TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 28

TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 28

"Keini hian line cross theihloh ang chi te kan nei em?" Detroit bawk chuan ati leh khauh a.


"He inbeihna hi thihna nen a inzawm reng ani tih hi hre rawh u, engmah line cross tur a awm lo." Ka ti ta a.


Kan inhmuh khawmna kan tih tâwp hnu chuan kan inhmuh tumna hmun lama kal tur chuan inpuah chah ta sang sang a, kan pawl uniform thawmhnaw dum kan inbel lohna pawh arei ta e, mahse tùnah hian kan inbel leh angai ta chu a nia le.


Ok, engkimah hian hnu leh a awm thei lo, nunhlui pawh a awm thei chuang lo, thâwk ka la hawk a, kan dress dum chu ka inbel ve ṭan ta a.


Detroit chu arawn lút a, "Boss i inpeih tawh em?"

"Aw, i ti ṭan ang u hmiang." Hma ka hruai ta nghâl a.


SOFIA.....


"Hei chauh hi maw ni a, kawngkhar ti chhia in he hmun aṭang hian ka chjuah ngei angai ang, mahse chu chu eng tin?"

Ka rilru chu a insual buai nuai nuai ani ber mai, engtin nge he room aṭang hian ka chhuah theih ang tih ringawt chu ka ngaihtuah.


Kawngkhâr arawn inhawng leh a, "He hmun aṭang hian min chhuah tir vat mai rawh." Cassandra rawn lût chu ka lo vin ṭhat nghal a .


Dawhkan chunga eitur khawih hauhloha awm chu a enchhuk a, aner deuh sawk.


"I chhuak thuai tawh ang, chuan ngawi hmak tawh rawh."

"Cassandra túnah hian chhuah ka duh alawm."


"Well, engmah athlen phah chuang lo ang, ngwi hmak ringawt rawh, ka hriat zawng chu kan hrilhang che, i tân ka pa in hna thawh tur anei in ka hria."

"Eng hna maw?" Tháwk ka la hak a.


"Rindan ka nei hauh lo, mahse Bailey te chhúngkaw chung chângah anih ka ring."


"Bailey chhungkaw chung cháng thil ah hian Ka inrawlh tawh dawn lo hrim, eng pawh chu ni se, Bailey chhungkua nei tur chu nang hi i ni. Kei nilo in."


"Ni e, Theo neih chu ka nghâk hlel tawh tak zet, a hot viau bawk nen ani lo'm ni?" Anui pah hmâwn hmâwn a.


"Chuan, khum lamah pawh ...."


"Ngawi hmak rawh, Cassandra, achung châng thu engmah ka ngaithla duh lo, mipa tenawm zet anih ang ngeiin nang nen pawh in inhmeh viau ang."


"Sofia i thîk viau ani tiraw, khatiang rilru put kha i inhmeh ve hlawl lo."


"Ka thu hriat zawng chu kahan hrilh ang che, ka pa chuan hna pakhat tih tir leh tur che a neia, chumi hnu ah chuan Ireland lamah i kir vang vang thei tawh ang.

"Eng maw?" Ka phu deuh zawk, chuti ang thu chu anhnen aṭang hian ka dawn pawh ka inring lo hrim hrim.


"Chu thu chu ka pa hnen aṭanga i dawn ani tak tak a maw?" Ring ngam chiah lo hian ka zâwt nawn leh kher a, mak kati hle bawk.


"Aw, chuti ang chuan Jimbo ahrilh lai ka hria a ni."



Ka hlim rilru kher mai, "Eng thil nge ka tihsak leh tur chu?"



"Ka hre bik lo, mahse ka pa chuan alaka i rinawmna hi dawt ani nge nilo tih hmuh ve hrim hrim aduh thu a sawi."


"Chuan ka pa ina hrilh tur che a min tih chu thawmhnaw style tak inbelin a hna chu ti turin aduh che ani âwm e, chu vang chuan thawmhnaw eng emaw tak inbel ngei tur che in aduh che a nih chu."


"Khawi hmunah nge ka kal dawn a, eng hna che ka thawh dawn tih pawh ka hriat loh chuan eng ang thawmhnaw nge ka inbel dawn tih pawh ka hriat theih ang a?"


"Hei, ka thawmhnaw hâk ang chi hi rawn inbel la i tisyal hauh lo ang." A nui oah rah rah a.


Khati ang nawhchizuar thawmhnaw kha i tihna ani ngei ang le.


Chuan heihi dad chuan sawi turin min ti bawk a, he ahna pék che hi i ti duhlo anih chuan i damchhung zawngin Ireland hi i hmuh leh tawh loh tur thu a sawi bawk."


"Dar riatah i lo inpeih dawn nia,  i thawmhnaw dahna ka rawn pék chhoh tir che ang a, Michael lo kal veleh inhnuai lamah shower hmang turin a rawn hruai bawk ang che."


Cassandra chuan min chhuahsan leh ta a, an thusawi hi anti tak tak ang em? Inlama haw chu ka châk tawh tak zet, New York hi ka chénna hmun tur ani ve lo, ka duh lo bawk, chuvang chuan ka haw leh theihna tur anih phawt chuan engpawh tih ka huam, keimah ah Theo emaw Bailey tih hian pawimawhna a nei tawh lo.


Rei vaklo hnu ah chuan Michael chu arawn lut a, inhnuai lamah chuan ngawi reng hian kan inzui thla a, shower a tuilum ka han herh haw ka taksa ka phuh tir leh thei ringawt pawh chu ka lung achhe lek lek, mittui leh tui lum ka hmai a rawn luang thla chu ka khap per sak sak a, eng ramsa nge maw an nih hlawm a, inbual pawh phalsakloh ka nih?


Ka lung ati chhe hle, awmrei tur ka nilo ti a hrilh ka nih avângin ka inbual thuai thuai a, ka room ah chuan lútin kawr hâk tur chu ka thlang ta a, silk kawr dum tight lampang malte thleng hi ka thlang chhuak a, chu kawr chu ha ila adik ka ring, ka sam chu dul hnakin ka phiar mawl tawp a, ka hmai velah chuan makeup ka hnawih ve thek thuak a, ka insiam zawh hnu chuan Michael bawk chuan attic room lam chu min pan chhoh pui leh ta a, a sawi dan chuan chutah chuan ka pa ina min rawn lam hun ka lo nghâk dawn a ni.

Ka hreh tawh kher mai, chu hmun ṭawp tak mai leh eng chau zet chhunga inkhung leh tur chuan beiseina chhete pawh neih ka duh tawh lo, mahse ka awm leh angai tlat bawk si.

Túna ka kawr hâk hi Cassandra hâk ang chi tak anih ngei ka beisei, ka kawr hâk chu ka bih nawn leh zawk a, ka lung pawh ati awi.


He hna min lo nghák tu hi thilpawi tak tih tur anih loh hrâm ka bei sei.


THE JUNK YARD....

TREY....

Kan intiamna hmun kan va thleng chu Terence te pawl ho pawh an lo awm daih tawh a, Terence te awmna lam pan chuan ka kal phei nghâl a, ka hnungah chuan Detroit chuan min rawn zui ve nghâl vat bawk, Jimbo in chu thil ahmuh veleh chuan Terence chu apan hnai ve nghâl saih bawk a, anbul kan va thlenphei hnu chuan rum zet hian Terence nen chuan kan in en rén ráwn phawt a, ani chu ṭawngchhuak hmasa záwkah hian arawn ṭang ta a, "Bailey i ṭhat hmel hle mai, silai mu i tawrhna kha ala reiloh teh remg nen." A ti chhuak sup a.


"Terence thu ho tak tak kha chu skip zung zung teh ang, Khawiah nge Theo chu." Ka ti chhuak nghâl hrawih.


"Hei, heta hi a awm."
A piahlam chu a melh pah rulh a.


"Dad, i thil tih tur kha ti hauh suh ang che." Ti a min rawn au tu Theo hmel ka hmu chu min ṭhawng chiang khawp mai, "I kut hmawr pawha khawihlo tur khân ka hrilh che ani lo em ni?" Rum zet hian Terence chu ka melh pah khur a, chuti ang em em a Theo an ataksa a sawisak atawrh chu ka phal ngailo ang, heti ang hi kei apa ka la dam chhung chuan a tawn pawh ka phal hek lo.


 "Ka mi leh sa ten anlo khawih hman anih hi, hei chu ka awmhma thil ani a, mahse saw aṭha tih chu i hmu ani lawm ni?" Ngei awm zet hian anui sáwng zui nghâl a.


"Trade chu ṭan vat ang." Ka ti leh hrawih, chumi zawha  anchâkloh tur zia chu ka suangtuah pah bawk.


"Ka duh dan chiah a ni, engmah hmanrua pailo in rawn kal hnai la, ka ho te hian hmanrua i pai nge pailo tih an en dik chauh hnu ah che, Theo chu kan rawn chhuah ve ang."


"Engmah hmanrua ka pai lo, Theo kha rawn kal tir hmasa phawt la ti chuan ka rawn kal ve nghâl ang.


"Ka ât viau i ring em ni a Trey? I mi leh sa te ho sawn mi beih tumin an nghák reng tih te chu ka hre ve tho a lawm."


"Anih leh trade chu kan ti rual ang." Detroit chuan arawn ti ve ta hrawih a.


"A ṭha e, kan mi kawl kha rawn chhuah rawh u." A pawl te ho lam hawi pah chuan thu ape ta nghâl a .


Theo chu an rawn chhuah ta a, "Bailey rawn che ve ṭan ta che, chuti lo chu Theo sawn hnunglam aṭangin kah atáwk palh hlauh ang e."


Terence te lamah chuan ka phei ve ta nghâl a .


DETROIT .....

Trey, Terence bula kal ta leh mi pahnih ina akut hnungkhirh sak mawlh mawlh paha anhruai sawn lai chu ka thlir reng a, chét lâkna hun rem châng ka melh pah reng bawk.
Jimbo nen chuan kan la inmelh rum ngang mai, "Alan danah chuan heta kan thil tih tur chu kan zo tawh ni in ka hria." Jimbo chuan a rawn ti hmuk a, ka khabe dawm deuh rún rún pahin, "Ka ring chiah lo." Ti a ka chhân rual chuan rang mang kheng hian ka silai chu ka phawi dawk nghâl zawt a, Jimbo chaldarah tak chuan hmun leh hmun deuh thaw hnai set sawt tak aṭang chuan ka verh sak ta siah a, ka pawh chhawnlo in lei lamah chuan a thlu khu tulh, "Kha kha Trey tan anih kha."


Jimbo ka kâp thlu chiah indo kan ṭan ta nghâl a, "Clegg, boss kha va ûmzui rawh, ka lo cover ang che." Kan inrâlsai chiam hlawm a, tu nge kan mi leh sa ah chuan thi a, tu nge thi lo leh lam pawl an tlu hnem em tih pawh chu zânthim tak hnuaiah chuan kan hre thei lo, achhan chu light èng chhun kha kan silai mu leng vel chuan adeng fuh daih tawh a, silai mu kah chhuah laia a de eng tih mai loh chu zanin zet chu aimitthlawn chu nèp te ani ringawt.


Chuti ang a, darkar khat vek lai mai kan inkah hnu chuan areh ta duk a, ṭhenkhat kan hmelma lam pawl pawh antlân darh bawk, kei ni ho chuengtiklai mah a tlαn chhe ve ngailo kha kan ni miau a, Hunter chuan ka bul arawn pan a, "Ṭhenkhat chu an tlαnchhe hman." Ka lo ti hruih .


"Ka theih angtâwk arangin ka rawn kìr leh nghál vang vang anih hi, Theo pawhin safe house chu athleng ṭha e, khawiah nge midang ho hi?"



"Ka hre mai lo, Clegg chu Boss an hruai nalamah umzui turin ka tir ngei mai a."


Cooper chu chauh hmel zet hian kan bul.arawn thleng ve a, kan mi leh sa hruai te pawh an tlem ve pharh mai, damchhuak kan tam bik vak lem lo tih ka hre thei, "Cooper, Clegg khân boss chu ava nang hman em?"


Engtin mah min chhαng lo, ahmel ngui zet chu min hmuh a, "Eng nge thil diklo a awm em ni?" Ngaihthatlohna nasa zet nei chung hian ka ti chhuak nghâl hrawih.


Thâwk ala hawk a, "Clegg chu an kâp fuh a lawm."


"A ṭha em chu?"


Hunter leh Clegg hi khawilo kalchhuahna ah réng rèng pawh inkawp chawt ṭhin an ni a, Hunter chuan angaihtuah viau ang tih pawh ka hria.



Hunter chu a âu chhuak ṭhawt, angawi reng bawk, biak chi pawh ni rihin ka hre lo, "Aw le, hetilai hmun hi chhuahsan vat ila aṭhat ka ring, police rawn inrawlh hma ngei hian." Ka ti ta a, kan che ta vat hlawm a.


Hunter leh Cooper chu Hospital lama Clegg tlαnpui nghal vat tura ka hrilh hnu chuan ka kalsan a, kei erawh safehouse lamah Theo te chanchin hrilh turin ka kal ta thung a, inchhungah hmel ngui zet hian ka pen lût a, Zán arei tawh viau nâng achu Callie chu chan chin hriat duh avângin alo la meng kar, inchhung ka lût chu min rawn pan phei vat a,"Eng thil nge thleng khawiah nge Trey?" A lo ti nghαl.



"Fangs ho in an tlân pui hman." Thâwk ka la hawk a, hrilh ka huphurh zia ngaihtuahin ka sawi chhuak awlsam viau mai.



"I ti tak tak em, ka âwih thei dawn em ni?" A mengphar hle bawk. "An that ngei ang le." A khûr dawt dawt nghâl a.


"Callie inbengdai rawh, kan hruai lét leh dawn alawm."


"Khanglang che chuan, inbengdai tur te chuan min hrilh amaw, angam pawh i vahan ngam zâwk ve le, héng indo na intih reng mai avâng hian ka chau zo tawh."


A awrawl asân èm aváng chuan Theo pawh kan thawm hria in arawn tho chhuak ve nghαl a, kawngkhar inkalpawhna bula rawn dah pah hian, "Eng thil nge thleng?" Phâwk deuh hru chung hian arawn ti a.


"Fangs ho in i pa tŭnah hian an kawl mek anih chu."


"Hunter chuan in attack dawn tiin a sawi si?"


"Kan attack ngei alawm, mahse anni pawh anlo inring sa ve vek tho a." Ka ti leh hruih.

"Chuan thildang pawh ala awm....." thâwk ka la hawk.


"Emg nge?" Theo chuan arawn ti nghαl a.


"Clegg kah fuh a ni a, Hunter leh Cooper in midang ho nen hospital lamah an kal pui."


"Ka ring thei lo." Theo chuan ati chhuak hrawih, Callie alo ṭap chhuak bawk a.


"Kha hmun aṭang khân i pa chu kan hruai chhuah leh vat angai ang, hun a awm lo."


"Hunter kan mamawh a, Cooper pawh, chuan kan mipa te ho pawh koh khâwm belh an ngaih ka ring." Theo chuan ro arel fel zung zung nghâl a, Clegg lo awmpui tur chuan Francesca leh Tanaeya an lo awm theih mai ka ring.


"Frencesca te ka han phone ang a, Hospital awmna hi kan kalna lam tur tho a ni a, chuvâng chuan Hunter leh Cooper chu kan lam phei nghâl mai dawn nia....."


"Chutiang angaih ka ring tawh lo." Hunter leh Cooper chu hmel ngui fe huan anrawn lût ve nghâl chawp chilh a.


"Clegg chu eng nge a an?" Hriat chαk vak lém lo tak chung hian ka lo ti vat, achhan chu anpahnih hetilai an rawn awmtheih chhan chi eng dang vâng mahah ka ruat lo.


"Clegg chuan atuar chhuak zo ta lo." Cooper zâwk chuan arawn ti a, Hunter chu angawi rùn a, a meng sen rúm bawk, midang zawng ai pawh a tuarna tur chu Hunter hi ani réng a ni, achhan chu aninzui nasa ém ém a, khawiah pawh kal dawn se, anpahnih an nih zel ṭhin avângin, atân ahreawm zia tur pawh ka hriat pui vek, túna arilru a lian ver tur pawh phuba lâk châkna bâk anih ka ring lo.

Cooper thusawi chuan tu te pawh mai chu min ṭhâwng tak zet, âwih harsa kan ti lo thei lo, tùn aṭang chuan Clegg chu kan zìngah atel ve thei dawn ta lo, mahse athlarau erawh kan bulah engtiklai oawhin a awm remg thung ang.

Cooper chu pawn lamah achhuak daih, ka zui chhuak ve nghâl vat, mittui tlimg ṭeuh chung hian van lam athlir vung vung a, va panhnaiin "Hunter kan kal a ngai." Ka ngawi deuh dawt a, engmah chhânna Hunter hnen aṭang chuan ka dawng lo.

"Glegg kan chân tawh a, boss leh zel chu kan chân theilo ang, hei hi Glegg duhdan tak pawh ni in ka ring." Ka ti chhuak leh sup, thâwk ka la pah kâwk a.

"He thil hi ka tih leh theih tawh pawh ka ring lo." A aw ah chuan arilru nat zia alang chhuak a.

"Hunter aṭhawng tak zet che tih ka hria e, kan theih anga rangin boss hi kan hruai kir leh angai ang, chu chu Glegg chunga kan thil tih ṭhat theih hnu hnung ber pawh anih ngei ka ring, Clegg khân boss hruaikir atum na lamah anunna a chân phah a, chu athil tih hmabâk chu kei ni hian kan chhunzawm atùl a ni."

Boss kan hruai kir leh veleh, an zavai sawn Clegg laka phuba lâk nan kan that chimit vek bawk tur a ni, i pawm dan a ni em?"

"Tehreng mai, ka pawm e, ti ṭan nghal ang." Rum zet hian a ti chuak ve ta a.

THEO....

Hunter kal chhuak chu Detroit chuan azui chhuak ve nghâl.a, ka nu chu hnem duh viau mah ila, Hunter chu kan hre vek, Clegg kawm ber a ni a,  a ṭhianpa berin athihsan tákah chuan arilru lwt butin thil âthlâk tak ati duh mai ang tih hlauhna avângin Cooper nen chuan kan zui ve nghαl vat, mahse Dwtroit nen chuan pawnah an ding dùn reng kan va hmuh chuan kan thaw dùn huai mai, eng thu tak nge an sawi tih erawh kan va hre pha chiah lo nαngin, Detroit chuan athlém lungawi nimai hian kan hria, alehlam takah chuan kan pawlah chuan chhiatna nasa takin thla azar mék ani tih pawh ka hai lo.


Tùnah tak hi chuan Bronze Dragons leader ka pa ngei chu hmelma kutah a awm a, kan mipa te zinga ka pa rin ber te zing ami in thihna atâwk bawk a, kan buai nuai nuai niber hian ka hria, ngaihtuahna fim put pawh tùn dinhmunah chuan a harsa ṭalh tawh, Hunter leh Detroit chu anrawn inzui phei a, kan zavai chuan inchhung lamah kan lût leh ta dial a.

Ka nu chu alo la ṭap hlap hlap a, "Oh Clegg khawngaih thlαk."

"Ka hria asin mom." Ka nu chu han hnem vak ngaihna tak pawh ka hre lo.


Ka ngawi leh deuh vang vang a, ka nu lungchhe zualpui chu reh deih hlek se ka duh, chutih lai reilo te chhúng chuan tunah réng ṭawng chhuak leh thâwm dang siam kan awm lo, ka nu insut ri hraih hraih tih loh chu thâwmdang hriat tur a awm lo. Midang ho chuan ka thu pék an ngaichâng nimaiin ka hria, ka nu pawh azia awm ve ta deihin ka hria, alungchhe zualpui pawh areh tawh a lawm,"Mom, kan kal tawh ang e, ka pa kan lαk chhuah angai, i lo ṭha ang ti raw?"

"Ka ṭha veleh mai ang, kal ula, i pa chu va hruai chhuak mawlh teh u, saw hmun saw a awmna tur a ni lo."

Hmel ngui tak leh rilru nuam chiah lo chuan ka nu chu kan kalsan ta hlawm a.



SOFIA....

 Bang a sana inkhai chu ka melh sek tawh mai a, kawng kalh khum leh ka ni a, ka pa lah chu arawn kir thei lawk lo leh nghâl, dar sawm ari tawh rawn kir tih reng anei lo, dar riata rawn kal tur khαn Cassandra khân asawi si a, nge ni Cassandra chuan a dawt phuah chawp min hrilh leh mai mai zâwk?


Thinrim ru ṭeuh chung chuan ka vei tawn sek, ka awm hle hle thei tawh lo, túnah chuan ka suangtuahna mitthla zawng zawng te chu boruakah athαmral zo leh vek tawh, engtikah mah ka pa hian Ireland ah chuan ka kir leh aphal pawh ka ring tawh lo, hetah hian ka dam chhùng ka awm tawh ka ring, ka kham ṭan ta khawp mai, ka inthuamna hnâi sai lo zet te chu pawhthlér hlawk hlawk ka châk tawh, lo inthlâk leh mai zâwk ila aṭha ber ang, he thawmhnaw tight tak leh tawngchham zet hi ka mutpui thei lo ang, mahse engtin? Hei bâk thawmhnaw ka nei réng réng hleinem, adang chu inhnuai lamah a awm vek, uhh, mahse underpant nen chauh pawhin ka muthei reng tak a lawm, ka kawr phelh ka tum lai tak chuan kawngka inhawng thawm ka hre ta a, ka kawr pawh chu a hlip leh ta lo va.


Ka pa chu arawn pén lût chhurh chhurh a, "A hun tawh khawp mai." Ka lo ti bak hlar.


"Cassandra khαn thil ṭhenkhat chu alo hrilh tawh ang che tiraw?"


"Hrilh chiah lo."

"Hna pakhat min thawhsak tur ka nei a, chu chu i ti anih chuan, Ireland lama thlawhna thlαwk tur hmasa berah i haw thei tawh ang."


"Anih lo ti lo ta ila?"

"I tih duhloh chuan, eng nge i chungah lo thleng dawn tih hi i hre duh kher lo maithei a ni." Rumzeta mi melh chhuk khur pah hian ati a, ka pa hi apalian in asâng ṭha viau a, kei pawh hi sâng ve viau mah ila, ka pa chu ka chen lo nasa mai, Mr.Bailey pawh kha ka pa ang tho a palian leh rorum ani bawk.

"Ok, ok, eng nge ni a?" Ka ti ta a.

"A hma a i laka ka thu lo sawi tawh lantirna ṭha tak ani pah bawk ang a." A khabe chu a dawm pah rùn rûn a, achhìng deih duar duar bawk a.


"Ok, kal ila."


"I ti dik e, i kal bo vat hi aṭha ber ang, he ka mit hmuh phαk lo ah hian awm vat la aṭhat ber pawh ka ring."


"Kal ang le." Ka pa nen chuan kan inzui chhuak a, inhnuai lam chu kan panthla dùn ta a, min kalpui zel a, inhnuai ber tαnin a anhman lam chu min pan pui zel a, mak kati rilru deuh khawp mai, he hmunah hian min tân tir atum leh nge ni a, min thah atum tih pawh rindan thiam aharsa ta ṭalh mai, thâwk ka la hak a, "Dad, hetah hian engvângin nge min hruai? Ka hrethiam.hauh lo." Ka ti chhuak ta nge nge a.


"Sawtilam saw va hawiphei ve hrim hrim la maw le."


A tihna lam ka hawi phei chu ka phu chiang kher mai, "Mr.Bailey." makti in ka meng phαwk awn awn a, ka rinloh zetin Mr.Bailey chu a kut leh ke nghet taka hnungkhirh chung hian alo awm reng mai, chu thil thlen dân chu ka rinphâk bâk thil a ni. Engtin nge ka pa hian Mr.Bailey hi aman theih mai nachhan pawh ka hre lo hrim hrim, Cassandra sawi dân khân an inrem leh tawh a, Cassandra leh Theo chu innei turah ka lo ngai char char ani si a, eng thil nge thleng ta néih nuaih hi? Engmah hriat thiam rèng ka nei ta lo, ahma a ka chunga atihdan ang bawk hian Mr.Bailey chu abum chhuak ani ngei ngei ang, Theo hian ahriat pui ang em? Mahse Cassandra kha aduh hmel viau in ka hria, engkim mai chuan chhan anei veka hriatna hi ka nei.



"Eng thil nge thleng hi?" Kati chhuak ṭhat, ka pa chu mak ti zet hian ka en he haw.


"Ka thil hrilh che kha i la hria ang ti raw, hna pakhat min tihsak tur i nei ka tih kha, chu chu ka lakah i rinawm nge rinawmlo tih hriatna ani tel bawk ang a, a ni em?"


"Aw." Ti chiahin ka chhâng thei.


"Hei hi i hna chu anih hi!"

Mr.Bailey chu ka va melh zauh a, thâwk lâk hawk pah hian, alo chhìng sawk.

"Dad, ka hrethiam hauh lo?"


"Trey hi nang hian i that ang." Ka pa chu anui vur vur a.


"Eng maw?" Ka taksa pum chu akhûr nghâk hlawk hlawk, hlauhthαwnna namen loh hian chawplehchilhin min rawn tuam nghαl hlup hlup a, ka pa thusawi chu ka hresual anih te ka ring thut thut, engtin nge ka tih ang? Ka pawi pawh sawilo mihring chu ka that thei dawn em ni, chu chu thuhran, mi thah hrim hrim hi ka thil duh zawng ani ngai lo bawk, hei chu ka tih theih ka inring lo.


"Dad ka ti theilo ang, ka kalsawn nghâl zat.


"Lo kir leh vat rawh." Ka pa aw chu ahriamin avìn leh tawh kher mai, ka kallai chu ka din phah chawih.

Thαwk ka la halh a, ka dang te chu aro nghâl vek hian ka hre bawk a, "Mi tlαnbosan te hi i tum ringawt ang e Sofia."


Ka pa lam chu ka hawi leh a, amitah tak pawh ka en ngam lo, ka taksa chu akhùr zawih zawih bawk, "He thil hi ka ti theilo ang."


"I ti thei, chuan i ti ngei ngei bawk ang." Ka pa chu ring zet hian a αu a, min vìn khum hrep bawk.


"A ni anih loh chuan nang hi i ni mai."


"Eng ....
Engmaw i sawi?" Thlaphâng zet hian ka ti thâm deuh ṭiak a.


"Sofia, i pa thusawi kha engahmah ngai duh suh, a that hauh lo ang che." Mr.Bailey a hma zawnga ngawi renga lo awm chuan arawn ti ve bawk a.


"Bailey he thil ti tur hian eng ti anga rei nge ka lo nghah tawh tih leh, eng tiang takin nge ka tih duh ang tih hi chu hrethiam lo lui duh suh!"

"Kha hmeichhia kha i thisen ngei aṭanga chhuak i chi leh kuang ngei ani a, kei hi min that duh ani lo'm ni? Min that ta che, mahse kha i fanu erawh kha chu he thilah hian inrawlh tir ve suh!" A rawn ti a.


"Oh, ka fanu ah chu i va ngaihven ta ve, i fapa i neih tir duhloh kha amah ngei hi ani lo'm ni, tùna taka i ngaihven tâk viau le?"


"Eng thil nge ka lo tih tawh tih chu ka tih tawhin kal teh se, min that duh anih chuan, min that mai rawh, heta hi ka awm reng hi!"



Ka pa chuan ka lam chu arawn hawi leh a, rum zeta mi rawn enrùn pah hian, "I ti dawn em? I ti duh lo anih chuan, tùn aṭanga darkar khat chhung hian i patea chu a thi ngei ngei ang, vawikhat chauh phone call ka hmanna hian engthil nge athlen tih chu i hre duhin ka ring lo." Min tih khum leh khur khur a.


"I hun tâwp pawh athleng mai ang, a tαwp ber na a tân."


Ka pa chuan asilai pai chu rawn phawrh chhuakin ka lam hawi zâwng chuan arawn tin ta rùn a.


"Ok, ka ti ang, ka ti ang, min that suh!" Hlau zet chung hian kati ta chúl a.


"Anih chuan silai hi la la, tinghαl vat rawh."


Kut khùr dar dar chung chuan ka pa silai hùm lâi chu ka la a, ka kutin chu silai thira siam vawt thlar mai ahan húm tâkah chuan ka khúr nasa leh zual sauh!


"Ti vat rawh, mimawl nu."


Ka mittui chu a far zawih zawih a, ka kut khur hlak hlak chuan silai cheng chu ka kau rap a, "Pawi ka.... ti lutuk." Ka mittui ka bianga luang ngiai ngiai chung chuan Mr.Bailey lam chu ka silai ken chuan ka tin ta rân a.


"It's ok, Sofia, i tih tur chu ti tawp rawh."
Mr.Bailey chu ka ngaisang tak zet, chuti ang thinhmuna an dinlaia tunge chutianga midang hnemtu zawk ni thei ang? Ani chu chuti ang pawh nilo ka thil tih turah huaisenna mi la pe záwkin a thil tawn turah huaisen taka dingin, pâng ngai takin ala ṭawng chhuak thei zâwk chu ani si a.


"Heti ang nilo, kawngdang thlantur chu awm sela ka thlang zâwk tur hi a nia." Mr.Bailey anga huaisenna neih ve chu ka duh lutuk, mahse ka thei ve silo, ani chuan amit menga mi hriatthiam hmel zet hian a bu nghut nghut a, hlauhna pakhatmah anei lo.


Mr.Bailey silai a ka tinna ka kut chu ka húm nghet leh sauh a, ka kut khûr nasa lutuk chu pαngngai tir hrâm hrâm ka tum, "I silai mu kha kâp chhuak vat mai rawh." Ka pa bawk chuan dawh theihloh hmel zet hian arawn ti keh tuarh a, eng thil nge ka rilru ah awm tih pawh ka hre lo, ka inher zawk a, ka pa lamah chuan ka silai ken chu ka tin ta zαwk a, ka oa makti hmel chu fiahlp riai hian ka hmu a, ka mittui te chu ahul nghâl vek bawk, Mr.Bailey hian thih aphu hauh lo, hmanni lawk khân ka pa vângin thi ṭhelhin a awm tawh a, ka pa hian atuar ahun ve tawh tak zet, "Eng thil nge maw ti a i han inhriat hrep chu le?" Ka pa hmela maktihna leh thinrimna inpawlh chu ka hmuh hmaih hauh lo. Chu ka thil tiha ka inchhír leh hma ngei chuan ka pa taksa ah chuan silai mu chu ka kâp chhuak ta zâwk a, thilthlen dan chu arang teh thut lutuk, engmah thil thlen dân chu chiangin ka hre hman lo, ka pa chu leiah atlu thlawr a, ataksa aṭang chuan thisen ṭha hnem fe hi arawn luang chhuak ngiai ngiai a, eng thil nge katih tâk hi, min hring tu ka pa ngei chu ka kutin ka that ta tihna em ni? Hlauhthâwnna hlìrin ka khat, ani theilo, ka âwih theilo, kei hian ka pa chu ka that tihna maw ni a? Tu lakah mah silai chelek hi ka duh ngailo asin, ka vahan bawlhhlawh ta ve le.


Season 3 kan hnaih ve tawh lutuk ania, season 3 aṭang hian angaihnawm chho char char tawh ang, lo chhiar ṭâng ṭâng rawh u. Alexandra aṭang hi chuan M&B kan tih ang chi deuh khân a inṭan chho tawh dawn a, Italian mafia lamah kan kal leh tawh ang, Alexandra hian anhmelma kum hlun Terence chhungte Romano chhungkua ah khân ava intulut dawn a, motor accident avangin ahriatna ahloh vek a, tunge anih tih leh a awmna hmun leh tunge ahmelma te tih atheihngilh vek a, chuti ang bawk chuan Luca Romano te lahin tunge anih tak anhre bik silo, anpahnih inkarah chuan hmangaihna apiang a, chumi hnu ah chuan tunge anih tih anhre chhuak leh ta si, engtin nge Alexandra hi an tih dawn Luca Romano hian apatea thattu chhúngkua zing ami ani tih ahriat chhuah hnu hian Alexandra hi eng tin nge apawm theih tawh ang, hmelma inhuatna nge chak záwk hmangaihna? Heihi season 3 a akal dan tur tlangpui a ni e.


Season 4  Luca Romano cousin leh aṭhianṭha tak nibawk Jonas Black company lian tak mai nei chuan hmeichhe pakhat Sierra chhung leh khat tumah pawh nei tawh lo hmeichhe khawngaihthlâk zet mai chu a tawng a, hemi te pahnih hi mipa leh hmeichhe inngeihlo tak an ni a, he nu atawn dan ber chu a hotela hnathawk a ni a, tihpalh thil thu liau liau ah a hotelah hian an intawng a, a retheih zia chu Jonas chuan ahriat pui reng, chu chu remchangah hmangin Jonas pu ina thurochhiah aziah nupui aneih vat loh chuan he company ro thil zawng zawng achang dawn lo tih chu ngaingam lo in tihluihna nen Sierra chu vau in inneihna lem aneihpui ta a, mahse an inneih hun azawh chuan thurochhiah chhiartur diktak alo awm leh chu niin an han chhiar leh chiah chu chu anupui chuan an inneih aṭanga thla ruk hnu ah nau apai ngei ngei tur ani tih alo ni si, Jonas hian a pawm thei ang em? Jonas hi chu Nupui neihlam ngaihtuah ngailo leh, hmeichhe kawp thlâk zung zung chi mihring a ni si a, fa aneihloh chuan aro khawm tur achân dawn bawk si, chumi karah eng ang buaina nge lo thleng zel, Sierra chhungte thah mang sak tu hi Jonas nge ni a Lucas he thu Sierra in ahriat chhuah hnu hian engtin nge Jonas hi angaih ang?

Heti thleng hi nirih rawh se aw.