak mawlh mawlh hnu chuan chu nu chuan phone adah a, rawn nuih var var pah hian, emergency passport min pe chhuak a, chumi ni la la a Ireland kalma tur flight ticket min pe ta nghál a, ka lawm lutuk chu ka lung achhe ngawih ngawih, hlim takin ka kuta passport leh flight ticket hûm váng chung chuan embassy chu chhuahsanin airport lam pan chuan taxi in ka kal ta a, ka hlim lutuk chu awm nfaihna pawh ka hre lo hial ang.


Airport ka thleng ka ticket tihfel tum a counter lam ka pan tur chu ka phu zawk, ka mengbial kawl kawl a, sawti ang a hma sawn Fangs ho chu anrawn lan hman ka ring lo asin le. "Sawng mi ho saw Fangs anni chiang lutuk." Ka ti chhuak sap, ka ding chawih nghâl a, min hmu hmasa lo a, keiman ka hmu hmasa chu ka lawm ngawih ngawih, mahse ka dream hlimawm tak chu boruak a vawmbo ang hmak ani leh dawn ta chu anih hi!


"Khawi emaw ah chuan a awm ngei ang maw le, he hmunah hian arawn kal ngei bawk ang, Ireland pan tur thlawhna pakhatmah ala chhuak lo tih kan hre bawk a, ticket counter bulah hian ding reng ila arawn inlan ngei ngei ang tih hi ka chiang, Ireland lo kalna tur anei lo hrim hrim." An pathum zínga mi Jimbo tih loha ka pa rin ber Matteo chuan ati khur khur a. Ka thin alo ti phu dawt dawt, min hmuh vaih chuan min that duh ngei ngei ang le.

Oh nilo, ka pa ka that tih kha an hrechhuak ani ngei ngei ang, engtin nge ka tih tâk ang? Min rawn hmuh ve hma ngei hian he hmun hi ka chhuahsan ngei ngei angai ang, Sofia túnah chuan Ireland lam âi chuan i nunna chhanhimnan i tlαn phawt angai ngei ang le.


Ka inher hmak a, rang takin Airport chu ka chhuahsan leh ta hna hna a.

THE BRONZE DRAGONS SAFEHOUSE 90 Avenue

TREY....


Callie nena choka lam dawhkan kila breakfast kan lo ei mawlh mawlh lai chuan Alexandra chu arawn tho chhuak ve a, "Dad." Min rawn pan phei vat a, min rawn kuah nghâl chúk chúk a, a hnung lamah ka lo béng ve thak thak a, "Princess i ṭha maw?"


"Dad, khawngaihin vawiin hian kan haw thei tawh em? Helai hmun hi chu aninawm ka ti teh mai a nia." Tûm hmam chung hian ati chhuak nang nang a.


"Alexandra khatin i pa hma ah i hmui kha ti pawrh reng reng suh." Callie chuan alo khak deuh hlak a.


"I haw duh anih chuan kan haw ngei ang, i thawmhnaw te va pack ta che."


"Thanks, daddy." Hlim zet hian a âu chhuak chúl a, ka plate ami breakfast chu arawn hαwp zauh a, phúr zetin aroom lam chu apan leh ta daih a .


"Trey, A thil duh engkim i pèk thin hi chintawk neihtir ang che." Callie chuan lungawiloh hmel zeta min melh râm rám pahin ati nghαl hlak hlak a.


"Inlama haw angen mai chauh anih kha, chu lo ah kan haw nghâl dawn tawh hrim hrim tho a." Tiin ka chhâng ve sup. Coffee chu ka inchhunzawm leh nghâl a.



"Chuan, vawiin hian engthil nge thleng dawn ?" A ti chhuak raih.


"Ka theih anga rangin in kan thlen veleh wearhouse lamah kalin Clegg vuina chungchâng ka buai pui angai ang." Ka breakfast ei lai chu ka hâwp leh zauh a.


 "Anih leh Sofia chu engtin nge i tih dawn?"


"Ka nunna min chhanhim sak a, chuvâng chuan a him tâwk em tih ka hriat chian a, ahimna tur ka ngaihtuahsak ngei chu angai ang."


"Tùnthleng hian ka la ring thei lo, ka ngaih tuah ka ngaihtuah ṭhin a, i nunna chhan nân mai a, ama pa ngei mai ahan kâp  thei hi hmeichhe huaisen tak chu ni in ka hria." A thil ei lai ei ve mawlh mawlh pah chuan ati ve a.


"Ka hria asin, achung châng thu a ngaihdan kan lo siam kha adiklo hulhual tih hi túnah chuan ka hre chiang tawh hle a ni." Ti veleh supin coffee ka la inbâng zawng chu ka inzo nghâl vek a.


"Ka diklo ngai hauh lo tih hi hre tawh tur i nia sin, Sofia ka hmuh tirh khαn ka ngaina nghâl ringawt a, khati ang hmeichhia kha anih ka ring miah lo, hei hi chu i hriat ve ahun tawh tak zet." Amit ko chu min sân khum pah âk a.


"Anih ngei ka ring babe, ni e, i ti ngei ṭhin ani,nakin zel atán chuan i thusawi ho hi ka ngaihthla tawh ṭhin ngei ang." Ka siai khum deuh suk a.

"Oh, dear, ka thâwk theih ṭék ṭék chhung chu ani ang chu." A ner deuh sak a.


Thildang ka ngaihtuahna avαng chuan thâwk ka la hawk, "Eng nge diklo a awm em ni?" Ngaihthatloh hmel zet hian arawn ti vat a.

"Vawiin hian Clegg hmu tura kal ka duh." Ka ti chhuak hrawih a.


"Lo kal ve turin min duh em?"



"Nilo e, Alexandra bulah lo awm rawh, Theo ka hruai záwk ang."



"Theo hi khawiah nge a awm reng reng, nizan khân arawn haw âwm ka hre hauh lo." A hmelah chuan amang ang leh nghâl ringawt tawh tih hi ahriat reng a.


"Wearhouse ah Hunter bulah a awm anih kha."

Thâwk ala nghâl huai a, "Ok, inlamah kan inhmu leh dawn nia." Ati ve ta raih a.