SEDUCTIVE CHAPTER 13

• SEDUCTIVE CHAPTER 13

He ka thawnthu hi alink nen anih loh chuan khawiah mah copy ka phal lo a, in copy anih pawhin a link nen zel ni se, achhiartu te pawhin hetilai hmunah hian chhiar se tih kha ka han sawi ve zauh duh a ni e.


Ka lam a rawn hawi a, "Engmah ani lo, ka lu a na deuh hlek a, engmah ngaihtuah tur a awm lo." Ati leh daih, ka hrethiam thei lo.


"Khawngaihin mu turin kal tawh rawh." A aw zαwi sup leh damthlup chuan ati leh sup a.


"I tih tlat chuan le." Lungawilo ru zet chuan ka kal pèl a, ka inher leh a, "Wesley ! Good night." Ka ban ka vai zauh.


Mi rawn chhân let ve nân chuan alu min bûk khum nghut a, mahse kan inkar chu ahla tawh lutuk tih ka hmu vek, achâng chuan kan inhnaihin kan inpawh viau ṭhin a, a lu bur chu chhum chhah tak ang ni in a ngaihtuahna thluakbur chu ka thleng pha ngailo niber in ka ngai tawh.


Amah erawh chu zanin chuan ka chantαwkah hlimna hlírin ka khat a, tui takin ka mu dawn ani tih ka chiang reng, achhan chu kha ahmui lum thar thar mai fawh nuam zet leh amit mu rawh gray colour nalh zetin a duh hmel zeta min rawn enchhukna leh hun reilo te chhung min hmangaih ve a rinna ka neih kha ngaihtuah chhunzam tur ka neih miau avαng in.


Chu hmangaihna chu hmangaihna ah pawh anasa ber pawl anih ngei ka ring bawk.


THE NEXT DAY....

WESLEY'S YACHT...

Muang chângin ka mit ka meng chhuak a, khua avar vek tawh ani tih hriat tak hian room chhúng pawh alo éng kukh tawh a, zan khua in keimah chauhin ka mu tih pawh ahriat vek.


Zan lama thil thlen dán hriat nawn tum tak chuan ka chhìng leh deuh vang vang a, nizan a thil thlen dán zawng zawng chu atak thleng nawn leh ang mai hian ka hre chhuak thar nawn leh vek, nizana thil thlen dán zawng zawng kha intiamna ani thei ang em?


Kan pahnih a naute adopt a enkawl dun tur chuan kan ti thei meuh ang maw? Achhan chu nizan khân 'aw' tiin ka lo chháng ve mai pek a, chumi awmzia chu kei ni pahnih hi naute nu leh pa kan ni dawn si a.


Ka lo pawm na chhan nibera lang ta chu kan pahnih in kan inkawpin kan awm dún dawn ani tih ka lo ngaihtuah tel loh váng a ni.


Túnah chuan ka thil lo thlanah chuan ka inchhir leh hnu hnawh a, amah erawh chu inchhírna avángin kha mi hun ah khân ka kír leh thei tawh si lo.

Thil engkim ka tih chingpen loh hrâm beisei phawt rih mai ang.

Tháwk lák raih raih pah chuan ka meng chhuak a, thil pakhat ka hre chhuak lawng chu akal tawh miah lo a ni tih hi, rei tal chhûng ading ngei tawh ang le, ka tho chhuak thuai a, "Lawng rei tak chhúng a kal tawhloh dánah lawng chawlhna ngai kha kan thleng leh tawh a ni ngei ang." Ti a phunchhuah sap pah chuan bathroom lam ka pan phei vat a, Shower chu ka herh haw nghál a, tuilum nuam zet chuan ka inbual sar sar, rei tak uluk zeta ka inbual hnu chuan ka chhuak leh a, ti chuan ka harh vák tawh mai, engkim chu ka hmu thar sar vek tawh. thawmhnaw dahna lam chu ka pan phei  ka han hawng chiah, ka phu nasa kher mai, "Hei chu ani theilo hulhual." Chu thawmhnaw dahna chu ka melh tlawk tlawk, "Thawmhnaw awm zawng zawng te hi a man ato hlswm ngawt ang le." Tháwk ka la halh a, chuti ang thawmhnaw to tak tak chu inlama ka closetah hmuh tur oakhat tĕ pawh a awm ngai lo.


"Wesley chuan engváng a heti ang a pawisa seng vak vak nge maw anih mai chu le? Ugh!" Ka chal ka dawm pah zauh a.


Nge ni ......girlfriend hi a nei ang a....anih loh pawhin hmeichhe hmangaih tak te hi anei záwk? Chuváng pawh chu ani maithei hetilai hmuna thawmhnaw manto tak tak chihrang hrang he a lawng chhunga a awm nachhan, chu bák han hrilhfiah vak dán tur a awm âwm rèng rèng ka hre lo. Chhûngril aṭang hian keimah a thíkna awm chu arawn chhuak a, thík thei ka ni hauh lo, engvànga lo thîk ve ngawt nge maw ka nih le? A ni te chu mihausa tak leh hmeltha zet mai, chutah tlangval ala ni bawk, aduh duh a kawp thei ang chu! Chu mi ani emaw hmeichhe laka player ve mai ani maithei bawk, engmah thu taka kalpui duh rèn rún lo chi ang hi! Focus Elo. Ka hmui ka pet zauh a.


Eng pawh ni se, heti ang a bad boy emaw Player emaw mipa hi ka la hre ngai hauh lo mai, amah ah hian chuti ang anihna pawh chu ka hmu chuang lo.


Mipa diktak leh thutak rûn reng mai ni maia hriatna ka nei tam záwk fe.


Mipa eng thil nge aduh tih hre tu leh engtikah nge aduh tih leh engtin nge aduh tih hrechiang tu chu!


"Chuti ang mipa,dik tak chuan hmeichhe dik tak an mamawh a, Elo nangmah ang a hmeichhe ṭahbelh nilo hmeichhe tuarchhel tak ani an mamawh záwk tak chu!"


Oh, theihnghilh daih rawh. Mahni leh mahni chu ka inhrilhru mawlh mawlh a, kawr chu in rnchhin ang hmiang, he kawr aváng hian ka rilru ka sèng nasa bawk a, thawmhnaw manto hmel zet zet inkhái tlar tuar chu ka keu dan dan a, atâwpah chuan wool ṭha chi aṭanga siam kawr lum phiar fual dum nalh zet mai malpui thleng vel ṭawng ṭawng tur chu ka thlang chhuak ta a, ka inthawlh nghâl zat, ka sam chu hnung lamah sang ṭha veh vawh tak chuan ka ṭawn a, lipstick ka inhnawih leh hnu chuan ka phei khawk bun ngai chu bun lehin room chu ka chhuahsan ta a.


Receptionis nu chu pawnah alo ding reng tawh a, va pan pheiin, "Min lo hrethiam lawk, Wesley hi khawiah nge akal i hre mial lo maw?" Tiin ka va bia a.


"Mr.Cooper chu tukin zing dar ruk khân a chènna in lamah a inkhalh haw daih tawh a lawm."

Eng a, a nih túnah hian dar engzah nge ri tawh?" Ka hmel a mak tihna akhat chung leh menphâwk hra pah chuan ka ti chhuak chûl a.


"Dar 12 a ri tawh, i rawn thawh chhuah hun kan lo nghák reng a." A nui pah var var a.


Ka zak kher mai, Wesley chuan engvánga achhuahdawn a min kai tho ve mai lo nge anih tih zawhna lian tak keimah ah a awm rán bawk.


"Breakfast i ei leh zet duh. Phawt ang em?"


"A ngailo ang ka lawm e."

Wesley a awm tawh loh hnu phei chuan engmah beisei ngam tur pawh ka ni tawhin ka in hre lo.


Engvânga min lo kalsan kher kher nge maw anih chai chu le, ka purse ber lah chu ka insiam ka hmanhmawh luatah inlamah ka theihnghilh daih tih nizan khán ka hre chhuak a, taxi lakna tur pawisa pawh ka nei si lo.


"Tûnah chuan ka....."


"Ni e, tûnah i kal duh anih chuan he lawng aṭang hian i chhuah veleh Mr.Coopera'n i chuanna turin limo a hire sak che a, lawng páwnah sawn anghák reng tawh che, ani chuan engmah buaina awmlo in inthleng athlah ang che."


"LIMOUSINE maw?" Mak ti zet hian ka ti chhuak chûl a.

Chu nu chuan za zet hian min lo nuih a,  ka hre chhuak leh thut, limo chu anih ngei ka ring, achhan chu Wesley nupui hual kha ka ni miau a, "Yeah, tehreng mai, limousine chu aṭha khawp ang." Ka aw pâng ngai thei tur ang ber chuan ka ti leh a.


"I kal bo chhung zawng khân he yacht ah hian hun nuam tak i hman ngei ka beisei."



Nuih lét ve sak pah hian, "Engkimah khân ka lawm vek e, chuan lo sawi chhuahna châng ka hriatloh avâng in pawi ka ti takzet bawk, he lawnga hun ka hman dán zawng zawng kha anuam vel vek ka ti ve ta sap a.


"Miss ni ṭha tak nei ang che."

A tih leh hnu chuan lawng chu ka chhuahsan ta a.


Ka awm dan kha mawl ka in ti ru ngawih ngawih, engvâng a mawl viau ṭhin nge maw ka nih chu le?

Limousine chu ka tân chuan aṭha mah mah tlat, chuti ang car chu ka la hire ngai hauh lo, ka pawisa leh lek phei chuan.


"Ka mawl ngawih ngawih, ka mawl hlum lo chauh." Ka phun pah nang nang a, mahni leh mahni intih mualpho chawp hi chu ka nuna bet ve réng ni in ka hria.


Achhan ni bera lang chu Wesley hian ka tαn liau liau a inlama min thlah hâwng tura limousine min book sak chu ka rin loh lutuk vâng a ni ber âwm e.

"Oh, pasalah ka nei dawn alawm le."  Lawng ka chhuahsan velwh limo lo ding rán chu ka hmu nghâl a, ka pan phei ve nghâl vat a, chauffeur chuan ka luhna tutin kawngkhar min lo hawn sak vat bawk, ka thawmhnaw ken ka hâk tâk miah loh tlèm te ka pack ho chu motor hnungah adah hnu chuan limo chu atlán ṭan ta nghâl a, chuan anuam kher mai, milian ho chuanna tih hriat remg reng hi a ni a, achhúng chu apui viau bawk, tui sik intur ei leh in kam ram lam leh intur chihrang hrang a awm thluah bawk, wine awmte chu a man a tam viau in ka ring, ka inchâk viau a chu tui ka mamawh záwkin ka hria.


Chaufeur in a kan in bul min thlen pui hnu chuan ahmela mak tihna chu thup miahlo in a lan tir a, ka hrethiam khawp mai, achhan chu limo car a chuang pha chin chuan penthouse emaw mansion in lian tak leh chângkâng zet ka neih aring ani ngei ang, mahse chuti ang chu nilo in in pâng ngai ve tak leh ṭha hranpa lem lo tak kawt ah ka thlenpui ta si a,eng pawh chu ni sela, Mr.Cooper hnuai a thawk ka ni a, a nupui hual ka ni bawk a, zahna,tur ka neilo tiin ka inhnèm vel ta mai mai a.

Goodbye tih thu ka sawi chhuah sap hnu chuan a in trun a alo kalna lam pan chuan a inkgalh haw ve leh ta a.


Kei pawh chu kal kawng thui lutuk avαng nge ni ang ka châu tak zet, zawi zet chuan inlam chu ka pan chho ve ta a.

Inchhung ka lùt chau zet hian ka room lam ka pan chho nghal a, ka pi chuan breakfast alo ei tawh beisei phawt teh ang, ka phone chu ka check nghâl thuai a, lawng chhunga kan awm chhúng zawng khαn ka phone vawikhatmah ka khawih lo, signal a awmloh vângin, mak ti zet hian ka phone screen a én chhung chu ka melh kâwk kâwk, "Oh, voice message tam tham zet leh missed call ṭha hnem tâwk tak." Ka phun chhuak pah sap a.


Lawng lama ka awm chhung zawng khân ka phone in signal ahmuh loh char char avânga chúng chu awm tih pawh hrikh hran ngailo inka hria, a hmasa aṭang chuan ka enthla ta diat diat a, vawi sawmgnih pakua zet Lola hnen aṭangin missed call ka dawng bawk, râpthlâk zâwkin.


Eng nge thleng ta ém èm ni?



A voice message hi ngaithla phawt ila tih ngaihdân neiin a voicemessage zâwk chu ka ngaithla ta a, "Hi Eleanor rawn call che ka tum a, mahse ka call tlang theilo che a, i theih veleh arang thei ang berin min rawn call nghâl ang che."


Ka phone a ahming ka saved chu ka dial ta nghál a, ka phone arawn pick veleh chuan,"Lola i ṭha maw?" Ka lo ti nghál thuai a.

"Pawi ka ti lutuk, connection ka neih loh lai a nia." Wesley Cooper nena hun kan hman din dan leh kan kalma tih ang reng vel kha tumah ka hrilh hauh lo ang, achhan chu anunah eng ang buaina mah thlen belh tir tu nih hi ka duh tawh lo, achhan chu amimal hna ka khawih tam ṭan tawh dawn a, ka tán pawh lo sawi chhuah zel mai aremlohna chin a awm tawh dawn, achhan chu Wes hian amimal nun ah pawh eng emaw chenah chyan min seng lût ve tawh dawn a, atána pawi thei thil ka lo sawi chhuah te pawh ahlauhawm a engkim mai Lola hnènah chaun ka sawi chhhuah vek zel nachhan tur pawh ka hre hran lo a ni .


"Ka ṭha e, khawiah nge i awm a? Vawi sang chuan rawn call che ka tum tawh, mahse ahma ni zawng khân ka call tlang thei hauh lo che, alan danin tuipui chunga awm ang mai alawm i nih le."


He nu hi chuan arin dân hi akal pui dik thei ngawt mai, mahse ahriat vâng pawh nilo in a risk ve mai mai tih erawh ka hre reng thung!

"Ka hrilh tawh ang che khán engmah a ni lo, min han hrilh tawh teh, i thu min hrilh tur chu eng lam pang nge ni rĕng réng?" Ka ti veleh a.


"Ka....well....thil pawimawh zet mai hrilh tur che ka nei a." Ati bah deuh niaih a.

"Ka ngaithla reng e." Lola nen pawh hian inhre chiang tawn tur chuan kan inkawm ngun táwk tawh a, hetia aṭawng bah deih niaih tawh hi chuan thil eng emaw a awm ṭhin cháwk.

Tháwk ala hak ri chu phone aṭang chuan ka hre thei a, eng tak ni ang maw? A sawi hreh dánah chuan, "Phone a sawi mai mai chi pawh ani lo, kan pahnih a hmaichhana kan sawi dun ngei aṭha ber ang."


"Eng nge i thusawi awm zia chu Lola?"

A reh vang vang a, "Ugh, Lola, he thil hriat chák avâng hian min that mai dawn in ka hrua túnah hian, chu chu i hria em? Khatia i tih vel avâng khán hriat ka chák phah sauh a nia aw." Ka ti deuh hmarh hmarh a.

"Pawi ka ti lutuk Elo, mahse tùnah chuan ka hrilh thei tlat lo che, zanin hian i inah rawn kalin personal takin engkim ka hrilhfiah vek dawn che nia, chu chu aṭha ang em?"



"A ṭha e, engkim adik vek beisei phawt ila." Ka ti ve ta sap a.


"A nih zanin chuan inhmu ngei ngei ang aw." Phone chu ka cut ta a, eng chung chàng tak ni ang maw? Angaihna leh rinngaihna ka hre hauh lo.


Ka phone chu ka bih leh a, "chuan message ka dawn lehna chu...."


Engtin nge anih theih zâwk ka uncle hnèn aṭangin ani teh mial a, mak pawh ka ti záwk hial mai.

Ka enthla leh zèl a, "Message dang leh bawk, Wesley." Ka phone ka thlauh ṭhelh a, ka khum ban chu dawm hmanlo ila chuan ka tlu thawrh hrim hrim ang, "Ough, engvânga Wesley tih emaw Mr.Cooper tih emaw hming ka hriat aváng mai mai a phu vak ṭhin nge maw ka nih chai ṭhin chu le?" Ka kut leh lam chuan ka chal ka dawm deuh zauh a, tháwk ka la pah káwk káwk bawk.

Kut khûr hlak hlak chung chuan amessage chu ka hawng a, Miss Garcia, darkar thum leh minute li leh second 7 in i hna kal i tlái a nia, i rawn thlen veleh  khawngaihin i rawn tlái chhan i rawn sawifuah ngei angai ang, he i hna chân hi i duh lo anih chuan a ni em? Tunah chuan darkar 3 leh 4 minutes leh 20 second in i tlâi leh tawh a nia, hun hian anghák reng theilo che, sana chu akal dán ngaiin a kal reng ṭhin,TIC TAC TIC TAC...

"Hei chu thil âtthlâk ber ani hial ang." Ka áu chhuak deuh tuarh a.

Hmanhmawh zet chuan in aṭangin ka tlán chhuak a, offfice lam pan chuan ka inkhalh chhuak nghál ta vat a, ka rilru hmanhmawh lutuk.chuan.engkim mai chu rei min tih tir vek tawh, hmanhmawh ru ṭûn leh sawi chhuak thei bawk silo in ka awm a, trafic jam reilo te han awm ringawt te chu ka haw hlur tawh mai, ka ṭhu mai mai theilo a ka che sek bawk, tûna ka rilru a lian ber chu office hmun thlen thuai thuai a ni.


Mottor ka pârk hnu chuan conpany awmna lam panin ka tlân leh hlawk hlawk a, nidang chu ni se chuan kan motor park na ṭhin lwh company awmna building chu inhnaih ka ti leh hle âwm si a, mahse tûn ṭumah zet hi chuan a inhlat ka ti ngawih ngawih tawh mai a ni.


Chu company leh motor kan parkna hmun hi building hran ani a chu a inhlat teh choam chuan lo, pen sawmgnih pawh atling dawn em ni tih tur hi a ni a, motor ka park fel veleh chuan hmanhmawh zetin conpany awmna lam pan chuan ka tlán chhuak leh a, chutih lai tak chuan ka lam.pan hian car pakhat a rawn tlán a, ka bul arawn thleng zui chawpchilh ani mai, ka rilru a hmanhmawh èm avâng chuan ka lam panin car arawn tlán tih pawh ka lo hmu lo a,  achhan pawh ka tlái lutuk tawh aváng chuan ka tlái na lam ringawt ka ngaihtuah ber, chutah hmanhmawh zetin kawngpui kân turin ka tlân ta chu a nia, chu ti anga hmanhmawh zet leh engmah ngaihtuah lo a motor kawng a tlân chu ka inchhír kher mai, ka ding chawih a, atlái lam hrat chu a ni e. Motor break rah chîk tuarhin azui a, ka phu chiang lutuk, engtin choah nge ka awm pawh ka hre tawh lo.


Zanin a ka rawn dah zawng zawng hi pakhat mah ka edit hman lo a, inchhiar pahin lo edit rih mai rawh u aw.